བོད་ཡིག

e-texts based on the Adarsha Input

gcer bu bong bu zhon cing 'gro ba 'di na rgyu ba de ni lha mo khyod nyid kyis/ /bdag nyid mdzes par shes kyi gzhan lta khyod kyi spyod pa mtsho chen don dag su zhig shes/ /'khor ba 'jig pa'i tshe na mi rus dag las khrag dang zhag 'dzag dud pa 'thul ba na/ /lha mo mche ba mi bzad khyod kyi zhal du 'gro kun skad cig tsam gyis zhugs par gyur/ /nag mo mi thod thogs pa khyod ni rnal 'byor grub pa'i spyod yul can te dur khrod dgyes/ /khyod ni g.yo can mnan zhing nad dang 'chi ba'i 'jigs sel zhi la mi bzad dril yang sgrogs/ /khyod ni dpa' bo dag gi mgo bo cod pan legs spras g.yul du mtshon gyis bcad pa yi/ /phreng ba thogs shing gar byed lag pa mnyen brkyang rkub tshos che la klu dbang gshigs pa yis/ /ska rags 'ching zhing lag na mdung dang ral gri thogs la khrag gi chang gis myos gyur pa/ /mig rtsa dmar por gyur cing mtshan mo dur khrod 'gro ba 'byung po phal chen rnams kyis mthong / /ko rlon sar pas dril te brgyang ba'i gos kyis snam phyi phyed g.yogs phyed ni re ldes dkris/ /mi yi rgyu ma sar pa'i sbubs kyis zhal gyi zla ba brgyan cing dril bu 'gram par 'dril/ /lus ni snum gyis gsar du byugs shing khrag dang zhag mang 'dzag pa'i thig les tshom bur bris/ /mi ro'i sha la so yis chem chem gcod byed thod pa can ni bdag la skyong gyur cig /drag pa'i drag mo mi bzad mi sha kha na thogs pa snga na ma byung khyod mthong na/ /ma mo rnams kyang skrag cing rtabs la rngam pa 'thon cing mig rtsa rig rig khyod la 'dud/ /nag mo bzang mo lus mdog gnag cing bzod par dka' ba khyod la brgya byin la sogs kyang / /nyin gcig bzhin du bstod par byed cing gshin rje nyid kyang 'dar bzhin rtag tu 'dud par byed/ /mi rnams dang ni 'gro ba ma lus pa dag mjug btul bas ni rna ba ya gcig la/ /brang gis 'gro ba'i mgo bos gdengs ka stong dang ldan pa khyab gnas rgyan tu byas/ /ya gcig la ni seng ge mtshungs med thogs shing rgya mtshos bskor ba'i sa gzhi non/ /steng nas rgyu ba'i nyi ma'i 'od zer stong ldan khyod kyis lte ba'i phyogs su bzhag /rgya mtsho'i klong nas me 'bar khyod/ /chu rnams skems par nus pa ste/ /bud med thams cad zhi mdzad phyir/ /lha chen skra yi phyed du bzhugs/ /rdzongs dang dka' bzlog nam mo che/ /lha dang lha min phyag byas pa/ /mi nad gang yin khyod kyis shes/ /de la 'jigs pa med par 'gyur/ /gshin rje'i lcam mo bdud kyi yum/ /'dod pa'i khams kyi dbang phyug ma/ /nad do cog gi bdag mo ste/ /lha mo chen mo la bstod pa brgyad pa/ bram ze mchog sred kyis byas pa rdzogs s+ho// // lha mo nam gru la bstod pa/ dkon mchog gsum la phyag 'tshal lo/ /'phags pa dpal phyag na rdo rje la phyag 'tshal lo/ /lha mo chen mo re ma ti la phyag 'tshal lo/ /nam gru dag gi cho 'brang dang / /mtshan nyid dag ni bshad bya na/ /nor bu'i rang bzhin khyod kyi lus/ /rgyab ni 'dzam bu chu bo'i gser/ /khyod kyi gdong ni dngul yin te/ /lto ba'i ngos ni rdo rjes bltam/ /ming po mdzod dang mdzod bdag po/ /khyod kyi ma ni kun 'gro ma/ /khyod kyi pha ni rlung zhes bya/ /skal ldan shing rta khyod kyi rus/ / lha yul dag tu grags pa yin/ /na mo badzra pA Ni s+ye/ tsi li tsi li/ b+hin d+hi b+hin d+hi/ mun tsa mun tsa mun tsa hi ba la ka na swA hA/ badzra pA Ni rA dz+nyA pA ya ti swA hA/ de ba sa mA da nya pA ya ti swA hA/ ri Sha ya sa mA da nyabA ya ti swA hA/ na mo rad na tra yA ya/ tad+ya thA/ ru ru b+hi tiSh+Ta bad d+ho si swA hA/ 'dod pa khams kyi dbang phyug ma/ bdud kyi yum chen mo/ lha mo chen mo re ma ti'i gzungs/ rdzogs s+ho// // dpal lha mo sgra dbyangs la bstod pa/ lam gang gis na sangs rgyas 'byung ba dang / /rgyal ba sras bcas chos kyi bla mar gyur/ /mkhyen pa'i rim par sa rnams bkod pa yi/ /shes rab