བོད་ཡིག

e-texts produced with BDRC’s OCR application

gshegs pa blon po zla ba bzang pos mthong nas rgyal po la smras pa/lha lags sangs rgyas 'khor dang bcas pa'o skol gyi yul du byon pas grong khyer brgyan pa dang bsnyen bkur bya bar rigs so//rgyal pos smras pa/dzam+bu'i gling na nga las che ba med par su la bsnyen bkur byed ces slar nyid du dregs par gyur to//de nas rgyal po gzugs can snying po'i pho brang gi sgor gdan bshams pa la bcom ldan 'das 'khor dang bcas pa bzhugs so//de ltar bzhugs par shes nas rgyal pos gyad chen po'i 'degs zhes bya ba rbad de rdo shin tu che ba bcom ldan 'das la 'phangs so//rdo de nam mkha' la lding zhing de las sgra 'di skad ces grag go/kye ma 'dus byas rtag pa med//skye zhing 'gog pa'i chos can yin//skye ba yod na 'chi ba yod// 'du ba yod na 'bral ba yod//bsags pa yod na 'dzad pa yod//lang tshe'i mdog kyang nad kyis 'phrog/'tsho ba'i tshe yang 'chi bas 'phrog/chags par gyur na sdug bsngal 'phel/// skyo bar byas na thar par 'gyur//zhes pa de rgyal po gzugs can snying pos thos pas mos par gyur te thad du song nas thal mo sbyar te 'khod pa la bcom ldan 'das kyis bka' stsal pa/ rgyal po chen po chos la mos par bya/khong du chud par bya/bsgo bar bya yid 'byung bar bya'o//rgyal pos gsol pa/bcom ldan 'das gang la skyo bar bgyi/yid 'byung bar bgyi/ bcom ldan 'das kyis bka' stsal pa/'khor ba las rgyo zhing yid 'byung bar bya'o//rgyal pos gsol pa/ci'i phyir 'khor ba las skyo zhing yid 'byung bar bgyi/bcom ldan 'das kyis bkra' stsal pa/'khor ba 'di mi rtag pa dang /sdug bsngal ba'i phyir ro//rgyal pos gsol pa/bcom ldan 'das 'khor ba 'di ji skad mi rtag pa lags/bcom ldan 'das kyis bka' stsal pa/snod kyi 'jig rten 'di yang mi rtag lnga//bcud kyi sems can yang ni mi rtag go/rgyal pos gsol pa/snod kyi 'jig rten ji ltar mi rtag pa legs/bcom ldan 'das kyis bka' stsal pa/snod kyi 'jig rten ri rab gling khams kyang //'jig pa'i dus tshe bskal pa'i me byung nas//thal ba'i lhag ma tsam yang mA lus so//chu dang rlung gis 'jig pa de bzhin no//gzhan yang dbyar drod skye la dgun grang bskum//lo legs lo nyes than zhod nges pa med//lo zla 'das shing 'jig pa'i dus dang nye//de la sogs te mi rtag mngon sum ni//rtag pa yin nu ci phyir 'gyur zhing 'gro/rgyal pos gsol pa/bcud kyi sems can ji ltar mi rtag pa lags/bcom ldan 'das kyis bka' stsal pa/bcud kyi sems can tshe 'di nyid la yang //nyin zhag lo zla rim gyis gcod byed pas//nyin zhag 'das shing 'chi dang phrar phar nye//mi shir 'dod kyang rang la rang dbang med//skye rga na 'chi rang thag ri mo 'dra//'chi bdag bdud ni so bya nya sdod 'dra//'chi ba'i rkyen ni bsam gyis mi khyab ste//'chi rkyen ma song dngos po gang yang med//lus 'di zas kyis 'tsho yang brnangs nas 'chi//'jig rten 'di na che chung phrug dbul kun//'chi badrag dbang du mi 'gyur gang yang med//snga ma shi bla'i mi rnams kun gyis kyang //rtag tu re nas bu dang nor bsags kyang //bu nor phyir lus bdag la phan pa med//rung gi drage sdig gnyis dang 'grogs/ te 'chi//dra ltar rang gi gnas pa'i ring 'di la'ang //dga' bshes gnyen 'dun mdza' dang mi mdza' dang //na tshod mthun dang rgan gzhon ji snyed cig/shi ba mthong zhing thos pa ma yin nam//sa steng gnas pa'i sems can 'di kun kyang //lo brgya tshun chad sdod kyang ma lus 'chi//de bsu rang ri'ang 'chi ba'i chos can yin//deng 'chi sang 'chi sus kyang mi shes te//tshod 'dzin pa yang mi 'jigs sbyin med pas//sang phod deng sang bdag nyid ji ltar 'gyur//'chi ba'i tshe na pha ma bu tsha dang //phu nu mdza' bshes bran khol nor kun kyang //bdag nyid 'chi ba'i phyi na 'od med pas//sdug bsngal skal len 'ga' yang yod ma yin//de bas skyes kyang bdag nyid gcig pu skyes//tha