བོད་ཡིག

e-texts produced with BDRC’s OCR application

bo las bshus te dag par byas yod do// / @#// o D+yan skad du/ b+ho d+ha uk+ko sma badz+ra/ bod skad du/ rig pa gcer bur ston pas rgyud mchog/ spros bral 'du ma byas pa'i spru la phyag 'tshal lo// 'di skad bdag gis bshad pa'i dus gcig na/ chos dbyings bde ba chen po'i gzhan rang gsal gyi gnas na rang byung gi ston pa snang ba mtha' yas la/ rang shar gyi 'khor thugs rje chen po la sogs pa 'khor 'das thams cad dang 'du 'bral med par bzhugs te/ rang grol gyi bstan pa gsal stong zhe na bral du skyong ba'i dus su/ nyid kyi thugs las shar pa'i rje ngan song kun skyob ces pa/ 'khor rnams kyi nang nas bzhengs te/ phyos bcur 'od zer bkye nas tshig 'dis bskul to// oM ma Ni pad+me hUM/ zhes pa'i sgra sgrogs pa tsam gyis// gtso 'khor rnams la 'od zer dkar po spros// bde gshegs mchod// sems can la phog/ sdig sgrib sbyangs/ thugs rje chen po'i skur snang bar byas so// yang oM A hUM hrI/ oM ma Ni pad+me hUM/ zhes pa'i sgra sgrogs 'od zer dmar po spros/ bde gshegs mchod/ sems can la phog/ sdig sgrib byangs/ thugs rje chen po'i gsung du snang bar byas so// yang oM ma Ni pad+me hUM/ zhes pa'i sgra sgrogs// 'od zer mthing kha spros/ bde gshegs mchod/ sems can la phog/ sdig sgrib sbyangs/ yid rdog thams cad thugs rje chen po dang gnyis su med par gyur to// rnam snang spros bral sku gsum gyi lta stangs la bzhugs so// rgyud kyi rgyal po rig pa gcer ston las/ gleng gzhi le'u ste dang po'o// // de'i tshe thugs rje chen po ngan song kun skyob chen pos 'di skad ces bskul to// e ma ngo mtshar rmad kyi chos// rig pa'i don de bdag la stsol// ces pa dang // ston pa ting nge 'dzin las bzhengs te bka' stsal pa/ e ma ho rang rig bde chen mchog/ thog mar rang rig spros bral 'di// bdun la khyab ste ngo bos stong // ngang gis gsal bas 'dzin pa med// 'gag med shar bas kun gyi gzhi// rgyu nyid rkyen bzhi der rtog gis/ khams gsum 'khor te rgyud drug 'khyams// de grol thugs lta 'dod na// mtshan nyid bcu ldan bla ma yis// bcu bzhi ldan pa'i slob ma la// gang zag rab 'bring gang yin kyang // dang por yid ches lo rgyus bshad// the tshom chod dus yid ches pas// gdams pa khungs btsun byin rlabs 'jug/ de nas dben pa'i sa phyogs su// slob ma thog mar smin byed pa// de yi dbang la rnam bzhi ste// spros bcas dang / spros med rab tu spros med yin// dbang po yang rab rtse mo la// shin tu spros med ldan par bya// de yang thog mar sbyor ba brtsam// sngon 'gro dngos gzhi rjes dag dang // smin grol gnyis pos bcings te ldan// yid mthun gnas su dal bris la// phyi nang dbang chas tshang ba bsag khrus byas bgegs bskrad me yis sreg/ nang gtang gral bya drang don bshad// bgegs bskrad 'phrin las gzhung srong bya// zhi khro'i lha tshogs tshogs kyis mchod// dngos gzhi slob mas maN+Dal dbul// tshig rjod bla mas gnang ba byin// mna' bskyal skyabs 'gro sems bskyed bya// sdom pa 'bog cing dbang rten dbul// bod deng gsung gi byin dbab cing // mna' chu blud la khas blangs te// zhi khro sku gsum lha tshogs kyi// lha de'i dbang bzhi smin par bya// yang na bsdus te bskur 