<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Ng52.153: <br><table><tr><td>
<input type="button" onclick="location.href='tcompletep.php?id=Ng52.153&coll=Ng&volcur=0';" value="show page break" />
<td width=150><td>
<input type="button" onclick="location.href='tcompletel.php?id=Ng52.153&coll=Ng&volcur=0';" value="show line break" />

<td width=150><td>
<a href="tcompleteu.php?coll=Ng&id=Ng52.153&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">#// byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dab
 phyag la phyag 'tshal lo// sdig sgrib ku 'joms kyi gzungs 'di ni// thugs rje chen pos 'khor ba dong spyugs kyi rgyud le'u lnga bcu
 rtsa brgyad pa'i 'phrin las kyi le'u nyi shu rtsa bdun pa nas gsungs so// de nas bcom ldan 'das de bzhin gshegs pa 'od dpag
 med kyis mkha' 'gro ma gar gyi dbang phyug la bka' stsal pa// shar phyogs kyi 'jig rten gyi khams grangs med dpag tu med pa/
 'das pa na/ 'jig rten gyi khams mi mjed ces bya ba yod de/ de nags pa'i sems can rnams nyon mongs pa rags pa bgrang bar
 dka' ba/ gdul dka' ba// mi dge ba bcu la spyod pa/ mtshams med pa lnga la spyod pa/ bslab pa gsum yal bar dor ba/
 dkon chog gi dkor la bab col du spyod pa'i sems can rnams la phan par bya ba'i phyir/ khyod kyis sdig sgrib kun 'joms
 kyi gzungs 'di gzungs shig/ chongs shig/ lhogs shig/ sdig pa can la ston cig/ 'di la gces sbas gyis shig/ bcom ldan 'das de
 bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po la phyag 'tshal lo// bcom ldan 'das ni/
 bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa'i dpal brtsegs rgyal po la phyag 'tshal lo// bcom ldan
 'das de bzhin gshegs pa dgra bcom pa yang dag par rdzogs pa'i sangs rgyas yon tan shin tu brtan pa nor bu brtsegs pa'i rgyal po la phyag 'tshal lo// bdag
 gis ris sngags 'di grub par gyur cig/ oM bi su la gar+b+he ma Ni pra b+he// ta thA ga ta d+ha ri sha ni// ma Ni ma Ni su pra b+he bi ma la saM ga ra gam bI rahUM hUM dza la dza la/ bud+d+ha
 bi kho ki te gu h+ya/ a d+hiSh+Thi te gar+b+he swA hA/ pad+ma d+ha ra a mo ga dza ya ti tsu ru tsu ru swA hA/ bdag ming 'di zhes bya bas che 'khor ba thog mtha' med pa nas bsags pa'i sde
 pa dang sgrib pa dang / las ngan pa'i rnams par smin pa dang / nyon mongs pa dang / sdug bsngal ba dang // bag chags ngan pa'i tshogs thams cad byang zhing dag nas/
 sangs rgyas kyi go 'ayang myur du thob par gyur cing / bde bar gshegs pa khyed sku co 'dra ba// 'khor dang sku tshe tshad dang zhing khams dang // khyed kyi mtshan mchog
 bzang po ci 'dra ba// de 'dra kho nang bdag kyang 'gyur bar shog/ rigs kyi bu 'am/ rigs kyi bu mo 'am/ 'gro ba gang yang rung ste/ sdig sgrib kun 'joms kyi gzugs/
 'di ni nyin re zhing brgya rtsa brgyad bton na/ mi mthun pa'i phyogs bcu gsum 'jigs pa'i nus pa yod do// bcu gsum po gang zhe na/ mes mi tshugs/ chus mi tshugs/
 g.yang la mi ltung / thog rje ba mi 'gro// rlung gyis mi 'dod/ dug gis mi tshugs/ dug sbyar mas mi tshugs/ gza'i gnod pas mi tshugs/ byang sde gyis mi
 tshugs/ dus ma yin par 'chi bas mi tshugs/ pha rol gyi dmag tshogs kyi mi tshugs/ rims drag pos mi tshugs/ rgyal po'i chad pas phog ste
 'chi ba'i dus byed par mi 'gyur ro// gzhan yang yon tan bcu gsum thob ste/ bcu gsum gang zhe na/ rigs kyi bu 'am/ rigs kyi bu mo de nyid gzugs bzang bar
 'gyur ro// dbyangs snyan par 'gyur ro// ting nge 'dzin khyad par can rgyud la skye bar 'gyur ro// sems can gyi don dpag med nus par 'gyur ro// 'phrin las