ma 'chi yang bdag nyid gcig pu 'chi//skad cig tshe lus mthun pa nye gzhi rnams//'gron po gnas mthun tsam ste so sor 'gro/skad cig tsam yang 'bral bar mi phod pa'i//gnyen drang nor rdzas yul mkhar kun byor nas//bdag nyid gcig pu 'jigs pa'i lam du 'gro//dzi tsAm+ba sdig dang bsngos nas nor bsags kyang //sdig pa'i rnam smin rmongs pa bdag nyid 'khur//bsags pa'i nor ni khong dag bu chos 'khyer//de phyir bsags pa'i nor gyis ci zhig phan//bdag lA shin tu phangs pa'i lus 'di yang //shi ba'i dus su rje zhig bzhin du 'bor//lhan cig skyes pa'i sha rus gnyis kyang dbye//dbang med bdag nyid gcig pu 'khyams nas ni//las kyi dbang gis gang du skyes gyur na//dri bas lus kyi phyir ni sdig mi bya//lus 'di sa gting 'gro ste chog mi shes//mi gtsang las byung mi gtsang phung po yin//na rga 'chi sogs sdug bsngal kun gyi gnas//shi na sa/ lus bor sa yi phyogs tsam btsog/bya dang khyi spyang la sogs rnams kyis za//bsnyen bkur 'bad kyang 'chi bdag srin pos 'phrog/mkhas pas smod cing blun po chags pa'i gnas//de bas mkhas pa lus la su zhig chags//lus kyi phyir ni ya ngar 'jug mi bya//'di la gla rngan gos zas byin nas su//yun gyi phan phyir bsod nams sog tu gzhug/bdag gi grogs ni dge sdig gnyis las med//de yang dge ba mtho ris thar pa'i rgyu//sdig pa ngan song sdug bsngal 'byung ba'i rgyu//ma shi bar du'ang lus ni mi rtag ste//bu/ chung byis pa gzhon nu nyid du 'gyur/de nas dar la bab dang dar yol dang //rgas par gyur te lus 'di rtag na ni//gnas skabs de snyed cig ni cis te 'gyur//longs spyod bde/ sdug rnams kyang mi rtag ste//btsan phyug 'dzom pa sdug phongs can du 'gyur//sdug phongs can yang btsan phyug 'dzom par 'gyur//lang tsho longs spyod na rga 'chi bas 'joms//'jig/ rten chos 'di thams cad mi rtag go/rgyal po gzugs can snying pos gsol pa/bcom ldan 'das 'khor ba pa 'di'i sdug bsngal ji lta bu lags/bcom ldan 'das kyis bka' stsal pa/'khor ba pa la nam yang badre ba med//byas pa thams cad don med sdug bsngal rgyu//sdug bsngal gtso bo skye rgan 'chi yini//dmyal bar skyes na sdug bsngal 'di 'dra'o//dmyal srung dang ni dmyal ba'i me mthong nas//shin tu skrag dngongs cho nges cher 'drabs shing //ring la rngan 'grang sngon gyi sdig pa la//shin tu 'gyod kyang phan pa ci yang med//lus 'di shin tu che la gzhon sha can//tshor ba che zhing drag po'i lus thob nas//kha cig rang lus me yi phung por 'bar//kha cig lcags mkhar khang pa sbrum mar rdung //'gre ldog byed cing phyogs ni kun nas sreg/kha cig lcags las byas pa'i snod chen du//spyi tshugs 'bru nyungs chu khol thug bzhin 'tshed//khA cig srog les 'dra zhing gtun la brdung // kha cig gnas dang khang pararwa bsrung zhing bsreg/me mar mur dang thul tshin chu la sogs//sdug bsngal mang po bsam gyis mi khyab bo//mi yi lo ni 'bum dang brgyad khri la//dmyal pa kha cig na ni nyin zhag gcig/de las sogs pa bskal pa'i bar du gnas//shi bar dga' yang 'chir ni mi btub bro//las ma zad pa kha cig 'jig chags tshe//'jig rten brgyud cing 'jig chags med par skye//yi dwags skyes pa bkres dang skom pas gdungs/mgo bo ri tsam kha ni khab mig tsam//ske rtsa rab phra gsus pa yul ljongs tsam//bza' btung mthong yang gzhan gyis bsrungs pa dang //rnag khrag ngan skyugs la sogs gzhan du mthong //kha cig zos kyang khro chu khol mar 'gro/byol song skyes na gcig la gcig za dang //rang la dbang med bkol btags brdeg 'chog dang //gzhan gyis gsod sogs gti mug rmongs pas sdug/mir skyes nu yang mngal na gnas pa'i tshe//ma ni 'grangs tshe brag par btsir ba 'dra//bkres pa'i tshe na dpyang la btang ba snyam//drag shul byed tshe gtun la rdung ba snyam//btsas pa'i tshe na pags pa bshus nas ni//rtsig pa'i// logs la drud pa byas kyang rngug//chu 'brum