བོད་ཡིག

e-texts produced with BDRC’s OCR application

rgya gar skad du/ nA ga bi na ya tan+t+ra nA ma/ bod skad du/ klu 'dul ba zhes bya ba'i rgyud/ dpal rta mgrin dregs pa klu 'dul la phyag 'tshal lo// 'di skad bdag gis thos pa'i dus gcig na/ gdug pa can gyi gnas/ rgya mtsho chen po'i klong dkyil/ klu chen po brgyad kyi gnas/ sbrul nag 'bar ba'i gzhal yas/ shin tu 'jigs pa'i gnas de na/ klu'i rje bo ha ya grI ba dang / lag na rdo rje dang / bya khyung ga ru Da rnams kyis/ klu rnams 'dul ba'i don du/ klu'i gnas su bzhugs te/ nA ga klu 'dul gyi rigs sngags 'di gsungs so// na mo b+hud+d+hA ya/ oM badz+ra kI li kI la ya/ nA ga du na tsan d+he tsan d+he/ mi li mi li/ ban d+ha ban d+ha/ nA ga ni swA hA/ zhes brjod pas/ klu thams cad skrag dngangs te brgyal bar gyur to// de nas klu chen po brgyad kyis 'di skad ces gsol to// kye kye dpa' bo chen po 'jigs byed drag po gsum// bdag cag klu yi tshogs bcas la// bka' dbab mi 'tshal 'bangs su mchi// 'bangs la nan tan ma chung zhig/ hUM nA ga rA dza sa ma ya dza/ zhes klu'i rgyal po rnams kyis phul lo// nA ga ra dza ba su ki ni dza dza/ zhes klu rigs bzhis phul lo// klu 'dul srog snying phul ba gleng gzhi'i le'u ste dang po'o// // de nas yang klu brgyad kyis gsol pa// e ma 'jigs byed chen po gsum// lnga brgya dus kyi tha ma la// bdag cag klu yi bstan pa 'byung // bdag cag klu yi 'khor rnams ni// 'gro ba mi la gnod byed pas// de tshe bsrung dang gdul ba dang // bzlas dang las kyi rim pa dang // gsad dang gnan dang bsreg pa dang // klu bsgrub klu gso klu gtor dang // gta' bsdam rten spo la sogs pa// 'jug lugs thugs dang rtags dang ni// srog ser gtad dang las mthar rnams// rim pa bzhin du bka' stsol cig/ zhus pa gleng slong ba'i le'u ste gnyis pa'o// // de nas rta mchog rgyal po yis// 'khor gyi tshogs la bka' stsal pa// dang po ting 'dzin sgom rim ni// thog mar chos nyid stong pa nyid// de las khyab pa'i snying rje bsgom// de nas rang sems ye shes hrIhriH// de las 'od 'phros e las mkha'// de steng yaM las rlung dkyil 'khor// de steng ra las khrag gi mtsho// de steng raM las me'i dkyil 'khor// de steng laM las zhing chen sa// de steng kai las rus pa'i raM// de steng b+h+rUM las gzhal yas khang // phyi ni rin chen sna lngas brtsigs// nang ni b+han d+ha'i gzhal yas khang // phyogs bzhir sgo bzhi ldan pa la// chu srin ka ba sbrul chen gdung // 1 sbal gral dra ba sbrul zar tshags// shin tu 'jigs pa'i gzhal yas khang // rgyu yig hrIHde gzhal yas kyi// nyi zla pad klu'i gdan stengs babs// de las rta mgrin dbang gi sku// sku mdog dmar nag zhal gcig pa// phyag gnyis phur pa 'dril ba la// zhal gyis sbrul ni 'dren cing za// zhabs kyis sbrul gyi mgo mnan pa// pad+ma'i gshog pas zil gyis gnon// phrag pa g.yas g.yon spyi gtsug tu// sprul pa'i bya khyung re re bsgom// lus po gser la gshog pa lcags// mchu sder zangs la sder drug lcags// zhal gyis sbrul ni 'dren cing za// klu rnams sgrol cing za bar bsgom// de lta bu yi skur gsal dang // sprul pa yang sbrul mang po yis// gang bar bsgom pa ting 'dzin no// rang bzhin gnas nas spyan drangs shing // mchod dang bstod pa ma lus 'bul// zhes gsungs so// lha bsgom pa'i le'u ste gsum pa'o// // de nas yang 'khor gyi klu'i tshogs kyis zhus pa// kye ma dpal chen rta mgrin sku// klu rnams phur pas ji ltar 'dul// dpal chen yab kyis bka' stsal pa// na ga phur pas gdul 'dod na// gru gsum 'bar ba'i me ris bskor// bsad pa'i maN+Dal de yin pas// dug khrag sol bas nag por byugs// shar du sha la lhor rdo/ rje// nub tu me tog byang du tshil// dbus su seng ldeng phur bu bzhag/ phur bu rta mchog lha gsum bsam// gu gul dud pas phur pa 'dug/ bzlas pa 'bum du bzlas shing bsngags// bar bar bstod dang zil gnon bya// sha tshil gtor ma mchod pa 'bul// sha tshil za zhing byug par bya// bye ma lus la bcang zhing brdeg/ phur pa dag las 'od 'phros pas// nyi ma lta bu'i 'od zer gyis// klu gdug thams cad zhi bar nus// rigs bzhi zil gyis mnan par 'gyur// ji srid 'khor ba gnas kyi bar// klu yi sbyor bas mi tshugs so// klu phur bus bzlog pa'i le'u ste bzhi pa'o// // de nas bzlas shing klu srin 'dul ba 'di gsungs so// dang po hrIHzhes brjod pa yis// gting mtha' med pa'i dbyings nyid nas// skye 'gro gzugs su snang ba kun// rta mgrin dbang gi lha ru gyur// bdag nyid rta mgrin thugs ka nas// rta mgrin khro chung tshon gang ba// phyag na mtshon cha sna tshogs bsnams// phar 'phros pad+ma'i lha tshogs la// sku gsung thugs kyi mchod pa 'bul// sprul pa'i khyung rnams phar 'phros pas// gnod byed thams cad lcags kyus bkug/ zhags pas bcings shing lcags sgrog bsnams// phur bus btab nas brlag par bsgom// khyad par klu gnyen pho mo dang // klu srin ma lus thams cad bsgral// bskal ba'i me dpung klong dkyil nas// dbang gi rta skad phyogs bcur sgrogs// gdug pa'i tshogs rnams 'dul ba dang // khams gsum dbang du sdud pa dang // srid gsum zil gyis gnon pa dang // gdug pa ma lus bsgral ba dang // zhing khams dbang du sdud par bsgom// ting nge 'dzin gyis klu 'dul ba'i le'u ste lnga pa'o// // de nas bum pa'i sbyor ba 'di gsungs so// bsnyen pa sngon du song ba yis// ting nge 'dzin du bsgom pa ni// khyad par dbang chen bum pa 'dzin// rin chen las byas bum pa ru// sman lnga 'bru lnga blugs byas la// bum pa b+h+rUM las gzhal yas khang // de na dbang chen bskyed nas ni// gzungs thag dmar po btags byas la// bsnyen pa'i sngags kyi sham bu ru// oM swa b+hA wa shud+d+ha sarba d+harma/ shud+d+he bi shud+d+he swA hA// btigs pa brgya dang rtsa brgyad bzlas// de nas nad pa la sogs bkru// dbang chen bum pa'i le'u ste drug pa'o// // de nas 'khor lo'i sbyor ba ni// rdzas bsag lha bsgom 'khor lo bskor// khyad par lha chen 'khor lo 'dzin// mtho gang tsam gyi ro ras la// 'ching bar byed pa'i snag tsha yis// bltas pas lus gnag