བོད་ཡིག

e-texts produced with BDRC’s OCR application

pa'i 'di gsungs so// ro g.yam thog tu ro ras la// 'khor lo'i dbus su bsgrub bya bri// lce la mnan pa'i sngags bris te// rtsibs ni bcu drug nang du bstan// de la gsang sngags bri bar bya// de steng mchod rten gsum brtsegs pa// zur sum byas pa'i nang du yang // phur bu dzags bris ling ga gzer// bum pa bkra shis sa la bya// nang du bdag nyid bzhag par bya// phyag gi phur pa phyir phyung la// rtse mo dgra la bstan par bya// dpal la gsang sngags bri bar bya// gos nag gon la bsgrub bya dgug/ ling ga dag la bstim par bya// rang bas che ba med par bsgom// bskor ba phyin ka log tu bya// nya stong tshes brgyad dus gnyen la// sngags 'di rab tu bzlas par bya// oM ma ga ti bzlog/ sa ga ti bzlog/ sa ti dun ti srog la bzlog/ nga srog tig la bab/ ngar ngar la bab// su pa Ni ya bzlog/ rbod stong dur ya bzlog/ de ni bsnyen pa'i gsang sngags de// 'di ni las kyi sham bu yin// brgya brgya dag la re re gdags// gshin rje'i ya thog bzlog/ phur bu'i lha 'byed bzlog/ ma mo'i dal kha da na shing bzlog/ bse mo'i srog shing srog snying bzlog/ pho rgyud bzlog/ mo rgyud bzlog/ btsan bzlog/ bdud bzlog/ rgyal po bzlog/ ces gsungs so// pad+ma dbang chen dregs pa can zil gyis gnon pa'i rgyud las// gti mug klu'i gdong zla bzlog pa ste le'u nyer drug pa'o// de nas bcom ldan 'das la/ 'khor rnams kyis 'di skad ces sngags pa'i che ba mang po mgrin gcig tu brjod do// stong gsal rig pa chos kyi sku// ye shes lnga yi rtsal 'chang ba// gzung yul stong pa shes rab nyid// 'dzin sems ye shes las byung bas// snying rje thabs kyi bdag nyid can// thabs dang shes rab gnyis med pas// sku gsum snang ba khyod kyi sku// 'khor ba khams gsum sems can la// las kyi dbang gis nyon mongs snang // de bzlog chos kyi 'khor lo bskor// bla med theg pa rab ston mdzad// rnal 'byor lam la zhugs pa la// nyams kyi snang ba shar bar byed// thabs kyi cha las skyes pa ni// snang ba dgrar langs rnal 'byor yin// shes rab cha las skyes pa ni// stong pa dgrar langs rnal 'byor yin// snang stong gnyis su med pa yin// sku gsung thugs ni mi zad pa'i// rgyan pa'i 'khor lo yang dag gnas// dkyil 'khor dgu yi bsgrub pa yis// lhun gyi grub pa'i dkyil 'khor che// bdag cag dug gsum gdug pa can// dpal gyi bka' las mi 'da' bar// dam tshig bzhin du bstan pa bsrung // zhes brjod nas rjes su yi rang bar gyur// thams cad chos kyi skur thim mo// pad+ma dbang chen dregs pa zil gyis gnon pa'i rgyud las// rjes su yi rang ba ste le'u nyer bdun pa'o// // dbang chen dregs pa zil gnon gyi rgyud rdzogs so// paN+Di ta pad+ma 'byung gnas dang / lo tsar kha che a nan ta sa bsgyur ba'o// // @#// rgya gar skad du// shri badz+ra ma hA krod+ha ha ya gri ba tan tra rA dza ni nA ma// bod skad du/ dpal rdo rje khro bo chen po rta mgrin zhes bya ba'i rgyud kyi rgyal po// byang chub sems dpa' 'phags pa spyan ras gzigs dbang phyug thugs rje chen po la phyag 'tshal lo// 'di skad bdag gis zos pa'i dus gcig na// 'og min chos kyi dbyings pad+ma dbang gi pho brang na// rgya chad phyogs mtshams med pa rin po che 'od kyi pho brang na// bcom ldan 'das dpal pad+ma dbang chen gzi brjid 'bar ba zhes bya ba la// de bzhin gshegs pa rnams dang thabs cig pa 'di lta ste// de bzhin gshegs pa gsung rdo rje dang // sku rdo rje dang / thugs rdo rje dang / yon tan rdo rje dang / 'phrin las rdo rje dang // gnyis su med pa'i rdo rje zhes bya ba dang thabs gcig go/ yang shes rab kyi yum du gyur pa// gsung gi yum dang sku'i yum dang / thugs kyi yum dang / yon tan gyi yum dang // 'phrin las kyi yum dang // gnyis su med pa shes rab kyi yum dang thabs gcig go/ yang thun mong gi 'khor lha thar byed dang // lha ma yin thar byed dang // mi thar byed dang // byol song thar byed dang // yi dgas thar byed dang // dmyal ba thar byed rnams dang thabs gcig go/ yang khyad par gyi 'khor// byang chub sems dpa' spyan ras gzigs thugs rje chen po yab yum sras dang bcas pa dang thabs gcig tu bzhugs so// yang ngo bo nyid kyi 'khor// 'di lta ste/ don gcig pa zhes bya ba'i 'khor dang // rang byung chen po dang // rang gsal chen po dang // nyid las mi zhan pa dang // ma btsal klong yangs dang // ma bkag rang gsal zhes bya ba dang // ma btus khyab rdal zhes bya ba dang thabs gcig tu bzhugs so// de nas yang bcom ldan 'das pad+ma dbang chen gyis// dregs pa tshar gcod pa zhes bya ba'i ting nge 'dzin la snyoms par zhugs so// ting nge 'dzin la snyoms par zhugs pa'i tshe// 'khor rnams kyang ting nge 'dzin la snyoms par zhugs so// de'i tshe ting nge 'dzin du ma 'khor rnams kyi rgyud la 'di lta ste// skye ba med pa zhes bya ba'i ting nge 'dzin dang // 'gag pa med pa zhes bya ba'i ting nge 'dzin dang // gnas pa med pa zhes bya ba'i ting nge 'dzin dang // spros pa dang bral ba zhes bya ba'i ting nge 'dzin dang // brjod pa dang bral ba zhes bya ba'i ting nge 'dzin dang // rdo rje lta bu zhes bya ba'i ting nge 'dzin dang // dregs pa tshar gcod pa bdud 'dul ba zhes bya ba'i ting nge 'dzin rgyud la skyes so// de'i tshe de'i dus na byang chub sems dpa' spyan ras gzigs kyis bdud dang log 'dren thams cad 'dul ba'i ting nge 'dzin la snyoms par zhugs nas// thugs zhi ba'i ngang las ma g.yos par// sku khro bo rta mgrin gyi gzugs su yang dag par ston par gyur to// spyi gtsug rta mgo ljang khur rta skad thengs gsum ston pas// khams gsum dbang du sdud// srid gsum zil gyis mnan nas bdud dang dregs pa thams cad tshar bcad de// 'khor thams cad bka' bzhin byed par gyur to// rta mgrin dregs pa tshar gcod kyi rgyud las// gleng gzhi'i le'u ste dang po'o// // de nas 'khor gyi nang nas gsungs rdo rje zhes bya ba 'khor gyi gtso bar gyur pa de stan las langs te// bcom ldan 'das pa pad+ma dbang chen la phyag 'tshal bskor ba byas nas 'di skad ces gsol to// e ma ho bcom ldan dbang chen rgyal// thugs rje'i bdag po spyan ras gzigs// rta mchog rgyal por sku khros nas// bdud dang bgegs rnams tshar bcad phyir// nyid kyis lha sgom spyod 'bras dang // bsnyen sgrub las la sbyar ba dang // dbang dang sbyin sreg mnan dang bsrung // dbab gcad 'khrul 'khor la sogs pa// bstod bskul 'phrin las rta bro dang // dgra bgegs gdug pa tshar gcad pa'i// las kyi rim pa ma lus pa// dbang chen rgyal pos bshad du gsol// zhes gsol nas ched du gleng // rta mgrin dregs pa char gcod kyi rgyud las// gleng bslang bstan pa'i le'u ste gnyis pa'o// // de nas dbang chen rgyal po la// gsung gi rdo rjes 'di skad zhus// e maho dbang gi rgyal po lags// dbang mchog rgyal po lta ba ji ltar lags// de skad gsol ba gsan nas kyang // dbang chen rgyal pos bka' stsal pa// nyon cig 'dus pa'i tshogs rnams nyon// rta mchog rgyal po'i lta ba ni// 'khor ba mya ngan 'das pa'i chos// ye nas ma bcos chos kyi sku// rta mgrin rgyal por ye nas gnas// skye 'gag gnyis kyi mtha' las grol// ma spangs mtha' bral gzung 'dzin med// ye nas rang byung ye shes la// mtshan med spros bral ye sangs rgyas// rang la gnas pas gzhan na med// bltas pas mthong ba ma yin te// rang rig rta mgrin lhun gyis grub// ma btsal bzhag pas rta mchog mthong // mthong ba tsam gyis yang sangs rgyas// gzhan nas lta med rang las mthong // rta mchog rgyal po'i lta bar yin// zhes gsungs so// lta ba'i le'u ste gsum pa'o// de nas rta mchog sgom pa gsungs// dbang chen rta mchog sgom 'dod na// lus ni ma bcos bde ba che// rta mgrin sku ru gsal stong // gsal stong gnyis med sgom pa'i mchog/ ngag ni rang byung sngags kyi sgra// sgra ru grags pas ngo bos stong // grag stong gnyis med sgom pa'i mchog/ sems ni ma bcos bde ba che// gsal la ma 'gags ngo bo stong // bde stong gnyis med sgom pa'i mchog/ rnam rtog chos nyid ngang du ni// dug lnga rang sar rjes med grol// ma spangs mtha' bral gzung 'dzin med// rig pa rang byung rta mgrin yin// ye nas ma bsgrubs rang la gnas// bsgoms dang ma bsgoms gnyis med na// thob med don la rtsol sgrub med// ri dgas smig rgyu snyeg pa 'dra// bsgrub pas grub par mi 'gyur ro// rang la bzhag nas gzhan la btsal// bskal par bsgrubs kyang 'grub mi 'gyur// zhes gsungs so// bsgom pa bstan pa'i le'u bzhi pa'o// // de nas rta mchog spyod pa gsungs// rta mgrin rgyal po'i spyod pa ni// chos sku skye med ngang nyid nas// log lta zhi bas mi 'dul ba// longs sku thugs rje chen po yis// khro bo rta mchog rgyal por sprul// mkha' ltar khyab pa'i thugs rje yis// 'khor ba'i sdug bsngal nyon mongs rnams// thams cad ma lus 'joms pa mdzad// rnam rtog zung du 'jil bar mdzad// 'di ltar snang ba'i chos rnams la// 'dzin chags med par rang bzhin gsal// snang tsam nyid na ngo bo stong // snang stong gnyis med rang grol spyod// rnam rtog dug lnga gang skyes pa// 'dzin med zhen med rang grol la// gzung dang 'dzin pa med pa'i ngang // chos nyid rang sangs dang du spyod// 'khor ba mi spong rang grol la// mya ngan 'das pa mi sgrub pa// 'khor ba rang bzhin med ces na// mya 'das sangs rgyas de ltar ro// khyad par rta mgrin spyod pa ni// khams gsum thams cad dbang bsdus nas// thams cad rgyal ba'i zhing du spyod// srid gsum thams cad zil gyis mnan// dregs pa tshar gcod las kho la spyod/ rgyud drug 'khor ba rtsad bcad nas// thams cad byang chub lam la spyod// ces gsungs so// spyod pa bstan pa'i le'u ste lnga pa'o// // de nas 'bras bu bsgrub pa gsungs// chos dbyings skye med spros dang bral// skye med don de brjod nus min// brjod med mtha' dang bral ba ni// chos sku rta mgrin zhes su brjod// thugs rje'i rang bzhin ma 'gags pas// 'gro 'dul ba'i don ched du// thugs rje chen po thugs khros nas// rta mgrin khro bo'i skur bstan pa// longs spyod rdzogs sku'i rta mgrin yin// dregs pa bdud dpung gzhom pa'i phyir// sku mdog phyag mtshan cha lugs rnams// mi mthun so so grangs las 'das// gang la gang gis 'dul ba dang // ci la cis 'dul gnyen por sprul// sprul pa sku yi rta mgrin yin// khyad par rta mgrin sgrub tu med// sems nyid ye nas rta mgrin la// skye med brjod med spros dang bral// gzugs dang kha dog mtshan ma med// chos sku rta mgrin ye nas grub// sems nyid ma 'gags rang byung la// dug lnga ye shes lnga ru shar// rnam rtog chos nyid ngang du grol// chod nyid longs spyod rgyun chad med// longs sku rtsa mgrin ye nas grub// phyi dang dngos por cir yang snang // rang snang ngo bo rang sar grol// rgyud drug skye 'gro thams cad kyang // rta mgrin sku de snang stong yin// sgra ru grags pa thams cad kyang // rta mgrin gsung grag stong yin// sems kyi dran rtogs thams cad kyang // rta mgrin thugs de bde stong yin// thams cad sbrul sku'i rta mgrin yin// zhes gsungs so// 'bras bu'i le'u ste drug pa'o// // rta mgrin dregs pa tshar gcod kyi rgyud las// lha sgom spyod pa 'bras bu'i skabs te dang po'o// // de nas dbang mchog rgyal po la// gsung gi rdo rje 'di skad zhus// e ma ho dbang mchog rgyal po che// rta mgrin bsnyen pa ji ltar bya// dpa' bos rgyas par bshad du gsol// de skad gsol ba gsan nas kyang // dbang chen rgyal pos bka' stsal pa// e ma 'dus pa'i 'khor tshogs nyon// bsnyen pa la ni rnam pa gnyis// zhi ba dang ni khro bo'o// dang po zhi ba'i bsnyen pa ni// yid 'ong dben pa'i gnas su ni// maN+Dal mchod pa bshams nas su// rten dang sku gzugs bkram byas la// gdong dang kha lag bkrus byas la// bde ba'i stan/ la 'dug nas ni// dang po byang chub sems bskyed la// bla med dkon mchog skyabs song la// bla ma sangs rgyas la sogs te// thugs rje chen po'i lha tshogs rnams// spyan drangs bzhugs gsol phyag 'tshal mchod// sdig bshags rjes su yi rangs 'bul// chos kyi 'khor lo bskor bar bskul// mya ngan mi 'da' gsol ba gdab// dge ba byang chub don du bsngo// bdag gzhan byang chub thob par smon// de ltar bsod nams tshogs bsags nas// ye shes tshogs bsags sems bskyed bya// de nas ting nge 'dzin la 'jug/ stong nyid spros bral de bzhin nyid// tshad med bzhi ldan kun tu snang // ye shes sems dpa' tshogs nang rgyu// hUM las ye she sa gzhal yas khang // steng 'og 'khor lo pad+mar ldan// dbus gnas pad+ma 'dab bzhis bteg/ phyi rol pad+ma 'dab drug mdzes// bar khyams sgo bzhi rgyan gyis mdzes// khor yug rdo rje ra ba la// ye shes me ri rab 'bar cing // phyi rim byang chub shing gis mdzes// de dbus nyi zla pad+ma'i gdan// de dbus rgyu yis sems dpa' las// sgro bsdu'i sbyor ba byas pa[:]las// thugs rje chen po'i sku ru gyur// zhal gcig phyag bzhi sku mdog dkar// 'dzum byas spyan dmar mdzes pa'i zhal// phyag gnyis thugs khar thal mo sbyar// g.yas kyi 'og ma shel 'phreng la// g.yon gyi 'og ma pad+ma bsnams// rin po che yi rgyan gyis brgyan// pad+ma zla ba'i gdan la bzhugs// thugs kar ye shes sems dpa' bzhugs// rigs kyi bdag pos dbu la brgyan// snang la rang bzhin med pa bsgom// de nas yi ge drug ma yum// zhal gcig phyag gnyis gtso dang thun// g.yas su nor bu 'dzin pa dkar// zhal gcig phyag gnyis nor bu 'dzin// g.yon du rig sngags 'dzin ma dkar// zhal gcig phyag gnyis shel 'phreng bsnams// rin po che yi rgyan gyis brgyan// yum sras yab la 'dud tshul bskyed// de nas 'khor gyi lha bskyed pa// phyi rol pad+ma'i gdan stengs su// yab kyi thugs kha'i hrI 'phros pas// 'khor du rgyal ba rigs drug bskyed// spyan ras gzigs dbang pad+ma dkar// rdo rje sems dpa' rdo rje dkar// rnam par snang