| བོད་ཡིག | e-texts produced with BDRC’s OCR application |
gcig pa rdzog so// / paN+Di ta d+harma shrI mi tra dang / le ts+tsha ba chos kyi bzang pos bsgyur cing zhus te gtan la bab pa'o// / rgya gar skad du/ le ke shwa ra ka lpa/ bod skad du/ 'jig rten dbang phyug gis rtog pa// bcom ldan 'das 'phags pa spyan ras gzigs dbang phyug la phyag 'a tsha lo// sangs rgyas la phyag 'tshalo// chos la phyag 'tsha lo// dge 'dun la phyag 'tsha lo// 'jig rten mgon po'i rtog pa ni// mdor bsdud 'dir ni brjod bya ste// sangs rgyas thams cad rgyun chen po// 'dod pa'i don kun rab ster ba// dang por raM shig rig pa 'dzin pas gtsang zhing dben pa'i sa phyogasu// hUM gis dag par byas par nye bar 'dug cing pad+ma'i phyag rgya bcings la// oM shu n+ya tA dz+nyA na badz+ra swa b+ha ba at+ma ko traM zhes brjod la/ thams cad stong pa'i rnam par bsam par bya'o// de'i rjes la oM tsid+ha pra ti bo d+hi ka ro mi/ de ltar brjod la/ sna tshogs pad+ma 'dab ma brgyad par bsgoms nas/ pad+ma'i steng du zla ba'i dkyil 'khor bsam par bya'o// zla ba'i steng du hrIHyig sngags gyur pa las bdag nyid 'jig rten dbang phyug tu bsgom par bya ste/ sems dpa'i skyil mo dkrung gis bzhugs pa/ phyag gnyis pa mdog dmar ba mtshan du ni gos dkar mo de la 'khyud pa/ pad+ma dmar po kha 'byed cing gar gyi tshul can khab kyi phyag rgyas kha 'byed par bsgoms la 'di brjod par bya sde/ ji ltar pad+ma dmar po 'di// 'dod chags skyon gyis ma gos shing // de bzhin sna tshogs bag chags skyon// khams gsum rnam par dag pa'o// dbu rgyan la 'od dpag tu med par bsgom par bya'o// de nas 'di brjod par bya ste/ oM sarba ta thA ga ta/ kA ya bak+tsi ta badz+ra swa b+hA ba at+ma ko Na/ de ltar bsgoms nas phyogs brgyad du lha mo bas me// oM bi lo ki ni/ a ba lo ki ni/ a ba lo ka ya swA hA// shar gyi mdab ma la ni rnam par 'jigs ma zhes bya ba'i lha mo pad+ma dmar po bsnams pa 'o// oM tA re tut+tA re tu re swA hA// lho'i pad+ma la bcom ldan 'das ma sgrol ma pa la sha'i 'dab ma lta bu'i pad+ma bsnams pa'o// oM b+hu ri Ni ma hA tsakra brti ni hUM/ nub kyi mdab ma la b+hu ri Ni zhes bya ba'i lha mo ut+pal ljon po lta bu'i pad+ma bsnams pa'o// oM b+h+r-i ku TI ta re tu ta ma tA hUM// byang gi 'dab ma la khre gnyer can zhes bya ba'i lha mo pad+ma ser po bsnams pa'o// oM ma hA shri ye ma Ni pad+me hUM/ ngi ri d+h+ri gos can shar phyogs kyi mtsham su btsong lta bu'i pad+ma bsnams pa'o// oM badz+ra pad+me shwa ra ma pad+me hUM/ lho phyogs kyi mtsham su pad+ma dkar po bsnams pa'o// oM baM shra pad+me hUM/ 'di ni sna tshogs kyi pad+ma ste/ nub phyogs kyi mtsham su pad+ma nag po bsnams pa'o// oM bi shra bak+She hUM/ 'di ni sna tshogs kyi zhal can te/ byang phyogs kyi mtsham su sna tshogs pad+ma bsnams pa'o// oM pad+ma nirma shwa ra hUM/ ze 'bru'i dbus su 'dod chags chen po'i bcom ldan 'das sbyar ras gzigs dbang phyug go// de ltar gang sgom pa dang ldan zhing ting nge 'dzin la goms par byed na dngos grub bstan por 'gyu ro// de yis sangs rgyas nyid dang 'dod pa'i longs spyod thams cad ste ro// sangs rgyas pha rol phyin grub cing // gzungs dang sa yang de bzhin no// 'dzi garten kur gyi bde ston cing // so so rang nyid rje su sgrub// sangs rgyas nyid ni byang sems nyid// rang rgyal nyid kyang de bzhin no// yid 'ong sangs rgyas go 'bang ni// spyad