sgro rtsa yis// sngags grangs mnyam pa de dmigs bri// de nas mtshan ma gang byung bri// kha dog rigs bzhi'i tshul du'o// de yi snying gar drag sngags re re la'o// maN+Dal gtsang ma dris byugs la// mdun du nyung dkar nyung nag gzhag/ gu gul gla rtsis lus byugs te// sngags grangs mnyam par nyin par bzlas// nA ga nA dza khrag mA ra ya hUM phaT/ ces las la sbyar ro// 'khor lo'i le'u ste bdun pa'o// // de nas phur pa'i sbyor ba ni// lha bsgom rdza bsag phur bus btab// seng ldeng lcags phur dug shing gis// drag sngags mnyam pa'i phur pa bshams// drag sngags bzlas pa'i rim pa ni/ nA ga badz+ra kI li kI la ya mA ra ya hUM phaT/ drag sngags mnam par gdab par bya// phur pa'i le'u ste brgyad pa'o// // de nas sbyin sreg bya ba'i rim pa ni// lha bsgom rdzas bsag sbyin bsreg bya// khyad par lha chen me dpung 'dzin// gdug pa'i hom shing khru gang tshad// sngags kyi grangs dang mnyam par bya// sngo dmar skud pas rim gsum bkyig/ bar der 'khor lo srog rtsa bcad// gri khyer g.yas su thogs nas ni// gsang sngags 'di ni rab tu bzlas// nA ga tIk+Sha mA ra ya hUM phaT// rim pa grangs te yaM bzhi brgyud// byang shar mtshams su gzhag par bya// 'khor lo gris gtubs thogs nas ni// gra dang mnyam par bsreg par bya// me ni yugs sa mo las blang // gsang sngags bzlas pa'i rim pa ni// nA ga tsit+ta dza la raM mA ra ya hUM phaT/ ces sbyin sreg bya'o// sbyin sreg bya ba'i le'u ste dgu pa'o// // de nas mnan pa'i rim pa ni// lha bsgom rdzas bsag mnan sngags bzlas// khyad par lha chen ri rab 'dzin// rdzas bsag pa yi rim pa ni// chu srin nya sram spre thod du// thal ba dag ni blugs bya ste// rta mgrin bya khyung 'dra ba bsam// chu srin 'dra ba'i kha ru btsang // nA ga mA ra ya nan staM b+ha ya nan/ oM laM hUM laM staM b+ha ya nan/ zhes gnan par bya'o// mnan pa'i le'u ste bcu pa'o// // de nas las bzhi'i sbyin sreg gsungs// dpal chen rta mchog rgyal po yi// las kyi 'bras bu mngon dbyung phyir// las bzhi'i sbyin sreg bshad par bya// de yang phrin las rnam bzhi la// dus dang phyogs dang zab dang ni// rdzas dang sngags dang lha bsgom dang // spyi don bdun du shes par bya// dus ni rgyas pa snga dro la// dbang ni nyin phyed zhi ba sred// drag po nyin mtshan gung la bya// phyogs ni zhi ba shar du blta// rgyas pa lho la dbang ni nub// drag po byang du bya bar bshad// zab ni zhi ba zlum po la// rgyas pa gru bzhi dbang zla gam// drag po mthing nag gru gsum mo// shing ni yal ga rgyas pa la// zhi ba rtse mo dbang la lhun// drag po rtsa ba'i shing la bya// rdzas ni zhi ba til dang mar// rgyas pa zho dang 'bras chan dang // dbang la mngar ba'i rdzas la bya// drag po dug khrag tsha ba'i rdzas// sngags ni zhi ba la shAn ting ku ru swA hA/ rgyas pa la puSh+Ti ku ru swA hA// dbang ni pa shang ku ru swA hA/ drag po mA ra ya phaT/ lha ni rnam pa gnyis yin te// me lha dang ni dkyil 'khor lha// gnyis ka zhi ba sku mdog dkar// rgyas pa ser po dmar po dbang // drag po sku mdog nag por bstan// spyi yi don skor rnam bdun gyis// pad+ma'i las bzhi'i sbyin sreg rdzogs// zhes gsungs so// las bzhi'i sbyin sreg mthar dbyung ba'i le'u ste bcu gcig pa'o// // de nas klu rgyal rdzu 'phrul gyi le'u las/ sa bdag klu gnyen 'dul ba dang // klu nad gso ba'i le'u las// bdag nyid dbang chen skur bsgoms la// dbu la rta mchog 'thon pa ste// bya khyung rigs lnga bsgom par bya// rdo rje'i gshog pa re re la// bya khyung re res gtams pa yis// thams cad dbang du sdud pa dang // klu gnyen 'dul ba'i gnyen por brtag/ de la sngags kyi rim pa ni// oM badz+ra kro d+ha ha ya g+hi wa hu lu hu lu hUM phaT/ na mo b+hud+d+hA ya/ badz+ra kI li kI la ya/ nA ga dun/ tsan+de tsan+de/ mi li mi li/ ban d+ha ban d+ha/ nA ga ni swA hA/ oM badz+ra pA ni ga ru Ta kA ya dza la nA ga ru pa ya/ mA hA rA dza kro d+ha b+he ya b+he ya/ badz+ra dun te dza li ta/ nA ga sarba A kaN+Da ta ya/ g+hA ta ya g+hA ta ya/ nA ga pa la pra ha ra pra ha ra/ kra ma sa ra sa ra u ts+tsha ta ya phaT/ na ga bo d+ha ya kha da ya kha da ya/ nA ga sarba duSh+Tan dzi bi ni ha ra pra ma ka nA ga bi dA ra ya ti ling ga le/ nA ga b+hasmi ku ru hUM phaT/ de skad bzlas shing gdul bar bya// drag po'i sngags brjid ldan pa 'dis/ klu rnams kun kyang gsod par 'gyur// gdug pa gzhan la smos ci dgos// klu rgyal rdzu 'phrul klu gnyen sa bdag 'dul ba'i le'u ste bcu gnyis pa'o// // de nas sngags dang rdzas kyi bsrung ba 'di gsungs so// oM hrIHpad+mAn+ta kr-ita hUM dza/ ma hA kro d+ha hUM phaT/ ces sku'i sngags so// A~M hUM e A ra li hri hri dza/ zhes gsung sngags so// ma hA srog shag thun b+h+yo phaT/ ces pa thugs kyi sngags so// dang po dbang gi sku ru bskyed// gnyis pa khams gsum dbang du sdud// gsum pa thams cad las la 'dzud// las sngags 'di la mtha' sbyar te// re rtse re b+hu te le bu/ Ta da la bu nan/ hri kar rtse rtse b+h+yAM ba ba tu ma oM ga ta ga tig/ mug mug ti ti ri sad/ mchu yi sngags rgod klu thams cad sel ba'o// IM a pa ta a pa ta/ 'brug thog 'brug thog nan sad nan sad/ ti ti saM ha ri sad/ paM sad thum ril sad/ thum shi sad swA hA/ sder mo'i sngags snying nas 'dren pa ste/ klu nad thams cad sel bar byed pa'o// oM badz+ra kro d+ha ha ya grI wa hu lu hu lu hUM phaT/ oM A~MHhUM phaT/ au badz+ra kro d+ha ga ru Ta/ ma hA ga ru Ta/ na ga mA ra Na dun dun/ nA ga mA ra Na myogs myogs/ nA ga mar Na bying bying / thum ri li li dza dza/ rtag tu bzlas shing klu las gyur pa'i nad rigs thams cad la gdab bo// drag sngags gsang ba las kyi sngags// klu gdug 'dul ba'i sngags rgod yin// mdze nad thams cad sel bar byed// drag po'i sngags rgod bstan pa'i le'u ste bcu gsum pa'o// // de nas sngags rnams bstan pa ni// nye bsnyen ga la dgug pa 'di// nA ga srog tshig nan rbad lus brtul nA ga mA ra ya rbad/ raM raM dza la dza la shi shi// rul phung nA ga mA ra ya rbad sod/ sgrub pa dag la rbad pa ni/ nA ga shig nan/ nA ga ber raM/ nA ga chings/ nA ga stims nA ga sod/ nA ga mgo la nan/ nA ga rA dza mA ra ya chings/ las la sbyar te bsad pa'i sngags// nA ga rA dza hUM/ na ga rA dza phaT/ nA ga shu shu nan/ na ga shu shu be ra/ snying la tshal srog la rbud// pra ti sa ma ya dza dza/ nA ga snying la tshal pa dum bur rbad/ si ta sarba ga ta na bi shad de nA ga nan kha thaM kha thaM/ nyi ma sa la zla ba nan/ klad pa nan/ rtsi ti ku ling nan/ ku na shi rtsi tri mu tra bzlog byed/ nA ga shig nA ga nan/ nA ga mgo la nan/ na ga rA dza bir ber phaT rbad/ klu btsan thal bar brlag pa ni/ ya ma shu shu sod/ ya ma shu shu rbad/ ya ma shu shu nan/ klu bdud dag la brdeg pa'i sngags// nag po shu shu mgo la nan/ nag po shu shu rbad/ nag po shu shu nan rbad/ sa bdag dag la brdeg pa ni/ sa gdon nag po sod/ sa khrag mA ra ya rbad/ klu bsen dag la brdeg pa'i sngags// ya ma yaM tri nan rbad/ ya ma yaM tri sod/ ya ma yaM tri nan/ rak+ta mA ra ya rbad/ gnyan la brdeg pa'i sngags 'di'o// rtsag kr-i ru tri rbad/ rtsag kr-i ru tri rbud/ rtsag kr-i ru tri sod/ du ma mA ra la zad/ rgyal po dag la bsnun pa ni/ rA dza zang zang shi shi rbad/ trang ril trang ril thum/ kyi mthar ga ma tang / khug shel khug shel/ rA dza ma rA ya rbad rbad/ gza' la brdeg pa'i drag sngags ni/ nA ga ya tig nan/ du ma mA ra ya dza la rbad/ d+hi ri d+hi ri phung phung sod/ nA ga rA dza mA ra ya/ bruM bruM ri la ril shi shi rbad/ ma ti ya ma nA ga mA ra ya bruM ri li li/ zhung zhung myogs rbad/ klu la sogs pa thams cad la brdeg cing bsad pa'i sngags kyi le'u ste bcu bzhi pa'o// // nA ga klu 'dul rgyud las ni/ bsad pa'i thun bsgrub 'di gsungs so// de la thun lum thun 'di'o// lcags la sogs pa'i thun lum la// gsang sngags 'di yis gdab par bya// nA ga hUM bruM ri la rbad// ces pa khri dang stong bzlas nas// brgyab pas gnod byed brlag par 'gyur// rdo rje'i thun ni bstan pa yin// de la bye tshan thun bstan pa// zangs phye lcags phye rdo phye la// sngags 'di bzlas te gdab par bya// nA ga ag ni dza la raM/ mA ra ya rbad/ khri tsho sum stong bzlas la gdab// nA ga ag ni dza la raM mA ra ya rbad/ ces pa khri tsho sum stong bzlas// chu 'gram bye ma dag dang bsres// rten la btab na 'tshig par 'gyur// de nas dug thun bstan pa ni// dug sna tshogs la sngags 'di bzlas// nA ga rak+Sha ta tha dug thu ril mA ra ya phaT/ lnga stong brgyad dang rtsa brgyad bzlas// klu rnams myos shing 'thibs par 'gyur// de nas phur bu'i thun bstan pa// dug shing phur pa sor brgyad la// sngags 'di bzlas shing sngags par bya// nA ga kI li kI la mA ra ya phaT/ stong dang nyis brgya bzlas byas nas// phur pa ling+ga dag la brdeg/ klu rnams thams cad brlag par 'gyur// de nas ske tse'i thun bstan pa// ske tshe la ni sngags 'di bzlas// na' ga raM raM dza la mA ra ya rbad// stong dang rtsa brgyad bzlas byas nas// klu la btab na 'tshig par 'gyur// gu gul ra gzhob thun bstan pa// khyi lud mi gtsang sna tshogs la// sngags 'di bzlas te brdeg par bya// nA ga thibs thibs mA ra ya hUM phaT/ ces sum stong bzlas nas btab pa na// gdon rnams thams cad 'bros par 'gyur// dug shing lcug gi thun bstan pa// ka ra bAM ra'i lcags ma'am// ser shing smyug shar lcug ma la// sngags 'di bzlas shing brdeg par bya// nA gzhung zhung rbad rbad mA ra ya rbad/ khri dang drug stong bzlas shing brdeg/ nad pa la ni bdug la brdeg/ gdon rnams thams cad 'ching bar 'gyur// klu yang skad ngan tse ri 'ong // thun bstan pa'i le'u ste bco lnga pa'o// // na ga klu 'dul rgyud las ni// las kyi mtha' brtul zor thun gsungs// me zor las kyi mtha' brtul ni// phrin las rnam bzhi'i las dang ni// drag po'i sbyin bsreg me ro la// sngags 'di brgya rtsa brgyad bzlas brdeg/ nA ga ag ni ma ti b+h+yo b+h+rU~M// zhes klu la btab na 'chog par 'gyur// de nas rdo yi zer las bstan// lcags kyi rdo lnga bsreg bya la// gnod pa'i bgegs la sngags 'das 'phang // na ga zu thu mA ra ya dug thu ril b+h+yo// zhes pa brgya rtsa brgyad bzlas so// rdo bsregs 'ur rdor bcug la 'phang // klu rnams thams cad 'tshig par 'gyur// de nas phur bu'i zor bstan pa// gdug pa can gyi shing rnams la// phur pa sor brgyad byas nas ni// sngags 'di khri dang brgya stong bzlas// nA ga kI li kI la ya mA ra ya phaT// gnod sar btab na brlag par 'gyur// de nas mda' yi zor las bstan// mda' yi nang du dug khrag ske tshe blugs// mde'u la gnod pa'i ming bris la// sngags 'dis 'phang zhing brdeg par bya// nA ga ra ya thun b+h+yo// zhes pa stong dang rtsa brgyad bzlas// gnod pa'i sa ru 'phang bar bya// gnod byed ma lus gsod par 'gyur// khrag dang dug gi zor bstan pa// rabs chad thod par dug sna tshogs// khrag sna tshogs tshad blugs par bya// sngags 'di bzlas shing brdeg par bya// khrag ti mA ra ya rbad b+h+yo// stong dang lnga khri bzlas byas la// thod pa gnod pa'i phyogs su 'phang // gnod byed myos shing 'ching bar 'gyur// drag po zor thun las sbyor 'dis// nA ga gdug pa'i tshogs rnams ni// thams cad ma lus brlag par byed// drag po'i las thun bstan pa yin// zor thun bstan pa'i le'u ste bcu drug pa'o// // bzlog pa'i las zhig bka' stsal pa// rang nyid dbang chen ting 'dzin bsgom// sngags 'di nyung dkar dag la bzlas// oM hrI pad+man+ta kr-ita hUM/ oM badz+ra ma hA kro ta hUM phaT/ baM hUM e A ra li hri hri dza/ e ha ri ma hA ha ri ta sa la ta sa la/ ha ri ha ri ni hUM phaT/ b+h+yo b+h+yo sa ma ya bzlog bzlog/ a la la pra ma du ru ka b+h+yo b+h+yo/ ma hA pa k+Sha phaT/ thun b+h+yo b+h+yo/ sngags pa nang 'gras byung ba'am// dgra bgegs drag po'i gnod phyogs sam// ri gzar kha yi rbab byung bzlog/ dgra bgegs mngon sum smos ci dgos// mi ma yin pa thams cad bzlog/ thal chen la sngags ser ba bzlog/ oM ta kri dza ti bi dza ti/ hu ya hu ya/ hu lu hu lu/ su ru ti swA hA/ klu yi byad dang gtad mnan bzlog/ khyad