mdzad 'khor lo dkar// rin chen 'byung ldan rin chen ser// snang ba mtha' yas pad+ma dmar// don grub ljang khu rgya gram ldang // pha rol phyin drug yum gyi tshul// shes rab bsam gtan brtson 'grus dang // sbyin pa tshul khrims bzod pa rnams// gtso bo'i sku mdog phyag mtshan 'dzin// dbyings dang ye shes yab dang sbyor// sgo bzhi sbrul sku thub pa drug/ shar sgor brgya byin pi wang dkar// lha min thub pa thags bzang sngo// lho sgor shag thub gseg shang bar// shakya seng ge po ti bsnams// nub sgo nam mkha' mdzod dmar rin chen sgrom// byang sgor chos rgyal me chu gnag/ snang la rang bzhin med par sgom// sku gsung thugs su byin gyis brlabs// rigs lnga ye shes dkyil 'khor dbang bskur bya// de nas ye shes dkyil 'khor bsgrub// rang bzhin gnas nas spyan drangs pa// bzhugs su gsol zhing phyag 'tshal mchod// bstod cing 'phrin las bcol ba bya// tshogs la sogs pas 'byor tshogs mchod// de nas bsnyen bsgrub dbul ba ni// thugs rje chen po'i thugs kha ru// zla dkyil hrIH la sngags kyis bskor// oM ma Ni pad+me hUM// 'khor gyi lha rnams thugs ka nas// sngags kyi 'phreng ba gnas pa la// 'od zer dkar po 'phros pa yis// phyogs bcu'i sangs rgyas byang chub sems// zhing khams dag par 'od 'phros pas// sku gsung thugs kyis mchod pa 'bul// khams gsum sems can sgrib pa sbyang // thugs rje'i chen po'i sku ru gyur// slar 'dus rang gi sgrib pa dag/ sku gsung thugs kyi dngos grub thob// de ltar spro bsdu'i ting nge 'dzin gyis// ye shes lha la bsnyen pa 'bul// thun mtshams lha la mchod pa 'bul// chos skyong rnams la gtor ma 'bul/ 'dod pa'i don la gsol ba 'debs// ye shes sems sa dpa' gshegs su gsol// dam tshig sems dpa' gtso la bsdu// de yang thugs ka'i hri la bsdu// hrI yang rims kyis thig ler bsdu// thig le mi dmigs chos kyi dbyings// spros pa med pa'i ngadang la bzhag/ thun bzhi thun drug nyams su blangs// thun gyi dang po bskyed rim bya// thun gyi zam bsdu gshegs bya// de la dus kyi bsnyen pa ni// zhag grangs zla grangs lo la sogs// rab 'bring tha mar sbyar te sgrub// grangs kyi bsnyen pa 'bum dang ni// bye ba sa ya gang 'grub sgrub// rtags ni bsnyen pa zhal mthong dang // 'od dang sgra dang lung ston dang // nad gdon sel dang bar chad sol// mchog dang thun mong dngos grub 'byung // de ltar zhi ba'i bsnyen pa yis// zhi ba thugs rje chen po grub par sgrub// dngos grub myur du thob par 'gyur// sangs rgyas byang chub the tshom med// ces gsungs so// zhi ba'i bsnyen pa'i le'u ste bdun pa'o// // rta mgrin dregs pa tshar gcod kyi rgyud las// zhi ba'i bsnyen pa'i skabs te gnyis pa'o// // de nas yang dag bshad bya ba// khro bo'i bsnyen pa bstan pa ni// dang po dben pa'i gnas su ni// maN+Da la phyi nang mchod pa bshams// nub tu kha gahad gos dmar bgo// pad+ma ra ga'i phreng ba'i bgrang // bde ba'i rtan la 'dug nas su// skad cig stong pa'i ngang las ni// bdag nyid rta mgrin skur bsgoms la// rta skad 'don cing mtshams bcad la// bar chad bgegs rnams bskrad par bya// sngon 'gro yan lag bcu pa bya// gtor ma rak+ta bdud rtsi rnams// mchod rdzas byin gyis brlab par bya// sngon du 'gro ba'i las rdzogs nas// dam tshig dkyil 'khor bskyed pa ni// de bzhin nyid kyi ting nge 'dzin// ma bcos spros med byang chub dang // kun tu snang gi ting nge 'dzin// ma rtogs sems can snying rje bskyed// bskyed pa rgyu yi ting nge 'dzin// rang sems ye shes sems dpar gsal// rang lus nang gi 'byung ba dang // snod bcud 'byung ba phyi spyad phyir// nam mkha' rlung dang chu dang sa// ri rab dang ni ma la sogs// sems dang dbugs dang sha dang khrag/ drod dang rus pa sbyar ba'i phyir// 'byung ba rim brtsegs bskyed par bya// de nas b+h+yAM las gzhal yas khang // dregs pa gdug pa 'dul ba'i phyir// gzhal yas khang gi rtsigs pa dang // ka gdung gral bkram skar khung bstod// phyogs skyong bcu yi rtsig rmang la// lha chen brgyad kyi rtsig pa la// klu chen brgyad kyi gdung ma bri// rgyal chen zhi yi ka ba la// lha chen brgyad po bad du bor// rgyu skar rnams kyis gral krab bya// nyi zla gnyis kyi skar khung stod// pho brang 'khor lo rtsibs bzhi la// phyi rol 'khor lo rtsibs drug mdzes// gru chad par khyams sgo bzhir ldan// rdo rje ra ba me ri 'bar// de dbus nyi zla pad+ma gdan// 'khor lo'i rtsibs la dregs pa'i gdan// sgo bzhi 'gro ba rigs drug gdan// de ltar gzhal yas khang bskyed nas// dbus kyi gdan stengs rgyu yi lha// ye shes sems dpa' spro bsdu las// rta mgrin dbang gi sku ru gyur// dmar nag zhal gsum phyag bzhi pa// zhal gsum g.yas dkar g.yon sngo ba// dbus dmar sku dang thun pa'i zhal// g.yas pa dbang sdud phyag rgya dang // g.yon pa pad+ma yum la 'khyud// g.yas kyi 'og ma rdo rje yis// g.yon gyi 'og ma thod khrag dkrug/ dur khrod chas brgyad sku la brgyan// dbu gtsug rta mchog rta skad 'tsher// zhabs bzhi rta bros bdud bzhi gzir// bdag dang gnyis med rang sems lha// rta mgrin logs nas sgom du med// shes rab yum gyi rang bzhin ni// gsang ba'i ye shes mkha' 'gro ma// dmar mo zhal gcig phyag bzhi ma// g.yas g.yon dang po yab la 'khyud// g.yas kyi 'og ma gri gug la// g.yon gyi 'og ma thod khrag stob// zhabs gnyis brkyang bskum yab la 'khyud// gnas lnga rus pa'i chas kyis brgyan// gnyis med rdo rje pad+mar sbyor// snang la rang bzhin med par bsgom// de nas rtsa ba'i 'khor bskyed la// yab yum rdo rje pad+mar sbyor// byang chub sems kyi 'phro bsdu las// yab kyi cha 'dzin gar dbang ni// zhal @gcig phyag gnyis sku mdog dmar// g.yas g.yon rdo rje thod khrag 'khrug/ zhabs gnyis brkyang bskum dregs gnon/ thabs dang shes rab yab yum tshul// rgyan dang cha lugs yab yum ltar// snang la rang bzhin med par sgom// de nas 'khor gyi lha bskyed pa// yab kyi thugs nas hrIHbrgyad las// 'khor lo rtsibs drug gdan stengs 'phros// steng 'og 'khor lo'i rtsibs stengs su// sangs rgyas khro bo sku mdog dkar// g.yas g.yon 'khor lo thod khrag bsnams// sangs rgyas drag mo yum dang sbyor// zhabs gnyis bskyang bskum lha gdon gzir// shar phyogs 'khor lo'i rtsibs stengs su// rdo rje khro bo sku mdog mthing // g.yas g.yon rdo rje thod khrag bsnams// rdo rje drag mo yum dang sbyor// zhabs gnyis brkyang bskum bdud bgegs gzir// lho phyogs 'khor lo'i rtsibs stengs su/ rin chen khro bo sku mdog ser// g.yas g.yon rin chen thod khrag bsnams// rin chen drag mo yum dang sbyor// zhabs gnyis rkang bskum gshin rje gzir// nub phyogs 'khor lo'i rtsibs stengs su// pad+ma khro bo sku mdog dmar// g.yas g.yon pad+ma thod khrag bsnams// pad+ma drag mo yum dang sbyor// zhabs gnyis brkyang bskum klu gdon gzir// byang phyogs 'khor lo'i rtsibs stengs su// las kyi khro bo