བོད་ཡིག

e-texts produced with BDRC’s OCR application

rgya gar skad du/ lo ko ta ra sU tra nA ma tan+t+ra/ bod skad du/ 'jig rten las 'das pa'i mdo zhes bya ba'i rgyud/ bcom ldan 'das rdo rje 'chang la phyag 'tshal lo// 'di skad bdag gis zos pa'i dus gcig na/ bcom ldan 'das yang dag par rdzogs pa'i sangs rgyas/ phyogs bcu dus bzhi'i de bzhin gshegs pa thams cad kyi sku gsung thugs mi zad pa rgyan gyi 'khor lo/ rnal 'byor gyi dbang phyug chen po brjod pa thams cad las 'das pa'i bdag nyid can/ sku dang / gsung dang / thugs dang / yon tan dang / 'phrin las dbyer med pa rdo rje snying po ste/ de bzhin gshegs pa thams cad kyi rdo rje btsun mo'i b+ha ga la bde ba chen por bzhugs so// de nyid dang dbyer med pa las sangs rgyas rigs lnga yab yum dang / byang chub sems dpa' yab yum dang / rig pa'i khro bo yab yum dang bcas pa rnams// bde ba dang / mchog tu bde ba dang / bral ba'i bde ba dang / lhan cig tu skyes pa'i bde bas/ tha dad med pa'i tshul gyis bzhugs so// de'i tshe de'i dus na/ kun tu bzang po ye shes kyi spyod pa rdo rje 'chang chen po'i 'od zer gyis/ snod bcud thams cad yang dag gsang ba chen po'i dkyil 'khor du sbyangs te/ kun kyang rnal 'byor bla na med pa rdo rje theg pa'i gsang sngags dang ldan par gyur to// de nas rdo rje snying po la sogs pa gdan las langs te/ bcom ldan 'das la 'di skad ces gsol ba 'debs so// sems nyid gdod nas sangs rgyas kyang // 'on kyang ma rig mun pas bsgribs// 'bras bu nyid la lam spyod pa'i// gsang sngags rdo rje theg pa'i don// rgyu 'bras lam du skyed byed med// ye nas sangs rgyas phung po sku// bskyed pa'i rim pa legs spyad cing // thabs kyis stong pas yang dag pa// rdzogs pa'i rim pa bzang po bsgom// bskyed rdzogs grub pa'i lha dag la// mchog dang 'bring gyur tha ma'i don// sems can rnams la bshad par 'tshal// zhes legs par zhus so// de nas sangs rgyas thams cad kyi bdag po nyid gdul bya'i bsam pa yongs su rdzogs pa zhes bya ba'i ting nge 'dzin la snyoms par zhugs nas/ gsang sngags kyi don mchog thams cad 'dus pa zhes bya ba 'di gsungs so// rang bzhin snang ba skye 'gag med// de yang 'khor 'das gnyis ka'i bdag/ 'khrul pa'i snang ba tha dad pa// gzung dang 'dzin pa rnam par snang // gdul bya'i nyon mongs grangs mang yang // de snyed bstan pa'i sgo rnams gsungs// yang dag sangs rgyas bde chen 'di// dmigs pa'i yul dang sgrub pa'i thabs// 'bras bu yin de rnam pa gsum// ji snyed chos kyi rtsa bar bshad// bde bar gshegs pa'i snang ba ni// sku gsum lhun grub spros dang bral// chos thams cad kyi mdo yongs su sdud pa zhes bya ba'i ting nge 'dzin to// de nas bcom ldan 'das ngo bo nyid dag pa zhes bya ba'i ting nge 'dzin la zhugs te 'di gsungs so// yang dag bsgrub pa gcig pu nyid// sangs rgyas bde chen kun 'dus pa// mkha' 'gro sgyu ma bde mchog bde// rnal 'byor zab mo'i sku gsum rdzogs// chos thams cad kyi de kho na nyid la dmigs pa zhes bya ba'i ting nge 'dzin to// rang bzhin spros med dag pa la// blo bur spros med nam mkha'i dbyings// dag cing gsal ba'i me long ltar// byed pa med par ye nas gnas// sems kyi tshul khrims mig rno bas// rang snang dag pa'i chos nyid mthong // rig pa'i ye shes chen po yis// chos dbyings rnam par dag pa rtogs// yul dag skye med rnam par grol// rang rig ye shes ngang du gsal// dbyings dang ye shes dbyer med pa// ye shes dbyings la shar zhes bya// dus bzhi phyogs bcu'i sangs rgyas rnams// snang stong yul du rig stong sems// bde stong lus la gnas pa dag/ sangs rgyas dgongs pa'i rgyun la gnas// skye med rnam dag chos nyid sku// 'khor 'das 'dzin pa rgyu las 'das// sa bcu 'dul dbang longs spyod rdzogs// ye shes sgyu ma'i sangs rgyas sku// 'gro ba 'dul phyir yang dag sprul ba'i sku// 'khor ba'i rgyun las rnam par grol// bdag lus ngag yid rnal 'byor rdzogs// mi rtog dbyings las thugs rjes chags// cir 'dul der sprul yid bzhin sku// thabs kyis spyod pas kun 'dul yang // brtags pa snang tsam brjod med dbyings// bdag gzhan gyi don mthar phyin par// dmigs pa zhes bya'i ting nge 'dzin to// gzugs phung tshul khrims rnam snang mdzad// gti mug rang byung bcom ldan 'das// stong pa nyid kyi ye shes sku// 'khor ba'i chos las ye nas dag/ rnam shes mi bskyod shes rab phung // zhe sdang rang byung bcom ldan 'das// me long lta bu'i ye shes sku// chos nyid rang bzhin ngang gis grub// tshor ba ting 'dzin rin chen 'byung // nga rgyal rang byung bcom ldan 'das// mnyam pa nyid kyi ye shes sku// sbyin pa'i bdag nyid gcig pu nyid// 'du shes snang mtha' ye shes can// 'dod chags rang byung bcom ldan 'das// so sor kun rtog ye shes che// sangs rgyas bde pab chen po gzhi// kun gzhi dpal chen he ru ka/ dug lnga rang 'byung bcom ldan 'das// sku gsum rnam dag kun 'dus pa// sku dang gsung thugs rdo rje can// sgo lnga'i rgyun las rnam grol ba// stong pa nyid la yang dag gnas// 'du byed rnam grol don yod grub// phrag dog rang byung bcom ldan 'das// bya ba grub pa'i ye shes sku// rnal 'byor sbas pa zab mo phyung // cir yang ma yin cir yang snang // cir yang 'gyur la cir yang 'grub// yul drug shes pas ma gzung ba// rtog med spros bral chos skur gnas// phung po ye shes rigs lnga po// 'khor 'das longs spyod rdzogs pa'i sku// 'dod yon lnga la skyon med rol// rnal 'byor sprul pa'i sku ru rdzogs// 'khor 'das 'byung ba lnga yi dang // drangs snyigs med par mkha' la 'gro// 'byung ba lha dang lhun grub gsum// sgyu ma chen por ye gnas pa// gang ltar bde ba spyod pa'i mchog/ mtshan mar mi 'dzin bde ba'i lam// dkyil 'khor drug gi ngo bor sangs rgyas pa zhes bya ba'i ting nge 'dzin to// 'jig rten 'das pa'i mdo las/ dpal chen po'i rang bzhin bstan pa'i le'u ste dang po'o// // de nas bcom ldan 'das kyi thams cad ting nge 'dzin du gsal ba zhes bya ba 'di gsungs so// sangs rgyas 'di tshe bsgrub bya'i phyir// sku gsum sa la sgom par byed// bskal pa byed par rnyed dka' ba// phyag rgya 'di yi cho ga yis// tshe 'di nyid la 'grub par 'gyur// dang por chos kyi dbyings nyid la// dmigs pa med pa'i don gyis bsgom// bsgrubs med yum gyi b+ha ga la// brjod med sems kyi nga du gsal// mi dmigs chos nyid de bzhin nyid// btsam med ma bsgrubs ji bzhin las// kun snang nam mkha'i ngang nyid 'byung // rang byung 'od gsal kun tu snang // med pa'i rgyu las mngon gsal ba// sems kyi rang bzhin ye shes gsal// dam pa'i ye shes a las ni// ye shes sems dpa' gsal bar shar// e las nam mkha' mtha' dbus med// yaM las rlung gi dkyil 'khor te// baM las chu yi rgya mtsho 'khyim// suM las gser gyi sa gzhi chags// laM las rin chen ri rab ste// raM las ye shes me 'od 'bar// 'bru lnga 'phra bkod yum lnga'i rgyu// mkha' dbyings rnam dag dkyil 'khor ni// ma bcom lhun grub yum gyi mkha'// rgyal ba rgya mtsho'i bzhugs gnas de// rin chen 'bar ba'i gzhal yas khang // mtha' dang dbus med nam mkha'i rgya// phyi dang nang med kun tu snang // rig pa'i rgyan dang ye shes rgyan// ye shes 'bar ba'i gzhal yas der// seng ge glang rta rma bya khyu// nyi zla pad+ma rin po che// gtso dang 'khor la rab tu gsal// nam mkha'i dbyings nas ye shes shar// nges pa las ni rdo rje che// de nas bcom ldan rdo rje sems// gsang ba'i yum dang gnyis med 'khril// mi bskyod mthing ka dkar dmar zhal// rdo rje 'khor lo rin chen g.yas// dril bu pad+ma ral gri g.yon// dbyings phyug g.yas rten g.yon dril sngo// ye shes dam tshig chen po dag/ pad+mo rin chen ldan byas nas// bde mchog sgyu mas brda mtshon na// dbyings kyi bde mchog 'byung ba ni// rang rig ye shes de la 'ong // ji bzhin mkha' la gsal ba dag/ dri med nyi ma'i 'od pas 'tsher// byang chub sems las yig 'bru sku// yum gyi gsang ba'i gzhal yas su// byang chub sems las skur gsal ba// rdo rje sems dpa' yab yum gnyis// spros zhing dag la thim par bya// rnam snang dkar sngo dmar ba'i zhal// 'khor lo rdo rje rin chen g.yas// dril bu pad+ma ral gri g.yon// sa spyan g.yas bstan g.yon dril dkar// rin chen ser sngo dmar ba'i zhal// rin ser rdo rje 'khor lo g.yas// dril bu pad+ma ral gri g.yon// ma ma g.yas bstan g.yon dril ser// mtha' yas dmar sngo dkar ba'i zhal// pad+ma rdo rje 'khor lo g.yas// dril bu rin chen ral gri g.yon// gos dkar g.yas bstan g.yon dril dmar// don grub ldang dkar dmar ba'i zhal// ral gri rdo rje 'khor lo g.yas// dril bu yid bzhin pad+ma g.yon// sgrol ma g.yas bstan g.yon dril ldang // sa snying dkar gsal myu gu dril// gzugs ni me long 'gying ba dkar// nam snying mthing ka ral gri dril// dri ni mA le 'phreng ba sngo// spyan ras dmar skya pad+ma dril// ro ni 'gir ti pi wang bsnams// phyag na ljang khu rdo rje dril// sgra ni nir te sgro 'dzin byang // byams dkar klu shing g.yon na dril// d+hU pe dkar mo spos phor bsnams// sgrib sel sngon po po ti bsnams// puSh+pe sngon mo me tog bcas// kun bzang ste ma dril bu dmar// A lo dmar mo mar me bsnams// 'jam dpal ut+pal dril bu ldang // gan+d+he ljang khu dri chab bsnams// kun bzang mnyam gzhag ye shes 'phro// yum gyur mnyam rdzogs pad+mo dkyil// lha dbang phyag na pi wang bsnams// lha min thub pa go cha bsnams// shAkya thub pa gseg par mi// byol song thub pa po ti bsnams// yi dgas thub pa rin chen sgrom// chos kyi rgyal po me chu bsnams// gshin rje gshed po thod dbyug bsnams// 'gugs byed dkar mo lcags kyu bsnams// gzhan gyis mi thub rdo rje bsnams// A lo ser nag zhags pa bsnams// rta mgrin dmar nag thod sbrul bsnams// 'jig rten dmar mo lcags sgrog bsnams// bdud rtsi ldang nag rgya gram bsnams// ro langs ljang nag dril bu bsnams// ting nge 'dzin gyi dkyil 'khor bsgom pa sku yongs su dag pa sku'i dkyil 'khor zhes bya ba'i ting nge 'dzin to// // hUM badz+ra d+h+rig/ muM d+hA tu shwa ri/ au dzi na dzig/ laM te sha ra ri/ swa ra dan d+h+rig/ maM mo ha ra ti/ aM a ro lig/ byaM rA ga ra ti/ ha pra dz+nyA d+h+ri ga/ taM ba dza ra ti/ k+ShI shri re tsa ya/ hUM lA se sa ma ya stAM/ traM a gar du ka/ traM mA le sa ma ya ho/ hri pad+ma ban d+ha ma/ hri girti ra go haM/ dzi ku ru pA Ni hri/ a ni rti rA ga ya mi/ me d+ha ri ni swA hA/ dza du pra be she/ b+hI swa raM pa ya swA hA/ hUM pu Sh+pe A be sha/ hUM sA ra tsa swA hA/ baM di ba su ki ni/ mr-i shri aM raM ga ya swa hA/ ho gan d+he tsit+ta ho hUM hUM hUM badz+ra hUM/ a a a badz+ra sa twa sa ma ya A~M/ oM mu ni kr-i swA hA/ oM mu ne kri swA