par gyi bzlog pa bstan pa'i le'u ste bcu bdun pa'o// // de nas dgug pa'i las bstan pa// mdun du gru gsum khru gang bru// nang du klu gnyen sna tshogs gzugs// shog shog ling+ga bris la gzhug/ rang 'thag rdo rje rgya gram gyis// 'brub khung kha bcad rta rmig mnan// de nas dgug gzhug bya ba de// rang nyid rta mchog skur bsgoms la// sngags 'di bzlas shing rta rmig brdung // ru rung rdung rdung khug dza/ rug tha than ri nye lug dza/ ti rbad nA ga nyur ra ram khug dza/ ces gnod byed dgug cing rta sug brdung // gdug pa gzer cing brdung bar bya// gnod byed gang yin sod par 'gyur// 'byung po ma lus sod 'gyur na// dgra bgegs gzhan lta smos ci dgos// dgug cing brdung ba'i le'u ste bco brgyad pa'o// // de nas nA ga klu yi dug/ mi la zhugs pa'i rtags bstan pa// rus pa dag la zhugs pa na// lus po skam la zug gzer che// zang nge na zhing dri mi zhim// sha ro 'byung ba sha yi rtags// rtsa la zhugs pa'i mtshan nyid ni// lus sbrid ber ber byed pa dang // sgyid lug pa dang sbrid lci dang // tsha zhing tsha 'brab byed pa dang // tsha ber tsha sgreng zhugs pa dang // tsha thang tsha ker byed pa dang // yan lag na ba rtsa yi rtags// khrag la zhugs pa'i mtshan nyid ni// lus lci sna khrag skabs su 'dzag/ tsha ber 'dir ba dka' ba yin// nang khrol dag la zhugs pa ni// glo snying mi bde stong sngags byed// snying mi bde la tsha ltar phyo// bcud la chud pa'i rtags bstan pa// khu chu mi 'byung dbang po nyal// khu ba sgro mar 'byung ba dang // chu ni dngas snyigs bye nas 'ongs// chu la zhugs pa'i mtshan nyid ni// sna chu skya bor rtag tu 'dzag/ sbugs ni chu ni rgya skyegs khu ba 'dra// mig rtsa rul te se ru 'byung // lus kyi stobs la zhugs pa na// sgyid zhum pa dang nyal nyal byed// lus kyi mdog la zhugs pa ni// lce mdog 'ol ma ze ltar dmar// dmar po thig le 'ong ba'o// byings la zhugs pa'i mtshan nyid ni// lus lci sna khrag skabs su 'dzag/ lus la gnyer chung khebs pa dang // lag sor byi gzhug 'dra bar 'ong // reg pa dag la zhugs pa ni// sna rtse tsha zhing ber ber byed// chu rgyus dag la zhugs pa ni// yan lag rengs shing na ba dang // sha bur 'dra zhing tshigs rnams 'khor// chu ser dag la zhugs pa'i rtags// lus po tsha zhing khol ba dang // tsha la cag cing tsha la 'jibs// lus la 'brum rjes thag thug 'ong // klad pa dag la zhugs pa ni// skra bye bem bem byed pa dang // gdong bkrag chu ni mi chags pa'o// lha ba dag la zhugs pa ni// gdong ba dag ni yar yal byed// gdong ba grang ni seng seng byed// lus la zhugs pa'i mtshan nyid ni// lus la tshor ba med pa yis// gdong ba la sogs sha 'gul 'ong // rus pa dag la zhugs pa ni// rkang lag tshigs bzhi'i rus rnams khol// byad kyi rus pa khol zhing na// na tsha med par phol mig 'ong // sor mo 'brul zhing rkang lag 'chad// kha mig sle zhing mchu yang sle// byad ni srab zhing leb par 'ongs// sna lpags dag la zhugs pa ni// dang po rang nas byad kyang bzlog/ byad lugs gdong ba'i sha yang 'chor// smin ma 'tshor zhing mig phugs lug/ gzhug tu sna yang 'chad par 'gyur// de ni gso bar dka' ba yin// sha ro 'ong zhing sha ro mang ba dang // bas ldag rgong pa thor ba 'ong // rgya thor mang la lus po za// smin ma za zhing smin phrag za// lus dang sha 'phrig mang ba dang // skabs su skra la skabs su dmar// phags pa dag la zin pa ni// lus po sbrid la snyam byed dang // rkang lag sbrid pa mang ba dang // sha lpags mtshams nas za ba dang // sha lpags na zhing tsha ba dang // sems can 'gul snyam byed pa dang // ro stod nya bzhi 'gul ba dang // mig kong gting nas 'gul ba dang // mchu 'gul 'phrig pa mang ba 'ong // sha lpags mtshams su zhugs pa yin// rtsa rnams 'khyug cing breng ba dang // khrag lud mig ni dmar ba dang // sna khrag rgyun du 'dzag pa dang // byad lus dmar la thig le 'ong // lus dang rkang lag bro zhing tsha// rmun long byad lus dbur zhing skrangs// de yang tsha zhing bro bar 'ong // na tsha yar 'gro mar 'gro byed// sna 'gags lus lci byad mi bde// mi gtsang 'khon dang thab la sngar// de ni rtsa la zhugs pa'i rtags// de ltar nad ngos bzung byas la// zin pa gnyan dang mi gnyan dang // gso ba dka' sla shes par bya// sngon gyi rnam smin ma yin na// srung ba'i sbyor bas sos par 'gyur/ klu yis zin pa'i rtags kyi le'u ste bcu dgu pa'o// // de nas rmi ltas rim pa ni// gnod pa'i rtags rnams bstan pa ni// rtag tu rang sha za ba dang // lus la khrus dag byed pa dang // rgya gram lam na nyal ba dang // rgya ru 'dzul dang 'phur pa rnams// ngan pa'i rtags su shes par bya// gzhan yang rtag tu sha za dang // khyi phag bya dang nya sbrul dang // byol song rnam pa sna tshogs dang // rtag tu mi gtsang gos nag gon// ngan pa'i rtags te rim gro 'bad// yang na bzang rtags ngan rtags dang // rnam par smin pa'i rtags dang gsum// de la dang po bsgrub pa'i rtags// bdag gis mthong yul zo phyi ru// nya sbrul sbal lcong shi ba dang // bya yis god sha za ba dang // bya yis bdag gi brag gzhi ba dang // rgya mtsho skam gnas 'dug pa dang // de na sems can shi ba dang // sems can thams cad kha bcing dang // lus las sbal lcong 'thon pa dang // de rnams bzang ba'i rtags bstan yin// ngan pa'i rtags rnams bstan pa ni// sbal sbrul glog ltar 'gyu ba dang // sdig sbrul char ltar 'bab pa dang // chu srin 'brug ltar sgrog pa dang // sdig sgrib sbyin ltar gtibs pa dang // de rnams ngan pa'i rtags su bstan// rnam par smin pa'i rtags su ni// me dpung 'bar bas gdung ba dang // 'dam rdzab chen por chud par dang // phyar nag lus la gyon pa dang // phag pa zhon nas sa gting 'gro// phyar ba gon nas chu nang nyal// 'di rnams las kyi rnam smin yin// 'dus byas dge rtsa dag la 'bad// srog tshig nan gyi sngags bzlas la// 'byung po mi zan byung ba na// zla ba gcig gis 'tsho ba yin// sbrul du byung na zla phyed bzlas// phyugs su byung na zhag gsum gdags// sha ro