བོད་ཡིག

e-texts produced with BDRC’s OCR application

so// rgyud kyi rgyal po rnam par rgyal ba'i rgyud las/ rgyud yongs su gtad pa'i le'u ste bdun pa'o// khro bo rnam par rgyal ba'i rgyud rdzogs so// // @#// rgya gar skad du/ kro d+ha nI la daN+Da tan+t+ra/ bod skad du/ khro bo dbyug pa sngon po'i rgyud// dpal khrag 'thung gi rgyal po la phyag 'tshal lo// 'di skad bdag gis thos pa'i dus gcig na// bcom ldan 'das dbyug pa sngon po// 'og min gnas kyis gzhal yas na// mtha' dang dbus med pa'i rang bzhin gyi gsal ba'i gzhal yas khang na/ yum dang gnyis su med par bzhugs te/ karma he ru ka dang g.yag gi mgo can dang / bya rog gi mgo can gyi tshogs kyis 'di skad ces gsol to// kye kye gsang ba'i bdag po rang bzhin can// mchog gi las rnams thams cad mkhyen// 'di ni rjes sgrub rnal 'byor pas// gnas kyi khyad par mi 'tshal lam// gnas rnams rim pa ji ltar lags/ khrag 'thung rgyal pos bka' stsol cig/ de skad gsol ba gsan nas ni/ khrag 'thung dpa' bo mthu chen gyis// gsung ni 'di skad bka' stsal to// gnas kyi khyad par ngas bstan gyis// spyir ni drag po'i gnas rnams ni// dur khrod gnas sam shing gcig drung // ma mo'i gnas dang ze'u rang gnas// lha 'dre 'du ba'i lam rgya gram// sa srin ma mo du ma 'grogs// mi rnams phung ba'i khang stong dang // dug shing skyes pa'i gnas rnams la// gdug pa sbrul la sogs pa'i tshang // mang por bcas shing 'du ba dang // ral pa 'dra ba'i gnas su ni// rdo rje drag po bskul ba'i gnas// nags chen po ni gang na bar// rnal 'byor mig gis bltas pa yi// lha mi yongs la grags pa'am// chu mig lkugs pa klu yi mig/ rgyu lam gong gsum 'byung po'i srang // phyogs las grub pa'i dgra'am bgegs// mi dpung gru gsum ma rungs pa// ba tshwa zhu chu dmyal ba'i chu// gnod sbyin mang po 'du ba'i sa// srin po khros pa'i gdong mdangs 'dra// gdug pa chu srin kha gdangs 'dra// dred mo ral pa'i gseb nang du// drag po'i las su bya ba yin// me tog mang po'i gling yod dang // ri ni rin chen spungs pa 'dra// skyed mos tshal dang dpag bsam shing // ngang pa bung ba'i sgra sgrogs pa// skad snyan bya ni sna tshogs sgrogs// snying po mchog gi 'bru sna can// gnam ni 'khor lo rtsibs brgyad 'dra// sa ni pad+ma 'dab brgyad 'dra// gnas kyi dbyibs legs kha shar bltas// lung pa ran cing mdzes par ni// las kyi bya ba gzhung yang brtsam// bkra shis don 'grub gnas yin pas/ dbang dang dgug pa'i gnas su bstan// nags ni tsher ma gdug pa yod// stag dang dom dang gzigs rnams dang // sbrul gdug gnas pa'i nags 'dab dang // gnam ni ral gri 'dra ba dang // mda' yis phug dang gris bsha' 'dra// sa ni zur gsum 'joms pa'i dbyibs// sa 'khos me dpung 'bar ba 'dra// legs la du ba'i ri mo yod// nyams dang ldan pas btsal byas na// nges par myur du 'grub par 'gyur/ khro bo dbyug pa sngon po'i rgyud las// gleng gzhi'i gnas kyi le'u ste dang po'o// // de nas bcom ldan 'das khrag 'thung gi rgyal po des// dkyil 'khor gyi las bstan te// dbyug pa sngon po'i dkyil 'khor ni// mthing nag gru gsum 'bar ba la// thod pa gsum dang dbyug pas brgyan// dbus su ro yi phung po la// skad cig gis ni gsal bar blta// mche