hA/ oM mu ne suM swA hA/ oM mu ne k+saM swA hA/ oM mu ne praM swA hA/ oM mu ni swA hA/ hUM ya man ta krid phaT/ oM ma hA badz+ra d+ha ra ma hA kro d+hi shwa ri dza la ni hUM/ hUM bi ga nan ta krid phaT/ oM ma ha rat+na d+ha ra ma ha kro d+hi shwa ri dza la ni hUM phaT/ oM pad+ma ta krid phaT/ oM ma hA pad+ma d+ha ra ma hA kro d+hi shwa ri dza la ni hUM phaT/ oM pra dz+nya ta krid ti phaT/ oM karma d+ha ra ma hA kro d+hi shwa ri dza la ni hUM phaT/ de bzhin gshegs pa thams cad kyi gsung gi dkyil 'khor yongs su bkod pa'i ting nge 'dzin to// oM ma hA shA n+ya tA dz+nyA na badz+ra swa b+ha wa At+ma kony+dza hUM/ oM ma hA a ta ri sha dz+nyA na badz+ra swa b+hA wa At+ma ko&haM/ oM ma hA sa man ta dz+nyA na badz+ra swa b+ha wa At+ma ko&hUM/ oM ma hA pra ta pra be sha dz+nyA na badz+ra swa b+hA wa At+ma ko& haM/ oM ma hA kri ta a nu ta na dz+nyA na badz+ra swa b+ha wa At+ma ko&hUM/ dbus rgyan rdzogs pa'i rigs lnga nyid// dbang rtags rigs kyi gtso bo dbus// sems dpa' rigs kyi gtso bo las// sgo ba de bzhin rigs su bshad// thub drug dbu rgyan ma gsungs so// // oM sarba ta tha ga ta ka ya badz+ra swa b+hA wa Ang ma ko&haM/ AM sarba ta thA ga ta wa ka badz+ra swa b+ha wa ang ma ko&haM/ A~M sarba ta thA ga ta tsit+ta badz+ra swa b+hA wa ang ma ko&haM/ sngags la dmigs pa'i lus dang ni// rdo rje'i sku ni thob byed pa// gsang sngags lus dben chen po nyid// de yi lus su rnam par bsam// sngags la dmigs pa'i sngags de ni// rdo rje gsung ni thob byed pa// de nyid ngag dben chen po de// gsung gi dngos grub bstan pa'o// sngags la dmigs pa'i yid de ni// rdo rje thugs ni grub byed pa// de nyid sems kyi rnam dben pa// thugs kyi dngos grub bstan pa'o// oM sarba ta thA ga ta ma hA a nu ra ga badz+ra swa b+hA wa ang ma ko&haM/ au sarba ta thA ga ta ma hA pU dza badz+ra swa b+hA ba At+ma ko&haM/ chags pa chen po'i mchod pa yi// sangs rgyas zhing khams khyad par spro// dbang dang dngos grub sdud pa ni// gnas su thim pas 'dod pa 'grub// de bzhin gshegs pa thams cad kyi yon tan gyi dkyil 'khor zhes bya ba'i ting nge 'dzin to// dmigs med mkha' ltar dag cing khyab pa'i sku// spyan 'dren gshegs su gsol bar mi dmigs kyang // thugs rje'i ngang nyid chos sku dag pa las// ye shes sgyu ma rol cing gshegs su gsol// thugs rje lcags kyu'i thugs kyi rgyud bskul zhing // byams pa'i zhags pas gnas nas spyan 'dren gyis// bka' yi pho nya'i lcags sgrog mas ni gnas stobs la// btang snyoms dril bus bde gshegs bzhugs shing rnal grol dgyes par bskyed// rang snang dbyer med dkyil 'khor la// thugs rje'i mgon gyur ma lus rnams// mi phyed dbyings la 'god mdzad pa'i// bdag la dgyes shing thim par bzhugs// rgyal ba'i sku la bzhengs bzhugs mi mnga' yang // ye shes gnyis med dbyings su gcig pa na// thabs dang shes rab ting nge 'dzin dkyil 'khor 'dir mi g.yo dgyes shing brtan par bzhugs su gsol// badz+ra sa ma ya dza/ oM e ha he b+ha ga ban/ ma hA ka ru ni ka dri sh+ya ho/ sa ma ya s+t+waM/ dzaHhUM baM ho/ pra be sha ya A be sha ya/ A kA ya wa ka tsit+ta tiSh+Tha badz+ra/ de bzhin gshegs pa thams cad kyi 'phrin las kyis dkyil 'khor zhes bya ba'i ting nge 'dzin tsit+ta rin chen gzhal yas nas// ye shes sems dpa'i dpal be'u mchog/ phyag mtshan rang sngags 'od du 'phro// byang sems thub pa sgo ba dag/ 'od kyi rtse la yi ge'i 'bru// rang gi rnam smin dag gyur cing // grangs dus mtshan ma'i bsnyen pa dag/ nyams dang ngag lus yum dang ni// rmi lam dag tu mthong bar byed// oM bo d+hi tsit+ta ma hA su kha dz+nyA na d+ha tu a// bsnyen pa'i gsang sngags rab rdzogs nas// ye nas mnyam nyid chos sku la// skye ba med pa'i tshul gyis gnas// k+Sha yig dmar nag me lce 'bar// lte bar a dmar 'bar zhing 'dzag/ dam tshig sgrol ma'i rang bzhin g.yo// gos dkar mo yi longs spyod kyis// haM las nam mkha'i ba yang bzho// srog shing gsum gyi ka ba la// dbugs ldan nyi ma 'char ba dang // de bzhin 'jug na zla ba gsal// gnas na gzung 'dzin spangs pa ni// rgya skyegs til mar shu shing sad// dmar gsal snying po drang la 'phra// srub shing dmar po 'phra sbom snyoms// srub zag gnyis ni dkar ba ste// dbu ma bsgrubs cing spyod lam zas// lcag gis rab tu gsal ba'o// lte bar dpa' bo 'ba' zhig la// gsang gnas bde ba'i thig le nyid// snying kar nyi zla kha yang sbyar// mdzod spu skra dkar sa bon haM// rlung gi mtha' dang bcas pa yis// lam drod lta yid khams tshod thun// sbyang zhing byung rgyal bsrung ba dang // 'jug pa'i phul rtags tshod bzung zhing // thun tshad med pa'i rnal 'byor pa// de bzhin gshegs pa thams cad kyi thugs kyi dkyil 'khor rab tu gsang ba zhes bya ba'i ting nge 'dzin to// 'jig rten las 'das pa'i mdo las/ de bzhin gshegs pas sems can thams cad la byin gyis brlabs pa'i le'u ste gnyis pa'o// // de nas de bzhin gshegs pa thams cad gdug pa 'dul ba'i ting nge 'dzin la snyoms par zhugs te/ sku khro bos gyur pa 'di gsungs so// sngon gyi bskal pa gang+gA'i rlung gi bye ma snyed 'das pa'i dus// srid pa dang po bskal pa ni// gdul ka'i 'jig rten sbyang dka' bar// sangs rgyas 'jig rten sgrol ma byung // slob dpon rgyal ba'i 'khor lo la// slob ma dge slob nag po yis// gsang sngags mtha' drug don spyad pas// ma rtogs dbang gis gtum khro gdug/ gab don ma shes sbas la 'tshal// srid pa'i sa bon thun mos 'phangs// tsha grang bco brgyad dmyal khams gsum// stong phrag bcu gnyis sdug bsngal myong // de dag srab par gyur pa dang // yi dgas gnas su stong phrag drug/ rnam smin de zad srid 'tshams sbyar// dbang phyug chen po lha chen dang // u ma'i bur skyes ru trar smin// gtum khro 'jigs gzugs che yang sbrul// nas kyi kha rlangs na bun 'thul// dur khrod rabs 'jigs skyi g.ya'i nang // thod mkhar gsar rnying ro gdan la// srin mo srid pas sum sbyor bzhugs// mgo brnyan 'phra men ma'i 'khor// bdag tu 'dzin pa las gyur pa'o// ro ga rnam gru tsa mun te// re te 'byung bzhi sprul pa'i 'khor// rta phag seng ge khyi yi mgo/ rtag chad bzhi las sprul pa'i 'khor// seng stag wa sbyang mgo can dang // kang ka bya rog 'ug pa bzhad// yul brgyad las ni sprul pa'i 'khor// la ma go ri zhes bya dang // khwa ta ro hi bya ba dang // de bzhin ro bi ni dang ni// pra ba tsan d+ha dag dang ni// tsan d+ha khe zhes bya ba dang // pra ba pra ti chen mo dang // ma hA sa ni zhes bya ba// bi ra ma ti ma mo rnams// rnam shes brgyad las sprul ba'i 'khor// 'khor la dbang bskur snod bcud 'joms// lha yi ded dpon ka ru btul// 'bras bu che ba man chad bsdus// srin bu lang ka mgrin bcu bsdus// nad dang mtshon dang srog 'joms byed// las kyi bdag po smin pa zhes bya ba'i ting nge 'dzin to// dus gsum bde gshegs rigs lnga yis// shes bya ji lta ji snyed pa// mkhyen pa can gyi thugs rje yis// 'dul bar bka' gros yongs byas nas// kun gyis las kyi gnyer gtad nas// 'dul ba'i bdag por byin brlabs pa// he ru ka la lung bstan cing // las kyi gnyer du 'di skad brjod// sngon tshe 'das pa'i dang po la// sangs rgyas srid pa'i sgron mar byung // slob dpon rgyal ba'i 'khor lo yis// slob ma dge slong nag po la// gsang sngags mtha' drug bstan pa la// don de steng du ma gyur cing // log pa'i steng du bshad pa yis// dmyal ba yi dwags kha 'khor te// tha mar las kyi srin por skyes/ khams gsum 'khrul pa'i bdud du gyur// snod bcud chad pa'i ru tra 'di// bde gshegs bka' yi 'phrin las mdzod// de skad dbang bskur byin brlabs kyis// dpal chen rdo rje khrag 'thung gis// dbyings nas yum phyung sbyor ba mdzad// sems sprin khro tshogs 'chol pa spros// lha dmag dregs chen gdan du bting // dbang phyug ma tshogs longs spyod mdzad// ming gis dbang bskur gsal ba'i mtshan// rdzas kyi dbang bskur rdo rje phog/ zas kyi dbang bskur bka' phab gnas// gnas kyi dbang bskur mu ran bkod// las kyi gnyer gtad bya ra bzhag/ srog phul khas blangs mna' bor ro// drengs pa khyo shugs btul ba zhes bya ba'i ting nge 'dzin to// dpal chen bdag po'i gnas su byon// sgo bzhir sbyor mdzad srid bzhi srid// sgo bzhir sbyor mdzad sgo ma bzhi// yul brgyad sbyor bas 'phra men brgyad// srin mo brgyad la gnas brgyad bstim// srin mo'i lhums su gsang ba'i// au las sprul pa'i he ru ka// 'byung ba'i gtso mo rnams la sras// bltams pa zhes bya ba'i ting nge 'dzin to// ru tra rang gi sa bon las// ru tra lnga'i gtum tshig brjod// sras gtams dpal gyi gsang sngags bsgrang // rdzu 'phrul srid pa'i ltos dang mnyam// sgrol pa'i gnas sbyong chen po mdzad// sha rus khrag la longs spyod cing // las dang nyon mongs shes bya sogs// srabs nas gsol mdzad 'gyod pa phul// sras su dbang bskur byin brlabs nas// sangs rgyas bstan pa bsrungs nas ni// sangs rgyas 'byung ba'i zhing khams ni// thal ba'i mtshan gyis brgyan pa ru// sangs rgyas sa la lung bstan no// bdud yongs su btul ba zhes bya ba'i ting nge 'dzin to// khams gsum 'khrug pa'i bdud chen po// dpal rdo rje sems dpal yis// sangs rgyas thams cad bsdus byas nas// zhi bas bstan pa 'dul ba'i// khro bos bskur nas bdud rtsir bsgral// bsgru ba'i rdzas su byin brlabs nas// bsgral ba'i gnas la longs spyod mdzad// de phyir de bzhin phyis 'byung ba'i// rnal 'byor skyes bu chen po yis// lta ba dang ni spyod pa yis// bsgral la gzhal yas khang du brlabs// rnal 'byor bdud las dbugs phyung ngo // rjes su 'jug pa'i ting nge 'dzin gsal ba zhes bya ba bdud ldang ba med pa'i ting nge 'dzin to// bcom ldan 'das rdo rje sems dpa' ni// dus gsum sangs rgyas kun gyi gtso// sangs rgyas thams cad thugs su 'dus// zhi bas mi 'dul khro bor gzigs// gru gsum mthing nag nam mkha' la// 'degs byed rlung nag 'tshub ma 'phro// rak+ta'i rgya mtsho rba klong 'khyim// zhing chen bltams pa'i sa gzhi la// keng rus brtsigs pa'i ri rab steng // dur khrod me dpung smug nag 'bar// smug nag zla gam gzhal yas shar// khyung mchog dregs pa nyi zla bcas// dregs pa chen po 'dul mdzad pa// zhi ba las ni khro bor gyur// 'bar ba'i gar dgus gdul bya 'dul// dur khrod chas brgyad sku la gsol// bdag nyid sangs rgyas thams cad kyis// sku gsung thugs kyi rdo rje'i bdag/ khro rgyal ye nas yin pa'i phyir// phyag rgya chen por mngon rdzogs shing // sku gsung thugs su rang dbang bskur// ye shes thugs kyi dkyil 'khor gsal// de nas sna yi rtse mo nas// yid ni brten par yang dag bzungs// sna yi dbugs rings 'gro ba las// rgyal po'i sbyor ba phyag rgyar gsal// de