bya rjes sbal mig dang // sha 'gul rtsa 'khyug byung ba na// mi bzad rdzas sbyor de la byug/ lhag pa skrangs po byung ba bzhin// mi bzad drag po'i sngags rgod gdab// nad ngos bzung ba 'di ltar ro// dpral bar byung ba 'tsho ba bul// mig dang yan lag gso ba sla// mkhur tshos snying babs gsor mi btub/ rtags kyi rim pa bstan pa'i le'u ste nyi shu pa'o// // de nas bsrung ba'i rdzas bstan pa// lcags phur seng ldeng phur pa la// sngags bzlas lus la btags pa dang // ring bsrel spyi bor gdags byas la// de la bya khyung bskor ba bsgom// rus sbal khog pa mtshan khung gzhug/ stobs chen mche ba glo la gdags// sreg pa'i rdzas rnams bstan pa ni// mu zi gu gul gla rtsi bsreg/ bza' ba'i rdzas ni sha chen la// byug pa'i rdzas ni dri chen no// mtshams gcad rdzas ni thod chen dang // phag rgod bya khyung gzugs kyis bya// lus la bcang ba'i rdzas bstan pa// mu zi btsan dug gla rtsi dang // sgog skya khu byug spu dang sha/ gser ma bzhu dang ske tshe ste// de rnams bsrel la lus la gdags// snying la zhugs pa phag ril gtang // mig la byung na gtsang sha gtang // gla rtsi shing kun shu dag dang // gu gul nya mkhris mkhris chen dang // dri chen nyung dkar sngags btab la// chu la btab la lto ru gtang // nang nas dbyung ba'i thabs yin no// dud pas bdug pa bar nas dbyung // khrus byas phyi nas dbyung bar byed// phyis nas mi ldang bya ba'i thabs// mi thod nang du bag zan la// klu gzugs byas la them 'gag nan// ban chen rnga brdung byed pa dang // sgrog dang mthur stod rmis na bzang // lha srin sde brgyad thub pa'i rdzas// stag gi mche sder btsan thub rdzas// bya rog mgo bo bdud thub rdzas// mu zi 'byung po thub pa'i rdzas// sbyang khyi'i brun gyis rgyal po thub// gla rtsi gu gul the rang thub// klu rigs bzhi po thub pa'i rdzas// thal chen a mr-i ta dang ni// ma nu gser tshil bram ze thub// pha bong dregs pas dmangs rigs thub// ba glang ra gzhob rje rigs thub// btsan dug dang ni ske tshe dang // zi ra nag pos rgyal rigs thub// rje rigs dbang po lag pa dang // rgya mtsho lbu ba chu srin sder// kaN+Da ka ris klu 'khor thub// srung ba'i le'u ste nyi shu rtsa gcig pa'o// // de nas gdug pa'i nang dbye ba// rlung las gyur dang mkhris pa dang // bad kan nad las gyur pa dang // 'dus pa dag las gyur pa dang // srin bu'i nad dang rnam pa lnga// rlung las gyur pa skya sbab shu ba 'ong // mkhris pa las gyur dmar seng chu bur 'ong // bad kan las gyur mdze nad ni// sha lpags bem la spug nag 'jil// 'dus pa de gsum 'dus pa yin// da ni srin bu'i nad rnams dbye// chu rgyus zin na zha grum 'theng // rtsa la zin na tsha zhing 'khrug/ lpags la zin na sna shu 'ong // sha la zin na phol 'bras 'ong // khrag la zin na sna khrag 'ong // glo snying la zin skye yang 'gag/ klad pa la zin mgo bo na// klu yi nad la rnam pa lnga// kha mig sle zhing sha yang skam// rlung dang ser bu'i sran yang chung // sa bdag dag la rnam pa gnyis// yan lag rengs dang gzhogs skams so// gnyen gyis ske rags ga shar 'ong // rtags de byung na sman bcos bya// des kyang ma phan sngags la gzhug/ nad rnams brtag pa'i man ngag ni// tsha la me drod 'dra na yin// gu gul nag po rgya tshwa dang // yugs sa mo yi mngal khrag dang // sa 'og thal ba bsregs la bsku// tsher ma zug pa 'dra ba na// sa dug pa dang re lcag pa// ra mo shag gis bsku bar bya// tsha zhing 'brum bu byung na ngan// btsod khu spos kyis bsku bar bya// kor tsher zug par byung ba na// ra lug thun po'i rmang kha'i sgre// me tog zhes bya'i rtsa yis byug/ rma dang ser ga byung ba na// sbrang tsher shog bu tshor can byug/ gu gul ra gzhob tsha sreg bsku// nyam chung na ni chu yis bkru// glang thabs byung na sngags kyis gdab// sha khrag byung na bul chu dang // phag pa'i tshil bu bsku bar bya// de ltar byas nas 'tsho bar 'gyur// sman gyis bcos pa'i le'u ste nyi shu rtsa gnyis pa'o// // klu gnyen sa bdag rtags bstan pa// dang po klu yi rtags rnams ni// nya sbrul khye'u pho mo dang // sbal pa lcong mo la sogs 'ong // sa bdag dag gi rtags bstan pa// ba glang mdzo dang 'bri dag dang // rtol dang sdom srin dag tu 'ong // gnyen la glang dmar brag nag dang // mdze can nya lcibs gos gyon 'ong // klu bsen bu mo ral pa can// khyi dmar phag pa sre 'o 'ong // sa srin sdig pa bud med dang // ba glang 'phyi ba bud med nag/ khyi nag sgra skad sna tshogs 'don// rtags de byung na rta mchog bsgom// klu mchod klu gtor gtang ba dang // zhi bas bcos dang drag pos 'dul// klu gnyan sa bdag thul bar 'gyur// klu gnyen dang sa bdag gi rtags kyi le'u ste nyi shu rtsa gsum pa'o// // de nas gso ba'i las bshad pa// sgro 'bog chen po gso ba dang // glo bur rkyen du na ba dang // srin bu gso ba rnam pa gsum// rig 'dzin rgyal por bsdongs pa dang // klu dang rgyal por bsdongs pa dang // bdud dang rgyal por bsdongs pa dang // ma mo rgyal por bsdongs pa dang // lcam dral gnyis su bsdongs pa rnams// srid pa'i che 'dre gnod pa dang // kha smras rgyang mig lta byed cing // ngo nag klu dang rgyal por bsdongs// ngo gnag smra nyung kha lkugs na// klu dang bdud du bsdongs pa'i rtags// dgod cing glu len gya tshom smra// 'bros shing 'dug tu mi 'dod na// ma mo rgyal por bsdongs pa'i rtags// lag rdeb mi la rgol 'dod dang // ngu zhing smra bar byed pa ni// bdud dang rgyal po bsdongs pa'i rtags// ma nges spyod pa sna tshogs byed// kha skams glo snying mi bde zhing // col 'brus smra zhing 'gro 'dod na// srid pa'i lcam dral gnod pa yin// bcos pa'i thabs kyang 'di lta ste// rig 'dzin skongs la rgyal po mchod// lug po dkar po gnyis pa yang // gso bsad mnan dang sbyar bar bya// se bo rta la dkar po gtang // klu dang rgyal po bsdongs pa'i tshe// kha brgya lag brgya'i klu la gtang // bya pho dkar pos rgyal po mchod// ra dkar lug dkar gta' ru gzug/ bdud dang rgyal po bsdongs pa'i tshe// ra rog nag po mkhal