བོད་ཡིག

e-texts produced with BDRC’s OCR application

rgya gar skad du/ Ar+ya many+dzu shrI ya ma rA dza br-i sh+tsi ka ma hA ba la gu h+ya tan+t+ra/ bod skad du/ 'phags pa 'jam dpal gshin rje'i rgyal po sdig pa stobs chen gsang ba'i rgyud/ bcom ldan 'das dpal gshin rje gshed po la phyag 'tshal lo// 'di skad bdag gis thos pa'i dus gcig na/ bcom ldan 'das chos thams cad lhun gyis rdzogs pa'i rang bzhin yongs su bkod pa'i snying po mkha' dbyings rnam par dag pa'i klong / rgya yongs su ma chad pa/ rang bzhin lhun gyis grub pa'i gzhal yas khang na/ rdo rje snying po dregs pa 'joms pa nyid dang / dus gsum gcig pa'i sangs rgyas rnams dang / ma skyes lam la 'dun pa rnams dang / sa la gnas pa'i sems dpa' rnams dang / rdo rje khro bo dregs pa rnams dang / khram thogs kyi bdud pho mo dang / gri thogs kyi ging dang / zor thogs kyi ma mo dang // 'jig rten gyi dregs pa can rnams dang / phung byed mngag pa'i tshogs bsam gyis mi khyab pa dang / klu dang gnyen dang sa bdag la stsogs pas yongs su bskor te thabs cig tu bzhugs so// de nas bcom ldan 'das rdo rje 'chang chen po sangs rgyas thams cad kyi rang bzhin/ chos nyid mnyam pa chen po ci'i ngo bor yang ma grub pa zhes bya bar lhun gyis grub par kun la khyab par mdzad do// des 'khor rnams sems 'drogs par gzigs nas 'khor rnams la rang bzhin 'di bstan to// e ma ngo mtshar rmad kyi chos// ma skyes ye nas gnyis su med// rgyu dang rkyen med rang byung ba// de las kun 'byung thabs bsam yas// thams cad nga yi rang bzhin las// ma g.yos mi g.yo cir yang gsal// snying po nyid la g.yo ba nyid// ces gsungs pas/ 'khor rnams kyis rang rang gis de kho na nyid so so ma yin pa mthong bar gyur to// de nas rdo rje snying po dregs pa 'joms pa des bcom ldan 'das rdo rje 'chang chen po la 'di skad ces gsol to// kun gyi rang bzhin rdo rje nyid// dus gsum sangs rgyas kun gyi dngos// gsang sngags kun gyi ngo bo nyid// che ba'i yon tan rgyas par mdzod// ces gsol pas/ de nas bcom ldan 'das kyis chos thams cad gnyis su med pa'i bdag nyid chen po la sprul pa snang ba'i tshul 'od zer bye ba sa ya phyogs bcur bkye'o// 'od zer de dag gis zhing khams thams cad du khyab par mdzad nas sangs rgyas thams cad kyi dgongs pa brgyud de/ sangs rgyas thams cad kyi rang bzhin/ chos thams cad kyi rtsa ba/ rdo rje 'chang chen po nyid du mdzad de/ rtsol ba dang bral ba'i lam mngon du gyur par gsungs so// de nas rdo rje snying pos bcom ldan 'das la gsol pa/ sangs rgyas kun gyi rang bzhin dngos// lhun gyis grub pa'i ye shes khyod// mi rtog dbyings las sku bzhengs la// 'khor gyi tshogs rnams dbang sdus shig/ ces gsol pas/ de nas bcom ldan 'das kyis zil gyis gnon pa'i khro bo 'bar ba zhes bya ba'i dgongs pa la bzhugs te/ 'byung ba lnga ye nas lhun gyis grub pa'i gzhal yas khang / mtha' dbus med pa'i pho brang / 'bras bu'i lam thams cad kyi snying por rig pa snying pos zin pa'i thabs chen po bgrod du med pa'i lam khyad par can/ stobs kyi stobs las khyad par du 'phags pa/ rmad du byung ba'i stobs dang / nges pa'i sbyor ba du ma rol par 'char ba/ rab tu khros pa'i tshul 'chang bas 'jig rten gyi khams gang bar mdzad pa/ thabs kyi nges par sbyar ba'i stobs kyis las thams cad gtan la phab ste/ las ma yin pa las spyod pa thams cad kyi srog dang / las dang nus pa thams cad gnad la bor te srog dbang du bsdus so// des 'jig rten gsum po rab tu g.yos so// ldeg go rab tu ldeg go// 'ur ro rab tu 'ur kun tu 'ur ro// chem chem mo// 'jig rten gsum po 'jig la khad do// 'khor thams cad brgyal te dbang po nyams so// de nas bcom ldan kyis stobs kyi stobs khyad par can du gyur nas srog gi dngas ma gsal bar mdzad de/ de ma thag tu 'khor rnams myos shing dran pa nyams pa las log ste/ shin tu bred cing mi bzod pa chen por gyur nas/ rang rang gi srog gi snying po thams cad dngos su phul lo// de nas bcom ldan 'das kyis rngam pa'i sgra chen po bton te// srog dang las thams cad yi ge gnyis la bsdus te/ rang rang gi srog gi snying po thams cad nus pa'i mthu can du byin gyis brlabs te/ dkyil 'khor chen po yongs su rdzogs par mdzad nas dregs pa de dag kun kyang gshin rje gshed kyi dge 'dun du gyur to// 'phags pa 'jam dpal gshin rje'i rgyal po sdig pa stobs chen gsang ba'i rgyud las gleng gzhi'i le'u ste dang po'o// // de nas mthu stobs kyi bdag po rdo rje snying pos bcom ldan 'das la 'di skad ces gsol to// kye ho mi shigs rdo rje'i sku// zil gyis gnon pa'i ye shes khyod// 'khor gyi dregs pa dbang bsdus nas// dkyil 'khor chen por lhun rdzogs pa'i// drag po'i sngags rgod 'jug tshul gang // phyag rgya zil gnon ji lta bu// drag sngags mtshon cha ji ltar lags// de bzhin dkyil 'khor dbang dang ni// dam tshig phrin las rdzogs mdzad pa'i// stobs chen bka' rgyud ji lta bu// ye shes chen pos bshad du gsol// zhes gsol pas/ de nas bcom ldan 'das rdo rje 'chang chen po des drag sngags yongs su bstan pa'i ting nge 'dzin la snyoms par zhugs te/ gsang tshig sngags kyi sbyor ba 'di rgyas par gsungs so// drag po'i sngags rgod dmod pa dag/ rgyu dang rkyen la rag ma lus// bsnyen bsgrub byed gol mthar ma lhung // re dogs brod pa'i g.yang sa med// rdzas dang sbyor ba'i 'phro 'du bral// mchod dang rdzas la rten mi 'cha'// chags sdang rgyu rkyen dbyer med 'joms// sa dang lam la bgrod pa med// de bzhin lha yi ngo bo ni// ting 'dzin grims pa'i phrin las min// gzhi rtsa med pa'i ye shes te// rgyu dang rkyen la rag ma las// smin dang ma smin nye ring med// phyag rgya gsal bas lhun gyis grub// phyag rgya rdzogs pas zhing khams rdzogs// phyag rgya grol bas ngang du thim// che ba rang byung rgyal po ste// zil gyis gnon pa'i ye shes yin// drag po sngags kyi mtshon cha ni// brdung dang ngar 'thar ma yin te// mkhas pas bya ba thams cad bzhin// rgol ba thams cad mi 'jigs gcod// de bzhin drag sngags gsang ba 'di// bde gshegs thams cad bka' 'dus nas// sangs rgyas kun gyi thugs rgyud de// rnam pa yi ge'i ngo bo la// sangs rgyas mthu yi ngar 'thar bcug/ stobs dang nus pa kun 'dus pas// mkhyen pa nyid kyang brlags par 'gyur// dkyil 'khor yongs rdzogs thig le che// 'byung bzhi ye nas rnam dag klong // lhun gyis grub pa'i gzhal med khang // rtog tshogs lha yi dkyil 'khor rdzogs// ma lus 'dus pas thig le che// snang srid dbang gi dkyil 'khor du// ma bskur bskur med ye nas bskur// skyes bu rig pa'i rtsal ldan la// dbang mchog chen po rgyun tu gnas// dka' thub dam tshig sdom pa'i don// chos rnams ma lus kun gyi gzhi// ngo bo chos sku byang chub sems// 'khor 'das lhun grub dang rdzogs la// dam tshig chen po de nyid gsung // phrin las ma btsal rol pa'i rgyan// sgyu ma lhun grub rol par shar// dus gsum rgyal ba'i byin brlabs stobs// ma lus 'dus pa rdo rje'i bka'// gzhi dang lam dang 'bras bu'i rgyud// lha spyod dkyil 'khor dam tshig dbang // las rim bsgrub pa gsang sngags dang // ngo bo 'brel bcas rgyu dang rkyen// rang bzhin gnas dang mngon byed pa// gsang sngags rgyud kyi nges pa bshad// ces gsungs so// 'phags pa 'jam dpal gshin rje'i rgyal po sdig pa stobs chen gsang ba'i rgyud las/ gsang tshig sngags kyi sbyor ba bstan pa'i le'u ste gnyis pa'o// // de nas mthu stobs kyi bdag po rdo rje snying pos/ bcom ldan 'das la 'di skad ces gsol to// rgyal ba kun gyi rang bzhin dngos// gsang sngags ngo bo de nyid gang // 'jig rten 'jig rten 'das pa yi// dregs pa mthu stobs ldan pa kun// bka' bzhin nye ba ji lta bu// lhun grub phyag rgya chen po yis// drag pos gdul bya gang lags pa// 'khor la rgyas par bshad du gsol// zhes gsol pas// bcom ldan 'das kyis dri ba'i don rgyas par bshad do// bskal pa rdzogs ldan bya ba la// lho yi 'dzam bu'i gling 'di ru// bde ba'i dbang phyug ded dpon zhes// rigs kyi bdag por grags pa zhig/ grags pa sngags kyi sgor zhugs nas// bgrod pa ma thob dpe las mtshon// brda' don ma grol lhug par spyad// rigs ngan mo la grogs su spyad// sha khrag keng rus rnams la rol// 'jig rten dregs pa sha khrag bsten// sngags tshig phra mo'i stobs dang ldan// rtag pa'i khro bo yod par bsgoms// lus che yan lag rags la bltas// don gyi gdeng stobs ma rnyed par// dngos po la ni sgra bzhin spyad// gsang sngags bka' bsgo log pa yis// dus ma yin par tshe zad nas// na rag rdo rje dmyal bar ltung // bzhi brgya rtsa bzhi'i nad rnams myong // tshad mes mnar te bde bas brel// bskal pa bzhi nas brgyad gnyis 'khor// tsha grang gnas nas bskal pa bzhir// 'khor zhing sdug bsngal zad pa'i mthar// nyi tshe nye 'khor kha 'khor nas// bskal pa gnyis su sdug cing 'khyams// de mthar phyi nang sgrib pa'i gnas// skye ba gnyis dang dud 'gror gnas// de mthar rdzu 'phrul lus blangs te// gshin yul 'jigs shing skyi g.ya' ba'i// lcags mkhar bcu drug bcu gnyis 'obs// thod mkhar chen po'i pho brang du// las kyi gshin rje nag por gyur// bdud dang ma mo srog gcod ging // gdug pa can gyi ded dpon gtso// phung byed nag po tshe srog bdag/ lus che yan lag rags la rngam// skra dang ba spu ag tshom rtsub// mgo dang snying gi phreng bas brgyan// ko