bzhin nyid kyi dbyings nas ni// khro rgyal sgra dang mnyam sbyor phyir// mo dbang phyug mngon phyung ste// cha lugs 'dzin pa sku la 'khril// mkha' dbyings rdo rje pad+ma ni// pad+ma chos dbyings oM dang ldan// rdo rje nyi ma A~M dang bcas// gsang ba b+ha ga'i dkyil 'khor nas// mdzes par lta zhing yid du 'ongs// gcig la gcig ni chags shing 'phreng // glu dbyangs dga' ba'i mdangs dang ldan// gnyis su med par gsal bar bya// ji ltar mkha' la gsal ba dag/ dri med nyi ma'i 'od pas 'tsher// sangs rgyas sprin tshogs ma lus pa// dgyes mnyam mchog gi sbyin pas bstim// byang chub sems de kun tu dag/ khams gsum rab tu 'das nas kyang // ma lus snying rjes khyab byas te// 'dod par bya/ ba rab tu mnyes// bde ba thugs kyi dkyil 'khor nas// byang chub sems sbyin 'phros pa las// khro bo'i dkyil 'khor sprin phung spro// bskal pa'i med dpung 'khrigs pa bzhin// stong khams gang ba'i khrag 'thung rnams// bsdu ba'i sbyor bas kun 'dus nas// 'od 'dus thog ma'i gzugs la gzung // dbyings su thim nas yig 'bru sku// de nas dgyes te ha brjod pas// byang chub sems de 'od du zhu// dkar sham dang ni rkun mo dang // rmongs mo dang ni ro langs ma// sbos mo dang ni gtum mo dang // rme sha can dang ma'i tshogs// so so rang rang lag cha dang // ngo mtshar chas nas rngam pa'i tshul// dkyil 'khor shar gyi phyogs nas ni// 'khor bar rngam pa'i mdangs kyis 'khod// 'bar ba'i tshogs rnams rnam par bsam// dam tshig khrag 'thung gi dkyil 'khor gsal ba zhes bya ba'i ting nge 'dzin to// ye shes spyan gyi spyod yul nas// dpal chen khrag 'thung 'khor dang bcas// sems can don slad dam tshig dgongs// gnas 'dir ma lus gshegs su gsol// dad pa dang ni dam tshig gis// tshur gshegs tshur gshegs he ru ka/ chos sku zhi ba'i ngang las kyang // gzugs sku 'jigs tshul bstan du gsol// thugs rje chen po thabs mkhas pas// gdug pa 'dul phyir gshegs su gsol// tshogs chen tshogs bdag dbang dang ldan// tshogs kyi slob dpon gshegs su gsol// ye shes rtogs pa'i khyad par las// sprul pa mang po'i tshogs dang gshegs su gsol// bde gshegs pho brang dkyil 'khor 'dir// 'gro ba ma lus bsgral ba'i phyir// don gyi dbang du dgongs nas kyang // 'khor bcas rab 'bar bzhugs su gsol// sems can don phyir nan tan mchog bskyed cing // ye shes thugs rjes bdag la dgongs nas kyang // mi gnyis don du dngos grub mchog gi rnams// bdag la gsal cing brtan par bzhugs su gsol// che mchog mnyam sbyor 'bar ba'i klong dkyil nas// gdug pa 'dul phyir khro rgyal sku sprul pa// gsang sngags rmad byung 'phrin las sna tshogs mdzad// lhun gyis grub par byin gyis brlab tu gsol// dam tshig pa las bzhengs pa yis// dpal chen khrag 'thung 'khor dang bcas// dam tshig tshul bzhin ma gshegs sam// grub pa'i mchog dag ma gsal na// sku gsung thugs dang 'gal bar 'gyur// sku gsung thugs su bdag sbyor bas// pho brang dkyil 'khor rang las sprul// nga ni bdud kyi bdud bdag ste// mkha' 'gro'i tshogs bcas ngas bsdus so// ye shes dkyil 'khor dgug pa zhes bya ba'i ting nge 'dzin to// oM na ma sarba ta thA ga ta nan/ a shang si ta b+ha badz+ra nan/ sarba ta thA ga ta/ a d+hi tiSh+Tha badz+ra nan/ sarba sa twa nan/ traM swa b+ha ba shud d+ho nan/ e maN+Da la yaM karma haM/ ra rak+ta sa mun dza/ paM dza la maN+Da la/ kai ni ri dza la/ bruM bi shwa bi shud d+he ban d+ha dz+nyA na maN+Da la bruM/ oM sarba ta thA ga ta badz+ra ma hA shri he ru ka ma hA tsan DA sarba/ duSh+Tan ba ta ka ha na da ga pa tsa ma tha hUM hUM phaT/ ma hA kro d+hi shwa ri sa ma ya bi bi shwa tan hUM/ badz+ra ke'u ri ha/ badz+ra tso'u ri ha/ badz+ra pra mo hA/ badz+ra pe ta li ha/ badz+ra pu ga si ha/ badz+ra g+hasma ri ha/ badz+ra sma sha ni ha/ badz+ra tsan d+ha li ha/ badz+ra sa man dza/ dzaHhUM baM ho/ shri he ru ma hA badz+ra/ A gad ta ya/ a gad ta ya/ pra be sha ya/ pra pe sha ya/ b+han d+ha ya/ ban d+ha ya/ to sha ya/ to sha ya/ badz+ra Da k+ki ni nan/ hri da ya hUM hUM phaT phaT/ au shri ma hA badz+ra sarba duSh+Tan/ sa ma ya mu dra/ sa ma ya mu dra/ pra ban tsa kra hUM phaT/ e h+ye hi b+ha ga ban/ dzaHhUM baM hoHru lu ru lu tr-i sh+ya ho/ sa ma ya ho/ sa ma ya staM/ dzaHhUM baM ho/ shri he ru ka Ti sh+ya ho/ sa ma ya s+t+waM/ oM a i ra li hring he hi thA/ oM shri he ru ka ma hA badz+ra sarba duSh+Tan/ sa ma ya mu tra/ pra be sha ya phaT/ pra be a be sha ya a/ a be sha ya a/ oM badz+ra he ru ka dri sh+ya sa ma ya hri/ sarba duSh+TAn sa ma ya mu tra/ pra ban tsakra hUM phaT/ ka ya wa ka tsit+ta tiSh+Tha badz+ra/ oM badz+ra gu h+ya shri he ru ka dri sh+ya sa ma ya s+t+waM/ oM badz+ra gu h+ya br-i sh+ya sa ma ya ho/ oM badz+ra gu h+ya dri sh+ya sa ma ya phaT/ dzaHhUM baM ho/ shri he ru ka ma hA badz+ra sarba duSh+Tan/ badz+ra sa ma ya mu dri ma ra pra ban tsa kra/ b+ha ga sha ya b+ha ga sha ya/ bi d+ha na sa ya bi d+han sa ya/ he b+ha ga wa na b+hu d+he shri ta pra ti staM b+ha ya ka hUM phaT/ rdo rje khrag 'thung gi sngags brjod pa zhes bya ba'i ting nge 'dzin to// 'jig rten las 'das pa'i mdo las/ khro bopos sku yongs su grub pa zhes bya ba'i le'u ste gsum pa'o// // de nas dkyil 'khor thams cad yongs su gsal ba zhes bya ba'i don 'di gsungs so// zhi ba'i mgon gnas lha yi gnas// ri bo chen po 'dus pa'i rtse// gangs dkar shel gyis bltams pa'i 'dab// seng chen 'phyo ba'i gnas su bya/ khro bo'i dgon gnas dben pa ni// ri bo chen po tsan pa'i ngos// brag dmar po'i dkyil ngos la// stag dred 'phyo ba'i gnas su bya// ma mo dgon gnas dur khrod gnas// shin tu dben pa'i sa phyogs nas// gsar rnying ro'i 'dus sa na// gcan gzan 'du ba'i sa na bya// rdo rje rigs kyi gnas mchog ni// dur khrod dang ni lha rten dang // ma mo'i khyim dang yid du 'ong // gnas dang sa gzhi brtags pa der// bslang dang brtag dang sbyang ba dang // bgegs bskrad sa bzung dbang por bzhag/ 'jig rten sa bdag lha klu la// sa rin bcal te sa blang ngo // dur khrod gnas kyi sa blangs te// stegs bu 'dom gang gru bzhi pa// 'phang du chag gang bcal ba'i tshad// ba byung rnam lngas legs par bya// 'di skad yang gsungs so// bka' gsang rmad du byung ba'i dkyil 'khor du// de rjes dag pa'i rang byung bdud rtsi lngas// bde gshegs rigs lnga'i dngos grub bsgrub pa'i phyir// yang dag gsang ba'i dkyil 'khor chag chag 'debs// thabs dang shes rab ldan pa'i byin brlabs pas// gsang ba mchog gi dkyil 'khor chen po 'dir// gsang ba byang chub sems kyis thig 'debs kyis// ye shes gzhal yas pho brang lhun gyis grub// ces gsungs so// 'di skad yang gsungs so// khyab bdag ye shes bdag nyid can// bcom ldan rdo rje sems dpa' dang // yum chen kun tu bzang mo gnyis// deng nub bdag la dgongs su gsol// thugs brtser ldan pa'i dgongs pa can// khyed rnams la ni mchod pa'i phyir// dkyil 'khor bzang po sang bri yis// byin gyis brlab pa mdzad du gsol// gnyis med ye shes las byung ba'i// dkyil 'khor rdzogs par rab byas nas// gdan tshogs bkod pa ma nor bar// rang gi 'phrin las rnam par mdzad// dbyings dang tshad rdzogs bum pa bzang // nyi shu rtsa lnga'i rdzas kyis gang // rnam rgyal bum pa rab tu bzang // las kyi bya ba byed dang bcas// slob ma dag par byed pa dang // rdzas dang bcas pa dag rtogs bya// 'di skad yang gsungs so// rang byung lnga yi khyad par las// sa tshon ye shes lnga ru rdzogs/ khams gsum thugs rjes bsgral ba'i phyir// dag pa'i ye shes dri med bsgom// dkyil 'khor 'khor lo rtsibs bzhi pa// 'dzam bu na da'i gser 'od 'dra// de mtshan pad+ma ra ga la// mu khyud kang ka ri la grub// in dra ni la'i gru chad bcas// sgo bcas yongs su rdzogs pa'o// rdo rje dril bu mar me bcas// rdzas rnams byin gyis brlab par bya// rin chen bya ba kun rdzogs nas// rnam par rtog pa bgegs yin te// bgegs ni rang gi sems yin pas// sems la rang bzhin med shes na// gzhan na bgegs zhes bya ba med// cod pan bde gshegs ltar bsgoms na// sangs rgyas kyis kyang gnod mi nus// 'jigs las lhag pa'i bgegs rnams med// bstan pa tsam gyis gzhan 'pham pa'o// sems dpa' yi ni skyil krung gis// 'jam pa'i gdan la 'dug nas ni// zhe sdang rdo rje'i ting 'dzin du// gnas nas gnas bsrung rnam par bsam// rdo rje zhags pa lcags sgrog rgya// ban d+ha dgra sta lcags kyu bsnams// g.yas pa'i spyan zur bzlog pa yis// nyi ma'i dkyil 'khor bsam par bya// gu lang dbang chen lha dbang dang // nyi zla gshin rje tshangs par bcas// thams cad ma lus bsreg par bya// g.yon gyi spyan zur bzlog pa las// zla ba'i dkyil 'khor bsam par bya// gu lang dbang chen nye dbang dang // nyi zla gshin rje tshangs par bcas// thams cad ma lus zhi bar bya// yang dag gsang ba'i dkyil 'khor du// gsang ba'i dam can so so nas// 'dul ba las ni ma gtogs pa// kun kyang re ba bskang zin gyis// da lta nyid du so sor dengs// cis te bka' las 'das gyur na// rdo rje 'dzin rgyal khros nas kyang // rdo rje mtshon cha 'bar ba yis// thal ba bzhin du brlag par 'gyur// rdo rje'i 'gros dang stangs thabs dang // nga yi dkyil 'khor bstan bya'i phyir/ khro rgyal byin brlabs las byung ba'i// mtshon cha rnam pa sna tshogs kyis// dkyil 'khor rim pa tshul bzhin bsrung // rdo rje 'khor lo ral gri dang // dbyug pa rgya gram rnam pa lnga// rim pa bzhin du gtsang par bya// ci yang mi gnas cis mi shes// zhal gsum phyag drug rdo rje dril// lcags kyu ral gri dgra sta zhags// g.yas brkyang zhabs kyis nyi zla'i gdan// gnod mdzes rdo rje zo ba 'dzin// bdud rtsi zhal gsum phyag rgya drug/ rdo rje bdud rtsi rgyal chen po// gang zhig gnas pa'i mchog rnams la/ khro rgyal 'bar ba'i ki la ya// phyogs mtshams gdon rnams gnon par mdzod// Ta ki rA dza 'dod pa'i bcu// oM sum b+ha ni sum b+ha ni hUM/ grih+Na grih+Na hUM/ gri h+NA pa ya/ grih+NA pa ya hUM/ A na ya ho b+ha ga ba na/ bid+yA ra dzA hUM phaT/ A~M g+ha g+ha g+ha ta ya/ g+hA ta ya/ sarba duSh+TAn phaT/ kI la ya/ kI la ya/ sarba pa paM phaT/ hUM hUM hUM/ badz+ra ki la ya/ badz+ra d+ha ra/ A dz+nyA na pa ya ti/ ka ya wA ka tsit+ta badz+ra ki la hUM phaT/ 'di skad yang gsungs so// rin chen mdzes pa'i gzhal yas su// rdo rje sems dpa' la sogs pa'i// thugs rje che dang ldan pa yi// dkyil 'khor lnga la sogs pa'i 'khor// sku mdog so sor gsal ba yis// phyag mtshan rgyan dang cha lugs dag/ bskyed rdzogs grub pa'i lha dag bsgom// zhi ba'i mchod pa mnyes par 'bum// 'di skad yang gsungs so// dbyings kun rang bzhin rnam par dag