བོད་ཡིག

e-texts produced with BDRC’s OCR application

ba las/ phyis skad gsar bcad kyis phab pa'o// // sid+d+hi rastu/ @#// rgya gar skad du/ badz+ro hA ra ma hA yo ga tan+ta kI la ya nA ma/ bod skad du/ phur pa rdo rje bkod pa rnal 'byor chen po'i rgyud/ dpal he ru ka la phyag 'tshal lo// 'di skad bdag gis thos pa'i dus gcig na/ bcom ldan 'das 'jigs byed kyi rgyal po zhe sdang rdo rje 'og min gyi gnas/ gru gsum mthing nag 'bar ba mtha' dang dbus med pa/ yum gyi b+ha gar bzhugs so// de nas de bzhin gshegs pa thams cad sku dang gsung dang thugs kyi bdag nyid/ byang chub sems dpa' sems dpa' chen po phyag na rdo rje la sogs pa/ 'khor gyi tshogs rgya mtsho dang bcas pas zhus pa/ bcom ldan 'das 'jigs byed kyi rgyal po bdag cag rnams la theg pa chen po gsang sngags kyi don gcig tu zhu zhes gsol pa las/ bcom ldan 'das 'jigs byed kyi rgyal po zhe sdang rdo rjes bka' stsal pa/ lag na rdo rje khyod kyis zhus pa legs so// 'di lta ste/ gsang sngags kyi don 'di ngas bshad kyis/ byang chub sems dpa' sems dpa' chen po lag na rdo rje khyod kyis nyon cig/ de la grub pa'i 'bras bu tshe 'di nyid la thob par 'dod pa'i rnal 'byor pas/ yang dag pa'i don 'di shes par bya ste/ dam tshig dang / lta ba dang / spyod pa'i sgo nas/ thams cad bde ba chen po'i don la dgod par bya'o// de la phur pa'i dam tshig ni/ lta ba mnyam par rtogs pa dang // spyod pa ci la yang mi snyoms shing // thabs kyis 'gro la phan bzhed pa// de ni dam tshig mchog tu gsungs// de las 'das na ltung bar 'gyur// 'bras bu nges pa'i don rtogs na// tshe 'di nyid la gdon mi za// de la phur pa'i lta ba ni// yul dang snang ba thams cad ni// dbyings nyid nam mkha' lta bu'i ngang // sems su snang ba thams cad ni// ma bcos rig pa de nyid yin// de nyid dbyer med mnyam pa de// de yi ngang du thams cad 'dus// phur pa zhes ni yang dag bshad// btsal du med pa'i chos nyid la// bsgom du med pa'i 'bras bu shar// thams cad rang byung 'gag pa med// rgyu dang rkyen la mi ltos shing // spros med rang byung lhun gyis grub// rgyu rkyen gnyis las mya ngan 'das// gdod nas ma bcos ye nas grub// dus gsum dbyer med gcig par blta// srid pa gsum ni rang gi rkyen/ khams gsum spros med dbyings su gcig/ thams cad ye nas dbyer med pas// stong gsum dus gsum til 'bru tsam// rang byung skye med dbyings su gcig/ de ni lta ba'i mchog yin te// lta ba de las 'das gyur na// 'khrul pas lam ni rnyed mi 'gyur// de la phur pa'i spyod pa ni// btsal ba med pa'i dbyings nyid las// snying po dran pas lhar bskyed de// ci 'byor mchod pa phul nas kyang // rang gi lhar ni brtag par bya// 'dod pa'i don rnams gsol ba gdab// bsnyen pa'i phyir ni snying po bzlas// thams cad khro bo khro mor dmigs// 'dod pa'i don rnams 'grub par bsam// ma 'grub par du bsnyen par bya// 'grub pa'i rtags ni byung ba dang // gang la dmigs pa'i ngo bo la// gdab pa'i las rnams byas nas ni// rnam shes dbyings su yang dag spar// lhag ma lha la bstab par bya// gzir mnan las rnams byas nas ni// las rnams 'grub par gdon mi za// de ni phur pa'i spyod pa'o// de la phur pa'i dam tshig ni// bsgrub pa de ni gtso ru blang // dam tshig de ni ma nyams na// lta ba nyams kyang ltung mi 'gyur// lta ba de dag ma nyams na// spyod pa nyams kyang ya mi nga // spyod pa de dag ma nyams na// dmigs pa'i las rnams 'grub par 'gyur// de bzhin gshegs pa thams cad kyi sku gsung thugs kyi rdo rje bkod pa'i rgyud las/ blta ba dang spyod pa dam tshig gi le'u ste dang po'o// // de nas bcom ldan 'das 'jigs byed kyi rgyal po zhe sdang rdo rje/ phur pa khyad par gyi le'u ste 'di gsungs so// ma nor ma bcos chos nyid de// btsal ba'i bsams pa kun las 'das// thams cad dbyer med mnyam pa'i ngang // de bzhin nyid las khyad par 'phags// snang ba med pa'i chos nyid las/ khyab dang ma khyab gnyis med de// kun tu snang las khyad par 'phags// btsal ba med pa'i chos nyid las// ma bskyod par ni thams cad byung // rgyu nyid las ni khyad par 'phags// btsal du med pa'i chos nyid las// bsgrub tu med pa'i 'bras bur shar// phur pa bkod ces de la bya// 'gyur ba med pa'i chos nyid ni// phyogs dang ris la mi gnas shing // mtha' dang dbus su mi dmigs shing // sems nyid ye nas 'gyur ba med// gzhal yas khang las khyad par 'phags// dbye ru med pa'i sems nyid kyi// phung po khams dang skye mched rnams// ye nas dbyer med rdzogs sangs rgyas// phur pa dril zhes de la bya// mi dmigs bsam 'das dbyer med dang // ma bcos spros pa med