བོད་ཡིག

e-texts produced with BDRC’s OCR application

bzhi las mi gsungs te le'u drug tsam ma 'dus so// @#// rgya gar skad du/ sarba ta thA ga tA sha ya b+ha ka ra Na/ ma hA yo ga gu h+ya saM b+ho da/ yo ka tsar+ya b+hU mi shrI badz+ra mA la a b+hi d+hA na pra ha la li d+ha ga ma tan+t+ra sarba hri da ya ma he sha sa mu dA ya tan+t+ra nA ma/ bod skad du/ de bzhin gshegs pa thams cad kyi dgongs pa lung bstan pa/ rnal 'byor chen po'i gsang ba rnam par bye ba rnal 'byor spyod pa'i sa// dpal rdo rje phreng ba'i mngon par brjod pa/ rta mchog rol ba'i lung rgyud thams cad kyi snying po/ dbang chen 'dus pa'i rgyud ces bya ba/ lhun gyis grub pa'i sangs rgyas rnams la phyag 'tshal lo// 'di skad du bdag gis thozos pa'i dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje'i bdag nyid/ rdo rje btsun mo'i b+ha ga la bzhugs so// de nyid kyi khyad par las rnam par mi rtog pa'i ye shes kyi de kho na nyid la phyogs pa ni// de bzhin gshegs pa rdo rje rtag pa dang / de bzhin gshegs pa rdo rje zhe sdang dang / de bzhin gshegs pa rdo rje ye shes dang / de bzhin gshegs pa rdo rje chags pa dang / de bzhin gshegs pa rdo rje dam tshig dang bcas pa dang / gzhan yang rigs dang 'brel ba'i byang chub sems dpa' sems dpa' chen por gyur pa ni/ byang chub sems dpa' chen po rdo rje snying po dang / byang chub sems dpa' chen po rdo rje dam tshig dang / byang chub chen po rdo rje chos dang / byang chub chen po rdo rje phyag dang / byang chub chen po rdo rje blo gros dang / byang chub chen po rdo rje dang / byang chub chen po rdo/ rje kun tu dang / byang chub chen po rdo rje rgyal po dang / byang chub chen po rdo rje longs spyod dang bcas pa dang / gzhan yang gdug pa 'dul ba la phyogs pa ni/ gshin rje mthar byed dang / shes rab mthar byed dang / chos mthar byed dang / bgegs mthar byed dang bcas pa dang / gzhan yang rdo rje snying po la sogs pa dang / 'dus pa rnams lhan cig tu bzhugs pa ni/ dper na til gyi gang bu kha bye ba bzhin du bzhugs so// dbang chen 'dus pa'i tan tra las/ gleng gzhi'i le'u ste dang po'o// // de nas bcom ldan 'das kun tu bzang pos// chos thams cad kyi de kho na nyid kyi ting nge 'dzin la snyoms par zhugs so// de yi byin gyis brlabs las// ba spu'i bu ga nas 'od zer brgya stong du ma 'phros pas rnga rje snying po la phog par gyur to/ de'i tshe rdo rje snying po stan las langs te/ bcom ldan 'das la lha rdzas kyi mchod pa mang pos mchod nas/ 'di skad ces bskul to// rnam par rtog bral gdod nas skye med dbyings// ma bcos mtha' yas ye shes chen por gsal// sgra bsam yul 'das mtha' dag 'od gsal zhing // dmigs med yul bral snying rjes yongs la khyab// mkha' dang stong pa'i cho 'phrul gsal mdzad cing // dri med thugs rje'i 'od mdangs gsal ba yis// thugs kyi rtags ston 'od zer rgyal ba'i sku// rnam gsum sems dpa' gsang sngags 'od phreng tshogs// chags pa'i skyon bral ye shes lnga yi mdangs// sku gsung ye shes rnam lnga'i dgongs pa rnams// bdag gzhan 'bras bu thob phyir bshad du gsol// zhes glus bskul to// de nas bcom ldan 'das kyis gzungs kyi dkyil 'khor 'byin pa zhes bya ba'i dgongs pa ston pa ni/ gzungs kyi rgyal mo nam mkha'i rdo rje ma dang / sa rdo rje ma dang / chu rdo rje ma dang / me rdo rje ma dang / rlung rdo rje ma la 'khril bar gyur te/ gzungs kyi byang chub chen mo/ 'das pa'i rdo rje dang / ma 'ongs pa'i rdo rje dang / da ltar byung ba'i rdo rje dang / ma byon pa'i rdo rje dang / gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / gzhan gzugs kyi las mdzad ma/ 'dzin byed rdo rje ma dang / 'ching byed rdo rje ma dang / sdom mdzad rdo rje ma dang / dgyes pa'i rdo rje ma rnams bton te/ lhan cig skyes pa'i ye shes kyi ro bde ba chen pos rgyas par mdzad nas/ nyid kyi thugs las gar gyi dbang phyug bde chen byung ste/ zhal gsum ni sngon po dang / ser po dang / dkar dmar pad+ma'i mdangs can/ phyag drug pad+ma'i sdong bu dang / bum pa dang / rdo rje rtse gsum dang / dpal be'u dang / mda' dang / gzhu 'dzin par gyur te/ 'di skad ces gsungs so// chos dang longs spyod sprul pa dang / chos dbyings me long mnyam nyid dang // so sor kun rtog bya ba grub// bdag dang gzhan gyi phyir spyod pa// lha spyod dkyil 'khor dbang dam dang // phrin bsgrub mchod dang ting 'dzin rgya// gzhi lam 'bras bu rdo rje'i bdag/ gsang sngags pa yis bshad kyis nyon// zhes gsungs so// dbang chen 'dus pa'i rgyud las gleng bslang ba'i le'u ste gnyis pa'o// // de nas bcom ldan 'das kyis sku rdo rje yongs su rdzogs pa'i ting nge 'dzin la snyoms par zhugs so// de nyid las sku'i tshogs yongs su gsal ba zhes bya ba'i 'di ched du brjod do// spyi gtsug 'khor lo rtsibs brgyad la// sangs rgyas rnam snang rang byung sku// kang ka sha shel ltar dag/ byang chub mchog gi phyag rgya can// gnyis med dam tshig rdo rje'i sku// ting nge 'dzin gyis 'di skad gsungs// dag pa de bzhin gshegs kun gyis// phung po khams sogs rnam spang shing // gzung dang 'dzin pa las sgrol zhing // chos bdag med pa'i stong nyid can// zhes gsungs so// thugs kar nyi ma'i gdan steng su// sangs rgyas mi bskyod rang byung sku// mthing ga sa gnon phyag rgya can// kun gyi gnyis med mi zad pa'i// ye shes ting 'dzin snyoms zhugs te// byang chub sems ni 'di gsungs so// dngos po 'di dag ma skyes pas// phung por grags pa'i chos nyid med// nam mkha' lta bur brtag dka' ba'i// bdag med byang chub sems zhes bya// zhes gsungs so// mgrin pa pad+ma 'dab brgyad las// sangs rgyas snang mtha' rang byung sku// pad+ma rA ga mnyam bzhag rgya// ye shes sgron 'bar ngang nas gsungs// ma skyes pa yi chos rnams la// dngos po med cing bsgoms pa'ang med// nam mkha'i gnas su sbyor ba yis// ngo bo zhes ni rab tu bshad// ces gsungs so// lte ba rin chen zur brgyad las// sangs rgyas rin 'byung rang byung sku// 'dzam bu na da'i gser 'od 'dra// sbyin pa gtong ba'i phyag rgya can// bdag med rdo rje'i ting 'dzin la// snyoms par zhugs nas 'di dag gsungs// chos rnams thams cad dgos med cing // chos kyi mtshan nyid rnam par spangs// bdag med chos las yang dag byung // byang chub tshul ni bstan pa'o// // zhes gsungs so// gsang gnas rdo rje rgya gram la// sangs rgyas don grub rang byung sku// sbyin gtong in+d+ra nI li'i mdog/ zil gnon rdo rje'i ngang nas gsungs// chos 'di rang bzhin 'od gsal zhing // gdod nas dag pas mkha' dang mnyam// byang chub med cing mngon rtog med// byang chub sems ni yin par bshad// ces gsungs so// e ma ho// zhes gsungs pas thams cad kun rdzob dang don dam pa'i byang chub sems kyis khyab par gyur to// de nas nam mkha'i dbyings phrug mas 'di gsungs so// snod bcud snang ba'i rang bzhin 'di// rgyu rkyen 'bras bu ngang gis stong // de nyid ma skyes chos kyi dbyings// chos rnams yongs kyi 'byung gnas so// de nas sangs rgyas spyan gyis 'di gsungs so// rang bzhin 'od gsal sems nyid 'di// med las yod snang sgyu mar snang // me long lta bur rang gsal bas// yongs la khyab par de 'gyur ro// de nas mA ma kI sa 'di gsungs so// 'khor ba mya ngan 'das pa'i chos// spyi dang rang gi mtshan nyid rnams// ma 'dres yongs su rdzogs pa'i don// rang bzhin bang gis mnyam pa nyid// de nas gos dkar mos 'di gsungs so// stong nyid ye shes snying po ni// phyogs gzhan rang sar rtogs pa'i blos// so so'i rang gzhung nges rtogs nas// kun tu rtogs par rab shes byos// de nas dam tshig sgrol mas 'di gsungs so// chos rnams yongs su rdzogs pa'i don// dbyar med dang du gnas pa ni// bya ba thams cad 'grub pa ste// dbyings dang ye shes 'du 'bral med// a ho zhes brjod pas// 'chad pa'i skyes bu nyid dgyes par gyur to// dbang chen 'dus pa'i rgyud las// byang chub mchog tu sems nges par bskyed pa'i le'u ste gsum pa'o// // de nas bcom ldan 'das theg pa thams cad rab tu gsal ba zhes bya ba'i ting nge 'dzin la snyoms par zhugs so// de'i tshe 'di skad ces gsungs so// ye nyid ji bzhin lhun grub ni// nam mkha' dang ni nyi ma bzhin// yangs shing rgya che 'od gsal ba// 'khor 'das 'byung ba'i rang bzhin can// srid rtsa bdag las lhan cig byung // kun tu brtags pa'i rtog pas bslad// dge sdig las gsum bag chags can// nyon mongs lnga yis rnam par bskyed// snod bcud gnyis las ma gtogs pa'i// 'gro ba gzhan na mi mnga' ste// las dang longs spyod so sor snang // gcig las drug rigs bsam las 'das// thog mtha'i don las gol nas su// phyi nang rten cing 'brel 'byung 'khor// byang chub sems kyi snang ba 'di// de yang snang yang sangs rgyas yin// zhes gsungs so// de nas sangs rgyas kyi mkhyen pas gzigs nas thugs rje'i ye shes chen por bskyed pa'i gzhi 'di skad du ces gsungs so// rdzogs sangs rgyas dang dmyal ba yang // sems nyid rang bzhin 'od gsal te// de la gzhi dang rtsa ba med// chos sku nyid pas gzhan mi mnga'// ji ltar tha dad snang gyur pa// thams cad mkhyen pa'i spyan gyi gzigs// mngon shes drug gi yul du snang // las dang thugs rjes 'brel ba'i stobs// mun pa'i nang du 'khor ba kun// ma rtogs 'chal ba rgyang 'phen pa// dmangs rigs dang ni rigs ma des// rigs chad pa dang 'du shes can// log par rtog pa'i mu stegs pa// rang bzhin dbang phyug rgyur 'dod dang // rdul phran ngo bo nyid gyur smra// byed pa rig byed rtag par blta// tshe la snga phyi med 'dod cing // yon tan las 'bras chad par 'dod// chos dang gang zag bdag tu 'dzin// rdul phran smra ba nyan thos can// phyi nang rten cing 'brel ba dang // lugs 'byung de ldog rang sangs rgyas// don dam blo yi dang stong zhing // kun rdzob sgyu ma snang ba des// dbye gzhi la sogs rnam pa yis// byang chub sems dpa' phal chen te// dag pa ye shes chos nyid du// rigs gsum mgon la spyod pa blta// 'og spyod gong la blta ba yis// u pa ya zhes de ltar snang // rnam par snang mdzad chen po yis// rdo rje dbyings kyi rnal 'byor blta// longs spyod rdzogs pa'i sku dag la// bden par dbyer med ma hA yin// rtsol bral dbyer med shin tu rdzogs// 'dir ni sbrul sku dam pa yis// dbyings dang ye shes gnyis su med// 'og tu gyur dang steng na spyod// mtho dman theg pa'i gtan tshigs ni// khyad par che la gcig pa'i tshul// kun brtags 'khor ba'i rang bzhin ni// gzhan dbang de bzhin gshegs pa ste// yongs su grub pa chos kyi sku// rgyu bdun 'dod pas 'bras bu 'phags// rang sems mngon sum lha skur 'bebs// rjes kyi shes pa lha skur rtogs// rdzogs pa a nu yo ga