rlon zhing lpags gos su gyon// mtshon cha me rlung dug dpal 'phro// myur du gsod cing sha rlon za// mngal du 'tshubs shing rak+tar 'dzag/ thod rus 'bru mar 'khrug cing 'thung // ded dpon bzhi yi 'khor la rbod// chags pa'i rgya mtshos myos par byed// chags pa'i me dpung rang rgyud bsreg/ de yis 'jig rten phung byed pas// rgyal ba kun gyi thugs brgyud nas// bka' bgros rdzu 'phrul sna tshogs bkye// stong pa'i rang bzhin de stong bkye// stong pas nag po'i sde ma stongs// sangs rgyas rdul snyed zhing khams 'khod// des ma thul te rigs gsum mngags// ya ma badz+ra ha ya'i sku// rang rang lag cha 'khor sprul nas// nad dang mtshon cha'i char phab gzir// sha khrag ro dang bdud rtsir gyur// ma thub sde gsum rgyal la khad// des ma thub nas bka' bgros te// khro bo sme ba brtsegs pa mngags// rdo rje srin po 'khor dang bcas// nag po gdug pa bsgral bar gzas// ye shes me yi sras mchog sbrul// nag po che srog bdag po yi// dkar nag tsit+ta'i dkyil du gzas// btab pas khro bo sme brtsegs rgyal// rdo rje srin po'i 'khor brlags nas// bde gshegs kun gyi dgongs pa bsdus// gsang sngags ngo bo de kho na// dngas ma chen po lnga yi dngos// ye shes lnga nyid de rtogs pa'i// rigs lnga'i gtso bo spyi gzugs can// nag po cha mthun brjid pa'i sku// zil gnon phyag rgya chen po nyid// stong nyid ma skyes 'gag med pa'i// lhun grub ye shes thams cad mkhyen// lhun po ri rab lta bur brjid// rnam thar dbu gsum sku gsung thugs// rgyud drug 'khor ba sgrol ba'i rtags// pha rol phyin phyag ye shes drug/ skye ba rnam bzhi dag pa'i rtags// tshad med zhabs bzhi rdzu 'phrul bzhi// sra byed brtan pas thams cad gnon// gnyen byed skyom zhing sdud pa'i dbang // gsal byed khrag chu bag chags bsreg/ yaM gyis rkyen med rang shugs ldang // snang byed go 'byed khebs 'og chub// rgyu rkyen thabs la rag ma lus// bde ba'i sku nyid stong dpag med// stong las kun 'byung bsam dpag dka'// nag po gdul phyir sna tshogs sbrul// ya ma badz+ra khyams khang khyung // de bzhin rigs ldan seng ge stag/ gdug pa ye shes khro chung 'bar// tshul dgu chas dgu rgyan dgu dang // gar dgu rtags dgu rngam sgra dgu// 'khor lo ral gri rdo rje 'phen// be con gtun shing sdigs mdzub brdeg/ nag po gel pa bsgyel te gnan// pho nya sprul pa gdan du bting // nag po brgyal te 'dar ba de// zhal du rngubs te snum nas phyung // 'khor rnams dbang bsdus mdangs dang phral// nag po brgya la sangs smre sngags bton// e ma sangs rgyas 'dus pa'i sku// rdzu 'phrul rmad byung ngo mtshar che// bdag cag rgyal ba'i 'khor bgyid pas// srog dang ma phral bran du zhog/ 'khor la thugs rje ma chung bar// bka' la thogs shig bka' bzhin bgyid// ci bcol las rnams bka' bzhin nyan// dkyil 'khor chen po'i srung ma bgyid// 'khor gyi las skal gang la bskos// de nas rdo rje khros pa'i skus// gtum khro mi bzad 'jigs pa'i tshogs// nga yi bsgo ba'i las rnams kyis// sangs rgyas bka' 'khor bsrung la skyobs// bstan pa 'jig na dregs pas sgrol// rnal 'byor can gyi phrin las gyis// zhes gsungs pas/ 'khor rnams dkyil 'khor chen po'i srung mar gyur pa'o// 'jam dpal gshin rje'i rgyal po sdig pa stobs chen/ gsang ba'i rgyud las rA tra btul ba'i le'u ste gsum pa'o// // de nas mthu stobs kyi bdag po rdo rje snying pos/ bcom ldan 'das la gsol pa/ kye ho sangs rgyas kun gyi rang bzhin dngos// ye shes dbyings las sprul pa yi// phrin las rdzogs pa'i ye shes khyod// las rnams kun gyi rtsa ba ru// brnag pa'i rgyal po gsang ba'i rgyud// sdig pa nag po stobs chen gyi// las kyi rnam grangs ji lta ba// 'khor la rgyas par bshad du gsol// zhes gsol pas/ bcom ldan 'das kyis dri ba'i don bshad do// snying po'i don gyi gsang rgyud la// rtsa ba yan lag gnyis su bshad// rtsa ba'i las ni gsum du bshad// gsad pa mchog gi sbyor ba dang // dregs pa stobs kyis gzhom pa dang // gdug pa 'dul ba'i las su gsungs// gsang ba mchog gi sbyor ba la// stobs can dang ni stobs med las// srog la 'khor lo bskor ba dang // drag po thun gyis gsod pa dang // gdug pa klu la gtad pa yis// rten can rten med thun mong gis// gsang ba'i sbyor ba rdzogs par bshad// dregs pa stobs kyis gzhom pa la// stong srog gcig tu bsdu ba dang // rang rang gnad kyis gzir ba ste// dgug dang srog 'phrog gzir dang gsad// mtha' sdud las rnams rdzogs pa ste// sbyor ba gsum gyis las sbyar nas// mis byas mis ma byas rnams dang // nam mkha' bar snang sa gzhir gnan// stobs bshig dug dbyung kha bcing zhing // zug pa dbyung dang gsang lam dgag/ de bzhin gdug pa 'dul ba yang // stobs chen lha dang drag po sngags// rten 'brel rdzas dang 'tsho byed sman// phrin las sbyor ka'i bcud kyis gso// ma grub spogs dang log gnon gyis// las kyi sbyor ba rdzogs par bshad// yan lag sbyor ba bstan pa ni// dbab gcad sprul pa'i las kyis re// rnal ma lto bzlog 'byung ba dkrug/ de yis las rnams 'grub par byed// stobs ldan bgrod thob lhar gsal bas// rno myur stobs chen ngar ldan yin// de dang mi ldan rang 'ching bas// ya bag sha yi sbyor bas bshad// 'jam dpal khro bo gshin rje sdig pa stobs chen gyi rgyud las/ dngos gzhi sbyor ba'i don bstan pa'i le'u ste bzhi pa'o// // de nas yang rdo rje snying pos bcom ldan 'das la gsol pa/ kye ho 'bar ba'i rgyal po ste// lhun gyis grub pa'i ye shes khyod// snod bcud 'byung bzhi lhun grub pa'i// gzhal med pho brang dam pa gang // skye med don nyid skyer shar ba'i// phyag rgya'i dkyil 'khor ji lta bu// rtog tshogs rnam dag 'bras bu gang // zhes gsol pas/ de nas bcom ldan 'das kyis 'khor la rgyas par bshad do// rang bzhin mi gnas mnyam nyid dang // lhun grub ye shes gzhal med khang // rin chen dur khrod brtan par gnas// phyi nang gnyis med gad la khyab gsal// gru gsum mthing nag 'bar ba'i dbyings// zla gam dmar po dbang gi tshul// lhag pa'i ye shes thod mkhar bzhi// lcags 'khor bcu gnyis bcu drug 'obs// rdo rje'i phreng ba gru chad bzhi// bar khyams dmar po sgo khyud ldan// gru bzhi sgo la rta babs ldan// rtse mo gnam lcags 'bar ba mtho// lha brgyad klu brgyad zhing dang ro// dra ba dra phyed chun 'phyang sbrul// glang chen 'brug dang seng ge stag/ rus sbal chu srin gnam lcags thog/ zhing dang zhing chung zod pa khyung // kha khyer lha mos mdzes par byas// ma bskyed dbyings nas ye nas gsal// drag po e yi pho brang du// klu 'bum gnyen khri sa bdag stong // phyogs skyong ma he nyi zla'i gdan// dbus su zil gnon lhun grub sku// mthing nag dug chen ha la'i mdog/ dbu gsum phyag drug zhabs bzhir bgrad// g.yas pa ku mu ta 'dra bas// ro nye za dang rngam par gzigs// g.yon pa rA ga gnyan khri gsol// dbus mthing dgra bgegs sa bdag za// rdo rje 'khor lo ral gri g.yas// be con gtun shing sdigs mdzub 'bar// glang chen ko rlon dur khrod chas// sbrul dang rin chen tsit+tas brgyan// dbu la rigs lnga khro bo'i sku// dregs pa'i snying dang nA ga'i mgos// do shal khro bo'i chas ka rdzogs// de bzhin dbyings nyid khros pa'i sku// yum ni dmigs med chos kyi dbyings// mthing nag snying stobs gri thod 'khyud// gtso bo'i thugs kar ya ma'i sku// zhe sdang rdo rje smug nag 'jigs// 'khor lo tsit+ta phyag na bsnams// ya ma'i thugs kar dregs pa che// nga rgyal rdo rje ljang nag rngam// rdo rje snying phreng phyag na bsnams// dregs pa'i thugs kar khyams khang ste// phrag dog rdo rje 'jigs pa'i sku// spyi gtsug 'dab chags ku mu ta// 'dod chags rdo rje zil gnon sku// ro nye 'dren pa'i stobs dang 'dren// phrag gong khyung mo sngo nag gnyis// nu mar seng ge dpung par stag/ sta zur sbrul nag ce spyang rngam// khro chung mang pos sku la gtams// thod khar gshed bzhi pho nyas gang // bdud dang mon pa ki kang tshogs// rgyal ba gcig gi ye shes las// du ma las la rgyug 'phro ba// rang las byung zhing 'phrul bar snang // don dam gnyis med gcig tu rdzogs// rtog tshogs rnam dag rdo rje'i skus// srid gsum las dang sbyor ba dang // ma gdon 'bum sde zil gyis gnon// zhi khro gshin rje phur pa dbang // bdud dang mu stegs rgyal po dang // the brang gnyen dang gnod sbyin btsan// bkrag mdangs tshe srog sdud pa dang // mdze 'dre sa srin klu srin dang // gcan gzan gdug pa kha 'ching dang // dmod pa'i dug dang rigs bzhi'i dug/ thams cad 'joms shing zil gyis gnon// rtsa bcad khrag skems srog zungs gcod// mgo gcod tshe srog rten 'brel 'chang // srid pa'i rus pa 'cha' ba dang // mkhris pa 'byin zhing sha khrag rol// bla dang drod dang rlan dbugs 'bral// shes pa dngas snyigs 'byed par byed// 'bras bu chos sku zug rngu med// byed rtsol g.yang sa'i kho thag chad// ma bcos de nyid gnyug mar gnas// 'khor ba dong sprug ka dag gling // snang stong gnyis med ye shes sku// mi bzad rgyan gyi 'khor lor rdzogs// zhes gsungs so// 'phags pa 'jam dpal gshin rje'i rgyal po sdig pa stobs chen gyi rgyud las/ phyag rgya'i dkyil 'khor rdzogs pa'i le'u ste lnga pa'o// // de nas yang rdo rje snying pos bcom ldan 'das la gsol pa/ kye ho 'bar ba'i rgyal po che// che ba lhun grub ye shes khyod// mtshon cha'i rgyal po nor bu yi// phreng ba'i rnam pa ngo bo gang // rang bzhin nus pa ji ltar lags// rtsa