བོད་ཡིག

e-texts produced with BDRC’s OCR application

rgyan gyi mkhan po rdo rje zod phreng dang bod kyi lo tsA ba mang yul gyi lce ku ku ra dza dang brang ti dza ya rak+Shi tas bskur cing zhus te gtan la phab pa'o// // @#// rgya gar skad du/ badz+ra dza la gu ya tan+t+ra/ bod skad du/ rdo rje 'bar ba gsang ba'i rgyud/ bcom ldan 'das dpal 'jigs byed kyi rgyal po la phyag 'tshal lo// 'og min gyi gnas bzhi dang snying po me tog gis brgyan pa na/ 'khor rnam pa gnyis kyi nang na/ sku mdun dang rgyab med par phyogs bzhir thal le ba/ dus rtag tu ting nge 'dzin la bzhugs pa ni/ chos kyi sku dang 'brel ba'i ngo bo nyid kyi don la gnas so// sku mtshan dang dpe byad du ldan pas/ 'khor gyi nang du chos kyi 'khor lo bskor ba ni/ smon lam dbang gis longs spyod rdzogs pa'i skur bzhengs pa ni/ gzhan gyi don du byung ba ste/ zhu ba skrag pa'i ched du zhal mdzum pa mdzad de mi snang ba las/ lha mo'i dbyangs kyis bskul ba las/ thugs zhi ba'i ngang las khro bo 'bar ba'i skur byung nas 'khor rnams la gsang ba dang gsang chen dang / ye shes kyi snying po dang gsum gsal bar byas nas bzhugs pa las// 'khor gyi khro bo dang / khro mo dang / pho nya dang / mngag gzhug la sogs pas/ ston pa la zhus pa 'di skad ces gsol lo// e ma ho ston pa gsang ba'i bdag/ rgyas par bka' stsal zhu ba rdzogs// bsdus pa'i man ngag rmad po che// bdag cag rnams la bka' stsol 'tshal/ zhus pas// de nas ston pas 'khor rnams la/ gsang ba dang / gsang chen dang / ye shes snying po dang ldan par byas nas// legs so 'khor gyis zhu ba legs// bsdus pa'i man ngag zhu 'dod na/ khyed cag nga la gus par lhogs// dbang dang dam tshig ldan byos la// gnas dang grogs dang dus tshes dang // rdzas dang yo byed ldan byos la// ting 'dzin 'di la gtsor rtogs shig/ rten dang dkyil 'khor gsal bris la// bsgrub na dngos grub myur du thob// ces bka' stsal pas/ yang 'khor gyis zhus pa/ sems can sangs rgyas ji ltar smin// de rgyu ci dang ci las byung // sems can sangs rgyas su bya ba// de la thabs ni gang gis bya// zhes pas lan du/ sems can sangs rgyas rgyu gcig ste// yab yum 'dus pa'i sems las byung // dngos po rang ga sems can rgyu// ting 'dzin sbyor ba'i dkar dmar thig/ sangs rgyas smin pa'i rgyu ru 'dod// sems can bla med sgrub 'dod na// rang sems brtag pa thams cad mchog/ ces gsungs so// rang sems brtag na ji ltar brtag/ sems kyi yul ni gang gis bya// sems kyi rang bzhin ji lta bu// sems kyi mtshan nyid ji ltar snang // sems kyi ngo bo gang du gsungs// sems ni rnam par du ru snang // sems kyi rten ni gang du bca'// gsang ba'i bdag pos bka' stsal 'tshal// zhes zhus pas/ sems kyi yul ni rnam gnyis te// phyi nang gnyis su shes par gyis// phyi yi yul ni spang bar gyis// nang gi yul ni blang bar gyis// yid kyi yul du kun gzhir rtogs// blta zhing brtag rgyu'i kun gzhi rnams// sems kyi rang bzhin nam 'kha' 'dra// de la sus kyang dpag tu med// sems kyi mtshan nyid ma nges te// phyogs ni rnam pa gnyis su bzung // 'khor ba mya ngan 'das pa'i rgyu// 'khor ba'i rgyu ni nyon mongs te// de la reg pas gting dpag lhag/ mya ngan 'das phyogs ye shes rgyu/ de yang gnyen po de dang mtshungs// ji ltar bsgyur ba de ltar snang // sems kyi cho 'phrul bstan pa bla// sems kyi ngo bo grub mthar 'gro// rnam pa gnyis te rgyud la brtag/ sems kyi rnam grangs brgyad du 'dod// de las 'byung bas tha dad 'gyur// sems kyi rten ni rlung du 'dod// ces bka' stsal pas// yang 'khor rnams kyis zhus pa/ rtsa dang rlung dang sems dang gsum// bdag dang lha dang sngags dang gsum// ji ltar lags pa bka' stsol 'tshal// zhes gsol pas// drug po rten cing 'brel bar gnas// sems ni ming gzhi'i phung po ste// phung po'i rten ni 'byung ba lnga// 'byung ba'i rten ni rtsa rnams so// rtsa rnams brten pa srog gi