pa'i dkyil// skye med yongs la khyab pa'i 'khor// 'gyur med don rtogs mnyam pa'i ngang // mtshan ma'i dkyil 'khor las khyad 'phags// dngos po med pa'i ye shes kyis// mtshan mar snang ba dbyings su spyod// phur pa bkod ces de la bya'o// rang byung rig pa'i ye shes ni// btsal zhing bsam pas ma bskyed de// chos kyi dbyings su gshegs pas ni// spyan drang don las khyad par 'phags// spros pa med pa'i chos nyid dang // btsal du med pa'i sems nyid gnyis// mnyam pa'i ngang du rtogs pas na// bzhugs su gsol las khyad par 'phags// thams cad dbyer med mnyam pa'i ngang // 'du 'bral med par rab gnas pas// phyag 'tshal ba las khyad par 'phags// chos nyid btsal du med pa la// skye mched khams rnams mchod par snang // nam mkha' dmigs su med pa la// 'byung ba'i tshogs rnams mchod par snang // thams cad chos nyid rgyu ru gsungs// mchod pa phul bas khyad par 'phags// thams cad mi dmigs mnyam pa'i dang // dmigs med bsam 'das brjod du med// bsnyen pa phul bas khyad par 'phags// dmigs su med pa'i sems nyid kyis// thams cad bla med rgyur bton pas// pho nya bkye las khyad par 'phags// khams gsum sems can thams cad kun// dus gsum bzhugs pa'i sangs rgyas dang // thams cad dbyer med dbyings su bsgral// dgra bgegs bsgral las khyad par 'phags// snang ba'i yul ni chos nyid las// bsam pa'i cha ni ye shes te// gnyis su med par rtogs pas na// phur pa btab las khyad par 'phags// ma skyes pa yi chos nyid kyis// skyes pa'i phung po skye rgyun bcad// ma bcos pa yi chos nyid kyis// bcos pa'i chos nyid zil gyis mnan// mi dmigs pa yi nam mkha' yis// dmigs pa'i 'byung ba zil gyis mnan// thams cad skye shi rtsad nas gcod// gzir mnan byas shes de la bya// 'khor ba dong sbugs khyad par 'phags// skye shi rtsad gcod khyad par 'phags// thams cad dbyings bkod khyad par 'phags// 'khor ba'i rgyu nyid yang dag byang chub lam// thams cad mya ngan 'das las khyad par 'phags// skye med rdo rje lta bu'i ngang nyid las// skye shi 'phro 'du med pas khyad par 'phags// de lta bu yi don la mkhas pa yis// rtogs pa'i blo chen rnal 'byor gang zhig gis// de yi don la 'dris na sangs rgyas yin// btsal du med pa'i don rtogs bsgom pa yin// de bzhin gshegs pa thams cad kyi sku gsung thugs rdo rje bkod pa'i rgyud las/ khyad par gyi le'u ste gnyis pa'o// // de nas bcom ldan 'das 'jigs byed kyi rgyal po zhe sdang rdo rjes/ lta ba'i man ngag 'di gsungs so// btsal med dbyings kyi ngang du thams cad 'dus// mi 'gyur byang chub sems kyi phur pa yis// thams cad skye shi'i rtsa ba bcad// sgrub med chos kyi dbyings la ye nas btab// btab pa nyid na 'khor ba'i ming yang med// ma bcos lhun gyis grub pa'i dbyings nyid la// ye shes rig pa'i phur pa ye nas btab// btab pa nyid na dngos po mtshan ma med// snang srid byang chub snying po'i ling+ga la// kun tu bzang po'i rol pa'i phur pa btab// btab pa nyid na sems rtog yid las 'das// dngos por snang ba'i shes rab ling+ga la// rang byung thugs kyi rgyal po'i phur pa btab// btab pa nyid na brjod pa'i mtha' las 'das// de phyir dbyer med don rtogs mnyam pa'i ngang // bya btsal med par bzhag pas phur pa gdab ces bya// de la chos nyid phur pa ni// chos can gang la yang mi dmigs shing // ma bcos dang du thams cad 'dus// phur pa zhes ni de la bya// de la sems nyid phur pa ni// skye mched khams la mi gnas shing // rang byung dang du thams cad 'dus// phur pa zhes ni de la bya// de la nam mkha'i phur pa ni/ kha dog dbyibs la mi gnas shing / khyab gdal ngang du thams cad 'dus// phur pa zhes ni de la bya'o// de gsum dbyer med mya ngan 'das// dngos po mtshan mar mi snang zhing // bsam pa las kyang mya ngan 'das// thams cad ye nas mnyam nyid las// rgyu dang 'bras bur dbye ru med// tha snyad 'dogs na 'khrul pa yin// mthar yang sangs rgyas rnyed mi 'gyur// de la phur bu'i man ngag ni// tha snyad dag la mi gnas shing // btsal du med cing dngos po med// thams cad dbyer med dbyings su gcig/ 'khrul pa'i tha snyad ming yang med// bdag nyid phur pa'i rang bzhin las// gzhan du 'dogs pa 'khrul pa'i lam// grangs kyis bgrang du ga la yod// chos nyid gcig tu gnas pa la// grangs kyis bgrangs na gol sa yin// phur pa'i rang bzhin dag pa la// ming tsam gzhan la brten mi bya// rang gi rang bzhin rtogs par gyis// de bzhin gshegs pa thams cad kyi sku gsung thugs rdo rje bkod pa'i rgyud las/ blta ba'i le'u ste gsum pa'o// // de nas bcom ldan 'das 'jigs byed kyi rgyal po zhe sdang rdo rjes phur pa byang