'dod na// sngon 'gro'i rim pa rdzogs pa'i tshe// sku dbang lus la bskur bar bya// spros med gsang dbang ngag la bskur// tshig don bsams pas don mthong 'gyur// oM ma Ni pad+me hUM hrI/ rab tu spros med rtsal gyi dbang // sems la bskur cing don la bdag/ de dus rig pa'i ngo sprod gdab// shin tu spros med dbang la ni// dkyil 'khor tshom bu lnga ldan te// shel dkar bzhag la ngo sprod gdab// rig pa rtsal gyi dbang mchog ni// bskur ba'i snod mchog re 'ga' tsam// bdun las mi mang dben sar phyin// mkha' 'gro mchod la nyams byin dbab// gcer bur phyung la spyod pa rkyang // de yis skyes pa bogs dbugs dbyung ngo // skyes chen bskal pa rab rnams la// tshogs 'khor brgya rtsas mkha' 'gro mchod// lha grub thod rgal dbang mchog bskur// lus gnad gsum ldan dbyangs la gtad// mi 'da' ba gsum dam bca' zhing // ri dwags bzhin du rgyu bar bya// kun la bskur ba bzhi rdzogs te// gtor ma dag la sku gsum rdzogs// dkon mchog gsum gyi ngo bo nyid// rtsa ba gsum dang dbye ba med// thugs rje chen po'i lha tshogs kun 'dus pas// kun la gtor ma'i 'brel pa bzhag/ dbang / mchog thams cad re re'i mthar// bu dang chung ma nor dbyig dang // sku la dro pa zhal du brda// thugs su byon pa dbul bar bya// yon tan dgos pa dgu yod phyir// ser sna spangs la gus pas dbul// lhun bsgrub zod rgal dbang thob nas// thugs rje che dang dbye ba med// rig pa rang tshug thub pa de// sangs rgyas stong dang skal pa mnyam// thugs rje chen po yang gsang 'di// sgor zhugs skyes bu skal bzang des// dam tshig sa ya 'bum sde bsrung // bsdus pa nyi shu rtsa brgyad yin// de bsdus gsum po bsrung bar bya// bsrung du med pa'i dam tshig dang / ye bsrungs chen po'i dam tshig dang // bsrung mtshams bral bar sus rtogs pa/ de tshe tshad du phyin pa'o// zhes gsungs so// smin par byed pa dbang gi le'u ste gnyis pa'o// // oM ma Ni pad+me hUM hrI/ yang zhus pa/ e ma ngo mtshar rmad kyi chos// rig pa'i don de 'grol du gsol// ces pa dang / ston pa snang ba mtha' yas des bka' stsal pa/ nyon cig thugs rje'i rig pa mchog/ 'grol ba'i gdams pa gsum yin te/ re re la yang gsum gsum bstan// thog mar yid mthun gnas dag tu// mtshan nyid ldan pa'i bla ma yis// snod dang ldan pa'i slob ma ni// bdun lam nyi shu rtsa gcig la// smin nas phyi nang grub zag gcad// dgos pa yo byad 'dzom pa dang // mtshams khang gru bzhi bkod legs nang / 'jig rten bya ba rab spangs la// mi rtag pa la blo sbyangs bya// de yis blo dman ngag log de// dgos med rgyud la skye bar 'gyur// thugs rje byin rlabs zhugs pa'i rtags// de nas 'khor ba'i sdug bsngal bas// lha la 'pho lhung lha min mtshon// mi la skye rgas brgyad 'gyur dang // byol song bkol spyod yi dgas bkres// dmyal ba tsha grang thar med la// yang yang bsams pas skyo ba skye// blo sna dril gyis brdungs pa na// rnal 'byor chos phyed tshar ba yin// de nas sdug bsngal bsgrub pa dang // thugs rje'i zhing du 'gro ba'i phyir// phyi nang gsang ba'i skyabs 'gro bya// oM ma Ni pad+me hUM hri// rang byung rigs pa thugs rje che// 'gyu grol shes pa ngo bos stong // sku gsum brgyud pa'i bla ma la// bdag 'dzin bral bar skyabs su