mi nga gos par 'grub par 'gyur// byang chub sems dang ga bur bcas// tsan+dan dmar dang rab sbyar te// rdo rje chu dang yang ngag ldan// sangs rgyas kun gyi bcud len yin// sbyor ba bzang po 'di yis ni// bcud kyis len ni de yang // 'gru ba 'gyur 'jig rten mgon po yis// gzhon zhing nad med dam bde zhing // tshe dang stobs dang brtson 'grus dang // skal bzang ye shes bla na med// skye ba 'di la 'grub pa'o// ma lus lus pa med pa 'grub// dbang dang dgug dang dbye ba dang // bsad dang bskrad pa la sogs pa// rengs dang phur bus gdab nyid dang // nam mkha' 'gro ba de bzhin no// sa bcu'i dbang phyug thob 'gyur zhing // ting nge 'dzin la gnas par 'gyur// de phyir ting 'dzin ldan pa yis// rdo rje dam tshig de yis ni// rig pa dang ni bcas pa'i mchog 'jig rten mgon por 'grub par 'gyur/ oM hriHpad+ma ni rte shwa ra hUM/ rtsa ba'i sngags 'di brgya rtsa brgyad bzlas na nyin mo dang nub mo byas pa'i sdig pa nyams par 'gyuraro// yang na lnga brgya bzlas brjod byas na nad thams cad las grol bar 'gyuraro// yang na stong bzlas brjod byas na dus ma yin par 'chi ba med par 'gyuraro// yang na stong phrag gnyis bzlas brjod byas na thams cad kyis mchod pa'i 'os su 'gyu ro// gzhan yang stong phrag gsum bzlas brjod byas na skal ba bzang ba dang // g.yang rab tu 'phel bar 'gyu ro// gzhan yang stong phrag bzhi bzlas brjod byas na da bul ba med par 'gyu ro// yang na stong phrag lnga bzlas brjod byas na dgra thams cad kyi snying 'khrug par byed// stong phrag drug bzlas brjod byas na dgra thams cad med par 'gyuraro// stong phrag bdun bzlas brjod byas na bdud bzhi las mchog tu rgyal bar 'gyuraro// stong phrag brgyad bzlas brjod byas na rig 'dzin ma grub par 'gyu ro// stong phrag dgu bzlas brjod byas na sbyin mo grub par 'gyuraro// khri tshe gcig bzlas brjod byas na lha dang klu dang / mi'i bu mo rnams 'grub par 'gyuraro// stong phrag nyi shu bzlas brjod byas na bar snang la 'gro ba'i rnal 'byor ma rnams 'grub par 'gyuraro// stong phrag sum cu bzlas brjod byas na bsam pa thams cad rdzogs par 'gyuraro// stong phrag bzhi bcu bzlas brjod byas na mkha' la spyod pa'i rig pa 'dzin par 'gyuraro// stong phrag lnga bcu bzlas brjod byas na ral gri'i rig pa 'dzin par 'gyuraro// stong phrag drug cu bzlas brjod byas na grub pa'i rig 'dzin du 'gyuro// stong phrag 'dun cu bzlas nas gsum gyi/ bdag por 'gyur// stong phrag brgyad cu bzlas na 'khor los bsgyur ba'i rgyal por 'gyuraro// 'bum phrag gcig bzlas brjod byas na byang chub sems dpa' nyid du 'gyuraro// 'bum phrag bcu bzlas brjod byas na rang dga'i gzugasu 'gyuraro// bzhi cha dang bcas pa'i 'bum phrag bzlas brjod byas na sangs rgyas nyid du 'gyuraro// bye ba phrag cig bzlas brjod byas na/ thams cad du rje su 'dzin par byed pa'i nus pa can sgra na ras gzigs dbang phyug lta bu 'grub par 'gyur zhing lus dang ngag dang yid kyang byin gyis rlob bo// 'di ni bcom ldan 'das gsungs rdo rjes gsungs pa 'o// oM pad+ma ri ba si ni ba ri de hUM/ 'di ni gos dkar mo 'i sngags te lan cig brjod pas sdig pa'i rigs kyi tshogs sreg par byed do// nub bdun gyi nang rol tu rgyal po blon po dang bcas pa mdun na 'don dang / skye 'gro'i tshogs dang / btsun mo'i tshogs dang bcas pa dbang du 'gyuraro// bzlas pa com gyis phun sum tshogs pa thams cad kyi bskal pa dang ldan par 