chub sems kyi don 'di gsungs so// phur pa byang chub sems kyi rtags// byang chub sems kyi phur pa yis// srid gsum 'khor ba gdar sha gcod// ma btab bzhin du lhun gyis rdzogs// mnyam pa'i rgyal po rig pas gdab// phur pa chos kyi dbyings kyi rtags// gzhan du gdab pa'i gnas med kyi// rang bzhin byang chub sems la gdab// phur bu 'dzin chags mya ngan 'das// gzung 'dzin rnam rtog nyid la gdab// phur pa dngos po kun dang bral// dngos med sems kyi phur pa yis// dngos po phyin ci log la gdab// gdab dang mi gdab brjod pa'i mtha' las 'das// phur pa skye ba med pa'i don// skye med sems kyi phur pa yis// sems la btab pas rig pa shar// dbyings la btab pas lhun gyi grub// gnyis su med pa brdal ba'i dang / khyab gdal chen po'i phur pa yis// snang srid kun la khyab par gnas// de ltar rtogs na thebs pa yin// mngon du gyur na rtogs pa yin// tshig las 'das nas sangs rgyas yin// grangs las 'das na brjod du med// gcig dang gnyis su dbye ru med// de bzhin gshegs pa thams cad kyi sku gsung thugs rdo rje bkod pa'i rgyud las/ byang chub sems kyi le'u ste bzhi pa'o// // de nas bcom ldan 'das 'jig byed kyi rgyal po zhe sdang rdo rjes phur pa rang bzhin gyi don la snyoms par zhugs te/ 'di gsungs so// phur pa'i rang bzhin don bstan pa// phur ni chos kyi dbyings zhes bya// pa ni bla ma chen por bstan// phur ni chos kyi dbyings zhes bya// pa ni rig pa'i ye shes yin// phur ni skye ba med pa yin// pa ni 'gag pa med pa yin// gnyis su med pa phur pa'i ngang // phur ni thabs kyi rgyal po yin// pa ni shes rab yum gyi don// gnyis su med pa'i rdo rje'i ngang // phur pa nam mkha'i mtha' dang mnyam// phur pa khyab gdal nyi zla 'dra// kun la snyoms pa'i ngo bor snang // phur pa chos kyi chos nyid yin// phur pa nam mkha'i mtshan nyid yin// phur pa sems kyi sems nyid yin// phur pa rgyud kyi rgyal po yin// phur pa lung gi bla ma yin// phur pa man ngag nges pa'i don// gsang ba'i sngags kyis bskyed par bya// gang la dmigs pa'i ngo bo la// pho nya skar tshogs sprin ltar gtibs// dkar nag mtshams nas drangs nas ni// lha gzugs phral te brlag bsam ste// rdo rje'i brag kyang 'jig 'gyur na// sdig can dgra bgegs smos ci dgos// pho nya mang pos stong khams gang // 'phral la gang ba ma yin te// ye nyid nas ni gang bar gnas// gsal bar bsgom nas bkye ba yin// nyams su chud na bsgral ba yin// gnyis su med na sbyor ba yin// lhangs kyis rtogs na zebs pa yin// de bzhin gshegs pa thams cad kyi sku gsung thugs rdo rje bkod pa'i rgyud las/ rang bzhin gyi le'u ste lnga pa'o// // de nas bcom ldan 'das 'jigs byed rgyal po zhe sdang rdo rje rtsa yi don la snyoms par zhugs nas/ 'phyang ldan ma dang ro mchog ma// spyi khyer 'phyang ldan shes rab ma// ro mchog ma ni thabs kyi ngos// spyi khyer ma ni dbus na gnas// rnam rtog mi phyed phra gzugs ma// byang chub sems ni skye 'gyur te// gnas shing gzung 'dzin bral ba yis// mi bskyod rgyu bas 'phyang ldan ma// rak+ta rgyu bas ro mchog ma'o// shes rab zla ba rgyu ba ni// spyi khyer mar ni rab tu gsungs// mi phyed ma dang phra gzugs ma// bzang mo g.yas na g.yon 'thung ma// rus sbal mo dang sgom pa mo// dbang bskur ma dang mtshan mo can// chen mo gnas dang ma mo dang // kun mtshan mo dang grang mo dang // drod ma 'phyang ma spyi gtsug mo// ro ma rtog ma dga' ldan mo// gzugs mdzes ma ni thung mo'o// rgyu sbyin mo dang bral ba mo// mngag pa mo dang grub pa mo// dga' byed ma dang yid mdzes ma// de bzhin sum sgril 'dod ldan ma/ khyim nas gtum mo bdud bral mo// srid gsum yongs su zhu ba rnams// kun kyang gzung 'dzin rnam par spangs// yang na thams cad thabs nyid kyis// dngos po mtshan nyid rnams kyis brtags// de bzhin gshegs pa thams cad kyi sku gsung thugs rdo rje bkod pa'i rgyud las/ rtsa yi le'u ste drug pa'o// // de nas bcom ldan 'das 'jigs byed kyi rgyal po zhe sdang rdo rjes sa dang lam kyi rim pa 'di gsungs so// de nas rjes su rnal 'byor pas// lam 'di dag la dgod par bya// tshogs lam sbyor lam mthong ba'i lam// bsgom lam dang ni rnam grol lam// bcu gcig kun tu 'od kyi sa// bcu gnyis pad+ma can gyi sa// 'khor lo tshogs chen bcu gsum pa// kun bzang bcu bzhi ba ru grags// dang po'i sa ni rig 'dzin te// gnyis pa tshes la dbang rig 'dzin// kun rdzob phyag rgya'i rig 'dzin te// rtogs pa lhun grub rig 'dzin no// phur pa'i rang bzhin don rtogs pa// rigs dag tu ni rnam par bshad// las byas sngon gyi tshogs kyis so// las bdun byas pas sbyor ba'o// de nyid bsgom pas