mchi'o// de nas theg chen don zhugs phyir// smon 'jug gnyis kyi sems bskyed la// kun la phan sems dag snang sbyang // pha ma lta bur byams sems dang // sdug bsngal mi bzod snying rje dang // byang chub 'dod pa'i dga' ba dang // nye ring med pa'i btang snyoms sgom// 'di 'byongs bdag gzhan don gnyis 'grub// oM ma Ni pad+me hUM hri/ thugs rje chen po'i lha tshogs dgongs// de nas 'khor ba ma stongs par// rigs drug sdug bsngal skyob bya'i phyir// bla med smon par sems bskyed do// oM ma Ni pad+me hUM hrI// skad cig dang po chos sku yi// bcos slad bral ba'i ngang du ni// stong la 'gag med gsal btab nas// 'khor dong sprug par sems bskyed do// de nas byin brlabs sgo dbye phyir// gsum ldan bla ma spyi gtsug mos// byin brlabs rtsa ba bla ma de// 'khor ba'i sdug bsngal bskyab pa'i pha// thar pa'i lam skas ston pa'i ma// dgos 'dod thams cad 'byung ba'i nor// sdug bsngal chu bo sgrol ba'i gru// bla ma mchog la gsol ba gdab// rig pa gcer bu lding sa 'di// dang bas shugs kyis nang nas ston// bla ma'i drin gyis rtogs par 'gyur// bdag gzhan tshogs gnyis rdzogs bya'i phyir// sa shing rin chen rdo 'bur la// maN+Dal gcig gnyis bdun gsum dbul// sgrib gnyis dag ste sku gsum thob// oM ma Ni pad+me hUM hrI// ngo bo skye med chos dbyings su// rang bzhin 'gag med longs spyod gsung // thugs rje kun shar spro bsdu'i tshig/ kun grol snang rig klong du dbul// thugs rje'i lha tshogs thams cad la// 'khor 'das zang thal 'di dmigs pas// skyes grol chos tshig rang zad de// snang gzhi ma la thim par shog/ gzhi la dge sdig mi gnas kyang // blo bur las sgrib dag bya'i phyir// nyams chag gso zhing bshags pa bya// de yis mya ngan 'das la reg/ 'khor ba dong sbugs sku lnga thob// de nas lus 'di ma rig pas// bskyed phyir rigs drug sa bon gnas// de nyid dag par bya ba'i phyir// rigs drug lus gnad rus shan dbye// rnam snang chos bdun spel bya ste// lus sgrim sems glod ngo bo brtag/ de nas lus snang ngo bo ni// nang tshangs 'bol ba'i 'phongs phrag khar// dmyal ba'i lta stangs pus 'og tu// lag pa phyi nas sa la sbyar// mig mi 'gul bar bar snang ltar// bdun du hUM mthing thig la khad// lhang de lhan ne sems gzung ngo // yi dgas lta stangs lag pa gnyis// mdun nas kha sbub sor mo rnams// tshangs 'og brkyang la brkang gnyis brkyang // tshigs sprad me ser sems gzung ngo // dud 'gro'i lta stangs rje ngar khug/ pus mo gnyis la bcug nas ni// rkang lag snying khar thal mo sbyar// mgrin dgug mig ni snying khar gtad// yi ge pad ldang bsgom par bya// mi yi lta stangs mthil bzhi sbyar// lag gnyis spyi bo rkang gnyis mdun// dkyus rings sgal tshigs bsrang bya sde// mig 'bras par snang gtad byas la// thugs rje'i thugs khar hri dmar sgom// lha min lta stangs rkang g.yas mthil// g.yon pa'i pus stengs nas gang bteg/ lag pa gnyis kyis rtsa rlabs gnan// bar snang mig gtad ma sngon sgom// lha yi lta stangs skyil krung bya// thal mo rgyab sbyar lhod de grod// bar snang rma bya'i gdugs 'khor steng // yi ge oM dkar zhun mar bsam// de nas ngag gi ru shan dbye// yi ge bdun gyi 'dzab dbyangs la// nyi shu rtsa gcig bar du byang // snang srid gzhi bzhengs 'dzab dbyangs dang // rdo rje 'gu ru'i 'dzab dbyangs dang / mkha' 'gro ma yi gdung dbyangs dang // lcog chung bya yi 'gyur 'dzab dang // stag mo grus mi nyer 'dzab dang // sho na sbrang mo'i 'dur dbyangs dang // seng ge dkar mo'i 'ging dbyangs dang // g.yu 'brug sngon mo'i rngur 'dzab dbyangs lta bu ste// 'jigs byed khro bo'i gtum dbyangs dang // sha bo'i gcig 'grog 'dzab dang bro brdungs ma// zhi ba'i lha 'dzab mnyen lcug dang // bung ba tshag 'tshol mgrin dbyangs dang // pi wang rgyu dbyangs lta bu ste// tshangs pa lha yi rgyud dbyangs dang // na chung mgrin ma'i lcong dbyangs su// dmigs pa dang bcas bzlas par bya// de yis thugs rje'i gsung du grol// chos sgo kun la mkhas par gyur// dngos gzhi ngo sprod rim pa ni// gang zag dbang po'i khyad par gyis// tha ma bskyed rdzogs gdams pa bsten// 'bring la zhi lhag dbyer med de// rab la lhun grub ngo sprod gdab// oM Ni pad+me hUM hrI// dang po bskyed rdzogs sgom pa ni// sku yi thugs rje dkar po nyid// phyi sgrub kyang gcig rgyan du bsgrub// oM ma Ni pad+me hUM hri// gsung gi thugs rje dmar po ni// snang mtha' dag dang dbye ba med// chos sku zhi ba'i lha tshogs bsgrub// hUM swa a ha/ mu~M laM byaM taM/ ma g+ha me ka pa tsa wa/ kha sa tsa ma// ka b+ha ra dza/ pha g+ha dza la/ dza hUM baM ho/ sarba sid d+hi pha la hUM hUM// thugs rje'i khro bo rta mgrin dbang // dkyil 'khor gtso bo rdzogs pa ru// longs sku zhi khro'i lha tshogs bsgrub// oM badz+ra kro ta h+ya gr-i ba hUM phaT badz+ra/ badz+ra rad na pad+ma/ karma kro ta/ sarba dza hUM ba ho/ yon tan 'phrin las dkyil 'khor ni// thub drug stong rtsa mkha' 'gro sogs// sbrul sgra'i lha tshogs rdzogs par bsgrub// oM ma Ni pad+me hUM hrI// oM ta thA g+ha ta/ ha ri ni sa a/ ra dza hri ya hUM/ sarba d+ha ki ni tsit+ta hring hring / sa ma ya shan ting pus ting bshang ma ra ya hUM hUM phaT/ sku gsum gcig tu dril nas ni/ bde gshegs gcig dril dngos grub bcud// rgyal ba'i snying khrag 'di yin no// oM AHhUM/ 'gu ru d+he ba DA ki ni/ sarba ta thA ga ta si d+hi pa la hUM/ oM ma Ni pad+me hUM hrI/ ka ya wA ka tsit+ta d+harma sid+d+hi hring hring // rgyun khyer thugs rje kun 'dus 'di// dkar po zhal gcig phyag bzhi ste// bla ma yi dam DA kis bskor// 'gro chag nyal 'dug ma yengs sgom// oM ma Ni pad+me hUM hrI// badz+ra 'gu ru pad+ma sid+d+hi a yu sid+d+hi a ha ra a hA ra hUM/ a ha ri ni sa hUM/ de ltar sku gsum lha tshogs la// bdun nam bcu bzhi nyer gcig tu// gsum 'bum grangs su sus 'dzin pa// dus gsum sangs rgyas dngos grub thob// mchog thun yon tan brnyes pa dang // mngon par rdzogs par sangs rgya'o// 'bring la ngo sprod gdab pa ni// dang po zhi bar gnas pa de// mi skad khyi skad med pa'i sar/ rnam snang chos bdun legs byas la// tshogs drug 'tsho ba rab spungs te// mdun du khru gang shing rtse la// mthing shog steng du hri dkar bri// ma yengs dal bus zhag gcig gzhag/ de dus sgom gyi rkang pa zin// de nas lhag mthong ngo sprad la// dang po snang ba sems su bzhag/ thams cad sems su thag chod na// de nas sems 'dangs sems ngo brtag/ rtsal 'dangs khyad par shes