ni// mu bzhi mtha' bral chos kyi dbyings// gcig dang du mar de ma grub// rang byung ye shes rdo rje ste// kun tu bzang po yab tu snang // dbyings dang ye shes gnyis med pa// rten cing 'brel ba'i bde chen sras// sprul pa'i longs spyod rgyun mi chad// ces gsungs so// dbang chen 'dus pa'i rgyud las/ blta ba rim par phye ba'i le'u ste bzhi pa'o// // de nas bcom lda 'das kyis 'od zer 'phro ba'i ting nge 'dzin la snyoms par zhugs te 'di gsungs so// dam pa'i rgyud lung man ngag mdzod// lta spyod ting 'dzin gdeng ldan la// rang bzhin sbyangs pa khyad par snod// bden smra mi bslu bka' bzhin bya// lha spyod mi bslu don ldan nas// byang chub mchog tu sems bskyed de// de bzhin nyid kyi ting 'dzin ni// stong pa nyid kyi ting 'dzin bsgom// gnyis pa kun snang nam mkha'i ngang // snying rje'i yul gyis khyab pa'i phyir// mtshams sbyor chen po'i ting 'dzin bsgom// gsum pa rang gi sa non te// rab tu brtan pa'i ye shes la/ de nas phra mo'i a 'phro 'du// spros shing bsdus kyang 'phel 'grib med// de las bdag nyid chen po ni// thams cad rdzogs par bskyed bya'o// rgyas btab byin brlab dbang bskur bas// rtsa ba'i dkyil 'khor rab tu rdzogs// thog mar yab yum rnam gnyis mkha'// rdo rje pad+mar byin gyis brlab// gnyis med 'khril bar dgyes pa las// b+ha ga'i dkyil du ling+ga la/ sgro bsdus dbyings su 'khyil ba las// dbang chen sa bon 'bru lngar gyur// e las nam mkha' yaM las rlung // baM las rgya mtsho suM las gser// b+h+rUM las rin chen gzhal yas khang // dbyibs dang kha dog bsam yas mchog/ 'khor lo gdan dang rol mo'i tshogs// gdan dang rgyan bcas yongs su grub// rten 'byung nam mkha' yi ge a// 'phel 'grib med par gnas pa las// gnyis med dgyes pa'i 'phro 'du las// bzhi bcu rtsa gnyis 'od du 'bar// gsung gi dkyil 'khor bzhi bcu gnyis// sgro bsdu gsal bar gyur pa las// thugs mchog bzhi bcu rtsa gnyis 'bar// de las mngon rdzogs skur gsal lo// gzugs dang rnam shes tshor ba dang // 'du shes 'du byed phung po'i sku// nam mkha' sa chu me rlung dbyings// rdo rje skyil kruklung rdzogs sangs rgyas// sa dang nam mkha' spyan ras phyag/ sgeg mo phreng ba dbyangs dang gar// byams pa sgrib sel kun bzang 'jam// me tog spos dang mar me dri// phyi nang sems dpa'i ngo bo ste// rang gi rigs su nges par gsal// srid thub 'dzin dang rnam par rgyal// shAkya seng+ge rnam par gnon// rnam par snang byed chos kyi rgyal// kun tu bzang po bzang mo dang // gshin rje stobs chen rta mgrin dang // bdud rtsi lcags kyu zhags pa dang // sgrog dang dril bu 'dzin pa nyid// bzhi bcu rtsa gnyis lhun gyis grub// dkar ser dmar ljang mthing ga'i mdog/ 'od zer bye ba phrag rnams 'gyed// ces gsungs so// de nas bcom ldan 'das kyis dkyil 'khor rab tu 'dus pa 'di gsungs so// dkyil 'khor gru bzhi sgo bzhi pa// thig bzhi btab pa'i pho brang du// dbus su mi bskyod yab yum 'khril// de yi phyag na rdo rje bsnams// brgya byin phyogs su rnam snang mdzad// de yi phyag na 'khor lo bsnams// gshin rje la ni dkon mchog dpal// de yi phyag na rin chen bsnams// nub tu 'od dpag med pa bri// de yi phyag na pad+ma bsnams// gnod sbyin phyogs su gdon mi za// de yi phyag na rgya gram 'dzin// me yi phyogs su dbyings phyug ma// bden bral phyogs su mA ma kI// rlung gi phyogs su gos dkar mo// dbang ldan mtshams su sgrol nyid// shar gyi sgor ni gshin rje la// lhor ni stobs chen nub tu rta// byang chub bdud rtsi 'khyil ba ste// zhal gsum phyag drug rnam par bsam// de nas bcom ldan 'das kyis dkyil 'khor shin tu bsdus pa zhes bya ba 'di gsungs so// dus gsum bde gshegs sku 'dus pa/ bcom ldan rnam par snang mdzad bsgom// gsung ni thams cad mtshon pas na// bcom ldan snang ba mtha' yas bsgom// thams cad ma lus kun 'dus pa// rdo rje sems dpa' thugs su bsgom// zhes gsungs so// dbang chen 'dus pa'i rgyud las// sku yongs su rdzogs pa'i le'u ste lnga pa'o// // de nas de bzhin gshegs pa thams cad kyis gsungs 'di dag ched du brjod do// ka kha ga g+ha nga/ tsa tsha dza dz+ha nya/ ta tha da d+ha na/ Ta Sha Da D+ha Na/ pa pha ba b+ha ma/ ya ra la wa/ sha Sha sa ha k+Sha/ a A/ i i/ u U/ r-i r-I/ l-i l-I/ e ai/ o o/ aM aH/ IM ma hA shAn+ya tA dz+nyA na badz+ra swa b+hA wa At+ma ko&haM/ oM d+harma d+hA tu badz+ra swa b+hA wa At+ma ko&haM/ b+h+yAM b+hi sha b+hi shud+d+he dz+nyA na maN+Da la b+h+yAM/ o dzi na dzi ka muM d+hA tI shwa ri/ hUM badz+ra d+h+r-i ka laM dwe Sha ra ti/ sri rany+dza d+h+r-ika mAM mo ha ra ti/ AM a ro li ka/ pyaM rA ga ra ti/ ha bra dz+nyA d+h+r-i ka tAM badz+ra ra ti/ k+Shi hi rA dza ya/ hUM lA s+ye/ tri a gar+b+hA ya/ tAM mA le/ hri ha hUM pad+ma pAdaM ma/ hI gi rti/ dz+nyI ku ru pA Na hri/ AM ni ra ti/ me d+ha ra Ne swA hA/ dza d+ha pa/ b+hI ni sma raM b+ha ya/ hUM puSh+pa/ hUM sa rA dza ya/ baM di pa/ mr-i shrI aM rA ga la/ ho gan+d+he/ IM muM ni kr-i/ oM mu ni hUM/ oM mu ni sr-i/ IM mu ni br-i/ IM mu ni k+ShaM/ oM mu ne ye swA hA/ A~M badz+ra tsit+ta hUM/ oM badz+ra b+ha dra au/ hAM ya mAn ta kr-i ha hUM phaT/ dza badz+ra kro d+hi/ hUM pra dz+nyA na ta kr-i ta phaT/ hUM rat+na kro d+hi/ hUM pad+mA na ta kre ta phaT/ baM pad+ma kro d+hI/ hUM big+h+nAM ta kro ta phaT/ ho karma kro d+hi/ IM ma hA shU n+ya ta badz+ra swa b+hA wa At+ma ko&haM/ oM ma hA A daR+sha dz+nyA na badz+ra swa b+hA wa At+ma ko&haM/ oM ma hA sa mi tA dz+nyA na badz+ra swa b+hA wa At+ma ko&haM/ oM ma hA pra t+ya be k+Sha Na dz+nyA na badz+ra swa b+hA wa A tu ko&haM/ oM ma hA kr-i nuSh+Ta na dz+nyA na badz+ra swab+hA wa At+ma ko&haM/ oM sarba ta thA ga ta kA ya badz+ra swa b+hA wa A ta ko&haM/ oM sarba thA ga!k+Sha badz+ra sa?b+ha yat+ma ko&H/ oM sarba tab ga tatseHbadz+ra b+hA las at+ma ko&ta/ oM ma!sa? kha za d+hI tseHdz+hanad+hany+ra ya/ zhes gsungs so// dbang chen 'dus pa'i tan tra las/ gsung gi le'u ste drug pa'o// // de nas bcom ldan 'das kyis thugs yongs su dag pa'i ting nge 'dzin la snyoms par zhugs nas 'di gsungs so// nyi zla 'bru lnga'i 'od zer las// skur ba'i phyag rgya rnams par bsgyur// 'khor lo rdo rje rin po che// pad+ma ral gri dril bur bcas// rin chen myu gu ral gri dang // pad+ma dkar po rdo rje dang // klu shing chos kyi 'khor lo dang // ut+pal rin chen snye ma 'dzin// me long phreng ba pi wang gar// me tog bdug pa mar me dang // dri chab 'thor bas dgyes par rol// pi wang go cha gseg par dang // chos kyi po ti rin chen sgrom// me chu mnyam gzhag 'od zer 'phro// thod dbyug rdo rje sbrul zhags rgya// lcags kyu zhags pa lcags sgrog dril// dam tshig rang gi yon tan dngos// rgyal sras rnams kyis rgyas btab pa// las kyi rnam smin nges pa yis// kun nas rgyas btab lta bur gnas// gang yang 'di ni las gang gis// de 'bras ji lta bzhin du 'gyur// chos med rang bzhin med pa nyid// rang bzhin gyis ni rgyas btab nas// stong dang snying rje mi phyed pa// sangs rgyas zhing ni rnam sbyong ba// de bzhin gshegs pa'i phrin las ni// yongs su dag par mdzad pa'i las// de'i rang bzhin rang bzhin med// phyag rgya chen mo zhes ni brjod// bde gshegs rnams kyi thugs 'dzin pa// srog shing dbang po myong ba dang // za byed kun tu rgyu ba dang // klu dang rus sbal rtsangs pa dang // lha sbyin dang ni gzhu las rgyal// phung po rnam shes ma lus kun// 'di don shes nas gzung bar bya// byed pa can gyi rlung 'di yang // rnam shes khams dang 'dres nas su// dbang po'i srang nas thon 'gyur te// yul rnams kun la 'jug pas na// snang dang mched dang thob pa dang // nye bar thob par byed pa dang // yul can gzhan la log pa na// yul la dngos por su zhig 'dzin// rnam shes nang du 'jug pa yang // rlung la dngos por ma grub pas// sems la dngos por su zhig 'dzin// yul sems rab tu rtogs gyur na// gdab ltas pad+ma dbang gi lha// ji ltar sprad kyang skyon med pas// dbang chen zhes kyang de la bya// gang zag nye lam bsgrub 'dod pas// gnas khang shin tu mun nag sar// rdo rje gtsug tor lta stangs kyi// nges pa kho na 'grub pa ste// de ltar ji ltar bsgom zhe na// zhabs kyis rdo rje bca' ba dang // phyag gnyis khu tshur sta zur mnan// spyan gnyis ri rab nang du sba// lce rtse gyen gtad zhal yang gdangs// srog gi rtsa nas ye shes rlung // spyi bo tshangs pa'i bu gar 'don// 'ja' tshon sna lnga'i 'od la blta// nges par thog 'gyur the tshom med// ces gsungs so// dbang chen 'dus pa'i tan tra las/ thugs yongs su rnam par dag pa'i spyod yul bstan pa'i le'u ste bdun pa'o// // de nas bcom ldan 'das kyis dkyil 'khor yongs su gsal ba 'di gsungs so// dmigs pa phra ba'i rig pa ni// gtso bo'i bsnyen pa 'bum du bya// 'khor rnams la ni khri yin te// dge slong rdo rje 'dzin pas bya// dur khrod dang ni khang khyim dang // ri bo dben gnas sa phyogs su// sa dang bar snang nam mkha' brtab// 'bru lnga phra bkod sor mo yis// dbang gi phung ba sor bzhi pas// gdab par bya zhing me yis sbyang // las dang bya ba ting 'dzin sbyang // de na gnas pa'i 'byung po la// 'tsho byed bskrad la thal mo brdab// sa la lan gsum sngags kyis sbyang // oM badz+ra kro d+ha dza la a na lArka hUM phaT/ oM ung+ga ts+tsha ta/ oM ung+ga ts+tsha ta/ sarba b+hU ta gra ha At+ma/ oM AHhUM/ badz+ra satwa A be sha te hUM phaT/ gseg ma mgal dum sbran pa dang // ba tsha gyo mo spang pa yi// mnyam zhing me long ltar 'jam pa// rnam pa lnga yis byug par bya// phyi nang gsang ba'i skud pa yis// rab tu mnyam gyur gru bzhi pa// sku gdung nyi shu lnga yang sba// sku gsung thugs las byung ba yi// dpa' bo 'bru lngas bskrad par bya// tshangs thig btab nas thig skud la// zhal bsil chu yis gsang bar bya// oM a mo g+ha pad+ma ba su d+ha ra d+ha ra/ d+ha ra Ni maN+Dal hUM/ shar lho nub byang la sogs pa// ji ltar 'dod pa'i cha phyed nas// nor 'khrul med pa'i dgongs ldan gdab// rin chen 'bru dang rdul tshon dang // dur khrod rdzas kyis bri bar bya// sku gsung thugs rten dgod pa dag/ rol mo rgyan rnams dri bar bya// rab tu mdzes pa kho nar bya// phyogs mtshams phur bus gdab par bya// khro bo'i rkang stabs bskor ba dang // dra ba ra bas bcings sogs pa// mtshams kyi rim pas bsrung bar bya// bum pa rgyud dbyibs tshad ldan du// byug bdug bskrad rlabs rdzas kyis dgang // sman 'bru snying po rin chen lnga// dri dang me tog dpag bsam shing // byin brlab las bum rnams rgyal dang // lha grangs mnyam par dgod par bya// rang gnas dri yi thig le las// bskyed