rlung // srog rlung brten pa byang chub sems// de rnams gyen du yar bzlog pas// sems ni rlung brten rlung brtan rtsa// rtsa rnams 'byung ba lngar gnas pa// phung po lnga dang 'byung ba lnga// yab yum bcu ru ye nas gnas// de dag don grub bsdus pa'o// de dag so so'i rnam bshad pa// de la rtsa yi man tig ni// dbus kyi a ba d+hA ti ka/ tshangs pa'i rtse nas gsang bar gnas// gnyis su gyes te che chung ngu// btsug pa'i tshul du gnas pa yin// de las rgyu ba'i rnam pa ni// byang chub sems ni de las 'ong // phra ba nas ni mangs rgyu// rlung gi srog rlung zhes bya ba// chen po'i nang na rtag tu gnas// mtshon pas mi mtshon ma hA'i rlung // chung ngu'i nang na rtag tu gnas// kun gzhi rnam shes rab la rigs// bde chen rtsa la gnas pa yin// a ta pa gsum brtsegs dang 'brel/ srid rtsar/ rtser// de ni gnas bcas nas// dbang po dang bcas gzugs la khyab// g.yas kyi thabs rtsa la lA na// rna ltag g.yas nas gsang bar gnas// rak+ta rgyu ba'i lam yang yin// yid kyi rnam shes rten bcas nas// dbang po dang bcas gzugs la khyab// de ni rags pa'i mtshan nyid do// gyen du rgyu ba'i rlung gnas te// thabs kyi yi ge rnams dang 'brel// g.yon pas shes rab ra sa na// dri chu rtag tu de la rgyu// nyon mongs yid dang rtag tu ldan// thur du rgyu ba'i rlung gnas te// shin tu phra ba'i a li ldan// zla ba nyi ma me long gsum// dang po lu gu rgyud du gnas// shes pa gsum gyi ngo bo'i rtsa'o// sgo lnga'i shes pa'i gnas dang ldan// 'khor lo rnams dang 'brel ba ni/ khang pa ka ba'i tshul du gnas// dper na khang rten ka ba 'dra// rtsa gsum ka ba'i tshul du ste// 'khor lo rnams ni khang pa 'dra// 'khor lo dang po ka zhu'i tshul// bde chen 'khor lo'i rtsa ba la// rtsa yi 'dus sa rab tu gnas// 'khor lo khang pa ka med na// rnam shes 'dug pa'i gnas med do// de las bye brag rnam bshad pa// dar rtsa'i 'khor lo bde ba che// lha min dgag cing nga rgyal 'dul// rin chen 'byung ldan bzhugs pa'i gnas// mnyam nyid ye shes skye ba'i sa// ma mA ki dang rtag tu ldan// rtse'u chung rtse nas sor gnyis na// longs spyod 'khor lo mtha' yas khang // mi yi skye sgo 'dod chags 'joms// gos dkar so sor rtog dang ldan// snying nang sa kyi 'khor lo yang // rdo rje sems dpa' rtag gnas pa// dmyal ba zhe sdang sgo lnga 'dul// stong pa'i ye shes dbang phyug ldan// lte ba nas ni sor bzhi'o// gting dang zhing du phyin pa ni// sprul pa'i 'khor lo #/ gnas pa yin// rnam par snang mdzad bzhugs pa'i gnas// byol song sgo dang gti mug 'joms// me long ye shes spyan dang ldan// de ni gsang ba'i dkyil 'khor ro// sbas pa'i dkyil 'khor dbyug pa la// gsang ba rdo rje bum pa ni// rtsa bran 'khor lo'i ga bu'i dkyil// b+ha ga'i 'khor lor rak+ta'i dkyil// gsang ba byang chub sems 'khor ro// 'dab ma sum cu rtsa gnyis pa// las kyi rigs de don grub nas// yi dwags phrag dog sgo yang 'gegs// dam tshig sgrol ma nan tan ldan// rtag tu de spyod de bsgom pa// rnal 'byor pa zhes bya ba yin// de dag 'khor du gang 'thad dgod// so so'i snying po rang sngags bzla// snying sgo dbang gi 'khor lo la// rta mgrin yab yum sgo mas bskor// mdzod spu rgya mtsho'i dkyil 'khor du// gsang ba'i yum bzhi'i 'khor dang ldan// brag dang rtsa yi mtshams nyid du// gtsug gtor cho ga'i dkyil 'khor gyi// mtshon cha rnam lngas brgyan par bya// 'di ni gab pa'i gsang ba'o// rang rang 'khor du rigs lnga 'bar// dbu la rdzogs pa'i rigs lngas bsrung // thugs la 'bar ba'i srog yang bzhugs// gnyis ldan sku dang gsung thugs ldan// rab tu srog gi gor shar ba'o// de la rtsa rlung gyes pa ni// rtsa gyes pa ru rlung yang gyes// mig dang rna ba sna dang lce// dbang po bzhi la gyes pa'i rtsar// rgyu ba la sogs rlung bzhi gnas// lus la rtsa bran stong phrag lhag khyad par gnas te rlung yang khyab// rus mgo gsum brgya drug cu