བོད་ཡིག

e-texts produced with BDRC’s OCR application

@/ rgya gar skad du/ tsit+ta u lU ka mu kha tan+t+ra nA ma/ bod skad du/ snying tig bkol ba'i rgyud 'ug pa'i gdong can zhes bya ba/ bcom ldan 'das dpal 'jigs byed he ru ka la phyag 'tshal lo// 'di skad bdag gi thos pa dus gcig na/ bcom ldan 'das dpal 'jigs byed kyi rgyal po/ dur khrod chen po kyi sha na zhes bya ba khang bzang rab tu 'bar ba na/ khrag gi rgya mtsho chen po'i klong // dur khrod kyi ro mang po yod pa'i gnas// thod pa brtsegs pa'i gnas// thod pa brtsegs pa'i gzhal yas khang // keng rus brtsegs pa'i grong khyer gyis bskor ba shin tu 'jigs shing skyi g.ya' ba'i gnas de na// 'khor tshogs khro bo dang khro mo dang 'bar ba'i tshogs bsam gyis mi khyab pa dang / ma mo mkha' 'gro bsam gyis mi khyab pa'i tshogs la/ 'di lta ste/ ye shes kyi ma mo dang / srid pa'i ma mo dang / bka' sdod kyi las mkhan dang / srin mo khro mo'i tshogs bsam gyis mi khyab pa ni 'di ltar// dkar mo'i tshogs dang / rkun mo'i tshogs dang / rmongs mo'i tshogs dang / spos mo'i tshogs dang / gtum mo'i tshogs dang / thal byed ma'i tshogs dang / sme sha can gyi tshogs dang / ma mo la sogs pa'i 'khor na/ sprul pa'i bud med seng gdong ma'i tshogs dang / stag gdong ma dang / wa gdong ma dang / sbrang gdong ma dang / gzhan yang bya rgod ma dang / kang+ka ma dang / bya rog ma dang / 'ug pa'i mgo can la sogs pa/ sha khrag srog dbugs la dbang byed pa/ 'jig rten kyi nad bdag mo// srog gcod pa'i bdag mo/ bdud kyi bu mo dang / gnod sbyin gyi bu mo'i tshogs dang / gza' yi bu mo'i tshogs dang / brag srin gyi bu mo'i tshogs dang / klu srin gyi bu mo'i tshogs dang / las la grub pa'i lha srin gdug pa can la sogs pa bsam gyis mi khyab pas bskor te gnas so// de'i tshe de dag gi nang nas las kyi srin mo 'jig rten gyi tshe srog la dbang byed pa'i dpag mo/ gsod byed dmar mo mi zas ma zhes kyang bya/ srin mo 'od 'dus shang ka ti zhes kyang bya/ dmar mo chu srin rgyal mtshan can zhes kyang bya/ zlog byed chen mo pra mo ha zhes kyang bya ba zhig gis/ bcom ldan 'das 'jigs byed chen mo la lan brgya stong du bskor zhing mchod pa byas te/ 'di skad ces gsol to// e ma dpa' bopo thugs rje bdag/ bskal pa bgrangs pa'i 'gro drug rnams// las kyi 'khor ba'i 'jig rten 'di// sgrol ba 'ba' zhig thugs rje'i bdag khams gsum sgrol ba'i mchog 'tshal gyis// srid gsum sgrol ba'i dbang stsol cig ces gsol pa dang / bcom ldan 'das 'jigs byed he ru kas/ khams gsum dbang du bsdus srid gsum zil gyis gnon// sku yi 'od zer dang gsung gi nga ro dang / thugs kyi sprul pas 'khor rnams spro ba bskyed par mdzad de/ 'di skad ces bka' stsal to// nyon cig srid pa'i khro mo'i gtso// srid gsum 'jig rten thams cad du// mi dge'i cho 'phrul gsad bcad tshogs// bka' dang mthun pa'i las ma yin// 'on kyang lnga brgya'i tha ma la// bstan pa 'jig pa'i rU tra'i tshogs/ khyod kyi zas dang skom du bsngo// dam sri bsgral ba'i zhing bcu yin pas// srog dang dbugs la dbang bsgyur ro// bka' dang mthun pa'i rnal 'byor la// bsrung dang dbab pa'i las kun byos// mu stegs log lha'i ngan sbyor rnams// zlog cing gsod par dbang bskur ro// don dang mthun pa'i rnal 'byor gyi// las rnams ma lus kun byos shig/ ces bka' stsal pa dang / srin mo chen mo sems rab tu dga' ba skyes nas/ dpal chen po'i bka' stsal pa'i lung bzhin du dam bcas te/ gsang sngags kyi srung mar gyur to// 'khor na gnas pa'i ma mo gsam gyis mi khyab pa rnams kyang rab tu dga' ba'i sems kyis/ bcom ldan 'das la bstod cing / bskor ba dang mchod pa rgya cher byas nas/ 'di skad ces gsol to// e ma ho dpal chen khrag 'thung tshogs// bdag cag las kyis ma mo shang ka ti'i// bka' dang sgrub pa'i rjes su ni// bdag cag rnams kyang las bgyid pas// bcom ldan 'das kyis bka' la thogs// don dang mthun pa'i dbang stsol cig/ ces gsol pa dang / bcom ldan 'das kyis 'khor de dag la bka' stsal pa/ legs so legs so srin mo'i tshogs/ khyod kyis las dang skal bstan pa// bstan pa gnyen po srung ba dang // dkon mchog sku dgra gdul ba dang // rnal 'byor don mthun skyong bar gyis// zhes gsungs pas shin tu dga' ste/ rig 'dzin gyi dam can du gyur ro// snying tig bkol ba'i rgyud las 'ug pa'i gdong can zhes bya ba las/ gleng gzhi'i le'u ste dang po'o// // de nas 'khor de'i nang nas byang chub sems dpa' chen po gsang ba ba'i bdag po zhes bya ba zhig gis mkhyen bzhin du/ bcom ldan 'das la 'di skad ces gsol to// e ma ho dpal chen thugs rje bdag/ las kyi srin mo chen mo 'di// da ltar ji ltar rgyu las byung // gnas ni ji lta bu la gnas// las dang bya ba ji lta bu// phyi rabs bstan pa srung ba yis// tshul bzhin bsgrub na ji ltar sgrub// ngan sngags sbyor ba ji ltar lags// phan gdags pa yi las ni gang // zlog cing bsrung na ji ltar lags// dbab gsad cho 'phrul sreg mnan dang // dbang bskur shi sa bstan pa dang // las rnams ma lus mtha' dag kun// dpa' bos rgyas par dka' stsol cig/ de skad ces gsol pa dang / dpal 'jigs byed chen pos bka' stsal pa/ nyon cig zung zhig rdo rje 'dzin// las dang thugs rjes 'brel ba yis// srin mo'i las rnams ngas bshad kyi// gsang bdag rdo rje 'dzin pa nyon// bskal pa kun bkod bya ba la// las kyi gol ba'i rA tra de// nyid kyis de nyid gsang bar btul// srin po'i chung mar gyur pa ni// srin mo nga ro khrag 'thung myos// ral gcig ma zhes bya ba dang / pha ma gdug pa'i bu mo ni// srin mo shang ka ti zhes grags// gdug pa'i byad stems ngan pa yis// 'jig rten phung la khad pa las// dregs pa'i srin po rU tra de// mngon spyod thugs rjes bsgral ba ni// 'dzam gling lho yi zhing khams su// phung po nyal stabs gan rkyal du// ro la gling bzhir gyur pa ni// thug pa med par kun tu brkyang // dur khrod chen po brgyad du gyur// srin mo ral gcig dam la btags// bu mo srin mo shang ka ti// ro yi srung ma chen mor bzhag/ phyi rabs drang ba'i cho 'phrul du// rang byung mchod rten brgyad sprul te// srung ma chen mo brgyad rnams bzhag/ de nas 'dzam gling sa 'di kun// bkra shis rdzu 'phrul 'byung ba'i gnas// cho 'phrul 'byung bar bka' stsal to// de dag nang nas mthu rtsal can// srin mo 'od 'dus shaM ka ri// lha chen tshogs bdag chung mar gyur// lha mo shang ka ti zhes bya// skye 'gro kun gyi srog 'phrog pas// gsod byed dmar mo mi zan ma// srid pa gsum gyi dbugs len ma// srin mo khrag 'thung ma zhes bya// yang na zlog byed pra mo ha// phyag na rdo rje dbang gi gnas/ kha che'i yul gyi dur khrod de// mtha' yas kyi ni ri yi phug/ rgya mtsho'i gling gi ma ga do// dur khrod srin mo ro yi gling // ma mo gnas ni de na gnas// srung ni mchod rten ka ni srung // las ni rnal 'byor ting 'dzin nyul// nga yi dam la rab tu gnas// dad mos nyams su gang lon pa// de yis