'gyuraro// de lta bu'i rim pas 'bum phrag gcig bzlas na gang yang sangs rgyas dang byang chub sems dpa' dang nus pa mnyam zhing / dngos su 'phags pa spyan ras gzigs dbang phyug 'grub par 'gyuro// oM bi lo ki ni a ba lo kA ya swA hA// 'di'i sbyor ba ni stong phrag bcu bzlas brjod byas na me long dang / 'theb chen dang / na mkha' la sogs pa la gsal po pra dbab par 'grub par 'gyuraro// gang sngon byung ba dang yang da ltar dang phyis 'ong ba de ston par byed do// yang na so shing la lan nyi shu rtsa gcig mngon par sngags par byas la/ nub mo nyal ba'i dus su song 'tshas nas mi smra bar nyal na dgos pa gang yin pa rmi lam du ston par byed do// de yang 'khrul pa med par ston no// oM tA re tut+tA re tu re swA hA// bcom ldan 'das sgrol ma 'di 'bum phrag gcig bzlas na 'jig rten grub par 'gyuraro// lha'i bu mo dang / klu'i bu mo dang / mi 'am ci'i bu mo dang / gnod sbyin gyi bu mo dang / mi'i bu mo ste/ 'di rnams kyi nang nas gang 'dod pa de'i chos 'byung du gur gum dang / rgya skyegs dang / rang byung gi me tog dang / byang chub kyi sems dang yang dag par ldan pas rtsibs drug pa shin tu rno ba'i 'khor lo dmar po 'khor bzhin pa rnam par bris pa bsam la/ chos 'byung de sgrub pa pos ri sul chu ngogs gsang ba'i gnasu bsam par bya'o// de yang myong shing sgrub pa po'i steng du ltung ba'i rnam pa bsgom par bya'o// de bkug la rang la chu shing nor dang bcas pa dbang du 'gyur bar lta'o zhes bya'o// yang na lha dang / klu dang / lha ma yin dang / mi 'am ci dang / rig pa 'dzin pa dang / gnod sbyin dang / 'khor los bsgyur ba dang / blon po dang skyes bu 'am gang 'dod pa de dmar por rnam par bsams la/ de'i snying dkar rdo rje lcags kyu 'od 'bar ba'i phreng ba 'khrug pa'i lcags kyus 'bigs bzhin pa dang / zhags pas rkeng pa nas bcings la 'gugs bzhin pa 'dod pas mos par gyur pas rab tu gsal por bsam par bya'o// bdag nyid nor dang bcas pa 'gugs shing dbang du 'gyuraro zhes bya'o// oM b+hu ri Ni ma hA tsakra ban+ti ni hUM/ 'di'i sbyor ba ni dri chen dang / rdo rje chu la sogs pas dkyil 'khor byas la ji ltar rnyed pa'i me tog gis mnyam par mchod la// de na gnas pa'i sgrub pa pos gling ngam gling bzhan dang / grong khyer dang / grong dang / yul 'khor gyi rgyal por bsam zhing bzlas pa bya'o// de yis bdag po nyid 'gyur zhing long spyod pa la long spyad nas bde ba can gyis 'jig rten gyi khamasu skye ba thob par 'gyuraro// oM b+h+r-i kun+di tA re tu ta ma ta hUM/ lha mo khro gnyer can zhes bya ba 'di ni dgra'i rkang rjes kyi rdul blangs la/ dug dang / tsha dang / ske tshe dang / khrag dang / chu bo'i 'gram gnyis kyi sa dang / dri chen rdo rje chus bsnos la gzugs brnyan byas la mi'i rus pa'i rang bzhin gyis phur bus tshigs dang gnad kun la btab la/ thod pa kha sbyar gyi nang du bzhag ste/ dur khrod kyi me la gdung par bya'o// zhag bdun du sbyor ba byas pas 'chi bar 'gyur ro// gal te sems la sdig pa med par gyur na zhag nyi shu rtsa gcig gis ni sangs rgyas kyang 'chi bar 'gyu ro// oM ma hA shri ye ma Ni pad+me hUM/ lha mo 'di la dri dang / me tog dang / mar me dang / bsod snyoms kyis zas kyis so sor mchod la bzlas pa byas na thams cad du bsrungs par 'gyuraro// yul chos kyi rtsod pa las rgyal bar 'gyur ro// spyan ras gzigs dbang phyug dang mnyam par 'gyuraro// nor chen po'i bdag por 