la// rtsa yi khams su de tsam re/ khyab byed rlung du de yang grags// de ru 'od kyi thig le re// de las gyur ba gsung rdo rje// de ni gsung gi rdo rje 'bar// de las gyur ba rdo rjer gnas// de ni thugs kyi rdo rje 'bar// mkhas pas spro bsdu byas pa yis// phar 'phros pas ni dgra bgegs 'dul// slar 'dus rang gi bag chags bsreg/ de ni las kyi rdo rje 'bar// phung po rdo rjes gtams byas nas// rnam par shes pa rdo rjer bsgoms// rtag tu de ltar de gnas pa// sku yi rdo rje 'bar ba yin// de la dbang dang byin brlabs pas// yon tan rdo rje 'bar ba'o// sku gsung thugs dang yon tan las// rigs kyi bdag po yab yum dang // de ltar rdzogs pa'i ku ma ra// kun gzhi'i rnam shes nyid du 'dod// de yang rgyu yi hUM las bskur// de yul don gyis rgyas 'debs ma// gnyis su med pa rtsa ba'i dkyil// de yi khyad par byin brlabs las// 'dod chags zhe sdang gti mug dang // nga rgyal phrag dog ser sna dang // sgrib pa lung du ma bstan bzhi// de ltar mi dge bcu pa ni// hUM ring bcu yis sa bon las// so so'i rang sngags rten stobs kyis// brjod pas khro bo bcu ru gyur// de yi cha 'dzin shes pa bcu// hUM la brten pa snga ma #/ bzhin// rnam shes lnga dang dbang po lnga// dza la brten nas gnas bskur ba// gsod pa'i za byed pa bcur sprul// yul dang dus kyi cha 'dzin lnga// gsod ma bcu ru snga ma bzhin/ khams dang skye mched de ltar ba// phyogs bcu'i khro bo yin par gsungs// phyag gi mchod pa yang bshad pa// rigs lnga yab yum sor mo rnams// byas pa'i bar du phur pa bcug/ gnyis su med pa'i byang chub sems// de la bstims pas sras gyur pa// phur pa rdzas su rnam par bshad// de nas 'khor gyis yang zhus pa// 'dzab dang bzlas pa'i don ni gang // dkyil 'khor don ni ji ltar bsdu// gsang ba'i bdag pos bka' stsal 'tshal// 'dzab bzlas rnam pa du ma yang // phyi nang gsang ba gsum du 'dus// phyi yi bsgrub bya bsnyen pa dang // nang gi rang sems sbyang ba dang // gsang ba'i dngos grub blang ba ni/ khyad par 'gro ste bsdus pa'i don// de yi bye brag rnam bshad pa// dkyil 'khor gsum la tha dad re// dgug dang gsad dang gzhom pa'o// kI la ya hUM phaT bar du// gzhug pa'i snying po tha dad do// dgug pa dzaHhUM baM hoHbzhi// yang na dza las gyur pa bya'o// gsad pa mA ra ya gsum las// gzhom zhing brdeg pa a ko Ta// gcig gis gcig bskul 'od zer ni// glog 'brug char gyi tshul du'o// de la bsdus pa'i don bshad pa// rgyal ba'i dkyil 'khor ma lus ni// sku gsung thugs yon las lngar 'dus// rigs lngar snang ba ye shes dngos// de yi byin rlabs sprul pa ni// ji ltar 'dod pa yid bzhin tshul// khro bo khro mo rnam sbrul yang // gud na med de de las sprul// sprul pa rnams ni rgyu las 'dus// rgyu ni rang bzhin byang chub sems// sems nyid yi ge ar snang ba// a mthong chos kyi dbyings kyang mthong // ma g.yos lta ba'i rgyas btab na// dkyil 'khor thams cad bsgom pa yin// de skad ces ni bka' stsal pa/ khyed la gtad kyis nan tan zung // gzung dang bcangs dang bstan dang bsgrags// legs par gyis la sems la gnos/ zhes gtad do// de nas 'khor rnams kyis bstod// legs so legs so bdag po'i mchog/ legs so legs so don gyi gtso// legs so legs so don dang 'tshal// kun gyi bdag la phyag 'tshal 'dud// ces thams cad dbyings nyid du mi snang bar gyur to// dpal rdo rje 'bar ba man ngag gi kalba pa dum bu'i rgyud zung / 'khor la gtad pa rdzogs so// // rgya gar gyi mkhan po dz+nyA na gar b+ha dang / bod kyi mkhas pa chen po bai ro tsA nas bsgyur ba'o// bka' rgyud 'di yi rgyal po ste// rgya che rab zab chos kyi don// 'di yi gzhung gnas rgyas par 'byung // las 'phro can dang 'phrad na smin// 'di don gab cing sbas par 'byung // / @#// rgya gar skad du// nA ma badz+ra dza la tan+t+ra// bod skad du// rdo rje 'bar ba'i rgyud ces bya ba// bcom ldan 'das rdo rje 'dzin pa la phyag 'tshal lo// 'di