 thams cad la thogs pa med par 'gyur ro// de'i las kyi rnam par smin pa thams cad byang bar 'gyur ro// 'khor dpag tu med pa dang ldan par 'gyur ro//
 longs spyod zad mi shes pa dang ldan par 'gyur ro// tshe ring bar 'gyur ro// bstan bcos thams cad la thogs pa med par 'gyur ro// de bzhin gshegs pa thams
 cad la mchod pa byas par 'gyur ro// sangs rgyas thams cad kyi sras su 'gyur ro// yid la re ba thams cad yongs su rdzogs par 'gyur/
 ro// de ltar mi mthun pa'i phyogs bcu gsum 'jig cing / phan yon bcu gsum thob ste/ skye ba 'di yi 'og rol tu bde ba can du 'jig rten gyi khams su skyes
 nas/ phyir mi ldog pa'i 'bras bu thob par 'gyur ro// de ltar yon tan bcu gsum thob par ma gyur na// nga nyid kyis sangs rgyas bcom ldan 'das bslus
 par 'gyur ro// 'di'i cho ga ni rang nyid 'phags pa spyan ras gzigs dbang phyug tu bskyed la/ thog mar sangs rgyas gsum gyi mtshan brjod la/ sangs
 rgyas snang ba mtha' yas la phyag 'tshal lo// oM a mi d+he wa hrIHsangs rgyas ma tshogs pad+ma can la phyag 'tshal lo// oM b+h+yA a yu hUM Ni dzA/ sangs
 rgyas thugs rje chen po la phyag 'tshal lo// oM ma Ni pad+me hUM/ der rjes hri sa ya cig/ de tsam gyi bcu cha cig yi ge drug pa bzlas// de'i bcu cha cig sdig sgrib
 kun 'joms bzlas/ smon lam dang gsol ba btab/ tshes brgyad dang tshes bcwo lnga dang / nyi shu gsum gnam gang rnams la rig sngas 'di stong rtsa brgyad bzlas/
 gcig bsrungs cing / zas dkar gsum la rten nas sangs rgyas gsum gyi mtshan brgya rtsa brgyad bzlas pa bya'o// 'di rnams kyi gong du gnyen pa 'bum bya'o// de nas zla ba
 byung ngo cog la stong rtsa brgyad bzlas so// de nas nang re bzhin brgya rtsa brgyad gton na/ gong du bshad pa'i phan yon rnams ba par 'gyur ro// the tshom byed pa rnams ni
 ma rtogs so// rig sngags lhas 'bum gyi gnyen pa song na/ gang zag de nyid kyi lus kyi sgo nas nyon mongs pa dang / brdeg pa dang / lus kyi sgo nas mi sdug
 bar snyan pa thams cad ngan song las thar 'gyur ro// ngag gi sgo nas sgo ba dang / mi snyan par brjod pa dang / tshang nas 'bru pa thams cad 'khor ba las thar 'gyur ro//
 yid kyi sgo nas gnod sems dang / brnabs sems dang / log lta skyes pa'i 'gro ba thams cad kyang thar pa thob par 'gyur ro// de nyid lus kyi dri ma chu la phog na/ chu la
 gnas pa'i sems can rnams ngar song las thar par 'gyur ro// de nyid kyi dri tshor ba'i sems can rnams kyang song las thar par 'gyur ro// gzugs mthong ba dang
 skad thos pa rnams lta ci smos/ shi ba'i rus pa la sngags nyer gcig btab na/ ngan song las thar par 'gyur ro// 'gro ba 'chi kham rnams kyi rna khung du lan 'dun
 brjod na/ ngan song gsum du ltung bar mi srid do// 'di'i bsnyen pa'i skabs su sha chang / rgog pa dang / byi dro'i kha zas dang / 'phags pa dang / 'khrig pa spong bar bya'o//
 bsnyen pa rang dus bzhi la ma grub ni/ nang de bzhin brgya rtsa brgyad kyi 'grub bo// stong gsum thams cad me 'ogs kyi gang yang de la rgal la chos 'di btsal bar bya'o//
 // phyogs bcu'i dge 'dun gyi bkor la 'bags te/ sangs rgyas stong gir bshags par mi gnang ba yang gzugs 'di stong rtsa brgyad kyi 'dag par 'gyur ro//
 'di ni sdig pa can gyi gang zag la bstan par mi bya'o// de ci'i phyir zhe na/ gzungs 'di la bsnyems byas nas sdig pa spyod du yong ba'i phyir ro// 'di'i phan
 yon ni bskal par brjod kyang zad par mi 'gyur ro// 'phags pa spyan ras gzigs dbang phyug 'khor ba dong sbugs kyi rgyud las sdig sgribs kun
 'joms kyi le'u nyi shu bdun pa nas gsungs pa rdzogs so// // dge'o//