བོད་ཡིག

e-texts produced with BDRC’s OCR application

/ rgya gar skad du/ Ar+ya ba ka wa ra dza/ ma yA la sarga sha ta sa ha sri ka lak+Sha Na sarba tan+ta A ga ma/ sarba ta thA ga ta gu h+ya gu h+ya gar+b+ha yA hi ned tsha pa la nA ma tsakra tsit+ta pha la na ma/ bod skad du/ 'phags pa rtogs pa'i rgyal po/ sgyu 'phrul dra ba le'u stong phrag brgya pa las/ mtshan nyid dang rgyud thams cad lung gis dpyad pa/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i le'u las/ sgyu 'phrul le lag ces bya ba/ bam po dang po'o// // bcom ldan 'das dpal kun tu bzang po dgyes pa chen po la phyag 'tshal lo// 'di skad bshad pa'i dus na/ de bzhin gshegs pa dgyes pa chen pos/ mnyam pa'i dkyil 'khor la bzhugs nas/ nyid kyi sku la thams cad ma lus par 'dus par bstan te/ ched du brjod pa 'di brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par mnyam yin par// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing // sems can kun gyi zhing gyur pas// de dag gnyis med dbyings su sbyor// thams cad thabs kyis mtshan nyid do// thabs dang thabs ni rnam par spyod// thabs chen thabs las byung ba yi// de ni byang chub rdo rje mchog/ ji snyed brjod pa'i kha brgyud kyang // yang dag don gyi snying po ni// gang nas btsal yang mi rnyed do// rang rig sgrib med dag pa yin// de la rtag 'grub goms pa ni// bsnyen pa'i dam pa de yin te// de ni ma nor lam yin par// a yis po de rab tu bsdus// de ni nyid kyis dbyings nyid ni// gcig ces 'di zhes brjod du med// gnyis med dbyings kyi ngang du med// gsum du sna tshogs 'byung zhing spro// byin rlab bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blo bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhi phab pa'i don yin te// dag pa rnam gsum tshul sgom zhing // 'bru lngar 'dus pa thabs che ste// 'gro ba kun la rang bzhin gnas// bya ba med la byas pa med// zad pa'i dus med yid bzhin te// bum pa bzang dang yid bzhin mdzod// za ma tog dang rin chen rgyal// gzhan nas yong 'ongs ma yin te// rang sems bsod nams bstan pa yin// lha srin la sogs yod pa yi// nor 'dra rin chen ma yin te// bo de bkor ni rin po che// sku gsung mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang por don rtogs mtha' mi gtong // chu srin phyag rgya ji bzhin du// spyod yul kun tu tshe dpag med// zhes gsungs so// sgyu 'phrul dra ba las/ phyogs bcu dus bzhi'i snod bcud bdag la 'dus pa dang / longs spyod dang sku gsung thugs kyi mi zad pa'i rgyan gyis 'khor lo bskor ba'i le'u ste dang po'o// // de nas de bzhin gshegs pas rgyud kyi rgyal po sgyu 'phrul dra ba bstan pa las chos thams cad nam mkha'i mkha' dang / yum gyi dbyings su 'dus par bstan pa ched du brjod pa 'di brjod do// yang dag don gyi gsang mchog ni// bde ba'i thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// thams cad ma lus thig le'i dbyings// sku lnga'i 'od zer mang po kun// thams cad yum gyur/ dbyings su thim// gsal 'bar sprin gyi bdag por 'gyur// byang chub sems kyi theg pa ni// kun la khyab cing mi gnas pa/ kha dog gnas dang dbyibs ma yin// yon tan mchog gis snying po ni// rtog ge'i spyod yul yang ma yin// zab cing rgya chen rab sbyangs pa'i// gsang ldan bstan pa'i spyod yul de// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams g.yo dang // rgyal ba mngon 'byung thams cad kun// nam mkha' khams gsum gyur pa la// dus bzhi phyogs bcu na yang med// dus gsum bde gshegs nyid mi mnga'// sngon gyi bde gshegs thugs chud pa'i// nam mkha'i ngang du thams cad thim// thams cad shes rab dbyings nyid de// dbyings la dbyings ni rnam par sbyor// shes rab dbyings nyid sbyor ba yi// byang chub rdo rje'i thig le yin// dkyil 'khor bsam yas lhun grub dang // rgyu dang bral ba'i gzhal yas kyis// kun la khyab cing mi gnas pa// yon tan mchog gis gnas yin te// ma bcos rgyan gyi skad cig ma// de yis ma byas gang yang med// rang gi rnam rtog ma yin pa// yang dag gshegs dang log rtog dang // gzhan yang sprul pa mang po'i tshogs// phyogs bcu ma lus thams cad kyi// de la gsad cing bzung du med/ kha dog dbyibs dang gnas ma yin// skyes bu dam pa mchog 'dod pas// de la rtags 'grub gsal bar bgyi// de yi 'bras bu mthar phyin ni// rgyu 'bras med pa'i dus cig ste// thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par rol// skye 'chi med pa'i dbyings la bzhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba[:]yum gyi dbyings su thim// thams cad ma lus chos skur 'dus so// chos thams cad ming gi mtshan nyid de/ yum gyi dbyings su 'dus pa shin tu gsang ba'i le'u ste gnyis pa'o// // de nas de bzhin gshegs pa ye shes lnga'i dkyil 'khor la snyoms par zhugs nas ched du brjod pa 'di brjod do// lnga phung yan lag thams cad kyang // 'bru lngar gnas pa'i byang chub ste// dang muM du 'brel ba yin// byang chub rdo rje dril las byung // cir ni brjod pa thams cad kyang // kun kyang ming tsam yi ge a// skye 'jig nyid na yi ge lnga// de ni byang chub sems yin te// gnyis su byang chub mchog 'byung ba// gsum shar lnga 'bar bcu 'byor ba// zad med rin chen gter yin te// mngon shes drug ldan mtshan brjod sngags// e las 'phro zhing ar 'dus pa// gsang ba'i thig le nyid kyi dbyings// nam mkha'i dbyings nas sprin 'byung ba// kun la khyab cing sna tshogs smin// bzhi bcu rtsa lnga'i khong nas bsam mi khyab// byin rlab ya mtshan rmad po ches// yon tan mi zad gter 'gyur ro// ho/ ye nas mnyam nyid gsal ba'i dkyil 'khor dbyings// dbyings la med bzhin ye shes thig le'i ngang // ye shes dbyings nyid sgyu ma'i tshul// snang byed nyid na bya byed med par gnas// ye shes 'phrul chen bzhi bcu rtsa lnga'i don// dkyil 'khor bsam yas lhun grub kyis// thabs dang shes rab gnyis med mnyam par gnas// dag mnyam rnam gsum don rtogs bsgoms byas shing // mnyam pa rnam bzhi'i don rtogs mchog gi / gnas// rgyu 'bras lhun grub tshogs bzhir 'dus// ye shes lnga rdzogs sku gsung thugs kyis bsdusas// chags med bzhi yi lam nas thig le 'jug/ ye shes lnga rdzogs spyod yul maN+Da la// ma chags 'od gsal dkyil 'khor rdzogs par ldan// thams cad ma lus rang rig rgyal po yi// dkyil 'khor dag mnyam khro bo khro mor sbyor// chos rnams rang bzhin nyid kyis stong // nang dang nang gi phyi rol gyi// rnam / rtog sna tshogs 'dzin pa dang // dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes gsal// nyon mongs sdug bsngal byang chub mchog/ thams cad yon tan mchog gi gnas// a ho/ phyogs bcu rgyal ba'i dkyil 'khor ma lus kun// nges pa'i don bkrol bzhi bcu rtsa lngar bsdus// lnga po'i don nyid bcu gsum nang du bsdu// gsum po de nyid yi ge ar bsdus te/ a nyid ma skyes mnyam rdzogs dbyings su thim// a ho/ mi dmigs stong pa nyid kyang brjod mi lang // mi gnas de bzhin nyid kyang bsam mi khyab// ma skyes chos kyi dbyings kyang kun tu khyab// ma 'gag byang chub sems ni skye 'jig med// 'gro med 'ong med mi gnas pa'i// thugs rje'i byin rlab rnam par 'gro// zhes nyid la nyid gsungs so// dbyings las dbyings byung thabs kyi phyag rgya gsal// thabs las dbyings byung yum gyi phyag rgyar gsal// dbyings dang dbyings kyi ye shes 'byor pas na// byang chub sems tshogs dkyil 'khor brjod mi lang // a ho/ de bzhin gshegs pa'i dkyil 'khor nges pa'i don ma lus par/ mtshan nyid med pa'i phyag rgyar thim pa'i le'u ste gsum pa'o// // de nas de bzhin gshegs pa bcom ldan 'das dgyes pa chen pos/ 'gro ba thams cad la rang bzhin gyi dkyil 'khor yod par bstan pa dang / rigs rgyu drug tu yang bshad/ de la chos nyid kyi rigs thams cad kun la yod do// nam mkha'ang thams cad kun la khyab par gnas so// de ltar chos kyi dbyings dang nam mkha' kun la khyab kyang / mngon par thar pa'i don ma rtogs na/ me long g.yas g.yogs pa dang 'dra ste/ gzugs brnyan snang ba'i bya ba byed mi nus so// zhes gsungs nas/ yang 'di skad ces/ rdo rje 'chang gis/ mnyam nyid don rtogs rang rig rgyal po dang / rgyal mtsho chen por chu klu kun 'bab ltar// bla med don gyi theg chen 'di dag tu// rnam thar theg pa bsam yas ma lus 'dus// a ho// bdag med gnyis rtogs pha rol phyin rdzogs pa'i// sa bcu rim gyis bsgom pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyi sa rab thob par 'gyur// phyi nang rten 'brel sgyu ma mig yor tshul shes pa'i// dngos po gzugs la thogs med rab tu 'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/ bden bzhi don rtogs rab tu spongs byed pa'i// ye shes bcu drug cha sbyang rab zhi ba'i// rgyun zhugs la sogs rim par sbyangs nas ni// nyon mongs dgra rnams zhi ba'i sa ru 'gro// theg pa gang du bstan pa bsam nges pa'i// yang na nges med 'di zhes rtag tu med// 'di ni ma nges rdo rje 'chang gis gsungs// dge bcu spyod cing mi dge slong byed pa// 'dod khams lha dang mir ni skye ba'i rgyu// tshad med bzhi spyod mi g.yo sgom byed pa'i// tshangs gnas la sogs skyes pa'i rgyu yin te// chos kyi dbyings kyis kun tu khyab gyur kyang // rang gis rtogs pa'i skal dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no// chos kyi dbyings kyis kun la khyab pa yis// bye brag theg pa bsam yas gsungs pa yang // so so'i rang rig blo la snang bar zad// ngan song 'gro drug tshogs rnams rgyu ba yang // 'khrul pa'i blo log rtog pa nyid snang ste// de bzhin nyid kyi dbyings las 'gyur ba med// mi dmigs rang rig goms byas bla na med pa'i mchog/ log rtog bdag dang bdag gir 'dzin 'gyur na// dngos med mi sdug sna tshogs snang bar 'gyur// yang dag shes pa'i rang rig blo med na// bde gshegs zhing yang ngan song gnas su mthong // theg chen mnyam pa'i don nyid rtogs pa ni// ngan song gnas nyid 'og min dga' ldan/ gnas// nam mkha'i dbyings ni bsam yas par// nyi zla gza' skar mtshan mo glog 'gyur dang // 'ja' tshon sprin mang sna tshogs 'khrug gyur kyang // nam mkha'i dbyings la 'gyur cing nyams pa med// mi dmigs chos kyi dbyings ni bsam yas par// sku gsung yon tan phrin las rmad byung dang // 'jig rten gtso mchog sna tshogs thams cad dang // 'khrul 'khor sdug bsngal sna tshogs rnam mang yang // de bzhin nyid la zhum zhing bri ba med// rgyud kyi rgyal po sgyu 'phrul dra ba las/ thams cad la chos nyid kyi rgyu yod pa dang / rigs chad pa dang / rigs brgyad po so sor phye ba'i mdo bshad pa'i le'u ste bzhi pa'o// / de nas de bzhin gshegs pa thams cad mnyam pa nyid la zhugs nas/ 'khor bsam gyis mi khyab pa thams cad kyang / nyid la nyid mnyes par mchod cing / kun tu bzang po dgyes pas phyogs bcu dus bzhi ma lus pa thams cad kyi bzhugs gnas gzhal yas khang rin po che sna tshogs bsam gyis mi khyab pa/ tshad med dpag tu med pa rgyas pa/ mtha' dbus med par khyab cing / 'od zer sgrib pa med par rang byung ba la zhugs te/ ched du brjod pa 'di brjod do// nyid kyi dbyings nyid 'phro ba tshad dpag med// kun nas dkyil 'khor yongs su ma chad pa'i// srid gsum yang dag mnyam sbyor spyod yul te// mtshan 'dzin 'das pa mchog gi rgyu las byung // dbang skur shin tu rnam par dag pa yi// de bzhin gshegs pa 'og min gnas bzhugs nas// gzung 'dzin bral ba'i bla med rjes 'dod dang // 'jig rten 'khor gyis gces bkur dbang phyug dang // gzhan yang 'jig rten phyogs bcu khams gnas pa// bdud rtsi ro yis dga' bas bde chen 'grub// dus gsum dri bral bdud sde tshar gcad pa'i// 'das dang ma 'das de bzhin nyid du sbyor// shes rab thabs ldan nges pa'i don 'byung ba// rig pa'i thabs chen dbang phyug nyid du bsgom// stong smon mtshan med rang bzhin 'od gsal ba// zad med bsod nams tshogs kyis brgyan par 'gyur// rang byung nyi zla pad+ma rin chen rgyas la bzhugs// rdo rje mnyam nyid thugs su chud pa yis// mnyam rdzogs chen po lhun la rol par mdzad// bde gshegs dbyings nyid de bzhin nyid gnas pa// dus bzhi rgyal ba kun dang mnyam par 'bas// thams cad 'od gsal dkyil 'khor thugs chud pa'i// sku gsung thugs kyi rdo rje 'chang las byung // spyod yul 'phrog med brjod kyis mi lang pa'i// dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa'i// mnyam pa'i don grub rdo rje can zhes bya// rnam par rtog med byang chub rdo rje'i sku// shes rab mchog gis ma lus yongs bsdus pa// bde gshegs mi gnas mnyam nyid ngang du byon// thabs chen ma 'dres rnam par dag pa'i yid// dmigs med bde chen sa nyid dbyings su thugs chud pa'i// thabs dang shes rab dbyings nyid dam pa'i mchog/ phyogs bcu dus bzhi dbyings nas mtha' gtugs pa// rang rig rgyal po che yis rtogs par 'gyur// nyid la nyid brjod rdo rje gsang ba'i tshig tu'o// gzhal yas khang dbub pa thabs dra ba'i le'u ste lnga pa'o// // shes rab mchog ldan gsang ba'i ngang 'chang pa'i// thugs rje'i byin rlabs sna tshogs 'phro ba yi// bde gshegs ma lus 'byung ba'i gnas// yid bzhin rin chen mi zad ldan par 'phro// gzhal yas khang de ltar yang dbub bo// de nas de bzhin gshegs pa bcom ldan 'das kyis/ thugs rje rol pa'i ting nge 'dzin la snyoms par zhugs nas/ ched du brjod pa 'di brjod do// nam mkha'i dkyil 'khor dwangs pa yi// yid bzhin sprin tshogs rnam 'byung ba// sna tshogs 'byung zhing 'od 'phro 'bar// srid gsum sreg pa'i me yin te// yid / kyi ye shes me ru 'bar// haM/ dbang po dngas ma'i dkyil 'khor du// spyod yul rdzas rnams bsdus nas ni// lhan ne lhang nge 'od du zhu// a/ zhi 'byung dbyings nas phyag rgyas 'bar// thugs rje'i byin rlab rmad po che// hUM/ 'gro ba sna tshogs don byed pa// 'di ni byang chub mchog tu gsungs// ho/ bzhi po 'joms shing ngan song sbyong // tra/ ta sman bcud len gyis dug sbyong bzhin// phyi dang nang gi dri ma dag/ bdag med gnyis kyis dag par byed// hi/ gsal zhing bzhag par bya ba med// nyi ma shar ba'i 'od bzhin du// snang dang mi snang gnyis ka med// de bzhin mnyam nyid ye shes kyi// thams cad rgyal ba'i zhing du sbyor// oM/ rang rig ye shes rgyal po yis// phyogs bcu'i khams rnams dbang bsdus nas// thams cad mi dmigs dbyings su bstims// thams cad khro bo'i tshogs su 'gyur// rtog pa rnam bzhi mi dmigs dbyings 'gyur ba// shes rab yum gyi mtshan nyid dbyings su thim// thabs dang shes rab gnyis min dbyings gyur pas// chos rnams thams cad dbyings kyi khro mor 'gyur// chos thams cad khro bo dang khro mo rang bzhin du gyur pa/ rang rig pa'i ye shes kyi me'i sbyor ba'i le'u ste drug pa'o// // de nas de bzhin gshegs pa khro bo'i rgyal pos/ sgyu 'phrul dra ba bstan pa las/ khro bo rngam pa'i tshogs su spros nas/ ched du brjod pa 'di brjod do// byang chub mchog gi snying po ni// mtshan mas btsal ba ma yin te// dag pa rnam gsum ma nor zhing // rang rig rgyal po goms pa yis// byang chub mchog 'di rnyed par 'gyur// drag po gtum po sgrub pa ni// b+ha ga la ni ling+ga bzhag/ mtshan ma ming du bcas par bya// khro bo'i zhal ni gang yang rung // lan gsum lan bdun rtags bsgoms shing // mngon du 'byung ba'i zhal 'bar te// bdag nyid dkyil 'khor lhar gyur nas// ling ga yang dang yang bsdus te// dbyings kyi dkyil du bstim par bya// hUM gis bsdus shing phaT kyi 'phang // zhal gyi rang sngags khri 'bum du// rnam gsum tshul gyis bzlas nas su// yang nas yang du gsal bar byed// 'gro lnga'i sems can thams cad kun// dbang med zhal du thim par 'gyur// ya ma ya yang lhag par 'jebs// sku mdog dud kha la sogs dang // mche gtsigs khro gnyer gcig pa dang // zhal bgrad phyag rgya 'bar ba dang // gang la goms par bsgom par bya// bdag nyid 'dzin pa phyag rgya ste// mtshan ma gzung nas rang sngags gdon// mngon par dbang pos ltar yod par// ril bur bsdus nas dbyings su mchod// the tshom med par 'grub par nges// dam pa'i chos 'jigs ma rung pa// dpa' bos gos pa yod pa'i phyir// kun la phan pa de gyis shig/ hUM dang dzaH dang spro la sogs// 'dren pa'i mchog tu de gsungs so// mtshan ma ming du bsdus pa yang // ji ltar sngon gyi de bzhin du// smon pa'i byang chub lam du bzhugs// mtshan ma bag chags med par bya// dbyings nas spro zhing a la stim// a ho thugs la thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o// // de nas de bzhin gshegs pa ma lus pa thams cad kyi rgyal po 'bar ba'i thugs rje gtum 'khrug gis chen por bsgyur nas/ thams cad 'od phung 'phro zhing 'bar ba bstan pa/ ched du brjod pa 'di brjod do// rgyu 'phrul dra ba bstan pa yis// phyogs bcu'i zhing khams ma lus par// b+h+rUM dang tsakra'i 'khor lo sprul// 'od 'phro 'bar ba'i tshogs chen hUM// gtum chen dus mtha'i me ltar 'bar// hUM/ nyi ma thod sbrul mang po'i gzi// khro gnyer glog stong 'gyur/ ba bzhin// rngam pa'i pa ro 'brug stong ldir// phaT/ khros pa'i sprin chen phyogs bcur 'bar// D+ha/ khros pa'i me dpung rdo rje 'bar// rdo rje 'khor lo rtsig pa 'bar// tsakra/ khro bo khro mo'i tshogs kyis bskor// gnas dang yul gyi phyag rgyas mdzes// hra hre/ slas dang byi mo bran mo'i tshogs// gong gi stan dang lag cha dang // ci bgyis zhes te chas te gnas// ti ra rgyu ma'i zhags pa dang // nr-i yi tsit+ta za zhing rgyu// shin tu rngam pa'i gzugs su gnas// ral pa muny+dza cod pan 'bar// phyogs bcur khebs pa'i gshog pa gdengs// rdo rje brten nas brag ri 'bar// haM/ so so'i rang sngags skad gdangs dang // sgra skad nga ro drag tu 'don// hUM/ ha he phaT dang b+h+yo ru lu/ khro bo chen po tshogs pa yis// dkyil 'khor chen po zhal 'bar la// bdag nyid gnyis su med par bsgom// so so'i rang sngags bzlas nas su// rgyu drug sems can thams cad dang // ma rung gdug pa thams cad kun// dzaHhUM baM hos bkug nas su// lan gsum lan bdun zhal du bstim// lha yang rung ste brlag par 'gyur// ho gzhan yang mchod pa'i zhal zas ni// 'byor pa sna tshogs kun gyis mchod// nI'i tshil dang tsha ba'i mar// dmar gyi ar+g+haM rgyun du 'bul// a ho yang na lan gsum brgya rtsa brgyad// stong dang 'bum du 'bul bar gyi// nag po tsher ma can dang dug gis shing // gzhan yang bsreg rdzas dug gsum dang // gnas pa'i cho ga kun gyis bya// sgyu 'phrul dra ba las/ thugs rje rol pa'i dkyil 'khor bstan pa'o// ho oM hUM traM hri A/ ha~M thams cad ma lus par 'dir 'dus pa'i le'u ste brgyad pa'o// // de nas de bzhin gshegs pa'i khro bo'i rgyal pos/ thams cad rdo rje bsdus nas/ ched du brjod pa 'di brjod do// dag pa rnam gsum tshul sgom zhing // sgyu 'phrul dra bar brtan par gnas// / thams cad hUM du bsdus nas ni// dkyil 'khor gru gsum 'bar bar sgom// me dpung 'bar ba'i tshogs chen du// me la ag+ne rdzas bkug nas// raM zhes bya ba'i me sbar te/ khro bo'i dkyil 'khor ma lus kun// zhe sdang rdo rje bsgom par bya// hUM gtum po'i tshogs chen rab tu 'bar// dud ka nag po'i mdog 'dra las// 'bar ba'i 'od zer mang po 'khrug/ nyi ma thod sbrul mang pos brgyan// seng ge glang chen stag rngams dang // phyag rgya sna tshogs 'bar ba gdams// hUM dang phaT dang hUM ha la'i sgra// skad drag phyogs bcu'i nam mkha'i 'khrug/ phaT khro bo khro mo'i tshogs kyi bskor// yul dang gnas kyi phyag rgya mdzes// he he slas dang byi mo bran mo dang // b+h+yo ci bgyid la sogs tshogs kyis bskor// ye shes stan dang lag cha dang // rngam pa'i nga ro rang sngags dang // mi gdug gtum pa'i gzugs can dang // shin du khro bar bsgom par bya// bdag nyid phaT kyi ngang nyid du// gsal 'dris blo goms rtag tu bsgom// dzaHhUM baM hos bsdus nas ni// rgyu drug sems can kun bkug nas/ khro bo'i tshogs la dbul bar bya// lha yang rung ste brlag par 'gyur// yo byad gzhan gyis spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor bsam yas kyi// zhal gdangs spyan bgrad khro zhal sgom// rdo rje gtams pa gdengs pa dang // thod pa lcags kyu rnams kyis bskor// hUM sgra drag po tshogs kyi 'bar// 'dzin pa'i phyag rgya bkug nas su// zhal du bstims na lhag par 'grub// rdul cha tsam yang med par byed// 'khor gyi tshogs kyang snga ma bzhin// stong pa'i tshul du rbod gtong bya// hUM// gtum po dmar smug mche ring pa// 'bar ba rdo rje phreng bas bskor// 'od chen 'bar ba 'phro ba yi// 'jig rten / khams gsum dus gcig rngub// khro bo'i tshogs kyi sngags rnams dang // gnas dang yul gyi phyag rgya dang // slas dang byi mo bran mo'i tshogs// so so'i rang sngags rdzogs par gdon// ha he b+h+yo/ gzhan yang bstod tshig 'di dag gis// hUM// rdo rje thugs rje'i byin rlab kyis// 'jig rten khams ni kun bkang ste// gtum 'khrug ma lus thams cad kun// rdo rje mthu yis bkug nas ni// gtum par mi 'gyur gang yang med// hUM/ zhe sdang rdo rje 'khor bcas pas// 'jig rten khams ni rab 'byams kun// skad cig yud la brlag mdzad de// brlags par ma gyur gang yang med// hUM sgyu 'phrul dra ba las/ drag po'i hom gyi le'u ste dgu pa'o// // de nas de bzhin gshegs pa'i khro bo chen po pad+ma bsdus pa zhes bya bas/ 'gro ba mang po'i don gyi phyir ched du brjod pa 'di brjod do// shes rab thabs su sbyor ba yis// thams cad ma lus dbyings su sbyor// hi/ dkyil 'khor zla gam gdengs pa la// 'od zer mang po 'bar ba dang // rdo rje lcags sgrog bsdams pas bskor// gzhan yang rgyan gyi dam pa mchog/ kun gyi de la rgyan cing / skor// me lha spyan drangs snga ma bzhin/ khro bo'i dkyil 'khor ma lus kun// pad+ma rigs kyi khro bo bsgom// dmar smug drag po'i mdog dang ni// gzhan yang sprul pa mang po'i tshogs// phyogs bzhi mtshams bzhi steng 'og skor// rngam pa'i rang sngags drag tu sgrog/ hri/ bdag nyid ma chags rdo rje ste// dkyil 'khor gong ma gsal bsgoms nas// phyogs bcu'i 'gro ba thams cad dang // gdug pa'i yid can ma lus kun// dzaHhUM s+pho Tas bkug nas su// dkyil 'khor la ni dbul bar bya// dgongs pa 'grub cing ngan song sbyong // hri gzhan yang dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang // pad+ma rdo rje 'od 'bar skor// gzhan yang rgyan mchog mdzes pa yis// dkyil 'khor kun la rgyas par brgyan// bdag nyid pad+ma'i lhar gyur par// mchod pa lha rdzas sna tshogs dang // zhal zas bza' btung tshogs rnams dang // dmar po shing dang dri zhim pa// lan grangs gong du smos pa bzhin// rtag tu mchod pa byas nas ni// 'jig rten 'di dang 'das pa yi// ci 'dod las de grub par 'gyur// sngags ni yi ge ra dang hri// mdog ni dmar smug 'od po che// phyogs bcu khyab cing hi la sdus// dgyes pa'i glu dang gar gyis mchod// hraM/ rdo rje pad+ma 'bar ba yis// phyogs bcu mtha' yas rab 'byams kun// dpal dang gzi brjid che la sogs// pad+ma 'bar bas bde bsdus nas// sangs rgyas sku dang mnyam pa dang // dkyil/ gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hri/ 'dod chags rdo rje 'khor bcas pas// 'jig rten khams ni rab 'byams kun// skad cig yud la dbang du bsdu// dbang du ma gyur gang yang med// hri sgyu 'phrul dra ba las/ thams cad ma lus par dbang du bsdu ste/ dbang gi hom gyi le'u ste bcu zam pa'o// // de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag nyid kyis dbyings nas byung nas/ ched du brjod pa 'di brjod do// bde ba chen po dkyil 'khor 'bar// 'od zer 'phro ba mang po 'khrugs// bsod nams zhing gyur