dkar dang // ra ltag nag la lug mig gnag/ de ni rgyal po nag po yin// ma mo rgyal po bsdongs pa'i tshe// bya smug lug skrag bya rog dkar// mda' 'phang bya yi phod kyis brgyan// lcam dral gnyis su bsdongs pa'i tshe// mi rta 'bri yi snying gis bskang // de ltar gal te mang na yang // snying sna khrag sna tshogs pa yi// gtor ma phud kyis bcos par bya// gdon ngos bzung ba'i le'u ste nyi shu rtsa bzhi pa'o// // ban bon gtad du bcug pa yas// mi la klu yis gnod pa mi// btsun pa btsan po rgyal po yin// bud med bya mo nag mo yin// mi nag rta nag bdud kyi ltas// skyes pa gcan gzan btsan gyi ltas// sbal sprul ba glang khyi dang phag/ klu dang sa bdag ltas su bstan// nyi zla mig mang lug ni gza'// byis pa sran can the brang ltas// de ltar rtags rnams byung ba'i tshe// rgyal po sngags 'dis bzlog par bya// oM rA dza stam b+ha ya chings chings swA hA// klu rnams 'di yis bzlog par bya// nag po sod nag po sod/ nA ga 'dus nA ga 'dus/ nA ga chings nA ga chings swA hA/ srin po 'di yis bzlog par bya// dzA la rak+Sha phaT/ ma mo 'di yis bzlog par bya// b+h+yo ma mor rak+Sha ma ma trag tu swA hA/ bdud rnams 'di yis bzlog par bya// hUM tri ta ya sa man ta li laM badz+ra baM rbad/ staM b+ha ya mA ra ya dza dza/ btsan rnams 'di yis bzlog par bya// hUM btsan tshal pa tshal pa shag shag hUM phaT/ the brang 'di yis bzlog par bya// tri duM su tri duM bu ze brang mA ra ya dza dza/ gza' rnams 'di yis bzlog par bya// oM rA hu la staM b+ha ya staM b+ha ya/ mA ra ya mA ra ya/ dza dza rbad swA hA/ sde brgyad gnad la bor ba'i sngags// gtan rnams thams cad bzlog pa yin// lha srin sde brgyad gnad la dbab pa'i le'u ste nyi shu rtsa lnga pa'o// // nA ga klu 'dul rgyud las ni// klu yi thogs ser dbab pa bstan// mon nag rabs chad zod pa'am// mdze bo'i thod pa'i nang du ni// mi ra khyi gsum khrag dang ni// nyung dkar yungs nag thal chen dang // ra dug spyang dug la sogs la// dgra yi lo thog sna tshogs stsal// thod pa'i phyi rol khrag gis byug/ seng ldeng phur pa sor brgyad la// thogs ser dbab pa 'di yis bsgrub// bdag nyid rta mchog skur bsgom bzlas// na mo b+hud+d+ha ya/ oM badz+ra kI li kI la ya/ tsan d+ha mi ri li/ tsan d+ha tsan d+ha/ tsan d+he tsan d+he/ nA ga b+han d+ha b+ha na d+ha/ b+ha na d+ha ya b+han d+ha ya/ phaT phaT/ thod pa phur pa dag la sngags// klu gnas yul lha'i rten la swa// yul lha bskrad pa'i sngags 'di'o// hUM badz+ra de ba tad da gu h+ya tad de phaT/ rol pa yo kI b+h+yo// nA ma nyung nyung / sprin sdud pa'i sngags yin no// pa ra trad tra hu ya hu ya/ 'brug btang ba'i sngags 'di yin no// mA ti hI la phu phu ti/ e na ga nA ga g+ho la/ drag po zun khrag phob/ bu ta pra ta ya/ A be sha ya A be sha ya/ b+ha re sha ya b+ha ri sha ya/ A be sha ya A be sha ya/ nA ga nA ga drag po phob/ ser sprin byung nas ser ba byung ba na/ nA ga nA ga mgo la thog phob/ re ma rak+kha shag/ e ma du sprin thog rgyob// i ma ka tsa la phrom shig/ du ma sprin thog rgyob// thun phrom 'ur 'ur chem chem/ lo thog sna tshogs rang la chem/ lhogs lhogs zhes// gong gi khrag la sngags la gtor// yul zhing ji tsam 'dod pa bskor// gta' ni ma phyung bar du 'ong // thod pa phur pa sngags bcas sba// klu yod gnas ni 'phrog par byed// thog dang ser ba gdon mi za// gal te des kyang ma phebs na// rta mchog rgyal po'i skur bsgoms la// seng ldeng phur pas sbal pa gzer// dgun yang thog dang ser ba 'ong // ser ba dbab pa'i le'u ste nyi shu rtsa drug pa'o// / nA ga klu 'dul rgyud las ni// thun mong khyad par zab pa yi// char pa dbab pa'i cho ga bshad// de la lugs ni gnyis yod de// zhi bas bslang dang drag pos dbab// 'di ni zhi ba'i dbab lugs te// dkar gsum mngar gsum bag phye la// ril bu brgya dang rtsa brgyad bya// gser ram dngul gyi snod du blugs// ba yi rnam lngas maN+Dal bya// de nas bzlas pa'i sngags la zhugs// ril bu re la brgya rtsa brgyad// sngags grangs them par gyur pa dang // gang yod chu mig nang du blugs// sngags grangs thems na gdon mi za// oM nA ga ka la hUM/ nA ga le ye/ dum pa le le/ nA ga rA dza hUM phaT/ klu mchod klu gtong gtang bar bya// 'dis ni mi phebs mi srid do// ji srid des kyang ma phebs na// drag po'i las 'di bya bar gsungs// mtshan ngan thod pa'i nang dag tu// snying sna sha snas bkang ste bsgrub// oM g+hu li g+hu li/ b+ha ra sha ya b+ha ra sha ya/ hUM hUM hUM/ ho ho ho/ phaT phaT phaT swA ha/ spogs pa'o// bdag nyid rta mgrin skur bsgoms la// dbang du sdud pa'i sngags 'di bzlas// bruM bruM chem chem/ badz+ra kha phyir chad/ 'khrug bskur sngags kyang 'di yin te/ oM tri shi zhim gyi tshi bar na le/ bi sha pa tsa pa tsa hUM phaT/ sprin bsdu ba'i sngags 'di bzlas/ na mo b+ha ga wa te/ bag ti rad na ya/ tad+ya thA/ a na le ba'i shad d+he/ be ra ba ra daM daM thibs thibs swA hA// rnam cig sngags ni 'di yin te/ hUM hUM sab sab/ hUM sib sib/ rlung gtong sngags ni 'di yin no// char pa ya char pa ya/ ti ti la nan/ de ltar las rnams rdzogs pa dang // sngags bzlas dbang sdud ting 'dzin bsar// klu rnams 'dar nas char 'bebs shing // rta mgrin bka' las mi 'da' bar// ci bcol las rnams byed par 'gyur// char dbab pa'i le'u ste nyi shu rtsa bdun pa'o// // nA ga klu 'dul rgyud las ni// ser ba bzlog pa'i las rim ni// ser gta' yas stegs 'di lta ste// lci ba g.yar skye rgod la ster// mtsho chur 'bring mar gnyen 'du dang // ngang pa'i sgo nga lan tshwa mkhal// nyung dkar nyung nag bra yos dang // kham blug gsar pa'i nang du ni// 'bru sna rin chen lnga yang bsag/ la rdzas sna tshogs dkar sna tshogs// mar phud zho phud sbrul gyi sha/ sbrang khus la thud nya ri rab// ba lus lo ma 'brum bu dang // chang phung kham blug nang du stsal// dbus kyi tho yi nang du gzhag/ yul khams me dpung 'bar bar bsgom// me yi dkyil 'khor bsgoms la bzhag/ sha sha shu shu ri bo'i rtsa non// raM raM 'ur 