dgos pa grub par byed// ces gsungs so// snying tig bkol ba'i rgyud 'ug pa'i gdong can zhes bya ba las/ gleng slong ba'i le'u ste gnyis pa'o// // de nas yang dag bshad bya ba// bstan pa bsrung bar bya ba'i phyir// las rnams 'og ma 'di ltar bya/ khrag 'thung rgyal mo'i sgrub zabs ni// shin tu dben pa'i gnas dag tu// srin mo'i g.yang gzhi bkram nas su// de yi dbus su dkyil 'khor ni// thig le khrag gi zla gam bya// srin mo'i sgra yang khrag gis bri// de yi dbus su bzhugs su gsol// snying gi gtor ma mdun du gzhag/ bstod pa'i tshig dang mchod pa ni// dus nyid du ni dbul bar bya// bdag nyid dpal gyi skur bsgom nas// sgrub pa'i sngags ni 'dzab tu drang // grub pa'i rtags ni byung ba dang // nub phyogs su ni gtor ma gtang // dgongs pa dam pa de yi tshe// gsang ste gang 'dod bcol ba ni// zlog dang srung dang gsod la sogs// ji ltar 'dod pa bzhin du 'grub// snying tig bkol ba'i rgyud 'ug pa'i gdong can zhes bya ba las/ ma mo sgrub pa'i gnad kyi le'u ste gsum pa'o// // de nas yang dag bshad bya ba// spyan 'dren nye ba'i snying po dang // las rnams kun gyi gsang sngags ni// dang po bdag nyid gsal gdab sngags// oM badz+ra ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM phaT/ bdag nyid khro rgyal nga rgyal bya// oM badz+ra pra mo hA ru lu ru lu hUM b+h+yo hUM/ ma mo bskyed pa'i sngags so// dzaHhUM baM hoHbadz+ra pra mo ha shang ka ri dza/ spyan drang nye ba'i snying po'o// badz+ra pra mo hA dza hUM du dri ma rag mo snying rtsa b+h+yo/ sku'i snying po sgrub pa'o// oM badz+ra rag mo kha la rak+Sha dung dmar ka ma la b+h+yo/ gsung bsgrub sngags kyi drag sngags so// oM ba lin rak+Sha rag mo khA hi hoHme tsa me d+ha rak+ta ru ti khA hi khA hi/ mchod pa 'bul ba'i sngags so// oM kro d+ha ma ke na shang ki ma pra du ha ma hUM b+h+yo hUM dzaHdzaHthugs las drangs pa'i snying po'o// oM ma mo badz+ra drag rag mo snying la shad srog la dun dun b+h+yo// rag mo kha la kha tshe ma dun rbad rbad/ rak+ta la ling kha baM mugs mugs mA ra ya dzaHdzaHbadz+ra pra mo ha b+h+yo b+h+yo/ snying shig bkol ba 'ug pa'i gdong can gyi rgyud las/ srin mo'i sngags kyi le'u ste bzhi pa'o// // de nas yang dag bshad bya ba// dam rdzas tshang ba'i gtor ma bsag/ gdung ba'i dbyangs kyis 'di skad bskul// he ru ka yi dkyil 'khor du// dur khrod chen po'i gnas bsrung na// srid pa yongs kyi sha zan mo// khams gsum srid pa'i dbugs 'phrog ma/ khyed kyi dam tshig dus la bab// yul gyi ming ni kha che'i yul// rgya mtsho'i gling ni ma ga do// dur khrod ming ni he chen brdal// mchod rten ming ni ka niSh+ka// ma mo'i ming ni 'od 'du shang ka ti// gnas ni dur khrod he chen brdal// srung ni mchod rten ka ni srung // dmar nag 'bar ba'i ral pa can// skad ni mi gcig kha che'i skad// gzugs ni mi ston lag brgya ma// brda ni mi 'phrod lo bal mo// mched la gdung zhing dam la gnas// zhing chen g.yang gzhi gdan la gding // dmar chen dam la gshegs su gsol// dus 'dir grub pa stsal du gsol// bka' dang dam las 'das gyur na// he ru ka dpal thugs khros nas// dmar smug nang du tshig ta re// de skad bstod cing spyan drangs la// mchod pa dus gsum dbul bar bya// nam dang nyi ma'i gung la ni// dmar gyi ar+g+ha bstab cing sbreng // bsgrub pa'i sngags ni 'dzab tu drang // snying tig bkol ba 'ug pa'i gdong can gyi rgyud las/ ma mo gnad nas bskul