Wylie

e-texts produced with BDRC’s OCR application

རྒྱ་གར་སྐད་དུ། ནཱ་ག་བི་ན་ཡ་ཏནྟྲ་ནཱ་མ། བོད་སྐད་དུ། ཀླུ་འདུལ་བ་ཞེས་བྱ་བའི་རྒྱུད། དཔལ་རྟ་མགྲིན་དྲེགས་པ་ཀླུ་འདུལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག ་ན། གདུག་པ་ཅན་གྱི་གནས། རྒྱ་མཚོ་ཆེན་པོའི་ཀློང་དཀྱིལ། ཀླུ་ཆེན་པོ་བརྒྱད་ཀྱི་གནས། སྦྲུལ་ནག་འབར་བའི་གཞལ་ཡས། ཤིན་ཏུ་འཇིགས་པའི་གནས་དེ་ན། ཀླུའི་རྗེ་བོ་ཧ་ཡ་གྲཱི་བ་དང་། ལག ་ན་རྡོ་རྗེ་དང་། བྱ་ཁྱུང་ག་རུ་ཌ་རྣམས་ཀྱིས། ཀླུ་རྣམས་འདུལ་བའི་དོན་དུ། ཀླུའི་གནས་སུ་བཞུགས་ཏེ། ནཱ་ག་ཀླུ་འདུལ་གྱི་རིགས་སྔགས་འདི་གསུངས་སོ།། ན་མོ་བྷུདྡྷཱ་ཡ། ཨོཾ་བཛྲ་ཀཱི་ལི་ཀཱི་ལ་ཡ། ནཱ ་ག་དུ་ན་ཙན་དྷེ་ཙན་དྷེ། མི་ལི་མི་ལི། བན་དྷ་བན་དྷ། ནཱ་ག་ནི་སྭཱ་ཧཱ། ཞེས་བརྗོད་པས། ཀླུ་ཐམས་ཅད་སྐྲག་དངངས་ཏེ་བརྒྱལ་བར་གྱུར་ཏོ།། དེ་ནས་ཀླུ་ཆེན་པོ་བརྒྱད་ཀྱིས་འདི་སྐད་ཅེས་གསོལ ་ཏོ།། ཀྱེ་ཀྱེ་དཔའ་བོ་ཆེན་པོ་འཇིགས་བྱེད་དྲག་པོ་གསུམ།། བདག་ཅག་ཀླུ་ཡི་ཚོགས་བཅས་ལ།། བཀའ་དབབ་མི་འཚལ་འབངས་སུ་མཆི།། འབངས་ལ་ནན་ཏན་མ་ཆུང་ཞིག། ཧཱུཾ་ནཱ་ག་རཱ་ཛ་ས་མ་ཡ ་ཛ། ཞེས་ཀླུའི་རྒྱལ་པོ་རྣམས་ཀྱིས་ཕུལ་ལོ།། ནཱ་ག་ར་ཛ་བ་སུ་ཀི་ནི་ཛ་ཛ། ཞེས་ཀླུ་རིགས་བཞིས་ཕུལ་ལོ།། ཀླུ་འདུལ་སྲོག་སྙིང་ཕུལ་བ་གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་ཀླུ ་བརྒྱད་ཀྱིས་གསོལ་པ།། ཨེ་མ་འཇིགས་བྱེད་ཆེན་པོ་གསུམ།། ལྔ་བརྒྱ་དུས་ཀྱི་ཐ་མ་ལ།། བདག་ཅག་ཀླུ་ཡི་བསྟན་པ་འབྱུང་།། བདག་ཅག་ཀླུ་ཡི་འཁོར་རྣམས་ནི།། འགྲོ་བ་མི་ལ་གནོད ་བྱེད་པས།། དེ་ཚེ་བསྲུང་དང་གདུལ་བ་དང་།། བཟླས་དང་ལས་ཀྱི་རིམ་པ་དང་།། གསད་དང་གནན་དང་བསྲེག་པ་དང་།། ཀླུ་བསྒྲུབ་ཀླུ་གསོ་ཀླུ་གཏོར་དང་།། གཏའ་བསྡམ་རྟེན་སྤོ་ལ་སོགས ་པ།། འཇུག་ལུགས་ཐུགས་དང་རྟགས་དང་ནི།། སྲོག་སེར་གཏད་དང་ལས་མཐར་རྣམས།། རིམ་པ་བཞིན་དུ་བཀའ་སྩོལ་ཅིག། ཞུས་པ་གླེང་སློང་བའི་ལེའུ་སྟེ་གཉིས་པའོ།། །། དེ་ནས་རྟ ་མཆོག་རྒྱལ་པོ་ཡིས།། འཁོར་གྱི་ཚོགས་ལ་བཀའ་སྩལ་པ།། དང་པོ་ཏིང་འཛིན་སྒོམ་རིམ་ནི།། ཐོག་མར་ཆོས་ཉིད་སྟོང་པ་ཉིད།། དེ་ལས་ཁྱབ་པའི་སྙིང་རྗེ་བསྒོམ།། དེ་ནས་རང་སེམས་ཡེ་ཤེས ་ཧྲཱིཧྲིཿ།། དེ་ལས་འོད་འཕྲོས་ཨེ་ལས་མཁའ།། དེ་སྟེང་ཡཾ་ལས་རླུང་དཀྱིལ་འཁོར།། དེ་སྟེང་ར་ལས་ཁྲག་གི་མཚོ།། དེ་སྟེང་རཾ་ལས་མེའི་དཀྱིལ་འཁོར།། དེ་སྟེང་ལཾ་ལས་ཞིང་ཆེན་ས།། དེ་སྟེང་ཀཻ་ལས ་རུས་པའི་རཾ།། དེ་སྟེང་བྷྲཱུཾ་ལས་གཞལ་ཡས་ཁང་།། ཕྱི་ནི་རིན་ཆེན་སྣ་ལྔས་བརྩིགས།། ནང་ནི་བྷན་དྷའི་གཞལ་ཡས་ཁང་།། ཕྱོགས་བཞིར་སྒོ་བཞི་ལྡན་པ་ལ།། ཆུ་སྲིན་ཀ་བ་སྦྲུལ་ཆེན་གདུང་།། 1 ་སྦལ་གྲལ་དྲ་བ་སྦྲུལ་ཟར་ཚགས།། ཤིན་ཏུ་འཇིགས་པའི་གཞལ་ཡས་ཁང་།། རྒྱུ་ཡིག་ཧྲཱིཿདེ་གཞལ་ཡས་ཀྱི།། ཉི་ཟླ་པད་ཀླུའི་གདན་སྟེངས་བབས།། དེ་ལས་རྟ་མགྲིན་དབང་གི་སྐུ།། སྐུ་མདོག་དམར ་ནག་ཞལ་གཅིག་པ།། ཕྱག་གཉིས་ཕུར་པ་འདྲིལ་བ་ལ།། ཞལ་གྱིས་སྦྲུལ་ནི་འདྲེན་ཅིང་ཟ།། ཞབས་ཀྱིས་སྦྲུལ་གྱི་མགོ་མནན་པ།། པདྨའི་གཤོག་པས་ཟིལ་གྱིས་གནོན།། ཕྲག་པ་གཡས་གཡོན་སྤྱི ་གཙུག་ཏུ།། སྤྲུལ་པའི་བྱ་ཁྱུང་རེ་རེ་བསྒོམ།། ལུས་པོ་གསེར་ལ་གཤོག་པ་ལྕགས།། མཆུ་སྡེར་ཟངས་ལ་སྡེར་དྲུག་ལྕགས།། ཞལ་གྱིས་སྦྲུལ་ནི་འདྲེན་ཅིང་ཟ།། ཀླུ་རྣམས་སྒྲོལ་ཅིང་ཟ་བར་བསྒོམ།། དེ ་ལྟ་བུ་ཡི་སྐུར་གསལ་དང་།། སྤྲུལ་པ་ཡང་སྦྲུལ་མང་པོ་ཡིས།། གང་བར་བསྒོམ་པ་ཏིང་འཛིན་ནོ།། རང་བཞིན་གནས་ནས་སྤྱན་དྲངས་ཤིང་།། མཆོད་དང་བསྟོད་པ་མ་ལུས་འབུལ།། ཞེས་གསུངས ་སོ།། ལྷ་བསྒོམ་པའི་ལེའུ་སྟེ་གསུམ་པའོ།། །། དེ་ནས་ཡང་འཁོར་གྱི་ཀླུའི་ཚོགས་ཀྱིས་ཞུས་པ།། ཀྱེ་མ་དཔལ་ཆེན་རྟ་མགྲིན་སྐུ།། ཀླུ་རྣམས་ཕུར་པས་ཇི་ལྟར་འདུལ།། དཔལ་ཆེན་ཡབ ་ཀྱིས་བཀའ་སྩལ་པ།། ན་ག་ཕུར་པས་གདུལ་འདོད་ན།། གྲུ་གསུམ་འབར་བའི་མེ་རིས་བསྐོར།། བསད་པའི་མཎྜལ་དེ་ཡིན་པས།། དུག་ཁྲག་སོལ་བས་ནག་པོར་བྱུགས།། ཤར་དུ་ཤ་ལ་ལྷོར་རྡོ། ་རྗེ།། ནུབ་ཏུ་མེ་ཏོག་བྱང་དུ་ཚིལ།། དབུས་སུ་སེང་ལྡེང་ཕུར་བུ་བཞག། ཕུར་བུ་རྟ་མཆོག་ལྷ་གསུམ་བསམ།། གུ་གུལ་དུད་པས་ཕུར་པ་འདུག། བཟླས་པ་འབུམ་དུ་བཟླས་ཤིང ་བསྔགས།། བར་བར་བསྟོད་དང་ཟིལ་གནོན་བྱ།། ཤ་ཚིལ་གཏོར་མ་མཆོད་པ་འབུལ།། ཤ་ཚིལ་ཟ་ཞིང་བྱུག་པར་བྱ།། བྱེ་མ་ལུས་ལ་བཅང་ཞིང་བརྡེག། ཕུར་པ་དག་ལས་འོད་འཕྲོས་པས།། ཉི་མ་ལྟ ་བུའི་འོད་ཟེར་གྱིས།། ཀླུ་གདུག་ཐམས་ཅད་ཞི་བར་ནུས།། རིགས་བཞི་ཟིལ་གྱིས་མནན་པར་འགྱུར།། ཇི་སྲིད་འཁོར་བ་གནས་ཀྱི་བར།། ཀླུ་ཡི་སྦྱོར་བས་མི་ཚུགས་སོ།། ཀླུ་ཕུར་བུས་བཟློག་པའི ་ལེའུ་སྟེ་བཞི་པའོ།། །། དེ་ནས་བཟླས་ཤིང་ཀླུ་སྲིན་འདུལ་བ་འདི་གསུངས་སོ།། དང་པོ་ཧྲཱིཿཞེས་བརྗོད་པ་ཡིས།། གཏིང་མཐའ་མེད་པའི་དབྱིངས་ཉིད་ནས།། སྐྱེ་འགྲོ་གཟུགས་སུ་སྣང་བ ་ཀུན།། རྟ་མགྲིན་དབང་གི་ལྷ་རུ་གྱུར།། བདག་ཉིད་རྟ་མགྲིན་ཐུགས་ཀ་ནས།། རྟ་མགྲིན་ཁྲོ་ཆུང་ཚོན་གང་བ།། ཕྱག་ན་མཚོན་ཆ་སྣ་ཚོགས་བསྣམས།། ཕར་འཕྲོས་པདྨའི་ལྷ་ཚོགས་ལ།། སྐུ ་གསུང་ཐུགས་ཀྱི་མཆོད་པ་འབུལ།། སྤྲུལ་པའི་ཁྱུང་རྣམས་ཕར་འཕྲོས་པས།། གནོད་བྱེད་ཐམས་ཅད་ལྕགས་ཀྱུས་བཀུག། ཞགས་པས་བཅིངས་ཤིང་ལྕགས་སྒྲོག་བསྣམས།། ཕུར་བུས་བཏབ་ནས ་བརླག་པར་བསྒོམ།། ཁྱད་པར་ཀླུ་གཉེན་ཕོ་མོ་དང་།། ཀླུ་སྲིན་མ་ལུས་ཐམས་ཅད་བསྒྲལ།། བསྐལ་བའི་མེ་དཔུང་ཀློང་དཀྱིལ་ནས།། དབང་གི་རྟ་སྐད་ཕྱོགས་བཅུར་སྒྲོགས།། གདུག་པའི་ཚོགས ་རྣམས་འདུལ་བ་དང་།། ཁམས་གསུམ་དབང་དུ་སྡུད་པ་དང་།། སྲིད་གསུམ་ཟིལ་གྱིས་གནོན་པ་དང་།། གདུག་པ་མ་ལུས་བསྒྲལ་བ་དང་།། ཞིང་ཁམས་དབང་དུ་སྡུད་པར་བསྒོམ།། ཏིང་ངེ་འཛིན ་གྱིས་ཀླུ་འདུལ་བའི་ལེའུ་སྟེ་ལྔ་པའོ།། །། དེ་ནས་བུམ་པའི་སྦྱོར་བ་འདི་གསུངས་སོ།། བསྙེན་པ་སྔོན་དུ་སོང་བ་ཡིས།། ཏིང་ངེ་འཛིན་དུ་བསྒོམ་པ་ནི།། ཁྱད་པར་དབང་ཆེན་བུམ་པ ་འཛིན།། རིན་ཆེན་ལས་བྱས་བུམ་པ་རུ།། སྨན་ལྔ་འབྲུ་ལྔ་བླུགས་བྱས་ལ།། བུམ་པ་བྷྲཱུཾ་ལས་གཞལ་ཡས་ཁང་།། དེ་ན་དབང་ཆེན་བསྐྱེད་ནས་ནི།། གཟུངས་ཐག་དམར་པོ་བཏགས་བྱས་ལ།། བསྙེན ་པའི་སྔགས་ཀྱི་ཤམ་བུ་རུ།། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ། ཤུདྡྷེ་བི་ཤུདྡྷེ་སྭཱ་ཧཱ།། བཏིགས་པ་བརྒྱ་དང་རྩ་བརྒྱད་བཟླས།། དེ་ནས་ནད་པ་ལ་སོགས་བཀྲུ།། དབང་ཆེན་བུམ་པའི་ལེའུ་སྟེ་དྲུག ་པའོ།། །། དེ་ནས་འཁོར་ལོའི་སྦྱོར་བ་ནི།། རྫས་བསག་ལྷ་བསྒོམ་འཁོར་ལོ་བསྐོར།། ཁྱད་པར་ལྷ་ཆེན་འཁོར་ལོ་འཛིན།། མཐོ་གང་ཙམ་གྱི་རོ་རས་ལ།། འཆིང་བར་བྱེད་པའི་སྣག་ཚ ་ཡིས།། བལྟས་པས་ལུས་གནག་སྒྲོ་རྩ་ཡིས།། སྔགས་གྲངས་མཉམ་པ་དེ་དམིགས་བྲི།། དེ་ནས་མཚན་མ་གང་བྱུང་བྲི།། ཁ་དོག་རིགས་བཞིའི་ཚུལ་དུའོ།། དེ་ཡི་སྙིང་གར་དྲག་སྔགས་རེ ་རེ་ལའོ།། མཎྜལ་གཙང་མ་དྲིས་བྱུགས་ལ།། མདུན་དུ་ཉུང་དཀར་ཉུང་ནག་གཞག། གུ་གུལ་གླ་རྩིས་ལུས་བྱུགས་ཏེ།། སྔགས་གྲངས་མཉམ་པར་ཉིན་པར་བཟླས།། ནཱ་ག་ནཱ་ཛ་ཁྲག་མཱ་ར་ཡ་ཧཱུཾ་ཕཊ། ་ཅེས་ལས་ལ་སྦྱར་རོ།། འཁོར་ལོའི་ལེའུ་སྟེ་བདུན་པའོ།། །། དེ་ནས་ཕུར་པའི་སྦྱོར་བ་ནི།། ལྷ་བསྒོམ་རྫ་བསག་ཕུར་བུས་བཏབ།། སེང་ལྡེང་ལྕགས་ཕུར་དུག་ཤིང་གིས།། དྲག་སྔགས་མཉམ ་པའི་ཕུར་པ་བཤམས།། དྲག་སྔགས་བཟླས་པའི་རིམ་པ་ནི། ནཱ་ག་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། དྲག་སྔགས་མནམ་པར་གདབ་པར་བྱ།། ཕུར་པའི་ལེའུ་སྟེ་བརྒྱད་པའོ།། །། དེ་ནས ་སྦྱིན་སྲེག་བྱ་བའི་རིམ་པ་ནི།། ལྷ་བསྒོམ་རྫས་བསག་སྦྱིན་བསྲེག་བྱ།། ཁྱད་པར་ལྷ་ཆེན་མེ་དཔུང་འཛིན།། གདུག་པའི་ཧོམ་ཤིང་ཁྲུ་གང་ཚད།། སྔགས་ཀྱི་གྲངས་དང་མཉམ་པར་བྱ།། སྔོ་དམར་སྐུད ་པས་རིམ་གསུམ་བཀྱིག། བར་དེར་འཁོར་ལོ་སྲོག་རྩ་བཅད།། གྲི་ཁྱེར་གཡས་སུ་ཐོགས་ནས་ནི།། གསང་སྔགས་འདི་ནི་རབ་ཏུ་བཟླས།། ནཱ་ག་ཏཱིཀྵ་མཱ་ར་ཡ་ཧཱུཾ་ཕཊ།། རིམ་པ་གྲངས་ཏེ་ཡཾ་བཞི ་བརྒྱུད།། བྱང་ཤར་མཚམས་སུ་གཞག་པར་བྱ།། འཁོར་ལོ་གྲིས་གཏུབས་ཐོགས་ནས་ནི།། གྲ་དང་མཉམ་པར་བསྲེག་པར་བྱ།། མེ་ནི་ཡུགས་ས་མོ་ལས་བླང་།། གསང་སྔགས་བཟླས་པའི་རིམ་པ ་ནི།། ནཱ་ག་ཙིཏྟ་ཛ་ལ་རཾ་མཱ་ར་ཡ་ཧཱུཾ་ཕཊ། ཅེས་སྦྱིན་སྲེག་བྱའོ།། སྦྱིན་སྲེག་བྱ་བའི་ལེའུ་སྟེ་དགུ་པའོ།། །། དེ་ནས་མནན་པའི་རིམ་པ་ནི།། ལྷ་བསྒོམ་རྫས་བསག་མནན་སྔགས་བཟླས།། ཁྱད ་པར་ལྷ་ཆེན་རི་རབ་འཛིན།། རྫས་བསག་པ་ཡི་རིམ་པ་ནི།། ཆུ་སྲིན་ཉ་སྲམ་སྤྲེ་ཐོད་དུ།། ཐལ་བ་དག་ནི་བླུགས་བྱ་སྟེ།། རྟ་མགྲིན་བྱ་ཁྱུང་འདྲ་བ་བསམ།། ཆུ་སྲིན་འདྲ་བའི་ཁ་རུ་བཙང་།། ནཱ་ག་མཱ་ར ་ཡ་ནན་སྟཾ་བྷ་ཡ་ནན། ཨོཾ་ལཾ་ཧཱུཾ་ལཾ་སྟཾ་བྷ་ཡ་ནན། ཞེས་གནན་པར་བྱའོ།། མནན་པའི་ལེའུ་སྟེ་བཅུ་པའོ།། །། དེ་ནས་ལས་བཞིའི་སྦྱིན་སྲེག་གསུངས།། དཔལ་ཆེན་རྟ་མཆོག་རྒྱལ་པོ་ཡི།། ལས ་ཀྱི་འབྲས་བུ་མངོན་དབྱུང་ཕྱིར།། ལས་བཞིའི་སྦྱིན་སྲེག་བཤད་པར་བྱ།། དེ་ཡང་ཕྲིན་ལས་རྣམ་བཞི་ལ།། དུས་དང་ཕྱོགས་དང་ཟབ་དང་ནི།། རྫས་དང་སྔགས་དང་ལྷ་བསྒོམ་དང་།། སྤྱི་དོན་བདུན་དུ ་ཤེས་པར་བྱ།། དུས་ནི་རྒྱས་པ་སྔ་དྲོ་ལ།། དབང་ནི་ཉིན་ཕྱེད་ཞི་བ་སྲེད།། དྲག་པོ་ཉིན་མཚན་གུང་ལ་བྱ།། ཕྱོགས་ནི་ཞི་བ་ཤར་དུ་བལྟ།། རྒྱས་པ་ལྷོ་ལ་དབང་ནི་ནུབ།། དྲག་པོ་བྱང་དུ་བྱ་བར ་བཤད།། ཟབ་ནི་ཞི་བ་ཟླུམ་པོ་ལ།། རྒྱས་པ་གྲུ་བཞི་དབང་ཟླ་གམ།། དྲག་པོ་མཐིང་ནག་གྲུ་གསུམ་མོ།། ཤིང་ནི་ཡལ་ག་རྒྱས་པ་ལ།། ཞི་བ་རྩེ་མོ་དབང་ལ་ལྷུན།། དྲག་པོ་རྩ་བའི་ཤིང ་ལ་བྱ།། རྫས་ནི་ཞི་བ་ཏིལ་དང་མར།། རྒྱས་པ་ཞོ་དང་འབྲས་ཆན་དང་།། དབང་ལ་མངར་བའི་རྫས་ལ་བྱ།། དྲག་པོ་དུག་ཁྲག་ཚ་བའི་རྫས།། སྔགས་ནི་ཞི་བ་ལ་ཤཱན་ཏིང་ཀུ་རུ་སྭཱ་ཧཱ། རྒྱས་པ་ལ་པུཥྚི ་ཀུ་རུ་སྭཱ་ཧཱ།། དབང་ནི་པ་ཤང་ཀུ་རུ་སྭཱ་ཧཱ། དྲག་པོ་མཱ་ར་ཡ་ཕཊ། ལྷ་ནི་རྣམ་པ་གཉིས་ཡིན་ཏེ།། མེ་ལྷ་དང་ནི་དཀྱིལ་འཁོར་ལྷ།། གཉིས་ཀ་ཞི་བ་སྐུ་མདོག་དཀར།། རྒྱས་པ་སེར་པོ་དམར་པོ ་དབང་།། དྲག་པོ་སྐུ་མདོག་ནག་པོར་བསྟན།། སྤྱི་ཡི་དོན་སྐོར་རྣམ་བདུན་གྱིས།། པདྨའི་ལས་བཞིའི་སྦྱིན་སྲེག་རྫོགས།། ཞེས་གསུངས་སོ།། ལས་བཞིའི་སྦྱིན་སྲེག་མཐར་དབྱུང་བའི་ལེའུ་སྟེ་བཅུ ་གཅིག་པའོ།། །། དེ་ནས་ཀླུ་རྒྱལ་རྫུ་འཕྲུལ་གྱི་ལེའུ་ལས། ས་བདག་ཀླུ་གཉེན་འདུལ་བ་དང་།། ཀླུ་ནད་གསོ་བའི་ལེའུ་ལས།། བདག་ཉིད་དབང་ཆེན་སྐུར་བསྒོམས་ལ།། དབུ་ལ་རྟ་མཆོག ་འཐོན་པ་སྟེ།། བྱ་ཁྱུང་རིགས་ལྔ་བསྒོམ་པར་བྱ།། རྡོ་རྗེའི་གཤོག་པ་རེ་རེ་ལ།། བྱ་ཁྱུང་རེ་རེས་གཏམས་པ་ཡིས།། ཐམས་ཅད་དབང་དུ་སྡུད་པ་དང་།། ཀླུ་གཉེན་འདུལ་བའི་གཉེན་པོར་བརྟག། དེ་ལ ་སྔགས་ཀྱི་རིམ་པ་ནི།། ཨོཾ་བཛྲ་ཀྲོ་དྷ་ཧ་ཡ་གྷི་ཝ་ཧུ་ལུ་ཧུ་ལུ་ཧཱུཾ་ཕཊ། ན་མོ་བྷུདྡྷཱ་ཡ། བཛྲ་ཀཱི་ལི་ཀཱི་ལ་ཡ། ནཱ་ག་དུན། ཙནྡེ་ཙནྡེ། མི་ལི་མི་ལི། བན་དྷ་བན་དྷ། ནཱ་ག་ནི་སྭཱ་ཧཱ། ཨོཾ་བཛྲ་པཱ་ནི་ག་རུ་ཊ་ཀཱ་ཡ ་ཛ་ལ་ནཱ་ག་རུ་པ་ཡ། མཱ་ཧཱ་རཱ་ཛ་ཀྲོ་དྷ་བྷེ་ཡ་བྷེ་ཡ། བཛྲ་དུན་ཏེ་ཛ་ལི་ཏ། ནཱ་ག་སརྦ་ཨཱ་ཀཎྜ་ཏ་ཡ། གྷཱ་ཏ་ཡ་གྷཱ་ཏ་ཡ། ནཱ་ག་པ་ལ་པྲ་ཧ་ར་པྲ་ཧ་ར། ཀྲ་མ་ས་ར་ས་ར་ཨུ་ཙྪ་ཏ་ཡ་ཕཊ། ན་ག་བོ་དྷ་ཡ་ཁ་ད ་ཡ་ཁ་ད་ཡ། ནཱ་ག་སརྦ་དུཥྚན་ཛི་བི་ནི་ཧ་ར་པྲ་མ་ཀ་ནཱ་ག་བི་དཱ་ར་ཡ་ཏི་ལིང་ག་ལེ། ནཱ་ག་བྷསྨི་ཀུ་རུ་ཧཱུཾ་ཕཊ། དེ་སྐད་བཟླས་ཤིང་གདུལ་བར་བྱ།། དྲག་པོའི་སྔགས་བརྗིད་ལྡན་པ་འདིས། ཀླུ་རྣམས ་ཀུན་ཀྱང་གསོད་པར་འགྱུར།། གདུག་པ་གཞན་ལ་སྨོས་ཅི་དགོས།། ཀླུ་རྒྱལ་རྫུ་འཕྲུལ་ཀླུ་གཉེན་ས་བདག་འདུལ་བའི་ལེའུ་སྟེ་བཅུ་གཉིས་པའོ།། །། དེ་ནས་སྔགས་དང་རྫས་ཀྱི་བསྲུང་བ ་འདི་གསུངས་སོ།། ཨོཾ་ཧྲཱིཿཔདྨཱནྟ་ཀྲྀཏ་ཧཱུཾ་ཛ། མ་ཧཱ་ཀྲོ་དྷ་ཧཱུཾ་ཕཊ། ཅེས་སྐུའི་སྔགས་སོ།། ཨཱ~ཾ་ཧཱུཾ་ཨེ་ཨཱ་ར་ལི་ཧྲི་ཧྲི་ཛ། ཞེས་གསུང་སྔགས་སོ།། མ་ཧཱ་སྲོག་ཤག་ཐུན་བྷྱོ་ཕཊ། ཅེས་པ་ཐུགས་ཀྱི་སྔགས ་སོ།། དང་པོ་དབང་གི་སྐུ་རུ་བསྐྱེད།། གཉིས་པ་ཁམས་གསུམ་དབང་དུ་སྡུད།། གསུམ་པ་ཐམས་ཅད་ལས་ལ་འཛུད།། ལས་སྔགས་འདི་ལ་མཐའ་སྦྱར་ཏེ།། རེ་རྩེ་རེ་བྷུ་ཏེ་ལེ་བུ། ཊ་ད་ལ་བུ་ནན། ཧྲི ་ཀར་རྩེ་རྩེ་བྷྱཱཾ་བ་བ་ཏུ་མ་ཨོཾ་ག་ཏ་ག་ཏིག། མུག་མུག་ཏི་ཏི་རི་སད། མཆུ་ཡི་སྔགས་རྒོད་ཀླུ་ཐམས་ཅད་སེལ་བའོ།། ཨཱིཾ་ཨ་པ་ཏ་ཨ་པ་ཏ། འབྲུག་ཐོག་འབྲུག་ཐོག་ནན་སད་ནན་སད། ཏི ་ཏི་སཾ་ཧ་རི་སད། པཾ་སད་ཐུམ་རིལ་སད། ཐུམ་ཤི་སད་སྭཱ་ཧཱ། སྡེར་མོའི་སྔགས་སྙིང་ནས་འདྲེན་པ་སྟེ། ཀླུ་ནད་ཐམས་ཅད་སེལ་བར་བྱེད་པའོ།། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨོཾ་ཨཱ~ཾཿཧཱུཾ ་ཕཊ། ཨཽ་བཛྲ་ཀྲོ་དྷ་ག་རུ་ཊ། མ་ཧཱ་ག་རུ་ཊ། ན་ག་མཱ་ར་ཎ་དུན་དུན། ནཱ་ག་མཱ་ར་ཎ་མྱོགས་མྱོགས། ནཱ་ག་མར་ཎ་བྱིང་བྱིང་། ཐུམ་རི་ལི་ལི་ཛ་ཛ། རྟག་ཏུ་བཟླས་ཤིང་ཀླུ་ལས་གྱུར་པའི་ནད ་རིགས་ཐམས་ཅད་ལ་གདབ་བོ།། དྲག་སྔགས་གསང་བ་ལས་ཀྱི་སྔགས།། ཀླུ་གདུག་འདུལ་བའི་སྔགས་རྒོད་ཡིན།། མཛེ་ནད་ཐམས་ཅད་སེལ་བར་བྱེད།། དྲག་པོའི་སྔགས་རྒོད་བསྟན་པའི་ལེའུ་སྟེ ་བཅུ་གསུམ་པའོ།། །། དེ་ནས་སྔགས་རྣམས་བསྟན་པ་ནི།། ཉེ་བསྙེན་ག་ལ་དགུག་པ་འདི།། ནཱ་ག་སྲོག་ཚིག་ནན་རྦད་ལུས་བརྟུལ་ནཱ་ག་མཱ་ར་ཡ་རྦད། རཾ་རཾ་ཛ་ལ་ཛ་ལ་ཤི་ཤི།། རུལ་ཕུང་ནཱ་ག ་མཱ་ར་ཡ་རྦད་སོད། སྒྲུབ་པ་དག་ལ་རྦད་པ་ནི། ནཱ་ག་ཤིག་ནན། ནཱ་ག་བེར་རཾ། ནཱ་ག་ཆིངས། ནཱ་ག་སྟིམས་ནཱ་ག་སོད། ནཱ་ག་མགོ་ལ་ནན། ནཱ་ག་རཱ་ཛ་མཱ་ར་ཡ་ཆིངས། ལས་ལ་སྦྱར་ཏེ་བསད་པའི ་སྔགས།། ནཱ་ག་རཱ་ཛ་ཧཱུཾ། ན་ག་རཱ་ཛ་ཕཊ། ནཱ་ག་ཤུ་ཤུ་ནན། ན་ག་ཤུ་ཤུ་བེ་ར། སྙིང་ལ་ཚལ་སྲོག་ལ་རྦུད།། པྲ་ཏི་ས་མ་ཡ་ཛ་ཛ། ནཱ་ག་སྙིང་ལ་ཚལ་པ་དུམ་བུར་རྦད། སི་ཏ་སརྦ་ག་ཏ་ན་བི་ཤད་དེ་ནཱ་ག ་ནན་ཁ་ཐཾ་ཁ་ཐཾ། ཉི་མ་ས་ལ་ཟླ་བ་ནན། ཀླད་པ་ནན། རྩི་ཏི་ཀུ་ལིང་ནན། ཀུ་ན་ཤི་རྩི་ཏྲི་མུ་ཏྲ་བཟློག་བྱེད། ནཱ་ག་ཤིག་ནཱ་ག་ནན། ནཱ་ག་མགོ་ལ་ནན། ན་ག་རཱ་ཛ་བིར་བེར་ཕཊ་རྦད། ཀླུ་བཙན་ཐལ ་བར་བརླག་པ་ནི། ཡ་མ་ཤུ་ཤུ་སོད། ཡ་མ་ཤུ་ཤུ་རྦད། ཡ་མ་ཤུ་ཤུ་ནན། ཀླུ་བདུད་དག་ལ་བརྡེག་པའི་སྔགས།། ནག་པོ་ཤུ་ཤུ་མགོ་ལ་ནན། ནག་པོ་ཤུ་ཤུ་རྦད། ནག་པོ་ཤུ་ཤུ་ནན་རྦད། ས་བདག་དག ་ལ་བརྡེག་པ་ནི། ས་གདོན་ནག་པོ་སོད། ས་ཁྲག་མཱ་ར་ཡ་རྦད། ཀླུ་བསེན་དག་ལ་བརྡེག་པའི་སྔགས།། ཡ་མ་ཡཾ་ཏྲི་ནན་རྦད། ཡ་མ་ཡཾ་ཏྲི་སོད། ཡ་མ་ཡཾ་ཏྲི་ནན། རཀྟ་མཱ་ར་ཡ་རྦད། གཉན་ལ་བརྡེག ་པའི་སྔགས་འདིའོ།། རྩག་ཀྲྀ་རུ་ཏྲི་རྦད། རྩག་ཀྲྀ་རུ་ཏྲི་རྦུད། རྩག་ཀྲྀ་རུ་ཏྲི་སོད། དུ་མ་མཱ་ར་ལ་ཟད། རྒྱལ་པོ་དག་ལ་བསྣུན་པ་ནི། རཱ་ཛ་ཟང་ཟང་ཤི་ཤི་རྦད། ཏྲང་རིལ་ཏྲང་རིལ་ཐུམ། ཀྱི་མཐར་ག་མ ་ཏང་། ཁུག་ཤེལ་ཁུག་ཤེལ། རཱ་ཛ་མ་རཱ་ཡ་རྦད་རྦད། གཟའ་ལ་བརྡེག་པའི་དྲག་སྔགས་ནི། ནཱ་ག་ཡ་ཏིག་ནན། དུ་མ་མཱ་ར་ཡ་ཛ་ལ་རྦད། དྷི་རི་དྷི་རི་ཕུང་ཕུང་སོད། ནཱ་ག་རཱ་ཛ་མཱ་ར་ཡ། བྲུཾ་བྲུཾ་རི་ལ ་རིལ་ཤི་ཤི་རྦད། མ་ཏི་ཡ་མ་ནཱ་ག་མཱ་ར་ཡ་བྲུཾ་རི་ལི་ལི། ཞུང་ཞུང་མྱོགས་རྦད། ཀླུ་ལ་སོགས་པ་ཐམས་ཅད་ལ་བརྡེག་ཅིང་བསད་པའི་སྔགས་ཀྱི་ལེའུ་སྟེ་བཅུ་བཞི་པའོ།། །། ནཱ་ག ་ཀླུ་འདུལ་རྒྱུད་ལས་ནི། བསད་པའི་ཐུན་བསྒྲུབ་འདི་གསུངས་སོ།། དེ་ལ་ཐུན་ལུམ་ཐུན་འདིའོ།། ལྕགས་ལ་སོགས་པའི་ཐུན་ལུམ་ལ།། གསང་སྔགས་འདི་ཡིས་གདབ་པར་བྱ།། ནཱ་ག་ཧཱུཾ་བྲུཾ་རི་ལ་རྦད།། ་ཅེས་པ་ཁྲི་དང་སྟོང་བཟླས་ནས།། བརྒྱབ་པས་གནོད་བྱེད་བརླག་པར་འགྱུར།། རྡོ་རྗེའི་ཐུན་ནི་བསྟན་པ་ཡིན།། དེ་ལ་བྱེ་ཚན་ཐུན་བསྟན་པ།། ཟངས་ཕྱེ་ལྕགས་ཕྱེ་རྡོ་ཕྱེ་ལ།། སྔགས་འདི་བཟླས་ཏེ ་གདབ་པར་བྱ།། ནཱ་ག་ཨག་ནི་ཛ་ལ་རཾ། མཱ་ར་ཡ་རྦད། ཁྲི་ཚོ་སུམ་སྟོང་བཟླས་ལ་གདབ།། ནཱ་ག་ཨག་ནི་ཛ་ལ་རཾ་མཱ་ར་ཡ་རྦད། ཅེས་པ་ཁྲི་ཚོ་སུམ་སྟོང་བཟླས།། ཆུ་འགྲམ་བྱེ་མ་དག་དང ་བསྲེས།། རྟེན་ལ་བཏབ་ན་འཚིག་པར་འགྱུར།། དེ་ནས་དུག་ཐུན་བསྟན་པ་ནི།། དུག་སྣ་ཚོགས་ལ་སྔགས་འདི་བཟླས།། ནཱ་ག་རཀྵ་ཏ་ཐ་དུག་ཐུ་རིལ་མཱ་ར་ཡ་ཕཊ། ལྔ་སྟོང་བརྒྱད་དང་རྩ་བརྒྱད ་བཟླས།། ཀླུ་རྣམས་མྱོས་ཤིང་འཐིབས་པར་འགྱུར།། དེ་ནས་ཕུར་བུའི་ཐུན་བསྟན་པ།། དུག་ཤིང་ཕུར་པ་སོར་བརྒྱད་ལ།། སྔགས་འདི་བཟླས་ཤིང་སྔགས་པར་བྱ།། ནཱ་ག་ཀཱི་ལི་ཀཱི་ལ་མཱ་ར་ཡ་ཕཊ། ་སྟོང་དང་ཉིས་བརྒྱ་བཟླས་བྱས་ནས།། ཕུར་པ་ལིངྒ་དག་ལ་བརྡེག། ཀླུ་རྣམས་ཐམས་ཅད་བརླག་པར་འགྱུར།། དེ་ནས་སྐེ་ཙེའི་ཐུན་བསྟན་པ།། སྐེ་ཚེ་ལ་ནི་སྔགས་འདི་བཟླས།། ནའ་ག་རཾ་རཾ་ཛ་ལ་མཱ ་ར་ཡ་རྦད།། སྟོང་དང་རྩ་བརྒྱད་བཟླས་བྱས་ནས།། ཀླུ་ལ་བཏབ་ན་འཚིག་པར་འགྱུར།། གུ་གུལ་ར་གཞོབ་ཐུན་བསྟན་པ།། ཁྱི་ལུད་མི་གཙང་སྣ་ཚོགས་ལ།། སྔགས་འདི་བཟླས་ཏེ་བརྡེག་པར ་བྱ།། ནཱ་ག་ཐིབས་ཐིབས་མཱ་ར་ཡ་ཧཱུཾ་ཕཊ། ཅེས་སུམ་སྟོང་བཟླས་ནས་བཏབ་པ་ན།། གདོན་རྣམས་ཐམས་ཅད་འབྲོས་པར་འགྱུར།། དུག་ཤིང་ལྕུག་གི་ཐུན་བསྟན་པ།། ཀ་ར་བཱཾ་རའི་ལྕགས ་མའམ།། སེར་ཤིང་སྨྱུག་ཤར་ལྕུག་མ་ལ།། སྔགས་འདི་བཟླས་ཤིང་བརྡེག་པར་བྱ།། ནཱ་གཞུང་ཞུང་རྦད་རྦད་མཱ་ར་ཡ་རྦད། ཁྲི་དང་དྲུག་སྟོང་བཟླས་ཤིང་བརྡེག། ནད་པ་ལ་ནི་བདུག་ལ ་བརྡེག། གདོན་རྣམས་ཐམས་ཅད་འཆིང་བར་འགྱུར།། ཀླུ་ཡང་སྐད་ངན་ཙེ་རི་འོང་།། ཐུན་བསྟན་པའི་ལེའུ་སྟེ་བཅོ་ལྔ་པའོ།། །། ན་ག་ཀླུ་འདུལ་རྒྱུད་ལས་ནི།། ལས་ཀྱི་མཐའ་བརྟུལ ་ཟོར་ཐུན་གསུངས།། མེ་ཟོར་ལས་ཀྱི་མཐའ་བརྟུལ་ནི།། ཕྲིན་ལས་རྣམ་བཞིའི་ལས་དང་ནི།། དྲག་པོའི་སྦྱིན་བསྲེག་མེ་རོ་ལ།། སྔགས་འདི་བརྒྱ་རྩ་བརྒྱད་བཟླས་བརྡེག། ནཱ་ག་ཨག་ནི་མ་ཏི་བྷྱོ ་བྷྲཱུ~ཾ།། ཞེས་ཀླུ་ལ་བཏབ་ན་འཆོག་པར་འགྱུར།། དེ་ནས་རྡོ་ཡི་ཟེར་ལས་བསྟན།། ལྕགས་ཀྱི་རྡོ་ལྔ་བསྲེག་བྱ་ལ།། གནོད་པའི་བགེགས་ལ་སྔགས་འདས་འཕང་།། ན་ག་ཟུ་ཐུ་མཱ་ར་ཡ ་དུག་ཐུ་རིལ་བྷྱོ།། ཞེས་པ་བརྒྱ་རྩ་བརྒྱད་བཟླས་སོ།། རྡོ་བསྲེགས་འུར་རྡོར་བཅུག་ལ་འཕང་།། ཀླུ་རྣམས་ཐམས་ཅད་འཚིག་པར་འགྱུར།། དེ་ནས་ཕུར་བུའི་ཟོར་བསྟན་པ།། གདུག་པ་ཅན་གྱི་ཤིང ་རྣམས་ལ།། ཕུར་པ་སོར་བརྒྱད་བྱས་ནས་ནི།། སྔགས་འདི་ཁྲི་དང་བརྒྱ་སྟོང་བཟླས།། ནཱ་ག་ཀཱི་ལི་ཀཱི་ལ་ཡ་མཱ་ར་ཡ་ཕཊ།། གནོད་སར་བཏབ་ན་བརླག་པར་འགྱུར།། དེ་ནས་མདའ་ཡི་ཟོར་ལས ་བསྟན།། མདའ་ཡི་ནང་དུ་དུག་ཁྲག་སྐེ་ཚེ་བླུགས།། མདེའུ་ལ་གནོད་པའི་མིང་བྲིས་ལ།། སྔགས་འདིས་འཕང་ཞིང་བརྡེག་པར་བྱ།། ནཱ་ག་ར་ཡ་ཐུན་བྷྱོ།། ཞེས་པ་སྟོང་དང་རྩ་བརྒྱད་བཟླས།། གནོད ་པའི་ས་རུ་འཕང་བར་བྱ།། གནོད་བྱེད་མ་ལུས་གསོད་པར་འགྱུར།། ཁྲག་དང་དུག་གི་ཟོར་བསྟན་པ།། རབས་ཆད་ཐོད་པར་དུག་སྣ་ཚོགས།། ཁྲག་སྣ་ཚོགས་ཚད་བླུགས་པར་བྱ།། སྔགས་འདི ་བཟླས་ཤིང་བརྡེག་པར་བྱ།། ཁྲག་ཏི་མཱ་ར་ཡ་རྦད་བྷྱོ།། སྟོང་དང་ལྔ་ཁྲི་བཟླས་བྱས་ལ།། ཐོད་པ་གནོད་པའི་ཕྱོགས་སུ་འཕང་།། གནོད་བྱེད་མྱོས་ཤིང་འཆིང་བར་འགྱུར།། དྲག་པོ་ཟོར་ཐུན་ལས་སྦྱོར ་འདིས།། ནཱ་ག་གདུག་པའི་ཚོགས་རྣམས་ནི།། ཐམས་ཅད་མ་ལུས་བརླག་པར་བྱེད།། དྲག་པོའི་ལས་ཐུན་བསྟན་པ་ཡིན།། ཟོར་ཐུན་བསྟན་པའི་ལེའུ་སྟེ་བཅུ་དྲུག་པའོ།། །། བཟློག་པའི ་ལས་ཞིག་བཀའ་སྩལ་པ།། རང་ཉིད་དབང་ཆེན་ཏིང་འཛིན་བསྒོམ།། སྔགས་འདི་ཉུང་དཀར་དག་ལ་བཟླས།། ཨོཾ་ཧྲཱི་པདྨནྟ་ཀྲྀཏ་ཧཱུཾ། ཨོཾ་བཛྲ་མ་ཧཱ་ཀྲོ་ཏ་ཧཱུཾ་ཕཊ། བཾ་ཧཱུཾ་ཨེ་ཨཱ་ར་ལི་ཧྲི་ཧྲི་ཛ། ཨེ་ཧ་རི་མ ་ཧཱ་ཧ་རི་ཏ་ས་ལ་ཏ་ས་ལ། ཧ་རི་ཧ་རི་ནི་ཧཱུཾ་ཕཊ། བྷྱོ་བྷྱོ་ས་མ་ཡ་བཟློག་བཟློག། ཨ་ལ་ལ་པྲ་མ་དུ་རུ་ཀ་བྷྱོ་བྷྱོ། མ་ཧཱ་པ་ཀྵ་ཕཊ། ཐུན་བྷྱོ་བྷྱོ། སྔགས་པ་ནང་འགྲས་བྱུང་བའམ།། དགྲ་བགེགས་དྲག ་པོའི་གནོད་ཕྱོགས་སམ།། རི་གཟར་ཁ་ཡི་རྦབ་བྱུང་བཟློག། དགྲ་བགེགས་མངོན་སུམ་སྨོས་ཅི་དགོས།། མི་མ་ཡིན་པ་ཐམས་ཅད་བཟློག། ཐལ་ཆེན་ལ་སྔགས་སེར་བ་བཟློག། ཨོཾ་ཏ་ཀྲི་ཛ་ཏི་བི་ཛ་ཏི། ་ཧུ་ཡ་ཧུ་ཡ། ཧུ་ལུ་ཧུ་ལུ། སུ་རུ་ཏི་སྭཱ་ཧཱ། ཀླུ་ཡི་བྱད་དང་གཏད་མནན་བཟློག། ཁྱད་པར་གྱི་བཟློག་པ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་དགུག་པའི་ལས་བསྟན་པ།། མདུན ་དུ་གྲུ་གསུམ་ཁྲུ་གང་བྲུ།། ནང་དུ་ཀླུ་གཉེན་སྣ་ཚོགས་གཟུགས།། ཤོག་ཤོག་ལིངྒ་བྲིས་ལ་གཞུག། རང་འཐག་རྡོ་རྗེ་རྒྱ་གྲམ་གྱིས།། འབྲུབ་ཁུང་ཁ་བཅད་རྟ་རྨིག་མནན།། དེ་ནས་དགུག་གཞུག་བྱ་བ ་དེ།། རང་ཉིད་རྟ་མཆོག་སྐུར་བསྒོམས་ལ།། སྔགས་འདི་བཟླས་ཤིང་རྟ་རྨིག་བརྡུང་།། རུ་རུང་རྡུང་རྡུང་ཁུག་ཛ། རུག་ཐ་ཐན་རི་ཉེ་ལུག་ཛ། ཏི་རྦད་ནཱ་ག་ཉུར་ར་རམ་ཁུག་ཛ། ཅེས་གནོད ་བྱེད་དགུག་ཅིང་རྟ་སུག་བརྡུང་།། གདུག་པ་གཟེར་ཅིང་བརྡུང་བར་བྱ།། གནོད་བྱེད་གང་ཡིན་སོད་པར་འགྱུར།། འབྱུང་པོ་མ་ལུས་སོད་འགྱུར་ན།། དགྲ་བགེགས་གཞན་ལྟ་སྨོས་ཅི་དགོས།། དགུག ་ཅིང་བརྡུང་བའི་ལེའུ་སྟེ་བཅོ་བརྒྱད་པའོ།། །། དེ་ནས་ནཱ་ག་ཀླུ་ཡི་དུག། མི་ལ་ཞུགས་པའི་རྟགས་བསྟན་པ།། རུས་པ་དག་ལ་ཞུགས་པ་ན།། ལུས་པོ་སྐམ་ལ་ཟུག་གཟེར་ཆེ།། ཟང་ངེ་ན་ཞིང་དྲི ་མི་ཞིམ།། ཤ་རོ་འབྱུང་བ་ཤ་ཡི་རྟགས།། རྩ་ལ་ཞུགས་པའི་མཚན་ཉིད་ནི།། ལུས་སྦྲིད་བེར་བེར་བྱེད་པ་དང་།། སྒྱིད་ལུག་པ་དང་སྦྲིད་ལྕི་དང་།། ཚ་ཞིང་ཚ་འབྲབ་བྱེད་པ་དང་།། ཚ་བེར་ཚ་སྒྲེང་ཞུགས ་པ་དང་།། ཚ་ཐང་ཚ་ཀེར་བྱེད་པ་དང་།། ཡན་ལག་ན་བ་རྩ་ཡི་རྟགས།། ཁྲག་ལ་ཞུགས་པའི་མཚན་ཉིད་ནི།། ལུས་ལྕི་སྣ་ཁྲག་སྐབས་སུ་འཛག། ཚ་བེར་འདིར་བ་དཀའ་བ་ཡིན།། ནང་ཁྲོལ་དག་ལ ་ཞུགས་པ་ནི།། གློ་སྙིང་མི་བདེ་སྟོང་སྔགས་བྱེད།། སྙིང་མི་བདེ་ལ་ཚ་ལྟར་ཕྱོ།། བཅུད་ལ་ཆུད་པའི་རྟགས་བསྟན་པ།། ཁུ་ཆུ་མི་འབྱུང་དབང་པོ་ཉལ།། ཁུ་བ་སྒྲོ་མར་འབྱུང་བ་དང་།། ཆུ་ནི་དངས ་སྙིགས་བྱེ་ནས་འོངས།། ཆུ་ལ་ཞུགས་པའི་མཚན་ཉིད་ནི།། སྣ་ཆུ་སྐྱ་བོར་རྟག་ཏུ་འཛག། སྦུགས་ནི་ཆུ་ནི་རྒྱ་སྐྱེགས་ཁུ་བ་འདྲ།། མིག་རྩ་རུལ་ཏེ་སེ་རུ་འབྱུང་།། ལུས་ཀྱི་སྟོབས་ལ་ཞུགས་པ་ན།། སྒྱིད ་ཞུམ་པ་དང་ཉལ་ཉལ་བྱེད།། ལུས་ཀྱི་མདོག་ལ་ཞུགས་པ་ནི།། ལྕེ་མདོག་འོལ་མ་ཟེ་ལྟར་དམར།། དམར་པོ་ཐིག་ལེ་འོང་བའོ།། བྱིངས་ལ་ཞུགས་པའི་མཚན་ཉིད་ནི།། ལུས་ལྕི་སྣ་ཁྲག་སྐབས་སུ ་འཛག། ལུས་ལ་གཉེར་ཆུང་ཁེབས་པ་དང་།། ལག་སོར་བྱི་གཞུག་འདྲ་བར་འོང་།། རེག་པ་དག་ལ་ཞུགས་པ་ནི།། སྣ་རྩེ་ཚ་ཞིང་བེར་བེར་བྱེད།། ཆུ་རྒྱུས་དག་ལ་ཞུགས་པ་ནི།། ཡན་ལག་རེངས་ཤིང ་ན་བ་དང་།། ཤ་བུར་འདྲ་ཞིང་ཚིགས་རྣམས་འཁོར།། ཆུ་སེར་དག་ལ་ཞུགས་པའི་རྟགས།། ལུས་པོ་ཚ་ཞིང་ཁོལ་བ་དང་།། ཚ་ལ་ཅག་ཅིང་ཚ་ལ་འཇིབས།། ལུས་ལ་འབྲུམ་རྗེས་ཐག་ཐུག་འོང་།། ཀླད ་པ་དག་ལ་ཞུགས་པ་ནི།། སྐྲ་བྱེ་བེམ་བེམ་བྱེད་པ་དང་།། གདོང་བཀྲག་ཆུ་ནི་མི་ཆགས་པའོ།། ལྷ་བ་དག་ལ་ཞུགས་པ་ནི།། གདོང་བ་དག་ནི་ཡར་ཡལ་བྱེད།། གདོང་བ་གྲང་ནི་སེང་སེང་བྱེད།། ལུས ་ལ་ཞུགས་པའི་མཚན་ཉིད་ནི།། ལུས་ལ་ཚོར་བ་མེད་པ་ཡིས།། གདོང་བ་ལ་སོགས་ཤ་འགུལ་འོང་།། རུས་པ་དག་ལ་ཞུགས་པ་ནི།། རྐང་ལག་ཚིགས་བཞིའི་རུས་རྣམས་ཁོལ།། བྱད་ཀྱི་རུས་པ་ཁོལ ་ཞིང་ན།། ན་ཚ་མེད་པར་ཕོལ་མིག་འོང་།། སོར་མོ་འབྲུལ་ཞིང་རྐང་ལག་འཆད།། ཁ་མིག་སླེ་ཞིང་མཆུ་ཡང་སླེ།། བྱད་ནི་སྲབ་ཞིང་ལེབ་པར་འོངས།། སྣ་ལྤགས་དག་ལ་ཞུགས་པ ་ནི།། དང་པོ་རང་ནས་བྱད་ཀྱང་བཟློག། བྱད་ལུགས་གདོང་བའི་ཤ་ཡང་འཆོར།། སྨིན་མ་འཚོར་ཞིང་མིག་ཕུགས་ལུག། གཞུག་ཏུ་སྣ་ཡང་འཆད་པར་འགྱུར།། དེ་ནི་གསོ་བར་དཀའ་བ་ཡིན།། ཤ་རོ ་འོང་ཞིང་ཤ་རོ་མང་བ་དང་།། བས་ལྡག་རྒོང་པ་ཐོར་བ་འོང་།། རྒྱ་ཐོར་མང་ལ་ལུས་པོ་ཟ།། སྨིན་མ་ཟ་ཞིང་སྨིན་ཕྲག་ཟ།། ལུས་དང་ཤ་འཕྲིག་མང་བ་དང་།། སྐབས་སུ་སྐྲ་ལ་སྐབས་སུ ་དམར།། ཕགས་པ་དག་ལ་ཟིན་པ་ནི།། ལུས་པོ་སྦྲིད་ལ་སྙམ་བྱེད་དང་།། རྐང་ལག་སྦྲིད་པ་མང་བ་དང་།། ཤ་ལྤགས་མཚམས་ནས་ཟ་བ་དང་།། ཤ་ལྤགས་ན་ཞིང་ཚ་བ་དང་།། སེམས་ཅན་འགུལ ་སྙམ་བྱེད་པ་དང་།། རོ་སྟོད་ཉ་བཞི་འགུལ་བ་དང་།། མིག་ཀོང་གཏིང་ནས་འགུལ་བ་དང་།། མཆུ་འགུལ་འཕྲིག་པ་མང་བ་འོང་།། ཤ་ལྤགས་མཚམས་སུ་ཞུགས་པ་ཡིན།། རྩ་རྣམས་འཁྱུག་ཅིང་བྲེང ་བ་དང་།། ཁྲག་ལུད་མིག་ནི་དམར་བ་དང་།། སྣ་ཁྲག་རྒྱུན་དུ་འཛག་པ་དང་།། བྱད་ལུས་དམར་ལ་ཐིག་ལེ་འོང་།། ལུས་དང་རྐང་ལག་བྲོ་ཞིང་ཚ།། རྨུན་ལོང་བྱད་ལུས་དབུར་ཞིང་སྐྲངས།། དེ་ཡང་ཚ ་ཞིང་བྲོ་བར་འོང་།། ན་ཚ་ཡར་འགྲོ་མར་འགྲོ་བྱེད།། སྣ་འགགས་ལུས་ལྕི་བྱད་མི་བདེ།། མི་གཙང་འཁོན་དང་ཐབ་ལ་སྔར།། དེ་ནི་རྩ་ལ་ཞུགས་པའི་རྟགས།། དེ་ལྟར་ནད་ངོས་བཟུང་བྱས་ལ།། ཟིན ་པ་གཉན་དང་མི་གཉན་དང་།། གསོ་བ་དཀའ་སླ་ཤེས་པར་བྱ།། སྔོན་གྱི་རྣམ་སྨིན་མ་ཡིན་ན།། སྲུང་བའི་སྦྱོར་བས་སོས་པར་འགྱུར། ཀླུ་ཡིས་ཟིན་པའི་རྟགས་ཀྱི་ལེའུ་སྟེ་བཅུ་དགུ ་པའོ།། །། དེ་ནས་རྨི་ལྟས་རིམ་པ་ནི།། གནོད་པའི་རྟགས་རྣམས་བསྟན་པ་ནི།། རྟག་ཏུ་རང་ཤ་ཟ་བ་དང་།། ལུས་ལ་ཁྲུས་དག་བྱེད་པ་དང་།། རྒྱ་གྲམ་ལམ་ན་ཉལ་བ་དང་།། རྒྱ་རུ་འཛུལ་དང ་འཕུར་པ་རྣམས།། ངན་པའི་རྟགས་སུ་ཤེས་པར་བྱ།། གཞན་ཡང་རྟག་ཏུ་ཤ་ཟ་དང་།། ཁྱི་ཕག་བྱ་དང་ཉ་སྦྲུལ་དང་།། བྱོལ་སོང་རྣམ་པ་སྣ་ཚོགས་དང་།། རྟག་ཏུ་མི་གཙང་གོས་ནག་གོན།། ངན་པའི ་རྟགས་ཏེ་རིམ་གྲོ་འབད།། ཡང་ན་བཟང་རྟགས་ངན་རྟགས་དང་།། རྣམ་པར་སྨིན་པའི་རྟགས་དང་གསུམ།། དེ་ལ་དང་པོ་བསྒྲུབ་པའི་རྟགས།། བདག་གིས་མཐོང་ཡུལ་ཟོ་ཕྱི་རུ།། ཉ་སྦྲུལ་སྦལ་ལྕོང ་ཤི་བ་དང་།། བྱ་ཡིས་གོད་ཤ་ཟ་བ་དང་།། བྱ་ཡིས་བདག་གི་བྲག་གཞི་བ་དང་།། རྒྱ་མཚོ་སྐམ་གནས་འདུག་པ་དང་།། དེ་ན་སེམས་ཅན་ཤི་བ་དང་།། སེམས་ཅན་ཐམས་ཅད་ཁ་བཅིང་དང་།། ལུས ་ལས་སྦལ་ལྕོང་འཐོན་པ་དང་།། དེ་རྣམས་བཟང་བའི་རྟགས་བསྟན་ཡིན།། ངན་པའི་རྟགས་རྣམས་བསྟན་པ་ནི།། སྦལ་སྦྲུལ་གློག་ལྟར་འགྱུ་བ་དང་།། སྡིག་སྦྲུལ་ཆར་ལྟར་འབབ་པ ་དང་།། ཆུ་སྲིན་འབྲུག་ལྟར་སྒྲོག་པ་དང་།། སྡིག་སྒྲིབ་སྦྱིན་ལྟར་གཏིབས་པ་དང་།། དེ་རྣམས་ངན་པའི་རྟགས་སུ་བསྟན།། རྣམ་པར་སྨིན་པའི་རྟགས་སུ་ནི།། མེ་དཔུང་འབར་བས་གདུང་བ ་དང་།། འདམ་རྫབ་ཆེན་པོར་ཆུད་པར་དང་།། ཕྱར་ནག་ལུས་ལ་གྱོན་པ་དང་།། ཕག་པ་ཞོན་ནས་ས་གཏིང་འགྲོ།། ཕྱར་བ་གོན་ནས་ཆུ་ནང་ཉལ།། འདི་རྣམས་ལས་ཀྱི་རྣམ་སྨིན་ཡིན།། འདུས་བྱས ་དགེ་རྩ་དག་ལ་འབད།། སྲོག་ཚིག་ནན་གྱི་སྔགས་བཟླས་ལ།། འབྱུང་པོ་མི་ཟན་བྱུང་བ་ན།། ཟླ་བ་གཅིག་གིས་འཚོ་བ་ཡིན།། སྦྲུལ་དུ་བྱུང་ན་ཟླ་ཕྱེད་བཟླས།། ཕྱུགས་སུ་བྱུང་ན་ཞག་གསུམ ་གདགས།། ཤ་རོ་བྱ་རྗེས་སྦལ་མིག་དང་།། ཤ་འགུལ་རྩ་འཁྱུག་བྱུང་བ་ན།། མི་བཟད་རྫས་སྦྱོར་དེ་ལ་བྱུག། ལྷག་པ་སྐྲངས་པོ་བྱུང་བ་བཞིན།། མི་བཟད་དྲག་པོའི་སྔགས་རྒོད་གདབ།། ནད་ངོས ་བཟུང་བ་འདི་ལྟར་རོ།། དཔྲལ་བར་བྱུང་བ་འཚོ་བ་བུལ།། མིག་དང་ཡན་ལག་གསོ་བ་སླ།། མཁུར་ཚོས་སྙིང་བབས་གསོར་མི་བཏུབ། རྟགས་ཀྱི་རིམ་པ་བསྟན་པའི་ལེའུ་སྟེ་ཉི་ཤུ ་པའོ།། །། དེ་ནས་བསྲུང་བའི་རྫས་བསྟན་པ།། ལྕགས་ཕུར་སེང་ལྡེང་ཕུར་པ་ལ།། སྔགས་བཟླས་ལུས་ལ་བཏགས་པ་དང་།། རིང་བསྲེལ་སྤྱི་བོར་གདགས་བྱས་ལ།། དེ་ལ་བྱ་ཁྱུང་བསྐོར ་བ་བསྒོམ།། རུས་སྦལ་ཁོག་པ་མཚན་ཁུང་གཞུག། སྟོབས་ཆེན་མཆེ་བ་གློ་ལ་གདགས།། སྲེག་པའི་རྫས་རྣམས་བསྟན་པ་ནི།། མུ་ཟི་གུ་གུལ་གླ་རྩི་བསྲེག། བཟའ་བའི་རྫས་ནི་ཤ་ཆེན་ལ།། བྱུག་པའི ་རྫས་ནི་དྲི་ཆེན་ནོ།། མཚམས་གཅད་རྫས་ནི་ཐོད་ཆེན་དང་།། ཕག་རྒོད་བྱ་ཁྱུང་གཟུགས་ཀྱིས་བྱ།། ལུས་ལ་བཅང་བའི་རྫས་བསྟན་པ།། མུ་ཟི་བཙན་དུག་གླ་རྩི་དང་།། སྒོག་སྐྱ་ཁུ་བྱུག་སྤུ་དང ་ཤ། གསེར་མ་བཞུ་དང་སྐེ་ཚེ་སྟེ།། དེ་རྣམས་བསྲེལ་ལ་ལུས་ལ་གདགས།། སྙིང་ལ་ཞུགས་པ་ཕག་རིལ་གཏང་།། མིག་ལ་བྱུང་ན་གཙང་ཤ་གཏང་།། གླ་རྩི་ཤིང་ཀུན་ཤུ་དག་དང་།། གུ་གུལ་ཉ་མཁྲིས ་མཁྲིས་ཆེན་དང་།། དྲི་ཆེན་ཉུང་དཀར་སྔགས་བཏབ་ལ།། ཆུ་ལ་བཏབ་ལ་ལྟོ་རུ་གཏང་།། ནང་ནས་དབྱུང་བའི་ཐབས་ཡིན་ནོ།། དུད་པས་བདུག་པ་བར་ནས་དབྱུང་།། ཁྲུས་བྱས་ཕྱི་ནས་དབྱུང་བར ་བྱེད།། ཕྱིས་ནས་མི་ལྡང་བྱ་བའི་ཐབས།། མི་ཐོད་ནང་དུ་བག་ཟན་ལ།། ཀླུ་གཟུགས་བྱས་ལ་ཐེམ་འགག་ནན།། བན་ཆེན་རྔ་བརྡུང་བྱེད་པ་དང་།། སྒྲོག་དང་མཐུར་སྟོད་རྨིས་ན་བཟང་།། ལྷ་སྲིན་སྡེ ་བརྒྱད་ཐུབ་པའི་རྫས།། སྟག་གི་མཆེ་སྡེར་བཙན་ཐུབ་རྫས།། བྱ་རོག་མགོ་བོ་བདུད་ཐུབ་རྫས།། མུ་ཟི་འབྱུང་པོ་ཐུབ་པའི་རྫས།། སྦྱང་ཁྱིའི་བྲུན་གྱིས་རྒྱལ་པོ་ཐུབ།། གླ་རྩི་གུ་གུལ་ཐེ ་རང་ཐུབ།། ཀླུ་རིགས་བཞི་པོ་ཐུབ་པའི་རྫས།། ཐལ་ཆེན་ཨ་མྲྀ་ཏ་དང་ནི།། མ་ནུ་གསེར་ཚིལ་བྲམ་ཟེ་ཐུབ།། ཕ་བོང་དྲེགས་པས་དམངས་རིགས་ཐུབ།། བ་གླང་ར་གཞོབ་རྗེ་རིགས་ཐུབ།། བཙན་དུག ་དང་ནི་སྐེ་ཚེ་དང་།། ཟི་ར་ནག་པོས་རྒྱལ་རིགས་ཐུབ།། རྗེ་རིགས་དབང་པོ་ལག་པ་དང་།། རྒྱ་མཚོ་ལྦུ་བ་ཆུ་སྲིན་སྡེར།། ཀཎྜ་ཀ་རིས་ཀླུ་འཁོར་ཐུབ།། སྲུང་བའི་ལེའུ་སྟེ་ཉི་ཤུ་རྩ་གཅིག ་པའོ།། །། དེ་ནས་གདུག་པའི་ནང་དབྱེ་བ།། རླུང་ལས་གྱུར་དང་མཁྲིས་པ་དང་།། བད་ཀན་ནད་ལས་གྱུར་པ་དང་།། འདུས་པ་དག་ལས་གྱུར་པ་དང་།། སྲིན་བུའི་ནད་དང་རྣམ་པ ་ལྔ།། རླུང་ལས་གྱུར་པ་སྐྱ་སྦབ་ཤུ་བ་འོང་།། མཁྲིས་པ་ལས་གྱུར་དམར་སེང་ཆུ་བུར་འོང་།། བད་ཀན་ལས་གྱུར་མཛེ་ནད་ནི།། ཤ་ལྤགས་བེམ་ལ་སྤུག་ནག་འཇིལ།། འདུས་པ་དེ་གསུམ་འདུས་པ ་ཡིན།། ད་ནི་སྲིན་བུའི་ནད་རྣམས་དབྱེ།། ཆུ་རྒྱུས་ཟིན་ན་ཞ་གྲུམ་འཐེང་།། རྩ་ལ་ཟིན་ན་ཚ་ཞིང་འཁྲུག། ལྤགས་ལ་ཟིན་ན་སྣ་ཤུ་འོང་།། ཤ་ལ་ཟིན་ན་ཕོལ་འབྲས་འོང་།། ཁྲག་ལ་ཟིན་ན་སྣ་ཁྲག ་འོང་།། གློ་སྙིང་ལ་ཟིན་སྐྱེ་ཡང་འགག། ཀླད་པ་ལ་ཟིན་མགོ་བོ་ན།། ཀླུ་ཡི་ནད་ལ་རྣམ་པ་ལྔ།། ཁ་མིག་སླེ་ཞིང་ཤ་ཡང་སྐམ།། རླུང་དང་སེར་བུའི་སྲན་ཡང་ཆུང་།། ས་བདག་དག་ལ་རྣམ་པ ་གཉིས།། ཡན་ལག་རེངས་དང་གཞོགས་སྐམས་སོ།། གཉེན་གྱིས་སྐེ་རགས་ག་ཤར་འོང་།། རྟགས་དེ་བྱུང་ན་སྨན་བཅོས་བྱ།། དེས་ཀྱང་མ་ཕན་སྔགས་ལ་གཞུག། ནད་རྣམས་བརྟག་པའི་མན་ངག ་ནི།། ཚ་ལ་མེ་དྲོད་འདྲ་ན་ཡིན།། གུ་གུལ་ནག་པོ་རྒྱ་ཚྭ་དང་།། ཡུགས་ས་མོ་ཡི་མངལ་ཁྲག་དང་།། ས་འོག་ཐལ་བ་བསྲེགས་ལ་བསྐུ།། ཚེར་མ་ཟུག་པ་འདྲ་བ་ན།། ས་དུག་པ་དང་རེ་ལྕག་པ།། ར་མོ ་ཤག་གིས་བསྐུ་བར་བྱ།། ཚ་ཞིང་འབྲུམ་བུ་བྱུང་ན་ངན།། བཙོད་ཁུ་སྤོས་ཀྱིས་བསྐུ་བར་བྱ།། ཀོར་ཚེར་ཟུག་པར་བྱུང་བ་ན།། ར་ལུག་ཐུན་པོའི་རྨང་ཁའི་སྒྲེ།། མེ་ཏོག་ཞེས་བྱའི་རྩ་ཡིས་བྱུག། རྨ་དང ་སེར་ག་བྱུང་བ་ན།། སྦྲང་ཚེར་ཤོག་བུ་ཚོར་ཅན་བྱུག། གུ་གུལ་ར་གཞོབ་ཚ་སྲེག་བསྐུ།། ཉམ་ཆུང་ན་ནི་ཆུ་ཡིས་བཀྲུ།། གླང་ཐབས་བྱུང་ན་སྔགས་ཀྱིས་གདབ།། ཤ་ཁྲག་བྱུང་ན་བུལ་ཆུ་དང་།། ཕག ་པའི་ཚིལ་བུ་བསྐུ་བར་བྱ།། དེ་ལྟར་བྱས་ནས་འཚོ་བར་འགྱུར།། སྨན་གྱིས་བཅོས་པའི་ལེའུ་སྟེ་ཉི་ཤུ་རྩ་གཉིས་པའོ།། །། ཀླུ་གཉེན་ས་བདག་རྟགས་བསྟན་པ།། དང་པོ་ཀླུ་ཡི་རྟགས་རྣམས ་ནི།། ཉ་སྦྲུལ་ཁྱེའུ་ཕོ་མོ་དང་།། སྦལ་པ་ལྕོང་མོ་ལ་སོགས་འོང་།། ས་བདག་དག་གི་རྟགས་བསྟན་པ།། བ་གླང་མཛོ་དང་འབྲི་དག་དང་།། རྟོལ་དང་སྡོམ་སྲིན་དག་ཏུ་འོང་།། གཉེན་ལ ་གླང་དམར་བྲག་ནག་དང་།། མཛེ་ཅན་ཉ་ལྕིབས་གོས་གྱོན་འོང་།། ཀླུ་བསེན་བུ་མོ་རལ་པ་ཅན།། ཁྱི་དམར་ཕག་པ་སྲེ་འོ་འོང་།། ས་སྲིན་སྡིག་པ་བུད་མེད་དང་།། བ་གླང་འཕྱི་བ་བུད་མེད་ནག། ཁྱི ་ནག་སྒྲ་སྐད་སྣ་ཚོགས་འདོན།། རྟགས་དེ་བྱུང་ན་རྟ་མཆོག་བསྒོམ།། ཀླུ་མཆོད་ཀླུ་གཏོར་གཏང་བ་དང་།། ཞི་བས་བཅོས་དང་དྲག་པོས་འདུལ།། ཀླུ་གཉན་ས་བདག་ཐུལ་བར་འགྱུར།། ཀླུ་གཉེན་དང ་ས་བདག་གི་རྟགས་ཀྱི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་གསོ་བའི་ལས་བཤད་པ།། སྒྲོ་འབོག་ཆེན་པོ་གསོ་བ་དང་།། གློ་བུར་རྐྱེན་དུ་ན་བ་དང་།། སྲིན་བུ་གསོ་བ་རྣམ་པ་གསུམ།། རིག ་འཛིན་རྒྱལ་པོར་བསྡོངས་པ་དང་།། ཀླུ་དང་རྒྱལ་པོར་བསྡོངས་པ་དང་།། བདུད་དང་རྒྱལ་པོར་བསྡོངས་པ་དང་།། མ་མོ་རྒྱལ་པོར་བསྡོངས་པ་དང་།། ལྕམ་དྲལ་གཉིས་སུ་བསྡོངས་པ་རྣམས།། སྲིད ་པའི་ཆེ་འདྲེ་གནོད་པ་དང་།། ཁ་སྨྲས་རྒྱང་མིག་ལྟ་བྱེད་ཅིང་།། ངོ་ནག་ཀླུ་དང་རྒྱལ་པོར་བསྡོངས།། ངོ་གནག་སྨྲ་ཉུང་ཁ་ལྐུགས་ན།། ཀླུ་དང་བདུད་དུ་བསྡོངས་པའི་རྟགས།། དགོད་ཅིང་གླུ་ལེན་གྱ ་ཚོམ་སྨྲ།། འབྲོས་ཤིང་འདུག་ཏུ་མི་འདོད་ན།། མ་མོ་རྒྱལ་པོར་བསྡོངས་པའི་རྟགས།། ལག་རྡེབ་མི་ལ་རྒོལ་འདོད་དང་།། ངུ་ཞིང་སྨྲ་བར་བྱེད་པ་ནི།། བདུད་དང་རྒྱལ་པོ་བསྡོངས་པའི་རྟགས།། མ ་ངེས་སྤྱོད་པ་སྣ་ཚོགས་བྱེད།། ཁ་སྐམས་གློ་སྙིང་མི་བདེ་ཞིང་།། ཅོལ་འབྲུས་སྨྲ་ཞིང་འགྲོ་འདོད་ན།། སྲིད་པའི་ལྕམ་དྲལ་གནོད་པ་ཡིན།། བཅོས་པའི་ཐབས་ཀྱང་འདི་ལྟ་སྟེ།། རིག་འཛིན་སྐོངས་ལ ་རྒྱལ་པོ་མཆོད།། ལུག་པོ་དཀར་པོ་གཉིས་པ་ཡང་།། གསོ་བསད་མནན་དང་སྦྱར་བར་བྱ།། སེ་བོ་རྟ་ལ་དཀར་པོ་གཏང་།། ཀླུ་དང་རྒྱལ་པོ་བསྡོངས་པའི་ཚེ།། ཁ་བརྒྱ་ལག་བརྒྱའི་ཀླུ་ལ་གཏང་།། བྱ ་ཕོ་དཀར་པོས་རྒྱལ་པོ་མཆོད།། ར་དཀར་ལུག་དཀར་གཏའ་རུ་གཟུག། བདུད་དང་རྒྱལ་པོ་བསྡོངས་པའི་ཚེ།། ར་རོག་ནག་པོ་མཁལ་དཀར་དང་།། ར་ལྟག་ནག་ལ་ལུག་མིག་གནག། དེ་ནི་རྒྱལ་པོ ་ནག་པོ་ཡིན།། མ་མོ་རྒྱལ་པོ་བསྡོངས་པའི་ཚེ།། བྱ་སྨུག་ལུག་སྐྲག་བྱ་རོག་དཀར།། མདའ་འཕང་བྱ་ཡི་ཕོད་ཀྱིས་བརྒྱན།། ལྕམ་དྲལ་གཉིས་སུ་བསྡོངས་པའི་ཚེ།། མི་རྟ་འབྲི་ཡི་སྙིང་གིས་བསྐང་།། དེ ་ལྟར་གལ་ཏེ་མང་ན་ཡང་།། སྙིང་སྣ་ཁྲག་སྣ་ཚོགས་པ་ཡི།། གཏོར་མ་ཕུད་ཀྱིས་བཅོས་པར་བྱ།། གདོན་ངོས་བཟུང་བའི་ལེའུ་སྟེ་ཉི་ཤུ་རྩ་བཞི་པའོ།། །། བན་བོན་གཏད་དུ་བཅུག་པ ་ཡས།། མི་ལ་ཀླུ་ཡིས་གནོད་པ་མི།། བཙུན་པ་བཙན་པོ་རྒྱལ་པོ་ཡིན།། བུད་མེད་བྱ་མོ་ནག་མོ་ཡིན།། མི་ནག་རྟ་ནག་བདུད་ཀྱི་ལྟས།། སྐྱེས་པ་གཅན་གཟན་བཙན་གྱི་ལྟས།། སྦལ་སྤྲུལ ་བ་གླང་ཁྱི་དང་ཕག། ཀླུ་དང་ས་བདག་ལྟས་སུ་བསྟན།། ཉི་ཟླ་མིག་མང་ལུག་ནི་གཟའ།། བྱིས་པ་སྲན་ཅན་ཐེ་བྲང་ལྟས།། དེ་ལྟར་རྟགས་རྣམས་བྱུང་བའི་ཚེ།། རྒྱལ་པོ་སྔགས་འདིས་བཟློག་པར ་བྱ།། ཨོཾ་རཱ་ཛ་སྟམ་བྷ་ཡ་ཆིངས་ཆིངས་སྭཱ་ཧཱ།། ཀླུ་རྣམས་འདི་ཡིས་བཟློག་པར་བྱ།། ནག་པོ་སོད་ནག་པོ་སོད། ནཱ་ག་འདུས་ནཱ་ག་འདུས། ནཱ་ག་ཆིངས་ནཱ་ག་ཆིངས་སྭཱ་ཧཱ། སྲིན་པོ་འདི་ཡིས་བཟློག་པར ་བྱ།། ཛཱ་ལ་རཀྵ་ཕཊ། མ་མོ་འདི་ཡིས་བཟློག་པར་བྱ།། བྷྱོ་མ་མོར་རཀྵ་མ་མ་ཏྲག་ཏུ་སྭཱ་ཧཱ། བདུད་རྣམས་འདི་ཡིས་བཟློག་པར་བྱ།། ཧཱུཾ་ཏྲི་ཏ་ཡ་ས་མན་ཏ་ལི་ལཾ་བཛྲ་བཾ་རྦད། སྟཾ་བྷ་ཡ་མཱ་ར་ཡ་ཛ་ཛ། ་བཙན་རྣམས་འདི་ཡིས་བཟློག་པར་བྱ།། ཧཱུཾ་བཙན་ཚལ་པ་ཚལ་པ་ཤག་ཤག་ཧཱུཾ་ཕཊ། ཐེ་བྲང་འདི་ཡིས་བཟློག་པར་བྱ།། ཏྲི་དུཾ་སུ་ཏྲི་དུཾ་བུ་ཟེ་བྲང་མཱ་ར་ཡ་ཛ་ཛ། གཟའ་རྣམས་འདི་ཡིས་བཟློག་པར ་བྱ།། ཨོཾ་རཱ་ཧུ་ལ་སྟཾ་བྷ་ཡ་སྟཾ་བྷ་ཡ། མཱ་ར་ཡ་མཱ་ར་ཡ། ཛ་ཛ་རྦད་སྭཱ་ཧཱ། སྡེ་བརྒྱད་གནད་ལ་བོར་བའི་སྔགས།། གཏན་རྣམས་ཐམས་ཅད་བཟློག་པ་ཡིན།། ལྷ་སྲིན་སྡེ་བརྒྱད་གནད་ལ་དབབ་པའི་ལེའུ ་སྟེ་ཉི་ཤུ་རྩ་ལྔ་པའོ།། །། ནཱ་ག་ཀླུ་འདུལ་རྒྱུད་ལས་ནི།། ཀླུ་ཡི་ཐོགས་སེར་དབབ་པ་བསྟན།། མོན་ནག་རབས་ཆད་ཟོད་པའམ།། མཛེ་བོའི་ཐོད་པའི་ནང་དུ་ནི།། མི་ར་ཁྱི་གསུམ་ཁྲག་དང ་ནི།། ཉུང་དཀར་ཡུངས་ནག་ཐལ་ཆེན་དང་།། ར་དུག་སྤྱང་དུག་ལ་སོགས་ལ།། དགྲ་ཡི་ལོ་ཐོག་སྣ་ཚོགས་སྩལ།། ཐོད་པའི་ཕྱི་རོལ་ཁྲག་གིས་བྱུག། སེང་ལྡེང་ཕུར་པ་སོར་བརྒྱད་ལ།། ཐོགས་སེར ་དབབ་པ་འདི་ཡིས་བསྒྲུབ།། བདག་ཉིད་རྟ་མཆོག་སྐུར་བསྒོམ་བཟླས།། ན་མོ་བྷུདྡྷ་ཡ། ཨོཾ་བཛྲ་ཀཱི་ལི་ཀཱི་ལ་ཡ། ཙན་དྷ་མི་རི་ལི། ཙན་དྷ་ཙན་དྷ། ཙན་དྷེ་ཙན་དྷེ། ནཱ་ག་བྷན་དྷ་བྷ་ན་དྷ། བྷ་ན་དྷ་ཡ ་བྷན་དྷ་ཡ། ཕཊ་ཕཊ། ཐོད་པ་ཕུར་པ་དག་ལ་སྔགས།། ཀླུ་གནས་ཡུལ་ལྷའི་རྟེན་ལ་སྭ།། ཡུལ་ལྷ་བསྐྲད་པའི་སྔགས་འདིའོ།། ཧཱུཾ་བཛྲ་དེ་བ་ཏད་ད་གུ་ཧྱ་ཏད་དེ་ཕཊ། རོལ་པ་ཡོ་ཀཱི་བྷྱོ།། ནཱ་མ ་ཉུང་ཉུང་། སྤྲིན་སྡུད་པའི་སྔགས་ཡིན་ནོ།། པ་ར་ཏྲད་ཏྲ་ཧུ་ཡ་ཧུ་ཡ། འབྲུག་བཏང་བའི་སྔགས་འདི་ཡིན་ནོ།། མཱ་ཏི་ཧཱི་ལ་ཕུ་ཕུ་ཏི། ཨེ་ན་ག་ནཱ་ག་གྷོ་ལ། དྲག་པོ་ཟུན་ཁྲག་ཕོབ། བུ་ཏ་པྲ་ཏ་ཡ། ཨཱ་བེ ་ཤ་ཡ་ཨཱ་བེ་ཤ་ཡ། བྷ་རེ་ཤ་ཡ་བྷ་རི་ཤ་ཡ། ཨཱ་བེ་ཤ་ཡ་ཨཱ་བེ་ཤ་ཡ། ནཱ་ག་ནཱ་ག་དྲག་པོ་ཕོབ། སེར་སྤྲིན་བྱུང་ནས་སེར་བ་བྱུང་བ་ན། ནཱ་ག་ནཱ་ག་མགོ་ལ་ཐོག་ཕོབ། རེ་མ་རཀྑ་ཤག། ཨེ་མ་དུ ་སྤྲིན་ཐོག་རྒྱོབ།། ཨི་མ་ཀ་ཙ་ལ་ཕྲོམ་ཤིག། དུ་མ་སྤྲིན་ཐོག་རྒྱོབ།། ཐུན་ཕྲོམ་འུར་འུར་ཆེམ་ཆེམ། ལོ་ཐོག་སྣ་ཚོགས་རང་ལ་ཆེམ། ལྷོགས་ལྷོགས་ཞེས།། གོང་གི་ཁྲག་ལ་སྔགས་ལ ་གཏོར།། ཡུལ་ཞིང་ཇི་ཙམ་འདོད་པ་བསྐོར།། གཏའ་ནི་མ་ཕྱུང་བར་དུ་འོང་།། ཐོད་པ་ཕུར་པ་སྔགས་བཅས་སྦ།། ཀླུ་ཡོད་གནས་ནི་འཕྲོག་པར་བྱེད།། ཐོག་དང་སེར་བ་གདོན་མི་ཟ།། གལ་ཏེ་དེས ་ཀྱང་མ་ཕེབས་ན།། རྟ་མཆོག་རྒྱལ་པོའི་སྐུར་བསྒོམས་ལ།། སེང་ལྡེང་ཕུར་པས་སྦལ་པ་གཟེར།། དགུན་ཡང་ཐོག་དང་སེར་བ་འོང་།། སེར་བ་དབབ་པའི་ལེའུ་སྟེ་ཉི་ཤུ་རྩ་དྲུག་པའོ།། ། ནཱ་ག ་ཀླུ་འདུལ་རྒྱུད་ལས་ནི།། ཐུན་མོང་ཁྱད་པར་ཟབ་པ་ཡི།། ཆར་པ་དབབ་པའི་ཆོ་ག་བཤད།། དེ་ལ་ལུགས་ནི་གཉིས་ཡོད་དེ།། ཞི་བས་བསླང་དང་དྲག་པོས་དབབ།། འདི་ནི་ཞི་བའི་དབབ་ལུགས ་ཏེ།། དཀར་གསུམ་མངར་གསུམ་བག་ཕྱེ་ལ།། རིལ་བུ་བརྒྱ་དང་རྩ་བརྒྱད་བྱ།། གསེར་རམ་དངུལ་གྱི་སྣོད་དུ་བླུགས།། བ་ཡི་རྣམ་ལྔས་མཎྜལ་བྱ།། དེ་ནས་བཟླས་པའི་སྔགས་ལ་ཞུགས།། རིལ་བུ་རེ ་ལ་བརྒྱ་རྩ་བརྒྱད།། སྔགས་གྲངས་ཐེམ་པར་གྱུར་པ་དང་།། གང་ཡོད་ཆུ་མིག་ནང་དུ་བླུགས།། སྔགས་གྲངས་ཐེམས་ན་གདོན་མི་ཟ།། ཨོཾ་ནཱ་ག་ཀ་ལ་ཧཱུཾ། ནཱ་ག་ལེ་ཡེ། དུམ་པ་ལེ་ལེ། ནཱ་ག་རཱ་ཛ་ཧཱུཾ ་ཕཊ། ཀླུ་མཆོད་ཀླུ་གཏོང་གཏང་བར་བྱ།། འདིས་ནི་མི་ཕེབས་མི་སྲིད་དོ།། ཇི་སྲིད་དེས་ཀྱང་མ་ཕེབས་ན།། དྲག་པོའི་ལས་འདི་བྱ་བར་གསུངས།། མཚན་ངན་ཐོད་པའི་ནང་དག་ཏུ།། སྙིང་སྣ་ཤ་སྣས ་བཀང་སྟེ་བསྒྲུབ།། ཨོཾ་གྷུ་ལི་གྷུ་ལི། བྷ་ར་ཤ་ཡ་བྷ་ར་ཤ་ཡ། ཧཱུཾ་ཧཱུཾ་ཧཱུཾ། ཧོ་ཧོ་ཧོ། ཕཊ་ཕཊ་ཕཊ་སྭཱ་ཧ། སྤོགས་པའོ།། བདག་ཉིད་རྟ་མགྲིན་སྐུར་བསྒོམས་ལ།། དབང་དུ་སྡུད་པའི་སྔགས་འདི ་བཟླས།། བྲུཾ་བྲུཾ་ཆེམ་ཆེམ། བཛྲ་ཁ་ཕྱིར་ཆད། འཁྲུག་བསྐུར་སྔགས་ཀྱང་འདི་ཡིན་ཏེ། ཨོཾ་ཏྲི་ཤི་ཞིམ་གྱི་ཚི་བར་ན་ལེ། བི་ཤ་པ་ཙ་པ་ཙ་ཧཱུཾ་ཕཊ། སྤྲིན་བསྡུ་བའི་སྔགས་འདི་བཟླས། ན་མོ་བྷ་ག་ཝ་ཏེ། ་བག་ཏི་རད་ན་ཡ། ཏདྱ་ཐཱ། ཨ་ན་ལེ་བའི་ཤད་དྷེ། བེ་ར་བ་ར་དཾ་དཾ་ཐིབས་ཐིབས་སྭཱ་ཧཱ།། རྣམ་ཅིག་སྔགས་ནི་འདི་ཡིན་ཏེ། ཧཱུཾ་ཧཱུཾ་སབ་སབ། ཧཱུཾ་སིབ་སིབ། རླུང་གཏོང་སྔགས་ནི་འདི་ཡིན་ནོ།། ཆར་པ ་ཡ་ཆར་པ་ཡ། ཏི་ཏི་ལ་ནན། དེ་ལྟར་ལས་རྣམས་རྫོགས་པ་དང་།། སྔགས་བཟླས་དབང་སྡུད་ཏིང་འཛིན་བསར།། ཀླུ་རྣམས་འདར་ནས་ཆར་འབེབས་ཤིང་།། རྟ་མགྲིན་བཀའ་ལས་མི་འདའ ་བར།། ཅི་བཅོལ་ལས་རྣམས་བྱེད་པར་འགྱུར།། ཆར་དབབ་པའི་ལེའུ་སྟེ་ཉི་ཤུ་རྩ་བདུན་པའོ།། །། ནཱ་ག་ཀླུ་འདུལ་རྒྱུད་ལས་ནི།། སེར་བ་བཟློག་པའི་ལས་རིམ་ནི།། སེར་གཏའ་ཡས་སྟེགས ་འདི་ལྟ་སྟེ།། ལྕི་བ་གཡར་སྐྱེ་རྒོད་ལ་སྟེར།། མཚོ་ཆུར་འབྲིང་མར་གཉེན་འདུ་དང་།། ངང་པའི་སྒོ་ང་ལན་ཚྭ་མཁལ།། ཉུང་དཀར་ཉུང་ནག་བྲ་ཡོས་དང་།། ཁམ་བླུག་གསར་པའི་ནང་དུ ་ནི།། འབྲུ་སྣ་རིན་ཆེན་ལྔ་ཡང་བསག། ལ་རྫས་སྣ་ཚོགས་དཀར་སྣ་ཚོགས།། མར་ཕུད་ཞོ་ཕུད་སྦྲུལ་གྱི་ཤ། སྦྲང་ཁུས་ལ་ཐུད་ཉ་རི་རབ།། བ་ལུས་ལོ་མ་འབྲུམ་བུ་དང་།། ཆང་ཕུང་ཁམ་བླུག་ནང་དུ ་སྩལ།། དབུས་ཀྱི་ཐོ་ཡི་ནང་དུ་གཞག། ཡུལ་ཁམས་མེ་དཔུང་འབར་བར་བསྒོམ།། མེ་ཡི་དཀྱིལ་འཁོར་བསྒོམས་ལ་བཞག། ཤ་ཤ་ཤུ་ཤུ་རི་བོའི་རྩ་ནོན།། རཾ་རཾ་འུར་འུར། འབྲུག་གི་སྒང་རི་ལི་ལི།། ་ཕཊ་ཕཊ། ཤིག་ཤིག་སཱ་ཧ། གཏའ་ཡི་ཕྱོགས་བཞིར་བག་ཟན་སྒྱུ་བཞི་རུ།། ཉུང་དཀར་འབྲུ་བདུན་མི་སྐྱེའི་ཐལ་ཆེན་བླུག། ཏདྱ་ཐཱ། ཀུ་ལུ་ཀུ་ལུ་ཤ་ཤ་ཀུ་ལུ། ཀ་རུ་བྱི་ཏ་རུ། གཏའ་ལ་འཐའོ་ཞེས ་བྱས་ལ་སྦའོ།། ཞག་གསུམ་ལོ་གནས་སྒྱུ་ཚོ་བལྟ།། གས་ན་ཕུད་གཏང་བཟླས་པ་བསྐུར།། མ་གས་བཟང་སྟེ་ཐུབ་པའོ།། ཡང་ན་ཤོག་ཐུམ་བྱས་ནས་ནི།། ཕྱོགས་བཞིར་ཡས་སྟགས་གོང་མ ་སྩལ།། ཤར་གྱི་ཤོག་ཐུམ་སྔགས་འདིའོ།། ཤཱཀྱ་རྩ་དུར་ཞིལ་ཞིལ།། དུ་རུ་དུ་རུ་ཞིལ་ཞི་ལ། གཉན་སེར་བཟློག་པའི་སྔགས་འདིའོ།། ཏདྱ་ཐཱ། ག་ཏོ་ཙག་ཏོ་ཕཊ་ཕཊ། ཚལ་ཚལ། ཀླུ་སེར་བཟློག་པའི ་སྔགས་འདིའོ།། བྱ་དང་བཀྲ་མ་ཞིལ་ཞིལ།། གཟའ་སེར་བསྲུང་བའི་སྔགས་འདིའོ།། དུ་རུ་དུ་རུ་ཤིག་ཤིག། བཙན་གྱི་སེར་བ་བསྲུང་བ་ནི། དུ་རུ་དུ་རུ་རཾ། གནམ་ལྕགས་བསྲུང་བའི་སྔགས ་འདིའོ།། དུ་རུ་དུ་རུ་པ་ཀ་རཾ། དུ་རུ་དུ་རུ་ན་བྱི་ར་ཙ་ར་དྷི་ཏྲི་ན།། ལན་བདུན་བཟླས་ལ་ཤོག་ཐུམ་གདགས།། སེར་བ་བསྲུང་བའི་ལེའུ་སྟེ་ཉི་ཤུ་རྩ་བརྒྱད་པའོ།། ། ན་ག་ཀླུ་འདུལ་རྒྱུད་ལས ་ནི།། གདུག་པ་ཀླུ་ཡི་གཏད་ཁྲམ་འདི།། གྲོ་གའམ་ཤོག་བུ་རས་དག་ལ།། དམིགས་པའི་ལིངྒ་བྲིས་བྱས་ལ།། རིགས་བཞིའི་སྦལ་པས་ལུས་བཟུང་བྲི།། ལ་ཆའི་སྦལ་པར་གཞུག་པར་བྱ།། ཡང་ན ་གསོན་མའི་ཁ་རུ་བཙང་།། སྔོན་དམར་སྐུད་པས་ཁ་བཅོམས་ལ།། དྲག་སྔགས་འདི་ཡིས་བསྒྲུབ་པར་བྱ།། ཨོཾ་ནཱ་ག་རཱ་ཛ་ས་མ་ཡ། ནག་པོ་ཙི་ཏ་ས་མ་ཡ་ཛ། ཨོཾ་ནག་པོ་ཙིཏྟ་མཱ་ར་ཡ་ཁྲག་ཏི་མཱ་ར་ཡ ་རྒྱས།། ཙིཏྟ་ཙིཏྟ་མཱ་ར་ཡ། ཨོཾ་ནཱ་གཤིག་མཱ་ར་ཡ་སྭཱ་ཧཱ། རྟགས་ནི་སྦལ་པ་མང་པོ་དང་།། སྦྲུལ་ལྕོང་ལ་སོགས་འདོད་པ་རྨིས།། སྦལ་པ་དངོས་སུ་འོང་བར་འགྱུར།། དེ་ནས་ཀླུ་ཡོད་ས་རུ་གཏད།། སྦལ ་པ་གསོན་མའི་གཏད་བྱེད་ན།། ཀླུ་ཡོད་ས་ནས་སྦལ་པ་བཟུང་།། ལིངྒ་གྲོ་ག་དག་ལ་བྲི།། འོ་མའི་ནང་དུ་རུ་རྟ་བརྡར།། ཞུ་མཁན་ཕྱེ་མ་བླུགས་བྱས་ཏེ།། ཞག་བདུན་པར་དུ་སྦལ་པ་གསོ།། དྲག ་སྔགས་བཟླ་ཤིང་བསྒྲུབ་པ་བྱ།། གྲུབ་རྟགས་སྦལ་པ་ཆེ་རུ་འགྲོ།། དེ་ཚེ་ལིངྒ་ཁ་རུ་བརྫང་།། སྔོན་དམར་སྐུད་པས་ཁ་བཅིངས་ལ།། དགྲ་ཡི་འགྲམ་རྩར་དོང་བྲུས་སྦ།། ཡང་ན་ཀླུ་ཡོད་དེ ་རུ་བསྐྱལ།། ཟླ་བ་གཅིག་ན་ཁ་ཕུང་འཆི།། ཟླ་གཤེད་ནག་པོ་ཞེས་ཀྱང་གྲགས།། འདི་ལས་ལྷག་པའི་གཏད་གཞན་མེད།། ལོག་རྡུག་འཁྱམས་པ་འདི་ལ་མེད།། དགྲ་ལ་བཙན་ལ་རང་ལ་ཤིས།། དྲག ་སྔགས་གནད་དང་ལྡན་པ་འདི།། རྟ་མགྲིན་བསྙེན་པ་སྔོན་སོང་བས།། ལས་འདི་ཡིས་ནི་འགྲུབ་ཅེས་བསྟན།། དགྲ་བོ་ཀླུ་ལ་གཏད་པའི་ལེའུ་སྟེ་ཉི་ཤུ་རྩ་དགུ་པའོ།། །། ནཱ་ག་ཀླུ་འདུལ་རྒྱུད་ལས ་སུ།། ཙི་ཙི་ཛ་ལ་གསོ་བའི་ཕྱིར།། ཞི་བ་ཀླུ་བསྒྲུབ་ཆོ་ག་བཤད།། ཟངས་སམ་ལྕགས་སམ་འཁར་གཞོང་ནང་།། རོ་སྟོད་མི་ལ་རོ་སྨད་སྦྲུལ།། དེ་ལྟ་བུ་ཡི་ཀླུ་གཟུགས་བརྒྱད།། མཛོ་དང་རྟོལ་ཡང ་བརྒྱད་བརྒྱད་བྱ།། སྦལ་པ་ཉ་ལྕོང་རྟ་དང་གླང་།། དེ་རྣམས་དཀར་སེར་དམར་ནག་བཞི།། སྡིག་པ་འབུ་སྲིན་གཉིས་གཉིས་བྱ།། གཉན་དང་ས་བདག་ཁྲ་བོར་བྱ།། ཀླུ་ཆེན་བརྒྱད་ནི་སེར་པོར ་བྱ།། བུམ་པར་བ་དམར་ར་དཀར་གྱི།། འོ་མ་དཀར་གསུམ་མངར་གསུམ་དང་།། ཀླུ་སྨན་སྣ་ཚོགས་བླུག་པར་བྱ།། དེ་ནས་བདག་ཉིད་རྟ་མགྲིན་བསྒོམ།། ཐུགས་ལས་ཕུཿནི་མང་པོ ་འཕྲོས།། གཟུགས་བརྙན་རེ་ལ་ཕུཿརེ་ཕོག། མ་ཧཱ་ནཱ་ག་ཞེས་བརྗོད་པས།། ཀླུ་རིགས་བཞི་པོ་གང་ཡིན་པ།། དེ་རང་དངོས་སུ་གྱུར་པར་བསྒོམ།། ཀླུ་རྣམས་ཅི་བྱ་ཟེར་བར་བསྒོམ།། བྲན་དང་ཁོལ་པོའི ་ཚུལ་གྱིས་ཤིག། ནད་འདི་ཐང་ལ་གླུད་འདི་ལོངས།། ཞེས་བྱའོ།། ཀླུ་ཆེན་པོ་བརྒྱད་འབོད་པ།། ཧཱུཾ་ན་ག་རཱ་ཛ་ས་མཱ་ཛ། ཞེས་སྟོང་བཟླས། ཀླུ་གཉེན་ས་བདག་ཀུན་གྱི་སྙིང་པོ་བཟླས། ཨོཾ་ནཱ་ག་ཤཾ་ཁ ་པཱ་ལ་ནི་ཛ། ཨོཾ་ན་ག་པདྨ་ནི་ཛ། ཨོཾ་བ་ཡེ་བེ་རུ་ཕུ་ནི་ཛ། ཅེས་བརྗོད་དོ།། ཨོཾ་ནཱ་ག་པཱུ་ཛ་ཨ་མྲྀ་ཏ་བ་ལི་ཏ་ཁ་ཁ། ཁཱ་ཧི་ཁཱི་ཧི། ཧི་ཧི་སརྦ་སྭཱ་ཧཱ། བདུད་རྩི་བླུགས་ལ་དབུལ་བར་བྱ།། ནུབ་གཏོར་ཉི་མ ་ཕྱེད་ནས་གཏང་།། ཉི་མ་བཟང་བའི་དུས་དག་ནི།། ཟླ་བ་ཀུན་གྱི་ཚེས་བརྒྱད་ལ།། ཀླུ་རྣམས་ཁྲུས་བྱེད་ཁྲུས་ཆོག་བྱ།། ཉ་ལ་ཀླུ་རྣམས་མི་འདུ་བ།། བསྒྲུབ་ཀྱང་འགྲུབ་པར་མི་འགྱུར་ཏེ།། དེས་ན་ཞག། ་བདུན་བཅུ་བཞི་ཉི་ཤུ་གཅིག། གང་བསྒྲུབ་སྒྲུབ་པ་ཐོན་པ་དང་།། ཡས་སྟེགས་གནོད་པའི་ས་རུ་བསྐྱལ།། ཙི་ཙི་ཛ་ལ་བྱུང་བ་ཡང་།། སོས་པར་འགྱུར་བ་ཐེ་ཚོམ་མེད།། ཀླུ་བསྒྲུབ་ཀྱིས་གསོ་བའི ་ལེའུ་སྟེ་སུམ་ཅུ་པའོ།། །། ཀླུ་གཏའ་སྡོམ་པའི་རིམ་པ་ནི།། གང་གནོད་པ་ཡི་སར་སོང་ལ།། དཀྱིལ་འཁོར་འཁོར་ལོ་རྩིབས་བརྒྱད་བྲི།། ཚོན་རྩིས་ལེགས་པར་བསྒྱུར་བྱས་ལ།། གསེར ་དངུལ་ཟངས་ལྕགས་གཡུ་ལ་སོགས།། རིན་པོ་ཆེ་དང་འབྲུ་རྣམས་བསྡུས།། འཁོར་ལོའི་རྩིབས་དང་དབུས་སུ་ནི།། ནཱ་ག་རཱ་ཛ་ས་མ་ཡ་ཛ།། ཞེས་དགོད་དེ་ལྟའི་འཁོར་ལོ་དེ།། ཁམ་སའི ་གའུ་གྲུ་བཞི་པ།། གཞལ་ཡས་ཚུལ་དུ་བྱས་ལ་གཞུག། ལྷ་བཤོས་པད་འདབ་བརྒྱད་པས་མཆོད།། དེ་ནས་གནོད་པའི་ཀླུ་དེ་ཡང་།། ཀླུ་སྨན་ཀླུ་གཟུགས་བཅས་པས་མཆོད།། རིན་ཆེན་ནོར་གྱིས་གང ་བར་བསམ།། ཀླུ་ཡི་འདོད་པ་བྱུང་བར་བསམ།། དུས་འདི་ཚུན་ཆད་གནོད་པ་རྣམས།། མ་བྱེད་ཅེས་པའི་བཀའ་ཡང་བསྒོ།། གནོད་པའི་སྦྱོར་བ་ཞི་བར་འགྱུར།། ཀླུ་གཏའ་སྡོམ་པའི་ལེའུ་སྟེ་སུམ་ཅུ་སོ ་གཅིག་པའོ།། །། ཀླུ་གཏེར་སྦས་པའི་ཐབས་བསྟན་པ།། ཟངས་ལ་གླང་བུ་དམར་པོ་བྱ།། གསེར་དངུལ་ཟངས་ལྕགས་བྱི་རུ་གཡུ།། དེ་རྣམས་གླང་བུའི་ཁོག་བར་གཞུག། ཀླུ་སྨན་སྣ་ཚོགས ་རྙེད་ཚང་བླུག། ཡང་ན་བག་ཙན་དག་ལ་བྱ།། ཁོག་པར་བ་ར་དཀར་མོ་ཡི།། འོ་མར་ཀླུ་སྨན་བཏབ་ལ་བླུག། བྱུ་གུ་གསང་བར་གླང་བུ་བཞག། གཏའ་ལ་མ་ཐ་གཉན་ལ་ཐ།། མི་ཟ་ཡུན་གྱི་གཏེར ་མཛོད་ཅིག། ཅེས་པ་བྲིས་ལ་གཞུག་པར་བྱ།། དེ་ནས་གནོད་པའི་སར་སོང་ལ།། ཀླུ་གཏོར་གཏང་ཞིང་བདེན་པར་བརྡར།། མ་གནོད་ཅིག་པའི་བཀའ་ཡང་བསྒོ།། གླང་བུ་རྫེའུ་གནས་སར ་སྦསྒྲ།། གནོད་པའི་སྦྱོར་བ་རྒྱུན་འཆད་འགྱུར།། ཀླུ་གཏེར་གཞུག་པའི་ལེའུ་སྟེ་སུམ་ཅུ་སོ་གཉིས་པའོ།། །། ཀླུ་རྟེན་སྤོ་བའི་ཐབས་བསྟན་པ།། ཤིང་དང་ནེའུ་ཆུ་མིག་ཡོད།། དེ་ལྟ་བུ་ཡི་གནས་དག ་ཏུ།། དཀྱིལ་འཁོར་པདྨ་འདབ་བརྒྱད་བཞེངས།། ཀླུ་དེའི་གཞལ་ཡས་ཁང་དུ་བསམ།། སྨན་དང་འབྲུ་དང་སྤོས་རྣམས་དང་།། དེ་དག་སྦྱར་བའི་གཏོར་མ་བཤམ།། ཟངས་ཀྱི་གླ་བུར་རིན་ཆེན་སྣ ་ཚོགས་བླུགས།། ཧཱུཾ་ན་ག་ས་མ་ཡ་ཛ། ན་ག་ཨུ་ཙ་ཏ་ཡ་ཕཊ། ཅེས་པ་ཞག་གཅིག་ཞག་གསུམ་བཟླས།། དེ་ནས་དཀྱིལ་འཁོར་བསྡུ་བ་དང་།། རྫས་དང་གཏོ་མར་བཅས་པ་རྣམས།། རྩི་ཤིང་ཆུ་མིག། ་ཅན་དུ་བསྐྱལ།། དེས་ནི་ཀླུ་རྣམས་དེ་རུ་འགྲོ།། རང་ལ་གནོད་པར་མི་འགྱུར་ཏེ།། སྤོ་སའི་ས་གཞི་གང་ཡིན་ཏེ།། གཞལ་ཡས་ཁང་དུ་བསམ་པར་བྱ།། ཀླུ་དེ་སྤོ་བར་ཐེ་ཚོམ་མེད།། ཀླུ་རྟེན་སྤོ་བའི ་ལེའུ་སྟེ་སུམ་ཅུ་གསུམ་པའོ།། །། ཀླུ་ཡི་བྱད་དགྲོལ་ཐབས་བསྟན་པ།། ཀླུ་ཡི་བྱད་དུ་ཆུད་པ་ན།། ཞ་དང་གྲུམ་དང་འགྲོ་མི་ཤེས།། དེ་ལ་བྱད་འགྲོལ་ཆོ་ག་བྱ།། ནད་པའི་ཡན་ལག་ཚོན་སྐུད ་དཀྲི།། དཀྱིལ་འཁོར་པདྨ་འདབ་བརྒྱད་བྲི།། ཀླུ་བརྒྱད་ཀླུ་མོ་བརྒྱད་རྣམས་དང་།། རིགས་བཞིའི་གཉེན་དང་ས་བདག་གནོད།། ཀླུ་གཏོར་ཀླུ་སྨན་རྫས་ཀྱི་མཆོད།། སྔགས་འདི་བརྗོད་ཅིང་མཆོད་པ ་དབུལ།། ཧཱུཾ་ནཱ་ག་རཱ་ཛ་ས་མ་ཡ་ཛ། ཤིག་ཤིག་ཁྲོལ་ཁྲོལ། ཚོད་ཆོད། བྱད་ཁྲོལ་ཞེས་བཟླས།། རང་ཉིད་རྟ་མགྲིན་ཏིང་འཛིན་བསྒོམ།། ཀླུ་ཡི་བྱད་དེ་བཅད་པར་བསམ།། ནཱ་ག་རཱ་ཛ ་ཚོད་ཁྲོལ་ཞེས་བྱས་ལ།། གྲི་ཡི་ཚོན་སྐུད་གཅད་པར་བྱ།། ཚོན་སྐུད་གཏོར་མའི་ནང་དུ་གཞུག། ཀླུ་ཡི་ས་རུ་གཏོར་མ་ཡི།། ཡས་སྟགས་དཀྱིལ་འཁོར་ས་ཚོན་བསྐུལ།། བྱད་དུ་བཅུག་པ་གྲོལ་བར ་འགྱུར།། བྱད་དགྲོལ་བའི་ལེའུ་སྟེ་སུམ་ཅུ་བཞི་པའོ།། །། ཀླུ་རྣམས་དབང་དུ་སྡུད་པ་དང་།། མཆོད་ཅིང་ཕྲིན་ལས་བཅོལ་བ་ནི།། ཧཱུཾ། རང་བཞིན་ལྷུན་གྱིས་གྲུབ་པའི་གནས་མཆོག་འདིར།། ཆུ ་སྲིན་གཞལ་ཡས་བྱ་ཁྱུང་བླ་རེ་ནི།། པདྨ་ཉི་མའི་གདན་ལ་གསལ་བཞུགས་པ།། དབང་གི་རྒྱལ་པོ་ཁྲོ་རྒྱལ་རྟ་མགྲིན་དཔལ།། སྐུ་མདོག་དམར་ནག་ཆགས་མེད་པདྨ་འདྲ།། ཞལ་ཅིག་ཕྱག་གཉིས ་ཞབས་གཉིས་བརྐྱང་བསྐུམ་བགྲད།། ཕྱག་མཚན་མཚོན་ཆས་དྲེགས་པ་མ་ལུས་འཇོམས།། མགུར་ཆུ་དཀར་ཁྲའི་སྦྲུལ་གྱིས་བརྒྱན་པ་ནི།། རྒྱལ་རིགས་ཀླུ་རྣམས་དབང་དུ་སྡུད་པའི་རྟགས།། དབུ་རྒྱན ་དམར་ཁྲའི་སྦྲུལ་གྱིས་བརྒྱན་པ་འདི།། བྲམ་ཟེའི་ཀླུ་རྣམས་དབང་དུ་སྡུད་པའི་རྟགས།། ཕྱག་གདུབ་སེར་ཁྲའི་སྦྲུལ་གྱིས་བརྒྱན་པ་འདི།། རྗེ་རིགས་ཀླུ་རྣམས་དབང་དུ་སྡུད་པའི་རྟགས།། སྐུ་རིགས ་དམར་ཁྭའི་སྦྲུལ་གྱིས་བརྒྱན་པ་ནི།། གདོལ་པའི་ཀླུ་རྣམས་དབང་དུ་སྡུད་པའི་རྟགས།། ཞབས་གདུབ་ཁྲ་ནག་སྦྲུལ་གྱིས་བརྒྱན་པ་ནི།། དམངས་རིགས་ཀླུ་རྣམས་དབང་དུ་སྡུད་པའི་རྟགས།། ཀླུ ་རིགས་ལྔ་ཡི་རལ་པ་སྦྲུལ་འཁྲིལ་པ།། ཀླུ་རིགས་ཐམས་ཅད་དབང་དུ་སྡུད་པའི་རྟགས།། ཐུགས་ཀྱི་དཀྱིལ་ནས་བྱ་ཁྱུང་མང་པོ་འགྱེད།། ཕྲག་པ་གཉིས་ནས་བྱ་ཁྱུང་གཟན་ལ་འགྱེད།། བཀའ་ལས ་འདའ་བྱེད་ཀླུ་རྣམས་ཟས་སུ་ཟ།། ཀླུ་འདུལ་ཁྲོ་བོའི་སྐུ་ལ་ཕྱག་འཚལ་བསྟོད།། དབུ་ཡི་གཙུག་ན་རྟ་མགོ་རྒྱང་ཐོན་པ།། ལྗང་གུ་ལྷང་ལྷང་ཙེར་ཙེར་ཕྱོགས་བཅུར་སྒྲོགས།། ཆོས་སྟོན་མཆོག་རྩོལ་མ ་ཚོགས་དབང་དུ་སྡུད།། སྙན་ནས་འབྲུག་སྒྲོགས་དྲག་པོས་ཐམས་ཅད་བརྒྱ་ལ།། སྤྱན་ནས་མེ་འབར་ཁམས་གསུམ་སྲེག་པར་བྱེད།། ཤངས་ནས་འཐོར་བའི་རླུང་གིས་སྟོང་གསུམ་འགེངས།། ཞལ་ནས ་རྔམ་པའི་དུག་ཕྱུང་ཉོན་མོངས་སྒྲོལ།། རྡོག་མ་ལེ་བརྒན་སྲིད་གསུམ་ཐལ་བར་རློག། དཔྲལ་བ་ཞུར་པོ་དགྱེས་པའི་མདངས་སུ་ཆེ།། དབང་བདག་ཁྲོ་བོའི་སྐུ་ལ་ཕྱག་འཚལ་བསྟོད།། འདོད་པའི་ཡོན ་ཏན་ལྔ་ཡི་མཆོད་འབུལ་བཞེས།། ཡུན་གྱི་ལྷར་གྱུར་མཆོག་ཁྱེད་བསྒྲུབ་པ་ན།། བདག་ལ་བསྲུང་བའི་ལས་དང་ཆོ་ག་མཛོད།། ཀླུ་རྣམས་བཀའ་བཞིན་བྱེད་དང་གནོད་པ་སེལ།། བཅོལ་པའི་འབྲས་བུ ་དུས་འདིར་སྩལ་དུ་གསོལ།། ང་ནི་དཔའ་བོ་རྟ་མགྲིན་རྒྱལ་པོ་སྟེ།། ཀླུ་རྒྱལ་གདན་སྟེང་ཀླུ་བྲན་ཟས་སུ་ཟ།། ཀླུ་རྣམས་ང་ཡི་བཀའ་ལས་མ་འདའ་ཅིག། ཀླུ་རྣམས་ང་ཡི་བཀའ་ལས ་འདའ་གྱུར་ན།། མགོ་ལུས་ཡན་ལག་འཚིག་པར་འགྱུར་བ་དང་།། ཀླུ་ཡི་གནས་རིས་བརླག་པར་འགྱུར་ཏ་རེ།། ཨོཾ་ཤྲཱི་པདྨནྟ་ཀྲྀཏ་བཛྲ་ཀྲོ་ཏ་ཧཱུཾ། ཧ་ཡ་གྲཱི་ཝ་ཧྲི་ཧྲི། ཧུ་ལུ་ཧུ་ལུ་ཧཱུཾ་ཕཊ། ཨོཾ་ཛ་ལ་ཛ་ལ ་བཛྲ་པ་ཏི་ས་མ་ཡ་ཛ། ཞེས་ཀླུ་རྣམས་བདག་གི་དབང་དུ་འགྱུར་བ་དང་བྲན་དུ་འགྱུར་རོ།། དཔལ་རྟ་མགྲིན་ལ་བསྟོད་ཅིང་།། ཀླུ་དབང་དུ་བསྡུ་བའི་ལེའུ་སྟེ་སུམ་ཅུ་ལྔ་པའོ།། །། ཀླུ་རྣམས ་མཆོད་ཅིང་ཕྲིན་ལས་བཅོལ་བ་ནི། ཀྱེ་ཀྱེ་ཚུར་སྤྱོན་ཚུར་སྐྱོན་ཕྲིན་ལས་མཛོད།། ཀླུ་རྒྱལ་ཁྱེད་ཀྱི་ཞལ་ཟས་འདི་ན་མཆིས།། བརྩེ་ཞིང་གདུང་ཕྱིར་གཤེགས་སུ་གསོལ།། བཅོལ་བའི་ལས་རྣམས ་འགྲུབ་པར་མཛོད།། ཀ་ར་བུ་རམ་མངར་གྱི་བཅུད།། ཁྱེད་ཀྱི་ལོངས་སྤྱོད་འདི་ན་མཆིས།། ཀླུ་གཉེན་ཕོ་མོ་འདི་བཞེས་ལ།། བཅོལ་པའི་ལས་རྣམས་འགྲུབ་པར་མཛོད།། ཚུར་སྦྲོན་ཚུར་གཤེགས་ཀླུ ་རྒྱལ་རྣམས།། ནཱ་ག་གེ་སར་ན་ག་པུ་ཥྤ་དང་།། རྒྱ་མཚོ་ལྦུ་བ་ཨུཏྤ་ལ།། དབང་ལག་ཆུ་སྲིན་སྡེར་མོ་རྣམས།། ཀླུ་རྒྱལ་ཁྱེད་ལ་མཆོད་པར་འབུལ།། བཅོལ་བའི་ལས་རྣམས་འགྲུབ་པར་མཛོད།། ཚུར ་བྱོན་ཚུར་བྱོན་ཀླུ་ཚོགས་རྣམས།། རིན་ཆེན་ལྔ་དང་དར་ཟབ་དང་།། དགྱེས་མཆོད་དམ་པ་འོ་མ་མར།། བུ་རམ་སྦྲང་རྩི་རྩི་བཅུད་འབུལ།། ཀླུ་རྒྱལ་བཞུགས་པ་འཁོར་བཅས་ལ།། མགྲོན་གྱི་དམ ་པར་སྤྱན་འདྲེན་ན།། བདག་ཉིད་དད་པས་མཆོད་ལགས་ཀྱི།། བཞེས་ཤིག་རོལ་ཅིག་ཀླུ་ཡི་ཚོགས།། རྒྱན་གྱི་མཆོད་པ་འདི་བཞེས་ཤིག། ནཱ་ག་རཱ་ཛ་ས་མ་ཡ་ཨ་མྲྀ་ཏ་སརྦ་ཁ་ཁ་ལེ་ལེ། ཞེས་མཆོད ་ཅིང་ཕྲིན་ལས་བཅོལ་ལོ།། མཐའ་བསྒྱུར་ལས་ཀྱི་སྐབས་ཀྱིས་ཤེས།། ཀླུ་མཆོད་ཅིང་ཕྲིན་ལས་བཅོལ་བའི་ལེའུ་སྟེ་སུམ་ཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་རྟ་མགྲིན་གྱིས་ནཱ་ག ་ཀླུ་འདུལ་བའི་ཏིང་ངེ་འཛིན་ལས་བཞེངས་ནས། འདི་སྐད་ཅེས་འཁོར་རྣམས་ལ་བཀའ་སྩལ་པ། ཀྱེ་ཀྱེ་གདུག་པ་ཅན་གྱི་ཚོགས།། ལྔ་བརྒྱ་དུས་ཀྱི་ཐ་མ་ལ།། ཀླུ་ཡི་བསྟན་པ་དར་བའི་ཚེ།། ནད་དུ་ཙི ་ཅིཙི་ཛ་ལ་འབྱུང་།། དེ་ཚེ་ཀླུ་ཆེན་བྱེད་རྣམས་ཀྱིས།། ཁྲོ་རྒྱལ་ང་ཡི་བཀའ་མ་བཅག། གལ་ཏེ་ང་ཡི་བཀའ་བཅག་ན།། ཁྱེད་རྣམས་རྡུལ་དུ་བརླག་པར་འགྱུར།། ང་ཡི་བཀའ་ནི་བདེན་པར་སྒྲུབས།། ཞེས ་གསུངས་པས། ཀླུ་ཡི་ཚོགས་ཀྱི་འཁོར་རྣམས་ཀྱིས་གསོལ་བ།། ཀྱེ་ཀྱེ་དཔལ་ཆེན་རྟ་མགྲིན་རྒྱལ།། ཀླུ་བདག་རྒྱལ་པོའི་བཀའ་བཞིན་བགྱིད།། ཁྱོད་ནི་ཀླུ་རྗེ་ནམ་མཁའ་ལྡིང་།། རྒྱལ་པོའི་རྒྱལ་པོ་རྟ ་མགྲིན་ལགས།། ཁྱེད་ཀྱི་བཀའ་བཞིན་མ་བགྱིས་ན།། བདག་ཅག་རྡུལ་དུ་བརླག་པར་འགྱུར།། ཞེས་ཀླུ་རྣམས་ཀྱིས་དམ་བཅས་ཏེ། རྗེས་སུ་ཡི་རངས་ནས་མངོན་པར་དགའོ།། དཔལ ་ཆེན་པོ་རྟ་མགྲིན་ནི་ཆོས་ཉིད་ཀྱི་དབྱིངས་སུ་ཐིམ་པར་གྱུར་ཏོ།། ཀླུ་རྣམས་རང་གི་གནས་སུ་དེངས་ནས་དམ་ཚིག་ལ་གནས་པར་གྱུར་ཏོ།། ལུང་བསྟན་དམ་བཅས་པའི་ལེའུ་སྟེ་སུམ་ཅུ་བདུན ་པའོ།། །། ནཱ་ག་ཀླུ་འདུལ་ཞེས་བྱ་བའི་རྒྱུད་རྫོགས་སོ།། །། མཚྭ་འབྲམ་ཆུ།། དཔལ་ཧེ་རུ་ཀའི་གལ་པོ།། ཞི་ཁྲོ་འབུམ་གྱི་ཚོགས་ལ་ཕྱག་འཚལ་ལོ།། འདི་སྐད་ཐོས་ནས་བཤད ་