བོད་ཡིག

e-texts produced with BDRC’s OCR application

man ngag/ drag po'i sngags rgod/ bstan srung spu gri lta bu'i rgyud pad+ma dbang rgyal gyi bka'// / @#// rgya gar skad du/ many+dzu shri ya ma ma ru tse man+ta tan+t+ra shAs+tha/ bod skad du/ 'jam dpal gshin rje ma ru tse'i sngags rgyud bstan pa/ bcom ldan 'das dpal phyag na rdo rje la phyag 'tshal lo// 'di skad bdag gis thos pa'i dus gcig na/ dpal phyag na rdo rje chos kyi sku las longs spyod rdzogs pa'i skur bzhengs te/ 'gro ba'i don mdzad pa las/ byang phyogs gnod sbyin gdong dmar ba/ gdul bar dka' zhing gtum pa rnams la dpal phyag na rdo rjes ma ru tse pa ta ye hUM/ zhes gsungs pa las// sgrol ging gi bdag po 'jam dpal ma ru tse/ sku 'od zer dang bcas nas 'thon te/ dpal phyag na rdo rje la 'di skad ces gsol to// e ma ho bcom ldan mthu stobs bdag/ zhe sdang gdug pa'i sems can dag/ phrin las zhi bas mi 'dul bar// gdug pa de dag ji ltar gdul// zhes smras pas/ de nas dpal phyag na rdo rjes/ ma hA rak+ta maN+Da la zhes brjod pas/ khrag gi rgya mtsho mtha' dang dbus med pa// rba rlabs 'khrugs pa gcig tu gyur to// de nas a tsan+da maN+Da la hUM/ zhes brjod pas zla ba'i dkyil 'khor brdal ba chen po gcig tu gyur par gnas so// 'jam dpal dmar po'i sngags rgyud las/ gleng gzhi'i le'u ste dang po'o// // de nas yang rab tu ngo mtshar te/ e ma ho/ 'di ltar ngo mtshar cho 'phrul ngo mtshar rab tu che// 'di yi rjes su bsgrub pa'i rnal 'byor pas// bsgral ba'i tshe na ji ltar bgyi// 'dug pa'i gnas ni gang du bgyi// bsgrub pa'i zhag grangs ci tsam bgyi// gza' skar dus tshod gang la gtad// ces 'jam dpal ma ru tses zhus pa dang / dpal phyag na rdo rjes 'jam dpal ma ru tse la 'di skad ces bka' stsal to// nyon cig 'jam dpal ma ru tse// dang po gdug pa 'dul ba'i tshe// bdag gi lus po'i ngo bo de// 'jam dpal ya mAn+ta kar bsgom// lag g.yon sbyor ba'i yum du bsgom// lag pa g.yas na sgrol yum bsgom// kha nas sngags bzlas dmar por bsam// nyung dkar rgyal po pho nya'i tshogs// gdug pa bsam gyis mi khyab bsgom// nyung dkar 'phang zhing sgra skad bsgrag/ phu dung brdab cing dbang gzug go/ mig kyang gnam sa bar du blta// bdag gi sems kyang 'khrugs byas te// bdag kyang khros pa ma yin te// bdag gi lha rnams khros par 'gyur// dus kyang zhag bdun gdab par bya'o// 'jam dpal dmar po'i sngags rgyud las/ gdug pa 'dul ba ji ltar bya ba'i le'u ste gnyis pa'o// // de nas yang dag 'di zhus pa// gdug pa bsgrub pa'i gnas ni gang // zhes zhus pas/ gdug pa 'dul mdzad mnyan par byos// shing gcig rtsa dang brag phug dang // brag dang chu 'thab skyi g.ya' dos// lha khang sum mdo shwa grog gam// brag dmar seng ge rtsal rdzogs pa// gnam la 'phyong ba 'dra ba'am// brag srin gdug pa 'dul ba'am// sdom mkhar sum thog phung shul lam// zhi rgyas dbang drag gnas dag tu// dang por mchod sbyin cha gcig gis// de dag snang dang mi snang la// sa phyogs rin gyis bslu ba yi// tshul du glud dang mchod sbyin bya// bskrad dang bden bdar byin brlabs la// ma grub bar du gzhan du dengs// grub gnas slar yang gtad bya zhes// rngan pa sbyin dang phrin las