ba'i le'u ste lnga pa'o// // de nas yang dag bshad bya ba// zlog pa'i thabs ni 'di ltar bya'o// sgrub pa tshul du mthun pa la// gtor ma'i nang du gdab pa ni// thal chen dang ni nyung dkar la// zlog byed ma yi zlog sngags kyis// nyin gsum bar du btab nas ni// phyogs bcu dag tu gtor byas nas// dam sri bar chod bzlog par 'gyur// gzhan dag smos kyang ci dgos te// de yi mtshan ni spo bar bya// las skal bzhin du bcol gyur na// phyag na rdo rje'i mthu yang zlog/ oM badz+ra pra mo ha a lo khas nag mo bam ma thun zlog dzaHhUM b+h+yoblo// thams cad zlog pa'i sngags so// oM badz+ra pra mo ha he sa ma ya ma mo b+h+yo b+h+yo/ rak+kha rak+kha sa ma ya kha taM kha taM ma thun zlog thun zlog/ dmod dang byad bzlog pa'i sngags so// oM badz+ra pra mo ha kha la rag mo shag sham tsit+ta rbad b+h+yo b+h+yo/ lha srin gyi rdzu 'phrul bzlog pa'o// oM ma ma shang ka ti rag mo rag mo// man pram shig shig dza dzaHb+h+yo b+h+yo/ rbod gtong bzlog cing slar gsad pa'o// snying thig bkol ba'i rgyud 'ug pa'i gdong can zhes bya ba las bzlog pa'i le'u ste drug pa'o// // de nas yang dag bshad bya ba// rnal 'byor 'khor bcas bsrung ba'i phyir// bsgrub pa gzhung bzhin mthun pa la// bsrung ba'i don du 'di ltar ro// bya nag mo'i sgo nga gtor ma'i dbus// rdzas ni nyung dkar thal ba la// zlog byed ma yi bzlog sngags kyis// gsum gyi bar du bzlas nas ni// de yi nang du blug par bya// de nas ras kyi skye 'ur blugs// gang la bsrung bar bya ba'i phyir// lus sam gul du btags gyur na// bsrung ste thams cad thub par 'gyur// oM badz+ra pra mo ha he dung ling / nag mo bam srungs// e nu du ha ma phaT snying thig bkol ba'i rgyud 'ug pa'i gdong can las// bsrung ba'i le'u ste bdun pa'o// // de nas yang dag bshad bya ba// sangs rgyas bstan pa bsrung ba'i phyir// dgra bgegs 'pho ba'i las byed de// sgrub pa gzhung bzhin mthun pa las// gsad pa'i don du 'di ltar ro// gtor ma'i dbus su gzugs bzhag la// snying gi khrag dang bam gyi khrag/ nyung dkar nyung nag ske tshe la// gsod byed ma yi dmod mo bzlas// lus dang gzugs la btab gyur cing // sba ba'i sa der mnan na ni// rtags dang mtshan ma myur du 'ongs// gsod byed ma yi dmod mo yis// lha srin sde brgyad srung bar 'gyur// bud med lag pa g.yas pa ru// gsum mam mar gyi tshes brgyad la// dmod mo btab pa blugs nas ni// rang rang khyim gyi phyogs su gtor// srin mo'i lag pa zhes bya ba// mi nad mod la 'bebs par byed// yang na rgyun du de ltar bya// gsang ba'i dmod mo 'di ltar ro// dza yak+ka nag mo/ rak+Sha ma nag mo/ snying la shad shad b+h+yo b+h+yo/ che ge mo zhig mu ma rbad// b+h+yo snying kha rag tshal pa rbad// b+h+yo mA ra na hUM nan/ bam mug he/ rag mo kha tshe de ra ya thun b+h+yo b+h+yo/ 'di dag ma mo'i dmod mo ste// las rnams nges par 'grub par 'gyur// snying tig bkol pa 'ug pa'i gdong can gyi rgyud ces bya ba las/ gsad pa thun nag gi dmod mo'i le'u ste brgyad pa'o// // de nas yang dag bshad bya ba// bstan pa bsrung ba'i las bya na// chu 'khyag thog dang ser ba 'bab// de yi las kyang 'di ltar ro// sgrub pa gzhung dang mthun pa la// rabs chad nag po'i thod pa ru// dgra bo'i lo tog sngo snar bcas pa blugs// khrag dang dug dang ske tshe la// thugs kyi snying po 'bum du bzlas// las sngags khri thon dgra yul gnan// tsa ra'i khrag gis dmar lam bstan// srid pa g.yo/ phyir