mthong / ba dang // 'byung ba lnga dang lha yi gnas// gdan dang bcas pa bskyed par bsgom// srog nyid ye shes rgyur byas pas// bdud bzhi las ni rnam par grol// dkyil 'khor gsum la sogs mtshan nyid// phung por ma grub pa dang 'od// gong bur gnas dang 'chi bdag dang // yi ges ye shes nyon mongs med par sbyangs// snang srid dregs pa can dang ni// mi snang bar bcas lha bdud bcom// nyes ldan srog gi dbang po dang // bdud bzhi drug gdags gzhi drug dang snang ba de// gnas skabs dag la rab tu grags// dus dang grangs dang mtshan mo'o// bsnyen pa dag tu yin par bshad// de bzhin gshegs pa thams cad kyi sku gsung thugs rdo rje bkod pa las/ sa dang lam gyi le'u ste bdun pa'o// // de nas bcom ldan 'das 'jigs byed kyi rgyal po zhe sdang rdo rje mi rtog pa'i don la snyoms par zhugs te/ sdang srid drug cu rtsa gsum bsgom// ye shes chos nyid yon tan sku// sku gsung thugs kyi rang bzhin 'dus// yab yum gnyis ni rang bzhin gnas// yum yang hUM 'dus ting 'dzin hUM// sems dpa'i rtse dbus hUM drangs la// ye shes sna bkag srog rtsa brgyus// rang nyid rtsa rgyud nang brgyud dgra'i de// shangs kyi rlung sgrom rtse la bton// sor bzhi phar 'phros tshur 'dus te// 'dus pa nyi zla'i dbus su 'od// a yi tshul du gnas bya'o// hUM ldan oM gyis tshur 'dus pas// srid gsum 'gro ba rang snang bzhin// phyi nang snod bcud de nyid de// sems dang yid dang rnam shes nyid// de nyid las ni 'khrul nas btags// rnam rtog bag chags spang ba'i phyir// bdag dang phur pa gzhal yas khang // byang chub sems ni gsum du bshad// dang por bdag gis byang chub sems// snying ga'i pad+mar A bsam ste// phar 'phros thams cad 'od du zhu// a ni mar me'i rtse ltar 'bar// gzung ba zla ba'i 'od ltar te// 'dzin pa'i rtsa rnams shin tu dmigs// yang yang de la yid kyis bsgom// 'phro bar gyur na spros te bsgom// bying par gyur na bzlas pa bya// gzung 'dzin 'gags pas shes rab gsal// nyi ma'i 'od zer tshul lta bur// de ni phur bu byang chub sems// a ni rang bzhin dgag 'gyur te// a tshul mi dmigs nam mkha' ste// rang bzhin gsal la rtog pa med// gzung 'dzin shes kyis 'gags gyur na// gzhas yas byang chub sems zhes bya// gzhal yas phur pa bdag gis ni// byang chub sems ni slu bcas pa'i// gnyid log sad pa ci bzhin du// ye shes rang bzhin skur grub pa'i// longs spyod rdzogs skur 'gyur zhes bya// ye shes rlung ste rlung 'od zer// snang ba 'od kyi dkyil 'khor te// gzhal yas sbrul yang des 'grub ste// ye shes pa dang rdo rje 'dzin// bcu gsum bgrod pa de yin te// de las sprul pa rim bzhin bkye// de bzhin gshegs pa thams cad kyi sku gsung thugs rdo rje bkod pa chen po'i rgyud las/ sa dang lam gyi rim pa'i le'u ste brgyad pa'o// // de nas bcom ldan 'das 'jigs byed rgyal po zhe sdang rdo rjes sras rigs kyi khro bo 'di ston te/ gru gsum mthing nag 'bar ba'i dkyil 'khor na/ rdo rje'i rigs thams cad sku mdog mthing nag la/ zhal gsum phyag drug pa/ sku smad phur bu'i tshul du/ zur gsum du bzhugs pa/ zhal nas phur pa'i 'dzab zlos shing / kI la ya mthing nag tu 'phros pas/ zhe sdang dmyal ba'i gnas thams cad stong shing zad par mdzad de/ zhe sdang thams cad dang rdo rje'i rigs su sangs rgyas par gyur to// shar zlum la 'khyil ba'i dkyil 'khor nas/ de bzhin gshegs pa'i rigs kyi khro bo thams cad sku mdog skrag nag zhal gsum phyag drug pa/ smad drag po'i rang bzhin zur gsum du gnas pa/ zhal nas phur pa'i 'dzab zlos shing / kI la ya smug nag tu 'phros pas/ gti mug gis bsdus pa'i sems can thams cad stongs par mdzad de/ gti mug can thams cad de bzhin gshegs pa'i rigs su sangs rgyas par gyur to// lho sog kha gdengs pa'i dkyil 'khor du/ rin po che'i rigs kyi khro bo thams cad sku mdog ser nag zhal gsum phyag drug pa/ smad drag po'i rang bzhin phur bu zur gsum du gnas pa/ zhal nas phur pa'i 'dzab zlos shing / kI la ya ser nag tu 'phros pas/ nga rgyal can gyi tshogs thams cad zad cing stongs par mdzad de/ nga rgyal can thams cad rin po che'i rigs su sangs rgyas par gyur to// nub zla gam gdengs pa'i dkyil 'khor du/ pad+ma rigs kyi khro bo thams cad sku dang mdog dmar nag zhal gsum phyag drug pa ste/ sku smad drag po'i rang bzhin phur pa zur gsum pa ste/ zhal nas phur pa'i 'dzab zlos shing / kI la ya dmar nag tu 'phros pas/ 'dod chags kyis nyen pa'i sems can thams cad stongs shing zad par mdzad de/ 'dod chags can thams cad pad+ma'i rigs su sangs rgyas par gyur to// byang grub bzhi gdengs pa'i dkyil 'khor nas/ las kyi rigs kyi khro bo thams