bcol// phyogs bzhir skyong ba'i rten bzhi gzug/ phyogs skyong phrin las mchod pa 'bul// lha mo spyan dang dbang yang gzug/ srid pa'i sde brgyad rnams kyang mchod// phyi nang bshags sbyang dag par bya// 'jam dpal dmar po'i sngags rgyud las// gnas bstan pa'i le'u ste gsum pa'o// // de nas yang dag 'di zhus pas// bsnyen bsgrub zhag grangs ji ltar tshad// rab 'bring za ma bshad du gsol// zhes zhus pa dang / rab ni zla ba sum cu la// 'bring ni zhag ni bcu phrag gsum// tha ma zhag ni bdun phrag gsum// yang na bdun gyis phrin las 'grub// de las mang la 'da' mi bya// 'jam dpal dmar po'i sngags rgyud las/ dus dang zhag grangs kyi le'u ste bzhi pa'o// // de nas yang dag 'di zhus pas// gza' skar dus tshod gnyan pa gang // de la gtad dmigs bshad du gsol// lo zla mar ngo dman pa las// sngags pa mda' 'phen zla ba dang // nyi ma spungs byang bgrod 'dra min nam/ par dag la min// zla ba gzas zin pa dag dang // smin drug sa 'og song la bya// gza' skar gdug pa dag la gtad// spen pa phur bu mig dmar lag/ dbyug pa rta dang tha chung bzhi// bdud kyi nyi mar phur pas gdab// dus ni 'brug sgra tshub ma gdab// dus ni gang yin gnas su bya// mnyes par byas la dam can la// dbang gzug 'o dod rab tu 'bod// gdug pa'i rgyab brten ma byed ces// bsgrub pa dang ni las su sbyar// 'jam dpal dmar po'i sngags rgyud las/ dus tshod gdug pa'i le'u ste lnga pa'o// // de nas sgrol ging ma ru tses/ mthu stobs kyi bdag po dpal phyag na rdo rje la 'di skad ces gsol to// e ma bcom ldan dpal chen po// de ltar sgrub pa'i rnal 'byor pas// gzhal yas dkyil 'khor ji ltar bri// dam rdzas gang dang gang zhig bsog/ de yi nam rdzas ji ltar dgod// spyi yi yan lag ji ltar bya// zhes zhus pa dang / dpal phyag na rdo rjes 'di skad ces gsungs so// nyon cig sgrol ging ma ru tse// dkyil 'khor bya ba'i thabs bstan pa// spyir na dkyil 'khor gnyis su dbye// 'jam dpal lha bsnyen dkyil 'khor dang // gdug pa drag po'i dkyil 'khor yin// de yi dkyil 'khor brtsig pa'i thabs// 'dom gang gru bzhi lhag pa la// dbus su gru gsum dong zhig brko// thod pa skam po gdug pa la// gzas pa'i ling+ga bsgrim ste bri// mA ra ya zhes 'khor bar bskor// de dag gong ma'i nang du gzhug/ gru gsum nang du de bcug la// sa mar mnyam pa'i byi dor bya// khyod kyi pho/ brang btab par dmigs// khrag sna gsum gyis chag chag btab// gnam sa gnyis kyang thig byin brlab// ma hA gu ru pad+ma ti he pra ma/ zhes pas sa thig rim par btab nas su// de nas tshon brlab phyogs su bkye// dbus su gru gsum mthing nag bri// phyi rim zla gam dbang gi tshul// de yi phyi rim zlum po dkar// phyi rim ye shes rtsibs bzhi dgod// shar dkar lho ser nub dmar dang byang ljang // rtsibs mtshams dmar po sgo bzhi rigs dang sbyar// gdug pa drag po'i dkyil 'khor ni// shar lhor 'brub khung gru gsum bri// zla gam dmar la thal chen bskor// kha la me ri 'bar ba bri// mkhas pas de dag rab tu bri// 'jam dpal me ru tse'i sngags rgyud las/ dkyil 'khor gyi las bstan pa'i le'u ste drug pa'o// // de nas yang sgrol ging ma ru tses/ dpal phyag na rdo rje la 'di skad ces zhus so// gsang ba'i dam