| Wylie | e-texts produced with BDRC’s OCR application |
མན་ངག། དྲག་པོའི་སྔགས་རྒོད། བསྟན་སྲུང་སྤུ་གྲི་ལྟ་བུའི་རྒྱུད་པདྨ་དབང་རྒྱལ་གྱི་བཀའ།། ། @#།། རྒྱ་གར་སྐད་དུ། མཉྫུ་ཤྲི་ཡ་མ་མ་རུ་ཙེ་མནྟ་ཏནྟྲ་ཤཱསྠ། བོད་སྐད་དུ། ་འཇམ་དཔལ་གཤིན་རྗེ་མ་རུ་ཙེའི་སྔགས་རྒྱུད་བསྟན་པ། བཅོམ་ལྡན་འདས་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དཔལ་ཕྱག་ན་རྡོ་རྗེ་ཆོས་ཀྱི་སྐུ་ལས་ལོངས་སྤྱོད ་རྫོགས་པའི་སྐུར་བཞེངས་ཏེ། འགྲོ་བའི་དོན་མཛད་པ་ལས། བྱང་ཕྱོགས་གནོད་སྦྱིན་གདོང་དམར་བ། གདུལ་བར་དཀའ་ཞིང་གཏུམ་པ་རྣམས་ལ་དཔལ་ཕྱག་ན་རྡོ་རྗེས་མ་རུ་ཙེ་པ་ཏ་ཡེ་ཧཱུཾ། ཞེས་གསུངས་པ་ལས།། ་སྒྲོལ་གིང་གི་བདག་པོ་འཇམ་དཔལ་མ་རུ་ཙེ། སྐུ་འོད་ཟེར་དང་བཅས་ནས་འཐོན་ཏེ། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཨེ་མ་ཧོ་བཅོམ་ལྡན་མཐུ་སྟོབས་བདག། ཞེ་སྡང་གདུག་པའི་སེམས་ཅན ་དག། ཕྲིན་ལས་ཞི་བས་མི་འདུལ་བར།། གདུག་པ་དེ་དག་ཇི་ལྟར་གདུལ།། ཞེས་སྨྲས་པས། དེ་ནས་དཔལ་ཕྱག་ན་རྡོ་རྗེས། མ་ཧཱ་རཀྟ་མཎྜ་ལ་ཞེས་བརྗོད་པས། ཁྲག་གི་རྒྱ་མཚོ་མཐའ་དང་དབུས་མེད་པ།། རྦ ་རླབས་འཁྲུགས་པ་གཅིག་ཏུ་གྱུར་ཏོ།། དེ་ནས་ཨ་ཙནྡ་མཎྜ་ལ་ཧཱུཾ། ཞེས་བརྗོད་པས་ཟླ་བའི་དཀྱིལ་འཁོར་བརྡལ་བ་ཆེན་པོ་གཅིག་ཏུ་གྱུར་པར་གནས་སོ།། འཇམ་དཔལ་དམར་པོའི་སྔགས་རྒྱུད་ལས། གླེང་གཞིའི ་ལེའུ་སྟེ་དང་པོའོ།། །། དེ་ནས་ཡང་རབ་ཏུ་ངོ་མཚར་ཏེ། ཨེ་མ་ཧོ། འདི་ལྟར་ངོ་མཚར་ཆོ་འཕྲུལ་ངོ་མཚར་རབ་ཏུ་ཆེ།། འདི་ཡི་རྗེས་སུ་བསྒྲུབ་པའི་རྣལ་འབྱོར་པས།། བསྒྲལ་བའི་ཚེ་ན་ཇི་ལྟར་བགྱི།། འདུག་པའི ་གནས་ནི་གང་དུ་བགྱི།། བསྒྲུབ་པའི་ཞག་གྲངས་ཅི་ཙམ་བགྱི།། གཟའ་སྐར་དུས་ཚོད་གང་ལ་གཏད།། ཅེས་འཇམ་དཔལ་མ་རུ་ཙེས་ཞུས་པ་དང་། དཔལ་ཕྱག་ན་རྡོ་རྗེས་འཇམ་དཔལ་མ་རུ་ཙེ་ལ་འདི་སྐད་ཅེས ་བཀའ་སྩལ་ཏོ།། ཉོན་ཅིག་འཇམ་དཔལ་མ་རུ་ཙེ།། དང་པོ་གདུག་པ་འདུལ་བའི་ཚེ།། བདག་གི་ལུས་པོའི་ངོ་བོ་དེ།། འཇམ་དཔལ་ཡ་མཱནྟ་ཀར་བསྒོམ།། ལག་གཡོན་སྦྱོར་བའི་ཡུམ་དུ་བསྒོམ།། ལག་པ་གཡས་ན ་སྒྲོལ་ཡུམ་བསྒོམ།། ཁ་ནས་སྔགས་བཟླས་དམར་པོར་བསམ།། ཉུང་དཀར་རྒྱལ་པོ་ཕོ་ཉའི་ཚོགས།། གདུག་པ་བསམ་གྱིས་མི་ཁྱབ་བསྒོམ།། ཉུང་དཀར་འཕང་ཞིང་སྒྲ་སྐད་བསྒྲག། ཕུ་དུང་བརྡབ་ཅིང་དབང་གཟུག ་གོ། མིག་ཀྱང་གནམ་ས་བར་དུ་བལྟ།། བདག་གི་སེམས་ཀྱང་འཁྲུགས་བྱས་ཏེ།། བདག་ཀྱང་ཁྲོས་པ་མ་ཡིན་ཏེ།། བདག་གི་ལྷ་རྣམས་ཁྲོས་པར་འགྱུར།། དུས་ཀྱང་ཞག་བདུན་གདབ་པར་བྱའོ།། འཇམ་དཔལ་དམར ་པོའི་སྔགས་རྒྱུད་ལས། གདུག་པ་འདུལ་བ་ཇི་ལྟར་བྱ་བའི་ལེའུ་སྟེ་གཉིས་པའོ།། །། དེ་ནས་ཡང་དག་འདི་ཞུས་པ།། གདུག་པ་བསྒྲུབ་པའི་གནས་ནི་གང་།། ཞེས་ཞུས་པས། གདུག་པ་འདུལ་མཛད་མཉན ་པར་བྱོས།། ཤིང་གཅིག་རྩ་དང་བྲག་ཕུག་དང་།། བྲག་དང་ཆུ་འཐབ་སྐྱི་གཡའ་དོས།། ལྷ་ཁང་སུམ་མདོ་ཤྭ་གྲོག་གམ།། བྲག་དམར་སེང་གེ་རྩལ་རྫོགས་པ།། གནམ་ལ་འཕྱོང་བ་འདྲ་བའམ།། བྲག ་སྲིན་གདུག་པ་འདུལ་བའམ།། སྡོམ་མཁར་སུམ་ཐོག་ཕུང་ཤུལ་ལམ།། ཞི་རྒྱས་དབང་དྲག་གནས་དག་ཏུ།། དང་པོར་མཆོད་སྦྱིན་ཆ་གཅིག་གིས།། དེ་དག་སྣང་དང་མི་སྣང་ལ།། ས་ཕྱོགས་རིན་གྱིས་བསླུ་བ་ཡི།། ཚུལ ་དུ་གླུད་དང་མཆོད་སྦྱིན་བྱ།། བསྐྲད་དང་བདེན་བདར་བྱིན་བརླབས་ལ།། མ་གྲུབ་བར་དུ་གཞན་དུ་དེངས།། གྲུབ་གནས་སླར་ཡང་གཏད་བྱ་ཞེས།། རྔན་པ་སྦྱིན་དང་ཕྲིན་ལས་བཅོལ།། ཕྱོགས་བཞིར་སྐྱོང་བའི་རྟེན ་བཞི་གཟུག། ཕྱོགས་སྐྱོང་ཕྲིན་ལས་མཆོད་པ་འབུལ།། ལྷ་མོ་སྤྱན་དང་དབང་ཡང་གཟུག། སྲིད་པའི་སྡེ་བརྒྱད་རྣམས་ཀྱང་མཆོད།། ཕྱི་ནང་བཤགས་སྦྱང་དག་པར་བྱ།། འཇམ་དཔལ་དམར་པོའི་སྔགས་རྒྱུད་ལས།། ་གནས་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་དག་འདི་ཞུས་པས།། བསྙེན་བསྒྲུབ་ཞག་གྲངས་ཇི་ལྟར་ཚད།། རབ་འབྲིང་ཟ་མ་བཤད་དུ་གསོལ།། ཞེས་ཞུས་པ་དང་། རབ་ནི་ཟླ་བ་སུམ་ཅུ ་ལ།། འབྲིང་ནི་ཞག་ནི་བཅུ་ཕྲག་གསུམ།། ཐ་མ་ཞག་ནི་བདུན་ཕྲག་གསུམ།། ཡང་ན་བདུན་གྱིས་ཕྲིན་ལས་འགྲུབ།། དེ་ལས་མང་ལ་འདའ་མི་བྱ།། འཇམ་དཔལ་དམར་པོའི་སྔགས་རྒྱུད་ལས། དུས་དང་ཞག་གྲངས ་ཀྱི་ལེའུ་སྟེ་བཞི་པའོ།། །། དེ་ནས་ཡང་དག་འདི་ཞུས་པས།། གཟའ་སྐར་དུས་ཚོད་གཉན་པ་གང་།། དེ་ལ་གཏད་དམིགས་བཤད་དུ་གསོལ།། ལོ་ཟླ་མར་ངོ་དམན་པ་ལས།། སྔགས་པ་མདའ་འཕེན་ཟླ་བ ་དང་།། ཉི་མ་སྤུངས་བྱང་བགྲོད་འདྲ་མིན་ནམ། པར་དག་ལ་མིན།། ཟླ་བ་གཟས་ཟིན་པ་དག་དང་།། སྨིན་དྲུག་ས་འོག་སོང་ལ་བྱ།། གཟའ་སྐར་གདུག་པ་དག་ལ་གཏད།། སྤེན་པ་ཕུར་བུ་མིག་དམར་ལག། དབྱུག་པ་རྟ ་དང་ཐ་ཆུང་བཞི།། བདུད་ཀྱི་ཉི་མར་ཕུར་པས་གདབ།། དུས་ནི་འབྲུག་སྒྲ་ཚུབ་མ་གདབ།། དུས་ནི་གང་ཡིན་གནས་སུ་བྱ།། མཉེས་པར་བྱས་ལ་དམ་ཅན་ལ།། དབང་གཟུག་འོ་དོད་རབ་ཏུ་འབོད།། གདུག་པའི་རྒྱབ ་བརྟེན་མ་བྱེད་ཅེས།། བསྒྲུབ་པ་དང་ནི་ལས་སུ་སྦྱར།། འཇམ་དཔལ་དམར་པོའི་སྔགས་རྒྱུད་ལས། དུས་ཚོད་གདུག་པའི་ལེའུ་སྟེ་ལྔ་པའོ།། །། དེ་ནས་སྒྲོལ་གིང་མ་རུ་ཙེས། མཐུ་སྟོབས་ཀྱི་བདག་པོ་དཔལ་ཕྱག ་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཨེ་མ་བཅོམ་ལྡན་དཔལ་ཆེན་པོ།། དེ་ལྟར་སྒྲུབ་པའི་རྣལ་འབྱོར་པས།། གཞལ་ཡས་དཀྱིལ་འཁོར་ཇི་ལྟར་བྲི།། དམ་རྫས་གང་དང་གང་ཞིག་བསོག། དེ་ཡི་ནམ་རྫས་ཇི་ལྟར ་དགོད།། སྤྱི་ཡི་ཡན་ལག་ཇི་ལྟར་བྱ།། ཞེས་ཞུས་པ་དང་། དཔལ་ཕྱག་ན་རྡོ་རྗེས་འདི་སྐད་ཅེས་གསུངས་སོ།། ཉོན་ཅིག་སྒྲོལ་གིང་མ་རུ་ཙེ།། དཀྱིལ་འཁོར་བྱ་བའི་ཐབས་བསྟན་པ།། སྤྱིར་ན་དཀྱིལ་འཁོར་གཉིས་སུ ་དབྱེ།། འཇམ་དཔལ་ལྷ་བསྙེན་དཀྱིལ་འཁོར་དང་།། གདུག་པ་དྲག་པོའི་དཀྱིལ་འཁོར་ཡིན།། དེ་ཡི་དཀྱིལ་འཁོར་བརྩིག་པའི་ཐབས།། འདོམ་གང་གྲུ་བཞི་ལྷག་པ་ལ།། དབུས་སུ་གྲུ་གསུམ་དོང་ཞིག ་བརྐོ།། ཐོད་པ་སྐམ་པོ་གདུག་པ་ལ།། གཟས་པའི་ལིངྒ་བསྒྲིམ་སྟེ་བྲི།། མཱ་ར་ཡ་ཞེས་འཁོར་བར་བསྐོར།། དེ་དག་གོང་མའི་ནང་དུ་གཞུག། གྲུ་གསུམ་ནང་དུ་དེ་བཅུག་ལ།། ས་མར་མཉམ་པའི་བྱི་དོར་བྱ།། ཁྱོད་ཀྱི་ཕོ། ་བྲང་བཏབ་པར་དམིགས།། ཁྲག་སྣ་གསུམ་གྱིས་ཆག་ཆག་བཏབ།། གནམ་ས་གཉིས་ཀྱང་ཐིག་བྱིན་བརླབ།། མ་ཧཱ་གུ་རུ་པདྨ་ཏི་ཧེ་པྲ་མ། ཞེས་པས་ས་ཐིག་རིམ་པར་བཏབ་ནས་སུ།། དེ་ནས་ཚོན་བརླབ་ཕྱོགས་སུ ་བཀྱེ།། དབུས་སུ་གྲུ་གསུམ་མཐིང་ནག་བྲི།། ཕྱི་རིམ་ཟླ་གམ་དབང་གི་ཚུལ།། དེ་ཡི་ཕྱི་རིམ་ཟླུམ་པོ་དཀར།། ཕྱི་རིམ་ཡེ་ཤེས་རྩིབས་བཞི་དགོད།། ཤར་དཀར་ལྷོ་སེར་ནུབ་དམར་དང་བྱང་ལྗང་།། རྩིབས་མཚམས ་དམར་པོ་སྒོ་བཞི་རིགས་དང་སྦྱར།། གདུག་པ་དྲག་པོའི་དཀྱིལ་འཁོར་ནི།། ཤར་ལྷོར་འབྲུབ་ཁུང་གྲུ་གསུམ་བྲི།། ཟླ་གམ་དམར་ལ་ཐལ་ཆེན་བསྐོར།། ཁ་ལ་མེ་རི་འབར་བ་བྲི།། མཁས་པས་དེ་དག་རབ་ཏུ་བྲི།། ་འཇམ་དཔལ་མེ་རུ་ཙེའི་སྔགས་རྒྱུད་ལས། དཀྱིལ་འཁོར་གྱི་ལས་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་སྒྲོལ་གིང་མ་རུ་ཙེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་ཞུས་སོ།། གསང་བའི་དམ་རྫས ་ཕྱི་ནང་དང་།། སྒྲུབ་དང་བསྙེན་རྫས་བསྟན་དུ་གསོལ།། སྒྲུབ་དང་དྲག་པོ་དམ་རྫས་ནི།། བསྒྲུབ་པའི་རྫས་ནི་འདི་རུ་བསྟན།། མ་རུ་ཙེ་ཡི་དམ་རྫས་ནི།། ཁྱི་ཕག་དམར་ཁྲའི་ཤ་ཁྲག་དང་།། ཐུགས་དམ་ཤེལ་གོང་སྨུག ་པོས་བསྐང་།། སྤྱན་གཟིགས་ཚོགས་པའི་ཤ་ཁྲག་གཏོར།། དཔལ་ཆེན་ཁྲོ་བོ་མི་བཟད་པར།། ཤ་ཆེན་ཡོད་པའི་ཆ་གཅིག་དབུལ།། ཁྲག་དང་སྨན་ཕུད་དམ་རྫས་བཞག། མཱཾ་ས་ཆེན་པོས་སྣ་དྲངས་ལ།། ཤ་སྣ་ཁྲག་སྣ ་ཚོགས་པར་བསགས།། ཚེ་དང་བསྲུང་བའི་རྫས་ཀྱང་བསགས།། སྒྲུབ་དང་བསྙེན་པའི་བྱ་བའོ།། དྲག་པོའི་དམ་རྫས་བསྟན་པ་ནི།། དེ་ཡང་གཉིས་སུ་དབྱེ་བར་བྱ།། རྟེན་དུ་བྱ་དང་གསད་པའི་རྫས།། རྟེན་དུ་བྱ་བའི ་དམ་རྫས་ནི།། ཙ་ར་དཀར་པོ་གཉའ་ནག་སྐོར།། གཟས་པའི་གཟུགས་བྱ་ཐིགས་པ་དང་།། གངས་ཀྱི་དུམ་དང་བསྲུང་མའི་ལོ།། བོང་བུའི་བདུད་རྩི་གྲོག་མཁར་ས།། ཁྲག་གིས་སྦྲུས་ལ་ལིངྒ་བྱ།། མིང་དང་རུས་དང ་ལོ་ལ་སོགས།། ཤིང་ཤུན་བྲིས་ལ་སྙིང་གར་གླན།། མཱ་ར་ཡ་དང་རྦད་ཀྱིས་ཀྱང་།། དེ་འཁོར་འདོམས་སུ་མཱ་ར་ཡ།། དེ་ཡི་མགོ་བོ་ཛ་ཡིས་བསྐོར།། དཔྲལ་བ་དག་ཏུ་མིང་བྲིས་ལ།། ལུགས་སའི་ཞབས་མས་གཏུམས ་བྱས་ནས།། དཀར་ནག་བཏགས་ལ་སྐེ་རུ་གདགས།། ཙ་ར་དེ་ལ་གཟས་པར་དམིགས།། གདུག་པ་བསྒྲལ་བའི་རྫས་རྣམས་ནི།། ཕུར་པ་དང་ནི་ཧོམ་ཤིང་དང་།། སྒོ་དང་ཉུང་དཀར་ཐལ་ཆེན་དང་།། བཙན་དུག་གུ ་གུལ་ཐོད་པ་དང་།། ཚོན་སྐུད་ལ་སོགས་རྫས་སུ་བསོག། དྲག་པོའི་དམ་རྫས་གཞན་ཡང་བསོག། འཇམ་དཔལ་མེ་རུ་ཙེའི་སྔགས་རྒྱུད་ལས། དམ་རྫས་བསྟན་པའི་ལེའུ་སྟེ་བདུན་པའོ།། །། དེ ་ནས་འཇམ་དཔལ་མེ་རུ་ཙེས། དཔལ་ཕྱག་ན་རྡོ་རྗེ་ལ་འདི་སྐད་ཞུས་སོ།། བསྙེན་བསྒྲུབ་རྫས་ནི་ཇི་ལྟར་དགོད།། གནས་དང་བཞག་པའི་རང་བཞིན་ཞུ།། སྒྲོལ་གིང་གནོད་སྦྱིན་མ་རུ་ཙེའི།། རྫས་རྣམས་དགོད་པ ་བསྟན་པ་ནི།། སྒྲུབ་པའི་རྫས་ནི་འདི་ལྟར་དགོད།། མ་རུ་ཙེ་ཡི་རྫས་རྣམས་ནི།། ཤར་གྱི་འཁོར་ལོ་ཉིད་ལའོ།། སྨན་ཕུད་དཔལ་གཏོར་ཤར་ལྷོར་བཞག། བསྒྲུབ་པའི་རྫས་ནི་ཚོགས་པར་བྱ།། དྲག་པོའི་རྫས་ནི་འདི ་ལྟ་སྟེ།། ཙ་ར་ལ་སོགས་རྟེན་གྱི་རྫས།། ཤར་ལྷོ་བྱང་ཤར་མཚམས་སུ་བཞག། ཧོམ་ཤིང་ཚེར་མ་ཅན་རྣམས་ནི།། ལྷོ་ཡི་འཁོར་ལོ་ཉིད་ལ་དགོད།། ནུབ་ཏུ་ཕུར་བུ་བྱང་དུ་དུག། སྒྲོ་ཡང་དུག་གི་སྟེང་དུ་གཟུག། གཙང ་དང་ཉུང་དཀར་ཐལ་ཆེན་དུག། ཤར་ལྷོ་འབྲུབ་ཁུང་རྩ་རུ་གཟུག། གདུག་པའི་རྫས་རྣམས་མ་ལུས་དགོད།། འཇམ་དཔལ་མ་རུ་ཙེའི་སྔགས་རྒྱུད་ལས། རྫས་དང་ཐུན་དགོད་པའི་ལེའུ་སྟེ་བརྒྱད་པའོ།། །། ཨེ་མ ་དཔལ་ཆེན་གསང་བའི་བདག། གསང་སྔགས་བསྒྲུབ་པའི་རྣལ་འབྱོར་པས།། གསང་བ་སྤྱི་ཡི་ཡན་ལག་ནི།། རིམ་པ་བཞིན་དུ་བཤད་དུ་གསོལ།། ཞེས་ཞུས་པ་དང་། དང་པོར་མཚམས་བཅད་གནས་བྱིན ་རླབས།། སྒྲིབ་སྦྱང་སྨན་གཏོར་བྱིན་གྱིས་བརླབ།། བརྡའ་དང་གར་གྱིས་སྒོ་དབྱེ་བྱ།། དུས་གསུམ་ཞི་ཁྲོ་རྒྱས་པར་མཆོད།། བསྟོད་དང་བསྙེན་པ་རྒྱུན་དུ་དབུལ།། བལྟ་བ་སྤྱོད་པ་དམ་ཚིག་དང་།། དབང་དང་དངོས ་གྲུབ་འདི་ལྟར་བླང་།། ཕྱི་དང་ནང་དུ་སྣང་བ་ཀུན།། རང་བཞིན་ཡོད་པ་མ་ཡིན་ཏེ།། རང་རང་རྟོག་སྒོར་སོ་སོར་སྣང་།། སྣང་བ་ཉིད་ན་རང་བཞིན་མེད།། དེས་ན་ཇི་ལྟར་བསམ་པ་འགྲུབ།། གཙང་དང་མི་གཙང་ཤ ་དང་ཁྲག། དུས་གསུམ་དག་དང་དུས་དྲུག་ཏུ།། སྤྱད་དང་རང་རེ་གང་སྣང་བ།། གནས་དང་སྐུ་དང་གསུང་སྒྲ་དང་།། སྤྱོད་ལམ་ཀུན་ཏུ་སྤྱོད་ལམ་བྱ།། བླ་མ་མི་སྤང་བླ་མ་བཀུར།། གསང་བ་གསུམ་དང་ལོངས་སྤྱོད ་ཀུན།། མཆེད་བཞི་སྔགས་དང་སྒྲ་སྐད་བསྒྲགས།། སྣོད་མེད་གཞན་ལ་རབ་ཏུ་གསང་།། དམ་རྫས་ཚོགས་ཤིང་གསང་ཡང་བསྡམ།། སྐུ་གསུང་ཐུགས་ཀྱི་དབང་ཡང་བྱིན།། དངོས་གྲུབ་རབ་འབྲིང་ཐ་མ ་འགྲུབ།། འཇམ་དཔལ་མ་རུ་ཙེའི་སྔགས་རྒྱུད་ལས། སྤྱིའི་ངོ་བོ་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་འཇམ་དཔལ་མ་རུ་ཙེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཨེ་མ་ཧོ་ངོ་མཚར ་རབ་ཏུ་ཆེ།། དེ་ལྟར་བགྱིད་པའི་རྣལ་འབྱོར་པས།། ལས་དང་གོ་རིམ་བགྱི་རིམ་དང་།། སྔགས་ཀྱི་ངོ་བོ་བསྟན་དུ་གསོལ།། བསྙེན་པ་སྒྲུབ་པའི་སྔགས་ནི་གང་།། ལས་ལ་སྦྱོར་བའི་སྔགས་ནི་གང་།། ཕྲིན་ལས་དྲག ་པོའི་སྔགས་ནི་གང་།། དེ་རྣམས་མ་ལུས་བཤད་དུ་གསོལ།། ཞེས་གསོལ་པ་དང་། ལེགས་སོ།། ཁྱོད་ཀྱིས་འགྲོ་བའི་དོན་དུ་དྲིས་པ་ལེགས་སོ།། ད་ལྟ་ངས་བཤད་ཀྱིས་ཉོན་ཅིག། ཡིད་ཟུང་ལ་སངས ་རྒྱས་ཀྱི་བསྟན་པ་སྲུངས་ཤིག། དམ་ལས་མ་གཡེལ་ཅིག། ངས་ཁྱོད་ཀྱིས་སྙིང་པོ་བསྟན་གྱི།། དེ་ཡང་དང་པོར་བསྙེན་པའི་སྔགས་བཅུར་ཕྱེ་ལ་བཤད་དོ།། རྒྱུ་མ་ནོར་བ་རྩ་བའི་སྔགས་ནི།། ཆོས་ཀྱི་དབྱིངས་རྣམ་པར ་དག་པ་ལ། སྙིང་རྗེའི་གཟུགས་བརྙན་ཧཱུཾ་ལ་བྱའོ།། བསྙེན་པའི་རྒྱུན་གྱི་སྔགས་འདིས་བྱའོ།། ཨོཾ་མཉྫུ་ཤྲཱི་ཡ་མཱནྟ་ཀ། ཀུ་མ་རཱ་ཛ། བསྐྱེད་པ་རྐྱེན་གྱི་སྔགས་འདིས་བྱའོ།། ཨོཾ་མཉྫུ་ཤྲཱི་ཀུ་མཱ་ར་ཡ། མ་ཏ་ཀ་མ་རུ། ཙེ་བ་ཏ ་ཡེ་ཧཱུཾ། ཡུམ་གྱིས་འདིས་བྱའོ།། ཙ་བ་ཙ་བ་རག་མོ་ཤིག་ཤིག་སྙིང་རྩ་མ་ལ་བྷྱོ་བྷྱོ། སྤྱན་འདྲེན་བཞེངས་སུ་གསོལ་བའི་སྔགས་ནི་འདིས་བྱའོ།། ཛཿཧཱུཾ་བཾ་ཧོཿ། ས་མ་ཡ། མཉྫུ་ཤྲི་ཨ་ཀྲོ་ཏེ་ཀ། ཨེ་ཀ་ཛ་ཏི། ཨེ་ས་མ་ཡ ་སྟྭཾ། ཨོཾ་ཀུ་མ་རཱ་ཡ་ཏི་ཏ་མ་ཏ་ཀ་རཀྵ་མ་རུ་ཙེ་ཛཿ། བཞུགས་སུ་གསོལ་བའི་སྔགས་ནི་འདིས་བྱའོ།། ཨོཾ་ཀུ་མཱ་ར་མཉྫུ་ཤྲཱི་ཡ་མཱནྟ་ཀ་ཀུ་མ་རཱ་ཡ། ས་མ་ཡ་ཏིཥྛ་ལྷན། ཕྱག་འཚལ་བའི་སྔགས་ནི་འདིས་བྱའོ།། མཉྫུ་ཤྲཱི་ཀུ ་མཱ་རཱ་ཡ་ན་མོ། ཨ་ཏི་པུ་ཧོ།། པྲ་ཏི་པུ་ཧོ། མཆོད་པ་འབུལ་བའི་སྔགས་ནི་འདིས་བྱའོ།། མཉྫུ་ཤྲཱི་ཀུ་མཱ་ར་ཡ་པཱུ་ཛ་མཱཾ་ས་ཁཱ་ཧི། ཨ་མྲྀ་ཏ་ཁཱ་ཧི། རཀྟ་ཁཱ་ཧི། ཙིཏྟ་ཁཱ་ཧི། ཙཀྵཱ་ཁཱ་ཧི། སྐུ་གསུང་ཐུགས་ཀྱི་སྔགས ་འདིའོ།། སྐུའི་སྙིང་པོ་ནི། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ། ཛ་ལ་ཛ་ལ། ཀཱ་ཡ་ཀཱ་ཡ་ཧཱུཾ་ཕཊ། གསུང་གི་སྙིང་པོ་ནི།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཝཱཀྐ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཐུགས་ཀྱི་སྙིང་པོ་ནི། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ ་ཙིཏྟ་པ་ན། ཙྪིནྡ་ཙྪིནྡ་ཧཱུཾ་ཕཊ། དཀྱིལ་འཁོར་བྱིན་བསྐྱེད་པའི་སྔགས་ནི། ཨོཾ་མཉྫུ་ཤྲི་ཡ་མནྟ་ཀ། མ་མ་ཨེ་ཀ་ཛ་ཊི་ཛཿ། ཨོཾ་རྣལ་མ་རྣལ་ཏེ་གསོད་ལ་རྔམས། བཤོས་ལ་མེར། བྲིས་ལ་ཆུམས། ཐུ་བིས་ཐུ། ལྕགས་ཀྱི་སྐུ། ་འཇམ་དཔལ་མ་རུ་ཙེའི་སྔགས་རྒྱུད་ལས། སྔགས་ཀྱི་ལེའུ་སྟེ་བཅུ་པའོ།། །། ཀྱེ་ཀྱེ་དཔའ་བོ་མཐུ་སྟོབས་བདག། ལས་ལ་སྦྱོར་བའི་སྔགས་ནི་གང་།། དེ་ཡི་ཕྲིན་ལས་ཇི་ལྟར་བགྱི།། ཞེས་ཞུས་པ་དང་། དེ་ནས་ཡང ་སྦྱོར་བ་དྲག་པོའི་སྔགས་བསྟན་པའོ།། ཨོཾ་ནུ་པ་ཏ་ཕཊ། མཛོད་ཏ་བ་ཀྲི་ཏ་བ་བ་སོད་དྷ་སོད། ཨོཾ་རུས་ཏ་རུས་ཏ། བྷོ་ཧོ་བྷོ་ཧོ།། མཱ་ར་ཡ་ནཱན། དུང་ཨ་དུང་ཡ་བཾ་རྦད། རུས་ཏ་རུས་ཏ། ཡ་མ་རཱ་ཛ་ན་ནི། དགྲ་བོ་མཱ་ར ་ཡ་ཛ་ནན། ཡ་མཱ་རཱ་ཛ་ལས་ཀྱི་གཉེར། ཏྲག་རཀྵ་ཕཊ་རྦད། མ་མོ་ལས་ཀྱི་གཉེར་ཡང་གཏད།། རྩང་ལ་དགུག་པའི་དབང་བསྐུར་བ། ཨོཾ་མ་རུ་ཙེ་པ་ཏ་ཡེ་སྭཱ་ཧཱ། འུག་པའི་སྔགས་གདུག་གསང་བ་འདིའོ།། ཏྲག་རཀྵ ་མ་ར་ཡ་ཕྱེ། བྱ་རོག་དབྱེ་བའི་སྔགས་འདིའོ།། ཏྲག་མཁའ་ལྡིང་མ་ར་ཡ་ཛ། བྱ་རོག་དང་རུ་གཡས་པ་ལ། གཟས་པ་གང་གི་མིང་རུས་བྲི། འུག་པའི་དང་རུ་གཡོན་པ་ལ།། དགྲ་བོའི་ཕོ་ལྷ་བྲི་བར་བྱ།། སྒོ་གཉིས་དུག ་གི་ནང་དུ་གཞུག། སྲུང་བའི་ལྷ་དང་དཔྲལ་བའི་སྔགས།། ཡ་མ་རཱ་ཛ་ཀླུ་ལིང་བྷ་སང་སང་། ཛཾ་ཀུན་བྷ་སང་སང་། ཀླུ་ལིངྒ་སང་ཀུ་ཏ་ན་ནན། ཡོ་ལྕགས་སང་ཀུ་ཏ་ཀི་ཧཱུཾ་ཕཊ། ལྷ་ལྔ་དག་དང་དཔྲལ ་བར་བྱ།། དུག་དང་ཆང་ལ་སྔགས་ཤིང་སྤངས། ཡུངས་ཀར་དག་ལ་སྔགས་ལ་བསྟིམ། ན་མོ་བག་ཏ་བུ་མེ་མེ་བུ་པ་ར་པ་པུ་ནན། ནན་ཏིང་ཙ་ཀ་ལ་སྭཱ་ཧ། དུག་གིས་ཡང་བསྐུར་ངར་ཡང་བླུད། སུམ་རོ་ཙམ་བྱི་རོ་ལྔ་ཤུ ་ནི་ན་མོ་ན་མ་སྭཱ་ཧཱ། འཇམ་དཔལ་མ་རུ་ཙེའི་སྔགས་རྒྱུད་ལས། ལས་ལ་སྦྱོར་བའི་སྔགས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཕྲིན་ལས་དྲག་པོའི་སྔགས་བསྟན་པ། དང་པོར་གཟས་པ་དགུག་པའི ་སྔགས། ཏ་ཀུ་ཀ་པར་པ་ར་མ་ར་ཏ་ནི་ཛ། ཨཾ་ཀུ་ཤ་ཛ་ཛ། ལིང་ག་ལ་ཚེ་སྲོག་བསྟིམ་པ། ནརྀ་ཛ་ཨ་བེ་ཤ་ཡ་ཨ་ཨ། ཛཿཧཱུཾ་བཾ་ཧོཿ།། དེ་ལ་བེ་ཅོན་རྡེག་པའི་སྔགས།། དུན་དུན་མུགས་པ་ཤི་ཧ་ལ་ཧ་ལ་ཙ་ལ་ཙ་ལ་པ་ཙ་ལ ་ཧི་མ་ཧི་མ། རྦད་ན་རྦད་ན། རྦུད་བུ་ལིང་རྦད་བུའི་མི་ཤ། མཱ་ར་ཡ་མཱ་ར་ཡ། དེ་ནས་ཕུར་པ་གདབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ། ཡ་མཱནྟ་ཀ་མུཉྫ་ཤྲཱི་མཱ་ར་ཡ། ཡ་མ་རཱ་ཛས་རབ་ཏུ་གདབ། མ་རུ་ཙེས་ནི་གདབ ་པ་ནི། ཨོཾ་ཀུ་མ་རཱ་ཛ་མཉྫུ་ཤྲཱི། ཡ་མཱནྟ་ཀ་ཀུ་མཱ་ར་ཛ་ནི་ཛ། མཱ་ར་ཡ་རྦད། ཁྱོད་ཀྱི་ཕོ་ཉས་གདབ་པའི་སྔགས། ཨོཾ་ཡ་མཱནྟ་ཀ་ཀཱི་ལི་ཀི་ལ་ཡ། ཤ་མུག་ཙ་ཡ་ཧཱུཾ་ཕཊ། སྐེ་ཚེ་ཉུང་དཀར་ཐལ་ཆེན་སྔགས། ཨོཾ་ཤྲཱི་མཉྫུ་ཨུ ་ཙུས་མ། ཏྲི་ལིང་ཤཾ་ཀ་དུ་ཨུ་ཙུས་མ། ཏྲི་ལིང་ཤང་དུ་ཙ། ཨེ་ཀ་ཛ་ཏི་དགྲ་བོའི་སྲོག་རྩ་མཱ་ར་ཡ། རཀྵས་ལིངྒ་བྲབ་པའི་སྔགས། ཏྲི་ལིང་ཤང་ཀ་དུ། སྙིང་ཁྲག་ལ་རྦུད། དྲི་ཟ་རཀྵ་རྦད་བུ། སྙིང་ཁྲག་རྩ་ལ་བྲེང་བྲེང་། ་གཟས་པ་པོ་ཡི་སྲོག་རྩེ་དུན་རྦུད། མ་མོ་སྲིན་མོ་དམོད་པའི་སྔགས། ཏྲག་རཀྟ་ཁ་མུ་ཏྲ། རུ་ལུ་རུ་ལུ་བྷྱོ། རཀྵོ་ཏེ་ཀུཾ་ཛ་ཛ། ཁ་ལ་མ་ཧི་བྷྱོ། མ་རུ་ལུ་རུ་ལུ་བྷོ། ཏྲག་རཀྟ་ཁ་མུ་ཏྲ་བྷྱོ། རུ་ལུ་རུ་ལུ་མ་མ་མ་ཡཾ། གྲམ་གཡས ་ལ་ཡ་ཏིཥྛ་རྦད། ན་ཐུམ་རི་ལི་ལི་རྦད། ཤ་ཏི་ཏིཥྛ་འདི་རྣམས་ཏིཿཡང་འདུག་རྦད་ན་ཐུམ་རི་ལི་ལི་རྦད། མ་ཏི་ཏིཥྛ་རྦད་ཐུམ་རི་ལི་ལི། ཡཀྵ་ནི་ཏི་ན་རྦད་ན་ཐུམ་རི་ལི་ལི། ཁ་ཆུ་ནི་ཡ་ཏིཥྛ་རྦད་ན་ཐུམ་རི་ལི་ལི། ཏྲག་རཀྟ ་སྲོག་ཐུམ་ཐུམ། དུ་དུ། ཀཾ་ཀཾ། ཀོ་ཀཻ། སྲོག་ལ་དུན་བྷྱོ། རྐང་ཆེན་གླིང་བུའི་ནང་ན་ཕར། ཐུན་ནག་སྔགས་ནི་འདི་བཟླས་སོ།། ཏྲི་ལིང་ཤང་ཀ་དུ་ཀཾ་ཀཾ་ཀྱོ་ཀྱེ། རྣལ་མ་རྣལ་ཏེ་ཀཾ་ཀཾ་ཀིང་ཀིང་། ཁྱི་ཁྲིད་ར་ཁྲིད་མ་མོ ་རོལ་དུན་བྷྱོ། ཡབ་ཡུམ་གཉིས་མེད་གསང་བའི་སྔགས། ཨོཾ་ཤྲཱི་མཉྫུ་ཡ་མ་རཱ་ཛ། མ་མ་ཨེ་ཀ་ཙ་ཏི་ཛ་ཛ། གནོད་སྦྱིན་དྲག་པོ་གསང་བའི་སྔགས། ན་མོ་རཏྣ་ཏྲ་ཡཱ་ཡ། ན་མོ་བཻ་ཤྲ་མ་ཎ་སྱ། མ་ཧཱ་རཱ་ཛ་སྱ། ན་མོ་ན་ཏ་ཀུ ་བེ་ར་སྱ། གུ་ཧྱ་ཀ་ཨ་དྷི་པ་ཏེ་ཏྱཻ་པ་ཏ། ཀུ་པ་ར་མ་དྷའི་ཤ་མི། ཨ་ནུ་རུ་པ། སུ་རུ་པ། ཙནྡ་ཁ་ན་ཙ་ཁཾ། ཧེ་མོ་ཧེ་ས། ཀན་ཏ་ཀུ་པ་ར་ན། ཧེ་མ་ཀ་ན་ཀུ་ཧ་ཀ། ཙ་ལ་ཙ་ལ། པ་ཙ་པ་ཙ། པུ་ལུ་པུ་ལུ་སྭཱ་ཧཱ། སྲིན་པོ་གཏུམ ་པོ་གསང་བའི་སྔགས། ར་དང་མིང་བྱང་རཀྵ་ལ། དྲག་པོས་སྔགས་ཤིང་བརྡེག་པར་བྱ།། ཨོཾ་རྣལ་མ་རྣལ་ཏེ་གསོད་ལ་རྔམས། གཤོག་ལ་མེར། སྲིས་ལ་ཆུམ། ཐུ་བིས་ཐུ་ལྕགས་ཀྱི་སྐྲ། མཱ་ར་ཡ་ལོར ་ཙིཏྟ་འབྱོན་ཙ་ན། ཨོཾ་ནརྀ་ཤ་ཀུ་རུ་ནརྀ་ཤ་ཀུ་རུ་ཁ་སོ་མ་ཏི་ཡཾ། རུ་ཏི་ཡཾ། སོ་ཡཾ་སཾ་ཡཾ། སྙིང་ཚལ་པ་རྦད། སྙིང་ལ་ཕུར་སྔགས་འདི་ཡིས་གདབ།། རང་རང་སོ་སོའི་སྔགས་བཞག་ལ། ཨོཾ་བཛྲ་ཀཱི་ལི་ཀི་ལ་ཡ། ཛ་ལ་མ་ལ ་ཀ་ལ་ཡ། ཨོཾ་ཛ་ལ་ཛ་ལ། པྲ་ཛ་ལ་པྲ་ཛ་ལ། སྥུ་ཏ་པུ་ཏ། སརྦ་ནག་པ་ནི། སྥར་སྥར། པི་སྭ་ར་བི་སྥ་ར། སརྦ་དུཥྚཱན་ཧྲིད་ཡ། ཤོ་ཏ་ཡ་ཧཱུཾ་ཧཱུཾ་ཕཊ་ཕཊ་སཱ་ཧཱ། ཨན་ཏ་ར་ཕན་ཏ་ར། ཙ་ན་ཏ་ར། གན་ཏ་ན་སཱ་ཧཱ། ན་མ་ས ་མན་ཏ་བི་ཤོ་ཨ་སྭཱ་ཧཱ། བིང་བིང་སྭཱ་ཧཱ། སྒྲོལ་བྱེད་གཤིན་རྗེའི་དྲག་སྔགས་འདི།། དྲག་པོས་སྔགས་ཅིང་ལིངྒ་ལ།། བྲབ་ཅིང་ཡང་དང་ཡང་དུ་བརྡེག། ཨཽ་ཏྲི་ལིང་ཤང་ཀ་དུ། དྲི་ཟ་ཡཀྑ། རྦད་རྒུད་ཕྱེ་མ་འདར་ཏུ་ཏུས།། ་པྲ་ཕྲ་དུམ་དུམ་ཤིག་མཱ་ར་ཡ། གཤིན་རྗེ་དམ་ཚིག་གསང་བའི་སྔགས། གོང་གི་ལིངྒ་དག་ལ་ནི།། དྲག་པོས་ཕུར་པ་སྔགས་ཤིང་བརྡེག། ཨོཾ་ཧྲཱིཥྚིཿབི་ཀྲྀ་ཏ་མཱ་ར་ཡ། ཨོཾ་ཧྲཱིཿཥྞཱིཿཏ་མོན་ཏ་མཱ་ར་ཡ་དུ། ཨོཾ་ཧྲཱིཥྚྲྀཿབི་ཀྲྀ་ཏ་མ ་ར་ཡཾ། ཨོཾ་ཧྲཱིཥྛཱིཿབི་ཀྲྀ་ཏ་མོན་ཏ་མཱ་ར་ནན། ཨོཾ་ཛ་ལ་ཀྲྀཏ་སོད། ནརྀ་སོད་མཱ་ར་ཡ་སོད། བྷྱོ་བྷྱོ། ཡཾ་ཡཾ། ཨོཾ་ཨཾ་ཏུ་ས་ཏ་སུ་ཏ་མ་ར་དུ། མཱ་ར་ཡཾ་ཡ་ནན། ཚེར་མ་ཅན་གྱི་དུག་ཤིང་ལ།། སྟོང་གསུམ་མེ་ལྷ་བསྐྱེད་བྱས ་ཏེ།། མེ་ལྷ་གཞལ་ཡས་ཁང་བྱིན་བརླབ།། གཞུང་དང་མཐུན་པར་རབ་བརྟགས་ཏེ།། ཁྲོ་བོ་འཁོར་བཅས་འཁོར་ལོར་བསྐྱེད།། དགུག་གཞུག་ངོ་བོ་རྫོགས་པ་དང་།། དྲག་པོ་དག་ལ་བསྔགས་པ་ནི།། སོ་སོར་རང་རང ་སྔགས་ཀྱིས་སུ།། མཆོད་པ་གཟས་པ་དབུལ་ཞིང་བཅོལ།། བདུད་པོ་ཡམ་ཤོད་ཤིན་ཏུ་སྔགས།། ཨོཾ་བདུད་པྲ་མ་ཡ་བདུད་པྲ་མ་ཡ། སྙིང་མགོ་ཆོད། དུ་རུ་དུ་རུ། ཧ་ར་ཏི་ཧ་ར་ཏི། སྙིང་ལ་ཛ་ཡིས། ནག་པོ་ཏི་པ་ཙ་པའི ་ཧེཏེ། སྙིང་ལ་ཙ་བཾ་རིལ་རྦད། ནག་པོ་ཧེ་དུམ་པཾ་རི་ལ་རྦད། ཧཱུཾ་མ་ཧཱུཾ་ཡ། སྙིང་ལ་དུ་ར་དུ་ར། གློ་རྩ་བཾ་རི་ལ་རྦད། མྱོས་དང་ལྐུགས་དང་སྨྱོ་འབོག་དང་། ཚིག་ཆད། བདུན་རྒྱུད་བརླག་པར་འགྱུར།། སྔགས་ཤིང་ལིངྒ་ཧོམ་དུ ་དབུལ།། དོན་དང་ལྡན་པར་ཤེས་པར་བྱོས།། དེ་ཡི་གསང་སྔགས་འདིས་ཀྱང་སྦྱར།། ཨོཾ་ཀུ་མཱ་ར། ཧ་ན་ཀུ་མཱ་ར་མཉྫུ་ཤྲཱི་ཀུ་མཱ་ར་མུ་དུ་ཁ་རྦད། ཡཀྵ་རྦད། མཉྫུ་ཤྲཱི་ཀུ་མཱ་ར་མུདྡྷ་ཧེ་འགྲིབ། ཡཀྐ་ཁ་ལ་ཡུ་ཏི་རྦད། མཱ་ར ་ཡ། མཉྫུ་ཤྲཱི་དེ་བ་དཏྟ། མཉྫུ་ཤྲཱི་གྲཱི་བ་ཁ་ལ། དུན་ཏིང་མཱ་ར་ཡ། མཉྫུ་ཤྲཱི་དེ་བ་གྲཱི་བ། ཁ་ལ་ཤག་སྙིང་མགོ་ཆོད། སྥུ་ན་དུན་ཏིང་རྦད། མཱ་ར་ཡ། མཉྫུ་ཤྲཱི་ད་དྷ་ཏ་ཀ་ར་ཧི་ན་ཁ་ལ་ཤག། སྙིང་ཁ་ལ་ཡཾ། མགོ་རྦད་མཱ་ར་ཡ། ་གདུག་པའི་སིང་ལ་མེ་སྦར་ཏེ། གཏོར་མ་ལིངྒ་རྫས་རྣམས་དབུལ།། ཁྱོད་ཀྱི་རྦད་སྔགས་གསད་པ་ནི། གཏུམ་པོ་ཡཾ་ཡཾ། སྒྲོལ་གིང་ཡཾ་ཡཾ། མ་རུ་ཙེ་ལས་ལ་ཡཾ་ཡཾ། རྩ་ལ་ཧུར་བྲུཾ། སྲོག་ལ་ཡ། དུ་ན་ཛ་དུ། ལིང་གྲད་དྷེ ་ཛ་ཛ་ཛ། དེ་ནི་ལིངྒ་གཏུབ་པའི་སྔགས།། ཡོན་ཏན་སྔགས་ལ་རང་ཤམ་དང་།། སྐུལ་ཚིག་བཅས་པས་བརྡེག་པར་བྱ།། སྔགས་ནི་གདུག་པ་འདི་ཡིས་སོ།། ཨ་ནོ་རང་གི་ཤམ་བུ་ལ། ཨ་ནུ་རཱུ་པ་ཁཱ་ཧི། ་བུ་རུ་བ་ན་ཁཱ་ཧི། ཨུ་པ་ཏི་ཙ་ན་དྲ་ཁཱ་ཧི། ཏ་ཀུ་པ་ར་མ་ར་ཁཱ་ཧི། བསྐུལ་དང་བཅས་པས་བསྟབ་པར་བྱ། གདུག་པའི་ཚེ་སྲོག་ཕྲལ་བའི་སྔགས།། ཨཱ་ཡུ་ཥེ་ཤྲཱི་ཀྲ་མ་ཡེ་སྭཱ་ཧ། དེ་ཡི་ཚེ་སྲོག་བདག་ལ་ཐིམ། ཨཱ་ཡུ་བ ་སང་ཧ་ར་ན་ཧཱུཾ།། གདུག་པའི་ཉོན་མོངས་ལྔ་པོ་དེ།། རིགས་ལྔ་བདེ་གཤེགས་སྲས་སུ་བསྐྱེད།། གཡས་གཡོན་སོར་བཅུ་ཡིག་འབྲུ་དགོད།། འཕྲོས་འདུས་སྐུ་ཡི་ངོ་བོར་གྱུར།། སྦྱོར་བའི་སྔགས་སུ་བསྟིམ་དང ་སྦྱར།། སྔགས་བརྗོད་བྱིན་གྱིས་བརླབས་ལ་གཞག། མནན་པའི་གདུག་སྔགས་འདིས་སུ་བྱ།། ཨོཾ་ཧྲཱིཿཥྚྲྀཿབི་ཀྲྀ་ཏ་མཱ་ར་ཡ་ནན། འཇམ་དཔལ་མ་རུ་ཙེའི་སྔགས་རྒྱུད་ལས། དྲག་པོའི་ཕྲིན་ལས་ཀྱི་སྔགས་ཀྱི་ལེའུ་སྟེ ་བཅུ་གཉིས་པའོ།། །། དེ་ནས་ཡང་འཇམ་དཔལ་མ་རུ་ཙེས། མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཨེ་མ་ཧོ་ཤིན་ཏུ་ངོ་མཚར་ཆེའོ།། བདག་གི་རང་བཞིན་མཚན་ཉིད་བཤད་པ ་ངོ་མཚར་ཆེའོ།། དེ་ཡི་འབྲས་བྱས་བཤད་དུ་གསོལ།། དེ་ལྟར་ཤེས་བྱས་རྣལ་འབྱོར་པས།། གྲུབ་པའི་རྟགས་ནི་ཇི་ལྟར་འབྱུང་།། སྔགས་ཀྱི་ཚད་ནི་ཇི་ཙམ་བཟླས།། དུས་ནི་གང་གི་དུས་སུ་དར།། ཕྲིན་ལས་གོ་རིམ ་གང་གིས་ཐེབས།། ཞེས་གསོལ་པ་དང་། མཐུ་སྟོབས་ཀྱི་བདག་པོས་བཀའ་སྩལ་པ། ཉོན་ཅིག་སྒྲོལ་གིང་མ་རུ་ཙེ།། གྲུབ་པའི་རྟགས་ནི་འདི་ལྟར་འབྱུང་།། བསྙེན་བསྒྲུབ་དག་ལ་ཞུགས་པའི་ཚེ།། མི་ཤར་འགའ་ཙམ ་བྱུང་ནས་སུ།། གོ་ཆ་ཉོའམ་འདོད་དམ་ཟེར།། གཅེར་བུ་དག་དང་འགྲོགས་པ་དང་།། ཀུན་ཀྱང་བྲན་དང་བཀའ་ཉན་བྱེད།། ཅི་དང་བསམ་པ་ཡོ་ལང་མཐུན།། བསྒྲུབ་པ་དག་ལ་ཞུགས་ཙམ་ན།། རང་ཉིད་གོ་ཆ་འཆང ་བ་དང་།། མོན་པ་ནག་པོ་འོང་བ་དང་།། མེ་དང་མེ་རི་འོད་དུ་འོང་།། རླུང་འཚུབ་པ་ཁུ་ཕོ་ནུ་དང་།། ཞང་བློན་རོགས་པོར་བྱས་ནས་སུ།། བྱམས་པའི་ཚུལ་དུ་སྟོན་པ་ནི།། བསྒྲུབ་པ་འོང་བའི་སྔ་ལྟས་ཡིན།། མཐོངས ་སུ་གོ་བསར་བྱེད་པ་དང་།། དམག་སྣ་དྲང་དང་འོ་དོད་འབོད།། ར་དང་གཡག་དང་བླ་ཤིང་བཅག། བསྐྲད་ནས་དབྱུང་ངམ་བྲིད་དམ་བརྡས།། དེ་དག་བྱུང་ན་གྲུབ་པའི་རྟགས། འཇམ་དཔལ་མ་རུ་ཙེའི་སྔགས་རྒྱུད ་ལས། རྟགས་དང་དྲོད་ཀྱི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་བཤད་བྱ་བ།། སྔགས་ཀྱི་ཚད་ནི་འདི་ལྟ་སྟེ།། བསྙེན་སྔགས་འབུམ་ཕྲག་གཅིག་ཏུ་བཟླས།། སྒྲུབ་པའི་སྔགས་ནི་ཁྲི་ཕྲག་གཅིག། སྦྱོར ་སྔགས་སྟོང་དུ་བཟླས་པར་བྱ།། བརྡེག་སྔགས་བརྒྱ་རྩ་བརྒྱད་དུ་བཟླས།། བསྙེན་པ་ཀུ་མཱ་ར་ཞེས་བརྗོད།། སྒྲུབ་པ་རཏྣ་ཏྲ་ཡཱ་ཡ།། སྦྱོར་སྔགས་ནུ་ཐ་ཞེས་བརྗོད་པ།། བརྡེག་པའི་སྔགས་ནི་གཏུམ་པ་ཡི།། ཡོན་ཏན ་སྔགས་ནི་གནན་པ་དང་།། ལས་སྔགས་གཤམ་བཏགས་རབ་ཏུ་བཟླས།། དེ་ལ་སོགས་པའི་སྔགས་རྣམས་ནི།། གོ་རིམ་དང་ཡང་རབ་ཏུ་སྦྱར།། འགྲོ་ཉལ་འདུག་སྡོད་གང་དུ་ཡང་།། བསྙེན་པ་རྒྱུན་དུ ་བཟླས་པར་བྱའོ།། བསྒྲུབ་པའི་དྲག་སྔགས་བཅུ་ཚོ་ནི།། དབེན་པར་བསྟུད་ལ་རབ་ཏུ་བཟླས།། ཕྱི་མ་དྲག་པོའི་སྔགས་རྣམས་ནི།། སྡང་བས་བརྙས་ལ་བཟླས་པར་བྱ།། རུང་རུང་ཐོར་ཐོར་བཟླས་མི་བྱ།། དྲག་པོར་མ ་ཡིན་བུལ་མ་ཡིན།། གཞན་གྱིས་བར་དུ་ཆོད་པ་མིན།། དེ་བཟླས་ཉམས་པའི་རྒྱུ་རུ་འགྱུར།། རུང་རུང་ཐོར་ཐོར་བཟླས་བྱེད་པ།། ཕྱག་ན་རྡོ་རྗེ་ངས་མ་བཤད།། སྦྱོར་བའི་སྔགས་ཚན་ལྔ་པོ་ནི། དྲག་པོ་བྱེད་ན་བཟླས ་པར་བྱ། འཇམ་དཔལ་མ་རུ་ཙེའི་སྔགས་རྒྱུད་ལས། བཟླས་པའི་སྔགས་ཚད་ཀྱི་ལེའུ་སྟེ་བཅུ་བཞི་པའོ།། །། ཀྱེ་ཀྱེ་གསང་བའི་ཕྲིན་ལས་བདག། དྲག་པོ་བསྒྲུབ་པ་ཇི་ལྟར་སྦྱར།། ཞེས་གསོལ་པ་དང་། ཕྲིན་ལས ་དྲག་པོ་གསང་བར་བྱོས།། གཟས་པ་དགུག་ཅིང་དམིགས་པའི་རྒྱུ།། ཙ་ར་དག་བཅའ་གཞི་དག་ལ།། གཟས་པའི་ལིངྒ་དེ་ལ་བསྟིམ།། དུག་དང་སྒྲོ་དང་ཕུར་པས་གདབ།། ལྷ་ལྔ་དག་དང་དཔྲལ་བར་བྱེད།། དེ་ཡི་ཕྱི་དེ ་ནུབ་མོ་ནི།། ཙ་ར་དགྲ་བཟློག་གཟབ་པར་བྱ།། ར་དང་གཡང་གཞི་མགོ་མི་དབྲལ།། ཙིཏྟའི་ནང་དུ་ལིངྒ་གཞུག། གཡང་གཞིའི་ནང་དུ་བཞག་ནས་ཀྱང་།། རང་སྔགས་ཤམ་བུས་བསྔག་ཅིང་བརྡེག། ཕུར་པ་བཞེངས ་ལ་རབ་ཏུ་གདབ།། མིང་བྱང་ཙ་རའི་ཁར་བཅུག་ལ།། ཁྱོད་ཀྱི་མཚན་ཉིད་འཛིན་པ་དེས།། དྲག་པོར་གདགས་ཤིང་དེ་ལ་བརྡེག། བཟླས་པ་རབ་ཏུ་རྫོགས་པ་དང་།། ཚོན་སྣ་ལྔ་ཡི་བྱད་དུ་གཞུག། དེ་ནས་ཧོམ་ལ ་མེ་སྦར་ཏེ།། ལིངྒ་ལྷག་མ་བསྲེག་པར་བྱ།། དེ་ནས་ཙ་རའི་གཡང་གཞི་དེ།། དུར་ཁྲོད་ཤ་གྲོག་རྒྱ་གྲམ་དང་།། གདུག་པ་གནས་སར་རབ་ཏུ་སྐྱེ་ལ།། ཉ་དང་སྟོང་ལ་མཆོད་པ་གདབ།། ལན་གསུམ་དག་གིས་མ་གྲུབ ་ན།། ཁྱོད་ནི་རབ་ཏུ་བརླག་པར་འགྱུར།། འཇམ་དཔལ་མ་རུ་ཙེའི་སྔགས་རྒྱུད་ལས། ཕྲིན་ལས་ཀྱི་ལེའུ་སྟེ་བཅོ་ལྔ་པའོ།། །། དཔའ་བོ་མཐུ་སྟོབས་གསང་བའི་བདག། དེ་ཡི་དུས་ནི་གང་དུ་དར།། དེ་དག་མ ་ལུས་བཤད་དུ་གསོལ།། རྒྱལ་བ་རིགས་ལྔའི་སྐུ་གསུང་ཐུགས།། འཇམ་དཔལ་སྐུ་ཡི་རིག་འཛིན་དང་།། ཕུར་པ་ཕྲིན་ལས་དངོས་གྲུབ་དང་།། མ་མོ་རྦོད་གཏོང་དངོས་གྲུབ་ཡལ།། དེ་ཚེ་ང་ཡི་དངོས་གྲུབ ་དར།། དཀོན་མཆོག་བསྟན་པ་འཁྲུགས་པ་དང་།། ཆོས་བྱེད་གཅིག་གིས་གཅིག་གསོད་དུས།། དེ་ཚེ་སངས་རྒྱས་བསྟན་པ་སྲུངས།། དཀོན་མཆོག་དབུ་འཕང་དེ་རུ་བསྟོད།། དེ་ཚེ་བསྟན་པ་མ་བསྲུངས་ན།། ཕྱག ་ན་རྡོ་རྗེ་ང་ཡི་མཐུས།། ཁྱོད་ནི་རྡུལ་དུ་བརླག་སྟེ་འགྲོ།། ཞེས་བཀའ་བསྒོ་བ་མཛད་དོ།། འཇམ་དཔལ་དམར་པོའི་སྔགས་རྒྱུད་ལས། བསྟན་པ་དང་དུས་ཇི་ཙམ་ན་དར་ཚུལ་བསྟན་པའི་ལེའུ་སྟེ་བཅུ་དྲུག ་པའོ།། །། དེ་ནས་འཇམ་དཔལ་མ་རུ་ཙེ་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། མ་མོ་བསམ་གྱིས་མི་ཁྱབ་པ་རྣམས་ཀྱིས། འདི་སྐད་ཅེས་གསོལ་ཏོ།། ཨེ་མ ་མཚར་ཤིན་ཏུ་ཡང་ངོ་མཚར། དེ་ལྟར་བསྟན་པ་ཤིན་ཏུ་ཡང་ངོ་མཚར་ཏེ། གསང་བའི་བདག་པོས་གསུངས་པར་བཀའ་ཉན། དཀོན་མཆོག་གསུམ་གྱི་བསྟན་པ་ཡང་ཤིན་ཏུ་བསྲུང་སྟེ། དབུ་འཕང་ཡང་ཤིན་ཏུ ་བསྟོད། ཅེས་དམ་བཅས་ནས། དཔལ་ཕྱག་ན་རྡོ་རྗེས་གསུངས་པ་ལ་མངོན་པར་རྗེས་སུ་ཡི་རང་སྟེ་ཤིན་ཏུ་བསྟོད་དོ།། ཨེ་མ་ཤིན་ཏུ་གསང་བའི་བདག། མཐུ་དང་གཟི་བརྗིད་རབ་ཏུ་ཆེ།། སྟོང་གསུམ་འཁོར་བའི ་གདུག་རྩུབ་ཅན།། ཁྱོད་ཀྱི་བཀའ་ཡི་ཕྲིན་ལས་པ།། ཁྱོད་དང་ཆོས་སྐུ་ཁྱད་པར་གཅིག། གསང་བ་པོ་ལ་ཕྱག་འཚལ་འདུད།། ཅེས་གསང་ཚིག་ལ་ཡི་གེར་བརྟེན་ནས་གསུངས་པའོ།། དེ་ནས་ལྷ་དང་ཀླུ་ཀུན་གྱིས།། ་འཇམ་དཔལ་མ་རུ་ཙེ་ལ་སྐུ་སྟོད་དུར་ཁྲོད་ཀྱི་ཆས་བརྒྱད་ལ་སོགས་པས་ནི་བརྒྱན། ཕྱག་ཆ་རྒྱན་དང་ནི་ལྡན། བདུད་དང་གནོད་སྦྱིན་དང་སྲིན་པོ་དང་སྲིན་མོ་བཏུལ་བ་དེ་ལ་བསྟོད་པ། དཔལ་ལྡན་དབང་ཕྱུག ་འཇིག་རྟེན་སྐྱོང་བའི་གཙོ། ཞེས་པས་བསྟོད་དོ།། འཇམ་དཔལ་མ་རུ་ཙེའི་སྔགས་རྒྱུད་ལས། འཁོར་རྣམས་རྗེས་སུ་ཡི་རངས་ནས་བསྟོད་པའི་ལེའུ་སྟེ་བཅུ་བདུན་པའོ།། །། འཇམ་དཔལ་མ་རུ་ཙེའི་སྔགས ་རྒྱུད་རྫོགས་སོ།། །། དྲེགས་པ་ཕོ་མོ་འདུས་པའི་ལས་ཀྱི་རྒྱུད།། ཁྲོ་རྒྱལ་གཤིན་རྗེའི་གཤེད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བར་གཤེགས ་