pa na// de nas sems kyi ngo bo de// dang po gcig dang tha ma'i bar// byung gnas 'gro sa dbyibs kha dog/ dpe ming che cung yod med brtag/ spros bral rig pa gcer bu la// zang thal ka dag rtogs gyur na// thugs rje chen po'i thugs yin no// sems ni dus gsum sangs rgyas kyis// ma gzigs mi gzigs gzigs mi gyur// ma gzigs pa de rig pa'i mchog/ ci de rig par gcig tu na// snang ba 'di dag med pa de// yang dag du gang snang // rnam par shes pa 'khrul par snang // 'khrul pa yin phyir ngo bo med// phyi nang chos rnams stong pa yin// 'khor bar 'khyams pa'i mkhan po med// rnam mkhyen thar pa thob mkhan med// med pa'i phyir na snang ba yin// yod na snang ba mi srid do// de phyir snang ba rang rgyud yin// rig pa gcer bu'i mtshan nyid 'di// pho mo ma yin ma ning min/ kha dog ma yin dbyibs ma yin// gnas lugs ma yin gang na med// skye yang stong la snang yang stong // 'di la gsal cha tsa yang med// gzhag par bya ba cung zad med// yang dag nyid la yang dag lta// yang dag mthong na rnam par grol// ma mthong ba ni mthong ba'i mchog/ de ni thugs rje chen po yin// byung ba'i khungs med stong pa de// chos sku snang mtha' nga dang mjal// gnas pa'i yul med pa der gsal// longs spyod rdzogs pa'i sku dang mjal// thugs rje chen po de nyid do// 'gro ba'i lam gtor dang der yal// sprul pa'i sku dang der 'jal nas// stong gsal shar grol yan par bzhag/ snga phyi'i dran rtog zang thal dang // rig ge sang nge sal le ba// rgya mtsho'i chu dngas ji bzhin no// da lhalta'i shes pa rang so la// chos sku bzhi ldan rang bzhin babs// mig 'bras mi g.yo hrig ge ba// hrig ge ba la dran pas gzung / ye re ba la shes pa dal// sprin med ston kha'i nam mkha' 'dra// sal le wal le mtha' dbus med// lus 'di dur khrod mi ro ltar// gces 'dzin bral bar khris se gzhog/ ngag ni na chung bde ba 'dra// sems ni bar snang 'ja' tshon 'dra// rnam rtog sbrul gyi mdud pa 'dra// tshogs drug me long gzugs brnyan 'dra// wal le ba la dngos po med// rtogs pa grol ba zugs rje'i thugs// nor bu chu dngas dpe bzhin no// e ma ngo mtshar 'di rmad byung // e ma 'di ni bde gshegs thugs// e ma 'di ni snang mtha' dngos// e ma 'di ni thugs dbye med// e ma 'khor ba dong spug ngo mtshar che// zhes gsungs so// rgyud kyi rgyal po rig pa gcer ston las/ grol ba'i gdams pa ngo sprod bstan pa'i sku ste/ gsum pa'o// // sdom// oM ma Ni pan+de hA hri/ yang zhus pa/ e ma ngo mtshar rmad kyi chos// rig pa'i ngo bo bstan du gsol// ces pa dang // ston pas bka' stsal pa/ nyon cig rig pa thugs rdza mchog/ srid pa'i mtha' nas tshogs rdzogs shing // las 'phro skal ldan yang rab mchog/ snod ldan dbang po rtse mo la// lhun grub ngo spyod gdab bya ste// thog mar lhun grub dbang bskur nas// mi 'gul mi 'da' dam bca' la/ dpe yis ngo spyod gsum gdab cing // rtags kyi yid ches gsum yang bstan// don gyi sku gsum bzhugs stangs la// gzigs stangs rig pa dbyings la btsun// mthong dang rgyas dang 'byongs pa dang // thim pa bzhi yis mthar phyin 'gyur// rig pa thugs rje chen po de// rang gi snying gi dkyil na gnas// ngo bo stong par zang thal le// rang bzhin gsal bar phra lam