mchog tu 'bar// rgyal ba'i yon tan mkha' dang mnyam// traM ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs dang / khro bo kun yang dag 'phro ste// 'od chen dkar po 'bar ba dang // phyag rgya @#// sna tshogs cir yang bsgyur// lha dang lha mo 'khor gyis bskor// mchod pa'i yo byad sna tshogs dang // dkar la dri zhim shing rnams dang // gzhan yang mchod yon thams cad kyi// dkyil 'khor la ni rgyas par 'bul// bdag nyid rin chen rab 'bar nas// tram dkar yi ge 'od du 'bar/ khro bo kun kyang de bzhin te// mngon gyur pa yi dkyil 'khor du// pA sha ho dang dzaHhUM gis// phyogs bcu lam lnga kun bkug ste// dbyings su thim par 'od 'phro sgom// thams cad sangs rgyas zhing dang mnyam// gzhan nas yod 'ong ma yin te// sgyu ma'i ye shes bstan pa yin// gzhan yang dkyil 'khor bsam yas ni// rin chen dbyings la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcur khyab par mchod cing 'bul// yon tan rgyal ba'i zhing dang mnyam// tram/ glu dang gar gyis mchod par bya// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyal phul nas// thugs rje'i dbyings kyis rgyas par rol// hreM hA hreM tri/ nga rgyal rdo rje 'khor bcas pas// 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// sgyu 'phrul dra ba las/ rgyal po'i rgyas mdzad kyis rgyas pa'i ho gyi le'u ste bcu gcig pa'o// // de nas de bzhin gshegs pa snang mdzad khro bo chen pos/ thams cad dkyil 'khor 'bar ba chen por gyur nas/ ched du brjod pa 'di brjod do// ye shes dkyil 'khor mtha' dbus med// bsam yas lhun gyis grub pa yis// rgyal ba'i dkyil 'khor ma lus kun// bde gshegs nyid las mi gzhan shar// oM/ dkyil 'khor zlum por 'bar ba la// 'khor lo 'bar bas rab skor zhing // 'od ni ser po rab tu 'bar// rmad du 'byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM ser po// me lha spyan drangs snga ma bzhin/ khro bo'i dkyil 'khor ma lus kun// kun kyang gti mug rdo rje ste// 'od zer sna tshogs 'phro ba dang // 'khor lo phyag rgya 'bar ba dang // lha dang lha mo'i tshogs kyis brgyan// gdan dang gnas kyang dbyings nyid de// rgyal po'i dkyil 'khor de dag tu// phyogs bcu gnas pa thams cad kun// tsakra'i lcags kyus bkug nas su// dkyil 'khor dbyings su bstims byas nas// gtum 'khrug gdug pa ma rung ba// lhan ne lhang de zhi bar 'gyur// oM gzhan yang dkyil 'khor bsam yas te// dkyil 'khor 'khor lo 'bar ba yis// oM dang ye shes mgo bskor te// brgyan pa'i rdo rje phyag rgya kun// rdzogs ldan zhi bas bskor bar bya// / rgyal ba'i lus mdzes 'khor lo 'bar// rgyan rnams zhi la dkar ba dang // byang chub mchog 'bar len par bsgom// mkha' la rgyu dang bar snang 'phro// gzhan yang 'gro drug ma lus kun// zhi 'gyur 'di la the tshom med// gar dang glu yis mchod byas te// phyogs bcu'i gdug pa ma rung pa// gdug pa'i yid ni rab bor nas// lhan ne dkar por 'od du gyur// bde lhan byang chub 'od 'phro 'bar// dro oM// gti mug rdo rje 'khor bcas pas// 'jig rten khams ni rab 'byams kun// skad cig yud la zhi mdzad de// zhi bar ma gyur gang yang med// sgyu 'phrul dra ba las thams cad ma lus par zhi bar gyur nas zhi ba'i haMho gyi le'u ste bcu gnyis pa'o// // de nas de bzhin gshegs pas rgyal ba'i tshe mtha' yas su sprul pas/ ched du brjod pa 'di brjod do// sgyu 'phrul dra ba bstan bsdus te// b+h+rUM dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga don bsgoms te// de yi phyogs bcu gang bar gnas// b+h+rUM dzaHhUM dang baM hos dgug/ sku gsung thugs kyi snying po mchog lus ngag sems la bstim par bya// ni nyid dngos po yid bzhin mdzod// bum pa'i mchog ni bzang po yis// cho gzhan gnas ni de yin te// yang nas yang du bkug byas te// mngon du smin par 'gyur ba dang // dbyings su yang ni bsdu bar bya// rdo rje go chas bsrungs pa yis// rten zhing 'khor lo gdab par bya// snying po 'bru lnga'i nang du stim// sangs rgyas ma lus thams cad kun// rgyal po tshe dpag med par bsgom// sku mdog gangs ri 'tsher ba la// rgyan phreng sna tshogs rnams kyis brgyan// yid bzhin rin chen phreng ba dang // yid bzhin rin chen za ma tog/ rin chen rgyan dang bum pa bzang // gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyang khros gyur te// phyogs bcu nam mkha'i khams bkang nas// sgra skad drag po ston nas ni// thams cad ma lus thul bar bya// dbang du tshe dpag med pa sgrub// a/ tshe bsnyen dang ni bsnyen pa dang // tshe sgrub dang ni grub pa yis// thabs dang shes rab 'byor pa yis// ci 'dod las rnams 'grub par 'gyur// tshe yi dbang mo rgyud 'phel ma// dkar mo'i mdog la 'od 'phro 'bar// phyag na rin chen gang ba yi// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus kun// phan pa'i tshe dbang 'di sbyin te// de las lhag pa'i rgyud 'phel med// de yi bzlas pa 'phrul chen ni// rnam gsum tshul gyis ma 'khrul bar// sngags bzlas cho ga bar mchod// 'dris gsal brtan pa mchog / gos bya// ma ma ma ma ma/ tsAn+na hA sAhA/ rba pra tha sa rba/ a a ma ma ya/ 6\u0f7f/ b+hUb+hU b+hU b+hUb+hA/ ba ba ba ba ba/ badz+ra brda brda badz+ra baH/ sa sa sa sa/ su sa? sa? sa? sa?/ nan sha sha hUM hUM hUM hUM hUM/ a a a a a/ oM/ tshe rnams dbang du ma grub na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro ba lnga yi tshe rnams dbang du bsdus// phyag rgya gshol la sogs pa yi// 'og gi 'jig rten khams dkrug nas// gshin rje'i gnas nas tshe bkug ste// snying po lnga la bstim par bya// phyag rgya 'khru lo chen po yis// steng gi 'jig rten khams skor te// dbang phyug lhan ne la sogs dang // bar snang bgegs rnams rgyu ba las// ni tshe rab tu dgug par bya// 'khor lo'i 'bru la bstims nas ni// de nas yi ge 'bru lnga ste// ni yi gnas lngar bstim par bya// oM oM badz+ra ka ba raka hUM/ oM sarba ta thA ga ta oM badz+ra ad+hi tiSh+Tha swAhA/ phyag rgyas bsrung ba'i cho ga ste// 'bru lnga spos lnga yung kar bcas// 'bru lnga dmigs med dbyings su thim// a yid bzhin bum pa rin po che// rgyan dang rin chen phreng bas rgyan// rin chen lnga dang sman lnga dang // 'bru lnga spos lnga nyungs kar bcas// sngags mkhan rab ldan blo brtan pas// yan lag ma nyams sngags bzlas sgom// rgyan chas lnga dang ldan byas nas// dkyil 'khor thams cad grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyi// mnyes mchod dngos grub thob par 'gyur/ sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o// // de nas de bzhin gshegs pa rdo rje sdud pa pos/ 'gro ba lnga rang dbang med par smra ba zhes bya bar bsdus nas/ ched du brjod pa 'di brjod do// gsang ba'i dkyil 'khor nyid kyis dbyings// kun tu bzang po'i thugs rje dang // sku gsung thugs ldan yon tan rdzogs// mnyam pa'i zhing du sbyar bar bya// rdo rje rab tu gsang ba'i sa// rdo rje khams kun sbyin zhing sbyar te// oM dang muM du 'byor par bsgom// thams cad dbyings su thim par bya// gsang ba'i dkyil 'khor dam pa dang // thig le man+ta de dag tu// ni thal man tra bzang po thig/ rta babs sgo khyud bzang po dang // rdo rje rtse gcig 'od 'bar bar// dgug pa'i lcags kyu dam pa yis// rdo rje rtseg cig rtse gsum bri// dkyil 'khor rgyu dang ldan par bya// mchod yon sna tshogs mchod par bya// ya ma dud kha ye shes 'od 'phro nas// a las zla ba'i dkyil 'khor du// dza las lcags kyu grangs med pas// / de yi snying du zhugs par bya// ma lus nyi ma'i dkyil 'khor du// dza las lcags kyu mang po yis// gang dgug de yi snying ka nas// drangs te de yi khar gzhug pa// sngags 'di rab tu brjod par bya// oM dzaHhUM baM ho/ a nri su ti tri du me pra be sha ya/ ci 'dod las de bzlas par byas// lag gnyis sor mo phyir bsnol te/ khu tshur dam du bcing nas ni// srin lag mthe'u chung mthe bong gnyis// bar du mthe bong de grangs te// oM ming A be sha a a/ thal ba nyungs ka ra drag tu rdeg/ mi de'i khong du bzhugs par bya// babs na rdo rje lcags sgrogs bcings// gang yin de zhes dris nas ni// lha 'dre la sogs gang yin pa// lha zhig na ni mchod par bya// gdon zhig na ni tsan dan gur gum bsres nas ni// de blud sngags 'di brjod par bya// oM badz+ra d+ha ka kro d+ha sa ma ya hUM phaT/ gal te sgra rku mi gtub na// lag gnyis sor mo phyir bsnol te/ khu tshur bcas nang mtheb gnyis zur sprad// gyen sgreng dbab pa'i kha ru ldug par bya// sngags oM badz+ra b+ha sha dza ha pra be sha/ hUM hUM zhes mang du bzlas/ ye shes thogs med sgrib mi mnga'// bden pa'i tshig te zhugs par bsam// lce yis 'thor gtor a dkar po// zla ba'i dkyil 'khor de'i steng du// oM d+hi dmar po bsgoms byas nas// gdon mi za bar smra bar 'gyur// bdag nyid Ta ki hUM bsgoms la// a dang rmi la sogs pa yi// lam lnga'i sems can gang yang rung // Ta ki hUM dang sngags kyis// lan gsum bzlas shing dgug par bya// pra be sha yang bzlas par bya// gzhan yang dzaHhUM baM ho ste// bzhag cing dbab pa'i sa de ni// byis pa lo grangs bcu gnyis pa// gcig dang lnga la dbab par bya// thig le bum pa me long bor// gzhan yang gnas rnams thams cad la// smra ba'i cho ga phun sum tshogs// phyag rgya rdo rje sbar ma ste// dgug pa'i phyag rgya kun gyis dgug/ dza hUM dbang phyug lha chen la sogs bsdu// bcol cing bya ba de bzhin no// Ta ki hUM dzas mi btub na// h+ya gr-i dang gnas dang yul// zur phyin mgo 'jug bsnams nas ni// drag tu bzlas shing lcags kyus dgug/ srog gi snying po ma nor bar// gzir zhing drag tu drangs par byas// 'jig rten 'das dang 'jig rten pa'i// dgug pa'i thabs yod ci yang rung // nem nur med pa dgug par byed// bya ba sna tshogs las zin nas// sngar byas bum pa lnga po la// sman lnga 'bru lnga rin chen lnga// rigs kyi yum dang bdud rtsi 'khyil// ci 'dod las rnams thams cad dang // gzhan yang dgongs pa ci yang rung // / oM badz+ra a mr-i ta hUM/ a a a/ oM badz+ra a mr-i ta phaT dza/ yA gats+tsha zhes kyang brjod do// oM bud+d+ha lo tsa na swA hA/ zhes kyang bzlas/ gsang ba'i dkyil 'khor dam pa ste// ye shes snying po khyod nyon cig/ sngon goms blo brtan 'dris pa yis// yang nas yang du sngon gsal du// byang chub mchog gis rtag bsgoms shing // de ltar byas pa'i dngos grub ni// 'jig rten 'das dang 'jig rten pa'i// brda phrad skad kyi dngos grub thob// ces gsang ba'i tshig tu'o// 'gro ba'i don gyis phyir ched du brjod do// pra dbab pa'i le'u ste bcu bzhi pa'o// // dang por de bzhin gshegs pa nyid gsal zhing 'dris par bsgom/ de nas bdag gi snying khar/ a dkar zhing 'tsher ba zhig bsgom/ a de shin tu gsal bar gyur pa dang / phyogs bcur 'od 'phro bar bsgom/ 'od de a la slar bsdu zhing bstim/ ma dang a las nyi ma dang / zla ba'i dkyil 'khor bstim zhing 'tsher ba gsal bar bsgom/ hri las pad+ma'i dkyil 'khor gsal bar bsgom/ hUM shin tu bde ba gsal bar bsgom/ snying gi dkyil du rdo rje sems dpa' tshon gang ba zhig phyag rgya dang ldan par bsgom/ bzhi bcu rtsa gnyis kyi sngags dang yig 'bru dang phyag rgya yang gsal bar bzlas/ 'bru gsum dang 'bru lnga yang bzlas/ 'dug nas 'bru bzhi mtshams za bcad/ rtag tu hau bya/ tshogs dang mchod pa bya/ mang po mi nus pa'i don du'o// phyag rgya rnam pa bdun las/ phyag rgya chen po dang / chos nyid kyi phyag rgya dang / dam tshig gi phyag rgya dang / las kyi phyag rgya dang / thams cad thabs dang shes rab 'byor pa'i phyag rgya dang / ting nge 'dzin gyi phyag rgya dang / lhag pa'i ting nge 'dzin gyi phyag rgya bya ba'i le'u ste bco lnga pa'o// // de nas de bzhin gshegs pa dgyes pa chen po mnyam pa nyid la bzhugs nas/ lhag pa'i ting nge 'dzin gyis/ dngos grub myur bar len pa'i thabs 'di dag gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub mchog la bzung bar gnas// mchog tu bde ba'i zhing gnas la// mnyam rdzogs chen por lhun bsgom zhing // byang chub sems su brtan par bzung // bya ba byed la bya med bya// mi gnas gnas la gnas par bsgom// b+ha ga'i dkyil du ling ga a// shin du 'tsher zhing gsal bsgoms nas// 'od 'phro 'bar bas thams cad khyab// dug gsum ngan song gnas bsreg nas// b+ha ga'i dkyil du 'od 'phro thim// zim 'gyur dbyings nas phyag rgya 'bar// a ma las ni nyi zla 'bar// phyogs bcur 'dom pa'i mun sel zhing // nyon mongs sdug bsngal bsil ba'i sman// thugs rje'i byin rlabs bsam mi khyab// rol pa'i phyag rgya bsam mi khyab// mkha' la 'ja' mtshon sprin mang yang // nam mkha'i dbyings su thams cad bsdus// thams cad mkhyen nyid bsam yas kyang // chos kyi dbyings su thams cad pa sdus// thams cad yi ge hUM du 'gyur// hUM / nyid gsang ba'i thugs kyi dkyil// 'od zer 'phro bas 'bru gsum ste// yang na yi ge 'bru lnga'o// lnga po'i don 'phro bzhi bcu gnyis// gzhan yang dkyil 'khor bsam yas mchog/ ma bcos dang gnyis gnas pa la// ye shes lhag pa'i dkyil 'khor bsgom// sen zlum zla ba gang ba yis// thugs kyi dkyil du gnas par bya// nyi ma'i dkyil 'khor gang ba yis// gzhan yang 'od zer 'bar ba dang // pad+ma'i gdan dang rin po che// de dkyil yi ge hUM gnas pa// shin tu phra zhing yungs 'bru 'bar// gnas gcig dang ni gnas gsum dang // gnas lnga dag tu rab tu bsgom// shes rab can la 'dris pa dang // ni yig mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs bcu stong khams rdzu 'phrul snyed// thugs rje'i byin rlabs bsam yas spro// spros kyang hUM la nyams pa med// bsdus kyang phyogs bcur bri ba med// spros med bsdus med de ni las// yi ge muM du thim par 'gyur// dbyings nas phyag rgya 'bar// shin tu gsal zhing 'dris pa dang // phyag rgya sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis sam// zhal gsum phyag drug dag tu sgom// gzhal yas khang de gdan khri rnams// 'phro ba'i tshul te snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus mi lus gzhal yas khang // nyi zla gza' skar dkyil 'khor gdan dang ldan// bde gshegs dkyil 'khor ma lus sgom// thugs rje'i byin rlabs 'gro don mdzad// zhi ba phyogs gcig shes bya sbyong // sa bcu mnyam par sbyong byed cing // bde gshegs 'khor yang dag par byed// 'di ltar sgrub pa'i rigs mchog de// 'bras bu sngon du ma gyur kyang // sdug bsngal thams cad yongs mi 'gyur// lha mi mtshan rdzogs yongs su 'grub// theg pa dman par yongs mi skyes// bde gshegs 'byung dang bkol mi 'gyur// byang chub gzung la zhugs pa yin// zhes nyid la nyid gsungs so// rdo rje gsang ba'i tshig tu'o// rdo rje sems dpa' sgrub pa'i le'u ste bcu drug pa'o// // de nas de bzhin gshegs pa sgyu 'phrul dra ba las/ thugs rjes 'gro ba bdud rtsi 'byung ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// e ma ho ye nas dag pa yi chos las// log rtog rnam pa gnyis su grub// thams cad 'byung ba lnga las skyes// kun kyang gtsang zhing 'dra med las// rnam rtog mi mthun so sor 'gyur// la la'i sman la la la'i dug/ sman du mi 'gyur gang yang med// dug tu ma gyur gang yang med// thams cad ma lus rgyu gcig las// mi mthun khyad par so sor snang // sus kyang ma byas su byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor ma lus dang / khams gsum phyin ci log bzhi dang // dus gsum 'gro lnga thams cad dang // nyon mongs sdug bsngal thams cad sbyong // rnam par thar pa lnga rdzogs byed// sa bcu rdzogs shing sangs rgyas sa yang rdzogs// de phyir sman 'di rab tu bsgrub par bya// kun la phan pa'i sman yin pas// de phyir nga dang bdag ma 'dzin// gtsang dang dme ba'i log rtog bor// thams cad mnyam pa nyid du spyod// rtsa ba byang chub sems nyid rtogs// thabs kyi pha rol phyin pa spyod// snying rjes chud ma zos par zungs// bdud rtsi'i mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i las ni rnam rtog sbyong // bdag dpal tshogs shing 'gro don mdzad// sman gyi byin rlabs bsam mi khyab// ngan song sbyong zhing mtho ris 'grub// gser sbyar sman dang mun sel zhing // gzhan yang dgos pa sna tshogs sgrub// rkyen las 'byung ba'i dug rnams dang // rtsa ba'i dug dang sbyor ba'i dug/ klu dug sbod gtong dug la sogs// thugs rje chen po'i byin rlabs kyis// dug rnams thams cad gdul ba 'di// dkyil 'khor ma lus tshangs par sgom// gnas lnga dag tu 'bru lngas stim// oM hUM traM hri a la sogs// yang na yi ge oM gyi bya// yang na yi ge hri yi gtang // dug rnams bdud rtsir bsgyur bar bya// mnyam pa'i dbyings su thim par bya// a ho gsang ba'i tshig tu'o// hUM bdag nyid zhe sdang rdo rje ste// thugs rjes bdag rtog 'dul bar byed// nga dang bdag med dbyings sbyor zhing // byams pa'i thugs dang ldan pa'o// oM bdag nyid gti mug chos sku ste// rmongs pa'i nad rnams sel bar byed// ye shes 'od zer gsal ba'i ngang // thams cad 'byung ba'i 'khor lo'o// traM bdag nyid nga rgyal yon tan te// snying rjes 'gro don 'phel pabar byed// zhi ba'i blo chen dbyings su sbyor// yon tan rgya mtsho dpag med pa'o// hri bdag nyid 'dod chags gsum mchog ste// nyon mongs las rnams dag par byed// nyon mongs sdug bsngal rnam par dag chags med sems ni byang chub pa'o// a bdag nyid las kyi sems dpa' ste// don rnams ma lus grub par byed// log rtog ma lus 'dul ba'i mchog/ phyogs bcu dus bzhir 'phro ba'o// muM bdag nyid / shes rab 'od gsal te// le lo g.yeng ba sel bar byed// thugs rje myur ba las byung ba// rgyal ba kun tu thugs rje bskyed pa'o// ye shes drug gis nyon mongs sbyangs// dbugs chen dag kyang 'byin par byed// dug gsum sbyong ba sku gsum ste// lam lnga sbyong ba ye shes lnga// 'khor ba'i rtsad gcod shes rab mtshon// hUM du bsdus shing ho yis g.yeng // raM gyis sreg cing phaT kyis 'phang // thabs dang shes rab 'brel ba yis// thig le'i dbyings su thim par bya// de nas gnyis med dbyings gyur nas// ye shes sems dpa' sku ru sgom// 'bru gcig 'bru gsum 'bru lnga sgom// bzhi bcu rtsa gnyis ma lus dang // sangs rgyas dkyil 'khor 'khor tshangs par sgom// nga med bdag med phyag rgya gsal// de nas longs spyod lnga kun la// ye shes lnga dang rigs lnga dang // lha mo lnga dang sman lnga sgom// oM hUM traM hri a/ oM badz+ra a mr-i ta kun+da li/ ha na ha na hUM phaT/ oM bi shud+d+he a mr-i ta hUM phaT/ oM d+harmA a mr-i te hUM phaT/ oM AHhUM brjod pas/ thams cad dag par gyur te/ dbyings su thim bdud rtsir gyur to// sa chu me rlung nam mkha' rnams// rang bzhin med par gzhig pa'i phyir// gcig la lnga par dbyer bya zhing // muM gyis dbyings su thim par bya// 'byung ba che rnams de dag la// lhag pa'i ting 'dzin bskyed par bya// rags pa thabs kyi phyag rgya ste// de bzhin gshegs pa lngar sgom zhing // 'byung ba so sor mtshan 'dzin te// yum lnga dag tu bsgom par bya// de rigs ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dul na// de la gyur cing skyes pa kun// smos ci dgos te de nyid yin// a ho/ kye ma'o lhag pa'i byin rlabs kyi// bdag la lha rnams bsdus pa bsgom// de nas lha dang gnyis med nas// bdag nyid yi ge oM dang muM// gnyis dang bdag dang dbyings su thims// bdag nyid bdud rtsi 'khyil par bsgom// sku mdog gangs ri nyi shar 'dra// zla ba pad+ma gdan khri la// nyi ma stong gi gdan khrir lhan// lha dang lha mo'i tshogs kyis bskor/ khro bo khro mo'i tshogs kyis bskor// 'khor lo rtsibs bzhi mu khyud bcas// dbus su bdud rtsi 'khyil pa ste// shar gyi rtse la rdo rje nyid// lho yi rtse la rin po che// nub kyi rtse la snang mtha' yas// byang gi rtse la don yod grub// thabs dang shes rab ldan par sgom// phyag rgya rnams kyang gsal bar sgom// snying po 'bru tshig gsal bar bzlas// de la bdud rtsi'i phyag rgya ni// bum pa / gang ba yid bzhin 'bar// re ba yid bzhin bskang bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po lam me ba'o// bdud rtsi char bzhin 'bebs par byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang // dri chu dri chen maM sa bcas// pad+ma rak+ta la sogs dang // gzhan yang 'dod yon sna tshogs rnams// dbye ba'am yang na mi dbye bar// bdud rtsi nyid du byin gyis brlabs// rtogs pa'i bag chags sbyangs pa'i phyir// gtsang dme med par bza' bar bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing // dug gsum sdug bsngal med par byed// skal ba yun ring gnas pa dang // dngos grub chen po thob 'gyur te// tshogs gnyis rdzogs par yang gsungs par// bdag nyid yi ge hUM gyur nas// longs spyod lnga ldan thams cad la// oM A hUM du gyur par bsgom// 'od 'phro 'bar zhing phyogs bcur spros// slar 'dus 'od 'phros bdud rtsi 'bar// shin tu gsal zhing rtse gcig bsgom// gzhan yang yi ge tshogs pas gdab// 'thung na ngan song sgrib pa sbyong // rtag tu brten na dngos grub mchog kyang 'grub// lus kyi nad rnams thams cad 'byang // lha la rtag tu mchod byas na// bdag dang gnyis su med par 'gyur// mi mthun phyogs gtor byas gyur na// drag po gtum po'ang ldan par 'gyur// gzhan yang dngos grub thams cad kyi// ji ltar dmigs pa bzhin du 'grub// sangs rgyas go 'phang 'thob 'gyur na// lha la sogs par smos ci dgos// the tshom med par sgrubs par gyis// rtag tu spyod cing dbyings su thims// rgyud kyi rgyal po sgyu 'phrul dra ba las/ sman sgrub pa'i le'u ste bcu bdun pa'o// // de nas de bzhin gshegs pa sgyu 'phrul dra ba las/ rang bzhin gyi dkyil 'khor las/ lhag pa'i ting nge 'dzin gyis dkyil 'khor gyis/ sngags 'chang rnams lhar gsal ba'i dkyil 'khor 'di don yod par bya ba'i phyir/ ched du brjod pa 'di brjod do// e ma ho/ ye nas rnam par dag pa yis// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad gnyis med pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis skor// thugs rje'i byin rlabs 'phros pa yis// ye shes bzhi yi dkyil 'khor 'phros// ye shes lnga dang sku gsung thugs// byin rlabs ya mtshan bsam mi khyab// rab tu snang ba'i thabs las byung // bsod nams ye shes tshogs rdzogs pa'i// thugs rje rgyal lnga'i gzhal yas khang // mtha' dbus med pa rgyas par gnas// stong smon mtshan med 'od gsal 'jug/ de phyir ye shes sgo bzhi shar// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zag med ye shes gter gyur pas// yid bzhin rin chen 'bar ba'i gnas// ye nas mnyam nyid mi 'da'i phyir// ta la'i ljon shing rang bzhin gnas// re ba yid bzhin bkang ba'i phyir// dpag bsam shing gi rin chen 'bar// yid bzhin rin chen rgyal gyis bskor// thams cad la ni dbang bskur phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtsa gnyis kyis// thams cad lha nyid rtag tu bsgom// thams cad ma lus dkyil 'khor mchog/ 'dis ni rang bzhin dkyil 'khor dang // gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// zhes nyid la nyid bshad/ shin tu gsang ba'i dkyil 'khor bsdus nas/ gzugs brnyan bstan pa'i le'u ste bco brgyad pa'o// // de nas de bzhin gshegs pa khro bo'i byin rlabs phyag rgya 'byung ba zhes bya ba'i ting nge 'dzin la snyoms par bzhugs nas/ ched du brjod pa 'di brjod do// dbang po yul dus rig pa rnams// thabs dang shes rab ldan 'gyur zhing // mnyam pa'i ngang nyid rtogs gsal nas// thams cad bde ba chen po rgya// bskyod chen 'khor lo'i gzhal yas su/ khro bo'i khro mo thams cad kun// gsal zhing 'od zer 'phro bsgoms na// bskul skyod thams cad