khrag zor brdeg/ seng ldeng phur pa sor brgyad la// srin mo nyid du dbang bskur te// lha klu gnas pa'i rten la gdab// sbyin zang nges par 'bebs par 'gyur// thugs kyi sngags la rbad sngags sbrel// tad+ya thA dza ri li ri li snying kha rak+Sha pa shang ku ru ma ma raM raM hril hril/ shar shar/ drag drag/ ru tsa ru tsa/ shu ti phreM/ tsa mun dud pro/ sa man+ta a kar/ du ru du ru phreM phaT/ ser bsgrub dril sngags so/ ma ken shing gi ta/ rag mo rag mo/ b+h+yo b+h+yo/ dud phreM/ dkar phreM/ shu ti phreM/ sug ti smin/ drag tu tsar hril b+h+yo/ dum dum ma ma hril shag phob/ e ke tra rbad glo bur sbyin 'dong pho ba/ ser ba dbab pa'i sngags so// oM badz+ra pra mo hA/ gu shi la/ sa ma ya praM thun praM rag rbad/ nal chem 'ur rbad/ tsag ram me phro rbad rbad/ thog dbab pa'i sngags so// las rnams snga ma'i steng du yang // shes rab ma'i mtshal dang gser dang // khro chu 'khar ba thog lcags dang // 'brug rus nyung dkar rnams la bsngags// thod par blugs te rab sbas bsgrub// snying tig bkol pa 'ug pa'i gdong can gyi rgyud las/ thog ser dbab pa'i le'u ste dgu pa'o// // de nas yang dag bshad bya ba// cho 'phrul sngon du bstan pa'i phyir// ltas ngan sprul pa sna tshogs dbab// 'ug pa'i sha khrag spu la sogs// bag phye la sogs gzugs byas la// 'ug pa'i sha khrag sgo btsugs te// ma mo'i mdun du gzhag par bya// lhas ngan gzugs ni sna tshogs kyis// 'ug pa'i gzugs kyi tha ma bskor// so so'i sha khrag snying bcas gzhag/ ma mo'i sgrub pa gzhung btsugs la// ltas ngan rgyal mo bskur bar bya// rtags dang mtshan ma byung ba'i tshe// nam gung nag la dgra phyogs 'phang // nges par cho 'phrul 'byung bar 'gyur// oM badz+ra pra mo ha/ e ru ta ba phaT/ rag mo ru lu ru lu ka phob/ tri la dun tshe trab trab sil sil pho ba/ sed+ha byA g+h+rA sri la shra na pho ba/ gr-i D+ha kang+ka ka ka u lU ma pho ba/ ma b+h+yo sa ma ya pho ba/ seng ge stag dang wa spyang tshogs// bya rgod kang+ka bya rog 'ug/ mngon sum dag tu 'byung bar nges// snying tig bkol ba'i le'u ste 'ug pa'i gdong can zhes bya ba'i rgyud las/ ltas ngan gtang ba'i le'u ste bcu pa'o// // de nas gzhan yang bshad bya ba// ma mo dam la rub pa'i phyir// dbang du bsdu ba'i las bshad de// bdag nyid dpal chen he ru ka/ thugs las ye shes rab 'bar 'phros// ma mo'i snying gi dkyil du ni// dmar smug 'bar ba'i me dag bsam// de las ye shes sems dpar bsam// gal te dam la 'da' gyur na// bdud rtsi gtor zhing sngags 'di bzlas// oM badz+ra kro ta ma ken shang tri ma trang du ha ma hUM b+h+yo b+h+yo// dza dzaH/ sa ma ya i dan hi na ra kan rak+kha kro d+ha dza la raM/ ma rak+Sha pra be sha ya phaT/ de skad ces ni brjod pa ni// ma mo'i snying tig srog snying nyid// dmar smug 'bar ba'i me nang du// rdo rje gnod sbyin khro mor gyur// snying khrag thams cad 'thung bsam pas// ma mo nyid kyang brgyal bar 'gyur// de nas las rnams grub pa dang // slar zhing ma mo gso bar byed// oM dz+nyA na tsit+ta badz+ra shang ki hUM/ snying po srog gi snying po bri// zhing chen tsit+ta wa yi snying // gser dang bcas pas shes rab mtshal// zhing chen khug mar bstsal nas ni// 'gro dang 'dug pa'i dus su bzlas// las rnams grub par gdon mi za// snying tig bkol pa 'ug pa'i gdong can zhes bya ba'i rgyud las// dbang du bsdu zhing shi sa bstan pa'i bla srog gzung ba'i le'u ste bcu gcig