| Wylie | e-texts produced with BDRC’s OCR application |
@། རྒྱ་གར་སྐད་དུ། ཙིཏྟ་ཨུ་ལཱུ་ཀ་མུ་ཁ་ཏནྟྲ་ནཱ་མ། བོད་སྐད་དུ། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ། བཅོམ་ལྡན་འདས་དཔལ་འཇིགས་བྱེད་ཧེ་རུ་ཀ་ལ་ཕྱག་འཚལ་ལོ།། འདི་སྐད ་བདག་གི་ཐོས་པ་དུས་གཅིག་ན། བཅོམ་ལྡན་འདས་དཔལ་འཇིགས་བྱེད་ཀྱི་རྒྱལ་པོ། དུར་ཁྲོད་ཆེན་པོ་ཀྱི་ཤ་ན་ཞེས་བྱ་བ་ཁང་བཟང་རབ་ཏུ་འབར་བ་ན། ཁྲག་གི་རྒྱ་མཚོ་ཆེན་པོའི་ཀློང་།། དུར་ཁྲོད་ཀྱི་རོ་མང་པོ ་ཡོད་པའི་གནས།། ཐོད་པ་བརྩེགས་པའི་གནས།། ཐོད་པ་བརྩེགས་པའི་གཞལ་ཡས་ཁང་།། ཀེང་རུས་བརྩེགས་པའི་གྲོང་ཁྱེར་གྱིས་བསྐོར་བ་ཤིན་ཏུ་འཇིགས་ཤིང་སྐྱི་གཡའ་བའི་གནས་དེ་ན།། འཁོར་ཚོགས་ཁྲོ་བོ ་དང་ཁྲོ་མོ་དང་འབར་བའི་ཚོགས་བསམ་གྱིས་མི་ཁྱབ་པ་དང་། མ་མོ་མཁའ་འགྲོ་བསམ་གྱིས་མི་ཁྱབ་པའི་ཚོགས་ལ། འདི་ལྟ་སྟེ། ཡེ་ཤེས་ཀྱི་མ་མོ་དང་། སྲིད་པའི་མ་མོ་དང་། བཀའ་སྡོད་ཀྱི་ལས་མཁན་དང་། སྲིན ་མོ་ཁྲོ་མོའི་ཚོགས་བསམ་གྱིས་མི་ཁྱབ་པ་ནི་འདི་ལྟར།། དཀར་མོའི་ཚོགས་དང་། རྐུན་མོའི་ཚོགས་དང་། རྨོངས་མོའི་ཚོགས་དང་། སྤོས་མོའི་ཚོགས་དང་། གཏུམ་མོའི་ཚོགས་དང་། ཐལ་བྱེད་མའི་ཚོགས་དང་། སྨེ ་ཤ་ཅན་གྱི་ཚོགས་དང་། མ་མོ་ལ་སོགས་པའི་འཁོར་ན། སྤྲུལ་པའི་བུད་མེད་སེང་གདོང་མའི་ཚོགས་དང་། སྟག་གདོང་མ་དང་། ཝ་གདོང་མ་དང་། སྦྲང་གདོང་མ་དང་། གཞན་ཡང་བྱ་རྒོད་མ་དང་། ཀངྐ་མ་དང་། བྱ ་རོག་མ་དང་། འུག་པའི་མགོ་ཅན་ལ་སོགས་པ། ཤ་ཁྲག་སྲོག་དབུགས་ལ་དབང་བྱེད་པ། འཇིག་རྟེན་ཀྱི་ནད་བདག་མོ།། སྲོག་གཅོད་པའི་བདག་མོ། བདུད་ཀྱི་བུ་མོ་དང་། གནོད་སྦྱིན་གྱི་བུ་མོའི་ཚོགས་དང་། ་གཟའ་ཡི་བུ་མོའི་ཚོགས་དང་། བྲག་སྲིན་གྱི་བུ་མོའི་ཚོགས་དང་། ཀླུ་སྲིན་གྱི་བུ་མོའི་ཚོགས་དང་། ལས་ལ་གྲུབ་པའི་ལྷ་སྲིན་གདུག་པ་ཅན་ལ་སོགས་པ་བསམ་གྱིས་མི་ཁྱབ་པས་བསྐོར་ཏེ་གནས་སོ།། དེའི་ཚེ་དེ་དག ་གི་ནང་ནས་ལས་ཀྱི་སྲིན་མོ་འཇིག་རྟེན་གྱི་ཚེ་སྲོག་ལ་དབང་བྱེད་པའི་དཔག་མོ། གསོད་བྱེད་དམར་མོ་མི་ཟས་མ་ཞེས་ཀྱང་བྱ། སྲིན་མོ་འོད་འདུས་ཤང་ཀ་ཏི་ཞེས་ཀྱང་བྱ། དམར་མོ་ཆུ་སྲིན་རྒྱལ་མཚན་ཅན་ཞེས ་ཀྱང་བྱ། ཟློག་བྱེད་ཆེན་མོ་པྲ་མོ་ཧ་ཞེས་ཀྱང་བྱ་བ་ཞིག་གིས། བཅོམ་ལྡན་འདས་འཇིགས་བྱེད་ཆེན་མོ་ལ་ལན་བརྒྱ་སྟོང་དུ་བསྐོར་ཞིང་མཆོད་པ་བྱས་ཏེ། འདི་སྐད་ཅེས་གསོལ་ཏོ།། ཨེ་མ་དཔའ ་བོཔོ་ཐུགས་རྗེ་བདག། བསྐལ་པ་བགྲངས་པའི་འགྲོ་དྲུག་རྣམས།། ལས་ཀྱི་འཁོར་བའི་འཇིག་རྟེན་འདི།། སྒྲོལ་བ་འབའ་ཞིག་ཐུགས་རྗེའི་བདག་ཁམས་གསུམ་སྒྲོལ་བའི་མཆོག་འཚལ་གྱིས།། སྲིད་གསུམ་སྒྲོལ་བའི ་དབང་སྩོལ་ཅིག་ཅེས་གསོལ་པ་དང་། བཅོམ་ལྡན་འདས་འཇིགས་བྱེད་ཧེ་རུ་ཀས། ཁམས་གསུམ་དབང་དུ་བསྡུས་སྲིད་གསུམ་ཟིལ་གྱིས་གནོན།། སྐུ་ཡི་འོད་ཟེར་དང་གསུང་གི་ང་རོ་དང་། ཐུགས་ཀྱི་སྤྲུལ་པས ་འཁོར་རྣམས་སྤྲོ་བ་བསྐྱེད་པར་མཛད་དེ། འདི་སྐད་ཅེས་བཀའ་སྩལ་ཏོ།། ཉོན་ཅིག་སྲིད་པའི་ཁྲོ་མོའི་གཙོ།། སྲིད་གསུམ་འཇིག་རྟེན་ཐམས་ཅད་དུ།། མི་དགེའི་ཆོ་འཕྲུལ་གསད་བཅད་ཚོགས།། བཀའ་དང ་མཐུན་པའི་ལས་མ་ཡིན།། འོན་ཀྱང་ལྔ་བརྒྱའི་ཐ་མ་ལ།། བསྟན་པ་འཇིག་པའི་རཱུ་ཏྲའི་ཚོགས། ཁྱོད་ཀྱི་ཟས་དང་སྐོམ་དུ་བསྔོ།། དམ་སྲི་བསྒྲལ་བའི་ཞིང་བཅུ་ཡིན་པས།། སྲོག་དང་དབུགས་ལ་དབང་བསྒྱུར ་རོ།། བཀའ་དང་མཐུན་པའི་རྣལ་འབྱོར་ལ།། བསྲུང་དང་དབབ་པའི་ལས་ཀུན་བྱོས།། མུ་སྟེགས་ལོག་ལྷའི་ངན་སྦྱོར་རྣམས།། ཟློག་ཅིང་གསོད་པར་དབང་བསྐུར་རོ།། དོན་དང་མཐུན་པའི་རྣལ་འབྱོར་གྱི།། ལས ་རྣམས་མ་ལུས་ཀུན་བྱོས་ཤིག། ཅེས་བཀའ་སྩལ་པ་དང་། སྲིན་མོ་ཆེན་མོ་སེམས་རབ་ཏུ་དགའ་བ་སྐྱེས་ནས། དཔལ་ཆེན་པོའི་བཀའ་སྩལ་པའི་ལུང་བཞིན་དུ་དམ་བཅས་ཏེ། གསང་སྔགས་ཀྱི་སྲུང་མར་གྱུར ་ཏོ།། འཁོར་ན་གནས་པའི་མ་མོ་གསམ་གྱིས་མི་ཁྱབ་པ་རྣམས་ཀྱང་རབ་ཏུ་དགའ་བའི་སེམས་ཀྱིས། བཅོམ་ལྡན་འདས་ལ་བསྟོད་ཅིང་། བསྐོར་བ་དང་མཆོད་པ་རྒྱ་ཆེར་བྱས་ནས། འདི་སྐད་ཅེས་གསོལ་ཏོ།། ཨེ་མ ་ཧོ་དཔལ་ཆེན་ཁྲག་འཐུང་ཚོགས།། བདག་ཅག་ལས་ཀྱིས་མ་མོ་ཤང་ཀ་ཏིའི།། བཀའ་དང་སྒྲུབ་པའི་རྗེས་སུ་ནི།། བདག་ཅག་རྣམས་ཀྱང་ལས་བགྱིད་པས།། བཅོམ་ལྡན་འདས་ཀྱིས་བཀའ་ལ་ཐོགས།། དོན་དང ་མཐུན་པའི་དབང་སྩོལ་ཅིག། ཅེས་གསོལ་པ་དང་། བཅོམ་ལྡན་འདས་ཀྱིས་འཁོར་དེ་དག་ལ་བཀའ་སྩལ་པ། ལེགས་སོ་ལེགས་སོ་སྲིན་མོའི་ཚོགས། ཁྱོད་ཀྱིས་ལས་དང་སྐལ་བསྟན་པ།། བསྟན་པ་གཉེན་པོ་སྲུང་བ ་དང་།། དཀོན་མཆོག་སྐུ་དགྲ་གདུལ་བ་དང་།། རྣལ་འབྱོར་དོན་མཐུན་སྐྱོང་བར་གྱིས།། ཞེས་གསུངས་པས་ཤིན་ཏུ་དགའ་སྟེ། རིག་འཛིན་གྱི་དམ་ཅན་དུ་གྱུར་རོ།། སྙིང་ཏིག་བཀོལ་བའི་རྒྱུད་ལས་འུག་པའི་གདོང ་ཅན་ཞེས་བྱ་བ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་འཁོར་དེའི་ནང་ནས་བྱང་ཆུབ་སེམས་དཔའ་ཆེན་པོ་གསང་བ་བའི་བདག་པོ་ཞེས་བྱ་བ་ཞིག་གིས་མཁྱེན་བཞིན་དུ། བཅོམ་ལྡན་འདས་ལ་འདི ་སྐད་ཅེས་གསོལ་ཏོ།། ཨེ་མ་ཧོ་དཔལ་ཆེན་ཐུགས་རྗེ་བདག། ལས་ཀྱི་སྲིན་མོ་ཆེན་མོ་འདི།། ད་ལྟར་ཇི་ལྟར་རྒྱུ་ལས་བྱུང་།། གནས་ནི་ཇི་ལྟ་བུ་ལ་གནས།། ལས་དང་བྱ་བ་ཇི་ལྟ་བུ།། ཕྱི་རབས་བསྟན ་པ་སྲུང་བ་ཡིས།། ཚུལ་བཞིན་བསྒྲུབ་ན་ཇི་ལྟར་སྒྲུབ།། ངན་སྔགས་སྦྱོར་བ་ཇི་ལྟར་ལགས།། ཕན་གདགས་པ་ཡི་ལས་ནི་གང་།། ཟློག་ཅིང་བསྲུང་ན་ཇི་ལྟར་ལགས།། དབབ་གསད་ཆོ་འཕྲུལ་སྲེག་མནན ་དང་།། དབང་བསྐུར་ཤི་ས་བསྟན་པ་དང་།། ལས་རྣམས་མ་ལུས་མཐའ་དག་ཀུན།། དཔའ་བོས་རྒྱས་པར་དཀའ་སྩོལ་ཅིག། དེ་སྐད་ཅེས་གསོལ་པ་དང་། དཔལ་འཇིགས་བྱེད་ཆེན་པོས་བཀའ་སྩལ་པ། ཉོན་ཅིག ་ཟུང་ཞིག་རྡོ་རྗེ་འཛིན།། ལས་དང་ཐུགས་རྗེས་འབྲེལ་བ་ཡིས།། སྲིན་མོའི་ལས་རྣམས་ངས་བཤད་ཀྱི།། གསང་བདག་རྡོ་རྗེ་འཛིན་པ་ཉོན།། བསྐལ་པ་ཀུན་བཀོད་བྱ་བ་ལ།། ལས་ཀྱི་གོལ་བའི་རཱ་ཏྲ་དེ།། ཉིད་ཀྱིས་དེ ་ཉིད་གསང་བར་བཏུལ།། སྲིན་པོའི་ཆུང་མར་གྱུར་པ་ནི།། སྲིན་མོ་ང་རོ་ཁྲག་འཐུང་མྱོས།། རལ་གཅིག་མ་ཞེས་བྱ་བ་དང་། ཕ་མ་གདུག་པའི་བུ་མོ་ནི།། སྲིན་མོ་ཤང་ཀ་ཏི་ཞེས་གྲགས།། གདུག་པའི་བྱད་སྟེམས་ངན ་པ་ཡིས།། འཇིག་རྟེན་ཕུང་ལ་ཁད་པ་ལས།། དྲེགས་པའི་སྲིན་པོ་རཱུ་ཏྲ་དེ།། མངོན་སྤྱོད་ཐུགས་རྗེས་བསྒྲལ་བ་ནི།། འཛམ་གླིང་ལྷོ་ཡི་ཞིང་ཁམས་སུ།། ཕུང་པོ་ཉལ་སྟབས་གན་རྐྱལ་དུ།། རོ་ལ་གླིང་བཞིར་གྱུར་པ ་ནི།། ཐུག་པ་མེད་པར་ཀུན་ཏུ་བརྐྱང་།། དུར་ཁྲོད་ཆེན་པོ་བརྒྱད་དུ་གྱུར།། སྲིན་མོ་རལ་གཅིག་དམ་ལ་བཏགས།། བུ་མོ་སྲིན་མོ་ཤང་ཀ་ཏི།། རོ་ཡི་སྲུང་མ་ཆེན་མོར་བཞག། ཕྱི་རབས་དྲང་བའི་ཆོ་འཕྲུལ་དུ།། རང ་བྱུང་མཆོད་རྟེན་བརྒྱད་སྤྲུལ་ཏེ།། སྲུང་མ་ཆེན་མོ་བརྒྱད་རྣམས་བཞག། དེ་ནས་འཛམ་གླིང་ས་འདི་ཀུན།། བཀྲ་ཤིས་རྫུ་འཕྲུལ་འབྱུང་བའི་གནས།། ཆོ་འཕྲུལ་འབྱུང་བར་བཀའ་སྩལ་ཏོ།། དེ་དག་ནང་ནས་མཐུ་རྩལ ་ཅན།། སྲིན་མོ་འོད་འདུས་ཤཾ་ཀ་རི།། ལྷ་ཆེན་ཚོགས་བདག་ཆུང་མར་གྱུར།། ལྷ་མོ་ཤང་ཀ་ཏི་ཞེས་བྱ།། སྐྱེ་འགྲོ་ཀུན་གྱི་སྲོག་འཕྲོག་པས།། གསོད་བྱེད་དམར་མོ་མི་ཟན་མ།། སྲིད་པ་གསུམ་གྱི་དབུགས་ལེན ་མ།། སྲིན་མོ་ཁྲག་འཐུང་མ་ཞེས་བྱ།། ཡང་ན་ཟློག་བྱེད་པྲ་མོ་ཧ།། ཕྱག་ན་རྡོ་རྗེ་དབང་གི་གནས། ཁ་ཆེའི་ཡུལ་གྱི་དུར་ཁྲོད་དེ།། མཐའ་ཡས་ཀྱི་ནི་རི་ཡི་ཕུག། རྒྱ་མཚོའི་གླིང་གི་མ་ག་དོ།། དུར་ཁྲོད་སྲིན་མོ་རོ་ཡི ་གླིང་།། མ་མོ་གནས་ནི་དེ་ན་གནས།། སྲུང་ནི་མཆོད་རྟེན་ཀ་ནི་སྲུང་།། ལས་ནི་རྣལ་འབྱོར་ཏིང་འཛིན་ཉུལ།། ང་ཡི་དམ་ལ་རབ་ཏུ་གནས།། དད་མོས་ཉམས་སུ་གང་ལོན་པ།། དེ་ཡིས་དགོས་པ་གྲུབ་པར་བྱེད།། ཅེས ་གསུངས་སོ།། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ་ལས། གླེང་སློང་བའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། བསྟན་པ་བསྲུང་བར་བྱ་བའི་ཕྱིར།། ལས་རྣམས་འོག་མ ་འདི་ལྟར་བྱ། ཁྲག་འཐུང་རྒྱལ་མོའི་སྒྲུབ་ཟབས་ནི།། ཤིན་ཏུ་དབེན་པའི་གནས་དག་ཏུ།། སྲིན་མོའི་གཡང་གཞི་བཀྲམ་ནས་སུ།། དེ་ཡི་དབུས་སུ་དཀྱིལ་འཁོར་ནི།། ཐིག་ལེ་ཁྲག་གི་ཟླ་གམ་བྱ།། སྲིན ་མོའི་སྒྲ་ཡང་ཁྲག་གིས་བྲི།། དེ་ཡི་དབུས་སུ་བཞུགས་སུ་གསོལ།། སྙིང་གི་གཏོར་མ་མདུན་དུ་གཞག། བསྟོད་པའི་ཚིག་དང་མཆོད་པ་ནི།། དུས་ཉིད་དུ་ནི་དབུལ་བར་བྱ།། བདག་ཉིད་དཔལ་གྱི་སྐུར་བསྒོམ ་ནས།། སྒྲུབ་པའི་སྔགས་ནི་འཛབ་ཏུ་དྲང་།། གྲུབ་པའི་རྟགས་ནི་བྱུང་བ་དང་།། ནུབ་ཕྱོགས་སུ་ནི་གཏོར་མ་གཏང་།། དགོངས་པ་དམ་པ་དེ་ཡི་ཚེ།། གསང་སྟེ་གང་འདོད་བཅོལ་བ་ནི།། ཟློག་དང་སྲུང་དང་གསོད་ལ ་སོགས།། ཇི་ལྟར་འདོད་པ་བཞིན་དུ་འགྲུབ།། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ་ལས། མ་མོ་སྒྲུབ་པའི་གནད་ཀྱི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ།། སྤྱན་འདྲེན་ཉེ ་བའི་སྙིང་པོ་དང་།། ལས་རྣམས་ཀུན་གྱི་གསང་སྔགས་ནི།། དང་པོ་བདག་ཉིད་གསལ་གདབ་སྔགས།། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཕཊ། བདག་ཉིད་ཁྲོ་རྒྱལ་ང་རྒྱལ ་བྱ།། ཨོཾ་བཛྲ་པྲ་མོ་ཧཱ་རུ་ལུ་རུ་ལུ་ཧཱུཾ་བྷྱོ་ཧཱུཾ། མ་མོ་བསྐྱེད་པའི་སྔགས་སོ།། ཛཿཧཱུཾ་བཾ་ཧོཿབཛྲ་པྲ་མོ་ཧ་ཤང་ཀ་རི་ཛ། སྤྱན་དྲང་ཉེ་བའི་སྙིང་པོའོ།། བཛྲ་པྲ་མོ་ཧཱ་ཛ་ཧཱུཾ་དུ་དྲི་མ་རག་མོ་སྙིང་རྩ་བྷྱོ། སྐུའི་སྙིང་པོ་སྒྲུབ ་པའོ།། ཨོཾ་བཛྲ་རག་མོ་ཁ་ལ་རཀྵ་དུང་དམར་ཀ་མ་ལ་བྷྱོ། གསུང་བསྒྲུབ་སྔགས་ཀྱི་དྲག་སྔགས་སོ།། ཨོཾ་བ་ལིན་རཀྵ་རག་མོ་ཁཱ་ཧི་ཧོཿམེ་ཙ་མེ་དྷ་རཀྟ་རུ་ཏི་ཁཱ་ཧི་ཁཱ་ཧི། མཆོད་པ་འབུལ་བའི་སྔགས་སོ།། ཨོཾ་ཀྲོ་དྷ་མ ་ཀེ་ན་ཤང་ཀི་མ་པྲ་དུ་ཧ་མ་ཧཱུཾ་བྷྱོ་ཧཱུཾ་ཛཿཛཿཐུགས་ལས་དྲངས་པའི་སྙིང་པོའོ།། ཨོཾ་མ་མོ་བཛྲ་དྲག་རག་མོ་སྙིང་ལ་ཤད་སྲོག་ལ་དུན་དུན་བྷྱོ།། རག་མོ་ཁ་ལ་ཁ་ཚེ་མ་དུན་རྦད་རྦད། རཀྟ་ལ་ལིང་ཁ་བཾ་མུགས་མུགས་མཱ ་ར་ཡ་ཛཿཛཿབཛྲ་པྲ་མོ་ཧ་བྷྱོ་བྷྱོ། སྙིང་ཤིག་བཀོལ་བ་འུག་པའི་གདོང་ཅན་གྱི་རྒྱུད་ལས། སྲིན་མོའི་སྔགས་ཀྱི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། དམ་རྫས་ཚང་བའི་གཏོར་མ ་བསག། གདུང་བའི་དབྱངས་ཀྱིས་འདི་སྐད་བསྐུལ།། ཧེ་རུ་ཀ་ཡི་དཀྱིལ་འཁོར་དུ།། དུར་ཁྲོད་ཆེན་པོའི་གནས་བསྲུང་ན།། སྲིད་པ་ཡོངས་ཀྱི་ཤ་ཟན་མོ།། ཁམས་གསུམ་སྲིད་པའི་དབུགས་འཕྲོག་མ། ཁྱེད་ཀྱི་དམ ་ཚིག་དུས་ལ་བབ།། ཡུལ་གྱི་མིང་ནི་ཁ་ཆེའི་ཡུལ།། རྒྱ་མཚོའི་གླིང་ནི་མ་ག་དོ།། དུར་ཁྲོད་མིང་ནི་ཧེ་ཆེན་བརྡལ།། མཆོད་རྟེན་མིང་ནི་ཀ་ནིཥྐ།། མ་མོའི་མིང་ནི་འོད་འདུ་ཤང་ཀ་ཏི།། གནས་ནི་དུར་ཁྲོད་ཧེ་ཆེན ་བརྡལ།། སྲུང་ནི་མཆོད་རྟེན་ཀ་ནི་སྲུང་།། དམར་ནག་འབར་བའི་རལ་པ་ཅན།། སྐད་ནི་མི་གཅིག་ཁ་ཆེའི་སྐད།། གཟུགས་ནི་མི་སྟོན་ལག་བརྒྱ་མ།། བརྡ་ནི་མི་འཕྲོད་ལོ་བལ་མོ།། མཆེད་ལ་གདུང་ཞིང་དམ་ལ ་གནས།། ཞིང་ཆེན་གཡང་གཞི་གདན་ལ་གདིང་།། དམར་ཆེན་དམ་ལ་གཤེགས་སུ་གསོལ།། དུས་འདིར་གྲུབ་པ་སྩལ་དུ་གསོལ།། བཀའ་དང་དམ་ལས་འདས་གྱུར་ན།། ཧེ་རུ་ཀ་དཔལ་ཐུགས་ཁྲོས ་ནས།། དམར་སྨུག་ནང་དུ་ཚིག་ཏ་རེ།། དེ་སྐད་བསྟོད་ཅིང་སྤྱན་དྲངས་ལ།། མཆོད་པ་དུས་གསུམ་དབུལ་བར་བྱ།། ནམ་དང་ཉི་མའི་གུང་ལ་ནི།། དམར་གྱི་ཨརྒྷ་བསྟབ་ཅིང་སྦྲེང་།། བསྒྲུབ་པའི་སྔགས་ནི་འཛབ་ཏུ ་དྲང་།། སྙིང་ཏིག་བཀོལ་བ་འུག་པའི་གདོང་ཅན་གྱི་རྒྱུད་ལས། མ་མོ་གནད་ནས་བསྐུལ་བའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། ཟློག་པའི་ཐབས་ནི་འདི་ལྟར་བྱའོ།། སྒྲུབ་པ་ཚུལ་དུ་མཐུན་པ ་ལ།། གཏོར་མའི་ནང་དུ་གདབ་པ་ནི།། ཐལ་ཆེན་དང་ནི་ཉུང་དཀར་ལ།། ཟློག་བྱེད་མ་ཡི་ཟློག་སྔགས་ཀྱིས།། ཉིན་གསུམ་བར་དུ་བཏབ་ནས་ནི།། ཕྱོགས་བཅུ་དག་ཏུ་གཏོར་བྱས་ནས།། དམ་སྲི་བར་ཆོད་བཟློག་པར ་འགྱུར།། གཞན་དག་སྨོས་ཀྱང་ཅི་དགོས་ཏེ།། དེ་ཡི་མཚན་ནི་སྤོ་བར་བྱ།། ལས་སྐལ་བཞིན་དུ་བཅོལ་གྱུར་ན།། ཕྱག་ན་རྡོ་རྗེའི་མཐུ་ཡང་ཟློག། ཨོཾ་བཛྲ་པྲ་མོ་ཧ་ཨ་ལོ་ཁས་ནག་མོ་བམ་མ་ཐུན་ཟློག་ཛཿཧཱུཾ ་བྷྱོབློ།། ཐམས་ཅད་ཟློག་པའི་སྔགས་སོ།། ཨོཾ་བཛྲ་པྲ་མོ་ཧ་ཧེ་ས་མ་ཡ་མ་མོ་བྷྱོ་བྷྱོ། རཀྑ་རཀྑ་ས་མ་ཡ་ཁ་ཏཾ་ཁ་ཏཾ་མ་ཐུན་ཟློག་ཐུན་ཟློག། དམོད་དང་བྱད་བཟློག་པའི་སྔགས་སོ།། ཨོཾ་བཛྲ་པྲ་མོ་ཧ་ཁ་ལ་རག་མོ་ཤག ་ཤམ་ཙིཏྟ་རྦད་བྷྱོ་བྷྱོ། ལྷ་སྲིན་གྱི་རྫུ་འཕྲུལ་བཟློག་པའོ།། ཨོཾ་མ་མ་ཤང་ཀ་ཏི་རག་མོ་རག་མོ།། མན་པྲམ་ཤིག་ཤིག་ཛ་ཛཿབྷྱོ་བྷྱོ། རྦོད་གཏོང་བཟློག་ཅིང་སླར་གསད་པའོ།། སྙིང་ཐིག་བཀོལ་བའི་རྒྱུད་འུག་པའི ་གདོང་ཅན་ཞེས་བྱ་བ་ལས་བཟློག་པའི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ།། རྣལ་འབྱོར་འཁོར་བཅས་བསྲུང་བའི་ཕྱིར།། བསྒྲུབ་པ་གཞུང་བཞིན་མཐུན་པ་ལ།། བསྲུང་བའི་དོན་དུ་འདི་ལྟར ་རོ།། བྱ་ནག་མོའི་སྒོ་ང་གཏོར་མའི་དབུས།། རྫས་ནི་ཉུང་དཀར་ཐལ་བ་ལ།། ཟློག་བྱེད་མ་ཡི་བཟློག་སྔགས་ཀྱིས།། གསུམ་གྱི་བར་དུ་བཟླས་ནས་ནི།། དེ་ཡི་ནང་དུ་བླུག་པར་བྱ།། དེ་ནས་རས་ཀྱི་སྐྱེ་འུར ་བླུགས།། གང་ལ་བསྲུང་བར་བྱ་བའི་ཕྱིར།། ལུས་སམ་གུལ་དུ་བཏགས་གྱུར་ན།། བསྲུང་སྟེ་ཐམས་ཅད་ཐུབ་པར་འགྱུར།། ཨོཾ་བཛྲ་པྲ་མོ་ཧ་ཧེ་དུང་ལིང་། ནག་མོ་བམ་སྲུངས།། ཨེ་ནུ་དུ་ཧ་མ་ཕཊ་སྙིང་ཐིག་བཀོལ ་བའི་རྒྱུད་འུག་པའི་གདོང་ཅན་ལས།། བསྲུང་བའི་ལེའུ་སྟེ་བདུན་པའོ།། །། དེ་ནས་ཡང་དག་བཤད་བྱ་བ།། སངས་རྒྱས་བསྟན་པ་བསྲུང་བའི་ཕྱིར།། དགྲ་བགེགས་འཕོ་བའི་ལས་བྱེད་དེ།། སྒྲུབ་པ་གཞུང ་བཞིན་མཐུན་པ་ལས།། གསད་པའི་དོན་དུ་འདི་ལྟར་རོ།། གཏོར་མའི་དབུས་སུ་གཟུགས་བཞག་ལ།། སྙིང་གི་ཁྲག་དང་བམ་གྱི་ཁྲག། ཉུང་དཀར་ཉུང་ནག་སྐེ་ཚེ་ལ།། གསོད་བྱེད་མ་ཡི་དམོད་མོ་བཟླས།། ལུས་དང ་གཟུགས་ལ་བཏབ་གྱུར་ཅིང་།། སྦ་བའི་ས་དེར་མནན་ན་ནི།། རྟགས་དང་མཚན་མ་མྱུར་དུ་འོངས།། གསོད་བྱེད་མ་ཡི་དམོད་མོ་ཡིས།། ལྷ་སྲིན་སྡེ་བརྒྱད་སྲུང་བར་འགྱུར།། བུད་མེད་ལག་པ་གཡས་པ ་རུ།། གསུམ་མམ་མར་གྱི་ཚེས་བརྒྱད་ལ།། དམོད་མོ་བཏབ་པ་བླུགས་ནས་ནི།། རང་རང་ཁྱིམ་གྱི་ཕྱོགས་སུ་གཏོར།། སྲིན་མོའི་ལག་པ་ཞེས་བྱ་བ།། མི་ནད་མོད་ལ་འབེབས་པར་བྱེད།། ཡང་ན་རྒྱུན་དུ་དེ་ལྟར ་བྱ།། གསང་བའི་དམོད་མོ་འདི་ལྟར་རོ།། ཛ་ཡཀྐ་ནག་མོ། རཀྵ་མ་ནག་མོ། སྙིང་ལ་ཤད་ཤད་བྷྱོ་བྷྱོ། ཆེ་གེ་མོ་ཞིག་མུ་མ་རྦད།། བྷྱོ་སྙིང་ཁ་རག་ཚལ་པ་རྦད།། བྷྱོ་མཱ་ར་ན་ཧཱུཾ་ནན། བམ་མུག་ཧེ། རག་མོ་ཁ་ཚེ་དེ་ར ་ཡ་ཐུན་བྷྱོ་བྷྱོ། འདི་དག་མ་མོའི་དམོད་མོ་སྟེ།། ལས་རྣམས་ངེས་པར་འགྲུབ་པར་འགྱུར།། སྙིང་ཏིག་བཀོལ་པ་འུག་པའི་གདོང་ཅན་གྱི་རྒྱུད་ཅེས་བྱ་བ་ལས། གསད་པ་ཐུན་ནག་གི་དམོད་མོའི་ལེའུ་སྟེ་བརྒྱད ་པའོ།། །། དེ་ནས་ཡང་དག་བཤད་བྱ་བ།། བསྟན་པ་བསྲུང་བའི་ལས་བྱ་ན།། ཆུ་འཁྱག་ཐོག་དང་སེར་བ་འབབ།། དེ་ཡི་ལས་ཀྱང་འདི་ལྟར་རོ།། སྒྲུབ་པ་གཞུང་དང་མཐུན་པ་ལ།། རབས་ཆད་ནག་པོའི་ཐོད་པ ་རུ།། དགྲ་བོའི་ལོ་ཏོག་སྔོ་སྣར་བཅས་པ་བླུགས།། ཁྲག་དང་དུག་དང་སྐེ་ཚེ་ལ།། ཐུགས་ཀྱི་སྙིང་པོ་འབུམ་དུ་བཟླས།། ལས་སྔགས་ཁྲི་ཐོན་དགྲ་ཡུལ་གནན།། ཙ་རའི་ཁྲག་གིས་དམར་ལམ་བསྟན།། སྲིད་པ་གཡོ། ་ཕྱིར་ཁྲག་ཟོར་བརྡེག། སེང་ལྡེང་ཕུར་པ་སོར་བརྒྱད་ལ།། སྲིན་མོ་ཉིད་དུ་དབང་བསྐུར་ཏེ།། ལྷ་ཀླུ་གནས་པའི་རྟེན་ལ་གདབ།། སྦྱིན་ཟང་ངེས་པར་འབེབས་པར་འགྱུར།། ཐུགས་ཀྱི་སྔགས་ལ་རྦད་སྔགས ་སྦྲེལ།། ཏདྱ་ཐཱ་ཛ་རི་ལི་རི་ལི་སྙིང་ཁ་རཀྵ་པ་ཤང་ཀུ་རུ་མ་མ་རཾ་རཾ་ཧྲིལ་ཧྲིལ། ཤར་ཤར། དྲག་དྲག། རུ་ཙ་རུ་ཙ། ཤུ་ཏི་ཕྲེཾ། ཙ་མུན་དུད་པྲོ། ས་མནྟ་ཨ་ཀར། དུ་རུ་དུ་རུ་ཕྲེཾ་ཕཊ། སེར་བསྒྲུབ་དྲིལ་སྔགས་སོ། མ་ཀེན ་ཤིང་གི་ཏ། རག་མོ་རག་མོ། བྷྱོ་བྷྱོ། དུད་ཕྲེཾ། དཀར་ཕྲེཾ། ཤུ་ཏི་ཕྲེཾ། སུག་ཏི་སྨིན། དྲག་ཏུ་ཙར་ཧྲིལ་བྷྱོ། དུམ་དུམ་མ་མ་ཧྲིལ་ཤག་ཕོབ། ཨེ་ཀེ་ཏྲ་རྦད་གློ་བུར་སྦྱིན་འདོང་ཕོ་བ། སེར་བ་དབབ་པའི་སྔགས་སོ།། ཨོཾ་བཛྲ་པྲ ་མོ་ཧཱ། གུ་ཤི་ལ། ས་མ་ཡ་པྲཾ་ཐུན་པྲཾ་རག་རྦད། ནལ་ཆེམ་འུར་རྦད། ཙག་རམ་མེ་ཕྲོ་རྦད་རྦད། ཐོག་དབབ་པའི་སྔགས་སོ།། ལས་རྣམས་སྔ་མའི་སྟེང་དུ་ཡང་།། ཤེས་རབ་མའི་མཚལ་དང་གསེར་དང་།། ཁྲོ་ཆུ་འཁར ་བ་ཐོག་ལྕགས་དང་།། འབྲུག་རུས་ཉུང་དཀར་རྣམས་ལ་བསྔགས།། ཐོད་པར་བླུགས་ཏེ་རབ་སྦས་བསྒྲུབ།། སྙིང་ཏིག་བཀོལ་པ་འུག་པའི་གདོང་ཅན་གྱི་རྒྱུད་ལས། ཐོག་སེར་དབབ་པའི་ལེའུ་སྟེ་དགུ་པའོ།། །། དེ ་ནས་ཡང་དག་བཤད་བྱ་བ།། ཆོ་འཕྲུལ་སྔོན་དུ་བསྟན་པའི་ཕྱིར།། ལྟས་ངན་སྤྲུལ་པ་སྣ་ཚོགས་དབབ།། འུག་པའི་ཤ་ཁྲག་སྤུ་ལ་སོགས།། བག་ཕྱེ་ལ་སོགས་གཟུགས་བྱས་ལ།། འུག་པའི་ཤ་ཁྲག་སྒོ་བཙུགས་ཏེ།། མ་མོའི ་མདུན་དུ་གཞག་པར་བྱ།། ལྷས་ངན་གཟུགས་ནི་སྣ་ཚོགས་ཀྱིས།། འུག་པའི་གཟུགས་ཀྱི་ཐ་མ་བསྐོར།། སོ་སོའི་ཤ་ཁྲག་སྙིང་བཅས་གཞག། མ་མོའི་སྒྲུབ་པ་གཞུང་བཙུགས་ལ།། ལྟས་ངན་རྒྱལ་མོ་བསྐུར ་བར་བྱ།། རྟགས་དང་མཚན་མ་བྱུང་བའི་ཚེ།། ནམ་གུང་ནག་ལ་དགྲ་ཕྱོགས་འཕང་།། ངེས་པར་ཆོ་འཕྲུལ་འབྱུང་བར་འགྱུར།། ཨོཾ་བཛྲ་པྲ་མོ་ཧ། ཨེ་རུ་ཏ་བ་ཕཊ། རག་མོ་རུ་ལུ་རུ་ལུ་ཀ་ཕོབ། ཏྲི་ལ་དུན་ཚེ་ཏྲབ་ཏྲབ་སིལ ་སིལ་ཕོ་བ། སེདྷ་བྱཱ་གྷྲཱ་སྲི་ལ་ཤྲ་ན་ཕོ་བ། གྲྀ་ཌྷ་ཀངྐ་ཀ་ཀ་ཨུ་ལཱུ་མ་ཕོ་བ། མ་བྷྱོ་ས་མ་ཡ་ཕོ་བ། སེང་གེ་སྟག་དང་ཝ་སྤྱང་ཚོགས།། བྱ་རྒོད་ཀངྐ་བྱ་རོག་འུག། མངོན་སུམ་དག་ཏུ་འབྱུང་བར་ངེས།། སྙིང་ཏིག་བཀོལ་བའི་ལེའུ ་སྟེ་འུག་པའི་གདོང་ཅན་ཞེས་བྱ་བའི་རྒྱུད་ལས། ལྟས་ངན་གཏང་བའི་ལེའུ་སྟེ་བཅུ་པའོ།། །། དེ་ནས་གཞན་ཡང་བཤད་བྱ་བ།། མ་མོ་དམ་ལ་རུབ་པའི་ཕྱིར།། དབང་དུ་བསྡུ་བའི་ལས་བཤད་དེ།། བདག་ཉིད་དཔལ ་ཆེན་ཧེ་རུ་ཀ། ཐུགས་ལས་ཡེ་ཤེས་རབ་འབར་འཕྲོས།། མ་མོའི་སྙིང་གི་དཀྱིལ་དུ་ནི།། དམར་སྨུག་འབར་བའི་མེ་དག་བསམ།། དེ་ལས་ཡེ་ཤེས་སེམས་དཔར་བསམ།། གལ་ཏེ་དམ་ལ་འདའ་གྱུར་ན།། བདུད་རྩི་གཏོར ་ཞིང་སྔགས་འདི་བཟླས།། ཨོཾ་བཛྲ་ཀྲོ་ཏ་མ་ཀེན་ཤང་ཏྲི་མ་ཏྲང་དུ་ཧ་མ་ཧཱུཾ་བྷྱོ་བྷྱོ།། ཛ་ཛཿ། ས་མ་ཡ་ཨི་དན་ཧི་ན་ར་ཀན་རཀྑ་ཀྲོ་དྷ་ཛ་ལ་རཾ། མ་རཀྵ་པྲ་བེ་ཤ་ཡ་ཕཊ། དེ་སྐད་ཅེས་ནི་བརྗོད་པ་ནི།། མ་མོའི་སྙིང་ཏིག་སྲོག ་སྙིང་ཉིད།། དམར་སྨུག་འབར་བའི་མེ་ནང་དུ།། རྡོ་རྗེ་གནོད་སྦྱིན་ཁྲོ་མོར་གྱུར།། སྙིང་ཁྲག་ཐམས་ཅད་འཐུང་བསམ་པས།། མ་མོ་ཉིད་ཀྱང་བརྒྱལ་བར་འགྱུར།། དེ་ནས་ལས་རྣམས་གྲུབ་པ་དང་།། སླར་ཞིང་མ་མོ་གསོ ་བར་བྱེད།། ཨོཾ་ཛྙཱ་ན་ཙིཏྟ་བཛྲ་ཤང་ཀི་ཧཱུཾ། སྙིང་པོ་སྲོག་གི་སྙིང་པོ་བྲི།། ཞིང་ཆེན་ཙིཏྟ་ཝ་ཡི་སྙིང་།། གསེར་དང་བཅས་པས་ཤེས་རབ་མཚལ།། ཞིང་ཆེན་ཁུག་མར་བསྩལ་ནས་ནི།། འགྲོ་དང་འདུག་པའི་དུས་སུ ་བཟླས།། ལས་རྣམས་གྲུབ་པར་གདོན་མི་ཟ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས།། དབང་དུ་བསྡུ་ཞིང་ཤི་ས་བསྟན་པའི་བླ་སྲོག་གཟུང་བའི་ལེའུ་སྟེ་བཅུ་གཅིག་པའོ།། །། དེ་ནས་ཡང ་དག་བཤད་བྱ་བ།། ལས་རྣམས་མེ་ཡིས་གྲུབ་པ་སྟེ།། སྦྱིན་སྲེག་ལས་ནི་འདི་ལྟར་རོ།། ཤར་ལྷོ་འབྲུབ་ཁུང་གྲུ་གསུམ་སྟེ།། དུག་ཤིང་གདུག་པའི་མེ་སྦར་ལ།། མ་མོ་མེ་ལྷ་ཉིད་དུ་བསྒོམ།། མཆོད་རྫས་རིམ་པར་དབུལ ་བར་བྱ།། ཨོཾ་བཛྲ་ཀྲོ་དྷ་པྲ་མོ་ཧ་རཾ་ཛྭ་ལ་ནི་རམ་རམ་ཆེ་གེ་མོ་མཱ་ར་ཡ་ཕཊ། བརྒྱ་རྩ་བརྒྱད་ནི་བསྲེག་བྱས་ན།། ཚངས་པའི་ཚེ་དང་ལྡན་པ་ཡང་།། སྐད་ཅིག་ཡུད་ལ་བརླག་པར་འགྱུར།། ཧུ་ལུ་མུ་ཁའི་རྒྱུད་ལས། སྦྱིན་སྲེག ་གི་ལེའུ་སྟེ་བཅུ་གཉིས་པའོ།། །། དེ་ནས་ཡང་དག་བཤད་བྱ་བ།། གཏན་འཕོའི་ལས་ཀྱི་གནན་ཐབས་ནི།། རབས་ཆད་ཐོད་པ་དེ་ནང་དུ།། དགྲ་བགེགས་མིང་དང་གཟུགས་བཅས་གཞུག། སྦྱིན་སྲེག་ཐལ་བ ་གཟུགས་བཅས་གྲུབ།། ལྷ་ཁང་མཆོད་རྟེན་འདྲེ་གཟུགས་ཅན།། ལྷ་སྲིན་གནས་པའི་སར་སོང་ལ།། དུག་ཁྲག་ཉུང་དཀར་སྣ་ཚོགས་བྲབ།། ཨོཾ་མ་མ་རག་མོ་ས་མ་ཡ་ཛཿརྦད་ཨི་ཤན་རཀྵོ་ཟུང་། མ་མ་རྦད།། ་ལཾ་ལཾ། སྟཾ་སྟཾ། ཛ་རྦད། ཁྲག་རྒུད། ཙིཏྟ་ཟུང་། རག་མོ་བྷྱོ་ཛཿ། རག་མོ་ཤ། ནག་མོ་ཟུང་། མཱ་ར་ཡ་ཛཿཛཿ། བསྐལ་པར་ཐར་པའི་དུས་མེད་པར་བསམ།། སྙིང་ཏིག་བཀོལ་བའི་རྒྱུད་ལས། མནན་པའི་ལེའུ་སྟེ་བཅུ་གསུམ ་པའོ།། །། དེ་ནས་ཡང་དག་བཤད་བྱ་བ།། གལ་ཏེ་ལས་སུ་མ་རུངས་ན།། བུ་མོ་བཞི་ཡི་སྦྱོར་བ་བརྩམ།། དབེན་པའི་གནས་སུ་སོང་ནས་ནི།། ས་ཡི་མཎྜལ་སྟེང་དག་ཏུ།། སོ་སོའི་གཡང་གཞི་བཏིང་ནས ་སུ།། དཀྱིལ་འཁོར་ཁྲག་གིས་གྲུ་གསུམ་བྱ།། མི་མགོའི་ཕོར་པའི་ནང་དག་ཏུ།། སྙིང་དང་ཁྲག་གི་གཏོར་མ་གཞག། དེ་ཡི་ནང་དུ་གཟུགས་ཀྱི་སྟེང་།། གྲོ་གར་དགྲ་བོའི་མིང་རུས་བྲིས།། སྲོག་རྩའི་ནང་དུ་བསྩལ་ནས ་ནི།། སྙིང་ག་དག་ཏུ་གཞག་པར་བྱ།། དམར་གྱི་ཨརྒྷ་གཏོར་མར་བཅས།། དེ་ཡི་འགྲམ་དུ་གཞག་པར་བྱ།། བདག་ཉིད་དཔལ་ཆེན་ཧེ་རུ་བསྒོམ།། བདུད་དང་གནོད་སྦྱིན་བྲག་སྲིན་དང་།། ཀླུ་སྲིན་བུ་མོ་བཞི་པོ ་བསྐུལ།། ཉུང་དཀར་ཐལ་ཆེན་སྐེ་ཚེ་དང་།། སྲོག་རྦད་གསད་པའི་སྔགས་སུ་བཟླས།། དེ་ཡི་གཟུགས་ལ་གདབ་པར་བྱ།། ཉི་མ་དང་པོ་སྐུལ་བར་བྱེད།། གཉིས་པ་དེ་ཉིད་འགུགས་པར་བྱེད།། གསུམ་པས་སྲོག་འཕྲོག ་ཉམས་པར་བྱེད།། བཞི་པས་གསོད་ཅིང་འཕོ་བར་བྱེད།། ལྔ་པའི་ནུབ་མོ་དེ་དག་ཀུན།། ཕུར་བུ་སོར་གསུམ་གདབ་པར་བྱ།། ཡང་ན་གཟུགས་དེ་མཚོན་གྱིས་གཏུབ།། རབས་ཆད་ཐོད་པར་སྩལ་ནས་ནི།། གནོད་པར ་གྱུར་པའི་ས་དག་ཏུ།། ཕྲིན་ལས་རྣམ་བཞིའི་གཟིར་གནན་བྱ།། ངེས་པར་གདོན་མི་ཟ་བར་འགྱུར།། ཡང་ན་དེ་ཡི་དགོངས་པ་དེ་རྣམས་ཀུན།། གའུའི་ནང་དུ་བསྩལ་ནས་ནི།། འགྲོའམ་འདུག་པའི་དུས་རྣམས་སུ།། བུ་མོ ་བཞི་པོ་བསྐུལ་ནས་ནི།། ཉུང་དཀར་ཐལ་ཆེན་སྐེ་ཚེ་དང་།། སྲོག་རྦད་གསད་པའི་སྔགས་བཟླས་ནས།། དེ་ཡི་ནང་དུ་གདབ་པར་བྱ། ཁྲག་གིས་གནོད་པ་དེ་ལ་གཏོར།། ཡང་ན་དེ་ཡི་ཕྱོགས་སུ་འཕང་།། གཟུགས་རྣམས ་རབས་ཆད་ཐོད་པར་བསྩལ།། གནོད་པར་གྱུར་པའི་ས་རུ་སྦ།། མནན་པ་ཡང་ནི་སྔ་མ་བཞིན།། རྒྱུན་དུ་དེ་ལྟར་བྱས་གྱུར་ན།། སྡང་བ་ཐམས་ཅད་བརླག་པར་འགྱུར།། ཇི་ལྟར་འདོད་པ་བཞིན་དུ་འགྲུབ།། རག་མོ་དུན་ཏྲི ་ཡཀྵ་སྙིང་ལ་ཤད་ཤད།། ཆེ་གེ་མོ་སྙིང་ལ་རཀྵ་བྷྱོ།། ཚལ་པ་དུམ་བུ་མཱ་ར་ཡ་ཕཊ།། བདུད་ཀྱི་བུ་མོའི་སྔགས་སོ།། གནོད་སྦྱིན་གྱི་བུ་མོའི་སྔགས་ལ། རཀྵ་དུ་ལིང་མ་ཧྲི་ཛ་སྙིང་ཤད་ཤད།། ཆེ་གེ་མོ་འུ་མུ། སྟམ་བྷ་ཡ་ཕཊ། ་བྲག་སྲིན་མོའི་བུ་མོ་ནི།། རཀྵ་དུན་ཏི་པྲ་མ་ཤ་ཏྲི་ཛཿསྙིང་ཤད་ཤད།། ཆེ་གེ་མོའི་རོ་ཤ་སོག་རྨུག་རྨུག་ཙིཏྟ་རྦད། མཱ་ར་ཡ་རྦད། ཀླུ་སྲིན་བུ་མོའི། ནཱ་ག་རགྣི་ཛཿདུ་རག་མོ་ཁ་ཚེ་ཏྲི་ཛ་ཙིཏྟ་ཤད་ཤད། ཆེ་གེ་མོ་རཀྐ་རོ་མོ་རྦད ་པྲ་རུ་ཤ་བམ་ཤིག་མ་ར་ཡ་ཟད།། སྙིང་རྟག་བཀོལ་བའི་རྒྱུད་འུག་པའི་གདང་ཅན་ཞེས་བྱ་བ་ལས། བུ་མོ་བཞིའི་སྲོག་ཟད་གསད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་དག་བཤད་བྱ་བ། ་སྲོག་ཉམས་པ་གསོ་བ་ནི།། མཎྜལ་པདྨ་འདབ་བཞི་ལ།། དབུས་སུ་ཟླ་གམ་ཁ་སྤྲད་དེ།། དཔལ་ཆེན་ཉིད་དང་སྲིན་མོ་དགོད།། པདྨ་འདབ་བཞི་དག་ལ་ཡང་།། བུ་མོ་བཞི་ནི་ཚུལ་བཞིན་དགོད།། ཚེ་བུམ་བྷནྡ་སྲུབ་མེད ་ལ།། སྙིང་པོ་སྔགས་དང་ཟས་ཀྱིས་དགབ།། རྒྱན་ཆས་ལྡན་པས་མཆོད་པ་དགྲམ།། ཨོཾ་ཨཱཿཧཱུཾ་བཛྲ་ཨཱ་ཡུ་ཥེ་ཛཿ། པུཎྱེ་པུཥྚི་ཀུ་རུ་སིདྡྷི་སིདྡྷི་ཧཱུཾ།། ཚེ་ཡི་སྙིང་པོ་ཞག་གསུམ་བགྲང་།། བར་ཆོད་བཟློག་ཕྱིར་ཕྱག་རྒྱར ་གཞུག། བསྐུལ་བའི་ཕོ་ཉས་ཚེ་དཔལ་དྲང་།། དྲོད་ཚད་ཟིན་ནས་ཚེ་དབང་བསྐུར།། དེ་ཡིས་ཚེ་ཡི་སིདྡྷི་ངེས་པར་འགྲུབ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས།། ཚེ་བསྒྲུབ་པའི་ལེའུ་སྟེ་བཅོ་ལྔ ་པའོ།། །། དེ་ནས་ཡང་དག་བཤད་བྱ་བ།། མ་མོ་སྐོང་བའི་རྫས་བཤད་དེ།། ཤེལ་སྨུག་སྤྱི་དཀར་མོ་ཡི་རིགས།། རྒྱན་ཆས་གསལ་བ་རྫས་ཀྱི་མཆོག། མཁའ་ལྡིང་སྤུག་མོ་ཐིག་ལེ་ཅན།། ཉམས་ཆག་སྐོང་བའི་རྫས ་ཆེན་དེ།། སྐྱེས་པ་གཙང་མའི་བམ་གསར་ནི།། མ་མོ་མཆོད་ཅིང་སྒྲུབ་པའི་རྫས།། མ་མོའི་དམ་རྫས་ཁྱད་པར་ནི།། ཝ་སྙིང་མི་དང་ལུག་སྨུག་སྙིང་།། མཁའ་ལྡིང་སྙིང་ཁྲག་བདུད་རྩི་དང་།། བྱང་སེམས་དཀར་དམར་རྫས ་ཆོག་ནི།། མ་མོ་བརྟེན་པའི་རྫས་ཡིན་ནོ།། གཞན་ཡང་ཤ་ཆེན་ཚིལ་ཆེན་དང་།། འབྲས་བུ་མི་དབང་ཤ་ཁྲག་སྙིང་།། གསུར་ཆེན་དུད་པ་ཚིལ་ཆེན་མེ།། གཡང་གཞི་རྒྱལ་མཚན་ཕན་གདུགས་དང་།། རྫས་དང་ལྡན་པའི ་གཏོར་མ་དང་།། འབྲུ་ཆང་རྩི་ཆང་རཀྟའི་ཚོགས།། མ་མོ་མཆོད་པའི་རྟེན་བྱའོ།། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ་ལས།། མ་མོའི་མཐུན་རྫས་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང ་དག་བཤད་བྱ་བ།། མ་མོའི་རྟགས་དང་མཚན་མ་བཤད།། རབ་ནི་སྐུ་སྟོན་གསུང་མཆོག་སྒྲ།། འབྲིང་ནི་མེ་འབར་འོད་འཕྲོ་ཞིང་།། རྣལ་འབྱོར་ཅི་དྲིས་སྨྲ་བར་བྱེད།། ཐ་མ་རྨི་ལམ་སྣ་ཚོགས་སྟོན།། དམར་མོ་བུད་མེད ་མཆེ་བ་ཅན།། ཆུ་སྲིན་རྒྱལ་མཚན་འཕྱར་བ་ནི།། རྨི་ལྟས་རབ་ཏུ་བཤད་པ་ཡིན།། དཀར་མོ་བྱུང་ན་ཕན་བྱ་འགྲུབ།། སེར་མོ་བྱུང་ན་ལོངས་སྤྱོད་འཕེལ།། ནག་མོ་བྱུང་ན་མཐུ་རྩལ་འབྱུང་།། ཕོ་རུ་བྱུང་ན་ལས་ལ ་སྐུལ།། དམག་ཚོགས་བྱུང་ན་ཟད་གསོད་བྱ།། གཅན་གཟན་བྱུང་ན་བརྣག་པ་འགྲུབ།། དུ་བ་མཐོང་ན་ཉམས་པ་གནོད།། རྒོད་ཅིང་བྱུང་ན་དངོས་གྲུབ་སྟེར།། སྦྱོར་བ་བྱེད་ན་དངོས་གྲུབ་འགྲུབ།། རྒྱང་གླུ་ལེན་ན་མཆོད་པ ་སྟེར།། དབང་རྟགས་སྟོན་དང་གླལ་གྱུར་ན།། གཏོར་མ་དུས་སུ་སྦྱིན་པར་བྱ།། མངོན་སུམ་པ་ཡི་ཆོ་འཕྲུལ་ཡང་།། འབྲུག་དང་སྒྲ་དང་ཐུག་ཆོམས་དང་།། རླུང་དམར་འཁྲུག་དང་སྒོ་རྡུང་དང་།། མེ་དང་འོད་དང་སྒོ་ཁྱིམ ་འཚགས།། སྣ་ཚོགས་མཚན་མ་ཅི་ཡང་འབྱུང་།། གང་ཡང་མེད་ན་རྟོག་མི་སྐྱེད།། འཇིགས་པར་བྱུང་ཡང་མཉམ་པར་བཞག། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ་ལས།། རྟགས་དང ་མཚན་མ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་དག་བཤད་བྱ་བ།། འཁྲུག་པ་བཅོས་དང་བསྐང་ཟློག་ཕྱིར།། དྲག་པོ་བསད་མདོས་བཤད་པར་བྱ།། འབྲུ་སྣ་ཚོགས་པའི་རི་རབ་ནི།། མཆོད་རྟེན ་ཀཀྵིའི་དབྱིབས་སུ་བྱ།། རི་རབ་གསུམ་ལྡན་བུམ་པས་མཛེས།། སྟེང་དུ་དམར་མོ་དར་གྱི་གདུགས།། ཕྱོགས་བཞིར་རྒྱལ་མཚན་བ་དན་མངའ།། དབུས་སུ་མ་མོའི་གཟུགས་གཞག་ལ།། སྙིང་སྣ་གསེར་གཡུ་བདུད་རྩིར ་བཅས།། གསལ་བའི་འོད་དང་བཅས་པ་དགྲམ།། དེ་འོག་བང་རིམ་དང་པོ་ལ།། བུ་མོ་བཞི་ཡི་གཟུགས་བཞག་ལ།། དར་དང་རྒྱལ་མཚན་སྔ་མ་བཞིན།། སེང་སྟག་ཝ་དང་སྤྱང་ཀི་དང་།། བྱ་རྒོད་ཀང་ཀ་བྱ་རོག ་འུག། བརྒྱད་བརྒྱད་བང་རིམ་པར་མའོ།། འབྲིང་ལུག་ར་དང་བྱ་ནག་ཁྱི།། ཤ་དགོ་གནའ་གཉེན་རི་དྭགས་དང་།། སྲོག་ཆགས་མིར་བཅས་བརྒྱད་བརྒྱད་ནི།། བང་རིམ་ཟ་མ་དག་ལ་ནི།། གཞན་ཡང་སྲིད་པའི་སེམས་ཅན ་གཟུགས། ཁ་དོག་ཚོན་གྱིས་ངོས་བསྒྱུར་ནས།། རི་རབ་ཐ་མ་འཁོར་བར་བྱ།། སྤྱན་གཟིགས་དཀོར་ཆ་རྒྱན་དང་ལྡན།། རང་གླུད་ཆས་ལྡན་བརྒྱ་རྩ་བརྒྱད།། མ་མོ་འཁོར་ཚོགས་ཀུན་ལ་བསྔོ།། བདག་ཉིད་དཔལ་ཆེན ་བསྒོམ་བྱས་ལ། ཁྲག་འཐུང་མཆོད་པ་གཞུང་བཞིན་བྱ།། ཚེ་དཔལ་དྲོད་དང་དངོས་གྲུབ་བླང་།། ཞག་གསུམ་བསྙེན་པ་བཙུགས་ནས་ནི།། མ་མོ་ཉིད་དང་འཁོར་ལ་བསྔོ།། གནོད་པར་གྱུར་པའི་ས་རུ་བསྐུལ།། ལས ་རྣམས་ངེས་པར་འགྲུབ་པར་འགྱུར།། དེ་ཡི་ལས་ཐབས་འདི་ལྟ་སྟེ།། དཀྱིལ་འཁོར་དབུས་སུ་གཡང་གཞི་གདིང་།། དེ་ལ་ལྷ་བཀོད་རྫས་ཀྱིས་བསྐོར།། བྱང་དུ་མཎྜལ་དྲིས་བྱུག་ལ།། ལུག་ནག་གཡང་གཞིའི་སྟེང་དུ ་ཡང་།། ནས་ནག་ཁལ་ལམ་བྲེ་གསུམ་བད་ལ།། སྟེང་དུ་བསྐང་ཟློག་མདོས་ཆེན་བཞག། དབུས་སུ་འབྱོར་ཚད་སྐོང་རྫས་ལ།། ལྷོ་ཕྱོགས་བསད་ལས་འབྲུབ་ཁུང་དུ།། ཤར་དུ་སྒྲུབ་པ་བདག་ཉིད་བཞུགས།། འདིས་ནི་ཇི ་ལྟར་བསམ་པ་འགྲུབ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས། དྲག་པོ་མདོས་ཀྱི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་དག་བཤད་བྱ་བ།། གཞི་དང་གཙོ་མོའི་སྤྱི་སྔགས་བསྟན།། ཨོཾ ་བཛྲ་པྲ་མོ་ཧ་མ་ཀེན་ཤང་ཀི་མ་པྲ་དུ་ཧ་ན་ཧཱུཾ་ཏྲག་རག་མོ་རཀྵ་ཡཀྟ་དུང་ཧི་པྲ་མོ་ཡ་ནཱ་ག་རཀྵ་མེ། ཧུ་ལུ་ཧུ་ལུ་ཧཱུཾ་བྷྱོ་ཧཱཾ། གཅིག་ཏུ་དྲིལ་ཏེ་བོད་པའོ།། ཨོཾ་རག་མོ་ཙིཏྟ་རྦད་རུ་རུ་རྦད་སུམ་དུ་ཧ་ན་ཧ་ན་ཛརྦད་རྦད། ཨོཾ་ཙ་ཀ ་ཧ་ཧ་ཀ་ལཾ་བ་ཏོ་ར་བྷྱོ། རཀྑ་ཙཀྲ་བ་པ་མ། ཙི་མ་མ་དུ་ཁ་ཙིཏྟ་ནན་བྷྱོ། སྤྱིར་རྦད་པའོ།། ར་ཧི་ལི་ཀི་ལི་ཀི་ལཱ་ཡ་རྦད་བུ།། ཨི་དར་རི་ཡཾ་མྱང་ཡི་དང་ཡང་། ལུ་པ་ཏི་ཡང་། བ་རོག་མོ་ཏ་ཡང་བྱི་ལི་མ་ཏི་ཡང་། མ་མ་ཀན ་ཤང་ཀི་པྲ་མ་ཡ། ཏིཥྛརྦད། བྲུཾ་རི་ལི་ལི་རྦད། ཡགྒ་རཀྐ་པྲ་མ་ནི་ནཱ་ག་རག་མོ་བྲུཾ་རི་ལི་རྦད་རྦད། ཙིཏྟ་ཙིཏྟ་ཁ་རག་ཏྲག་རཀྵ་ཏྲཾ། མ་ཧཱ་ས་མ་ཡ། མ་ཧཱ་རཀྐ་ཏྲཾ། ཙིཏྟ་བྲུཾ་རི་ལི་ལི་རྦད། སྤྱིར་བསད ་པའི་སྔགས་སོ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས། ཙིཏྟ་ཡང་སྙིང་གི་སྔགས་ཀྱི་ལེའུ་སྟེ་བཅུ་དགུ་པའོ།། །། དེ་ནས་དཔལ་ཆེན་ཧེ་རུ་ཀ། དཔལ་གྱི་ཐུགས་ཀྱི་རྒྱུད་འདི་བཤད།། ་ཉོན་གཅིག་རྡོ་རྗེ་འཛིན་པ་ཁྱོད།། ང་ཡི་གསང་རྒྱུད་ཆེན་པོ་འདི།། ལྔ་བརྒྱའི་དུས་སུ་བསྟན་སྲུང་ཕྱིར།། རྩ་བ་གསུམ་དུ་བསྡུ་བར་བྱ།། ཡན་ལག་ལྔ་ལ་སྤྲོ་བྱས་ཏེ།། དང་པོ་དཔལ་ཆེན་སྤྱན་སྔ་རུ།། སྲིད་པའི ་ཚེ་སྲོག་བདག་མོ་ཡིས།། རང་རང་སྲོག་གི་སྙིང་པོ་ཕུལ།། ཕུང་བྱེད་བུ་མོ་སྤྱན་བཞི་ཡིན།། རང་རྟགས་སྲོག་གི་སྙིང་པོ་ཕུལ།། འཁོར་དང་བཅས་པ་ཐམས་ཅད་ཀུན།། དཔལ་ཆེན་ཉིད་ཀྱི་དམ་ལ་གནས།། བསྟན ་པ་སྲུང་བའི་བདག་མོ་ཡིན།། དད་མོས་ཉམས་སུ་གང་ལེན་པ།། དངོས་གྲུབ་མཆོག་ནི་གདོན་མི་ཟ།། ཞེས་བཀའ་སྩལ་པ་དང་།། འཁོར་གྱི་གཙོ་བོ་དཔལ་རྡོ་རྗེ་འཛིན་པ་དང་།། སྲིན་མོ་འོད་འདུས་ཤང་ཀ་ཏི་ལ ་སོགས་པ། བུ་མོ་དང་འཁོར་དུ་བཅས་པ་ཐམས་ཅད་རབ་ཏུ་དགའ་བ་སྐྱེས་ཏེ། བཅོམ་ལྡན་འདས་ལ་བསྟོད་དོ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས། ཡོངས་སུ་གཏད་པའི ་ལེའུ་སྟེ་ཉི་ཤུ་པའོ།། །། མ་མོ་རབ་ཏུ་གསང་བའི་རྒྱུད་རྫོགས་སོ།། །། @#།། རྒྱ་གར་སྐད་དུ། ཨེ་གུ་ཧྱ་ཙཀྲ་ཏན་ཏྲ། བོད་སྐད་དུ། དབྱིངས་གསང་བའི་འཁོར་ལོའི་རྒྱུད། བཅོམ་ལྡན་འདས ་