| Wylie | e-texts produced with BDRC’s OCR application |
@#།། རྒྱ་གར་སྐད་དུ། བཛྲ་ཀྲི་ཡི་ཨུ་ཀྲ་ན་བི་རད་ན་གྷི་ཨི་ཀ་ཙཀྲ་ཏན་ཏྲ་ནཱ་མ། བོད་སྐད་དུ། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད།། བཅོམ་ལྡན་འདས་དཔལ་ཀུན ་ཏུ་བཟང་པོ་ལ་ཕྱག་འཚལ་ལོ།། དེ་ནས་གསང་བའི་བདག་པོ་ཡིས།། བརྡ་ཡིས་གཙོ་ལ་གསོལ་བ་བཏབ།། གཙོ་བོས་བརྡ་དོན་བཀའ་སྩལ་པ།། བརྡ་སྐལ་རྡོ་རྗེ་དྲག་པོ་ཆེ།། འཁྲུལ་འཁོར་སྤུ་གྲི་འདྲ་བ་ཡང་།། དེ ་ཉིད་རྣམ་པ་བཞི་ཡིས་གྲུབ།། སྔགས་དང་རྫས་དང་རྟགས།། སྔགས་ཀྱི་དེ་ཁོ་ན།། འཁོར་ལོ་རྣམ་པ་གཉིས་སུ་ཤེས།། མན་ངག་འཁོར་ལོ་བསྟན་པ་དང་།། བཅོས་མ་བརྙན་མའི་འཁོར་ལོ་གཉིས།། མན་ངག་འཁོར ་ལོ་རྣམ་པ་དགུ།། གནས་པའི་འཁོར་ལོ་མི་འགྱུར་འཁོར།། ཡང་རྣམ་གསུམ་ནི་དངས་མ་ཡིན།། ཕྱི་མོ་འཁོར་ལོ་འགྱུར་འཁོར་ལོ།། སྒྱུར་བའི་འཁོར་ལོ་དངས་མ་སྐྱེད།། དྲག་པོ་འཁོར་ལོ་གཅོད་འཁོར་ལོ།། སྤོ་བའི ་འཁོར་ལོ་དངས་མ་གཅོད།། དེ་དགུ་གསུམ་གསུམ་རྩིས་དང་སྦྱར།། མན་ངག་འཁོར་ལོ་བསྟན་པ་ཡིན།། དམ་ཚིག་རྗེས་དྲན་རང་དབང་མེད།། དངས་སྐྱེད་རྣམ་ཤེས་རྗེས་སུ་མཐུན།། སྔགས་ཀྱི་དེ་ཉིད་དེ་ལས ་གཉིས།། ཕོ་དང་མོ་རུ་བསྟན་པ་ཡིན།། དེ་ལས་བསེ་དུང་ལྕགས་གསུམ་དབྱེ།། སྔགས་ཀྱི་རྒྱ་རུ་ངས་ལུང་བསྟན།། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད་ལས། སྔགས ་ཀྱི་དེ་ཉིད་བསྟན་པའི་ལེའུ་སྟེ་དང་པོའོ།། །། གཉིས་པ་རྫས་ཀྱི་དེ་ཁོ་ན།། བསྟན་དང་མཆོག་དང་བསྐང་བ་གསུམ།། བསྡུས་པ་རྣམ་གྲངས་བཅོ་རྒྱད་ཤེས།། གཙན་དུག་འཁར་ནག་ཧ་ལ་གནག། རྨ་བྱ་གླང་ཆེན ་མཆིན་པ་དང་།། ར་དུག་ཆེན་པོ་ད་རུ་ར།། ས་དུག་རྣམ་པ་གསུམ་རྣམས་ནི།། ཚ་བ་སྐྱེད་པའི་རྫས་སུ་བསྟན།། ལུས་ལ་བཅང་ན་བསྲུང་བར་འགྱུར།། དངོས་གྲུབ་རྫས་ནི་གང་རྟེན་རྫས།། ཏིལ་ནག་རྫས་དང་ཏིལ ་དཀར་རྫས།། གུར་ཀུམ་རྫས་དང་ཙན་དན་དམར།། ལས་བཞི་དངོས་གྲུབ་རྫས་སུ་ཤེས།། གདུག་པ་གཞིལ་བ་དངོས་གྲུབ་རྫས།། བཀྲ་ཤིས་རྫས་ཀྱིས་གཞིལ་བར་བྱ།། བསད་པ་གདུག་པའི་ཁྲག་རྣམས ་དང་།། སྲིན་རྡོ་མགར་བའི་སོ་རྡོག་སོགས།། ཐུན་གྱི་རྫས་རྣམས་ཀུན་གྱིས་གསད།། སྐྱ་ཟོར་འཕང་བའི་ལས་རྣམས་བྱ།། བསྲུང་བའི་རྫས་ནི་རིན་ཆེན་དང་།། སྨན་དང་འབྲུ་དང་སྙིང་པོ་སྤོས།། དུག ་སེལ་བརྒྱ་རྩ་བརྒྱད་ཀྱི་རྫས།། ལུས་ལ་བཅང་ཞིང་དུད་པས་བདུགས།། ཤ་རི་རཾ་དང་བཅས་པས་བསྲུང་།། དེ་ལྟར་བསྲུང་བའི་རྫས་རྣམས་ཀྱིས།། འཁྲུལ་འཁོར་གནོད་པ་སེལ་ནུས་ན།། དུག་ཆེན་བཅོ་བརྒྱད་སྨོས་ཅི། ་དགོས།། གཉེན་པོ་རྫས་བསྡུས་བརྒྱ་བརྒྱད་དེ།། སྟོབས་སྐྱེད་རྫས་གསུམ་དེ་བཞིན་ནོ།། སྟོབས་སྐྱེད་བྱས་ན་བྱིན་ཆེན་འབྱུང་།། རྡོ་རྗེ་གཙུག་ལག་འཁོར་ལོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད ་ལས། རྫས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་གཉིས་པའོ།། །། གསུམ་པ་དུས་ཀྱི་དེ་ཁོ་ན།། ཕོ་མོ་གཉིས་སུ་བསྟན་པ་སྟེ།། ཕོ་དུས་རྣམ་པ་བཞི་ཉིད་ནི།། བསྒྲུབ་དུས་འགྱུར་དུས་གདབ་པའི་དུས།། དཀྲུག་པའི ་དུས་སུ་བསྟན་པ་ཡིན།། མོ་དུས་རྣམ་པ་བཞི་ཉིད་ནི།། མ་དང་སྲིན་མོ་བྲན་དང་སྲིང་།། སྤྱི་དང་རང་རང་ཁྱད་པར་གྱི།། དམ་ཚིག་དག་ལ་གནས་པ་སྟེ།། དང་པོ་སྙིང་རྗེ་བྱམས་མི་འབྲལ།། པར་པ་བསྒྲུབ་ལ་ཆགས ་སེམས་མེད།། ཐ་མ་ཡེ་ཤེས་ལས་སུ་དབྱེ།། དེ་ནས་ཞེ་སྡང་རྩེ་གཅིག་པའོ།། ཏིང་འཛིན་བཞི་དང་དྲག་སྔགས་བཞི།། རྒྱུད་དུས་སྙིང་བཞི་བཟུང་ལ་སྒྲུབ། ཁྱད་པར་དུས་མི་འགྱུར་བ་གཅེས།། རྡོ་རྗེ་གཙུག་ལག་དྲག་པོ ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད་ལས། དུས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་གསུམ་པའོ།། །། བཞི་པ་རྟགས་ཀྱི་དེ་ཁོ་ན།། རྣམ་པ་གསུམ་དུ་ཤེས་པར་བྱ།། སྲིད་པ་ལུགས་སུ་བྱུང་བ ་དང་།། འབྱུང་བ་དངས་སྙིགས་འབྱེད་པ་དང་།། འཁོར་བ་རུ་བཟློག་རྟགས་གསུམ་དང་།། སྲིད་པ་ལུགས་ལས་བྱུང་བ་ནི།། འགྲུབ་པའི་རྟགས་དང་མི་འགྲུབ་རྟགས།། ལྡོག་པའི་རྟགས་དང་གསུམ་དུ་བཤད།། འགྲུབ ་རྟགས་ལྷ་དང་རྒྱལ་བཙན་ཀླུ།། བདུད་བཞིན་མ་མོ་གནོད་སྦྱིན་དང་།། རུ་དྲ་སྲིན་པོ་ཐེ་བྲང་དང་།། འགོང་པོ་སྣ་འདྲེན་རིམས་སུ་འགྱུར།། མིག་དང་རྣ་བ་སྣ་དང་ཡིད།། ལུགས་ལས་འབྱུང་ངམ་མི་འབྱུང ་རྟགས།། བཞི་ནི་མིག་ནས་ཡིད་ཀྱི་བར།། མི་འགྲུབ་རྟགས་ནི་ངན་པར་འབྱུང་།། གཉེན་དགུ་ཁྲོ་ཞིང་འཇིགས་པའི་སྒྲ།། ཞི་བའི་དུས་སུ་དྲག་པའི་རྟགས།། མི་མཐུན་སྟོན་ཅིང་ལས་མི་བྱེད།། ལྡོག་པའི་རྟགས་སུ ་བསྟན་པ་ནི།། ལུག་དང་རྩ་ལ་གནོད་བྱེད་དང་།། བྱ་ཆེན་དག་ཏུ་སྟོན་པ་དང་།། མིག་སོགས་རྟགས་བཞི་ལོག་པར་སྟོན།། མི་འགྲུབ་པ་ལ་རྟགས་མེད་ལ།། ལྡོག་པ་ལ་ནི་མི་ཤིག་སྟོན།། གྲུབ་པ་ལ་ནི་བཟང་པོར ་སྟོན།། འབྱུང་བ་དངས་སྙིགས་རྟགས་བརྟགས་པ།། དམར་དང་གནག་དང་ཆུ་སེར་དང་།། ཆུ་རུ་རྟག་པར་འཛག་པ་དང་།། ཆུར་བྱུང་བསྙེན་པ་བསྒྱུར་བར་བྱ།། རིམ་པ་གཞན་ཡང་མཁས་པས་སྦྱར།། རྟགས་དེ་ཐ་མ ་རྨི་ལམ་དུ།། འབྱུང་བར་མི་འགྱུར་འགྲུབ་མི་འགྱུར།། བྱུང་ན་བཅད་བྱ་དངོས་གྲུབ་བླང་།། མ་བྱུང་སྤོགས་པར་འབྱུང་དཀྲུག་བྱ།། འཁོར་བ་རུ་ལོག་རྟགས་བསྟན་པ།། སྤྱི་ཚུགས་ཕོ་མོ་མ་ནིང ་གསུམ།། དམག་ཏུ་བྱུང་དང་སྦྱང་བ་ར་བྱུང་དང་།། ཕོ་རུ་བྱུང་ན་བསྙེན་སྦྱོར་བྱ།། མོ་རུ་བྱུང་ན་སྒྲུབ་སྦྱོར་སྡེབ།། མ་ནིང་བྱུང་ན་ལས་སྦྱོར་བསྡེབ།། དམག་ཏུ་བྱུང་ན་ལས་ལྔ་བརྩམས།། འཕྲེང་ལ་བྱུང་ན་ལས་བཞི ་སྦྱར།། མགོ་མེད་བྱུང་ན་སྟོབས་སྐྱེད་རྟགས།། མགོ་མང་བྱུང་ན་མཐུ་སོགས་སྦྱར།། བདུན་གྱི་བར་དུ་ཤེས་པར་བྱ། ཁ་དོག་རིགས་དང་བསྟུན་ལ་རྟག། སྡུད་མ་ཤེས་ན་ཀུན་ཡང་རུང་།། རིགས་རྣམས་བརྟག་བཟློག ་བསྐང་བར་བྱ།། དལ་དྲག་བྲིང་བསྡིགས་སྦྱར་ལ་བཟློག། རྣ་བར་སྒྲ་ལ་རུ་ལོག་བདུན།། སྣ་རུ་གཤིན་དྲི་རུ་ལོག་བདུན།། ཡིད་ལ་རྨི་ལམ་རུ་ལོག་བདུན།། དེ་དག་བྱུང་ནས་ཟློག་པའི་ཚེ།། རི་རྩེ་ཆུ་འདྲེན་གྱེན་སོགས ་འདྲེན།། དམག་རྣམས་སྤྱི་བོས་ཕྱིར་འཁྱེད་དང་།། ཤིང་བུ་ཁ་ཞབས་དཔག་བསམ་བཟློག། སྣལ་མར་བྱུང་དང་མགོ་སྟོན་འབྱུང་།། དེ་ལྟར་བྱུང་ནས་རབ་སྒྲུབ་བརྩམས།། རང་ལ་གཞན་འབྱུང་རྟགས་ཏེ་བསྟན།། མི ་ལྡོག་ངེས་པའི་འཁོར་ལོ་བསྐོར།། དྲེགས་པ་གདུག་པ་གཞིལ་བར་བྱ།། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད་ལས། རྟགས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་བཞི ་པའོ།། །། རྒྱ་མཚོ་གླིང་གི་རིན་ཆེན་ལྟར།། ཀུན་ལ་འབྱུང་འགྱུར་ངོ་མཚར་མེད།། དཀོན་པར་གྱུར་ནས་སྔགས་པ་བརྗོད།། དེས་ན་རྒྱ་ཡིས་གདབ་པར་བྱ།། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་རྩེགས ་པ་འཁོར་ལོ་འཛིན་པ་གཟེར་གྱི་རྒྱུད་ལས། རྒྱུད་རིན་པོ་ཆེ་དང་འདྲ་བར་གདམས་པའི་ལེའུ་སྟེ་ལྔ་པའོ།། །། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད་རྫོགས ་སོ།། །། ཟི་རྒྱ། ནི་རྒྱ། སུ་རྒྱ། མན་ངག་དོན་འགྲོལ་གྱི་རྒྱུད་རྫོགས་སོ།། ་