ba yan lag bcas pa yi// so dang dkrugs dang btsun pa gang // yang dag dpa' bos bshad du gsol// zhes gsol pas/ de nas bcom ldan 'das kyis drag sngags kyi ngo bo 'di dag bshad do// skyob pa'i don gyi gsang sngags bshad// rang bzhin stong pa spros dang bral// skye ba med pa'i ye shes yin// rnam pa'i gzugs brnyan yi ge ste// ngo bo lha yi sku ru bshad// dus gsum rgyal ba'i byin rlabs rnams// yang snying dril ba rtsa ba'i sngags// sku dang gsung dang thugs kyi gter// bzhi gcig bzhi gnyis bzhi gsum yin// rgyal ba kun gyi ngo bo nyid// chos sku skye med rnam dag las// thig le nyag gcig spros bral ba'i// a ni ma skyes yi ge'i mchog/ 'gro don rdzogs pa'i 'greng bus brgyan// e yi ye shes las byung ba// dregs pa dbang bsdus srog snying 'dus// phyag rgya zil gnon sku ru bsgom// a yi ye shes las byung bas// sbyor ba las kyi rgyal po kun// sprul pa tshe bdag nag por rdzogs// ya yi ye shes las byung ba// rlung gi stobs kyis 'phen skyed pa// gshin rje ya ma rA dzar rdzogs// ma yi ye shes las byung ba// bskyed dang sdud par byed pas na// ma mo rdo rje khros mar rdzogs// he yi ye shes las byung ba// dgyes pa'i gar dgu gdug pa 'joms// bya khyung rgyal po snying po rdzogs// dun gyi ye shes las byung ba// srog dang dbang po las bsdus nas// las kyi 'chi bdag chen po rdzogs// snying gi ye shes las byung ba// gdug pa ma lus gnas su 'joms// khyung mo smug nag gnyis su rdzogs// khrag gi ye shes las byung ba// dregs pa 'joms pa'i rdo rje rdzogs// ra yi ye shes las byung ba// bsreg cing skem byed gnas su spor// zhe sdang gdug pa sbrul nag rdzogs// ma yi ye shes las byung ba// pho nya las la mngag pa ste// bdud mo khrag gi ral par rdzogs// tsa yi ye shes las byung ba// snang srid srog dang bla bsdus nas// rus sbal rngam pa'i sku ru rdzogs// ya yi ye shes las byung bas// las kyi rlung gis 'phul zhing sgrol// srog bdag shan pa'i sku ru rdzogs// de ltar lha yi ngo bor shar// nus pa me rlung las kyi mtshon// dug gi me dpung lta bur bshad// de nas bcom ldan 'das kyis gsang sngags 'di dag sku gsung thugs rdo rje las 'thon to// e ka he dun ya ma snying khrag ra ma tsa ya/ dus gsum rgyal ba'i dgongs pa ste// mi 'gyur rtsa ba'i snying por bshad// e myags ya rngubs mug shag dun// e yi ye shes las byung ba// stong srog yig 'bru de nyid de// rigs lnga'i spyi gzugs zil gnon sku// myags kyi ye shes las byung ba// dmigs med yum nyid chos kyi dbyings// ya yi ye shes las byung ba// me long ye shes ya ma'i sku// rlung gi stobs kyis rab tu 'gugs// rngubs kyi ye shes las byung ba// mnyam nyid ye shes rdo rje'i sku// phyi dang nang gi dbugs rgyun gcod// mug gi ye shes las byung ba// nan tan ye shes khyams khang sku// srid gsum lto ru 'chang bar byed// shag gi ye shes las byung ba// kun rtog ye shes mkha' lding sku// srog lus dngas snyigs 'byed pa'o// ka yi ye shes las byung ba// las kyi gshin rje sprul pa gsum// las rnams thogs med ye shes so// dun gyi ye shes las byung ba// rgyan gyi lha brgyad srog gshed bzhi// pho nya sprul pa bsam 'das te// rnam pa yi ge ngo bo lha// sngags ni shes skyob smin byed 'joms// 'di la 'jig rten dngos grub mchog/ ma lus 'byung phyir snying po'i don// rgyal ba kun gyi thugs kyi gter// mi zad sngags kyi yon tan mdzod// rin chen rgya mtsho nam mkha' sa// rim pa du ma'i don gcig rdzogs// rtsa ba sngags kyi lus su bshad// so ni spu gri du ma ste// bsad pa bsrung dang dbab dang sbrul// gang byed sngags kyi sham bus 'grub// ces gsungs so// 'jam dpal gshin rje gshed po sdig pa stobs chen las// gsang sngag bstan pa'i le'u ste drug pa'o// // de nas yang rdo rje snying pos gsol pa// kye ma rdo rje khro bo'i sku// gsang sngags bshad pa de ltar na// ngo dmar gdug pa bsgral ba yi// gsad pa'i sbyor ba ji ltar bya// yang dag dpa' bos bshad du gsol// zhes gsol pas/ de nas bcom ldan 'das kyis yang gsang ba mchog gi sbyor ba 'di gsungs so// thog mar shes ldan smin byed mos// bla med byang chub rjes bsgrub pa// bstan pa spyi yi blo sred can// bgrod thabs stobs ldan chen po yis// bdag don ma yin bstan pa'i don// dkon mchog bla ma'i don ched du// bstan pa'i bar chod byed pa dag/ bsgral na bla med byang chub myur// de ma yin na mnar med na// las kyi rU tra srin por 'gyur// dur khrod gnas sam brag ri'i ngogs// dben par 'dug la bsam gtan bya// phung sa gsum gyi sa blangs la// gri rgod khrag dang dug chus spu// 'brub khung gsum brtseg rtsang gis bskor// dur khrod ras sam rgya shog la// sme khrag dug gis rab byugs steng // dug khrag rdo sol de dag gis// mkhas pas 'khor lo bri bar bya// dbus su gru gsum ldan pa la// phyi rim rdo rje rgya gram la// rtsa ba lus kyi yig 'bru dgod// ra mtshams bris la sngags kyis bskor// phyi rim mu khyud zlum po la// shan pa gsod byed spu gri dgod// tha ma mu khyud dag la ni// 'khor lo rtsibs ni lnga gnyis gcod// rtse mo nang du bstan byas la// yang gsang bcu gcig gsang sngags dgod// srid pa rus sbal lto bar bca'// gri rgod khrag dang nyung dkar dag/ las kyi thod pa kha g.yel dgang // 'khor lo gru gsum steng du yang // kha sbyar rtsang dmar bzhi la brgyang // 'brub gnas nang du thod ngan du// ling+ga bris la sme dud bdug/ mtshon cha rtsibs kyi bar bar du// bla yi sprul pa brgyad dang ni// yang sbrul bcu gnyis bri zhing dgod// bla rtags gang byung rtags sbyar brdeg/ phyag rgya zil gnon skur bsgoms la// zhag grangs bdun nam bcu bzhi'am// nyi shu gcig tu brnag pa bya// bsgom bskul drag sngags bsnol mar brdeg/ drag sngags dbugs kyi rta zhon nas// gsang lam dgu nas tsit+tar thim// srog dang shes pa dngas snyigs 'byed// snying po stong ngam brgya bar du// drag po thun gyis gsad pa brtsam// mtshon cha bsnol ma'i sngags rdzogs nas// gdug pa gnas pa'i sa ru gnan// de yi drag sngags 'di lta ste// e myags ya rngubs mug shag ka dun/ dgra bo'i srog la breng shag zum ril/ dun dun nr-i hur zums nr-i dza/ dgra bo'i srog la breng breng dza dza bruM ril shag rbad/ dgra bo'i tsit+ta bruM ril shag rbad/ dgra bo'i rtsa la thum ril shag rbad/ dgra bo'i srog la ka dum ling thums ril shag rbad/ dgra bo'i srog la hur bruM ril shag rbad/ dgra bo'i srog la khaM nan thu ril shag rbad/ dgra bo'i srog la gzir bruM ril shag rbad/ dgra bo'i srog la yaM shig bruM ril shag rbad/ dgra bo'i srog la thun gzir thun b+h+yo/ gsad pa drag po mchog gi las// sbyor ba rkyang pa 'di nyid do// sdebs na mtshon cha bsnol ma ste// gang mos sngags kyi spu grir bsnol// de yis las kun 'grub par 'gyur// bla chen bzhi dang sprul pa brgyad// yang sbrul bcu gnyis chags sdang lnga// gang byung rtags sbyar drag sngags gdags// srog la hring shag dza tsit+ta breng shag rbad/ srog la thun mug dza tsit+ta breng shag rbad/ dgra bo'i srog la hur bruM dza tsit+ta breng breng thun shag rbad/ dgra bo'i srog la dza thun gzir shag tsit+ta breng shag rbad/ dgra bo'i srog la thun gzir tsit+ta breng shag rbad/ dgra bo'i srog la yaM yaM nr-i dza tsit+ta brephreng shag rbad// rtags dang sbyar ba spu gri ste// brgya stong skabs su brab par bya// de ltar drag po'i las rdzogs nas// 'byung ba'i lto gshag gshin rje la// bskal pa gsum gyi bar du gtad// thugs kyi stobs kyis mnan nas kyang // gdon mi za ba'i pho brang gdab// 'phags pa 'jam dpal gshin rje sdig pa stobs chen gyi rgyud las/ gsad pa mtshon cha'i le'u ste bdun pa'o// // de nas bcom ldan 'das kyis bsad pa mchog gi sbyor ba stobs can bsgral ba'i las 'di dag gsungs so// mkha' lnga khyab pa'i don bsdus nas// gzung 'dzin chos kyi dbyings su bsgral// drod thob stobs can rnal 'byor gyis// phung byed sdig pa stobs chen gyi// gyad gnon 'khrul 'khor sbyor ba brtsam// srin po gdug pa'i thod pa ru// gti mug ka la'i tsit+ta ru// stobs can a mu'i rdzas dag la// ling+ga bris te gzhug par bya// phung sa'i 'brub khung dag tu yang // rtsang bcas gting du bca' bar bya// dur khrod ras sam rgya shog la// phung byed sdig pa'i lto ba ru// stobs chen gyad gnon 'khor lo bca'// phyag rgya zil gnon ting 'dzin gyis// drag sngags rngam la 'tshig par bzlas// bya khyung stobs chen 'bar ba yis// nam mkhar mthing gi phya ra bshig/ rus sbal stobs chen lto ba ru// mun pa'i dmag bsdu stobs kyis gnan// rdo rje stobs chen khros pa yi// dregs pa'i zhe sdang 'joms par byed// ya ma rA dza khros pa'i skus// gnam lcags Ur mo so brdar bcad// drag po sngags kyi 'od zer gyis// rang gshed rang la 'bebs par byed// bdud bzhi sdig pa kha dgu yis// rnam shes rtsa bcad me mar gsod// srog dang shes pa dngas snyigs 'byed// dug dang rtsang phur zangs lcags phyes// gnad la dbab cing rang gshed bskor// de yi drag sngags 'di lta ste// e myags ya rngubs mug shag ka du na// dgra bo'i srog la breng hur thums dza rtsa khrag snying thums ril raM shag rbad/ srog thum ri la dza rtsa khrag hu ra raM/ snying thun rbad srog la mA ra ya b+h+yo/ bsad pa mchog gi drag sngags te// bdun nam dgu'am bcu bzhir bya// drag po'i thun dang nad kyi rdzas// yang nas yang du brdeg par bya// sarba rtsa sbur srog nag snying gzer breng shag raM rbad// sbyor ba bshig pa'i sngags su bshad// gal te las de ma grub na// 'khrul 'khor lto ba dkrug par bya// e ya shag myags dun rngubs ka mug/ dgra bo'i srog bruM ril nr-i hur dza thums khrag snying la thums raM shag rbad/ srog la rtsa khrag thu ril dza snying thun hu ra raM srog la rbad mA ra ya thun b+h+yo// sngags kyi lto dkrug nag po ste// kun la byas na snying khrag 'dzag/ las kyi sbyor ba rdzogs pa dang // 'khor lo dril la tsit+tar gzhug/ gdug pa'i gnas sam bka' rten nam// sgrub pa'i dkyil 'khor 'og tu mnan// bskyod pa kha gso rgyun mi gcad// ban+de bon po mu stegs dang // las kyi rgyal po rtags 'gor dang // seng ge kha 'thab la sogs pa// sdig pa stobs chen 'di yis 'joms// 'phags pa 'jam dpal gshin rje sdig pa stobs chen gyi rgyud las/ stobs chen gyad gnon gyi le'u ste brgyad pa'o// // de nas bcom ldan 'das kyis bstan pa 'jig pa'i dgra bo klu la gtad pa'i phyir/ 'chi bdag par bu nag po'i sbyor ba 'di gsungs so// dben pa'i gnas sam na ga gnas// gnyen ra gdug pa'i sa phyogs su// gro ga shing shun dar dkar la// a mu ka yi gzugs bris la// yan lag rigs bzhi za bar bri// sbal pa khong stong nang brub la// klu yi dmod pa 'bum phrag gsum// rdzogs dang ri lur sngags shing gdab// kham sa'i par bu kha sbyar gzhug/ klu yi nor brgyad dang bcas pa// sngon dmar skud pas gril la bzhag/ tshes drag re bas gril nas kyang // nyi ma phang du khyer la gtad// klu bdud shan pa'i ting 'dzin bya// klu yi dmod pa 'di dag go/ nA ga hu ya ba ling nA gshig ro la thib thib/ dum pa le che ge mo thun sod zung // nag po klu yi dug mda' ste// zhe sdang khros pa'i dmod par bshad// 'phags pa 'jam dpal gshin rje'i rgyal po sdig pa stobs chen gyi rgyud las/ klu'i dmod pa nag po'i le'u ste dgu pa'o// // de nas rdo rje snying pos bcom ldan 'das la gsol pa/ kye ma rdo rje 'chang rgyal ba// gsad pa'i sbyor ba de ltar na// 'jig rten lha srin dregs pa can// gtum po gdug pa 'di dag kun// stong srog bsdu na ji ltar bsdu// srog snying dbrog dang gzir gnan dang // bshig dang khab cing byang dgrol dang // dug mda' dbyung ba ji ltar lags// dam tshig brdar dang zhi ba dbang // yang dag dpa' bos bshad du gsol// zhes gsol pas/ de nas bcom ldan 'das kyis srog dmar len yang gsang ba snying po don gyi sbyor ba 'di gsungs so// stong phrag brgyad cu'i gdon gyi rigs// dug lnga'i shes pa yul 'dzin pa// lus ngag sems kyi 'du byed kyis// dregs pa zhes su gnas par bshad// dregs pa'i de nyid shes gyur na// dregs pa rang gshed rang gis byed// de yi 'khor lo 'di lta ste// dur khrod rgyu la rdzas byugs la// gti mug lho gshag mu khyud bzhi// e dbus drag po dbang dang ldan// phyi rim las kyi rdo rje ste// yang logs mtshon cha drug gnyis rtsibs// de bzhin mtshon cha brgyad gnyis ldan// de la drag sngags 'joms byed gnas// dbus dang zla gam srog dang ming // sna tshogs rdo rje rtsa sngags lus// phyi rim thams cad srung ba'i so// nang logs gzir dang spu gri ste// mtshams dang mu ran gcod pa'i don// bkod pa kha sbyor thod par bca'// gsal ba gsum ldan zhag gsum gzir// mtha' ru bka' rten la sogs gnan// 'pho ba med pa'i las zhes bshad// de yi gsang sngags 'di lta ste// e myags ya rngubs mug shag ka dun/ sarba tsit+ta yaM shag hur khaM 'drid nan/ gzir rbad/ sa nA ga snying gzer sbur nan// ha la ya ma thun gzir// hu thums dza/ shag rbad/ gzir rbad/ lus dang spu gri srog dang snying // bsdebs na nges par gcod par byed// snying po brda sbur gzir bya'o// de yis las kyi sbyor ba 'joms// chos nyid ye nas lhun gyis grub// ye shes dkyil 'khor rang bzhin med// sprul pa sna tshogs log rtog 'dul// tha snyad tshig rnams don gyis stong // de don ldan pa bud+d+ha nyid// gsad dang gnan dang srog kyang med// bden don ma rtogs dregs pa yi// sems ni rlung gi khams te mchog/ srid gsum sha khrag srog dbugs 'byin// khams gsum gnas bskyod rlung gi yi ger gnas// de don bod pa ming dang rnam shes ni// nges par bstan pa 'di lhalta ste// shrI badz+ra kro d+ha hUM/ ya ma la/ ma ma ru lu ma/ dun ting ki la ya ta/ ru tra d+ha/ d+he ba a/ rak+Sha ra/ rag mor/ dun ting me/ rA dza tsa/ shu la dza/ mu na mu na pa/ ya k+Sha k+Sha/ yag mo k+Sha/ haM shaM tri/ ru tra nr-i/ ru tri ru/ badz+ra sAd+d+had+h+yA tri/ sa nA ga phu/ aM ku sha dza/ trig nan hu ra thums dza/ mA ra ya rbad/ staM b+ha ya nan/ baM staM b+haM/ rog sarba phyung rbad/ byA d+hi sarba pa taM haM/ tsi shaM a mu kaM che ge mo nan/ 'drid rbad/ kha tham srog gzir nan/ hUM hUM/ sa ma ya dam dam/ byer rbad phaT/ shan ting ku ru swA hA/ lus dang spu gri ming dang bcas// sbyor bas las kun 'grub par byed// dmar len yang gsang mchog gi las// spyi dang sgos kyi rang gnad yin// stong srog gcig tu ma 'dus na// nyung dkar spang la gtor ba 'dra// bsdeb la sarba sha tuM bsdeb// so so'i sgos kyi mtshan nyid can// zhi khro gshin rje phur pa dang // ma mo srin mo srin po bdud// mu stegs rgyal po btsan dang dmu// rA tra srin po srog bdag ging // gnod sbyin pho mo 'gong po lha// phug bdag sri can gdug pa gsum// snying po brda sbyar gzir zhing gcod// dmar len yang gsang mchog tu bstan// zhes gsungs so// 'phags pa 'jam dpal gshin rje gshed po sdig pa stobs chen gyi rgyud las/ dmar len yang gsang mchog gi le'u ste bcu pa'o// // de nas bcom ldan 'das kyis srung ba'i sbyor ba 'di gsungs so// gsal ba gsum ldan sngags pa yis// 'khrul 'khor rim pa rdzogs pa dang // rtsa ba spu gri'i bsdeb bshad pa// dmar len yang gsang skabs kyis te// phra mo'i sbyor ba bshad bya ba// rtsa ba bod pa gzir zhing srog/ mA ra ya yi skabs sbyar ba// klad du dgug pa yang dag bshad// mtha' sdud sbyor ba rdzogs pa ni// ling+ga la sogs gnad kyis te// dregs pa rang gnad gshed ma yin// drag po'i spu gri'i dod dag tu// bshig pa'i spu gri'i so brtag pa// s+thi dang sgos kyi bshig pa ste// mis byas de min byas pa nyid// bshig pa'i sngags su yang dag bshad// bshig pa sbur nag 'grub mchu yis 'grub// spyi yi tha ma gcod byed bor// 'bru drug sngags kyi spu gri gdab// rdo lcags zangs phur gzugs la gdab// gru'am gdug pa'i dug rnams 'byin// mun sel sngags kyi rtsa rgyud dag/ gcod byed logs su kha tham brjod// 'byung po bgegs dang mi ma yin// gcan gzan gdug pa kha chings yin// sngon dmar tshon gyis klu gzugs sam// gnod sbyin nad kyi mtshon du bya// kha zam logs su byed dgrol gdags// byad du bcug las nges par thar// shin tu bgegs rnams bka' nyan na// dbang sdud dam pa de bzhin bya// yang na 'bru gsum sbyor ka yis// dregs pa gnam thar skyel bar byed// gtsang gtor sngags bzlas bsngo ba dang // shAn ting ku ru mthar sbyar na// mi srun dregs pa zhi bar 'gyur// phyi ma gsang mnan rang gshed mthar// nam mkha' bar snang sa gzhi la// mnan pa'i las rnams rdzogs par bya// dug shing phur pa byin brlabs te// shin tu mi bgrungs dregs pa can// mngon du rdzas rgod du bas gzir// de yis myur du brlag par byed// phur gdab rdzas bdug khro mo 'khor lo yang bskor// sarba du raM u nan gzer phyung sbur nan srog la myog rbad/ srog la ki li ki la ya/ trig nan bi g+ha nA na/ snying gzer sbur nan hur thums dza/ myags thums ril rbad ya/ de bzhin lha sngags rdzas dang ni// sbyor ba sdebs pa'i las 'di dag/ dregs pa 'joms pa'i mchog tu bshad// bshig pa'i sbyor ba bshad bya ba// rgya shog 'khrul 'khor lcags mkhar dang // zhing gi ka ba ldan bris la// rtsa sngags bshig sngags rim pas dgod// rtsa ba spu gri'i bar dag tu// spyi yi sgo dang a mu ka/ sbyor ba rdzogs dang gnan pa re// rdzas rgod sa sogs du bas bdug/ khyad par bshig pa'i las su bshad// 'phags pa 'jam dpal gshin rje sdig pa stobs chen gyi rgyud la/ srung ba khyad par kyi le'u ste bcu gcig pa'o// // de nas rdo rje snying pos bcom ldan 'das la 'di skad ces gsol to// kye ma sangs rgyas kun gyi dngos// ye shes lnga rdzogs lhun grub bla// dug gsum 'joms pa'i ye shes khyod// 'gro ba'i lus la gdug pa'i nad// rtsi ti ma la nyam pa ba// slong ba'i b+ha rkyen ji ltar lags// nad kyi mtshan nyid ji lta za// de nyid gso ba'i sbyor bya gang // yang dag dpa' bos bshad par mdzod// ces gsol pas/ bcom ldan 'das kyis rgyas par bshad do// snyigs ma lnga yi dus nyid du// sa yams drag po dza la'i nad// 'gro ba yongs la khyab pa'i rgyu// spyi dang khyad par bsrung bya nyams// mtshams med nye ba na rag gnas// las ngan smin nas gnas ngan ltung // las kyi rnam par smin pa bshad// 'byung bzhi 'khrugs pas nad bzhi rgyas// 'du ba rnam bzhi rgyas par bshad// rigs dang rang gi thabs las dang // rtsol ba byad kyi gtad khram dang // rang gi gtad khram gnad gzir log/ nA ga thug phrad ces bya ba// bar chod gdon bgegs 'phral gyi rkyen// nad rigs zas dang sngags kyis brtag/ phan gnod gang tshe nad rigs brtag/ zas dang sngags kyis phan gnod med// rnam smin sgrib sbyong dge ba bya// rigs bzhi gdol pa kha 'thor gyi// 'jug pa nges pa'i nad rtags ni// rgyal rigs mgo nas 'jug par nges// sha skam mdog dmar zug pa che// rje rigs lag pa g.yas par 'jug/ tsha shing za dang rtse bar byed// bram ze lag g.yon khrag chu ste// dmangs rigs rkang g.yas zha grum g.yo// gdol pa rkang g.yon rnag la 'jug/ kha 'thor kun la khyab pa ste// zhus pa'i mtshan nyid lnga phrag gnyis// lus skam gzer che khol bur 'khor// rus pa'i nad du bshad pa yin// lus kun lci zhing bem la gnag/ sha yi nad du shes par bya// sha mkhrig mdog skya rtse zhing za// pags pa skyi la zhugs pa yin// lus sbrid sgyid lug tsha zhing skrang // rtag tu khrag 'dzag gdong pa dmar// lci zhing myog po khrag nad yin// glo snying na zhing 'dar ba dang // snying mi dga' zhing dran pa nyams// khong sgyur don la nad zhugs pa'o// stobs shor sgyid lug nyal nyal po// sgyid zhum stobs la zhugs par bshad// dbang po mi ldang khu ba med// dngas snyigs bye ba bcud la zhugs// mgo sgang 'thom zhing 'khor ba dang // mig gi gsal la skra byi na// klad pa dag la zhugs par bshad// rtag tu kha chu mig chu 'dzag/ spug gi chu ni dmar la rtsigs// chu la zhugs pa yin par bshad// yan lag 'khums dang rengs pa dang // zha grum chu ba'i nad du 'dod// gso ba'i thabs ni du ma ste// nad la sman te klu la sngags// rnam smin tshogs rdzogs 'tsho bar gsungs// 'jam dpal gshin rje'i rgyal po sdig pa stobs chen gyi rgyud las/ klu nad gso ba'i le'u ste bcu gnyis pa'o// // de nas bcom ldan 'das kyis snying po don gyi man ngag/ gdug pa klu la rang gshed dbab ste gsod pa'i sbyor ba 'di gsungs so// rigs bzhi gdol pa kha 'thor rigs// kun 'joms sbyor ba'i rgyal po ste// gdan gsum ldan pas gsal gsum bya// rgya shog dag la 'khrul 'khor bri// dbus su drag po dbang dang ldan// phyi rim 'khrul mig bzhi gnyis gsum// yang rim mtshon cha bcu gnyis rtsibs// de bzhin sum cu rtsa gnyis ldan// thod phreng me ris brgyan pa bri// dbus su gang dmigs gzugs dang ming // gnyis par rtsa ba'i snying po lus// gsum par khyad par drag po yi// gzir 'joms srog 'phrog myos shing 'joms// mtshon gyi rang gshed shi phrad dgod// bzhi pa rtsibs mtshan sum cu la// shi 'phrad kun 'joms rgyal po dgod// rus sbal lto bar rdzogs par bca'// 'khrul 'khor rgyal po'i sbyor ba la// bdud rtsi 'o ma khrag gis byugs// kha sbyar phag thod srad bus gril// lto sbyor khri yis ngar glud la// sngags pa'i steng 'og logs su bzhag/ phyi ma kha sbyar thod par gzhug/ phyag rgya gsal bas rngam tshig bzlas// drag po gnod pa'i sa chu dang // bag zan bsres la gdug pa'i gzugs// rgya shog gzugs la ming spel gzhug/ bsgom bskul drag sngags bsnol mar brdeg/ thun brdeg mtshon brab dud pas bdug/ bsreg dang gnan pa la stsogs bya// sbyor ba'i rgyal po gsang bar bshad// e ka he du na ya ma snying khrag ra ma tsa ya/ sa nA ga trig nan/ phu hur thums dza/ sa na ga tsa tri su me srog la breng breng rtsa la dun dun/ sbur nan khaM shag rbad/ sa nA ga tsiSh+Tha ro myags rbad/ srog la mug ti rbad/ dug phyung khrag shig rbad/ tsa tri ma ma dbugs la thang gzir rbad/ srog la thun rbad b+h+yo/ sa na ga tsit+ta ro myags pa zam 'drid phyung trig nan sa nA ga tsit+ta rbad/ sa nA ga snying gzer sbur nan rbad/ pa tsa 'drid ma zi pa ra/ sa na ga tsa tri thun gzer zad/ nA ga tsa tri dun nan/ nA ga tsa tri sbrar nan/ mA ra ya nan/ gsang sngags dug gi spu gri ste// rang gzhan drag po btsan zabs kyis// gdug pa 'joms shing dug rlangs 'byin// yang gsang snying po gsang ba ste// rang gzhan drag po btsan thabs kyis// gdug pa 'joms shing dug rlangs 'byin// yang gsang snying po gsang ba ste// kun 'joms sbyor ba'i rgyal por bshad// 'phags pa 'jam dpal gshin rje'i rgyal po sdig pa stobs chen gsang ba'i rgyud las/ shi phrad kun 'joms nA ga rang gshed dbab pa'i le'u ste bcu gsum pa'o// // de nas yang rdo rje snying pos bcom ldan 'das la 'di skad ces gsol to// e ma 'jigs byed rdo rje'i sku// gdug pa'i nad kyi mtshan nyid dang // sngags kyi sbyor ba de ltar na// rigs bzhi dug dang nad dang ni// sdong zla brtag pa ji lta bu// rmi ltas brtag pa ji ltar lags// yang dag dpa' bos bshad par mdzod// ces gsol pas/ de nas bcom ldan 'das kyis dri ba'i don legs par bshad do// dang gnyen dang sa bdag gi// dug gis zin pa 'di lta ste// rgyal rigs dug gis lci zhing 'thibs// rje rigs dug gis tsha zhing bsreg/ dmangs rigs dug gi yang zhing g.yo// bram ze'i dug gis grang zhing 'dar// gdol ba'i klu la dug gsum yod// reg pa'i dug gis gzer bar byed// kha rlangs dug gis myos par byed// mthong ba'i dug gis za 'phrug byed// nad gzhi'i brtag pa 'di lta ste// rgyal rigs mthong ba'i dug gi nad// lus kyi sha yang bem por 'ong // 'thibs shing ra ba bzhi la na// nyi ma'i gung gnyis lus mi bde// bram ze bsam pa'i dug nad ni// lus skrang mdog skya sbom por 'ong // drang zhing bsil la snga dro na// chos brgyad dag la lus mi bde// rje rigs kha rlangs dug nad ni// lus tsha sha 'dar dgong ka na// dmangs rigs reg pa'i dug nad ni// lus 'dar se rgod snying rlung 'dra// nyi ma nub nas na ba 'ong // dug sel sman dang dug 'joms sngags// sbyor ba gnyis su bsdebs na 'tsho// sdong zla brtag pa 'di lta ste// rgyal rigs klu yi gdon gnod na// rtag tu rgyal po dkor bdag gnod// bram ze rigs kyi gdon gnod na// sa bsen klu bsen mtsho sman gnod// rje rigs klu yi gdon gnod na// klu btsan drag btsan yam shud gnod// dmangs rigs gdon na dam sri gnod// rang rang gnad kyis gzir zhing bsad// rmi ltas mtshan ma 'di lta ste// btsun pa a tsa ra dang ni// mon dang bu chung spre'u khyi dang // bya dang 'bag seng lha khang dang // bud med nag mo ral pa can// na chung gzhon nu grogs mo dang // sring mo bud med bya pho dang // ri dwags sha dgo la sogs pa// rta ba skyes pa brag dmar chu// kha brgyad sbrul dang ba lang mdzo// bong bu ra lug khyi dang chu// sbrang bu la sogs rigs bzhi'i rtags// de dag dbang sdud btags na thub// tshur la 'du dang 'jun ngan// so mtshams 'das na 'gro ba dang // rtag tu thur la rgyug na ngan// gru dang glang po zhon pa dang // dmag dpon byed dang ri la 'dzeg/ bzang ba'i rtags su shes par bya// yid kyi dbang po 'khrul pa'i yul// rmi lam don la bden mi bya// rang nyams dbang po drod la brtag/ ces gsungs so// 'phags pa 'jam dpal gshin rje'i rgyal po sdig pa stobs chen gyi rgyud las/ nad dang dug dang sdong zla dang rmi ltas rtags kyi le'u ste bcu bzhi pa'o// // de nas rdo rje snying pos bcom ldan 'das la 'di skad ces gsol to// e ma phyag rgya chen po'i sku// skye med dbyings las rol pa yis// rang bzhin dbang du bsdus de nyid// 'khor la nges par bshad du gsol// zhes gsol pas/ de nas bcom ldan 'das kyis gdug pa rigs bzhi'i gnyen po/ phyag rgya rdzogs pa 'di bshad do// skye med dbyings las rol pa'i sku// phyag rgya zil gnon spyi gzugs can// rigs bzhi sprul pa gyad gnon brgyad// phyi nang srog gshed khro chung bcas// ma bskyed dbyings nas rdzogs par bya// de yang ji lta bu zhe na// rang lus za mal phung po dag/ hUM las ye shes me yis kyang // lus kyi dngos po bsregs nas kyang // gsang sngags ye shes me 'od kyis// rnam rtog ma rig nad dang dug/ sgrib pa'i phung po sprin ltar bsreg/ yang nas yang du nan tan bya// shes pa'i ngo bo zil gnon sku// bskal pa me dpung 'bar dbus bsam// yang na tha mal lus nyid kyi// snying ga chos kyi 'khor lo la// e la gsang sngags phreng bas bskor// rtsa chen bzhi dang rtsa phran brgyad// sngags las 'od zer 'phros pas ni// 'od zer dang bcas yig 'bru yis// dngas ma'i rtsa dang rtsa phran dang // sha dang pags pa rus mi gnas// nad dang dug rlangs kun ded de// ba spu'i bu ga la stsogs par// sngon dmar du ba lta bur bsam// rlung dang shes pas nad rnams 'byin// 'dus pas e las phyag rgya gsal// phyag rgya rdzogs pa'i rim pa'o// drag po'i 'khor lo bskor ba'i tshe// sngags kyi 'od zer lcags kyu'i dbyibs// gnas su spros te dmigs pa dgug/ sngags kyi 'khrul 'khor chen po ru// sa dang chu dang me rlung gis// 'byung bzhi'i gnyen po'i mtshon cha yis// srog 'phrog gzir zhing bcad gtubs nas// thod pa'i 'khrul 'khor nang du 'chang // kun la srid pa'i khyams khang nas// sngags kyi 'od zer 'phro 'du bya// rgyal rigs bya khyud stobs kyis bshig/ rje rigs phyag na rdo rjes bshig/ dmangs rigs gdol pa gshin rjes bshig/ bram ze khyams khang lto bar bshig/ phyag rgya rdzogs dang sems dpa' rdzogs// gang zag shes pa'i stobs dang sbyar// kun la srid pa'i rus sbal te// sngags kyi phreng ba 'gyed dang sdud// yul la dmigs pa gsum du sbyar// rang bzhin lha la dmigs pas ni// sgrib byang rdzogs pas dbyings su thim// drag po'i ngan sngags sbyin zang 'bru// spu gri du mas gcod byed mtshon// bdug skud rdzas rgod du ba yis// klu dang gnyen dang sa bdag dang // ma mo rgyal po ze'u rang btsan// klu bsen mo dang dam sri dang // mdze 'dre la sogs 'joms par byed// rang bzhin dbang sdud ting 'dzin te// 'phen pa'i rta zhes dpa' bos bshad// 'phags pa 'jam dpal gshin rje'i rgyal po sdig pa stobs chen gyi rgyud las/ gnyen po lha'i rtog pa bstan pa'i le'u ste bco lnga pa'o// // de nas yang rdo rje snying pos bcom ldan 'das la 'di skad ces gsol to// e ma yang gsang rnal 'byor che// lha yi rtog pa de ltar na// phrin las sbyor kha rdzogs mdzad pa'i// phyag rgya bsam gtan kha chings mchog/ bum pa'i sbyor ba