sku mdog ljang // g.yas g.yon rgya gram thod khrag bsnams// dkar mo drag mo yum dang sbyor// zhabs gnyis brkyang bskum gnod sbyin gzir// 'og phyogs 'khor lo'i rtsibs stengs su// dbang sdud kro bo sku mdog dmar// g.yas g.yon pad+ma zod khrag bsnams// dbang sdud drag mo yum dang sbyor// zhabs gnyis brkyang bskum log 'dren gzir// dur khrod chas brgyad sku la gsol// thabs dang shes rab yum dang sbyor// sprul pa yang sbrul tshogs bcas sgom// sgo bzhi thar byed sgo skyong drug/ shar sgo lha 'dul thar byed khro bo ni// sku mdog dkar po bi wang bsnams// lha yi gdan la brjid par bzhugs// lha min 'dul byed thar byed ni// sku mdog sngon po go cha can// lha min gdan la brjid par bzhugs// lho sgor mi 'dul thar byed ni// sku mdog ser po 'dod yon bsnams/ mi yi gdan la brjid par bzhugs// byol song 'dul byed thar byed ni// sku mdog nag po glegs bam bsnams// byol song gdan la brjid par bzhugs// nub sgor yi dgas thar byed ni// sku mdog dmar po rin chen bsnams// yi dwags gdan la brjid par bzhugs// byang sgor dmyal ba thar byed ni// sku mdog nag po me chu bsnams// dmyal ba'i gdan la brjid par bzhugs// snang la rang bzhin med par bsgom// de nas ye shes sems dpa' spyan drangs pa// chos sku skye med ngang las ni// longs spyod rdzogs pa'i skur bzhengs nas// rang bzhin gnas nas spyan drangs pa// dam tshig sems dpa'i lha tshogs la// gnyis su med par bstim byas la// sprul pa'i lha mo phyag 'tshal lo// phyi nang gsang ba'i mchod pa dang // glu bro gar gyis mnyes byas la// sku bskyed gsol gdab mchod bstod bya// de nas bzlas brjod bsnyen pa dbu la// dkyil 'khor lha tshogs thams cad la/ thugs kha'i nyi dkyil hri yig la// sngags kyi 'phreng bas bskor nas ni// 'od zer 'phro bsdu'i sbyor ba las// oM pad+ma ta kri da hUM// sku yi snying po 'bru drug pa'o// oM ha ya gri ba hUM// gsung gi snying po 'bru drug pa'o// oM ma hA krod+ha hUM// thugs kyi snying po 'bru drug pa'o// sku yi snying po dbu gtsug nas// 'od zer dkar po spro bar bya// gsung gi 'od zer mgrin pa nas// 'od zer dmar po spro ba dang // thugs kyi 'od zer thugs kha nas// 'od zer mthing nag spros pa yis// bde gshegs sku gsum thugs mnyes nas// khams gsum sems can sgrib pa sbyangs// tshur 'dus bde gshegs dngos grub bsdus// 'od zer spro bsdu rgyun mi gcad// dus kyi bsnyen pa[:]zhag grangs lo// grangs kyi bsnyen pa[:]'bum bye bas ya// rtags kyi bsnyen pa[:]'od dang sgra// zhal mthong lung ston dngos grub ster// bsnyen pa'i dus su 'dzab bzlas bya// stong rdzogs mchod pa byas nas ni// thun mtshams gtor ma gtang bar bya// thun bzhi'i mjug la ltung bshags bya// de rnams bsnyen pa'i rim pa yin// zhes gsungs so// bsnyen pa'i rim pa'i le'u ste brgyad pa'o// // khro bo'i bsnyen pa'i skabs te gsum pa'o// // de nas bsgrub pa bstan pa ni// dbang drag las la shis pa'i gnas// sa gzhi dmar la brag ri dmar// nub tu kha bltas dben pa'i gnas// shing gcig drung ngam dur khrod dam// yang na yid 'ong dben gnas su// dkon mchog mchod gtor cha gsum// sa bdag spyi dang gnas de'i bdag/ gang yin de la gtor ma sbyin// mnga' gsol mtshams bcad bka' bsgo bya// bar mtshams rta mgrin sgo byang gdags// them pa'i phyi rol dam sri mnan// nang mtshams bka' bsgo bskrad par bya// bsrung 'khor rdo rje'i gur dang rwa/ me yi 'khor lo rab tu sgom// gsang ba'i mtshams bcad chos dbyings su// bgegs dang rnam rtog rang sar bzhag/ ye nas chos sku mtshams kyi mchog/ phyi nang gsang ba'i mtshams bcad nas// gzugs brnyan dkyil 'khor bri ba ni// dkyil 'khor gdom gang gru bzhi las// bdud brtsi rnam lnga'i cha ga chag 'dab// thig gdab mtshon lnga byin rlabs las// dbus su gru bzhi gnam sgo can// phyi rol 'khor lo rtsibs bzhi la// bdud rtsi rnam lnga'i chag chag gdab// thig gdab tshon lnga byin brlabs la/ dbus su gru bzhi gnam sgro can// phyi rol 'khor lo rtsibs bzhi la// mu khyud 'od zer sna tshogs 'phro// phyi rol 'khor lo rtsibs drug la// mu khyud zod 'phreng gru chad dang // khyams dang sgo bzhi rgyan dang bcas// pany+tsar ka'i rtsig pa la// 'dod yon pha gu dra ba dang // da ru ka dang mgo gling bzhi// rdo rje rgya grams bzhi la// phyi rim kho ra yug rdo rje dang // me ri 'phreng bas bskor ba'o// de ltar dkyil 'khor bris nas ni// de la sgrub rdzas dgod pa ni// ral gri bzhi dang phur pa bzhi/ mda' bzhi me long brgyan pa bzhi// phyogs bzhi gra bzhir btsugs byas la/ tshon skud rnam lnga'i dra ba bri// bsnyen bsgrub gang byed dmigs dang sbyar// 'phrin las drag po'i phur sgrub ni// dbang drag gnyis kyi las yin pas// phur bsgrub byed par 'dod pa yin// sgrub phur lha yi grangs dang sbyar// nyi shu rtsa gnyis lha gnas dgod// 'phrin las rnam bzhi phur pa dang // sngags phur ni shu rtsa brgyad dang // dkyil 'khor so so'i gnas su dgod// dkyil 'khor byang shar 'brub khung bca'// gdab phur brgya dang rtsa brgyad la// byin gyis brlabs la phur bskor bya// phur pa dgod cing mnga' gsol bya// gu gul dud pa gzi byin bskyed// rak+tas byugs la dbang bskur bya// yungs kar brab la 'phrin las bcol// dbang rdzas thod pa bum pa dang // gtor ma rak+ta dza gad chang // tshogs dang mchod rdzas rgya chen dgram// mched lcam slob dpon mnga' gsol bya// de nas ting 'dzin dkyil 'khor sgom// mtshams bcad yan lag bcu pa bya// mchod rdzas byin gyis brlab par bya// ting 'dzin rnam gsum bsgom par bya// 'byung ba rim brtsegs gzhal yas khang // bsnyen sgrub rkyang pa'i dus su ni// lha rnams khro bo khro mo la// zhal phyag zhabs kyis bgegs gzir ba// rgyan dang cha lugs ldan par bskyed// dbang skrag phur sgrub dus su ni// sku stod khro bo dmar nag la// smad phur pa zur gsum pa// phyag na phur pa 'dril ba'o// lha tshogs thams cad de ltar sgom// rang bzhin gnas nas spyan drangs la// bstim bzhugs phyag dang mchod bstod bya// mchod dang gtor mas dus bzhir bskang // sgrub pa chen po'i dus su ni// mched lcam gsar pa dkyil 'khor bzhugs// rnying pa rnams la dam tshig mnan// dur khrod chas gsol rtags gdab bo// slob dpon yon dbul gtang rag gtang // sgrub pa chen po'i sngon 'gro yin// de nas phur pa'i sgrub pa ni// dbang drag las la rab tu 'jug/ dang po phur pa mang gsol la// phyi yi 'dzab 'di bzlas pa bya// oM pad+mo kI lI kI li yi sarba ban baM hUM phaT// stong rdzogs mchod pa byas nas ni/ lha tshogs rnams ni gsal bar ba la// zhal nas sngags kyi sgra bzlas pas// snang sri khro bo khro mo gang // dbang drag gnyis kyi las mdzad sgom// de nas 'phrin las rnams bzhi'i phur pa blang // phur pa mnga' gsol bstod pa bya// oM badz+ra kI lI kI li ya shan ting puSh+paM pa shang mA ra ya phaT// so so'i sngags kyi bsnyen pa dbul// de nas