me// thugs rje ma 'gags rjen lhang de// dper na man shel dngas pa 'dra// gzugs sku me long mig sbyar bas// 'ja' 'od klong du rdzogs sku gsal// snying nang gnas par shes bya'o// nam mkha' dngas pa'i dus su ni// ma'i dkyil 'khor gsal ba'i steng // seng ras bkab la dbang po gzir// sbrul sku'i zhing khams dpag med de// rig pa'i rang slu 'gyu ba mthong // dpe yis de la ngo sprad de// chos sku thugs rje chen po de// stong gsal shar grol lhang nge ba// snying gi dkyil du gnas pa ste// sems dpa' sems ma sgo mar bcas// longs sku thugs rje chen po de// zhi khro rigs lnga dbang phyug bcas// klad pa'i dkyil na gnas pa yin// sbrul sku thugs rje chen po de// mkha' 'gro thub drug sgo mar bcas// rtsa khams pas spu khyab par gnas// rta gsum dag gis yid ches 'gyur// de don sngon du lha 'dod na// tshogs gtor brgya rtsas mkha' 'gro mchod// las sgrib nyams chag bshags pa bya// dben pa'i ri rtser bde ba'i stan// dang po chos sku'i bzhugs stangs ni// rnam snang chos bdun sgom 'khar bcug/ mig ni gyen la bzlog par bya// rig pa mthong ba'i dus zhes pa// dkar dmar ser ljang snam bu la/ rdo rje rin chen pad+ma dang / khri dang rgyab yol dbu sogs mthong // 'di nas 'khor bar zlog mi srid// gnyis pa longs sku bzhugs stangs ni// lcar nyal rkang pa thar gyi brkyang // lag gnyis mi bskyod nyi zer drang // zim bus dbyings la blta bar bya// phyir mi zlog pa'i tshang zin no// rig pa rgyas pa'i dus zhes pa// gyen 'dreng rtsibs shar za 'og ris// sku rdzogs gsum ldan lnga ldan dang // sems dpa' sems ma sgo ba mthong // dug lnga tshogs brgyad bdud bzhi dgrol// 'di dus mngon shes rdzu 'phrul 'char// gsum pa sbrul sku'i bzhugs stangs ni// tshogs su zad kar zur khrid du// ngag ni rlung dal ma yengs sgom// rig pa 'byongs pa'i dus zhes pa// thig le ga'u kha sbyor nang / zhi khro'i lha tshogs dkyil 'khor rnams// yab yum zhal sbyor rdzogs par 'char// thig phran 'ja' ris sba phug nang // sbrul sku'i cha lugs sna tshogs mthong // 'di dus rang lus mi mngon te// 'ja' ris 'od kyi sku ru snang // nyin dang mtshan gyi snang ba la// gang la rig pa bcug pa yis// sdig can yin yang grol bar 'gyur// ma la thim pa'i dus nyid du// dur khrod tshong dus tha mal du// phyogs rgyud ngo tsha'i spyod pa bya// shes bya'i dri dag 'ja' lus su// thugs rje che dang dbye ba med// 'di dus sngon shes thams cad 'char// sku gsum rang gsal sa zin pas// rdo rje g.yung drung chu rgyun dang // nyi ma'i snying po rin chen ltar// 'ja' 'od rdo rje'i rang tshugs zin// gdan sa gcig las g.yo ba med// zhing khams thams cad gcig tu 'dres// snang ba ma 'gags ngang du gsal// sangs rgyas sku la yul med de// ye shes sku la chos rnams zad// 'bras bu'i sku la bdag med cing // dgongs pa rnams la thun med do// rig pa ma bu thim pa'i dus// phyi yi snang ba dbang thob pas// snang ba zhing khams chen por grol// nang gi phung po dbang thob pas/ rgyu las 'od lam nyid du grol/ gsang ba dbyings rig dbang thob pas// 'khrul pa'i rtogs pa rang 'gags so// sangs rgyas thob tu re ba med// 'khor bar 'khyams kyi dogs pa med// thugs rje chen po de ka yin// ces gsungs