བོད་ཡིག

e-texts produced with BDRC’s OCR application

@#// rgya gar skad du/ badz+ra kri yi u kra na bi rad na g+hi i ka tsakra tan tra nA ma/ bod skad du/ rdo rje gtsug lag drag po ngan sngags rin po che brtsegs pa 'khor lo gzer gyi rgyud// bcom ldan 'das dpal kun tu bzang po la phyag 'tshal lo// de nas gsang ba'i bdag po yis// brda yis gtso la gsol ba btab// gtso bos brda don bka' stsal pa// brda skal rdo rje drag po che// 'khrul 'khor spu gri 'dra ba yang // de nyid rnam pa bzhi yis grub// sngags dang rdzas dang rtags// sngags kyi de kho na// 'khor lo rnam pa gnyis su shes// man ngag 'khor lo bstan pa dang // bcos ma brnyan ma'i 'khor lo gnyis// man ngag 'khor lo rnam pa dgu// gnas pa'i 'khor lo mi 'gyur 'khor// yang rnam gsum ni dngas ma yin// phyi mo 'khor lo 'gyur 'khor lo// sgyur ba'i 'khor lo dngas ma skyed// drag po 'khor lo gcod 'khor lo// spo ba'i 'khor lo dngas ma gcod// de dgu gsum gsum rtsis dang sbyar// man ngag 'khor lo bstan pa yin// dam tshig rjes dran rang dbang med// dngas skyed rnam shes rjes su mthun// sngags kyi de nyid de las gnyis// pho dang mo ru bstan pa yin// de las bse dung lcags gsum dbye// sngags kyi rgya ru ngas lung bstan// rdo rje gtsug lag drag po ngan sngags rin po che brtsegs pa 'khor lo gzer gyi rgyud las/ sngags kyi de nyid bstan pa'i le'u ste dang po'o// // gnyis pa rdzas kyi de kho na// bstan dang mchog dang bskang ba gsum// bsdus pa rnam grangs bco rgyad shes// gtsan dug 'khar nag ha la gnag/ rma bya glang chen mchin pa dang // ra dug chen po da ru ra// sa dug rnam pa gsum rnams ni// tsha ba skyed pa'i rdzas su bstan// lus la bcang na bsrung bar 'gyur// dngos grub rdzas ni gang rten rdzas// til nag rdzas dang til dkar rdzas// gur kum rdzas dang tsan dan dmar// las bzhi dngos grub rdzas su shes// gdug pa gzhil ba dngos grub rdzas// bkra shis rdzas kyis gzhil bar bya// bsad pa gdug pa'i khrag rnams dang // srin rdo mgar ba'i so rdog sogs// thun gyi rdzas rnams kun gyis gsad// skya zor 'phang ba'i las rnams bya// bsrung ba'i rdzas ni rin chen dang // sman dang 'bru dang snying po spos// dug sel brgya rtsa brgyad kyi rdzas// lus la bcang zhing dud pas bdugs// sha ri raM dang bcas pas bsrung // de ltar bsrung ba'i rdzas rnams kyis// 'khrul 'khor gnod pa sel nus na// dug chen bco brgyad smos ci/ dgos// gnyen po rdzas bsdus brgya brgyad de// stobs skyed rdzas gsum de bzhin no// stobs skyed byas na byin chen 'byung // rdo rje gtsug lag 'khor lo ngan sngags rin po che brtsegs pa 'khor lo gzer gyi rgyud las/ rdzas kyi de kho na nyid bstan pa'i le'u ste gnyis pa'o// // gsum pa dus kyi de kho na// pho mo gnyis su bstan pa ste// pho dus rnam pa bzhi nyid ni// bsgrub dus 'gyur dus gdab pa'i dus// dkrug pa'i dus su bstan pa yin// mo dus rnam pa bzhi nyid ni// ma dang srin mo bran dang sring // spyi dang rang rang khyad par gyi// dam tshig dag la gnas pa ste// dang po snying rje byams mi 'bral// par pa bsgrub la chags sems med// tha ma ye shes las su dbye// de nas zhe sdang rtse gcig pa'o// ting 'dzin bzhi dang drag sngags