drang mchod sogs lhag gnas bya// sngags brjod me tog dor nas ni// lha gnas dong nas rang bzhin mthong // sku khrul rab tu gsol bar bya// me dang nyung dkar khro bo yis// rab tu sbyar zhig nyon mongs sel// oM sarba a ba ra Na shud+d+ha sarba pA paM bi shud d+ha badz+ra hUM phaT swA hA/ phyi nang gsang ba'i rdzas mchod de// rang gi ming sngags dag gis dbul// oM sarba ta thA ga ta pu Sh+pa pU dza me g+ha sa mu dra s+pha ra Na sa ma ya shri ye AHhUM/ chos dang ldan pa'i slob dpon gyis// cho ga ji bzhin rab tu gnas// oM su pra tiSh+Tha badz+ra swA hA/ las rnams bya ba mang po dag/ gtor ma'i rdzas mchog snod bzang por// bshams te kun la dbul bar bya// oM prat+sa d+he pa tA sarba in+na da sha lo ka rak+Sha ka nA ga ga na d+ha rba kur+N+Na NA/ yak+Sha d+hA ta ga NAH/ ta thA pre ta un+ma da ta pi shA tsi a pa s+phA ra DA ki nI graha bi g+haM ma traM ga NAHsarba ta thA a nu ne ma ra be g+hA ha/ au dzo b+ha k+Sha ma hA te dza ma nu b+hA nAM bi hi sa ka mu dra man+ta a d+hi do b+hu sh+tsa/ pra hA na k+Sha tra ma nuSh+ya i maM ba li pra ti gr-i h+Nan+ta/ sid+d+hi m+me pra ya tsAn+ta mes dA sa ma ne Shu ka ra me Shu/ sa ta sa ha la b+ha ban+d+ha tsa/ d+ha na d+ha na su ba su pa ra nany+dza/ da dan tu ma ma to Shi ta i ti u pa tA Na ro Sha Ni/ sa dA nA ma nA sha yan+d+ha tsa AHhUM phaT swA ha/ rdo rje'i snod dang ldan pa rnams// dad chus sems kyi dri ma bkru// gos gtsang gon la gtsang khang byung // ras kyi yol pas gcad par bya// gdong bsal spyan ras dgab par bya// oM tsak+Shu tsakrA sa man+ta tsak+Shu me tri sid+d+ha lo tsa ne sarba ar+tha sA d+ha ni swA hA/ skud pa legs pa tshad ldan la// bsang dang rdo rje'i mdud pa gsum// me tog gtor zhing dpung g.yon bcings// oM lo tsa ni ya tha tAd taM saM pra taM mi b+ha bi shud d+he raM rat+na tra yA ya sid+d+hi na ni da da shA ya swA hA/ so shing bzang ba'i phur bu de// byin brlab lag gtad slob mas dor/ oM pra ti badz+ra sa man+ta i ga ri AHhUM swA ha/ phyogs bltas dur ba'i sngas gdan gyis// nyal nas ji ltar mthong ba smra// go bde'i rnam pa bla mas bshad// zhi ba'i las kyi sdig sgrib rnams/ bgegs rnams zhi ba don du bsreg/ gos bzang bgos pa'i shik+ta yis// thal sbyar 'jug par gsol ba btab// gnang ba sbyin zhing yi dam lhas// thugs rjes gzung bar gsol ba gdab// dam tshig chu byin gsang ba bsgrag/ ye shes lha yi byin rlabs dbab// oM teSh+Tha ma hA kro d+ha A be shwa ya hUM/ badz+ra sa twa hi ma he'i d+yA rA dzA ya b+h+yo ma he phaT/ dkyil 'khor mchod ni bstan par bya// rang bzhin dkyil 'khor rang gnas mthong // slar yang dbang bskur gsol gdab bskur// bum pa mi bskyod rdo rje chu// mgo thog rnam shes phung por bskur// oM ma hA sa ma ya I shwa ra taM a b+hi Shiny+tsa mi swA hA/ oM sarba ta thA ga ta a b+hi She ka sa ma ya shri ye AHhUM/ dbu rgyan cod pa Na bzang po yis// yon tan rin chen 'byung ldan bsgom// oM sarba ta tha ga ta rat+na mu ku Ta pu dzA ya a d+hi Sh+Tha yA mi AHhUM/ rdo rje ye shes lnga rdzogs pa'i// 'od dpag med pa lag g.yas sbyin// kun bzang brtul zhugs rdo rje longs// dngos grub bzang po za bar gyis// a badz+ra pa Ni a b+hi Sh+T+rIny+tsa Sh+kaM/ dril bu ral gri don grub ni// lag pa g.yon pa don yod grub// oM d+hA tu a b+hi shin+d+ra hUM/ rnam par snang mdzad ngo bo de// rang bzhin sel bar gyur pa dang // rdo rje'i ming gi dbang yang bskur// gzugs kyi phung po rnam par bsgom// oM sarba ta thA ga ta che ge mo badz+ra sa tAM a b+hi Shiny+tsa mi swA hA/ de yis rdo rje slob dpon dang // nyan dang 'chad dang phrin las dang // rdo rje rgyal po 'grub pa yi// dbang mchog 'dod la tshim par bya// gzungs ma bstan pa zhu ba'i phyir// gdol ba mo dang khrus mkhan 'ong // sme sha can dang gar mkhan ma// ro sreg mo dang bram ze mo// 'grub 'gyur don du rnal 'byor pas// bdag nyid ro gcig gnas par bya// rin chen pad+ma de bzhin las// 'khor lo'i rigs su shes par bya// rdo rje'i rigs su brjod pa de'o// ma dang sring mo bu mo dang // chung ma mna' ma'am sgyug mo dang // lugs las ldog par shes pa yin// sems dang ngag lus srog dang ni// thur sel dbu ma'i rlung zhes bya// sa chu me rlung nam mkha' dang // nam mkha' chen por rab shes nas// mngar sbyar kha ba lan tshwa ro// bska ba tsha ba dngos grub ste// de dag shes nas rang bzhin med// de la dngos grub blang bar bya// dga' ba mchog dga' dga' bral dang // lhan cig skyes pa'i ye shes so// ba dang be'u bya dang byi'u// bung ba me tog las shes te// rang bzhin bde ba blang bya zhing // sangs rgyas rnams la mchod pa 'bul// shin tu chags bral chags chen pos// bde ba chen po blang bar bya// rang lus srog dang rgyal srid dang // gces pa'i rnam pas mnos par bya// 'di dang phyi mar bde ldan pa'i// yon tan brjod las 'das par 'gyur// gang yin bgegs la gtor mas mchod// rtag tu dam tshig la gnas bya// uts+tshiHk+She tra lA la ye h+ye hi tsakra uts+tshiSh+Ta su b+ho dza naM bi ba pi ba b+ha k+ShA b+ha k+Sha sarba sid+d+hi m+me pra yats+tsha me AHhUM phaT swA hA// zhes sungs so// dbang chen 'dus pa'i rgyud las// dkyil 'khor dang dbang bskur ba'i le'u ste brgyad pa'o// // de nas bcom ldan 'das kyis mnyes pa chen po 'di gsungs so// oM bsod nams ye shes tshogs rdzogs sku// rdo rje'i gsung dbyangs drug cur slob// mi rtog thams cad mkhyen pa'i thugs// yon tan ma lus re ba skong // zhi rgyas dbang drag lhun grub pa// rdo rje dbyings la phyag 'tshal lo// a ho// hUM dri med rnam dag zhi ba las// spros pa thams cad rab zhi ba'i// ye shes tshogs mchog mnga' brnyes pa// rang bzhin dag pas chos kyi sku// thugs rjes sdug bsngal sel mdzad pa// bsod nams tshogs rdzogs gzugs kyi sku// las dang nyon mongs shes bya yi// dri ma spangs pa'i skur sprul pa// gsung mchog sku gsum dag pa la// lus ngag sems kyis phyag 'tshal bstod// thugs rje chen pos gzung ba dang // ye shes snang ba gsal bar mdzod// a ho// oM chos dbyings skye ba med pa las// thugs rje'i dbang gis skur bzhengs pa// dbang mchog rdo rje sems dpa' ni// sangs rgyas kun gyi gsang ba'i thugs// rab tu mi rtog dngos med pa// thugs mchog khyod la phyag 'tshal bstod// dbang chen 'dus pa'i tan tra las// bstod cing las bcol ba'i gus pa bstan pa'i le'u ste dgu pa'o// // de nas bcom ldan 'das gdug pa 'dul ba'i ting nge 'dzin la snyoms par zhugs te las ma dag pa'i snang ba zhes bya ba 'di gsungs so// kun tu bkod pa'i bskal ba la// mngon par dga' ba'i zhing khams su// dge slong thub dka' gzhon nu la// thar pa nag po dan phag gnyis// gsang don yan lag rab zhus pa// ji bzhin nyid de ma bcos na// dngos po bzhi la gnas spyad kyang // nam mkha' la ni sprin bzhin te// rnal 'byor de nyid dam pa'i lam// de nyid la ni so sor gol// gtam tshig zhe gcod de nyid nyams// dmyal ba yi dwags dud 'gro sogs// rdo rje'i sngags kyi rnam smin phog/ srul nas smad 'tshong ma yi bu// dug shing ral gyi gdong nag tu// sha za ma yi dur khrod bdag/ lha srin yongs kyi 'khor gyis bskor// lha yi sde dpon ka ru dang // srin po lang ka mgrin bcu dang // lha klu mi rnams lam log spyod// ngan song gsum du 'khor ba las// thugs rje'i zhing du de gzigs te// bde gshegs bka' bgros bcang pa yis// zhi bas phan par ma gyur te// de bzhin gshegs kun khro bor gyur// sha rus khrag la longs spyod cing // dug gsum ma lus khong du zos// oM sarba pA ba ka ra he ta pa bi shra ma tra ru tra hUM phaT/ oM sarba pA pa ka ra he ta sa byi shwa kha tong kha ru tra hUM phaT/ oM sarba pA pa ka ra he ta pa byi shwa a sha ru dra hUM phaT/ hri pad+man+ta kr-i ta badz+ra ma hA kro d+ha ha gri pa hUM phaT/ tri zum b+h+raM dza/ te dza/ ba tri yaM bu dza/ ya da sho dza/ ga na dza/ ga ga na gra tsi ti tsi ti dza/ ma ma chu ga dza/ mA ra ya hUM phaT/ de dag snam nas bton nas ni// sgrib sbyang bshags te srog snying phul// 'khor rnams bran du 'khol nas ni// dkyil 'khor skyong bar khas blangs te// thal ba'i dbang por lung bstan nas// 'dir ni bstan pa bsrung ba'i phyir// srog sngags 'di dag dngos por phul// shog he ra ni shog he ma du ma ri la shog der shog 'dir shog 'dir duM 'dir duM/ tsi ta baM tsi rbad/ trag ra ka thun b+h+yo// tra ga rak+ka khaM khaM/ puM buM ga na ti ta shag au rak+ka sha ra ti/ ma ha ka la kA la ya sto ya phaT/ ya sto ya khug khug ni ga ta ya ga ta ya be dze be dze brungs phyung rtsad chod/ trag rak+Sha thums/ kha dum rbad rbad dza dza/ ces srog las dang bcas pa phul lo// de yi cho ga 'di yin no// brug khung nag po gru gsum nang // bar bu lcags kyi khang sgrom 'bar// mda' dang gsil byed mtshon cha la// phu rung chas gos nag por shes// ru tra kA la gri gug thod// beng dang bcas pa bzlas pa brtsam/ slob dpon chos grogs pha bu dang // yul dpon btsun chen nye ba dang // mig dang don snying za na 'grub// sbrang po dbyug pa thogs pa ngan// blang byed khri tshos 'brel ba dang // lus ngag sems kyi las su ni// bskor ba bzlas brjod ting 'dzin yin// bsnyen pa thabs kyis bskor bar bya// rbad bsang shes rab me dang mtshungs// sbyin bsreg thal ba phyar ram nan// dam tshig la sdang smos ci dgos// dbang chen 'dus pa'i tan trar las// ru tra bsgrub pa khro bo'i gleng gzhi bcas pa ste le'u bcu pa'o// // de nas bcom ldan 'das kyis khro bo thams cad rab tu gsal ba zhes bya ba'i ting nge 'dzin la snyoms par zhugs nas 'di skad do// bde ba chen po gar dbang phyug/ pad+ma rA ga kun tu zhal// dbu lnga mgo lnga gshog pa bzhi// shar du rol pa'i phyag mtshan ni// khro chen snying 'byin kha T+wAM ga/ rdo rje lcags kyu sbrul zhags dang // lho ru rol pa'i phyag mtshan ni// thod khrag rdo rje lu gu rgyud// rdo rje be con rde'u chung // nub kyi phyag bzhir bsnams pa ni// me yi zhags pa khyung gi khwa// sdigs mdzub me 'bar kha T+wAM 'khrol// byang gi phyag bzhir bsnams pa ni// rdo rje dgu lnga gsum gcig brdeg/ zhabs brgyad khro brdzis rgyan dang ldan// sku yi dbang chen 'di gsungs so// srog dang rtsol ba'i bdag nyid can// 'jug gnas ldang bas phyi dang nang // de gnyis 'brel ba'i bdag nyid can// de nyid kho na ngo bor gsal// tshogs chen yongs 'dus gar gyi dbang // dbu lnga dmar po rta mgo lnga// phyag ni bcu drug gshog pa bzhi// zhabs brgyad rngom brjid du khrod pa rgyan// g.yas kyi phyag brgyad bsnams pa ni// rdo rje kha T+wAM dril bur bcas// rdo rje lcags kyu sbrul zhags dang // 'khor lo rin chen zur