sgrub phur lha tshogs la// mchod bstod bsnyen pa so sor dbul// mngag phur nyi shu rtsa brgyad la// bstod cing bsnyen pa so sor dbul// de nas gdab phur byin brlab la// khro bo 'dus pa'i bsnyen 'dzab bgrang // oM badz+ra kI li ki la ya sarba big+h+nA na baM hUM phaT// 'dzab bzlos stong rdzogs mchod bstod bya// bar der dgra bgegs/ dgug gzhug bya// mngag phur sngags la dgra bgegs dgug/ phur bskor byas la gdab phur dril// gang la dmigs pa de la gdab// oM badz+ra kI li nya kI la ya sha tri dza nri tri khug/ sems dang bag chags mA ra ya phaT// ces pa'i sngags kyis gdab// gang btab lha yang brlag par 'gyur// dgra bgegs gdug pa smos ci dgos// de ltar bsgrub pa bya ba ni// grangs dang dus dang mtshan ma dang // bsnyen bsgrub dus kyi skabs dang sbyar// rtags byung dongs grub blang bar bya// phur pa rdzas kyi dbang bskur bya// dgra bgegs gdug pa tshar gcod 'gyur// zhes gsungs so// sgrub pa chen po phur sgrub kyi le'u ste dgu pa'o// // bsgrub pa'i skabs te bzhi pa'o// de nas pad+ma dbang chen la// gsung gi rdo rjes 'di skad gsol// e ma ho pad+ma dbang chen lags// 'phrin las las sbyor ji ltar lags// dbang chen yab kyis bka' stsal pa/ 'khor lo thun gyi las sbyor ni// dregs pa tshar gcod dkyil 'khor dbyings// mchod rdzas gzhung bzhin rgyas par bshams// de nas 'khor lo bca' ba ni// ro ras la ni 'khor lo bril// snag tsha dug khrag sbyar ba yi// smug gu mi rkang gling bu yis// 'khor lo rtsibs ni bcu drug bri// 'khor lo'i rtsibs la sngags re bri// oM pad+ma ma hA kro d+ha ha ya gri ba hu lu hu lu hUM phaT// rtsibs mtshan la ni 'khor lo'i sngags// che ge mo hri tsa kra mA ra ya hUM phaT// ces pa bris nas ni// 'khor lo thod pa'i kha brgyad la// dkyil 'khor dbus su gru gsum du// nang du thod pa gzhug par bya// 'khor lo'i mtha' ma phur bas bskor// thun snod zod pa mtshan ngan du// dug khrag bsres la nag por byug/ ling ka ming rus bcas pas// btsan du ga ra dug bong dug dang // dug sna rnam pa sna tshogs dang // ra khrag mi khrag khri khrag rta// khrag sna rnam pa sna tshogs dang // thod pa'i nang du sbyar la gzhag/ yungs kar yungs nag skye tshe dang // lcags phye zangs phye rdo phye dang // drag po'i rdzas rnams 'tshogs par bsog/ thun sngags khri sngags 'khor lo sngags sbrel la// che ge mo sha truM u kha mA ra ya thun ya rbad/ thun snod nang du mang cing brab// thun gyis grub pa'i rtags su ni// rab ni thun tshig me 'bar dang // du brlangs pa 'byung ba dang // 'od dang sgra dang dri 'byung ba'o// 'bring ni rmi rtags bzang po 'byung // tha ma zhag grangs bdun gsum sogs/ gang grub las kyi ming dang sbyar// de nas thun gyi 'phang thabs ni// sngon la 'khor lo'i rtsibs mtshan la// dgra bgegs ling kha bris pa de// mi bsad mtshon gyis btab nas ni// ling kha la ni phur pas gdab// rtsa sngags phur pa'i sngags 'dis brdeg/ che ge mo badz+ra kI li kI li mA ra ya mA ya ya hUM phaT// ces pa phur pa gdab// ling ga gzhan yang phur pa gdab// dgra bgegs dngos su sgrol bar bsam// de nas thun gyis brdeg pa ni// nad kyi char pas myos brlag bsam// de nas thun de 'phang ba ni// drag po'i chas su zhugs nas kyang // che ge mo ma ra ya thun b+ho// zhes rtsa sngags gdags la// dgra la byed na yul phyogs sam// yul phyogs khyim la 'phang bar bya// bgegs la byed na gnod phyogs sam// bgegs de gnod pa'i sa ru 'phang // dgra bgegs myos shing brlag par bsam// gang la bya ba brtsad nas chod// ces gsungs so// 'khor lo thun gyi las sbyor gyi le'u ste bcu pa'o// // de nas bsreg pa'i las sbyor bshad// drag po hom gyis bsreg pa ni// gang du drag po hom byed sar// sa glud gtor ma rgyas par gtang // yul gyi sa bdag lha klu la// gser skyems gtor ma btang nas ni// bar chad ma byed bka' bsgo bya// de nas hom khung bya thabs ni// dbang drag las la shis pa yis// mi bsad pa'am phung shul sa// de la dmar nag gru gsum bca'// tshad ni khru gang do'am ji rtsam rim bzhin bya// dug dang khrag dngas dmar gyi// nang du dmar nag byug par bya// nang du kha skyer me ris bskor// dur khrod thod pa mtshan nang du// nang du khrag gis ram bris la// thod pa'i nang du me ri bri// nang du dgra bgegs ling kha gzhug/ dug shing tsher ma can gyi shing // grir shi ba yi khrag la sogs// khrag sna dug sna sgrar la byug/ hom du dril la hom khung gzugs// me tshang bcas la me yang gzhug/ hom la dgra bgegs ling kha gdags// yam shing gdug pa'i shing rnams la// rtse mo'i ngos la 'bru mar byug/ rtsa ba ngos la khrag sna byug/ bsreg rdzas ling ro rnying pa dang // ling ka ming rus bris pa dang // drag po'i rdzas ni dug khrag dang // lcags phye zangs phye rdo phye dang // yungs kar yungs nag skye tshe dang // shangs tshe dug tshe me tog dang // nas nag bra bo sran ma dang // mar nag bsreg la g.yon du bzhag/ mchod rdzas gtor ma rag ta dang // bdud rtsi la sogs g.yas su bzhag/ de nas me yi sbar thabs ni// mi sdod dang ni yugs sa dang // mgar ba mig dmar khyim nas blang / yang na gtsub shing lcags yag med// tha mal thab nas mi blang ngo // de nas sbyin sreg rim pa ni// lha dang me lha rnam pa gnyis// lha ni dkyil 'khor lha tshogs dang // ye shes dgug cing mchod bstod bya// de nas mdun gyi nam mkha' bzhugs// dam tshig me lha bskyed pa dang // ye shes me lha spyan drang ba'o// dam tshig me lha bskyed pa ni// raM las me lha drang song chog/ dmar ser zhal gcig phyag gnyis pa// g.yas g.yon me thab bgrang 'phreng bsnams// lto ba zlum po hom khung zhal// ra skyes kham pa chibs su chibs// dam tshig me lha bskyed nas ni// ye shes me lha spyan drangs bzhugs// me lha'i lto bar gzhal yas khang // mdun gyi lha tshogs lto bar dgug/ sngon la me la mchod par bya// de nas dkyil 'khor lha tshogs mchod// mchod rdzas bsreg rdzas phul nas ni// mjug la me lha mchod nas kyang // ye shes me lha lha tshogs gshegs// dam tshig me lha dkyil 'khor bsdu// hom khung mi dmigs stong par bsam// thal ba bsdus la rlung la phyar// cha gcig mnan pa byas nas ni// dpal gyi rta bro rab tu brdung // dgra bgegs ma lus tshar chod 'gyur// zhes gsungs so// dbang gi drag po hom gyis bsregs la tshar bcad pa'i le'u ste bcu gcig pa'o// / de nas yang dag bshad bya ba// mnan gzir bro yis tshar gcad pa// dgra yi mnan sa rnam pa drug/ rkang gcig shing dang rgya gram lam// lung gsum mdo dang dur khrod dang // brag dang chu 'thab chu gling ngo // bgegs kyis mnan pa rnam pa bzhi// stong za ma 'og dang them pa'i 'og/ mchod rten 'og dang gnod pa'i sa// gza' dang skar ma ngan pa dang // dus tshod tshes grangs ngan pa dang // zla ba mar gyi ngo la mnan// mnan pa'i snod ni rnam pa gnyis// dgra bo rabs chad thod