phyag rgya yis// bla med chen pos de skad gsungs// yan lag snying pos rtse gcig dang // rtse lnga rtse dgu bcu gcig tu// las rnams so so rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod nas ni// pad+ma chags med re re 'byung // rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang / khro bo'i dkyil 'khor bsgoms byas te// dbus kyi dkyil 'khor bskul bskyod na// sangs rgyas dkyil 'khor thams cad g.yo// lag gis 'du byed bskyed byas na// rig 'dzin zhing khams thams cad g.yo// rkyang pa'i stabs chen mnan 'tsheng na// sdug bsngal mi zad thams cad dang // bdud dang log 'dren thams cad mnan// yan lag thams cad bskul bsigs na// ba sbu bu ga thams cad nas/ khro bo grangs med rdul snyed 'phro// de dag sprul pa grangs med kyis// phyogs bcu khams mang rdul snyed du/ khro bo'i don rnams rdul phran snyed// thugs rjes 'dul zhing dbyings su thim// thams cad khro bo'i dkyil 'khor dang / khro mo'i dkyil 'khor rab tu 'dus// thams cad rdo rje brag steng na// me ri'i dkyil 'khor rab tu 'bar// 'di ni spyi yi phyag rgya chen po yin// steng gi bgegs rnams 'dul ba'i phyir// rdo rje 'khor lo ni mgo gdengs// 'og gi 'jig rten khams 'dul ba// rdo rje thong gshol ni sbar dang // rdo rje gtun chen dril ba'o// shar gyi bgegs rnams 'dul ba ni// rdo rje rab tu 'bar ma dang // sti ra chen po'i dbyug pa'o// lho yi bgegs rnams 'dul ba ni// rin chen ni mgo'i dbyug pa dang // gshin rje chen po'i rkang gzungs pa// nub kyi bgegs rnams 'dul ba ni// sbrul dang sti ra nya dbyug dang / khyung chen gshog pa rab tu bsdebs// rgya mtsho che rnams rked par gtub// byang gi bgegs rnams 'dul ba ni// ni mgo gsum pa'i dbyug pa dang // rin chen rtse yi dbyug to can// gnod sbyin gdon rnams tshar gcod pa'o// mtshams bzhi bgegs rnams 'dul ba ni// phyogs bzhi dag gis 'dul bar 'gyur// gal te de yis ma 'dul na// byang shar mtshams kyi bgegs 'dul ba// rdo rje rtse gsum ni mgo gdengs// i sha nyid kyang phyag rgyar bsnams// 'byung po de kun rab tu btul// shar lho'i mtshams kyi bgegs 'dul ba// rdo rje ye shes me chen 'bar// me nyid kyang ni 'tshig par byed// drang srong nyid kyang phyag rgyar bsnams// lho yi gdon 'khor dbang du bsdus// lho nub mtshams kyi bgegs 'dul ba// rdo rje srin po'i mgo can te// rab tu rno ba'i ral gri 'bar// rten 'brel nyid kyang phyag na bsnams// srin po'i tshogs rnams rab tu bsdus// byang nub mtshams kyi bgegs 'dul ba// rlung gi ba dan ni mgo gdengs// shin tu drag po'i glang po brjid// tshig srung nyid kyang phyag na bsnams// g.yeng ba thams cad rab tu bsdus// 'og tu 'jig rten bgegs 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil 'khor gyis// tsha dang grang ba'i sdug bsngal sel// me yis dkyil 'khor chen po yi// thams cad ma lus bsreg par byed// chu yi dkyil 'khor chen po yi// thams cad ma lus 'khrug par byed// rlung gi dkyil 'khor chen po yi// thams cad ma lus gtor bar byed// rdo rje ral gri 'khor lo bcas// 'da' gzhu zo chen gri chen dang // rdo rje dung chen dgra star bcas// mche gtsigs spu gri'i so dang ni// rnga dang dung mdung sta re dang // gzhan yang phyag rgya sna tshogs dang // dbus kyi he ru'i phyag rgya ni// sti ra dbyug to chen po dang // 'khor lo chen po rab tu 'bar// drang zad dmar gyis gang ba la// rdo rjes dkrug cing rab tu gsal// shar gyi zla ba'i phyag rgya ni// rtser chen pa'i dbyug pa dang // rdo rje dung chen rab tu 'bar// rje mag dmar chen gang gsol// oM ma khro bo phyag rgya ni// ste ra chen po'i dbug pa dang // yid bzhin nor bu'i gzhal yas sa// sman gyi yan rab tu gsol// nub kyi khro bo'i phyag rgya ni// b+hai ra chen po dbyug pa dang // pad+ma chags med rab tu 'bar// dung chen dmar gyi bkang ba gsal// byang gi khro bo'i phyag rgya ni// stir chen po'i dbyug pa dang // rdo rje rgya gram rab tu 'bar// dung chen dmar gyis bkang ba gsol/ khro mo rnams kyang khro dang mthun// gnas dang phral gyi drug d+hA ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad/ sgra'aphrul dra ba las/ phyag rgya smos pa'i le'u rtse ba dgu pa'o// // de nas de bzhin gshegs pa khro bo'i rgyal po dpal gri he ru kas/ wam kro d+hi sha re dang gnyis su med par 'du mdzad nas/ byang chub sems kyi rdo rje las/ khro bo'i lha mang ba sngos nas 'jig rten pa'i dbang mo dang / bdag po dang / rgyal po'i yang rgyal po dang / blon po dang / sde dpon dang 'khor 'bum phrag bsam gyis mi khyab pa la sogs pa thams cad ma lus par dbang du bsdus nas/ 'jigs byed chen pos lha chen po rnams dang da ltar dang / dus phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos/ la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du bsdus par bskos/ la la ni nyams shing / rmongs par bskos/ la la ni skabs shing 'phros par bskos/ gzhan yang bya ba sna tshogs ci 'dod par bskos nas/ ched du brjod pa 'di brjod do// mnyam zhing rig pa'i rdo rje yis// 'jig rten gtso mchog dbang du bsdus// thugs rje chen po'i byin rlabs kyi// 'gro ba'i don rnams sna tshogs ston// thabs dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rje ldan par rol// thugs rje chen po thams mkhas pas// thams cad kun la spyod 'gyur yang // bag chags sogs par mi 'gyur te// bsod nams ye shes tshogs 'gyur rdzogs// thabs mkhas spyod pa ma gtogs par// gzung 'dzin 'khrul rtogs rdul tsam med// de bzhin nyid dang dbyer med phyir// rtag tu rang bzhin 'od la gnas// de nas bdag nyid du don gong nas 'byung ba'i lha khro bo dang zhi ba gang la / goms pa de gsal bar bsgoms nas/ ting nge 'dzin las su rung zhing / lha gsal bar gyur pa dang / rang gi lha'i bzlas pa 'bum 'bum gdon te/ lha chen po ni dgug pa'i phyir/ lcags kyus zhags pa s+pho Ta baM/ ma hA de wa hUM dza dzaHhUM baM ho/ lha yi dbang po snying kha nas// yang nas yang du rnam par drangs// ma ma trag rak+Sha ma hA de wa grih+Na hUM hUM hUM/ lha yi gzugs ni 'tsher la dkar// lus ni rin chen kun gyis rgyan// gtsug nas yid bzhin rin chen 'bar// lag pa g.yas na thogs pa ni// yid bzhin bdud rtsi bum chu gsol// g.yon na rin chen sna lnga ste// lha rnams kun gyis re ba skong // btsun mo u ma ta dang gnas// rtag tu 'dod yon lnga dang ldan// bdag nyid snang mdzad gzhal yas khang // lha yi gzugs ni snga ma'i tshul// lha yi sa bon 'bum phrag tu// srog dang ldan par bzlas par bya// mdun nas dza hUM baM hos drangs// rgyab nas rdo rje can gyis phul// je nye je nye gnyis med par// lhan skyes po ni gsal 'gyur nas// ci 'dod las de byed du gzhug/ lhan skyes 'khor rnams thams cad kyang // de grub dbang med 'du bar 'gyur// gang 'dod las rnams byed par 'gyur// de nas rgyal po chen po sde bzhi'i sgrub pa 'di gsungs so// byang chub sems mchog ting nge 'dzin gyis// phyogs bzhi ma lus thams cad kun// rig sngags 'chang gi don grub tu// rgyal chen bzhi yang dbang du bsdus// bdag nyid rigs bzhi he ru ka/ gong don 'byung ba bzhin du sgom// lha nyid rtag tu gsal 'gyur zhing // lha yi gzugs tshul gsal bar sgom// bdag nyid lha dang gnyis med par// yang dag don dang ldan par sgom// de nas rgyal po yul 'khor bsrungs// gzugs ni gangs ri nyi shar 'dra// mchod sbyin 'od zer rgya dang ldan// lag g.yas rdo rje tri shu la// lag g.yon bdud rtsi bum pa gsol/ in+d+ra ye swA ha/ dza hUM baM ho/ a mr-i ta hUM hUM hUM su ra ta wak+ta dz+dza hUM hUM// zhes lan 'bum bzlas/ bdag nyid rdo rje he ru ka/ 'dren pa'i phyag rgya de dag gis// lha yi dbang pos snying nas drangs// rgyab nas rdo rje can gyis phul// de yi lha nyid dbang gyur nas// las ni gang 'dod byed par bzhugs// thams cad thams cad grub par byed// kun la'ang 'byin zhing kun la za// lha yi 'khor rnams thams cad kun// ma lus par ni yang dag 'dus// bran bzhin du ni phyi bzhin 'brang // rgyal chen 'phags skyes bsgrub pa ni// bdag nyid rin chen he ru ka/ sku mdog rgyud nas 'byung ba bzhin// phyag rgya rnams kyang de bzhin te// 'od kyi 'du 'phro'i byin rlabs kyi// 'phags skyes po ni dbang du bsdus// dr-i ta raSh+Ta ya swA ha/ dza hUM baM ho/ gih+na gih+na/ du ra byin ha ta/ ha da ha ha da rat+na/ dza hUM baM ho/ snying po lan 'bum du bzlas te/ srog dang ldan zhing ting nge 'dzin// bdag nyid rat+na he ru ka/ 'phags skyes po yi snying kha nas// dzaHyis rab tu bzung nas ni// bdag gis mdun du dag par bya// rgyab nas ni rdo rje can gyis phul// de nas mngon du gyur pa dang // gang 'dod las ni byed du bzhugs// mdog ni gser gyi mdog tu 'bar// 'khor rnams thams cad bdag la bsdus// yid bzhin rin chen gzhal yas 'grub// rgyal po mig bzang sgrub pa ni// bdag nyid pad+ma he ru ka/ sku mdog phyag mtshan snga ma bzhin// phyag rgya'i tshul yang de bzhin te// snying po 'bum phrag gsal bzlas na// ting 'dzin phyag rgya rgyur rung zhing // lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi bum pa gsol// lag g.yon 'dod yon lnga yi tshul// nub phyogs klu rnams re skong ba// grul bum mgo yi gdeng ka can// de ni rab tu bsdu ba'i phyir// bi ru D+ha ka sA ha/ dzaHhUM baM ho/ na ga shi ni ba bag/ paM pag dzaHhAM baM ho// 'bum phrag du ma bzlas nas ni// de nas bdag gis dbang du bsdus// bdag nyid lha ru gsal bsgoms nas// mig mi bzang gi snying kha nas// dza yi rab tu bzung nas drangs// rgyab nas rdo rje can gyi phul// de nas bdag dang gnyis med par// dbyer med par ni gyur pa dang // ci 'dod las de byed du gzhug/ mig bzang 'khor rnams ma lus par// bdag gis lus rnams rdzogs par byed// rgyal po rnam thos sgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od 'phro 'bar sgom zhing // rang sngags snying po 'bum phrag bzlas// ting 'dzin sbyar du rung ba dang // rnam zos dag ni rtag tu sgrub// gzugs ni rin chen bai DUr+ya// yang na mdog ni sngo zhing 'tsher// phyag g.yas rin chen dbyug pa bsgom// g.yon na 'dod yon bum pa gsol// dbu la rin chen sna tshogs mdzes// bai shra ma na ye swA hA/ dzaHhUM baM ho/ ku be ra baM baM ka ra ka ra yang yang / dzaHhUM baM ho/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dza yis rnam thos snying nas drangs// dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams bran bzhin bsdu// rin chen spro zhing las rnams sgrub// ci 'dod las rnams byed par 'gyur// sgyu 'phrul dra ba las/ lha chen po sgrub pa dang / rgyal po chen po bzhi'i dkyil 'khor sgrub pa'i le'u ste nyi shu pa'o// // de nas de bzhin gshegs pa rgyud kyi rgyal po sgyu 'phrul dra ba las/ lhag pa'i gzugs brnyan gyis dkyil 'khor gyis/ dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig ye shes rgyal po yis// thams cad ma lus maN+Da la'i// de bzhin nyid kyis gzhal yas la// rig pa rang dbang gyur pa yi// mnyam lam mnyam par mi gnas pa'i// chos sku'i phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas med kyang // gzugs 'dzin rnam rtog zhags pa yis// rang gis sgrib shing bdag tu bcings// kun gyis yang dag rtogs bya'i phyir// de bzhin sku yi gzugs brnyan rten// rtog dang mi rtog rang rig dang // yang dag thabs chen rdzogs pa'i don// rin chen sna tshogs la sogs dang // 'byung ba bzhi las gyur rnams kun// thams cad byang chub mchog gi rgyu// gzugs sogs ri mor bris pa dang // ye shes chen po rab 'byams kyis// don du mi 'gyur yongs mi gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstims byas te// thams cad sku yi / phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'phro 'du yis// thams cad chos sku phyag rgya che// yang dag rtogs pa'i khyad par gyis// ting 'dzin don rnams gsal bsgoms nas// mA ma ki ni rgyun chags la// yang dag chos sku phyag rgya che// de bzhin ting 'dzin gsal bsgoms nas// don mchog ma lus rdzogs bya'i phyir// mkhas la 'tsho ba'i dkyil 'khor du// dri med chos sku phyag rgyar gsal// dbyings dang de ni nyid med par// ting nge 'dzin gyis dbang skur nas/ kha dog dbyibs dang gzugs su bsgyur// sna tshogs 'phrin las rnam par rol// don gyis snying po mchog rnams dang // byang chub phyogs rnams rab tu rdzogs// 'jig rten gtso mchog rnams kyis bskor// a ho/ chos sku phyag rgya de dag las// las lnga'i dkyil 'khor rab tu bsgrubs// ting nge 'dzin gyis dbang bsgyur na// ji ltar dmigs pa bzhin du 'grub// drag po gtum po gdul ba'i phyir// bdag nyid drag por bsgrubs nas ni// chos sku nag po 'od 'bar gyis// bgegs kyis ling ga gnan par bya// gtum po gtum po'ang brlag par 'gyur// mi mthun phyogs kyang rdul du rlogs// 'di dag 'gro ba thams cad du// shin tu stobs drag che dang ldan 'gyur ro// thams cad ma lus dbyings med dbyings bsdu phyir// bdag nyid h+ya gri war bsgom// dmar po'i chos sku gsal bsgoms te// mi mthun phyogs rnams gdan du bting // ting 'dzin gsal bar byin brlabs nas// thams cad ma lus dbang du bsdus// mthu chen #// dag kyang phyi bzhin 'brangs// ci 'dod las rnams byed par 'gyur// thams cad yon tan 'phel bya'i phyir// bdag nyid rgyal ba'i khyung chen te// gser gyi mdog 'dra phyag rgyar bsgom// gang 'phel chos sku'i gdan la bzhugs// de ltar dag pas byin rlabs na// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin rlabs kyi// gtum po ma lus zhi ba'i phyir// dkar zhing 'tsher ba'i chos sku sgom// gang gis gtum khro zhi ba'i gdan// de ni ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs// a ho// chos sku phyag rgya chen po ni// dngos grub gang 'dod sbyin par nges// nye ba'i lha ni gang sgrub pa// phyag rgya snying po bris bcug na// gang sgom the tshom med par grub// de ni rgyal ba kun dang mnyam par 'gyur// the tshom med de nges 'grub 'gyur// 'jig rten pa yi lha sgrub na// lha yi snying po'i gang yang rung // bris te dkyil 'khor nang bcug na// lha de nye bar 'grub par 'gyur// chos nyid rten cing 'brel bris na// chos kyi don rnams rtogs 'gyur te// rang dang spyi'i don rtogs na// skyes rgas na 'chi med par rtogs// phyag rgya chen po de dag las// nyon mongs las rnams sbyong byed pa'i// lha yi snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang // dpag tshad med pa'i phyag rgya che// sku gsung thugs rje'i rgyun mi chad// zhing khams byed pa rdul dang mnyam// a ho// rdo rje gsang ba'i tshig tu'o// sgyu 'phrul dra ba las/ lhag pa'i gzugs brnyan gyi dngos grub len pa'i thabs te/ mchod rten gdab pa'i le'u ste nyer gcig pa'o// // de nas de bzhin gshegs pa rgyud kyi rgyal po sgyu 'phrul dra ba las/ shin tu gsang ba'i phyir/ gsang sngags kyi rgyud phyi ba dang / nang pa thabs kyi rgyud gzhan las khams bco brgyad du bstan/ gtsug lag thams cad la yang khams bco brgyad du bstan pa yin/ lung gi spyi'i 'di ni shin tu zab pa'i phyir/ khams nyi shu rtsa gcig tu ston te/ lung gi spyi'i yang rgyud dang gsung rab thams cad 'byung ba'i gnas yin/ gsang ba'i dbang po dang gsang ba'i yul gnyis ka yang skye mched dang khams thams cad 'byung ba yin pa'i phyir/ shin tu gsang bar gsungs so// dkyil 'khor de dag shin tu gsang bar bstan pa'i phyir/ nyid la nyid ched du brjod pa 'di brjod do// e ma'o ye nas gsang ba'i chos// thams cad kun la rab tu gnas// rang gi dag mnyam ma gtogs pas// kun la yod cing rang bzhin gsang // gzhan du min la shin tu gsang / don nyid kyis ni gsang ba'i rgyu// mnyam pa'i rdo rje can gyis gsungs// 'di ni byang chub snying po mchog/ a ho// rdo rje gsang ba'i tshig tu'o// dbang po yul dus gsang ba'i rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru sbyor// skye mched khams rnams bco brgyad pa'o// byang chub sems dpa' sems ma nyid// dkyil 'khor nyid kyis dbyings yin te// thams cad 'byung ba rdo rje gsang ba'i dbang // dbang po yul nyid shes rab pad+ma'i dbyings// dbang po'i thugs ni rdo rje sems// thams cad byang chub sems ma yin// rdo rje gsang ba'i dbang por 'dus// thams cad 'byung ba'i gter nyid dang // thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung // kun gyis phyag rgya'i rgyu yin te// bde ba byang chub sgrub pa'i rdzas// de las skyes cing de las 'phro// dngos grub thams cad grub pa'i gnas// dbang po rdo rje pad+mar ldan// gnyis med byang chub sems nyid 'phro// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan bzhi// 'jig dang gnas dang ldan dang sman pa yin// g.yo dang bskyed dang 'jug dang bde gnas pa// gsang ba'i dbang po pad+mos thob par 'gyur// de phyir gsang sngags mchog rdzogs pa// bsod nams ye shes tshogs kyang rdzogs// de bzhin nyid kyang gsang ba las/ khams ni nyi shu rtsa gcig bshad// rdo rje gsang ba'i dbang po dang // pad+ma bde gnas 'byung ba dang // gsang ba mchog gis 'phrul chen spro// 'di ni rtsa gcig yin par gsungs// shin tu gsang ba zab pa'i phyir/ khams nyi shu rtsa gcig tu bshad pa'i le'u ste nyer gnyis pa'o// // skabs 'di na mi mthun pa 'di skad kyang 'byung / 'jig rten gnas dang smon pa'i byang chub sems// g.yo dang bskyed dang ldan dang gnas// dgug dang 'dzin dang de bzhin te// bsdus dang 'khris pa'i don grub phyir// bsdams dang mi gtor dbang 'gyur te// bde ba sgra brnyan phyogs bcur sgrog/ shin tu sgrog pa'i gzi brjid 'bar// gzugs mdzes bskyed pas phyogs bcur g.yos// kun tu tshim byed bros gsum thim// lha mdzes rin chen phung po 'phro// 'od la 'phro bas kun tu 'bar// bdud kyi dro 'jam pa yi dbyings// a la la ho/ gsang ba'i dbang po pad+ma ldan gyur na// chags pa med pa'i tshul gyis ni// pha rol phyin bcu rgyu 'bras rdzogs// sa bcu rim gyis bkod med rdzogs// kun tu 'od gsal pad+ma can yang rdzogs// thabs dang shes rab byed pa'ang rdzogs// bsod nams ye shes tshogs chen rdzogs par rol// a ho/ de bzhin nyid kyi gsang mchog las/ khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyis dag/ bco brgyad 'byung ba'i gnas yin te// byang chub 'grub pa'i zhing yang yin// bde ba sbyin pa'i rgyud yin te// gsang ba'i mtshan nyid brjod pa ni// dbang po rdo rje gsang ba'i rgyal// yum ni pad+ma bde mchog dbyings// sems ni byang chub 'byung ba'i gter// dbang po yul sems ldan 'gyur na// gsang ba mchog gis 'phrul che spro// dkyil 'khor rdul snyed grangs med dang // phun sum tshogs pa'i lhun grub rnams// gsang dbang mchog gis sbyin par byed// 'di ni rtsa ba yin par gsungs// gsang ba'i mchog don 'di dag ni// lta ba dman la bshad byas na// dus min par ni srog zad nas// mgo 'gas snying yang tshig par 'gyur/ khab len gyis ni lcags bsdu ltar// mi 'dod bzhin du dbang med par// ngan song mi khom bskal par gnas par 'gyur// de bas 'di ni shin tu gsang ba'i bya// shes rab rgya chen blo zab yangs pa yis// blo brtan snying rje che dang ngang tshul bzang la bsten// gzhan du nam yang sbyin mi bya// zhes nyid la nyid brjod do// shin tu zab pa'i phyir/ rgyud gzhan gyi nang du ma bshad do// gsang ba'i dkyil 'khor khams nyi shu rtsa gcig tu bsdus nas/ thams cad ma lus par dbyings su bsdus pa'i le'u ste nyer gsum pa'o// // de bzhin gshegs pa rgyud kyis rgyal po sgyu 'phrul dra ba las/ chos thams cad yid dang chos su 'dus par bstan pa dang / shes rab thams cad ni yul bzhir 'dus/ yum bzhi yang gcig tu 'dus// thabs thams cad ni rigs bzhir 'dus/ rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig 'go mjug gis don bsdus nas yang 'di skad brjod do// don gyi rtsa ba mchog yin te// thams cad ma lus mi lus dmigs ma chags mtshan nyid// de bzhin nyid dbyings sna tshogs mang po thabs su snang // thabs nyid sgyu ma'i mig yor chu zla gzugs brnyan yin// de nyid rang rig ye shes chags med sna tshogs snang // thabs dang shes rab ldan pas mchog gi gnas gyur pas// ji ltar bcad kyang gnyis med zad med gnyis grib sgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul pa rang rig ste// rgyu 'bras ye shes dbyer med snga phyi ma yin pas// 'bras bu'i lam du gyur nas dus cig mnyam par sbyor// 'di ni yid bzhin rin chen thams cad 'byung ba'i gnas// thams cad 'dus pa'i gter dang yid bdag gis mdzad de// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du rngubs// rang byung dkyil 'khor zad med gter chen 'phro// 'das dang ma 'das dkyil 'khor bsam yas lhun grub dang // mi zad par ldan rgyan gyi 'khor lo drug rdzogs pa// skye med dbyings kyi rang byung 'od gsal phreng ldan mchog/ ye nas ma bcos ma byas rang rig ngang gis gsal// thams cad 'byung 'jug rang rig gter chen nang du bsdus// phyogs bcu ma lus mi lus thams cad kun 'dus dang // zhing khams bsam yas gzhal yas bsam yas rin chen mchog chen kun// skye med dbyings dang rang rig gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rdzogs par rgyu 'bras spyod// mnyam nyid rig pa'i rdo rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a ho/ rgyud kyi rgyal po sgyu 'phrul dra ba las/ pha rol phyin pa bcu dang / sa bcu dang / sa gnyis dang / thabs kyi mchog dang / sangs rgyas kyi zhing ma lus par yid dang chos su 'dus par bstan pa'i le'u ste nyer bzhi pa'o// // de nas de bzhin gshegs pa thams cad kyi/ mi 'chi ba'i rdo rje sgrub pa 'di gsungs so// rdo rje zhing chen sgrub 'dod pas// thams cad skye shi med tshul du// mnyam nyid dag pa nyid du bsgom/ khro bo bdud rtsi 'khyil pa yis// dzaHhUM baM hos dgug par bya// bdag dang khro bo gnyis med par// yang nas yang du bsgom par bya// sku rnams gsal bar gyur pa dang // zhing chen 'og tu gzhug par bya// dkyil 'khor ma lus der bkod nas/ khro bo khro mo 'khor du bsgom// ma dag pho nya phyogs bcur btang // thams cad ma lus dbang du bsdus// sgrub pa gcig gam yang na gnyis// gsum dang lnga ru bsgom par bya// pho nya mang pos nr-i bkug nas// zhing la yang nas yang du gzhug/ dmar dang ser dang mdog snum 'byung // de nas ting 'dzin bdud rtsi yis// lan grangs 'bum phrag mang por bzlas// bzlas pa'i tshul ni rnam gsum dang // rdo rje sngags bzlos rtse gsum dang // de yi bar nas bzlas pa 'byung // 'od zer lnga dang ldan par bya// zhing de ltem ldem por gyur dang // bdud rtsi lnga yis bsku bar bya// de nas yi ge 'bru yang dgod// gsal zhing 'tsher bar bsgom par bya// dbang po lnga la dbang po tshul// yan lag lnga la rigs lnga'i tshul// rdo rje ting 'dzin de yis bsgom// de nas zhing de 'gul gyur nas// shin tu zhags pas bsdam par bya// yan lag rnams kyang gzhug par bya// phyogs bzhi dag tu thod pa bstan// de nas thod pa nub tu bstan// h+ya gr-i wa'i skur bsgom zhing // sngags ni[:]'bum phrag mang du bzlas// phyogs bcur spro zhing zhing la bstim// de nas zhing de drag 'gug nas// rdo rje ting 'dzin de yin na// bstan pa nyid du bsgom par bya// de nas sbar bar byed pa dang // a ni pre du tri gang yin// rdo rje drag tu gdab cing dbab// thod pa'i kha nas hri 'byung na// rdo rje ting 'dzin so yi bcad// rdo rje sngags zlos khong du stisnyim// gnyis su med par bsgom par bya// de nas zhing de langs pa dang // rdo rje byin nas dbang yang bskur// bdud rtsi chu yang blud par bya// las rnams thams cad byed du gzhug/ de ltar sgrub pa'i rig mchog/ gis// thal ba thams cad sos par 'gyur// sgrub pa'i sa ni dur khrod dang // ri rab gnyen po bgegs yod par// nags khrod stong pa'i 'tsher ma can// gnod sbyin srin po 'byung ba'i gnas// de dag tu ni bsgrub par bya// dgu dang bcu gnyis bcu gsum dang // bcu drug man chad bsgrub par bya// phyi nang 'tsho ba'i yo byad rnams// lam lnga'i zhing dang sman rnams bcas// 'bru rnams tshogs par bcad par bya// rtag tu tshogs chen mchod par bya// rtag pa dag tu ma ldan na// gsum dang lnga ru bar ma bcad/ kha zas rnams kyang thod par bza'// gtung ba dag kyang de bzhin te// mar me rtag tu gtang bar bya// rgyu ni mi yi/ mar las bya// yan lag bkru ba'ang de bzhin no// sdong bu pad+ma'i rgyu las bya// snod ni dung chen srub med pa// lcang lo yod dang med pa dang // de bi pu tra ma byung ba// mdog ni bran klad can la yong // rdo rje sgrub pa bar gcod phyir// rtag tu mtshams ni gcad par bya// ni yi rkang pa g.yas g.yon nas// sbom po ma yin phra ba nyid// de la kI la ya byas la// phur bu sngags dang khro sngags kyi// lan 'bum du ni bzlas nas ni// lag pa g.yas g.yon thal sor la/ khro bo bcu dang khro mo bcu// 'od 'bar gzugs kyi sku ru sgom// de nas gnyis med sbyor tshul du// sgrub pa rdo rje bsgom par bya// sgrub pa'i dngos las ma rtogs pa// phyogs rnams rnams su mtshams kyang bcad// dngos grub ma thob bar du ni// sgom dang zlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i rig mchog gis// lha ma srin rnams bran bzhin bkol// 'jig rten dbang phyug dbang du sdud// rdo rje rig mchog 'khor rkyen rnams// yid bzhin du ni 'byung bar 'gyur// rdzu 'phrul chen po 'di dag ni// lus steng nub nas mngon du 'byung // de ma yin par shin tu gsang // ro langs sgrub pa'i le'u ste nyer lnga pa'o// // de nas de bzhin gshegs pa rgyud kyi rgyal po sgyu 'phrul dra ba las/ ting nge 'dzin gyis rim par sbyong zhing dngos grub myur bar len pa'i thabs dra ba las/ 'di skad ces gsungs so// dkyil 'khor bsam yas dngos grub pa// mi dmigs dbyings nas don 'byin te// ma bcos ji bzhin dang bzhag dang // lhun gyis grub pa'i dkyil 'khor 'byung // mi dmigs thugs kyi dkyil 'khor las// ting nge 'dzin gyis dbang bskur na// ye shes sprul pa sna tshogs 'grub// yo byad thams cad maN+Da la// ye shes dkyil 'khor mthar byed bskyod// longs spyod sku dang sangs rgyas zhing // ji ltar 'dod pa smon na 'grub// yangs shing rgya chen lhun 'grub ni// phyi nang snod bcud ye nas dag/ dag rtog nyid kyang dbyings nyid yin// 'di ni rdo rje mnyam yin te// dngos grub myur du 'grub 'dod na// shin tu phra zhing zab par sgom// bdag dang bdag gi gzhan rnams ni// shin tu mi dmigs dbyings su sgom// ting 'dzin de bzhin goms pa dang // thams cad sgrub pa mig yor dang // sprul pa'i tshul du shes par bya// de bzhin yang nas yang goms nas// de nas phra ba'i ting 'dzin sgom// phyi nang snod bcud hUM du bsdus// gang sgrub yi ge so so ste// phyi ni gang sgom kun tu 'dra// rdo rje sems pa nyid du 'du// yan lag lnga dang rnam shes nyid// yi ge hUM du shin tu bsdus// ni yi mig gis ltar yid pa// yang nas yang du 'dris pa dang // 'od zer mang po spro bar bya// phyogs bcu dus bzhi gang ba dang // slar yang hUM la bsdu bar bya// hUM nyid mi dmigs dbyings su thim// thim 'gyur dbyings nas a dkar 'bar// shin du 'tsher bar gsal sgom la// thams cad a ru gyur par bsgom// de bzhin du ni 'dris gyur nas// a las nyi ma'i dkyil 'khor bsgom// a ma gsal bar 'byor gyur nas// nyi zla gang bar sgril mar bsgom// hri gsal pad+ma chags med bsgom// de bzhin 'bar ba'i gzhal yas bsgom// nyi zla gnas dang gzhal yas khang // thams cad 'dus shing phra bar bsgom// de dkyil yi ge hUM gnas pa// mthing kha 'tsher la gsal ba yi// 'od zer 'phro bar rnam par bsgom// 'od 'phro dbyings su slar 'dus nas// shin tu rdo rje phra bar bsgom// rdo rje 'od 'phro gsal bar gnas// dbyings su yang ni bstim par bya// de nyid sems dpa'i skur gyur nas// shin du 'phro ba'i 'dus par sgom// de bzhin gnyis med gsal gyur nas// sku gcig rdo rje dril bar sgom// de bzhin nyid du gyur pa dang // dbu gsum phyag drag nyid du sgom// gzhan yang khro dul sna tshogs sgom// blo yi shes rab che chung las// rim pa bzhin du bsgom par bya// yang na cig char bsgom par bya// nyi zla gza' skar dus gcig tu// chu dkyil ngang par gsal 'bar bzhin// de ltar gom rtogs rigs mchog des// ji ltar dbang sgyur bzhin du 'grub// mkha' la 'phyo dang rigs ni gnas// chu rgyun zlog dang rlung ma 'grub// ri brag la sogs thogs med 'dzul// chu la mi 'bying mes mi 'tshig/ dug dang mtshon dang 'jig mi 'gyur// mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur dang // tshe dang dus la srid ltung dang // stong gsum yungs 'brur shong ba dang // yung 'bru stong gsum bskyod pa dang // ji ltar dmigs pa bzhin du 'grub// sbrul dang gcan gzan gdug pa rnams/ khyi bzhin phyi bzhin 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rig 'dzin sa// ye shes bsod nams longs spyod kyi// yi ge 'khor lo tshogs mchog mnyes// thugs rje sprul pa'i byin rlabs kyi// so sor thar pa'i lam yang ston// 'gro ba ma lus don yang byed// las rnams ma lus kun byas nas// skye shi med pa'i g.yung drung thob// mtshan dang dpe byad kun gyis brgyan// bsod nams ye shes tshogs chen ldan// mthar phyin byas pa med par 'grub// sgrub med spangs med chos kyi dbyings// 'ong med 'gro med de bzhin nyid// 'di ltar sgrub te bsgoms byas na// 'bras bu mngon du ma gyur kyang // tshe rabs skye ba thams cad du// las ngan kun tu skye mi 'gyur// theg pa dman par yang mi ltung // rdo rje rig mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos grub myur du thob pa'i le'u ste nyer drug pa'o// // de nas de bzhin gshegs pa rgyud kyi rgyal po sgyu 'phrul dra ba las/ sku'i dkyil 'khor mngon du phyung ste/ 'di skad gsungs so// de bzhin nyid kyis dbyings ldan la// rgyu dang dra ba 'brel gyur nas// sku mchog rdo rje 'od 'phro snang // mthun pa'i rdo rje rang snang ba'o// chu drug 'khor ba'i lus snang ba// rnam rtog mthun pa'i las snang ngo // de bzhin sku mchog dri bral dang // de gshegs sku ltar mdor bsdus te// bcom ldan 'das dang byang chub gzugs// bla med gzugs dang rdo rje sku// de la sogs te sku bsam yas// phyogs bcur dus bzhi kun ston pa// thabs kyis 'gro 'dul skur ston te// byang chub mchog gis rdo rje sku// chags med zhing du sku ston la// dbyings las ma bcos bzhin du snang // sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la// so sor 'dul ba'i sku yang ston// de tshe skye 'chi med pa'i sku// las dang ma chags pad+ma'i sku// thar dang mthar sna tshogs kyang // sna tshogs snang la gnas pa med// snang dang mi snang gnyis ka min// de ltar rtogs pa'i rigs mchog ni// badz+ra zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yin// de la sogs te bsdu bsam yas// byang chub thugs rje dkyil nas byung // sku ni sna tshogs thams cad kyang // 'ja' tshon chu zla 'drar shes na// dbyings nyid la ni dbyings snang zad// thugs nyid gsung gis dkyil 'khor snang // gsung nyid sku yi dkyil 'khor te// dbyer med bzhin du yongs kyis so// dkyil 'khor bzang po sgrub 'dod pas// rtag tu dus gnas thams cad du// bdag dang bdag gir dbyer med par// ye nas dkyil 'khor yin par brtag/ 'di ni dngos grub mchog yin pa// kun tu rgyal gyis de skad gsungs so// sgyu 'phrul dra ba las/ sku'i dkyil 'khor mngon du phyung ba zhes bya ba'i le'u ste nyer bdun pa'o// // de nas de bzhin gshegs pa rgyud kyi rgyal po/ sgyu 'phrul dra ba las/ sngags 'chang rnams don yod par bya ba'i phyir/ dam tshig sum brgya rtsa ba mdor bsdu na/ sngags 'chang rnams kyi don du ched du brjod pa 'di brjod do// phyogs bcu'i 'jig rten rdul snyed du// log rtog mi zad rdul phran snyed// rtog 'dul gnyen po bsam mi khyab// 'dul ba'i sdom pa bsam yas dang // rdo rje theg mchog mang po kun// nyid las g.yos shing spros med kyang // rang rig 'khrul pa'i rtogs pa yis// lta ba mtho dman bsam mi khyab// de 'dul don phyir 'tshams par ston// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med// ye nas ngo bo yod yin la// nyon mongs spangs shing bya sgrub med// thams cad ma lus ro gcig 'gyur// kun rdzob chu zla ltar min pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtog na// bdag med ye shes rang rig nyid// snying rje thabs mkhas ting 'dzin gyi// ji ltar dmigs pa bzhin du 'grub// so so'i rang bzhin nges shes na// yang dag lam gyis bcos su med// de bas yang dag blo can gyis// thams cad dngos po med par bshad// dper na dug gis rig shes pas// dug gis mi tshugs bzhin du snang // ha la ha la'i dug rnams dang // sgrub na ra sa ya na'i sman// bdud rtsir 'gyur zhing tshe ring 'grub// nyon mongs rang dang spyi bstan pa// mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang // gang na'ang med de de nyid yin// nang gi chen po lnga nyid kyang // rang dang spyi yi don rtogs na// mtshan ma med pa rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par sbyor// gti mug ces ni brjod par yang // ma rig ming gi rnam grangs te// gnyis med don gcig yin par bshad// rang gis mtshan nyid brjod pa ni// chos dang bdag dang dngos po rnams// ngo bo yod la sogs pa bya// rtog pa'i sgyu ma'i rlung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid cig car yin// spyi yi mtshan nyid brjod pa ni// mi rtag sdug bsngal stong bdag med// ma rig pa ni yang dag sgrub tu med// thams cad dbyings su ro cig thim// sgyu ma'i dngos por rtog pa ni// sgyu mar rtog nyid mi dmigs pas// mi dmigs de nyid sna tshogs snang // skyes pa nyid na chos gcig ste// dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu mar dngos po la// rtog pa'i yul gyi dngos nyid kyang // chos nyid mi dmigs ye nas dag/ sgyu ma mi dmigs dbyer med phyir// yod med gnyis su dbyer med pas// ting nge 'dzin gyis dbang bsgyur na// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang ci bstan pa// kun nas mnar sems rtogs pa yis// sgyu ma'i dngos po thams cad la// 'jig par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang sgrub med// chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtog na// sgyu mar snang ba thams cad kyang // chos kyi dbyings las mi gzhan te// mi dmigs pa nyid sgyu mar skyes// chos rnams kyi rang bzhin nyid// bdag dang gso ba'i rang bzhin med// snang ba thams cad bdag med chos kyi dbyings// mnar sems sgyu ma chos nyid ro cig ste// thams cad mi dmigs de bzhin nyid yin pas// kun kyang dbyer med chos sku'i phyag rgya yin// mi dmigs sku ma kun nas mnar sems dang // rtog pa'i yul la kun nas mnar sems te// chos nyid sgyu ma mi dmigs dbyer med phyir// don dam kun rdzob ro cig ste// ting nge 'dzin gyis dbang sgyur na// thugs kyi phyag rgya chen po yin// mi dmigs sgyu ma kun nas mnar sems pa// gdul bya'i bya ba bsam mi khyab// gsung gi phyag rgya chen po yin// zhe sdang spyi'i mtshan nyid ni// yang dag nyid kyi rab brtags na// rnam par byung ba'i mtshan nyid do// chos nyid mi dmigs spang du med// nga rgyal mtshan nyid bshad pa ni/ khong nas 'gying zhing sems khengs pa// pha rol zil gyi gnon par byed// spyi'i mtshan nyid bshad pa ni// / mi rtag sdug bsngal stong bdag med// nga rgyal spang nas zhi sgrub med// chos kyi dbyings su ro cig pas// kun rdzob sgyu mar khong bgyid nyid// de bzhin nyid las mi gzhan te// chos nyid mi dmigs sgyu ma 'gying par skyes// skye 'gying nyid na chos nyid ro cig stong // 'gying pa'i rang bzhin mi dmigs ngang gis dag/ 'gying dang mi 'gying dbyer med phyir// chos sku'i phyag rgya chen po yin// mi dmigs pa nyid sgyu ma'i 'gying par skyes// 'gying pas yul gzhan zil gyis non pa nyid// chos kyi dbyings las mi gzhan te// sgyu ma'i chos nyid dbyer med phyir// don dam kun rdzob gnyis ka gcig/ ting nge 'dzin gyis dbang bsgyur nas// thugs kyi phyag rgya chen po yin// mi dmigs sgyu mar 'gying pa ni// nga rgyal gdul bya bsam mi khyab// gsung gi phyag rgya chen po yin// nga rgyal spyi yi mtshan nyid ni// sred pa kun la zhen pa ni// rnam par byang ba'i mtshan nyid ni// sreg pa kun la zhen pa ste// spyi yi mtshan nyid bshad pa yin// mi rtag sdug bsngal stong bdag med// chags spangs ma chags sgrub tu med// chos kyi dbyings su ro cig phyir// kun rdzob sgyu ma'i rang bzhin du// 'dod cing chags pas sgyu mar srid// mi dmigs pa las mi gzhan phyir// mi dmigs de nyid sgyu mar skye// chos rnams bdag las mi gzhan te// spyod pa sgyu ma ro cig phyir// chos nyid chen po dmigs su med// rgyal ba kun dang dbyer med pa'i// chos sku'i phyag rgya chen po yin// mi dmigs sgyu mar 'dod cing chags rtog pa// yul dang 'dod chags nyid kyang mi dmigs te// sgyu ma dang ni mi dmigs dbyer med phyir// bden pa gnyis gar dbyer med ro cig pas// ting nge 'dzin gyis dbang bskur nas// zugs kyi phyag rgya chen po yin// mi dmigs dbyings nyid 'dod chags sgyu mar spros pa ni// gdul bya'i bya ba bsam mi khyab// gsung gi phyag rgya chen po yin// 'dod chags mtshan nyid rtog pa nyid// rnam par byang ba yin pa'i phyir// chags dang ma chags gnyis med pas// 'dod chags mtshan nyid dpyad du med// phrag dog kun gyi mtshan nyid ni// gzhan gyis phun sum tshogs pa la// sems ngor rtog pa'i sgyu ma gzhan// thabs kyi sbyor ba'i rang bzhin can// phrag dog spyi yi mtshan nyid ni// mi rtag sdug bsngal stong bdag med// 'dod chags dogs pa spangs shing yang sgrub med// chos nyid du ni ro cig phyir// kun rdzob spyi ma'i mtshan nyid ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs par sbyor ba yi// thabs kyi sgyu ma chos nyid de// rgyal ba kun dang dbyer med pa'i// chos sku'i phyag rgya chen po yin// mi dmigs sgyu ma gzhan gyi phun sum tshogs pa la// phrag dog rtog par 'dzin pa dang // rtog dang phrag dog mi dmigs te// sgyu ma mi dmigs dbyer med pa'i// bden pa gnyis ka ro gcig pas// ting nge 'dzin gyis dbang bsgyur na// thugs kyi phyag rgya chen po yin// mi dmigs gzhan gyi phun sum tshogs pa la// phrag dog rnams su spros pa ni// gdul bya'i bya ba bsam mi khyab// gsung gi phyag rgya chen po'o// phrag dog mtshan nyid mi rtog pa'o// rnam par byang ba'i mtshan nyid de// dogs pa spangs med spang sgrub med// sems can rnam pa mang po kun// nang gi chen po lnga bstan pa// rang spyi'i mtshan nyid bshad par bya// thabs dang shes rab ma rtogs pas// ma grol khams gsum 'khor ba las// ma grol khams gsum 'khor ba yin// de ltar nges pa cis mngon na// sngags kyis yongs su zin pa'i nad// kun la gnod par byed mi nus// thabs dang shes rab rtogs pa yi// dug gsum sdug bsngal gnod mi 'gyur// thabs la mkhas pas ma zin na// lam gyis dge sbyong stegs bcas kyang // mtho ris mi dang lha ru skyes// skye shi med pa'i mi lus thob// thabs mkhas snying rjes zin pa ni// mtshams med sems can ma lus kun// byang chub snying rjes gsad na yang // bsod nams dpag tu med pa thob// ma bsad sems can yal bar bor// snying rje med de sdig yod 'gyur// 'dod chags zhe sdang gti mug dang // nga rgyal phrag dog chen po dang // gang phyir byang chub sems de ni// rdo rje de bzhin gshegs par gsal// nyon mongs pa ni de bzhin gshegs// ngo bo yin par yang dag gsungs// chos sku rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin ci log nyid byang chub lam// 'khor ba rang bzhin mi dmigs phyir// mya ngan 'das pa yod ma yin// gsang sngags bla na med pa ni// thabs kyi ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma sprul pa bsam mi khyab// thabs chen dag gis zin pa ni// nyon mongs lam yang rnam par grol// thabs chen dag gis ma zin na// dge ba bcad kyang grol mi 'gyur// rnal 'byor don dam ldan pa yi// nyon mongs 'ching ba'i chos spyad kyang // rnam par grol bar 'gyur ba yin// 'khor ba dang ni mya ngan 'das// gnyi ga yod pa ma yin pas// 'khor ba stong par shes pa ni// de ni mya ngan 'das pa'i mtha'// nyon mongs phyin ci log rnams dag/ thabs la mkhas pas zin gyur kyang // gral las thal bar mi 'gyur na// byang chub sems dpa' rnams kyis ni// 'dul ba'i dbang gis bya byed kun// gdon dang smad 'tshong ston pa ltung // byang chub sems dpa' spyod tshul bzang // phal la med pas mi rung na// sngags mchog shin tu zab pa yis// skye bo kun gyis bya bar 'byung // bdud rtsi dang du blangs par gsungs// mnyam dang mi mnyam dbyer med na// sku gsung rdo rje dbang thob 'gyur// grub pa'i rdzas su de phyir gsungs// mnyam pa'i don nyid ma rtogs na// byol song la la chos dang ldan 'gyur kyang // drang srong tsho dang rtags mthun dang // ji srid 'dod pa spong byed pa// de dag grol bar ngas ma bshad// chos rnams yongs su dag pa yis// rnam bzhi'i tshul gyis don rtogs mngon// rgyu rnams rab tu dag pa dang // 'bras bu yongs su dag 'gyur te// don dam dmigs med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin rnam snang ba// gzung ba'i yul nyid 'byung ba che// rgyu nyid rang gis sems yin pas// 'byung ba chen po rgyu las dag/ 'bras bu yongs su dag pa yi// sems can kun gyis rus pa ste// rdo rje byang chub sems dpa' yin// sha ni pad+ma'i rak+ta yin// dri chen dri chu gur gum chu// so so'i lus la gnas pas dag/ don dam dmigs pa med pa ni// phyi nang chos rnams thams cad kyang // gang gi ngo bo'ang ma yin te// skye 'gag med par ye nas dag/ kun rdzob ye nas dag pa ni// sku ma'i rang bzhin thams cad snang // chu zla'i tshul du'ang mi dmigs gnas// mi dmigs pa nyid sna tshogs snang // de bzhin gshegs par ye nas mnyam// de bas gtsang sbra med par spyod// sems can rtog pa zlog phyir sman// tsa ru dang du blangs par bya// de bas sems can phyin ci log/ chos rnams dag par ma shes te// thabs dang shes rab ma rtogs pas/ kha cig ji srid 'tsho'i bar du zos/ kha cig ji srid bzhin du rtsa chu zos// zos kyang ma grub don ma rtogs// rnal 'byor thabs ldan rnams kyis ni// rang bzhin yongs kyi dag pa yin// mnyam pa'i dbyings su yang dag rtog/ thabs dang shes rab 'brel ba yis// the tshom med par 'grub par 'gyur// dngos dang dngos med rtogs pa'ang mtshan// gtsang dang mi gtsang rtogs pa'ang mtshan// mtshan ma nyid kyang rnam spangs te// mkhyen pas dbus la gnas mi gnas// sgrub pa'i rdzas su yang dag gsungs// byang chub sems dang sha chen dang // dri chen dri chu rak+ta dang // sgrub pa pos ni rtag par bza'// dngos grub ya mtshan chen po 'grub// tshe dang dbang dang rig pa 'dzin// mkha' la 'tsho dang thogs med 'grub// mtha' ni skyes med rdo rje yis// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po don nyid kyis// yi dam mi spangs rtag sgom zhing // yi dam lha yi mtshan nyid ni// de bzhin gshegs pa thams cad kyi// sku gsung rdo rje'i bdag po yis// lha spangs dge sbyong don med 'gyur// lha ni mi spangs don nyid ni// lhun grub ye shes sems 'khor bcas thams cad kyi// bdag dang gnyis med so sor tha dad ma yin pa'i// dus gsum bde gshegs dkyil 'khor thams cad kyis// sku gsung thugs kyang rdo rje bdag po ste// phyag rgya chen po yongs su rdzogs par sgom pa'i don// dkon mchog gsum spangs tshangs par sbyong ba'i don med 'gyur// bdag nyid lha dang mnyam sbyor na// yon tan chung yang 'grub par 'gyur// ye nas mnyam nyid sbyor bas su// lha nyid du ni rtag tu sgom// bde gshegs kun dang mnyam sbyor bas// dkyil 'khor kun dang mnyam par 'gyur// bde gshegs kun dang mnyam pa'i phyir// sku gsung ye shes lnga rdzogs 'grub// rdo rje slob dpon smad mi bya// byang chub ston pa'i 'dren pa'o// long ba'i dmigs bus 'dren pa dang // nyon mongs sdug bsngal mtsho skems yin// slob dpon de la smod pa ni// dper na mun khung sgron bsad na// mthong ba'i don mi rtog pa bzhin// sdug bsngal nyams thag yun ring ste// bskal pa mang por myong bar mngon// de bas rtag tu gus pa bgyis// lus la dbang ba'i rgyal po las// shin tu gtso bor blang bar bya// drin chags skyed pa'i pha ma pas// shin tu lhag pa'i ri mor bya// rdo rje'i mched dam lcam dral ni// bla med byang chub 'gro ba'i spyan// chos nyid dam tshig smon lam mthus// byang chub rig 'dzin sar nges pas// de la ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod cing phung par 'gyur// tshe 'dir mi dge sna tshogs pa// mi 'dod bzhin du 'byung bar 'gyur// 'jig rten pha rol dag tu yang // ngan song gsum dang mi khom pa'i// sdug bsngal kha brgyud myong bar 'gyur// yun ring rtag tu mi thar pa'i// shin tu nyams zag myong bar 'gyur// grub pa cig bzhin lhan cig spyod// gnyis med spyod rje spyod pa mthun// bde gshegs dkyil 'khor bla med yin// shes rab gsal bas rtag tu gdung // gsang ba gzhan la mi sgrags shing // sku gsung thugs kyis dam tshig rnams// rnal 'byor mnyam pa rnam gnyis kyi// thabs dang shes rab 'brel rtog na// mnyam pa'i spyod pa la 'dor te// phal dang mi 'dra yang dag rtogs// mi rtogs pa yi phyogs rnams dang // skye bo kun la'ang rab tu gsang // gsang phyir brda dag sna tshogs gsungs// thabs la mkhas pas byas pa yin// gsang sngags skyon yod ma yin te// thugs rje chen po thabs mkhas kyis// sna tshogs pa yi blo rtul rnams// las 'phro ngan pa'i don phyir gsang // brgya la gang gis gsang don 'di// las 'phro ngan la bsgrags gyur na// dper na rtsub shing mes brngubs na// rtsub shing nyid kyang tshig par 'gyur// gzhan yang tshig par 'gyur/ ba bzhin// don bzang po 'di me dang 'dra// skal pa chung zhing shes rab dman// blo ngan rgyu 'bras rmongs pa rnams// mnyam pa nyid la skur 'debs pas// ngan song gsum du 'phang bar 'gyur// gsang thos ma rtogs sdug bsngal myong // gsang ba 'phel bar byed pa las// sgra byed lce la zhing rmo zhing // sdug bsngal chen po myong bar 'gyur// de phyir sems can don phyir gsang // rlung phyogs tsam du brjod mi bya// sngags dang phyag rgya rgyun mi bcad// sngags shes rab tu bsgrags pa ni// don dam kun rdzob dbyer med pa'i// mnyam pa'i dkyil 'khor chen po ru// sku gsung thugs kyi yi ge oM// de la sogs pa bzhi bcu gnyis// phyag rgya chen po'i mtshan nyid ni// phyogs bcu dus bzhi gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang bsgyur te// goms shing bstan par bya ba yin// de bas rabs chad brtson med pa// dper na sa bon tshig pa las// 'bras bu 'dod pa dang 'dra ste// sgrub pa'i 'bras bu med par 'grub// mi khom 'khor bar gnas gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du mar bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po phyag rgya yis// phyogs bzhi dus bzhi thams cad dang // 'jig rten 'das dang 'jig rten pa'i// yon tan skyon rnams skye 'gag med// gang gis ngo bor ma grub mnyam// kun rdzob chos nyid dbyer med pa'i// mi dmigs gang gi ngo bo min// chu zla'i tshul du sna tshogs par// snang zhing bya ba byed nus pa'i// phyag rgya chen po'i phyogs bcu dang // dus bzhi khams gsum thams cad dang // 'jig rten