bkres sgrom rkang lag na nas sdug/cher skyes na yang so nam brel phongs dang //nye du bral drang dgras bcom bu lon dang //bkres rlom tsha grang don la sogs pas sdug/phongs pa rnams ni btsal thabs med nas sdug/yod pa rnams kyang 'tsho skyong ma la tshes sdug/zhing rmo tshad byed 'du byed las kyis sdug/ la sogs pa'i sdug bsngal bsam mi khyab//sdug bsngal gzhi ni phal cher lho rgyab gnyis//'jig rten 'dri yi bde ba'i longs spyod kyang //phal cher phyi ma'i ngan song sdug bsngal rgyu/// lha min skyes na nga rgyal phrag dog dang //khro gtum 'thab rtsod la sogs dbang gis sdug/lhar skyes kyang ni 'chi 'pho ltung ba dang //'chi ltas lnga dang 'du byed dbang gis sdug rgas pa yang ni 'di ltar sdug bsngal te//mgo dkar gnyer 'dus gzhan gyis mthong mi mos//kha sna chu 'dzag rkang lag kun kyang 'dar//sems kyis dran yang lus la nyams stobs med//bu tsha kun kyang shin rung snyam sems//zhal ta byas kyang mi nyan dbang yang shor//kha cig srin rgun shi 'phyis zhes kyang zer//kha cig ber dbyug thogs nas rdung bar byed//de ltar mthong thos shing 'dong shir ma btub//na ba rnams ni 'di ltar sdug bsngal te//lus kyi 'byung tshon bzhi ni ma snyoms pas//rlung mkhris bad kan 'dus bas lus gdungs te//longs spyod mthong yang 'di la 'dod pa med//lus kyi nyams stobs shor bas ldang mi nus//mdzes pa'i gzi mdangs shor bas rma dwags 'dra//'chi ba rnams kyang 'di ltar sdug bsnol te//gnyen bshes tshogs kyis cho de 'debs byed kyang //de la nyan lta bus mtha'i yul med de//gnad gcod pa ni mtshon chas gtub pa 'dra//mdza' dang mi mdza'i don du sngar byas pa'i//dge sdig las ni rmi lam yul bzhin snang //gshin rje'i pho nya shin tu 'jigs pas bskor//bred shathon nas kun tu bltas byas kyang //mgon skyabs byeng pa su yang ma mthong nas//shin tu 'jigs bzhin kun tu yi mug ste//bdag nyid gar 'gro gar rdol med par 'byung //mi rtag sdug bsngal mi zad yun ring 'di//thog ma med nas da lta'i bar du yang //'phags lam ma thob bar du rtag tu gdung //rgyal pos gsol pa/bcom ldan 'das 'khor ba 'di shin tu sdug bsngal ba la gas na bde legs dang ldan pa gang lags//bcom ldan 'das kyis bka' stsal pa/mya ngan las 'das pa ni bde legs phun sum tshogs pa yin no//rgyal pos gsol pa/ji ltar bde legs phun sum tshogs pa lags/bcom ldan 'das kyis bka' stsal pa/mya ngan 'das pa zhi ba bde ba'i mchog rnam rtog bdag tu 'dzin dang nyon mongs med//ngan stong gsum sogs bkres skom grang dro dang //skye rgan 'chi la sogs sdug bsngal med//'khor ba mi rtag sdug bsngal gtan zad nas//las su gzhan don 'ba' zhig spyod byed cing //mthu dang rdzu 'phrul bsam gyis mi khyab bo//de skad ces bka' stsal pa dang /rgyal po gzugs can snying po 'khor ba las yid byung nas rgyal skying mchil ma'i thalo bA ltar bor te/mya ngan las 'das pa bsgrub pa la gzhol bar gyur to//de ltar gyur pa la bcom ldan 'das kyis bka' stsal pa/rgyal po chen po legs so logs so//rjes thams cad kyi nang na glang po che'i rjes mchog go//me tog rnams kyi nang na pad+ma dkar po mchog go/'du shes thams cad kyi nang na mi rtag pa'i 'du shes mchog go/bsam pa rnams kyi nang na 'khor ba lus yid byung ba mchog go//rgyal po chen po 'khor ba las yid byung ba legs so//skyo ba skyes pa legs so//chags na 'khor ba yin no//ma chags na mya ngan las 'das pa yin no//bcom ldan 'das kyis de skad ces bka' stsal nas/rgyal po gzugs can snying po la sogs pa thams cad yi rang ste/bcom ldan 'das kyis gsungs pa la mngon par bstod do//rgyal po gzugs can snying po la gdams pa zhes bya ba theg pa chen po'i mdo rdzogs so/// rgyu gar gyi mkhan po d+han shI la dang /ban+de ye shes sdes bsgyur cing zhus te gtan la phab pa/rgya gar skad du/rAdz+nyA dwe sha nA ma ma hA s+thAn s+yA tra/