cad sku mdog ldang nag zhal gsum phyag drug pa/ sku smad drag po'i rang bzhin phur pa zur gsum par gnas pa/ zhal nas phur pa 'dzab zlos shing / kI la ya ljang nag tu 'phros te/ phrag dog gis nyen pa'i sems can thams cad rtsad bcad ste/ phrag dog gi gnas stong te/ phrag dog can thams cad las kyi rigs su sangs rgyas par gyur to// sku gsung thugs yon tan phrin las lnga'i rang bzhin du gyur to// hUM rak+ta'i rgya mtsho chen po 'khyil pa nas// keng rus ri rab chen po brtsegs pa'i steng // rdo rje brag chen gtams pa'i sa bzhi la// dur khrod chen po 'bar ba'i gzhal yas khang // sus kyang ma byas ye nas tshad las 'das// bskal pa me ltar 'bar ba'i dkyil 'khor nas// dregs pa lha chen bsnol ba'i khri stengs su// nyi zla'i gdan bshams pad+ma ge sar bcas// 'jigs byed dpal chen tshogs bcas bzhugs pa ni// ye shes tshad med sprul pa'i thabs mnga' bas// gang mos gang la de bzhin skur snang zhing // ci la cis 'dul de bzhin cha lugs ston// thugs mtshan sna tshogs mtshon cha'i char 'bebs shing // gsung gi kI la ya yi sgra sgrogs 'brug stong ldir// rdzi bskyod spyan zlog ma stag rtswartsa 'phro// zhal gdangs mcha gcags dug gsum zhal du rngubs// mngag pa'i pha ca 'gug byed glog stong 'gyu// phrin las rnam bzhis log pa'i dgra bgags 'joms// sprul pa'i pho nyas bdud dpung zil gyis mnon// drag po'i phrin las lhun gyis grub par mdzod// de nas 'jigs byed kyi rgyal po dpal rdo rje gzhon nu/ dbu gsum pa la phyag drug pa/ zhabs rnam pa bzhir ldan pa/ g.yas ldang nag/ g.yon dmar nag/ dbus mthing nag tu bzhugs pa/ g.yas dang po na rdo rje rtse dgu bsnams pa/ g.yon dang po na me dpung 'bar ba bsnams pa/ g.yas bar ma na rdo rje rtse lnga pa dang sta re dang tho ba thogs pa/ g.yon bar ma na kha T+wAM dang thod dbyug dang lcags kyu'o// g.yas tha ma na phur pa/ g.yon tha ma na rbod gtong phra men gyi tshogs rnams te/ bya rgod dang / khyung dang / 'ug pa dang / pho rog dang / phra bsnams pa'o// zhabs bzhi la gnyis brkyang gnyis bskum ste/ dor stabs su bzhugs so// sku la bskal pa'i me ri dang / glang po che'i ko rlon dang / stag gi sham thabs dang / zhing chen gyi pags pa dang / thal ba'i tshom bu dang / zhag gi zo ris dang / khrag gi thig le'o// sbrul rigs lngas brgyan te/ rgyal rigs dang / rje rigs dang / bram ze'i rigs dang dmangs rigs dang / gdol pa'i rigs so// thugs rje chags pas khrag gi rgya mtsho la gsol pa'o// yum 'khor lo rgyas 'debs ma// zhal gcig phyag gnyis ma/ g.yas yab kyi mgul nas 'khyud pa/ g.yon b+han d+ha rak+tas bkang ba/ yab kyi zhal du stob pa/ sku la dur khrod kyis brgyan pa/ do shal dang / dpung rgyan dang / mgur chu dang / snyan cha dang / se mo dos brgyan te/ thabs dang shes rab gnyis su med par bzhugs so// de bzhin gshegs pa thams cad kyi sku gsung thugs yon tan rdo rje bkod pa'i rgyud las/ rigs kyi khro bo'i le'u ste dgu pa'o// // de nas bcom ldan 'das 'jigs byed kyi rgyal po/ zhe sdang rdo rjes chags pa'i ting nge 'dzin la snyoms par zhugs te yab yum gnyis su med par chags pa'i don la bskul te/ yab kyis bskul ba sa ma ya ho/ yum gyis bskul ba sa ma ya s+t+waM rA go& haM/ rA ga yA mi/ yab yum gnyis su med par gyur te/ pad+ma yo gI sa ma ya pra be sha ya phaT/ yab kyi byang chub sems yum gyi mkhar babs te/ yum yang byang chub sems kyi rang bzhin du gyur te/ lan gcig 'phros pas khro bo 'chol ba'i rang bzhin du gyur to// hUM hUM hUM bi shwa kro/ d+ha dza la maN+Dal ha la ha la hUM phaT/ ces brjod pas stong gsum gyi stong chen po 'jig rten gyi khams lhag gis khengs par gyur to// dur khrod kyi bdag po ma traM ka rA tra dang / a kar sha rA tra/ kha trang ka ru tra ru tra la sogs pa/ nyon mongs pa'i kha log par bltas pa'i sems can de dag thams cad bsgral zhing rtsad bcad do// slar de dag thams cad yum gyi b+ha ga la bsdus te/ 'od phyogs bcur 'phros pas// des phyogs bcu'i dregs pa can thams cad bsgral te/ de'i steng du khro bo'i dkyil 'khor 'thon te/ shar phyogs su khro bo rnam par rgyal ba dang / yum mda' bsnyems ma gnyis su gyur te/ dbu gsum phyag drug pa zhabs bzhi dang ldan pa'o// dur khrod chas kyis brgyan pa/ brgya byin gyi gdan la brkyang bskum du bzhugs pa'o// lho phyogs su khro bo gshin rje'i gshed po dang / yum dur khrod kyi bdag mo gnyis su gyur te/ dbu gsum phyag drug pa'o// zhabs bzhi dang ldan pa/ sku la dur khrod chas kyis brgyan pa'o// nub tu khro bo rta mchog dpal dang / yum rdo rje gtum mo gnyis su gyur te/ dbu gsum phyag drug