gtsigs rkan rdeb dbyug pa len// hUM gi rang sgra thams cad sgrogs// chag gang dbus su bzhag pa ni// ro sogs g.yas pa'i dkyil gnas su// gzugs brnyan byas la gzhag par bya/ de la shes pa rab stims la// dbus su lcags kyi phur gdab la// gzhag par bya ba yin par bshad// oM sum b+ha ni sum b+ha hUM/ gr-ih+Na gr-ih+Na hUM/ gr-i h+na pa ya gr-ih+NA pa ya hUM/ A na ya ho b+ha ga bAn/ bid+yA rA dza hUM phaT/ sbyor ba de yis rab sbyar na// gang yin gnas su dgug par byed// de nas las la sbyar nas ni// lcags kyi phur pa lnga btab na// lha yang rung ste brlag par 'gyur// gdug pa can la lta ci smos/ khro bo dbyug pa sngon po'i rgyud las/ dkyil 'khor dbye ba'i le'u ste gnyis pa'o// // de nas bcom ldan 'das khrag 'thung gi rgyal pos/ dam tshig nyams pa bsgral ba'i don bstan te/ dam tshig nyams dang 'khus pa dang // dam las log cing chos la rgol// dam med dkyil 'khor ma mthong dang // sems can yongs la 'tshe ba dang // dkon mchog sku dgra yongs la sdang // dam med tshogs kyi sbrang ki byed// chos la rtog cing mtshang la rgol/ kha la chos byed snying rje med/ khrag 'thung rgyal pos bsgral bar gsungs// drag po'i gsang sngags drag bzlas shing // bzlas par bya zhing dug me gtong // tshil chen zhun ra rtsi sgrar la// mchog gi rkang gis dkrug bya zhing // legs par 'dres par gyur pa dang // phog cing dkrugs te bzlas pa bya// rkang rjes shog shog ming byang la// de la rab tu byug byas te// dam tshig nyams pa de la bstim// sras kyi phur pa de la gdab// bsgral ba'i zhing du de gtogs so// btab ma thag tu 'chi bar 'gyur/ khro bo dbyug pa sngon po'i rgyud las/ dam tshig nyams pa bsgral ba'i le'u ste gsum pa'o// // de nas bcom ldan 'das khrag 'thung gi rgyal pos/ phyugs nad bsrung bar bya ste/ sman sna lnga dang dri sna tshogs// phur pa yungs kar gu gul dang // mchod cing gzhung bsrang sman mchod bya// 'bru dgu bzlas shing drag sngags gdags// a dzi te a pa rA dzi te/ dza ye bi dza ye/ ka tang ka ye/ srung ma gsum gyi sngags rnams gces// zla ba drug tu bzlas pa bya// phyugs la sman blud phur pa gdags// bcom ldan dbyug sngon srungs shig bya// yungs kar sngags kyi phur pa gdags// phyugs nad bsrung ba 'grub par 'gyur/ khro bo dbyug pa sngon po'i rgyud las/ phyugs nad bsrung ba'i le'u ste bzhi pa'o// // de nas bcom ldan 'das khrag 'thung gi rgyal po la/ karma he ru ka dang / g.yag gi mgo can dang / bya rog gi mgo can la sogs pa phra men gyi tshogs kyis/ 'di skad ces gsol to// phyis ni sa phyogs gang du dar// gang zag ci lta bu dang 'phrad// 'di ston slob dpon ji ltar lags// bdag cag rnams kyis ji ltar bgyi// bcom ldan 'das kyis lung bstan gsol// de skad ces ni gsol pa dang / khrag 'thung rgyal pos 'khor gyi tshig/ gsan nas gsung 'di skad ces bka' stsal to// khyod ni bcom ldan 'das dang 'dra// sems can kun la phan byed yin// mkha' mnyam pa yi pha ma yin// de yang 'di ltar gnas par gyis// khro bo dbyug pa sngon po'i rgyud las// rgud yongs su gtad pa'i le'u ste lnga pa'o// khro bo dbyug pa sngon po'i rgyud rdzogs so// @#// rgya gar skad du/ kro d+ha ya man+ta ka tar+tha/ bod skad du/