brgyad dang // ral gri rdo rje lu gu rgyud// pad+ma yu 'dzin thod khrag bkang // khro snying gshin rje'i dbyug pa dang // rgya gram rdo rje be con dang // me phreng tri shul khyung gi khwa// gsung gi dbang chen 'di gsungs so// srog dang thur sel gyen rgyu dang // mnyam du gnas dang khyab par byed// ldang shing rgyu ba rnam par rgyu// yang dag rab tu nges par rgyu// pad+ma gsang ba dbang chen sku// pad+ma gsang ba'i skur byung bas// dbu lnga dmar po gshog pa bzhi// zhabs par bcu drug phyag rgya che// rdo rje lcags kyu sbrul zhags dang // cang te'u kha T+wAM thod rlon khrag/ rdo rje rtse dgu rtse lnga dang // rtse gsum rtse gcig 'bar ba dang // rdo rje lcags kyu lu gu rgyud// thod rlon stobs dang khro brgyad snying // me yi zhags pa khyung gi khra// sdigs mdzub me 'bar kha T+wAM 'khrol// thugs kyi dpal chen 'di gsungs so// snying ga gsang ba lkog ma dang // lte ba dang ni tshigs rnams la// rgyas dang rnam par rgyas pa dang // myong lhung mdza' ba'i rtsa la gnas// mig dang rna ba sna dang ni// lce dang lus dang skye mched la// rlung gi cha dang sna dang ni// bsnyen bkur lkog shal mchin par gnas// shes rab rta mgrin dbang gi sku// dbu gsum rta mgo ljang gu ni// ral pa dmar po gyen du 'khyil// lcags sgrog ral gri dgra sta g.yas// lcags sgrog gshol dang tho ba g.yon// brkyang bskum chu bdag nyid steng bgrad// e ka dmar nag dur khrod chas// kha T+wAM thod rlon dmar bkang stob// phra men byo la pu shud mgo/ dmar nag bskal ba'i me 'bar ba// lcags kyu phur pa 'dzin cing 'debs// rtsa ba'i lha bzhi 'di gsungs so// bag chags nyon mongs rlung ngo bo// dbang po gnyis dang mnyam sbyor 'jug/ srog rlung nya 'dra dang por 'pho// gnyis pa thur sel rus sbal 'dra// gsum pa gyen rgyu phag rgod 'dra// drug pa khyab byed seng ge 'pho// lnga yang mnyam gnas mi yi gzugs// drug pa las rlung sa khams mig/ bdun pa rna bar rus sbal chu// brgyad pa rtsa rlung sna bug me// dgu par lha sbyin rlung khams ro// bcu pa gzhu rgyab lus khams can// sangs rgyas sprul pa'i sku 'dra ba// rab tu skye bar de yis bya// pad+mas gar gyi dbang phyug ni// zhal gsum phyag brgad zhabs bzhir bgrad// dkar dang dmar nag ljang nag zhal// dbu gtsug rta mgo ljang gu ni// gyen du kha gdangs rta skad 'tsher// kha T+wAM ral gri rde'u chung dang // dgra sta g.yas kyi phyag na 'dzin// ye shes mda' dang dbyings kyi gzhu// mdung thur gser gyi zhags pa g.yon// spyi gtsug ye shes khyung chen rdzogs// thugs la rdo rje gtum po 'bar// pad+ma gar gyi dbang mo ni// zhal gcig phyag gnyis sku mdog dmar// g.yas pa rdo rje yab la 'khyud// g.yon pa bdud rtsi yab la stob// drag po gsum sbas 'di gsungs so// lus kyi srog rnams gsum 'dzin cing // rdung rnams phra ba'i gzugs kyis ni// shel dang yang dag 'dres gyur nas// dbang po'i lam nas byung nas ni// yul rnams la ni 'jug par byed// snang ba gsum du gyur nas ni// rang bzhin rtog bcas brgyad cu pa'o// yongs la 'char zhing 'jug pa ni// rta mchog rA ga'i mdog ldan pa// zhal gsum phyag drug zhabs bzhir gnas// dmar dang dkar ba mthing ga'i gzugs// rta mgo ljang gu 'khrul mar 'gyur// dang po rdo rje b+ha na dmar 'phyar// bar gnyis lu gu rgyud bsnams// tha ma rdo rje phur bu 'dril// khro gnyer ma ni 'bar 'dra 'khri// mo yi rtags ldan byang chub sems// mthar byed rta yis 'di dag gsungs// thog mar lo bcu lon pa'i dus// rgyags pas myos pas gzhu rgyal za// lo bcus de yis lha sbyin za// lo bcus rgyags rlung rtsangs ma za// lo bcu btang bzung rus sbal za// rlung dang btang bzung nus stobs mtshungs// gnod pa med pa'i lo bcu yin// bcu gzhan rgyags myos btang bzung za// bcu bas myos chu tshe 'phel bya// bcu gzhan myos pa'i rlung za byed// me rlung btang bzung longs spyod 'phel// me chu rlung rgyas chu rlung 'dres// de ltar lo bcu gzhan du phyin// chu bzhi 'bras bu bzhin du 'gyur// rang sems thig le rol pa'i sku// g.yas dkar g.yon sde dbus dmar ba// rta mgo ljang gu rta skad 'tsher// rdo rje ral gri lcags sgrog dang // thod pa lcags kyu zhags pa rnams// zhabs bzhi rigs bzhi klu'i stengs na// ngo bo nyid kyi yum dang 'khril// thig le rol pas 'di gsungs so// mthar ni mi gnas 'pho ba yis// mi shigs 'chi ba 'od gsal byed// snang ba gsum dang rlung mnyam pas// bar dor dngangs shing lus rnams len// zhal gsum dkar dmar bai DUr+ya// sku gsung thugs kyi khyung gsum rdzogs// zhing dbyug ral gri rtse dgu dang // lto 'gro'i zhags pa g.yon pa ste// be con mgo gnyis rdo rje bsnams// ye shes chen pos 'di gsungs so// rlung dang rnam shes 'dres pa'i las// ji ltar lha yi sku rnams ni// yongs su gsal bar bskyed pa yi// bya ba kun yang 'grub par byed// dkar dmar sngo ba'i zhal gsum mdog/ rdo rje rin chen dbyug pa g.yas// khro 'dzum ma chags pad+ma g.yon// bde ba chen pos 'di gsungs so// bde chen pad+ma'i gsang sbubs su// sa yi rlung chen rnam par rgyu// byang chub sems kyi thig le 'di// bde ba chen gyi ye shes thob// dmar po zhal gsum phyag drug pa// zhal ni de bzhin mtshungs pa la// pad+ma ral gri gtun shing g.yas// dril bu dgra tA me yi zhags// 'phags pa rta mgrin 'di gsungs so// yi ge au ni sku yin te// AHzhes bya ba gsung du 'gyur// hUM ni mi rtog ye shes thugs// rdo rje'i bzlas pa 'grub pa yin// zhal gsum phyag drug zhabs bzhir bgrad// dkar dang dmar dang sngo ba'i mdog/ muny+dza'i gseb nas ldang zhur can// gyen du kha gdangs hrIHsgra 'byin// g.yas rdor g.yon pa dung phor 'dzin// tha mas thabs shes mda' gzhu can// gsang ba'i yum bzhi 'khor du gnas// gri gug thod pa g.yas g.yon 'dzin// rta mgrin lha lngas 'di gsungs so// rlung lnga la ni dbang thob nas// de las sems gsum skye ba dang // ma dag pa yi sgyu ma 'grub// bsam gtan gnyis kyi 'od gsal du// de nyid mngon du byed pa ste// dag pa'i sgyu ma'ang grub pa yin// g.yas dkar dbus dmar g.yon mthing ljang // sangs rgyas 'od kyi gong bu na// rdo rje kha T+wAM sbrul zhags g.yas// dril bu b+han dmar lcags sgrog g.yon// e ka tsa ti dmar nag 'khril// kha T+wAM thod pa zhal gsum 'dren// kun tu kha sbyor 'di gsungs so// la las rang srog 'dzin pa dang // dri chu khu ba thur du sel// zas dang btung ba 'ju ba dang // gtam sogs sgra ni 'byung ba dang // 'gro dang ldog pa'i las chen de// srog thur me gyen khyab pa'i las// dmar po pad+ma sdigs mdzub g.yon// khyung chen dkar gsal thugs la rdzogs// klu rnams 'dul mdzad rgyan du che// nA ga gnod 'dul 'di gsungs so// rgyu ba gzung 'dzin rnam rgyu sgra// yang dag dril ba rab rgyu'o// nges par rgyu ba reg bya ste// dbang po rab tu las kyi bdag/ hrIHsgra rdo rje'i skur rdzogs pa// dbu gsum de bzhin phyag rgya drug/ rdo rje pad+ma rgyu ma dang // dung chen rnge'u chus kha T+wAM 'khrol// dmar sgra rdo rje thod can yum// dpal chen 'bar bas 'di gsungs so// rten ni zung du 'jug la gnas// rdo rje'i bzlas pas las bzhi 'grub// khyab byed rnal 'byor bar ma dor// rang bzhin 'od gsal nyams su myong // hrIHlas skyes pa'i phyag rgya che// dkar dang dmar dang ldang sngon zhal// dang po kha T+wAM rnge'u chung 'dzin// bar gnyis snying 'dren phyag byas pa// mtha' gnyis zhing dbyug b+han+d+ha 'dzin// rta mgrin gtum pos 'di gsungs so// rdo rje spyan la sogs pa yi// mngon par shes pa lnga dang ldan// de kun zag pa yod med pa// gnas skabs dang ni mthar thug go/ stong nyid ye shes khyab pa'i sku// zhal gcig phyag bzhi brkyang bskum zhabs// g.yas pa thod dbyug sdigs mdzub me// chos 'khor skyon med pad+ma 'dzin// brkyang bskum zhabs dang ldan pa yi// dpa' bo gcig pas 'di gsungs so// phung po khams ni lnga 'grub byed// yul lnga'i rang bzhin kun dang ldan// dmar po pad+ma g.yon dril bu// dmar po gri gug thod pa 'dzin// yab yum zhal gcig phyag gnyis zhabs// pad+ma khro rgyal 'di gsungs so// chu ni zhe sdang rdo rje la// sa ni nga rgyal rin po che// me ni chos rje 'od dpag med// rlung ni rta mchog ka sha tu las// rten dang brten par bzung ba ni// rnam par snang mdzad kun tu gsal// dmar po gri gug thod pa can// 'jigs byed dpal gyis 'di gsungs so// chos dbyings srog la mnyam nyid thur// sor rtog gyen la me mnyam grub// khyab pa me long ye shes so// rA ga'i mdog 'dra dbyug pa can// sdigs mdzub mdzad pas 'di gsungs so// gzugs sgra dri ro reg bya yi// chos kyi lha mos mchod par byed// zhal gsum pa la 'jigs 'jigs blta// rdo rje dung dmar dbyug pa dang // zhags pa mdzub mo rigs lnga'i khyung // khyung gshog ma yis 'di gsungs so// sa chu me rlung rnam pa bzhi// phyi rol ston dpyid dbyar rgun rgyu// zla ba nyin zhag bcas pa la// g.yas pa nas ni 'byung ba'i khams// me yi dkyil 'khor nyid yin te// kha dog dmar ba bzang po 'di// bcom ldan chags pa chen po'o// g.yon pa dag ni 'byung ba'i khams// rlung gi dkyil 'khor dang 'dres pas// ljang ser dag tu snang ba ste// bcom ldan las rab chen po rab// gnyis pa las ni 'gyur ba'i khams// gser gyi mdog tu snang ba ste// dbang chen gyi ni dkyil 'khor nyid// bcom ldan dkon mchog dpal yin no// dal zhing rgyu ba med pa'i khams// dag pa'i shel ltar snang ba ni// 'di ni chu yi dkyil 'khor te// bcom ldan rdo rje brtan pa'o// khams kun las ni yang dag byung // rten dang brten par bzung ba ni// rnam par snang mdzad rang bzhin te// 'chi ba'i mthar ni 'byung bar gyur// gtso la 'khor du snang ba ni// gyen la me ste gseg la rlung // thur du chu la zad kar sa// grangs ni shes rab nyin mtshan thabs// nyi khri chig stong drug brgyar 'gyur// zhal gsum dkar sngo dmar ba la// g.yas pa gsum na bsnams pa ni// rdo rje kha T+wAM cad te'u la// me dpung zhags pa zod khrag g.yon// gzi ldan rdo rje zod khrag 'khril// pad+ma don yod 'di gsungs so// 'dzin pa dkar la sel byed ser// mnyam gnas ljang nag gyen ni dmar// khyab pa nam mkha' sngo bsangs te// yan lag rtsa ba'i rjes su 'brang // zhal gcig pa la mdangs kyang bzang // g.yas pa rdo rje gdengs pa la// g.yon pa pad sdong thod par bcas// pad+ma gsang chung 'di gsungs so// de dag kun gyi dgos pa yang // rlung gis de nyid 'jug 'gyur zhing // rdo rje yi ni bzlas pa 'grub// rdzogs pa'i rim bsgoms 'phral nad 'joms// rdo rje rig pa 'dzin pa yi// rig 'dzin dngos grub mchog thob nas// dag pa'i sangs rgyas zhing du byed// dbang chen 'dus pa'i tan tra las// dbang chen sku'i ngo bo gsal bar bstan pa'i le'u ste bcu gcig pa'o// // de nas bcom ldan 'das kyis 'khor gyi tshogs rab