pa/ zhabs rnam pa bzhi dang ldan pa'o// sku la dur khrod chas kyis brgyan pa'o// byang du khro bo bdud rtsi 'khyil pa dang / yum rdo rje rlung 'byin ma gnyis su gyur te/ dbu gsum phyag drug pa/ zhabs rnam pa bzhi dang ldan pa'o// sku la dur khrod chas brgyad kyis brgyan pa'o// shar lhor khro bo dbyug pa sngon po dang / yum rdo rje sder mo gnyis su gyur te/ dbu gsum phyag drug pa/ zhabs rnam pa bzhi dang ldan pa'o// sku la dur khrod chas kyis brgyan pa'o// lho nub tu khro bo mi g.yo mgon po dang / yum rdo rje gtun khung ma gnyis su gyur te/ dbu gsum phyag drug pa/ zhabs bzhi rlung lha pho mo brdzis pa/ sku la dur khrod kyi chas brgyad kyis brgyan pa'o// nub byang mtshams su khro bo gzhan gyis mi thub pa dang / yum rdo rje mda' bsnyems ma gnyis su gyur te/ dbu gsum phyag drug pa/ zhabs bzhi rlung lha pho mo brdzis pa/ sku la dur khrod kyi chas brgyad kyis brgyan pa'o// byang shar mtshams su khams gsum rnam par rgyal ba dang / yum rdo rje gsod ma gnyis su gyur te/ dbu gsum phyag drug pa/ zhabs bzhi dbang ldan pho mo brdzis pa/ sku la dur khrod chas brgyad kyis brgyan pa'o// steng gi phyogs su khro bo hUM ka ra dang / yum rdo rje sgra 'byin ma gnyis su gyur te/ dbu gsum phyag drug pa/ zhabs bzhis nyi zla brdzis pa/ sku la dur khrod chas brgyad kyis brgyan pa'o// 'og gi phyogs su khro bo stobs po che dang / yum rdo rje skyod byed ma gnyis su gyur te/ dbu gsum phyag drug pa/ zhabs bzhis sa bdag brdzis pa/ sku la dur khrod chas brgyad kyis brgyan pa'o// yab kyi sprul pa stag gi mgo can dang / g.yag gi mgo can dang / sha ba'i mgo can dang / gzig gi mgo can dang / byi la'i mgo can dang / sbrang ki'i mgo can dang / seng ge'i mgo can dang / dom gyi mgo can dang / phag gi mgo can dang / dred kyi mgo can no// yum gyi sprul pa/ bya rgod kyi mgo can dang / bya rog gi mgo can dang / 'ug pa'i mgo can dang / khra'i mgo can dang / pu shud kyi mgo can dang / khra yi mgo can dang / pha wang gi mgo can dang / sre mo'i mgo can dang / smig bu'i mgo can dang / byi la'i mgo can dang / de nas zhe sdang rdo rjes dregs pa can thams cad tshar bcad pa'i phyir/ thugs kyi sras mchog 'di dag phyung ste/ hUM hUM hUM hUM hUM hUM hUM hUM hUM hUM/ hUM hUM hUM hUM hUM hUM hUM hUM hUM hUM/ zhes gsungs te nyid kyi mdun du 'khod ste/ oM badz+ra kI li kI la ya sarba big nan baM hUM phaT/ ces gsungs pas/ sras mchog de dag dbu gsum phyag drug pa/ sku smad zur gsum du gyur te/ mdun na bka' sdod pa'i tshul du bzhugs so// de nas zhe sdang rdo rjes 'di skad ces gsungs so// thugs kyi sras mchog kI la ya// dregs pa 'dul phyir thugs las sbrul// ngo mtshar las 'di 'grub par gyis// de nas sras mchog de dag gis kyang / hUM hUM dang phaT phaT kyi sgra mang du phyung ste/ 'jig rten khams 'di dag g.yos rab tu g.yos so// 'khrugs rab tu 'khrugs so// brgyal lo rab tu rgyal bar gyur to// myos rab tu myos par gyur to// phyogs bcu dus gsum gyi de bzhin gshegs pa thams cad kyang shin tu ngo mtshar skyes te/ e ma ho// thugs kyi sras mchog ces bstod cing / bde bar gshegs pa de dag gis kyang / oM sarba ta thA ga ta ka ya badz+ra swa b+hA wa At+ma ko&haM zhes bya ba la sogs pa dang / khams gsum dus gcig tu sgrol ba'i dbang bskur ro// de nas sras mchog de dag gis kyang / lta ba log pas zin pa'i dregs pa can de dag thams cad drag po'i stang stabs kyis bsgral te/ mgo bcad snying phyung yan lag bregs te/ lus gtso bo'i gdan du phul lo// rnam par shes pa 'og min du 'phang ngo // sha khrag la ma mo dang / khro mo dang phra men dang / sprul pa dang yang sbrul dang gcig gi yang sum sbrul la sogs pa/ seng mang dang stag mang sha la rol pa bzhin du gyur to// zhal nas kyang hUM hUM dang phaT phaT dang ha ha dang he he dang khA khA dang b+h+yo b+h+yo dang ru lu dang phaT phaT la sogs pa'i sgra 'byin cing rol lo// de dag thams cad dang snang srid drug cu rtsa gsum gyi dkyil 'khor du gyur to// de bzhin gshegs pa thams cad kyi sku dang gsung thugs rdo rje bkod pa'i rgyud las/ khro bo'i dkyil 'khor gyi le'u ste bcu pa'o// // de nas bcom ldan 'das 'jigs byed kyi rgyal po zhe sdang rdo rjes/ gsang sngags kyi ting nge 'dzin la snyoms par zhugs nas/ 'di gsungs so// oM badz+ra kro d+ha hUM kA ra gardza gardza hUM/ oM badz+ra kro d+hi hUM/ A~M dI pa ya ti hUM/ oM badz+ra kro ta bi dza ya ha na ha na hUM/ oM badz+ra kro ti d+ha tu lA se ki hUM/ oM badz+ra kro ta nI la daN+Da hUM/ da ha da ha hUM/ oM badz+ra kro d+hA tA