pa'am// kho rang pha mes thod par mnan// bgegs kyi mnan pa'i snod la ni// rgyal po rta yi thod par mnan// klu ni sram dang byi ba'i mgo// bsen mo be ru'i nang du mnan// phung sri phag zod khyi zod do// phyung sri pha gu khyi gu'i mgo/ khyim sri blug ma'i nang du mnan// mnan pa'i 'khor lo bri ba ni// dgra la ro ras gro ga'am// bgegs la dug shing shog shog bya// stag tsha dang ni dug khrag sbyar// skyug gu mi rkang mi bsad mtshon// 'khor lo rtsibs ni bcu drug la// rtsibs la sngags 'di bri bar bya// oM pad+ma mahA kro d+ha ha ya gri ba hu lu hu lu hUM phaT// rtsibs mtshan mnan pa'i sngags 'di bri// che ge mo u da na g+h+ri ha na nag dza bi bo ta ya// ma ra ya mA ra ya nan nan/ ces bri/ 'khor lo'i phyogs bzhir rdo rje rgya gram bri// 'khor lo mnan pa bzhi yi snod du gzhug/ 'khor lo gnan pa'i thod par gzhug/ mi mthun rdzas ni dug khrag dang // gu gul nag po dug chu dang // thun brab rdzas dang ling ro dang // ling ka gsar pa bcas la gzhug/ thod pa re bas gril nas ni// kha nag phying kha log gis bcings// rta mchog lha tshogs bskyed nas ni// mchod pa bstod pa gzhung bzhin bya// pho nya gtang zhing dgug gzhug bya// gong gi sngags bzlas thun gyi brab// rta mgrin byin brlabs phur pas gdab// de nas gnan sa gang yin par// gru gsum dong brus dug khrag byug/ nang du mnan pa'i snod bcug la// sri khung chu yi rgya mtsho'i nang // chu srin kha ru bcug nas ni// bskal ba'i mthar yang thar mi bsam// ro g.yam rdo rje rgya gram bri// mnan khung kha ni gcad par bya// oM laM a laM hUM laM gis// lan dgu bzlas la sa re bya ba// ri rib dgu brtsegs mnan pa bya// dpal gyi rta bro drag tu brdung // dgra bgegs gang la dmigs pa des// bskal pa'i mthar yang ldang mi nus// zhes gsungs so// rta mgrin dregs pa tshe gcod kyi rgyud las// gnan pa las sbyor gyis dgra bgegs tshar gcad pa'i le'u ste bcu gnyis pa'o// // drag sngags gsang bas tshar gcad pa// oM badz+ra kro d+ha ha ya gri ba/ e a ra li/ hu lu hu lu/ ho hri/ oM ta ki ni ta ki ni hUM/ ta ke ta ko phaT// b+ha na d+ha b+ha na d+ha chom// tig snang tig snang tshom/ rag sha rag sha hUM// gar rdza gar rdza hUM// tshin d+ha tshin d+ha hUM/ ha la ha la phaT/ rag sha rag sha hUM// b+han d+ha b+han d+ha phaT// a mu kha dza/ badz+ra ka rug sha nan/ ma tang ka rug sha nan/ ma ra yu te kha ba ni ya ka hUM/ sham pa ri sho ka ra tri ro ro tsat+ti kha/ ma ra yaM mu ra ti baM// a ka ru Ni sha/ pra tang ta ma la/ ra tri sha pa kha/ zhung sni ni na ta kha ti/ a tri mu ra dza ya/ kre kre shog ti ku du na ya du na ya/ s+phu ra laM s+phur laM// tang sha tang sha/ yag po dur/ yag mo dur// ra mar lcam// na ga ting ru ya// tsa ma ra ya/ tsi ma ra ya/ kro ta ni/ na ni pra la sha/ gi la ga li/ sla kr-i me yug me yug me// hUM hUM phaT phaT/ rbad rbad// dgra bgegs gdug pa tshar gcad sngags// rta mgrin sgrar bsgom gzir bar bya// gang la bya ba brlag par 'gyur// zhes gsungs so// dgra bgegs drag sngags kyis tshar gcad pa'i le'u ste bcu gsum pa'o// // rta mgrin dregs pa tshar gcod kyi rgyud las// 'phrin las las sbyor gyi skabs te lnga pa'o// // de nas dbang chen rgyal po la// gsung gi rdo rjes 'di skad zhus// grub pa'i rtags dang mtshan ma rnams// dpal chen yab kyis bka' stsol cig/ de skad gsol ba gsan nas kyang // dbang chen rgyal po bka' stsal pa// bsnyen pa grub pa'i rtags bstan pa// bde bar gshegs pa'i sku mthong dang // mchod dang skor ba byed pa dang // nyi ma mgo la shar ba dang // mchod rten rtse la 'dug pa dang // gro khyer nyams dga' mthong ba dang // rdo rje 'khor lo rin chen dang // pad+ma rgya gram dril bu dang // rnyed nas bcangs dang lus la thim// khung bas bcud 'thung me tog zos// ming dang 'dus pas phyag 'tshal dang // rmis ltas byung na tha ma yin// dngos su sku mthong 'od dang sgra// sku dang phur pa brdeg pa rab// bsgrub rdzas gtor ma khol pa 'bring // sgrub pa grub pa'i rtags bstan pa// nyams sam rmi lam dngos su ni// dung chen 'bud dang rnga chen brdung // gdugs 'bubs rgyal mtshan 'phyar ba dang // gangs dkar rtse la 'dug pa dang // ri bo'i rtse la 'dug pa dang // bud med 'dul bas bskor ba dang // sgrub rdzas mchod rdzas rten rdzas dang // 'od dang sgra dang du ba 'thon// khol dang rlabs pa 'byung ba ni// sgrub pa tshar du grub pa yin// las sbyor grub pa'i rtags bstan pa// gang la dmigs pa zhugs nas kyang // gsod gcod las rnams byed pa dang // glang stag sems can ma rungs brdung // 'khrul 'khor bskor dang mtshon char 'bebs// sgyogs 'phen mda' mdung 'debs pa ni// 'khrul 'khor thun gyi las grub rtags// me chen gtong dang hom nag sbor// dung 'bud rnga brdung rol mo dkrol// drag po hom gyi las grub rtags// dgra bgegs brdungs nas btson dong bcug/ mchod rten rtsig dang mkhar spe brtsigs// mnan pa grub pa'i rtags su bshad// ma grub rang la ngan pa ni// dmag 'dren phar lam tshud na// mtshon cha so ni med pa dang // 'thabs kyang rang la grogs med dang // khu lhogs rang la 'ong ba'i rtags// khral 'dod rang yang ldog pa dang // slong du 'ong dang sgo brdung dang // gtor ma dus las yol bapaba'i rtags// yugs sa mdze can gnyer 'khros dang // yul ngan kha ba bu yug dang // 'dam rdzab du ba mun nag dang // sa blangs rnam khrag mun pa dang // nyams grib mi gtsang phog pa'i rtags// bshags pa bya zhing bskang so bya// zhes gsungs so// mtshan ma rtags kyi le'u ste bcu bzhi pa'o// // de nas dam tshig bshad bya ba// dregs pa tshar gcod dkyil 'khor du// slob ma dbang bskur byed 'dod na// dben zhing dgon pa'i gnas dag tu// mtshams bcad sa yi cho ga bya// dkyil 'khor gzhung bzhin bzhengs nas ni// bum pa mchod rdzas la sogs dgram// sngon du 'gro ba'i las rnams bya// rnam gsum ting 'dzin gzhal yas khang // dam tshig lha tshogs bskyed nas ni// spyan drangs bstim dang phyag 'tshal dang // snyan pa 'phrin la sa rdzogs par bya// de nas dbang bskur dkyil 'khor la// chag chag skyang nul byas nas ni// sta gon dri yi thig le bya// bskyed dang spyan drangs mchod rdzogs nas// slob ma khrus byas gsol gdab bzung // so shing byin la bsrung sku dag dgas// sku sha gdags la rmi lam brtag/ chos bshad skyabs 'gro sems bskyed 'bog/ de nas thig gdab tshon bri ste// dkyil 'khor rgyan dgod mchod rdzas bsog/ ting 'dzin dkyil 'khor las gzhung bsrang // gnas su dkyil 'khor lha tshogs bskyed// spyan drangs bzhugs gsol phyag mchod bya// 'dzab bskor bstod sogs byas nas ni// slob ma 'jug pa'i las rdzogs nas// bum pa dbang bskur sgrib pa bkru// dur khrod chas brgyad dbang bskur la// khro bo'i rtags gdab lha dbang bskur// de nas sgrub rdzas phur ba'i dbang // mchod rdzas gtor ma bdud