pa dang 'jig rten 'das// yon tan skyon rnams thams cad kyang // sgyu mar mnyam par ye nas gnas// sngags 'chang gsal bar rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang // rdzogs par phyogs bcu dus gsum gyis// de bzhin gshegs pa'i sku gsung thugs// thams cad dbyer med ye nas mnyam// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun 'grub ni// sku gsung thugs ni bsam mi khyab// mnyam pa'i dbyings chen rdzogs par sgom// de ltar dam tshig 'di gsungs te// de la gnas na 'grub par 'gyur// yan lag ma nyams sngags bzlas shing // 'dod pa kun la longs spyod bya// lus dang ngag sems brten gyur nas// byang chub rab 'byams thob par 'gyur// dam tshig chen pos las 'das nas// nyin ni shin tu che bar gsungs// sangs rgyas byang chub sems dpa' dang // sngags kyi spyod pa don sgrub pa// rmongs pas gal te 'das byas na// de yi srog kyang de zad 'gyur// dam tshig bsrung dang sngags bzlas dang // phyag rgya rgyun mi 'chad pa bzhin// brtson 'grus che zhing bstan pas zungs// rnal 'byor brtson 'grus chung gyur na// mi 'grub nyen yang che bar gsungs// ji ltar ral gri'i so la nan tan du// skyes bus myur du bzung na ni// lag pa nges par chod par 'gyur// de bzhin nan tan byed pa'i gsang sngags pa// 'chi'am yang na 'bras bu med par 'gyur// rnal 'byor dam tshig rnams kyi ni// sngags kyi yan lag ma nyams gsal// don ldan ma nyams dag byas shing // brtson 'grus cher skye myur bar 'grub// sngags goms ma mnyam phyag rgyar gsal// cho ga yo byad gtsor ma gsungs// tshogs na yang ni nyes pa med// ma tshogs yang ni 'grub par 'gyur// bdag nyid rang gi lhar sbyor bas// dngos grub thams cad 'grub par 'gyur// cho ga lhag gam mnyam mtshan na// 'grub par gyur te nyes skyon med// ces gsang ba'i tshig tu'o// dam tshig sum brgya pa/ rtsa ba bco lnga mdor bshad pa'i le'u ste nyer brgyad pa'o// // de bzhin gshegs pa rgyud kyi rgyal po sgyu 'phrul dra ba las/ dam tshig bco lnga pa 'di ltar bshad de/ thams cad mkhyen pa'i ye shes kyis// thams cad mnyam pa'i ngang nyid du// dbyings su ro cig de bsdus te// don du mi 'gyur yongs ma gsungs// yon tan mchog gis 'dod pa ni// snang srid ma lus thams cad kun// mnyam pa'i zhing du sbyor bas ni// chags pa med pa'i tshul du spyod// 'di ni rnam dag legs pa'i lam// byang chub mchog tu 'gro ba'i gnas// bde mchog mi zad rin chen gter// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas kyi sgrib 'gyur te// yi dwags sdug bsngal gnas su 'gro// bsgom dang bkres pas nyon mongs 'gyur// dmag 'khrug ngan skyug rtag mthong yang // bde la spyod pa'i dbang yang med// rtsub shing gdug pas bsrung bar 'gyur// thugs rje chen po'i zhe sdang ni// 'khor ba'i lam lnga sgo bcad cing // bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston cing // shin tu mnyam pa'i ngang du 'jog/ rdo rje sems dpa' zhi ba'i sa// yang dag mchog gis bde ba 'grub// ye shes gsal ba'i gti mug ni// bdag dang bdag gir dbyer med de// rang bzhin med pa'i dbyings la rol// thams cad brjod du med pa'i ngang // kun tu khyab pa'i sku mnga' ba'i// shin tu 'od gsal rnam dag lam// byang chub sems dpa' sgrib pa sbyong // sems can nyon mongs dug sel 'gyur// thams cad zhing sbyong nga rgyal ni// yon tan skyes pa'i mdzad yin te// nga med bdag med mi dmigs la// su zhig de la nga rgyal skyes// dpung bzhi'i tshogs kyi mi thub pa'i// shin tu rgyal ba'i khyu mchog 'grub// lha srin bdud sde tshar bcad pa'i// dpa' bar 'gro ba'i ting 'dzin thob// phrag dog yangs pa'i don sbyor ba// nga dang bdag med don rtog ni// dog dang yangs pa gnyis ka med// bde mchog dkyil 'khor yangs pa 'grub// phrag dog dngos po mi shes shing // nga dang bdag tu 'dzin 'gyur na// lha ma yin gyi gnas su skyes// de nas yi/ dwags gnas su 'gro// gal te yul sa brnyes gyur na// shin tu mi bde dogs par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtog pa ni// nga dang bdag tu 'dzin pa dang // phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don rtogs med par 'grub// nga med bdag med dbyings su thim// lhun grub don mchog 'grub par 'gyur// yi dam lha ni rtag bsgoms na// rgyu 'bras lhun gyis 'grub pa yi// bdag gis kun la dbang bsgyur te// rig 'dzin gnas su skye bar 'gyur// rdo rje slob dpon smad mi bya// yon tan rin chen gter chen po// thams cad ma lus ston pa ste// nyon mongs ma lus rtsad gcod pa// bla med 'bras bu thob par byed// lus la / dbang ba'i rgyal po bas// shin tu lhag pa'i bkur sti bya// drin chags bskyod pa'i pha ma pas// shin tu gdung zhing brtse bar bya// sngags dang phyag rgya rgyun mi bcad// phyag rgya chen po rtag tu bzhag sngags ni rtag tu brjod par byed// nyin yang lan gsum mtshan yang lan gsum du// mkhas pa dag ni rgyun du bya// bar ma chad par sgrim te bzlas// gsang ba'i man ngag gzhan la spel mi bya// rdo rje lce yi tshul yod kyang // theg pa dman dang ma 'dres pa// skye bo phal la smra mi bya// rdo rje mched dang lcam dral la// rngan dang dpya sems smad pa dang // rdzi phyogs tsam du smra mi bya// shin tu gdung zhing brtse bar bya// bdud rtsi sman rnams rtag tu spyad// bla med 'grub pa'i gsos yin pas// gtsang rme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang // nga rgyal phrag dog chen po ni// sangs rgyas lnga po de yin pas// mi spangs rtag tu bsgrub par bya// dam tshig dam tshig ces bya ba// gud na yod pa ma yin te// rang gi lta ba dam tshig yin// mi btang phyir yang dam zhes bya// gzugs su gyur pa/ dam zhes bya// rdo rje ma nor lam ston pas// de la yang ni tshig ces bya// yang na de bzhin bka' bcag pas// mi khom gnas su tshig par 'gyur// dam tshig ces ni de la brjod// oM au/ rdo rje rigs kyis bsgrub bya ba// sgrol dang sbyor bas mthar phyin 'gyur// sbyor ba nyid ni sgrol ba yin// rang bzhin gyi ni sbyor sgrol dang // ting nge 'dzin gyi sbyor sgrol dang // dbang po yul dus sbyor sgrol dang // thabs chen dag gi sbyor sgrol dang // mngon du phyung ba'i sbyor sgrol lo// yang na sbyor sgrol bdag la rdzogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// / rol pa'i 'phrin las bsam mi khyab// dbyings dang dbyings las thams cad sgrol// sbyor sgrol 'phrin las bdag la rdzogs// byang chub sems sbrul phyogs bcur 'phro// ngan song gnas rnams stong par byed// rig 'dzin bde ldan thob par byed// bla med zhing rnams dag par byed// sku gsung lhun grub phyogs bcur 'dug/ rdo rje zhes te mtshan bsgrags te// theg dman rnams kyang rdo rjer dgod// grangs mi shes kyi gter yang 'grub// rdo rje rig pa 'dzin pa'i sku// thams cad mkhyen pa'i ye shes mchog/ thugs rje'i sprul pa dpag med kyis// 'gro drug tu gnas ma lus mkhyen// 'gro ba nyid ni nyid kyi sku// nyon mongs byang / chub lam du mkhyen// 'khor ba nyid na bde gnas so// chos kyi dbyings dang sems can mtha'// dbyer med du yang nyid du'o// de nas de bzhin gshegs pa rgyud kyi rgyal po sgyu 'phrul dra ba las/ dam tshig rnam par spros pa 'di/ nyid la nyid ched du brjod pa 'di brjod do// spong ba rdo rje zhes bya ba'i dam tshig ni/ zhe sdang rdo rje thugs rje'i ngang // dmyal ba'i gnas rnams tshar gcod pa// brgyad brgyad bcu drug zhing du sbyor// tsha ba rnams la bsil ba'i sman// grang pa rnams la dro ba'i sman// bsil dro 'jam rtsub cha snyoms pa// thugs rje'i byin rlab de ltar ston// byin rlab ya mtshan rmad po che// chags pa'i ye shes zhes bya ba'i dam tshig ni/ chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong zhing // myong tshor nyid na rang bzhin med// chags pa med pa'i ye shes kyis// yi dwags gnas rnams tshar gcod cing // lus la zas kyi sgrib pa yi// nyon mongs gnyis ka med par ston// gti mug ces bya ba'i dam tshig ni/ nga dang bdag med dbyer med pa'i// shes rab chen po 'od gsal gyis// dran smra med pa'i sdug bsngal bsal// rmongs byed sgrib pa dag par byas// ye shes gsal ba'i thugs rje yis// bya byed med par nyon mongs sgrol// byol song gnas ni stong byed cing // thugs rje sgron ma de ltar ston// phrag dog chen po'i dam tshig ces bya ba ni/ yangs pa chen pos ye shes kyis// nga dang bdag 'dzin rnams la ni// thugs rjes gnyis med mnyam sbyor zhing // dog dang yangs pa gnyis ka med// rgya chen yangs pa'i blo ldan pas// 'di la mi chud gang yang med// thams cad yangs pa nyid du sbyor// lha ma yin rnams stong par byed// nga rgyal bde mchog ces bya ba'i dam tshig ni/ ye nas chos nyid mnyam pa la// dang khyod ces bya ba med// thams cad dbyings su ro gcig ste// gnyis med mtshan nyid bsnan du med// che chung med pa'i ngang yin pas// bya ba dag ni med par bsnan// nga rgyal bdag med rtog pa yis// dreg pa'i gnas rnams stong par byed// rang bzhin gyis 'od gsal ba zhes bya ba'i dam tshig ni/ 'jig rten 'di ni ci yod pa'i// ming dang tha snyad 'dzin pa dag/ so so'i mtshan nyid bshig byas nas// rang bzhin med de yang dag nyid// rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing // nyid kyi dkyil 'khor zhes bya ba'i dam tshig ni/ rang rig nyid la gnas pa yin// sus kyang ma byas rang byung ste// thams cad de bzhin nyid du sbyor// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud// sdud dang mi sdug gnyis ka min// yang dag kho na nyid du'o// bde ba'i rang bzhin zhes bya ba'i dam tshig ni/ thams cad lus rnam par dag/ nyid kyis dbyings las mi gzhan phyir// bde dang mi bde gang yang med// thams cad dbyings su ro cig ste// ji bzhin nyid kyis ngang brtsan par// yang dag nyid kyis de skad bshad// bshad dang nyan dang gnyis ka min// de bzhin nyid du yang dag 'du// dus bzhin rgyal mchog ces bya ba'i dam tshig ni/ gong na med pa'i ye shes mchog/ thams cad mnyam pa nyid du sbyor// 'das dang ma 'das thams cad kun// 'byung dang 'byung bar ma nges pa'o// ye shes rtogs pa'i khyad par gyis// dus bzhi snga phyi med pa yis// mnyam pa nyid du lhan ner sbyor// lhun grub ye shes bya ba'i dam tshig ni/ 'jig rten 'das dang 'jig rten pa'o// thams cad dbyer med byang chub ste// ye nas rnam par dag pa'i chos// ma bcos lhun gyis grub pa yis// byang chub lam chen po 'di yin te// thams cad dbyer med ngang du 'dus// byang chub don grub ye nas rdzogs// mnyam pa'i zhing du thams cad thim// rdo rje skye gnas zhes bya ba'i dam tshig ni/ theg pa che mchog rigs su nges// rigs te byang chub brtan par gzung // thams cad mnyam pa'i dbyings shes na// rigs mchog kun gyi skye gnas yin// skyes pa nyid na skye ba med// las dang las kyis bag chags med// cis kyang ma gos thams cad 'joms// skye shi med pa'i sa yang yin// byang chub kyi zhing bkod pa zhes bya ba'i dam tshig ni/ phyogs bcu mtha' yas mu med pa'i// snang grags bsam gyis mi khyab pa'i// phyi dang nang gi gnas pa dag/ de bzhin dbyings kyi ngang du thims// mdor na zhing khams ma lus pa'i// yon tan rin chen bkod pa yi// ye shes brgyan gyis spangs pa rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po sgrub 'dod pas// gzung 'dzin bral ba'i don nyid rtogs// chos kyi dbyings dang sems can ni// gnyis med de bzhin nyid du gcig/ ji ltar rtogs pa'i skyes bu ni// rdo rje bzhugs nas yin par bshad// mi 'jigs rgyal mchog ces bya ba'i dam tshig ni/ rnam par byang dang nyon mongs gnyis// so sor yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang bstan zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas su// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du 'grub// zag pa zad las grub pa yi// nam yang 'jig med chos kyi dbyings// sna tshogs kun bsgyur zhes bya ba'i dam tshig ni/ bsngos pa can gyi chos min pas// ji ltar bsam pa bzhin du 'grub// rig par rang dbang gyur pas na// stong par bya 'am mi stong bya// thams cad dbyer med dang yin pas/ kha dog dbyibs dang rin po che// thams cad khyab dang yungs 'bru'i tshul// bsam yas mtha' dbus med pa'o// 'dren byed gnas stobs zhes bya ba'i dam tshig ni/ ma rig log rtog bsam yas kyis// 'jig rten khams rnams rgyud cing 'khor// 'khor ba'i rgyu dang 'bras bu gnyis// gzhi rtsa med de skad cig ma// yang dag byang chub sems rig ni// mi rig rgyu 'bras rnam par dag/ nyon mongs pa nyid byang chub ste// thams cad ma lus bde gnas so// lam la ston byed ces bya ba'i dam tshig ni/ ting 'dzin rnam gsum bsgoms byas te// nyon mongs lam lnga sgo bkag nas// lam lngar snang ba rnam rtog yin// rtog dang mi rtog gnyis ka min// gnyis med de nyid yang dag lam// thabs dang shes rab dang nyid du// shin tu mnyam bzhag rtogs bya zhing // bla na med pa ston par byed// yang dag don ston ces bya ba'i dam tshig ni/ theg pa bsam yas gsungs pa yang // de bzhin nyid kyis ma brjod kyang // sems can blo yi rim pa bzhin// so sor mtshams par kun tu gsal// 'di ni rdo rje theg mchog ste// rgya mtsho'i klong du chu 'bab bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/ shes rab blo chen rab ldan pas// don du mi 'gyur yang ma gsungs// srid gsum 'gro ba bsam yas su// thugs rje ston pa bsam mi khyab// don dang mthun pa 'ba' zhig ston// mi mthun zhags pa 'khor ba gcod// bde gshegs zhing rnams dag par byed// thams cad dbyings su rtogs par 'dus// sgyur byed byang chub ces bya ba'i dam tshig ni/ rang rig ye shes dbang thob pas// dkar po mtshan gyis mdog sgyur bzhin// dug kyang sman du gyur pa dang // de bzhin dug gsum byang chub ste// 'gro ba lnga byang chub lam du sbyor// nyon mongs sdug bsngal thar bar byed// thar dang mthar gnyis ka med// thams cad ma lus byang chub rgyu// mnyam rdzogs lhun grub ces bya ba'i dam tshig ni// ye shes sgyu mar snang ba gnyis// sgyu ma yin pas rang bzhin mnyam// mnyam pa nyid la mi gnas pa'i// bsod nams ye shes tshogs rdzogs te// ye shes gnyis kyis dkyil 'khor la// theg mchog rdo rje ma lus rdzogs// dpe byad mtshan bzang dpag tu med// thams cad skur zhes bya ba'i dam tshig ni/ shin tu rtog pa'i khyad par gyis// spyod yul thams cad smon nas mkhyen// de bzhin nyid dang kun rtog la// gnyis su med par dbang bskur te// ma lus thams cad bde ldan zhing // thams cad byang chub mchog tu 'gyur// ye nas dngos po med pa la// ji ltar dmigs pa bzhin du 'grub// rig 'dzin gnas stobs shes bya'i dam tshig ni// shes rab rnam gsum goms byas na// ting 'dzin mnyam pa'i don rtogs te// rtag tu yangs pa chen po sgom// rgyu 'bras dus gcig rdzogs pa yis// rang rig nyid la dbang thob ste// tshe ni bcu dang drug pa yin// brgya brgya dag tu bsnur zhing nas// lus ma bor bar sangs rgyas so// zad med gter ldan zhes bya'i dam tshig ni// shes rab chen po rnam dag pas// spyod yul thams cad dag par 'gyur// shes rab spyod yul gnyis su med// de bzhin nyid du ro cig ste// thams cad rgyal ba'i zhing sbyor bas// zad med rin chen gter du 'gyur// mi zad par ldan dam tshig mchog/ 'og min mtha' dbus bsam mi khyab// sgrub med mnyam rdzogs zhes bya'i dam tshig ni/ thams cad mnyam pa'i dkyil 'khor la// rang byung ye shes 'phyo ba ni// dbyings dang rig pa gnyis yin pa// de bzhin nyid du rdo rje rig/ thams cad gnyis su med pa la// sgrub dang sgrub pa yod ma yin// ye nas lhun gyis grub pa la// de la lam gyis bcos su med// thams cad byin gyis brlob pa zhes bya ba'i dam tshig ni/ chos rnams ye nas dag gyur kyang // phyin ci log gi blo log na// log rtog gnas dang longs spyod dang // ma rig 'khrul 'khor bsam mi khyab// 'khrul rtog blo ngan zlog pa'i phyir// thugs rje chen po thabs mkhas pas// nyon mongs 'dren cing mtho ris gnas// byang chub lam chen rtog par ston// gsum mchog mtha' yas zhes bya'i dam tshig ni/ chos rnams ma lus thams cad kun// ming dang tshig tu btags nas ston// ji snyed mang po don brjod kyang // rdo rje gsung la spros pa med// spros med de nyid sna tshogs pa'i// kun tu brda mjal ye shes gsung // sgra dang ming tshig kun las 'das// thams cad pad+ma chags med pa'o// skur bzang med ces bya ba'i dam tshig ni/ thams cad mkhyen pa'i ye shes kyis// snang srid ma lus thams cad kun// de bzhin nyid du dbang bsgyur te// thams cad ye shes dbyings su stim// zad med ye shes gter ldan pas// thugs rje'i byin rlabs bsam mi khyab// 'jig rten 'das dang 'jig rten pa'i// so so'i don rtogs rnam par dag/ thams cad skad 'jal zhes bya ba'i dam tshig ni/ thar pa'i dkyil 'khor 'bum phrag dang // 'gro drug dus gnas ma lus la// gsung gcig tshig tu ma brjod kyang // sngon gyis thugs rje'i byin rlabs kyis// thar dang ma thar gnyis ka la// so so'i ji ltar 'dod pa bzhin// chos kyis gsung mchog dam pa yis// thar pa bskul zhing ngan song sbyong // rang rig dbang bskur zhes bya'i dam tshig ni// phyogs dus bsam gyis mi khyab pa// de ni ji bsnyed yod pa yis// mtshan ma sna tshogs btags pa yang // rang rig rnam par rtog pa nyid// sangs rgyas zhing khams rab 'byams na// de bzhin gshegs pa'i dkyil 'khor dang // sprul pa mtha' yas 'byung ba yang // ye shes rnam par dag pa'i yul// yi ge med 'jal zhes bya ba'i dam tshig ni/ yi ge'i tshig dang sgra spangs pa'i// brjod med ngang du gnas pa ni// gsung gcig rang bzhin med pa yi// chos rnams thams cad ye nas dag/ thams cad thugs su gyur pas na// sgra dang tshig la gnas pa min// thugs la thugs ni mi gnas pa'o// bdud sde tshar bcad ces bya ba'i dam tshig ni/ nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te// skye ba med pa'i g.yung drung gnas// bdud bzhi bcom pa'i skyes mchog gis// dreg pa chen po thams cad bcom// ma rig log 'dren 'dul mdzad de// chos kyi dbyings su thams cad thims// stong gsum kun tu grags pa zhes bya ba'i dam tshig ni/ thugs rje chen po'i byin rlab kyis// phyogs bcu'i 'jig rten rdul snyed du// 'gro ba'i 'phrin las bsam mi khyab// sku gsung thugs dang yon tan dang // lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing // ye shes tshogs rdzogs kun tu ston// ye shes gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med pa cir yang snang // snang ba nyid ni dbyings nyid de// de ltar rtog pa'i ye shes ni// kun la dbang bsgyur rang dbang can// thams cad tshig gi sgra ltar gnas// 'di ni ye shes gsung mchog yin// bsam yas rdo rje gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun tu khyab/ khyab dang khyab med rdo rje'i sku// sgra skad sna tshogs bsgrag pa dang // dngos po med la dngos po'i sgra// ji ltar pi wang lag zug na// sgra ni sna tshogs 'byung 'gyur yang // dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang // dus bzhir 'byung ba ma lus kun// phyogs dang snga phyi med pa yi// thams cad de bzhin nyid kyis dbyings// 'jig rten 'das dang 'jig rten pa'i// so so'i snang ba thams cad kun// rang rig rgyal po yang dag 'dus// rang rig de bzhin thams cad yin// 'jigs med rdo rje zhes bya ba'i dam tshig ni// 'dus ma byas nyid 'dus byas yin// 'dus byas snang ba rdo rje nyid// snang dang mi snang gnyi ka min// yod med pa'ang dbyer med de// rang bzhin ye nas dag pa yi// ma bcos ma byas dang gi gsal// gzhig dang gshig par bya ba min// cis kyang mi tshugs rdo rje'i bdag/ de bzhin sku nyid ces bya ba'i dam tshig ni/ de bzhin zhing khams bsam yas dang // 'gro ba ma lus thams cad la// thar pa rnams la dag pa'i sku// rtog pa rnams la 'khor ba'i las// so sor mtshams par don ston cing // ston pa nyid na dngos po med// chu zla'i tshul du kun tu snang // kun la de ltar rtogs par byos// lhun grub de nas zhes bya'i dam tshig ni/ chos rnams ma lus thams cad la// byang chub snying po yod par lta// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gis ngang du gnas pa ni// bdag la bdag ni dbang bskur nas// spyod yul thams cad sngon nas shes// che mchog rnam dag ces bya ba'i dam tshig ni/ rig pa rang dbang gyur pas ni// thams cad kun la dbang bsgyur te// gong na med pa'i sa gnon nas// thams cad kun gyi gtso bo yin// thams cad ma lus gnyis min pa// sgom dang sgom par bya ba min// de bzhin nyid la dbang sgyur pas// thams cad dbyings su ro cig go/ chos kyi 'khor lo zhes bya ba'i dam tshig ni/ phyi nang snod bcud bdag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma rtsal rnams 'dzin gyur pa// de bzhin yul gyi dkyil 'khor ro// rang rig byang chub dkyil 'khor te// thams cad kun la 'khyil bar gnas// zad med gter chen zhes bya ba'i dam tshig ni/ zag bcas gnod sbyin nor 'dra ba// sems can 'phel 'grib zad 'gyur gyis// de bzhin gshegs pa'i yon tan ni// zad med 'phel 'grib med pa yi// mang du spro bas phra mi 'gyur// nyung ngu bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// rnam rtog skyon gyis glo bur dang / khams gsum 'khor ba'i btson ra nas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs nas// sangs rgyas zhing du rnam par dag/ gzung 'dzin dral byed ces bya ba'i dam tshig ni/ phyin ci log tu rnam dag brtags pa yi// bdag dang bdag gir so sor snang // de la 'dzin pa gnyis zhugs nas// rang bzhin med kyang so sor snang // yang dag rtog pas rab brtags na// dngos po thams cad stong pa yin// dngos dang dngos nyid mi gnas pa// de rtog sdug bsngal bral byed cing // yum gyur dbyings phyug ma zhes bya ba'i dam tshig ni// 'byung ba lnga la brten gyur na// thams cad 'byung zhing ma lus gnas// skye 'khrul ma lus zhi yang yin// thams cad kun gyi sgra yang yin// de bzhin shes rab rnam gsum gyis// le lo med pa'i brtson 'grus 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang // ngan song gnas rnams ma lus kun// rgyu nyid rang bzhin gnyis ka dang // rang bzhin ye nas de bzhin no// 'bras bu rnam par dag pa ni// 'jig rten brtan g.yo la sogs la// snang ba nyid ni ngo bo med// de bzhin chos sku chen po yin// sems can don byed ces bya ba'i dam tshig ni/ byang chub sems su rgyu cig pas// rtsa ba snying rje'i chen po 'byung // thabs kyi pha rol phyin pa spyod// nyon mongs lam las 'grol bar byed// nyon mongs khams gsum gnas pa yang // phyin ci log nyid snang ba yin// de rtogs mtho ris thar pa'o// rtog nas don 'dzin ces bya ba'i dam tshig ni// thams cad lhun gyis grub pa dang // sgyu ma mig yor tshul shes pa// gnyis kar rang rig nyid du 'dus// de nyid yang dag yin par bshad// sgra dang tshig tu brjod pa ni// yang dag don gyi snying po byin// ming tshig sgra la mi brten par// blo yi steng du go bar byos// sems la gnas bcas zhes bya ba'i dam tshig ni/ thams cad ma lus chos su cog/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems zhes brjod pa ni// gang na ma 'ong gar mi 'gro// rtog med rang rig kho na tsam// sangs rgyas sems can sems la gnas// brjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang // so so'i mtshan nyid ma gtogs pa// ba spu'i cha tsam brjod pa med// bsod nams chen pos btangs pa yis// sangs rgyas zhing nyid dag pa 'o// las ngan dag gis khams gsum gnas// de nyid dbyings las spros pa med// mi 'gyur rdo rje gsung gi dam tshig ces bya