tu gsal ba'i ting nge 'dzin la snyoms par zhugs te 'di gsungs so// rdo rje dbyings dang rta mgrin dbang // ye shes sems dpa' gzi ldan ma// 'gro 'dul khams gsum rnam par rgyal// hUM mdzad dus gsum byang chub sems// khams rgya drug dang long ba brgyad// dmus long drug cu lcags sbyang brgyad// ye shes khyi bcu sgo ba bzhi// me rlung 'brug rnams yongs su rdzogs// bde chen pho brang rnam snang dang // mi bskyod rin chen snang mtha' yas// don grub yab yum la sogs pa// sku mdog phyag rgya gdan rgyan bzhugs// theg pa'i 'gros ldan rta mgo lnga// dmar po gri khrod srin po 'joms// rdo rje rin chen khyung gshog sprul// a mo d+he ba glog 'gyu ma// dkar ser dmar ljang gru gsum klong // lcags kyu zhags pa lcags sgrog dril// thod pa rta mgo sman bla dang // snang mtha' don grub skur snang ngo // phyag rgya bcu drug 'jigs pa'i mtshon// bdud dpung spa bkod thal bar byed// thugs kyi ye shes kha sbyor ba// dmar po 'khor lo za ma tog/ dmar skya nor bu za ma tog/ phyag rgya ye shes sngags dang bcas// sku gsung thugs kyi phyag rgya'o// dpa' bo stag chas hUM chen bcom// rgya bye'u lcags kyis mi g.yo ba// rdo rje'i gshog pa gshin rje'i gshed// bse khrab sngon po dbyug sngon can// sbrul nag pad+ma 'khyil pa ste// mche ba 'dod pa'i rgyal po la// shu ken dar gyis bdud rtsi 'khyil// gcan gzan gzig gis stobs chen mnan// sa stobs dbang ldan sbas pas rol// gnyis med byang sems lhun gyis grub// de bzhin rdor rin pad grub gsang // dkar ser sngo dmar ljang gu nag/ zangs gri thod pa rgyu phreng snying // rang sngags brjod pa thod pa'i gnas// dmus long drug cu bco lnga phyogs// lcags kyu phur pa kha dog rigs// mgo brnyan sprul pa ce spyang brgyad// mthing nag gri gug thod pa khrag/ lcags spyang brgyad kyi khri la bzhugs// rang gi brgyad dang ye shes bcu// sngags las grub pa'i me dpung klong // mgo dgu rkang gcig lcags kyu dkar// 'od gshog brgyad ldan zhags pa sngo// ye shes drug drug lcags sgrog dmar// gsang ba gsum ldan dril bu ljang // thod khrag sngags sgrub sgo bzhir gnas// me rlung 'brug brgyad phyogs bcur khyab// dur khrod sprul pa kun dang rol// dkyil 'khor brgyad rnams yongs su gsal// mi zod sbrul dang dur khrod rgyan// zur gsum logs gsum kham rgya drug/ rigs mdog thod pa gri gug bcas// thod khyams long ba dmus long rnams// g.yu 'brug lcags rta ba glang dang // chu srin la ni chibs su mdzad// le brgan se ral sbrul dang rlung // sku la na bza' rab tu gyon// me dpung khyung sder sbrul zhags snying // dmus long spyir yang sprul par mdzad// ye shes sgron ma phyogs mthun mtshams// me dpung lcags kyi sbrang mo brgyad// ye shes sprul pa'i khyi bcur bcas// shar du mgo dgu rkang gcig nag/ sta re lcags kyu g.yon dang bcas// lho ru mgo brgyad rdo rje phur// nub tu mgo drug phur pa gtor// byang du mgo gsum snying drug za// me 'brug dmar po me dang sbrul// rlung 'brug sngon po rlung thod sprul// rang sngags skur byung 'khor du gnas// zhes gsungs so// dbang chen 'dus pa'i rgyud las/ 'khor gyi dkyil 'khor yongs su bstan pa'i le'u ste bcu gnyis pa'o// // de nas bcom ldan 'das kyis yongs su sgrub pa zhes bya ba'i ting nge 'dzin la snyoms par zhugs te 'di gsungs so// oM AHhUM swA hA/ muM lA b+h+r-i taM maM dza/ oM pad+ma n+ta kr-i ta badz+ra ma hA kro d+ha ha ya grI ba hrIHdza/ oM badz+ra dz+nyA na satwa hUM/ oM ha ha ru lu hUM phaT/ oM badz+ra pA sha hUM/ s+pho Ta baM/ aM ku sha dza/ g+ha N+De ho/ oM badz+ra kro ta A be AHhUM dza/ oM ka ti ka taM baM dza/ oM a ka Te bi ka Te ka TaM ka Te hUM phaT/ oM pad+ma shrI he ru ka hUM phaT/ b+hud+d+ha badz+ra oM/ satwa badz+ra hUM/ rat+na badz+ra traM/ d+harma badz+ra hrIH/ karma badz+ra hA/ gu Na badz+ra phaT/ oM shwa rI khA hi hUM/ shwa rI khA hi tAM/ shwa rI khA hi hrIH/ shwa rI khA hi ho/ shwa rI khI khA hi hA/ oM shwa rI hUM/ shrI khA hi tAM/ shrI khA hi hrIH/ shrI khA hi hA/ oM dIp+ta tsakra shwa na mu kha khur mo ra kha hUM phaT/ ku ru ku ru yak+Sha hUM phaT/ ku ku ra tsa kha long kha hUM phaT/ hUM hUM hUM phaT/ hUM trAM trAM phaT/ hUM hrIHhrIHphaT/ hUM hA hA phaT/ oM dzi na laM te tsa ra ma/ yak+ka ku pa na tsa hUM phaT/ 'khor gyi dkyil 'khor gyi sngags so// oM pad+ma ma hA shrI he ru ka ma hA tsaN+Da sarba duSh+Ta na/ ha na da ha pa tsa hUM phaT/ sku'i sngags so// oM pad+ma b+ha ta si ti ha he tsakra b+h+yo b+h+yo hUM hUM hUM phaT/ gsung gi bsnyen sngags so// oM ru lu ru lu hUM phaT/ e A ra li hUM hrIHdza/ thugs kyi bsnyen sngags so// oM hrIHhrIHha ha hUM hUM phaT/ yon tan gyi bsnyen sngags so// oM hri di ma da ri ha ya grI wa e ka dzA Ti hu lu hu lu hUM dza dza/ phrin las kyi bsnyen sngags so// gsang sngags lnga po 'di dag la// gang gis bsnyen pa bskyal ba de// rig 'dzin sa la gdon mi za// bdud dang 'byung po smos ci dgos// bcom ldan 'das pa de nyid yin// dbang chen 'dus pa'i tan tra las/ sngags kyi le'u ste bcu gsum pa'o// // de nas bcom ldan 'das kyis khro bo'i phyag rgya 'di dag gsungs so// rigs lnga spyi yi phyag rgya yis// rdo rje dbyings kyi dkyil 'khor gsal// spyi gtsug rgyal ba'i tshul phyag 'tshal// rtag dong zhal gyi phyag rgya yis// rta mgrin brkyang bskum srin pa'i phyag/ rig byed lcags kyus phyag rgya yis// sems dpa' bsam gtan mi g.yo'i phyag/ lu gu rgyud kyi 'gro ba 'dul// ma mo 'dzum pa'i mdangs dang ldan// rnam par rgyal ba khyung gshog rdzogs// klu 'brug 'bros pa'i rgya dang bcas// brkyang bskum phung ba hUM mdzad 'dren// drang srong tsog pu'i tshul phyag 'tshal// lha mo 'dzum mdangs gzi dang ldan// dam tshig sbyor ba'i tshul phyag bya// klu bro gar phyag pad+ma dbang // thal sbyar mi yi phyag kyang 'tshal// sbrul nag zhags pa sprul pa rnams// dam tshig sbyor ba'i tshul du bya// dbang chen 'dus pa'i tan tra las/ phyag rgya'i le'u ste bcu bzhi pa'o// // de nas bcom ldan 'das kyis chos thams cad dang du blang ba zhes bya ba'i ting nge 'dzin la snyoms par zhugs nas 'di gsungs so// thog mar shes pa dam pa ste// de yang lung dang man ngag shes// mi 'khrugs sbyor ba'i rgyu btsal nas// brda' skad tshogs la mkhas pa'i ging // las dang phyag rgya len shes na/ mang po'i don du bye ba rung / dgyes pa bskyed dang thugs dang 'thad// mchod stob rdul phyag 'khor du bcas// ting 'dzin mchog dang bkra shis shing // yid 'ong nyams dga' la sogs par// dus dang 'tsho ba la sogs bsgrub// rigs dang yo byad mtshan ma dang // lang tsho man ngag gdan pa'i dus// bza' ba bca' ba btung ba bgo/ rab tu 'bad pas gnod bral ba'i// dag pa'i rdzas kyang ldab tu bya// ma dag dam tshig skong yo byad// go cha sogs dgod dud pa dang // 'byung bzhi'i khams kyi bcud dang bcas// brda' yi bye brag sgra sgrog pa// mchod dam skyo ba sel bar byed// sgrub pa sku dang gsung thugs rten// bkra shis dag pa sgrub mchog zhing // de dag dang po bzhi ru nges// dkon mchog mgon po snying rje bgegs// mdo bzhi thabs kyi bar chad mchod// rgyal po khro bo'i stangs stabs dang // dam sri sgo byang ma traM mnan// rgyan bsdebs me khrag stong pas bsrung // dkyil 'khor byug pa tshon thig gi/ rdo rje dril bu sku rdzas dgod// bla re bza' btung rgyan gyis bskon// rang bzhin med la goms pa yis// ci yang 'byung ba'i cho 'phrul du// gnas rdzas 'khor sogs rab tu gnas// sri mnan 'dres dang ma 'dres la// rang bzhin dkyil 'khor bskyed pa dang // ye shes dkyil 'khor spyan yang drang // breng nge ba dang dung nge ba// sha d+ha ba dang g+ha ra d+ha ba// lcang ka de'u bang de'u// 'khor ba sbyi nas 'dren pa'i bro// sdug bsngal nad med thugs rje'i bro// thugs kyi dbyings nas bskul ba'i bro// ye shes rgyan gyi bro bo che// ma mo mkha' 'gro 'khrugs pa'i bro// lang+ka srin po bsgral ba'i bros// bdud bzhi ma lus 'joms pa dang // 'das dang ma 'das dngos grub thob// dngos grub bzang po'i mtshan ma la// nyams len par chad gsal zhing blang // spyod lam rgyun gyis rnal 'byor pas// ma nyams blta ba'i gdeng dang ldan// zhes gsungs so// dbang chen 'dus pa'i tan tra las/ bsgrub pa'i don bstan pa'i le'u ste bco lnga pa'o// // de nas bcom ldan 'das kyis sa gzhi chen po'i ting nge 'dzin la snyoms par zhugs te 'di skad gsungs so// bla ma dang ni mched lcam la// lus ngag yid kyis gus par bya// sngags dang phyag rgya rgyun mi gcad// yi dam lha dang gsang ba'i bcud// mi spang snod ngan spel mi bya// 'di ni sku gsung thugs kyi dam// gzungs ma mtshan ldan dang du blang // zhing bcu yal bar dor mi bya// khyad par rdzas la blang bar bya// bcud 'thig snod ngan ngag 'khyal dang // tshig rtsub lta ngan zhe yang bcad// glang po mi rta bya khyi dang // dri chen dri chu byang chub sems// mAM sa pad+ma rak+ta rnams// dag pa'i bdud rtsi chen po yin// nyon mongs lnga nyid rnam dag pas// spang bar bya ba'i rgyu yang med// rang gi phung po ltar shes nas// rigs lnga'i sangs rgyas logs na med// yon tan mtha' dag ldan gyur na// bsgrub cing dang du yongs kyis blang // rgyal blon phal pa lha srin ldang // nad mang nor 'bri tshe thung bas// myur du gso ba'i las la 'bad// mchod pa sna tshogs gtor bskang bas// rtsa ba la ni gsum yin te// yan lag rgyun du bskang ba dang // rtsa ba nyams pa'i rnal 'byor pas// bskal pa gcig gnyis gsum bar du// rdo rje'i dmyal bar sems rgyun 'tshig/ yan lag nyams na ngan 'gror ltung // tshe 'dir bsam pa 'grub pa dang // phyi mar sangs rgyas sa la 'gro// de phyir rnal 'byor dam tshig bsrung // khyad par sgrub pa byed pa'i tshe// lus ngag yid kyi bya ba yis// ston pa'i bka' bzhin bsrung bar bya// de bas ma yi ngag ltar nyon// dbang chen 'dus pa'i rgyud las// dam tshig gi le'u ste bcu drug pa'o// // de nas bcom ldan 'das kyis brtul zhugs chen po'i ting nge 'dzin la snyoms par zhugs nas 'di gsungs so// khyung chen brtul zhugs lta 'phang bcad// glang chen lta bur spyod pa dor// wa ltar chos dang mi mthun dor// gyi ling lta bur brtson 'grus myur// khyi phag lta bur gtsang sme spang // bu chung lta bur blang dor bral// smyon pa lta bur 'jigs med spyad// bung ba lta bu'i bdud rtsi blang // drang srong spyod pas brtson 'grus bsgrub// bu bzhin ma yi ngag la spyad// dka' ba thams cad dang du blang // bgegs dang 'byung po thog brdzis bya// lus ngag yid gsum lha skur sbyar// phag gi brtul zhugs chen po yis// khams gsum khron tu brko bar bya// khyi yi brtul zhugs chen po yis// bdud rtsi