na ba drAH/ badz+ra krA ta ya man ta katsA pa tsa pa tsaH/ oM badz+ra kr-id+d+ha dz+nyAn pa t+tAs+tha/ badz+ra kr-i ta sar+tha sa tsa la/ ban d+ha ban d+haH/ badz+ra kro d+hArma sa na n+da/ oM badz+ra kro d+ha ha ma thil pra sh+tsa la luhUM/ oM badz+ra kro d+hi tsaN+Da lI hUM/ A~M badz+ra kro ta a pa ra dzi ta hUM/ tiSh+Tha tiSh+Tha hUM/ oM badz+ra kro d+hI shA b+hU tI hUM/ oM badz+ra kro d+ha a mr-i ta kuN+Da li hUM/ ts+tshin+da ts+tshin+da hUM/ oM badz+ra kro d+hi sa b+ha mi ta hUM/ oM badz+ra kro d+ha tre lo kya bi dza ya hUM bin d+ha bin d+ha hUM/ oM badz+ra kro d+hi d+hA tu mA ra Na hUM/ oM badz+ra kro d+ha ma hA ba la hUM/ s+pho Ta s+pho Ta hUM/ oM badz+ra kro d+hi tsun+da ya ti hUM/ oM badz+ra sU ka ra mu kha dza dzaHbadz+ra hUM ka shra hu ka dza dzaHbadz+ra b+ha g+h+ra mu kha dza dzaHbadz+ra gr-i D+ha mu kha dza dzaHbadz+ra tsa ma ra mu kha dza dzaHbadz+ra kha khA mu kha dza dzaHbadz+ra ha ri Na mu kha dza dzaHbadz+ra u lA mu kha dza dzaHbadz+ra ri sI mu khI dza dzaHoM badz+ra kA ka mu khI dza dzaHbadz+ra bi DA la mu kha dza dzaHbak+Sha ti mu khI dza dzaHbadz+ra shwa na mu kha dza dzaHbadz+ra pa tri mu khI dzaHbadz+ra siM ha mu kha dza dzaHbadz+ra ti tI la mu khI dzaHbadz+ra r-ik+Sha mu kha dzaHbadz+ra na ku la mu khI dzaHbadz+ra ta k+ShA mu khI dzaHbadz+ra mU Shi ka mu khI dza dzaHoM badz+ra ya k+Shi NI dzaHbadz+ra b+he ra be hUM/ badz+ra a mr-i ta baM/ badz+ra mA ra NI ho/ he he he he/ dzaHhUM baM hoHma ma mA mA/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ de bzhin gshegs pa thams cad kyi sku gsung thugs rdo rje bkod pa'i rgyud las/ sngags kyi le'u ste bcu gcig pa'o// // de nas bcom ldan 'das 'jigs byed rgyal po zhe sdang rdo rjes drag po'i phrin las 'di gsungs so// bla med sgrub pa'i rnal 'byor la// dge sbyong 'bras bu 'phel bya na// shin tu gdug pa tshar bcad phyir// drag po'i phrin las rab tu brtsams// thog mar gnas ni btsal bya zhing // phyi yi gtor ma gzhung bzhin bsham// phyogs skyong la sogs srung ma la// dam tshig bzhin du phrin las bcol// de nas nang du mtshams gcod phyir// dkyil 'khor mthing nag bri bar bya// zla gam rdo rje brag la sogs// thod skam sgo khyud gzhung bzhin bya// de nas rdzas rnams bsag bya ste// phur bu dang ni nyung kar dang // zhing ras gtor ma la sogs pa// shes rab can gyis bsags pa'i rdzas// dkyil 'khor de dag bskor te bzhag/ de nas las gos rnams byas te// tshad dang ldan pa'i rnal 'byor/ pas// phur pa byin gyis brlab bya zhing // de nas ting 'dzin gsal ba las// spyan drang bskyed dang gnyis med bstim// phyi nang mchod pa rim bzhin 'bul// de nas sgrub pa gsal bar bsgom// de nas bsnyen pa gsum bya ste// nam gyi gung dang nyi ma'i gung // pho nya bka' sdod 'bangs kyi tshul// bkye zhing gzugs la bstims byas te// de yi rtags dang mtshan ma ni// 'od dang 'phro dang 'bar ba dang // tha ma rmi lam bzang la sogs// de ltar rtags ni byung ba dang // sgrub pa po ni ma lus pas// gsal ba rnam gsum dag dang ni// bden pa bdar zhing yang dang yang // gnad bdun dag tu gdab bya la/ khro bo bcu yi sngags brjod cing // gang la dmigs pa'i ngo bo la// gzir gnan brlag pa'i las rnams bya// byin chung snying ni mi dga' na// sprog pa'i cho ga gzhung bzhin bya// lha rnams mnyes par bya ba dang // las kyi lhag chad bskang ba dang // yun gyi sgrib pa sbyang ba'i phyir// mthol bshags la sogs 'bad la bya// gzugs ni dum bu gsum dag tu// rnon po'i mtshon gyi gtubs nas kyang // gtor ma gtang zhing hom du bsreg/ de nas gtor ma la sogs btang // dkyil 'khor dag ni bsdu bya zhing // dngos grub dag kyang blang bar bya// bgegs kyis mi tshugs bya ba'i phyir// rdo rje'i go cha bgo bar bya// snying rje'i sems dang 'bral mi bya// de bzhin gshegs pa thams cad kyi// sku gsung thugs rdo rje bkod pa'i rgyal po'i rgyud las/ drag po bsgral ba'i le'u ste bcu gnyis pa'o// // de nas bcom ldan 'das 'jigs byed kyi rgyal po zhe sdang rdo rjes/ dbang bskur ba'i ting nge 'dzin la snyoms par zhugs nas/ 'di gsungs so// sme sha can la sogs pa yi// bcu gnyis dang ni bco brgyad dang // yang na nyi shu rtsa gcig la// phyag rgya'i dkyil 'khor gsal bkod de// rngam gsum tshul du nan tan bya// ha cang sbom min phra ba min// ring pa ma yin thung ba min// smin mtshams ring zhing sha mdog dkar// sme ba'i ga sha yod pa dang // sum cu rtsa gnyis mtshan dang ldan// dpe byad bzang po brgyad cus brgyan// spyi bor oM la snying gar hUM// mtshan mar a ste