ji lta bu// phan gdags pa dang tshar bcad pa'i// sreg pa me yi sbyor kha gang // dregs pa stobs kyis gnan pa yi// las rim rdzogs pa bshad par mdzod// ces gsol to// de nas bcom ldan 'das kyis phyag rgya bsam gtan gyi las 'di dag bshad do// dben pa'i gnas su maN+Dal bshams// rin chen bum par rin chen bcud// sna dgu'i chu dang dri zhim dgang // dri dang snying po 'tsho byed dgang // kha rgyan mgul chings me tog mdzes// bdag nyid phyag rgya'i skur bsgoms la// thugs ka'i snying po 'od bcas 'phros// dngos rtog bsreg sbyang gzhal yas khang // gdan la rdzogs pa zil gnon sku// lhun gyis grub pa'i lha rgyud bsam// yid kyis sprul te mchod phul nas// gsang sngags brgya stong bzlas shing bstim// lha rnams 'od kyi gong bur zhu// bkrus pas nang du zhen chags sbyong // spyod pa sngags kyis bsrung bar bshad// snying gar phyag rgya sngags gsal bsang // rtsa rgyud dag cing zhen chags sbyong // 'khor lo rgyun gyi khrus su bshad// rnam rtog bag chags 'dzin med grol// lta ba chos nyid khrus su bshad// de nas bcom ldan 'das kyis phyag rgya bsam gtan gyi gsang sngags 'di gsungs so// sa nA ga tsit+ta ro myags kha zam srog gzir/ sbyar nan// 'drid phyung / hri shag rbad/ spyi chings sgo yi kha chings mchog/ phyag rgya bsam gtan srung ba de// srung ba kun gyi mchog tu bshad// gzhan yang sred pa'i sbyor ba bshad// yid mthun gnas su rdzas bsags la// maN+Dal dkar po dri spos ldan// zab khung zlum po dbus su ste// khru gang kha khyer mdzub gang la// sor bzhi zheng du rnam par brtag/ khru gang zur brkos pad+ma brgyad// 'khor yug dkar pos mdzes par bya// lcang ma glang ma phang ma la// hom shing khru gang pa ru bya// yam shing sor brgyad de nyid la// dbyibs dang kha dog dkar la zlum// 'bras bu nas chan rtsi mar dang // me tog dkar po gu gul dkar// 'o ma dang bcas mchod pa dbul// me lha dkar po lha rgyud dkar// rim pas bskul te sngags res dbul// zhi bar gyur cig brjod cing mdag/ thal 'jim zhi ba'i gnas su sba// de nas bcom ldan 'das kyis zhi ba'i gsang sngags 'di gsungs so// e ka he dun ya ma snying khrag ra ma tsa ya hu ra khaM baM ri la sa nA ga shAn ting a mu ka dz+nyA na sarba shAn ting ku ru swA hA// tshogs bsag sgrib sbyang bla med 'grub// nyams pa bskang zhing dngos grub myur// 'jigs pa brgyad las nges par skyob// phan gdags zhi ba'i sbyor bar bshad// gzhan yang gdug rtsub tshar gcad phyir// drag po dmar len sbyin bsreg bshad// sa gsum 'khar gong chu gsum la// maN+Dal khru gang dpangs su brtsegs// dbus su khru gang me zab bo// kha khyer gsum ldan thur la brko// kha khyer mtho gang mdzub gang tshad// sor gnyis zheng du gtsang thod la// rgya sol khrag gis nag por bya// sna tshogs rdo rje rlung gi 'bru// phyi rim 'khor lo sreg pa'i sngags// yang logs bsreg rdzas dgram par bya// ming byang ri lu brgya dang brgyad// mchod rdzas gnod rdzas gsod pa'i rdzas// tsha ba'i rdzas dang myos pa'i rdzas// mthun rdzas la sogs dgod par bya// rgya gram steng du ming byang khar// tsher ma can dang dug shing brtsig/ khrag dang dug gis rab tu bran// thab khung ri las me lha bskyed// mchod 'bul me lha'i thugs ka ru// ye shes rang gsal stong bdag med// chos sku'i ngang las phyag rgya'i sku// bskyed la bla rkun rbad cing sdebs// bskul dang bcas pa drag sngags bcus// rdzas kyi mchod pa me sbar bsreg/ rkyen gyi sbyor ba 'phro 'du min// rtsol bral ji bzhin lhun gyis grub// nam mkha' 'khor lo spyi 'joms gcod// sbyor ba rdzogs dang dril thod gnan// drag po tshar gcod sbyin sreg mchog/ de nas bcom ldan 'das kyis gsang sngags 'di dag sku gsung thugs rdo rje las thon to// e ka he dun ya ma snying khrag ra ma tsa ya/ sa nA ga du raM/ sa nA ga u nan gzer phyung / srog la dun raM tsit+ta breng shag thun rbad e raM/ gnod byed 'byung po dza la raM mA ra ya phaT phaT/ rdzogs dang thod par rdzas blug la// bka' rten 'og gam dur khrod gnan// drag po tshar gcod 'khor lor bshad// de nas dmar len yang gsang mchog/ gnan pa'i sbyor ba 'di lta ste// 'khor lo ling+ga thal ba rnams// gang yin thod par blugs nas ni// tshes gcig dang ni bcu drug la// sbyor ba mkhas pas gnan par bya// zhi khro gshin rje phur pa rnams// 'khor lo rus sbal thod chen gzhug/ ma hA man d+ha la 'og tu gnan// ma mo bdud mo srin mo rnams// nyan thos thod gos bka' rten gnan// bdud dang mu stegs mgon po rnams// g.yag rur 'obs khung sgo drung gnan// rgyal po dge bsnyen dkor srung rngams// sbrang thod sgo lam srang khar gnan// btsan dang srog bdag gri bo rnams// sha ru spyang thod gong gsum gnan// klu bdud mo dang phug bdag mo// bon po'i gos gtums lha khang gnan// the brang chags 'gong gshin rdog rnams// glang rur bcug la lam mdor gnan// sri can chung zod them 'og gnan// sa bdag klu gnyen mdze 'dre rnams// 'khor lo phag pa'i lto bar gzhug/ phag thod bka' rten gad gnod gnan// log nag rdo rje rgya gram ldan// lam las rin chen ri rab brtan// rus sbal lto bar stobs kyis gnan// gdon mi za ba'i pho brang gdab// gdug pa'i stobs kyis gnan par bshad// de dag gsang sngags 'di lta ste// e dun ka yaM/ sarba tsit+ta gzir nan/ hUM laM staM b+ha ya nan/ che ge mo mA ra ya nan/ dregs pa gnan pa'i 'khor lor bshad// 'phags pa 'jam dpal gshin rje zla gsang nag po sdig pa nag po stobs chen gsang ba'i rgyud las/ phrin las sbyor ka'i le'u ste bcu drug pa'o// // de nas yang rdo rje snying pos bcom ldan 'das la gsol pa/ rigs bzhi gdol pa'i nad dang dug/ 'khor du byas pa'i nad rigs gang // chu dang khrag la brtag pa gang // zhes gsol pas yang dag rdzogs kyis bka' stsal pa/ babs lugs me dpal za gu dang // 'brum phran nad dang sgro 'bog ni// rgyal rigs klu yi 'khor gyis so// snying mi dga' dang 'gro snying 'dod// ngu 'bod phya sangs khyer ba dang // gzhan la rgol zhing 'thibs sdang sla// bram ze'i nad du shes par bya// glu len gar byed mig rtsa grung // dmangs rigs nad du shes par bya// sha mdangs par na zug gzer che// brtse dang tsha 'phrig 'ong ba dang // skabs su glo bur glang thabs 'ong // rje rigs gnod pa'i rtags yin no// spyir ni klu gnyan sa bdag dang // klu srin la sogs nad rtags gzir// khrag dang chu la brtag bya ba// chu ni ngal dub chang ma 'thung // mang po ma smras nyal po min// 'byung ba ma 'khrugs pa la brtag/ dngas pa'i snod du rtse shar gtang // log pa'i dus su brtag par bya// kha dog dag la nad gzhi brtag/ mar khu'i mdog 'dra byung ba na// mkhris pa sha yi mdze nad yin// 'o ma'i mdog tu byung ba na// rlung nad rus pa'i mdze ru 'gyur// chu rtsa 'dra ba byung ba na// bad kan nang khrol mdze nad yin// ram po 'dra ba byung ba na// 'dus pa kun khyab nad du bshad// ga gon shun pa lta bu dang // spur long 'dra dang ba trang mdog/ 'byung ba ma 'khrugs chu yin te// lus la nad gzhi med par 'dod// dmar la rtsig po sig sig po// 'gyur mdog med par 'dug pa na// chu ser nag po yin par bshad// gzugs la gdon gyi brtag pa bya// nya 'dra sbal 'dra rus sbal 'dra// pir 'dra chu srin 'dra ba dang // dpag bsam shing 'dra gdug pa gsum// zhing sa khang sa dur sa dang // byad kyi sa dang rtsol ba brtag/ rnal ma lto log gyad 'gyur brtag/ sa chu me rlung 'khrul 'khor brtsi// 'khyil ba'i gzugs dang thig le dang // rtse gsum gzugs brnyan byung ba dang // nya mig dang ni mun pa 'dra// dmar la sdang dang sna tshogs gzugs// rig pa can gyis brtag par bya// rgyal po rje'u bram ze dmangs// klu rigs gdon la brtag pa yin// dmar ser ku ya mi mngon na// klu gnyen sa bdag gnod pa yin// gzugs rnams med na bskol la blta// de yis gtan la phebs par 'gyur// khrag la brtag pa 'di lta ste// rtsa la gtar zhing brtag pa dang // chu ser brtag pa 'di lta ste// dmar ser dag ni sla bar 'tsho// skya nag gnyis po dka' bar bshad// lus kyi gnad nas khrag ngan dbyung // khrag med gso bar ma bshad de// chu ser sngo skra byung yang spang // khrag ni dngul chu lta bur 'dril// shin tu gso ba dka' bas spang // khrag ni dang po bar ma dang // tha ma gsum pa rim pas shes// gzugs brnyan brtag pa ma yin te// rlung mkhris bad kan khrag mdog brtag/ spyi gtsug smin mtshams sna rtse dang // rkang dang snying ga mthe bong dang // lte ba mtshan ma zin pa ni// gnad kyi mkhar brgyad shor na yang // phyi ma mdun dang g.yon zin sla// rgyab tu zin dang g.yas pa dka'// sha dug spu dug rus dug gsum// rnam smin lus la rdzogs pas spang // zhes gsungs so// 'jam dpal gshin rje zla gsang nag po sdig pa stobs chen las/ nad gzhi brtag pa'i le'u ste bcu bdun pa'o// // de nas yang rdo rje snying pos bcom ldan 'das la gsol pa// sa yams 'byung ba'i gnad 'khrugs na// rdzas dang sman gyi sbyor ba gang // yang dag dpa' bos bshad du gsol// zhes gsol pas/ de nas bcom ldan 'das kyis dri ba'i don 'di gsungs so// sbyor ba'i rdzas la nus pa'i mthu// bsam mi khyab pas bcud kyis gso// dri ma chu dang zil pa gsum// yig 'bru bdud rtsi mtshon cha dang // 'byung gzhi'i gnyen por rab brtags la// sbyar te khong du gtang ba na// tshe ring sha 'jam skad gdangs snyan// gdug pa'i nad dang dug las thar// bsku dang byug pa'i las byas na// spyang