'gyuraro// yang na pad+ma stong phrag bcu sbyin sreg byas na rgyal por 'gyu ro// oM badz+ra pad+ma shwa ri ma ra pad+me hUM/ rdo rje pad+ma'i dbang phyug ma 'di yid kyis bzlas na dbang dgug pa la sogs pa byed// lan bdun mngon par sngags te/ gdung bud mdun na rang srung zhing rims dang / lkog nad dang / nad thams cad dang / mtshon dang / me dang / rkun po dang / seng ge dang / glang po che dang / sbrul dang / 'ching ba dang / rgya mtsho dang / sha za'i nang stong phrag gcig bzlas pas zhi bar 'gyuraro// lam gcig gis las kyis brjed byed kyi gdon dang / zad byed dang skyugs pa dang / bri bar dka' ba dang / sgom par dka' ba'i gdug pa can gyi sems can thams cad nyams par bye'o// 'bum phrag gcig bzlas na lus 'phel zhing skal ba bzang ba dang / lus gzhon zhing nang med par byed cing dus ma yin pa'i 'chi ba nyams par byed// yang na klu thab khung du bris la der dug dang / ske tshe dang tsha ba'i sbyin bsreg bya zhing / klu'i ming dang spel bas 'bum phrag gcig sbyin bsreg byas na char chen po phab nas mu ge med par 'gyuraro// bi shwa pad+me hrIHsna tshogs pad+ma 'di ni rmongs pa dang / rengs pa dang / mnan pa dang / phur bus gdab pa dang / gzhan gyi nor 'phrog pa dang / phur bu dang / mig 'phrul dang / ngo mtshar dang / mi mthong bar byed pa dang / phug du 'jug pa dang / na mkha' la 'gro ba dang / lcags sgrog gcod pa dang / ril por dgug pa gang dang gang yin pa rgyud las bstan pa dang / rgyud gzhan dang yang dag par ldan pa'i las thams cad byed do// lus dang ngag dang yid gsum gyi dngos grub sde ro// bcom ldan 'das 'phags pa spyan ras gzigs dbang phyug 'grub cing gang 'dod pa'i las thams cad ri 'grub par 'gyur zhes bya'o// oM bi shwa pad+me hUM/ sna tshogs rdo rje zhes brjod pa'i lha mo 'dis ni ngag gi dngos grub ster ro// tshig shad mkhan du byed cing gzhan gyi ngag rengs par bye'o// rang nyid srung ba dang / gzhan yang srung bar 'gyur ro// rang skal ba bzang zhing gzhon po yang skal ba bzang po'i rang don dang gzhan don byedado// ji ltar 'dir ni 'phags pa spyan ras gzigs dbang phyug sems can gyi don la spro zhing brtson pa de bzhin du/ 'dir bcom ldan 'das dbul ba dang / yi dgas dang / byol seng gi skyes gan su gtogs pa'i sems can rnams sgrol bar bye'o// bde bar gshegs pa'i bstan pa la dad pa rnam sa la ma nyid kyis srung zhes thugs kyi rdo rje de bzhin gshegs pas gsungaso// de ltar rtog pa'i rgyal po bsdus pa rab tu bstan to// sems brtan rtog pa med pa yi// blo dang ldan pas 'grub par 'gyur// gang zhig spyod lam bstan pa yi// sangs rgyas kun rgyu ji lta bar// de ltar 'dir ni rab sbyar nas// de nas rtag pa'i go 'phang 'grub// ji ltar 'dod par gnas byed cing // kun la long spyod kun byed ltar// ji ltar 'dod pa'i snying rjes spyod// ji ltar 'dod pa'i spyod pa yis// 'dug pa 'am ni las kyang rung // 'chag pa 'am ni gang dang de// rgod pa 'am ni brjod pa 'am// gang de ji ltar don bzhi no// dkyil 'khor du ni ma zhugs pa 'am// sgrib pa kun dang ldan pa yang // rang mos lha yi rnal 'byor bdag bsod nams chung ba 'am 'grub par 'gyuraro// 'di yis sangs rgyas thams cad nyid// thams cad mkhas pa nyid dang ni// thams cad rdo rje 'chang nyid kyang // skye ba 'di la 'grub par 'gyur// yang gsungs pa/ rnal 'byor dag ni gzugs brnyan gyi// bcos ma'i sku las 'gyur ba min// byang chub sems chen la brtson na// rnal 'byor dag ni de lha yin// khrag chen po dang ga pur bcas// tsan+dan dmar dang bsres pa ni// tshogs kyi nang du zhugs pa na// kun las mchog gyur bcud la no// sbyor ba bzang po 'di yis ni// bcud kyi len ni swa ba ru/ dpal rdo rje sems dpa'i tshe bzang dang // nad med bde ba bzang po thob// grub pa'i mtshan nyid ji ltar gsum sangs rgyas pha rol phyin pa dang // gzungs dang sa dang de bzhin 'grub// bde ston thams cad thob 'gyur zhing // rang nyid so so rjesu 'grub// sangs rgyas thams cad mnyam sbyor bas// sangs rgyas thams cad nyid du 'gyur// sangs rgyas kun gyi dngos nyid kyang // sangs rgyas kun ni rab grub 'gyur// gzhan yang rnal 'byor gyi spyod pa byed par 'dod cing sems yongasu dag pa med na de'i tshe thang sku'i sgrub pa bshad/ bsnyen gnas dang ldan zhing bsrung bar gnas pa'i lha bzes tshen sna ma 'dres par ras sar pa de yang rang rang gi kun tu khru re'i tshad kyis bcom ldan 'das 'phags pa spyan ras gzigs dbang phyug bri bar bya ste/ sna tshogs kyis pad+ma 'dab ma brgyad pa/ ze 'bru'i dkyil du zla ba'i dkyil 'khor gyi dbus bcom ldan 'das/ mdog dmar ba mi bskyed pa'i dbu rgyan can// zhal gsum pa/ zhal gyi btso bo ni dmar ba ste/ 'dod chags chen po nyid kyi phyiraro// g.yas pa gnag pa ste zhe sdang chen po nyid kyi phyi ro// g.yon pa dkar ba ste gti mug nyid kyi phyiraro// phyag drug pa bya'o// g.yon pa'i phyag gcig gis gos dkar mo'i mgrin pa nas 'khyud pa dang / pad+ma dmar po bsnams pa g.yon pa nyid kyis me tog gi gzhu bsnams pa'o// g.yas pa gsum du khab kyi phyag rgyas pad+ma kha 'byed pa dang / me tog gi mda' dang / lcags kyu bsnams pa'o// sems dpa'i skyil mo krung gi gnas par bya'o// shar gyi 'dam ma la rnam par gzigs ma mdog dkar mo// pad+ma dmar po dang rdo rje phyag na bsnams pa'o// lho phyogs kyi mdab ma la lha mo sgrol ma ljang ku rgya skyegs kyi shing gi lo ma dang / rin po che phyag na bsnams pa'o// nub phyogs kyi mdab ma la lU ri ser po ut+pal sngon po dang 'khor lo bsnams pa'o// byang phyogs kyi mdab ma la khro gnyer can pad+ma dkar ser lta bu pad+ma ser po dang ral gri phyag na bsnams pa'o// shar gyi mtsham su pad+ma'i gos can ma gser lta bu'i mdog btsod lta bu'i pad+ma bsnams pa'o// lho phyogs kyi mtsham su rdo rje pad+ma'i dbang phyug ma na mkha'i mdog can dkar po pad+ma dang shel gyi phreng ba bsnams pa'o// nub phyogs kyi mtsham su sna tshogs kyi pad+ma ston ka'i zla ba lta bu dkar ser gyi mdog pad+ma nag po dang po ti phyag na bsnams pa'o// byang phyogs kyi mtsham su sna tshogs rdo rje ma sna tshogs kyi mdog can du byas la/ snatsho kyi rdo rje dang / sna tshogs kyi pad+ma bsnams pa'o// de ltar pad+ma la bkod cing bris la/ sgeg mo la sogs pa rnams ni mtsham su'o// dzaHhUM baM hoH'i yi ge las yang dag par byung ba'i lcags klu dang / zhags pa dang / lcags sgrog dang / dril bu rnams ni shar la sogs pa'i phyogs rnam su'o// yang thang sku gzhan brjod par bya ste/ ston ka'i zla ba lta bu'i dkar ser gyi bcom ldan 'das g.yas na skud pa dang / dbyug pa dang / rtse gsum dang / mchog sbyin pa'i phyag can/ g.yon na pad+ma dang ril ba spyi blugs dang / zhags pa dang / thams cad mkhyen pa'i dam tshig gi po ti bsnams pa'i phyag can/ stag gi lpags pa'i sham thab 'chang ba/ sbrul mchod phyir thogs pa/ ral pa'i cod pan la 'od