rnam gsum bkod// rnam gsum tshul du sbyor ba bya// dang po dga' dang mchog tu dga'// rang bzhin dga' dang dga' bral lo// byang chub sems dpa' slob ma la// tshul bzhin yid kyis bskur bar bya// de ltar skur byed slob dpon la// rang lus srog dang nor gyi dbyig/ ma dang sring mo bu mo dang // chung ma rab tu brgyan te 'bul// shin tu mdzes dang yid mthun 'bul// rta dang glang po nor gyi dbyig/ yul ris gnyen bran bcas pa phul// de ltar 'bul byed slob ma la// phyi dang nang dang gsang ba dang // rim pa bzhin du bskur bar bya// de bzhin gshegs pa thams cad kyi sku dang gsung thugs rdo rje bkod pa'i rgyud las dbang bskur ba'i le'u ste bcu gsum pa'o// // de nas bcom ldan 'das 'jigs byed kyi rgyal po zhe sdang rdo rjes/ drag po'i sbyin sreg gi ting nge 'dzin la snyoms par zhugs te/ 'di gsungs so// de nas dkyil 'khor bya ba ni// gru bzhi cha ni mnyam pa la// dbus su gru gsum gru gang bkod/ kha khyer sum brtsegs sor bzhi'i tshad// mu khyud zlum po sor gsum pa// gru chad bzhi yi rnam par brgyan// phyi rim 'khor lo rtsibs brgyad la// bar khyams dang ni sgo bzhir bcas// phyi rim mthing nag me ris bskor// gdug pa can gyi shing rnams la// drag po'i sngags kyis btab nas su// dbus kyi gru gsum nang du bzhag/ dmar gtor dang ni nyung dkar dang // lcags phye dang ni rdo phye dang // dug gtor la sogs 'gram du bkod// gzugs dang ming rus la sogs pa// ral gris dum bur gtub nas ni// b+han d+ha'i nang du gzhag par bya'o// skyer tsher dang ni mar khu dang // ro shun ras kyis de ltar bya// byin za gru gsum raM las bskyed// sku mdog dmar nag dud ka'o// phyag na me sgron bsnams pa ste// spyan drang bskyed dang gnyis med bstim// las bcol phrin las rdzogs par bya// b+h+rUM las ye shes dkyil 'khor bskyed// dbus su yak+ka yab yum bskyed// 'khor lo dag la khro bcu bskyed// sras mchog gra yi phyogs bskyed la// khyams la ma tshogs spel bar 'god// lcags ri la ni dbang phyug ma'o// bzhin dkyil 'khor spyan drangs la// bstim dang mchod bstod la sogs bya// phrin las bcol dang bstod pa dang // smon lam bzod gsol bshags pa bya// gru gsum mthing nag dkyil 'khor nas// dad pa dang ni dam tshig gis// tshur gshegs tshur gshegs he ru ka/ bsreg lang me yi gzhal yas su// 'gro ba'i don du spyan 'dren na// sbyin gyis rlob phyir gshegs su gsol// dzaHhUM baM hoHoM badz+ra kI li ki la ya sarba big+h+nAn baM hUM phaT phaT A gats+tsha A gats+tsha ya pra be sha ya pra be sha ya to sha ya to sha ya badz+ra Ta ki ni hUM phaT ces spyan drangs so// e baM mA yA/ zhi ba dang / rgyas pa dang / dbang dang / mngon spyod do// de bzhin gshegs pa thams cad kyi sku gsung thugs rdo rje bkod pa'i rgyud las/ drag po sbyin sreg gi le'u ste bcu bzhi pa'o// // de nas bcom ldan 'das 'jigs byed kyi rgyal po zhe sdang rdo rjes bka' stsal pa/ ngas gsungs pa yi rgyud 'di la// rnal 'byor gang zhig dad mos pa// dngos grub chen po rnyed nas kyang // rig 'dzin rgyal po'i sa thob nas// bcu gcig kun du 'od la bgrod// ngas gsungs pa yi rgyud 'di la// gang zhig skur pa 'debs pa de// dus min par ni tshe zad nas// rA tra nag par skyer bar 'gyur// rdo rje dmyal bar ltung nas kyang // thar pa'i dus med 'o 'dod 'bod// slan chad sdom zhes smras par byed// rdo rje bkod pa'i rgyud 'di la// mi dad spong ba'i sems can de// gshin rje'i zhags pas bzung nas kyang // gdud kyis khram la btab nas ni// sgro 'bog nad dang brgyal ba dang / khrag gi nad kyis 'chi bar 'gyur// gsang sngags rgyud 'di dag la yang / rnal 'byor gang zhig dad mos pa// 'jig rten 'di yi yon tan yang // yid bzhin nor bu 'bar ba bzhin// 'jig rten phyi ma'i dngos grub kyang // sku gsung thugs kyi dngos grub thob// thar pa bde ba'i 'bras bu yin// rig 'dzin sa la gdon mi za// skye 'gag med pa'i dngos grub kyis// mi 'gyur rdo rje'i dngos grub thob// dam tshig gtsang mas rnyed par 'gyur// 'gro ba'i don la dga' ba dang // theg pa chen po lhur len cing // rdo rje slob dpon mchod byed pa// de ni dam tshig mchog tu gsung // snying rje'i sems dang 'bral mi bya// de bzhin gshegs pa thams cad kyi sku gsung thugs rdo rje bkod pa'i rgyud las/ rjes su gdams pa'i le'u ste bco lnga pa'o// // phur pa rdo rje bkod pa rnal 'byor chen po'i rgyud ces bya ba rdzogs so// rgya gar gyi mkhan po pad+ma thod phreng rtsal dang / lo tsA ba dpal gyi ye shes kyis bskur te/ mnga' bdag khri srong lde'u btsan gyi thugs dam du bzhag pa'o// // @#// rgya gar skad du/ Ar+ya sarba bud+d+ha dz+nyA na shi kha ra