bzhi// rgyud dus snying bzhi bzung la sgrub/ khyad par dus mi 'gyur ba gces// rdo rje gtsug lag drag po ngan sngags rin po che brtsegs pa 'khor lo gzer gyi rgyud las/ dus kyi de kho na nyid bstan pa'i le'u ste gsum pa'o// // bzhi pa rtags kyi de kho na// rnam pa gsum du shes par bya// srid pa lugs su byung ba dang // 'byung ba dngas snyigs 'byed pa dang // 'khor ba ru bzlog rtags gsum dang // srid pa lugs las byung ba ni// 'grub pa'i rtags dang mi 'grub rtags// ldog pa'i rtags dang gsum du bshad// 'grub rtags lha dang rgyal btsan klu// bdud bzhin ma mo gnod sbyin dang // ru dra srin po the brang dang // 'gong po sna 'dren rims su 'gyur// mig dang rna ba sna dang yid// lugs las 'byung ngam mi 'byung rtags// bzhi ni mig nas yid kyi bar// mi 'grub rtags ni ngan par 'byung // gnyen dgu khro zhing 'jigs pa'i sgra// zhi ba'i dus su drag pa'i rtags// mi mthun ston cing las mi byed// ldog pa'i rtags su bstan pa ni// lug dang rtsa la gnod byed dang // bya chen dag tu ston pa dang // mig sogs rtags bzhi log par ston// mi 'grub pa la rtags med la// ldog pa la ni mi shig ston// grub pa la ni bzang por ston// 'byung ba dngas snyigs rtags brtags pa// dmar dang gnag dang chu ser dang // chu ru rtag par 'dzag pa dang // chur byung bsnyen pa bsgyur bar bya// rim pa gzhan yang mkhas pas sbyar// rtags de tha ma rmi lam du// 'byung bar mi 'gyur 'grub mi 'gyur// byung na bcad bya dngos grub blang // ma byung spogs par 'byung dkrug bya// 'khor ba ru log rtags bstan pa// spyi tshugs pho mo ma ning gsum// dmag tu byung dang sbyang ba ra byung dang // pho ru byung na bsnyen sbyor bya// mo ru byung na sgrub sbyor sdeb// ma ning byung na las sbyor bsdeb// dmag tu byung na las lnga brtsams// 'phreng la byung na las bzhi sbyar// mgo med byung na stobs skyed rtags// mgo mang byung na mthu sogs sbyar// bdun gyi bar du shes par bya/ kha dog rigs dang bstun la rtag/ sdud ma shes na kun yang rung // rigs rnams brtag bzlog bskang bar bya// dal drag bring bsdigs sbyar la bzlog/ rna bar sgra la ru log bdun// sna ru gshin dri ru log bdun// yid la rmi lam ru log bdun// de dag byung nas zlog pa'i tshe// ri rtse chu 'dren gyen sogs 'dren// dmag rnams spyi bos phyir 'khyed dang // shing bu kha zhabs dpag bsam bzlog/ snal mar byung dang mgo ston 'byung // de ltar byung nas rab sgrub brtsams// rang la gzhan 'byung rtags te bstan// mi ldog nges pa'i 'khor lo bskor// dregs pa gdug pa gzhil bar bya// rdo rje gtsug lag drag po ngan sngags rin po che brtsegs pa 'khor lo gzer gyi rgyud las/ rtags kyi de kho na nyid bstan pa'i le'u ste bzhi pa'o// // rgya mtsho gling gi rin chen ltar// kun la 'byung 'gyur ngo mtshar med// dkon par gyur nas sngags pa brjod// des na rgya yis gdab par bya// rdo rje gtsug lag drag po ngan sngags rin po che rtsegs pa 'khor lo 'dzin pa gzer gyi rgyud las/ rgyud rin po che dang 'dra bar gdams pa'i le'u ste lnga pa'o// // rdo rje gtsug lag drag po ngan sngags rin po che brtsegs pa 'khor lo gzer gyi rgyud rdzogs so// // zi rgya/ ni rgya/ su rgya/ man ngag don 'grol gyi rgyud rdzogs so//