rdzas phyi nang dang // sgrub dang bsnyen rdzas bstan du gsol// sgrub dang drag po dam rdzas ni// bsgrub pa'i rdzas ni 'di ru bstan// ma ru tse yi dam rdzas ni// khyi phag dmar khra'i sha khrag dang // thugs dam shel gong smug pos bskang // spyan gzigs tshogs pa'i sha khrag gtor// dpal chen khro bo mi bzad par// sha chen yod pa'i cha gcig dbul// khrag dang sman phud dam rdzas bzhag/ mAM sa chen pos sna drangs la// sha sna khrag sna tshogs par bsags// tshe dang bsrung ba'i rdzas kyang bsags// sgrub dang bsnyen pa'i bya ba'o// drag po'i dam rdzas bstan pa ni// de yang gnyis su dbye bar bya// rten du bya dang gsad pa'i rdzas// rten du bya ba'i dam rdzas ni// tsa ra dkar po gnya' nag skor// gzas pa'i gzugs bya thigs pa dang // gangs kyi dum dang bsrung ma'i lo// bong bu'i bdud rtsi grog mkhar sa// khrag gis sbrus la ling+ga bya// ming dang rus dang lo la sogs// shing shun bris la snying gar glan// mA ra ya dang rbad kyis kyang // de 'khor 'doms su mA ra ya// de yi mgo bo dza yis bskor// dpral ba dag tu ming bris la// lugs sa'i zhabs mas gtums byas nas// dkar nag btags la ske ru gdags// tsa ra de la gzas par dmigs// gdug pa bsgral ba'i rdzas rnams ni// phur pa dang ni hom shing dang // sgo dang nyung dkar thal chen dang // btsan dug gu gul thod pa dang // tshon skud la sogs rdzas su bsog/ drag po'i dam rdzas gzhan yang bsog/ 'jam dpal me ru tse'i sngags rgyud las/ dam rdzas bstan pa'i le'u ste bdun pa'o// // de nas 'jam dpal me ru tses/ dpal phyag na rdo rje la 'di skad zhus so// bsnyen bsgrub rdzas ni ji ltar dgod// gnas dang bzhag pa'i rang bzhin zhu// sgrol ging gnod sbyin ma ru tse'i// rdzas rnams dgod pa bstan pa ni// sgrub pa'i rdzas ni 'di ltar dgod// ma ru tse yi rdzas rnams ni// shar gyi 'khor lo nyid la'o// sman phud dpal gtor shar lhor bzhag/ bsgrub pa'i rdzas ni tshogs par bya// drag po'i rdzas ni 'di lta ste// tsa ra la sogs rten gyi rdzas// shar lho byang shar mtshams su bzhag/ hom shing tsher ma can rnams ni// lho yi 'khor lo nyid la dgod// nub tu phur bu byang du dug/ sgro yang dug gi steng du gzug/ gtsang dang nyung dkar thal chen dug/ shar lho 'brub khung rtsa ru gzug/ gdug pa'i rdzas rnams ma lus dgod// 'jam dpal ma ru tse'i sngags rgyud las/ rdzas dang thun dgod pa'i le'u ste brgyad pa'o// // e ma dpal chen gsang ba'i bdag/ gsang sngags bsgrub pa'i rnal 'byor pas// gsang ba spyi yi yan lag ni// rim pa bzhin du bshad du gsol// zhes zhus pa dang / dang por mtshams bcad gnas byin rlabs// sgrib sbyang sman gtor byin gyis brlab// brda' dang gar gyis sgo dbye bya// dus gsum zhi khro rgyas par mchod// bstod dang bsnyen pa rgyun du dbul// blta ba spyod pa dam tshig dang // dbang dang dngos grub 'di ltar blang // phyi dang nang du snang ba kun// rang bzhin yod pa ma yin te// rang rang rtog sgor so sor snang // snang ba nyid na rang bzhin med// des na ji ltar bsam pa 'grub// gtsang dang mi gtsang sha dang khrag/ dus gsum dag dang dus drug tu// spyad dang rang re gang snang ba// gnas dang sku dang gsung sgra dang // spyod lam kun tu spyod