pa las// thugs rje'i dbang gis sprul pa'i skur bzhengs pa// rdo rje dbyings kyi lha tshogs bzhi bcu gnyis// rang snang lha tshogs rnams la phyag 'tshal lo// ar+g+ha me tog bdug spos dang // mar me dri chab bshos sogs sgra// phyi nang gsang bar sbyar pa rnams// bdag dang mnyam pa'i mchod pa 'bum// au pa na sen/ pe nu su ra ta/ tis so pa ra mu// sarba ta thA ga ta si ti'u/ sa ma yo ta mu/ sarba ta thA ga ta/ ma hA su ka si ti'u/ au aHhUM// / 'di skad yang gsungs so// srid rtsa dbyings su shar ba'i mchod rdzas de// de nyid ma bcos yum gyi thig ler gsal// chags yum bde ba'i 'od dpung dmar la 'khyil// nyon mongs dbyings su bstim phyir ar+g+ha bzhes// 'byung lnga dbyings la ye shes bcud shar ba// snang srid mdangs ldan rang 'byung me tog gsal// gnyis med ngang la kha dog cir yang shar// 'bras bu bcud ldan me tog dpung tshogs 'bul// snod bcud gnyis med yab yum dag pa las// 'bras bu rang 'byung ye shes me shar nas// mtha' dbus med par gsal ba'i 'od 'bar 'di// 'khor ba'i mun khang gzhom phyir bzhes su gsol// gnyis med mkha' dbyings dag pa'i pho brang du// nyon mongs skyon bral dag pa'i byang chub sems// cir yang 'char phyir dri yi 'od dpung 'bul// zhal gyi dbyings su thim nas mnyes gyur cig/ nam mkha' kun bzang dbyings nas cir yang 'byung // byung ba'i 'bras bu 'dod pa'i yon tan lnga// lha bshos yid bzhin rin chen longs spyod 'di// sku gsung thugs kyi ngang du thim par bzhes// 'di skad yang gsungs so// sgra yi dngos po snang ba ni// yod par ma yin shin tu grag/ sgra yis rab tu tshim 'gyur yang // sgra nyid rang 'byung gang yang med// sgra 'byung ye shes mchod par 'bul// sku gsung thugs kyis mchod par 'bul// rang 'byung gdod nas dag pa yis// rtsa brgyad stong las sbyar ba'i sman// ra sa ya na la sogs rdzas// rigs lnga dam tshig lnga yi dngos// ye shes lnga rdzogs grub pa'i rdzas// rgyud drug sems can kun grol phyir// dug lnga sel ba'i bdud rtsi 'di// bcom ldan rigs lnga yab yum dang // byang chub sems dpa'i lcam dral dang // kun bzang yab yum thub drug dang // sgo skyong yab yum mkha' 'gro 'khor bcas la// rnam dag bdud rtsi dam rdzas mnyem mchod 'bul// thugs rjes dgongs te kun tu dgyes mdzad la// tshangs pa 'phrul gyi dngos grub stsal du gsol// dri med rnam dag nam mkha'i rang bzhin la// log rtog mtshan ma mang po sprin phung bzhin// ye shes nyi zer 'od kyis rab gsal phyir// dag pa'i don du rtogs nas mchod par bgyis// rmad du byung ba'i gtor ma dang // 'dod pa'i yon tan rnam lnga po// chos nyid skye ba med dbyings las// ji ltar dmigs pa bzhin du 'bul// rak+ta tsit+ta sha ra ni sra hA/ shri badz+ra d+ha pe d+hu/ shri badz+ra a lo ke hri/ shri badz+ra gan+d+he ga na/ shri badz+ra ra ga ne be te khA hi/ shri badz+ra rA ga girti hi/ sarba ta thA ga ta a rga pra tits+tsha ho/ oM aHhUM/ oM a hUM/ su ra to u ba b+h+yo/ ka ma la mA le/ badz+ra a mri ta/ ha ra na pra tits+tsha ho/ oM A hUM ba ling ta khA hi/ de bzhin gshegs pa rdo rje dbyings kyi dkyil 'khor gyi lha tshogs thams cad la bsnyen pa'i ting nge 'dzin to// kun gzhi gsang ba'i dkyil nyid du// rnam par shes brgyad 'khor du ldan// dpal chen ma mo brgyad dang bcas// rang bzhin dkyil 'khor gzugs brnyan dang // ting 'dzin gsal ba byang chub sems// dkyil 'khor thig gdab shes rab ldan// phyogs kun mnyam pa nyid grub cing // dkyil 'khor yang dag ji lta bar// rab tu brtag par su zhig nus// rang gi lha yi rang bzhin gyis// dkyil 'khor brtag pa 'grub pa 'byung // dbus su rgyal rigs dum bu gcig/ phyogs bzhir bram ze rgyal rigs dang // rje'u rigs dmangs rigs bzhi la bya// mtshams bzhir khrus mkhan gar mkhan dang // rje'u rigs btso blag mkhan rnams la// mi yi khrag la snag tsha bya// mchog gi rkang gi smyu gu yi// lha dgu so so'i snying po bri// ban d+ha'i mtshan gsol bzhugs su gsol// rdo rje'i rigs mchog chen po de// rdo rje dril bu rigs pa 'dzin// thabs dang shes rab gnyis su ldan// rtags kyis phyag rgyar bzhugs su gsol// zla gam dkyil 'khor yum gyi mkha'// ban d+ha bde gshegs sku yi sku// yig 'bru bde gshegs gsung gi gsung // mar me bde gshegs thugs kyi thugs// ye shes dgu yi snang ba dang // rdzas kyis mdzes par 'khor par bskor// ting 'dzin ye shes gsal ba'i phyir// mig gi brten yang mngon par bri// 'dod chags ye shes gsal ba'i phyir// mig gi brten yang mngon du bzhag/ mi dmigs chos la blo brtags shing // ye shes spyan gyi sprin stobs kyis// thams cad tshul bzhin byin gyis rlobs/ lhag pa'i brtags kyis kun mtshan nas// cir yang 'gyur ba'i yig 'bru bsam// 'das pa'i dus na sngon byung ba'i// bdag nyid chen po brtag pa yi// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad kun// shin tu khro zhing gtum par 'gyur// shin tu gdug cing khro bo yi// 'o dod 'bod cing ltung bar 'gyur// shin tu khro zhing gtum pa la// zhi bas phan par mi 'gyur te// shes rab zathabs kyi ngo bo yis/ khro bor de bzhin gshegs kun mdzad/ khro bo'i tshul can khros pas kyang // 'jig rten gsum dag sreg byed na// sangs rgyas thams cad khros pa yis/ khams gsum ma lus smos ci dgos// thugs rje che dang ldan pa yis// rdo rje sems dpa' de bzhin gshegs// dam tshig la sdang rnams sbyang phyir// dur khrod gar gyi phyag rgya gsal// pad+ma rin chen ldan byas nas// bde mchog sgyu ma'i rngas mtshon de// dbyings phyug bde mchog 'byung ba de// rang rig ye shes chen po'i 'od// bskal pa'i me dpung 'khrigs pa bzhin// 'od lus thogs ma'i gzugs la gzugs// 'bar ba'i tshogs ni rnam par bsam// 'di skad yang gsungs so// bde ba rgyas 'debs yab yum phyag rgyar gsal// bde ba rmongs byed gnyis su med pa'i ngang // bde ba zad byed 'phrin las sna tshogs sgrol// bde ba tshe 'phel skye shi med pa'i don// bdag med phyogs bral don dam thugs chud cing // byams dang snying rje'i dgra zan mi mnga' yang // gdug pa 'dul phyir dus las mi 'da' ba'i// 'jigs byed he ru ka la phyag 'tshal lo// khro mo dbang phyug sgra la nyer gnas shing // thabs dang shes rab 'brel pa'i dkyil 'khor nas// mkha' 'gro mi zad 'bar pa'i sprin 'phro ma// gdug pa 'dul mdzad yul la phyag 'tshal lo// nam mkha'i lus can gar yang thogs med pa'i// 'dod dgur bsgyur ba'i gzugs can 'phrul mo che// ma srid byams ma'i tshul gyis grogs mdzad ma// phyi nang mkha' 'gro'i tshogs la phyag 'tshal lo// 'di skad yang gsungs so// he ru ka yi gnas bcu dang // dur khrod chen po'i gnas brgyad nas// dpal chen khrag 'thung 'khor dang bcas// dur khrod mchog gi gnas 'di ru// zhing chen gsar rnying ti rar bcas// dmar gyi arga rgya mtshor bsgril// mkha' 'gro 'bar ba'i tshogs bcas kyis// ma lus gshegs nas bsnams su gsol// nga ni za byed chen po ste// khams gsum ma lus bsgral ba dang // gdul dka' ma lus 'dul ba'i phyir// sha rus la sogs za bar bya'o// nga ni khrag 'thung chen po ste// 'khor ba'i dra bas bcings pa kun// dmar chen bskyil ba'i rgya mtsho la// 'khor gyis mkha' 'gro tshogs dang rol// ma rungs 'dod la ma chags shing // dam tshig la sdang dgra bgegs rnams// ngo thon stobs kyis bsgral bar bya'o// shri badz+ra ka a mu ka sha ra ya na mo/ oM shrI badz+ra rA ga sa ma ya na mo/ oM shri badz+ra kha Dang+ga pra tsa ma ya ya na mo/ au shrI badz+ra g+han De dza la ya na mo/ sarba bu d+ha ga ta ban+ta da na ma ka ro mi/ ma hA yo gi ni/ a ti pu ho/ pra ti dza ho/ dzaHhUM baM ho/ shrI he ru ka i nan/ d+ha pe/ puSh+pa/ dI pa gan d+ha/ ba ling t+ta/ pra ti dza ho/ hri ban d+ha kha kha khA hi kha dzaHhUM baM ho/ shri he ru ka/ ma hA badz+ra/ a be sha ya/ a be sha ya/ pra be sha ya/ pra be sha ya/ pra ti dza ha/ shri ban d+ha kha hi kha hi/ dzah+ma ba haM/ shri he ru ka/ ma hA badz+ra sarba duHna/ sa ma ya mu tra/ ma ra kha khA hi kha hi/ hri da ya si pan+tu phaT/ shri he ru ka/ ma hA mang sa/ ma hA rak+ta/ ma hA tsat+ti/ ma hA ba su ta/ ma hA pan tsa a mri ta/ ma hA arge pra ti dza ho/ kha kha le le/ hUM b+h+yo hUM b+h+yo hUM/ 'bar pa'i rgyal po khrag 'thung thams cad kyi dkyil 'khor du bsgrub pa'i ting nge 'dzin to// zhag grangs dus ni brtag pa 'am// mtshan ma brtan po byung ba na// 'byung po mnan nam bzlogs byas nas// 'dod pa'i dngos grub dam pa blang // shes rab kyis ni blo phye nas// nges par brtags pa'i sa gzhi la// blo la nges pa'i lung 'di bstan// gnas tshul skur ba'i rim pa yis// phyi nang gsang ba rdzogs pa'i// dbang zhig rgyu lam 'bras bu'i bdag/ sku gsung thugs dang dbyer med pa// snum pa yi ni dam tshig dang // gtsang dang 'jigs pa'i brtul zhugs can// de dag goms nas nyams su blangs// bum pa bskyed pa'i rim pa la// nang gsang rdzogs pa rdzogs pa'i rim// sbrul sku longs sku chos kyi sku// ngo bo nyid sku yang dag thob// blo zhan shes rab chung bas ni// bsgrubs kyang 'grub par mi 'gyur te// phung byed gnyis ka sreg pas na// de bas gzhan du bstan pa min// dngos grub sbyisprin blang gsang ba'i dmigs zhes bya ba'i ting nge 'dzin to// 'jig rten 'das pa'i mdo las/ bsnyen bsgrub bstan pa'i le'u ste bzhi pa'o// // de nas bcom ldan 'das smin par byed pa'i lam yongs su dag pa zhes bya ba'i ting nge 'dzin la snyoms par zhugs nas 'di gsungs so// bum pa cod pan dbu rgyan dang // sku gsung thugs byin me tog bor// me tog 'phreng ba phyag rgya dang // ban d+ha bdud rtsi sha lnga dang // bsgrub rdzas lha cha kha tang phur// tshe dang rgyal po bka' brtags rnams// sku yi dbang de phyi ru bstan// sngon tshe tshe rabs grangs med nas// dge ba'i las kyis brten pa'i lha// lhag pa'i lha ni gang yin pa// da lta nyid du khyod la dbang // dpal ldan rdo rje sku 'chang ba// rdo rje mi phyed gsum bsgoms pas// deng bdag byin gyis brlabs nas su// rdo rje sku yi mdzad du gsol// phyogs bcur bzhugs pa'i sangs rgyas rnams// rdo rje mi phyed gsum bsgoms nas// deng bdag byin gyis brlabs nas su// rdo rje sku yi mdzad du gsol// sku gsung thugs rigs kyis de sbyin bya// chos dbyings yum gyi bum pa na// rgyal ba'i dkyil 'khor pho brang bzhugs// gnyis med byang chub sems brtags chus// spyi nas bstim zhing dbang bskur bas// khyod kyi bag chags byang gyur nas// lus la sangs rgyas bstim par shog/ thod pa 'phreng ba dbu rgyan 'di// sangs rgyas gtsug gi nor bu can// kun nas nyon mongs 'jig rten dbang // mi skye la sogs de grub pas// ye shes lnga ldan dbu rgyan 'dis/ khyod la dbang mchog bskur bar bya// bag chags nyes pa'i skyon spangs shing // 'khor ba'i nyes pas mi gos pa'i// ye shes lnga ldan cod pan 'dis/ khyod la dbang mchog bskur bar bya// 'di ni me tog rin chen 'phreng // rin chen rgyu las byas pa yi// byang chub yan lag 'phreng ba 'di// 'phags mchog 'gro don byed pa la// bsam pa yid bzhin 'grub pa dang // bar chad med pa'i dbang bskur ro// 'di ni phyag rgya'i dbang mchog ste// chos rnams sku gsung thugs kyi dbang // phyag rgya chen po'i rang bzhin du// rtag par bsgom zhing bsgrub par bgyis// chos nyid spros bral ka pA la// sku lnga lhun grub ka pA la// ye shes lnga ldan ka pA la// mi 'gyur g.yung drung ka/ pa la// yid bzhin gter ldan ka pA la// skal ldan dbang mchog 'di bskur bas// ci bsams 'grub pa'i dbang thob shog/ nyon mongs 'joms pa'i rdo rje dang // chos sgra sgrog pa'i dril bu 'dis// de ring khyod la dbang bskur bas// thabs dang shes rab 'brel bar shog/ gzugs mchog bud med lha yi tshogs// 'dod pa lnga yi yon tan dag/ chos nyid kyi ni rgyan yin pas// dga' 'gyur spyod pa'i dbang bskur ro// ban d+ha bcud yangs zab pa na// 'khor yug rtogs pa'i snod bcud kun// bdud rtsi lnga yi rang bzhin pas// rtag tu za byed zhal du bstim// mngon shes lnga la sogs pa'i// thun mong dngos grub ji snyed dang // rigs 'dzin gtso bo bsgrub pa'i// lcags kyu lnga yis dbang bskur ro// yi dam lha dang mi 'bral zhing // bar do bdud las skyob byed pa// mtshon pa tsam gyis bgegs las rgyal// rdo rje ming gis dbang bskur ro// rdo rje kha T+wAM 'di byin pas// dril bu'i sgra ni gsil ba yis// thams cad phab nas slar yang ni// khams gsum dag kyang 'tsho bar byed// khro rgyal 'dus pa sras kyi mchog/ sku gsung thugs su byin brlabs te// dgra bgegs 'joms pa'i mthu mnga' ba// phur bu 'di yis dbang bskur ro// sangs rgyas kun gyi bdag nyid ni// rdo rje sems dpa' che ba bzhon// deng 'dir khyod la dbang bskur bas// nad med bde mchog grub par shog/ gdugs dang rgyal mtshan go cha dang // snying po rnam lnga 'dod yon dang // rin chen bdun dang bkra shis brgyad// rgyal po rang rtags dbang thob bo// phan pa'i dbang zhes bya ba ting nge 'dzin to// ji ltar dus gsum rgyal ba yis// dam chos bdud rtsi char phab nas// skal ldan 'gro ba'i rgyud sbyangs shing // skal med kun gyi skyab mdzad ltar// de ring rdo rje slob dpon gyis// zhabs la btud de zhu ba ni// bdag gi rgyud rnams sbyang ba dang // 'gro ba rnams la phan don du// sngon gyi rgyal bas mdzad pa bzhin// gsang ba'i dbang mchog bskur du gsol/ khyod ni brtse bas gzung ba dang // 'gro kun byang chub thob bya'i phyir// dpal ldan bla ma bdag nyid kyis/ khyod la dbang mchog sbyin par bya// thabs ni g.yas kyi phyogs su de// de bzhin shes rab g.yon du'o// g.yon phyogs gnas la tshul bzhin du// ji ltar 'dod pa bzhin du sbyang // zhi dang khro bo'i rim pa'o// thabs kyi bdag nyid gnas lnga ru// dpa' bo 'bru lnga'i snying po la// rgyas gdab byin brlabs dbang bskur na// bde gshegs yab lnga'i dkyil 'khor gsal// de yi gzugs kyi phung po la// bde bar gshegs pa'i sa bon lnga// 'phros 'dus gsal bar gyur pa de// rgyas gdab byin brlabs dbang bskur la// bde gshegs lnga'i dkyil 'khor gsal// spyi bo gtsug dang lce yi steng // nu ma'i bar dang lte ba de// gsang gnas yan lag rnams su ni// yum lnga sems ma sgo ma dgod// gar mkhan tshul 'dra sgyu ma'i rgya// dpal dang ma brgyad la sogs pa// de la 'ja' tshon bzhin du gsal// lha rnams lha phrad 'od zer gyis// 'dod chags ye shes gsal ba'i phyir// 'bar ba sna tshogs 'khrigs pa'i 'od// dkyil 'khor spyan drangs mchod bstod nas// phab ste bstim pas yab yum gnyis// rgyal po rgyal mor byin gyis brlabs// bshang sgo dam tshig sgrol ma g.yo// sum mdor gos dkar mo la bskyod// lte ba'i dkyil 'khor drug cu bzhi// oM ni me 'bar bde ba khyab// de las 'bar bas skul byed pa// chos kyi dkyil 'khor brgyad 'bar hUM// de bab bdud rtsi 'dzag byed pa// sprul pa'i dkyil 'khor gso bar mdzad// 'gro mdo me la nyid ma yin// me 'bar sprul pa'i dkyil 'khor 'jug/ 'dzag pa'i lam 'gro chos gnas sregs// de bzhin mgrin pa spyi bor thon// nam mkha'i ba bzhos 'bab pa'i lam// shi ba'i gnas rnams gsol mdzad de// dbus kyi srog shing dang po'i gnas// mun nag zer tsam bzhugs par mdzad// bde rgyud mgrin snying lte bar 'bab// man ngag gnas 'dod rnal 'byor pa// rkang mthil me 'bar long tsa'i nang // bla'i rtsa chen gsang gnas 'dzod// rno myur drag po'i rtsub pa de// rlung gnyis me gsum sprul pa'i// dkyil 'khor drug cu rtsa bzhi pa// thig le 'thab mo'i bde ba can// chos kyi dkyil 'khor brgyad la gnas// thig le bde ba gyen 'bar bas// longs spyod dkyil 'khor bcu drug shes// sum cu rtsa gnyis nam mkha' ba// haM yig bdud rtsi thur du 'bebs// thim pa'i rgyal mor byin gyis brlabs// yab yum gnyis med sbyor ba yi// pad+mo rin chen ldan byas nas// rgyal ba yab yum gnyis med sbyor// byung ba'i dam tshig chen po yi// dbyings kyi bde mchog 'byung ba de// rang rig bde ba gsal ba'i rgyun// 'phros 'dus gsal ba'i byang sems kyis// slob ma byin brlabs dbang bskur bya// nyan pa 'chad dang bsgom pa dang // 'phrin las slob dpon dbang rnams ni// ji ltar lus kyi gnas lugs la// lha yi gdan tshogs tshom bu las// myong ba'i tshul gyis thob pa ni// gsang bas nang gi dbang sbyin pa// nang gi tshul du gsang ba zhes bya ba'i ting nge 'dzin to// rigs kyi yum lnga'i gzungs ma ni// dmar ser mnyam pa'i phyag rgya can// spyan 'phang dma' la gzi byin 'bar// 'khor lo'i phyag la ut+pal zhabs// dbu 'phang mtho zhing spyi bo ring // de bzhin rigs kyi gzungs mar shis// dkar gsal dung mdog sgeg mo'i gzugs// sha rus 'dril la rdo rje dbyings// mdangs can yid 'phrog u t+pal zhabs// dung can ma ni rigs mchog ste// rdo rje rigs kyi gsungs mar shes// ut+pal sngon po'i kha dog 'dra// gsal 'tsher lhun sdug gzi brjid 'phro// shes rab che zhing blo stobs che// blo gros zad med sems la 'char// rin chen rigs kyi gzungs mar shis// dkar la dmar chags pad+ma'i mdog/ chags pa che zhing yid gzhungs pa// mchu ni pad+ma kha bye 'dra// mig rtsa dmar zhing mdangs 'phrog pa// pad+ma rigs kyi gzungs mar shis// dmar ldang 'khrig pa'i ngo bo la/ khro btsan las rab don la brtson// sha rgyas chu zheng gab par 'dug/ lag gnyis rdo rje rgya gram 'chang // las kyi rigs kyi gzung mar shis// de nas shes rab ye shes dbang // slob ma mchog la sbyin par bya// gzungs ma de'i bdag nyid la// bla ma nyid kyis byin brlabs te// dngos grub 'bras bu myur thob phyir// slob ma bu la sbyin par bya// legs par nyon cig rigs kyi bu// bde chen kun bzang sgrub pa la// shin tu dad ldan shes rab ma/ khyod kyi grogs kyi dam par sbyin// mnyam pa gsum dang rab ldan cing // rig dag de ni sbyangs pas dag/ bsnyen pa yum la rab rtag cing // 'dod chags me 'bar dbab cing spel// gzungs bzlog bde ba'i ye shes so// rnam pa sna tshogs skad cig ma// nye ba'i bsnyen pa mchog bde ni// b+ha gar ling ga bzhag pa de// rnam par smin pa sgom bsrung dbab// bsrung zhing gzung bar bya ba'o// bsgrub pa rnam par rnyed pa las// bsgrub pa'i sbyor ba bral bde de// thig le bzung zhing bsrung bar bya// ru tra'i brtags rnams 'char ba dang // bsgrubs chen mtshan nyid dang bral ba// lus kyis 'gyur ba rnam grol dang // skye rag 'ching dang zhags pa 'phen// bde skyes gdon dang bag chags dang // nad bzhi za zas spyod lam dang // rigs ma nyid la chags pa bsrung // lhan cig skyes pa'i ye shes myong // ye shes bcu drug rab tu bstan// go rims rnam bzhi dbab pa dang // phyi nang gnas la skye ba dang // spang bya gzung 'dzin rnam rtog bzhi// rang gi ngo bo bde stong bzhi// ye shes bcu drug bdag las snyed// rdo rje pad+ma'i mthu yin no// shes rab ye shes rdo rje thod sbyor zhes bya ba'i ting nge 'dzin to// bkra shis mtshan ldan gsang ba'i yum// zhal nas ut+pal dang ldan cing // skad kyang ngang pa gzhon nu 'dra// mnyen lcug 'khril sdem gzhon tshul can// zla gsang dkar dmar rlung khur lce// pad+ma can gyi bu mo la// phyag rgya chen po'i dngos grub bsgrub// rdo rje rba rlabs lus ngag yid// srog shing dkon mchog gsum po la// khams gsum srid gsum lus ngag yid// gzung 'dzin spangs pa sku gsum dang // thabs kyi rgyud sbyong g.yas nas bskul// nam langs nyi shar glo ba 'dra// mgo nas don mdzad b+ha gar byon// shes rab gsal g.yon rgyu dag nas// rnam par sgo gsum ye shes bzhi// bde stong chung bas 'gro yid 'ong // 'bring la mngon shes shas tsam de// mchog la rdzu 'phrul ston pa de// de dag rnam smin rgyu mthun mthu// rdzogs chen mngon sum rnal 'byor pa// dam tshig don rtogs sems dpa' che// sa rnams yongs su sbyangs pa de// dpal chen khrag 'thung nyid dang gcig/ rdo rje sems dpa' dbyer med do// bde ba chen po nyid rdzogs pas// phyag rgya chen po lhun gyis grub gnas pa zhes bya ba'i ting nge 'dzin to// skyes bu rtogs pa'i blo gros can// dad pa'i sems dang ldan pa yis// srog lus man chad rdzas bcas rnams// ser sna med pa'i sems kyis dbul// 'jig rten 'das pa'i mdo las/ dbang bskur ba'i le'u ste lnga pa'o// // de nas bcom ldan 'das kyis gzhi gzung ba 'di gsungs so// bla ma rdo rje slob dpon dang // mched dang lcam dral thams cad las// lus ngag yid kyis gzhung 'dir 'bad// yi dam lha la 'bad pa yis// gtso bo sku la dam tshig gzungs// bzlas bsgom chos la 'phro 'du las// rgyu rkyen bzlas pas bskul ba ni// rgyun mi 'chad dam nyin zhag dus// stong ngam dus bzhir rab tu 'bar// gnas rdzas yo byad dus dang ni// dkyil 'khor phyag rgya sngags dang ni// rdzas dang sbas pa zab mo rnams// de dag mdor bsdus rab bstan pa// dam tshig mchog ni 'dir gzung ba// bla ma spyan grogs lha bsrungs dang // sngags dang phyag rgya gsang tshig rnams// bskur dang mi sbas byams pa dang // rgyun mi 'chad cing spel mi bya// 'di ni rtsa ba'i dam tshig yin// rtsa ba srog shing bsdus pa zhes bya ba'i ting nge 'dzin to// gti mug zhe sdang 'dod chags dang // nga rgyal phrag dog ye shes dang // dri chen byang sems sha khrag chu// khams bcud bdud rtsi rigs lnga'i rdzas// khyod kyis srog chags gsad par bya// bud med dag kyang bsten par bya// rdzun gyi tshig kyang smra bar bya// ma byin par yang khyod kyis long // rdo rje'i lam ni 'di dag gi/ sems can thams cad bskul bar bya// dka' thub kyis ni gzir mi bya// ci bde bar ni bde bar spyad// 'di ni sangs rgyas byed spyod yin// rnal 'byor longs spyod thams cad la// cis kyang ma 'jigs dga' bar gyis// sdig pa med kyis