བོད་ཡིག

e-texts produced with BDRC’s OCR application

so// // @#// rgya gar skad du/ AR+Ya many+dzu shrI gu h+ya tan+ta rA dza sha ba ka tanA b+ha sa kalpa bash+tsi ma rA dza sA d+ha kAny+dza ga ma kro d+ha bi dza ya tan+ta bash+tsi mA bi bash+tsi ma nA ma/ bod skad du/ 'phags pa 'jam dpal gsang ba'i rgyud kyi rgyal po/ pra khog snang gi brtag pa phyi ma'i rgyal po sgrub pa'i lung / khro bo rnam par rgyal ba'i rgyud phyi ma'i yang phyi ma zhes bya ba/ bcom ldan 'das gshin rje'i gshed la phyag 'tshal lo// 'jam pa'i dbyangs la phyag 'tshal lo// de nas 'jam dpal dbyangs kyis ni/ khro bo ming ni gshin rje'i gshed// mtshon cha me ltar 'bar bas 'khrigs// drag la mthu rtsal drag ldan pa// de mthong nas ni khro bo gzhan// thams cad kun gyis lag cha shor// de bzhin du ni 'jig rten pa// lha rnams lus kyis 'dud par byed// gzhan yang thal mo sbyar byas te// skrag nas bstod pa mang po byed// lha rnams mang po ji snyed kun// 'jam dpal khro bo'i gzi brjid kyis// gzir bzhin du ni rab smras pa// bcom ldan mgon po bdag cag gis// sangs rgyas chos dang dge 'dun la// skyabs su mchi yis bka' stsol cig/ rab tu mi bzad 'jigs pa'i sku// gzi brjid 'bar bas phyogs khyab bo/ khams gsum 'khrug par mdzad pa mthong // gang tshe lha dang lha min rnams// skra gnas skyabs su dong ba na// de tshe 'jam dpal dbyangs kyis ni/ khro bo slar yang zhi bar gyur// gshin rje'i gshed ces bya ba yang / khro bo chen po zhi ba la// de nas skyabs su dong ba yi// lha rnams kun gyis rab smras pa/ khyod kyi brtson 'grus mchog 'tshal ba// ji lta bur ni nges par bgyi// ji lta bur ni dang bar 'gyur// bdag cag the tshom chen po skyes/ khro bos lha rnams tshig gsan nas// gshin rje gshed kyis bka' stsal pa// nga ni dus gsum sngon du byung // sangs rgyas kun gyi sngon du byung // nga ni dus gsum phyis kyang 'byung // nga ni dus gsum da ltar byung // nga ni lnga brgya tha ma'i tshe// nga yi bstan pa 'byung bar byed// bstan pa thams cad nub pa'i tshe// nga yi/ bstan pa 'byung bar byed// las ngan mtshams med byed pa'i tshe// de tshe nga yi bstan pa 'byung // zas ngan lci ba za ba'i tshe// de tshe nga yi bstan pa 'byung // gos ngan dug hrul gon pa'i tshe// de tshe nga yi bstan pa 'byung // nga ni dus gsum 'byung ba'i sku// bstan pa thams cad nub pa'i tshe// de tshe nga yi bstan pa 'byung // ji lta bur ni zhi 'gyur yang // nga ni thams cad zhi ba'i sku// ji lta bur ni khros gyur kyang // thams cad khros pa nga yi sku// lha rnams thams cad khyod nyon cig/ gzi brjid chen po khyod rnams kun// gang tshe gsum la skyabs song ba/ de'i tshe nga yi mi bzad pa/ khro bo yid la gnas par gyis// dkon mchog gsum la gnas pa dang // de yi bka' yang bskyang ba dang // sems can kun la snying brtse'i phyir// nga yi yid ni zhi 'gyur gyis/ khyod rnams skyabs su dong ba dang // byang chub sems dang ldan pa yis// thams cad don ni bsgrub pa'i mchog/ yi ge 'bru ni bcu bdun pa'o// de yi snying po yid las phyung // lha rnams kun gyis gzung bar gyis// gshin rje'i gshed po bdag nyid kyi// snying po rab tu gsungs pa ni// de nas sa yang g.yos par 'gyur// rgya mtsho yang ni rab tu 'khrugs// gnod sbyin dang ni srin po dang // sha za la sogs phung bar gyur// lha rnams kun gyis phyag 'tshal zhing // yan lag kun nas pa spu langs// gshin rje'i gshed po khro bo yis// gtso bo'i snying po de gzung ngo // de nas dam chos bsrung ba'i phyir// khro bo rnam par rgyal ba yis// rtog pa 'di ni de dag la// gshin rje'i gshed kyis rgyas par gsungs// de nas khro bo rnam rgyal gyi// rtog pa khro bo nyid kyis gsungs// snying rje byang chub sems ldan pa'i// lha rnams kyis thos dgar gyur nas// dkon mchog gsum ni bsrung ba'i phyir// so so yi ni rtog pa bshad// de dag gi ni rtsa ba'i rgyud/ khro bo nyid kyis rab gsungs pa/ khro bo rnam rgyal zhes bya 'di// 'jig rten 'das dang 'jig rten pas// sngon du phyag byas khro bo yi// zhal nas ji bzhin thos nas kyang / khro bo nyid kyis gsungs pa yi// rgyud 'di byang chub sems rnams kyis// snying rje de bzhin rgyas pa dang // rnam pa mang por byin gyis brlabs// 'jam dpal gyi rtsa ba'i rtog pa khro bo rnam par rgyal ba'i rgyud 'byung ba zhes bya ba'i skabs te le'u dang po'o// // de nas khro bo rnam par rgyal// 'jam dpal khro bos bshad pa yi// rtog pa rmad du byung ba'i mchog/ mdor ni rab tu bshad par bya// de la 'di yi dkyil 'khor ni// dngos grub thams cad sbyin mdzad pa'i// 'jig rten gsum po 'khrugs par mdzad// yi dwags mang po zhes bya'o// thams cad du ni dkyil 'khor 'di// gnas 'di gang du 'grub 'gyur ba// sngags pas thog ma nyid du ni// de yi gnas ni brtag par bya// shing gcig pa'am dur khrod dam/ khyim stong dang ni bzhi mdo dang // mchod rten dang ni mu gnyis dang // thibs po stong pa lam srang rnying // skyed mos tshal dang ri yi rtse// chu bo'i 'gram dang ri nags tshal// yang na rgya mtsho'i 'gram dang ni// lha chen gyi ni gnas kyang rung // ba lang lhas sam g.yul gyi sa// khyad par du ni yul gtsang bar// gang du yid ni dga' bar yang // der ni dkyil 'khor rab tu bya// de nas rig 'dzin nan tan gyis// sa ni yang dag sbyangs byas te// ba tshwa med cing ma gas pa// mnyam zhing zug rngu med pa la// nub dang shar yang byang gi mtho ba dang / kha dog snum pa lhag par bzang // ba las byung ba rnam lnga dang // ldan pa yi ni lci bas byug/ ci rigs par ni byugs nas kyang // slob dpon gyis ni khrus byas la// sbyang bar 'dug ste mnyam bzhag nas/ khro bo'i bsrung bas byin gyis brlab// yi dwags phal chen zhes bya ba'i// dkyil 'khor gsang mchog nub mo bri// zar ma'i ras sam ras bal la// thig skud sum sgril mdzes pa yi// grwa bzhi'i sa dang sgo bzhi bar// mkhas pas dkyil 'khor thig gdab ste// thog mar shar dang byang nas ni// lho dang nub kyi bar du'o// thig skud de ni phyogs mtshams nas// de nas kyang ni drang bar bya// shar dang lho yi mtshams dang ni// nub dang byang gi mtshams dag tu// thig gis rab tu tshad byas te// gru bzhi'i bar ni thig gdab bo// rim pa gcig pa mdzes pa la// sgo bzhi dag gis mdzes par bya// lho phyogs kyi ni sgo phye la// lhag ma rnams ni gcad par bya// dkyil 'khor dang ni 'tsham pa yi// dbus su pad+ma bri bar bya// pad+ma dang ni phyogs bzhi'i sgo// the tshom med par mnyam par bya// mdzes byed sgo yi phyed du bya// 'gram pa 'dab ma'i tshad du mnyam// nye ba 'di ni mdzes byed kyang // mdzes byed dang ni 'dra bar bya// cho ga bzhin du dkyil 'khor de// kun tu thig ni btab nas kyang // phyi nas tshul bzhin rig 'dzin gyis// dur khrod thal bas bri ba ni// rtag tu shar byang la sogs pa'i// grwa yi nang ni de dag tu// mkhas pas be con phyag rgya bri// phyogs kyi sgor ni yi dwags bzhag/ gzhan yang yi dwags lnga pa ni// pad+ma'i steng du bsam par bya// de bzhin phyi/ sgo'i nang dag dang // phyogs rnams de dag thams cad du// mi ro mgo med yi dwags rnams// dur khrod thal bas dngar te bri// de phyir yi dwags phal chen yin/ khru gang la sogs rim pa nas/ khru brgyad pa yi bar du ste// de las lhag par yang mi bri// rtag tu bdag nyid mchod pa ni/ khru gang bar ni bri bar bya// zhi ba dang ni rgyas pa dang // mi rgyal sgrub pa khru dor bstan// sems can kun ni bskrad pa dang // de bzhin gzhig la khru gsum pa/ khru bzhi dbang dang dgug pa yi// las rnams kyi ni mchog tu gsungs/ khru lnga nad dang mi nad dang // dgra rnams med par bsad pa'i mchog khru drug bgegs rnams thams cad dang // gdon rnams nges pa zlog par byed/ khru bdun pas ni lha yi rnams// dbang dang dgug pa'i las rnams byed/ khru brgyad pas ni dngos grub kun// smin byed mchog tu shis par bya// de ltar ci rigs bris nas ni// de nas gtsang mas nye reg bya// chu yi phyir ni chu yi snod// chus ni rab tu dgang bar bya// de bzhin me tog don du yang // me tog sdug gu dri zhim dang // me tog phreng ba snod mchog gzhan// legs par dgang zhing mdzes par bya// dri yi don du tsan+dan mchog/ tsan+dan dkar po dmar po blang // a ga ru dang sbyar ba yi// gu gul bdug pa'ang de bzhin no// mar gyi me yi mar me dang // mkhas pas snying po 'jam pa'o// drag po yi ni las dag la// tshil chen gyis ni bya bar bshad// gtor ma nya dang sha la sogs// sbyar dug la sogs lhag par dbul// de ltar tshogs rnams bsags nas ni// de nas rig sngags 'chang ba yis// sangs rgyas kun la phyag byas te// byang chub sems la dmigs nas ni// ri mo yi ni las rnam dag/ gal te 'dri bar ma nus na// yi dwags phal chen dbus dag tu// pad+ma sngar bris gang yin pa// de yi steng du yi dwags ni// mkhas pas yid kyis bsam par bya// yi dwags kyi ni sngags mchog gis// bsam pa dag ni byas nas ni// grwa yi dbyug pa bzhi po yang // sngags pa nyid kyis bsam par bya// gal te 'dri bar nus na ni// sngags nyid steng du gzhag par bya// sgo yi yi dwags bzhi po yang // gal te bri bar ma nus na// de bzhin yi dwags 'dzin sngags kyis// byin gyis brlab par gsungs pa ste// de yi nang du rang sngags kyis// byin gyis brlab par bya ba'i phyir// rkang lag mgo bo phrag pa dang // gzhan yang de bzhin lag pa'i phreng // thod pa keng rus mi lpags rlon// ro yi phreng ba bsam par bya// de yi nang du rang sngags kyis// byin gyis brlab tu gzhug par bya// de ltar cho ga bzhin bsams nas// mjug tu khro bo gshin rje'i gshed// sngags brjod pas ni spyan drangs nas// rang gi snying pos bzhugs su gsol// khro bo 'khrugs pa 'jigs mdzad pa// sku ni me lce 'bar ba 'dra// gzi brjid 'phags pa bsam pa ni// sku mdog stang zil bcag 'phro 'dra// zhal drug sku yang kham par 'dug/ smin ma kham nag mig kyang ser// spyan gsum mig ni zlum pa la// phyag ni bcu gnyis pa yi gzugs// de bzhin yi dwags steng na bzhugs// zhabs drug gis ni mdzes par byas// tri shul ral gri dbyug dgra sta// sbyin pa'i phyir ni phyag brkyang ba// lcags kyu yi ni mtshon cha dag/ g.yas kyi phyag na de bzhin gnas// de bzhin g.yon pa drug po yang // thod pa shag ti to ma ra// mdzub mos bsdigs dang zhags pa dang // phyag na dbyug to bsam par bya// mi mgo rlon dang skam po dang // yi dwags phreng bas rnam par brgyan// stag gi pags pa na bzar gsol// sku yang che la gsus khyim che// zhal gyi dbyibs ni du ma ste// sgra ni rgya mtsho 'khrugs pa 'dra// zhal gcig bzhad kyang zhal gcig zhi// zhal gcig 'jigs par bgrad pa'i zhal// zhal gcig zhal ni gdangs pa ste// ljags kyang bskyod par mdzad pa dang // zhal gcig mche ba gtsigs pa ste// de ltar bsams nas legs par ni// snying pos spyan drang yon chab dbul// de nas dri dang sbyar ba'i chus// mchod yon cho ga bzhin phul nas// yi dwags kyi ni spyi bor yang // me tog/ dmar po sbyin par bya// de nas tsan dan dmar phul ba// blo ldan gyis ni khro bo la'o// dri yi 'og tu lha bshos dag/ tsan dan gyis ni gtor ba'o// me tog dang ni phreng ba rnams// me tog sngags kyis dbul bar bya// me tog sngags kyis rim bzhin du// me tog cho ga bzhin phul nas// ji ltar snying po'i sngags kyis kyang / khro bo gtso bo'i snying ga dang / khro bo yi ni spyi bor yang // snying po rnam par dgod par bya// mtshogs mar de yi mtshogs ma dang // de yi gtsug dang spyi gtsug gzhag/ de yi lus la go cha dang // mtshon cha'i gnas su mtshon cha'o// me tog yid kyis bzhag pa ni// ji ltar gsungs pa bzhin du bya// de ltar mchod nas bdug pa ni// sngags kyis btab ste de la 'bul// de nas me mar rab 'bar ba// phyogs brgyad du yang dgod par bya// 'byung po'i gtor ma khro bo la// phul nas yi dwags phal chen gyi// phyi rol du ni mkhas pa yis// sme gtor rnams ni sbyin par bya/ khro bo'i gtso la de phyogs te// de nas yang ni bdug par dbul// de yi phyi rol chu bcas snod// me tog gis ni bkang ste gzhag/ cho ga khrus byas sbyang ba yi// slob ma dag ni bos nas kyang // thams cad sngags kyis gzi bskyed la/ khro bo yi ni snying po yis// lag gnyis me tog byin nas ni// gos kyis gdong ni g.yogs par bya// dkon mchog gsum ni dran byas te// slob dpon gyis ni gzhug par bya// rang gi snying pos me tog nyid// dkyil 'khor la ni gtor du gzhug/ de nas be con zhes bya ba'i// phyag rgya sngags pas de la bstan// dkon mchog gsum ni gsang ba yi// dam tshig de la sbyin par bya// khro bo gtso bo'i sngags kyis ni// sngags zhes pa'i ni dbang bskur ba// chu dang me tog dag gis kyang // bsgrub phyir de la sbyin par bya/ khro bo'i snying pos de nas kyang // cho ga bzhin du dbang bskur nas// me tog bdug pa phreng ldan pa'i// snying po de la sbyin par bya/ khro bo yi ni snying po mchog/ des kyang de ltar mnos nas ni// de nas bla ma la btud nas// ci nus sbyin pas mchod par bya// sngags pas bla ma la mchod na// dngos grub thob 'gyur gzhan du min// slob mar snying po byin nas kyang // me tog tsan dan la sogs pas// mchod pa byas te de nas snod// dri chu la sogs pas bkang ste// phyi rol du ni sngar bzhag pa// de blangs yon chab phul nas ni// 'jam dbyangs khro bo mi bzad pa// mthu rtsal drag pos gshegs su gsol// bzhud nas kyang ni yon chu de// dkyil 'khor la yang dbul bar bya// rgya che sa yi dkyil 'khor na// dngos grub mtshungs med 'dod pa yi// de tshe yang dag rig 'dzin gyis// de ltar mchod pa rtag tu bya// de nas dngos grub thob 'gyur ba'o// 'jam dpal gyi rtsa ba'i rtog pa las/ yi dwags phal pa'i dkyil 'khor gyi rtog pa'i le'u ste gnyis pa'o// // de nas gzhan yang gsang sngags rnams 'byung ste// oM na maHsarba ta thA ga te b+h+yaHpre ta mu kha kha da kla swA hA// dbus kyi yi dwags kyi snying po'o// oM na maHsarba ta thA ga te b+h+yaHA kro d+ha bi dza ya ag ni ra dza li ta/ dzi hwe pre te shwa ri hUM phaT// de ni gra'i be con bzhi'i sngags so// oM na maHsarba ta thA ga te b+h+yaHpre ta thod la kA ya hUM phaT/ shar gyi sgo'i yi dwags kyi'o// IM pre ta big+h+nAn+ta ka hUM phaT/ lho sgo'i yi dwags kyi'o// oM pre ta dzA la hUM/ nub kyi sgo'i yi dwags kyi'o// oM k+Shi pra pre tod ga ta hUM phaT/ byang gi sgo'i yi dwags kyi'o// oM na maHsarba ta thA ga te b+h+yaH/ pre ta mA le bi kr-i te/ pre ta mA le bi kr-i te/ pre ta mA ke bi kr-i te/ gu h+ya be tsi ka mu khi sarba rak+Sho pa dza Sh+yo hUM phaT/ yi dwags phreng ba'i 'o// de dag ni yi dwags kyi dkyil 'khor gyi tshogs so// da ni khro bo gshin rje'i gshed spyan drang ba la sogs pa'i sngags rnams 'byung ngo // oM na mo bud+d+ha d+harma saM g+he b+h+yaHkro d+ha pa ra bI ri sarba ma ye na/ A gats+tsha A gats+tsha/ oM aHhUM i daM pre ta A sa na/ pre tod ga ta na rak+Sha rak+Sha hUM phaT swA hA/ khro bo'i rgyal po gshin rje gshed spyan drang ba'i sngags so// oM dz+wa la dzA la ti bi gra ha hUM phaT/ go cha'i 'o// oM A kro d+he ka ya mAn+ta ka ha na ma tha b+hany+dza hUM phaT/ 'di ni khro bo'i rgyal po rang gi rtog pa yin pas// de'i sngags yi ge bcu bdun pa'o// oM AHhUM/ de nyid kyi snying po'o// oM kA la hUM phaT// mtshogs ma'i'o// oM ya mAn+ta ka e ka bI ra hUM/ spyi gtsug gi'o// oM be b+ha swa tAn+ta ka hUM phaT/ mtshon cha'i sngags so// 'di ni khro bo'i rgyal po gshin rje'i gshed kyi yan lag lnga pa'o// oM e ka bI ra ya mAn+ta ka bi sa ra swA hA/ ar+g+ha'i sngags so// oM bA ka tsi ta sho ne tra ra tra/ saM gan+d+ha bi gra hi swA hA/ dri'i r+dz+dza #bdag pa# bshos kyi sngags so// oM sarba a mI She b+hu ba ha ri Ne swA ha/ sme gtor thams cad kyi sngags so// oM di bya na na b+h+yo dzi ni ha ra ha ra dr-i dr-i khA hi swA hA/ gtor ma thams cad 'bul ba'i sngags so// oM khu khu ni pre tog+na/ te/ pra nyam la ma man/ s+thArmA k+Sha r+d+har+thad+hA rtan r+tha dzA dzA rdo dr-i kha Tha na gro ta ba ma ga / ma dgas dang ma ma'i dkyil 'khor gyi gtor ma'i sngags pa/ khro ba rnam par rgyal ba'i rtag pa las dwags phal pa'i gtor ma'i sngags ste le'u gsum pa'o// // de nas gzhan yang 'jam dbyangs kyi/ khro bo dpa' bo gcig pu ni// tshad med gzi brjid bdag nyid che// de yi phyag rgya bshad par bya// lag pa g.yas pa 'dun byas pa// dkon mchog gsum gyi dam tshig go/ mngon par bstod par byed pa ni// phyag rgya cho ga bzhin du bcings// rig 'dzin dag gis rtag par ni// lag pa'i sor mo thams cad kyis// mthe bo legs par sbas pa ni// rab tu bsdams nas bzang po bcings// cho ga shes pas be con rgya// snying po sngags sam logs shig tu// sngags pa phyag rgya sngags kyis bcings// gzhan du nam yang mi bcing ngo // oM na mo bud+d+ha d+harma sang g+ha b+h+yaHoM sarba ta tha ga te/ kro d+ha bi dzA ya/ ag ni ra dz+wa li ta dzi hA pre ta shi ra hUM phaT/ be con gyi phyag rgya'i sngags so// phyag rgya gcig tu gyur pa 'di/ khro bo'i snying po sngags 'bar byed// mtshon cha ma lus pa yi gtso// bdud rnams thams cad zhi bar byed// ji ltar dkyil 'khor du bri ba// de yi cho ga bshad par bya// be con dbyig pa lta bu'i tshul// 'di ni be con zhes par bshad/ khyad par du ni de yi rtser// yi dwags mgo bo mkhas pas bri// yi dwags mang po rtag tu bri// de las gzhan du nam yang min// rig 'dzin gyis ni cho ga bzhin// rgya 'di dur khrod thal bas so// yang na 'di nyid logs shig tu// gang gi tshe na bsgrub 'dod pa// sgrub po dngos grub 'dod pa yi// rang gi dkyil 'khor du bri'o// de nas phyag rgya bsgrub pa yi// dkyil 'khor 'dir ni bshad par bya// gru bzhi snga ma bzhin du ste// yi dwags phal chen 'dir yang bri// de yi dbus su be con bzhag/ phyogs brgyad rnams su'ang de bzhin no// phyag rgya dgu yang brgyad dang ldan pa yi// phyag rgya'i dkyil 'khor zhes kyang bya'o// de bzhin du ni lho phyogs sgo// phye ste de nas mchod par bya// phyag rgya sngags ni ma lus pa'o// khro bo'i rgyal po rab tu gdug/ de yi 'dir ni mchod 'gyur bas// gsang ba'i mchod pa'i rim gyis so// oM na mo bud+d+ha d+harma sang g+he b+h+yaHoM sarba ta thA ga ta kro d+ha bi dza ya/ ag ni ra dzA li ta dza hA pre ta shi ra hUM phaT hUM/ 'di ni khro bo'i rgyal po rab tu gzhug pa'i be con gyi phyag rgya'i sngags so// 'dis las thams cad bsgrub par bya'o// de nas dngos grub kun gyi mchog khro bo'i gtso bo de kho na// gsang ba'i mchog dang ldan pa yi// be con sgrub pa bshad par bya// snying po ze ba mdzes pa yi// pad+ma 'dab ma brgyad byas la// 'dab ma rtse mo'i phyogs brgyad du// be con khro bo'i bar bcug bri// dbus su dgu pa bzhag nas ni// gzhan rnams shar phyogs nas brtsams te// bskor ba'i tshul du go rim bzhin// me tog dag gis gzhag par bya// be con gyi ni rtse mor hUM// yi dwags spyi bor gzhag par bya// thog mar oM dang ldan byas te// oM dang na ma mchod par 'gyur// A zhi khro bo rnam rgyal gyi// sa bon dam tshig yin par bshad// oM AHhUM/ oM na mo bud+d+ha d+harma saM g+he b+h+yaHsangs rgyas kun gyis mngon par bstod// be con rnams ni thams cad kyang // rang gi phyag gi bskul bar bya// thams cad rang gi dam tshig ldan// de bzhin gshegs pa'i rigs su 'byung // bskul ba'i phyag dang rab ldan zhing / khro bo'i lta bas brtag pa dang // rang rang sku 'dzin bskul nas ni// de ma thag tu las byed 'gyur// AHni khro bo rnam rgyal gyi/ khro bo'i lta bas brtag pa'o// rang gi dam tshig dang ldan pas// hUM dang ldan pas bskul ba bzhin// zhi ba rgyas pa dbang dang dgug/ dbye ba dang ni bskrad pa rnams// gsang ba'i mchod pas sbyor ba yi// bdag gis mdor ni bshad par bya// de yi thog mar yi ge oM// de las gzhan pa sngags 'phel byed// de bzhin gshegs pa'i dam tshig nyid// gsum pa yin par yongs su bsgrag/ sngags kyi bskul ba'i tshig 'di dag/ dngos grub ster ba bzhi pa ste// 'di ni sngags pa'i tshig gis tshig/ sarba ta thA ga ta zhes// brjod pa sngags kyi bdag nyid do// mjug gi hUM ni khro bo yi// sngags ni 'phel bar byed par bshad// de las de bzhin khyad par du// rang gi bskul ba'i tshig gis byed// dbang du bya bar 'dod par ni// rang gi ngo bo smos par bya// lha dbang dbang du byos shig ces// brjod nas mtha' mar swA hA sbyar// zhi ba'i phyir ni skul ba nyid// mjug tu shan+ti brtag par bya// de bzhin gshegs pa'i rigs las byung // mtshungs pa med pa'i dpal 'dod bas// skul ba'i tshig gi mjug tu ni// na maHswA hA rtag tu sbyar// rgyas pa'i phyir ni sngon bzhin du// bskul nas bo Sha Ta bya bar bshad// rgyas phyir bskul ba'i thog ma dang / khro bo'i hUM ni tha mar sbyar// gsad pa la ni phaT ces pa// 'bar ba 'di las lhag pa yin// rigs rnams 'jig par bya ba la// hUM dbus khro dang ldan pa'i phaT// de bzhin bskrad la bskul ba yis// mgo dang bzhug tu hUM gzhag go// yang dag 'bar ba'i phaT kyang gzhag/ gsang ba'i mchod pa'i cho gar grags// de ltar mchod pa'i rim pa dar// be con dgu ni byas par 'gyur// gsang ba'i mchod pa sbyar ba ni// bdug pa me tog de bzhin dri// mar me gtor ma de bzhin te// bzlas pa med kyang 'grub par 'gyur// dbang du bya dang dbye ba dang // bskrad dang gsad pa la sogs ni// ji skad gsungs pa'i tshul dag dang // de dang sbyor ba de 'dra bas// tshes grangs dag dang skar ma dang // smyung ba dag kyang bya mi dgos// gsang ba'i mchod pa'i cho ga shes// phyag rgya'i dkyil 'khor legs byas la// ji ltar 'dod pa rang dgar spyod// ci yang rung ba'i gtor ma dang // lo ma me tog 'bras bus kyang // gang gis gshin rje gshed po yi// snying po phyag rgya mchod byed pa// byang chub sems dang ldan gyur cing // rab tu gus na zla drug gis// de ni ci 'dod dgos pa rnyed// ji ltar 'dod pa'i las kyang byed// 'jam dpal gyi rtsa ba'i cho ga zhib mo khro bo rnam par rgyal ba las/ be con phyag rgya'i dkyil 'khor du bsgrub pa'i mchod pa'i rtog pa ste le'u bzhi pa'o// // de nas be con phyag rgya yi// ji skad gsungs pa de dag bsgrub// de yi dkyil 'khor gnyis pa'ang gzhan// dkyil na yi dwags zhes bya ba// bsgrub pas mtshan mo dur khrod du// dur khrod bdag gi thal ba yis// gru bzhi pa la sgo bzhi bri// me ro'i ro smad dag dang ldan// bla re rnga yab me long dril// me tog bdug pas mdzes par bya// lha rdzas yi dwags mang po dngar// thod pa brgyad kyis rnam par spras// phyis ni be con phyag rgya yang // mgo med ro yi steng du bri// dkyil na yi dwags zhes bya ba'i// thams cad 'khrugs byed dkyil 'khor 'di// khro bo gtso bo'i phyag rgya yis// mchod pa ji skad gsungs pa bya// sme gtor thams cad byin nas ni// gtsang ma go cha bgos nas kyang // 'bum phrag gcig ni sngar bsnyen pa// byas nas 'di ni brtsam par bya// phyugs chen dag gi khrag gis kyang // shis pa'i thod pa bkang nas kyang // de bzhin mi las byung ba'i sha/ phyag rgya yis ni dbul bar bya// phyugs chen gyi ni tshil bu las// mar me 'bar ba byas pa dag/ de yi phyi rol phyogs brgyad du// sngags kyis bsrungs te dbul bar bya// cho ga shes pas de lta bur// byas nas bsgrub la 'jug par bya// dpal ldan gos ni dmar po gyon// tsan+dan dmar pos bskus nas ni// cung zad dag kyang mi 'byed par// mar gyis brgyad la gcig pus so// dpa' la sems drag mthu ldan pa'i// grogs ni gsum dang lhan cig tu// blo dang ldan pas sems drag cing // dbang po bsdams pa'i sgrub pa po// yi dwags kyi ni dkyil 'khor du// sgrub pa'i las la 'jug par bya// de nas mtshan mo phyag rgya bcing // brtan par 'dug la legs par bzlas// bgegs rnams sna tshogs mtshan gcig tu// 'byung ste de las rgyal bar bya'o// de ltar srin po'i tshogs chen las// rgyal nas phyag rgya 'grub par 'gyur// mi 'grub pa yi las rnams kyang // de nas thogs pa med par byed// 'jam dpal dbyangs kyi khro bo yang // bskul nas 'dir ni thog pa med// ha na bi sgro Ta bany+dza pany+dza zhes// bskul ba'i mtha' mar hUM brjod cing // g.yon brkyang ba yi tshul gnas nas/ khros pas ri rtse bgrod dka' dang // ra ba yang thog sgo khang dang // pu shu kha bad ra ba dag/ skad cig gis ni bsnyil bar byed// d+ha ra b+hi s+pho Ta bany+dza bany+dza zhes// bskul pa'i mjug tu hUM brjod na// ri bo dag ni mang po dang // de bzhin lha min sgo dag dang // de bzhin gzhan dang sa dag kyang // ji ltar 'dod pa 'gas par byed// pA tsa bi d+ha na saM she zhes// bskul nas tha mar hUM brjod na// phyag rgya 'di yis chu rnams ni// thogs pa med par skem par byed// mtsho chen dang ni chu bo dang // rgya mtsho dag kyang skem par byed// stam+b+ha ya zhes lan gnyis brjod// tha mar hUM dang de nas mu// de nas de yi mjug tu hUM// sai na stam b+ha zhes sbyar na// pa tsa bi d+han+ma ya sho Sha ya sho Sha ya da hUM phaT/ ri bo la ni gnas pa bzhin// nges par myur du gnon par 'gyur// tha mar hUM bzhag de nas dri// k+Sho b+ha ya zhes lan gnyis brjod// de yi tha mar yi ge ma// mkhas pa dag gis sbyar na ni// dpung rnams 'khrugs par 'gyur ba la/ khros na ngo mtshar ci zhig che// tha mar hUM dang ga bzhag la// de nas tiSh+Tha tiSh+Tha gzhag/ sngags pas gal te sbyar nas ni// cho ga 'di yis glang po gnon// ha na bi d+han+ma mA ra ya// bskul nas tha mar hUM brjod cing // de bzhin tha mar phaT brjod na// dpung dag rab tu 'chi bar 'gyur/ kha kha khA hi khA hi zhes// bskul nas tha mar hUM brjod na// dpung rnams phan tshun 'khrug par ni// thogs pa med par rab tu 'gyur// tha mar hUM dang de bzhin phaT// dri dri dzaM dza dri dri dag/ nges pa dag tu sbyar na ni// sngags pa khro dang ldan pa yis/ khrag gi char 'bab byed par gsungs// tha mar hUM brjod ha ha hA hA bai tA li hUM phaT ces bdag gir byas// sngags pa dpa' dang ldan pa yis// bskul na myur du rmongs par 'gyur// tha mar hUM brjod ha ha ha ha// de bzhin an+ta ya dang phaT// bskul ba 'di dang ldan byas na// 'gro ba dag ni rmongs par 'gyur// tha mar hUM brjod de nas hUM// gong bzhin dr-i dr-i dza dza bzhag/ tha mar dri dang phaT ldan na// 'gro ba de ma thag tu 'bebs/ khro bo chen po 'di yis ni// phyag rgya de ltar 'grub 'gyur na// de tshe las rnams thams cad ni// yid kyis bskul ba tsam gyis ni// byang chub sems dpa' thams cad kyis// dam tshig rab tu skong ba yin// grub pa dag ni gang 'dod pa// de ni thogs pa med par byed// 'di yi sngon du bsnyen pa ni// cho ga bzhin du 'bum byas nas// blo dang ldan pas bsgrub la 'jug/ gal te der ni ma grub na// de tshe de bzhin gshegs pa yi// snga ma dam tshig bskul ba bzhin// de nas slar yang sngags rnams la// thogs pa med par de bzhin sbyar// phyag 'tshal ba dang kun tu ldan// de yi thog/ mar oM bzhag la// oM zhes bya ba gzhan yang gzhag/ AHzhes bya ba gnyis pa'o// de yi tshig gi mjug tu hUM// bzhag ste de nas tshig rnams kun// de ltar kro ta bi dza ya// ag+ni dzA li dzi hA ta shir// tshig rnams gzhan ni brjod par bya// de nas de yi tha mar hUM// de bzhin tshig gi tha mar oM// tha mar AHgzhag de yi mthar// hUM dang si ti lan gnyis bsgom// pra phu ta zhes lan gnyis bsgom// de nas de bzhin gshegs pa yi// bka' rnams thams cad bsgrub par bya// khro bo'i gtso bo de yi ni// bka' bzhin byed de de bzhin 'gyur// gang gi mngon du bsnyen bya ba// de yi bskul ba'i cho ga ni// ji skad gsungs pa'i las rnams la// ma grub na ni nges par bya// gzhan du sngags ni gzir byas na// bdag nyid nges par 'chi bar 'gyur/ khyad par du ni dpa' bo yi/ khro bo'i gtso bo'i snying po 'di// phyag rgya 'dis ni gzir byas na// 'gro ba ma lus 'khrug par 'gyur// 'di ni gang la bzlas pa yi// sngags rnams de la dgos med par// 'jig rten 'jig rten 'das pa dang // de dag kun gyi lus kyang chad// phyag rgya 'dis ni gzir na ni// dpag tshad bdun gyi dkyil 'khor na// gzhan gyi sngags rnams gang yod dang // dgra rnams dregs pa med par byed// 'byung po skrag par byed pa dang // de bzhin lha rnams 'khrugs par byed// khro bo rab tu 'ga' bar byed// gshin rje'i gshed po'i mthu yang bskyed// yi dwags ro langs rigs dag ni// de bzhin rab tu 'jigs par gsungs// byad dang gnod pa skrag pa yang // rab tu bskul nas 'jigs par byed// bgegs rnams thams cad 'jigs par byed// 'chi ba thams cad med par byed// phongs pa thams cad med byed la// be con phyag rgya drag po'i sngags// dgra dang de bzhin gzhan dag dang // skye bo dag la 'di bcings bstan// gshin rje'i gshed po sbyar na ni// de yi mod la srog kyang 'phrog/ mdor na snying po phyag rgya 'di// rtog pa rang gi dam tshig brtan/ khro bo'i zhal nas gsungs pa 'di// gsang ba rab tu bstan pa yin// gshin rje'i gshed po gcig tu ba'i// sngags pas khro bo'i gtso bo yi// snying po phyag rgya be con dang // snying po dag gis sbyar bar bya/ khro bo rnam par rgyal ba 'jam dpal gyi rtsa ba'i rtog pa las/ be con gyi phyag rgya'i rtog pa ste le'u lnga pa'o// // de nas yi ge bcu bdun pa'i// rtsa ba'i sngags ni gang yin pa// de yi phyag rgya gzhan dag kyang // ro langs zhes ni bya ba yod// gshin rje'i gshed po drag brtson pa'i// snying ni dga' byed gsang ba'o// sngags pa dag gis gang dag tu// bcings pa de ni byin rlob pa// ro langs zhes bya'i phyag rgya 'di/ khro bos gsungs pa bshad par bya// dur khrod dag ni thams cad ni// gong la rtag tu rag lus pa'o// de nas lag pa gnyis ka yi// sor mo phan tshun bsnol ba yis// mdzub mo gnyis kas srin lag gnyis// legs par bzung nas dgug par bya// gung mo sor mo sgreng ste sbyar// mthe'u chung gnyis kyang nang du gzhug/ de bzhin du ni mthe bong gnyis// phan tshun bsnol mar brkyang ste sbyar// shes rab can gyi ro langs 'di// rtag tu tshul bzhin khro bas bstan/ khro bo gtso bo'i sngags gang ni// yi ge bcu bdun legs gsungs pa// de nyid 'di dang sbyar bar bya// ro langs phyag rgya ldan pa ste// bdag nyid 'dod pa thams cad ster// ha har gyur pa'i dkyil 'khor du// cho ga bzhin du sbyar bar bya// ha har gyur pa'i dkyil 'khor ni// khro bo 'bar byed bshad par bya// yi dwags phal chen bshad pa bzhin// 'di yang gru bzhi lham par bya/ khyad par du ni phyogs kun du// mkhas pas me ri 'bar bar bya/ khru brgyad lhag chad med par ni/ cho ga bzhin du bri bar bya// sgo sgo dag tu gsal shing gis// phug pa'i yi dwags khrag can gzhag/ dbus su mgo dang bral ba yi// mi ro ro smad gsal bar gzhag/ yi dwags phal chen dkyil 'khor bzhin// tha mar yi dwags phreng ba dgod/ khro bo'i dag gi rtsa ba'i sngags// mtshogs ma spyi gtsug la sogs bsrung / yi ge bcu bdun blo ldan gyis// mgo med ro yi steng du gzhag/ zhal drug pa la zhabs kyang drug/ de bzhin phyag ni bcu gnyis pa// rab tu 'bar ba drag po'i gzugs// snga ma bzhin du gzhag par bya// yi dwags mang po sbyar ba ni// snga ma bzhin du bzhag nas ni// me tog bdug pa phreng la sogs// sngags pas de la mchod par bya// 'dir ni gtor ma gsungs pa yang // sha chen gyis bya gzhan du min/ khrag gi gtor ma'i cho ga dang // de bzhin bdug pa'ang kun sme ba'o// de nas dpal ldan rig 'dzin pas// ro langs phyag rgya bcings nas ni// gtor ma me tog la sogs dbul// rnam pa kun tu khro bos bya// dkyil 'khor du ni 'khor yug gi// phyogs brgyad dag tu mar me dgod// dur khrod dag gi mgal dum mam// yang na gsal shing dag gis bud// seng ldeng dag gi gzar bu yis// tshil chen dag la lan bdun du// lho phyogs me las bsregs nas ni// de nas khro bo bsgrub par bya// de la sngon du bsnyen pa dang // bzlas pa dag ni bstan pa min// rig 'dzin nyid kyi sems stobs nyid// 'di yi rgyur 'di shes par bya// lho phyogs sgor ni nan tan tu// rma med pa yi ro bzhag ste// snying gar ro langs rgya bzhag la// de la rab tu bskor bar bya// de nas khros pa chen po yis// shin tu bkrus shing legs par brgyan// dri dang me tog dmar sngon gyis// legs pa dag tu mchod nas ni// mkhas pas ro langs phyag rgya yis// thog dmar bdag nyid bsrung bar bya// gshin rje'i gshed byed yan lag lnga// de bzhin las la sbyar bar bya// dpa' bo mthu chen bdag nyid kyis// ral gri lag par blangs nas ni// dpa' bo'i rkang pa g.yon pa yi// de yi snying gar mnan nas ni/ khro bo yi ni gtso bo yi// yi ge bcu bdun sngags bzlas so// oM A kro d+hi ka ya mAn+ta ka ha na ma tha b+hany+dza hUM phaT/ 'di ni rtsa ba'i sngags yi ge bcu bdun pa'o// de yis drag por bskul ba dang // yi dwags de ni g.yo bar 'gyur// ha har gyur par 'khrugs pa dang // de bzhin ha ha'i sgra yang 'byin// de nas bdag gis langs pa la// mtshon cha rnon po 'bar ba yis// bcad pa'i sha dang khrag bcas pa// ats+tsha de la dbul bar bya// rig pa 'dzin pa de yi ni// sems kyi drod ni de shes nas// ar+g+haM blangs te dkyil 'khor ni// ha har gyur pas 'jigs par byed// de nas bdag nyid chen po des// 'jigs su rung ba'i gzugs mthong nas// gshin rje'i gshed po dpa' bo yi// ro langs phyag bstan par bya// de nas gshin rje'i gshed po ni// yi dwags lus la gnas pa des// ro langs nyid kyi rgya mthong nas// rig pa 'dzin pa de yi ni// sems drod rig nas 'dod pa'i mchog/ sbyin par byed par gdon mi za// khro bo'i rgyal po slar gshegs nas// mi ro sa la 'gyel bar 'gyur// de yi lus ni de nyid kyang // gser du 'gyur bar gdon mi za// de tshe grogs po rnams dang yang // sems can rnams la ci bder sbyin// bdag nyid chen po dpa' bo yi// bsgrub par bshad pa 'di yin te// sems ni rab tu dpa' bas bya'i// ngan don gzhan gyis yang mi bya// sems dpa' zhan pa'i sgrub pa pos/ khro bo'i rgyal po de bsgrubs na// de ni langs nas myur bar ni// grogs dang bcas pas gsod par 'gyur// ro langs phyag rgya mi shes na// sems ni ji ltar drag gyur kyang / khro bo'i rgyal po de yis ni// sgrub pa po de bsad par 'gyur// rig 'dzin mchog gis gang dag tu// de bzhin gshegs pa'i dam tshig gis// brgyan cing khro bo skul byed pa'i// ro langs phyag rgya bcings pa der// gdon mi za bar khro bos ni// legs par byin gyis rlob par 'gyur// myur du mchog kyang stsol bar mdzad// 'grub par 'gyur ba gdon mi za// oM na mo bud+d+ha d+harma sang g+he b+h+yaHA kro d+hi ka ya mAn+ta ka ha na ma tha b+hany+dza/ hUM pre ta bi rak+Sha rak+Sha mA na pa tsa ta thA ga ta Adz+nyA pa ya ti swA hA/ de bzhin gshegs pa'i bka' brgyan pa// ro langs khro bo'i phyag rgya'i sngags so// ha har gyur pa'i dkyil 'khor du// ro langs phyag rgya rang sngags dang // ldan na myur du khro bo yis// nges par byin gyis rlob par 'gyur// dbang po dag gi sbyor bas ni// sngar bsnyen la sogs med par yang // sgrub pa po ni 'dod pa bzhin/ khro bo nges par myur du 'grub// yang na ro langs phyag rgya 'di// skyes bu sems ni mi dpa' bas// ha har gyur pa'i dkyil 'khor du// bdag nyid kyis ni dam tshig gis// mkhas pas bzung nas bzlas par bya// de nyid kyis ni dbang bskur nas// ji ltar myur bar gang du'ang rung // khro bo mchog gi ri mo'am// dkyil 'khor cho ga bzhin byas pa'am// de bzhin sku gzugs gzhag pa'ang rung // yid dang dbang po bsdams byas te// thog mar tshig 'bum bzlas par bya// de ltar sngon du bsnyen pa ni// ji ltar 'dod par byas nas gdod// phyi nas sbyang bar byas nas de// ro langs phyag rgya sgrub la 'jug/ ha har gyur pa'i dkyil 'khor ni// cho ga bzhin du dur khrod bri// yang ni sems ni mi dpa' bas// dur khrod thal bas khyim du bri/ khyim de stong ba yin na rung // gal te khyim de mi stong na// ha har gyur pa mthong ba dang // zhag bdun lon ma thag tu 'jig/ de nas yi dwags mang po las// gsang ba'i mchod pa ci rigs bya// de nas lho phyogs sgor 'dug ste// byang gi sgo ru kha bltas la// rang gi dam tshig las gsungs pa'i// ro langs phyag rgya bcings te bzlas// zla ba mar gyi tshes brgyad la// blo ldan cho ga shes pa yis// mtshan mo stan cig 'dug nas ni// nyi ma shar gyi bar du bzlas// de nas khro bo drag po yi// ro langs lha mo 'grub par 'gyur/ khro bo ha ha'i sngags dag dang // skul ba'i tshig gis mchog rnams kyis// ji skad gsungs pa'i las rnams ni// thams cad de nas byed par 'gyur// be con zhes bya'i phyag rgya la'ang // de dag nyid la myur du sbyar// sbyar na dogs pa med par yang // 'di ni de dag byed par 'gyur// ro langs phyag rgya bsgrub pa bri// sngags pa dgongs pa gsungs pa'o// da ni zhan pa'i sems rnams kyis// sgrub pa dag ni gsum po 'byung // cho ga bzhin du sngar bshad pa'i// yi dwags mang po de tshe bri// gang yang rung bar ji rigs par// phyag rgya rnams kyis sbyar bar bya// de nas yi dwags mang po yi// dkyil 'khor blta na sdug pa 'di/ khyim mam yang na gzhan du'ang rung // de tshe dkyil 'khor bris nas ni// de dbus yi dwags spyi bo la// ro langs phyag rgya 'di bzhag go/ khro bo yi ge gzi bskyed pa// zhi zhing kun tu dga' byed pa// ro langs snying po'i phyag rgya ni// bcings nas de la sbyar bar bya// de nas ro langs phyag rgya yis// gsang ba'i yi ge bcu gsum pa'o// zhi ba gzhan yang shes byas nas// ji ltar 'dod par bzlas par bya// oM AHhUM be tA li rak+Sha rak+Sha mAM swA hA// ro langs phyag rgya'i snying po 'di// gang yang rung ba ci 'dod par// gcur bskur ba yi 'bum grangs su// cho ga bzhin du bzlas na ni// rmad du byung ba'i las rnams kyang // yid kyis bsam pas byed par 'gyur// gsang ba'i rig pa gsang ba 'di// las rnams thams cad byed pa'o// de nas da ni 'di yi las/ khro bo'i rgyal po nyid kyis ni// rtog pa 'di las gang gsungs pa// de dag mdo ru bshad par bya// gnon dang gzir dang rmongs pa dang // de bzhin dbab pa'i cho ga dang // dbang du byed dang ldan pa dang // gsad pa dang ni bskrad pa dang // phan tshun 'thab cing brdeg pa dang // de bzhin gzhan yang mig 'khrul dang // zhi dang rgyas par sbyor ba dang // de bzhin dga' bar byed pa dang // 'gugs par byed pa'i cho ga yang // mdor bsdus nas ni bshad par bya// ro langs phyag rgya las bsgrub phyir// cho ga bzhin du sngar bsnyen bya// so so'i don rnams bsgrub pa'i phyir// cho ga 'di dag brtsam par bya// rma bya'i 'jug ma'i sgo dag la// mkhas pas mdongs ni brgya yod pa// bam po gcig tu sbas nas ni// bu mos bkal ba'i skud pa yis// seng ldeng shing gi yu ba ni// 'phan med khru gang brtsam pa la// cho ga bzhin du bcing bar bya// yu ba de yi rtse mo la'ang // mchod rten bzang po legs par bya// gro ga la ni gi haM gis/ khro bos mthar byas ro langs dri// shes pas mchod rten 'og tu bzhag/ de nas zla ba gzas zin pa'i// nub mo yi dwags phal chen gyi// dkyil 'khor mtsho 'gram bris nas bzlas// de ltar bsgrub phyir sngags pa yis// mjug ma de la yid gtad nas// lag pa g.yon pas bzung nas ni// zla ba de la blta zhing bzlas// sems ni bdud kyis ma dkrugs par// sems dpa'i stobs kyis kha cig la// drod dang du ba 'bar ba dag/ mjug ma de las 'byung bar 'gyur// dro bar gyur pa mthong na ni// byang chub sems dpa' 'dra ba yis// sems can rnams ni thams cad la// des ni phan thogs gnod par nus// mjug ma bzang po de las ni// du ba 'byung ba mthong na yang // myur du mi snang bar yang 'gyur// 'dod pa'i gzugs can yid mgyogs bzhin// rgas pa dang ni 'chi ba'ang med// gnod sbyin rnams ni yongs su bskor// sems can chen po de yis gzis// gal te de ni 'bar gyur na// rig 'dzin dpal dang ldan par 'gyur// nam mkha' la ni myur du 'gro/ bde ba kun dang ldan pa yi// rig 'dzin rnams kyi mchog tu gyur// gal te zla ba gzas btang la// de tshe grub par ma gyur na'ang // mjug ma gang yang rung ba gcig/ lan cig tsam ni bskor bas kyang // dpung rnams gnon pa'i dngos grub 'byung // myos pas 'grangs pa'i glang po dang // stag dang seng ge wa rnams dang // rta dang shing rta bya rnams dang // gru dang gru chen bzhon pa rnams// bskor na thams cad gnod par byed// mnan pa dag las thar bar yang // mjug ma 'dis ni gdon mi za// de nas gzhan yang ro langs kyis// gzir bar bya ba gsang bar bshad// de nas tshil chen blangs nas ni// de yang thod pa'i nang du bzhag/ e shwa ma ra dmar po yi// shing bal 'jam pos snying po byas// gdol pa'i me yis 'bar byas nas// nyi ma zla ba gzas zin tshe// thod pa'i dud pa blangs nas ni// zla ba'am yang na nyi ma dag/ btang gi bar du bzlas par bya// yang na arka'i shing bal gyis// de yi 'og tu lcags thur gyis// mig/ gnyis dag ni bsku bar bya// de ltar mig gnyis bskus pa yis// gang dag bltas pa de dag ni// gzir par gyur pa gdon mi za// de nas gdong bkrus bltas na ni// slar yang de las thar bar 'gyur// de nas gzhan yang rmongs pa ni// rmongs par byed pa'i mchog bshad do// arka shing gi rtsa ba dang // ka na ka yi rtsa ba dang // a shra ma ra ru rta dang // mo ha ni yi rtsa ba dang // ma hA nI la'i rtsa ba dang // shar bu kar ldan byas shing // yi dwags me tog snying por rnyid pa'ang ldan// mdun so dag dang ldan byas te// skyes pa dag gam bud med kyi// gsang dbang pags pa dang ldan pa// bu mo 'dod pa ma spyad pas// mar gyi brgyad la legs par btag/ phyis ni bud med khrag dag dang // bong bu'i khu bas sbu bar bya// dur khrod thal ba dang sbyar te// de nas mar gyi tshes brgyad la// thog mar yi dwags mang bris nas// rig pa 'dzin pas nub mo bzlas// stong rtsa brgyad ni legs bzlas na// de nas rdzas ni 'grub par 'gyur// rmongs par byed pa'i phye ma 'di// sems can kun la sbyar na ni// de nas rmongs par byed par 'gyur// de la the tshom mi bya'o// 'thab mo dang ni rtsod pa dang // rgyal po'i g.yul ngo chen po dang // bdag gi phyogs ni bsrung ba'i phyir// sbyor ba shes pas bskul ba yi// rgyal mtshan dag ni bsgreng ba ni// dgra rnams kun tu rmongs par 'gyur// phye ma de yis reg na ni// de ma thag tu mi rnams rmongs// tshur zhugs na ni thar par 'gyur// nges par gzhan du ma yin no// de nas gzhan yang dbab pa yi// cho ga'i mchog ni bshad par bya// ji ltar 'byung po thams cad ni// mod la 'bab par 'gyur ba'o// stag gi pags pa dang ldan par// sbrul gyi shun par btags nas ni// dug dang yung ba'i rtsa ba dang // mo ha na dang ma la ti// ra yi gcin las btags par ni// de nas de dag ri lu bya// tsa na ka yi 'bras bu'i tshad// bdun nam brgyad dam dgu'am yang // gzhan yang ri bong khrag dag dang // gur gum las ni btags nas su// bdun nam brgyad dam dgu dag tu// ri lu snga ma bzhin du bya// de nas snga ma'i ri lu dag/ sngags pas thod pa'i nang du gzhag/ mar gyi tshes brgyad mtshan mo ni// brgya rtsa brgyad du bzlas par bya// gur gum can ni a ri sta'i// snod ni gtsang mar gzhag par bya// de nas stong rtsa brgyad bzlas te// rtse mo rab tu sbyar bar bya// sngar ni legs par sbyar ba yi// ri lu tha mal 'dug pa la// btab na myur du 'bab par ni// ring por mi thogs gzhan du min// babs nas myur tu gtang ba ni// de nas gur gum ri lus bya'o// de nas gzhan yang sgrub pa yis// dbang du byed pa dag gi mchog/ rig pa 'dzin pa'i yid las 'byung // las kyis nges 'gyur bshad par bya// rak+ta zhes ni 'dir grags pa// rtsa ba rak+ta mU li ka/ de blangs sha ra pu ka dang // mi las byung ba'i mdun so dang // tshub chub mas gtsubs pa'i shing lo ni// lding zhing lhag dang bcas pa dag/ gzhan nu zhes kyang byung / mas bskor ba'i lo mar bcas// bung ba yi ni lo ma dag/ gzhon nu mas ni mtshan mo btag/ de nas bdag gi sbyar ba de// phye ma mchog ni lan bdun du// bdag gi khu bas sbu bar bya// de nas bdag gi dkyil 'khor la// pad+ma'i snying po la gzhug nas// gtsang mas kyang bcings nas mar gyi tshes brgyad la// blo ldan lag par bzung nas ni// sngags kyis stong du gdab par bya// phye ma'i rgyal po dbang byed pa// de nas dngos grub thob par 'gyur// bza' ba'am yang na btung sbyin la// yang na phye ma 'gam par bya// yang na rlung gi phyogs su gtang // yang na gos la lan cig gdab// yang na byug pa'am so yi rtsi// gang la'ang de dag sbyar byas na// de la 'dis ni lan cig gis// myos shing dregs pa'i dgra dag ni// rgyang ring nas kyang dbang du 'gyur// bran bzhin du ni legs par byed// phye ma 'di yis reg pa ni// shin tu rjes su 'breng bar 'gyur// gal te rgyang ni ring po nas// phye mas reg par mi 'gyur na// de yi gzugs brnyan byas nas ni// phye ma 'di yis gdab par bya// zhag bdun gyis ni rig 'dzin gyi// ming ni 'di yis thos nas kyang // bdag nyid dang ni nor bdag gi/ gdon mi za bar dbang du 'gyur// de nas sbyor ba 'ba' zhig gis// 'khon pa'i las dag bshad par bya// rma bya'i mdongs ni bzang po dang // de bzhin sbrul gyi shun pa dang // rta dang ma he'i spu dag dang // ka na ka yi sa bon dang // a shwa ma ra'i me tog dang // de nas glang po pi bi ling // 'di rnams thams cad bsnyams byas te// byi ba byi la'i khrag la btab// bdag gi ru lu bskam par bya// byas nas cho ga shes pa yis// mtshan mo stong rtsa brgyad du bzlas// byi ba dang ni byi la yi// spu yi bdug pas bdug par bya// de nas sbyor ba shes pa yis// nas ri lu gcig blangs la// gang dang 'khon par bya ba ni// de dag gcig gi spyi bo la// ril bu'am yang na phye ma dag/ 'khon par gyur pa'i phyir gdab bo// 'khon par byed pa'i mchog 'di ni// khro bo nyid kyis gsungs pa'o// de nas 'dir ni gsang bya ba// ji ltar yang dag sbyor ldan pas// dogs pa med par 'grub 'gyur ba// gsod pa'i mchog ni bshad par bya// mi dbang rnam pa du ma yis// dkon mchog gsum la gnod byed pa// de la sbyor ba 'di sbyar te// ngan song gzhan la ma yin no// byang chub sems dang ldan pa la// 'grub 'gyur 'di ni gzhan du min// 'di ni de bzhin gshegs pa yi// dam tshig thams cad grub sbyin pa// cho ga 'di bzhin legs par bsrung // gzhan du na ni 'grub mi 'gyur// de bzhin gshegs pa'i dngos grub kun// 'dod na srog chags phan 'dod pas// 'od dang 'og dang 'brar yang 'byung ba'i dngos grub kyang // mi bshol bar ni bsgrub par bya// khro dang gtum pa'i spyod pa dang // 'dod phyir gsad par 'dod pa de// de bzhin gshegs pa'i dngos grub dag/ rmi lam du yang ga la 'byung // snying rje bzod dang de bzhin byams// rang bzhin gyis ni snying rje can// 'di skad gsungs pa'i sngags pa ni// byang chub sems ni 'ba' zhig sems// de bzhin gshegs pa'i dngos grub kun// gdon mi za bar de la 'grub// gdug pa rnams ni 'dul ba yi// sbyor ba 'di ni kun tu gsungs// dkon mchog gsum la cher gnod la// bya bar bshad kyis gzhan du min// sems gdug bsgrub par bya ba yi// rkang pa'i rjes kyis blangs la// de nas gtsang mar ma he yi// gcin gyis de ni spras nas kyang // de yi gzugs brnyan byas nas ni// dur khrod thal bas bsku bar bya// sol ba tsher ma rnon po dang // de bzhin rus pa phub ma dag/ de yi snying gar dgang bar bya// de bzhin gzhan yang lto ba dang // rna ba sna dang mig dang kha// rab tu bkang nas gsang sar yang gsang bar gzhag/ bzhag pa rkang pa g.yon pas mnan// de nas bu don sku gzugs la// gzhan yang ro langs zhi ba'i sngags// phyin ci log tu bzlog nas ni// bsgrub par bya ba'i ming smos nas// sgrub pa stong rtsa brgyad du bzlas// bzlog pa'i rim pa nyid kyi ni// phaT gnyis dag gi bar du gzhug/ las 'di byas pas nges par ni// bsgrub par bya ba spos gyur nas// nges par 'chi bdag dbang du 'gyur// blo dang ldan pas bsgrub bya yi// dregs pa de ltar bsal byas nas// nad kun gyis ni btab pa de// de nas slar yang thar bar bya// gzhan du byas na mod la ni// nges par 'chi bdag drung du 'gro// dkon mchog gsum ni bsrung ba'i phyir// gnod par byed pa thams cad la// nad la sogs pa sbyar na yang // 'chi ba gyur pa 'di bshad do// dam tshig bshes la mi bya ste// gal te byas na bdag nyid 'chi// bskrad par bya ba'i cho ga yang // 'jam dbyangs rab tu dpa' bo yi/ khro bo nyid kyi ji skad du// gsungs pa de ni bshad par bya// seng ldeng las byas phur pa ni// sor brgyad tshad du byas pa la// nyung mar tsha bas byugs nas ni// dur khrod thal bas gdab par bya// de nas khwa ni rang shi ba'i// pags pa dag gis dkri bar bya// sgrub pos nub mo phur bu de// skud pa dmar pos bcings nas ni// de nas ro langs phyag rgya ni// skrod cig pa yi tshig ldan pas// bsgrub par bya ba'i ming smos te// mkhas pas stong rtsa brgyad du bzlas// de nas bskrad par 'dod pa yi// bsgrub par bya ba'i sgo gar ni// phur bu de ni gdab par bya// de ni skrod pa'i mchog tu gsungs// 'on te brgya byin stobs ldan pa'i// bsgrub par bya ba'ang bskrad par 'gyur// de nas gzhan yang gcig la gcig/ 'thab dang rtsod par bya ba ni// dkon mchog gsum la gnod byed par// rig nas ji ltar 'dod par ni// de dag rang gi phyogs 'khrug par// sngags pas ji skad gsungs bzhin bya// ba ra hi dang ri tse ra// pa tra dang ni ke shi ni// de bzhin tha ma pu ka ri// yang dag byang chub rab zhugs pa// mthu chen sman ni 'di rnams las// gang yang rung ba gcig blangs te// lo ma rlung gis btab par sbyar// de bzhin pa la ta ka dang // go snyod nag po ldong ros dag/ 'di dag btags te phye mar byas// mi yi tshil gyis sbrus nas su// ro langs stong rtsa brgyad du bzlas// nam langs par ni gyur pa dang // gdug pa 'khrug par byed ces bya// gang gi mnams pa de dag ni// rang gi phyogs rnams phan tshun 'khrug/ gcig la gcig kyang 'thab par 'gyur// dgra bo gsar 'gyur la rkang pa 'di mi 'dug rgyud 'di gar byung bar// yul 'khor dang ni grong khyer dang // dpung la gnon par bya ba'i phyir// phan tshun rtsod par byed pa yi// gdug pa 'di ni sbyar bar bya// phan tshun gsod cing 'thab pa dag/ ci rigs bstan pa 'di yin no// de nas gzhan yang mig 'phrul gyis// cho ga tshul bzhin bshad par bya// mi 'phrul dngos po 'grub par 'gyur// mi zod bzang po thal ba dang // ri bong gi ni/ khrag blangs te// yi dwags phal chen dkyil 'khor ni// dur khrod dag gis thal ba yis// ji skad gsungs par bri ba bya// de yi nang du ro langs la// mchod pa chen po byas nas ni// der yang lho phyogs sgo dag tu// zhugs thabs/ thab// tu ni me bus te// de nas thal ba de la ni// mar gyis byug cing bdug te yang sbyin sreg bya// de nas thal ba de la yang // stong rtsa brgyad du bzlas byas te// stong rtsa brgyad po de nyid kyis// nam langs nas ni nges par yang // mkhas pas mig 'phrul rtsed mo rnams// thul ba des ni byed par 'gyur// me tog dkar por thal ba des// lan re dag tu bskus nas ni// nam mkhar gtor na nges par yang // rdzogs pa'i sangs rgyas ston par 'gyur// thal ba de yis snga ma bzhin// me tog ser po la bskus te// de bzhin nam mkha' la gtor na// 'dod chags bral ba stong dag dang // nyid kyi gnas bcas sangs rgyas kun// ston par byed de gzhan du min// me tog dmar pos 'jig rten pa'i// lha rnams kun gyis snga ma bzhin// gang dang gang gis 'dod pa dag/ yid kyis bsam pa ston par byed// me tog sngon pos de bzhin du// gnod sbyin srin po snga ma bzhin// yi dwags mkha' 'gro grul bum dang // yang na gang dang gang 'dod pa'o// chu la lan bdun bzlas nas ni// gyen du gtor na nges par yang // mig 'phrul slar ni bsdu bar bya// yang na khu tshur bcangs nas su/ khwa yi 'dab ma bdun dag la// mi yi rus pa'i yu bar bcings// de la thal ba de bskus te// mig 'phrul bsam pa ci 'dod par// tshogs kyi nang du bskor nas ni// mtsho dang rgya mtsho brgal pa dang // de bzhin khang pa rnying pa dang // g.yul dag 'khrug cing 'chi ba dang // ltad mo chen po'i mchog rnams ni// rab tu sbyar bas ston par 'gyur// khu tshur gyis ni de bzhin du// sa yi 'og kyang ston pa dang // 'gro ba mang po 'du ba dang // gyen du 'gro ba de bzhin 'grub// rang gi dpung dang rgya mtsho 'khrugs// mjug ma de dang thal ba yis// gzhan yang gang dang gang 'dod pa// de dag nges par byed par 'gyur/ khu tshur bcangs pas de bzhin sdud// de ltar mig 'phrul mdor bsdus pa// ji skad gsungs pa bshad pa yin// ro langs de yi ngo bo nyid// zhi ba'i phyir ni tshul bzhin bzlas// bdag gam 'on te gzhan yang rung // bsgrub bya zhi ba'i tshig smos te// stong rtsa brgyad du bzlas byas te// me tog dkar po bzang po ni// gsung zhim yid du 'ong ba dag/ tsan+dan dkar po'i chus btab ste// rgya mtshor 'gro ba'i chu nang du// zhugs nas re re la bzlas shing // brgya rtsa brgyad ni dor bar bya// 'on tam bdag gam gzhan yang rung // tshugs pa med par zhi bar 'gyur// rgyal po'i yul lam ldongs dag gam// grong ngam yang na grong bdag dag/ zhi ba'i las de byas pa yi// zhi bar 'gyur bar gdon mi za// de nas rgyas pa'i las rnams bya'i// tshul bzhin du ni bshad par bya// mchod rten mchod pa sna tshogs pa// byas nas de yi mdun 'dug ste// ro langs phyag rgya chen pos ni// rdzogs sangs rgyas kyi mchod pa bzlas// gal te mchod rten ring bsrel can// yin na de ma thag tu 'gyur// bsgrub bya'i ming spos bzlas nas ni// skyes pa'am bud med rgyas par 'gyur// dam chos mchod rten mdun du ni// cho ga bzhin du khri bzlas na// ji srid rgyas par gyur gyi bar// ji srid rgyas phyir rim gyis bzlas// de bzhin gshegs pa mchod pa dag/ mkhas pas mchod rten kun la bya// ring bsrel can la cho ga bzhin/ khyad par du ni bshad par bya// thog mar mchod rten drung du ni// mkhas pa dag gis dkyil 'khor bya// de nas der ni me tog dag/ shin tu yid 'ong dgram par bya// me mar rab tu 'bar ba brgyad// mkhas pas de la dbul bar bya// shin tu yid 'ong chu dang bcas// sna tshogs pa yi bshos phul nas// gu gul bdug pa phul nas ni// byang chub sems dang ldan pa yis// de bzhin gshegs pa thams cad la// zhe sar bcas pa'i phyag byas nas// mchod rten la ni mngon phyogs te// zhi dang rgyas phyir bzlas pa bya// dam pa'i chos ni bklag pa dang // dus gsum du yang mchod rten bya// de ltar nyin mtshan byed byas na// zhi ba dang ni rgyas par 'gyur// rgyas pa'i las ni bshad zin to// gzhan yang sgrub pa po la ni// 'jig rten thams cad nges par yang // dga' bar 'gyur ba bshad par bya// ji srid ma la bu sdug pa// de 'dir de bzhin gzhan du min// mkhas pa yis ni gi hang dang // nges pa bdag gi khrag dang sbyar// lan grangs mang du sbyar nas kyang // mkhas pa yis ni thod par gzhag/ de nas zla ba gzas zin tshe// zla ba la ni mig blta zhing // btang gi bar du leg par bzlas/ nang / nangs par bdag gi dpral ba la// thig le gcig ni byas nas su// de nas rgyal po'i 'khor du 'gro// 'gro ba dbang med sbyor ba 'di// mdo ru bsdus nas bshad pa ste// rgyu dang mi rgyu'i 'jig rten dag/ mthong ba yis ni dga' bar 'gyur// 'dis ni 'jig rten pa rnams kun// dga' bar byed pa bstan pa yin// de nas dgug pa'i cho ga yang // 'jam dbyangs mgon pos gcig pu yis/ khro bo'i zhal nas gsungs pa dag/ mdo ru bsdus nas bshad par bya// bud med bu mo shi ba'i sku// mar gyi brgyad la nan tan du// zhags pa legs par bkal bya ste// de nas thod pa'i nang du gzhug/ de nas zla ba gzas zin par// 'gyur ba'i bar du nyin re bzla// zla ba gzas zin gyur pa dang // chu 'grim/ 'gram/ gtsang ma dag tu ni// de tshe yi dwags phal chen gyi// dkyil 'khor der bris mchod par bya/ khro bo gtso bo dpung ldan pa'i// ro langs khro bor ldan pa la// gtor ma rgya chen byas nas ni// de nas phyi rol 'byung po la'o// de nas de la lag gis mnan// mi thod nang du 'dug pa yi// zhags pa ji srid g.yo yi bar// zla ba la bltas bzlas brjod bya// de nas gyen du 'phar na ni// bsgrub pa de ni 'grub par 'gyur// de tshe zhags pa de blangs nas// 'jig rten lha rnams skad cig gis// bsam pa de yis drangs nas ni// de nas rig pa 'dzin pa yi// yid kyi bsam pa'am tshig gis kyang // gang dang gang 'dod legs par byed// brgya byin la sogs lha rnams kyang // de bzhin bka' bzhin nges par byed// skad cig gis ni nam mkha' las// rdzu 'phrul che dang ldan pa dag/ zhags pa des ni drangs nas su// 'dod pa'i mchog ni rab tu 'bul// gnod sbyin mo'am dri za mo// yang na lha yi bu mo dag/ bdag gi drung du skad cig gis// zhags pa des ni drangs nas su// de nas rig 'dzin mchog gi ni// yid du 'ong ba'i las rnams byed// gal te bsgrub pa dman pa dag/ 'dod pas gdungs par gyur na ni// de tshe zhags pa de nyid kyis// lha yi bu mo bkug nas su// dogs pa med par bsten par bya// 'dod pas gdungs kyang bud med min// dga' dang mya ngan gyis gdungs dman// nad dang 'tshe bas sma dbab pa// gcin dang rdul dang dri ma can// mi yi bud med rtag tu spang // gal te 'dod pas gdungs gyur na// lha yi bu mo bsten par bya// 'on te sems dpa' chen po de// de tshe brtse dang ldan pa yis// lha yi dbang phyug dge ba dang // gnod sbyin gdug pa dag gis bskor// rang gi gzhal yas khang bzangs na// 'dug cing gang du 'dod par 'gro// gzhan med khang ni bzang po dag/ lha rnams de la rab tu 'bul// ra swa ya na mang po dang // dpag bsam shing gi 'bras bu dang // lha yi dbang phyug mnyam ldan pa// dogs pa med par 'thob par 'gyur// bkres skom nad las nges par thar// rig pa 'dzin pa kun gyis mchod// zhags pa 'gul lam g.yos pas ni// dngos grub 'di 'dra thob par 'gyur// 'gul lam g.yos sam bshad pa dag/ gal te grub par ma gyur na// ma grub pa yi zhags pas kyang // 'jig rten pa yi las rnams bya// skyes pa'am yang na bud med dag/ yid la 'dod pa bsams nas kyang // mtshan mo zhags pa de brkyangs te// de ni de la'ang phyogs nas bzlas// bsgrub bya'i ming gi tshogs dang bcas// de ni tshig gi 'jug tu sbyar// zhags pa gang du 'dug pa der// nam mkha' las ni bya bzhin du// bdag gi drung du skad cig gis// the tshom med par 'ong bar 'gyur// mi dbang slas dang bcas pa'am// yang na skye bo phal pa'am// ba lang dang ni shing rta dang // 'bras bu me tog gang yang rung // de bzhin 'dod pa'i rdzas dag kyang // mthong ngam yang na thos pa'ang rung // de yi ming tshig bskul ba dang // de tshe des ni 'gugs par 'gyur// yul gzhan dag na gnas pa ni// dpag tshad brgya na 'dug pa yang // dam tshig de dag bskul na ni// zhags pa des ni nges par khugs// 'di ni zhags pa'i las rnams gang // grub pa dang ni ma grub pa/ khro bo rnam rgyal rtog 'dzin las/ khro bos gsungs pa'i ro langs las// lha dang lha mi gnyis ka yang // dgug pa'i cho ga gsungs pa ste// ro langs ston pa 'di dag ni// tshul gyis rim gyis bshad pa'o// khro bo rnam par rgyal ba'i 'jam dpal gyi rtsa ba'i rtog pa las/ ro langs kyi rtog par gtogs pa'i le'u ste drug pa'o// // de nas ro langs rtog pa'i mchog/ rig pa 'dzin pa rnams la ni// dngos grub zhi ba mchog ster ba// tshul bzhin mdor bsdus bshad pa yin// de nas khro bo gtso bo yi// rtog pa rmad du byung ba'i mchog khro bo'i pad+ma'i zhal nas byung // yang dag rgyas par bshad par bya// sngags kyi grangs ni bcu bdun pa'o// khro bo nyid kyis gsungs pa gang // thos pa tsam gyi mod la yang // lha dag kun tu rmongs 'gyur ba// 'jam dpal dbyangs kyis rab bskul ba/ khro bo de nyid 'bar ba yi// stong pa gsar 'gyur la med 'di la yang dag par// bzlas pa'i grangs ni nges pa dag/ cho ga bzhin du bshad par bya// thog mar drug 'bum bzlas pa ni// sngon du bsnyen pa byas par 'gyur// de nas ri mo'i cho ga yis// phyis kyang drug 'bum bzlas par bya// de bzhin ri rtser 'bum bzlas na// 'grub par 'gyur te gzhan du min// phyis ni mkhas pas ci 'dod par// sgrub pa la ni 'jug par bya// de nas khro bo rnam rgyal gyi// mngon du bsnyen pa la sogs rnams// sgrub pa po la phan pa'i phyir// cho ga mdor ni bshad par bya// gcig tu dpa' ba'i khro bo nyid// bdud rnams thams cad tshar gcod pa// dngos grub thams cad rab stsol cing // 'tshe ba thams cad rab gsal ba// thog mar khro bo'i rgyal po yi/ khrus kyi cho ga nyin re bya// des na khro bo bskul ba yis// bsrung ba rang gi lus la bya// b+haM gyi sa bon las byung ba'i// yid kyis pad+ma'i stan la 'dug/ bdag nyid de yi steng du yang // sa bon hUM las gyur pa'i sku// bsgom par byas te brtags nas kyang // bdag gi spyi bor yi ge oM// mig gnyis su ni yi ge AH// bsrung bar byas te de nas yang // sngags ni yi ge bcu bdun pa// bzlas te de bzhin gshegs dran nas// rang gi lus la sngar bzhag pa'i// snying gar yi ge hUM gzhag bya// de nas khro bo'i mtshogs ma yis// bdag gi mtshogs mar reg par bya// khro bo'i spyi gtsug dpral ba ste// phyis ni gtsug tu gzhag par bya// de nas lus la go cha yang // lag pas go cha bzhin du bya// de nas bdag gi lag gnyis la// blo dang ldan pas mtshon cha dgod// rang gi dam tshig ldan pa'i rgya// mkhas pas cho ga bzhin bcings nas/ khro bo'i gtso ze ro langs ni// bdag gi snying gar gzhag par bya// de bzhin be con phyag rgya yang // shin tu drag pa'i mtshon cha'i gnas// lag pa g.yas pas bcings nas ni/ khro bo'i cho ga la 'jug bya/ khro bo'i mchod pa bshad pa ni// 'dod pa thams cad ster bar byed// yi dwags phal chen dkyil 'khor ni// gzhan yang rtag par sku gzugs dang // ji srid bstan pa'i ri mo la// yid kyis mchod pa bya bar bsgrags// lha yi me tog dri zhim pas// bil ba'i lo ma bzang po dang // spos chu dag gis sa la'am// yang na sku gzugs dag la mchod// dgos pa kun gyi don sgrub pa// sku gzugs mtshan nyid bshad par bya// sngar bsnyen cho ga bzhin du byas// de nas sku gzugs byed du gzhug/ gser ram yang na dngul yang rung // de bzhin 'khar ba'am zangs la bya// ra gan in+d+ra nI la dang // mching bu shel dang rin chen te// rgyal srid 'dod pas gser la bya// longs spyod 'dod pas dngul la bya// nad rnams bshig phyir 'khar bar bya// zangs ni 'dod pa rab tu ster// dgra rnams bshig phyir ra gan no// rang gi longs spyod 'phel ba'i phyir// in+d+ra nI la dag las bya// mchog dang 'dod pa thams cad ster// mching bu rnam pa sna tshogs pas// nor ster bar ni shin tu grags// dri med shel las byas pa yis// zhi dang rgyas pa'i mchog rnams te// rin chen las byas ral gri dang // sa 'og lha yi dngos grub 'gyur// thams cad 'grub par bya ba'i phyir// da ni tshad rnams bshad par bya// gser las sor brgyad tshad du bya// mchod na rgyal srid dpal yang thob// longs spyod mi g.yo 'dod pa yis// dngul las sor bcu'i tshad du bya// 'khor/ 'khar/ bas de bzhin nad sel bar// sor grangs bcu drug tshad du bya// sor ni nyi shu'i tshad dag tu// zangs las byas te mchod pa bya// ra gan gyi'ang zangs bzhin du// sor ni nyi shu gnyis kyi tshad// in+da nI las byas pa'ang // sor grangs bcu drug tshad du bya// mching bu las ni sor brgyad shis// shel las sor grangs bcu gnyis so// rin chen sor ni brgyad par bya// de ltar ji skad gsungs pa yi// sku gzugs 'dod pa kun ster ba// dngos grub 'dod pas legs par mchod// yan lag ma nyams gsal la bzang // rtag par bzo ba mkhas pas phye/ bya// / mtshan nyid snga ma rnams dang ldan// mtshon cha bzang pos rgyas par bya// yi dwags la bcibs zhal yang drug/ spyan gsum 'jigs par byed pa'i tshul// gzi chen phyag bzang bcu gnyis pa// zhabs ni gsal ba drug dang ldan// mi mgo yi dwags phreng ba rnams// se ral kha yi stabs su thogs// g.yon brkyang pa yi tshul du bzhugs// na bza' stag lpags gsol bar dgyes// de lta bu yi sku gzugs dag/ snga ma'i tshul du yongs rdzogs par// ji skad gsungs pa'i khro bo 'di// sngags pas gzo bor byed du gzhug/ yang na shing gi snying po las/ khro bo gtso bo'i sku gzugs dag/ ji skad gsungs pa'i mtshan nyid bzhin// byas nas rtag tu mchod par bya// de nas shing las byas pa yi// sku gzugs tshul bzhin bshad par bya// gtsang ma 'dod pa kun ster bas// de yang 'di bzhin bshad par bya// rig 'dzin kun gyi mchog 'dod na// tsan+dan shing las byas pa yi// sku gzugs sor grangs nyi shu'i tshad// sngags pa dag gis byed du gzhug/ tsan+dan dmar po'i shing rnams las// sor ni bcu gnyis bcu drug cang tshad du bya// 'dod pa thams cad kun ster ba'i// sku gzugs legs par byed du gzhug/ ra dza arga'i rtsa ba las// byas pas 'dod pa'i don rnams ster// sor grangs bcu bzhi'i tshad du shis// bde ba phun sum tshogs kun 'byung // a sho ka yi snying po la// bzo bo mkhas pas legs par bya// sA la sar pa yang sor lnga'i tshad du gsungs// 'di ni dbang du byed par bshad// de bzhin tA la'i shing dag las// sor drug par ni byas nas kyang // dbang dang lha min dbang po dang // de bzhin klu rnams 'gugs par byed// na ga ge sar shing dag las// de bzhin sor bdun tshad byas pas// nad rnams 'jig par bya ba dang // dgra rnams rmongs pa'i phyir bshad do// mi thod dag las byas pa ni// rtag tu sor grangs bcu gnyis shis// ring por mi thogs mchog ster cing // ci ltar 'dod pa'i dngos grub ster// mi thod dag las byas pa dag/ sngar bsnyen la sogs ma byas par// mchod pa 'ba' zhig byas pas kyang // dgos pa'i don rnams 'grub par gsungs// 'di ni sku gzugs mtshan nyid dag/ bzang po rgyas par gsungs pa yin/ khro bos ji skad gsungs pa yi// ri mo'i mtshan nyid bshad par bya// mi ro gos bzang bkrus pa ni// mkhas pas khru tshad gang dag la// mi ro nyid kyi sgra dag gi/ pir gyis legs par bri bar bya// tshon gyi kha dog kun med par// ri bong khrag gis bri bar bya// yang na de yi sku gzugs ni// snga ma bzhin du btsag gis bri// khros shing 'bar bas 'jigs 'jigs ltar// g.yon brkyang pa yi tshul du gnas// zhal drug dbu skra gyen du brdzes// smin ma ser zhing spyan yang ser// spyan ni zlum po gsum dang ldan// bcu gnyis phyag dang ldan pa'i sku// de bzhin yi dwags steng na bzhugs// zhabs ni drug gis mdzes par byas// g.yas kyi phyag ni mchog sbyin cing // tri shul ral gri dgra sta dang // be con dang ni lcags kyu bsnams/ khros pa'i phyag g.yon bsdig par mdzad// phyag na shag ti to ma ra// g.yon pa'i phyag na dbyug to dang // phyag na zod pa zhags pa can// gshin rje'i gshed po bri bar bya// na bzar stag gi pags pa gsol// 'jigs pas pha rol gnon pa'i zhal// de yi mche ba gtsigs par ni// mkhas pas ri mor bri bar bya// de nas blo gnyis dag tu yang // phyag rgya gzugs dag bri ba ni// g.yas su skyes pa khro bo'i gzugs// zhal gdangs pa ni 'jigs 'jigs lha// gyen du sgra brdzes rab tu ser// be con phyag rgya mtshon char thogs// g.yas brkyang bskum pa'i tshul du gnas// bsdigs shing zhal ni khro gnyer can// zhal dang spyan yang khros pa'i tshul// g.yon du ro langs mo bri ba// 'bar ba'i kha la gzi yang che// mig gsum gdong ni khro gnyer can// rab tu 'jigs pa'i kha yang gdangs// gyen du sgra brdzes gsus po che// gtum mo dug hrul gos gyon ma// de bzhin phyag ni tri shul thogs// gzi chen rab tu bsdigs par byed// lus ni me lce 'bar ba can// gdong dang spyan ni khros pa'i tshul// bde gshegs sras kyi bka' nod pa// gsang ba'i phyag rgya ri mo 'di// dben pa'i gnas su gzhag par bya// cho ga shes pas be con rgya// sku gzugs 'di la bzlas par bya// yang na ro langs phyag rgya la// bzlas nas phyag rgya'i dngos grub thob// dben zhing 'du 'dzi med par ni// bzhag nas nyin re mchod par bya// yang na phyag rgya'i dkyil 'khor du// rtag tu ri mo 'di bkram ste// mnyam par dngos grub 'dod pa yi// mchod pa dang ni bzlas pa bya// bdag gi phyag rgya bsgrub pa la// ri mo tshul bzhin bshad pa 'di'o// de nas gshin rje'i gshed po yi// ri mo gzhan yang bshad par bya// sngar bsnyen byas pa'i 'og tu na// mi ro'i gos bzang bslus pa ni// khru gang tshad du byas pa la// tshon rtsi sbyin med bzang po yis// sprin ni nag po 'dra ba yis/ khro bo dpa' bo gcig pu ni// snga ma bzhin du bri bar bya// sngar bsnyen byas pa'i 'og tu ni// ji ltar rigs par bris nas kyang // rab tu dben par bzhag nas su// de nas mchod pa'i cho ga bzhin// nyin re rtag tu mchod nas ni// rab tu dben par 'dug nas kyang // de yi 'og tu bzlas pa brtsam// de nas gzhan yang bzlas pa yi// cho ga ji skad gsungs pa bshad// ri mo bkram nas mchod byas te// de bzhin gshegs pa kun mchod nas// ku sha'i stan la 'dug nas ni// mnyam par bzhag ste mi smra bar// ri mo gcig pu la blta zhing // mgo ni rma bya bzhin bkug ste// ru drA k+Sha yi phreng ba yis// ji srid yid ni mi skyo'i bar// rtse gcig sems kyis bzlas bya ste// skyo na bzlas pa gtang bar bya// de ltar 'bum phrag gsum bzlas nas// bsnyen pa byas pa'i 'og tu ni// de ltar ri khar gnas bca' ste// rlung za zhing ni bzlas pa bya// dngos grub mchog dag 'dod pa yis// de nas 'di yi brtul zhugs byed// rtog pa las gsungs mi 'dod na// sngar gsungs pa yi bzlas pa yis// 'bring ngam tha ma'i dngos grub dag/ brtul zhugs med kyang nges par ni// bsgrub na dngos grub thob par 'gyur// brtul zhugs de yis mchog kyang 'grub// de nas gzhan yang 'di ru ni// dpa' bo brtul zhugs 'byung bar bya// lam mi bzur dang mi smra ba// slong mo za zhing dbang po bsdam// seng ldeng dbyug pa 'dom gang ba// sra ba bzang po thogs nas su// gshin rje mthar byed zlos byed cing // bgrod par dka' ba'i lam nas 'gro/ khros pas dpa' bo'i brtul zhugs dag/ dpa' bo'i gzugs kyis zla drug tu// bsgrub pa gang zhig yang dag spyod// des ni dngos grub mchog kyang thob// dpal ldan brtul zhugs spyad nas ni// de nas bsgrub pa la zhugs na// gdon mi za bar dam pa nyid// de ltar de yis myur du 'grub// mi bzad brtul zhugs bzung ba yis// grub pa la ni bdud kyi rigs// lha mo 'dod pa'i gzugs dag dang // de bzhin gzhan gyi lus su ni// rnam pa sna tshogs gzugs dag gis// dbang po bsdams la 'tshe bar byed// de dang lhan cig smra mi bya// cung zad kyang ni chags mi bya// byang chub sems dpa' mnyam ldan pa// khro bo la gzhol zlos byed par// gal te da ltar 'gro ba ni// mi bzad 'jigs pa'i gzugs dag gam// gzhan yang shin tu ngo mtshar ba// bde gshegs bsam pas mthong na ni// de dag gis ni 'jigs mi bya// gnod cing skrag par byed na ni// bde gshegs kyi ni bka' gcog la// khro bdag nyid ni rnam par 'jig/ bde bshegs bsam pa bsgom pa yis// brtul phod pa yi dpa' bo yis// brtul zhugs 'di ni bstan bya ba// dpa' bos bya yis gzhan gyis min// sgrub pa mchog rnams 'dod pa yis// lha yi khro bo brtul zhugs 'di// ji skad gsungs pa'i tshul bzhin du// nan tan gyis ni bsten par bya// khro bo rnam par rgyal ba'i rtog pa las/ khro bo'i brtul zhugs kyi rtog pa ste le'u bdun pa'o// // ji skad gsungs pa'i gzugs rnams la// me tog 'di skad gsungs de bzhin// rtag tu gang zhig mchod byed na// dge ba'i brtul zhugs 'di dag dang // de bzhin sngon du bsnyen btang yang // dran pa tsam ni 'ba' zhig gis// nges par 'dod pa de dag gis// mchod pas myur du 'grub par 'gyur// rgyal srid 'dod pa'i gzugs la ni// tsan+dan gur gum a ka ru// ci rigs par ni bdug nas kyang // ut+pal puN+Da rI ka mdzes// tsam pa ka dang mA li kas// nA ga ge sar dri zhim pas// mchod nas bdug pa mar bcas pa'i// gu gul mkhas pas bdug par bya// de ltar byas na khyim pas kyang // de la sems shing brgya brjod de// ci 'byor pa yi mchod pa'i bshos// de yi spyan sngar dbul bar bya// sngar bsnyen la sogs med pas kyang // de ltar sbyor bas zla drug gis// rkun po dang ni dgra med cing // the tshom med par rgyal srid 'thob// ma grub pas kyang yul rnyed pa// las 'di gdon mi za bar ni// te na 'bum ni rnyed par 'gyur// longs spyod sbyin pa'i gzugs la ni// tsan+dan gur gum a ka ru// bdag gis legs par bskus nas ni// me tog phreng bas rab tu mchod// me tog dkar po'i phreng ba yis// nyin gcig bzhin du mchod byas nas// mar dang ldan pa'i gu gul lam// kun tu ru yi byug pa 'bul// me tog a ti mug ta ga/ re re cho ga bzhin bzlas sa/ mjug tu 'bum ni dbul bar bya// de nas longs spyod chen po rnams// de yi mjug tu 'byung 'gyur te// de la skrod pa dogs pa med// nad med byed pa'i gzugs la ni// tsan+dan dmar pos bskus nas kyang // thang shing gi ni bdug pa dag/ phul nas me tog gtsang ma yis// mchod pa byas nas ci 'byor ba// mchod pa'i bshos ni dbul bar bya// mjug tu nad sel dang ldan pa'i/ khro bo'i sngags ni de bzlas nas// bdag gam pha rol po yang rung // su dag gi ni nad chen po// de ni zla ba gcig gis 'joms// sngar bsnyen la sogs med kyang bla// 'dod dgur sbyin pa'i gzugs la ni// de ltar yang ni mchod byas na// zhi ba rgyas pa dbang dang dgug/ 'khon dang bskrad pa gsad pa dang // zlos pas mjug tu khyad par du// skul ba'i tshig bcug bsgrub par bya// gzhan yang gang dang gang 'dod pa'i// yid dang mthun pa'i 'dod pa'i don// de yang de ltar yang dag bsgrub// sku gzugs rab tu mchod byas nas// gang du ci 'dra de lta bur// gus pas zla ba drug bzlas te// sku gzugs nyin gcig bzhin du bya// de ltar kun tu rab mchod nas// rtag tu de yi bzlas pa ni// blo dang ldan pas kun byas na// grub pa nyid ni ma thob kyang // dngos grub phra mo thob par 'gyur// yang na khro bo'i phyag rgya yang // de tshe bsgrub par nus na ni// de yi ri mo gsungs pa dang // lha yi brtul zhugs des kyang 'grub// de nas gzhan yang brtul zhugs kyis// mchog gi dngos grub gang yin pa// cho ga bzhin du mdor bsdus te// rgyas pa bdag gis bshad par bya// de nas khro bo'i gtso bo yi// tri shul shin tu gsal bsgrubs na// ur mo'i lcags las byas pa yi// tri shul sor ni sum cu pa// rno la bzang zhing rab mdzes pa// thog mar cho ga bzhin byas nas// ri yi rtse mor 'dug nas su// ri mo bzang po de bris nas// yi dwags mang po zhes bya ba'i// dkyil 'khor thal bas tshul bzhin bri// de nas mchod pa rgya chen dang // nya dang sha rnams sna tshogs kyis// phyogs kyi gtor ma kun tu bya// tshes grangs nyi shu gsum gyi dgongs// tri shul me tog dkyil 'khor la// bzhag nas me tog dag gis mchod// tsan+dan dmar pos kun bskus shing // me tog dag gis thams cad brgyan// cho ga bzhin du lag gis bzung // ri mo la ni mngon phyogs 'dug khro bo mchog gi sngags dag gis// tri shul la ni mkhas pas bzla// de yi nyes pa sbyang ba'i phyir// brgya rtsa brgyad du bzlas nas su/ khro bo mchog gi sngags dag gis// der ni me yang rab sbar nas// cho ga bzhin du tri shul la// gdug bdug kyang pa'i sbyin bsreg stong byas nas// lag pas bsgrengs te bzung nas su// dpa' zhing brtan pa'i tshul du gnas// ji srid me ltar 'bar gyur pa// de srid blo dang ldan pas bzlas// tri shul 'bar ba nyid kyis ni// de nas gyen tu 'phar bar 'gyur// sngags kyi mthu yis mig gsum las// 'on kyang nyi ma bzhin du 'byung // rig 'dzin gzhan rnams thams cad kyang // de la mchod cing dga' bar byed// dbang phyug kun dang rab tu ldan// 'dod pa'i gzugs can yid bzhin 'gyur// de steng tri shul du ba 'byung // de nas lus ni mi snang 'gyur// 'on te de ni tsha gyur na// dpung dang lha ma yin gyis gnas// g.yul ngo chen po la sogs par// 'jigs shing skrag par rab tu byed// de ltar dang po sgrub pa'i mchog/ 'di ni rab tu bshad pa yin// da ni ral gri bzang po yang // 'dir ni bsgrub par rab tu bshad// ur mo lcags las byas pa yi// ral gri sor mo sum cu gnyis// legs par byas shing 'phan med par// glang po'i so la dod byas pa// ri bo'i rtse mor 'dug nas su// mchod pa la sogs sngon bzhin bya// gdug pa'i bdug kyang sbyin bsreg byas nas su// ral gri lag pas bzung nas bzlas// sngags pa'i chad par bzung nas su// rab tu snang ba 'bar ba 'byin// 'bar ba de ni mthong nas su// rig 'dzin mchog tu de 'gyur ro// de ste de las du ba 'byung // de nas de ni snang bar 'gyur// 'bar ba gyur na de bzhin du// stobs chen rkang pa mgyogs par 'gyur// lo brgya rab tu tshang bar 'tsho// de la rnam par dpyad mi dgos// gal te 'di la ma brten nas// grub pa thob par ma gyur na// ral gri brtson 'grus mchog ldan pas// g.yul ngor phyin nas thams cad du// myur zhing mi ngal nyon mi mongs// pham pa med par steng yang thub// ral gri bsgrub par bshad zin to// da ni be con sgrub pa bshad// go bi dA ra'i be con nam// yang na seng ldeng dag las ni// gshin rje'i be con lta bu bzang // sor ni bzhi bcu gnyis pa bya// de nas blo can dur khrod du// gtor ma'i cho ga rgya cher bya// be con cho ga sngon bzhin du// gdug pa'i 'dug cang sbyin bsreg byas nas su// gos ni dmar po dag kyang gon// me tog dmar dang thal bas brgyan// be con de ni sreg gzhir bzhag/ ji srid ha ha zhes pa dang // be con lag nas 'gul gyi bar// de srid cho ga bzhin du bzlas// de nas drag po khro bo'i bdag/ dbang phyug kun dang rab ldan pa// de yi chibs pa ma he la// bcibs nas mkha' la 'gro bar 'gyur// sgra ni 'khyil zhing stug pa dang // snum zhing mthing ga lta bur 'gyur// dus mtha'i sprin gyi kha dog 'dra// de lus lha mchod stobs kyang 'grub// gal te khro bo de 'dod na// be con gyis ni lha rnams gsod// be con sgrub pa bshad pa yin// de bzhin legs par mdor bsdus nas// dgra sta bzang po bsgrub pa dag/ de bzhin bdag gis bshad par bya// snga ma bzhan du ur mo las// dgra sta bzang po bya ba yang // yu ba sor ni bcu drug pa// dgra sta der ni sor drug pa// cho ga snga ma bzhin bsgrubs na// dngos grub de dag 'di yis thob// de nas gzhan yang lcags kyu'i mchog/ bsgrub pa bdag gis bshad par bya// ur mo'i lcags las byas pa yi// lcags kyu sor bzhi'i tshad du ste// de yi yu ba bya ba yang // bsnyams la sor ni bco brgyad pa// nyi shu dgu yi tshes grangs la// nub mo mchod pa gtor ma bya// ri bo'i rtse la 'dug nas su// lcags kyu chen po bsgrub par bya// ser skya las byung mar dag gis// gdug bdug pa'i sbyin bsreg byas nas su// ji srid sgron ma bzhin 'bar ba// de srid lag pas bzung ste bzlas// de nas de ni thogs pa yis// tho tshom med par nam langs na// 'od ni me bzhin kun tu 'bar// gyen du 'bar zhing 'phro bar 'gyur// 'jig rten pa yi lha rnams ni// bran g.yog bzhin du dbang du 'gyur// de bzhin gshegs pa'i bka' mchog bzhin// bka' yang rab tu nyan par 'gyur// 'on te de yi lcags kyu mchog/ du ba 'byung bar 'gyur ba ni// de tshe du ba byung ba yis// stobs chen grib ma'ang mi snang 'gyur// sngags pas bye ba gsum du gson// gnod sbyin rig 'dzin rnams kyis mchod// bde ba kun dang rab tu ldan// 'dod par 'phro zhing stobs kyang che/ khro bo'i sngags kyis mthus btang nas// gal te de ni tshar gyur na// nang / nangs par bkra shis byas nas su// lcags kyu bzang po de thogs nas// bzlas na brgya byin la sogs pa'i// lha rnams 'gugs pa gdon mi za// gnod sbyin rig 'dzin rnam dag dang // de bzhin lto 'phye mi'am ci// lha ma yin gyi bu mo dang // de bzhin dri za'i bu mo dang // yi dwags ro langs rigs rnams dang // de bzhin gzhan yang myos dregs rnams// bkug nas bdag gis las rnams ni// ji ltar 'dod pa byed du gzhug/ gser 'gyur rtsi dang bcud kyis len// de bzhin grub pa'i rdzas rnams dang // gzhan yang yid la gang 'dod pa// de dag thams cad de la ni// lha dang gnod sbyin tshangs la sogs// ji snyed pa dag 'bul bar byed// de yis bsgo ba thams cad kyang // 'jigs pas nges par nyan par 'gyur// ngo mtshar kun gyis brgyan pa yi// bdag gis bzhon pas yongs bskor cing // gnas dang skyed mos tshal mang po// ngo mtshar kun dang rab ldan pa// gnas dang slas kyi gnas rnams dang // 'jig rten ma lus ston par byed// rdzu 'phrul yon tan longs spyod kyis// sgrub po la ni dga' bar byed// ji srid lcags kyu 'chang ba'i mi// de yi bka' yis nges pa ru// gnod sbyin mo dag rang rang gis// 'dod pa'i longs spyod nye bar sbyor// de ste las kyi skyon dag gis// tsha ba tsam du ma gyur na'ang // lcags kyu de nyid 'dir bzung ste// nang / nangs par dben par 'dug nas ni// bu mo dag gi ming bcug ste// ji srid 'dod par bzlas na ni// dpag tshad brgya brgyar gnas pa'ang // de nas myur du 'ong bar 'gyur// bu mo'ang yang na khye'u yang rung // ji ltar 'dod pa myur du 'gugs// me tog 'bras bu de bzhin 'grub// shing rta dang ni ljon shing dag/ ma grub na yang rtag pa ru// de yis nges par khugs par 'gyur// de ltar lcags kyu dam pa 'di'i// sgrub pa rab tu bshad pa yin// thod pa'i dngos grub gang yin pa// de yang 'dir ni bshad par bya// tri shul ral gri be con dang // de bzhin dgra sta lcags kyu yi// sgrub pa gang dag bshad pa yi// lag pa g.yas pas gzung bar bya// thod pa la sogs gzhan rnams ni// lag pa g.yon pas bzung bsgrubs na// de nas de dag bshad pa bzhin// dngos grub nges par 'thob par 'gyur// shing las legs par byas pa yi// thod pa sor ni nyi shu pa// mnyam par rab tu legs par byas// nyes pa thams cad rnam spungs pa// ri yi rtse mor 'dug nas su// mchod dang gtor ma rnam par byas// bdug pa'i sbyin sreg byas nas ni// sngags kyi srung bas mthu bskyed de// sgrub po pos ni mthu skyed de// thod pa bzang po bsgrub par bya// sor gsum bzangs/ zabs/ su nyi shu gnyis kyi chad/ skyon med yon tan ldan pa yi/ rtag par 'di gsar 'gyur la med// thod pa lag pa g.yon pas bzung // lag pa g.yas pas bsten nas ni// de yi kha yang dgab par bya// ji srid de las 'bar ba dang // du ba byung bar gyur pa'i bar// de srid sngags ni bzlas par bya// 'bar bas nam mkha' 'gro bar 'gyur// 'jig rten gsum gyi bdag por bshad// du ba 'byung bar 'gyur na yang // de bzhin nges par mi snang 'gyur// tsha bar de bzhin 'gyur na yang // de yi tshe ni gang bsams pa// thod pa de las 'byung bar 'gyur// de las rnam par dpyad mi dgos// 'on te de ni ma grub na// de nas sa la mi bzhag par// de yi thod pa de blangs nas// shing gi khri la gzhag par bya// ras kyis g.yogs te bzhag nas ni// yid la ci 'dod bsams pa yi// zan dang bza' dang bya na rnams// gang yang rung ba de dag ni// ras kyis g.yogs pa'i lag gis bzung // stong rtsa brgyad du bzlas byas nas// grub pa la ni nyin re zhing // de nas gang yang rung ba'i zas// bya nar bcas pas nges pa ru// thod pa de ni gang bar 'gyur// sems can rnams ni bkug la yang // bdud rtsi'i zas ni sbyin par bya// tshul bzhin phyin pa'i 'og tu ni// gtsang sbra byas te tshul bzhin bza'// thod pa bsgrub par bshad pa 'di// lag pa g.yon pas bzung bar bya// shak+ti rnon po legs byas pa// bshol ba med par bsgrub par bya// ur mo dag las byas pa'i mchog/ bkra shis sor ni sum cu gnyis// de nas cho ga snga ma bzhin// chu 'gram gtsang ma dag tu ni// sngon bzhin mtshan mo bsgrub par bya// dngos grub 'bras bu gsum du bshad// de ltar ji skad bshad pa bzhin// to ma ra yang mkhas pas bsgrub// ur mo'i lcags las byas pa mchog/ rab tu rno ba snga ma bzhin// bdug pa'i sbyin sreg byas nas su// tsan+dan dmar po 'dab gdab kyang mar bya// sgrub pa pos ni cho ga bzhin// ri yi rtse mor gnas nas ni// snga ma bzhin du mtshan mo bsgrub// grub pa'i 'bras bu snga ma bzhin// lag pa g.yon pa'i mdzub mo ni// lag pa g.yas pas g.yogs nas su// cho ga snga ma bzhin byas nas// zla ba gza' yis zin pa'i tshe// stan gcig la ni legs 'dug nas// blo dang ldan pas bzlas byas na// de nas mdzub mo de las ni// gdon mi za bar 'bar bar 'gyur// yang na du ba rang byung ngam// de ni tsha bar 'gyur yang srid// de ni nges par 'bar 'gyur na// rig 'dzin go 'phang 'thob par 'gyur// du ba 'byung bar gyur pa las// de bzhin mi snang 'gyur bar bshad// de ni rab tu tshar gyur na// rkang pa mgyogs pa rab tu 'gyur// de steng lag pa g.yon pa yi// mdzub mo grub pa ma gyur na// dngos grub nyams kyang nges par ni// las rnams sna tshogs byed par 'gyur/ khros nas de yis bsdigs na ni// mi de ji ltar 'dod pa ru// de ma thag tu 'gyel bar 'gyur// sngags pa bdag gis bsad par yang / de nas shi bar gyur pa de// de nas lag pa g.yas pa yis// ji srid 'dod par slong bar byed// rab tu 'khrugs pa'i dpung chen yang // de nas de yis bsdig par nus// glang po dang ni rta rnams dang // ljon shing dang ni nags tshal rnams// ring por mi thogs 'jig par byed// ri rnams kyi ni rtse mo dang // rab tu bzang zhing mtho ba yang // de nas de yi mdzub mo des// ring po mi thogs snyil bar byed// mdzub mo'i dngos grub kun gyi gnas// sgrub pa'i mchog ni bshad pa yin// de nas gzhan yang zhags pa yi// sgrub pa 'dir ni bshad par bya// shi ba'i sgra la zhags pa ni// sbom zhing yid du 'ong bar bya// cho ga snga ma bzhin bsgrubs na// de yi dngos grub de nyid thob// shing ni rab tu bzang ba las// dbug to gan+di sor ni bcu drug bya// legs par bzhogs shing legs bris pa// bzang po yid du 'ong byas nas// de yi mgo bo dag la yang // rab tu bzang pa'i gser gyis dkri// de yi rtse la nor bu ni// pad+ma rA gas bskor bar bya// de nas tshul bzhin ri rtse la// cho ga sngon du bshad pa bzhin// mngon par gdug pa'i sbyin sreg bya// sgrub pa pos ni nub mo bsgrub// 'bar ba 'di ni blangs nas su// nam mkha' 'phur bar gdon mi za// snga ma bzhin du grub rnams kyi// gtso bor 'gyur zhing 'dod gzugs ldan// du ba tsha la sogs pas kyang // de yi 'bras bu sngon bzhin thob// mtshon cha'i mchog rnams bsgrub pa ni// de ltar mdo ru bshad pa yin// de nas rtog pa las byung ba'i// dngos grub gzhan yang bshad par bya// ji ltar khro bo mchog gis ni// nyid kyis mdo ru bshad pa'o// yi dwags mang po zhes bya ba'i// dkyil 'khor bzang po bris nas su// rma med pa yi ro blangs nas// mkhas pas khrus byas legs par brgyan// me tog spos kyis mchod nas su// sha dang bcas pa'i gtor ma sbyin// las ni dur khrod dag tu bya// 'di ni gzhan du yong mi bya// me tog bkram pa'i gnas mal du// de ni lho phyogs mgo bstan bzhag/ thod pa bzang po zas mchog gis// rab tu bkang ba byas nas ni// zas mchog 'di yi nang du yang // tshil chen dag gis blug par bya// mkhas pas de dag de yi tshe// khro bo'i sngags kyis btab pa yis// blug pa brgya ni tshang byas par// gzar bus ro yi khar blugs na// de yi lce yang 'byung bar 'gyur// de nas mtshon gyis gcad par bya// lce ni rtsa bar gcad pa las/ khro bo'i mthu yis myur ba ru// de nas lce ni ral gri'i gzugs// bzang po sum cu rtsa gnyis 'gyur// de nas ral gri blangs nas su// grogs rnams la yang re re sprin// sgrub pa pos ni blangs nas su// de ma thag tu 'grub par 'gyur// rig 'dzin dag ni thams cad kyis// kun gyis bkur ba'i rgyal por 'gyur// grogs po de rnams dang bcas par// bskal pa bdun du gnas par 'gyur// yang na mkhas pas dur khrod du// yi dwags mang po zhes bya ba'i// dkyil 'khor der ni bri bar bya// mchod pa ji skad gsungs pa'ang bya// skyes bu nad gyis shi ba yi// rma med pa yi ro blangs nas// legs par khrus byas rgyan gyis brgyan// dkyil 'khor de yi sgor bzhag ste// de yi snying gar de 'dug nas// stong rtsa brgyad du bzlas par bya/ khro bo'i mchog tu gyur pa'i sngags// yi ge bcu bdun de bzlas na// mi ro de ni langs par 'gyur// ar+g+ha legs par dbul bar bya// de yi mgo la lag g.yon gyis// de ma thag tu reg byas nas// ldong ros me yi mdog 'dra ba// de nas bdag nyid chen po de'i// kha nas myur du 'byung bar 'gyur// sgrub pa pos ni de blangs te// yan lag thams cad bskus na ni// btso ma'i gser gyi mdog tu 'gyur// grogs rnams la yang de bzhin sbyin// de ma thag tu de kun kyang // btso ma'i gser gyi mdog tu 'gyur// ji ltar 'dod pa'i gzugs can kun// rig 'dzin rnams ni thams cad kyi// thog mar 'gro ba de dag 'gyur// rdzas rnams thams cad grub par ni// gyur na 'di la de las kyang // dkon mchog gsum la cha gcig dbul// de nas mkhas pas bdag nyid bkur// grogs po rnams ni thams cad la'ang // byin na 'di las nam mkhar 'phur// rdzas gcig grub par gyur pa la// cho ga gzhan yang spyad par bya// rdzas gcig grub par gyur na ni// thog mar phyag kyang byas nas ni// dkon mchog gsum la cho ga bzhin// bdag nyid rab tu dbul bar bya// de yi 'og tu rdzas de ni// grogs po rnams la rim pa bzhin// rdzas de byin na 'phur bar 'gyur// phyi nas cho ga 'di rnams spyad// de ltar ma byas grub na yang // de yi rdzas ni 'phrog par 'gyur// de bas dngos grub mchog rnams la// kun tu ji skad bshad bzhin bya// de nas gzhan yang any+dzan// bzang po sgrub par bshad pa bzhin// dgos pa thams cad 'grub pa'i phyir// dam pa 'di ni bshad par bya// zhag gsum sbyang bar 'dug nas ni// dur khrod dag tu dkyil 'khor bri// de nas cho ga snga ma bzhin// der ni gtor ma'i las bya'o// de nas mi ro bsregs pa yi// thal bas bdag nyid bsrung bar bya// de yis bdag nyid byugs nas su// grogs mchog dam ldan dpa' ba des// any+dza na yi snying po de// gsal shing gis bsad mgo la gzhag/ shi ba'i gos kyis g.yogs nas su// lag pas bzung nas bzlas pa byas// dngos grub rnam gsum byung gi bar// blo can gyis ni de srid bzlas// tshang ba'am yang na du ba 'byung // yang na me bzhin 'bar bar 'gyur// de yis mig dag bskus na ni// 'bar bas nam mkhar 'gro bar 'gyur// du bas lus ni mi snang bar// gdon mi za bar 'gyur bar bshad// tsha bar gyur na bltas pa yis// 'gro ba bdag ni gsod par 'gyur// slar yang de las gso ba ni// ring por mi thogs gdon mi za// 'di dag 'grub par ma gyur kyang // mig dag legs pa bskus nas ni// bltas pas 'gro ba dbang du 'gyur// pus mo btsugs shing mgo bo 'dud// any+dza na yi cho ga bzhin// mkhas pas gi wang bsgrub par bya// dngos grub dag kyang de bzhin bstan// ma grub 'gro ba dbang du 'gyur// li khri dang ni ba bla dang // ldong ros dag kyang de bzhin te// any+dza na yi dogs pa bzhin// shi ba'i gos kyang cho ga bzhin// bsgrub pa gzhan dag de bzhin du/ khro bo nyid kyis gsungs pa'i sngags// mdor ni rab tu bshad par bya/ dur khrod dag tu dkyil 'khor bri// mchod pa dang ni gtor ma bya// shi ba'i gos de bgos nas su// cho ga shes pas mtshan mo bzlas// de nas gos de dang bcas pa// mtshan mo rab tu 'bar 'gyur na// 'bar zhing 'bar bas yongs bskor nas// nam mkha' dag la nges pa 'phur// gad mo rab tu dgod pa'i sgra// 'jig rten skrag par byed pa 'byin// rtag tu 'dod pa'i gzugs dang ldan/ khro bo bzhin du de spyod 'gyur// de bzhin du ba byung na yang // gdon mi za bar mi snang ba'i// mchog tu 'gyur bar rab tu bshad// sgrub pa po yi gos de ni// de bzhin tsha bar gyur na yang // rkang pa mgyogs shing stobs cher 'gyur// sa yi steng na khyab par 'gro// nad med lo brgya 'tsho bar 'gyur// de ste grub par ma gyur kyang // 'gro ba ma lus dbang du 'gyur// gang rnams mthong zhing de bzhin te// mthong ba de dag dran bzhin 'gyur// gal te 'di dag gnod sbyin mo// mi yis sgrub par 'dod na ni// ba ti shing drung nyams dga' ba// de tshe dkyil 'khor bris nas su// skra bshig gos kyang med byas la// zas mchog legs par btsos pa yis// lhung bzed bzang po yongs bkang nas// mar gyi ngo yi mtshan mo bsgrub// de nas chang bu bdun phyung ste// sngags kyi lan bdun btab nas su// lha yi bzang po 'di bzhes shig/ byas nas de yi rgyab tu dor// de nas gzhan yang chang bu bdun// sngags kyis btab ste bza' bar bya// lha yi bzang mo zhes bya ba// grub pa gnod sbyin kun gyi rje// 'khor rnams mang pos kun bskor nas// de nas de yi 'od 'bar 'gyur// de nas kha bkrus de la ni// spos dang me tog mchog ldan pa'i// mchod yon chu ni dbul bar bya// legs 'ong me tog dag kyang dbul// de nas stan bzang nyams dga' bar// me tog ldan pa phul na ni// da ni khyod kyi bdag grub ste// bka' bzhin byed cing de bzhin du// gzhan du mi 'gyur bka' nyan gyis// bka' stsol cig ces de la smra// ma'am yang na sring mo ma'am// mdza' mo'am yang na chung mar 'gyur// mar brjod pas ni nges par yang // de yi ldong ros la sogs pa// grub pa'i rdzas ni mang po dag/ gdon mi za bar de la ster// sring mos me tog 'bras bu dang // bdud rtsi mchog dang gser gyur rtsi// rtag tu sgrub pa po de la// gdon mi za bar ster bar 'gyur// mdza' mor gyur cig ces smras nas// mtshan mo lding khang mchog rnams dang // yid du 'ong ba gzhan rnams kyang // bdag nyid dga' ba ston par byed// myur du chung ma sdug pa dang // dpag tshad brgya nas khrid de 'ong // gzhan yang sgrub pa po de la// des shing 'dod dang dga' ba ster// de ste de la chung mar smras// 'dod pa'i gzugs can rnam par mdzes// dbang phyug longs spyod thams cad kyis// grub pa de ni dga' bar byed// des shing 'dod pa dga' ba ster// 'dzum zhing sri zhu 'jom ma dang // dbang phyug longs spyod thams cad ni// sgrub pa ci srid 'dod pa spyod// gal te mngal nas skyes pa yi// sha za mo dag bsgrub 'dod na// sgrub pa po la de yi las// de dag 'di ni bshad par bya// sh+le sh+ma ka ta'i shing drung ni// gtsang mar dkyil 'khor bri bar bya// mchod pa chen po byas nas su// gtor ma'i las kyang sngon bzhin bya// der ni dur khrod shing dag gis// sngags pas me ni rab sbar nas// gos med sgra yang hag byas te// de nas me yang 'bar ba la// der ni gzegs ma'i sbyin sreg rnams// sngags kyis stong rtsa brgyad bsreg na// de tshe gdon mi za ba yang // sha za mo ni 'bar ba'i gdong // 'ong bar 'gyur te de yi tshe// sems ni dpa' bar byas nas su// mi 'jigs mdun du mchod yon dbul// de yi 'og tu de la ni// bdag nyid gzugs ni bzang por ston// de yi ming ni kang rang gi// rang ming sngags kyis sbyin sreg bya// gang bsam pa yi nor de rnams// 'ongs nas ring por mi thogs par// gdon mi za bar rab tu dbul// kang rang gi ni zhes bya ba// sha za mo ni kun gyi mchog/ sgrub pa po ni sems dpa' zhing // gzi yang rab tu che ba la// gdon rnams thams cad rab tu bsgrub// de ltar min na myur bar ni// sgrub po yang ni gsod par byed// de ste klu yi bu mo dag/ de la rig 'dzin dpal ldan pas// bsgrub pa dag tu 'dod pa la// de yi cho gar 'di bshad do// pad+mo dkar po'i mtsho 'gram du// song nas cho ga snga ma bzhin// yi dwags mang po zhes bya ba'i// dkyil 'khor der ni bri bar bya// de nas der ni mkhas pa yis// gtor ma'i cho ga snga ma bzhin// u dum bA ra'i yam shing gis// thog mar me ni rab sbar nas// nA ga ge sar phye ma dag/ mkhas pas stong rtsa brgyad du bsreg/ sbyin sreg byed tshe mur bar ni// de nas klu yi bu mo dag/ 'jigs shing skrag nas 'ong bar 'gyur// gal te mtshan mo de bsreg na// bsgrub pa po ni gang 'dod pa// gdon mi za bar rab tu ster// de ste sngags pa lha min gyi// phug sgor song nas ci dga' bar// lha ma yin mo thams cad ni// las 'di dag ni thams cad sgrub// dkyil 'khor snga ma bzhin bri nas// gtor ma'i cho ga rgya cher bya// pri yang ku yi shing dag gi/ zhugs thab tu ni me sbar nas// cho ga bzhin du sngags zlos shig/ yungs kar dkar po gur gum la// skyugs nas stong rtsa brgyad bzlas la// de nas nges par bsreg par bya// de nas sbyin sreg byed pa'i tshe// lha min na rgud 'byung bar byed// sgrub pa po ni gang 'dod pa// gdon mi za bar rab tu ra/ lha ma yin gyi gnas dag tu// bde ba'i lam nas 'jug par byed// dbang phyug kun dang ldan par ni// de na de ni 'grub par byed// gal te 'dir ni sngags pa dag/ sha chen dag ni 'tshong 'dod na// dang por dur khrod 'dug nas su// dpa' ba'i sems kyis sha chen blang // blangs nas bsrung ba byas nas su// lag pa g.yon pas chu gri thogs// g.yas pas sha chen skyon med gzung // mtshan mo dur khrod du zhugs nas// sems pa dpa' bas gshin rje'i gshed// khro bo yid la zlog byed cing // sha 'tshong ba yi sgra bsgrogs so// bdag nyid chen po de yis tshig/ srin po dam tshig med pa dang // sems can phra mo kha cig gis// thos nas rab tu 'jigs par 'gyur// gang gzhan lhag pa'i sems yod cing // drag po'i dur khrod gnas skyong ba// sna tshogs gzugs can stobs po che// de dag lus ni ston par byed// grub pa 'jigs par mi bya bar// de nas sems ni drag po des// legs par 'ongs zhes smra bar bya// de nas gnas skyong bsgrub pa'i phyir// de nas any+dza na dag dang // rdzas ni gang rnams 'dod pa de// sha yis rab tu sbyin byos zhes// sgrub pa pos kyang smra bar bya// sgrub pa pos kyang gzhan mi smra// sems ni dpa' bar shes nas su// sbyin par byed kyis gzhan la min// de nas gzhan yang 'di yi las// dpung rnams mnan/ par bya ba gang // khro bo mchog gis gsungs pa ni// de dag 'dir ni bshad par bya// mi ro'i gos las byas pa yi// ba dan shin tu bzang po bya// de nas mthon ka las bya'o// sor bcu drug gi tshad du bya// skrag ma'i yu ba sdu gu dag khru gang tshad du byas pa la// btags te de nas bsgreng nas su// dur khrod du ni mtshan mo bsgrub// dkyil 'khor rgya chen bris nas kyang // der ni tsog pur gnas nas su// ba dan lag na thogs nas ni// mtshan mo thog zag bzlas par bya// de nas nam ni langs pa na// de yi lag na thogs pa yi// de tshe dgra yi dpung 'khrug pa// the tshom med par gnas par 'gyur// lag na thogs pa gzhan dag kyang // sgrub pa pos ni mthong ba yi// de dag thams cad mthong ma zag/ mnan te ri bzhin mi g.yor 'gyur// glang po rgyal po myos pa dang // shing rta rta dang glang por bcas// rkang zang 'khrugs pa mang bcas pa'i// dgra yi dpung rnams nges par ni// mthong ba tsam ni nyid kyis su// mnan pa bzhin du snang bar 'gyur// de nas gzhan yang dur khrod kyi// sbyor ba bkra shis dge ba dang / khro bo mchog gis gsungs pa de// de ni nges par bshad par bya// des ni mi ro bsregs pa yi// mtshan mo me 'bar bltas nas su// sgra bshig gos kyang med byas la// bzlas pa dag kyang bskor zhing bya// de nas der ni sngags pa yis// lan cig thal ba sbar ba gang // lag pa g.yon pas blangs nas su// mkhas pas khyim du 'gro bar 'gyur// yang na lha khang stong par 'gro// phyir yang lta bar yang mi bya// de nas der yang thal ba de// nam langs bar du bzlas par bya// nam ni langs par gyur pa ni// thal ba de ni bsrungs nas su// sar pa'i snod du gzhag bya zhing // sa la gzhag par yong mi bya// dgra yi dpung dag mnan pa'i phyir// thal ba de ni gtor byas na// shing rta dang ni glang po dang // mtshon cha thams cad 'khrug pa dang // skye bo mang por ldan pa'i yul// thal ba de yis thams cad du// lan gcig gtor ba tsam gyis kyang // lus rnams mi 'gul gdon mi za// 'di ni mtshon rnams gnod pa dang // dpung yang gnod byed dge ba'o// de bzhin gnyis kyis log bya dang // smyos par byed par sbyor ba yang // rlung phyogs dag tu song ba'am// yang na bsnyen te byas na'ang rung // bgrod dka'i dgra ni mtshon 'khrugs la/ byas nas 'gro ba mi 'gul 'gyur// dur khrod dag gis sbyor ba yis// dpung mnan de ltar bshad zin to// 'gro ba dbang byed sbyor ba ni// rnam pa gzhan dag bshad par bya// dur khrod dag tu dkyil 'khor bri// mchod pa snga ma bzhin du bya// gtor ma rgya chen byas nas ni// mi yi tshil gyi snum dag las// mar me 'bar ba byas nas su// de nas thod pa bzang po la// mkhas pa dag gis snag tsa sbyar// du ba'i snag tsa sbyar nas kyang / nam langs bar du bslab par bya// de nas nang / nangs par nam langs te// du ba'i snag tsas mig bskus na// gang mthong de yi dbang du 'gyur// de ltar 'gro ba dbang byed pa'i// sbyor ba de ni bsgrags pa yin// btsag gi sbyor ba'i dngos grub kyang // dge ba dag ni da bshad do// yug snam btsag ni dge ba dag/ me ro'i khar ni bcug nas su// de nas de phyed tshig nas ni// grogs med par ni mtshan mo blang // blangs nas lha yi khang stong du// mkhas pa dag gis bzlas pa bya// bgegs kyang rnam pa sna tshogs 'byung // ci srid nam langs bar du ni// de na 'dug cing de la bzlas// de nas nam langs gyur pa dang // ras ni dmar pos dkris nas ni// mchod cing bsrungs nas gzhag par bya// de nas gang yang rung ba'i ming // btsag gi yug snam de yis su// ci 'dod par ni 'dri bar bya// sgrub pa po yi ming nas kyang // bskul nas dogs pa med par yang // bsgrub par bya ba myur du 'ong // btsag bsgrub kha ru gsungs pa dang // mdor bsdus bshad pa de yin no// da ni ci ltar rigs pa ru// sor gdub bsgrub pa sbyor bar bcas// cho ga bzhin du gsungs pa dag/ mdor ni rab tu bshad par bya// mi yi ro khyer 'gro ba na// der song nas ni de yi khar// gser gyi sor gdub gzhag par bya// mkhas pas khro bo gcig pu'i sngags// zlos pas byed de 'dug pa na// me yis tshig par gyur pa ni// ro yi kha na 'dug pa yi// sor gdub lag pa g.yon pas blangs// nam langs par du bzlas par bya// de nas sor gdub bzang po de// lag pa g.yon pa'i mdzub mo la// mkhas pa dag gis gzhag par bya// de yi lag pa g.yon pa yi// gang dang gang dag reg 'gyur ba// de kun de yi las byed gyur// phyi bzhin du yang 'brang bar 'gyur// 'di la dpyod par yong mi bya// de nas gzhan yang yungs kar dag/ shin tu ngo mtshar dang ldan pa// khro bo nyid kyi ji lta bar// bsgrub pa'i sbyor ba gsungs pa bshad// si ti'i shing las gab tshe yang // bzang po sor ni brgyad par bya// de yi nang du yungs kar dgang // dngos grub mchog ni der blugs la// zla ba gzas ni zin bar du// nyi ma re re bzlas brjod bya// dkyil 'khor cho ga bzhin bris nas// gtor ma rgya chen dag kyang bya// gab tse nang gi yungs kar kun// sgra 'byung ba'am gas kyi bar// de srid yungs kar bzlas par bya// de nas yungs kar grub gyur pa// blangs nas gang yang rung bar ni// cho ga bzhin du sbyar byas nas// de yis mi nus ci yang med// des ni sa yang 'gas par byed// chu klung dag kyang skams par byed// ri mtho rnam pa mang po dag/ phye ma dag tu rlog par byed// de bzhin ri yi rtse mo yang // sbyar na rab tu snyil bar byed/ khrag dang sol ba'i char dag kyang // 'bebs par byed de the tshom med// gnam lcags dang ni ser ba dag/ glo bur dag tu 'bab par byed// sa g.yo ba dag sprin bsdu la// rig pa 'dzin pas sbyar byas nas// glo bur du yang thogs med 'gyur// mtsho dang rgya mtsho g.yo ba dang // shing rnams rab tu ldeg pa dang // sa yi 'og kyang g.yo byed kyang // de bzhin klu rnams bsdigs pa dang // mtsho chen dang ni ldeng ka dang // klu rnams tshar gcad bya ba dang // gzhan yang gang 'dod bya ba yi// las ni rnam par sna tshogs pa// gsungs pa dang ni ma gsungs pa// mkhas pas rang bzhin blos brtags la// yungs kar grub pas gtor tsam gyis// thogs pa med par byed par 'gyur// yungs kar dngos grub kun sbyin pa'i// sgrub pa dag ni bsgrubs zin to// dpa' bo'i brtul zhugs spyod pa yis// de dag la sogs sna tshogs dang // snga ma bzhin du sna tshogs dang // 'bring rnams la sogs bsgrub par bya// khro bo mchog gi cho ga 'di// las ni gang dag bshad pa rnams// de dag kun la brtul zhugs ni// med par byas na 'bras bu med// phyag rgya gnyis kyi las rnams ni// gang dag 'dir ni bshad pa rnams// brtul zhugs byed ni ma nus na// de ltar khro bo mchog 'di la// sngon bzhin mchod pa byed pa dang // ji skad bshad zin bzlas byas pas// las rnams ji skad bstan pa dang // dngos grub ji skad bstan pa thob// rtag tu bde gshegs sems pa des// brtul zhugs rtag tu mi rung na'ang // nyin gcig bzhin du bzlas brjod la// sbyor bas 'dod pas don rnams 'thob// de ltar brtul zhugs kyis bsgrubs dang // sgrub pa sna tshogs cho ga 'dir/ khro bo mchog gis ci gsungs pa// ma lus par ni bshad pa yin/ 'jam dpal gyi rtsa ba'i cho ga zhib mo khro bo rnam par rgyal ba las khro bo gshin rje'i gshed kyi rtsa ba'i cho ga zhib mo rim par phye ba ste brgyad pa'o// // de nas cho ga phyi mar ni// ji ltar brtul zhugs med kyang rung // de phyir khro bo bdag nyid kyis// gsungs pa de yi cho ga brjod// sngags ni yi ge bcu bdun po/ khro bo zhes ni gang brjod pa// de la thog mar ston bzhin du// ri mo bris la de mdun du// tshul bzhin du ni mchod pa bya// mkhas pas yang na sku gzugs kyang // byed du bcug ste de 'og tu// mkhas pas brgyad 'bum bzlas par bya// de yi mtha' mar dkon mchog ni// gsum po dag la mchod chen bya// de yi 'og tu khro mchog ni// ji skad gsungs bzhin mchod pa bya// 'on kyang grub ste de yi tshe// 'byung po'i gdon dang dug rnams dang // yid la gang dang gang 'dod pa// de yis bsam pa'i las kyang nus// nam yang dngos grub phran tshegs la// de ni sbyar bar mi bya'o// dug la sogs te gang brjod pa/ las kyi rnams ni tshig gis bya// gzhan du yengs pa'i tshig gis kyang // bdag nyid ji ltar 'dod bzhin no// de bzhin sems can sdang rnams la// tshar gcad pa dang phan 'dogs nus// gang zhig nag pos zin pa yi// las rnams kyang ni byed 'gyur te// chu yi nges par gtor ba dang // lcag gam yang na rkang pa yi/ khro bos ji skad gsungs pa bzhin// the tshom med par sos par 'gyur// de ltar kun tu yid kyis sam// yang na tshig gis bskul bar bya// ji ltar khros pa med par yang // phran tshegs las ni grub 'gyur te// dran pa tsam ni 'ba' zhig gis// byed pa po yi las de 'grub// de nas snod la dbab pa yi// las gzhan 'di ni rab tu bya// gzhon nu mtshan dang ldan 'gyur zhing // nyes pa'i skyon med yan lag tshang // shin tu bkrus te rgyan gyis brgyan// ba las byung ba'i lnga yang blud// de yi 'og tu sbyang byas te// nam langs pa dang bkrus byas la// dri zhim pa yi dris byug shing // gos rnams dang ni rgyan gyis brgyan// de ltar mchod pa byas nas ni// shar gyi phyogs su kha bstan te// cho ga bzhin du ku sha yi// stan bzhag ste de nas ni// de yi lag pa gnyis kar yang // tsan+dan gtor ma'i me tog sprin// a kar nag po'i bdug pa sbyin// des ni myur du sngags brjod de// sgrub pa cho ga 'di yis ni// smod la dbab pa'i las bya'o// snod la dbab 'gyur de yis ni// dge dang mi dge dri bar bya// de nas byung dang 'byung ba dang // byung ba gang yin bden par smra// sems can chen po 'di gyis la// 'di ni min zhes zlog par byed// rig sngags chad dam lhag pa dag/ sngags kyang 'dir ni tshang bar byed// de nas khro bo mchog de la// me tog ldan pa'i mchod yon dbul// de nas bde gshegs bstan pa yis// dam tshig dag kyang bstan par bya// snod kyis thos nas de nas su// btang nas de ni sa la 'gyel// rig pa khro bo gshin rje'i gshed// grub par de nas bzhud par 'gyur// de nas snod ni blangs nas su// phyis kyang rab tu khrus byas te// zan zar bcug la zos nas kyang // mchod pa byas te slar gtang ngo // ji skad gsungs pa'i las rnams kyis// snod la dbab par byas nas ni// de nas cho ga phyi ma yi// cho ga las gsungs las rnams bya// de nas gal te sngags pa ni// rgyal po dbang du byed 'dod na// de tshe ri mo spyan snga ru// dur khrod thal bas gzugs bris te// de yi snying gar 'dug nas su// rtse gcig yid kyis khri bzlas te// che ge mo zhig dbang 'gyur nas// de yi ming ni snga ma bzhin/ khro sngags ji skad gsungs pa'i mthar// sbyar te mjug tu swA hA brjod/ khro bos dbang du bya ba'i phyir// sbyor ba rtag tu bshad pa yin// de nas rgyal po dbang gyur nas// mdza' sdug skye bo btang nas su// bdag nyid dang ni nor dag gis// nges par bran bzhin legs par byed// de bzhin bzlas pa khri byas na// bram ze dag kyang dbang du 'gyur// rje'u rigs dmangs rigs ma lus par// drug stong dag gis nges par 'gyur// bud med rnams dang bu mo la/ khri dag tu ni bzlas pa bya// de nas phan tshun mdza' bo gnyis// dbye bar bya bar 'dod na ni// de nas gcig gis gzugs brnyan ni// de bzhin bris nas snying ga ru// rkang pa gcig bzhag tsog pur 'dug/ de yi ming ni mthar sbyar nas/ khro bo gshin rje'i gshed bzlas pa// che ge mo zhig myur bar ru// 'di dang dbye 'gyur phaT ces bya// de ltar dbye ba bya 'di la// stong phrag bcur ni bzlas pa bya// de nas sems can rab 'dug par// shes nas legs par 'dul bya na// dkon mchog gsum la gnod byed la// khro bos bya yi gzhan du min// dgra bo'i gzugs brnyan ming smos nas// dur khrod thal bas bris nas su// de nas seng ldeng phur bu la// brgya rtsa brgyad du bzlas byas te// de yi snying gar btags nas su// de yi 'og tu khri bzlas so// de nas khro bo gshin rje'i gshed// sngags kyi tha mar ming bcug ste// che ge mo zhig sod cig ces// hUM dang phaT kyis mthar brten te/ khri dag yongs su tshang bar ni/ gal te de ltar bzlas byas na// las de yis ni 'chi 'gyur te// 'di la rnam par dpyad mi dgos// rtag tu bde gshegs bsam bya yi// ngan pa'i sems kyis yong mi bya// de yi snying las sdug bsngal dag/ bskyed nas 'dag pa ma gtogs so// zhi ba dag gi cho ga yi// de nas zhi ba dge bar bya// ci ltar ji skad gsungs pa yi// mngon par spyod pa yong mi bya// sems can rnams la brtse ba'i phyir// bde gshegs bsam pas bya bapar bstan// de bzhin gshegs pa ci gsungs pa'i// de bzhin dngos grub thogs med pa'i// dngos grub 'dod pas thob 'dod na// de ltar khro bo sems mi bya// bde gshegs bsam pa gang med pa// de nas dngos grub nyams par 'gyur// mdor na byang chub sems med pa// 'jam dpal khro bo gtso bo las// brtul zhugs bzlas pa dang bcas pa// rtog las cho ga bzhin gsungs pa'i// dngos grub mchog ni nyams par 'gyur// gang zhig bde gshegs bsam ldan nas// brtul zhugs bzang po med pa dang // de bzhin gzugs la sogs med kyang // dngos grub mchog rnams des thob cing // nyon mongs med par ci 'dod par// 'dod par thams cad rnyed par 'gyur// gang zhig bde gshegs bsam ldan zhing // blo ni ma rmongs brtan pa yis// srid pa nyon mongs bgrod dka' rgol// de bzhin gshegs pa thams cad la// phyag byas nas ni dngos grub mchog/ bde gshegs bsam pa ldan pas 'thob// de ltar shes nas de yi tshe// bde gshegs lam mchog bstan par bya// nyon mongs sdug bsngal 'jig 'gyur ba// 'jig rten lha ni yong mi bsnyen// de ltar sems can gdug 'dul ba'i// las rnams ji skad gsungs pa yang // dkon mchog gsum ni bsrung phyir gyi// gzhan du gar yang yong mi sbyar// de nas gzhan yang bskrad pa'i las// 'di dag gar yang rung bar ni// de bzhin byed par 'dod pa la// de bzhin par ni bshad par bya// de bzhin dur khrod thal ba yis// mkhas pas dgra yi gzugs brnyan bri// de ste rkang gnyis 'dug nas su// 'jam dpal khro bo'i spyan sngar ni// che ge mo zhig skrod cig ces// de yi ming ni mthar sbyar nas// de bzhin hUM dang phaT dag dang / hUM yang brjod de khri bzlas na// gdon mi za bar bskrad par 'gyur// yang na thal ba de nyid kyis// dgra yi gzugs brnyan bris nas ni// de yi snying gar rkang g.yon gyis// gdon mi za bar brdzis nas su// nyi ma la ni kha bltas nas// gshin rje'i gshed po bzlas na ni// skad cig gis ni dgra bo de// rab tu tsha ba'i nad kyis 'debs// de nas zhi ba'i cho ga yis// bdag gnyis kyis ni zhi bar bya// de ltar ma byas zhag bdun gyis// gdon mi za bar 'chi bar 'gyur// de la sogs pa'i las rnams ni// bde gshegs sems pas yang mi bya// sems can rnams ni thams cad la// zhi ba dang ni rgyas pa bya// byang chub sems kyi bdag nyid can// ring por mi thogs 'grub par 'gyur// de nas sems can thams cad ni// bde phyir zhi ba'i las rnams dang // de bzhin du ni rgyas pa'i las// ji skad gsungs pa bshad par bya// mchod rten dag gam dkyil 'khor du// de bzhin gshegs pa'i mchod pa bya// dkon mchog gsum po dag la ni// yang dang yang du phyag kyang bya// nyin par dang ni mtshan mo yang // dge ba gang dag ci bsags pa// dkon mchog gsum la de brten nas// bde bar gshegs pa'i bsam pas bya// 'di yis sems can thams cad ni// shin tu sdug bsngal bder gyur cig/ de yis dngos grub cung zad gang // phra mo dag kyang 'thob gyur pa// rtag tu sems can rnams la ni// mkhas pa dag gis phan par bya// mkhas pas mchod rten las bya zhing // de bzhin dam pa'i chos kyang bklags// dge ba cung zad gzhan dag kyang // chung ngu zin kyang 'di nyid la// dngos grub mchog ni thob 'dod pas// rtag tu sems can rnams la bsngo// de ltar 'di ni byang chub sems// chos kyi don du yul du 'gyur// byang chub sems dpa' nyer bsnyen pa'i// mtshan nyid rnams kyang rab tu bstan// de ltar blo gros brtan byas nas// dge ba dag ni spel bar bya// dge ba dag kyang spel nas su// sems can rnams la yongs su bsngo// sngags pa bde gshegs sems ldan gang // de lta bur ni rtag pa ru// sems can thams la phan byas nas// zhi ba dag dang rgyas pa 'phel// thog mar dkon mchog gsum po la// mchod pa sna tshogs byas nas su// de yi 'og tu khro bo mchog/ gshin rje gshed la me tog ni// dkar po mchog gis mchod par bya// mchod pa byas nas 'di dag tu// cho ga bzhin du bzlas pa bya// bde zhing stan la bder 'dug la// rab tu dang zhing bde gshegs sems// de yi ming smos zhi 'gyur zhes/ khro bo'i tshig gis mthar sbyar te// bo ShaT dag kyang tha mar sbyar// gang yang rung ba zhig la ni// de ltar stong du bzlas pa bya// yul dang yul gyi phyogs rnams dang // rgyal po dag la nyis 'gyur bya// rta rnams dang ni glang po dang // ba lang dag la stong du bzlas// ra lug dang ni ma he la// rtag par stong du bzlas par gsungs// yang na lus can thams cad la// bzlas pa dag ni byas nas kyang // byang chub sems dang ldan pa yi// zhi ba'i mchog tu nges par 'gyur// de bzhin du yang rgyas gyur pa/ khyad par du ni me tog mchog/ dkar po tsan+dan gyis bskus pa// bzlas shing bzlas pa'i cho ga bzhin// 'jam dpal khro bo'i spyan sngar ni// 'o mas gang ba'i snod du dbul// stong gis rab tu rgyas par 'gyur// snying la rab tu dga' 'gyur ba'i// rgyas pa de dag bya 'dod na// gang yang rung ba de yi ming // cho ga bzhin du tha mar sbyar// mkhas pas rgyas par gyur cig ces// de mthar bshad pa sbyar nas su// me tog yid du 'ong ba rnams// 'o mar blugs pas rgyas par bya// de nas gzhan yang dpal 'dod pa// der yang snga ma bzhin du ni// tsan+dan dkar pos bskus pa yi// me tog yid du 'ong bas mchod// a kar nag po bzang po yi// bdug pa dag kyang sngags kyis dbul// nyin re re de ltar byas nas su// cho ga bzhin du bzlas pa bya// dpal ni bdag la stsol cig ces// mtha' ma dag tu sbyar nas su// de nas na maHswA hAr ldan// cho ga sngon bzhin khri bzlas te// de nas rgya mtsho rab 'gro ba'i// klung gi 'gram du song nas ni// lte ba nub par chur 'dug nas// me tog pun+da rI ka ni// tsan+dan dkar pos bskus nas ni// bzlas shing bzlas shing chur 'bul ba// blo dang ldan pas 'bul byas na// de yi mjug tu dpal chen 'thob// yang na pad+ma dmar po ni// tsan+dan dmar pos bskus nas ni// gal te de ru phul na ni// de nas de yi mtha' ma ru// las 'di dag gis nges par ni// mi zad pa yi gter thob 'gyur// a ti mug+ha'i me tog rnams// bzlas shing bzlas shing snga ma bzhin// gal te tshig 'bum phul na ni// cho gas gsungs pa bzhin gnas pa'i// sngags pas nges par de mthar ni// 'di nor 'bum ni thob par 'gyur// 'di la rnam par dpyad mi bya// de ste de yi snga ma bzhin// sum 'bum dbul bar byas na ni// gdon mi za ba gnod sbyin ma// de yi dbang du 'di 'gyur ro// cho ga 'di yis sgrub pa po// rin chen dag kyang thob par 'gyur// de ste sngags pas snga ma bzhin// me tog sna tshogs mang po ni// tsan+dan dag gis bskus pa rnams// de nas sngags pas tshig 'bum du// chu yi nang du phul na ni// sa yi steng na 'dod pa 'thob// yang na pad+mo dkar po ni// mngar gsum dag gis bskus pa rnams// me 'bar nang du legs bsregs na// de yis dpa' bo mngon sum mthong // de yi de la 'dod mchog dang // nor dag kyang ni rnyed par 'gyur// blo dang ldan pa zas kyi mchog/ mar dang sbrang rtsi sbyar ba dag/ zhag bdun du ni gzar bu yis// de yi de la 'dod mchog dang // nor dag kyang ni rnyed par 'gyur// 'bar ba'i me la bsregs nas su// yul gru bdun rnams rab tu 'thob// 'di la rnam par dpyad mi dgos// yang na 'bru rnams thams cad kyis// sbyin sreg don rnams thams cad sgrub// sbyin sreg tshig 'tham byas pa yis// de dag nyid ni mi zad 'gyur// bil ba mar gyis bskus pa 'bum// me ni rab tu 'bar ba la// bsregs nas sa yi bdag po la// nor bcas dag ni thob par 'gyur// dur ba'i 'dzag ma ma grub pa// na maHswA hA mthar ldan pas// 'o ma las bsnyugs bsreg na ni// mi yi tshe ni ring bar 'gyur// de bzhin mar dang sbrang rtsi dag/ 'bar ba'i me la rtag tu bsreg/ gdon mi za bar myur ba ru// yid gzhungs par yang thob par 'gyur// rgya skyegs shing gi me dag la// de bzhin nyin re mar gyi hom// byas na tshe dang yid gzhungs grags// rgyas dang stobs dang gzi brjid dang // dran dang dga' dang mdangs bzang dang // dpal dang sems dpa'i dngos grub dag/ 'thob par 'gyur ba gdon mi za// de bzhin zas rnams kun bsregs pas// gzi dang rgyas dang stobs dang grags// 'dod pa thams cad phun sum tshogs// thob par 'gyur bar gdon mi za// ci ltar cho ga phyi ma las// phal cher 'jam dbyangs khro bo yi// pad+ma'i zhal nas nges 'byung ba// de dag mdor bsdus bshad pa yin// 'jam dpal gyi rtsa ba'i cho ga zhib mo khro bo gshin rje'i gshed rnam par rgyal ba'i cho ga zhib mo kun gyi phyi ma las 'phags pa 'jam dpal gyi khro bo'i cho ga zhib mo phyi ma rim par phye ba ste dgu pa rtog pa phyi ma rdzogs so// // de nas cho ga thams cad kyi// phyi ma'i phyi ma zhes bya ba// sbyor bar bcas shing rgyas pa yi// cho ga de ni bshad par bya// yi ge bcu bdun sngags kyis ni// dpa' bo brtul zhugs bzang po dang // de bzhin sngon du bsnyen la sogs// cho ga dag ni 'dir bshad zin// da ni yi ge 'bru gcig pa// sngags mchog dag ni gang gsungs pa// de yi las kyi cho ga bshad// dpa' bo brtul zhugs med par yang // 'jam pa'i dbyangs kyi khro bo gang // ming ni gshin rje'i gshed ces bya// de yi snying po mchog de ni// hUM zhes bya ba'i yi ge gcig/ thog mar oM bzhag cho ga bzhin// ri mo'i spyan sngar 'dug nas su// 'di ni 'bum phrag bcur bzlas na// de yi 'og tu sgrub la 'jug/ de nas de yi ri mo mchog/ don rnams thams cad sgrub pa gzhan// gang gis dngos grub rab thob pa// tshul bzhin du ni rab tu bshad// ras ni sar pa khru gang tsam// legs par bkrus shing dris bskus la// tshon rtsi bzang po sbyin med pas/ khro bo gshin rje'i gshed bri bya// zhal ni bgrad cing 'jigs pa'i gzugs// smin ma ser zhing spu yang ser// char sprin nag po'i kha dog 'dra// thod pa dag gis brgyan du byas// spyan gsum dbu yang gyen du brdzes// zhal gcig pa la mdangs kyang gsal// phyag gnyis pa la be con bsnams// phyag g.yon pas ni bsdigs par mdzad// zhabs kyang rab tu bzang po gnyis// ma he la ni chibs par bya// stag lpags na bza' mnabs par dgyes// 'khrugs cing 'jigs pa'i gsung yang 'byin// yan lag thams cad yongs rdzogs pa// 'od zer 'bar ba bcas pa'i sku// de nas de la mkhas pa yis// mchod pa yan lag mchog gis mchod// sngags pa brtul zhugs brtan pa ni// de yi 'og tu brag phug zhugs// ri mo'i spyan sngar 'dug nas su/ kha zas za ba dag spangs nas// ri dbang de ni ji tsam du// g.yo bar 'gyur gyi bar du bzlas// yang na khro bo gshin rje'i gshed// bzhad dam g.yos kyi bar du bzlas// yang na rab tu 'bar gyi bar// bzlas na de tshe dngos grub thob// de ltar lha ni bzlas pa yis// dngos grub ya mtshan de bzhin no// de nas rig 'dzin dpal dang ldan// grub par 'dod rnams kun bsgrubs pa// ci bsams pa ni de dag kun// ring por mi thogs 'byor par 'gyur/ khros na sa yang 'gas par 'gyur// chu dag kyang ni skam par 'gyur// ri rnams thams cad brnyil par nus// rgya mtsho dag kyang skems par byed// de la sogs pa'i las rnams ni// ya mtshan chen po thams cad dang // sems can rnams ni thams cad la// phan pa rnam pa sna tshogs byed// cho ga snga ma gsungs pa kun// cho ga snga ma bzhin du bsgrub// bsgrubs nas sems can thams cad la// 'bras bu mchog rnams sbyin par bya// grub pa'i mthu ni gang yod pa// bde gshegs bsam na de dag kun// 'jungs pa med pa'i bsam pa yis// skye bo phongs pa rnams la sbyin// snying rje can gyis bdag gi lus// phongs pa dag la rtag tu sbyin// de ltar sbyin pa'i pha rol phyin// dri ma med par bsgrubs nas su// dge ba 'di yis sems can kun// bde bar gshegs ldan dge bar 'gyur// bde ba thams cad yongs rdzogs shing // dge ba kun gyi snod gyur ces// yid kyis yongs su sngo bar bya// gang zhig de ltar sngags bsgrub kyang // dri ma med pa'i byang chub sems// bde ba rtag tu spyod pa de// dngos grub rtog las gang gsungs pa// de bzhin gshegs pa'i zhal nas byung // thams cad de la nye bar gnas// sgrub pa po de rdzu 'phrul gyis// yon tan kun dang ldan par 'gyur// de ltar 'jam dpal khro bo yi// zhal nas gsungs pa'i cho ga ni/ khro bo rnam rgyal rgya cher bstan// cho ga thams cad bsdus pa'o// 'jam dpal gyi cho ga zhib mo khro bo thams cad rnam par rgyal ba'i cho ga zhib mo bsdus pa las 'phags pa 'jam dpal gshin rje'i gshed kyi cho ga zhib mo phyi ma'i yang phyi ma rim par phye ba ste bcu pa'o// // 'jam pa'i dbyangs kyi khro bo yi// yi ge gcig pa bshad zin te// de nas gzhan yang de yi ni// cho ga zhib tu rgya cher bshad// gshin rje rab tu 'joms pa yi// zhal ni hUM zhes bya bar bshad// de nas 'jam dpal khro bo ni// hUM zhes bya ba mchog rig bya// de yi dkyil 'khor gzhan yin te// 'dod pa kun sbyin shes par bya// dur khrod gnas su bya ba ste// dur khrod gnas pa gang yin pa'o// khru brgyad las ni sgo bzhi pa// yang na khru bzhi pa yang rung // dur khrod gnas pa bzang po ste// dur khrod thal bas bri bar bya// de yi dbus su yi dwags ni// phreng ba dag gis brgyan pa bri// sgor ni yi dwags ro smad gzhag/ mtha' ma dag tu mgo bo gzhag/ gra bzhir shU la bzhi rnams dang // thod pa dag kyang bri bar bya// gal te bri bar nus na ni// mkhas pas de dag thal bas bri// de steng de dag ri mo ni// bri ba dag tu mi nus na// de tshe sa gzhi bzang po la// tsan+dan dmar pos bskus nas su// dur khrod gnas su dang por ni// sngags pas yi ge dgod par bya// de nas gshin rje'i rab 'joms pa// de ru spyan drangs mchod par bya// 'jigs pa'i zhal ni 'bar ba drug/ de bzhin zhabs kyang drug dang ldan// spyan gsum char sprin sngon po'i mdog/ phyag kyang bcwa brgyad dag gis brgyan/ khro bo gshin rje rab 'joms pa// gzigs lpags na bzar gsol bar bgyis// mtshon cha bzang po du ma bsnams// yi dwags steng du mchod pa bya// 'jam dpal khro bo gshin rje'i gshed// cho ga bzhin du mchod nas kyang // mar dang sbrang rtsi sbar ba yi// 'o ma 'bras thug gtor mar dbul// a ga ru yi bdug pa dbul// mar me dag ni mar las bya// de nas gshin rje rab 'joms pa'i// sa bon yi ge gcig pa 'di/ khro bo'i spyan sngar 'dug nas su// stong rtsa brgyad du bzlas par bya// de yi 'og tu mkhas pa yis// dur khrod gnas su slob ma bzung / khro bo gshin rje'i gshed byed pa// hUM gi zhal ni zlos shing gzung // btsud nas de yi snying gar ni// hUM zhes bya ba gzhag par bya// de nas shu la'i phyag rgya ni// ras kyis g.yogs te bcing par bya// slob ma dag la legs bstan nas// de yang mchod pa byed du gzhug/ de nas gshin rje rab 'joms pa'i/ khro bo mngon par dbang bskur nas// 'jam dpal khro bo gshin rje'i gshed// de yi yi ge 'bru gcig sbyin// de nas mchod pa yang byas nas/ khro bo de ni gshegs su gsol// shU la phya rgya bcings nas su// de bzhin rtag par gshegs su gsol/ khro bo spyan ni drang ba dag/ shU la'i phyag rgya ldan par bya// dkon mchog gsum la phyag 'tshal nas// shA la rab tu bstan par bya// mkhas pas lag pa gnyis dag gis// sor mo phan tshun snol nas su// gung mo'i sor mo mchog gnyis ni// dbus nas gyen du sgreng nas bzhag/ srin lag gnyis ni nang du bcug/ mdzub mo gnyis kyi nang du bzhag/ de ltar de gnyis bsgreng nas ni// lhag ma rnams ni legs par bya// gshin rje'i gshed kyi phyag rgya 'di// shU la'i phyag rgya zhes grags pa'o// 'di yi las rnams thams cad ni// rnam par dpyad pa med par bya// de nas gzhan yang rim pa bzhin// gshin rje rab tu 'joms pa 'di// sngags rnams thams cad ma lus pa// dkyil 'khor 'dir ni smra bar bya// oM hUM hrIHdbus kyi yi dwags kyi'o// oM hUM laM lA ha/ yi dwags phreng ba'o// oM hUM dz+ri traH/ yi dwags ro smad de sgo bzhi car du'o// oM hUM hAH'og ste tha mar ro// oM hUM hrIHSh+T+rIHkha/ shU la bzhi car gyi'o// oM hUM hrI haHthod pa rnams kyi'o// lho phyogs kyi ni sgo phye nas// lhag ma gzhan ni gcad par bya// dur khrod gnas su rtag pa ru// gshin rje rab tu 'joms par ni// sngags rnams kyis ni rab brgyan na// dur khrod kyi ni gnas su 'gyur// tsan+dan dmar pos bskus pa yi// sa gzhi khru gang tsam la ni// ji lta bur yang gang yang rung // dkyil 'khor dag ni bris nas su// dkyil nas cho ga shes pa yis// sngags kyis mchod pa rim bzhin bya// oM hUM hrIHSh+T+r-iHA ga ts+tsha ya yaM phreM than swA hA/ spyan drang ba'o// oM hUM hri kA la thA na hA/ mchod yon gyi sngags so// oM hUM hrIHSh+T+rIHkhu kha/ dri'i sngags so// oM hUM hUM hUM hUM hUM hUM/ ka ra la ra na ha haHme tog gi sngags so// oM hUM tri/ hUM pa shi kha hA/ bdug pa'i sngags so// oM dz+riM dz+riM hAHmar me'i sngags so// oM hUM hUM hUM hUM hUM hUM hUM/ khang ka kha/ gtor ma'i sngags so// oM hUM swA hA/ khro bo'i snying po'o// oM hUM hrIHSh+T+rIHgadz+dza hUM pu na rA ga ma nA ya swA hA/ slar gshegs su gsol ba'i sngags so// 'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yig 'bru gcig pa'i rgyal po'i dkyil 'khor bkod pa'i rim par phye ba ste bcu gcig pa'o// // de nas de yi ri mo'i mchog/ sgrub pa po yis bri bar bya// ji skad gsungs po'i las rnams bya'i// bzlas pa'i las ni rab tu bya// ras phran khru gang tsam po ni// bzang po sar pa bkrus pa la// tshon rtsi dkar po sbyin med pas// gshin rje rab tu 'joms pa bri// zhal drug dbu yang gyen du brdzes// de yang spyan gsum 'jigs 'jigs ltar/ khros pa'i phyag kyang bcwa brgyad pa// zhabs rnams rab tu gsal bar drug/ gzig gi pags pa na bzar gsol// tshul bzhin yi dwags steng na bzhugs// shU la ral gri 'khor lo dang // dgra sta mchog kyang sbyin pa'i phyag/ lcags mda' be con rdo rje dang // mda' bo che yang bsnams pa ni// g.yas pa'i phyag ste g.yon pa na// dbyug to zhags pa gshol dang gzhu// thod pa lcags kyu mdung thung dang // rtse gsum gdengs dang de bzhin bsdigs// de ltar ji skad gsungs pa'i gzugs// bung ba dang ni sprin 'dra ba// bris nas de yang legs par sba// yid du 'ong ba'i gnas dag tu// gzhag nas bzlas pa dag kyang bya// bzlas pa'i cho ga 'dir bshad do// rig pa 'dzin pas rtag pa ru// 'bar ba'i sngags kyis khrus bya'o// bdud rtsi 'byung ba'i sngags kyis ni// thog mar tshul bzhin kha bkrus nas// bdag gi lus la sngags shes pas// de nas bsrung ba legs par bya// de yi 'og tu cho ga bzhin// mkhas pas khro bo'i khang par 'jug/ zhugs nas ku sha las byas pa'i// stan bzang de la 'di gnas su// de nas cho ga sngon gsungs pas/ khro bo la ni mchod par bya// lag pa gnyis ni dris bskus pas// sngags kyi nor bu blangs nas su// nyes pa'i skyon dag sbyang ba'i phyir/ khro bo bdud rtsi lan bdun bzlas// de nas sngags pa khro bo la// mngon par phyor 'dug bzlas par bya// rab tu dang zhing rtse gcig yid// yid ni mi skyo bar du bya// de nas mkhas pas bzlas pa'i mthar/ khro bo gshin rje rab 'joms pa// shU la'i phyag rgya bcings gshegs gsol// de ltar legs par nyin re bzhin// yi ge gcig pa'i sngags 'di ni// rnam pa kun tu cho ga bzhin// gang zhig bye ba gcig zlos pa// de yis dngos grub dam pa thob// de nas gzhan yang ci bstan pa'i/ khro bo nyid kyis gsungs pa yi// cho ga dag gi sngags rnams ni// bsgrub pa rnams la phan phyir bshad// oM hUM dIp+ta te dzA swA hA/ khrus kyi sngags so// oM hUM a mr-i ta pra b+ha ba ba/ kha bkru ba'i sngags so// oM hUM sarba ho rak+Sha man ta thA ga tA dz+nyA pa ya ti swA hA// bsrung ba'i sngags so// oM na maHsarba ta thA ga te b+h+yaHhUM many+dzu g+ho Sha dz+nya yA sarba duSh+TAM ban+d+ha ban+d+ha swA hA/ gdug pa rnams bcing ba'o// na maHsarba ta thA ga ta b+heHhUM d+h+r-i ka prA ka ra phaT/ ra ba'i sngags so// oM na maHsarba ta thA ga te b+h+yaHhUM hUM hUM hUM hUM hUM/ ya ma pra ma tha na rak+Sha rak+Sha/ na maHsarba b+hU ta b+ha ye b+h+yaHta thA ga to dz+nyA pa ya ti swA hA/ 'di ni yan lag thams cad bsrung ba'o// oM hUM kA la ma tha na phaT/ khro bo'i khang par 'jug pa'i sngags so// oM hUM rak+Sha rak+Sha mAM swA hA// gdan gyi sngags so// oM hUM sit+ya de hUM dz+riM dz+riM// sngags kyi nor bu blang ba'i sngags so// oM hUM kro d+ha a mr-i ta dza gad pra b+ha swA hA/ sngags kyi nor bu la gdab pa'i sngags so// 'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yi ge gcig pa'i ri mo dang mchod pa dang bzlas pa'i cho ga rim par phye ba ste bcu gnyis pa'o// // de yi sngon du bsnyen pa ni// bye ba gcig tu nges par bshad/ khro bo brtul zhugs phyis spyad na// dngos grub mchog ni thob par 'gyur// shing las byas pa'i thod pa ni// nyi shu rtsa drug sor tshad byas// mkhas pas rtse gsum rnon po ni// lag pa g.yas dang g.yon du bzung // gzig lpags kyi ni gos bgos nas// lus ni thal ba dag gis sku// rus pa dag gi phreng ba yis// rgyan du byas nas brtul zhugs spyad// 'jig rten 'jig par byed pa yi// gad mo sgra chen dag kyang 'byin// dur khrod dam ni shing gcig gam// ri'am yang na tshal yang rung // mkhas pas zla ba drug tu ni// lci ba bza' zhing brtul zhugs spyad// blo ldan grong du yong mi 'jug/ mnyam par bzhag cing tshig mi smra// gtsang zhing tshangs par spyod pa dul// rtag tu bde gshegs sems dang ldan// byang chub sems dang kun ldan zhing / khro bo'i brtul zhugs gang spyod cing // rtag tu bzlas la brtson byed pa// de ni dngos grub mchog 'thob 'gyur// gshin rje rab tu 'joms pa 'di// dngos grub gzhan