dug sbyang tsher ra chu dang // btsod khu tsha sna sbyar ba dang // ra dug long brdol gu gul dang // mu zi dri ma ldong ros dang // ti tsha mar dkar ba bla dang // gu gul nag po ra gzhob dang // ra tshwa rgya tshwa kha ru tshwa// ga pur gla rtsi shing kun dang // dbyi mo srub kha ldong ros tsha// sna tshogs phab dang mu zi glum// sbyor ba rdzogs pas bsku dang byug/ gdug pa'i nad dang dug las thar// zug rngu'i nad 'joms chen po ste// srung ba'i mchog tu yang dag bshad// de nas rtsa sbrang rtsa bkru ba// sngon du khrus sogs rdzogs par bya// zas dang spyod lam sna sel la// pad+ma dul ma kun khyab dang // ser tshur ha shig rdo dang ni// gla rtsi ma gi ta dang ni// dkar po tshig thub mtshal dang sbyar// chang dang sbyar la khong du gtang // gdung bar kun khyab pad+me dang // sdig srin nyi dga' chang sbyar nas// ce drod drag por de bzhin gtang // rjes ni gar chang tsho khrus bcad// 'byams nas lus zungs khrag byung na// chu bskol dom mkhris btab pa dang // rgya sran me tog chu ser btab// grang 'byams rlung la lo yib gtang // rtsa rnams bkru bar mi rung ba// rtsa mdud can dang grang rlung can// lus zungs zad dang rgan po gzhon// mkhas kyang shin tu spang bar bya// rtsa rnams bkrus pa'i yon tan ni// dug nad rgyas dang rma rnying byer// chu ser don la zebs pa dang // bud med rtsa nad sgur po dang // mdze nad rgyas pa'i nad rnams sel// gzhan yang rtsa sbrang bshad bya ba// pad+me ngan rog ru rta dang // tsha ba gnyis dang tshig thub sbyar// chang las sbyar te tshangs par byug/ 'di zhes rdo rje spyi bor 'joms// sna sel chang gis bya bar bshad// rjes ni tsho khus bcad pa ste// chu ser tshan de ma zad par// rjes chotshod tsha ba spang bar bya// chu ser 'dren bshal chen po ste// tsha ba chu ser nad rnams sel// gzhan yang kun khyab ba zho dang // ske tshes gdong gi chu ser 'dren// pad+me kun khyab zo sha dang // gser gyi me tog sbyar na yang // yan lag chu ser 'dren par bshad// gzhan yang bcud len sman bshad pa// dkar po tshig thub sbal rgyab dang // rgya mtsho gser gyi bye ma dang // man 'dzi ra dang tsan dmar dang // 'bri ta sa 'dzin mon lcam dang // seng ldeng tsan+dan mar khu dang // sho ma bye ma yang leb tu rab sbyar la// so sor gtong ngam dril la gtong // sha dang rus pa rtsa khrag dang // glo snying mkhal ma nang khrol dang // chu ser nag po tha dag skem// gzhan yang bcud len sman sbyar ba// tsan+dan dkar po seng ldeng dang // bdud rtsi dam pa chur gdus nas// mar dkar 'o ma sbrang rtsi mar// sbyar na chu ser nag po skem// lus kyi stobs ldan bkrag rgyas 'gyur// seng ldeng so ma ra dza dang // tsan+dan dkar po 'bras bu gsum// nim pa ma hA nim pa dang // ka ra sbyar na chu ser skem// seng ldeng 'o mar gdus pa dang // 'bras bu gsum dang gu gul dkar// tha skar rdo rje so ma ra// cong zhi sbrang rtsi ka ra sbyar// bcud len chu ser nag po skem// skabs su chu ser 'dren bshal gtong // 'grub 'gyur 'di la the tshom med// bcud len sman gyi sbyor bar bshad// mthong ba'i dug gis zin pa na// ga pur chu yis btab nas kyang // skyer pa'i khaN+Da byug par bya// mkhris pa sna tshogs lcigs gzhug dril// kha rlangs dug gis bzung bas na// khong dug bu ra gtang bar bya// rtag tu phyi bshal nang bshal bya// mchin rtsa gtar zhing khrag ngan gdon// bsam pa'i dug gis zin pa na// tsha ba gsum gyi sman mar gtang // drod bsten bsil ba'i zas sman spang // reg pa'i dug gis zin pa na// a ru ra yi/ sman mar gtang // 'byung ba'i nad rnams gso ba'i phyir// rtsa bkru gtar zhing khrag ngan gdon// mu zi sman mar rtag tu bza'// sha mdangs par dang nang khrol gyi// chu ser thams cad skem par byed// seng ldeng sman mar dag gis ni// rus pa rkang gi chu ser skem// a ru ra yis 'byung ba snyoms// dan ti'i mar khu'i sbyor ba yis// chu ser nag po 'joms par byed// gzhan yang chu ser 'dren par byed// kha ni yon por song ba na// mi yo'i ngos nas chu ser dbyung // mig slems lcibs ngag nas dbyung // mtshul pa 'gags na sna bshal bya// tsha ba gsum dang tshad de drang // gre ba 'gags na glo rtsa gseng // ka ra rgun 'bru shing mngar btags// 'byung ba 'khrug pa'i nad dang dug/ gso ba'i sbyor ba 'di dag gis// chu ser nad rnams 'joms par byed// 'phags pa 'jam dpal gshin rje'i rgyal po'i sdig pa stobs chen gsang ba'i rgyud las/ 'tsho byed sman gyi le'u ste bco brgyad pa'o// // de nas rdo rje snying pos bcom ldan 'das la 'di skad ces gsol to// dregs pa 'joms pa'i bcom ldan 'das// bstod dang gsol btab gnad bskul zhing // mchod pa bstab tshul bshad par mdzod// ces gsol pas/ de nas bcom ldan 'das dregs pa 'dul bas lha rnams la bstod cing thugs dam gnad nas skul ba 'di gsungs so// chos kyi dbyings kyi pho brang nas// drag po e yi gzhal yas nas// klu 'bum gnyen khri sa bdag stong gi gdan// phyogs skyong ma he brdzis pa'i khri// thabs dang shes rab nyi zla'i gdan steng na// dug lnga brkam chags 'joms pa'i lha// sangs rgyas thams cad 'dus pa'i ngo bo nyid// ye shes rngam pa'i rgyal po zil gnon sku// dbu gsum phyag drug zhabs bzhir bgrad// g.yas dkar g.yon dmar dbus mthing rngadzam// g.yas dkar klu rgyal zas su za// g.yon dmar klu 'bum gnyen khri gsol// dbus ni mthing la rngam pa yis// sku dgrar bsngos pa'i dam nyams dang // sa bdag sde brgyad lha srin gyi// dbang po lnga dang tsit+ta gsol// phyag drug mtshon cha 'bar ba yis// zhe sdang klu gnyan sa bdag dang // dgra bgegs mgo lus tshal par gshag/ dbu la bdud dang srin po dang // btsan dang mu stegs rgyal po yi// thod pa'i phreng bas rgyan du byas// klu chen brgyad kyi mgo bcad nas// do shal snying dang phreng bas brgyan// rgyal rigs snyan gyi grong khyer brgyan// rje rigs mgur chu tshangs skud brgyan// bram ze'i rigs kyis phyag gdub dang // dmangs rigs zhabs gdub lhu tshigs brgyan// rigs ngan gdol pa zhabs 'og bting // ba su rigs drug zas su za// mche ba dgu khri rtsang phur gtams// spyan nas 'jigs pa'i me 'bar zhing // shangs nas rlung nag 'tshubs ma ldang // dbu skra sma ra ba spu las// gdug rtsub dmar nag me chen 'bar// sku dgrar bsngo ba'i dam nyams dang // gdug pa'i sa bdag klu gnyen bsreg/ gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms/ sbyin theg byed na gdug rtsub me yi zhal du stob// sdang ba'i dgra dang gnod pa'i bgegs// mchod par 'bul lo kha ram kha hi// zhes sbyar// g.yon gyi phyogs na yum chen mo// ma gcig rdo rje khros ma ste// sku mdog mthing nag 'bar ba la// gdug pa'i ral pa mun ltar gtibs// ral ba'i zar bu re re la// gser g.yu me tog rgyan cha 'phyangs// gdol pa'i klu dang thod pa yis// dbu dang phyag zhabs lhalU tshigs brgyan// zhal nas mi ro rta ro 'brul// spyan nas khrag 'dzag zu lu lu// shangs nas rlung nag 'tshubs ma ldang // g.yas pa dgra snying phyung 'khyud la// g.yon pa snying khrag gtso la stob// drag tu bskul zhing rbad tsam na// ma tshogs 'bum yang gzir zhing sngangs// ma mo'i sbyin thang dgra la 'bebs// gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// zil gnon thugs kyi dkyil 'khor nas// 'byung ba sa yi dngas ma las// rdo rje rigs kyi khro bo ste// 'jigs byed ya ma rA tsa ni// sku mdog smug nag 'bar ba la// rngam zhing dregs pas dgra bgegs 'dul// rna ba'i grong khyer sbrul gyis brgyan// tshangs pa'i mgo bcad do shal byas// g.yas pa 'khor lo rtsibs bcu yis// dgra bgegs mgo lus tshal par gshog/ g.yon na tsit+ta dmar po bsnams// 'gal byed tsit+ta khong nas 'byin// drag tu bskul zhing rbad tsam na// bdud dang srin po'i don snying 'byin// btsan dang 'gong po srog bdag 'joms// dug lnga'i gdug pa khros pa yi// sa bdag klu gnyen gzir zhing bsreg/ gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// ya ma rA tsa'i thugs kyi dkyil 'khor nas// 'byung ba me yi dngas ma las// rin chen rigs kyi khro bo ste// dregs pa phyag na rdo rje'i sku// sku mdog ljang nag 'bar ba yis// phrin las sna tshogs mdzad pa'i rtags// zhal gcig rngam zhing gtsigs pa yi// dregs pa can dang lha srin rnams// srog dang phral nas zas su za// tshems dang mche ba gtsigs pa yis// gdug pa'i klu gnyen zhal du gsol// g.yas pa rdo rje rtse dgu yis// ye shes dgu ldan nyon mongs 'joms// g.yon na tsit+ta'i phreng ba yis// dbang chen dregs pa bran du 'khol// zhabs gnyis gyad kyi dor thabs kyis// gdug pa'i dgra bgegs zil gyis gnon// dbu dang phyag zhabs lha tshigs rnams// sbrul dang rin po che yis brgyan// gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// dregs pa thugs kyi dkyil 'khor nas// 'byung ba rlung gi dngas ma las// las kyi rigs kyi khro bo ste// rus sbal rngam pa'i mi zan ni// nyon mongs lnga yi rtsa ba gcod// skye ba med pa'i khams su sdud// thugs kyi gsang mdzod chen po ru// lha srin ming gi snying po 'chang // dmigs pa'i dam nyams dgra bgegs kun// lcags sder 'bar ba'i stobs kyis khug/ spyan mig nyi ma'i 'od kyis bsreg/ rtsa bzhi dngas ma'i stobs kyis non// dmod pa drag po'i chang pas chod// mchod rten drug gi stobs kyis non// gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// spyi gtsug gdug pa 'dul byed pa// 'byung