ba ni/ rnam dag sku gsum sprul pa dang // che mchog sna tshogs bstan pa yang // byang chub sems las snang gyur te// snang ba nyid nas dbyings su dag/ phyin ci log g.yo bsam yas kyis/ khams gsum gnas dang lam lngar 'khor// de nyid log rtog sna tshogs snang // de la ma rtogs gang yang med// ye nas ma bcos zhes bya ba'i dam tshig ni/ bla med byang chub smos ci dgos// 'gro lnga ma lus thams cad kun// ye nas byang chub snying por gnas// de bzhin dbyings kyi kun tu khyab// ji lta ba yi ngang gnas la// de ltar rtogs pa'i blo 'jug pas// gnyis su med par rtogs 'gyur na// su yis 'chos shing su yis rtog/ rang bzhin 'od gsal zhes bya ba'i dam tshig ni/ chos rnams ma lus thams cad kun// rang bzhin ye nas dag pa yis// sus kyang ma byas ngang gis gsal// ma chags pad+ma 'dra ba yis// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo rtsal rab kyis rtogs// thams cad dbyings phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dang bdag gis med pa yi// shin tu zab pa'i blo las 'byung // chos dbyings zab mo'i don rtogs na// sku dang ye shes bsam mi khyab// rang rig ye shes don rtogs na// skye shi med pa'i g.yung drung thog/ byang chub snyoms byed ces bya ba'i dam tshig ni// gzung 'dzin bral ba'i ye shes kyis// chags med dbyings la mnyam bzhag na// thams cad de bzhin nyid kyis zhing // nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin ci log/ thams cad mnyam pa'i dbyings su dag/ phyogs dus gnyis med ces bya ba'i dam tshig ni/ phyogs bcu dus bzhi thams cad kyang // rtog pa'i mtshan ma so sor snang // snang ba nyin na dbyer med nyid// mtha' dbus med de zlum pa yin// de bzhin rang gi rig pa yang // mtha' dang dbus med du ma min// gang du'ang mi 'gro kun tu khyab// kun la de bzhin mi gnas pa'o// thams cad 'byor ldan zhes bya ba'i dam tshig ni/ chos rnams so sor rtogs byas shing // thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas nas// nyon mongs sdug bsngal mi 'byung zhing // rtag tu bde gnas byang chub nyid// mtshan dang dpe byad kun dang mnyam// thabs nyid shes rab ces bya ba'i dam tshig ni/ 'di ltar snang ba thams cad kun// thams cad thabs kyi mtshan nyid de// thabs la thabs ni rnam par spyod// sbyor dang sbyor ba gnyis ka min// sna tshogs snang ba thams cad kyang // snang ba nyid na rang bzhin med// de nyid shes rab yin par bshad// rtag tu thabs nyid mi dmigs pa'o// shes rab thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung // 'byung ba na yang rang bzhin med// med pa nyid na sna tshogs snang // thams cad shes rab dbyings las byung // mnyan bsam bsgom pa'i shes rab kyis// shes rab thabs kyi don rtogs byos// kun la de ltar 'byor bar gyis// gnyis med byang chub shes pa'i dam tshig ni// thabs dang shes rab ldan 'gyur na// gnyis med byang chub sems 'phro ste// kun gyi 'byung gnas byed pa'o// de yis ma byas gang yang med/ kha dog dbyings dang gang yang min// shin tu brtag dka' sus ma rig/ bdag gis bdag kyang mi mthong na// gzhan gyis rtogs par ga la 'gyur// thams cad sbyor ba zhes bya ba'i dam tshig ni/ ye nas lha mo lha mo yi// dkyil 'khor yang dag sbyor ba dang // dbang po yul du sbyor ba'o// phung po lnga nyid de bzhin gshegs// 'byung ba lnga nyid yul du sbyor// dus bzhi lha mo nyid du sbyor// rtag chad mu bzhi khro mo'o// thams cad ma lus 'byung ba kun// mnyam pa'i dbyings dang rigs par bya'o// yang na shes rab dbyings ma la// bde gshegs dkyil 'khor kun bkod nas// bdag nyid rig pa'i lhar bsgoms te// gnyis su med par / ldan par bya// rdo rje dril bur ldan gyur na// byang chub pad+ma shin tu spro// phyogs dus dkyil 'khor mnyes pa dang // 'gro ba mang po bde thob nas// slar yang gnyis med dbyings su thim// thim 'gyur dbyings nas phyag rgyar 'bar// bde gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor bas na// ngan 'gror mi lhultung yang dag 'grub// 'di ni sgrol ba chen po yin// sgrol ba nyid na sbyor ba yin// sbyor ba nyid ni ma lus sgrol// thams cad ma lus grol zhes bya ba'i dam tshig ni/ phyi nang snod bcud ji snyed pa// gnas pa'i sems can thams cad kun// bdag nyid chen po rtag pa yin// dbyings su yang na bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtog pa'i ting 'dzin gyis// gnyis su med pa thabs kyis sgrol// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya// ri rab chen po gling bzhi la// gnas pa'i sems can ma lus kun// thugs rje chen pos byin brlabs te// ye shes me chen bsgoms byas nas// thams cad ma lus bsreg par bya// dbyings su yang na bstim bya ste// de bzhin gshegs par byin gyis brlabs// rgyal ba'i sras su dbang yang bskur// de ltar sgrol ba kun byas kyang // bsgral ba'i dngos po gang yang med// phung po lnga po gzhig pa la// bshigs nas 'byung ba bag la zha// ma gzhig na yang 'byung ba yin// rnam shes med pas gsad bya ni// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang // sus kyang zin cing song ba med// 'ong na thugs rjes gang bsgral na// rnam rtog mtshan ma thams cad kun// phyin ci log las bzlog byas te// ting 'dzin sngags dang phyag rgya dang // shin tu goms pas dbang bskur te// byang chub zhing la dgod par bya// de tsam la ni bsgral zhes gdags// sbyor ba nyid na sbyor ba yod// nyon mongs sdug bsngal rtsad bcad nas// byang chub gnas su bsgral bas na// gnyis med dbyings su sbyor ba yin// ma byin len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gis gzhan na min// rang bzhin ngang gis bdag med pa'i// kun la thogs med spyod 'gyur yang // spyod dang spyod par gnyi ga med// thams cad ye nas stong pa la// gang gis len cing gang la spyod// snang srid ma lus thams cad dang // thogs pa med par spyad gyur kyang // 'chi bar mi 'gyur bsod nams tshogs// chags med ye shes chen po yin// ma lus thams cad chos kyi dbyings// de nyid rang rig yin par bshad// gnyis su med par rtogs gyur na// blangs pa nyid na kun tu bzang // rdzun du smra ba zhes bya ba'i dam tshig ni/ chos rnams ma byas thams cad kun// ye nas dngos po yod ma yin// rang bzhin ngang gis 'od gsal ba// ming tsam tshig gis mtshon mod kyis// ming dang tshig la dngos po med// ma rig pa yi 'khrul / rtog gis// nga dang bdag tu med pa la// so so'i mtshan ma dngos por bzung // 'dzin pa'i dngos por bzung // 'dzin pa'i dngos po yongs med de// chos rnams thams cad ming tshig tsam// ji snyed mang po brjod pa yang // brjod par byed dang brjod pa med// chos rnams thams cad rdzun du snang // rdzun nyid la ni rdzun spyod do// rdzun zhes rtogs tsar yod ma yin// thams cad rdzun gyi tshig bzhin no// rdo rje 'joms byed ces bya ba'i dam tshig ni/ thog ma med nas phyin ci log/ thog dang bdag gis med pa la// rnam rtog mtshan mas so sor 'dzin// 'dzin pa dngos po yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis// bdag rtogs bag chags kun bcom nas// rdo rje dbyings su thim par bya// chos kyi 'khor lo zhes bya ba dam tshig ni/ thugs rje chen po'i byin rlabs kyis/ khams gsum nyon mongs 'khor ba rnams// gzhan gyis bcings te 'khor ba min// 'dzin rtogs chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spangs med sangs rgyas zhing // thams cad ma lus chos nyid rtogs// rin chen 'byung ba zhes bya ba'i dam tshig ni/ nor gyi mchog ni dkar bdun yin// 'dod pas btsal bas mi rnyed de// rang rig dbyings kyi ye shes dang // sku gsung thugs 'das mi dmigs pa// chags pa med pa'i tshul gyis ni// gnyis su med par sbyong byas nas// nor bdun chen po 'byung bar 'gyur// mtshan dang dpe byad sna tshogs ldan// pad+ma chags med ces bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba min// pad+ma 'dam nas skyes pa 'dra// 'di ltar snang ba thams cad kun// bdag las gzhan du gcig kyang med// bdag nyid shin tu mi dmigs pas// nyon mongs nyid kyang byang chub shing // don rnams grub pa zhes bya ba'i dam tshig ni/ rdo rje rigs kyis thams cad bcom// rin chen rigs kyis yon tan 'byin// pad+ma'i rigs kyis bag med 'byung // sku gsung thugs dang ye shes lnga// thams cad don rnams rdzogs par bya// gzung dang 'dzin pa rnams spangs te// mnyam pa'i dbyings la sems kyis blta// skye shi med par lhun gyis grub// nor bdun chen po zhes bya ba'i dam tshig ni// sku gsung thugs dang yon tan dang // phrin las rmad byung kun grags pa// gzhan yang yid 'ong ma yin te// rang byung ye shes gnas med yin// mtho dman kun gyi gzugs snang dang // bla med byang chub sku snang ba// me long lta bu'i tshul bzhin du// sna tshogs kha dog dbyings su snang // de bzhin gshegs pa'i gsung rab rnams// sgra dang ming tshig kun las 'das// brjod med rang bzhin kun dag go/ nyon mongs med cing bla med sgra// ma brjod stong gsum grags pa yin// gsung brjod bsam gyis mi khyab pa// brjod pa nyid na stong gsum med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab rtogs na// gzhi rtsa med dbyings skad cig la// mtha' dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang bskur ba// sku gsung yang dag ldan gyur na// yon tan nam mkha'i mtha' dang nyamam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'grub// gzhan gyis dbrog tu med pa yi// bo de'i dkar ni rin po che// thugs rje chen po'i byin rlab kyis// bya byed med pa rnams zhi mdzad// mdzad dang mdzad par bya ba med// sgyu ma'i tshul du kun la spyod// spyod med ngang gis dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyis// brjod pa'i mtshan nyid yongs med de// mtshan nyid med pa sna tshogs snang // de nyid thams cad mkhyen nyid yin// kun la khyab cing mi gnas pa// de ni rig pa rang dbang 'gyur// bsam gyis mi khyab kun tu khyab// nam mkha'i snang byed ces bya ba'i dam tshig ni// sa rnams ma lus thams cad la// de bzhin nyid kyis kun tu khyab// snod bcud ma lus thams cad la// snang ba chen pos khyab par 'gyur// nam mkha' gzung du med pa ltar// snang srid thams cad de dang 'dra// chos rnams thams cad sems yin no// sems ni nam mkha'i rang bzhin no// rten byed pa zhes bya ba'i dam tshig ni/ ji ltar sa gzhi chen po la// sems kyis zin dang ma zin pa'i// skye 'khrungs ma lus thams cad 'byung // thams cad kun gyi gnas brten te// de bzhin theg chen bla med la// byang chub sangs rgyas kun kyang gnas// theg pa mtho dman thams cad 'byung // thams cad theg chen dbyings su 'dus// sreg byed ye shes me zhes bya ba'i dam tshig ni// bdag med rang rig ye shes kyis// dngos dang dngos min bag chags bsreg/ rang dang spyi yi chos rnams dang // sems kyi rnam rtog thams cad kun// dngos po med par rtogs byas nas// 'khor ba ma spangs rnam par dag/ mya ngan mi 'das ye nas gnas// 'gro dang gnas par bya ba min// rtog pa thams cad ye shes tshogs// thams cad 'khru byed ces bya ba'i dam tshig ni/ sems can ma lus thams cad kun// sgrib gnyis dag pas 'khor bar 'gyur// mnyan bsam bsgom pa'i shes rab kyis// bden pa nyid kyis rtogs byas nas// pha rol phyin sogs sa bcu 'grub// sa gsum yang dag rdzogs byas te// mnyam pa'i zhing la thams cad bkod/ khrus kyi mchog ni de yin no// g.yengs byed chen po zhes bya ba'i dam tshig ni/ sems dang rdul rnams med rtogs pas// ye shes rlung gis bag chags gtor// chos rnams ye shes rlung dang 'dra// de la gzung du med pa ltar// kun la de ltar 'byor bar gyis// ma bcos ye nas de ltar gnas// thams cad kun la dbang bsgyur zhes bya/ ba'i dam tshig ni/ rang rig phyin ci ma log pa'i// gzung 'dzin gnyis med rtog pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang bsgyur te// ji ltar dmigs pa bzhin du 'grub// ji ltar spyod kyang bsod nams tshogs// mnyam rig ye shes chen po yin// chos thams cad gzugs brnyan ltar shes pa'i dam tshig ni/ thams cad 'byung ba'i gnas yin te// snang ba nyid na 'ja' tshon bzhin// rang bzhin med pa kun tu snang // de nyid chos sku yin par bshad// cis kyang ma gos spangs pa'o// so so'i snang bzhin mthun pa'i gzugs// bdag dang bdag tu ma rtog pa// de lta bu yi ngang du snang // chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang // dngos po med las dngos po'i sgra// brjod dang sgra yi dngos po min// chos kyi sgra ltar shes par byos// thams cad ma lus don 'byung ba'i// tshig gis mtshon las gud na med// sgra nyid don gyi dngos po min// don nyid sgra las gud na med// chos rnams dri'i mtshan nyid du shes par bya ba'i dam tshig ni/ chos rnams thams cad dngos po med// sna tshogs 'byung zhing rnam par 'phro// de bzhin dri yi dngos po yang // yod pa ma yin kun tu gnas// the tshom med pa'i shes rab kyis// chos kun de ltar sa par gyis// dri yis rab tu tshim gyur kyang // dri dang gnom pa gnyis su med// chos rnams ro ltar shes pa zhes bya ba'i dam tshig ni/ chos rnams ma lus thams cad kun// gzhi rtsa med las thams cad 'byung // de bzhin dbang po dngos med dang // rdzas kyis dngos po med pa yis// rnam shes dbang po yul tshogs ni// ro yi dbang po thams cad 'grub// ro dang ro ru rtog pa yang // rang bzhin med par skad cig ma// chos rnams reg bya ltar shes pa zhes bya ba'i dam tshig ni// gzugs ni dbu ba rdos pa 'dra// tshor ba chu yi chu bur bzhin// mtshan 'dzin smig rgyu bzhin du gnas// rnam shes sgyu mas dbang bsgyur na// mtshan ma sna tshogs 'byung bar nges// bde ba'i ro mchog kun kyang myong // de nyid bsod nams tshogs chen te// bde ba'i bde ba chags med yin// 'dus byas rnam par dag pa zhes bya ba'i dam tshig ni/ yang dag nyid la gnas bcas nas// phyi nang snod bcud rnam par dag/ rig par snang ba de bzhin gshegs// sgyu ma 'dzin pa yum gyi dbyings// gzugs kyi mtshan ma dngos po med// gcig la lnga lngar gzhig pa dang // thams cad mnyam pa'i ngang du gnas// nam mkha' de bzhin chos kyi dbyings// 'dus ma byas kun tu 'byung ba zhes bya ba'i dam tshig ni/ gshegs sku sgyu mar snang ba dang // log lta sgyu mar snang ba gnyis// gzhi rtsa med de rang bzhin stong // rigs dang rgyu dang rtag pa med// rigs dang kha dog dbyibs med las// phyi nang snod bcud thams cad snang // snang ba nyid na chos kyi sku// cir yang 'gyur zhing thams cad 'grub// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs// ji ltar byis pa shed ma bye// bya byed mang pos g.yengs par gnas// bya byed mang pos bdag med par// ting nge 'dzin gyi dbang gyur na// mtshan ma mnyam pa'i dbyings su gnan// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bar// thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang thob ste// spyod cing chags pa med pa'i tshul// kun kyang rang bzhin ye nas mnyam// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og tu// rang byung chen pos kun tu khyab// rang byung de nyid dngos med par// kun gyi phyag rgya'i rgyud yin no// chos dbyings de nyid zab pa yi// kun la gnas shing brtag dka' 'o// mnyam pa'i dbyings su thams cad 'dus// ye nas bde gnas zhing du'o// chos rnams dbyer med ces bya ba'i dam tshig ni/ ye nas dbyings su ro gcig pas// de las nga dang bdag ma rtog/ rang bzhin rnam par dag pa la// gtsang dang dme ba'i blo ma byed// thams cad bde gshegs snying po bas// rkyen gyi rdul gyis ga la 'gro/ shes rab mchog gis de ltar rtogs// ma lus kun 'dus dbyings shes byos// thams cad 'jig rten zhes bya ba'i dam tshig ni/ shes rab blo rtsal ldan pa yis// bdag rtog mtshan ma kun gzhig nas// mtshan nyid med pa'i phyag rgya ru// thams cad 'dus par yang dag rtogs// rtogs pa nyid na dngos med do// de nyid sna tshogs par snang ba// snang ba nyid na bya byed med// de nyid 'jigs pa'i phyag rgya yin// g.yung drung tshe 'phel zhes bya ba'i dam tshig ni/ chos rnams thams cad bdag yin pas// rang rig ye shes 'od gsal bas// thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang yang thob// spyod cing chags pa med pa'i tshul// kun kyang rang rig ye nas zlum// thams cad sangs rgyas 'di zhes bya ba'i dam tshig ni/ gang du 'gro zhing gang du skyes// 'jig dang skyes pa'i dngos po med// dngos med de las su zhig song // gang gis gnyis su 'dzin pa la// skyes dang 'chi ba de la yod// ye shes spyan gyis brtags pa na// skye 'jig nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas// ngan song gnas rnams thams cad du// yang dag par ni dbyer med de// gang yang spangs par bya ba min// theg pa mtho dman bsam yas pas// don du mi 'gyur yongs ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam tshig ni/ thams cad kun tu bzang po yis// 'dod pa'i yon tan lnga rnams la// thogs pa med par sbyong byas te// bsod nams tshogs chen yin par brtag/ de bzhin gshegs pa lnga ru brtag/ gzhan yang stong khams thams cad na// shes rab dbyings dang 'dod yon rnams// rab 'bring tha ma thams cad spyad// thams cad mi chud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje rigs mchog ma rtogs pa// theg pa dman dang lta ba dman// de bzhin theg mchog rtogs mi 'gyur// mnyam pa'i dbyings kyis kun khyab kyang // nyon mongs sdug bsngal nyid kyis sgrib// de yis yang dag nyid mi mthong // ma mthong ba la mi chud bya// thams cad bsrung du med par zhes bya ba'i dam tshig ni/ thams cad ma lus sangs rgyas la// sgrub cing bsrung bar bya ba med// dge dang mi dge gnyis ka med// nyon mongs spong zhing bya sgrub med// de bzhin nyid kyis glud gyur na// bde dang mi bde dbyer med de// ye nas dag mnyam nyid du gnas// de la bsrung du rdul tsam med// thams cad bsrung ba zhes bya ba'i dam tshig ni/ sems can khams gsum 'khor ba yis// thog ma med nas sems yan btang // phyin ci log kyang 'jol tog spyad// gzung 'dzin don la shin tu chags// de nas 'khor bar rtag tu 'khyams// de bas rang sems rtogs byas te// le lo g.yengs pa yongs spangs nas// nga med bdag med mnyam par srungs// thams cad 'jigs byed ces bya ba'i dam tshig ni/ rdo rje ses dpas bkas bcad pa'i// sdom pa'i rtsa ba thams cad kun// de bzhin du ni ma bsrung na// yak+Sha khro bo med dpal gyis// snying nas drangs te khrag 'thung na// ngan song gsum du skye bar 'gyur// de yi sdug bsngal bzod blag chad// dam tshig 'di ni rdo rje che// dam rdzas so sor spyad pa zhes bya ba'i dam tshig ni/ rigs lnga so sor dbye ba yis// rdo rje sems dpa' glang po'i sha/ rin po che ni rta yi sha/ pad+ma nya'i sha chen po ste// don yod nam mkha' lding gi sha/ de bzhin gshegs pa sha chen te// dbye 'am yang na mi dbye bar// yang na thams cad gcig tu bsdus// yang na mtshan nyid med par brtag/ ting nge 'dzin gyis dam tshig ni// thams cad ma lus chos so cog/ de bzhin nyid kyis rgyas btabs pas// gnyis su dbyer med ting 'dzin brtan// de ltar sangs rgyas sems can ni// rang rig byang chub sems yin pas// dus gsum na ni rgyal mi bzhugs// sus kyang ma bcos ma byas pa'i// brjod pa'i tshig las 'das pa de// rgyal ba yin zhes rgyal bas gsungs// de ltar shes pa rgyal ba bas// thabs mkhas shes pa'i ting 'dzin yin// phyag rgya'i dam tshig ni/ bde gshegs dkyil / 'khor ma lus kun// ye nas rang bzhin 'od gsal ba// thams cad kun la yod par bshad// ye shes sems dpa'i dkyil 'khor nyid// bla na med pa'i mchog yin no// rdo rje rigs mchog thams cad kyis// bar ma chad par rtag tu bsgrub// byang chub shing drung skye bar 'gyur// bla med byang chub mchog kyang 'grub// skye shi med pa'i bde 'grub ste// sems la dbang yang thob par 'gyur// spyod yul thams cad smon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyur yang bshad// rig 'chang nyid du gnas par 'gyur// rdo rje sems dpa' 'grub 'dod pas// rtag tu mnyam pa'i don rtogs la// sku ni 'ja' tshon tshul 'dra ba// snang la rang bzhin med par bsgom// 'khor rnams chu zla'i tshul shes pas// gsal la rang bzhin med par bsgom// lha yi sku rnams gsal bsgoms nas// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// yi dam lha de spangs byas na// ngan song mi bde rtag tu myong // sngags dang phyag rgya rgyun mi chad pa'i don ni/ sngags dang phyag rgya bar mi bcad// rnal 'byor sgrub pa'i lam yang yin// mi gtor sdong zhing 'dren pa'ang yin// don mchog rdzogs pa'i gnas yin te// rtag tu mnyam bzhag phyag rgya yin// dug gsum stong 'byin sngags yin te// yang dag don chen blang 'dod pas// dus mtshams med par phyag rgya sngags// yid brtan drag tu bzlas brjod bya// yon tan nam mkha'i mtha' dang mnyam// phyag rgya brjod dang yi ge oM// rdo rje slob dpon gyi mtshan nyid bstan pas/ bla med dkyil 'khor ston pa'o// yon tan zad med sbyin pa yin// byang chub lam chen 'dren mdzad pa'i// chags med zhing du dgod pa yin// nyon mongs sdug bsngal rtsad gcod cing // 'khor ba'i lam rnams stongs par byed// ma rig mun sel sgron ma yin// long ba rnams kyi dmigs bu mkhan// de la rtag tu mchod byas pas// sangs rgyas byang chub thag mi ring // rdo rje mched dang lcam dral gyis mtshan nyid bstan pa/ rdo rje rigs kyi spun yin te// thog ma med nas las mthun pas// lha spyod gcig tu 'dir skyes te// gcig la gcig ni mig 'drar bya// shin tu gdung zhing brtse bar bya// mched la rngam sems dpa' bas na// dmyal ba chen por ltung bar 'gyur// de bas dam tshig 'da' ma byed// gsang ba'i mtshan nyid bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang sgrib nas// dbul mo'i gter dang gyad kyi / nor bu 'dra// de bas rdo rje gsang mchog 'di// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang // theg pa dman dang phyin ci log/ de la gsang ba bstan 'gyur na// rang bzhin gsang don mi shes par// 'phral gyi spyod yul de dag las// shin tu nges pa'i don bzung nas// gsang don de nyid log par khrid// ma rtogs de nyid dmyal bar 'gro// de bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas ni// sems can snod rim dang sbyor zhing // theg pa mtho dman de nyid ni// so sor 'tshams par bstan dgos so// dang du blang dang mi spangs dang // rnal 'byor pa yis rtag tu spyod// chags pa med par 'gyur ba dang // dngos grub ya mtshan chen po ni// dam tshig mdor bshad nang nas 'byung // ma rtogs pa yis spyad gyur na// yi dwags srin po'i gnas su skyes// yang na dam tshig 'di lta bur// byed spyod tshogs chen gnyis su 'gyur// 'gro dang 'dug dang nyal ba ni// mnyam nyid de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam 'phang gcod pa bzhin// 'dzin chags ma lus thams cad kun// nam mkha'i rlung chen 'phyo ba bzhin// yid kyi rtogs pa ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yin blo gting spos// rdo rje theg chen khas 'che la// mnyam pa'i don nyid mi shes par// gsang sngags dam tshig mnyam zer zhing // thugs thub dag tu spyod byas pa// dmyal khams dag tu brgyud par 'gyur// mnyam pa'i don nyid ji lta bur// mnyam nyid rang bzhin gang yang min// mnyam dang rtag pa gang yang med// ci la'ang mi gnas kun la spyod// spyod par byed pa spyod pa med// de ltar rtog pa'i rigs mchog ni// rdo rje rig 'dzin skye ba yin// 'jigs med kun tu bzang por spyod// / yon tan mi zad