བོད་ཡིག

e-texts produced with BDRC’s OCR application

pa'i don la 'thud// ye shes mdzod chen chos kyi dbyings// rdo rje sems dpas gsungs pa'o// rdzogs so// // rgya gar skad du/ dz+nyA na pra ka sa e d+harma/ bod skad du/ ye shes gsal ba chos kyi dbyings// dpal rdo rje sems dpa' la phyag 'tshal lo// skye med don dam gsal ba'i skabs// gdod nas gsal bas snying po a// bying rgod gnyis kyi skyon dang bral// bsgom bya chos nyid gud na med// 'di ni don dam bde chen dang // ma bcos ma yengs rang sar grol// dran pa rang grol don dam dbyings// so ma lhug pa gyi na tsam// ming tsam bsgom zhes de la bya// dran rig shes pa ma 'gags la// 'dzin rig yul las rnam par grol// ma byung ma skyes g.yos pa med// spros bral bsam 'das brjod med dang // dus bzhi mnyam par sbyor ba'i skabs// srong la dran pa'i gzung thag gzung // nam phyed shes bya bum par gzhug/ tho rangs dbang po rang yan gzhag/ nyi phyed mtshan ma rang sar grol// dus bzhi don dam snying po la// dran pa shes bzhin rtsi yis bzung // dper na glang chen lcags kyu bzhin// ma yengs dran pas rang sar grol// gser bum til gyi sgron me bzhin// 'gyur med rig pa nang na gsal// gser gling brdal ba'i klong chen bzhin// gang ltas rdzogs pa chen po'i klong // dug sbrul 'bar ba'i mdud pa bzhin// rtsol sgrub med par rang sar grol// bying rgod skyon rnams sel ba'i skabs// grol ba nyid la grol bar shes// dper na gser la gser mthong bzhin// ji bzhin ma nor gzhag thabs la// ma goms ngal dub thun ches pas// bying rmugs rab tu 'thibs pa dang // lci zhing don rnams mi gsal te// sgo lnga yul la 'phro ba dang // yid 'khrul dran rtog bag chags ldang // rnam rtog rkun bur 'dzags pa rnams// bying rgod skyon du gtang mi bya// bying ba'i skyon rnams gseng ba ni// sa mtho ser bu bsil ba'i sar/ khrus bya lus bcag rgyang mig blta// glu blang gar bya sgra rnams bsgrags// rgod pa rnams kyi bsdu ba ni// gtad dang gzung dang rang sar grol// rang byung rang zhi nam mkha'i dpe// lta ba dran pas mtha' bral dang // nyams myong rgyun chad med pa'i skabs// de tshe nyams ni g.yo dang goms// thob dang brtan pa'i nyams bzhi skye// nam mkha' dngas pa'i zla ba bzhin// kun la snyoms la rtog sgrib med/ kha skom zas dang bral byas kyang // mdangs dang dbang po gting nas gsal// bzod thob chos brgyad spong len med// 'dod yon lnga las rnam par grol// nyon mongs zher 'dzin rtog pa zad// lus yang shing bal dbugs mi tshor// rtags mtshan lung byung dga' brod med// med kyang de la ji mi sems// gnyis su med pa'i don chen 'di// gsal khyab yangs pas nam mkha'i klong / khyung chen nam mkhar lding bzhin// spro bsdu med par ye sangs rgyas// lta ba rdzong chen drug gi skabs// kun gzhi skye med snying po la// 'khrul dang ma 'khrul rtog las 'das// rtog 'das don gyi snying po la// bsgom bya chos nyid gud na med// bsgom bya ming du btags pas nor// ci phyir brjod pa kun dang bral// rnam rtog gnyen por mi rtog bsgom// de ka rtog pa chen po yin// rtog pa'i mtshan ma ci skyes kyang // de nyid chos nyid yin shes na// dug la sman du shes pa bzhin// chos sku gzhan nas btsal mi dgos// snang ba med pa'i chos nyid ni// ma btsal bzhag na bsgom pa yin// de dang der ni rnam btsal kyang // de las de bzhin de mi 'byung // gnyis med bde ba chen po'i skabs// gsal la rtog med ting 'dzin las// bsgom bya blo yi rtog pa yin// sgom byed skur 'debs lta ba ste// bsgom bya sgom byed gnyis med dang // de phyir gnyis med bde chen la// rtag chad gzung 'dzin gnyis su med// kun rdzob don dam gnyis su med// blang dor spyod 'bad gnyis su med// dbyings dang ye shes gnyis su med// thams cad gnyis su med pa'i klong // gnyis su med par thams cad rdzogs// rgya chad phyogs lhung med pa'i rdzong // lhun grub ye shes rang shar skabs// 'gyur ba ma yin drang por gsal// lhun gyis gnas pas bde ba che// rang byung ye shes rgyu rkyen bral// rang gi mthu yis rig pa las// chos ni gzhan nas 'byung mi 'gyur// tshig tsam gzhan la brten 'dra yang // dngos su bde chen rang las shar// thugs rjes gsang ba gdam pa'i skabs// bde chen rang shar ting 'dzin 'di// rkun po'i nor bzhin gsang bar bya// 'dod pa ma phrel bar du ni/ kha 'jam sri zhu ngo bstod zer// 'dod pa'i don de 'brel nas su// rgyab kyis phyogs nas slob dpon gsang // rang gi ngo bo sgra byed pa// tshig pa mo yi 'du shes skye// de 'dra'i don du gsang bar bya// ye shes gsal ba chos kyi dbyings// rdo rje sems dpas gsungs pa'o// rdzogs so// // rgya gar skad du/ dz+nyA na dz+wa la e d+harmA d+hA tu// bod skad du// ye shes 'bar ba chos kyi dbyings// dpal rdo rje sems dpa' la phyag 'tshal lo// skye med spros dang bral ba'i