ba chu yi dngas ma las// pad+ma rigs kyi khro bo ste// bya khyung rgyal po mthu bo che// 'khor lo 'bar ba'i gshog pa la// ral gri mtshon cha spu gris gtams// mtshon cha'i gshog pa brdabs pa yis// gdug byed ma lus gshog cing gtub// spyan mig nyi ma'i gzigs stangs kyis// bag chags rgya mtsho gting nas skems// rdo rje 'bar ba'i mchu dpal gyis// gdug pa'i klu rgyal spyi nas 'dren// gru gsum gdangs pa'i zhal bgrad pas// gdug pa'i klu rgyal khong du gsol// gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// yang sbrul dug gi khyung chen gnyis// spu dang gshog pa mtshon cha me// klu bdud klu srin bsreg par mdzad// stag dang seng ge rngam pa yis// nyams pa'i sha khrag srog la rol// zhe sdang gdug pa'i sbrul nag gi/ kha nas me 'bar stong khams bsreg/ dgra bo'i khang pa rming nas bshig/ dug sbrul rlangs pa dgra la gtong // dgra bo'i khong du dug mda' rgyob// gang la bya ba khyod shes kyis// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho skoms// shar lho nub byang phyogs bzhi nas// bla 'gugs mon pa chen po bzhis// dam nyams dgra bgegs bla khug cig/ mon mo 'jigs byed bzhi dag dang // bdud pho bzhi dang bdud mo bzhi// sdang ba'i dgra bgegs bla khug la// mngon spyod tshul bzhin bsgral bar mdzod// rgya mtsho chen po'i gting rum na// 'chi bdag bye ba dgu khri bzhugs// las kyi mtha' sdud khyod yin pas// nyams pa'i dgra bgegs myur du sgrol// 'byung bzhi nam gyi 'og shed na// sgo med lcags mkhar bcu bdun dbus// thod mkhar 'jigs pa'i pho brang nas// gshin rje tshe bdag nag po bzhugs// las kyi mtha' sdud khyod yin pas// dmigs pa gang yin myur du sgrol// zhe sdang dregs pa'i sbyor ba choms// lus srog dbang po dngas snyigs phye// rtsa rgyus khrag dang bla mtsho snyoms// zhes gsungs so// 'phags pa 'jam dpal gshin rje gshed po'i rgyal po sdig pa stobs chen gyi rgyud las/ thugs dam bskul ba dang bstod pa'i le'u ste bcu dgu pa'o// // de nas rdo rje snying pos bcom ldan 'das la 'di skad ces gsol to// kye ho phrin las rdzogs pa yi// rdo rje 'chang chen rgyal po che// stobs chen gyad gnon rgyal po khyed// gdug pa gsum po log gnon dang // yan lag sbyor ba rgyas par shod// ces gsol pas/ de nas bcom ldan 'das kyis/ dri ba'i don rgyas par bshad do// sngags kyi nus pa stobs med na// dam tshig bshags pa ting 'dzin bsar// mtshon cha rno ba ngar dbyung zhing // dmigs pa myur du mchod na// sngags kyi so btags spu gri bsnol// shi sa bstan dang rno la myur// bsgrub dang rkyang pa shes pas brdeg/ sngags zlos cis kyang mi thub na// sbyar ba'i 'khrul 'khor bzlog cing dkrug/ rgya shog rgyu las dme khrag byug/ 'khrul 'khor dug dang khrag sbyar bris// cha lugs bzlog cing ting 'dzin gsal// bshig ching sdud pas rten la 'dug/ thun brdeg phur gdab zhag gsum bsngags// bsgom dang sngags bzlas phrin las bcol// de nas bcom ldan 'das kyis/ sngags kyi rgyal po 'khor lo bzlog cing dkrug pa 'di gsungs so// e myags ya rngubs/ mug shag dun/ sa nA ga trig/ phu dza thums hur/ du me tsa tri nA ga'i srog la breng breng rtsa la dun dun/ kham shag sbur nan rbad/ sa nA ga ro myags tsit+ta rbad/ mug ti srog la rbad/ khram shig dug phyung rbad// dbugs la thang gzer tsi tri ya ma rbad// thun rbad srog la b+h+yo// phrin las rdzogs nas dur khrod dam// bka' rten byin can 'og tu mnan// ya bag sha ya ha la dug/ bya ba kun 'grub brlag par 'gyur// stobs med byas na rang 'chi bas// rtsa ma ha ri zhes byar bshad// gzhan yang lo tog gzhom bya na// bam chen mi yi thod pa ru// dgra bo'i yul dbyibs zhing sa brub// sngo dang rtsi shing rdzing yur dang // ser srung yul lha bcas pa gzhug/ mno la khrag dug dang nyungs dkar brab// tha ma dgra yi yul dbus gzhug/ gang zhig dmigs pa'i lo 'bras brlag/ gal te phebs par ma gyur na// sa bdag snying la phur bas gdab// dud bdug rdzas bsreg drag rtsal bya// 'jig rten brlag par yang dag bshad// de yi gsang sngags 'di dag go/ e dun ka yaM rA hu la trig nan/ phreM phreM hril hril shar shar phob phob/ ma ra tsa sha trig nan/ phreM phro rag mo phob/ ting rmugs khrag la rag sha dum/ ya ma nA ga gzir nan/ drag tu phro phro shar shar dril nan phob/ 'bras bu lo tog 'joms par bshad// gzhan yang yul khams srung byed na// nyungs kar glang ru thal chen gtor// zil gnon bya khyung gshog pa mes// sprin rnams shing gi phung po bsreg/ sder mo mchu yi dregs pa bcom// e dun ka yaM/ sarba sha truM stam b+ha ya nan hUM phaT/ pa tsi tong pa sho sha ya/ mo ha b+ha ta ya hUM phaT/ 'bras bu yul khams bsrung bar bshad// gzhan yang ltas ngan las byed na// sbyang ki sreg pa ri bong dang // mon pa'i tsit+ta dbang po lnga// gzugs la sngags sgor 'bru gsum la// sngags bzlas gza' skar 'dzom pa la// dgra bo'i gnas la tshud pa na// ltas ngan sna tshogs 'bab par 'gyur// e dun ka yaM/ ag chos khong dril chum rbad myag du ling has phob// ag mo ka ti khug chug khu bo hi btson phob khu le phob du ling has phob/ ti khron khug chug myos ti a i du ling has phob/ mus khu ldi mug khor bu myags/ du ling has phob 'ub thub du ling has phob// ltas ngan sbyor ba rdzogs pa ni// rang rang sngags dang rdzas kyis 'grub// ltas ngan sprul pa'i sbyor bar bshad// 'phags pa 'jam dpal gshin rje'i rgyal po zla gsang nag po sdig pa stobs chen gyi rgyud las/ yan lag gi sbyor ba bstan pa'i le'u ste nyi shu pa'o// // de nas yang rdo rje snying pos gsol pa/ e ma sangs rgyas 'dus pa'i sku// che ba rang byung rgyal po khyod// stobs chen gyad gnon bka' yi rgyud// drag po mngon du phyung ba 'di// dang po gang nas ji ltar byung // rgyud don bstan pa ji ltar lags// yongs su rdzogs dang gtad pa gang // zhes gsol pas bcom ldan 'das kyis dri ba'i don rgyas par bshad do// dregs pa 'joms pa rdo rje'i bdag/ longs spyod 'khor gyi sangs rgyas dang // byang sems sprul pa'i rig pa 'dzin// lha dang mkha' 'gro rnal 'byor ma// bdud dang srin po sha za'i tshogs// nyi zla dbang phyug dkor srung gza'// smyo byed byad stems gnod sbyin klu// gshin rje gshed kyi dge 'dun kun// nga yi bka' rgyud rol pa 'di// rnam rtog mtshan ma rang grol ba'i// rdo rje bde ba chen po 'di// chos nyid skye ba med dbyings nas// bstan pa'i snying po nges pa'i don// stong phrag bdun dang brgya phrag brgyad// thabs dang shes rab snying po'i bka'// sgyu 'phrul dra ba mngon rdzogs pa// snying po nye ba 'gro ba'i lam// gsang ba nges pa'i bka' rgyud phyung // stobs chen lhun grub zil gyis gnon// chos sku lhug par rang gsal ba// yang dag dgongs pa gnyis med grol// 'brel pa bzhi yi don nyid rdzogs// chos dang chos can chos nyid gcig/ rnam shes gzung 'dzin rang snang shugs// lha spyod man ngag thabs cig dang // 'khor 'das snang srid don dam gcig/ bde dang sdug bsngal rgyu 'bras 'das// rang bzhin bdag nyid chen por rdzogs// so ma lhag par rdzogs sangs rgyas// ma skyes skye med gnas las 'das// skye 'jig 'gag pa stong dpag med// bde ba'i ye shes ro gcig mnyam// e ma mi 'gyur stobs ldan gdeng // bgrod thabs shI la ldan pas long // seng ge'i rgyal po bkur bar bya// nor bu'i phreng ba bar mi gcad// gnas dang grogs po yid 'ong bsten// dgon pa'i gnas su mi g.yel bya// gsang sngags nus pa 'byung bar bshad// tshe gsum rus dang myos pa yang // drod dang dbang po rang nyams brtags// e ma bka' rgyud rol pa 'di// lag na rdo rje khro bo'i rgyal// sna tshogs gzhan dang mkha' 'gro'i tshogs// gshin rje gshed kyi dge 'dun kun// snying po don gyi bka' rgyud gtad// 'di la 'jig rten dngos grub mchog/ ma lus 'dus pa'i stobs dpag med// 'di la yun gyi don ldan pas// che bas che ba'i yon tan rdzogs// snying po 'di las gzhan med pas// snying po don gyi rgyud du bshad// ces gsungs so// de nas 'khor mang po dga' mgu yid rang ste/ bcom ldan 'das la mngon par bstod pa/ e ma sangs rgyas thams cad 'dus pa'i sku// bde chen dang las thabs kyi bye brag 'char// gnyis med 'bras bus khams gsum rgyas btab nas// mi 'gyur lhun gyis grub pa'i sku la 'dud// e ma mi rtog dbyings las rdzogs pa'i sku// phyag rgya zil gnon dregs pa 'joms pa'i sku// dbang sdud gtum rngam chen po'i sku la 'dud// skye med dbyings las thugs rjes don mdzad pa// dug gsum nad sel sman gyi rgyal po ste// bdud rtsi'i rgyal po khyed la phyag 'tshal 'dud// ces bstod do// 'phags pa 'jam dpal gshin rje'i rgyal po zla gsang nag po sdig pa stobs chen gyi gsang ba'i rgyud las/ rgyud gtad cing rjes su yi rang ba'i le'u ste nyi shu rtsa gcig pa'o// // 'phags pa 'jam dpal gshin rje zla gsang nag po'i rgyud mchog tu gsang ba sdig pa stobs chen zhes bya ba lha'i yul du grags pa rdzogs so// // sngags dang / mtshon cha dang / bka'i bdag po gsum gyis phyag rgyas btab po// rgya rgya rgya/ rab tu gsang ba'i rgyud 'bras bu rdzogs pa zhes bya ba/ seng+ga la'i lho phyogs gyad kyi yul du dbang bskur ba'i slob dpon 'jam dpal bshes gnyen gyis/ u rgyan dpal rang byung gi mchod rten d+harmA tsakra chos kyi 'byung gnas nas/ mkha' 'gro ma la zhus pa rim par brgyud pa/ bal yul gyi slob dpon ba su d+ha ra dang / ban chung rdo rje khri gtsug gis bsgyur ba rdzogs so// //