gnas kyang yin// mnyam pa'i don nyid mi shes shing // kun rdzob don dam gnyis med la// chos dang gang zag bdag med la// 'di ni byang chub sems dpa' yin// las dang nyon mongs thams cad la// mnyam pa'i don du mi shes shing // rten 'brel rgyu 'bras yod 'dzin na// 'di ni rang sangs rgyas kyi sa// chos rnams ma lus thams cad la// bden bzhi'i dngos po yod lta zhing // spong dang mi spong byed 'gyur la// 'di ni nyan thos pa yi sa// dge bcu dag la gtsor len cing // dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid mi rtogs shing // tshad med bzhi dang bsam gtan bzhi// rim par so sor bdag 'dzin cing // gzugs sogs rnam la bdag tu rtog/ 'di ni tshangs gnas rim par skye// mnyam gnas gzugs med ma gtogs nas// skye mched bzhi la gnas gyur pas// srid pa'i rtse mo'i sa ru skyes// thams cad mnyam par ma skyes nas// ma lus kun la zhe sdang zhing // snying rje yang dag med gyur na// 'di ni mi bzod chen po yi// dmyal khams bcu drug gnas pa yin// chags med dngos po mi shes nas// thams cad kun la 'dod chags shing // lus kyis sgrib dang zas kyis sgrib// yi dwags chen po'i gnas su skyes// nga dang bdag med mi shes shing // chos rnams kun la rmongs pas shing // shes rab gsal don med pas ni// dge sdig gnyis kyis don ma rtogs// 'di ni byol song gnas su skyes// shin tu nga rgyal cher skyes shing // thams cad bdag gir bzung ba nas// kun la rtsod pa'i las byed cing // lha ma yin gyi gnas su skyes// theg mchog mtho dman thams cad dang // 'jig rten lta ba thams cad kun// ye shes chen pos rab brtags na// rang bzhin med la ci yang 'grub// rang bzhin dbyings las nyams par byed// shes rab chen pos mig ldan pas// mtho dman gnas dang lam drug gnas// so so'i de bzhin 'khor ba gzigs// sngags mchog bla na med pas ni// mtshan ma kun tu mi brtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so'i lta ba brjod mi bya// spyir ni log rtog bsam yas pa// ye nas yod pa ma yin te// so so'i rnam rtog bag chags kyis// gzung 'dzin dra bas sgrib 'gyur te// ci yang med la cir yang snang // snang ba nyid na rang bzhin med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i lha spyod ni// ji ltar spyod kyang rang bzhin med// mkha' la bya chen lding ba bzhin// chu la rgyal chen 'phyo ba bzhin// rnal 'byor lta ba de ltar blta'o// rnal 'byor spyod pa chen po ni// thams cad kun la dbyer med spyod// bde ba'i ro mchog myong 'gyur te// de las su zhig chags par byed// dbyer med bzhin chags ye shes yin// bde ba'i tshogs nyid bsod nams tshogs// de lta bu yi ngang du spyod// 'di ni spyod pa rlabs chen yin// lha spyod ya mtshan ma gyur pas// sngags 'chang rnams kyis rtag tu spyad/ kha cig lta ba mnyam gnas kyang // spyod pa dag dang yod ma mnyam/ kha cig spyod pa rdzogs byed kyang // mnyam pa'i lta ba yongs mi shes/ kha cig lta spyod gnyis ka med// yang dag skyes mchog dam pa yis// don dam kun rdzob dbyer med par// yang dag nyid du rab tu rtog/ bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg pa chen po ni// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyis lta spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so// mnyam pa nyid las ma g.yos bzhin// thabs kyis pha rol phyin pa ston// thabs dang shes rab rnam par dag/ thams cad dag ces bya ba yang // dngos po gsal dag ma yin te// snang dpyod nyid na rnam par dag/ dam tshig chen po'i mod rnams las// rigs lnga dag tu bstan pa ni// chos rnams ma lus thams cad kun// rin chen dag tu zad par 'dus// ma lus chos kun dbyer mi dmigs// cis kyang mi tshugs rdo rje yin// mi dmigs dbyings nas kun 'byung ba// yon tan chen po'i gnas yin te// zhing khams mi zad gnas kyang yin// 'di ni rin chen rigs su gsungs// chos rnams thams cad dbyer med pas// chags dang chags par bya ba med// de bzhin nyid du don gcig ste// nyon mongs nyes pas mi gos pa// thams cad ma lus dbyings 'dus pas// 'di la bya ba rdul tsam med// ma byas bzhin du don 'grub pa// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral// gang yang ma yin de bzhin nyid// dbyer med pa yi tshul rtogs te// 'di ni de bzhin gshegs pa'i rigs// snang srid ma lus thams cad la// gsal zhing dro ba'i gnas byed cing // mtshan ma bag chags sreg byed pa// 'di ni me yi rigs su bshad// chos rnams ma lus thams cad la// dngos por snang ba gzung du med// ngang gis ye nas 'byor ldan zhing // gnyen chags nyid du gnas pa ni// yang dang yang du rgyun mi chad// mi bde drag pas chu chen yin// chos rnams ma lus thams cad la// dngos snang thams cad gzung du med// bskyod nas thams cad kun smra ste// 'di ni rlung chen yin par bshad// dam tshig chen po'i mdo rnams las// 'byung ba lnga rnams bshad pa ni// thams cad ma lus 'byung ba yin// thams cad ma lus mtsho skyes yin// chos rnams ma lus thams cad la// sra zhing brtan pa'i gnas yod pas// dngos po med pa'i tshul rtogs te// 'di ni chen po yin par bshad// chos rnams ma lus thams cad la// de bzhin nam mkha'i chen po yi// phyi dang nang gi go 'byed pa'o// thams cad gsal ba'i ngang yin te/ 'byung ba bzhi po thams cad kyang // thams cad nam mkha'i ngang du thim// chos rnams ma lus thams cad kun// de bzhin nyid kyis dbyings su nub// nyon mongs lnga zhes bya ba'i dam tshig ni/ ma rig pa ni rig par 'gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas zos bsam sgom pa yi// yang dag don rnams rtogs byas te// thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po yin// rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+ma rdzus las skyes// rdo rje 'dzin gyis sa ru skyes// zhe sdang chen po'i mtshan nyid ni// phyin ci log la zhe sdang zhing // zhe sdang dngos po med sems na// sdang dang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar ma rtogs kun la snang // de bzhin phal gyis mnyam mi shes// de ni zhe sdang nyid du mthong // yang dag rtog pas rab brtags na// zhe sdang thugs rje chen po yin// mnyam pa chen po'i ngang nyid ni// thams cad kun tu dbyer med la// gti mug rmongs pa zhes brjod pa// chos rnams ma lus thams cad kun// don dam du ni dbyer med la// kun rdzob sgyu ma mig yor tshul// snang ba nyid na dngos med pas// de las su zhig bdag tu 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid bstan pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang // nga rgyal bzhi pa so sor snang // rang bzhin med pas dbyings su 'dus// 'di ni yon tan 'byung gnas te// de bzhin gshegs par shes par byos// phrag dog mtshan nyid brjod pa ni// nga dang bdag tu 'dzin pa ste// 'dzin nyid dngos po yod ma yin// mnyam nyid shes la phrag dog cing // thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// / phyin ci log ni bdag tu 'chings// gzung dang 'dzin pas shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga zhes bya ba'i dam tshig ni// phung po lnga por snang ba yang // kun rdzob bya ba sna tshogs byed// bden pa'i yul dang mi bden yul// so so'i yul rnams myong byed cing // lnga po'i mtshan nyid gzhigs byas na// so so'i mtshan nyid dngos po med// gang gis de la dngos bzung na// ngan song gsum du skye bar 'gyur// de la gzugs kyis mtshan nyid ni// snang ba nyid na dngos med dang // snang med de nyid sna tshogs ston// snang ba mi snang gnyis su med// de rtogs rnam par thar pa'i lam// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyis// bde dang mi bde dngos po med// gnyis ka ma yin lung ma bstan// sna tshogs tshor ba 'byung 'gyur yang // tshor dang 'byung ba gnyis ka stong // stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum tshogs mtshan mar 'dzin pa yin// so so'i mtshan nyid bshig pa ni// dngos po med de de bzhin nyid// dngos med de nyid sna tshogs la// bya byed med par kun tu 'jug/ khams gsum ma lus thams cad la// mtshan nyid che chung bsam mi khyab/ khyab med dngos po yang ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pos klong gyur te// lnga bcu rtsa gnyis kun la 'phro// de rtogs rtsa ba yod ma yin// med bzhin log yo rnam par 'byung // de la dngos por 'dzin pa ni// rtag tu nyon mongs g.yengs gyur nas/ khams gsum btson rar rgyun du 'khor// yang dag don bzhin rim pas ni// 'phro ba'i gzhi rtsa de bzhin nyid// de las rnam rig 'byung ba ni// dngos po med de skad cig ma// ye shes dbyings las rol pa mdzad// sprul pa'i tshogs chen yin pa bshad// kun gyis 'byung gnas rnam shes te// de yi dngos po'i rang bzhin ni/ kha dog dbyibs dang rigs rgyud min// gang yang ma yin nyid mi dmigs// de ni kun la dbang bsgyur te// mtho ris 'gro 'am ngan song 'gro// rtogs dang mi rtogs khyad par ro// bzhi po mnyam pa'i ngang shes na// de ni ye shes chen po yin/ kha dog lnga yi dam tshig chen po ni// sems can ma lus thams cad la// ye shes lnga yi kun khyab kyang // rang gi rnam rtog sgrib / byas te// ye shes lnga yi don ma mthong // ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang // ljang khu la sogs nag por bstan// chos rnams bdag med rtogs byas nas// byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i phyir// chos rnams ma lus thams cad kun// pad+ma rA ga zhes brjod do// chags dang chags par bya byed med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// mdog ni gser gyi kha dog ltar// chos rnams phyin ci log rnams la// thugs rje chen po'i byin rlabs kyis// dbyings su yang dag sdud dgongs pas// las rnams ma lus rdzogs byed de// kun tu las ni ljang khu mdog/ de bzhin nyid kyi dbyings nyid la// cis kyang mi tshugs bcos su med/ kha dog nag po'i dngos po la// tshon gzhan dag gis sbyar du med// de bzhin kun la shes par byos// phyogs lnga zhes bya ba'i dam tshig ni// mtha' dang dbus med de bzhin nyid// dbyer med ngang du gnas pa la// ye shes rtog pa'i don bya'i phyir// phyogs dang dbus su gnas par byas// sems can ma rig ldongs pa la// nyon mongs ma lus bsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing // ma rig mun pa nub gyur pas// de la nub kyi phyogs zhes bya// sems can kun gyis nyon mongs kun// ye shes chen po bdag med par// sdug bsngal rab tu byang byas pas// de la byang gi phyogs zhes brjod// de ltar ma lus thams cad la/ thugs rje shar dang sgrib pa nub// ma rtogs mtshan nyid 'byung mi 'gyur// de na yon tan chen po rdzogs// de ltar chos rnams ma lus kun// de bzhin nyid kyi dbyings su 'dus// phyogs rnams ma lus thams cad kun// de bzhin nyid med zlum po'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur na// rtag tu nyon mongs 'khor lor 'gyur// dbang po lnga zhes bya ba'i dam tshig ni// yul lnga dag la dbang byed pa'i// phyin ci log ni dngos por 'dzin// dngos por gzung byas khams gsum 'khor// gzugs rnams ma lus thams cad la// snang zhing dngos po med pa dang // lha dang lha mo dngos por brtag/ bdag dang lha zhes bya ba'i dam tshig ni/ bdag dang lha nyid gnyis med pa'o// sgra rnams sna tshogs grags pa yang // sgra nyid dngos por med par shes// sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang // dri nyid rang bzhin gang yang med// dri snom chos kyi dri yin te// shes rab chen pos de ltar rtogs// ro yi dngos po snang ba yang // ro'i rang bzhin yod ma yin// ro nyid de bzhin nyid kyi phyir// bde med pa yis tshim par byed// reg bya sna tshogs snang ba yang // reg bya'i dngos po yod ma yin// reg byar snang la longs spyod yin// bde ba chen po'i chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi bral zhing // ngan song gsum dang mi khom brgyad// rtsa dang sog ma me bzhin du/ khams gsum dag tu 'khor bar 'gyur// de bas ye shes chags med rtogs// byas pa mi sogs bsod nams byos// kun la dpyod cing ma dgos pas// ye shes chen po rtag tu bsgom// mnyam pa rnam lnga zhes bya ba'i dam tshig ni/ don dam skye ba med par mnyam pa dang / kun rdzob sgyu mar mnyam pa dang // don dam pa dang kun rdzob dbyer med par mnyam pa dang / chen po lnga de bzhin gshegs pa lngar mnyam pa dang / rnam par shes pa brgyad ye shes lngar mnyam pa'o// de la don dam par mnyam pa ni/ chos rnams ma lus thams cad kun// de bzhin nyid dang spyod pa'i mtha'// yang dag nyid dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid de// nam mkha' la yang mtshan nyid med// kun rdzob sgyu mar mnyam pa na// 'dus byas dngos po sna tshogs ni// sgyu ma'i tshul du thams cad snang // 'phrul snang byams pa kun kyang byed// rtog pa kun gyis tshad mar snang // 'di dag thams cad gzugs brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam pa dang kun rdzob dbyer med ni/ chos rnams ma lus thams cad kun// gzhi rtsa las ni thams cad byung // med dang yod pa gnyis ka min// don dam kun rdzob dbyer med de// 'dus ma byas nyid 'dus byas yin// snang ba nyid na dngos po med// dngos med de nyid sna tshogs pa// de nyid smra ma'i dmigs yor tshul// 'byung ba chen po'i lnga de bzhin gshegs pa lnga mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar byung // so sor rigs tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes brgyad ye shes lngar mnyam pa ni/ rnam rtog kun gzhi ma yin pa// rang bzhin med pa don gyis zhig/ 'di ni chos kyis dbyings zhes bya// de bzhin nyid kyi ye shes so// chos rnams ma lus thams cad kun// nga dang bdag tu mi 'dzin zhing // kun kyang dbyer med nyid yin pas// thams cad me long lta bu'i tshul// thams cad kun la yud rtog cing // rtog dang rtog par bya ba med// dus gsum du yang mi dmigs pa// 'di ni mnyam nyid ye shes yin// log rtog dbang po'i spyod yul spangs// dbang po yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa dang // thabs shes lhun gyis grub pa brtag/ 'di ni yang dag rtogs pa yin// tshogs kyi dkyil 'khor zhes bya ba'i dam tshig ni/ bsod nams ye shes tshogs rdzogs te// rang rig mtha' dbus med pa'i dkyil// ye shes zhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang // 'khor gyis khro bo khro mo yis// yang na 'das pa dkyil nyid do// 'jig rten sna tshogs 'khor yin no// tshogs kyis mchod pa zhes bya ba'i dam tshig ni/ thabs dang shes rab ldan gyur cing // byang chub sems dang ma chags pa'i// gnyis su med par thim gyur nas// tshogs chen gnyis kyang rdzogs par ldan// 'dod yon lnga po thams cad dang // sna tshogs snang ba thams cad kun// de bzhin gshegs pa'i dkyil 'khor dang // gzugs sam lha dang lha mor brtag/ thams cad ma lus sgra rnams ni// chos kyi sgra chen yin pa dang // ngan song sbyong zhing thar lam ston// stong gsum grags pa'i sgra chen dang // thams cad 'jal ba'i sgra yang yin// bde ba tshim byed bsod nams tshogs// brjod med mi gnas ye shes yin// 'di ni chags med pad+ma'i gsungs// chos nyid dngos po med pa las// dri yin mchog tu tshim byed pa// bsod nams tshogs chen yin par bshad// chags med ye shes tshul yin te// de bzhin dri yis mnyes mchod na// rig 'dzin sa rnams bskul bar 'gyur// ngan song gsum du chos kyis dri// kun tu bde gnas thob par byed// bde gshegs dkyil 'khor ma lus la// bde ba'i ro yis mchod par 'gyur// tshim byed bsod nams tshogs chen 'gyur// dngos por mi 'dzin ye shes tshogs// de lta bu yi ro mchog gis// thams cad kun la tshim par 'gyur// yi dwags gnas su longs spyod ldan// dkyil 'khor ma lus mchod pa yin// bde ba chen po yang rdzogs pa'o// rnal 'byor las su rung rnams kyis// rnam pa mang pos brgyan pa dang // 'byor mchod dag gis longs spyod ni// dkyil 'khor bsam yas lhun grub 'gyur// bde chen dkyil 'khor 'bar 'gyur na// sgrib pa'i mun nag sel bar byed// dpung bzhi'i tshogs kyis mi thub pa'i// mthu chen dag kyang 'grub par 'gyur// tshogs kyis 'phrin las zhes bya ba'i dam tshig ni// bya byed med pa'i tshul gyis ni// kun la thogs pa med ltar spyad// thams cad ma lus 'dul bar byed// mi mthun phyogs rnams dbang du spyod// yon tan chen po 'phel bar byed/ khro bo gtum po'ang zhi bar byed// thams cad kun la spyad bde ba// chags pa med pa'i tshul gyis gnas// dbyings su bsdus pa'i dkyil yin te// 'phro 'du mang po'i 'khor gyis bskor// mnyam pa chen po'i ngang nyid ni// de lta bu yi tshul du gnas// 'khor phra men tshim byed ces bya ba'i dam tshig ni/ bdag nyid 'dul ba'i dbang phyug tu// rtag tu mnyam mam khro bo'i tshul// 'khor gyis khro rnams de bzhin te// mdog dang phyag rgya thams cad dang // nub sngags mchog dam pa ma lus gdon// de nas phra men 'khor bsdus nas// so so'i las dang mthun byas te// so so'i gnas su bzhag par bya// dbang du bsdus nas sgom pa'i thabs// ji ltar mtshams pa bzhin du bya// ma lus thams cad byos shig par// lhag ma byin nas dbang yang bskur// gzhan yang 'gro ba thams cad la// 'dod yon lnga yi sbyin pa btang // de nas las rnams rdzogs byas nas// dbang phyug chen pos gnas bstan nas// rigs lnga ye shes lnga la sogs// 'khor gyis dkyil 'khor ma lus pa// bdag la thams cad bsdu par bya// de ltar sgrub pa'i ngang 'char ba// ye shes tshogs gnyis rigs byas nas// rig pa 'dzin pa'i sa la gnas// theg dman spyod par yong mi 'gyur/ mi khom gnas su skye mi 'gyur// skye shi med pa'i g.yung drung thob// sangs rgyas zhing yang sbyong bar byed// ngan song gnas rnams stongs par byed// yang dag mchog gis snying po 'grub// a dam tshig rnam par bshad pa'i le'u ste nyer dgu pa'o// // sku gsung thugs dang yon tan dang 'phrin las rmad byung kun grags pa// gzhan nas yod 'ongs ma yin te// rang byung ye shes gnas med de// mtho dman kun gyi gzugs brnyan dang // bla med byang chub skur snang ba// me long lta bu'i tshul bzhin du// sna tshogs kha dog dbyings su snang // de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun du go/ nyon mongs med pa bla med sgra// ma brjod stong gsum grags pa yis// gsum brjod bsam gyis mi khyab pa// brjod pa nyid dang stong gsum med// de nyid sna tshogs brjod pa'o// thams cad mkhyen pa'i thugs dang ldan// yang dag rtogs yang rab brtan na// gzhi rtsa med dbyings skad cig ma// mtha' dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis kyang ni dmigs mi 'gyur// dngos med kun la dbang bsgyur ba// sku gsum yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'gru// gzhan gyi dbrog tu med pa yis// bo de'i dkor ni rin po che// thugs rje chen po'i byin rlabs kyis// bya byed med par dkyil 'khor mdzad// mdzad dang mdzad par bya ba med// sgyu ma'i tshul du kun la spyod// spyod med ngang du dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod med kyi// brjod pa'i mtshan nyid yod med de// mtshan nyid med pa sna tshogs snang // de nyid thams cad mkhyen pa yin// kun la khyab cing gnas pa la// de ni rig pa rang dbang sgyur// bsam gyis mi khyab kun tu khyab// dbang po yul du snang ba kun// yul rnams yod pa ma yin no// kun gzhi rnam par shes pa nyid// dngos po sna tshogs par snang steng // snang ba dngos po rnam gzhig na// so so'i mtshan nyid rnam bshig na// bshig/ na nam mkha'i ngang du zha// nam mkha'i de nyid lngas bshig na// mtshan nyid med pa'i dbyings su thim// thams cad kun gyis 'byung ba'o// gzhi rtsa med pa skad cig ma// snang ba mi 'gog thabs yin te// rang bzhin med pa shes rab nyid// nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan mar so sor 'dzin// kun gzhi dngos po med pa la// bag chags sogs pa'i gnas med do// snang ba dngos po med pa la// nyon mongs blo yis blang du med// bsgo dang bsgo bar bya ba med// de ltar sgo byed dngos po med// med bzhin sems kyi bya ba min// de bzhin sems kyis log brtags pas/ khams gsum btson rar rtag par 'khor// yid kyis rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul gyis dngos po ga la 'grub// yid kyi de bzhin rgyud nyid ni// snga ma 'das shing mi dmigs pa// phyi ma ma byung rtag tu med// de ltar rang bzhin dmigs su med// rtswa shing kha na rlung 'phro 'dra// rgyun ni yongs su ma chad pa// 'di ni kun tu 'byung ba ni// de ltar don rnams dngos po med// chu dang rlung dang rlabs 'dra ba// de gsum gcig dang so sor min// de bzhin kun gzhi nyon mongs yin// gcig pa ma yin so/ sor min// chos kyi dbyings dang mnyam pa'i dbyings// thams cad ye shes dbyer med cing // gcig tu yang ni brjod pa med// de ltar ma rtogs sems can yin// rtogs nas sangs rgyas gud na med// byang chub sems kyi rang bzhin ni// shin tu mi dmigs brtag dka' ba// yangs la rgya che gting zab pa// shes rab zab pas rtogs 'gyur te// gang nas ma 'ong gar ma 'gro// 'ong dang 'gro bar bya ba min// shin tu brtag dka' mi dmigs pa// mtha' dang dbus kyang brtag tu med// gzung 'dzin bral ba'i rang rig nyid// dmigs med tshul du de ltar snang // dbyings dang dbyings kyis ye shes kyang // rang rig kho na tsam du zad// sems can ma lus thams cad kyis// de ltar khong du chud par byos// nyon mongs sdug bsngal med pa dang // bla med 'bras bu thob par 'gyur// sems can ma lus thams cad la// snying rje'i zag pa ma chad par// nyon mongs lam las grol byed cing // byams pa dag gis mnyes par gyis// de bzhin 'khor ba'i btson ra la// snying rje'i zhags pa cher brgyab nas// nyon mongs 'dam nas 'dren par byed// snying rje chen po skyon ma byed// de bzhin skye bo phal rnams la// las kyi sgrib pas mi gos shing // thams cad mngon par sangs rgyas par// dga' ba dag la 'gyod ma byed// sems can nga dang bdag med la// thugs rjes rnam rtog mi byed do// bu gcig 'dra bar blo bzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang du gnas pa la// de la bcos shing sgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// rang bzhin med pas mi dmigs so// 'jig rten 'das dang 'jig rten pa'i// chos rnams sna tshogs snang ba yang // bdag las gzhan pa ma yin pas// kun la smon cing chags su med// byang chub sems rnams thams cad ni// shin tu brtag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de ni ji lta bu// byang chub de ni sems yin no// sems dang byang chub dbyer med pas// sems can ma lus thams cad dang // dus gsum chos rnams thams cad kyang // thams cad ma lus chos so cog/ sems dpa' byang chub nyid du 'ub// bo de chen pos de skad bshad// skyes bu blo rtsal rab ldan pas// ci la'ang thogs pa med par spyad// spyad pa nyid na chags med cing // dus mtha' med par mnyam gnas pa// 'di ltar snang ba thams cad la// mngon sum tshad mas rtag mthong yang // snang ba nyid na dngos po med// de bzhin yang dag nyid du rtogs// gang gis stong pa'i yod ces pa// med pa'i rang bzhin rtogs pa ste// ri bong rwa dang mo sham bu// tshig tsam gdags su rung mod kyang // thams cad ming tsam stong nyid yin// thams cad ma lus stong zhes te// dran med brjod pa ma yin pas// rtog med rang bzhin 'od gsal zhing // 'di ltar snang ba thams cad kun// bsngos pa tsam gyis chos med de/ shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing bzhag tu med// yod las btsal na sgro btags 'gyur// med las btsal na