zas su za bar bya// rdo rje rta yi brtul zhugs kyis// rta skad thengs gsum 'bod par bya// dpal gyi rta skad chen po yis// yang dag sku gsum dbyings nas bskul// ma mo'i brda' skad sbran pa yis// brda' skad klong rdol las la rbad// rnal 'byor gsang ba brda' skad kyis// mnyam dang bskul dang rtags tsam 'dzin// sha rul dong du bcug pa la// sha sbrang shin tu 'du ba dang // sbyang dang lug bzhin bred pa dang // khyi dang phag bzhin rbad par 'gro// dpal gyi pheM brdabs hUM sgra las// bsgrub pa'i dbyangs dang tshangs pa yis// zhing khams ri rab rtse la blangs// gsum zhes bya ba dgu yi chos// lta ba spyod dang bsgom pa dang // 'bras bu bzhin du gar gyur pa// rbad pas thal ba bzhin du rlog/ lha srin thams cad dbang du sdus// dpal gyi sku dang gnyis su med// 'di ni rnal 'byor spyod pa yin// dbang chen 'dus pa'i rgyud las// spyod pa bstan pa'i le'u ste bcu bdun pa'o// // de nas bcom ldan 'das kyis nam mkha' dngas pa'i ting nge 'dzin la snyoms par zhugs nas 'di gsungs so// sngags la rgyu 'bras thams cad kyang // chos rnams rgyu 'bras mi bslu bas// skad cig ma yi ting 'dzin gyis// gar gyi dbang phyug skur gsal ba// zhal gcig phyag gnyis sku mdog dmar// thams cad gcig tu bsdus pas na// rdo rje pad+ma 'dzin pa'o// de yi thugs kar kun rdzob nas// sku gsum lhun gyis grub pas na// zag pa med pa'i 'phro 'du 'gyed// rin chen g.yu yi chu mig la// yid bzhin bdud rtsi babs pa las// skal ldan gang zhig bsgrub pa ni// 'grub 'gyur 'di la the tshom med// chos nyid skye med rgya mtsho bzhin// mi skye mi 'gag mi g.yo dang // drangs shing rtog med rgya mtsho'i dbyings// rgyu ma'i phyag rgya gsal ba ni// dpal chen yum ni chos kyi sku// ngo bo nyid kyis gnyis su med// dngos po'i tshul gyis sbyor zhing 'khril// 'phro 'du byang sems 'od zer ni// gsang yum pho nya'i tshogs la sogs// dngos po sbrul sku spyir snang mod// don 'dus chos dbyings rgya mtsho 'dra// de la spros kyang 'phel 'grib med// lta ba rgya mtsho'i rin chen bzhin// de bsdus nyung zhing 'grib pa med// rgya mtsho'i rlabs ltar dbyings su thim// 'di rtogs rnal 'byor skal bar ldan// spyod pa mkha' la sprin tshogs lding // ji ltar bltas kyang dbyings na yin// nam mkha' bya bzhin ltung gnas med// dam tshig ldan pa'i rnal 'byor pas// nges pa'i don rtogs gnas rab bgrod// ces gsungs so// dbang chen 'dus pa'i rgyud las/ lta ba g.yu'i chu mig gi le'u ste bco brgyad pa'o// // de nas bcom ldan 'das kyis pU dza sna tshogs gsal ba'i ting nge 'dzin la snyoms par zhugs te 'di gsungs so// me tog bdug pa mar me dri// dkar ser dmar ldang lha mo yis// spyan shangs thugs la dbul bar bya// tshad med bzhi dang ldan par 'gyur// IM nA maHsarba ta thA ga ta/ duSh+pe/ d+hA ye/ A lo ke gan+d+he/ pU dzA me g+ha sa mu dra s+pha ra Na sa ma ye hUM/ rdo rje lha mo gzugs mdzes ma// rin chen lha mo dpal 'phreng can// pad+ma'i lha mo gling bu'i sgra// las kyi lha mo gar mkhan ma// ye shes bzhi dang mnyam par rol// oM AHhUM/ lA s+ye hUM/ mA le traM/ git+ti hrIH/ ni ra ti a/ 'khor lo rin chen mun pa sel// glang po rin chen stobs dang ldan// blon po rin chen dam chos skyong // btsun mo rin chen dbyings dang ldan// rta mchog rin chen rdzu 'phrul shugs// nor bu rin chen phongs pa sel// dmag dpon rin chen bdud ba zhi 'dul// rgyal srid mchod pa bla na med// rat+na pU dzA me g+ha hUM/ dpal ldan pad+ma lcang lo ru/ glang po mi rta bya khyi'i sha/ sangs rgyas ye shes 'od zer 'phro// dam rdzas lha yi mchod pa 'dis// mngon par shes pa lnga thob byed// oM ba liM ta te dzo ba li ta ba la ba ti g+hu h+ya sa ma ye swA hA/ dpal gyi zhal bu pho brang du// rang byung rnam dag bdud rtsi lnga// rin chen rnam snang chos kyi dbyings// byang sems zhe sdang me long thugs// mAM sa mnyam nyid rin chen rigs// pad+ma rak+ta 'od dpag med// dri chu chen po bya ba grub// dug lnga ye shes lngar rtogs byed// oM a mr-i ta kuN+Da li ha na ha na hUM phaT/ zhing gi chos dbyings rnam par dag/ ye shes can gyi spyod yul du// gzugs dang sgra dang dri dang ro// reg bya thos kyi longs spyod rnams// dkyil 'khor la yang dkyil 'khor thim// ye shes la yang ye shes rol// chos nyid la yang chos nyid bzhes// kun tu bzang pos mnyes gyur cig/ na maHsarba ta thA ga te b+h+yo b+hi shra mu khe b+h+yaH/ sarba tha khaM ung+ga ga te s+pha ra Na hi maM ga ga ma khaM swA ha/ bdag rtog phung khams spyod yul rnams// ye shes lha dang gnyis med pas// dgyes par rol pa'i mchod pa 'di// gnyis med blang dor med par bzhes// 'khor ba ma rig mun pa las// stobs chen yongs sgral sha dang khrag/ dgyes par rol pa'i dam rdzas kyis// sku gsung thugs kyi dam tshig skong // dbang chen 'dus pa'i rgyud las mchod sbyin dam pa'i le'u ste bcu dgu pa'o// // de nas bcom ldan 'das kyis las sna tshogs gsal ba'i ting nge 'dzin la snyoms par zhugs te 'di gsungs so// gang gi tshe nyams tshe yar ba// drod tshad ldan pa'i slob dpon gyis// dkyil 'khor rtsibs drug gang rung yang // bum pa zhal zas rdzas bshams te// gzi ldan ma dang kham rgya drug/ gshog pa'i ma mo bzhi bskyed nas// tshe bskul bsgrub dang gug pa dang // gzung dang bstim dang sba ba dang // dbang bskur dngos grub blang ba dang // rgyas btab lha dang tshe tshad mnyam// IM na mo b+ha ga wa te a pa ri mi ta A udz+dza na su bi ni sh+tsi ta te dzo rA dzA ya ta thA ga tA ya/ sarba saM ska ra pa ri shud+d+hi d+harma te ga ga na sa mud ga te swa b+ha wa bi shud+d+he ma hA na ya pa ri wa re swA hA/ gang gi las kyis tshe/ 'phog pas// dngos grub chen po blta ba gcad// rin chen ga'u rin chen blangs// mchod sbyin sred pa chen po bya// gzhal yas khang du b+h+rUM las bskyed// rdo rje rol mo'i gar gyis khyer// dri zhim dag gi chu yis bkru// bar do'i shes pa brten la dgug/ ngan song sbyong ba'i bro yis sbyong // skabs gsol sems ldan dkyil 'khor gzhug/ lha dang rig pa mkha' la gzhug/ dgra dang bgegs kyi shes pa bstim// dug gsum 'khor ba'i chu las bsgral// lha dang mchod pa'i dam rdzas bskyed// las ngan sdig sgrib me la sbyang // thal ba sku gdung mchod pa'i rten// gshed lcags ldang pa med par mnan// longs spyod bdag nyid rol ba yin// oM sum+b+ha ni sum+b+ha hUM/ gr-i h+Na gr-I h+Na hUM/ b+h+r-i h+NA pa ya gr-i h+NA pa ya hUM/ A na ya ho// b+ha ga wA na/ bid+ya ra dzA ya hUM/ hrI las byung ba dmar mo'i sku// gri gug thod pa phyag na bsnams// ne'u le'u rkyal ba mtshan na bsnams// rdo rje'i sngags chu bdag nyid btung // zas nor 'dod pas mchog tu sngags// oM dzam+b+ha mo hi hi thi hri da ya ma bar pa ni hUM phaT swA hA/ oM d+hi be mo he thi bi ni ri ha ma ma ba su puSh+TiM ku ru hring dza/ gnod sbyin mo ni nor 'khyil ma// mon nag spyan dmar g.yas pa na/ rin chen bum pa thugs ka na// g.yon pa ne'u le rin chen skyugs// gos nor zas kyi bdag mo yin// tshangs bu lan bdun gsum du ni// khyims dang skye rags gtsang ma'i sa// oM tad+ya thA a na le kuN+Da li b+ha na bi sha tsi na ye swA hA/ oM na mo khra mo khri ye swA hA/ oM na ma khri kha mu ma hA khra mo ma hA tsi na ye swA hA/ ltas ngan 'di yang bsgrub khang dang // rtol mo rog mo la mdzer can// srin po'i lag pa 'phar sbyang lce// rdzas sna gsum gyi ril bu bya// gtor ma dus drug rang nyid kyang // tsha ba'i zas sogs sha chang bza'// stag g.yag skyes pa bud med zhon// mdun du mi la brid pa'i sku// mi smra mi 'phro mi yur zhing // lha bsnyen gong du song pas bzlas// rdzas med grub par mi 'gyur ro// shan ni pa sin tra sa ma ya dza/ shad ne ma sen ta ma ra ya phaT/ mA ra ya dza/ che ge mo'i tsit+ta la chums// thums ling // rbad su ling / shang shan rgyug rgyug/ rgud rgud sa ma ya phaT dza/ gang gi rkang lag reng byed pa// snag tsha nang du mtshon rtse brdar// rab po 'khor lo rab gnas bri// dbang gi skur bsgom bzlas pas 'grub// A~M na tra mu la ni swA hA/ ma ma sarba du khra/ mu kha staM b+ha ya/ ha sa ta b+han thA yas thad b+han d+ha ya/ hUM hUM hUM phaT phaT phaT swA hA/ rdo rje go cha gon byed pa// rim pa bzhi pa'i 'khor lo la// rdo rje rdo rje'i ga logs bri// ka dang ka yi ya ta can// 'chang la bsrung ba'i ming gis bskor// sngags bcas rdo rje phyed pa bzlog/ bris na btags na srung ba'i mchog/ rdo rje'i go cha bla na med// oM kru yi wa khar lce ma ra thaM suM 'byung kla gtsang ni rnam pa dug rnams bzlog/ yul khams rab tu srung byed pa// rin chen rdza yi ga'u ru// dkar gsum mngar ba'i rnam pa dang // ye shes lnga dang 'ja' tshon lnga// sku dag srin mo'i 'o ma dang // sngags kyi 'bru gu rmu yi dkar// de ni ser ba'i gdong du gtad// sir ba'i khal rta mgo bcad de// ril bu sngags rdzas rgyas btab nas// gshed kyi thod pa steng du skyon// seng sgo ser ba'i srang yang bcad// drod kyi dpag bsam gzhu bya ste// drag pa'i mda' la btsan bya'i sgo// srin gyi rnga mas rgyud sbyar te// gdong bzlog mde'u rtse gnam du gtad// bdag nyid rtag dong oM tshugs bsgom// oM ka dza ti pho nyar mngag/ drag po'i rdzas sna tshogs tshad la// bsnyen cing gdong du gdab par bya// oM tad+ya tha tsa ti tsa ti/ gu gu ti/ sha ra sha ra shur shur/ ma li ma li/ kyi la kyi la b+h+yo b+h+yo/ su pra ti dza ya/ mi li mi li/ ma ma ru lu ru lu/ hUM b+h+yo hUM phaT ta ra/ oM na ga she du ma pa she/ nan ti sa ma ya/ shAkya hUM phaT swA hA/ oM 'brug thog phyir ruM swA hA/ zhing bcu bsgral ba'i las bya na// rin chen dbang gi gzhong pa ru// pad+ma rak+ta mtshal chen dang // ze ma ka la bir 'dra'i snying // 'dod chags rang gshed zod pa ru// khrag dug snying sna mang po'i snying // bya mo nag mo'i gri snying nang // don po leb rgan kha yang bcad// mdun du muM las byang chub ma// dmar ser gri dang b+han d+ha bsnams// ma mo nag mo dun b+h+yo// ma mo dun ting ma las la dun b+h+yo// trag rak+Sha dza mun ti snying shad shad nr-i dza dun b+h+yo// 'ur skam me sha raM kha kha ha ha gra ta hri dza dza/ tsa thun mA ra ya thun sod/ shag thun mA ra ya thun sod/ ru ru rag mo mA ra ya thun sod/ ma ma mug ti g+h+ri na thun sod/ ma ma sha thun ti thun son/ ma mthun thun mA ra ya thun sod/ shag shag mthun mug shag thun sod/ ma ma rag mo ma ti dza dza/ rak+ta ru ru tsa mun ti ki la ya rbad zad/ trag rak+Sha tsa mu na ti ki la ya rbad rbad/ ma ma snying khar ga nr-i dza/ pa la ni sa ni mugs mugs/ rag mo ni he he dza/ zum ri li rbad rbad/ trag rak+Sha mu tra snying kha rag mo dun byo// srid gsum par du sdud pa yi// bdag nyid dmar mo nyid du bsam// mda' dang lcags kyu gzhu dang ni// ut+pal 'dzin ma bsam la bzlas// oM ku ru kul+le hrIHswA hA/ 'bum khri bye ba bdun 'bum gyis// phyug bdag lha min rgyal po dang // skye dgu'i 'jig rten dbang du gyur// dam la mi gnas bsgral ba'i zhing // pho mo thod pa dmar nag tu// khrag dug snying sna'i rdzas la 'dod// dang por bcu pa bsgrims te grangs// gzer ram khong khrag yod gyur na// dgos pa'i sngags byang 'bru gcig dbyung // bcu gnyis dag tu gtor ba'o// bla dgas dag ni byung gyur na// bcu gsum dag tu rbad b+h+yo bzlog/ shan dmar glo dmar rtags byung na// dgu pa gtor la 'bru gcig dbyung // khyi nag ma mo bzlog gyur na// lnga dang drug pa mtha' brtul dbyung // bdun du gtor ba man ngag yin// thog mar 'bru bzhi 'khor lo'i sngags// bcun yin bcu pas cho 'phrul 'jil// lnga ru gtor ba man ngag yin// mun ltar gtibs pa'i ma mo dmar// lcags klu zhags thogs sngags 'di yin// mu rak+kha dza mun ti kha la b+h+yo rbad// rlung sems srog rtsol ldan pa yis// srid gsum sems can las la spyod// srid pa'i bar dor gnas pa kun// pad+ma dbang chen khrag 'thung gis// rigs drug bkug la rten la bstim// skyabs gsol sems bskyed sa la bzhag/ dkyil 'khor gzhug pa gnyis pa ste// bsnyen par snang ba bya ba dang // nye bsnyen dang ni bsgrub pa dang // sgrub chen thob nas sku gsum gyi// sa la bzhag pa bdun pa ste// bag chags las ngan byang ba'i sngags// ngan song rigs drug gzhom par bya// A~M da ha da ha sarba na ra ka ga te he tuM hUM phaT/ oM sarba du rga sarba ga me sarba kle sha he tuM hUM phaT/ oM par bid kharga ts+tshin+da hUM phaT/ tshon sna lnga ldan srad bul// rdo rje gsum gdab mdud pa'i rgya// ye shes lha bstim po'o zhu nas// skyabs 'gro gsol gdab lus la gdags// gro ga shing shun dri ldan chus// yi dam sngags dang phyag rgya bris// rab tu gnas te gang yin la/ btags na gdon bgegs 'joms par nus// sprin med drangs pa'i chos dbyings su// tshe yi phyag rgya bzhi bcings nas// de'i tshe thub dang mi thub pa'i// bar chad nges par brtag par bya// tshe bslu tshe bskyed la sogs pas// rnal 'byor tshe srog brtan par gzung // rang rig bsgom la gzhol ba yis// mdun gyis dmigs pa 'gul gyur na// hUM gi sgra dang sems su bcas// yi dam lha yi thugs kar 'gro// dang po zhi ba'i dus nyid du// shar du kha bltas nam mkha'i gnas// bcom ldan mgon po che dpag med// mdog dkar bdud rtsi lhung bzed bsnams// spyan drangs mchod pa phul nas ni// bdun po rnam dag mnyes bsams nas// g.yas kyi rlung gis dngos grub bskul// g.yon gyi rlung gis blangs nas ni// rang gi thugs la bstim pa dang // shin tu brtan par bya ba dang // mi g.yo 'chi med thob pa'i sngags// nyi shu rtsa gcig grangs dang bcas// oM A yu She sa ra ha ga ra ri sha ra ri hUM phaT swA hA/ IM a ma ra Ni dzI wan ti ye swA hA/ IM ma hA a ma ra A yur dz+nyA na b+h+yAM hUM/ IM a ma ra Ni dzI wan ti swA hA// gang gi chung tshe 'phel byed pa// sgra med bya yi sgro dang ni// byang chub 'phel ba'i dpag bsam shing // ro dang ldan pa'i gser mdog dang // za byed phra mo'i sder mo dang // rab tu gces sogs rdzas bcangs te// gnam gta' chos kyi dbyings su sba// bar gta' lha srin srog la btsun// sa gta' srid kyi sa gzhi gzung // 'jam pa po dang ri dwags rgyal// dza mi ka sogs brtag par bya// rgyal ba sen sa bdag gcud la bor// med btsal yod gso shi 'phrog cod// bya gdon mngal kha la sogs pas// sra'u gso ba bla na med// 'go ba'i lha lnga bsten par bya// IM A yur+N+Na na b+h+yAM swA hA/ zla ba zhag la sogs pa yi// keg dang bcas pa'i gtor ma yis// gdon chen bco lnga mchod par bya// dbang chen 'dus pa'i rgyud las/ las sna tshogs kyi le'u ste nyi shu pa'o// // de nas bcom ldan 'das kyis gdug pa 'dul ba'i ting nge 'dzin la snyoms par zhugs te 'di gsungs so// rnam smin 'du ba gnod pa'i gdon// tshogs dang 'tsho byed sngags kyis gzhom// rje'u rigs lag g.yas rgyal rigs mgo/ bram ze lag g.yon dmangs rigs g.yas// gdol ba rkang pa g.yon nas 'jug/ rgyal rigs rus te rje'u rigs lpags// dmangs rigs spu ste bram ze khrag/ gdol pa sha la zhugs pa dang // snying dang glo ba srog rtsa mchin// dbang po klad pa chu ba rnams// rang gi rtags kyis ston par byed// rgyal rigs lce thibs sa yi dug/ bram ze chu dug grang zhing 'dar// rje'u rigs me ni tsha zhing bsreg/ dmangs rigs yang zhing g.yo ba rlung // gdol ba reg mthong kha rlangs can// gzer zhing za 'phrug myos par byed// rgyal rigs rgyal po rtag tu gnod// rje'u rigs klu btsan rtag tu gnod// dmangs rigs dam sri rnams dang bsdang // bram ze srin mo'i tshogs dang bcas// gdol pa mdze 'dre rtag tu gnod// ma mos byed du 'jug pa dang // rgyal pos sna 'dren glo bur btsan// ze brang dam sri nyen langs gcod// lus snyoms chu la brtag pa yang // g.ya' med snod du nyi shar dus// nad gzhi kha dog sgo nas brtag/ 'bur long ga go la yi mdog/ mu tra'i mdog ni nad med rtags// mar khu 'o ma chu rtsa rams// mkhris rlung bad kan 'dus pa'i nad// de sogs brtags pas mdog rnams gsal// gzugs la gdon brtag phyogs bzhi dbus// khang sa zhing sa dur sa dang // mchin pa snying gro mkhal ma dang // rgyal po rje'u rigs bram ze dmangs// ston dpyid dbyar dgun la sogs brtag/ khrag la bzang ngan dus dang ni// thub dang mi thub brtag pa dang // dmar ser kham pa nag po'i dus// dang po ngan la bar ma 'bring // tha ma bzang na chu ser rgyas// dang po bza' 'brid tha ma ngan// chu ser gting du zhen pa dang // skyo bo dmar po rma khar bcug/ dril lam 'byar gyis dbye bar bya// tshangs pa'i mkhar dang bdud kyi mkhar// gnod sbyin mkhar dang srin po'i mkhar// ma mo'i mkhar dang srog gi mkhar// srin po'i mkhar shor spang bar bya// g.yas pa dkar ste g.yon pa sla// sha spu rus dug dka' bar 'gyur// dbang po gsal byed chu bur mig/ gdon gnod pa dang zhag zla lo// 'bras bu smin dang mtsho rdol dang // rnam smin rigs dang byad ka dang / ku re mnol phyir re 'dod dang // dmigs bsal sngags chun sngags dred dang // gdon tsabs mchod pa'i mig sprin brtag/ lus kyi sha mtshan dod pa dang // ngag gi sgra skad skye ba dang // sems kyi rmi lam sna tshogs rnams// gang yin rab tu gzung bar bya// rnam par smin pa'i las byung na// bsod nams tshogs dang stong nyid bsgom// 'byung ba 'khrugs pa'i du ba las// sman dang sna tshogs rdzas kyi gso// seng ldeng mu zi rgyal blon bsre// klu bdud nag po bshal sman dang // phol dang sha bkra la sogs par// 'bru spu shun sha tshil gsum dang // dug bzhi khrag gnyis la sogs bdug/ spyad dug sbrang tsher gla rtsi btsod// snag tsha ra dug long rdol dang // gu gul dri chen ti tsa dang // ka ra bi ra ga pur dang // tsan+dan mu zi ldong ros dang // mar dkar ra gzhob la sogs byug/ bdud rtsi mar khu a ru ra/ pi pi ling dang rnam pa gsum// mdze nad nag po klu bdud nag/ btsan dug gu gul mu zi nag/ shu dag nag po rnam pa drug/ ma ma gi ram mchog ris dang // bod te'u rma bya ra las khrag/ tha kar sro ma gu gu la dkar// za 'bru sug ma yu mo mde'u// byang ba tsha srin sdig sngo sngo// ka ka ru ni rnam pa lnga// seng ldeng rgya do rdo rgyus 'gron// lto ru gtang bar yang dag bshad// yan lag zha grum la sogs pa// sman gyi sbyor bas gzhom par bya// 'phral yi gyen dbang gyur pa las// drag po sngags kyi sbyor ba gdab// na ga ra tsa ma ra ya phaT/ pra me ra tsa ma ga ya phaT/ sa khrag ra tsa mA ra ya phaT/ ya ma shu shu nA ga tri thun zer rbad/ ra tsa 'dri la thib ra rA tsa thang thang shi shi rbad// ma ma yaM tri du me mA ra ya rbad// nag mo shu shu mA ra ya rbad// nA ga tsi tra dun nan/ nA ga tsa tra phur nan/ mA ra ya rbad/ sa daM so mA ra ya rbad/ tsakra ru tri rbad/ nA ga rA tsa mA ra ya bshad khug dza/ ru ru sa dur khug dza/ nA ga yum thums ri li rbad dza/ ces gsungs so// de nas bcom ldan 'das kyis gdug pa 'joms pa'i 'khor lo 'di gsungs so// smug nag gru gsum gnam sgo bca'// mu khyud gru chad par khyams sgo// dkyil 'khor dbus su phur pa gnyis// gnam sgo la yang phur pa gnyis// ro ras gro ga shing shun la// bya rog mgo rtsa khrag dug gis// sngags grangs mnyam pa'i re mig la// nyi shu rtsa gcig drag sngags dgod// phur ba'i sngags kyis klu la gzir// zhag grangs thems nas srog rtsa bcad// drag po'i me la sbyin sreg bya// gdug pa gsum dang sdong zlar bcas// dbang chen rngam pa'i zhal du 'bul// dpal gyi zhabs 'og dag tu mnan// klu yi gdug rtsub zhi bar 'gyur// de nas bcom ldan 'das kyis 'di gsungs so// las kyi khyud nag khros pa ni// rdo rje rgya gram phyag na gsor// klu gnyan sa bdag zhal du gsol// de'i sku gzugs bris nas ni// nu mar rdzas kyi thum pos brgyan// sprul pa rigs lnga'i khyung lnga 'gyed// de yi drag sngags 'di dag yin// IM ga ru Ta tsa le tsa le hUM phaT/ nA ga srog tshig nan rbad// lus rdul bun nA ga mA ra ya rbad sod/ raM raM dza la dza la shi shi rdul bun nA ga mA ra ya rbad sod/ IM nA ga shi nan/ nA ga ber/ nA ga chings/ nA ga sdoms/ nA ga sod/ nA ga go la ya/ na ga rA tsa chings/ nA ga rA tsa hUM/ nA ga rA tsa phaT/ nA ga shu shu nan/ nA ga byer nA ga snying la srog rbad/ pra ti sa ma ya/ na ga snying tshal pa dum bu rbad/ au sid thA thag ru Ta bi shad de na nan/ nA ga thams/ nyi ma sa lan na klad pa nan// tsit+ta g+hu min na// kun shig tsit+ta sU tra bzlog byer/ nA ga bzlog nA ga shig nA ga nan/ nA ga mgo la nan/ nA ga byer byer/ mA ra ya phaT rbad sod/ ya ma shu shu sod/ nag po shu shu mgo la nan/ sa dam nag pos khrag mA ra ya rbad/ na ma sham tri rak+Sha mA ra ya rbad/ tsakr-i du tri su mi mA ra ya rbad/ rA tsa thad zad shi shi rbad/ traM ri la thums kyi ma tang khug shel rA tsa mA ra ya rbad/ ces gsungs so// dbang chen 'dus pa'i rgyud las/ mdze nad gso ba'i le'u ste nyi shu rtsa gcig pa'o// // de nas bcom ldan 'das kyis tshogs thams cad yongs su rdzogs pa zhes bya ba'i ting denge 'dzin la snyoms par zhugs nas 'di gsungs so// dgos pa'i longs spyod tshang ba ni// 'byor ldan yo byad tshogs yin te// dgyes ldan lha dang skal ldan mi// de bzhin yang dag shes par ldan// tshe 'dzin dza gad dza ti dang // zla rgyas zla phrom 'jam des dang // me tog tsi dang kun tu rgyug/ 'jam snying byi la se dang ni/ kun 'byor 'brang rgyas 'byor tshogs rnams// sgrub pa'i rdzas su yang dag ldan// A tsar+ya rdo rje slob dpon yin// gu ru ta ra mkhas pas bshad// ru pa ma ri'i rtse mo yin// ma tang la ko so mang