lam bya// bla ma mi spang bla ma bkur// gsang ba gsum dang longs spyod kun// mched bzhi sngags dang sgra skad bsgrags// snod med gzhan la rab tu gsang // dam rdzas tshogs shing gsang yang bsdam// sku gsung thugs kyi dbang yang byin// dngos grub rab 'bring tha ma 'grub// 'jam dpal ma ru tse'i sngags rgyud las/ spyi'i ngo bo bstan pa'i le'u ste dgu pa'o// // de nas yang 'jam dpal ma ru tses/ dpal phyag na rdo rje la 'di skad ces gsol to// e ma ho ngo mtshar rab tu che// de ltar bgyid pa'i rnal 'byor pas// las dang go rim bgyi rim dang // sngags kyi ngo bo bstan du gsol// bsnyen pa sgrub pa'i sngags ni gang // las la sbyor ba'i sngags ni gang // phrin las drag po'i sngags ni gang // de rnams ma lus bshad du gsol// zhes gsol pa dang / legs so// khyod kyis 'gro ba'i don du dris pa legs so// da lta ngas bshad kyis nyon cig/ yid zung la sangs rgyas kyi bstan pa srungs shig/ dam las ma g.yel cig/ ngas khyod kyis snying po bstan gyi// de yang dang por bsnyen pa'i sngags bcur phye la bshad do// rgyu ma nor ba rtsa ba'i sngags ni// chos kyi dbyings rnam par dag pa la/ snying rje'i gzugs brnyan hUM la bya'o// bsnyen pa'i rgyun gyi sngags 'dis bya'o// oM many+dzu shrI ya mAn+ta ka/ ku ma rA dza/ bskyed pa rkyen gyi sngags 'dis bya'o// oM many+dzu shrI ku mA ra ya/ ma ta ka ma ru/ tse ba ta ye hUM/ yum gyis 'dis bya'o// tsa ba tsa ba rag mo shig shig snying rtsa ma la b+h+yo b+h+yo/ spyan 'dren bzhengs su gsol ba'i sngags ni 'dis bya'o// dzaHhUM baM hoH/ sa ma ya/ many+dzu shri a kro te ka/ e ka dza ti/ e sa ma ya s+t+waM/ oM ku ma rA ya ti ta ma ta ka rak+Sha ma ru tse dzaH/ bzhugs su gsol ba'i sngags ni 'dis bya'o// oM ku mA ra many+dzu shrI ya mAn+ta ka ku ma rA ya/ sa ma ya tiSh+Tha lhan/ phyag 'tshal ba'i sngags ni 'dis bya'o// many+dzu shrI ku mA rA ya na mo/ a ti pu ho// pra ti pu ho/ mchod pa 'bul ba'i sngags ni 'dis bya'o// many+dzu shrI ku mA ra ya pU dza mAM sa khA hi/ a mr-i ta khA hi/ rak+ta khA hi/ tsit+ta khA hi/ tsak+ShA khA hi/ sku gsung thugs kyi sngags 'di'o// sku'i snying po ni/ oM a kro te ka ya mAn+ta ka/ dza la dza la/ kA ya kA ya hUM phaT/ gsung gi snying po ni// oM a kro te ka ya mAn+ta ka wAk+ka ya hUM/ ha na ha na hUM phaT/ thugs kyi snying po ni/ oM a kro te ka ya mAn+ta ka tsit+ta pa na/ ts+tshin+da ts+tshin+da hUM phaT/ dkyil 'khor byin bskyed pa'i sngags ni/ oM many+dzu shri ya man+ta ka/ ma ma e ka dza Ti dzaH/ oM rnal ma rnal te gsod la rngams/ bshos la mer/ bris la chums/ thu bis thu/ lcags kyi sku/ 'jam dpal ma ru tse'i sngags rgyud las/ sngags kyi le'u ste bcu pa'o// // kye kye dpa' bo mthu stobs bdag/ las la sbyor ba'i sngags ni gang // de yi phrin las ji ltar bgyi// zhes zhus pa dang / de nas yang sbyor ba drag po'i sngags bstan pa'o// oM nu pa ta phaT/ mdzod ta ba kri ta ba ba sod d+ha sod/ oM rus ta rus ta/ b+ho ho b+ho ho// mA ra ya nAn/ dung a dung ya baM rbad/ rus ta rus ta/ ya ma rA dza na ni/ dgra bo mA ra ya dza nan/ ya mA rA dza las kyi gnyer/ trag rak+Sha phaT rbad/ ma mo las kyi gnyer yang gtad// rtsang la dgug pa'i dbang bskur ba/ oM ma ru tse pa ta ye swA hA/ 'ug pa'i sngags gdug gsang ba 'di'o// trag rak+Sha ma ra ya phye/ bya rog dbye ba'i sngags 'di'o// trag mkha' lding ma ra ya dza/ bya rog dang ru g.yas pa la/ gzas pa gang gi ming rus bri/ 'ug pa'i dang ru g.yon pa la// dgra bo'i pho lha bri bar bya// sgo gnyis dug gi nang du gzhug/ srung ba'i lha dang dpral ba'i sngags// ya ma rA dza klu ling b+ha sang sang / dzaM kun b+ha sang sang / klu ling+ga sang ku ta na nan/ yo lcags sang ku ta ki hUM phaT/ lha lnga dag dang dpral bar bya// dug dang chang la sngags shing spangs/ yungs kar dag la sngags la bstim/ na mo bag ta bu me me bu pa ra pa pu nan/ nan ting tsa ka la swA ha/ dug gis yang bskur ngar yang blud/ sum ro tsam byi ro lnga shu ni na mo na ma swA hA/ 'jam dpal ma ru tse'i sngags rgyud las/ las la sbyor ba'i sngags kyi le'u ste bcu gcig pa'o// // de nas phrin las drag po'i sngags bstan pa/ dang por gzas pa dgug pa'i sngags/ ta ku ka par pa ra ma ra ta ni dza/ aM ku sha dza dza/ ling ga la tshe srog bstim pa/ nr-i dza a be sha ya a a/ dzaHhUM baM hoH// de la be con rdeg pa'i sngags// dun dun mugs pa shi ha la ha la tsa la tsa la pa tsa la hi ma hi ma/ rbad na rbad na/ rbud bu ling rbad bu'i mi sha/ mA ra ya mA ra ya/ de nas phur pa gdab pa'i sngags/ oM badz+ra kI li kI la ya/ ya mAn+ta ka muny+dza shrI mA ra ya/ ya ma rA dzas rab tu gdab/ ma ru tses ni gdab pa ni/ oM ku ma rA dza many+dzu shrI/ ya mAn+ta ka ku mA ra dza ni dza/ mA ra ya rbad/ khyod kyi pho nyas gdab pa'i sngags/ oM ya mAn+ta ka kI li ki la ya/ sha mug tsa ya hUM phaT/ ske tshe nyung dkar thal chen sngags/ oM shrI many+dzu u tsus ma/ tri ling shaM ka du u tsus ma/ tri ling shang du tsa/ e ka dza ti dgra bo'i srog rtsa mA ra ya/ rak+Shas ling+ga brab pa'i sngags/ tri ling shang ka du/ snying khrag la rbud/ dri za rak+Sha rbad bu/ snying khrag rtsa la breng breng / gzas pa po yi srog rtse dun rbud/ ma mo srin mo dmod pa'i sngags/ trag rak+ta kha mu tra/ ru lu ru lu b+h+yo/ rak+Sho te kuM dza dza/ kha la ma hi b+h+yo/ ma ru lu ru lu b+ho/ trag rak+ta kha mu tra b+h+yo/ ru lu ru lu ma ma ma yaM/ gram g.yas la ya tiSh+Tha rbad/ na thum ri li li rbad/ sha ti tiSh+Tha 'di rnams tiHyang 'dug rbad na thum ri li li rbad/ ma ti tiSh+Tha rbad thum ri li li/ yak+Sha ni ti na rbad na thum ri li li/ kha chu ni ya tiSh+Tha rbad na thum ri li li/ trag rak+ta srog thum thum/ du du/ kaM kaM/ ko kai/ srog la dun b+h+yo/ rkang chen gling bu'i nang na phar/ thun nag sngags ni 'di bzlas so// tri ling shang ka du kaM kaM kyo kye/ rnal ma rnal te kaM kaM king king / khyi khrid ra khrid ma mo rol dun b+h+yo/ yab yum gnyis med gsang ba'i sngags/ oM shrI many+dzu ya ma rA dza/ ma ma e ka tsa ti dza dza/ gnod sbyin drag po gsang ba'i sngags/ na mo rat+na tra yA ya/ na mo bai shra ma Na s+ya/ ma hA rA dza s+ya/ na mo na ta ku be ra s+ya/ gu h+ya ka a d+hi pa te t+yai pa ta/ ku pa ra ma d+ha'i sha mi/ a nu ru pa/ su ru pa/ tsan+da kha na tsa khaM/ he mo he sa/ kan ta ku pa ra na/ he ma ka na ku ha ka/ tsa la tsa la/ pa tsa pa tsa/ pu lu pu lu swA hA/ srin po gtum po gsang ba'i sngags/ ra dang ming byang rak+Sha la/ drag pos sngags shing brdeg par bya// oM rnal ma rnal te gsod la rngams/ gshog la mer/ sris la chum/ thu bis thu lcags kyi skra/ mA ra ya lor tsit+ta 'byon tsa na/ oM nr-i sha ku ru nr-i sha ku ru kha so ma ti yaM/ ru ti yaM/ so yaM saM yaM/ snying tshal pa rbad/ snying la phur sngags 'di yis gdab// rang rang so so'i sngags bzhag la/ oM badz+ra kI li ki la ya/ dza la ma la ka la ya/ oM dza la dza la/ pra dza la pra dza la/ s+phu ta pu ta/ sarba nag pa ni/ s+phar s+phar/ pi swa ra bi s+pha ra/ sarba duSh+TAn hrid ya/ sho ta ya hUM hUM phaT phaT sA hA/ an ta ra phan ta ra/ tsa na ta ra/ gan ta na sA hA/ na ma sa man ta bi sho a swA hA/ bing bing swA hA/ sgrol byed gshin rje'i drag sngags 'di// drag pos sngags cing ling+ga la// brab cing yang dang yang du brdeg/ au tri ling shang ka du/ dri za yak+kha/ rbad rgud phye ma 'dar tu tus// pra phra dum dum shig mA ra ya/ gshin rje dam tshig gsang ba'i sngags/ gong gi ling+ga dag la ni// drag pos phur pa sngags shing brdeg/ oM hrISh+TiHbi kr-i ta mA ra ya/ oM hrIHSh+NIHta mon ta mA ra ya du/ oM hrISh+T+r-iHbi kr-i ta ma ra yaM/ oM hrISh+ThIHbi kr-i ta mon ta mA ra nan/ oM dza la kr-ita sod/ nr-i sod mA ra ya sod/ b+h+yo b+h+yo/ yaM yaM/ oM aM tu sa ta su ta ma ra du/ mA ra yaM ya nan/ tsher ma can gyi dug shing la// stong gsum me lha bskyed byas te// me lha gzhal yas khang byin brlab// gzhung dang mthun par rab brtags te// khro bo 'khor bcas 'khor lor bskyed// dgug gzhug ngo bo rdzogs pa dang // drag po dag la bsngags pa ni// so sor rang rang sngags kyis su// mchod pa gzas pa dbul zhing bcol// bdud po yam shod shin tu sngags// oM bdud pra ma ya bdud pra ma ya/ snying mgo chod/ du ru du ru/ ha ra ti ha ra ti/ snying la dza yis/ nag po ti pa tsa pa'i hete/ snying la tsa baM ril rbad/ nag po he dum paM ri la rbad/ hUM ma hUM ya/ snying la du ra du ra/ glo rtsa baM ri la rbad/ myos dang lkugs dang smyo 'bog dang / tshig chad/ bdun rgyud brlag par 'gyur// sngags shing ling+ga hom du dbul// don dang ldan par shes par byos// de yi gsang sngags 'dis kyang sbyar// oM ku mA ra/ ha na ku mA ra many+dzu shrI ku mA ra mu du kha rbad/ yak+Sha rbad/ many+dzu shrI ku mA ra mud+d+ha he 'grib/ yak+ka kha la yu ti rbad/ mA ra ya/ many+dzu shrI de ba dat+ta/ many+dzu shrI grI ba kha la/ dun ting mA ra ya/ many+dzu shrI de ba grI ba/ kha la shag snying mgo chod/ s+phu na dun ting rbad/ mA ra ya/ many+dzu shrI da d+ha ta ka ra hi na kha la shag/ snying kha la yaM/ mgo rbad mA ra ya/ gdug pa'i sing la me sbar te/ gtor ma ling+ga rdzas rnams dbul// khyod kyi rbad sngags gsad pa ni/ gtum po yaM yaM/ sgrol ging yaM yaM/ ma ru tse las la yaM yaM/ rtsa la hur bruM/ srog la ya/ du na dza du/ ling grad d+he dza dza dza/ de ni ling+ga gtub pa'i sngags// yon tan sngags la rang sham dang // skul tshig bcas pas brdeg par bya// sngags ni gdug pa 'di yis so// a no rang gi sham bu la/ a nu rU pa khA hi/ bu ru ba na khA hi/ u pa ti tsa na dra khA hi/ ta ku pa ra ma ra khA hi/ bskul dang bcas pas bstab par bya/ gdug pa'i tshe srog phral ba'i sngags// A yu She shrI kra ma ye swA ha/ de yi tshe srog bdag la thim/ A yu ba sang ha ra na hUM// gdug pa'i nyon mongs lnga po de// rigs lnga bde gshegs sras su bskyed// g.yas g.yon sor bcu yig 'bru dgod// 'phros 'dus sku yi ngo bor gyur// sbyor ba'i sngags su bstim dang sbyar// sngags brjod byin gyis brlabs la gzhag/ mnan pa'i gdug sngags 'dis su bya// oM hrIHSh+T+r-iHbi kr-i ta mA ra ya nan/ 'jam dpal ma ru tse'i sngags rgyud las/ drag po'i phrin las kyi sngags kyi le'u ste bcu gnyis pa'o// // de nas yang 'jam dpal ma ru tses/ mthu stobs kyi bdag po dpal phyag na rdo rje la 'di skad ces gsol to// e ma ho shin tu ngo mtshar che'o// bdag gi rang bzhin mtshan nyid bshad pa ngo mtshar che'o// de yi 'bras byas bshad du gsol// de ltar shes byas rnal 'byor pas// grub pa'i rtags ni ji ltar 'byung // sngags kyi tshad ni ji tsam bzlas// dus ni gang gi dus su dar// phrin las go rim gang gis thebs// zhes gsol pa dang / mthu stobs kyi bdag pos bka' stsal pa/ nyon cig sgrol ging ma ru tse// grub pa'i rtags ni 'di ltar 'byung // bsnyen bsgrub dag la zhugs pa'i tshe// mi shar 'ga' tsam byung nas su// go cha nyo'am 'dod dam zer// gcer bu dag dang 'grogs pa dang // kun kyang bran dang bka' nyan byed// ci dang bsam pa yo lang mthun// bsgrub pa dag la zhugs tsam na// rang nyid go cha 'chang ba dang // mon pa nag po 'ong ba dang // me dang me ri 'od du 'ong // rlung 'tshub pa khu pho nu dang // zhang blon rogs por byas nas su// byams pa'i tshul du ston pa ni// bsgrub pa 'ong ba'i snga ltas yin// mthongs su go bsar byed pa dang // dmag sna drang dang 'o dod 'bod// ra dang g.yag dang bla shing bcag/ bskrad nas dbyung ngam brid dam brdas// de dag byung na grub pa'i rtags/ 'jam dpal ma ru tse'i sngags rgyud las/ rtags dang drod kyi le'u ste bcu gsum pa'o// // de nas yang dag bshad bya ba// sngags kyi tshad ni 'di lta ste// bsnyen sngags 'bum phrag gcig tu bzlas// sgrub pa'i sngags ni khri phrag gcig/ sbyor sngags stong du bzlas par bya// brdeg sngags brgya rtsa brgyad du bzlas// bsnyen pa ku mA ra zhes brjod// sgrub pa rat+na tra yA ya// sbyor sngags nu tha zhes brjod pa// brdeg pa'i sngags ni gtum pa yi// yon tan sngags ni gnan pa dang // las sngags gsham btags rab tu bzlas// de la sogs pa'i sngags rnams ni// go rim dang yang rab tu sbyar// 'gro nyal 'dug sdod gang du yang // bsnyen pa rgyun du bzlas par bya'o// bsgrub pa'i drag sngags bcu tsho ni// dben par bstud la rab tu bzlas// phyi ma drag po'i sngags rnams ni// sdang bas brnyas la bzlas par bya// rung rung thor thor bzlas mi bya// drag por ma yin bul ma yin// gzhan gyis bar du chod pa min// de bzlas nyams pa'i rgyu ru 'gyur// rung rung thor thor bzlas byed pa// phyag na rdo rje ngas ma bshad// sbyor ba'i sngags tshan lnga po ni/ drag po byed na bzlas par bya/ 'jam dpal ma ru tse'i sngags rgyud las/ bzlas pa'i sngags tshad kyi le'u ste bcu bzhi pa'o// // kye kye gsang ba'i phrin las bdag/ drag po bsgrub pa ji ltar sbyar// zhes gsol pa dang / phrin las drag po gsang bar byos// gzas pa dgug cing dmigs pa'i rgyu// tsa ra dag bca' gzhi dag la// gzas pa'i ling+ga de la bstim// dug dang sgro dang phur pas gdab// lha lnga dag dang dpral bar byed// de yi phyi de nub mo ni// tsa ra dgra bzlog gzab par bya// ra dang g.yang gzhi mgo mi dbral// tsit+ta'i nang du ling+ga gzhug/ g.yang gzhi'i nang du bzhag nas kyang // rang sngags sham bus bsngag cing brdeg/ phur pa bzhengs la rab tu gdab// ming byang tsa ra'i khar bcug la// khyod kyi mtshan nyid 'dzin pa des// drag por gdags shing de la brdeg/ bzlas pa rab tu rdzogs pa dang // tshon sna lnga yi byad du gzhug/ de nas hom la me sbar te// ling+ga lhag ma bsreg par bya// de nas tsa ra'i g.yang gzhi de// dur khrod sha grog rgya gram dang // gdug pa gnas sar rab tu skye la// nya dang stong la mchod pa gdab// lan gsum dag gis ma grub na// khyod ni rab tu brlag par 'gyur// 'jam dpal ma ru tse'i sngags rgyud las/ phrin las kyi le'u ste bco lnga pa'o// // dpa' bo mthu stobs gsang ba'i bdag/ de yi dus ni gang du dar// de dag ma lus bshad du gsol// rgyal ba rigs lnga'i sku gsung thugs// 'jam dpal sku yi rig 'dzin dang // phur pa phrin las dngos grub dang // ma mo rbod gtong dngos grub yal// de tshe nga yi dngos grub dar// dkon mchog bstan pa 'khrugs pa dang // chos byed gcig gis gcig gsod dus// de tshe sangs rgyas bstan pa srungs// dkon mchog dbu 'phang de ru bstod// de tshe bstan pa ma bsrungs na// phyag na rdo rje nga yi mthus// khyod ni rdul du brlag ste 'gro// zhes bka' bsgo ba mdzad do// 'jam dpal dmar po'i sngags rgyud las/ bstan pa dang dus ji tsam na dar tshul bstan pa'i le'u ste bcu drug pa'o// // de nas 'jam dpal ma ru tse dang / lha rnams dang / klu rnams dang / gnod sbyin rnams dang / ma mo bsam gyis mi khyab pa rnams kyis/ 'di skad ces gsol to// e ma mtshar shin tu yang ngo mtshar/ de ltar bstan pa shin tu yang ngo mtshar te/ gsang ba'i bdag pos gsungs par bka' nyan/ dkon mchog gsum gyi bstan pa yang shin tu bsrung ste/ dbu 'phang yang shin tu bstod/ ces dam bcas nas/ dpal phyag na rdo rjes gsungs pa la mngon par rjes su yi rang ste shin tu bstod do// e ma shin tu gsang ba'i bdag/ mthu dang gzi brjid rab tu che// stong gsum 'khor ba'i gdug rtsub can// khyod kyi bka' yi phrin las pa// khyod dang chos sku khyad par gcig/ gsang ba po la phyag 'tshal 'dud// ces gsang tshig la yi ger brten nas gsungs pa'o// de nas lha dang klu kun gyis// 'jam dpal ma ru tse la sku stod dur khrod kyi chas brgyad la sogs pas ni brgyan/ phyag cha rgyan dang ni ldan/ bdud dang gnod sbyin dang srin po dang srin mo btul ba de la bstod pa/ dpal ldan dbang phyug 'jig rten skyong ba'i gtso/ zhes pas bstod do// 'jam dpal ma ru tse'i sngags rgyud las/ 'khor rnams rjes su yi rangs nas bstod pa'i le'u ste bcu bdun pa'o// // 'jam dpal ma ru tse'i sngags rgyud rdzogs so// // dregs pa pho mo 'dus pa'i las kyi rgyud// khro rgyal gshin rje'i gshed la phyag 'tshal lo// 'di skad bdag gis thos pa dus gcig na/ bcom ldan 'das bde bar gshegs