བོད་ཡིག

e-texts produced with BDRC’s OCR application

rgya gar skad du/ ka ya ba ki tsi pri tastam+b+ha na bi dza yA d+hA ra Ni/ bod skad du/ lus ngag yid gsum bcings pa las rab tu rgyal bar byed pa zhes bya ba'i gzungs/ bcom ldan 'das thams cad mkhyen pa'i rgyal po la phyag 'tshal lo// rnam par rgyal ba'i khang pa'i gnas su/ bcom ldan 'das la lha'i dbang po brgya byin gyis gsol pa/ kye btsun pa bcom ldan 'das khyed ni thams cad mkhyen pa'i gtso'o// lha ma yin gyis bdag gi lus ngag yid gsum bcings pa las dgrol du gsol/ bcom ldan 'das kyis bka' stsal pa/ brgya byin khyod kyis ngal gang dag zhu ba de legs so// de'i phyir legs par nyon la yid la gzungs te/ 'di nyid la nan tan du gyis shig/ gang dag lus ngag yid gsum mnan pa dang bcings pa de la ni nam yang bde ba'i skabs mi 'byung bas/ rig sngags 'di'i mthu dang / ting nge 'dzin gyi nus pa dang las tshogs gnyis las byung ba'i 'bras bu thams cad nyams par bya ba'i phyir dang / 'jig rten pha rol gyi yon tan dang / bsod nams dang / bde ba'i 'bras bu nam yang 'byung bar mi 'gyur te/ 'di ltar nyi ma'i 'od zer phun sum tshogs par gyur kyang / sprin gyi dbang du byas pa bzhin no// de bas na lus ngag yid gsum bcings pa las grol bar byed pa'i thabs la brtson par bya'o// de ltar byas na bcings pa 'am mnan pa las grol bar 'gyur te/ sgron me'i 'od kyis mun pa sel ba 'am/ me lce'i nus pas nas thams cad sreg pa 'am/ seng ge'i skad kyis ri dgas thams cad zil gyis gnon pa bzhin du/ rig sngags chen mo 'di'i byin rlabs kyis bcings pa thams cad las grol bar byed do// de'i go rim ni 'di yin no// oM hrIHbadz+ra dz+wa la sarba karma/ bdag gi lus ngag yid gsum byad du bcug pa dang / bcings pa dang / mnan pa dang / nus pa bshig pa thams cad khrol bar gyur cig/ oM badz+ra ts+tshin+d+rA ya ha he hUM phaT/ gzhan gyi sbyor ba ngan pa thams cad las bdag rgyal bar gyur cig/ oM ma ma sarba b+hi d+ha b+hing+ga/ dza ye dza ye/ bi dza ye bi dza ye/ a dzi ta a pa ra dzi ta ye ma ma b+he s+t+ra pra mar+d+ha/ ha ye mam hUM phaT/ gzhan gyis mi thub pa'i rig sngags chen mo 'di gang dag bdag la sdang ba dang / log par sems pa thams cad zhi bar gyur cig/ oM shan+ting+ka ri ni sem ma badz+ra/ dz+nyA na pra yats+tsha yaM/ ma ma b+hi d+ha ra ya/ ha ha he he hi bi hUh+na/ pra kar nas rba tsa la sarba badz+ra rak+Sha k+Sha phaT swA hA/ brgya byin gang dag rig sngags chen mo 'di'i phan yon ni/ 'di lta ste/ 'khor lo gang gis lus la 'chang ba de'i lus ngag yid gsum bcings pa las grol cing nus pa dang mthu dang ldan par 'gyur ro// 'di lus la 'chang ba de'i grib ma gang la phog pa 'am/ rlung gi rdzi phog pas kyang de'i lus ngag yid gsum bcings pa las grol bar 'gyur ro// 'khor lo 'di grong khyer chen po'i dbus su rgyal mtshan gyi rtse mo la btags te/ mthon po'i dbusu phyar na de'i grib ma phog pa 'am/ ser bu'i rdzi phog pa de'i bcings pa yang grol bar 'gyur ro// khron pa 'am/ chu mig gam/ lu ma 'am/ 'bab chu 'am/ lteng ka 'am/ mtshe'u'i chu nang du yi ge 'am/ 'khor lo'i gzugs 'chang bar bya/ la/ chu de dag 'thung ba rnaMs kyang bcing pa thams cad las grol bar byed// sgo khang gi ya them la btag pa 'am/ bsil gdugs kyi 'og gam/ zhwa'i nang ngam/ gos kyi gong pa la btag pa de'i 'og tu 'dug na yang bcing pa las rab tu grol bar 'gyur ro// de'i phyir rig sngags chen mo 'di khyod kyis gzung bar bya'o// de nas lha'i dbang pos gsol pa/ kye ston pa bcom ldan 'das// rig pa'i rgyal po gzi brjid can// kun la phan phyir leg par gsung // rig sngag mchog la phyag 'tshal bstod// zhes bstod // brgya byin la sogs pa'i 'khor thas cad yi rang ste/ bcom ldan 'das kyis gsungs pa la mngon par bstod do// lus ngag yid gsum bcing pa las grol bar byed pa zhe bya ba'i gzung rdzogs so// rgya gar gyi mkhan po paN+Di ta ga ya d+ha ra dang / bod kyi lo ts+tsha ba shAkya ye shes kyis mang yul byam sprin gyi gtsug lag khang du bsgyur ba'o// // mang+ga laM/ zhus da/