so// rgyud kyi rgyal po rig pa gcer ston las/ dbang po yang rab lhun grub kyi sbugs su sangs rgyas shing thugs rje chen po dang dbyer med du bsgrub pa'i thabs kyi le'u ste bzhi pa'o// // oM ma Ni pad+me hUM hri// yang zhus pa/ e ma ngo mtshar rmad kyi chos// rgyud 'di'i che ba gang yin pa// rgyud 'di'i bstan pa gang la gtad// chos dbyings klong la sgra sgrogs shig/ ces pa dang // ston pas bka' stsal pa// nyon cig thugs rje'i rig pa mchog/ rgyud 'di bde gshegs kun gyi srog/ rgyud 'di rgyal ba kun gyi sring // rgyud 'di thugs rje chen po dngos// rgyud 'di rgyal ba kun gyi sras// rgyud 'di bstan pa kun gyi bu// theg pa kun gyi rtse mo yin// 'di nyid rin chen lnga yis bris// ga 'ur bcug la mgul du 'chang // mo yi ge bdun la bris// mtshal dang srin d+hu byang chub sems// chos sman byug ste snying khar rtsa// gang zhig skye 'gro rigs drug gis// mthong ngam zos sam dran nam reg/ dri tshor kha rlangs rlung phog pa// bskal pa stong gi sdig pa 'dag/ tshe 'dir yon tan thams cad 'grub// 'chi dus 'ja' dang ring bsrel 'byung // sku gsung thugs kyi yon tan 'char// phyi mar sangs rgyas the tshom med// 'di bris sbrul sku'i 'bras bu thob// lan res sa re non par 'gyur// 'di la nus pas nyams len pa// mkha' 'gro chos skyong bu bzhin brtse/ 'di yod pa yi sa phyogs de// nad yams mu ge dmag 'khrug zhi// tshe ring nor 'phel bde legs 'byung // 'di dang su phrad byang chub thob// gshan pa yin yang bla med 'grub// rgyud 'di lan cig klog pa de// chos sgo kun la mkhas par 'gyur// shes rab che zhing gzhan don 'byung // rgyud 'di lan cig reg pa yang // bskal pa mang po'i gong rol nas// bsod nams bsags cing smon lam btab// 'bras bu dus der dngas pa yin// rgyud 'di tshul bzhin du sgom pa// snang mtha' bdag dang dbye ba med// tshe gcig phung po lhag med 'grub// 'khor ba dong nas sprug par 'gyur// rgyud 'dis gnyis 'dzin bag chags rnams// skad cig bsam nas rigs sku thob// dbang po gang yang rjen gyis mthong // rtsol med ngo spyod gnad zab pas// rig pa gcer ston bya bar zung // rgyud 'di reg pa tsam gyis kyang // ngan song sdug bsngal kun skyob pas// ngan song kun skyob bya bar zung // nga yi bstan pa khyod la gtad/ khyod kyis ma rig sgron me gyis// 'di nas dus 'das ma 'ongs tshe// nga yi sprul pa pad rtser 'khrungs// de la bstan pa gtad par gyis// de yis gangs can dar rgyas 'gyur// zhes gsungs nas// sku 'od la thim mo// thugs spros bral du lhang nge 'dus so// 'khor thams cad rjes su yi rangs te/ ka dag tu ma la thim mo// thugs rje chen po ngan song kun skyob rgyud kyi rgyal po rig pa gcer ston las/ rgud kyi che ba dang / mtshan dang / gtad rgya bstan pa'i le'u ste lnga'o// // theg pa'i spyi phud bla na med pa mkha' 'gro'i srog rgyud dam pa rdzogs so// // o D+yan gyi slob dpon pad ma 'byung gnas kyi thugs dam ga'u ma'o// s+thi/ gtad rgya/ sbas rgya/ zab rgya/ gtad rgya/ bka' rgya'o// thub par srungs shig/ me sbal phyag mangs dang rdo rje legs pa gnyis kyi bka'i byar gyis shig// bcom ldan 'das dpal bde ba chen po gar gyi dbang phyug la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku