Wylie

e-texts produced with BDRC’s OCR application

རྒྱ་གར་སྐད་དུ། ཨཱརྱ་མཉྫུ་ཤྲཱི་ཡ་མ་རཱ་ཛ་བྲྀ་ཤྩི་ཀ་མ་ཧཱ་བ་ལ་གུ་ཧྱ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད། བཅོམ་ལྡན་འདས་དཔལ ་གཤིན་རྗེ་གཤེད་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་རང་བཞིན་ཡོངས་སུ་བཀོད་པའི་སྙིང་པོ་མཁའ་དབྱིངས་རྣམ་པར ་དག་པའི་ཀློང་། རྒྱ་ཡོངས་སུ་མ་ཆད་པ། རང་བཞིན་ལྷུན་གྱིས་གྲུབ་པའི་གཞལ་ཡས་ཁང་ན། རྡོ་རྗེ་སྙིང་པོ་དྲེགས་པ་འཇོམས་པ་ཉིད་དང་། དུས་གསུམ་གཅིག་པའི་སངས་རྒྱས་རྣམས་དང་། མ་སྐྱེས་ལམ་ལ་འདུན ་པ་རྣམས་དང་། ས་ལ་གནས་པའི་སེམས་དཔའ་རྣམས་དང་། རྡོ་རྗེ་ཁྲོ་བོ་དྲེགས་པ་རྣམས་དང་། ཁྲམ་ཐོགས་ཀྱི་བདུད་ཕོ་མོ་དང་། གྲི་ཐོགས་ཀྱི་གིང་དང་། ཟོར་ཐོགས་ཀྱི་མ་མོ་དང་།། འཇིག་རྟེན་གྱི་དྲེགས་པ ་ཅན་རྣམས་དང་། ཕུང་བྱེད་མངག་པའི་ཚོགས་བསམ་གྱིས་མི་ཁྱབ་པ་དང་། ཀླུ་དང་གཉེན་དང་ས་བདག་ལ་སྩོགས་པས་ཡོངས་སུ་བསྐོར་ཏེ་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན ་པོ་སངས་རྒྱས་ཐམས་ཅད་ཀྱི་རང་བཞིན། ཆོས་ཉིད་མཉམ་པ་ཆེན་པོ་ཅིའི་ངོ་བོར་ཡང་མ་གྲུབ་པ་ཞེས་བྱ་བར་ལྷུན་གྱིས་གྲུབ་པར་ཀུན་ལ་ཁྱབ་པར་མཛད་དོ།། དེས་འཁོར་རྣམས་སེམས་འདྲོགས་པར་གཟིགས་ནས ་འཁོར་རྣམས་ལ་རང་བཞིན་འདི་བསྟན་ཏོ།། ཨེ་མ་ངོ་མཚར་རྨད་ཀྱི་ཆོས།། མ་སྐྱེས་ཡེ་ནས་གཉིས་སུ་མེད།། རྒྱུ་དང་རྐྱེན་མེད་རང་བྱུང་བ།། དེ་ལས་ཀུན་འབྱུང་ཐབས་བསམ་ཡས།། ཐམས་ཅད་ང་ཡི་རང་བཞིན ་ལས།། མ་གཡོས་མི་གཡོ་ཅིར་ཡང་གསལ།། སྙིང་པོ་ཉིད་ལ་གཡོ་བ་ཉིད།། ཅེས་གསུངས་པས། འཁོར་རྣམས་ཀྱིས་རང་རང་གིས་དེ་ཁོ་ན་ཉིད་སོ་སོ་མ་ཡིན་པ་མཐོང་བར་གྱུར་ཏོ།། དེ་ནས་རྡོ་རྗེ་སྙིང་པོ་དྲེགས་པ ་འཇོམས་པ་དེས་བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདི་སྐད་ཅེས་གསོལ་ཏོ།། ཀུན་གྱི་རང་བཞིན་རྡོ་རྗེ་ཉིད།། དུས་གསུམ་སངས་རྒྱས་ཀུན་གྱི་དངོས།། གསང་སྔགས་ཀུན་གྱི་ངོ་བོ་ཉིད།། ཆེ་བའི་ཡོན་ཏན ་རྒྱས་པར་མཛོད།། ཅེས་གསོལ་པས། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་གཉིས་སུ་མེད་པའི་བདག་ཉིད་ཆེན་པོ་ལ་སྤྲུལ་པ་སྣང་བའི་ཚུལ་འོད་ཟེར་བྱེ་བ་ས་ཡ་ཕྱོགས་བཅུར་བཀྱེའོ།། འོད་ཟེར་དེ་དག ་གིས་ཞིང་ཁམས་ཐམས་ཅད་དུ་ཁྱབ་པར་མཛད་ནས་སངས་རྒྱས་ཐམས་ཅད་ཀྱི་དགོངས་པ་བརྒྱུད་དེ། སངས་རྒྱས་ཐམས་ཅད་ཀྱི་རང་བཞིན། ཆོས་ཐམས་ཅད་ཀྱི་རྩ་བ། རྡོ་རྗེ་འཆང་ཆེན་པོ་ཉིད་དུ་མཛད་དེ། རྩོལ ་བ་དང་བྲལ་བའི་ལམ་མངོན་དུ་གྱུར་པར་གསུངས་སོ།། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། སངས་རྒྱས་ཀུན་གྱི་རང་བཞིན་དངོས།། ལྷུན་གྱིས་གྲུབ་པའི་ཡེ་ཤེས་ཁྱོད།། མི་རྟོག་དབྱིངས་ལས་སྐུ ་བཞེངས་ལ།། འཁོར་གྱི་ཚོགས་རྣམས་དབང་སྡུས་ཤིག། ཅེས་གསོལ་པས། དེ་ནས་བཅོམ་ལྡན་འདས་ཀྱིས་ཟིལ་གྱིས་གནོན་པའི་ཁྲོ་བོ་འབར་བ་ཞེས་བྱ་བའི་དགོངས་པ་ལ་བཞུགས་ཏེ། འབྱུང་བ་ལྔ ་ཡེ་ནས་ལྷུན་གྱིས་གྲུབ་པའི་གཞལ་ཡས་ཁང་། མཐའ་དབུས་མེད་པའི་ཕོ་བྲང་། འབྲས་བུའི་ལམ་ཐམས་ཅད་ཀྱི་སྙིང་པོར་རིག་པ་སྙིང་པོས་ཟིན་པའི་ཐབས་ཆེན་པོ་བགྲོད་དུ་མེད་པའི་ལམ་ཁྱད་པར་ཅན། སྟོབས་ཀྱི ་སྟོབས་ལས་ཁྱད་པར་དུ་འཕགས་པ། རྨད་དུ་བྱུང་བའི་སྟོབས་དང་། ངེས་པའི་སྦྱོར་བ་དུ་མ་རོལ་པར་འཆར་བ། རབ་ཏུ་ཁྲོས་པའི་ཚུལ་འཆང་བས་འཇིག་རྟེན་གྱི་ཁམས་གང་བར་མཛད་པ། ཐབས་ཀྱི་ངེས་པར་སྦྱར ་བའི་སྟོབས་ཀྱིས་ལས་ཐམས་ཅད་གཏན་ལ་ཕབ་སྟེ། ལས་མ་ཡིན་པ་ལས་སྤྱོད་པ་ཐམས་ཅད་ཀྱི་སྲོག་དང་། ལས་དང་ནུས་པ་ཐམས་ཅད་གནད་ལ་བོར་ཏེ་སྲོག་དབང་དུ་བསྡུས་སོ།། དེས་འཇིག་རྟེན་གསུམ་པོ་རབ ་ཏུ་གཡོས་སོ།། ལྡེག་གོ་རབ་ཏུ་ལྡེག་གོ།། འུར་རོ་རབ་ཏུ་འུར་ཀུན་ཏུ་འུར་རོ།། ཆེམ་ཆེམ་མོ།། འཇིག་རྟེན་གསུམ་པོ་འཇིག་ལ་ཁད་དོ།། འཁོར་ཐམས་ཅད་བརྒྱལ་ཏེ་དབང་པོ་ཉམས་སོ།། དེ་ནས་བཅོམ་ལྡན་ཀྱིས ་སྟོབས་ཀྱི་སྟོབས་ཁྱད་པར་ཅན་དུ་གྱུར་ནས་སྲོག་གི་དངས་མ་གསལ་བར་མཛད་དེ། དེ་མ་ཐག་ཏུ་འཁོར་རྣམས་མྱོས་ཤིང་དྲན་པ་ཉམས་པ་ལས་ལོག་སྟེ། ཤིན་ཏུ་བྲེད་ཅིང་མི་བཟོད་པ་ཆེན་པོར་གྱུར་ནས། རང་རང ་གི་སྲོག་གི་སྙིང་པོ་ཐམས་ཅད་དངོས་སུ་ཕུལ་ལོ།། དེ་ནས་བཅོམ་ལྡན་འདས་ཀྱིས་རྔམ་པའི་སྒྲ་ཆེན་པོ་བཏོན་ཏེ།། སྲོག་དང་ལས་ཐམས་ཅད་ཡི་གེ་གཉིས་ལ་བསྡུས་ཏེ། རང་རང་གི་སྲོག་གི་སྙིང་པོ་ཐམས་ཅད་ནུས ་པའི་མཐུ་ཅན་དུ་བྱིན་གྱིས་བརླབས་ཏེ། དཀྱིལ་འཁོར་ཆེན་པོ་ཡོངས་སུ་རྫོགས་པར་མཛད་ནས་དྲེགས་པ་དེ་དག་ཀུན་ཀྱང་གཤིན་རྗེ་གཤེད་ཀྱི་དགེ་འདུན་དུ་གྱུར་ཏོ།། འཕགས་པ་འཇམ་དཔལ་གཤིན་རྗེའི་རྒྱལ་པོ ་སྡིག་པ་སྟོབས་ཆེན་གསང་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་མཐུ་སྟོབས་ཀྱི་བདག་པོ་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཧོ་མི་ཤིགས་རྡོ་རྗེའི་སྐུ།། ཟིལ ་གྱིས་གནོན་པའི་ཡེ་ཤེས་ཁྱོད།། འཁོར་གྱི་དྲེགས་པ་དབང་བསྡུས་ནས།། དཀྱིལ་འཁོར་ཆེན་པོར་ལྷུན་རྫོགས་པའི།། དྲག་པོའི་སྔགས་རྒོད་འཇུག་ཚུལ་གང་།། ཕྱག་རྒྱ་ཟིལ་གནོན་ཇི་ལྟ་བུ།། དྲག་སྔགས་མཚོན་ཆ་ཇི ་ལྟར་ལགས།། དེ་བཞིན་དཀྱིལ་འཁོར་དབང་དང་ནི།། དམ་ཚིག་ཕྲིན་ལས་རྫོགས་མཛད་པའི།། སྟོབས་ཆེན་བཀའ་རྒྱུད་ཇི་ལྟ་བུ།། ཡེ་ཤེས་ཆེན་པོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན ་འདས་རྡོ་རྗེ་འཆང་ཆེན་པོ་དེས་དྲག་སྔགས་ཡོངས་སུ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་ཚིག་སྔགས་ཀྱི་སྦྱོར་བ་འདི་རྒྱས་པར་གསུངས་སོ།། དྲག་པོའི་སྔགས་རྒོད་དམོད་པ་དག། རྒྱུ་དང་རྐྱེན ་ལ་རག་མ་ལུས།། བསྙེན་བསྒྲུབ་བྱེད་གོལ་མཐར་མ་ལྷུང་།། རེ་དོགས་བྲོད་པའི་གཡང་ས་མེད།། རྫས་དང་སྦྱོར་བའི་འཕྲོ་འདུ་བྲལ།། མཆོད་དང་རྫས་ལ་རྟེན་མི་འཆའ།། ཆགས་སྡང་རྒྱུ་རྐྱེན་དབྱེར ་མེད་འཇོམས།། ས་དང་ལམ་ལ་བགྲོད་པ་མེད།། དེ་བཞིན་ལྷ་ཡི་ངོ་བོ་ནི།། ཏིང་འཛིན་གྲིམས་པའི་ཕྲིན་ལས་མིན།། གཞི་རྩ་མེད་པའི་ཡེ་ཤེས་ཏེ།། རྒྱུ་དང་རྐྱེན་ལ་རག་མ་ལས།། སྨིན་དང་མ་སྨིན་ཉེ་རིང ་མེད།། ཕྱག་རྒྱ་གསལ་བས་ལྷུན་གྱིས་གྲུབ།། ཕྱག་རྒྱ་རྫོགས་པས་ཞིང་ཁམས་རྫོགས།། ཕྱག་རྒྱ་གྲོལ་བས་ངང་དུ་ཐིམ།། ཆེ་བ་རང་བྱུང་རྒྱལ་པོ་སྟེ།། ཟིལ་གྱིས་གནོན་པའི་ཡེ་ཤེས་ཡིན།། དྲག་པོ་སྔགས་ཀྱི་མཚོན་ཆ ་ནི།། བརྡུང་དང་ངར་འཐར་མ་ཡིན་ཏེ།། མཁས་པས་བྱ་བ་ཐམས་ཅད་བཞིན།། རྒོལ་བ་ཐམས་ཅད་མི་འཇིགས་གཅོད།། དེ་བཞིན་དྲག་སྔགས་གསང་བ་འདི།། བདེ་གཤེགས་ཐམས་ཅད་བཀའ་འདུས ་ནས།། སངས་རྒྱས་ཀུན་གྱི་ཐུགས་རྒྱུད་དེ།། རྣམ་པ་ཡི་གེའི་ངོ་བོ་ལ།། སངས་རྒྱས་མཐུ་ཡི་ངར་འཐར་བཅུག། སྟོབས་དང་ནུས་པ་ཀུན་འདུས་པས།། མཁྱེན་པ་ཉིད་ཀྱང་བརླགས་པར་འགྱུར།། དཀྱིལ་འཁོར་ཡོངས ་རྫོགས་ཐིག་ལེ་ཆེ།། འབྱུང་བཞི་ཡེ་ནས་རྣམ་དག་ཀློང་།། ལྷུན་གྱིས་གྲུབ་པའི་གཞལ་མེད་ཁང་།། རྟོག་ཚོགས་ལྷ་ཡི་དཀྱིལ་འཁོར་རྫོགས།། མ་ལུས་འདུས་པས་ཐིག་ལེ་ཆེ།། སྣང་སྲིད་དབང་གི་དཀྱིལ་འཁོར ་དུ།། མ་བསྐུར་བསྐུར་མེད་ཡེ་ནས་བསྐུར།། སྐྱེས་བུ་རིག་པའི་རྩལ་ལྡན་ལ།། དབང་མཆོག་ཆེན་པོ་རྒྱུན་ཏུ་གནས།། དཀའ་ཐུབ་དམ་ཚིག་སྡོམ་པའི་དོན།། ཆོས་རྣམས་མ་ལུས་ཀུན་གྱི་གཞི།། ངོ་བོ་ཆོས་སྐུ་བྱང་ཆུབ ་སེམས།། འཁོར་འདས་ལྷུན་གྲུབ་དང་རྫོགས་ལ།། དམ་ཚིག་ཆེན་པོ་དེ་ཉིད་གསུང་།། ཕྲིན་ལས་མ་བཙལ་རོལ་པའི་རྒྱན།། སྒྱུ་མ་ལྷུན་གྲུབ་རོལ་པར་ཤར།། དུས་གསུམ་རྒྱལ་བའི་བྱིན་བརླབས་སྟོབས།། མ་ལུས ་འདུས་པ་རྡོ་རྗེའི་བཀའ།། གཞི་དང་ལམ་དང་འབྲས་བུའི་རྒྱུད།། ལྷ་སྤྱོད་དཀྱིལ་འཁོར་དམ་ཚིག་དབང་།། ལས་རིམ་བསྒྲུབ་པ་གསང་སྔགས་དང་།། ངོ་བོ་འབྲེལ་བཅས་རྒྱུ་དང་རྐྱེན།། རང་བཞིན་གནས་དང་མངོན ་བྱེད་པ།། གསང་སྔགས་རྒྱུད་ཀྱི་ངེས་པ་བཤད།། ཅེས་གསུངས་སོ།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད་ལས། གསང་ཚིག་སྔགས་ཀྱི་སྦྱོར་བ་བསྟན་པའི་ལེའུ་སྟེ ་གཉིས་པའོ།། །། དེ་ནས་མཐུ་སྟོབས་ཀྱི་བདག་པོ་རྡོ་རྗེ་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། རྒྱལ་བ་ཀུན་གྱི་རང་བཞིན་དངོས།། གསང་སྔགས་ངོ་བོ་དེ་ཉིད་གང་།། འཇིག་རྟེན་འཇིག་རྟེན ་འདས་པ་ཡི།། དྲེགས་པ་མཐུ་སྟོབས་ལྡན་པ་ཀུན།། བཀའ་བཞིན་ཉེ་བ་ཇི་ལྟ་བུ།། ལྷུན་གྲུབ་ཕྱག་རྒྱ་ཆེན་པོ་ཡིས།། དྲག་པོས་གདུལ་བྱ་གང་ལགས་པ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པས།། ་བཅོམ་ལྡན་འདས་ཀྱིས་དྲི་བའི་དོན་རྒྱས་པར་བཤད་དོ།། བསྐལ་པ་རྫོགས་ལྡན་བྱ་བ་ལ།། ལྷོ་ཡི་འཛམ་བུའི་གླིང་འདི་རུ།། བདེ་བའི་དབང་ཕྱུག་དེད་དཔོན་ཞེས།། རིགས་ཀྱི་བདག་པོར་གྲགས་པ ་ཞིག། གྲགས་པ་སྔགས་ཀྱི་སྒོར་ཞུགས་ནས།། བགྲོད་པ་མ་ཐོབ་དཔེ་ལས་མཚོན།། བརྡའ་དོན་མ་གྲོལ་ལྷུག་པར་སྤྱད།། རིགས་ངན་མོ་ལ་གྲོགས་སུ་སྤྱད།། ཤ་ཁྲག་ཀེང་རུས་རྣམས་ལ་རོལ།། འཇིག་རྟེན་དྲེགས་པ ་ཤ་ཁྲག་བསྟེན།། སྔགས་ཚིག་ཕྲ་མོའི་སྟོབས་དང་ལྡན།། རྟག་པའི་ཁྲོ་བོ་ཡོད་པར་བསྒོམས།། ལུས་ཆེ་ཡན་ལག་རགས་ལ་བལྟས།། དོན་གྱི་གདེང་སྟོབས་མ་རྙེད་པར།། དངོས་པོ་ལ་ནི་སྒྲ་བཞིན་སྤྱད།། གསང ་སྔགས་བཀའ་བསྒོ་ལོག་པ་ཡིས།། དུས་མ་ཡིན་པར་ཚེ་ཟད་ནས།། ན་རག་རྡོ་རྗེ་དམྱལ་བར་ལྟུང་།། བཞི་བརྒྱ་རྩ་བཞིའི་ནད་རྣམས་མྱོང་།། ཚད་མེས་མནར་ཏེ་བདེ་བས་བྲེལ།། བསྐལ་པ་བཞི་ནས་བརྒྱད་གཉིས ་འཁོར།། ཚ་གྲང་གནས་ནས་བསྐལ་པ་བཞིར།། འཁོར་ཞིང་སྡུག་བསྔལ་ཟད་པའི་མཐར།། ཉི་ཚེ་ཉེ་འཁོར་ཁ་འཁོར་ནས།། བསྐལ་པ་གཉིས་སུ་སྡུག་ཅིང་འཁྱམས།། དེ་མཐར་ཕྱི་ནང་སྒྲིབ་པའི་གནས།། སྐྱེ་བ ་གཉིས་དང་དུད་འགྲོར་གནས།། དེ་མཐར་རྫུ་འཕྲུལ་ལུས་བླངས་ཏེ།། གཤིན་ཡུལ་འཇིགས་ཤིང་སྐྱི་གཡའ་བའི།། ལྕགས་མཁར་བཅུ་དྲུག་བཅུ་གཉིས་འོབས།། ཐོད་མཁར་ཆེན་པོའི་ཕོ་བྲང་དུ།། ལས་ཀྱི་གཤིན་རྗེ ་ནག་པོར་གྱུར།། བདུད་དང་མ་མོ་སྲོག་གཅོད་གིང་།། གདུག་པ་ཅན་གྱི་དེད་དཔོན་གཙོ།། ཕུང་བྱེད་ནག་པོ་ཚེ་སྲོག་བདག། ལུས་ཆེ་ཡན་ལག་རགས་ལ་རྔམ།། སྐྲ་དང་བ་སྤུ་ཨག་ཚོམ་རྩུབ།། མགོ་དང་སྙིང་གི་ཕྲེང ་བས་བརྒྱན།། ཀོ་རློན་ཞིང་ལྤགས་གོས་སུ་གྱོན།། མཚོན་ཆ་མེ་རླུང་དུག་དཔལ་འཕྲོ།། མྱུར་དུ་གསོད་ཅིང་ཤ་རློན་ཟ།། མངལ་དུ་འཚུབས་ཤིང་རཀྟར་འཛག། ཐོད་རུས་འབྲུ་མར་འཁྲུག་ཅིང་འཐུང་།། དེད་དཔོན་བཞི ་ཡི་འཁོར་ལ་རྦོད།། ཆགས་པའི་རྒྱ་མཚོས་མྱོས་པར་བྱེད།། ཆགས་པའི་མེ་དཔུང་རང་རྒྱུད་བསྲེག། དེ་ཡིས་འཇིག་རྟེན་ཕུང་བྱེད་པས།། རྒྱལ་བ་ཀུན་གྱི་ཐུགས་བརྒྱུད་ནས།། བཀའ་བགྲོས་རྫུ་འཕྲུལ་སྣ་ཚོགས ་བཀྱེ།། སྟོང་པའི་རང་བཞིན་དེ་སྟོང་བཀྱེ།། སྟོང་པས་ནག་པོའི་སྡེ་མ་སྟོངས།། སངས་རྒྱས་རྡུལ་སྙེད་ཞིང་ཁམས་འཁོད།། དེས་མ་ཐུལ་ཏེ་རིགས་གསུམ་མངགས།། ཡ་མ་བཛྲ་ཧ་ཡའི་སྐུ།། རང་རང་ལག་ཆ་འཁོར ་སྤྲུལ་ནས།། ནད་དང་མཚོན་ཆའི་ཆར་ཕབ་གཟིར།། ཤ་ཁྲག་རོ་དང་བདུད་རྩིར་གྱུར།། མ་ཐུབ་སྡེ་གསུམ་རྒྱལ་ལ་ཁད།། དེས་མ་ཐུབ་ནས་བཀའ་བགྲོས་ཏེ།། ཁྲོ་བོ་སྨེ་བ་བརྩེགས་པ་མངགས།། རྡོ་རྗེ་སྲིན་པོ་འཁོར ་དང་བཅས།། ནག་པོ་གདུག་པ་བསྒྲལ་བར་གཟས།། ཡེ་ཤེས་མེ་ཡི་སྲས་མཆོག་སྦྲུལ།། ནག་པོ་ཆེ་སྲོག་བདག་པོ་ཡི།། དཀར་ནག་ཙིཏྟའི་དཀྱིལ་དུ་གཟས།། བཏབ་པས་ཁྲོ་བོ་སྨེ་བརྩེགས་རྒྱལ།། རྡོ་རྗེ་སྲིན་པོའི ་འཁོར་བརླགས་ནས།། བདེ་གཤེགས་ཀུན་གྱི་དགོངས་པ་བསྡུས།། གསང་སྔགས་ངོ་བོ་དེ་ཁོ་ན།། དངས་མ་ཆེན་པོ་ལྔ་ཡི་དངོས།། ཡེ་ཤེས་ལྔ་ཉིད་དེ་རྟོགས་པའི།། རིགས་ལྔའི་གཙོ་བོ་སྤྱི་གཟུགས ་ཅན།། ནག་པོ་ཆ་མཐུན་བརྗིད་པའི་སྐུ།། ཟིལ་གནོན་ཕྱག་རྒྱ་ཆེན་པོ་ཉིད།། སྟོང་ཉིད་མ་སྐྱེས་འགག་མེད་པའི།། ལྷུན་གྲུབ་ཡེ་ཤེས་ཐམས་ཅད་མཁྱེན།། ལྷུན་པོ་རི་རབ་ལྟ་བུར་བརྗིད།། རྣམ་ཐར་དབུ་གསུམ་སྐུ ་གསུང་ཐུགས།། རྒྱུད་དྲུག་འཁོར་བ་སྒྲོལ་བའི་རྟགས།། ཕ་རོལ་ཕྱིན་ཕྱག་ཡེ་ཤེས་དྲུག། སྐྱེ་བ་རྣམ་བཞི་དག་པའི་རྟགས།། ཚད་མེད་ཞབས་བཞི་རྫུ་འཕྲུལ་བཞི།། སྲ་བྱེད་བརྟན་པས་ཐམས་ཅད་གནོན།། གཉེན་བྱེད ་སྐྱོམ་ཞིང་སྡུད་པའི་དབང་།། གསལ་བྱེད་ཁྲག་ཆུ་བག་ཆགས་བསྲེག། ཡཾ་གྱིས་རྐྱེན་མེད་རང་ཤུགས་ལྡང་།། སྣང་བྱེད་གོ་འབྱེད་ཁེབས་འོག་ཆུབ།། རྒྱུ་རྐྱེན་ཐབས་ལ་རག་མ་ལུས།། བདེ་བའི་སྐུ་ཉིད་སྟོང་དཔག ་མེད།། སྟོང་ལས་ཀུན་འབྱུང་བསམ་དཔག་དཀའ།། ནག་པོ་གདུལ་ཕྱིར་སྣ་ཚོགས་སྦྲུལ།། ཡ་མ་བཛྲ་ཁྱམས་ཁང་ཁྱུང་།། དེ་བཞིན་རིགས་ལྡན་སེང་གེ་སྟག། གདུག་པ་ཡེ་ཤེས་ཁྲོ་ཆུང་འབར།། ཚུལ་དགུ་ཆས་དགུ ་རྒྱན་དགུ་དང་།། གར་དགུ་རྟགས་དགུ་རྔམ་སྒྲ་དགུ།། འཁོར་ལོ་རལ་གྲི་རྡོ་རྗེ་འཕེན།། བེ་ཅོན་གཏུན་ཤིང་སྡིགས་མཛུབ་བརྡེག། ནག་པོ་གེལ་པ་བསྒྱེལ་ཏེ་གནན།། ཕོ་ཉ་སྤྲུལ་པ་གདན་དུ་བཏིང་།། ནག་པོ་བརྒྱལ ་ཏེ་འདར་བ་དེ།། ཞལ་དུ་རྔུབས་ཏེ་སྣུམ་ནས་ཕྱུང་།། འཁོར་རྣམས་དབང་བསྡུས་མདངས་དང་ཕྲལ།། ནག་པོ་བརྒྱ་ལ་སངས་སྨྲེ་སྔགས་བཏོན།། ཨེ་མ་སངས་རྒྱས་འདུས་པའི་སྐུ།། རྫུ་འཕྲུལ་རྨད་བྱུང་ངོ་མཚར ་ཆེ།། བདག་ཅག་རྒྱལ་བའི་འཁོར་བགྱིད་པས།། སྲོག་དང་མ་ཕྲལ་བྲན་དུ་ཞོག། འཁོར་ལ་ཐུགས་རྗེ་མ་ཆུང་བར།། བཀའ་ལ་ཐོགས་ཤིག་བཀའ་བཞིན་བགྱིད།། ཅི་བཅོལ་ལས་རྣམས་བཀའ་བཞིན་ཉན།། དཀྱིལ ་འཁོར་ཆེན་པོའི་སྲུང་མ་བགྱིད།། འཁོར་གྱི་ལས་སྐལ་གང་ལ་བསྐོས།། དེ་ནས་རྡོ་རྗེ་ཁྲོས་པའི་སྐུས།། གཏུམ་ཁྲོ་མི་བཟད་འཇིགས་པའི་ཚོགས།། ང་ཡི་བསྒོ་བའི་ལས་རྣམས་ཀྱིས།། སངས་རྒྱས་བཀའ་འཁོར་བསྲུང ་ལ་སྐྱོབས།། བསྟན་པ་འཇིག་ན་དྲེགས་པས་སྒྲོལ།། རྣལ་འབྱོར་ཅན་གྱི་ཕྲིན་ལས་གྱིས།། ཞེས་གསུངས་པས། འཁོར་རྣམས་དཀྱིལ་འཁོར་ཆེན་པོའི་སྲུང་མར་གྱུར་པའོ།། འཇམ་དཔལ་གཤིན་རྗེའི་རྒྱལ་པོ་སྡིག་པ ་སྟོབས་ཆེན། གསང་བའི་རྒྱུད་ལས་རཱ་ཏྲ་བཏུལ་བའི་ལེའུ་སྟེ་གསུམ་པའོ།། །། དེ་ནས་མཐུ་སྟོབས་ཀྱི་བདག་པོ་རྡོ་རྗེ་སྙིང་པོས། བཅོམ་ལྡན་འདས་ལ་གསོལ་པ། ཀྱེ་ཧོ་སངས་རྒྱས་ཀུན་གྱི་རང་བཞིན ་དངོས།། ཡེ་ཤེས་དབྱིངས་ལས་སྤྲུལ་པ་ཡི།། ཕྲིན་ལས་རྫོགས་པའི་ཡེ་ཤེས་ཁྱོད།། ལས་རྣམས་ཀུན་གྱི་རྩ་བ་རུ།། བརྣག་པའི་རྒྱལ་པོ་གསང་བའི་རྒྱུད།། སྡིག་པ་ནག་པོ་སྟོབས་ཆེན་གྱི།། ལས་ཀྱི་རྣམ་གྲངས་ཇི་ལྟ ་བ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པས། བཅོམ་ལྡན་འདས་ཀྱིས་དྲི་བའི་དོན་བཤད་དོ།། སྙིང་པོའི་དོན་གྱི་གསང་རྒྱུད་ལ།། རྩ་བ་ཡན་ལག་གཉིས་སུ་བཤད།། རྩ་བའི་ལས་ནི ་གསུམ་དུ་བཤད།། གསད་པ་མཆོག་གི་སྦྱོར་བ་དང་།། དྲེགས་པ་སྟོབས་ཀྱིས་གཞོམ་པ་དང་།། གདུག་པ་འདུལ་བའི་ལས་སུ་གསུངས།། གསང་བ་མཆོག་གི་སྦྱོར་བ་ལ།། སྟོབས་ཅན་དང་ནི་སྟོབས་མེད་ལས།། སྲོག ་ལ་འཁོར་ལོ་བསྐོར་བ་དང་།། དྲག་པོ་ཐུན་གྱིས་གསོད་པ་དང་།། གདུག་པ་ཀླུ་ལ་གཏད་པ་ཡིས།། རྟེན་ཅན་རྟེན་མེད་ཐུན་མོང་གིས།། གསང་བའི་སྦྱོར་བ་རྫོགས་པར་བཤད།། དྲེགས་པ་སྟོབས་ཀྱིས་གཞོམ་པ ་ལ།། སྟོང་སྲོག་གཅིག་ཏུ་བསྡུ་བ་དང་།། རང་རང་གནད་ཀྱིས་གཟིར་བ་སྟེ།། དགུག་དང་སྲོག་འཕྲོག་གཟིར་དང་གསད།། མཐའ་སྡུད་ལས་རྣམས་རྫོགས་པ་སྟེ།། སྦྱོར་བ་གསུམ་གྱིས་ལས་སྦྱར་ནས།། མིས་བྱས ་མིས་མ་བྱས་རྣམས་དང་།། ནམ་མཁའ་བར་སྣང་ས་གཞིར་གནན།། སྟོབས་བཤིག་དུག་དབྱུང་ཁ་བཅིང་ཞིང་།། ཟུག་པ་དབྱུང་དང་གསང་ལམ་དགག། དེ་བཞིན་གདུག་པ་འདུལ་བ་ཡང་།། སྟོབས་ཆེན་ལྷ་དང་དྲག ་པོ་སྔགས།། རྟེན་འབྲེལ་རྫས་དང་འཚོ་བྱེད་སྨན།། ཕྲིན་ལས་སྦྱོར་ཀའི་བཅུད་ཀྱིས་གསོ།། མ་གྲུབ་སྤོགས་དང་ལོག་གནོན་གྱིས།། ལས་ཀྱི་སྦྱོར་བ་རྫོགས་པར་བཤད།། ཡན་ལག་སྦྱོར་བ་བསྟན་པ་ནི།། དབབ ་གཅད་སྤྲུལ་པའི་ལས་ཀྱིས་རེ།། རྣལ་མ་ལྟོ་བཟློག་འབྱུང་བ་དཀྲུག། དེ་ཡིས་ལས་རྣམས་འགྲུབ་པར་བྱེད།། སྟོབས་ལྡན་བགྲོད་ཐོབ་ལྷར་གསལ་བས།། རྣོ་མྱུར་སྟོབས་ཆེན་ངར་ལྡན་ཡིན།། དེ་དང་མི་ལྡན་རང་འཆིང ་བས།། ཡ་བག་ཤ་ཡི་སྦྱོར་བས་བཤད།། འཇམ་དཔལ་ཁྲོ་བོ་གཤིན་རྗེ་སྡིག་པ་སྟོབས་ཆེན་གྱི་རྒྱུད་ལས། དངོས་གཞི་སྦྱོར་བའི་དོན་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན ་འདས་ལ་གསོལ་པ། ཀྱེ་ཧོ་འབར་བའི་རྒྱལ་པོ་སྟེ།། ལྷུན་གྱིས་གྲུབ་པའི་ཡེ་ཤེས་ཁྱོད།། སྣོད་བཅུད་འབྱུང་བཞི་ལྷུན་གྲུབ་པའི།། གཞལ་མེད་ཕོ་བྲང་དམ་པ་གང་།། སྐྱེ་མེད་དོན་ཉིད་སྐྱེར་ཤར་བའི།། ཕྱག་རྒྱའི ་དཀྱིལ་འཁོར་ཇི་ལྟ་བུ།། རྟོག་ཚོགས་རྣམ་དག་འབྲས་བུ་གང་།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་འཁོར་ལ་རྒྱས་པར་བཤད་དོ།། རང་བཞིན་མི་གནས་མཉམ་ཉིད་དང་།། ལྷུན་གྲུབ་ཡེ་ཤེས་གཞལ ་མེད་ཁང་།། རིན་ཆེན་དུར་ཁྲོད་བརྟན་པར་གནས།། ཕྱི་ནང་གཉིས་མེད་གད་ལ་ཁྱབ་གསལ།། གྲུ་གསུམ་མཐིང་ནག་འབར་བའི་དབྱིངས།། ཟླ་གམ་དམར་པོ་དབང་གི་ཚུལ།། ལྷག་པའི་ཡེ་ཤེས་ཐོད་མཁར ་བཞི།། ལྕགས་འཁོར་བཅུ་གཉིས་བཅུ་དྲུག་འོབས།། རྡོ་རྗེའི་ཕྲེང་བ་གྲུ་ཆད་བཞི།། བར་ཁྱམས་དམར་པོ་སྒོ་ཁྱུད་ལྡན།། གྲུ་བཞི་སྒོ་ལ་རྟ་བབས་ལྡན།། རྩེ་མོ་གནམ་ལྕགས་འབར་བ་མཐོ།། ལྷ་བརྒྱད་ཀླུ་བརྒྱད་ཞིང ་དང་རོ།། དྲ་བ་དྲ་ཕྱེད་ཆུན་འཕྱང་སྦྲུལ།། གླང་ཆེན་འབྲུག་དང་སེང་གེ་སྟག། རུས་སྦལ་ཆུ་སྲིན་གནམ་ལྕགས་ཐོག། ཞིང་དང་ཞིང་ཆུང་ཟོད་པ་ཁྱུང་།། ཁ་ཁྱེར་ལྷ་མོས་མཛེས་པར་བྱས།། མ་བསྐྱེད ་དབྱིངས་ནས་ཡེ་ནས་གསལ།། དྲག་པོ་ཨེ་ཡི་ཕོ་བྲང་དུ།། ཀླུ་འབུམ་གཉེན་ཁྲི་ས་བདག་སྟོང་།། ཕྱོགས་སྐྱོང་མ་ཧེ་ཉི་ཟླའི་གདན།། དབུས་སུ་ཟིལ་གནོན་ལྷུན་གྲུབ་སྐུ།། མཐིང་ནག་དུག་ཆེན་ཧ་ལའི་མདོག། དབུ ་གསུམ་ཕྱག་དྲུག་ཞབས་བཞིར་བགྲད།། གཡས་པ་ཀུ་མུ་ཏ་འདྲ་བས།། རོ་ཉེ་ཟ་དང་རྔམ་པར་གཟིགས།། གཡོན་པ་རཱ་ག་གཉན་ཁྲི་གསོལ།། དབུས་མཐིང་དགྲ་བགེགས་ས་བདག་ཟ།། རྡོ་རྗེ་འཁོར་ལོ་རལ་གྲི ་གཡས།། བེ་ཅོན་གཏུན་ཤིང་སྡིགས་མཛུབ་འབར།། གླང་ཆེན་ཀོ་རློན་དུར་ཁྲོད་ཆས།། སྦྲུལ་དང་རིན་ཆེན་ཙིཏྟས་བརྒྱན།། དབུ་ལ་རིགས་ལྔ་ཁྲོ་བོའི་སྐུ།། དྲེགས་པའི་སྙིང་དང་ནཱ་གའི་མགོས།། དོ་ཤལ་ཁྲོ་བོའི་ཆས ་ཀ་རྫོགས།། དེ་བཞིན་དབྱིངས་ཉིད་ཁྲོས་པའི་སྐུ།། ཡུམ་ནི་དམིགས་མེད་ཆོས་ཀྱི་དབྱིངས།། མཐིང་ནག་སྙིང་སྟོབས་གྲི་ཐོད་འཁྱུད།། གཙོ་བོའི་ཐུགས་ཀར་ཡ་མའི་སྐུ།། ཞེ་སྡང་རྡོ་རྗེ་སྨུག་ནག་འཇིགས།། འཁོར་ལོ ་ཙིཏྟ་ཕྱག་ན་བསྣམས།། ཡ་མའི་ཐུགས་ཀར་དྲེགས་པ་ཆེ།། ང་རྒྱལ་རྡོ་རྗེ་ལྗང་ནག་རྔམ།། རྡོ་རྗེ་སྙིང་ཕྲེང་ཕྱག་ན་བསྣམས།། དྲེགས་པའི་ཐུགས་ཀར་ཁྱམས་ཁང་སྟེ།། ཕྲག་དོག་རྡོ་རྗེ་འཇིགས་པའི་སྐུ།། སྤྱི་གཙུག ་འདབ་ཆགས་ཀུ་མུ་ཏ།། འདོད་ཆགས་རྡོ་རྗེ་ཟིལ་གནོན་སྐུ།། རོ་ཉེ་འདྲེན་པའི་སྟོབས་དང་འདྲེན།། ཕྲག་གོང་ཁྱུང་མོ་སྔོ་ནག་གཉིས།། ནུ་མར་སེང་གེ་དཔུང་པར་སྟག། སྟ་ཟུར་སྦྲུལ་ནག་ཅེ་སྤྱང་རྔམ།། ཁྲོ་ཆུང་མང ་པོས་སྐུ་ལ་གཏམས།། ཐོད་ཁར་གཤེད་བཞི་ཕོ་ཉས་གང་།། བདུད་དང་མོན་པ་ཀི་ཀང་ཚོགས།། རྒྱལ་བ་གཅིག་གི་ཡེ་ཤེས་ལས།། དུ་མ་ལས་ལ་རྒྱུག་འཕྲོ་བ།། རང་ལས་བྱུང་ཞིང་འཕྲུལ་བར་སྣང་།། དོན་དམ ་གཉིས་མེད་གཅིག་ཏུ་རྫོགས།། རྟོག་ཚོགས་རྣམ་དག་རྡོ་རྗེའི་སྐུས།། སྲིད་གསུམ་ལས་དང་སྦྱོར་བ་དང་།། མ་གདོན་འབུམ་སྡེ་ཟིལ་གྱིས་གནོན།། ཞི་ཁྲོ་གཤིན་རྗེ་ཕུར་པ་དབང་།། བདུད་དང་མུ་སྟེགས་རྒྱལ་པོ ་དང་།། ཐེ་བྲང་གཉེན་དང་གནོད་སྦྱིན་བཙན།། བཀྲག་མདངས་ཚེ་སྲོག་སྡུད་པ་དང་།། མཛེ་འདྲེ་ས་སྲིན་ཀླུ་སྲིན་དང་།། གཅན་གཟན་གདུག་པ་ཁ་འཆིང་དང་།། དམོད་པའི་དུག་དང་རིགས་བཞིའི་དུག། ཐམས་ཅད ་འཇོམས་ཤིང་ཟིལ་གྱིས་གནོན།། རྩ་བཅད་ཁྲག་སྐེམས་སྲོག་ཟུངས་གཅོད།། མགོ་གཅོད་ཚེ་སྲོག་རྟེན་འབྲེལ་འཆང་།། སྲིད་པའི་རུས་པ་འཆའ་བ་དང་།། མཁྲིས་པ་འབྱིན་ཞིང་ཤ་ཁྲག་རོལ།། བླ་དང་དྲོད་དང་རླན ་དབུགས་འབྲལ།། ཤེས་པ་དངས་སྙིགས་འབྱེད་པར་བྱེད།། འབྲས་བུ་ཆོས་སྐུ་ཟུག་རྔུ་མེད།། བྱེད་རྩོལ་གཡང་སའི་ཁོ་ཐག་ཆད།། མ་བཅོས་དེ་ཉིད་གཉུག་མར་གནས།། འཁོར་བ་དོང་སྤྲུག་ཀ་དག་གླིང་།། སྣང་སྟོང ་གཉིས་མེད་ཡེ་ཤེས་སྐུ།། མི་བཟད་རྒྱན་གྱི་འཁོར་ལོར་རྫོགས།། ཞེས་གསུངས་སོ།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལས། ཕྱག་རྒྱའི་དཀྱིལ་འཁོར་རྫོགས ་པའི་ལེའུ་སྟེ་ལྔ་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། ཀྱེ་ཧོ་འབར་བའི་རྒྱལ་པོ་ཆེ།། ཆེ་བ་ལྷུན་གྲུབ་ཡེ་ཤེས་ཁྱོད།། མཚོན་ཆའི་རྒྱལ་པོ་ནོར་བུ་ཡི།། ཕྲེང་བའི་རྣམ་པ་ངོ་བོ ་གང་།། རང་བཞིན་ནུས་པ་ཇི་ལྟར་ལགས།། རྩ་བ་ཡན་ལག་བཅས་པ་ཡི།། སོ་དང་དཀྲུགས་དང་བཙུན་པ་གང་།། ཡང་དག་དཔའ་བོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་དྲག ་སྔགས་ཀྱི་ངོ་བོ་འདི་དག་བཤད་དོ།། སྐྱོབ་པའི་དོན་གྱི་གསང་སྔགས་བཤད།། རང་བཞིན་སྟོང་པ་སྤྲོས་དང་བྲལ།། སྐྱེ་བ་མེད་པའི་ཡེ་ཤེས་ཡིན།། རྣམ་པའི་གཟུགས་བརྙན་ཡི་གེ་སྟེ།། ངོ་བོ་ལྷ་ཡི་སྐུ་རུ་བཤད།། དུས ་གསུམ་རྒྱལ་བའི་བྱིན་རླབས་རྣམས།། ཡང་སྙིང་དྲིལ་བ་རྩ་བའི་སྔགས།། སྐུ་དང་གསུང་དང་ཐུགས་ཀྱི་གཏེར།། བཞི་གཅིག་བཞི་གཉིས་བཞི་གསུམ་ཡིན།། རྒྱལ་བ་ཀུན་གྱི་ངོ་བོ་ཉིད།། ཆོས་སྐུ་སྐྱེ་མེད་རྣམ་དག ་ལས།། ཐིག་ལེ་ཉག་གཅིག་སྤྲོས་བྲལ་བའི།། ཨ་ནི་མ་སྐྱེས་ཡི་གེའི་མཆོག། འགྲོ་དོན་རྫོགས་པའི་འགྲེང་བུས་བརྒྱན།། ཨེ་ཡི་ཡེ་ཤེས་ལས་བྱུང་བ།། དྲེགས་པ་དབང་བསྡུས་སྲོག་སྙིང་འདུས།། ཕྱག་རྒྱ་ཟིལ་གནོན ་སྐུ་རུ་བསྒོམ།། ཨ་ཡི་ཡེ་ཤེས་ལས་བྱུང་བས།། སྦྱོར་བ་ལས་ཀྱི་རྒྱལ་པོ་ཀུན།། སྤྲུལ་པ་ཚེ་བདག་ནག་པོར་རྫོགས།། ཡ་ཡི་ཡེ་ཤེས་ལས་བྱུང་བ།། རླུང་གི་སྟོབས་ཀྱིས་འཕེན་སྐྱེད་པ།། གཤིན་རྗེ་ཡ་མ་རཱ་ཛར ་རྫོགས།། མ་ཡི་ཡེ་ཤེས་ལས་བྱུང་བ།། བསྐྱེད་དང་སྡུད་པར་བྱེད་པས་ན།། མ་མོ་རྡོ་རྗེ་ཁྲོས་མར་རྫོགས།། ཧེ་ཡི་ཡེ་ཤེས་ལས་བྱུང་བ།། དགྱེས་པའི་གར་དགུ་གདུག་པ་འཇོམས།། བྱ་ཁྱུང་རྒྱལ་པོ་སྙིང་པོ ་རྫོགས།། དུན་གྱི་ཡེ་ཤེས་ལས་བྱུང་བ།། སྲོག་དང་དབང་པོ་ལས་བསྡུས་ནས།། ལས་ཀྱི་འཆི་བདག་ཆེན་པོ་རྫོགས།། སྙིང་གི་ཡེ་ཤེས་ལས་བྱུང་བ།། གདུག་པ་མ་ལུས་གནས་སུ་འཇོམས།། ཁྱུང་མོ་སྨུག་ནག་གཉིས ་སུ་རྫོགས།། ཁྲག་གི་ཡེ་ཤེས་ལས་བྱུང་བ།། དྲེགས་པ་འཇོམས་པའི་རྡོ་རྗེ་རྫོགས།། ར་ཡི་ཡེ་ཤེས་ལས་བྱུང་བ།། བསྲེག་ཅིང་སྐེམ་བྱེད་གནས་སུ་སྤོར།། ཞེ་སྡང་གདུག་པ་སྦྲུལ་ནག་རྫོགས།། མ་ཡི་ཡེ་ཤེས་ལས་བྱུང ་བ།། ཕོ་ཉ་ལས་ལ་མངག་པ་སྟེ།། བདུད་མོ་ཁྲག་གི་རལ་པར་རྫོགས།། ཙ་ཡི་ཡེ་ཤེས་ལས་བྱུང་བ།། སྣང་སྲིད་སྲོག་དང་བླ་བསྡུས་ནས།། རུས་སྦལ་རྔམ་པའི་སྐུ་རུ་རྫོགས།། ཡ་ཡི་ཡེ་ཤེས་ལས་བྱུང་བས།། ལས་ཀྱི ་རླུང་གིས་འཕུལ་ཞིང་སྒྲོལ།། སྲོག་བདག་ཤན་པའི་སྐུ་རུ་རྫོགས།། དེ་ལྟར་ལྷ་ཡི་ངོ་བོར་ཤར།། ནུས་པ་མེ་རླུང་ལས་ཀྱི་མཚོན།། དུག་གི་མེ་དཔུང་ལྟ་བུར་བཤད།། དེ་ནས་བཅོམ་ལྡན་འདས་ཀྱིས་གསང་སྔགས་འདི ་དག་སྐུ་གསུང་ཐུགས་རྡོ་རྗེ་ལས་འཐོན་ཏོ།། ཨེ་ཀ་ཧེ་དུན་ཡ་མ་སྙིང་ཁྲག་ར་མ་ཙ་ཡ། དུས་གསུམ་རྒྱལ་བའི་དགོངས་པ་སྟེ།། མི་འགྱུར་རྩ་བའི་སྙིང་པོར་བཤད།། ཨེ་མྱགས་ཡ་རྔུབས་མུག་ཤག ་དུན།། ཨེ་ཡི་ཡེ་ཤེས་ལས་བྱུང་བ།། སྟོང་སྲོག་ཡིག་འབྲུ་དེ་ཉིད་དེ།། རིགས་ལྔའི་སྤྱི་གཟུགས་ཟིལ་གནོན་སྐུ།། མྱགས་ཀྱི་ཡེ་ཤེས་ལས་བྱུང་བ།། དམིགས་མེད་ཡུམ་ཉིད་ཆོས་ཀྱི་དབྱིངས།། ཡ་ཡི་ཡེ་ཤེས་ལས་བྱུང ་བ།། མེ་ལོང་ཡེ་ཤེས་ཡ་མའི་སྐུ།། རླུང་གི་སྟོབས་ཀྱིས་རབ་ཏུ་འགུགས།། རྔུབས་ཀྱི་ཡེ་ཤེས་ལས་བྱུང་བ།། མཉམ་ཉིད་ཡེ་ཤེས་རྡོ་རྗེའི་སྐུ།། ཕྱི་དང་ནང་གི་དབུགས་རྒྱུན་གཅོད།། མུག་གི་ཡེ་ཤེས་ལས་བྱུང་བ།། ནན ་ཏན་ཡེ་ཤེས་ཁྱམས་ཁང་སྐུ།། སྲིད་གསུམ་ལྟོ་རུ་འཆང་བར་བྱེད།། ཤག་གི་ཡེ་ཤེས་ལས་བྱུང་བ།། ཀུན་རྟོག་ཡེ་ཤེས་མཁའ་ལྡིང་སྐུ།། སྲོག་ལུས་དངས་སྙིགས་འབྱེད་པའོ།། ཀ་ཡི་ཡེ་ཤེས་ལས་བྱུང་བ།། ལས་ཀྱི ་གཤིན་རྗེ་སྤྲུལ་པ་གསུམ།། ལས་རྣམས་ཐོགས་མེད་ཡེ་ཤེས་སོ།། དུན་གྱི་ཡེ་ཤེས་ལས་བྱུང་བ།། རྒྱན་གྱི་ལྷ་བརྒྱད་སྲོག་གཤེད་བཞི།། ཕོ་ཉ་སྤྲུལ་པ་བསམ་འདས་ཏེ།། རྣམ་པ་ཡི་གེ་ངོ་བོ་ལྷ།། སྔགས་ནི་ཤེས་སྐྱོབ ་སྨིན་བྱེད་འཇོམས།། འདི་ལ་འཇིག་རྟེན་དངོས་གྲུབ་མཆོག། མ་ལུས་འབྱུང་ཕྱིར་སྙིང་པོའི་དོན།། རྒྱལ་བ་ཀུན་གྱི་ཐུགས་ཀྱི་གཏེར།། མི་ཟད་སྔགས་ཀྱི་ཡོན་ཏན་མཛོད།། རིན་ཆེན་རྒྱ་མཚོ་ནམ་མཁའ་ས།། རིམ་པ ་དུ་མའི་དོན་གཅིག་རྫོགས།། རྩ་བ་སྔགས་ཀྱི་ལུས་སུ་བཤད།། སོ་ནི་སྤུ་གྲི་དུ་མ་སྟེ།། བསད་པ་བསྲུང་དང་དབབ་དང་སྦྲུལ།། གང་བྱེད་སྔགས་ཀྱི་ཤམ་བུས་འགྲུབ།། ཅེས་གསུངས་སོ།། འཇམ་དཔལ་གཤིན་རྗེ ་གཤེད་པོ་སྡིག་པ་སྟོབས་ཆེན་ལས།། གསང་སྔག་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་རྡོ་རྗེ་སྙིང་པོས་གསོལ་པ།། ཀྱེ་མ་རྡོ་རྗེ་ཁྲོ་བོའི་སྐུ།། གསང་སྔགས་བཤད་པ་དེ་ལྟར་ན།། ངོ་དམར་གདུག་པ ་བསྒྲལ་བ་ཡི།། གསད་པའི་སྦྱོར་བ་ཇི་ལྟར་བྱ།། ཡང་དག་དཔའ་བོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་ཡང་གསང་བ་མཆོག་གི་སྦྱོར་བ་འདི་གསུངས་སོ།། ཐོག་མར་ཤེས་ལྡན ་སྨིན་བྱེད་མོས།། བླ་མེད་བྱང་ཆུབ་རྗེས་བསྒྲུབ་པ།། བསྟན་པ་སྤྱི་ཡི་བློ་སྲེད་ཅན།། བགྲོད་ཐབས་སྟོབས་ལྡན་ཆེན་པོ་ཡིས།། བདག་དོན་མ་ཡིན་བསྟན་པའི་དོན།། དཀོན་མཆོག་བླ་མའི་དོན་ཆེད་དུ།། བསྟན་པའི ་བར་ཆོད་བྱེད་པ་དག། བསྒྲལ་ན་བླ་མེད་བྱང་ཆུབ་མྱུར།། དེ་མ་ཡིན་ན་མནར་མེད་ན།། ལས་ཀྱི་རཱུ་ཏྲ་སྲིན་པོར་འགྱུར།། དུར་ཁྲོད་གནས་སམ་བྲག་རིའི་ངོགས།། དབེན་པར་འདུག་ལ་བསམ་གཏན་བྱ།། ཕུང་ས ་གསུམ་གྱི་ས་བླངས་ལ།། གྲི་རྒོད་ཁྲག་དང་དུག་ཆུས་སྤུ།། འབྲུབ་ཁུང་གསུམ་བརྩེག་རྩང་གིས་བསྐོར།། དུར་ཁྲོད་རས་སམ་རྒྱ་ཤོག་ལ།། སྨེ་ཁྲག་དུག་གིས་རབ་བྱུགས་སྟེང་།། དུག་ཁྲག་རྡོ་སོལ་དེ་དག་གིས།། ་མཁས་པས་འཁོར་ལོ་བྲི་བར་བྱ།། དབུས་སུ་གྲུ་གསུམ་ལྡན་པ་ལ།། ཕྱི་རིམ་རྡོ་རྗེ་རྒྱ་གྲམ་ལ།། རྩ་བ་ལུས་ཀྱི་ཡིག་འབྲུ་དགོད།། ར་མཚམས་བྲིས་ལ་སྔགས་ཀྱིས་བསྐོར།། ཕྱི་རིམ་མུ་ཁྱུད་ཟླུམ་པོ ་ལ།། ཤན་པ་གསོད་བྱེད་སྤུ་གྲི་དགོད།། ཐ་མ་མུ་ཁྱུད་དག་ལ་ནི།། འཁོར་ལོ་རྩིབས་ནི་ལྔ་གཉིས་གཅོད།། རྩེ་མོ་ནང་དུ་བསྟན་བྱས་ལ།། ཡང་གསང་བཅུ་གཅིག་གསང་སྔགས་དགོད།། སྲིད་པ་རུས་སྦལ་ལྟོ་བར ་བཅའ།། གྲི་རྒོད་ཁྲག་དང་ཉུང་དཀར་དག། ལས་ཀྱི་ཐོད་པ་ཁ་གཡེལ་དགང་།། འཁོར་ལོ་གྲུ་གསུམ་སྟེང་དུ་ཡང་།། ཁ་སྦྱར་རྩང་དམར་བཞི་ལ་བརྒྱང་།། འབྲུབ་གནས་ནང་དུ་ཐོད་ངན་དུ།། ལིངྒ་བྲིས་ལ་སྨེ་དུད ་བདུག། མཚོན་ཆ་རྩིབས་ཀྱི་བར་བར་དུ།། བླ་ཡི་སྤྲུལ་པ་བརྒྱད་དང་ནི།། ཡང་སྦྲུལ་བཅུ་གཉིས་བྲི་ཞིང་དགོད།། བླ་རྟགས་གང་བྱུང་རྟགས་སྦྱར་བརྡེག། ཕྱག་རྒྱ་ཟིལ་གནོན་སྐུར་བསྒོམས་ལ།། ཞག་གྲངས་བདུན ་ནམ་བཅུ་བཞིའམ།། ཉི་ཤུ་གཅིག་ཏུ་བརྣག་པ་བྱ།། བསྒོམ་བསྐུལ་དྲག་སྔགས་བསྣོལ་མར་བརྡེག། དྲག་སྔགས་དབུགས་ཀྱི་རྟ་ཞོན་ནས།། གསང་ལམ་དགུ་ནས་ཙིཏྟར་ཐིམ།། སྲོག་དང་ཤེས་པ་དངས་སྙིགས ་འབྱེད།། སྙིང་པོ་སྟོང་ངམ་བརྒྱ་བར་དུ།། དྲག་པོ་ཐུན་གྱིས་གསད་པ་བརྩམ།། མཚོན་ཆ་བསྣོལ་མའི་སྔགས་རྫོགས་ནས།། གདུག་པ་གནས་པའི་ས་རུ་གནན།། དེ་ཡི་དྲག་སྔགས་འདི་ལྟ་སྟེ།། ཨེ་མྱགས་ཡ་རྔུབས ་མུག་ཤག་ཀ་དུན། དགྲ་བོའི་སྲོག་ལ་བྲེང་ཤག་ཟུམ་རིལ། དུན་དུན་ནརྀ་ཧུར་ཟུམས་ནརྀ་ཛ། དགྲ་བོའི་སྲོག་ལ་བྲེང་བྲེང་ཛ་ཛ་བྲུཾ་རིལ་ཤག་རྦད། དགྲ་བོའི་ཙིཏྟ་བྲུཾ་རིལ་ཤག་རྦད། དགྲ་བོའི་རྩ་ལ་ཐུམ་རིལ་ཤག་རྦད། ་དགྲ་བོའི་སྲོག་ལ་ཀ་དུམ་ལིང་ཐུམས་རིལ་ཤག་རྦད། དགྲ་བོའི་སྲོག་ལ་ཧུར་བྲུཾ་རིལ་ཤག་རྦད། དགྲ་བོའི་སྲོག་ལ་ཁཾ་ནན་ཐུ་རིལ་ཤག་རྦད། དགྲ་བོའི་སྲོག་ལ་གཟིར་བྲུཾ་རིལ་ཤག་རྦད། དགྲ་བོའི་སྲོག་ལ་ཡཾ་ཤིག་བྲུཾ ་རིལ་ཤག་རྦད། དགྲ་བོའི་སྲོག་ལ་ཐུན་གཟིར་ཐུན་བྷྱོ། གསད་པ་དྲག་པོ་མཆོག་གི་ལས།། སྦྱོར་བ་རྐྱང་པ་འདི་ཉིད་དོ།། སྡེབས་ན་མཚོན་ཆ་བསྣོལ་མ་སྟེ།། གང་མོས་སྔགས་ཀྱི་སྤུ་གྲིར་བསྣོལ།། དེ་ཡིས་ལས་ཀུན ་འགྲུབ་པར་འགྱུར།། བླ་ཆེན་བཞི་དང་སྤྲུལ་པ་བརྒྱད།། ཡང་སྦྲུལ་བཅུ་གཉིས་ཆགས་སྡང་ལྔ།། གང་བྱུང་རྟགས་སྦྱར་དྲག་སྔགས་གདགས།། སྲོག་ལ་ཧྲིང་ཤག་ཛ་ཙིཏྟ་བྲེང་ཤག་རྦད། སྲོག་ལ་ཐུན་མུག་ཛ་ཙིཏྟ་བྲེང ་ཤག་རྦད། དགྲ་བོའི་སྲོག་ལ་ཧུར་བྲུཾ་ཛ་ཙིཏྟ་བྲེང་བྲེང་ཐུན་ཤག་རྦད། དགྲ་བོའི་སྲོག་ལ་ཛ་ཐུན་གཟིར་ཤག་ཙིཏྟ་བྲེང་ཤག་རྦད། དགྲ་བོའི་སྲོག་ལ་ཐུན་གཟིར་ཙིཏྟ་བྲེང་ཤག་རྦད། དགྲ་བོའི་སྲོག་ལ་ཡཾ་ཡཾ་ནརྀ་ཛ་ཙིཏྟ ་བྲེཕྲེང་ཤག་རྦད།། རྟགས་དང་སྦྱར་བ་སྤུ་གྲི་སྟེ།། བརྒྱ་སྟོང་སྐབས་སུ་བྲབ་པར་བྱ།། དེ་ལྟར་དྲག་པོའི་ལས་རྫོགས་ནས།། འབྱུང་བའི་ལྟོ་གཤག་གཤིན་རྗེ་ལ།། བསྐལ་པ་གསུམ་གྱི་བར་དུ་གཏད།། ཐུགས་ཀྱི་སྟོབས ་ཀྱིས་མནན་ནས་ཀྱང་།། གདོན་མི་ཟ་བའི་ཕོ་བྲང་གདབ།། འཕགས་པ་འཇམ་དཔལ་གཤིན་རྗེ་སྡིག་པ་སྟོབས་ཆེན་གྱི་རྒྱུད་ལས། གསད་པ་མཚོན་ཆའི་ལེའུ་སྟེ་བདུན་པའོ།། །། དེ་ནས་བཅོམ་ལྡན ་འདས་ཀྱིས་བསད་པ་མཆོག་གི་སྦྱོར་བ་སྟོབས་ཅན་བསྒྲལ་བའི་ལས་འདི་དག་གསུངས་སོ།། མཁའ་ལྔ་ཁྱབ་པའི་དོན་བསྡུས་ནས།། གཟུང་འཛིན་ཆོས་ཀྱི་དབྱིངས་སུ་བསྒྲལ།། དྲོད་ཐོབ་སྟོབས་ཅན་རྣལ་འབྱོར ་གྱིས།། ཕུང་བྱེད་སྡིག་པ་སྟོབས་ཆེན་གྱི།། གྱད་གནོན་འཁྲུལ་འཁོར་སྦྱོར་བ་བརྩམ།། སྲིན་པོ་གདུག་པའི་ཐོད་པ་རུ།། གཏི་མུག་ཀ་ལའི་ཙིཏྟ་རུ།། སྟོབས་ཅན་ཨ་མུའི་རྫས་དག་ལ།། ལིངྒ་བྲིས་ཏེ་གཞུག་པར ་བྱ།། ཕུང་སའི་འབྲུབ་ཁུང་དག་ཏུ་ཡང་།། རྩང་བཅས་གཏིང་དུ་བཅའ་བར་བྱ།། དུར་ཁྲོད་རས་སམ་རྒྱ་ཤོག་ལ།། ཕུང་བྱེད་སྡིག་པའི་ལྟོ་བ་རུ།། སྟོབས་ཆེན་གྱད་གནོན་འཁོར་ལོ་བཅའ།། ཕྱག་རྒྱ་ཟིལ་གནོན་ཏིང ་འཛིན་གྱིས།། དྲག་སྔགས་རྔམ་ལ་འཚིག་པར་བཟླས།། བྱ་ཁྱུང་སྟོབས་ཆེན་འབར་བ་ཡིས།། ནམ་མཁར་མཐིང་གི་ཕྱ་ར་བཤིག། རུས་སྦལ་སྟོབས་ཆེན་ལྟོ་བ་རུ།། མུན་པའི་དམག་བསྡུ་སྟོབས་ཀྱིས་གནན།། རྡོ་རྗེ ་སྟོབས་ཆེན་ཁྲོས་པ་ཡི།། དྲེགས་པའི་ཞེ་སྡང་འཇོམས་པར་བྱེད།། ཡ་མ་རཱ་ཛ་ཁྲོས་པའི་སྐུས།། གནམ་ལྕགས་ཨཱུར་མོ་སོ་བརྡར་བཅད།། དྲག་པོ་སྔགས་ཀྱི་འོད་ཟེར་གྱིས།། རང་གཤེད་རང་ལ་འབེབས ་པར་བྱེད།། བདུད་བཞི་སྡིག་པ་ཁ་དགུ་ཡིས།། རྣམ་ཤེས་རྩ་བཅད་མེ་མར་གསོད།། སྲོག་དང་ཤེས་པ་དངས་སྙིགས་འབྱེད།། དུག་དང་རྩང་ཕུར་ཟངས་ལྕགས་ཕྱེས།། གནད་ལ་དབབ་ཅིང་རང་གཤེད་བསྐོར།། དེ་ཡི ་དྲག་སྔགས་འདི་ལྟ་སྟེ།། ཨེ་མྱགས་ཡ་རྔུབས་མུག་ཤག་ཀ་དུ་ན།། དགྲ་བོའི་སྲོག་ལ་བྲེང་ཧུར་ཐུམས་ཛ་རྩ་ཁྲག་སྙིང་ཐུམས་རིལ་རཾ་ཤག་རྦད། སྲོག་ཐུམ་རི་ལ་ཛ་རྩ་ཁྲག་ཧུ་ར་རཾ། སྙིང་ཐུན་རྦད་སྲོག་ལ་མཱ་ར་ཡ་བྷྱོ། ་བསད་པ་མཆོག་གི་དྲག་སྔགས་ཏེ།། བདུན་ནམ་དགུའམ་བཅུ་བཞིར་བྱ།། དྲག་པོའི་ཐུན་དང་ནད་ཀྱི་རྫས།། ཡང་ནས་ཡང་དུ་བརྡེག་པར་བྱ།། སརྦ་རྩ་སྦུར་སྲོག་ནག་སྙིང་གཟེར་བྲེང་ཤག་རཾ་རྦད།། སྦྱོར་བ་བཤིག ་པའི་སྔགས་སུ་བཤད།། གལ་ཏེ་ལས་དེ་མ་གྲུབ་ན།། འཁྲུལ་འཁོར་ལྟོ་བ་དཀྲུག་པར་བྱ།། ཨེ་ཡ་ཤག་མྱགས་དུན་རྔུབས་ཀ་མུག། དགྲ་བོའི་སྲོག་བྲུཾ་རིལ་ནརྀ་ཧུར་ཛ་ཐུམས་ཁྲག་སྙིང་ལ་ཐུམས་རཾ་ཤག་རྦད། སྲོག་ལ ་རྩ་ཁྲག་ཐུ་རིལ་ཛ་སྙིང་ཐུན་ཧུ་ར་རཾ་སྲོག་ལ་རྦད་མཱ་ར་ཡ་ཐུན་བྷྱོ།། སྔགས་ཀྱི་ལྟོ་དཀྲུག་ནག་པོ་སྟེ།། ཀུན་ལ་བྱས་ན་སྙིང་ཁྲག་འཛག། ལས་ཀྱི་སྦྱོར་བ་རྫོགས་པ་དང་།། འཁོར་ལོ་དྲིལ་ལ་ཙིཏྟར་གཞུག། གདུག་པའི ་གནས་སམ་བཀའ་རྟེན་ནམ།། སྒྲུབ་པའི་དཀྱིལ་འཁོར་འོག་ཏུ་མནན།། བསྐྱོད་པ་ཁ་གསོ་རྒྱུན་མི་གཅད།། བནྡེ་བོན་པོ་མུ་སྟེགས་དང་།། ལས་ཀྱི་རྒྱལ་པོ་རྟགས་འགོར་དང་།། སེང་གེ་ཁ་འཐབ་ལ་སོགས་པ།། སྡིག ་པ་སྟོབས་ཆེན་འདི་ཡིས་འཇོམས།། འཕགས་པ་འཇམ་དཔལ་གཤིན་རྗེ་སྡིག་པ་སྟོབས་ཆེན་གྱི་རྒྱུད་ལས། སྟོབས་ཆེན་གྱད་གནོན་གྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས ་བསྟན་པ་འཇིག་པའི་དགྲ་བོ་ཀླུ་ལ་གཏད་པའི་ཕྱིར། འཆི་བདག་པར་བུ་ནག་པོའི་སྦྱོར་བ་འདི་གསུངས་སོ།། དབེན་པའི་གནས་སམ་ན་ག་གནས།། གཉེན་ར་གདུག་པའི་ས་ཕྱོགས་སུ།། གྲོ་ག་ཤིང་ཤུན་དར་དཀར ་ལ།། ཨ་མུ་ཀ་ཡི་གཟུགས་བྲིས་ལ།། ཡན་ལག་རིགས་བཞི་ཟ་བར་བྲི།། སྦལ་པ་ཁོང་སྟོང་ནང་བྲུབ་ལ།། ཀླུ་ཡི་དམོད་པ་འབུམ་ཕྲག་གསུམ།། རྫོགས་དང་རི་ལུར་སྔགས་ཤིང་གདབ།། ཁམ་སའི་པར་བུ་ཁ་སྦྱར ་གཞུག། ཀླུ་ཡི་ནོར་བརྒྱད་དང་བཅས་པ།། སྔོན་དམར་སྐུད་པས་གྲིལ་ལ་བཞག། ཚེས་དྲག་རེ་བས་གྲིལ་ནས་ཀྱང་།། ཉི་མ་ཕང་དུ་ཁྱེར་ལ་གཏད།། ཀླུ་བདུད་ཤན་པའི་ཏིང་འཛིན་བྱ།། ཀླུ་ཡི་དམོད་པ་འདི་དག ་གོ། ནཱ་ག་ཧུ་ཡ་བ་ལིང་ནཱ་གཤིག་རོ་ལ་ཐིབ་ཐིབ། དུམ་པ་ལེ་ཆེ་གེ་མོ་ཐུན་སོད་ཟུང་།། ནག་པོ་ཀླུ་ཡི་དུག་མདའ་སྟེ།། ཞེ་སྡང་ཁྲོས་པའི་དམོད་པར་བཤད།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ ་སྟོབས་ཆེན་གྱི་རྒྱུད་ལས། ཀླུའི་དམོད་པ་ནག་པོའི་ལེའུ་སྟེ་དགུ་པའོ།། །། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། ཀྱེ་མ་རྡོ་རྗེ་འཆང་རྒྱལ་བ།། གསད་པའི་སྦྱོར་བ་དེ་ལྟར་ན།། འཇིག་རྟེན་ལྷ ་སྲིན་དྲེགས་པ་ཅན།། གཏུམ་པོ་གདུག་པ་འདི་དག་ཀུན།། སྟོང་སྲོག་བསྡུ་ན་ཇི་ལྟར་བསྡུ།། སྲོག་སྙིང་དབྲོག་དང་གཟིར་གནན་དང་།། བཤིག་དང་ཁབ་ཅིང་བྱང་དགྲོལ་དང་།། དུག་མདའ་དབྱུང་བ་ཇི་ལྟར ་ལགས།། དམ་ཚིག་བརྡར་དང་ཞི་བ་དབང་།། ཡང་དག་དཔའ་བོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་སྲོག་དམར་ལེན་ཡང་གསང་བ་སྙིང་པོ་དོན་གྱི་སྦྱོར་བ་འདི་གསུངས ་སོ།། སྟོང་ཕྲག་བརྒྱད་ཅུའི་གདོན་གྱི་རིགས།། དུག་ལྔའི་ཤེས་པ་ཡུལ་འཛིན་པ།། ལུས་ངག་སེམས་ཀྱི་འདུ་བྱེད་ཀྱིས།། དྲེགས་པ་ཞེས་སུ་གནས་པར་བཤད།། དྲེགས་པའི་དེ་ཉིད་ཤེས་གྱུར་ན།། དྲེགས་པ་རང ་གཤེད་རང་གིས་བྱེད།། དེ་ཡི་འཁོར་ལོ་འདི་ལྟ་སྟེ།། དུར་ཁྲོད་རྒྱུ་ལ་རྫས་བྱུགས་ལ།། གཏི་མུག་ལྷོ་གཤག་མུ་ཁྱུད་བཞི།། ཨེ་དབུས་དྲག་པོ་དབང་དང་ལྡན།། ཕྱི་རིམ་ལས་ཀྱི་རྡོ་རྗེ་སྟེ།། ཡང་ལོགས་མཚོན་ཆ་དྲུག ་གཉིས་རྩིབས།། དེ་བཞིན་མཚོན་ཆ་བརྒྱད་གཉིས་ལྡན།། དེ་ལ་དྲག་སྔགས་འཇོམས་བྱེད་གནས།། དབུས་དང་ཟླ་གམ་སྲོག་དང་མིང་།། སྣ་ཚོགས་རྡོ་རྗེ་རྩ་སྔགས་ལུས།། ཕྱི་རིམ་ཐམས་ཅད་སྲུང་བའི་སོ།། ནང ་ལོགས་གཟིར་དང་སྤུ་གྲི་སྟེ།། མཚམས་དང་མུ་རན་གཅོད་པའི་དོན།། བཀོད་པ་ཁ་སྦྱོར་ཐོད་པར་བཅའ།། གསལ་བ་གསུམ་ལྡན་ཞག་གསུམ་གཟིར།། མཐའ་རུ་བཀའ་རྟེན་ལ་སོགས་གནན།། འཕོ་བ་མེད་པའི ་ལས་ཞེས་བཤད།། དེ་ཡི་གསང་སྔགས་འདི་ལྟ་སྟེ།། ཨེ་མྱགས་ཡ་རྔུབས་མུག་ཤག་ཀ་དུན། སརྦ་ཙིཏྟ་ཡཾ་ཤག་ཧུར་ཁཾ་འདྲིད་ནན། གཟིར་རྦད། ས་ནཱ་ག་སྙིང་གཟེར་སྦུར་ནན།། ཧ་ལ་ཡ་མ་ཐུན་གཟིར།། ་ཧུ་ཐུམས་ཛ། ཤག་རྦད། གཟིར་རྦད། ལུས་དང་སྤུ་གྲི་སྲོག་དང་སྙིང་།། བསྡེབས་ན་ངེས་པར་གཅོད་པར་བྱེད།། སྙིང་པོ་བརྡ་སྦུར་གཟིར་བྱའོ།། དེ་ཡིས་ལས་ཀྱི་སྦྱོར་བ་འཇོམས།། ཆོས་ཉིད་ཡེ་ནས་ལྷུན་གྱིས ་གྲུབ།། ཡེ་ཤེས་དཀྱིལ་འཁོར་རང་བཞིན་མེད།། སྤྲུལ་པ་སྣ་ཚོགས་ལོག་རྟོག་འདུལ།། ཐ་སྙད་ཚིག་རྣམས་དོན་གྱིས་སྟོང་།། དེ་དོན་ལྡན་པ་བུདྡྷ་ཉིད།། གསད་དང་གནན་དང་སྲོག་ཀྱང་མེད།། བདེན་དོན་མ་རྟོགས ་དྲེགས་པ་ཡི།། སེམས་ནི་རླུང་གི་ཁམས་ཏེ་མཆོག། སྲིད་གསུམ་ཤ་ཁྲག་སྲོག་དབུགས་འབྱིན།། ཁམས་གསུམ་གནས་བསྐྱོད་རླུང་གི་ཡི་གེར་གནས།། དེ་དོན་བོད་པ་མིང་དང་རྣམ་ཤེས་ནི།། ངེས་པར་བསྟན་པ་འདི ་ལྷལྟ་སྟེ།། ཤྲཱི་བཛྲ་ཀྲོ་དྷ་ཧཱུཾ། ཡ་མ་ལ། མ་མ་རུ་ལུ་མ། དུན་ཏིང་ཀི་ལ་ཡ་ཏ། རུ་ཏྲ་དྷ། དྷེ་བ་ཨ། རཀྵ་ར། རག་མོར། དུན་ཏིང་མེ། རཱ་ཛ་ཙ། ཤུ་ལ་ཛ། མུ་ན་མུ་ན་པ། ཡ་ཀྵ་ཀྵ། ཡག་མོ་ཀྵ། ཧཾ་ཤཾ་ཏྲི། རུ་ཏྲ་ནརྀ། རུ་ཏྲི་རུ། ་བཛྲ་སཱདྡྷདྷྱཱ་ཏྲི། ས་ནཱ་ག་ཕུ། ཨཾ་ཀུ་ཤ་ཛ། ཏྲིག་ནན་ཧུ་ར་ཐུམས་ཛ། མཱ་ར་ཡ་རྦད། སྟཾ་བྷ་ཡ་ནན། བཾ་སྟཾ་བྷཾ། རོག་སརྦ་ཕྱུང་རྦད། བྱཱ་དྷི་སརྦ་པ་ཏཾ་ཧཾ། ཙི་ཤཾ་ཨ་མུ་ཀཾ་ཆེ་གེ་མོ་ནན། འདྲིད་རྦད། ཁ་ཐམ་སྲོག་གཟིར་ནན། ་ཧཱུཾ་ཧཱུཾ། ས་མ་ཡ་དམ་དམ། བྱེར་རྦད་ཕཊ། ཤན་ཏིང་ཀུ་རུ་སྭཱ་ཧཱ། ལུས་དང་སྤུ་གྲི་མིང་དང་བཅས།། སྦྱོར་བས་ལས་ཀུན་འགྲུབ་པར་བྱེད།། དམར་ལེན་ཡང་གསང་མཆོག་གི་ལས།། སྤྱི་དང་སྒོས་ཀྱི་རང་གནད ་ཡིན།། སྟོང་སྲོག་གཅིག་ཏུ་མ་འདུས་ན།། ཉུང་དཀར་སྤང་ལ་གཏོར་བ་འདྲ།། བསྡེབ་ལ་སརྦ་ཤ་ཏུཾ་བསྡེབ།། སོ་སོའི་སྒོས་ཀྱི་མཚན་ཉིད་ཅན།། ཞི་ཁྲོ་གཤིན་རྗེ་ཕུར་པ་དང་།། མ་མོ་སྲིན་མོ་སྲིན་པོ་བདུད།། མུ་སྟེགས ་རྒྱལ་པོ་བཙན་དང་དམུ།། རཱ་ཏྲ་སྲིན་པོ་སྲོག་བདག་གིང་།། གནོད་སྦྱིན་ཕོ་མོ་འགོང་པོ་ལྷ།། ཕུག་བདག་སྲི་ཅན་གདུག་པ་གསུམ།། སྙིང་པོ་བརྡ་སྦྱར་གཟིར་ཞིང་གཅོད།། དམར་ལེན་ཡང་གསང་མཆོག་ཏུ ་བསྟན།། ཞེས་གསུངས་སོ།། འཕགས་པ་འཇམ་དཔལ་གཤིན་རྗེ་གཤེད་པོ་སྡིག་པ་སྟོབས་ཆེན་གྱི་རྒྱུད་ལས། དམར་ལེན་ཡང་གསང་མཆོག་གི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་ཀྱིས་སྲུང་བའི ་སྦྱོར་བ་འདི་གསུངས་སོ།། གསལ་བ་གསུམ་ལྡན་སྔགས་པ་ཡིས།། འཁྲུལ་འཁོར་རིམ་པ་རྫོགས་པ་དང་།། རྩ་བ་སྤུ་གྲིའི་བསྡེབ་བཤད་པ།། དམར་ལེན་ཡང་གསང་སྐབས་ཀྱིས་ཏེ།། ཕྲ་མོའི་སྦྱོར་བ་བཤད་བྱ ་བ།། རྩ་བ་བོད་པ་གཟིར་ཞིང་སྲོག། མཱ་ར་ཡ་ཡི་སྐབས་སྦྱར་བ།། ཀླད་དུ་དགུག་པ་ཡང་དག་བཤད།། མཐའ་སྡུད་སྦྱོར་བ་རྫོགས་པ་ནི།། ལིངྒ་ལ་སོགས་གནད་ཀྱིས་ཏེ།། དྲེགས་པ་རང་གནད་གཤེད་མ་ཡིན།། དྲག ་པོའི་སྤུ་གྲིའི་དོད་དག་ཏུ།། བཤིག་པའི་སྤུ་གྲིའི་སོ་བརྟག་པ།། སྠི་དང་སྒོས་ཀྱི་བཤིག་པ་སྟེ།། མིས་བྱས་དེ་མིན་བྱས་པ་ཉིད།། བཤིག་པའི་སྔགས་སུ་ཡང་དག་བཤད།། བཤིག་པ་སྦུར་ནག་འགྲུབ ་མཆུ་ཡིས་འགྲུབ།། སྤྱི་ཡི་ཐ་མ་གཅོད་བྱེད་བོར།། འབྲུ་དྲུག་སྔགས་ཀྱི་སྤུ་གྲི་གདབ།། རྡོ་ལྕགས་ཟངས་ཕུར་གཟུགས་ལ་གདབ།། གྲུའམ་གདུག་པའི་དུག་རྣམས་འབྱིན།། མུན་སེལ་སྔགས་ཀྱི་རྩ་རྒྱུད་དག། གཅོད ་བྱེད་ལོགས་སུ་ཁ་ཐམ་བརྗོད།། འབྱུང་པོ་བགེགས་དང་མི་མ་ཡིན།། གཅན་གཟན་གདུག་པ་ཁ་ཆིངས་ཡིན།། སྔོན་དམར་ཚོན་གྱིས་ཀླུ་གཟུགས་སམ།། གནོད་སྦྱིན་ནད་ཀྱི་མཚོན་དུ་བྱ།། ཁ་ཟམ་ལོགས་སུ་བྱེད ་དགྲོལ་གདགས།། བྱད་དུ་བཅུག་ལས་ངེས་པར་ཐར།། ཤིན་ཏུ་བགེགས་རྣམས་བཀའ་ཉན་ན།། དབང་སྡུད་དམ་པ་དེ་བཞིན་བྱ།། ཡང་ན་འབྲུ་གསུམ་སྦྱོར་ཀ་ཡིས།། དྲེགས་པ་གནམ་ཐར་སྐྱེལ་བར་བྱེད།། གཙང ་གཏོར་སྔགས་བཟླས་བསྔོ་བ་དང་།། ཤཱན་ཏིང་ཀུ་རུ་མཐར་སྦྱར་ན།། མི་སྲུན་དྲེགས་པ་ཞི་བར་འགྱུར།། ཕྱི་མ་གསང་མནན་རང་གཤེད་མཐར།། ནམ་མཁའ་བར་སྣང་ས་གཞི་ལ།། མནན་པའི་ལས་རྣམས་རྫོགས ་པར་བྱ།། དུག་ཤིང་ཕུར་པ་བྱིན་བརླབས་ཏེ།། ཤིན་ཏུ་མི་བགྲུངས་དྲེགས་པ་ཅན།། མངོན་དུ་རྫས་རྒོད་དུ་བས་གཟིར།། དེ་ཡིས་མྱུར་དུ་བརླག་པར་བྱེད།། ཕུར་གདབ་རྫས་བདུག་ཁྲོ་མོ་འཁོར་ལོ་ཡང་བསྐོར།། སརྦ་དུ ་རཾ་ཨུ་ནན་གཟེར་ཕྱུང་སྦུར་ནན་སྲོག་ལ་མྱོག་རྦད། སྲོག་ལ་ཀི་ལི་ཀི་ལ་ཡ། ཏྲིག་ནན་བི་གྷ་ནཱ་ན། སྙིང་གཟེར་སྦུར་ནན་ཧུར་ཐུམས་ཛ། མྱགས་ཐུམས་རིལ་རྦད་ཡ། དེ་བཞིན་ལྷ་སྔགས་རྫས་དང་ནི།། སྦྱོར་བ་སྡེབས ་པའི་ལས་འདི་དག། དྲེགས་པ་འཇོམས་པའི་མཆོག་ཏུ་བཤད།། བཤིག་པའི་སྦྱོར་བ་བཤད་བྱ་བ།། རྒྱ་ཤོག་འཁྲུལ་འཁོར་ལྕགས་མཁར་དང་།། ཞིང་གི་ཀ་བ་ལྡན་བྲིས་ལ།། རྩ་སྔགས་བཤིག་སྔགས་རིམ་པས ་དགོད།། རྩ་བ་སྤུ་གྲིའི་བར་དག་ཏུ།། སྤྱི་ཡི་སྒོ་དང་ཨ་མུ་ཀ། སྦྱོར་བ་རྫོགས་དང་གནན་པ་རེ།། རྫས་རྒོད་ས་སོགས་དུ་བས་བདུག། ཁྱད་པར་བཤིག་པའི་ལས་སུ་བཤད།། འཕགས་པ་འཇམ་དཔལ་གཤིན་རྗེ་སྡིག ་པ་སྟོབས་ཆེན་གྱི་རྒྱུད་ལ། སྲུང་བ་ཁྱད་པར་ཀྱི་ལེའུ་སྟེ་བཅུ་གཅིག་པའོ།། །། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་མ་སངས་རྒྱས་ཀུན་གྱི་དངོས།། ཡེ་ཤེས་ལྔ་རྫོགས་ལྷུན ་གྲུབ་བླ།། དུག་གསུམ་འཇོམས་པའི་ཡེ་ཤེས་ཁྱོད།། འགྲོ་བའི་ལུས་ལ་གདུག་པའི་ནད།། རྩི་ཏི་མ་ལ་ཉམ་པ་བ།། སློང་བའི་བྷ་རྐྱེན་ཇི་ལྟར་ལགས།། ནད་ཀྱི་མཚན་ཉིད་ཇི་ལྟ་ཟ།། དེ་ཉིད་གསོ་བའི་སྦྱོར་བྱ ་གང་།། ཡང་དག་དཔའ་བོས་བཤད་པར་མཛོད།། ཅེས་གསོལ་པས། བཅོམ་ལྡན་འདས་ཀྱིས་རྒྱས་པར་བཤད་དོ།། སྙིགས་མ་ལྔ་ཡི་དུས་ཉིད་དུ།། ས་ཡམས་དྲག་པོ་ཛ་ལའི་ནད།། འགྲོ་བ་ཡོངས་ལ་ཁྱབ་པའི ་རྒྱུ།། སྤྱི་དང་ཁྱད་པར་བསྲུང་བྱ་ཉམས།། མཚམས་མེད་ཉེ་བ་ན་རག་གནས།། ལས་ངན་སྨིན་ནས་གནས་ངན་ལྟུང་།། ལས་ཀྱི་རྣམ་པར་སྨིན་པ་བཤད།། འབྱུང་བཞི་འཁྲུགས་པས་ནད་བཞི ་རྒྱས།། འདུ་བ་རྣམ་བཞི་རྒྱས་པར་བཤད།། རིགས་དང་རང་གི་ཐབས་ལས་དང་།། རྩོལ་བ་བྱད་ཀྱི་གཏད་ཁྲམ་དང་།། རང་གི་གཏད་ཁྲམ་གནད་གཟིར་ལོག། ནཱ་ག་ཐུག་ཕྲད་ཅེས་བྱ་བ།། བར་ཆོད་གདོན་བགེགས ་འཕྲལ་གྱི་རྐྱེན།། ནད་རིགས་ཟས་དང་སྔགས་ཀྱིས་བརྟག། ཕན་གནོད་གང་ཚེ་ནད་རིགས་བརྟག། ཟས་དང་སྔགས་ཀྱིས་ཕན་གནོད་མེད།། རྣམ་སྨིན་སྒྲིབ་སྦྱོང་དགེ་བ་བྱ།། རིགས་བཞི་གདོལ་པ་ཁ་འཐོར ་གྱི།། འཇུག་པ་ངེས་པའི་ནད་རྟགས་ནི།། རྒྱལ་རིགས་མགོ་ནས་འཇུག་པར་ངེས།། ཤ་སྐམ་མདོག་དམར་ཟུག་པ་ཆེ།། རྗེ་རིགས་ལག་པ་གཡས་པར་འཇུག། ཚ་ཤིང་ཟ་དང་རྩེ་བར་བྱེད།། བྲམ་ཟེ་ལག་གཡོན་ཁྲག ་ཆུ་སྟེ།། དམངས་རིགས་རྐང་གཡས་ཞ་གྲུམ་གཡོ།། གདོལ་པ་རྐང་གཡོན་རྣག་ལ་འཇུག། ཁ་འཐོར་ཀུན་ལ་ཁྱབ་པ་སྟེ།། ཞུས་པའི་མཚན་ཉིད་ལྔ་ཕྲག་གཉིས།། ལུས་སྐམ་གཟེར་ཆེ་ཁོལ་བུར་འཁོར།། རུས་པའི་ནད ་དུ་བཤད་པ་ཡིན།། ལུས་ཀུན་ལྕི་ཞིང་བེམ་ལ་གནག། ཤ་ཡི་ནད་དུ་ཤེས་པར་བྱ།། ཤ་མཁྲིག་མདོག་སྐྱ་རྩེ་ཞིང་ཟ།། པགས་པ་སྐྱི་ལ་ཞུགས་པ་ཡིན།། ལུས་སྦྲིད་སྒྱིད་ལུག་ཚ་ཞིང་སྐྲང་།། རྟག་ཏུ་ཁྲག་འཛག་གདོང་པ ་དམར།། ལྕི་ཞིང་མྱོག་པོ་ཁྲག་ནད་ཡིན།། གློ་སྙིང་ན་ཞིང་འདར་བ་དང་།། སྙིང་མི་དགའ་ཞིང་དྲན་པ་ཉམས།། ཁོང་སྒྱུར་དོན་ལ་ནད་ཞུགས་པའོ།། སྟོབས་ཤོར་སྒྱིད་ལུག་ཉལ་ཉལ་པོ།། སྒྱིད་ཞུམ་སྟོབས་ལ་ཞུགས ་པར་བཤད།། དབང་པོ་མི་ལྡང་ཁུ་བ་མེད།། དངས་སྙིགས་བྱེ་བ་བཅུད་ལ་ཞུགས།། མགོ་སྒང་འཐོམ་ཞིང་འཁོར་བ་དང་།། མིག་གི་གསལ་ལ་སྐྲ་བྱི་ན།། ཀླད་པ་དག་ལ་ཞུགས་པར་བཤད།། རྟག་ཏུ་ཁ་ཆུ་མིག་ཆུ ་འཛག། སྤུག་གི་ཆུ་ནི་དམར་ལ་རྩིགས།། ཆུ་ལ་ཞུགས་པ་ཡིན་པར་བཤད།། ཡན་ལག་འཁུམས་དང་རེངས་པ་དང་།། ཞ་གྲུམ་ཆུ་བའི་ནད་དུ་འདོད།། གསོ་བའི་ཐབས་ནི་དུ་མ་སྟེ།། ནད་ལ་སྨན་ཏེ་ཀླུ་ལ ་སྔགས།། རྣམ་སྨིན་ཚོགས་རྫོགས་འཚོ་བར་གསུངས།། འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལས། ཀླུ་ནད་གསོ་བའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་ཀྱིས ་སྙིང་པོ་དོན་གྱི་མན་ངག། གདུག་པ་ཀླུ་ལ་རང་གཤེད་དབབ་སྟེ་གསོད་པའི་སྦྱོར་བ་འདི་གསུངས་སོ།། རིགས་བཞི་གདོལ་པ་ཁ་འཐོར་རིགས།། ཀུན་འཇོམས་སྦྱོར་བའི་རྒྱལ་པོ་སྟེ།། གདན་གསུམ་ལྡན་པས་གསལ ་གསུམ་བྱ།། རྒྱ་ཤོག་དག་ལ་འཁྲུལ་འཁོར་བྲི།། དབུས་སུ་དྲག་པོ་དབང་དང་ལྡན།། ཕྱི་རིམ་འཁྲུལ་མིག་བཞི་གཉིས་གསུམ།། ཡང་རིམ་མཚོན་ཆ་བཅུ་གཉིས་རྩིབས།། དེ་བཞིན་སུམ་ཅུ་རྩ་གཉིས་ལྡན།། ཐོད་ཕྲེང ་མེ་རིས་བརྒྱན་པ་བྲི།། དབུས་སུ་གང་དམིགས་གཟུགས་དང་མིང་།། གཉིས་པར་རྩ་བའི་སྙིང་པོ་ལུས།། གསུམ་པར་ཁྱད་པར་དྲག་པོ་ཡི།། གཟིར་འཇོམས་སྲོག་འཕྲོག་མྱོས་ཤིང་འཇོམས།། མཚོན་གྱི ་རང་གཤེད་ཤི་ཕྲད་དགོད།། བཞི་པ་རྩིབས་མཚན་སུམ་ཅུ་ལ།། ཤི་འཕྲད་ཀུན་འཇོམས་རྒྱལ་པོ་དགོད།། རུས་སྦལ་ལྟོ་བར་རྫོགས་པར་བཅའ།། འཁྲུལ་འཁོར་རྒྱལ་པོའི་སྦྱོར་བ་ལ།། བདུད་རྩི་འོ་མ་ཁྲག་གིས ་བྱུགས།། ཁ་སྦྱར་ཕག་ཐོད་སྲད་བུས་གྲིལ།། ལྟོ་སྦྱོར་ཁྲི་ཡིས་ངར་གླུད་ལ།། སྔགས་པའི་སྟེང་འོག་ལོགས་སུ་བཞག། ཕྱི་མ་ཁ་སྦྱར་ཐོད་པར་གཞུག། ཕྱག་རྒྱ་གསལ་བས་རྔམ་ཚིག་བཟླས།། དྲག་པོ་གནོད་པའི་ས་ཆུ ་དང་།། བག་ཟན་བསྲེས་ལ་གདུག་པའི་གཟུགས།། རྒྱ་ཤོག་གཟུགས་ལ་མིང་སྤེལ་གཞུག། བསྒོམ་བསྐུལ་དྲག་སྔགས་བསྣོལ་མར་བརྡེག། ཐུན་བརྡེག་མཚོན་བྲབ་དུད་པས་བདུག། བསྲེག་དང་གནན་པ་ལ་སྩོགས ་བྱ།། སྦྱོར་བའི་རྒྱལ་པོ་གསང་བར་བཤད།། ཨེ་ཀ་ཧེ་དུ་ན་ཡ་མ་སྙིང་ཁྲག་ར་མ་ཙ་ཡ། ས་ནཱ་ག་ཏྲིག་ནན། ཕུ་ཧུར་ཐུམས་ཛ། ས་ན་ག་ཙ་ཏྲི་སུ་མེ་སྲོག་ལ་བྲེང་བྲེང་རྩ་ལ་དུན་དུན། སྦུར་ནན་ཁཾ་ཤག་རྦད། ས་ནཱ་ག་ཙིཥྛ ་རོ་མྱགས་རྦད། སྲོག་ལ་མུག་ཏི་རྦད། དུག་ཕྱུང་ཁྲག་ཤིག་རྦད། ཙ་ཏྲི་མ་མ་དབུགས་ལ་ཐང་གཟིར་རྦད། སྲོག་ལ་ཐུན་རྦད་བྷྱོ། ས་ན་ག་ཙིཏྟ་རོ་མྱགས་པ་ཟམ་འདྲིད་ཕྱུང་ཏྲིག་ནན་ས་ནཱ་ག་ཙིཏྟ་རྦད། ས་ནཱ་ག་སྙིང ་གཟེར་སྦུར་ནན་རྦད། པ་ཙ་འདྲིད་མ་ཟི་པ་ར། ས་ན་ག་ཙ་ཏྲི་ཐུན་གཟེར་ཟད། ནཱ་ག་ཙ་ཏྲི་དུན་ནན། ནཱ་ག་ཙ་ཏྲི་སྦྲར་ནན། མཱ་ར་ཡ་ནན། གསང་སྔགས་དུག་གི་སྤུ་གྲི་སྟེ།། རང་གཞན་དྲག་པོ་བཙན་ཟབས ་ཀྱིས།། གདུག་པ་འཇོམས་ཤིང་དུག་རླངས་འབྱིན།། ཡང་གསང་སྙིང་པོ་གསང་བ་སྟེ།། རང་གཞན་དྲག་པོ་བཙན་ཐབས་ཀྱིས།། གདུག་པ་འཇོམས་ཤིང་དུག་རླངས་འབྱིན།། ཡང་གསང་སྙིང་པོ་གསང་བ་སྟེ།། ཀུན ་འཇོམས་སྦྱོར་བའི་རྒྱལ་པོར་བཤད།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད་ལས། ཤི་ཕྲད་ཀུན་འཇོམས་ནཱ་ག་རང་གཤེད་དབབ་པའི་ལེའུ་སྟེ་བཅུ་གསུམ ་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་འཇིགས་བྱེད་རྡོ་རྗེའི་སྐུ།། གདུག་པའི་ནད་ཀྱི་མཚན་ཉིད་དང་།། སྔགས་ཀྱི་སྦྱོར་བ་དེ་ལྟར་ན།། རིགས་བཞི་དུག་དང ་ནད་དང་ནི།། སྡོང་ཟླ་བརྟག་པ་ཇི་ལྟ་བུ།། རྨི་ལྟས་བརྟག་པ་ཇི་ལྟར་ལགས།། ཡང་དག་དཔའ་བོས་བཤད་པར་མཛོད།། ཅེས་གསོལ་པས། དེ་ནས་བཅོམ་ལྡན་འདས་ཀྱིས་དྲི་བའི་དོན་ལེགས་པར་བཤད་དོ།། ་དང་གཉེན་དང་ས་བདག་གི།། དུག་གིས་ཟིན་པ་འདི་ལྟ་སྟེ།། རྒྱལ་རིགས་དུག་གིས་ལྕི་ཞིང་འཐིབས།། རྗེ་རིགས་དུག་གིས་ཚ་ཞིང་བསྲེག། དམངས་རིགས་དུག་གི་ཡང་ཞིང་གཡོ།། བྲམ་ཟེའི་དུག་གིས་གྲང་ཞིང ་འདར།། གདོལ་བའི་ཀླུ་ལ་དུག་གསུམ་ཡོད།། རེག་པའི་དུག་གིས་གཟེར་བར་བྱེད།། ཁ་རླངས་དུག་གིས་མྱོས་པར་བྱེད།། མཐོང་བའི་དུག་གིས་ཟ་འཕྲུག་བྱེད།། ནད་གཞིའི་བརྟག་པ་འདི་ལྟ ་སྟེ།། རྒྱལ་རིགས་མཐོང་བའི་དུག་གི་ནད།། ལུས་ཀྱི་ཤ་ཡང་བེམ་པོར་འོང་།། འཐིབས་ཤིང་ར་བ་བཞི་ལ་ན།། ཉི་མའི་གུང་གཉིས་ལུས་མི་བདེ།། བྲམ་ཟེ་བསམ་པའི་དུག་ནད་ནི།། ལུས་སྐྲང་མདོག་སྐྱ་སྦོམ་པོར ་འོང་།། དྲང་ཞིང་བསིལ་ལ་སྔ་དྲོ་ན།། ཆོས་བརྒྱད་དག་ལ་ལུས་མི་བདེ།། རྗེ་རིགས་ཁ་རླངས་དུག་ནད་ནི།། ལུས་ཚ་ཤ་འདར་དགོང་ཀ་ན།། དམངས་རིགས་རེག་པའི་དུག་ནད་ནི།། ལུས་འདར་སེ་རྒོད་སྙིང་རླུང ་འདྲ།། ཉི་མ་ནུབ་ནས་ན་བ་འོང་།། དུག་སེལ་སྨན་དང་དུག་འཇོམས་སྔགས།། སྦྱོར་བ་གཉིས་སུ་བསྡེབས་ན་འཚོ།། སྡོང་ཟླ་བརྟག་པ་འདི་ལྟ་སྟེ།། རྒྱལ་རིགས་ཀླུ་ཡི་གདོན་གནོད་ན།། རྟག་ཏུ་རྒྱལ་པོ་དཀོར་བདག ་གནོད།། བྲམ་ཟེ་རིགས་ཀྱི་གདོན་གནོད་ན།། ས་བསེན་ཀླུ་བསེན་མཚོ་སྨན་གནོད།། རྗེ་རིགས་ཀླུ་ཡི་གདོན་གནོད་ན།། ཀླུ་བཙན་དྲག་བཙན་ཡམ་ཤུད་གནོད།། དམངས་རིགས་གདོན་ན་དམ་སྲི་གནོད།། རང་རང ་གནད་ཀྱིས་གཟིར་ཞིང་བསད།། རྨི་ལྟས་མཚན་མ་འདི་ལྟ་སྟེ།། བཙུན་པ་ཨ་ཙ་ར་དང་ནི།། མོན་དང་བུ་ཆུང་སྤྲེའུ་ཁྱི་དང་།། བྱ་དང་འབག་སེང་ལྷ་ཁང་དང་།། བུད་མེད་ནག་མོ་རལ་པ་ཅན།། ན་ཆུང་གཞོན་ནུ་གྲོགས ་མོ་དང་།། སྲིང་མོ་བུད་མེད་བྱ་ཕོ་དང་།། རི་དྭགས་ཤ་དགོ་ལ་སོགས་པ།། རྟ་བ་སྐྱེས་པ་བྲག་དམར་ཆུ།། ཁ་བརྒྱད་སྦྲུལ་དང་བ་ལང་མཛོ།། བོང་བུ་ར་ལུག་ཁྱི་དང་ཆུ།། སྦྲང་བུ་ལ་སོགས་རིགས་བཞིའི་རྟགས།། དེ ་དག་དབང་སྡུད་བཏགས་ན་ཐུབ།། ཚུར་ལ་འདུ་དང་འཇུན་ངན།། སོ་མཚམས་འདས་ན་འགྲོ་བ་དང་།། རྟག་ཏུ་ཐུར་ལ་རྒྱུག་ན་ངན།། གྲུ་དང་གླང་པོ་ཞོན་པ་དང་།། དམག་དཔོན་བྱེད་དང་རི་ལ་འཛེག། བཟང་བའི ་རྟགས་སུ་ཤེས་པར་བྱ།། ཡིད་ཀྱི་དབང་པོ་འཁྲུལ་པའི་ཡུལ།། རྨི་ལམ་དོན་ལ་བདེན་མི་བྱ།། རང་ཉམས་དབང་པོ་དྲོད་ལ་བརྟག། ཅེས་གསུངས་སོ།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས ་ཆེན་གྱི་རྒྱུད་ལས། ནད་དང་དུག་དང་སྡོང་ཟླ་དང་རྨི་ལྟས་རྟགས་ཀྱི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཕྱག་རྒྱ་ཆེན་པོའི་སྐུ།། སྐྱེ་མེད ་དབྱིངས་ལས་རོལ་པ་ཡིས།། རང་བཞིན་དབང་དུ་བསྡུས་དེ་ཉིད།། འཁོར་ལ་ངེས་པར་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་གདུག་པ་རིགས་བཞིའི་གཉེན་པོ། ཕྱག་རྒྱ་རྫོགས་པ ་འདི་བཤད་དོ།། སྐྱེ་མེད་དབྱིངས་ལས་རོལ་པའི་སྐུ།། ཕྱག་རྒྱ་ཟིལ་གནོན་སྤྱི་གཟུགས་ཅན།། རིགས་བཞི་སྤྲུལ་པ་གྱད་གནོན་བརྒྱད།། ཕྱི་ནང་སྲོག་གཤེད་ཁྲོ་ཆུང་བཅས།། མ་བསྐྱེད་དབྱིངས་ནས་རྫོགས་པར ་བྱ།། དེ་ཡང་ཇི་ལྟ་བུ་ཞེ་ན།། རང་ལུས་ཟ་མལ་ཕུང་པོ་དག། ཧཱུཾ་ལས་ཡེ་ཤེས་མེ་ཡིས་ཀྱང་།། ལུས་ཀྱི་དངོས་པོ་བསྲེགས་ནས་ཀྱང་།། གསང་སྔགས་ཡེ་ཤེས་མེ་འོད་ཀྱིས།། རྣམ་རྟོག་མ་རིག་ནད་དང ་དུག། སྒྲིབ་པའི་ཕུང་པོ་སྤྲིན་ལྟར་བསྲེག། ཡང་ནས་ཡང་དུ་ནན་ཏན་བྱ།། ཤེས་པའི་ངོ་བོ་ཟིལ་གནོན་སྐུ།། བསྐལ་པ་མེ་དཔུང་འབར་དབུས་བསམ།། ཡང་ན་ཐ་མལ་ལུས་ཉིད་ཀྱི།། སྙིང་ག་ཆོས་ཀྱི་འཁོར་ལོ ་ལ།། ཨེ་ལ་གསང་སྔགས་ཕྲེང་བས་བསྐོར།། རྩ་ཆེན་བཞི་དང་རྩ་ཕྲན་བརྒྱད།། སྔགས་ལས་འོད་ཟེར་འཕྲོས་པས་ནི།། འོད་ཟེར་དང་བཅས་ཡིག་འབྲུ་ཡིས།། དངས་མའི་རྩ་དང་རྩ་ཕྲན་དང་།། ཤ་དང་པགས་པ་རུས ་མི་གནས།། ནད་དང་དུག་རླངས་ཀུན་དེད་དེ།། བ་སྤུའི་བུ་ག་ལ་སྩོགས་པར།། སྔོན་དམར་དུ་བ་ལྟ་བུར་བསམ།། རླུང་དང་ཤེས་པས་ནད་རྣམས་འབྱིན།། འདུས་པས་ཨེ་ལས་ཕྱག་རྒྱ་གསལ།། ཕྱག་རྒྱ་རྫོགས་པའི ་རིམ་པའོ།། དྲག་པོའི་འཁོར་ལོ་བསྐོར་བའི་ཚེ།། སྔགས་ཀྱི་འོད་ཟེར་ལྕགས་ཀྱུའི་དབྱིབས།། གནས་སུ་སྤྲོས་ཏེ་དམིགས་པ་དགུག། སྔགས་ཀྱི་འཁྲུལ་འཁོར་ཆེན་པོ་རུ།། ས་དང་ཆུ་དང་མེ་རླུང་གིས།། འབྱུང་བཞིའི ་གཉེན་པོའི་མཚོན་ཆ་ཡིས།། སྲོག་འཕྲོག་གཟིར་ཞིང་བཅད་གཏུབས་ནས།། ཐོད་པའི་འཁྲུལ་འཁོར་ནང་དུ་འཆང་།། ཀུན་ལ་སྲིད་པའི་ཁྱམས་ཁང་ནས།། སྔགས་ཀྱི་འོད་ཟེར་འཕྲོ་འདུ་བྱ།། རྒྱལ་རིགས་བྱ་ཁྱུད ་སྟོབས་ཀྱིས་བཤིག། རྗེ་རིགས་ཕྱག་ན་རྡོ་རྗེས་བཤིག། དམངས་རིགས་གདོལ་པ་གཤིན་རྗེས་བཤིག། བྲམ་ཟེ་ཁྱམས་ཁང་ལྟོ་བར་བཤིག། ཕྱག་རྒྱ་རྫོགས་དང་སེམས་དཔའ་རྫོགས།། གང་ཟག་ཤེས་པའི་སྟོབས ་དང་སྦྱར།། ཀུན་ལ་སྲིད་པའི་རུས་སྦལ་ཏེ།། སྔགས་ཀྱི་ཕྲེང་བ་འགྱེད་དང་སྡུད།། ཡུལ་ལ་དམིགས་པ་གསུམ་དུ་སྦྱར།། རང་བཞིན་ལྷ་ལ་དམིགས་པས་ནི།། སྒྲིབ་བྱང་རྫོགས་པས་དབྱིངས་སུ་ཐིམ།། དྲག་པོའི་ངན ་སྔགས་སྦྱིན་ཟང་འབྲུ།། སྤུ་གྲི་དུ་མས་གཅོད་བྱེད་མཚོན།། བདུག་སྐུད་རྫས་རྒོད་དུ་བ་ཡིས།། ཀླུ་དང་གཉེན་དང་ས་བདག་དང་།། མ་མོ་རྒྱལ་པོ་ཟེའུ་རང་བཙན།། ཀླུ་བསེན་མོ་དང་དམ་སྲི་དང་།། མཛེ་འདྲེ་ལ ་སོགས་འཇོམས་པར་བྱེད།། རང་བཞིན་དབང་སྡུད་ཏིང་འཛིན་ཏེ།། འཕེན་པའི་རྟ་ཞེས་དཔའ་བོས་བཤད།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལས། གཉེན་པོ་ལྷའི་རྟོག་པ ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཡང་གསང་རྣལ་འབྱོར་ཆེ།། ལྷ་ཡི་རྟོག་པ་དེ་ལྟར་ན།། ཕྲིན་ལས་སྦྱོར་ཁ་རྫོགས་མཛད ་པའི།། ཕྱག་རྒྱ་བསམ་གཏན་ཁ་ཆིངས་མཆོག། བུམ་པའི་སྦྱོར་བ་ཇི་ལྟ་བུ།། ཕན་གདགས་པ་དང་ཚར་བཅད་པའི།། སྲེག་པ་མེ་ཡི་སྦྱོར་ཁ་གང་།། དྲེགས་པ་སྟོབས་ཀྱིས་གནན་པ་ཡི།། ལས་རིམ་རྫོགས་པ་བཤད ་པར་མཛོད།། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་ཕྱག་རྒྱ་བསམ་གཏན་གྱི་ལས་འདི་དག་བཤད་དོ།། དབེན་པའི་གནས་སུ་མཎྜལ་བཤམས།། རིན་ཆེན་བུམ་པར་རིན་ཆེན་བཅུད།། སྣ ་དགུའི་ཆུ་དང་དྲི་ཞིམ་དགང་།། དྲི་དང་སྙིང་པོ་འཚོ་བྱེད་དགང་།། ཁ་རྒྱན་མགུལ་ཆིངས་མེ་ཏོག་མཛེས།། བདག་ཉིད་ཕྱག་རྒྱའི་སྐུར་བསྒོམས་ལ།། ཐུགས་ཀའི་སྙིང་པོ་འོད་བཅས་འཕྲོས།། དངོས་རྟོག་བསྲེག་སྦྱང ་གཞལ་ཡས་ཁང་།། གདན་ལ་རྫོགས་པ་ཟིལ་གནོན་སྐུ།། ལྷུན་གྱིས་གྲུབ་པའི་ལྷ་རྒྱུད་བསམ།། ཡིད་ཀྱིས་སྤྲུལ་ཏེ་མཆོད་ཕུལ་ནས།། གསང་སྔགས་བརྒྱ་སྟོང་བཟླས་ཤིང་བསྟིམ།། ལྷ་རྣམས་འོད་ཀྱི་གོང་བུར ་ཞུ།། བཀྲུས་པས་ནང་དུ་ཞེན་ཆགས་སྦྱོང་།། སྤྱོད་པ་སྔགས་ཀྱིས་བསྲུང་བར་བཤད།། སྙིང་གར་ཕྱག་རྒྱ་སྔགས་གསལ་བསང་།། རྩ་རྒྱུད་དག་ཅིང་ཞེན་ཆགས་སྦྱོང་།། འཁོར་ལོ་རྒྱུན་གྱི་ཁྲུས་སུ་བཤད།། རྣམ་རྟོག ་བག་ཆགས་འཛིན་མེད་གྲོལ།། ལྟ་བ་ཆོས་ཉིད་ཁྲུས་སུ་བཤད།། དེ་ནས་བཅོམ་ལྡན་འདས་ཀྱིས་ཕྱག་རྒྱ་བསམ་གཏན་གྱི་གསང་སྔགས་འདི་གསུངས་སོ།། ས་ནཱ་ག་ཙིཏྟ་རོ་མྱགས་ཁ་ཟམ་སྲོག་གཟིར། སྦྱར་ནན།། ་འདྲིད་ཕྱུང་། ཧྲི་ཤག་རྦད། སྤྱི་ཆིངས་སྒོ་ཡི་ཁ་ཆིངས་མཆོག། ཕྱག་རྒྱ་བསམ་གཏན་སྲུང་བ་དེ།། སྲུང་བ་ཀུན་གྱི་མཆོག་ཏུ་བཤད།། གཞན་ཡང་སྲེད་པའི་སྦྱོར་བ་བཤད།། ཡིད་མཐུན་གནས་སུ་རྫས་བསགས ་ལ།། མཎྜལ་དཀར་པོ་དྲི་སྤོས་ལྡན།། ཟབ་ཁུང་ཟླུམ་པོ་དབུས་སུ་སྟེ།། ཁྲུ་གང་ཁ་ཁྱེར་མཛུབ་གང་ལ།། སོར་བཞི་ཞེང་དུ་རྣམ་པར་བརྟག། ཁྲུ་གང་ཟུར་བརྐོས་པདྨ་བརྒྱད།། འཁོར་ཡུག་དཀར་པོས་མཛེས་པར ་བྱ།། ལྕང་མ་གླང་མ་ཕང་མ་ལ།། ཧོམ་ཤིང་ཁྲུ་གང་པ་རུ་བྱ།། ཡམ་ཤིང་སོར་བརྒྱད་དེ་ཉིད་ལ།། དབྱིབས་དང་ཁ་དོག་དཀར་ལ་ཟླུམ།། འབྲས་བུ་ནས་ཆན་རྩི་མར་དང་།། མེ་ཏོག་དཀར་པོ་གུ་གུལ་དཀར།། འོ་མ ་དང་བཅས་མཆོད་པ་དབུལ།། མེ་ལྷ་དཀར་པོ་ལྷ་རྒྱུད་དཀར།། རིམ་པས་བསྐུལ་ཏེ་སྔགས་རེས་དབུལ།། ཞི་བར་གྱུར་ཅིག་བརྗོད་ཅིང་མདག། ཐལ་འཇིམ་ཞི་བའི་གནས་སུ་སྦ།། དེ་ནས་བཅོམ་ལྡན་འདས་ཀྱིས་ཞི ་བའི་གསང་སྔགས་འདི་གསུངས་སོ།། ཨེ་ཀ་ཧེ་དུན་ཡ་མ་སྙིང་ཁྲག་ར་མ་ཙ་ཡ་ཧུ་ར་ཁཾ་བཾ་རི་ལ་ས་ནཱ་ག་ཤཱན་ཏིང་ཨ་མུ་ཀ་ཛྙཱ་ན་སརྦ་ཤཱན་ཏིང་ཀུ་རུ་སྭཱ་ཧཱ།། ཚོགས་བསག་སྒྲིབ་སྦྱང་བླ་མེད་འགྲུབ།། ཉམས་པ་བསྐང ་ཞིང་དངོས་གྲུབ་མྱུར།། འཇིགས་པ་བརྒྱད་ལས་ངེས་པར་སྐྱོབ།། ཕན་གདགས་ཞི་བའི་སྦྱོར་བར་བཤད།། གཞན་ཡང་གདུག་རྩུབ་ཚར་གཅད་ཕྱིར།། དྲག་པོ་དམར་ལེན་སྦྱིན་བསྲེག་བཤད།། ས་གསུམ་འཁར་གོང ་ཆུ་གསུམ་ལ།། མཎྜལ་ཁྲུ་གང་དཔངས་སུ་བརྩེགས།། དབུས་སུ་ཁྲུ་གང་མེ་ཟབ་བོ།། ཁ་ཁྱེར་གསུམ་ལྡན་ཐུར་ལ་བརྐོ།། ཁ་ཁྱེར་མཐོ་གང་མཛུབ་གང་ཚད།། སོར་གཉིས་ཞེང་དུ་གཙང་ཐོད་ལ།། རྒྱ་སོལ་ཁྲག་གིས ་ནག་པོར་བྱ།། སྣ་ཚོགས་རྡོ་རྗེ་རླུང་གི་འབྲུ།། ཕྱི་རིམ་འཁོར་ལོ་སྲེག་པའི་སྔགས།། ཡང་ལོགས་བསྲེག་རྫས་དགྲམ་པར་བྱ།། མིང་བྱང་རི་ལུ་བརྒྱ་དང་བརྒྱད།། མཆོད་རྫས་གནོད་རྫས་གསོད་པའི ་རྫས།། ཚ་བའི་རྫས་དང་མྱོས་པའི་རྫས།། མཐུན་རྫས་ལ་སོགས་དགོད་པར་བྱ།། རྒྱ་གྲམ་སྟེང་དུ་མིང་བྱང་ཁར།། ཚེར་མ་ཅན་དང་དུག་ཤིང་བརྩིག། ཁྲག་དང་དུག་གིས་རབ་ཏུ་བྲན།། ཐབ་ཁུང་རི་ལས་མེ་ལྷ ་བསྐྱེད།། མཆོད་འབུལ་མེ་ལྷའི་ཐུགས་ཀ་རུ།། ཡེ་ཤེས་རང་གསལ་སྟོང་བདག་མེད།། ཆོས་སྐུའི་ངང་ལས་ཕྱག་རྒྱའི་སྐུ།། བསྐྱེད་ལ་བླ་རྐུན་རྦད་ཅིང་སྡེབས།། བསྐུལ་དང་བཅས་པ་དྲག་སྔགས་བཅུས།། རྫས་ཀྱི ་མཆོད་པ་མེ་སྦར་བསྲེག། རྐྱེན་གྱི་སྦྱོར་བ་འཕྲོ་འདུ་མིན།། རྩོལ་བྲལ་ཇི་བཞིན་ལྷུན་གྱིས་གྲུབ།། ནམ་མཁའ་འཁོར་ལོ་སྤྱི་འཇོམས་གཅོད།། སྦྱོར་བ་རྫོགས་དང་དྲིལ་ཐོད་གནན།། དྲག་པོ་ཚར་གཅོད་སྦྱིན་སྲེག ་མཆོག། དེ་ནས་བཅོམ་ལྡན་འདས་ཀྱིས་གསང་སྔགས་འདི་དག་སྐུ་གསུང་ཐུགས་རྡོ་རྗེ་ལས་ཐོན་ཏོ།། ཨེ་ཀ་ཧེ་དུན་ཡ་མ་སྙིང་ཁྲག་ར་མ་ཙ་ཡ། ས་ནཱ་ག་དུ་རཾ། ས་ནཱ་ག་ཨུ་ནན་གཟེར་ཕྱུང་། སྲོག་ལ་དུན་རཾ་ཙིཏྟ་བྲེང ་ཤག་ཐུན་རྦད་ཨེ་རཾ། གནོད་བྱེད་འབྱུང་པོ་ཛ་ལ་རཾ་མཱ་ར་ཡ་ཕཊ་ཕཊ། རྫོགས་དང་ཐོད་པར་རྫས་བླུག་ལ།། བཀའ་རྟེན་འོག་གམ་དུར་ཁྲོད་གནན།། དྲག་པོ་ཚར་གཅོད་འཁོར་ལོར་བཤད།། དེ་ནས་དམར་ལེན་ཡང ་གསང་མཆོག། གནན་པའི་སྦྱོར་བ་འདི་ལྟ་སྟེ།། འཁོར་ལོ་ལིངྒ་ཐལ་བ་རྣམས།། གང་ཡིན་ཐོད་པར་བླུགས་ནས་ནི།། ཚེས་གཅིག་དང་ནི་བཅུ་དྲུག་ལ།། སྦྱོར་བ་མཁས་པས་གནན་པར་བྱ།། ཞི་ཁྲོ་གཤིན་རྗེ་ཕུར་པ ་རྣམས།། འཁོར་ལོ་རུས་སྦལ་ཐོད་ཆེན་གཞུག། མ་ཧཱ་མན་དྷ་ལ་འོག་ཏུ་གནན།། མ་མོ་བདུད་མོ་སྲིན་མོ་རྣམས།། ཉན་ཐོས་ཐོད་གོས་བཀའ་རྟེན་གནན།། བདུད་དང་མུ་སྟེགས་མགོན་པོ་རྣམས།། གཡག་རུར་འོབས ་ཁུང་སྒོ་དྲུང་གནན།། རྒྱལ་པོ་དགེ་བསྙེན་དཀོར་སྲུང་རྔམས།། སྦྲང་ཐོད་སྒོ་ལམ་སྲང་ཁར་གནན།། བཙན་དང་སྲོག་བདག་གྲི་བོ་རྣམས།། ཤ་རུ་སྤྱང་ཐོད་གོང་གསུམ་གནན།། ཀླུ་བདུད་མོ་དང་ཕུག་བདག་མོ།། བོན ་པོའི་གོས་གཏུམས་ལྷ་ཁང་གནན།། ཐེ་བྲང་ཆགས་འགོང་གཤིན་རྡོག་རྣམས།། གླང་རུར་བཅུག་ལ་ལམ་མདོར་གནན།། སྲི་ཅན་ཆུང་ཟོད་ཐེམ་འོག་གནན།། ས་བདག་ཀླུ་གཉེན་མཛེ་འདྲེ་རྣམས།། འཁོར་ལོ་ཕག ་པའི་ལྟོ་བར་གཞུག། ཕག་ཐོད་བཀའ་རྟེན་གད་གནོད་གནན།། ལོག་ནག་རྡོ་རྗེ་རྒྱ་གྲམ་ལྡན།། ལམ་ལས་རིན་ཆེན་རི་རབ་བརྟན།། རུས་སྦལ་ལྟོ་བར་སྟོབས་ཀྱིས་གནན།། གདོན་མི་ཟ་བའི་ཕོ་བྲང་གདབ།། གདུག ་པའི་སྟོབས་ཀྱིས་གནན་པར་བཤད།། དེ་དག་གསང་སྔགས་འདི་ལྟ་སྟེ།། ཨེ་དུན་ཀ་ཡཾ། སརྦ་ཙིཏྟ་གཟིར་ནན། ཧཱུཾ་ལཾ་སྟཾ་བྷ་ཡ་ནན། ཆེ་གེ་མོ་མཱ་ར་ཡ་ནན། དྲེགས་པ་གནན་པའི་འཁོར་ལོར་བཤད།། འཕགས་པ ་འཇམ་དཔལ་གཤིན་རྗེ་ཟླ་གསང་ནག་པོ་སྡིག་པ་ནག་པོ་སྟོབས་ཆེན་གསང་བའི་རྒྱུད་ལས། ཕྲིན་ལས་སྦྱོར་ཀའི་ལེའུ་སྟེ་བཅུ་དྲུག་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་གསོལ ་པ། རིགས་བཞི་གདོལ་པའི་ནད་དང་དུག། འཁོར་དུ་བྱས་པའི་ནད་རིགས་གང་།། ཆུ་དང་ཁྲག་ལ་བརྟག་པ་གང་།། ཞེས་གསོལ་པས་ཡང་དག་རྫོགས་ཀྱིས་བཀའ་སྩལ་པ། བབས་ལུགས་མེ་དཔལ་ཟ་གུ ་དང་།། འབྲུམ་ཕྲན་ནད་དང་སྒྲོ་འབོག་ནི།། རྒྱལ་རིགས་ཀླུ་ཡི་འཁོར་གྱིས་སོ།། སྙིང་མི་དགའ་དང་འགྲོ་སྙིང་འདོད།། ངུ་འབོད་ཕྱ་སངས་ཁྱེར་བ་དང་།། གཞན་ལ་རྒོལ་ཞིང་འཐིབས་སྡང་སླ།། བྲམ་ཟེའི་ནད་དུ་ཤེས ་པར་བྱ།། གླུ་ལེན་གར་བྱེད་མིག་རྩ་གྲུང་།། དམངས་རིགས་ནད་དུ་ཤེས་པར་བྱ།། ཤ་མདངས་པར་ན་ཟུག་གཟེར་ཆེ།། བརྩེ་དང་ཚ་འཕྲིག་འོང་བ་དང་།། སྐབས་སུ་གློ་བུར་གླང་ཐབས་འོང་།། རྗེ་རིགས་གནོད་པའི ་རྟགས་ཡིན་ནོ།། སྤྱིར་ནི་ཀླུ་གཉན་ས་བདག་དང་།། ཀླུ་སྲིན་ལ་སོགས་ནད་རྟགས་གཟིར།། ཁྲག་དང་ཆུ་ལ་བརྟག་བྱ་བ།། ཆུ་ནི་ངལ་དུབ་ཆང་མ་འཐུང་།། མང་པོ་མ་སྨྲས་ཉལ་པོ་མིན།། འབྱུང་བ་མ་འཁྲུགས་པ་ལ ་བརྟག། དངས་པའི་སྣོད་དུ་རྩེ་ཤར་གཏང་།། ལོག་པའི་དུས་སུ་བརྟག་པར་བྱ།། ཁ་དོག་དག་ལ་ནད་གཞི་བརྟག། མར་ཁུའི་མདོག་འདྲ་བྱུང་བ་ན།། མཁྲིས་པ་ཤ་ཡི་མཛེ་ནད་ཡིན།། འོ་མའི་མདོག་ཏུ་བྱུང་བ ་ན།། རླུང་ནད་རུས་པའི་མཛེ་རུ་འགྱུར།། ཆུ་རྩ་འདྲ་བ་བྱུང་བ་ན།། བད་ཀན་ནང་ཁྲོལ་མཛེ་ནད་ཡིན།། རམ་པོ་འདྲ་བ་བྱུང་བ་ན།། འདུས་པ་ཀུན་ཁྱབ་ནད་དུ་བཤད།། ག་གོན་ཤུན་པ་ལྟ་བུ་དང་།། སྤུར་ལོང་འདྲ་དང ་བ་ཏྲང་མདོག། འབྱུང་བ་མ་འཁྲུགས་ཆུ་ཡིན་ཏེ།། ལུས་ལ་ནད་གཞི་མེད་པར་འདོད།། དམར་ལ་རྩིག་པོ་སིག་སིག་པོ།། འགྱུར་མདོག་མེད་པར་འདུག་པ་ན།། ཆུ་སེར་ནག་པོ་ཡིན་པར་བཤད།། གཟུགས་ལ་གདོན ་གྱི་བརྟག་པ་བྱ།། ཉ་འདྲ་སྦལ་འདྲ་རུས་སྦལ་འདྲ།། པིར་འདྲ་ཆུ་སྲིན་འདྲ་བ་དང་།། དཔག་བསམ་ཤིང་འདྲ་གདུག་པ་གསུམ།། ཞིང་ས་ཁང་ས་དུར་ས་དང་།། བྱད་ཀྱི་ས་དང་རྩོལ་བ་བརྟག། རྣལ་མ་ལྟོ་ལོག་གྱད ་འགྱུར་བརྟག། ས་ཆུ་མེ་རླུང་འཁྲུལ་འཁོར་བརྩི།། འཁྱིལ་བའི་གཟུགས་དང་ཐིག་ལེ་དང་།། རྩེ་གསུམ་གཟུགས་བརྙན་བྱུང་བ་དང་།། ཉ་མིག་དང་ནི་མུན་པ་འདྲ།། དམར་ལ་སྡང་དང་སྣ་ཚོགས་གཟུགས།། རིག་པ ་ཅན་གྱིས་བརྟག་པར་བྱ།། རྒྱལ་པོ་རྗེའུ་བྲམ་ཟེ་དམངས།། ཀླུ་རིགས་གདོན་ལ་བརྟག་པ་ཡིན།། དམར་སེར་ཀུ་ཡ་མི་མངོན་ན།། ཀླུ་གཉེན་ས་བདག་གནོད་པ་ཡིན།། གཟུགས་རྣམས་མེད་ན་བསྐོལ་ལ་བལྟ།། དེ ་ཡིས་གཏན་ལ་ཕེབས་པར་འགྱུར།། ཁྲག་ལ་བརྟག་པ་འདི་ལྟ་སྟེ།། རྩ་ལ་གཏར་ཞིང་བརྟག་པ་དང་།། ཆུ་སེར་བརྟག་པ་འདི་ལྟ་སྟེ།། དམར་སེར་དག་ནི་སླ་བར་འཚོ།། སྐྱ་ནག་གཉིས་པོ་དཀའ་བར་བཤད།། ལུས་ཀྱི ་གནད་ནས་ཁྲག་ངན་དབྱུང་།། ཁྲག་མེད་གསོ་བར་མ་བཤད་དེ།། ཆུ་སེར་སྔོ་སྐྲ་བྱུང་ཡང་སྤང་།། ཁྲག་ནི་དངུལ་ཆུ་ལྟ་བུར་འདྲིལ།། ཤིན་ཏུ་གསོ་བ་དཀའ་བས་སྤང་།། ཁྲག་ནི་དང་པོ་བར་མ་དང་།། ཐ ་མ་གསུམ་པ་རིམ་པས་ཤེས།། གཟུགས་བརྙན་བརྟག་པ་མ་ཡིན་ཏེ།། རླུང་མཁྲིས་བད་ཀན་ཁྲག་མདོག་བརྟག། སྤྱི་གཙུག་སྨིན་མཚམས་སྣ་རྩེ་དང་།། རྐང་དང་སྙིང་ག་མཐེ་བོང་དང་།། ལྟེ་བ་མཚན་མ་ཟིན་པ ་ནི།། གནད་ཀྱི་མཁར་བརྒྱད་ཤོར་ན་ཡང་།། ཕྱི་མ་མདུན་དང་གཡོན་ཟིན་སླ།། རྒྱབ་ཏུ་ཟིན་དང་གཡས་པ་དཀའ།། ཤ་དུག་སྤུ་དུག་རུས་དུག་གསུམ།། རྣམ་སྨིན་ལུས་ལ་རྫོགས་པས་སྤང་།། ཞེས་གསུངས ་སོ།། འཇམ་དཔལ་གཤིན་རྗེ་ཟླ་གསང་ནག་པོ་སྡིག་པ་སྟོབས་ཆེན་ལས། ནད་གཞི་བརྟག་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ།། ས་ཡམས་འབྱུང་བའི ་གནད་འཁྲུགས་ན།། རྫས་དང་སྨན་གྱི་སྦྱོར་བ་གང་།། ཡང་དག་དཔའ་བོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་ཀྱིས་དྲི་བའི་དོན་འདི་གསུངས་སོ།། སྦྱོར་བའི་རྫས་ལ་ནུས་པའི ་མཐུ།། བསམ་མི་ཁྱབ་པས་བཅུད་ཀྱིས་གསོ།། དྲི་མ་ཆུ་དང་ཟིལ་པ་གསུམ།། ཡིག་འབྲུ་བདུད་རྩི་མཚོན་ཆ་དང་།། འབྱུང་གཞིའི་གཉེན་པོར་རབ་བརྟགས་ལ།། སྦྱར་ཏེ་ཁོང་དུ་གཏང་བ་ན།། ཚེ་རིང་ཤ་འཇམ་སྐད ་གདངས་སྙན།། གདུག་པའི་ནད་དང་དུག་ལས་ཐར།། བསྐུ་དང་བྱུག་པའི་ལས་བྱས་ན།། སྤྱང་དུག་སྦྱང་ཚེར་ར་ཆུ་དང་།། བཙོད་ཁུ་ཚ་སྣ་སྦྱར་བ་དང་།། ར་དུག་ལོང་བརྡོལ་གུ་གུལ་དང་།། མུ་ཟི་དྲི་མ་ལྡོང་རོས ་དང་།། ཏི་ཚ་མར་དཀར་བ་བླ་དང་།། གུ་གུལ་ནག་པོ་ར་གཞོབ་དང་།། ར་ཚྭ་རྒྱ་ཚྭ་ཁ་རུ་ཚྭ།། ག་པུར་གླ་རྩི་ཤིང་ཀུན་དང་།། དབྱི་མོ་སྲུབ་ཁ་ལྡོང་རོས་ཚ།། སྣ་ཚོགས་ཕབ་དང་མུ་ཟི་གླུམ།། སྦྱོར་བ་རྫོགས་པས་བསྐུ ་དང་བྱུག། གདུག་པའི་ནད་དང་དུག་ལས་ཐར།། ཟུག་རྔུའི་ནད་འཇོམས་ཆེན་པོ་སྟེ།། སྲུང་བའི་མཆོག་ཏུ་ཡང་དག་བཤད།། དེ་ནས་རྩ་སྦྲང་རྩ་བཀྲུ་བ།། སྔོན་དུ་ཁྲུས་སོགས་རྫོགས་པར་བྱ།། ཟས་དང་སྤྱོད་ལམ་སྣ ་སེལ་ལ།། པདྨ་དུལ་མ་ཀུན་ཁྱབ་དང་།། སེར་ཚུར་ཧ་ཤིག་རྡོ་དང་ནི།། གླ་རྩི་མ་གི་ཏ་དང་ནི།། དཀར་པོ་ཚིག་ཐུབ་མཚལ་དང་སྦྱར།། ཆང་དང་སྦྱར་ལ་ཁོང་དུ་གཏང་།། གདུང་བར་ཀུན་ཁྱབ་པདྨེ་དང་།། སྡིག་སྲིན་ཉི ་དགའ་ཆང་སྦྱར་ནས།། ཅེ་དྲོད་དྲག་པོར་དེ་བཞིན་གཏང་།། རྗེས་ནི་གར་ཆང་ཚོ་ཁྲུས་བཅད།། འབྱམས་ནས་ལུས་ཟུངས་ཁྲག་བྱུང་ན།། ཆུ་བསྐོལ་དོམ་མཁྲིས་བཏབ་པ་དང་།། རྒྱ་སྲན་མེ་ཏོག་ཆུ་སེར་བཏབ།། གྲང ་འབྱམས་རླུང་ལ་ལོ་ཡིབ་གཏང་།། རྩ་རྣམས་བཀྲུ་བར་མི་རུང་བ།། རྩ་མདུད་ཅན་དང་གྲང་རླུང་ཅན།། ལུས་ཟུངས་ཟད་དང་རྒན་པོ་གཞོན།། མཁས་ཀྱང་ཤིན་ཏུ་སྤང་བར་བྱ།། རྩ་རྣམས་བཀྲུས་པའི་ཡོན་ཏན ་ནི།། དུག་ནད་རྒྱས་དང་རྨ་རྙིང་བྱེར།། ཆུ་སེར་དོན་ལ་ཟེབས་པ་དང་།། བུད་མེད་རྩ་ནད་སྒུར་པོ་དང་།། མཛེ་ནད་རྒྱས་པའི་ནད་རྣམས་སེལ།། གཞན་ཡང་རྩ་སྦྲང་བཤད་བྱ་བ།། པདྨེ་ངན་རོག་རུ་རྟ ་དང་།། ཚ་བ་གཉིས་དང་ཚིག་ཐུབ་སྦྱར།། ཆང་ལས་སྦྱར་ཏེ་ཚངས་པར་བྱུག། འདི་ཞེས་རྡོ་རྗེ་སྤྱི་བོར་འཇོམས།། སྣ་སེལ་ཆང་གིས་བྱ་བར་བཤད།། རྗེས་ནི་ཚོ་ཁུས་བཅད་པ་སྟེ།། ཆུ་སེར་ཚན་དེ་མ་ཟད་པར།། རྗེས ་ཆོཚོད་ཚ་བ་སྤང་བར་བྱ།། ཆུ་སེར་འདྲེན་བཤལ་ཆེན་པོ་སྟེ།། ཚ་བ་ཆུ་སེར་ནད་རྣམས་སེལ།། གཞན་ཡང་ཀུན་ཁྱབ་བ་ཞོ་དང་།། སྐེ་ཚེས་གདོང་གི་ཆུ་སེར་འདྲེན།། པདྨེ་ཀུན་ཁྱབ་ཟོ་ཤ་དང་།། གསེར་གྱི་མེ་ཏོག་སྦྱར ་ན་ཡང་།། ཡན་ལག་ཆུ་སེར་འདྲེན་པར་བཤད།། གཞན་ཡང་བཅུད་ལེན་སྨན་བཤད་པ།། དཀར་པོ་ཚིག་ཐུབ་སྦལ་རྒྱབ་དང་།། རྒྱ་མཚོ་གསེར་གྱི་བྱེ་མ་དང་།། མན་འཛི་ར་དང་ཙན་དམར་དང་།། འབྲི་ཏ་ས་འཛིན ་མོན་ལྕམ་དང་།། སེང་ལྡེང་ཙནྡན་མར་ཁུ་དང་།། ཤོ་མ་བྱེ་མ་ཡང་ལེབ་ཏུ་རབ་སྦྱར་ལ།། སོ་སོར་གཏོང་ངམ་དྲིལ་ལ་གཏོང་།། ཤ་དང་རུས་པ་རྩ་ཁྲག་དང་།། གློ་སྙིང་མཁལ་མ་ནང་ཁྲོལ་དང་།། ཆུ་སེར་ནག་པོ་ཐ་དག ་སྐེམ།། གཞན་ཡང་བཅུད་ལེན་སྨན་སྦྱར་བ།། ཙནྡན་དཀར་པོ་སེང་ལྡེང་དང་།། བདུད་རྩི་དམ་པ་ཆུར་གདུས་ནས།། མར་དཀར་འོ་མ་སྦྲང་རྩི་མར།། སྦྱར་ན་ཆུ་སེར་ནག་པོ་སྐེམ།། ལུས་ཀྱི་སྟོབས་ལྡན་བཀྲག་རྒྱས ་འགྱུར།། སེང་ལྡེང་སོ་མ་ར་ཛ་དང་།། ཙནྡན་དཀར་པོ་འབྲས་བུ་གསུམ།། ནིམ་པ་མ་ཧཱ་ནིམ་པ་དང་།། ཀ་ར་སྦྱར་ན་ཆུ་སེར་སྐེམ།། སེང་ལྡེང་འོ་མར་གདུས་པ་དང་།། འབྲས་བུ་གསུམ་དང་གུ་གུལ་དཀར།། ཐ་སྐར ་རྡོ་རྗེ་སོ་མ་ར།། ཅོང་ཞི་སྦྲང་རྩི་ཀ་ར་སྦྱར།། བཅུད་ལེན་ཆུ་སེར་ནག་པོ་སྐེམ།། སྐབས་སུ་ཆུ་སེར་འདྲེན་བཤལ་གཏོང་།། འགྲུབ་འགྱུར་འདི་ལ་ཐེ་ཚོམ་མེད།། བཅུད་ལེན་སྨན་གྱི་སྦྱོར་བར་བཤད།། མཐོང་བའི་དུག ་གིས་ཟིན་པ་ན།། ག་པུར་ཆུ་ཡིས་བཏབ་ནས་ཀྱང་།། སྐྱེར་པའི་ཁཎྜ་བྱུག་པར་བྱ།། མཁྲིས་པ་སྣ་ཚོགས་ལྕིགས་གཞུག་དྲིལ།། ཁ་རླངས་དུག་གིས་བཟུང་བས་ན།། ཁོང་དུག་བུ་ར་གཏང་བར་བྱ།། རྟག་ཏུ་ཕྱི་བཤལ ་ནང་བཤལ་བྱ།། མཆིན་རྩ་གཏར་ཞིང་ཁྲག་ངན་གདོན།། བསམ་པའི་དུག་གིས་ཟིན་པ་ན།། ཚ་བ་གསུམ་གྱི་སྨན་མར་གཏང་།། དྲོད་བསྟེན་བསིལ་བའི་ཟས་སྨན་སྤང་།། རེག་པའི་དུག་གིས་ཟིན་པ་ན།། ཨ་རུ་ར་ཡི། ་སྨན་མར་གཏང་།། འབྱུང་བའི་ནད་རྣམས་གསོ་བའི་ཕྱིར།། རྩ་བཀྲུ་གཏར་ཞིང་ཁྲག་ངན་གདོན།། མུ་ཟི་སྨན་མར་རྟག་ཏུ་བཟའ།། ཤ་མདངས་པར་དང་ནང་ཁྲོལ་གྱི།། ཆུ་སེར་ཐམས་ཅད་སྐེམ་པར་བྱེད།། སེང་ལྡེང ་སྨན་མར་དག་གིས་ནི།། རུས་པ་རྐང་གི་ཆུ་སེར་སྐེམ།། ཨ་རུ་ར་ཡིས་འབྱུང་བ་སྙོམས།། དན་ཏིའི་མར་ཁུའི་སྦྱོར་བ་ཡིས།། ཆུ་སེར་ནག་པོ་འཇོམས་པར་བྱེད།། གཞན་ཡང་ཆུ་སེར་འདྲེན་པར་བྱེད།། ཁ་ནི་ཡོན་པོར ་སོང་བ་ན།། མི་ཡོའི་ངོས་ནས་ཆུ་སེར་དབྱུང་།། མིག་སླེམས་ལྕིབས་ངག་ནས་དབྱུང་།། མཚུལ་པ་འགགས་ན་སྣ་བཤལ་བྱ།། ཚ་བ་གསུམ་དང་ཚད་དེ་དྲང་།། གྲེ་བ་འགགས་ན་གློ་རྩ་གསེང་།། ཀ་ར ་རྒུན་འབྲུ་ཤིང་མངར་བཏགས།། འབྱུང་བ་འཁྲུག་པའི་ནད་དང་དུག། གསོ་བའི་སྦྱོར་བ་འདི་དག་གིས།། ཆུ་སེར་ནད་རྣམས་འཇོམས་པར་བྱེད།། འཕགས་པ་འཇམ་དཔལ་གཤིན་རྗེའི་རྒྱལ་པོའི་སྡིག་པ་སྟོབས་ཆེན ་གསང་བའི་རྒྱུད་ལས། འཚོ་བྱེད་སྨན་གྱི་ལེའུ་སྟེ་བཅོ་བརྒྱད་པའོ།། །། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དྲེགས་པ་འཇོམས་པའི་བཅོམ་ལྡན་འདས།། བསྟོད་དང་གསོལ ་བཏབ་གནད་བསྐུལ་ཞིང་།། མཆོད་པ་བསྟབ་ཚུལ་བཤད་པར་མཛོད།། ཅེས་གསོལ་པས། དེ་ནས་བཅོམ་ལྡན་འདས་དྲེགས་པ་འདུལ་བས་ལྷ་རྣམས་ལ་བསྟོད་ཅིང་ཐུགས་དམ་གནད་ནས་སྐུལ་བ་འདི་གསུངས ་སོ།། ཆོས་ཀྱི་དབྱིངས་ཀྱི་ཕོ་བྲང་ནས།། དྲག་པོ་ཨེ་ཡི་གཞལ་ཡས་ནས།། ཀླུ་འབུམ་གཉེན་ཁྲི་ས་བདག་སྟོང་གི་གདན།། ཕྱོགས་སྐྱོང་མ་ཧེ་བརྫིས་པའི་ཁྲི།། ཐབས་དང་ཤེས་རབ་ཉི་ཟླའི་གདན་སྟེང་ན།། དུག་ལྔ ་བརྐམ་ཆགས་འཇོམས་པའི་ལྷ།། སངས་རྒྱས་ཐམས་ཅད་འདུས་པའི་ངོ་བོ་ཉིད།། ཡེ་ཤེས་རྔམ་པའི་རྒྱལ་པོ་ཟིལ་གནོན་སྐུ།། དབུ་གསུམ་ཕྱག་དྲུག་ཞབས་བཞིར་བགྲད།། གཡས་དཀར་གཡོན་དམར་དབུས་མཐིང ་རྔཛམ།། གཡས་དཀར་ཀླུ་རྒྱལ་ཟས་སུ་ཟ།། གཡོན་དམར་ཀླུ་འབུམ་གཉེན་ཁྲི་གསོལ།། དབུས་ནི་མཐིང་ལ་རྔམ་པ་ཡིས།། སྐུ་དགྲར་བསྔོས་པའི་དམ་ཉམས་དང་།། ས་བདག་སྡེ་བརྒྱད་ལྷ་སྲིན་གྱི།། དབང་པོ་ལྔ་དང ་ཙིཏྟ་གསོལ།། ཕྱག་དྲུག་མཚོན་ཆ་འབར་བ་ཡིས།། ཞེ་སྡང་ཀླུ་གཉན་ས་བདག་དང་།། དགྲ་བགེགས་མགོ་ལུས་ཚལ་པར་གཤག། དབུ་ལ་བདུད་དང་སྲིན་པོ་དང་།། བཙན་དང་མུ་སྟེགས་རྒྱལ་པོ་ཡི།། ཐོད་པའི་ཕྲེང ་བས་རྒྱན་དུ་བྱས།། ཀླུ་ཆེན་བརྒྱད་ཀྱི་མགོ་བཅད་ནས།། དོ་ཤལ་སྙིང་དང་ཕྲེང་བས་བརྒྱན།། རྒྱལ་རིགས་སྙན་གྱི་གྲོང་ཁྱེར་བརྒྱན།། རྗེ་རིགས་མགུར་ཆུ་ཚངས་སྐུད་བརྒྱན།། བྲམ་ཟེའི་རིགས་ཀྱིས་ཕྱག་གདུབ ་དང་།། དམངས་རིགས་ཞབས་གདུབ་ལྷུ་ཚིགས་བརྒྱན།། རིགས་ངན་གདོལ་པ་ཞབས་འོག་བཏིང་།། བ་སུ་རིགས་དྲུག་ཟས་སུ་ཟ།། མཆེ་བ་དགུ་ཁྲི་རྩང་ཕུར་གཏམས།། སྤྱན་ནས་འཇིགས་པའི་མེ་འབར ་ཞིང་།། ཤངས་ནས་རླུང་ནག་འཚུབས་མ་ལྡང་།། དབུ་སྐྲ་སྨ་ར་བ་སྤུ་ལས།། གདུག་རྩུབ་དམར་ནག་མེ་ཆེན་འབར།། སྐུ་དགྲར་བསྔོ་བའི་དམ་ཉམས་དང་།། གདུག་པའི་ས་བདག་ཀླུ་གཉེན་བསྲེག། གང་ལ་བྱ་བ་ཁྱོད ་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས། སྦྱིན་ཐེག་བྱེད་ན་གདུག་རྩུབ་མེ་ཡི་ཞལ་དུ་སྟོབ།། སྡང་བའི་དགྲ་དང ་གནོད་པའི་བགེགས།། མཆོད་པར་འབུལ་ལོ་ཁ་རམ་ཁ་ཧི།། ཞེས་སྦྱར།། གཡོན་གྱི་ཕྱོགས་ན་ཡུམ་ཆེན་མོ།། མ་གཅིག་རྡོ་རྗེ་ཁྲོས་མ་སྟེ།། སྐུ་མདོག་མཐིང་ནག་འབར་བ་ལ།། གདུག་པའི་རལ་པ་མུན་ལྟར ་གཏིབས།། རལ་བའི་ཟར་བུ་རེ་རེ་ལ།། གསེར་གཡུ་མེ་ཏོག་རྒྱན་ཆ་འཕྱངས།། གདོལ་པའི་ཀླུ་དང་ཐོད་པ་ཡིས།། དབུ་དང་ཕྱག་ཞབས་ལྷལཱུ་ཚིགས་བརྒྱན།། ཞལ་ནས་མི་རོ་རྟ་རོ་འབྲུལ།། སྤྱན་ནས་ཁྲག་འཛག་ཟུ་ལུ ་ལུ།། ཤངས་ནས་རླུང་ནག་འཚུབས་མ་ལྡང་།། གཡས་པ་དགྲ་སྙིང་ཕྱུང་འཁྱུད་ལ།། གཡོན་པ་སྙིང་ཁྲག་གཙོ་ལ་སྟོབ།། དྲག་ཏུ་བསྐུལ་ཞིང་རྦད་ཙམ་ན།། མ་ཚོགས་འབུམ་ཡང་གཟིར་ཞིང་སྔངས།། མ་མོའི་སྦྱིན་ཐང ་དགྲ་ལ་འབེབས།། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། ཟིལ ་གནོན་ཐུགས་ཀྱི་དཀྱིལ་འཁོར་ནས།། འབྱུང་བ་ས་ཡི་དངས་མ་ལས།། རྡོ་རྗེ་རིགས་ཀྱི་ཁྲོ་བོ་སྟེ།། འཇིགས་བྱེད་ཡ་མ་རཱ་ཙ་ནི།། སྐུ་མདོག་སྨུག་ནག་འབར་བ་ལ།། རྔམ་ཞིང་དྲེགས་པས་དགྲ་བགེགས་འདུལ།། རྣ ་བའི་གྲོང་ཁྱེར་སྦྲུལ་གྱིས་བརྒྱན།། ཚངས་པའི་མགོ་བཅད་དོ་ཤལ་བྱས།། གཡས་པ་འཁོར་ལོ་རྩིབས་བཅུ་ཡིས།། དགྲ་བགེགས་མགོ་ལུས་ཚལ་པར་གཤོག། གཡོན་ན་ཙིཏྟ་དམར་པོ་བསྣམས།། འགལ་བྱེད་ཙིཏྟ ་ཁོང་ནས་འབྱིན།། དྲག་ཏུ་བསྐུལ་ཞིང་རྦད་ཙམ་ན།། བདུད་དང་སྲིན་པོའི་དོན་སྙིང་འབྱིན།། བཙན་དང་འགོང་པོ་སྲོག་བདག་འཇོམས།། དུག་ལྔའི་གདུག་པ་ཁྲོས་པ་ཡི།། ས་བདག་ཀླུ་གཉེན་གཟིར་ཞིང ་བསྲེག། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། ཡ་མ་རཱ་ཙའི་ཐུགས་ཀྱི ་དཀྱིལ་འཁོར་ནས།། འབྱུང་བ་མེ་ཡི་དངས་མ་ལས།། རིན་ཆེན་རིགས་ཀྱི་ཁྲོ་བོ་སྟེ།། དྲེགས་པ་ཕྱག་ན་རྡོ་རྗེའི་སྐུ།། སྐུ་མདོག་ལྗང་ནག་འབར་བ་ཡིས།། ཕྲིན་ལས་སྣ་ཚོགས་མཛད་པའི་རྟགས།། ཞལ་གཅིག་རྔམ ་ཞིང་གཙིགས་པ་ཡི།། དྲེགས་པ་ཅན་དང་ལྷ་སྲིན་རྣམས།། སྲོག་དང་ཕྲལ་ནས་ཟས་སུ་ཟ།། ཚེམས་དང་མཆེ་བ་གཙིགས་པ་ཡིས།། གདུག་པའི་ཀླུ་གཉེན་ཞལ་དུ་གསོལ།། གཡས་པ་རྡོ་རྗེ་རྩེ་དགུ་ཡིས།། ཡེ་ཤེས་དགུ ་ལྡན་ཉོན་མོངས་འཇོམས།། གཡོན་ན་ཙིཏྟའི་ཕྲེང་བ་ཡིས།། དབང་ཆེན་དྲེགས་པ་བྲན་དུ་འཁོལ།། ཞབས་གཉིས་གྱད་ཀྱི་དོར་ཐབས་ཀྱིས།། གདུག་པའི་དགྲ་བགེགས་ཟིལ་གྱིས་གནོན།། དབུ་དང་ཕྱག་ཞབས་ལྷ ་ཚིགས་རྣམས།། སྦྲུལ་དང་རིན་པོ་ཆེ་ཡིས་བརྒྱན།། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང ་བླ་མཚོ་སྐོམས།། དྲེགས་པ་ཐུགས་ཀྱི་དཀྱིལ་འཁོར་ནས།། འབྱུང་བ་རླུང་གི་དངས་མ་ལས།། ལས་ཀྱི་རིགས་ཀྱི་ཁྲོ་བོ་སྟེ།། རུས་སྦལ་རྔམ་པའི་མི་ཟན་ནི།། ཉོན་མོངས་ལྔ་ཡི་རྩ་བ་གཅོད།། སྐྱེ་བ་མེད ་པའི་ཁམས་སུ་སྡུད།། ཐུགས་ཀྱི་གསང་མཛོད་ཆེན་པོ་རུ།། ལྷ་སྲིན་མིང་གི་སྙིང་པོ་འཆང་།། དམིགས་པའི་དམ་ཉམས་དགྲ་བགེགས་ཀུན།། ལྕགས་སྡེར་འབར་བའི་སྟོབས་ཀྱིས་ཁུག། སྤྱན་མིག་ཉི་མའི་འོད་ཀྱིས ་བསྲེག། རྩ་བཞི་དངས་མའི་སྟོབས་ཀྱིས་ནོན།། དམོད་པ་དྲག་པོའི་ཆང་པས་ཆོད།། མཆོད་རྟེན་དྲུག་གི་སྟོབས་ཀྱིས་ནོན།། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི ་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། སྤྱི་གཙུག་གདུག་པ་འདུལ་བྱེད་པ།། འབྱུང་བ་ཆུ་ཡི་དངས་མ་ལས།། པདྨ་རིགས་ཀྱི་ཁྲོ་བོ་སྟེ།། བྱ་ཁྱུང་རྒྱལ་པོ་མཐུ་བོ ་ཆེ།། འཁོར་ལོ་འབར་བའི་གཤོག་པ་ལ།། རལ་གྲི་མཚོན་ཆ་སྤུ་གྲིས་གཏམས།། མཚོན་ཆའི་གཤོག་པ་བརྡབས་པ་ཡིས།། གདུག་བྱེད་མ་ལུས་གཤོག་ཅིང་གཏུབ།། སྤྱན་མིག་ཉི་མའི་གཟིགས་སྟངས་ཀྱིས།། བག ་ཆགས་རྒྱ་མཚོ་གཏིང་ནས་སྐེམས།། རྡོ་རྗེ་འབར་བའི་མཆུ་དཔལ་གྱིས།། གདུག་པའི་ཀླུ་རྒྱལ་སྤྱི་ནས་འདྲེན།། གྲུ་གསུམ་གདངས་པའི་ཞལ་བགྲད་པས།། གདུག་པའི་ཀླུ་རྒྱལ་ཁོང་དུ་གསོལ།། གང་ལ་བྱ་བ་ཁྱོད ་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། ཡང་སྦྲུལ་དུག་གི་ཁྱུང་ཆེན་གཉིས།། སྤུ་དང་གཤོག ་པ་མཚོན་ཆ་མེ།། ཀླུ་བདུད་ཀླུ་སྲིན་བསྲེག་པར་མཛད།། སྟག་དང་སེང་གེ་རྔམ་པ་ཡིས།། ཉམས་པའི་ཤ་ཁྲག་སྲོག་ལ་རོལ།། ཞེ་སྡང་གདུག་པའི་སྦྲུལ་ནག་གི། ཁ་ནས་མེ་འབར་སྟོང་ཁམས་བསྲེག། དགྲ་བོའི་ཁང ་པ་རྨིང་ནས་བཤིག། དུག་སྦྲུལ་རླངས་པ་དགྲ་ལ་གཏོང་།། དགྲ་བོའི་ཁོང་དུ་དུག་མདའ་རྒྱོབ།། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག ་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། ཤར་ལྷོ་ནུབ་བྱང་ཕྱོགས་བཞི་ནས།། བླ་འགུགས་མོན་པ་ཆེན་པོ་བཞིས།། དམ་ཉམས་དགྲ་བགེགས་བླ་ཁུག་ཅིག། མོན་མོ་འཇིགས་བྱེད་བཞི་དག ་དང་།། བདུད་ཕོ་བཞི་དང་བདུད་མོ་བཞི།། སྡང་བའི་དགྲ་བགེགས་བླ་ཁུག་ལ།། མངོན་སྤྱོད་ཚུལ་བཞིན་བསྒྲལ་བར་མཛོད།། རྒྱ་མཚོ་ཆེན་པོའི་གཏིང་རུམ་ན།། འཆི་བདག་བྱེ་བ་དགུ་ཁྲི་བཞུགས།། ལས་ཀྱི་མཐའ ་སྡུད་ཁྱོད་ཡིན་པས།། ཉམས་པའི་དགྲ་བགེགས་མྱུར་དུ་སྒྲོལ།། འབྱུང་བཞི་ནམ་གྱི་འོག་ཤེད་ན།། སྒོ་མེད་ལྕགས་མཁར་བཅུ་བདུན་དབུས།། ཐོད་མཁར་འཇིགས་པའི་ཕོ་བྲང་ནས།། གཤིན་རྗེ་ཚེ་བདག་ནག་པོ ་བཞུགས།། ལས་ཀྱི་མཐའ་སྡུད་ཁྱོད་ཡིན་པས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ ་སྙོམས།། ཞེས་གསུངས་སོ།། འཕགས་པ་འཇམ་དཔལ་གཤིན་རྗེ་གཤེད་པོའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལས། ཐུགས་དམ་བསྐུལ་བ་དང་བསྟོད་པའི་ལེའུ་སྟེ་བཅུ་དགུ་པའོ།། །། དེ་ནས་རྡོ་རྗེ་སྙིང་པོས ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཧོ་ཕྲིན་ལས་རྫོགས་པ་ཡི།། རྡོ་རྗེ་འཆང་ཆེན་རྒྱལ་པོ་ཆེ།། སྟོབས་ཆེན་གྱད་གནོན་རྒྱལ་པོ་ཁྱེད།། གདུག་པ་གསུམ་པོ་ལོག་གནོན་དང་།། ཡན་ལག་སྦྱོར་བ་རྒྱས ་པར་ཤོད།། ཅེས་གསོལ་པས། དེ་ནས་བཅོམ་ལྡན་འདས་ཀྱིས། དྲི་བའི་དོན་རྒྱས་པར་བཤད་དོ།། སྔགས་ཀྱི་ནུས་པ་སྟོབས་མེད་ན།། དམ་ཚིག་བཤགས་པ་ཏིང་འཛིན་བསར།། མཚོན་ཆ་རྣོ་བ་ངར་དབྱུང ་ཞིང་།། དམིགས་པ་མྱུར་དུ་མཆོད་ན།། སྔགས་ཀྱི་སོ་བཏགས་སྤུ་གྲི་བསྣོལ།། ཤི་ས་བསྟན་དང་རྣོ་ལ་མྱུར།། བསྒྲུབ་དང་རྐྱང་པ་ཤེས་པས་བརྡེག། སྔགས་ཟློས་ཅིས་ཀྱང་མི་ཐུབ་ན།། སྦྱར་བའི་འཁྲུལ་འཁོར་བཟློག ་ཅིང་དཀྲུག། རྒྱ་ཤོག་རྒྱུ་ལས་དམེ་ཁྲག་བྱུག། འཁྲུལ་འཁོར་དུག་དང་ཁྲག་སྦྱར་བྲིས།། ཆ་ལུགས་བཟློག་ཅིང་ཏིང་འཛིན་གསལ།། བཤིག་ཆིང་སྡུད་པས་རྟེན་ལ་འདུག། ཐུན་བརྡེག་ཕུར་གདབ་ཞག་གསུམ ་བསྔགས།། བསྒོམ་དང་སྔགས་བཟླས་ཕྲིན་ལས་བཅོལ།། དེ་ནས་བཅོམ་ལྡན་འདས་ཀྱིས། སྔགས་ཀྱི་རྒྱལ་པོ་འཁོར་ལོ་བཟློག་ཅིང་དཀྲུག་པ་འདི་གསུངས་སོ།། ཨེ་མྱགས་ཡ་རྔུབས། མུག་ཤག་དུན། ས་ནཱ་ག ་ཏྲིག། ཕུ་ཛ་ཐུམས་ཧུར། དུ་མེ་ཙ་ཏྲི་ནཱ་གའི་སྲོག་ལ་བྲེང་བྲེང་རྩ་ལ་དུན་དུན། ཁམ་ཤག་སྦུར་ནན་རྦད། ས་ནཱ་ག་རོ་མྱགས་ཙིཏྟ་རྦད། མུག་ཏི་སྲོག་ལ་རྦད། ཁྲམ་ཤིག་དུག་ཕྱུང་རྦད།། དབུགས་ལ་ཐང་གཟེར་ཙི་ཏྲི་ཡ ་མ་རྦད།། ཐུན་རྦད་སྲོག་ལ་བྷྱོ།། ཕྲིན་ལས་རྫོགས་ནས་དུར་ཁྲོད་དམ།། བཀའ་རྟེན་བྱིན་ཅན་འོག་ཏུ་མནན།། ཡ་བག་ཤ་ཡ་ཧ་ལ་དུག། བྱ་བ་ཀུན་འགྲུབ་བརླག་པར་འགྱུར།། སྟོབས་མེད་བྱས་ན་རང་འཆི ་བས།། རྩ་མ་ཧ་རི་ཞེས་བྱར་བཤད།། གཞན་ཡང་ལོ་ཏོག་གཞོམ་བྱ་ན།། བམ་ཆེན་མི་ཡི་ཐོད་པ་རུ།། དགྲ་བོའི་ཡུལ་དབྱིབས་ཞིང་ས་བྲུབ།། སྔོ་དང་རྩི་ཤིང་རྫིང་ཡུར་དང་།། སེར་སྲུང་ཡུལ་ལྷ་བཅས་པ ་གཞུག། མནོ་ལ་ཁྲག་དུག་དང་ཉུངས་དཀར་བྲབ།། ཐ་མ་དགྲ་ཡི་ཡུལ་དབུས་གཞུག། གང་ཞིག་དམིགས་པའི་ལོ་འབྲས་བརླག། གལ་ཏེ་ཕེབས་པར་མ་གྱུར་ན།། ས་བདག་སྙིང་ལ་ཕུར་བས་གདབ།། དུད་བདུག ་རྫས་བསྲེག་དྲག་རྩལ་བྱ།། འཇིག་རྟེན་བརླག་པར་ཡང་དག་བཤད།། དེ་ཡི་གསང་སྔགས་འདི་དག་གོ། ཨེ་དུན་ཀ་ཡཾ་རཱ་ཧུ་ལ་ཏྲིག་ནན། ཕྲེཾ་ཕྲེཾ་ཧྲིལ་ཧྲིལ་ཤར་ཤར་ཕོབ་ཕོབ། མ་ར་ཙ་ཤ་ཏྲིག་ནན། ཕྲེཾ་ཕྲོ་རག་མོ ་ཕོབ། ཏིང་རྨུགས་ཁྲག་ལ་རག་ཤ་དུམ། ཡ་མ་ནཱ་ག་གཟིར་ནན། དྲག་ཏུ་ཕྲོ་ཕྲོ་ཤར་ཤར་དྲིལ་ནན་ཕོབ། འབྲས་བུ་ལོ་ཏོག་འཇོམས་པར་བཤད།། གཞན་ཡང་ཡུལ་ཁམས་སྲུང་བྱེད་ན།། ཉུངས་ཀར ་གླང་རུ་ཐལ་ཆེན་གཏོར།། ཟིལ་གནོན་བྱ་ཁྱུང་གཤོག་པ་མེས།། སྤྲིན་རྣམས་ཤིང་གི་ཕུང་པོ་བསྲེག། སྡེར་མོ་མཆུ་ཡི་དྲེགས་པ་བཅོམ།། ཨེ་དུན་ཀ་ཡཾ། སརྦ་ཤ་ཏྲུཾ་སྟམ་བྷ་ཡ་ནན་ཧཱུཾ་ཕཊ། པ་ཙི་ཏོང་པ་ཤོ་ཤ་ཡ། མོ་ཧ ་བྷ་ཏ་ཡ་ཧཱུཾ་ཕཊ། འབྲས་བུ་ཡུལ་ཁམས་བསྲུང་བར་བཤད།། གཞན་ཡང་ལྟས་ངན་ལས་བྱེད་ན།། སྦྱང་ཀི་སྲེག་པ་རི་བོང་དང་།། མོན་པའི་ཙིཏྟ་དབང་པོ་ལྔ།། གཟུགས་ལ་སྔགས་སྒོར་འབྲུ་གསུམ་ལ།། སྔགས ་བཟླས་གཟའ་སྐར་འཛོམ་པ་ལ།། དགྲ་བོའི་གནས་ལ་ཚུད་པ་ན།། ལྟས་ངན་སྣ་ཚོགས་འབབ་པར་འགྱུར།། ཨེ་དུན་ཀ་ཡཾ། ཨག་ཆོས་ཁོང་དྲིལ་ཆུམ་རྦད་མྱག་དུ་ལིང་ཧས་ཕོབ།། ཨག་མོ་ཀ་ཏི་ཁུག་ཆུག་ཁུ་བོ་ཧི ་བཙོན་ཕོབ་ཁུ་ལེ་ཕོབ་དུ་ལིང་ཧས་ཕོབ། ཏི་ཁྲོན་ཁུག་ཆུག་མྱོས་ཏི་ཨ་ཨི་དུ་ལིང་ཧས་ཕོབ། མུས་ཁུ་ལྡི་མུག་ཁོར་བུ་མྱགས། དུ་ལིང་ཧས་ཕོབ་འུབ་ཐུབ་དུ་ལིང་ཧས་ཕོབ།། ལྟས་ངན་སྦྱོར་བ་རྫོགས་པ་ནི།། རང་རང ་སྔགས་དང་རྫས་ཀྱིས་འགྲུབ།། ལྟས་ངན་སྤྲུལ་པའི་སྦྱོར་བར་བཤད།། འཕགས་པ་འཇམ་དཔལ་གཤིན་རྗེའི་རྒྱལ་པོ་ཟླ་གསང་ནག་པོ་སྡིག་པ་སྟོབས་ཆེན་གྱི་རྒྱུད་ལས། ཡན་ལག་གི་སྦྱོར་བ་བསྟན་པའི་ལེའུ་སྟེ་ཉི ་ཤུ་པའོ།། །། དེ་ནས་ཡང་རྡོ་རྗེ་སྙིང་པོས་གསོལ་པ། ཨེ་མ་སངས་རྒྱས་འདུས་པའི་སྐུ།། ཆེ་བ་རང་བྱུང་རྒྱལ་པོ་ཁྱོད།། སྟོབས་ཆེན་གྱད་གནོན་བཀའ་ཡི་རྒྱུད།། དྲག་པོ་མངོན་དུ་ཕྱུང་བ་འདི།། དང་པོ་གང་ནས་ཇི ་ལྟར་བྱུང་།། རྒྱུད་དོན་བསྟན་པ་ཇི་ལྟར་ལགས།། ཡོངས་སུ་རྫོགས་དང་གཏད་པ་གང་།། ཞེས་གསོལ་པས་བཅོམ་ལྡན་འདས་ཀྱིས་དྲི་བའི་དོན་རྒྱས་པར་བཤད་དོ།། དྲེགས་པ་འཇོམས་པ་རྡོ་རྗེའི་བདག། ལོངས་སྤྱོད ་འཁོར་གྱི་སངས་རྒྱས་དང་།། བྱང་སེམས་སྤྲུལ་པའི་རིག་པ་འཛིན།། ལྷ་དང་མཁའ་འགྲོ་རྣལ་འབྱོར་མ།། བདུད་དང་སྲིན་པོ་ཤ་ཟའི་ཚོགས།། ཉི་ཟླ་དབང་ཕྱུག་དཀོར་སྲུང་གཟའ།། སྨྱོ་བྱེད་བྱད་སྟེམས་གནོད་སྦྱིན ་ཀླུ།། གཤིན་རྗེ་གཤེད་ཀྱི་དགེ་འདུན་ཀུན།། ང་ཡི་བཀའ་རྒྱུད་རོལ་པ་འདི།། རྣམ་རྟོག་མཚན་མ་རང་གྲོལ་བའི།། རྡོ་རྗེ་བདེ་བ་ཆེན་པོ་འདི།། ཆོས་ཉིད་སྐྱེ་བ་མེད་དབྱིངས་ནས།། བསྟན་པའི་སྙིང་པོ་ངེས་པའི ་དོན།། སྟོང་ཕྲག་བདུན་དང་བརྒྱ་ཕྲག་བརྒྱད།། ཐབས་དང་ཤེས་རབ་སྙིང་པོའི་བཀའ།། སྒྱུ་འཕྲུལ་དྲ་བ་མངོན་རྫོགས་པ།། སྙིང་པོ་ཉེ་བ་འགྲོ་བའི་ལམ།། གསང་བ་ངེས་པའི་བཀའ་རྒྱུད་ཕྱུང་།། སྟོབས་ཆེན་ལྷུན ་གྲུབ་ཟིལ་གྱིས་གནོན།། ཆོས་སྐུ་ལྷུག་པར་རང་གསལ་བ།། ཡང་དག་དགོངས་པ་གཉིས་མེད་གྲོལ།། འབྲེལ་པ་བཞི་ཡི་དོན་ཉིད་རྫོགས།། ཆོས་དང་ཆོས་ཅན་ཆོས་ཉིད་གཅིག། རྣམ་ཤེས་གཟུང་འཛིན་རང་སྣང ་ཤུགས།། ལྷ་སྤྱོད་མན་ངག་ཐབས་ཅིག་དང་།། འཁོར་འདས་སྣང་སྲིད་དོན་དམ་གཅིག། བདེ་དང་སྡུག་བསྔལ་རྒྱུ་འབྲས་འདས།། རང་བཞིན་བདག་ཉིད་ཆེན་པོར་རྫོགས།། སོ་མ་ལྷག་པར་རྫོགས ་སངས་རྒྱས།། མ་སྐྱེས་སྐྱེ་མེད་གནས་ལས་འདས།། སྐྱེ་འཇིག་འགག་པ་སྟོང་དཔག་མེད།། བདེ་བའི་ཡེ་ཤེས་རོ་གཅིག་མཉམ།། ཨེ་མ་མི་འགྱུར་སྟོབས་ལྡན་གདེང་།། བགྲོད་ཐབས་ཤཱི་ལ་ལྡན་པས་ལོང་།། སེང་གེའི ་རྒྱལ་པོ་བཀུར་བར་བྱ།། ནོར་བུའི་ཕྲེང་བ་བར་མི་གཅད།། གནས་དང་གྲོགས་པོ་ཡིད་འོང་བསྟེན།། དགོན་པའི་གནས་སུ་མི་གཡེལ་བྱ།། གསང་སྔགས་ནུས་པ་འབྱུང་བར་བཤད།། ཚེ་གསུམ་རུས་དང་མྱོས་པ ་ཡང་།། དྲོད་དང་དབང་པོ་རང་ཉམས་བརྟགས།། ཨེ་མ་བཀའ་རྒྱུད་རོལ་པ་འདི།། ལག་ན་རྡོ་རྗེ་ཁྲོ་བོའི་རྒྱལ།། སྣ་ཚོགས་གཞན་དང་མཁའ་འགྲོའི་ཚོགས།། གཤིན་རྗེ་གཤེད་ཀྱི་དགེ་འདུན་ཀུན།། སྙིང་པོ་དོན་གྱི ་བཀའ་རྒྱུད་གཏད།། འདི་ལ་འཇིག་རྟེན་དངོས་གྲུབ་མཆོག། མ་ལུས་འདུས་པའི་སྟོབས་དཔག་མེད།། འདི་ལ་ཡུན་གྱི་དོན་ལྡན་པས།། ཆེ་བས་ཆེ་བའི་ཡོན་ཏན་རྫོགས།། སྙིང་པོ་འདི་ལས་གཞན་མེད་པས།། སྙིང་པོ ་དོན་གྱི་རྒྱུད་དུ་བཤད།། ཅེས་གསུངས་སོ།། དེ་ནས་འཁོར་མང་པོ་དགའ་མགུ་ཡིད་རང་སྟེ། བཅོམ་ལྡན་འདས་ལ་མངོན་པར་བསྟོད་པ། ཨེ་མ་སངས་རྒྱས་ཐམས་ཅད་འདུས་པའི་སྐུ།། བདེ་ཆེན་དང་ལས་ཐབས་ཀྱི ་བྱེ་བྲག་འཆར།། གཉིས་མེད་འབྲས་བུས་ཁམས་གསུམ་རྒྱས་བཏབ་ནས།། མི་འགྱུར་ལྷུན་གྱིས་གྲུབ་པའི་སྐུ་ལ་འདུད།། ཨེ་མ་མི་རྟོག་དབྱིངས་ལས་རྫོགས་པའི་སྐུ།། ཕྱག་རྒྱ་ཟིལ་གནོན་དྲེགས་པ་འཇོམས་པའི ་སྐུ།། དབང་སྡུད་གཏུམ་རྔམ་ཆེན་པོའི་སྐུ་ལ་འདུད།། སྐྱེ་མེད་དབྱིངས་ལས་ཐུགས་རྗེས་དོན་མཛད་པ།། དུག་གསུམ་ནད་སེལ་སྨན་གྱི་རྒྱལ་པོ་སྟེ།། བདུད་རྩིའི་རྒྱལ་པོ་ཁྱེད་ལ་ཕྱག་འཚལ་འདུད།། ཅེས་བསྟོད ་དོ།། འཕགས་པ་འཇམ་དཔལ་གཤིན་རྗེའི་རྒྱལ་པོ་ཟླ་གསང་ནག་པོ་སྡིག་པ་སྟོབས་ཆེན་གྱི་གསང་བའི་རྒྱུད་ལས། རྒྱུད་གཏད་ཅིང་རྗེས་སུ་ཡི་རང་བའི་ལེའུ་སྟེ་ཉི་ཤུ་རྩ་གཅིག་པའོ།། །། འཕགས་པ་འཇམ་དཔལ ་གཤིན་རྗེ་ཟླ་གསང་ནག་པོའི་རྒྱུད་མཆོག་ཏུ་གསང་བ་སྡིག་པ་སྟོབས་ཆེན་ཞེས་བྱ་བ་ལྷའི་ཡུལ་དུ་གྲགས་པ་རྫོགས་སོ།། །། སྔགས་དང་། མཚོན་ཆ་དང་། བཀའི་བདག་པོ་གསུམ་གྱིས་ཕྱག་རྒྱས་བཏབ་པོ།། རྒྱ་རྒྱ ་རྒྱ། རབ་ཏུ་གསང་བའི་རྒྱུད་འབྲས་བུ་རྫོགས་པ་ཞེས་བྱ་བ། སེངྒ་ལའི་ལྷོ་ཕྱོགས་གྱད་ཀྱི་ཡུལ་དུ་དབང་བསྐུར་བའི་སློབ་དཔོན་འཇམ་དཔལ་བཤེས་གཉེན་གྱིས། ཨུ་རྒྱན་དཔལ་རང་བྱུང་གི་མཆོད་རྟེན་དྷརྨཱ་ཙཀྲ་ཆོས ་ཀྱི་འབྱུང་གནས་ནས། མཁའ་འགྲོ་མ་ལ་ཞུས་པ་རིམ་པར་བརྒྱུད་པ། བལ་ཡུལ་གྱི་སློབ་དཔོན་བ་སུ་དྷ་ར་དང་། བན་ཆུང་རྡོ་རྗེ་ཁྲི་གཙུག་གིས་བསྒྱུར་བ་རྫོགས་སོ།། །། ་