yul// pha lam ka ni grong khyer yin// su med grong du bshad pa'o// ka lo ka ni yod pa'i ming // sha ring ga ga ma skal yod shes// tse tra kam ni skal med brjod// phur na ma ni snod ldan ma// sa ri bya ni snod ngan te// ga ya ni zhes rgyal rigs la// ra gam rje'u rigs zhes ni bshad// bi ra rgya ni dmangs rigs so// ram sa ka ri bram zer bshad// bi rad+b+ha pe gdol ba can// sa mud traM ni rgyal por brjod// tsa bam rig ngan zhes ni bshad// sham raM sme sha can du brjod// b+ha ba tsag tI ga lpags mkhan// khad kaM ro sreg ma ru bshad// pa sha zhags 'bar ma ru bshad// ku ma ri ni nyin mor bshad// ka nya mtshan mo rab tu grags// ta pa nyi ma phyed du bshad// ta pi mtshams kyi cha ru bshad// rti tre bzang po'i dus su bshad// pra ti dus ngan spangs par gyis// hi ra ni ni me tog brjod// sha ru naM ni yongs su brjod// sha ku ni ka mar mer brjod// sha pra ti ta lha bshos la// mA la tri ni gri ru brjod// kri ti ma ti sgra yin te/ sha ki ka ni gos su bshad// ga ni bshad par yongs su grags// ru shaM ri ni khu mar shes// ga nam sha chen du ni bshad// tsan tra na me khrag tu bshad// me ga ma traM can du brjod/ ku ta raM ni 'dod yon sbyong // tsa tuM ro drug za ba bo// saM b+ho nga kaM chang 'thung ngam// bi tuM sha ru mngon par brjod// na mi ni pa kr-i ni thod// ku laM mi yi rus las brgyan// sha khams bzang ba zhes ni brjod// A raM ro ni zhim par bshad// a k+ShaM raM ni ro mi zhim// ba ko la mud dam glu len// mi kra gar zhes bya bar bshad// shab ta tshol chos sku ni bshad// mi gam mi smra bar ni brjod// ba ri traM ni sngags zhes bshad// d+ha ri da ra dkyil 'khor te// ba tra pa ni gral la 'dug/ ka pa tse tra byin rlabs kyis// ma la ki ni dgongs pa'o// ka ma ku tri phrin las te// pha ri bu ni smon lam mo// nye sa ra ni gdong du brjod// pa TaM dpral ba zhes su bshad// ma la smin mar yang dag bshad// ko pa ba ya mig tu shes// pad+ma kar ni ka ni sna// pa la 'khol ni mchu ru shes// a na d+ha na ni so ru brjod// bi sha mgrin pa ru ni grags// haM bo phra ba ru ni bshad// a gu sha ni dpung par brjod// pa hihe ru ni lag par bshad// pa ra ar ga ke sa ra// sen mor shes ni yang dag bshad// g+he saM rje ngar du ni bshad// shi la pha len bu mor bshad// dza ti pa li sked yin nam sked par brjod// ma ta nam ni lte bar brjod// pad+ma dza lam gsang ba'i gnas// ga dam pa nyams brla gnyis so// cha ga na nam rkang par brjod// sha ta ku su smad lam stan// sha ba ta pu zhes bya bar brjod// pad+ma nr-i ni zhi ba'i yum// ha ti Ni ni rgyas pa'i yum// shan tri ni ni dbang gi yum// tsan tri Ni ni drag pa'i yum// ba ra sgeg mo ro 'bebs na// sa ni pa tra mtshan ldan ma// paM su traM ni dbang gnyis sbyor// a 'bras me zhes bya ba dang // rgu 'bru glang po che la sogs// sa la si ni rta yin te// ni lo ne rgyas bya zhes bya// a ka ru ni khyi ru brjod// suM b+haM zhing ni bzang por bshad// d+ha ni rta ni gsang bar bshad// sa ra bar ta 'tshol ba bshad// mi raM pa mi'i ro ru brjod// ba ha ra ga gad pa zhes// biSh+Ta ya phag ces brjod par bya// sa la sha ni nya zhes brjod// ni naM ra skyes su ni brjod// ma dang a haM 'dab chags sha'o// sh+ya n+ya srog ces bya bar brjod// na naM ni ni rnam shes brjod// a bi na baM rgod par bshad// ru tri raM ni 'phya bar brjod// b+ha ha naM ri chu ru bshad// a 'dzam pa ni me zhes brjod// ni tsi da dur ra nu brjod// rang na chags pa zhes ni bshad// sa k+ShaM yan lag rab tu bshad// shu baM bzang po zhes ni bshad// ba Da kaM ni nyon zhes brjod// g+hi taM laM du bshad pa dang // na ga raM ni bdag lus brjod// na la ni lu laM stobs med// go bag ShA laM thams cad rdzogs// sa ga raM ni rgas par bshad// byo ma ga naM pha rol dpung // ka ma ya ni gyis shig brjod// ho ni tshims pa ru ni bshad// ma ga dog pa ru ni brjod// u tsi lhag ma zhes bya bshad// b+ha ni li gtor gtor ma bshos// u tre pa kra lha phud sbyor// ma ni phu ri lhag phud mchod// ma he ni ni ral gur gyis// staM b+ha nan ni gtor gzhong gnon// o tri ba ni dkyil 'khor bsdus// a tri sam la rdzogs rim bsgom// ba yang su ni rlung sgrar gzung // za ba bi ra 'di lta ste// ma ni pu ri gang zhe na// ko Ta k+Sha ni srog 'dzin pa// ko ta bar ni thur du sel// ka ta gyen du rgyu ba ste// go ta ba sha me dang mnyam// ko te ra ga khyab byed te// ko tak+Sha ni rgyu ba la// ko la ba ko la ni rgyu// ko la bag sha yang dag dang // ko la ba shu rab tu ma// ko la ra tha nges par rgyu// dbang chen 'dus pa'i tan tra las/ tshogs kyi 'khor lo sgras bshad pa'i le'u ste nyi shu rtsa gnyis pa'o// // de nas bcom ldan 'das kyis gdug pa thams cad 'joms par zhes bya ba'i ting nge 'dzin la snyoms par zhugs te 'di gsungs so// khru gang sor ni bcu gnyis pa// dkar zhing zlum pa zhi ba la// khru do zabs su de phyed ser// dmar po zla ba phyed pa dbang // gsod pa sor ni nyi shu pa// gru gsum sa gzhi nag por bya// dri zhim dkar ser dmar po dang // dug dang khrag dang dur sol byug/ 'khor lo rin chen pad+ma dang // rgya gram rim pa bzhin du bri// zhi ba rgyas pa dbang dang drag/ shar byang nub dang lho ru blta// dgang gzar dbyibs dang tshad ldan pa// gru bzhi zlum po zla gam dang // zur gsum rnams su ldan par bya// blug gzar rdo rje phye bas mtshan// dge slong rgyal po bud med dbang // bshan pa las byung shing dang mes// bil ba u dum wa ra la// mar dang sbrang rtsis lpags pa la// 'o ma spos chus byug pa dbul// rtsa ba rtse mo dang bral ba// 'o ma zhos spangs ser po dang // nags kyi lcug ma dmar po la// dpal kha'i mar dang dmar pos byug/ kha la tshor ma can gyi shing // gas dang srog chags dag gis zos// dur khrod ro bsreg khrag dug byug/ 'bras chen nas dang 'o ma zho// sbrang rtsi mar nag mi sha dang // khrag dang lan tshwa skye tshe dbul// tsan+da na me tog dkar po dang // ser po dmar dang zang chu nag/ bdud rtsi rus pa dang bcas pas/ ba glang lci ba rtsa ba'i cha// nim pa ro sgyur tsha rog dri// bong bu'i spangs la rab tu bya// tshes gcig zhi la bco lnga rgyas// bcu bdun dbang la nyi shu dgu// drag po srod zhi snga dro rgyas// dgong dbang nyin mtshan gung la bsad// dbyar dgun ston dpyid dus shes bya// dkar po rin chen dmar nag pos// gcer bu rab tu bya ba dag/ dkar 'jams dmar dang ro ras bting // byams dang snying rje btang snyoms dga'// nya phyis dung phor rin chen gser// zangs gzhong thod pa'i nang du bsham// byang chub sems bsgom rgyal rigs dang // smad 'tshor gdol pa'i me bor te/ pad+ma dbang chen 'khor bcas la// mchod pa mnyes par phul nas ni// gang la dmigs pa'i las bcol te// gshegs te smon lam gdab par bya// oM// theg chen byang chub mchog la rtag tu zhugs pa dang // zab mo'i chos ni rtag tu nyan pa dang // rdo rje slob dpon bzang dang 'grogs pa dang // lus kyi sgrib skyong bskyed pa'i rim bsgom zhing // ngag gi dri ma bral phyir gsang sngags bgrang // sems kyi log lta zhi nas rdzogs rim bsgom// rdo rje btsun mo'i khu brtag tu 'thung // thabs dang shes rab rdo rje dril bu 'dzin// rmad byung gtor mas thugs dam yongs su bskang // dus gsum rgyal ba mchod pa'i skal bar ldan// skye zhing skye ba tshe rabs thams cad du// sems can don byed bdag don yongs rdzogs shog/ oM ma hA b+ha smi ku ru hUM sarba sid+d+hi hUM swA hA/ oM badz+ra d+hU pe hUM dza la dza la dz+nyA na dza la hUM/ A~M a na la ma hA su tra dza sarba b+ha smi ku ru badz+ra duSh+Ta na hUM phaT/ oM ma hA sarba ku ru hUM/ sarba pA paM da ha na badz+ra ya swA hA/ oM sarba yadz+nyA ya swA hA/ oM a pra ti ha ta badz+ra la swA hA/ oM badz+ra A yu She swA hA/ oM badz+ra puSh+pe hUM/ oM ma hA ba lA ya swA hA/ oM ma hA bi gA ya swA hA/ oM AHhUM sarba lo ke d+ha pe pU dza swA ha/ oM sarba lo ke puSh+pe pU dza swA hA/ oM sarba lo ke dI pa pU dza swA hA/ oM sarba gan+d+he pU dza swA hA/ oM sarba lo ke ne bi d+ye pU dza swA hA/ oM sarba lo ke shap+ta pU dza swA hA/ oM dza la ka ma la lA bye hUM/ mA le t+yaM/ gi taM hrIM/ nin+ti a/ oM sarba pA paM ma ma ka s+ya ku ru shAn ting ku ru swA hA/ oM sarba pA ba ma ma ka s+ya ku ru puSh+TiM ku ru swA hA/ oM sarba pA paM ma ma ka s+ya ku ru ba shang ku ru swA hA/ oM sarba pA paM ma ma ka s+ya ku ru mA ra ya phaT/ kun gzhi rnam dag hom khung du// nyon mongs lnga yi yam shing la// ye shes lnga yi me sbar na// ye shes bsod nams tshogs rdzogs so// b+ha ga yangs pa'i thab khung du// phung po lnga yi bdag nyid la// mar dang zar bu'i bya thabs kyis// bsnyen pa phul ba'i las byas nas// nam yang 'du 'bral med pa yis// gsang ba'i sbyin bsreg 'grub pa yis// dbang chen 'dus pa'i tan tra las// sbyin sreg gi le'u ste nyi shu rtsa gsum pa'o// // de nas 'khor rnams rab tu dga' zhing gus pa dang bcas pas// phye ma phur ma dang / gdug dang / ba dan dang / sil snyan dang / pad+ma dang / ba na d+hu ka dang / ut+pa la sogs pa dang / gzugs dang / sgra dang / dri dang / ro dang / reg bya dang / chos la sogs pa dang / dga' ba dang / bde ba dang / tshim pa dang / yid nga la sos pa'i mchod pa mang pos mchod nas// gsol ba/ mgon po bdag cag 'dus pa yis// rgyud 'di bzung zhing bcang ba dang // ji ltar bshad cing bstan par bya// gus pas nam yang mi spang ngo // zhes zhus pa dang // ston pas bka' stsal ba// gang gis bskal par sbyang dka' ba// nges pa'i blo ldan can la ste// drang don nges pa'i don du bshad// ji bzhin ji bzhin ma yin pa// dgongs pa dgongs min rnam pa drug/ gsang sngags don gyi rgyud bshad bya// yi dam nyid du nges par zung // de ltar mi ldan skal med la// 'phyar ba g.yeng bas byin gyur na// dur khrod dpa' bo dpa' mo rnams// 'dus nas sha za srog la 'bebs// zhes gsungs pas// 'khor der 'dus pa thams cad kyang // bde ba chen po'i don mngon du byas// sku gsum dbyer med lhun grub kyi ngang du bzhugs par gyur to// dgongs pa de mngon du gyur nas// byang chub sems dpa' thams cad kyang // bcom ldan 'das la rjes su yi rangs par gyur to// bcom ldan 'das nyid sku gsung thugs// lhun grub stug po bkod pa'i rgyan nyid du bzhugs so// dbang chen 'dus pa'i rgyud las// mjug rjes su yi rangs pa'i le'u ste nyi shu rtsa bzhi pa'o// // rgyud kyi rgyal po dbang chen 'dus la rdzogs so// rgya gar gyi mkhan po paN+Di ta pad+ma 'byung gnas dang // bod kyi lo tsA ba sba sang shi ta dang / ngan lam rgyal ba mchog dbyangs dang // cog ros bsgyur cing gtan la phab pa'o// /