བོད་ཡིག

e-texts produced with BDRC’s OCR application

#dkon mchog gsum la phyag 'tshal lo// 'di ltar sangs rgyas bcom ldan 'das/ de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das so de bzhin gshegs pa de ni bsod nams dag gi rgyu mthun pa/ dge ba'i tsa ba rnams chud mi za ba/ bzod pas brgyan pa/ bsod nams kyi gter rnams kyi gzhi/ dpe byed bzang po rnams kyis smras pa/ mtshan rnams kyi me tog rgyas pa/ spyod yul ran par mthun pa/ mthong na mi thur pa med pa/ dad bas mos pa rnams la mngon par dga' ba/ shes rab zil gyis mi non pa/ stobs rnams la rdzi ba med pa/ sems can thams cad kyi ston pa/ byang chub sems dpa' rnams kyi yang / 'phags pa'i gang zag rnams kyi rgyal po// mya ngan las 'das pa'i grong khyer du 'gro ba rnams kyi ded dpon/ ye shes dpag tu med pa/ spobs pa bsam gyis mi khyab pa/ gsung rnam par dag pa/ dbyangs snyan pa/ sku byad blta bas chog mi shes pa/ skra mtshungs pa med pa/ 'dod pa bdag gis ma gos pa/ gzugs dag gis nye bar ma gos pa gzugs med pa dag dang ma 'dres pa/ sdug bsngal las rnam par grol ba/ phung po dag las rab tu rnam par grol ba/ khams rnams dang mi ldan pa/ skye mched rnams bsdams pa/ mdud pa rnams shin tu bcad pa/ yongs su gdung ba dag las rnam par grol ba/ srid pa las grol ba chu bo las brgal ba/ ye shes yongs su rdzogs pa/ 'das pa dang ma byon pa dang / da ltar byung ba'i sangs rgyas bcom ldan 'das rnams kyi ye shes la gnas pa/ mya ngan las 'das pa la mi gnas pa/ yang dag pa nyid kyi mtha' la gnas pa/ sems can thams cad la gzigs pa'i sa la bzhugs pa ste/ 'di dag ni sangs rgyas bcom ldan 'das kyi sku che ba'i yon tan yang dag pa rnams so// dam pa'i chos ni thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang ba/ bcom ldan 'das kyis chos legs par gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis so so rang gis rig par bya ba/ bcom ldan 'das kyis gsungs pa'i chos 'dul ba la legs par ston pa/ nges par 'byung ba/ rdzogs pa'i byang chub tu 'gro bar byed pa/ mi mthun pa med cing / 'dus pa dang ldan pa/ brten pa yod pa rgyu ba bcad pa'o// theg pa chen po'i dge 'dun ni/ legs par bzhugs pa/ rig par bzhugs pa/ drad por bzhugs pa/ mthun par bzhugs pa/ thal mo sbyar ba'i 'os su gyur pa/ phyag bya ba'i 'os su gyur pa/ bsod nams kyi dpal gyi zhing / yon yongs su sbyong ba chen po// sbyin pa'i gnas su gyur pa/ kun tu yang sbyin pa'i nas su gyur pa chen po'o// sangs rgyas yon tan bsam mi khyab/ chos kyi yon tan bsam mi khyab/ dge 'dun yon tan bsam mi khyab/ bsam mi khyab la dang byas pa'o// rnam par smin pa'ang bsam mi khyad/ rnam dag zhing du skye bar shog/ mang+ga lam/