བོད་ཡིག

e-texts based on the Adarsha Input

mdud pa nyi shu rtsa gcig dor ro/ /bcom ldan 'das kyis de skad ces bka' stsal nas/ de dge slong de dag yid rangs te/ bcom ldan 'das kyis gsungs pa la mngon par bstod do/ /'phags pa rims nad rab tu zhi bar byed pa zhes bya ba'i gzungs/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban de ye shes sdes bsgyur cing zhus te gtan la phab pa/ / dkon mchog gsum la phyag 'tshal lo/ /'phags pa 'od dpag tu med pa la phyag 'tshal lo/ /tad+ya thA/ i li mi ti me li/ ha ne su ha ne/ che ge mo zhig dz+wa la ban d+ha mi/ e ka hi ka na/ tri hi ka~M/ tsa tu sh+tsa ka~M / sni t+ya dz+wa ra~M swA hA/ cho ga ni 'di bris te mgul du btags na rims med par byed do/ /rims nad zhi ba'i gzungs/ rdzogs s+ho// // rgya gar skad du/ Ar+ya ak+Shi ro ga pra sha ma ni su tra/ bod skad du/ 'phags pa mig nad rab tu zhi bar byed pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na bya rgod kyi phung po'i ri la bzhugs te/ de nas gnod sbyin gyi sde dpon chen po nag po bcom ldan 'das ga la ba der song ste phyin nas/ bcom ldan 'das la 'di skad ces gsol to/ /bcom ldan 'das rgyal po'i khab kyi grong khyer chen po 'dir mig nad dag byung na de dag la ji ltar bsgrub par bgyi/ bcom ldan 'das kyis bka' stsal pa/ nag po mig nad kyi sngags kyi tshig 'di dag yod de/ tad+ya thA/ ru d+hi re phu/ ru d+hi ra ak+Shi phu/ ru d+ha ri bi ga le phu/ bA te phu/ ba te le phu/ han te phu/ mA~M sa dun du b+hi phu/ pad ma ak+Shi phu/ pad ma daN+Ta Ta ha ra NI ye phu swA hA/ bcom ldan 'das kyis de skad ces bka' stsal nas/ gnod sbyin gyi sde dpon chen po nag po yi rangs te/ bcom ldan 'das kyis gsungs pa la mngon par bstod do/ /cho ga ni 'di yin te/ srad bu dkar po la lan bdun bzlas pa byas te mdud pa bdun dor ro/ /chu la lan bdun bzlas pa byas la lag pas byabs na mig nad zhi bar 'gyur ro/ /'phags pa mig nad rab tu zhi bar byed pa'i mdo/ rdzogs s+ho// // dkon mchog gsum la phyag 'tshal lo/ /he b+ha ga ban many+dzu shrI ku mA ra/ sarba ta thA ga tA/ ba la bi d+hi dz+nya/ sarba ta thA ga tA nA~M/ na ge sti sti Sha sarba satwa nA~M swA hA/ 'brum bu'i nad zhi bar byed pa'i gzungs/ rdzogs s+ho// // rgya gar skad du/ Ar+ya aR+sha pra sha ma ni sU tra/ bod skad du/ 'phags pa gzhang 'brum rab tu zhi bar byed pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan da ka gnas pa'i tshal na dge slong lnga brgya tsam gyi dge slong gi dge 'dun chen po dang thabs gcig tu bzhugs te/ de nas bcom ldan 'das bcwa lnga'i gso sbyong zla ba nya ba de nyid kyi tshe dge 'dun gyi mdun du gdan bshams pa la bzhugs so/ /de'i tshe dang ldan pa kun dga' bo bcom ldan 'das kyi snam logs na rnga yab thogs te/ bcom ldan 'das la g.yob cing 'dug par gyur to/ /de nas tshe dang ldan pa kun dga' bo bla gos phrag pa gcig tu gzar te/ pus mo g.yas pa'i lha nga sa la btsug nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das rgyal po'i khab 'di na dge slong gzhang 'brum can mang po dag gzhang 'brum gyi bro nad kyis gzir te/ sdug bsngal mi bzad pa drag po mi bde ba yid du mi 'ong ba'i tshor ba myong bar gyur na/ btsun pa bcom ldan 'das de dag la bdag gis ji ltar bsgrub par bgyi/ de skad ces gsol pa dang / bcom ldan 'das