du yong mi 'gyur// gong tshe 'di yi brtul zhugs ni// bsnyen par bya bar mi nus na// de tshe lci ba za zhing ni// tshul bzhin bye ba gsum du bzlas// bzlas pa byas pa'i tha mar yang // mkhas pas mchod pa rgya cher bya// de nas sna ma'i me tog stong // ri mo dag la phog par dbul// rig pa 'dzin pa'i legs pa ru// de yi phog par phul nas ni// gang tshe rab tu 'bar gyur pa// de tshe ri mo de yis ni// nam mkhar 'phar bar gdon mi za// de nas rig 'dzin thams cad kyi// mchog tu 'gyur te thog mar 'gro// 'on te phog par phul na ni// rab tu g.yo bar gyur na ni// cho ga zhib las bshad pa bzhin// de la dngos grub 'bring du 'gyur// de ste rab tu mi g.yo bar// ri mo rang bzhin du 'dug la// dngos grub tha ma thob par 'gyur// ci ltar 'bras bu rnam gsum bshad// lus ni nyon mongs spyad pa las// dngos grub rnam gsum 'thob par 'gyur// brtul zhugs smyung la rab tu 'bad// yang na chu yi klud dag bza'// ci la ma chags phyugs cin btung // byang chub sems dang kun ldan na// de tshe dngos grub dam pa thob// rig pa'i mchog kun bsgrubs pa la// dngos grub mchog dang 'bring rnams dang // tha ma dag gis bsgrub pa'i phyir// 'di dag spyir ni bsgrub bstan yin// gang tshe dngos grub mchog rnams dang // 'bring yang gal te mi 'dod la// longs spyod rtag tu 'dod na ni// de tshe rtag par bzlas par bya// 'di yi cho ga gzhan dag kyang // de nas mdor ni bshad par bya// sa gzhi rab tu mdangs dga' ba// lci ba bzang po bskus pa la// der ni tsan+dan dmar po yis// dkyil 'khor dag ni mkhas pas bya// de yang bzang po khru gang tsam// rab tu mnyam zhing yid du 'ong // gshin rje rab tu 'joms pa'i gang // dkyil 'khor dur khrod gnas gsungs pa// de nas der ni sngags dag ni// dkyil 'khor mchog de byas nas ni// de yi 'og tu sngags rig pas// ji skad gsungs pa'i las dag gis// ci 'byor pa dang ci nus kyis// khro bo la ni mchod par bya// nyi ma re re cho ga bzhin// bzlas pa dag kyang stong du bya// de ltar rtag tu byas pa yis// 'dod pa'i 'bras bu thob par 'gyur// 'jig rten thams cad dga' bar yang // gdon mi za bar 'grub par 'gyur// de yi dgra yang med par 'gyur// nad med 'gyur bar gdon mi za// de yi longs spyod 'phel bar 'gyur// rgyal po'ang de yi dbang du 'gyur// gang zhig rtag par cho ga 'dis// gshin rje'i gshed ni zlos byed na// de las de yi dbang po dang // g.yo dang mi g.yo 'jig rten rnams// byang chub sems ldan de yi ni// dbang du 'gyur bar gdon mi za// 'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yi ge 'bru gcig pa'i brtul zhugs rim par phye ba ste bcu gsum pa'o// // de nas gzhan yang brtul zhugs kyis// bsgrub pa'i las rnams bshad par bya// dngos grub mchog rnams thams cad ni// gshin rje rab tu 'joms pa 'di// brtul zhugs dag ni 'di nyid kyis// rnam pa kun tu bsgrub par bya// phal cher dngos grub mchog rnams ni// brtul zhugs med pas mi 'grub ste// de bas gshin rje 'joms pa yi// brtul zhugs spyad pa byas nas su// dngos grub mchog rnams legs par bsgrub// mkhas pas gzhan la ma yin no// ji skad bstan pa'i mtshon cha rnams// rtsa ba'i rtog pa'i cho ga bzhin// sngags rig sbyor ba snga ma bzhin// de dag rtag tu legs par bsgrub// de la 'dir ni rtog pa ru// dur khrod gnas pa'i dkyil 'khor ni// dngos grub thams cad rab sbyin pa// bye brag tu ni logs shig gsungs// ral gri sa 'og ro langs dang // mig 'phrul Any+dza gi'u wang dang // yungs kar ba bla btsag rnams dang // gzhan yang las dag ci 'dod dang // mi snang ba dang rkang mgyogs dang // gser 'gyur rtsi dang bcud kyis len// gnod sbyin mo rnams bsgrub pa dang // klu yi bu mo la sogs bsgrub// dgug pa'i cho ga dam pa yi// bud med dam pa spyad bsgrub pa// rtsa ba'i rtog pa'i cho ga yis// tshul bzhin gnas nas bsgrub par bya// de las 'di ni khro bo 'di// yi ge 'bru gcig khyad par bshad// de nas ji skad gsungs bstan kun// ma smos pa yang bsgrub par bya// 'jam dpal khro bo'i snying po 'di// hUM zhes bya ba rgyas pa ste// 'di ni rtsa ba'i cho ga yin// bsdu ba yongs su sgrags pa'o// 'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las khro bo gshin rje'i gshed kyi rtsa ba'i cho ga zhib mo bsdus pa rim par phye ba ste bcu bzhi pa'o// // rtog pa mdo ru bsdus pa dang // rgyas pa dag tu bshad pa dang // brtul zhugs dang ni nges pa yi// de nas khro bo gzi can gyi// zhal drug hUM zhes bya ba'i sngags// bzlas pa tsam gyis grub pa ni// gsang ba mdo ru bshad par bya// brtul zhugs spyad dang brtul zhugs dka'// de dag 'di la yod med de// lan gcig bzlas pa tsam gyis kyang // las rnams thams cad byed par 'gyur// oM na maHsarba ta thA ga te b+h+yaHhUM hUM hUM hUM hUM hUM/ ya ma pra ma tha rak+Sha rak+Sha/ mAM sarba b+hU ta b+ha ye b+h+yaHta thA ga tA dz+nyA ba ya ti swA hA/ yi ge bzhi bcu rtsa gsum 'di/ khro bo bklags pa tsam gyis 'grub// dngos grub thams cad rab tu ster// sangs rgyas kun gyis mngon par bstod// de ni rtag par bzlas na ni// dngos grub thams cad ster bar bshad// dur khrod gnas su rtag par ni// rtag tu zlos pa cho ga 'dis// lha dang lha min dri za dang // gnod sbyin srin po klu yi rigs// dpag tshad bdun ni khor yug tu// de yi gzis ni 'byer bar 'gyur/ khro bo gshin rje'i gshed mdzad pa// zhal drug hUM gi sngags 'di ni// gang zhig zlos par byed pa ni// 'gro dang mi 'gro 'jig rten na// de la dka' ba cung zad med// zhal drug hUM zhes bya ba'i sngags// shU la phyag rgya ldan pa ni/ khro bo rnam rgyal rgyud 'di la// de ni grub par rab tu bsgrags// dur khrod gnas su cho ga bzhin// de yi sngon du bsnyen pa ni// thog ma nyid du tshig 'bum bya// de nas rtag pa'i cho gar spyad// rtag par spyod pa'i cho ga yis// de nas tshig 'bum bzlas nas kyang // de 'og ji skad gsungs pa yis// las rnams kyi ni bsgrub la 'jug/ ba'i rtog pa'i cho ga yi// de nas thams cad las grub par// zhal drug hUM zhes bya ba yi// cho ga 'dir ni mdor bshad pa// 'jam dpal las byung khro bo ni// hUM zhes bya ba'i zhal nyid yin// gshin rje'i gshed ces bya bar grags// 'di la dka' ba ci yang med/ khro bo'i zhal nas mdo ru ni// cho ga bzang po gcig gsungs pa'i// cho ga de bzhin bdag gis bshad// zhal drug hUM zhes bya ba 'dis// hUM zhes bya ba drug tu bsgrags// de bzhin gzhan yang rtog pa ru// hUM gi mtha' ni bskul ba bya// hUM traM shU la'i phyag rgyar ldan// re rnams kun kyang 'gas par byed// hUM tri rab tu sbyar na ni// myur du ras kyang gas par 'gyur// hUM tshig rig sngags thams cad dang // mtshon cha rnams ni gcod par bshad// shU la'i phyag rgya dang ldan par// hUM kha rtag par rab sbyar nas// sdang ba rnams ni za ba dang // dgra yi dpung dag rab tu 'jig/ hUM ga rab tu sbyar na ni// glang po gnon pa rab tu bsgrags// hUM tha mtshon cha kun 'phel tshe// lha dang lha min 'jigs par byed// hUM ha dpung rnams 'jig pa dang // rmongs par byed pa yongs su bsgrags// hUM gra rab tu sbyar na ni// phan tshun mtshon cha 'khrugs par byed// hUM a rab tu sbyar na ni// slar yang thar bar byed pa yin// hUM ga glang po seng ge dang // rta dang mi dang bya rnams dang // gru dang shing rta'i bzhon pa dang // 'bab chu dag kyang myung bar 'dir// shU la'i phyag rgyar ldan byas na// gnod par byed pa'i mchog yin no// hUM ba rab tu sbyar na ni// mnan pa rtag tu thar bar byed// hUM d+haM rab tu sbyar na ni// lha dang lha min gzhan yang 'grub// dngos grub phra mo thams cad la// bskul na de yi 'bras bur 'gyur// hUM baM kun tu dbang byed pa// tha mar ra bzhag dbye bar byed// ta dang sbyar na sdang bar byed// ma dang sbyar ba gsod par byed// ya dang sbyar na de bzhin gsod// la dang sbyar na mig 'phrul byed// zhi dang rgyas la 'ba' zhig go/ de la sogs pa gzhan rnams kyang // rtsa ba'i cho gas sbyar bar bya// de nas ji skad gsungs pa yi// las rnams kyis ni bsgrub par bya// de ltar gshin rje'i gshed 'di yi// dngos grub nges par thob par 'gyur// 'di ni khro bo rnam rgyal gyi// rtog pa'i yi ge gcig pa gang // 'jam dpal khro bo gtso bo yi// gsang ba gzhan dag bshad pa yin// 'jam dpal gyi rtsa ba'i cho ga zhib mo khro bo rnam par rgyal pa'i phyi ma'i yang phyi ma las khro bo'i rgyal po gshin rje'i gshed zhal drug hUM zhes bya ba las byung ba'i cho gzhib mo rim par phye ba ste bcwa lnga pa'o// // de nas cho ga zhib rgyas pa// gshin rje'i gshed po gcig po yi// cho ga kun gyi mchog dang rab// don grub ces pa bshad par bya// de la rig 'dzin dpal ldan pas// las rnams thams cad bsgrub pa'i phyir// mnyam gzhag byang chub sems ldan pas// thog mar dkyil 'khor bri bar bya// mtsho'am rgya mtsho'i 'gram dag gam// gcong rong dur khrod du yang rung // de dang der ni sa brtags nas// me tog sil ma dag gis brgyan// dpa' bo gcig pa'i sngags 'bar bas// me lce 'bar bas 'khrug byas te// sa dang skyu ru ra la sogs// bsangs nas khrus la brtsam par bya// rig 'dzin khrus byas gtsang ma yi// de nas sngags des thams cad ni// bdag gi lus la dgod par bya/ khro mig dmar por gyur pa yi// de nas sa phyogs gtsang ma ni// phyag dar zang zing yongs blangs pa// bgegs rnams zhi bar bya ba'i phyir// gsang sngags zlos shing blta bar bya// de nas khro bo gshin rje'i gshed// dpa' bo gcig pu'i sngags zlos shing // dkyil 'khor bzang po gru bzhi par// dur khrod thal bas bri bar bya// nub phyogs sgo gdong sgo bzhi par// de yi dbus su pad+ma bri// be con phyag rgya rtse 'bar ba// gra bzhi dag tu bri bar bya// 'di ni be con mang po yin// shU la can gyi shU la mang // mdung zung rnams kyis yongs bskor ba// de bzhin mdung zung mang zhes bya// de bzhin thod pa mang po yin// mi ro dang ldan mi ro mang // mi ro mi sdug mgo med pa// yi dwags 'bar dang srin por ldan// phyogs bcu kun nas 'jigs pa can// de nas dur khrod ma zhes bya// gshin rje'i gshed po dpa' bo yi// dkyil 'khor rnam pa drug tu bshad// de la be con mang po ni// longs spyod thams cad 'phel bar bshad// shwA la mang po srin rnams ni// 'joms pa rab tu bsgrags pa yin// de bzhin mdung thung mang po ni// bgegs rnams thams cad tshar gcod pa'o// thod pa mang zhes bya ba rnams// 'khrul 'khor thams cad rab tu 'jig/ ri mo mang po zhes bya ba// ro langs thams cad bsgrub pa'o// dur khrod mang po rab grags pa// dngos grub thams cad rab sbyin pa'o// de la pad+ma'i dbus su ni// 'jam pa'i dpal gyi khro bo'i mchog/ gshin rje'i gshed ces bya ba de// cho ga bzhin du bzhugs par bsam// in+d+ra nI la bcag 'phro'i mdog/ zhal drug spyan yang 'jigs par gzigs/ khros shing zhal yang bgrad pa ste// 'jigs 'jigs blta la 'jigs par gnon// spyan gsum sgra yang gyen du brdzes// tshems kyis sgros mnan 'jigs 'jigs lta// bcwa brgyad phyag ni dran par bya// zhabs kyang rab tu 'bar ba drug/ mi ro mgo med phreng ba yis// se ral kha yi rgyan du byas// mdung thung tho ba zhags pa yi// ral gri lcags kyu mtshon cha thogs// shU la rdo rje dbyug to dang // be con mtshon cha rnams dang ni// de ltar g.yas pa'i phyag na bsnams// g.yon pas bsdigs shing dril bu dang // thod pa bzang po kha T+wAM ga/ mi mgo rlon dang keng rus dang // 'jigs pa'i mi ro dbyug to 'bar// de dag phyag na rtag tu thogs/ khro bo gshin rje'i gshed po ni// shi ba'i ro yi steng na bzhugs// 'jigs pa mtshon gdengs 'jigs 'jigs lta// dur khrod na ni rtag tu bzhugs// sbrul dang srin po thams cad 'joms// lha rnams kun kyis phyag byas shing / khro bo thams cad legs par 'dud// sku ni rab tu 'bar ba can// 'khrug cing rab tu za ba rnams// stag lpags na bza' mnabs par dgyes// 'jig rten lha ni khro bo rnams// mtshon cha dang ni mthu spangs nas// rjes su 'brang zhing phyag byas pa'i/ khro bo gshin rje'i gshed dran bya// de ltar 'jigs med byas nas su// bdag gi sngags kyis dran byas nas// spyan drangs tsan+dan gyis bskus nas// me tog mang pos mchod par bya// rtag tu rig pa 'dzin pa yis// tsan+dan dmar po dbul bar bya// bdug pa dang ni gtor ma yis// rim pa bzhin du mchod nas ni// blo ba/ slob// ma khro bo'i sngags dag dang // sangs rgyas spyan gyi sngags dag gis// btsud nas me tog 'dor du gzhug/ de nas rig 'dzin dpal dang ldan// bdud rtsi zab sbyor bzlas nas su// phreng ba tsan+dan dkar la sogs// mchod pa byas nas slob ma la// de nas sangs rgyas spyan yang bzlas/ khro bo gshin rje'i gshed po ni// 'jigs pa pha rol gnon pa sbyin// lha khyod bdag gis mnos so zhes// de skad slob mas lan/ gsum smras// de nas sngags rig cho ga bzhin// bla ma dag la phyag byas nas// cho ga bzhin du dbang bskur bas/ khro bo gshin rje'i gshed po bzlas// 'jam dpal gyi rtsa ba'i cho ga zhib mo khro bo rnam par rgyal ba phyi ma'i yang phyi ma las khro bo'i rgyal po gshin rje'i gshed rim par phye ba ste bcu drug pa'o// // de nas gzhan yang gshin rje yi// gshed po'i sngags 'di mnos nas su// mi ro dag gi gos blangs nas// de la de yi gzugs kyang bri// de nas tshon rtsi sbyin med pas// bzang pos snga ma bzhin du bya// bzang po khru gang tshad du bya// yang na khru bzhi'i tshad du bya// gang tshe sngags pa bdag nyid kyis// bri bar mi nus de yi tshe// bzo bo sbyang ba byas pa ni// khrims mnos pa dag 'dri ru gzhug/ shi ba'i ro yi steng du gzhug/ phyag ni bcwa brgyad rnams kyis brgyan// zhal drug zhabs kyang drug tu bstan// 'jigs pa gnon pa 'jigs 'jigs lta/ kha cig bzhad cing kha cig ni// ljags 'dril kha cig mche ba gtsigs/ kha cig zhal gdangs kha cig khros/ kha cig 'jigs pa pha rol gnon/ khro bo de 'dra'i zhal 'dra ba// smin mtshams ser la spyan yang ser// ji skad gsungs pa'i mtshon cha rnams// phyag na bsnams pa bri bar bya// dben zhing 'du 'dzi med pa ru// sngags pas de ltar 'drir gzhug go/ de ltar bris nas sngags mkhan de// ri mo la ni bltas nas 'dug/ cho ga shes pas 'bum bzlas te// ri mo bris pas de nyid kyis// de nas bsgrub la 'jug par bya// gshin rje'i gshed po de yi sngags// drag po gang yin de bshad do// oM ni de yi dbang po yin// a zhes bya ba gnyis pa yin// kro zhes bya ba gsum pa ste// d+he zhes bya ba bzhi pa yin// ka zhes bya ba lnga pa yin// ya zhes bya ba gsang ba drug/ mAn zhes bya ba bdun pa ste// ta ni brgyad par shes par bya// ka ni dgu ste hUM dang bcu// de bzhin phaT bya lhag pa ste// mi mnyam sngags ni bcu gcig pa'o// 'jam dpal gyi ni khro bo mchog/ gshin rje'i gshed ces bya ba te// cho ga phyi ma'i phyi ma ste// sangs rgyas kun gyis mngon bstod pa'i// sngags de de ltar mnos nas su// cho ga mnos nas bzlas byas na// rig 'dzin go 'phang thob par 'gyur// oM a kro d+he ga ya mAn+ta ka hUM phaT/ gshin rje'i gshed po lha'i lha'o// oM a mr-i ta kun+da li/ sarba big+ha nAn+ta ta krit+ta na hUM hUM hUM phaT/ bdud rtsi zab sbyor gyi'o// oM bud+d+ha lo tsa ni swA hA/ sangs rgyas spyan gyi'o// de nas gzhan yang bzlas pa yi// gnas dag ji ltar yin par bshad// dur khrod yang na ri yang rung // tshang tshing pad+ma'i mtsho 'gram du/ khro zhing gshin rje'i gshed po ni// bzlas na dngos grub thob par 'gyur// ku sha'i rtswa yi stan la 'dug/ ri mo la ni phyogs 'dug ste// lag pa gnyis ka bris bskus nas// ru drA k+Sha yi phreng thogs la// sngags pas rtag tu bzlas par bya// de bzhin bdug pa ar+g+ha dbul// myur ba dang ni bul ba dang // de bzhin yi ge 'dres par ni// nam yang smra bar yong mi bya// rtag tu rab tu gsal bar smras// cho ga bzhin du yid bsams nas// bu don la ni sems bzhag ste// skye ba med pa'i sems kyis ni// yi ge go rims bzhin du bzlas// 'bum gcig bzlas pa'i tha ma ni// bsgrub par bya ba bshad kyis nyon// mtsho yi 'gram du dkyil 'khor ni// dur khrod mang po bri bar bya// de yi nang du ri mo bkram// sems dpa' mtshan mo zhugs nas ni// grogs bzang sems kyang ma rmongs pa// gu gul bdug pa de bzhin bsreg/ zlos shing sna ma'i me tog stong // snying gar phog par bya zhing dbul// de nas khro bo gshin rje'i gshed ri mo la zhugs khro po'i spyan// ri mo de ni nges pa ru// g.yo'am yang na 'gul bar 'gyur// de nas lha de grub gyur nas// gang 'dod pa yi las rnams byed// de ste grub par ma gyur na// gzhan yang tshig 'bum bzlas par byas// de nas de yi mtha' mar bsgrub// des kyang ma grub gsum po la// mtshams med lnga rnams byed pa yang // gdon mi za bar 'grub par byed// grub pa'i las rnams gang dag 'dir// byed par 'gyur bar bshad par bya// bsgrub par dka' ba'i las rnams kyang // yid la gang dang gang 'dod pa// de dag mthar phyin myur bar ni// rig sngags 'chang bas byas par 'gyur// ri rnams kyi ni rtse mo dang // gcong rong rnams ni bsnyil bar byed// sa yang rab tu 'gas par byed// chu dag kyang ni skams par nus// dpung rnams mi g.yo gnon par byed/ khrag gi char yang 'bebs par byed// stong ngam yang na 'bum yang rung // de ma thag tu gsod par nus// gnon pa dang ni rmongs pa dang // de ma thag tu 'bebs par byed// shing rta'am yang na gru dag dang // glang po myos pa gnon par nus// pha rol dpung dag 'khrug par byed// yul phyogs myur du rmongs par nus/ khros nas sa yang g.yo bar byed// gling dang nags tshal sreg par nus// de ni gang gA'i mtsho yang skems// skams pa dag kyang 'gengs par nus// sprin yang legs par gnon par nus// char pa dag kyang 'bebs par byed// dus min char yang 'bebs par nus// klu yi bdag po dag kyang 'gugs// de nas nag pos zin pa yang // mthong ba'am yang na sprin tsam gyis// 'gugs par byed de the tshom med// ser ba dang ni sol ba'i char// de ma thag tu 'bebs par nus// 'bras bu me tog mchog rnams dang // yal ga dag gis brgyan pa'i shing // bltas pa'am yang na rdo 'phangs pas// glo bur du yang 'gyel bar byed// de ni sbyar ba tsam gyis su// sa yi 'og kyang 'khrug par byed// de bzhin lha dang mi rnams la// gnod pa chen po 'byung bar byed/ khro bo'i rgyal po 'di yis ni// nges par dbang du mi 'gyur ba'i// dngos po 'das dang da ltar dang // phyi 'byung ba dag gang yang med// lha de grub par ma gyur kyang // mthong ba tsam mam tshig gis kyang // dug dang rims dang gdon rnams sogs// zhi bar byed pa'i mchog tu 'gyur// dbang du byed dang dbye ba dang // gsad dang bskrad par bya ba dang // mig 'phrul any+dza bsku ba rnams// bdug dang dris byug sbyor ba yi// las rnams 'di dag thams cad ni// bzlas pa brgya byas 'grub par byed// sngags pa gter chen yod par ni// song ste bsgrub par byas nas su// bgegs rnams kyi ni mi 'jigs par// nor de bzlas pa stong byas pas// bdag gis khyim nas len pa bzhin// phra mo rnams ni rgya yis 'thob// bzlas dang sbyin sreg ma byas kyang // gshin rje'i gshed kyi ming tsam gyis// lha rnams skrag par 'gyur ba ni// ring por mi thogs gdon mi za// ma rungs par ni bya ba dang // byad dang stems dag bya ba dang // rmongs dang mnan pa'i dngos grub rnams// bltas pas rnam pa du ma yi// cho ga gzhan gyis cho ga yang // ring por mi thogs 'grub par nus// yul dang yul phyogs dag tu yang // gnod pa dang ni nad kyang 'byin// rmugs pa dang ni gnod pa dang // rmongs dang mi mthong byed pa dang // 'khrug pa dang ni skrag pa dang // skyo zhing slar yang g.yo ba dang // nor 'gugs pa dang gnon pa dang // skye bo dag kyang 'gugs pa dang // yun du 'tshe zhing 'jigs pa dang // 'khrug pa 'thab mo ser ba dang // bru ba gnyid kyis myos pa dang // gang yang gzhan dag de 'dod pa// sngags pas gshin rje'i gshed dran pas// de dag thams cad byed par 'gyur// de nas cho ga phyi ma 'di// ji ltar yin pa de bshad do// lha ma yin gyi phug sgor song // mkhas pas ri mo bkram nas su/ kha zas mi za stan gcig 'dug khri yi grangs tshang bzlas byas nas// de nas bud med gzugs mchog ldan// bzang po rnams ni sgor phyung nas// sgrub pa de yi mdun du ni// nang du gshegs zhes dga' bar byed// de nas grogs po yid gcugs dang // sgrub pa po ni lhan cig tu// nges par dam tshig dag gis ni// de yi gnas su 'jug par bya// de bzhin ji ltar 'dod pa ru// gnod sbyin ma yi ming rnams dang // sha za mo'ang dri za mo// yang na gang 'dod pa yi lha'i// ming bris de yi mdun bzhag nas// ri mo la ni nyin re zhing // de yi tshig ni mthar sbyar nas// ma skyo bar ni 'bum bzlas na// sgrub pa po des 'jigs gyur nas// de dag thams cad 'ong bar 'gyur// sgrub po ci srid 'dod par ni// 'di ru las rnams byed par 'gyur// lha rnams dag ni thams cad kyang // gnod sbyin la sogs bsgrub bshad zin// 'di yi cho ga phyi ma yi// phyi ma dag kyang bshad par bya// ri mchog dag gi rtse mo la// yi dwags mang po'i dkyil 'khor bri// yi dwags dkyil 'khor bris nas kyang // kun la sha yi gtor ma bya// grogs po sems ni dpa' ba dang // yon tan ldan zhing gzo ba dang // mi ro'i gos la bris pa yi// ri mo bzhag la de nas su// bdag gi yan lag thams cad las// rus pa dag gis khrag byung te// mi yi thod pa'i nang du gzhag/ lus la khrag ni ci phyin pa// mi ro'i skra yi pir dag gis// de nas de yi lus dag dang // mig kyang rab tu gsal bar bya// de la bgegs kyang mang du 'gyur// de nas dpa' bos bshad par gsungs// dpa' bo dag gis las kyang bya// de yi 'og tu bzo bo la// dpa' bo dag gis yon yang 'bul// de nyid yongs su rdzogs par ni// gyur gyi bar du tshul bzhin gyis// tha mar dpa' bo gcig pu de// ri mo mtshan mo rab 'bar