rtsi dang // rak+ta tshogs dang dngos grub rdzas// tshe la sogs pas dbang bskur la// bkra shis brjod cing dngos grub blang // dngos grub rdzas la rol bar bya// ye shes gshegs dang dam tshig bsrung // smon lam btab la slob ma dgye// ma smin pa rnams smin par byed// phyin chad 'khor bar logs mi 'gyur// sku gsung thugs la rab gnas ni// spyan drangs mchod bstod dbang dang mtshungs// sku rten gsung rten thugs rten la// zhu bstim bya zhing shis pa brjod// spyan dbye sku bsil rten 'brel brjod// dbang bskur bya zhing rdzas la rol// ye shes gshegs la dam tshig bsrung // smon lam gdab cing bsngo ba bya// zhes gsungs so// dbang bskur rab gnas kyi le'u ste bco lnga pa'o// // de nas dam tshig bsrung thabs bshad// sku yi dam tshig bsrung thabs ni// rdo rje slob dpon mi smad cing // ngan sems mi skye bka' mi bcag/ gsung gi dam tshig yi dam lha// sngags dang snying po rgyun mi bcad// rgyud kyi don la log sems spangs// chos nyid don la tshad ma yin// rig pas dpag par bya ba min// thugs kyi dam tshig skye med don// rtogs pas nyams su blangs nas ni// gsang chos dbang bskur ma thob la// mi bsgrag mi bstan sba bar bya// rdo rje dmyal bar ltung bar 'gyur// 'chad dbang ma bskur rgyud mi bshad// gsang spyod phyi ru mi bshad do// sku gsung thugs kyi dam tshig 'di// nyams na bskal pa gcig gnyis gsum// rdo rje dmyal bar ltung bar 'gyur// thun mong spyi yi dam tshig tu// bla ma bskur dang lus ngag yid// dad gus mos pa rgyun mi bcad// lha dang sngags la sogs pa la// thun bzhi'i rnal 'byor nyams mi bya// sems can rnams la byams pa dang // snying rje sems bskyed rgyud la bskyed// mched lcam rnam la rtse gdungs bskyed// lha dang sngags la the tshom spong // nga rgyal rlom sems phrag dog dang // dug gsum nyon mongs khar mi btang // le lo long yod snyoms las dor// brtson 'grus rim gyis nyams su blangs// gsang sngags lha spyod zung du 'brel// bsnyen bsgrub gzhung bsrang mtha' ru dbyung // khyad par lhag pa'i dam tshig ni// 'khor 'das chos rnams thams cad kun// thog ma med nas rang gi sems// ye nas rang byung chos sku la// dam tshig bsrung med nyams pa med// mi bsrung byas nas bzhag pa med// dam tshig bsrung dang mi bsrung dang // nyams pa'i skyon med 'bras bu med// ma spangs mtha' brel gzung 'dzin med// bde chen zung du med pas dam// rnam rtog chos nyid ngang du tshig/ dam tshig gzhan las khyad par 'phags// zhes gsungs so// dam tshig gi le'u ste bcu drug pa'o// // rta mgrin dregs pa tshar gcod kyi rgyud las// rtags dang dbang dam tshig gi skabs te drug pa'o// // de nas pad+ma dbang chen la// gsung gi rdo rjes 'di skad zhus// e ma pad+ma dbang chen yab// bdun tshigs ro bsregs man pa bsrung dbab dang bcang ba dang // 'khrul 'khor la sogs ji ltar lags// dpa' bo dpal chen bshad du gsol// de skad gsol ba gsan nas kyang // dbang chen pad+mas bka' stsal pa// bdun tshigs bya ba'i las rim ni// stod kyi khog dbug bar gyi gzhung bsrang dang // smad kyi las mthun bsdu ba'o// ro bsreg bya ba'i las rim ni// ro chas bzhugs dang thab shing brtsig/ dkyil 'khor bris rdzas dgod gzhung bsrang dang // mchod 'bul lam bstan smon lam mo// sbyin sreg bya ba'i las rim ni// zhi rgyas dbang drag thab khung ni// zlum po gru bzhi zla gam dang // gru gsum la sogs gang byed bca'// dkar ser dmar nag kha dog byug/ las dang rjes 'thun shing brtsig ste// las dang mthun pa'i bsreg rdzas rnams// 'phrin las gnas skabs gang byed sbyar// 'phrin las gzhung bsrang thab khung nang // me lha bskyed pa mchod bstod bya// lto bar lha bskyed bsreg rdzas 'bul// lha bskyed cho ga gzhung bsrang la// mchod sbyin rdzogs par byas nas ni// shan ting puSh+Ti pa shang dang // mA ra ya phaT rtsa sngags sbrel// zhi rgyas dbang drag gang yin grub// ye shes gshegs la dam tshig bsdu// sbyin sreg shul la rta bro brdung // thal brgya gram lam du mnan// yang na rlung la 'phyar bar bya// de nas mnan pa bya ba ni// dgra bgegs rnam pa gnyis yin te// dgra bo klu la gtad de mnan// grog shog shog dag la ni// dgra bo'i ling kha bris nas ni// glang dmar rar bcug la chas bsdam// sa bdag klu gnyen gnas sar mnan// nA ga ra dza khug snying la phril phril dza// zhes pas klu la gtad// zha dang 'khums dang mdze yis khyer// bgegs kyi mnan pa bya ba ni// grog shog shog gang rnyed la// gang gnod bgegs kyi ling kha bri// ming dang nan bcas lto bar bri// thod pa mtshan ngan nang du gzhug/ gang la bya ba dgug gzhug bya// thod pa la chas kha bcad la// re bas dril la khar nag bsdam// rgya gram lam mam stong zam sngas// mchod rten ring po'i 'og tu mnan// oM laM tra dzi// gnod byed kyi lus rnams bar chings shig/ nan Na Na/ a lam tri dza gnod byed lus rnam par chings shig/ hUM laM tri dza gnod byed yid rnam par chings shig/ nan Na Na/ ces pas mnan cing gzir par bya// dpal gyi rta bro drag tu brdung // bskal ba'i mtha' yang mi btang mnan// zhes gsungs so// bsreg mnan gyi le'u ste bcu bdun pa'o// // de nas dbab bcad las bshad pa// dbab pa ser ba chad pa gnyis// ser ba da bab pa'i las byas na// bse khab dmar po kha sbyor du// sbal pa sdig pa rmig pa rmig bu'i mgo/ sram dang nya yi sha khrag dang // ba dmar dkar 'o ma blugs// yungs kar yungs nag gu gul la// thun bcas de la sngags kyis sgrub// seng ldeng phur pa sor brgyad pa// sngags 'di bzlas la gzir bar bya// na mo bud d+ha yo// oM badz+ra kA li ki li ya na ga du/ tsan d+ha tsan d+he/ mi li mi li// nA ga du hUM phaT// 'bum phrag bzlas la lha klu gzir// sa ma ya ra dza du sha ga ra// tsa du ling shag traM phreM hril shar phob// nA ga lha mo klu mo ya ma dam sri me// traM phreM ma hril shar phob// ces bzlas la/ thun la btab la bsgrub pa bya// grub rtags dngos su rang la 'bab// bse gab rdzas ni klu yod pa'i// chu mig nang du blug par bya// seng ldem phur pas chu mig gdab// thun rdzas dgra yi yul du gtor// chu 'khyags ser pas yul mkhar 'joms// de nas char ba dbab pa bshad// klu yod gnas su song nas ni// ba yi rnam lnga'i maN+Dal bya// klu sman bdud rtsi'i mchod pa bshams// bag phye klu sman bsres pa yis// ril bu zangs gzhong 'khar gzhong bkang // ri lu re la stong tsho re// sngags 'di bzlas shing chu mig blug/ oM na ga pu tra ti badz+ra du na ti/ mi li mi li swA hA/ char phob/ oM nag shu li ni swA hA// zhes pas/ sngags 'bum bzlas shing chu mig blug/ ril bu chu mig gar yod blug/ char pa phebs par gdon mi za// gal te des kyang ma phebs na// gong gi seng ldeng phur bas sngags// phur pa la ni drag tu mngag/ nA ga rA dza char phob// ces bzlas shing chu mig nang du gdab// da lta nyid du char pa 'bab// ces gsungs so// ser ba