'ur/ 'brug gi sgang ri li li// phaT phaT/ shig shig sA ha/ gta' yi phyogs bzhir bag zan sgyu bzhi ru// nyung dkar 'bru bdun mi skye'i thal chen blug/ tad+ya thA/ ku lu ku lu sha sha ku lu/ ka ru byi ta ru/ gta' la 'tha'o zhes byas la sba'o// zhag gsum lo gnas sgyu tsho blta// gas na phud gtang bzlas pa bskur// ma gas bzang ste thub pa'o// yang na shog thum byas nas ni// phyogs bzhir yas stags gong ma stsal// shar gyi shog thum sngags 'di'o// shAkya rtsa dur zhil zhil// du ru du ru zhil zhi la/ gnyan ser bzlog pa'i sngags 'di'o// tad+ya thA/ ga to tsag to phaT phaT/ tshal tshal/ klu ser bzlog pa'i sngags 'di'o// bya dang bkra ma zhil zhil// gza' ser bsrung ba'i sngags 'di'o// du ru du ru shig shig/ btsan gyi ser ba bsrung ba ni/ du ru du ru raM/ gnam lcags bsrung ba'i sngags 'di'o// du ru du ru pa ka raM/ du ru du ru na byi ra tsa ra d+hi tri na// lan bdun bzlas la shog thum gdags// ser ba bsrung ba'i le'u ste nyi shu rtsa brgyad pa'o// / na ga klu 'dul rgyud las ni// gdug pa klu yi gtad khram 'di// gro ga'am shog bu ras dag la// dmigs pa'i ling+ga bris byas la// rigs bzhi'i sbal pas lus bzung bri// la cha'i sbal par gzhug par bya// yang na gson ma'i kha ru btsang // sngon dmar skud pas kha bcoms la// drag sngags 'di yis bsgrub par bya// oM nA ga rA dza sa ma ya/ nag po tsi ta sa ma ya dza/ oM nag po tsit+ta mA ra ya khrag ti mA ra ya rgyas// tsit+ta tsit+ta mA ra ya/ oM nA gshig mA ra ya swA hA/ rtags ni sbal pa mang po dang // sbrul lcong la sogs 'dod pa rmis// sbal pa dngos su 'ong bar 'gyur// de nas klu yod sa ru gtad// sbal pa gson ma'i gtad byed na// klu yod sa nas sbal pa bzung // ling+ga gro ga dag la bri// 'o ma'i nang du ru rta brdar// zhu mkhan phye ma blugs byas te// zhag bdun par du sbal pa gso// drag sngags bzla shing bsgrub pa bya// grub rtags sbal pa che ru 'gro// de tshe ling+ga kha ru brdzang // sngon dmar skud pas kha bcings la// dgra yi 'gram rtsar dong brus sba// yang na klu yod de ru bskyal// zla ba gcig na kha phung 'chi// zla gshed nag po zhes kyang grags// 'di las lhag pa'i gtad gzhan med// log rdug 'khyams pa 'di la med// dgra la btsan la rang la shis// drag sngags gnad dang ldan pa 'di// rta mgrin bsnyen pa sngon song bas// las 'di yis ni 'grub ces bstan// dgra bo klu la gtad pa'i le'u ste nyi shu rtsa dgu pa'o// // nA ga klu 'dul rgyud las su// tsi tsi dza la gso ba'i phyir// zhi ba klu bsgrub cho ga bshad// zangs sam lcags sam 'khar gzhong nang // ro stod mi la ro smad sbrul// de lta bu yi klu gzugs brgyad// mdzo dang rtol yang brgyad brgyad bya// sbal pa nya lcong rta dang glang // de rnams dkar ser dmar nag bzhi// sdig pa 'bu srin gnyis gnyis bya// gnyan dang sa bdag khra bor bya// klu chen brgyad ni ser por bya// bum par ba dmar ra dkar gyi// 'o ma dkar gsum mngar gsum dang // klu sman sna tshogs blug par bya// de nas bdag nyid rta mgrin bsgom// thugs las phuHni mang po 'phros// gzugs brnyan re la phuHre phog/ ma hA nA ga zhes brjod pas// klu rigs bzhi po gang yin pa// de rang dngos su gyur par bsgom// klu rnams ci bya zer bar bsgom// bran dang khol po'i tshul gyis shig/ nad 'di thang la glud 'di longs// zhes bya'o// klu chen po brgyad 'bod pa// hUM na ga rA dza sa mA dza/ zhes stong bzlas/ klu gnyen sa bdag kun gyi snying po bzlas/ oM nA ga shaM kha pA la ni dza/ oM na ga pad+ma ni dza/ oM ba ye be ru phu ni dza/ ces brjod do// oM nA ga pU dza a mr-i ta ba li ta kha kha/ khA hi khI hi/ hi hi sarba swA hA/ bdud rtsi blugs la dbul bar bya// nub gtor nyi ma phyed nas gtang // nyi ma bzang ba'i dus dag ni// zla ba kun gyi tshes brgyad la// klu rnams khrus byed khrus chog bya// nya la klu rnams mi 'du ba// bsgrub kyang 'grub par mi 'gyur te// des na zhag/ bdun bcu bzhi nyi shu gcig/ gang bsgrub sgrub pa thon pa dang // yas stegs gnod pa'i sa ru bskyal// tsi tsi dza la byung ba yang // sos par 'gyur ba the tshom med// klu bsgrub kyis gso ba'i le'u ste sum cu pa'o// // klu gta' sdom pa'i rim pa ni// gang gnod pa yi sar song la// dkyil 'khor 'khor lo rtsibs brgyad bri// tshon rtsis legs par bsgyur byas la// gser dngul zangs lcags g.yu la sogs// rin po che dang 'bru rnams bsdus// 'khor lo'i rtsibs dang dbus su ni// nA ga rA dza sa ma ya dza// zhes dgod de lta'i 'khor lo de// kham sa'i ga'u gru bzhi pa// gzhal yas tshul du byas la gzhug/ lha bshos pad 'dab brgyad pas mchod// de nas gnod pa'i klu de yang // klu sman klu gzugs bcas pas mchod// rin chen nor gyis gang bar bsam// klu yi 'dod pa byung bar bsam// dus 'di tshun chad gnod pa rnams// ma byed ces pa'i bka' yang bsgo// gnod pa'i sbyor ba zhi bar 'gyur// klu gta' sdom pa'i le'u ste sum cu so gcig pa'o// // klu gter sbas pa'i thabs bstan pa// zangs la glang bu dmar po bya// gser dngul zangs lcags byi ru g.yu// de rnams glang bu'i khog bar gzhug/ klu sman sna tshogs rnyed tshang blug/ yang na bag tsan dag la bya// khog par ba ra dkar mo yi// 'o mar klu sman btab la blug/ byu gu gsang bar glang bu bzhag/ gta' la ma tha gnyan la tha// mi za yun gyi gter mdzod cig/ ces pa bris la gzhug par bya// de nas gnod pa'i sar song la// klu gtor gtang zhing bden par brdar// ma gnod cig pa'i bka' yang bsgo// glang bu rdze'u gnas sar sbasgra// gnod pa'i sbyor ba rgyun 'chad 'gyur// klu gter gzhug pa'i le'u ste sum cu so gnyis pa'o// // klu rten spo ba'i thabs bstan pa// shing dang ne'u chu mig yod// de lta bu yi gnas dag tu// dkyil 'khor pad+ma 'dab brgyad bzhengs// klu de'i gzhal yas khang du bsam// sman dang 'bru dang spos rnams dang // de dag sbyar ba'i gtor ma bsham// zangs kyi gla bur rin chen sna tshogs blugs// hUM na ga sa ma ya dza/ na ga u tsa ta ya phaT/ ces pa zhag gcig zhag gsum bzlas// de nas dkyil 'khor bsdu ba dang // rdzas dang gto mar bcas