pa'o// // de nas yang dag bshad bya ba// las rnams me yis grub pa ste// sbyin sreg las ni 'di ltar ro// shar lho 'brub khung gru gsum ste// dug shing gdug pa'i me sbar la// ma mo me lha nyid du bsgom// mchod rdzas rim par dbul bar bya// oM badz+ra kro d+ha pra mo ha raM dz+wa la ni ram ram che ge mo mA ra ya phaT/ brgya rtsa brgyad ni bsreg byas na// tshangs pa'i tshe dang ldan pa yang // skad cig yud la brlag par 'gyur// hu lu mu kha'i rgyud las/ sbyin sreg gi le'u ste bcu gnyis pa'o// // de nas yang dag bshad bya ba// gtan 'pho'i las kyi gnan thabs ni// rabs chad thod pa de nang du// dgra bgegs ming dang gzugs bcas gzhug/ sbyin sreg thal ba gzugs bcas grub// lha khang mchod rten 'dre gzugs can// lha srin gnas pa'i sar song la// dug khrag nyung dkar sna tshogs brab// oM ma ma rag mo sa ma ya dzaHrbad i shan rak+Sho zung / ma ma rbad// laM laM/ staM staM/ dza rbad/ khrag rgud/ tsit+ta zung / rag mo b+h+yo dzaH/ rag mo sha/ nag mo zung / mA ra ya dzaHdzaH/ bskal par thar pa'i dus med par bsam// snying tig bkol ba'i rgyud las/ mnan pa'i le'u ste bcu gsum pa'o// // de nas yang dag bshad bya ba// gal te las su ma rungs na// bu mo bzhi yi sbyor ba brtsam// dben pa'i gnas su song nas ni// sa yi maN+Dal steng dag tu// so so'i g.yang gzhi bting nas su// dkyil 'khor khrag gis gru gsum bya// mi mgo'i phor pa'i nang dag tu// snying dang khrag gi gtor ma gzhag/ de yi nang du gzugs kyi steng // gro gar dgra bo'i ming rus bris// srog rtsa'i nang du bstsal nas ni// snying ga dag tu gzhag par bya// dmar gyi ar+g+ha gtor mar bcas// de yi 'gram du gzhag par bya// bdag nyid dpal chen he ru bsgom// bdud dang gnod sbyin brag srin dang // klu srin bu mo bzhi po bskul// nyung dkar thal chen ske tshe dang // srog rbad gsad pa'i sngags su bzlas// de yi gzugs la gdab par bya// nyi ma dang po skul bar byed// gnyis pa de nyid 'gugs par byed// gsum pas srog 'phrog nyams par byed// bzhi pas gsod cing 'pho bar byed// lnga pa'i nub mo de dag kun// phur bu sor gsum gdab par bya// yang na gzugs de mtshon gyis gtub// rabs chad thod par stsal nas ni// gnod par gyur pa'i sa dag tu// phrin las rnam bzhi'i gzir gnan bya// nges par gdon mi za bar 'gyur// yang na de yi dgongs pa de rnams kun// ga'u'i nang du bstsal nas ni// 'gro'am 'dug pa'i dus rnams su// bu mo bzhi po bskul nas ni// nyung dkar thal chen ske tshe dang // srog rbad gsad pa'i sngags bzlas nas// de yi nang du gdab par bya/ khrag gis gnod pa de la gtor// yang na de yi phyogs su 'phang // gzugs rnams rabs chad thod par bstsal// gnod par gyur pa'i sa ru sba// mnan pa yang ni snga ma bzhin// rgyun du de ltar byas gyur na// sdang ba thams cad brlag par 'gyur// ji ltar 'dod pa bzhin du 'grub// rag mo dun tri yak+Sha snying la shad shad// che ge mo snying la rak+Sha b+h+yo// tshal pa dum bu mA ra ya phaT// bdud kyi bu mo'i sngags so// gnod sbyin gyi bu mo'i sngags la/ rak+Sha du ling ma hri dza snying shad shad// che ge mo 'u mu/ stam b+ha ya phaT/ brag srin mo'i bu mo ni// rak+Sha dun ti pra ma sha tri dzaHsnying shad shad// che ge mo'i ro sha sog rmug rmug tsit+ta rbad/ mA ra ya rbad/ klu srin bu mo'i/ nA ga rag+ni dzaHdu rag mo kha tshe tri dza tsit+ta shad shad/ che ge mo rak+ka ro mo rbad pra ru sha bam shig ma ra ya zad// snying rtag bkol ba'i