khyod ma 'jigs// dam tshig 'da' bar dka' ba'o// gzhan yang dam tshig nyams pa dang // skye bo gang dag dam la gnod// brtul zhugs khyod kyis de drongs la// khrag 'thung chen pos 'thung bar bgyis// skal ngan 'jig rten nyan thos la// nams kyang dga' bar mi bya/ ste// skal bzang rdo rje sems dpa' gtso/ khyod kyis rtag tu bsgrub par bgyis// rnam snang rin chen mtha' yas don// he ru ka ni rtag tu bsgrubs// phung po lnga yi bdag nyid 'di// bde gshegs rigs lngar mngon sangs rgyas// 'byung ba yum la rnam shes sems// phyi nang skye mched dbang po yul// sgo ba nyon mongs thub pa de// yid chos kun bzang yab yum yin// he ru ka sogs shes par bya// yan lag bsdus pa rnam par bstan// mi spang ba dang dang du blang // spyad par bya dang shes pa dang // bsgrub par bya ba'i dam tshig ni// chos dang sems su 'dres pa na// de la mi 'da' dam tshig yin// gang 'das rdo rje dmyal ba de// gso ba'i thabs la rab tu 'bad// yang ni spyi dang khyad par las// bsgrub pa'i dam tshig bsrung bar bya// ting 'dzin dgra ni chang dang gnyid// slob dpon bka' nyan 'khu 'khrig spangs// yid dam rgyud rten tshig mtha' spang // ru lu'i bro brdung chos nyid gnas// 'jig rten 'das pa'i mdo las/ dam tshig gi le'u ste drug pa'o// // de nas bcom ldan 'das kyis phyag rgya 'di gsungs so// 'brel pa las kyi phyag rgya dang // ma nges chos kyi phyag rgya dang // mi 'da' dam tshig phyag rgya dang // ma bcos sku'i phyag rgya'o// rang gi yi dam dag la dmigs// bcing ba dam tshig phyag rgya la// bsam pa chos kyi phyag rgya'o// byed pa las kyi phyag rgya la// bsgom pa phyag rgya chen po bsgom// bde bar gshegs pa'i sku la dmigs// dam tshig phyag rgya bde gshegs rigs// chos ni rdo rje'i rigs yin te// las ni rin po che yi rigs// phyag rgya chen po'i pad+ma'o// rtsa bar gyur pa'i phyag rgya ni// g.yas pa thabs kyi rang bzhin la// g.yon pa shes rab yum gyi dang // thabs dang shes rab ldan gyur na// sbyor ba'i phyag rgya 'byung ba'i rgyu// 'bru rnams bsnol te rtse sprad pa// bde ba chen po 'byin pa'i rgya// rnam par grol ba mtshon pa'i phyir// rdo rje 'khor lo rin po che// pad+ma ral gri dril bu 'bar// rin chen myu gu rdo rje 'bar// pad+ma dkar po rdo rje 'bar// gzugs mdzes rin chen 'phreng ba dang // pi wang gar mkhan mchog nyid de// klu shing chos kyi 'khor lo dang // rin chen rnyed dang ut+pal dang // me tog 'phreng dang spos mchog dang // mar me byug pa la sogs pa'i// kun bzang mnyam gzhag ye shes 'gro// yum gyur mnyam rdzogs pad+mo'i dkyil// pi wang dang ni gseg par dang // go cha po ti rin chen sgrom// me dang chu ni rab tu bstan// mi mgo gdengs dang rdo rje gnon// thod sbrul chen po gdengs pa dang // rdo rje rgya gram las kyis gnon// lcags kyu zhags pa s+pho ta ho// gar gyi rgyu dang gyi gyi gnas// gar gyi rgyur thabs rnam pa gsum// rdo rje khu tshur gar gyi rgyu// gar gyi gnas ni mkha' khung de// gar gyi rgyur thabs rnam pa gsum// g.yas su bsgyur dang g.yon du bsgyur// de bzhin phyogs bcur gar bsgyur ro// gar gyi rol pa sprul pa 'byung // phyogs bcur bde gshegs thams cad kyang // dang po'i dam tshig gar lags te// nam mkha' kun kyang gar gyis khong // da lta'i dam tshig gar lags te// sa gzhi kun kyang gar gyis khong // gar mkhan tshul du sangs rgyas shing // gsang gnas bde ba'i mchog de mdzad// ngo mtshar tshang ba'i lha tshogs la// rnam par grol bas mtshon pa'i phyir// dpal chen khrag 'thung phyag rgya ni// zhal gsum phyag drug zhabs bzhir bskrad// g.yas dkar g.yon dmar dbus mthing zhal// rdo rje kha T+wAM rde'u chung g.yas// dung dmar rgyu zhags khrung khra g.yon// dpal chen ye shes thabs kyi rgya// shes rab dbyings ma'i phyag rgya ni// zhal gcig phyag gnyis sku mdog mthing // g.yas pa shes rab thabs la brten// g.yon pa dung dmar gtso la stob// kro ti shwa ri dbyings kyi rgya// dpal chen khrag 'thung yab yum ni// 'bar ba'i gdan las bzhengs su gsol// ko'u ri ban dmar byis dbyug sngo// tso'u ri mda' gzhu 'gengs ma ser// pra mo chu srin rgyal mtshan dmar// pe ta byi za rdor 'phyar gnag/ kasma dung dmar khrag 'thung ldang // sma sha mthing nag byi snying za// tsan d+ha ser skya mchog lus 'brel// khro mo chen mo brgyad rnams kyang // 'bar ba'i gdan las bzhengs su gsol// 'jig rten 'das pa'i mdo las/ phyag rgya'i le'u ste bdun pa'o// // de nas bcom ldan 'das kyis thugs kyi snying po 'bru brgyad 'di gsungs so// oM ru lu ru lu hUM b+h+yo hUM/ skye med don la mnyam par gzhag/ mi g.yo mi bskyod mi blang ngo // sna rtse gsum la brtag bya zhing // nyams kyi ting nge 'dzin de ru sang // thig le lam gyi sna rtse la// gsang ba'i rtse mo byang chub sems// rnam shes sna rtse dbugs la brten// dpal chen thugs la sems dpa' gsum// ljags stengs dung khang lhun gyis grub// dbyangs drug blangs pa'i don drug grub// sngags kyi yi ge sgra sgrogs pa// des ni dkyil 'khor lha rnams bskyed// zab cing 'brug ltar sgra sgrogs pas// gtum pa gdug pa lhan ner 'gyur// 'khur ba dbugs kyi rlung 'byin gyis// khro bo khro mo'i sprul pa 'gyed// rdo rje srin po'i ngur sgra yis// gdug pa thams cad sba yang bkong // 'khung cing gdung ba'i sgra 'byin pas// gnod byed ma lus rdul du rlog/ tshangs pa'i dbyangs kyi 'dren tshul gyis// 'khor rnams thams cad dbang du sdud// rdo rje dbyangs kyi rjes 'gro ba// der ni ting 'dzin rab tu spro// ting 'dzin sgrub pa snying la gnas// yid la bsam pa cho ga yis// yid la gang 'dod 'grul par 'gyur// de phyir snying po 'di la brjod// bsnyen pa ma thon par dag tu// ma yengs 'dzab ni shib shib bzlas// bar bar mchod dang bstod pa bya// de dag bsgrub pa'i dus su yang // de phyir drag po gad mo che// khur ba dbugs kyi rlung 'byin pa// 'brug gi sgra ltar zab pa'i// phyag rgya 'di yi rnal 'byor pas// khams gsum dag kyang rgyas 'debs shing // thar par byed cing gsod par byed// sngags kyis lha ni gzi byin tshe// bzlas pa'i yon tan bzhi dang ldan// ru lu 'di ni ya mtshan che// ru lu 'di ni rtogs pa skyes// ru lu 'di ni sgrib pa sbyongs// ru lu 'di ni dngos grub thob// snod ni gzhal yas dkyil 'khor 'grub// bcud ni khrag 'thung lha dgur gsal// snang gsal bde ba'i stong par gsal// dkyil 'khor chen po ye gnas so// 'bru brgyad sngags la lha rnams rdzogs// rdo rje'i rigs kun thugs dang ldan// sngags kyi 'phro 'du ngag tu brjod// 'od zer 'phro 'du dbugs la bskyon// lha yi 'phro 'du yid la gsal// rlung gi 'od zer rnam pa bzhi// las bzhi dbyangs dang bcas pa yin// rnam shes dbugs kyi rta la skyon// sgo lnga'i yul nas mchod pa 'phro// ye shes nam mkha' mdzod nang du// zhing khams kun gyi lha rnams mnyes// rang gi rgyud la gnas pa'i// sgrib par gyur pa thams cad sbyongs// lha mnyes sgrib pa dag byed pa// 'bru brgyad sngags kyi mthu yin no// mchog dang thun mong la sogs pa// dngos grub las rnams sdud par byed// chos nyid go/ bgo chos nyid bsrung // chos nyid gnas so rnal 'byor pa// bsgom rgyud gsal bar ci nus bya// grangs dus mtshan ma rdzogs pa ni// rigs 'dzin sa la gnas pa de// sangs rgyas nyid du lhun gyis grub// 'jig rten 'das pa'i mdo las/ ru lu'i le'u ste brgyad pa'o// // de nas bcom ldan 'das kyis las thams cad yongs su rdzogs pa 'di gsungs so// lta ba spyod pa mthar phyin cing // 'phrin las dam tshig ldan pas 'grub// tshul dgu ldan pa'i bla ma ni// dbang skur ba'i slob dpon rung // yum dang ging g.yog 'khor dang bcas// rdul chags mchod stobs thugs 'thad 'gyed// me tog 'bras bu ldan pa'i ra// dga' zhing dben gnas yid du 'ong // ngang dang bzhad pa'i sgra 'byin pa// bsgrub pa'i gnas su bshad pa yin/ kha T+wAM rdo rje sa la gdab// 'chi bdag gshed dang 'bras pa'i phyir// gshin rje gshed po'i phur pas gdab// dug lnga skye shi rtsad gcad phyir// rdo rje sder mos blang bar byed// ro'i gshed dang bral phral ba'i phyir// slob dpon dang ni slob bu dang // gnas dang yo byad ldan gyur na// bsgrub pa'i las la 'jug par bya// nges par rab tu brtag pa gces// bsnyen pa rdzogs pa'i rnal 'byor pas// dngos grub myur du grub 'dod na// rdzas mchog mtshon ldan brtags te rtsal// rdzas bzhi gang la brtags sbyar te// rnal 'byor dbang phyug chen po yis// dur khrod rdzas mchog ma nyams pa// blangs te bsgrub par bya ba yang // rgyud bzang rigs btsun mtshan dang ldan// gtsang zhing bkra shis yid du 'ong // dus tshod rab 'bring tha ma la// dus la bab pas blo bur dus// bdag nyid dpal chen yab yum gyis// rgyal theb karma ging gsum la// dbang bskur bsrung ba byas nas ni// lag cha bskur te phonya mngag/ srid pa'i rgyu mchog bam chen de// rnal 'byor dbang phyug dngos grub rdzas// kha Ta mtshon cha thogs nas su// dpal chen khro bo'i ting 'dzin gyis/ khams gsum zil gyis gnon pa'i phyir// nyi zla'i spyan gyis btsal bar bya'o// khams gsum dbang du sdud pa dang // srid gsum zil gyis gnon pa'i phyir// rdo rje 'gros kyis btsal bar bya'o// gshin rje'i khang khyim gzhom pa'i phyir// seng ldeng phur bu sor brgyad la// stobs po che yi skur bsgoms la// drag sngags brgya dang rtsa brgyad bzlas// gson gyi bdud la gshin gyi lcags// gzugs dang mtshan mar bcas nas ni// phur bus btab ste ro shun gril// khung bur mnan de ro stod gzir// 'phrin las rnam bzhi'i gzir gnon bya// phyogs kyi gdon rnams brlag pa'i phyir// Da ki rA dzas bcings shing brtags// ro nyid gang la mos bsam pa// las kyi skar mas khyer nas ni// mkha' 'gro'i dam rdzas yin pa'i phyir// 'phra men ljon tshul 'gros kyis btsal// gnas su phyin nas mtshams kyang bcad// sgrom bur bcug la rgya yis gdabs// dka' bsgo phyogs bcing bsrung bar bya// dkyil 'khor zla gam sgo gcog pa// shar du bstan pa bris nas su// de steng ro ni lcog pur bzhag/ ro la lha rnams dgod pa ni// bdag nyid yab yum sa bon las// ta tha la sogs bcu gnyis dang // ro yi gnas su spros pa las// yan lag lnga la bsam pa ni// rigs lnga yab yum bsgom par bya// mdun rgyab gnyis su bsgom pa ni// A li kA li bsgom par bya// rnam shes dbang po yul dus na// sems dpa' yab yum bsgom par bya// spyi yi rgyab dang lce yi steng // rkang mthil yan lag thub pa drug/ lte ba mkha' khung bcu drug mdo// sgo ba yab yum bsgom par bya// chos kun rtsa ba sems nyid de// sems kyi snang ba gsum du shar// rang bzhin dkyil 'khor spyan drangs bstim// phyag 'tshal mchod de gnas pa dang // bzlas brjod bsnyen pa'i 'phro 'di yi// yang nas yang du smra bar bya// rnam