pa rnams// rtsi shing chu mig/ can du bskyal// des ni klu rnams de ru 'gro// rang la gnod par mi 'gyur te// spo sa'i sa gzhi gang yin te// gzhal yas khang du bsam par bya// klu de spo bar the tshom med// klu rten spo ba'i le'u ste sum cu gsum pa'o// // klu yi byad dgrol thabs bstan pa// klu yi byad du chud pa na// zha dang grum dang 'gro mi shes// de la byad 'grol cho ga bya// nad pa'i yan lag tshon skud dkri// dkyil 'khor pad+ma 'dab brgyad bri// klu brgyad klu mo brgyad rnams dang // rigs bzhi'i gnyen dang sa bdag gnod// klu gtor klu sman rdzas kyi mchod// sngags 'di brjod cing mchod pa dbul// hUM nA ga rA dza sa ma ya dza/ shig shig khrol khrol/ tshod chod/ byad khrol zhes bzlas// rang nyid rta mgrin ting 'dzin bsgom// klu yi byad de bcad par bsam// nA ga rA dza tshod khrol zhes byas la// gri yi tshon skud gcad par bya// tshon skud gtor ma'i nang du gzhug/ klu yi sa ru gtor ma yi// yas stags dkyil 'khor sa tshon bskul// byad du bcug pa grol bar 'gyur// byad dgrol ba'i le'u ste sum cu bzhi pa'o// // klu rnams dbang du sdud pa dang // mchod cing phrin las bcol ba ni// hUM/ rang bzhin lhun gyis grub pa'i gnas mchog 'dir// chu srin gzhal yas bya khyung bla re ni// pad+ma nyi ma'i gdan la gsal bzhugs pa// dbang gi rgyal po khro rgyal rta mgrin dpal// sku mdog dmar nag chags med pad+ma 'dra// zhal cig phyag gnyis zhabs gnyis brkyang bskum bgrad// phyag mtshan mtshon chas dregs pa ma lus 'joms// mgur chu dkar khra'i sbrul gyis brgyan pa ni// rgyal rigs klu rnams dbang du sdud pa'i rtags// dbu rgyan dmar khra'i sbrul gyis brgyan pa 'di// bram ze'i klu rnams dbang du sdud pa'i rtags// phyag gdub ser khra'i sbrul gyis brgyan pa 'di// rje rigs klu rnams dbang du sdud pa'i rtags// sku rigs dmar khwa'i sbrul gyis brgyan pa ni// gdol pa'i klu rnams dbang du sdud pa'i rtags// zhabs gdub khra nag sbrul gyis brgyan pa ni// dmangs rigs klu rnams dbang du sdud pa'i rtags// klu rigs lnga yi ral pa sbrul 'khril pa// klu rigs thams cad dbang du sdud pa'i rtags// thugs kyi dkyil nas bya khyung mang po 'gyed// phrag pa gnyis nas bya khyung gzan la 'gyed// bka' las 'da' byed klu rnams zas su za// klu 'dul khro bo'i sku la phyag 'tshal bstod// dbu yi gtsug na rta mgo rgyang thon pa// ljang gu lhang lhang tser tser phyogs bcur sgrogs// chos ston mchog rtsol ma tshogs dbang du sdud// snyan nas 'brug sgrogs drag pos thams cad brgya la// spyan nas me 'bar khams gsum sreg par byed// shangs nas 'thor ba'i rlung gis stong gsum 'gengs// zhal nas rngam pa'i dug phyung nyon mongs sgrol// rdog ma le brgan srid gsum thal bar rlog/ dpral ba zhur po dgyes pa'i mdangs su che// dbang bdag khro bo'i sku la phyag 'tshal bstod// 'dod pa'i yon tan lnga yi mchod 'bul bzhes// yun gyi lhar gyur mchog khyed bsgrub pa na// bdag la bsrung ba'i las dang cho ga mdzod// klu rnams bka' bzhin byed dang gnod pa sel// bcol pa'i 'bras bu dus 'dir stsal du gsol// nga ni dpa' bo rta mgrin rgyal po ste// klu rgyal gdan steng klu bran zas su za// klu rnams nga yi bka' las ma 'da' cig/ klu rnams nga yi bka' las 'da' gyur na// mgo lus yan lag 'tshig par 'gyur ba dang // klu yi gnas ris brlag par 'gyur ta re// oM shrI pad+man+ta kr-ita badz+ra kro ta hUM/ ha ya grI wa hri hri/ hu lu hu lu hUM phaT/ oM dza la dza la badz+ra pa ti sa ma ya dza/ zhes klu rnams bdag gi dbang du 'gyur ba dang bran du 'gyur ro// dpal rta mgrin la bstod cing // klu dbang du bsdu ba'i le'u ste sum cu lnga pa'o// // klu rnams mchod cing phrin las bcol ba ni/ kye kye tshur spyon tshur skyon phrin las mdzod// klu rgyal khyed kyi zhal zas 'di na mchis// brtse zhing gdung phyir gshegs su gsol// bcol ba'i las rnams 'grub par mdzod// ka ra bu ram mngar gyi bcud// khyed kyi longs spyod 'di na mchis// klu gnyen pho mo 'di bzhes la// bcol pa'i las rnams 'grub par mdzod// tshur sbron tshur gshegs klu rgyal rnams// nA ga ge sar na ga pu Sh+pa dang // rgya mtsho lbu ba ut+pa la// dbang lag chu srin sder mo rnams// klu rgyal khyed la mchod par 'bul// bcol ba'i las rnams 'grub par mdzod// tshur byon tshur byon klu tshogs rnams// rin chen lnga dang dar zab dang // dgyes mchod dam pa 'o ma mar// bu ram sbrang rtsi rtsi bcud 'bul// klu rgyal bzhugs pa 'khor bcas la// mgron gyi dam par spyan 'dren na// bdag nyid dad pas mchod lags kyi// bzhes shig rol cig klu yi tshogs// rgyan gyi mchod pa 'di bzhes shig/ nA ga rA dza sa ma ya a mr-i ta sarba kha kha le le/ zhes mchod cing phrin las bcol lo// mtha' bsgyur las kyi skabs kyis shes// klu mchod cing phrin las bcol ba'i le'u ste sum cu drug pa'o// // de nas bcom ldan 'das dpal rta mgrin gyis nA ga klu 'dul ba'i ting nge 'dzin las bzhengs nas/ 'di skad ces 'khor rnams la bka' stsal pa/ kye kye gdug pa can gyi tshogs// lnga brgya dus kyi tha ma la// klu yi bstan pa dar ba'i tshe// nad du tsi citsi dza la 'byung // de tshe klu chen byed rnams kyis// khro rgyal nga yi bka' ma bcag/ gal te nga yi bka' bcag na// khyed rnams rdul du brlag par 'gyur// nga yi bka' ni bden par sgrubs// zhes gsungs pas/ klu yi tshogs kyi 'khor rnams kyis gsol ba// kye kye dpal chen rta mgrin rgyal// klu bdag rgyal po'i bka' bzhin bgyid// khyod ni klu rje nam mkha' lding // rgyal po'i rgyal po rta mgrin lags// khyed kyi bka' bzhin ma bgyis na// bdag cag rdul du brlag par 'gyur// zhes klu rnams kyis dam bcas te/ rjes su yi rangs nas mngon par dga'o// dpal chen po rta mgrin ni chos nyid kyi dbyings su thim par gyur to// klu rnams rang gi gnas su dengs nas dam tshig la gnas par gyur to// lung bstan dam bcas pa'i le'u ste sum cu bdun pa'o// // nA ga klu 'dul zhes bya ba'i rgyud rdzogs so// // mtshwa 'bram chu// dpal he ru ka'i gal po// zhi khro 'bum gyi tshogs la phyag 'tshal lo// 'di skad thos nas bshad