rgyud 'ug pa'i gdang can zhes bya ba las/ bu mo bzhi'i srog zad gsad pa'i le'u ste bcu bzhi pa'o// // de nas yang dag bshad bya ba/ srog nyams pa gso ba ni// maN+Dal pad+ma 'dab bzhi la// dbus su zla gam kha sprad de// dpal chen nyid dang srin mo dgod// pad+ma 'dab bzhi dag la yang // bu mo bzhi ni tshul bzhin dgod// tshe bum b+han+da srub med la// snying po sngags dang zas kyis dgab// rgyan chas ldan pas mchod pa dgram// oM AHhUM badz+ra A yu She dzaH/ puN+ye puSh+Ti ku ru sid+d+hi sid+d+hi hUM// tshe yi snying po zhag gsum bgrang // bar chod bzlog phyir phyag rgyar gzhug/ bskul ba'i pho nyas tshe dpal drang // drod tshad zin nas tshe dbang bskur// de yis tshe yi sid+d+hi nges par 'grub// snying tig bkol pa 'ug pa'i gdong can zhes bya ba'i rgyud las// tshe bsgrub pa'i le'u ste bco lnga pa'o// // de nas yang dag bshad bya ba// ma mo skong ba'i rdzas bshad de// shel smug spyi dkar mo yi rigs// rgyan chas gsal ba rdzas kyi mchog/ mkha' lding spug mo thig le can// nyams chag skong ba'i rdzas chen de// skyes pa gtsang ma'i bam gsar ni// ma mo mchod cing sgrub pa'i rdzas// ma mo'i dam rdzas khyad par ni// wa snying mi dang lug smug snying // mkha' lding snying khrag bdud rtsi dang // byang sems dkar dmar rdzas chog ni// ma mo brten pa'i rdzas yin no// gzhan yang sha chen tshil chen dang // 'bras bu mi dbang sha khrag snying // gsur chen dud pa tshil chen me// g.yang gzhi rgyal mtshan phan gdugs dang // rdzas dang ldan pa'i gtor ma dang // 'bru chang rtsi chang rak+ta'i tshogs// ma mo mchod pa'i rten bya'o// snying tig bkol ba'i rgyud 'ug pa'i gdong can zhes bya ba las// ma mo'i mthun rdzas kyi le'u ste bcu drug pa'o// // de nas yang dag bshad bya ba// ma mo'i rtags dang mtshan ma bshad// rab ni sku ston gsung mchog sgra// 'bring ni me 'bar 'od 'phro zhing // rnal 'byor ci dris smra bar byed// tha ma rmi lam sna tshogs ston// dmar mo bud med mche ba can// chu srin rgyal mtshan 'phyar ba ni// rmi ltas rab tu bshad pa yin// dkar mo byung na phan bya 'grub// ser mo byung na longs spyod 'phel// nag mo byung na mthu rtsal 'byung // pho ru byung na las la skul// dmag tshogs byung na zad gsod bya// gcan gzan byung na brnag pa 'grub// du ba mthong na nyams pa gnod// rgod cing byung na dngos grub ster// sbyor ba byed na dngos grub 'grub// rgyang glu len na mchod pa ster// dbang rtags ston dang glal gyur na// gtor ma dus su sbyin par bya// mngon sum pa yi cho 'phrul yang // 'brug dang sgra dang thug choms dang // rlung dmar 'khrug dang sgo rdung dang // me dang 'od dang sgo khyim 'tshags// sna tshogs mtshan ma ci yang 'byung // gang yang med na rtog mi skyed// 'jigs par byung yang mnyam par bzhag/ snying tig bkol ba'i rgyud 'ug pa'i gdong can zhes bya ba las// rtags dang mtshan ma bstan pa'i le'u ste bcu bdun pa'o// // de nas yang dag bshad bya ba// 'khrug pa bcos dang bskang zlog phyir// drag po bsad mdos bshad par bya// 'bru sna tshogs pa'i ri rab ni// mchod rten kak+Shi'i dbyibs su bya// ri rab gsum ldan bum pas mdzes// steng du dmar mo dar gyi gdugs// phyogs bzhir rgyal mtshan ba dan mnga'// dbus su ma mo'i gzugs gzhag la// snying sna gser g.yu bdud rtsir bcas// gsal ba'i 'od dang bcas pa dgram// de 'og bang rim dang po la// bu mo bzhi yi gzugs bzhag la// dar dang rgyal mtshan snga ma bzhin// seng stag wa dang spyang ki dang // bya rgod kang ka bya rog 'ug/ brgyad brgyad bang rim par ma'o// 'bring lug ra dang bya nag khyi// sha dgo gna' gnyen ri dwags dang // srog chags mir bcas brgyad brgyad ni// bang rim za ma dag la ni// gzhan yang srid pa'i sems can gzugs/ kha dog tshon gyis ngos bsgyur nas// ri rab tha ma 'khor bar bya// spyan gzigs dkor cha rgyan dang ldan// rang glud chas ldan brgya rtsa brgyad// ma mo 'khor tshogs kun la bsngo// bdag nyid dpal chen bsgom byas la/ khrag 'thung mchod pa gzhung bzhin bya// tshe dpal drod dang dngos grub blang // zhag gsum bsnyen pa btsugs nas ni// ma mo nyid dang 'khor la bsngo// gnod par gyur pa'i sa ru bskul// las rnams nges par 'grub par 'gyur// de yi las thabs 'di lta ste// dkyil 'khor dbus su g.yang gzhi gding // de la lha bkod rdzas kyis bskor// byang du maN+Dal dris byug la// lug nag g.yang gzhi'i steng du yang // nas nag khal lam bre gsum bad la// steng du bskang zlog mdos chen bzhag/ dbus su 'byor tshad skong rdzas la// lho phyogs bsad las 'brub khung du// shar du sgrub pa bdag nyid bzhugs// 'dis ni ji ltar bsam pa 'grub// snying tig bkol pa 'ug pa'i gdong can zhes bya ba'i rgyud las/ drag po mdos kyi le'u ste bco brgyad pa'o// // de nas yang dag bshad bya ba// gzhi dang gtso mo'i spyi sngags bstan// oM badz+ra pra mo ha ma ken shang ki ma pra du ha na hUM trag rag mo rak+Sha yak+ta dung hi pra mo ya nA ga rak+Sha me/ hu lu hu lu hUM b+h+yo hAM/ gcig tu dril te bod pa'o// oM rag mo tsit+ta rbad ru ru rbad sum du ha na ha na dzarbad rbad/ oM tsa ka ha ha ka laM ba to ra b+h+yo/ rak+kha tsakra ba pa ma/ tsi ma ma du kha tsit+ta nan b+h+yo/ spyir rbad pa'o// ra hi li ki li ki lA ya rbad bu// i dar ri yaM myang yi dang yang / lu pa ti yang / ba rog mo ta yang byi li ma ti yang / ma ma kan shang ki pra ma ya/ tiSh+Tharbad/ bruM ri li li rbad/ yag+ga rak+ka pra ma ni nA ga rag mo bruM ri li rbad rbad/ tsit+ta tsit+ta kha rag trag rak+Sha traM/ ma hA sa ma ya/ ma hA rak+ka traM/ tsit+ta bruM ri li li rbad/ spyir bsad pa'i sngags so// snying tig bkol pa 'ug pa'i gdong can zhes bya ba'i rgyud las/ tsit+ta yang snying gi sngags kyi le'u ste bcu dgu pa'o// // de nas dpal chen he ru ka/ dpal gyi thugs kyi rgyud 'di bshad// nyon gcig rdo rje 'dzin pa khyod// nga yi gsang rgyud chen po 'di// lnga brgya'i dus su bstan srung phyir// rtsa ba gsum du bsdu bar bya// yan lag lnga la spro byas te// dang po dpal chen spyan snga ru// srid pa'i tshe srog bdag mo yis// rang rang srog gi snying po phul// phung byed bu mo spyan bzhi yin// rang rtags srog gi snying po phul// 'khor dang bcas pa thams cad kun// dpal chen nyid kyi dam la gnas// bstan pa srung ba'i bdag mo yin// dad mos nyams su gang len pa// dngos grub mchog ni gdon mi za// zhes bka' stsal pa dang // 'khor gyi gtso bo dpal rdo rje 'dzin pa dang // srin mo 'od 'dus shang ka ti la sogs pa/ bu mo dang 'khor du bcas pa thams cad rab tu dga' ba skyes te/ bcom ldan 'das la bstod do// snying tig bkol pa 'ug pa'i gdong can zhes bya ba'i rgyud las/ yongs su gtad pa'i le'u ste nyi shu pa'o// // ma mo rab tu gsang ba'i rgyud rdzogs so// // @#// rgya gar skad du/ e gu h+ya tsakra tan tra/ bod skad du/ dbyings gsang ba'i 'khor lo'i rgyud/ bcom ldan 'das