smin zag bcas phung po la// phyag rgya'i dkyil 'khor gsal lha bkod nas// 'od zer 'phro 'dus sbyang byas nas// gnyis don mthar phyin phyag rgya dgrol// lnga pa la ni gnas gyur te// khrag 'thung dkyil 'khor gsal byas nas// phung po rdos bcas bems po des// phyogs bzhir bro bzhis sbyang bar bya// ye shes lha dang mkha' 'gro ma// thugs dam bskul zhing g.yar dam bsgom// ro yi bsha' thabs rgyab nas bsha'/ khrag 'thung lha tshogs rdzas su de// glo snying dpal chen yab yum de// mig dang sna dang rna ba lce// mchil ma mkhal ma mtsher pa'i snod// 'bras bu mtshan ma sogs pa sbyin// khro mo ko'u ri brgyad kyi sras// yang na snying dang bdud rtsi lnga// dpung pa g.yas g.yon bzhag sha dang // rgyu mchin mgo sha gsang ba rnams// rtsa ba'i lha dgu'i rdzas su bzhag/ lha nyid 'jongs nas longs spyod bya// lcang lor bcas pa'i ban d+ha gcad// mtshan brtag bcas pa'i ban d+ha de// dpal chen bzhugs pa'i rten yang yin// bdud rtsi la sogs dngos grub rdzas// zhing chen g.yang gzhi rgyu ma'i zhags// gling bu gzur bu mchog bur bya// bam gyis longs spyod ces bya ba'i ting nge 'dzin to// dang po rdul tshon rnam par bri// rigs drug 'gro ba'i maN+Dal bkod// shes pa dgug pa dang po de// gnyis po dkyil 'khor dbang bskur la// gsum pa bsnyen pa bzhi pa nye// lnga pa bsgrub pa bsgrub chen drag/ bdun pa sangs rgyas sa lung bstan// bar do drangs pa'i rim pa de// khro bos 'dren la zhi bas spor// rigs drug 'dren pa'i bum pa'o// ro dang mtshan byang la brten pa'i ting nge 'dzin to// rang bzhin gnas nas 'khor bar 'khyams// thugs rje rten pa'i gnas bzhi ru// rdul tshon khrag 'thung lha dgus 'gugs// bum pa'i nang du ngan song sbyong // rdo rje dbyings kyi byin gyi rlobs// ma'i lding bu chos kyi sku// gdod nas dag pa'i gnas su 'phang // gnas kyi cho ga zhes bya ba'i ting nge 'dzin to// dang po gnas lugs shes pa yis// ro la bkri ba'i dri ma spang // maN+Dal steng bzhag rang nyid lha// gtor ma bgegs sogs sbyin par bya// de nas lhar gnas shes pa dgug/ kha nas snying gi rnal 'byor bya// sna yi bu gar 'phro 'du bya// dbang bskur byas nas bsnyen pa nges// sa phyogs dkyil 'khor gur gyis dbub// bsreg khang steng du sbyang bar bya// ba bam karma kha tshe dang // nag sogs bsregs la dkar po bsngo// 'o ma blug la zhi bar bya// rus pa la ni tsha tsha bya// ro mes sbyangs pa'i ting nge 'dzin to// gzung 'dzin 'khor ba mi rtog pas// bde chen 'brel pa drug la 'dril// longs spyod rgad pas tshim pa la// chos nyid yon tan rang rgyud las// a nri su pri du dri dang // oM dang a hUM mdangs dang bcas// 'khor 'das chos la lag bcangs tshigs// ma bu ste ba 'brel pa sbrul// ru tra'i snying po k+Sha dang bcas// me rlung sbyor ba skul byed dang // g.ya' dang mchi mnyam nga 'dre// mya ngan la sogs lus la gnas/ kha sbyor snyen pa'i rang gnas sbyang // dkyil 'khor de ni lus su bshad// dkyil 'khor b+ha gar brjod pa ni// 'dod khams rigs ni rnam pa drug/ lha ni yi ge a dkar yin// mi yig sngon po nri zhes bya// lha ma yin la ser po ru// yi dgas pre ni dmar po la// dud 'gro du yig dud ka yin// dmyal ba tri yig nag po gnas// nyams dang gar dang sngags dang ni// mthong snang bag chags bcas pa ni// 'dod pa'i khams su de mi gnas// gzugs kyi khams nas bsam gtan oM// gzugs med khams su shes rab a// dbyings kyi snying po skye med a// ye shes snying po zung 'jug hUM// nye bar bsnyen te gnas par bya// drag po mngon spyod 'phrin las la// sman pa'i spyod pas bsgral ba dang // thabs shes 'brel pa ye shes dbyings// b+ha ga'i dkyil 'khor gsang ba dag/ thugs rje thabs dang ting 'dzin mthu// snang ba bkri drang gdul bya zhing // mi snang mchod sbyin 'dul ba dang // ma trang rnam gsum la sogs dang // ro la thugs rjes gzigs pa dang // zhing bcu yal bar mi dor phyir// gsang ba'i drag sngags ko'u ri dang // drag po las dang mthu nyid dang // gnas sbyang yum gyi ngang du bya// smod pa'i ma mo drag sngags bcas// mi g.yo phyag rgya chen po'i ngang // chos kyi sku las bzhengs nas kyang // sems can rnams ni khro ba'i phyir// rdo rje yang ni khro bar bya// mkha' 'gro la sogs sems can lnga// bsgrubs pa'i rdzas su gsungs pa yang // sdig med nyen dang ma 'brel ba'i// srog med sha khrag mchod don bya// gnas ngan sbyang dbul maN+Dal gzhag/ ye shes mkha' lding sder can gyis// 'khor ba'i bye phrug blangs nas ni// bu la ma mo zan ster bzhin// 'dus pa chen po'i tshogs la dbul// mi rtog ye shes rang bzhin de// 'dus shing tshogs pa'i dkyil 'khor bstan// thabs kyi rdo rje rnam grangs ni// chos dbyings chos nyid rab tu gnas// rdor dbyings dkyil 'khor bzang po 'dir// su dag phyir mi ldog par nges// zhing dang sbyor yul dag/ pa'i gnas// thar lam grol mchog rab tu dgongs// sta bon lha rnams 'gro don rdzogs// mi rnams sta bon sku gsung thugs// de ltar bsgrubs la brtson pa 'di// 'phags pa rnams kyi thugs rje mchog/ ma thob thob med sbyangs lags kyis// dus 'dir thugs rje ldan byin brlabs// khams gsum nas byung sems can rnams// rdo rje sku la khyad par gyis// 'od zer tshul du 'dus nas ni// de dag bdag gis gzugs la gzung // spros bsdu rdo rje thams cad kyis// sku dang ye shes mchog tu bsgral// las la bab pa'i rnam 'byor pa// dus la bab pa'i sems can ni// gnyis med phyag rgya chen po yis// dus la bab bo sa ma ya// mu mthar mi 'dzin skye 'gag med// rnal 'byor nyid la thod rgal du// khro gtum rngam zhing mdzad la sogs// sna tshogs byang chub sems kyi g.yo// khro gtum tshad med byams par snang // gso byed snying rje'i bdag nyid can// bsgral zhing stabs pa dga' ba'i mchog/ yal bar mi dor btang snyoms so// sems can khyod kyi phung po la// lus la me byung drod 'bar ba'i// me yi snying po raM zhes bya// rig pa'i ye shes me byung bas// khyod kyi dngos po bsreg par bya// sems can khyod kyi phung po la// lus las dbugs 'byung rlung ltar 'phyo// rlung gi snying po yaM zhes bya// rig pa'i ye shes rlung byung bas// khyod kyi bag chags gtor bar bya// sems can khyod kyi phung po la// lus la rlan byung chu ltar brug/ chu yi snying po khaM zhes bya// rig pa'i ye shes chu byung bas// khyod kyi bag chags bkru bar bya// 'od zer spro bsdu'i yi ge bya// bsgrub pa zhes su bshad par bya// sems can khyod kyi spyi gtsug na// yi ge a gcig gnas pa ni// lha ru skye ba'i rgyu yin te// rgyu drug 'khor ba rtsad bcad nas// rgyud lnga lam gyi sgo dgag phyir// oM zhes bya bar gsal bar bsgom// sems can khyod kyi lce stengs na// yi ge nri gcig gnas pa ni// mi ru skye ba'i rgyu yin te// rgyu drug 'khor ba rtsad bcad nas// rgyud lnga lam gyi sgo dgag phyir// oM zhes bya ba gsal bar bsgom// sems can khyod kyi snying ka na// yi ge du gcig gnas pa ni// byol song skye bo'i rgyu yin te// rgyu drug 'khor ba rtsad bcad nas// rgyud lnga lam gyi sgo dgag phyir// hUM zhes bya ba gsal bar bsgom// sems can khyod kyi lte ba na// yi ge pre gcig gnas pa ni// yi dgas skye ba'i rgyu yin pas// rgyu drug 'khor ba rtsad bcad nas// rgyu lnga lam gyi sgo dgag phyir// sro zhes bya ba gsal bar bsgom// sems can khyod kyi gsang ba na// yi ge tri gcig gnas pa ni// dmyal bar skye ba'i rgyu yin te// rgyu drug 'khor ba rtsad bcad nas// rgyud lnga lam gyi sgo dgag phyir// ha zhes bya ba gsal bar bsgom// mnyes stong skong grub 'bras bu sogs// rab tu gsal ba shin tu gtso// bu khyod rgyal ba'i sras ma yin// bu khyod rgyal ba'i sras yin na// dmyal ba'i gnas su ci ste 'khor// dmyal ba'i gnas su 'khor ba na// rkang mthil yi ge ha bsam ste// dmyal ba'i gnas kyi sgo bcad do// oM da ha da ha sarba na rag ga ti he tu hUM phaT/ bu khyod rgyal ba'i sras ma yin// bu khyod rgyal ba'i sras yin na// yi dgas gnas su ci ste 'khor// yi dwags gnas su 'khor ba na// lte bar yi ge swa bsgoms pas// yi dgas lam gyi sgo bcad do// oM pa tsa pa tsa sarba pre ta ga te he tu hUM/ bu khyod rgyal ba'i sras ma yin// bu khyod rgyal ba'i sras yin na// byol song gnas su ci ste 'khor// byol song gnas su 'khor ba na// snying khar yi ge hUM bsgom pas// byol song lam gyi sgo bcad do// oM ma tha ma tha sarba tir ya ka ga te he tu hUM phaT/ bu khyod rgyal ba'i sras ma yin// bu khyod rgyal ba'i sras yin na// mi yi gnas su ci ste 'khor// mi yi gnas su 'khor ba na// lce stengs yi ge AM bsgom pas// mi ru skye ba'i sgo bcad do// AM sarba du ra ga sarba kle sha hUM phaT/ bu khyod rgyal ba'i sras ma yin// bu khyod rgyal ba'i sras yin na// lha yi gnas su ci ste 'khor// lha yi gnas su 'khor ba na// spyi gtsug yi ge oM bsgoms pas// lha ru skye ba'i sgo bcad do// oM bar ra bi ta khad kha tsin d+ha hUM phaT/ nyon cig sems can rigs kyi bu// khyod kyi sha rus sa yin te// sa la sa yi rang bzhin med/ khyod kyi khrag ni chu yin te// chu la chu yi rang bzhin med// khyod kyi drod ni me yin te// me la me yi rang bzhin med// khyod kyi dbugs ni rlung yin te// rlung la rlung gi rang bzhin med/ khyod kyi sems ni nam mkha' ste// nam mkha'i dbyings su khyab gyur cig/ rnam shes spros bral chen po ni// snang stong yum ni chos kyi dbyings// rig stong sems ni ye shes te// bde stong las su ma grub pas// lus gzungs srog brten dngas snyigs kun// sku gsum don du shes par byos// khyod kyi pho nya ging ka ra// ka tar sngon po 'di long la// khams gsum sgrol bar dbang bskur gyis// skye shi rtsa ba khyed kyis chod// dur khrod chen po gdul ba dang // dbang du bsdu ba'i las tsam gyis// sangs rgyas kun gyis byin gyis rlogs// khams gsum thams cad bsgral ba'i zhing // sta na chen po'i las bya phyir// byams dang snying rje ldan pa yin// nyon mongs 'khor ba'i rgya dral lo// 'jig rten 'das pa'i mdo las/ thugs rje chen pos khams gsum rigs drug gi gnas sbyong bstan pa ste le'u dgu pa'o// // de nas bcom ldan 'das sna tshogs thabs kyi ting nge 'dzin la snyoms par zhugs te 'di gsungs so// zhal phyag gzugs su grub pa dang // gsung gi brjod 'byung yi ge dang // thugs rnams mtshon pa'i phyag rgya sogs// snang mdzad mtha' yas mi bskyod sku// bsnyen pa song ba'i rnal 'byor pas// slob ma dam pa'i don bya phyir/ khrus dang 'dag chal sku phyis la// rang gi dam tshigs legs bsgoms te// dbab pa'i sbyor bas ye shes gzhug/ dbang po'i skyon gsal longs spyod dbus// 'gro ba'i don la ji snyed bzhugs// sku gsung thugs rab tu gnas pa zhes bya ba'i ting nge 'dzin to// maN+Dal dgu pa'i pho brang du// bum pa lha yi gzhal yas