dpag med bzhengs pa 'am/ skyil krung phyed pas gnas pa dbu rgyan du byas pa'o// de yi g.yas phyogs kyi cha ru sgrub pa po// mched yon gyi snod dang bdug spos kyi snod lag pas bzung bar bya'o// gzhan yang bcom ldan 'das phyag gnyis pa/ ri gru 'dzin la gnas shing seng ge'i khri la bzhugs pa/ g.yon pa sa la gnas shing zhabs g.yas pa pad+ma'i steng gi gdan steng su bzhugs pa'o// phyag re re na phreng ba bsnams par sems pa pos phreng ba'i 'og tu 'dren pa'i tshul 'dis bsam par bya ba ni sems pa lta bur gnas pa zhes bya'o// cho ga gzhan yang bcom ldan 'das dkar zhing dmar ba phyag bcu pa ri dgas seng ge'i gdan la pad+ma'i steng du skyil krung phyed pas bzhugs pa/ g.yas na phreng ba bsnams pa'o// seng ge dang / glang po che dang / me dang / sbrul gyi 'jigs pa rnams las grol ba'i cha byad ca no// g.yon na pad+ma dmar po sdong bu gnyis pa steng du po ti can te/ rkun ma dang / lhag sgrog gis bcing pa dang / mtsho dang thog chen po dang / sha zas za ba rnams sgrol ba'i cha byad ca no// gnas de brgyad du sgrub pa po rgyan thams cad kyi rgyan pa/ yan lag thams cad yongasu rdzogs pa sngon bzhin du langs pa 'am/ 'dug par bsam par bya'o// gzhan yang cho ga ni zla ba'i dkyil 'khor gyi dbusu bcom ldan 'das sna tshogs kyi gzugs 'chang ba dbu bcu gsum pa spyi bo'i mgo bo ni ldang ku'i rta zha'o// yang na zhi ba sangs rgyas shAkya thub pa'i zhwa'o// phyag brgya pa'i bcom ldan 'das 'di ni sna tshogs kyi mngon ma bsnams pa'o// yang na zhal brgya pa phyag stong pa yang bya'o// kha cig tu rdo rje skyil mo krung gi gnas pa 'am/ khan ngas pa yang bya'o// tsam pa lta bu'i dkar ser gyi bcom ldan 'das/ thang sku de kun gyi g.yas phyogs kyi bar du sgrub pa po me dog pa mchod yon gyi snod dang bdug spos kyi snod lag pa na bzung bar bya'o// de rnams kyi dbu la dbu rgyan 'od dpag med pa 'am/ chos kyi rgyal po'i mchod rten bri bar bya'o// 'di ni thang sku'i cho ga'o// thang sku'i mdun du rtsa ba'i sngags ji lta ba 'dod pa de bzla shing bsam gtan yang byas nas/ mchod pa rnam pa lngas mchod la// mchod yon snod dang / yongasu gang ba'i bdud rtsi lta bu'i zas dang / sgron ma'i zas la byas nas// mchod yon byin te/ sngags gang 'dod pa de bzlas pa byas na de la gsungs pa'i dngos grub du 'gyuraro// gsang ba po ni sngags 'di nyid// kha cig la yang mi sbyi na// blo ldan sems can don brtson pa'i// sems brtan pa la sbyin par bya// mchod rten las byed nyid la ni/ blo ldan 'bad par sbyin par bya// rang nyid dang ni nor dag gis// bla ma la rtag gus par bya// rdo rje slob dpon rnal 'byor la// mchog tu gyur pa'i yon yang dbul// gang dang ni btang bka' ba// mchog tu gyur pa 'dir ni sngags// chung ma sring mo dang yang ni// bu mo dang ni tsha mo dag bu mo rgyan kun brgyan par bya'o// glang chen rta dang shing rta dang // phyug dang grong khyer rgyal srid dang // yul 'khor rgyal srid ldan pa dang // rin chen sna tshogs dag kyang ni// gzhan yang rdo rje slob dpon dbul// rdo rje slob dpon dgyes gyur pa/ thams cad rab sbyin dbul bar bya// 'jig rten dbang phyug gi rtog pa rdzog so// // rgya gar gyi mkhan po dzam+b+ha la dang bod kyi lo sde ba dge slong ba ris bskur cing gtan la phab pa// // / rgya gar skad du/ Ar+ya sa man+ta b+ha dra nA ma d+hA ra Ni/ bod skad du/ 'phags pa kun tu bzang po zhes bya ba'i gzungs