skur 'debs te// yod med gnyis pas btsal byas nas// de ni lung du ma bstan 'gyur// rnam par rtog pa med mnga' ste// de yis mi shes gcig kyang med// rnal 'byor lta ba de lta bu// tshig gis snga phyi yod mod kyang // don gyi cig car rdzogs par sgom// de lta bu yi don rtogs pa ni// 'gro nyal 'dug ldong longs spyod kyang // theg chen bsgoms las nyams pa med// gang gis don ltar ma rtogs pa'i// blo ngan mnyam par khungs byas nas// ma rtogs le lo/ snyom las byas// don ma grub par ngan song 'gro// sems kyis mnyam par ma rtogs na// tshig gi mnyam pas 'tshang mi rgya// de bas don tshig ldan par byos// 'on kyang the tshom med par grub// rnal 'byor don chen rtog pa yis// dus mtha' med par de ltar sgom// yon tan nam mkha'i mtha' dang mnyam// spyod yul sangs rgyas nyid du cig/ rtag tu bsod nams tshogs chen ldan// bya byed med pa'i brtson 'grus kyis// de ni byang chub snying po len// zhes gsang ba'i tshig tu'o// dam tshig gi le'u ste sum cu pa'o// // de nas de bzhin gshegs pa gsang ba'i snying po de kho na nyid nges pa la/ bdag dang sems can dbyer med par yang dag pa'i dbyings su 'dus shing / bdag gis rdo rje sems dpa' zhal mngon sum du mthong ba'i don bstan pa'i phyir/ ched du brjod pa 'di brjod/ kun rdzob sgyu mar zhal mthong ba'i// thams cad mig yor sgyu ma'i tshul// snang srid ma lus thams cad kun// chu zla'i tshul 'dra ye shes shing // yud rtog dang ba gnyis med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yis// rdo rje sems dpa' de la gnas// lta spyod mthun pas zhal mthong yin// rang bzhin dkyil 'khor yang dag yin// chos dbyings bdag dang dbyer med pa'i// mnyam par sbyor zhing dag pa'o// thams cad byang chub lhun grub cing // de ltar gang gi rtogs gyur pa// de bzhin ye shes mig can te// de yis yang dag snying po mthong // de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa' mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs dang ye shes lnga// rang byung chen po'i dkyil 'khor sgom// rtog gnyis bral ba'i thabs mkhas kyis// lha gsal dngos po med bsgoms na// mthong thos la sogs med pa'i tshul// rang rig ye shes gsal bsgoms la// rang bzhin med la cir yang 'grub// 'grub 'gyur nyid na dngos po med// ji ltar bcom ldan de bzhin gyis// bdud dpung dkyil du ta la gtsug/ thams cad byang chub shing bsdus te// gdug pa ngang gis mi dga' nas// ta la bcad bsam yongs mi chod// rdo rje sems dpa' de nyid yin// bdag dang ting 'dzin mthun 'gyur bas// de nyid rdo rje zhal mthong yin// rdo rje sems dpa' nyid bsgoms te// ting 'dzin shin tu 'dres gsal na// thams cad rdo rje nyid du 'gyur// kun la dbang sgyur cis mi tshungs// bdag dang sems dpa' dbyer med de// las mthun ji ltar snang ba bzhin// bdag dang sems dpa' lta dpyod cig/ de ni rdo rje zhal mthong yin// gzugs brnyan dkyil 'khor yang dag ni// chen por rags pa thabs su sbyor// so so'i mtshan 'dzin shes rab rtogs// gnyis med 'brel pa thabs chen yin// kun kyang shes rab dang du rtogs// snang dang gnas pa thams cad kun// de bzhin nyid las ma g.yos phyir// yod dang med par gnyis ka med// gnas dang mi gnas dbyer du med// mnyam pa'i dbyings su thams cad 'dus// 'dus nyid gnas su ma pheb pa'i// thams cad de lta bu yi dang // mnyam nyid dbyer med cis mi tshugs// de nyid sems dpa'i bzhugs gnas yin// de ltar rtogs pa'i rigs mchog de// sems dpa' nyid dang ris mthun pas// de nyid rdo rje zhal mthong yin// sgyur byas phung po khams rnams la// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po med// dngos med de nyid sna tshogs ston// phung po lnga nyid de bzhin gshegs// dbang po rnam shes byang chub sems// yul dus po de chen mo yin// bdag rtog rnam bzhi khro bo yin// rtag chad mu bzhi khro mo'o// de sems rang rig nyid ces bya// thams cad dbyings gyur kun tu bzang // de nyid rdo rje sems dpa' yin// gang gis de ltar rtog gyur na// sems dpa' nyid dang dgongs mthun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang // sgra yis mtshon nas don bstan na// kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang // snang ba nyid na gang yang min// bya byed sna tshogs kun byed kyang // dngos po med de yang dag nyid// de ni cis kyang mi tshugs pa'i// sa rdo dran med ma yin no// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa yis// rigs mchog dam pa'i rgyu yin no// rdo rje rigs dang dbyer med phyir// de nyid rdo rje zhal mthong yin// skyes bu blo rtsal rab ldan pas// kun dang dbyer med don rtogs te// 'bras bu mngon sum ma gyur yang // byang chub sems la gnas bcas pas// dper na mngal dang sgo nga yin// mngon du mi gyur sgrib 'gyur yang // rtsal chen 'dul bar 'gyur ba bzhin// rnam rtog gzugs ni bor ma thag/ thams cad kun la dbang bskur zhing // rigs mchog dam pa 'dzin par 'gyur// rdo rje sems dpa' mnyam pa yi// dngos grub mchog rnams nges par rdzogs// bde ba can gyi zhing yang thob// byang chub mchog la rol par 'gyur// lha mi rnams kyis ston pa'o// lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i rig mchog kun la spyod// skye rga na 'chi la sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin rlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rang byung tshul// bla med theg pa sangs rgyas la// lhun 'grub rnams la rdo rje dbyings// kun la mthun pa'i tshul yang ston// rang bzhin dbyings las g.yos pa med// ma g.yos bzhin du kun tu ston// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// nyid la nyid de skad brjod do// gsang ba'i snying po de kho na nyid nges pa las/ skyes bu dam pa blo rtsal rab kyis/ rdo rje sems dpa' zhal mthong ba'i le'u ste so gcig pa'o// // de nas de bzhin gshegs pa gsang ba'i snying po de kho na nyid nges pa las/ sngags 'chang rnams don yod par bya ba'i phyir/ thams cad phyag rgyar 'dus shing / phyi nang snod bcud thams cad la 'di ltar brtag cing / phyag rgya'i dam tshig gsungs pa dang / dam tshig gi gnas yin no// phyag rgyar bsdus shing spros pa yang yin no// ched du brjod pa 'di brjod do// gsang ba de nyid nges pa la// byang chub mchog 'di ston pa'o// mnyam pa chen po'i dkyil 'khor ni// phyogs bcu dus bzhi ma lus pa'i// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba min// de bzhin nyid kyi ngang du 'ub// 'jig rten 'das dang 'jig rten pa'i// brjod pa ma lus thams cad kun// chos nyid dang las ma gtogs pa'i// nyon mongs log rtog rdul tsam med// phyag rgya sna tshogs 'od 'bar yang // de bzhin nyid la ma gtogs te// bdag nyid dbyings las mi gzhan phyir// mnyam la mnyam par gnas pa yi// rnam gsum tshul gyis bsgoms byas shing // phyag rgya bskyod cing log 'dus pa// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog bdag nyid phyag rgya kun gyi mchog/ ye nas rang bzhin 'od gsal ba'i// byang chub skye 'khrungs rgyu yang yin// 'bras bu yang dag nyid du'o// rgyu 'bras dbyer med rdo rje yis// bcu gsum don grub de gnas pa/ mthar phyin gang la'ang mi gnas pa'o// rang bzhin phyag rgya chen po ni// phyi nang bcud snod thams cad kun// thams cad shes rab ngang du gnas// rigs lnga bde gshegs yab yum du// ma bcos ye nas de ltar gnas// thabs dang shes rab nyid la rol// bde ming ma chags tshogs chen po// yang dag nyid la rab tu rtog/ lhag pa'i phyag rgya chen po ni// nang gi rtags ni phyir byung ste// mdor bsdus phyag rgya drug pa dang // gzhan yang phyag rgya sna tshogs pa// lag gi 'du 'phros bsam yas pas// yan lag stobs chen skul sig kun// nyid kyis dbyings nas ma g.yos kyang // rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lha// thams cad kun la 'bigs par byed// dpa' bo zhes kyang gdags par bya'o// las dang las kyis mi gos pa// gnyis med dbyings kyis don rtogs shing // ma chags pa la chags pa dang // shin tu rnam par dag pa'o// de bzhin nyid kyis dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni zad par ldan pa'o// sku gsung las rnams rdzogs pa'o// rnam par rtog med tshul gyis ni// thams cad kun la chags med rol// gdul bya'i don chen bsam mi khyab// 'joms dang ma chags kun 'byung dang // thams cad dbang bsdus don grub pa// ma lus kun 'dus rnam par dag/ kun nas zlum zhing 'od zer 'phro// rigs bzhi ma lus thams cad kun// mnyam rdzogs chen po'i dbyings su 'dus// rigs bzhi ma lus thams cad kun// lhun grub dkyil 'khor ngang nyid du// phyag rgya'i dam tshig mchog nyid ni// thugs kyi rtags su bstan pa yin// dper na rgyal pos rgyas btab ni// sems can kun gyis yong mi btab// de bzhin ma nyams phyag rgya yis// kun la khyab cing thams cad snang // sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs de ni// 'di lta bu la rtag tu gnas// de lta bu yi blo med na// rdo rje rigs su yongs mi bshad// gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o// // gsang ba'i snying po de kho na nyid nges pa las/ glu gar rtse 'jo bro gar gyis dam tshig ces bya ba'i phyag rgya 'di/ nges par ched du brjod pa 'di brjod do// phyogs bcu mtha' yas dus bzhi yi// thams cad dbyer med maN+Dal la// nyi zla / shar ba'i gzhal yas la// pad+ma chags med gdan steng nas// rin chen zad med pho brang de// che chung dpag tshad med pa yi// byang chub de ldan dkyil 'khor la// bde ldan byang chub rab bkod nas// ma lus kun 'dus dbyings bsdus nas// lus skyes yan lag sku la sig dang // dbang po lnga yi spyod yul kun// phyag rgya chen po yin par bshad// gong gi dkyil 'khor gsal bsgoms nas// bdag nyid dbyings las mi gzhan phyir// mnyam la mnyam par gnas par bsgom// bdag nyid lha yi dkyil 'khor du// lhag pa'i ting 'dzin gsal bsgom nas// bro thabs gar gyis phyag rgya dang // glu dbyangs tshig gi sgra sgrog ni// phyogs bcu'i skye gnas ma lus kun// rdo rje lhun grub sku mthong zhing // chos kyi dung chen sgra yang thos// sgrib gnyis byang nas byang chub 'grub// bde mthong snyan grags 'gyur ba la// bsod nams tshogs chen 'grub par 'gyur// thabs dang shes rab ldan gyur na// thams cad gnyis med dbyings su sbyor// gnyis med dbyings gyur byang chub 'bar// 'od 'phro 'bar bas phyogs bcur gsal// sangs rgyas zhing sbyangs rig 'dzin bskul// ngan song gnas rnams dag par byed// thabs dang shes rab ldan gyur na// sangs rgyas dkyil 'khor ma lus 'byung // rgyur byas 'bras bu smin grub na// kyil 'khor bzhi/ bcu rtsa gnyis rdzogs// bde bas thabs chen thabs kyi mchog/ shes rab bde mchog brtan ldan rdzogs// rdo rje dril bu yang dag ldan// rak+ta byang chub dus gcig 'bar// gnyis med zung du 'brel gyur na// bde gshegs dkyil 'khor ma lus 'byung // rnal 'byor thabs dang shes rab ldan// rgyan mchog mdzes pa kun brgyan nas// ting 'dzin 'od 'bar gsal bsgoms te// phyogs bcu gang bar dkyil 'khor spro// ma lus dkyil 'khor bdag nyid che// mi dmigs dbyings nas dkyil 'khor mchog/ spyan gyis gzugs dang snyan gyis gnas// dri dang ro dang reg pa rnams// thabs dang shes rab nyid gnas shing // bde mchog ro yang tshim par byed// spyod bzhin chags dang gnyis med par// tshogs chen dag kyang rdzogs par ldan// hUM dang tsakra'i dkyil 'khor du// nyi zla 'khrug pa'i sa gzhi la// ma chags pad+ma'i gdan steng nas// thabs dang shes rab chags med tshul// yan lag lnga po thams cad kun// rang bzhin yongs kyis dag pa dang // ting 'dzin de bzhin gshegs lnga'o// ye nas ma bcos yongs kyis te// lhag pa'i ting 'dzin dkyil 'khor gyis// dbus la de bzhin gshegs pa'i 'khor// yan lag bzhi la rigs bzhi'i 'khor/ kha dog dbyibs dang phyag rgya dang // thabs dang shes rab gsal bsgoms te// phyogs bcur spyod cing ngan song sbyong // gnas su bsdus shing dkyil 'khor stim// 'das dang ma 'das thams cad kun// bde gshegs zhing du thams cad gnas// yan lag chen po lnga bskyod na// rigs kyi dkyil 'khor ma lus g.yo// 'gro lnga byang chub lam du 'dzud// snyigs ma lnga yang rnam par dag/ bzang mdzes legs pa'i go bgos nas// 'od zer sna tshogs 'phro bar 'gyur// de nas mthar thug med kyis bar// ye shes lnga yis brgyan par 'gyur// skyes bu blo rtsal rab ldan pas// rtag tu dkyil 'khor de ltar bsgom// tshig tsam ma yin blo gting bya// bdag dang dbyer med nyid du'o// thabs dang shes rab ldan gyur na// shar phyogs su ni kha bstan te// seng ge stabs chen mchongs par bya// lce dkyil yi ge triHbsgoms nas// lce ni 'bum phrag mtha' yas dang // hrI yang bsam gyis mi khyab 'phro// phyogs bcu dus bzhi mtha' yas su// gsung gis dkyil 'khor rab 'bar bas// gsung gcig dkyil 'khor yan lag ni// bsam gyis mi khyab kun tu grags// grags dang ming tshig so sor grags// ljags kyi dbang po bkram las gsungs// thar dang ma thar gnyis ka brjod// nges pa kho na yang dag 'dus// de bzhin nyid kyi ci ma gsungs// rna ba'i dbang po dkyil 'khor du// tram gyi yig 'bru gsal bsgoms nas// rna dkyil phyogs bcu dus bzhi yis// mtha' yas bsam gyis mi khyab spro// traM yang bsam yas 'od 'phro 'bar// phyogs dus dkyil 'khor ma lus thob// 'gro drug 'khor ba'i gnas kyang thob// sgra dang thos pa gnyis med pa'o// de bzhin dri dang ro reg rnams// so so'i mtshan nyid gsal bsgoms nas// yig 'bru'i snying po de don dgod// sangs rgyas dkyil 'khor ma lus dang // 'gro drug ma lus thams cad kun// chags pa le yi tshul gyis rol// dri la sogs pa bde mchog gis// kun la tshim par yang dag gsungs// 'gro drug ma lus thams cad la// ji ltar 'tsham pa'i don yang byed// thabs mkhas thugs rjes de ltar rtog/ kun byas byang chub nyid du'o// de bzhin rigs dang rdo rje'i rigs// ma chags la sogs shes rab ldan// gtso bo lnga dang gtso mo lnga// thabs dang shes rab ldan bsgoms te// tshom bu gcig gam yang na gsum// lnga yi dkyil 'khor rab bsgoms te// thabs dang shes rab phun tshogs su// lha gsal 'od zer bstims byas te// dkyil 'khor 'od 'phro 'bar bar sgom// ting 'dzin shin tu gsal gyur nas// bdag dang phyogs dus dbyer med pa'i// gnyis su med par bsgom par bya// de nas thabs dang shes rab gnyis// lta spyod ma chags ma gyur par// dkyil 'khor bdag la gsal bar sgom// dbus nas shar phyogs kha bstan la// / rkang pa'i stobs chen bskyed byas shing // lag gis 'du byed kun bskyod nas// bro dang gar gyi phyag rgya bya// dkyil 'khor 'od zer dkar 'phro ba// byang chub sems su rnam par dag/ shin tu gsal dang 'od zer 'bar// thabs dang shes rab de 'grub shog/ mnyam nyid rig pa'i rdo rje yis// cis kyang mi tshugs rdo rje yis// bdud bzhi dag ni 'joms par byed// theg mchog rdo rje ris 'dzin pa// thabs dang shes rab de 'grub shog/ mnyam nyid rig pa'i rdo rje yis// nyon mongs sdug bsngal med par byed// me long lta bu'i ye shes kyis// thabs dang shes rab gsal 'gyur shog/ nyon mongs sdug bsngal rtsad bcad nas// ma rig mun pa sel bar byed// thugs rje'i 'od zer nyi shar ba// thabs dang shes rab 'od 'bar shog/ shin tu sra zhing skye shi med// rdo rje'i thugs rje rol ston pa// 'gro la thugs rje yongs mi 'byung // thabs dang shes rab byams ldan shog/ thabs dang shes rab ldan gyur pas// yon tan phyogs su khyab ston te// lus bskyod yan lag sbrul sig nas// thabs chen dag kyang btung bar bya// dkyil 'khor ma lus 'byung ba'i gter// zad med nor bu rin po che// ma lus kun gyi re ba skong // thabs dang shes rab de grub shog/ nam mkha'i dkyil 'khor mdog ston pa// yang na thams cad gser btso ma// dkyil 'khor bsam yas zad mi shes// thabs dang shes rab myur grub shog/ bde gshegs dkyil 'khor ma lus pa// 'byung ba'i gter chen zad mi shes// yon tan chen po rig 'dzin pa// thabs dang shes rab myur grub shog/ bde gshegs dkyil 'khor ma lus pa// thams cad mnyam pa'i dang gnas nas// de bzhin mnyam pa'i ye shes te// thabs dang shes rab mnyam grub shog/ bde gshegs yon tan rmad po che// ye nas chags med byang chub cing // yang dag nyid la thams cad gnas// thabs dang shes rab myur grub shog/ thabs dang shes rab ldan gyur nas// nub phyogs su ni kha bstan te// yan lag dbang po bskyod byas na// gar byas shin tu gsal byas nas// stabs chen dag kyang btud par byas// chos rnams ma lus kun spyod kyang // pad+ma la ni 'dam bzhin du// chags pa med pa'i tshul gyis gnas// thabs dang shes rab myur grub shog/ las dang nyon mongs nub gyur pa'i// bag chags mtshan ma rdul tsam med// thabs dang shes rab myur grub shog/ byang chub chags med dkyil 'khor ni// gang nas ma 'ongs nyid kyis dbyings// mi gnas tshul gyis dbyings na bzhugs// thabs dang shes rab myur grub shog/ thabs dang shes rab myur grub par// byang phyogs su ni kha bstan nas// lus bskyod yan lag gar byed cing // phyag rgya sna tshogs so sor gsal// rkang pa'i stabs chen btud par bya// yang dag rtogs pa'i ye shes kyis// bskal pa bsam gyis mi khyab pa'i// sgrib pa thams cad byang byas te// thabs dang shes rab myur grub shog/ sku gsung thugs kyis byin rlabs kyis// bdud bzhi bcom nas mi mthun gsal// bya byed med la don rnams grub// thabs dang shes rab myur grub shog/ thams cad ma lus rdzogs byed pa// sna tshogs kun tu 'gyur ba'o// ljang khu'i tshul du mngon ston pa// thabs dang shes rab myur grub shog/ thams cad ma lus don grub pa// las rnams ma lus rdzogs par byed// nan tan chen po bya ba rdzogs// thabs dang shes rab myur grub shog/ sdug bsngal dra ba'i tshar bcad de// dkyil 'khor ma lus kun byas kyang // gang nas ma 'ongs gar mi 'gro// thabs dang shes rab myur grub shog/ bde gshegs ma lus thams cad kyang // phyogs dus dkyil 'khor bdag nyid che// mi dmigs thugs kyi dkyil 'khor du// ma lus kun 'dus rnam par dag stabs chen dkyil 'khor yang dag pa// bde gshegs yul la rnam par 'phro// thabs dang shes rab ldan pa yis// bde ba'i dkyil du mkhas pa bsdu// thams cad ma lus rigs bzhi yis// nang du ma 'dus gang yang med// de nyid bde gshegs dkyil 'khor nyid// thabs dang shes rab de grub shog/ rigs lnga'i dkyil 'khor dbus bsdus shig/ ye shes lnga yi 'od zer spro// phyogs bcu gang bar gsal gyur nas// thabs dang shes rab 'od 'bar shog/ de bzhin rigs mchog 'dzin pa ni// thams cad ma lus dbyings bsdus te// thams cad kun tu bzang por ston// thabs dang shes rab gtsor grub shog/ thugs rje chen po'i byin rlabs kyis// phyogs dus gnas pa ma lus la// chos kyi 'khor lo chen po bskor// thabs dang shes rab mchog grub shog/ 'gro ba ma lus thams cad la// de bzhin nyid kyi rgyu yod par// ma mthong rmongs la nam mkha' mdog/ thabs dang shes rab dbyings grub shog/ sku ni sna tshogs cir yang snang // thabs chen rnams la mnyam pa'i sku// nyan thos rnams la dgra bcom tshul// rang rgyal rnams la bse ru'i tshul// pha rol phyin rdzogs shAkya'i tshul// lha mi rnams la dge bcu'i tshul// dngos grub rnams la ir+N+Na ya// gzhan yang 'gro ba thams cad la// ji ltar 'dul ba bzhin du ston// de lta bu yi sku ston pa// thabs dang shes rab sku 'grub shog/ thabs dang shes rab ldan bsgoms nas// rgyan rnams kun gyi rnam par brgyan// yan lag lnga la dkyil 'khor dgod// ye shes brgyan gyi bro yang brdung // gnyis med dkyil 'khor zlum po'i tshul// mtha' dbus med pa'i dkyil 'khor du// lhun grub dkyil 'khor byang chub tu// thabs dang shes rab myur grub shog/ chos dbyings dam pa bdag med la// mi dmigs dbyings su ma lus 'dus// mnyam dang mi mnyam dbyer med la// thabs dang shes rab dbyings grub shog/ bde gshegs dkyil 'khor dgu bskyod na// sangs rgyas zhing khams ma lus g.yo// lag gi 'du byed sbrul bskyod na// rig 'dzin zhing khams dag par byed// rkang chen dag gis stabs mchongs na// 'gro drug gnas rnams stong par byed// spyan gyis phyogs bcur blta byas na// bdud bzhi dpung rnams pham par byed// thabs dang shes rab ma lus kun// de lta bu yi don grub shog/ thams cad ma lus de bzhin te// de ni gang yang dmigs med pas// skye dang 'gag dang gnas pa dang // 'ong dang 'gro ba'i dngos po med// rnal 'byor bro gar rtse 'jo yis// sna tshogs byed la byas pa med// de ni rnam pa tshogs pa yis// rnal 'byor las rnams 'grub par shog/ thabs dang shes rab thams cad kyis// de lta bu yi longs spyod na// sangs rgyas dkyil 'khor ma lus mnyes// srid gsum 'gro ba thams cad la// dga' ba chen pos khyab par 'gyur// lus ma spangs pa rig 'dzin sa// yun ring chos kyis bde spyod nas// bla med rdo rje sems dpa'i sa// dpe byad mtshan gyis rnam par brgyan// mngon shes drug ldan thams cad mkhyen// tshogs chen gnyis kyang rdzogs par rol// sangs rgyas zhing la dbang bsgyur te// spyod yul kun tu man+ta la// ji ltar dmigs pa bzhin du grub// rnal 'byor lus su rung rnams kyis// 'di lta bu yi las byas na// 'bras bu mngon du mi gyur yang // lus ngag yid la dbang thob nas// sangs rgyas 'byung dang skal mnyam 'gyur// theg pa dman par yongs mi skyes// ngan song gnas su yongs mi ltung // gnas ngan longs spyod mi bde ba'i// ngan pa'i sa ru 'gro mi 'gyur// rdo rje theg chen brjod mi 'gyur// tshe ring bde ba phun sum tshogs// lus byad bzang zhing yan lag rdzogs// dbang po tshang zhing lhag / chatshad med// skad gdangs snyan zhing 'gro don byed// bdag gi longs spyod thams cad kun// gzhan la gnod pa med par 'grub// tshan po che yi shugs dang ldan// 'gro ba'i don du yang dag byed// gzhan la gnod pa yongs mi byed// snying rje che zhing shes rab ldan// mthu stobs che zhing thabs ldan pas// bdag dang gzhan don rdzogs par spyod// mthar phyin skye shi med pa'i sa// sangs rgyas yon tan rin po che// bkod pa'i gzhan yang thams cad la// dbang sgyur spyod pa'i dngos grub thob// rnal 'byor gang gi 'di 'dra'i don// ljags kyi dbang po bkram las ni// gsang don nges pa'i don ston pa// bla med mchog tu grub par shog/ bla med byang chub thor tshugs can// shin tu bstan pa'i ngo bor gnas// mu stegs rlung gis tshugs mi 'gyur// theg mchog rdo rje lta bu yi// dkyil 'khor mi zad 'byung ba'i gter// yid bzhin nor bu rin po che// byi dor byas shing shin tu gsal// bskal pa grangs med gnas gyur kyang // sku ni shin tu gzhon pa'i tshul// skye shi med pa'i rdo rje yis// thams cad 'byung ba'i gter yin no// yon tan phun sum tshogs dang ldan// bla med byang chub 'grub 'gyur nas// ye shes rdo rje grub par shog/ tshogs chen gnyis kyang rdzogs gyur shog/ thams cad kun gyis ston pa'o// thams cad mkhyen pa'i go 'phang brnyes// sangs rgyas zhing la dbang byed shog/ de rtogs kun kyang rdo rje rig/ sku gsung thugs kyang grub par shog/ rnal 'byor thabs dang shes rab dang ldan pa rnams kyis/ dus thams cad du 'dod yon lnga spyad cing / glu gar dang bro thabs bya'o// gsang ba'i snying po de kho na nyid nges pa las/ bro gar rtse 'jo'i le'u ste so gsum pa'o// // 'phags pa rtog pa'i rgyal po/ sgyu 'phrul dra ba le'u stong phrag brgya pa las/ mtshan nyid dang lung gi spyi/ gsang ba snying po de kho na nyid nges pa las/ sgyu 'phrul le lhag bstan pa zhes bya ba rdzogs so// // rgya gar skad du/ tsit+ta bin du pa tre sha na ma/ bod skad du/ thugs kyi thigs pa'i man ngag ces bya