khang // lha dgu'i ye shes sems dpa' ni// dkar po bum pa sa gnon can// bzlas brjod rab tu 'thems pa na// dgug dang bstim dang sbab pa dang // rgyas btab dbang bskur bkra shis brjod// dus dang gnas skabs rab tu brtag/ IM pu N+ye pu N+ye ma hA pu N+ye a pa ra mi ta a yur pu N+ye dz+nyA na saM b+ha ro pa tsa ya ka ri ni swA hA/ tshe dang gzi byin rab tu 'bar ba zhes bya ba'i ting nge 'dzin to// dkyil 'khor ling tshe dgu pa ru// dpal chen nyid ni dbus su ste// g.yas dkar g.yon sdug zhal// ti ra rdo rje khyung khra g.yas// rgyu zhags ban d+ha ti ra khong // sing nga kha ro bsnol ser seng // bya gri gnas lha snol ma stag/ sri la nag mo byis lhag wa// shra na dral lha mthing ka khyi// kri ta 'grin dmar rgyu mgo rgod// kang ka zhing phrag rnornal mgo ring // kha kha ga ri ban gri nag/ hu lu mthun tshogs rdor kru 'ug/ oM ma hA shri he ru ka ma hA kro ti shwa ri sa ma ya de bi shwa rat+na ta na hUM/ badz+ra si d+ha mu ka he/ badz+ra byad kri mu ka he/ sri la mu ka he/ shwa na mu kha hete/ kri ta mu kha he/ kang ka mu kha he/ kha kha mu ka he/ hU lu ka mu ka he/ IM na mo b+ha ga ba ti/ sarba dur ga te/ pa ri shra d+ha ni rA dzA ya/ ta thA ga ta ya/ a ra ha te/ saM myag sam b+hud d+ha ya/ tad ya thA/ IM shA d+ha ni shra d+ha ni/ sarba pA paM bi shwa d+ha ni/ shud d+he bi shud d+he sarba karma a ba ra na bi shwa d+ha ni swA hA/ dbu rgyan la ni bdag po dgu// drangs bstim nyes byas chu de ni// bkru ba dam pa rab tu bya// ngan song rgyun las rab tu grol ba'o// dpal ngan song las grol ba'i ting nge 'dzin to// 'khor 'das thams cad sems las byung // mnyam nyid chos rnams gnyis med pas// mi rtog pa'i ngang nyid du// ye nas chos rnams mnyam nyid bsgoms// bsregs sbyangs bkrus pa'i stong pa nyid// chos kyi dbyings su rnam par dag/ lha yi 'od zer khams gsum sbyangs// sems can ye shes lha dgur gsal// sa bon 'phros pas dngas snyigs rnams// 'byung lnga ye shes gzhal yas khang // ban d+ha sku yi phyag rgya la// mar me ye shes dgu dang bcas// gzungs ma sangs rgyas rigs ma las// bam gyi phung po rnam shes lha// dang por 'jig par sgo dbye zhing // phyag bya me tog bor ba dang // dngos grub gsol ba dbang skal byin// brtag gdabs gral bsgos dam bca' dbab// drangs te gnang ba byin pa dang // bgegs bskrad 'dod yon mang por gyur// spyad pa mang po spel ba de// nam mkha' mdzod du gang ba'o// 'dza' gad rdo rje sems dpa' nyid// dkar sham ma dang byang chub sems// chu ni ma ma ki yin te// tsho bzhir gcad la bya ba rdzogs// bdud rtsi 'khyil pa'i rnal 'byor pa// snod steng rta mgrin yum bzhir bcas// bdud rtsi lngas ni ban d+ha gang // phyag rgya sngags gyi sbyor gsum gyis// bsang bskrad dngos grub chen por bya// bsgrub gtor gzhal yas dkyil 'khor lha// mchod bstab gnas su gsal yang gdab// mchod sbyin bdud rtsi chen po de// khyab par 'dod yon bsam pa dang // sku gsung thugs dang byang chub sems/ khrag dang gzar bu snod dang bcas// chags pa'i rang bzhin ji ltar 'dod// dpal bshos rin chen phung po 'bar// ji ltar snang yang 'dod yon lnga// sangs rgyas kun gyi ting nge 'dzin// stong pa nyid ces rgyal bas gsungs// de bas rnam pa thams cad kun// stong pa nyid du dran par bya// A~M A hUM/ IM a hUM/ sarba pany+tsa amri ta hUM hri Sha/ oM ma ma kI/ kI rA ki rA/ a ti taSh+Ti swa maM/ oM d+harma a mr-i te bau shud+d+ha hUM/ A~M badz+ra rak+Sha kro ta ha na ha na hUM/ ka ya si d+hi au/ bA ga si d+hi A/ tsit+ta si d+hi hUM/ AM kro d+hi shwa ri/ sarba dra byam shro d+ha ya na/ IM A hUM/ AM b+ha ling ta/ te dzo ba ni ba la ba ta/ gu h+ya sa ma ye swA hA/ byin brlabs rab tu rdzogs pa'i ting nge 'dzin to// mthe bong chung mo rtse sbrad kyang // dkyil du mdzub mos 'dud byas la// mthe'u chung srid lag gung ltar bya// mkha' dbyings phyag rgya zhes bya'o// g.yas g.yon dpung dkar se gol gdab// khu tshur mtheb mdzub lu gu rgyud// thod 'phreng chen po de nyid do// mtheb mdzub mig tu srin lag bsnol// gung mo mthe'u chung rtse sprad bskyang // rlon pa srin mtheb sbas na skam// rnying pa dag ni tshil bu'o// g.yon gyi mthe bong g.yas mdzub tshigs// g.yas kyi mthe bong tshigs kar bsnol// g.yon pa'i mdzub mo zlum por dril// g.yas mdzub g.yon la gru bzhir gtad// lhag ma drug po thal sbyar te// 'phrin las rnam pa bzhi ru bya// mtheb bong gdug la thal mo rkyang // rdo rje gshog pa bya ba'o// rigs lnga gcig bsdus khro bos mnan// mtheb srin dbang rdzas a yis blang // rdo rje pad+ma mdzub mo bcang / khro bos nam mkhar gtan pa dang // lnga phral khu tshur rtse gsum gcig/ dang po rnams kyis lha la dmigs// gnyis pa dbang la dmigs pa de// lus rta phyag rgya shes pa'o// me tog khrag la gdug pa mdangs// mar me tshil la spos thal che// zan ni tshe la sha ni sman// chung ba zla ba tshod ma bran// a 'bras mi la rgud 'brum rta// pa na sa ni glang po ste// na le ge rgya bya ru bshad// a ka ru ni khyi ru grags// ngag brda phyag rgya shes pa'o// sngags rdzas ting 'dzin dmigs pas gsang // mchod pa dam rdzas dgra bgegs bskrad// mchod dang bshags dang btab par dbul// lha mi 'byor rjes tshogs gnyis rdzogs// tshogs kyi 'khor lo'i ting 'dzin to// phud dang lhag ma lhag ma phud// lhag ma dang ni phud gnyis bzhi// ji ltar byin rlabs rim pa bya// rdul tshon dkyil 'khor bri ba dang // lha yi 'khor lo rnam par bskyed// mthun pa'i dam rdzas bsags pa la// byin gyi brlabs dang gtor ma dang // drangs bstim zil gnan g.ya' pa bslang // phud lhag tha tshigs bsres pa dang // mchod sprin gtor ma gtang bar bya// a nu rag sha si b+h+yo/ pra ma ni b+h+yo/ ro'u tri ma b+h+yo/ be Shan be b+h+yo/ ko'u ma ri b+h+yo/ in tra ya b+h+yo/ me ka la b+h+yo/ a mri ta b+h+yo/ se'u mya b+h+yo/ dan ta hi b+h+yo/ rag sha si b+h+yo/ b+hag+ga si b+h+yo/ ra ti badz+ra b+h+yo/ ra ti ra ma ti b+h+yo/ e ka tsa ra b+h+yo/ ma nu ha ra b+h+yo/ si ti ka b+h+yo/ ba ya be b+h+yo/ ma hA ma ra na b+h+yo/ a ga ne b+h+yo/ tsa mun ti b+h+yo/ in tra na b+h+yo/ ba ru na b+h+yo/ ma hA ka la b+h+yo/ tsa ka la b+h+yo/ ku ma pa ka ra na b+h+yo/ lam po d+ha ra b+h+yo/ dbang phyug 'dus pa'i dkyil 'khor nas// ci bgyis bka' nyan pho nya'i tshogs// srin mo smug nag rdo rje thod rlon 'chang // tshangs ma dmar ser pad+ma bsnams// lha chen dkar ljang tri shu la// gtog 'dod sngon mo 'khor lo 'chang // gzhon nu dmar mo mdung thung 'phen// brgya byin dkar mo in tra gdengs// rdo rje ser mo tsan dan mthung // bdud rtsi dmar mo pad+ma bsnams// zla ba dkar mo pun ta ri// be con ldang nag dbyug to 'phyar// srin mo dmar mo thod khrag 'thung // za ba ljang nag ba su 'dren// dga' ba dkar mo ka ter 'chang // stobs chen dkar mo gshol 'dzin ma// rdo rje se mo spu gris gcod// 'dod pa dmar mo mda' gzhu 'gengs// nor srungs dmar mo bum pa 'dzin// rlung lha sngon mo ba dan 'phyar// gsod byed dmar mo ral gri so// me mo dmar mo gsal shing 'chang // phag mo nag mo mche zhags can// rgan byed dmar po zhing chung za// rna cha dkar mo khrag 'thung ma// chu lha sngon mo sbrul zhags 'dzin// rdo rje nag mo lcags kyu 'dren// rdo rje ser mo ra mgo zhags// rdo rje dmar mo lcags sgrog bsdoms// rdo rje ldang nag dril dkrol dgyes// oM u tiHbadz+ra lak+Sha a d+hi tiSh+Tha bud+d+hA na tsa ti bi ba tha hUM hUM phaT/ oM bud+d+ha badz+ra rad na pad+ma karma DA ki ni pra ti dza man ba lin ta/ oM hUM traM hri ha phaT/ dgug pa'i lcags kyu Da ki yin// gzhug pa he ru phyag rgya bshad// dbang du bya ba rta yin la// byin gyis brlabs la dam brdar mchod// oM Da ki a ka du ya/ pra be sha ya/ ban d+ha ya/ to sha ya/ sarba badz+ra ta ki hri da ya/ hUM dz+dza dz+nyA/ hUM baM ho/ ta ki hUM dz+dza/ A~M he ru ka ma hA badz+ra ad gad ta ya/ a gad ta ya/ pra pe sha ya/ pra be sha ya/ ban d+ha ya ban d+ha ya/ to sha ya/ to sha ya/ hUM hUM/ phaT phaT/ oM badz+ra pad+ma/ ma hA ba da/ bu mu ka ad gad ta ya/ pra be sha ya/ b+han+na ya mo ha ya/ do sha ya/ ha ha hri/ A~M a hUM/ u tsi ta badz+ra a d+hi tiSh+Tha swa maM hUM phaT/ oM badz+ra a mr-i ta a d+hi tiSh+Tha maM hUM hra hi/ sbyin sreg la bzlas mkha' 'gro bskyang // gter sbas dkyil 'khor bsdus pa dang // smon lam bkra shis bro brdungs de// dge bsngo ma dag bshags pa dang // rgyun gyi ting nge 'dzin nan tan bya// kun kyang sems can don du bsngo// lhag ma thams cad kyi mchog ces bya ba'i ting nge 'dzin to// zhi ba shar la rgyas pa lho// dbang ni nub ste drag po byang // zhi ba dkar la zlum pa la/ gru bzhi ser po rgyas pa'o// dmar po zla gam gru gsum nag/ rtse mo dbus cha lo 'dab rtsa// shing rtse me tog tsher ma can dang // bsreg gos dang gtor ma sems// phur pa ling ga btab nas ni// me yi lha la gzar bus dbul// de nas ye shes lha la 'o// oM sarba pA baM na da ha na/ badz+ra a mu ka sarba ban d+ha swA hA/ oM badz+ra puSh+pa ya swA ha/ oM bo d+hi bai k+Sha ya swA ha/ oM badz+ra la te ye swA hA/ oM tra ser ya swA hA/ oM swA hA ka ra ya/ oM ma hA da byi r+ya swA hA/ oM ma hA ba la ya swA hA/ oM badz+ra g+ha sma ra ya swA hA/ oM badz+ra ag na ye swA hA/ oM badz+ra bi dza ye swA hA/ oM badz+ra a yu She swA ha/ oM a pri ti ha ta badz+ra ya swA hA/ oM sarba saM pa de swA ha/ phyi dang nang dang de bzhin gsang // de kho na nyid la srogs pa'i// snang srid 'phrin las bzhi ru gnas// lnga pa yang na lhun gyis grub// sbyin sreg thams cad rab tu gsal ba zhes bya ba'i ting nge 'dzin to// 'jig rten 'das pa'i mdo las// mdzad par mang por spros pa'i le'u ste bcu pa'o// // bde gshegs thams cad la// sku gsungs bzhi lngar gnas mod kyang // rang gi grub mtha' de ltar snang // mi bzad rgyan gyi 'khor lor gnas// zhes gsungs nas/ sangs rgyas kun gyi bdag po/ rdo rje 'chang chen po ni/ chos kyi dbyings su thim mo// byang chub sems dpa' rnams kyis gsungs pa la rjes su yi rangs par gyur to// rdo rje snying pos rab tu bsdus te/ yongs su grags par gyur to// rjes su rnal 'byor bskyed rdzogs chen po'i mdo/ thabs kyi bskyod pa chen po'i rgyud/ 'jig rten 'das pa'i mdo las/ rgyud yongs su rdzogs pa'i le'u ste bcu gcig pa'o// // gsang sngags rdo rje theg pa thabs kyi rnal 'byor gyi mdo rdzogs sa ho// // dpal u rgyan gyi mkhan po pad+ma sam b+ha ba dang / zhu chen gyi lo tsA ba snrubs nam mkha' snying pos/ brag dmar dpal gyi bsam yas su gtan la phab pa'o// 'dis bstan pa dang sems can thams cad la phan par gyur cig//