dang char dbab pa'i le'u ste bco brgyad pa'o// // de nas bcad pa bstan pa ni// ser ba srung ba'i yul khams su// mchod dang sbyin gtor rgya chen bya// phur pa bcu la sngags bris gdags// rab gnas byin brlabs mchod pa bya// oM badz+ra dun de// mi li mi li/ phye shag phye shag swA hA/ zhes bzlas par// phur bu bcu dang mtho yis bskor// ser sprin 'dus na lha bsgoms la// sngags bzlas nam mkha' phu yis gdab// sdigs mdzub bsgreng la ri mo bya// ser ba 'bab par mi 'gyur ro// char dang chu ni bzlog 'dod na// seng ldeng phur pa sor brgyad la// sngags 'di bzlas pa 'bum du bya// na mo bud d+ha ya// oM badz+ra kI yi ki la ya// na ga du tsan d+he tsan d+he// mi li mi li/ b+han d+ha b+han d+ha/ na ga ni swA hA/ nA ga ma la shi pra du/ na ga ma la shig swA hA/ bar chad tshar gcod chu bzlog ces bzlas shwa dang 'od kha bzlog 'dod na// zangs sam lcags la 'brug gzugs bya// sngags bzlas chu snar sbas pas bzlog/ ces gsungs so// char chu ser ba bcad pa'i le'u ste bcu dgu pa'o// // rta mgrin dregs pa tshar gcod kyi rgyud las// bsre mnan dbab bcad gnyis kyi skabs te bdun pa'o// // de nas 'khrul 'khor las bshad pa// dang po bsrung ba'i khrul 'khor ni// shog/ shog gtsang ma dag la ni// 'khor lo rtsibs brgyad bris byas la// tha ma mu khyud rdo rje dang // me ri gnyis kyis bskor bar bya// rtsibs la rtsa sngags bri bar bya// oM pad+ma ma hA kro d+ha ha ya gre pa hu lu hu lwa hUM phaT// rtsibs mtshan sngags 'di bri bar bya// kro d+ha pra be sha phaT// tshal pa tshal pa/ dum bu dum bu hUM phaT// dbus kyi lte ba gang bsrung la rak+Sha rak+Sha hri zhes pa bri/ maN+Dal steng gzhag byin gyis brlabs// mchod bstod byas la lus la gdags// yang na tshon skud rnam lnga la// mdud pa byas la sngags bzlas la// rdo rje 'phreng bar bsam la gdags// 'gro ba pho mo si 'u la// btags pa tsam gyis gnod pa bsrungs// klu la sogs pa'i gdon zin na// zangs gzhong 'khar gzhong nang du ni// klu gzugs sna tshogs bcug nas ni// klu gtor klu sman mchod par 'bul// nA ga ra dza sarba a mr-i ta ba ling ta swA hA/ zhes pas mchod cing 'bul// nad pa'i lus la sla byas bya ba// klu gdon sa ru yas zag bskyal// klu yi gdon las thar bar byed// bskrad pa'i 'khor lo rtsibs brgyad la// rtsa sngags bkod la ming bcug la// che ge mo u tsa ta ya hUM phaT// ces bri// phyi rim rlung gi ri mo bri// gang gnod sa ru sbas pa na// phyi nas gnon pa byed mi nus// de nas tshe yi sgrub pa ni// tshe chang sman dang rdzas blug ste// maN+Dal steng bzhag byin gyis brlab// 'jig rten khams kyi tshe bkug nas// rtsa sngags sham bur tshe sgrub pa// A yu badz+ra she yu bruM a// gnas skabs sgrub pa grangs dang sbyar// bstod cing tshe ni bum par bstim// gang la bya ba de la ni// tshe bstim tshe dbang bskur bar bya// bcu las mi thub brgya thub 'gyur// tshe nyams tshe zad stong thub 'gyur// de nas sman gyi sgrub pa bshad// sa chog bya zhing sta gon bya// dkyil 'khor 'phrin las gzhung bsrang la// bdud rtsi sgrub pa'i 'phrin las bya// rjes kyi cho ga rdzogs par bya// sman bla drang srong rnams kyis byin gyis rlob// ces gsungs so// bsrung gos sman gyi tshe sgrub sman sgrub kyi le'u ste nyi shu pa'o// // rta mgrin dregs pa tshar gcod kyi rgyud las// skabs brgyad pa'o// // de nas 'dus pa'i 'khor tshogs kyis// pad+ma dbang chen sku la bstod// nub phyogs snang ba mtha' yas zhing khams nas// bcom ldan dbang chen pad+ma he ru ka/ dbang gi rgyal po dbang la mnga' mdzad pa// 'khor ba dbang sdud thugs rje spyan ras gzigs// thugs rje'i mnga' bdag khyed la phyag 'tshal bstod// ces bstod pa dang // pad+ma dbang chen dpal rta mgrin gnyis su med par gyur te/ dpal rta mgrin gyis rta skad thengs gsum bton// rta bro 'khor gsum brdungs te khams gsum dbang du bsdus// srid gsum zil gyis mnan nas// dregs pa can thams cad tshar gcad de// hri hUM/ nga ni dbang chen he ru ka/ nga ni rta mgrin khros pa'i sku// rta skad thengs gcig gnam la tsher// steng gi lha rnams dbang du sdud// rta skad thengs gcig par snang khams su tsher// lha srin sde brgyad dbang du sdud// rta skad theng gcig 'og tu cher// 'og gi klu rnams 'bub cing brgya la// rta skad theng gcig phyogs bcur sgrogs// phyogs skyong dregs pa zhabs 'og gzir// dpal gyi rta skad tshe re re// khro ba'i hUM sgra 'brug stong ldir// phaT kyi thogs dang gnam lcags 'bebs// sbubs kyi lcags pas khams gsum g.yo// shangs kyi rlung gi srid gsum g.yo// snyan nas 'brug sgrogs stong gsum ldir// ljags las glog byung bar snang 'khyug/ spyan nas chu 'byung srid pa 'khru// zhal nas mche gtsigs skye shi sgrol// sma ra me 'bar gdug pa bsreg/ phyag ni mtshon chas dgra bgegs sgrol// zhabs kyi rta grol dregs pa 'dul// rta bro 'khor gsum chems se chems// rta bro thabs gcig dang po yis// gzugs med srid pa rtse nas gnon// rta bro 'khor gnyis bar ma yis// gzugs khams bcu bdun zil gyis gnon// rta bro 'khor gsum tha ma yis// 'dod khams nyi shu zhabs 'og gnon// rol ba'i rta bro brdungs pa yis// lha srin sde brgyad dbang bsdus nas// dregs pa gdug pa'i tshogs rnams brgyan// dpal gyi rta dro rgo ra ro// khro bo'i gar zabs logs se logs// bro ni dregs pa 'dul ba'i bro// glu ni dbang du sdud pa'i glu// tshig ni don dam chos kyi tshig/ zhabs g.yas thabs kyis bro brdungs pa// khro bo'i tshogs rnams dbang du sdud// zhabs g.yon shes rab bro brdungs pas// khro mo'i tshogs rnams dbang du sdud// rol ba'i rta bro brdungs pa yis// dregs pa bgegs kyi tshogs rnams 'joms// hri hri hri/ hUM hUM hUM phaT phaT phaT// ces dpal rta mgrin gyi brtul zhugs drag po'i bro brdungs pas// dregs pa can rnams thams cad la la la bsgyel// la la brgya la// la la rengs// la la lus sems tshar bcad nas// dpal gyi zhabs 'og tu 'dus par gyur to// de nas bcom ldan 'das dbang chen rta mgrin gyis// 'dus pa'i 'khor la bka' stsal pa// rgyud chen dregs pa tshar gcod rgyud// spyan ras gzigs dbang khros pa na// rta mchog rgyal po'i sku ru sbrul// dregs pa gdug pa 'dul ba dang // thun mong mchog gi dngos grub ster// nor bu lta bur dgos 'dod 'byung // yon tan byin brlabs zad mi shes// rgyud 'di 'dus pa'i 'khor la gtad// bstan pa'i snying po thub par srungs// zhes gsungs so// rta mgrin dregs pa tshar gcod kyi rgyud las// dregs pa dbang du snga ba dang gtad pa'i le'u ste nyi shu rtsa gcig pa'o// // mjug bstod pa rta bro dang gtad pa'i skabs te dgu pa'o// // rta mgrin dregs pa tshar gcod kyi rgyud las// le'u nyi shu rtsa gcig pa'i skabs dgu pa rdzogs// rgya rgya rgya// // @#// rgya gar skad du// shri ha ya gr-i ba tan tra ya de na ma// bod skad du/ dpal rta mgrin gyi rgyud phyi ma zhes bya ba// bcom ldan