ram// yang na dgod dam g.yo yang rung // de nas dngos grub thob par bshad// ri mo de ni blangs pa yis// nam mkhar 'phar ba gdon mi za// dpal ldan thogs pa med par 'gro// mtshan mo nyi ma bzhin du 'bar// dpa' bo dag gis bsgrub pa 'di// rig 'dzin kun gyi thog mar 'gro// grub pa de la lha rnams kyang // gdon mi za bar phyag 'tshal 'gyur// rig 'dzin rnams ni thams cad kun// kun tu bkur ba'i rgyal por 'gyur// yang na cho ga shes pa'i rgyal// ri mo zhi ba sngon bzhin du// blangs te bsregs pa'i steng du gzhag/ de nas bsregs pa der 'dug nas// gcig po ral gri blangs nas su// mtshan mo gshin rje'i gshed bzlas pa// 'bar bar 'gyur gyi bar du'am// du ba'am tsha ba'i bar du bzlas// 'bar bar gyur pa dpal dang ldan// rig 'dzin du ni de 'gyur ro// du ba byung bas mi snang ba// nam mkhar 'gro ba'i mchog tu 'gyur// de tshe tsha bar gyur na ni// sa yi rgyal por nges par 'gyur// ral gri mchog de bya ba yang // sor ni sum cu rtsa gnyis shis// yan lag thams cad yongs rdzogs pa// bsgrub par bya ba so yi rdo// de ltar cho ga phyi ma yang // mdor ni legs par bshad pa yin// lag pa g.yas pa'i sor mo yis// mthe bong sbas nas gyen du ni// bsgreng bar byas pa'i phyag rgya yi// be con zhes ni bsgrags pa yin// ha nyid kyi ni sngags ldan par// las rnams kun la bcing bar bya// spyan drang ba dang mchod pa dang // gshegs su gsol dang bzhugs pa dang // las rnams bya ba'i tshe dag dang // gzhan yang dgos pa 'byung ba'i tshe// tshul bzhin phyag rgya 'di bcings nas// gshin rje'i gshed kyi lha bzlas so// sngags pa rgyal po'i drung song nas// mgo btud pus mo btsugs nas su// bdag nyid dang ni nor bcas par// gdon mi za bar myur du 'grub// 'jam dpal gyi rtsa ba'i cho ga zhib mo khro bo rnam par rgyal ba'i rgyud chen po thams cad kyi phyi ma'i yang phyi ma las bcom ldan 'das 'jam dpal gshin rje'i gshed kyi gsal shing khro bo rnam par rgyal ba'i cho ga zhib mo phyi ma'i yang phyi ma gsang ba gsal shing rgyud de rim par phye ba bcu bdun pa'o// // oM A kro d+he ka ya mAn+ta ka hUM hUM hUM phaT phaT phaT swA hA/ 'di yang bcom ldan 'das kyis sngags gzhan no// oM AHhUM 'di yang de bzhin no// yi ge bcu gcig rgyal po yi// de nyid bzlas pas grub par 'gyur/ khro bo rnam par rgyal ba yi// rtsa ba dang ni phyi ma dang // de bzhin phyi ma'i phyi ma 'di// rtog pa ma lus rgyas pa dag/ lha de rnams kyis legs zos nas// 'jig rten 'jig rten 'das pa kun// thal mo rab tu sbyar nas su/ khro bo rnam par rgyal ba ni// gshin rje'i gshed la 'di skad smras// bcom ldan khyod kyis rtog pa 'di// bsgrub pa rnams la phan pa'i phyir// rab tu ngo mtshar bshad lags te// bzlas dang hom dang mchod la sogs/ khro bo chen po'i brtul zhugs dang // de bzhin dka' thub drag po dang // ji skad gsungs pa'i sbyang ba yis/ khro bo kI li ka la las// sogs pa'ang dus la bab na ni// sngags zlos pa la dngos grub ster// bcom ldan 'das kyis rtog pa dang / khyad par gyur pa ci zhig mchis// de bas bzlas dang sbyin sreg dang // smyung dang brtul zhugs dka' thub dang // med par rang dbang nyid du ni// dngos grub dam pa khyod kyis gsungs// lha mchog de dag thams cad kyis// phyag 'tshal de skad smras pa dang / khro bo drag tu bzhad pa yis// rab tu drag pa'i tshig tu gsungs// drag tu bzhad pa'i zhal 'dzum pas// lha yi tshogs rnams 'jigs rmongs la// ma 'jigs ma 'jigs zhes gsungs pa'i// phan pa'i tshig gis dbugs phyungs nas/ khyed rnams kyis ni gang smras pa// sgrub pa bdag ni med par yang // sbyor ba shes pas grub 'gyur ba// lha rnams kun gyis mnyan par gyis// bde gshegs dngos grub gcig pu las// dgyes pa rnam pa tha dad 'gyur// de nas ting 'dzin tshul las ni// mtshan ma dang ni dngos grub de// thog mar byang chub rtsa la brten// shes rab de lta bu yang bsgom// sems kyang rnam par mi rtog pas// bde gshegs dngos grub de dag 'thob// de nga'i gzugs su gyur par byos// sa bon mtshon cha mang por ldan/ khro bo de yi zhal drug bsgyur// dril bu gsil ba'i sgra yang 'byin/ khro bo'i zhal ni bcas par ldan// de yi gzi dang mthu ldan byas/ kun tu dga' ba'i snying por ldan/ gang gis yid la gang bsgoms pa// de la nga yi thugs g.yos pas// ji lta ba'am gar yang rung // mdun nam yang na rgyab nas kyang // las kun byed nus grub par 'gyur// gang dag nga ni phyag lnga bcu// be con gdengs pas bsdigs par mdzad// tri shUl ral gri dgra sta kyu// thod pa shag ti zod mar dbyug/ de dag las ni phyag gsum drug/ g.yas pa be con mda' ral gri// g.yon na 'khor lo rdo rje 'dzin// rdo rje rtse gcig mig drug pa// dpral ba'i gnyer ma bster pa dang / khro gnyer bsnyer ba'i lta ba can// 'jigs pa'i sbrul gyis ro stod dkris// thod pa dag gis rgyan du byas// char sprin sngon po'i kha dog 'dra// zhal gcig spyan yang mi mnyam pa// 'brug gi sgra dbyangs sgra sgrogs pa// stag lpags na bza' gsol bar dgyes// mtshon cha mtshon rnams 'bar zhing 'khrug/ spyan dang gtsug phud rtsa dmar ser// zhabs gnyis gdengs pa'i tsham ngam mdzad// sa yi steng na za za la// mtsha ba dag kyang gtsigs pa'i zhal// bcibs pa ma he chibs pa de// sems pa'am ri mo la bris pa// sgrub po myur du mchod byed na// de la da ni myur ba ru// dgyes nas mngon du phyogs par 'gyur// ji ltar 'dod pa'i don rnams ni// gdon mi za bar grub par byed// rnam par gnon pa'i gzugs 'di ni// bdud las rgyal ba yin par bsgrags// thog ma bdag gis dam tshig sbyin// bsrung mchog tshul bzhin byas nas su// ras ni sum cu sor tshad la// sngags pa bzo bo yon tan can// yid ni bsten par bya ba'i phyir// dben pa'i gnas su mi mngon par// tshon rtsi dge ba bzang po yis// ri mo thog mar bri bar bya// zin nas kyang ni dben par gzhag/ su la'ang bstan par yong mi bya// nga yi gzugs su gyur par byas// sa bon mtshon cha bzang por ldan// nga yi zhal ni khro bor 'gyur// dril bu gsil ba'i sgra dang ldan/ khro bo'i zhal ni bsam par bya// nga yi gzi dang mthur ldan byas// kun dga' yi ni snying por ldan// gal te dam tshig mi ldan pa'i// skye bos ri mo de mthong na// myur du rnam par myos par 'gyur// de bas rnam pa thams cad du// srung ba drag po kun tu bya// grong ngam yang na grong khyer du// rnam pa gzhan du gzhag gyur tam// gong du mchod pa ma byas na// myur du 'jigs pa skye bar 'gyur// ri mo la ni gnas pa'i gzugs// de ltar rtag tu goms byas shing // der bsgyur de yi yid du 'gyur// ji srid gang dag goms gyur cing // kun tu mdun na gnas pa ru// gang tshe mthong bar gyur pa na// de tshe ri mo med par yang // ji lta bu yi tshul nyid kyis// rtag tu sbyor ba byas nas ni// sbyor ba nyid kyi rtag pa ru/ khro bo kun du sbyor ba ni// de las las rnams thams cad byed// 'di ni gsang ba bstan pa yin// yang na bdag nyid de 'dra bar// ji srid cig tu grub pa'i bar// yid la legs par bsgoms na ni// de nas de yi dngos gnas par// yid la cung zad gang bsams pa// dngos po goms par byas na ni// de nyid 'bras bu yod par 'gyur/ gang phyir khro bo bsgoms pa yis/ khro bo yod ye bsgoms na ni// bzlas pa la sogs med par yang // dngos grub dam pa thob par 'gyur// sgrub pa rnams la dam tshig gis// gal te sbyin par bya na yang // de tshe sa ni rab sbyangs nas// thog mar spos chus gdab par bya// kun du zlum po zhes bya ba'i// dkyil 'khor 'di ni logs shig tu// kun du zlum por bri bar bya// tshon rtsi nag por legs bris te// nub phyogs sgo btod khru do tsam// de yi dbus su mchog bri ba// 'gying zhing ldem bag can gyi lus// char sprin dang ni brang ba'i mdog/ 'jam zhing mnyen pa dpal dang ldan// gser gyi dril bu'i sgra dang ldan// g.yag rdza bsil yab g.yob pa can// any+dza na yi ri lta bu'i// ma he chen po dam pa ni// dkyil 'khor dam pa de bris te// bsrung ba cho ga bzhin byas nas// sngags shes pas ni mchod byas pa// cho ga bzhin du 'dir bshad do// spyan drangs gdan du bstab pa dang // ar+g+ha gtor mas mchod pa dang // mar me bdug pa bstan pa dang // tha mar slar gshegs bstan pa'o// gzugs dgod pa dag thog ma ru// lha dgod pa dag yig 'brus bskyed// sa bon gyis ni tshul bzhin bshad// de las dang por thams cad ni// sa bon khro bo'i gzugs yin te// de nyid phal cher rab tu grags// gcig pu mtshon cha du ma'i mchog/ de nyid der ni bsten bya ba'i// rtag tu mtshon cha 'bar byed pa// de yi gzugs 'dir gcig pu la// sa bon gyis ni bskul ba'i zhal// dril bu'i sa bon drug rnams kyis// sgra de rnams bzhin sgrogs par brtag/ 'di ni khro bopo'i zhal yin gsungs// 'di ni thog ma nyid kyi gzugs// de yi mthu yang ci 'dra ba// tshul bzhin du yang 'dir bshad do// gang gis dran pa tsam gyis ni// bdud dpung gdug pa'i gdon la sogs// mthu rtsal gnod pas nyams nas su// 'jigs shing spa bkong byed pas 'gyur// zung shig pa yi tshig gnyis ldan// zhal yang gdangs shing 'bar ba can// snying po dag par rab tu gzhag/ mtshon cha 'debs pa'i mthu rtsal can// de ltar khro bo rgyal ba'i gzugs// sa bon zhes su bya ba yi// sngags kyi dngos po shes nas ni// sngags pas dngos grub thob par 'gyur// mtshon cha 'phangs pa tsam gyis ni// de yi kun tu bsrung bar bya// sa bon bkod pa'i tshul bzhin du// bdag gi lus la sbyar bar bya// gzugs ni gzugs la bzhag nas su// mtshon cha de nyid lag na thogs// sa bon rnams kyang khar bzhag ste// rkang pa gnyis kyang tsham ngam bya// de nas kun du khros nas su// rang gi sa bon dgod par bya// thog ma bdag la ma g.yengs par// srung ba de ltar byas nas su// dkyil 'khor du ni spyan drangs te// de nas mdun du mchod pa bya// sngags kyi snying po tha ma la// tshur gshegs pa yi tshig gnyis dang // rtag tu ldan par byas nas su// spyan drangs pa dag bya bar bshad// me tog dag gis gdan 'di la// bzhugs su gsol zhes rtag tu bya// de lta bur ni spyan drangs nas// me tog dag gis snga ma bzhin// bzhugs shig pa yi tshig gnyis kyis// cho ga bzhin du bzhugs su gsol/ khro bo'i rgyal po de la ni// bzhugs par bya ba bstan pa yin// me tog sngags kyis btab pa yis// de ltar bzhugs par byas nas su// ar+g+ha 'di ni bzhes shig ces// tshig gi 'jug tu brjod nas su// spos chu me tog sbyar ba yis// ar+g+ha de la dbul bar bya// me tog bdag gis phul ba 'di// bzhes su gsol zhes brjod nas su// spos chu bzang po btab pa yi// me tog dag ni sngon bzhin dbul// sngags pas rtag tu tshig mjug la// gtor ma bdag gis phul ba 'di// bzhes su gsol zhes brjod nas su// gtor ma sna tshogs dbul bar bya// mar me bdag gis phul ba 'di// bzhes su gsol zhel mjug tu brjod// mar gyis legs par gang ba yi// mar me dag ni dbul bar bya// gdug pa bdag gi phul ba 'di// bzhes su gsol zhes mjug tu brjod// bdug pa thang chu rnam pa lnga// sngags kyis btab ste dbul bar bya// der ni mchod pa byas nas kyang // dkyil 'khor dag gam ri mo la// rang gi yan lag bkod pa dag/ dam tshig can la bstan nas ni// mthong ba tsam ni nyid kyis su// rig 'dzin dam tshig can du 'gyur// de nas rtog pa las gsungs pa'i// las rnams myur du byed par 'gyur// de ltar khro ba'i rgyal po yi// mchod pa legs par byas nas su// sgrub pa po ni ma yeng par// sngags rjod slar yang gshegs su gsol// slar yang gshegs par mdzad nas su// slar yang gshegs pa'i tshig gnyis brjod// me tog snyim pa bkang nas ni// phyag 'tshal slar yang gshegs su gsol// dkyil 'khor dag gam gsang sngags bzlas// de nas gzhan yang phyag rgya ni// rab tu 'bar ba gcig pu bshad// gshin rje'i gshed ces bya ba'i lha// gang gis grub par gyur pa'o// lag pa g.yas pa'i sor mo yi// mthe bong sbas te gyen du ni// bsgreng bar bya ba'i phyag rgya 'di// be con zhes ni grags pa yin// lha nyid kyis ni sngags ldan pas// las rnams kun la bcing bar bya// spyan drang ba dang mchod pa dang // gshegs su gsol dang bzhugs pa dang // las rnams bya ba'i tshe dag dang // gzhan yang rgol ba byung ba'i tshe// tshul bzhin phyag rgya 'di bcings nas// gshin rje'i gshed kyang lha bzlas so// sngags pa rgyal po'i drung 'gro na// mgo btud pus mo btsugs nas su// gdon mi za bar dbang gyur pa// bdag nyid dang ni nor gyis so// khro bo rnam par rgyal ba'i rgyud chen po 'jam dpal gyi rtsa ba'i rtog pa thams cad kyi phyi ma'i phyi ma las khro bo rnam par rgyal ba bcom ldan 'das gshin rje'i gshed kyi rgyal po rtog pa phyi ma'i yang phyi ma gsang ba'i rim par phye ba ste bcwa brgyad pa'o// rdzogs so// // ma mai mA mi mu mU mu/ mu mi mA mi ma yig zung // thog ma tha ma zung gcig tu// zung dang bsnol ba'i bye brag gis// sbyar bar bya ba 'dir gshad/ bshad/ do// sa bon zhes bya dkyil du gzhag/ khro bo dag ni so so ru// zang ma'i zung min tshig 'di la// tha ma'i zung ni ma yin no// zung ma'i zung ma chog 'di la// he he ha ha hi hi hi hi ha ha he he zhes gnyis sbyar ba// khro chen tshig gis thog mar ces// oM oM swA hA phyag 'tshal gzhag/ rgyas par 'dod pas dga' bzhin du// mel tshe thun gcig rtag tu bzlas// ri mo cho ga bzhin du bsgrub pa yis// rtag par mchod pa'i cho ga 'di// mdo ru bsdus nas bshad pa yin// bzlas pa dang ni hom dag dang // brtul zhugs dka' thub ma byas kyang // sngags kyi dngos 'di shes nas ni// mchod pa 'ba' zhig dbul bar bya// 'di la mchod pa bya ba nyid// khro bo'i rgyal po rtag pa ru// mnyes byas yin par gang shes pa// sngags pas dngos grub thob par 'gyur// rtag tu sngags pas sems pa dang / rtag tu sngags kyis bdag nyid 'gyur// rtag tu yid la zhen pa dang // rtag tu mchod la brtson pa dang // rtag tu khro bor 'du shes pa// las rnams thams cad grub pa'i phyir// cho ga mdor bsdus 'di bshad pa'o// khro bo rnam par rgyal ba 'jam dpal gyi rtsa ba'i rtog pa las gsang ba'i rtog par gtogs pa ste dang po'o// // ma me mA mi mu mU mu// mU mI ma me ma'i yi ge/ zung dang ya bral bye brag gis// thog ma tha ma zung gcig tu// 'khor lo 'di ni ci rigs par// sbyar bar bya ba 'di bshad do// sa bon zhes bya dkyil 'khor bzhag khro bo dag ni so so ru// dbang dang 'khon dang gsad pa dang // de bzhin bskrad dang zhi ba dang // yang na rgyas par bya ba'i phyir// zung dang bsnol bas myur du 'grub/ khro bo zhes bya'i dkyil 'khor ni// dkyil du bzhag ste so so ru// zung shig tshig gnyis tha mar bzhag/ che ge mo zhig dbang du byos// mtshon cha med pa'i sa bon bzhag/ swA hA'i tshig ni bar bar gzhug/ bsgrub par bya yi gzugs byas nas// de la rkang pas brdzi ba na// sngags pas bgreng ste 'dug pa ni// rkang skyo ba yi bar du bya// rgyal po dbang du ma gyur pa// de yi dbang du myur du 'gyur// gcig po de la spos nas su// myur du go rim bzhan bzhin// bzhag pa'o// sa bon gnyis pa'i gnas la ni// gnas nas gdong yang bsgyur nas su// zung gcig tshig gnyis mtha' mar bzhag/ che ge mo yi mdza' bo de// sdang bar gyur zhes mtha' mar bya// bsgrag par bya ba cung zad med// bsgrub par bya ba gnyis ga yi// gzugs ni 'jigs pa'i las byed de// gcig tu dpa' bar mnyam ldan par// gnyis pa la yang rkang pas mnan// sngags mkhan de la gnas pa yi// mel tshe thun ni phyed tsam gyis// de nas sgrub pa 'dod pa bzhin// de gnyis pan can dgrar gyur pa/ bzhan pa rnams pas na// lan cig byas pa ma thos 'gyur// sa pan gnas pa na las kyang // drag partsal zas sa dam/ rban dmar// gnas ni gsum pa la gnas te// gson pa'i gnon pas mnan pas ni// drag po thugs can ma lus mnan// kha dang bcwa dang chub kyang bsgyur// dril tha dkrol ba'i sgra rlur 'gyur// gyis kya gyis 'di la gnas// logs shig khro ba'i 'khor lo'i bkas// rkang pa'i tsham ngam de bzhin byas// gdong yang dal bras bsgyur nas sa// dang po'i sa bon gang yin pa'i// dbang du byed la rgyas par 'gyur// mi mtha' yang ldan cig tu// me dang 'dra ba 'bar ba ste// bran gyi las ni grub 'dod na// shin tu legs par sbyar bar bya// de yi zung mas bskal ba yang // so so 'am gcig tu'ang rung bar bshad/ rba zas 'khor lo'i mtha// brgyad pa dag las gyur bar gnas// rim pa snga ma'i tshul gyis ni// 'dzin pa'i sa bon dag gis bkal// sa bon thang mas brtul pa yang // brgyad pa 'byed par bsgrub pa la// mngal myung du bzlog pa'i phyir// cho ga bzhin du rim par sbyar// rim pa snga ma'i tshul bzhin du// thur du gsad par 'dod pa yis/ rba za yi ni 'khor lo gnas// dgu pa ka ba car la// tshig 'ad mas dgra dag/ myos par byas nas 'jigs par 'gyur// lha rnams kyis ni sbas pa yang // gshed po'i drung du khrid par 'gyur// rim pa snga ma'i tshul gyis su/ khro bo yi ni 'khor lo'i gnas// bcu pa dag la rim gyis gnas// drag shul can gyis drag tu gnon// de yi sa bon gyis kyang phye// sngon gyi sa bon rab 'bar ba// snga ma bzhin du rim gyis bzlas// sngar bshad pa yi las bsgrub bo// 'khor lo rim pa bcu gcig po// gang yin pa ni de bzung nas// de nas zhi bar byed pa yi// sa bon de yis bskul bar bya// snga ma'i bzhin du bskul ba dang // snga ma'i las ni byed par 'gyur// zhi ba dag la gang gsungs pa// rgyas pa dag la sbyar bar bya// 'khor lo'i gnas kyi mchog rim par// bcu gnyis pa la gnas nas su// de yi sa bon bskul bar byas// bdag gi mthu rtsal gnod brtags pas// sa bon zung ma sbyor ba yis// sa bon mthu ni 'bar ba can// 'khor lo bkod pas las rnams ni// sngon gsungs pa dang grub par bya// de ltar khro bo'i 'khor lo ni// cho gar bcas pa rgyas pa dag/ gsang ba bskul mar bcas pa yis// sbyor ba ma lus bshad pa yin// sa bon zung mas bskul ba gang // gnyis pa rab tu grags pa yin// de 'dir sa bon gnyis pa yin// myur du grub par 'gyur bar bshad// tha ma'i sa bon thams cad la// phul ba'i tshig gnyis rtag tu sbyar// zung ma'i zung ma'i chog 'di la// yang mtha' dag dang ma mtha' ru'o// 'khor lo bkod pa bstan pa 'di// ji ltar rim par shes na ni// sbyin sreg bzlas brjod ma byas kyang // khro bo'i rgyal po'i dngos grub 'thob/ khro bo'i 'khor lo gsang ba ni// 'di mi shes par gang sbyor ba// de 'di dngos grub mi 'thob kyis// myur du spro ba thob par 'gyur// mi me ma mI mu mU yi// yi ge drug po rnams kyis ni// dbang dang 'khon dang gsad pa dang // bskrad dang zhi dang rgyas pa'i mthar// mkhas pa dag gis bsgrub par bya// de dag nyid la bzlas pa yis// de bzhin du ni bskul bar bya// ji skad gsungs pa 'di rnams ni// ma grub na ste gzhan du med// mu mA mi ma mi mI ni// ma ni rgyas mthar de bzhin du// 'khor lo'i rtsibs kyi gnas rnams ni// de dang de dag gnyis su sbyar// de bzhin 'khor lo'i nang du yang / khro bo sku mchog sa bon yang // gzhag nas tshig gi mtha' mar yang / khro bo'i dril bu dkrol ba dgod// 'khor lo'i mu ran nang dag tu// zung shig pa yi tshig gnyis brjod// mkhas pas 'khor lo'i mig gi nang // sa bon bkod pa rnams la gnas/ khro bo'i 'khor lo bsgrags pa ni// shes na ji skad bshad pa yi// dngos grub rnams ni thob par 'gyur// dngos grub tshul bzhin thob 'gyur ba// de yi sbyor ba bshad par bya// thog mar phyag rgya bcings nas su// sku nas sku ni skur bsgyur ni// las rnams tshul bzhin mthong ba yis// sbyor ba dag ni legs par bya// gdong dang kha mig rkang pa mnyam// rab tu dang zhing zhi ba'i sems// snying yang de bzhin rab tu dga'// dbang du bya ba'i sngags gsungs pa// shin tu mnyam par bzhag pas bsgrub// rkang pa ya gcig thung ngu bzhag/ gdong dang nu mjing gshus te gnon/ kha dang mig ni ya gcig 'dzums// tsham ngam gnon pa chen po byas// be con la ni mig gis blta// bsgrub par bya ba bsgrub la 'bad// gang dag dbye bar 'dod pa yis// de dag dbye ba brtsam par bya// rkang pa gnyis pa btegs pa yis// tsham ngam bya ba slar la gzhag/ bzhin bster phyag rgya bcings nas su// khro bar lta zhing yid kyang khros// rab tu dpa' ba sran dang bcas// rtsal gyis gnon par rab tu 'dud// sngags pa sngon bzhin sngags tshul gnas// gang 'dod pa ni gzhom par bya// de la rkang pa ya gcig kyang // drag shul can du brkyang ste gzhag/ bzur te 'dug pa'i tshul tu gnas// gdod yang yon por bsnyer bar bya// mdzub mo bsgreng ste gdengs pa dang // be con phyag rgya dag gis bsdigs// dgra dag bskrad par 'dod na ni// myur du bskrad par bya bar 'gyur// de nas rkang pa mnyam par gzhag/ lag pa g.yas pa mtho bar bya// dpal dang ldan pas g.yon pa sprad// zhi bar 'dod na zhi bar 'gyur// phyed ni dma' bar bkug ste gnas// rkang pa g.yas pas tsham ngam byed// sngags tshul gnas pas bsgrims na ni// rgyas pa 'dod nas thob par 'gyur// slar yang de bzhin shes bya ba// bzlog ste bya ba gzhan du med// grub pa bdag nyid chen po yi// tsham ngam rim pa drug gsungs pa// dang po'i ming ni logs par phyogs// de yi 'og ma rgyab kyi phyogs// de bzhin tsham ngam gsum po ni/ khro bo che zhes bsgrags pa yin// bzhi pa mdzub mo bsgreng ba yis// lnga pa la ni stobs zhes bya// drug pa stob po che zhes bya// 'di rnams tsham ngam drug tu bsgrags// tsham ngam gdangs pa byas pa yis// dgra yi 'khor rnams g.yen spro ba// 'khor lo'i mchog la goms byed pas// grags pa chen po thob par 'gyur/ khro bo chen pos sungs pa yi// rab gsungs pa yi rgyud 'di dkon/ khro bo rnam par rgyal ba 'di// de bas yang ni shin tu dkon// gsang ba'i rtog pa bzang po 'di// kun tu dngos grub kun sbyin par// gsang ba'i rtog pa de bas kyang // 'khor lo 'di ni shin tu dkon// hom dang bzlas pa yongs mi dgos// sngon du bsnyen pa bya mi dgos/ khro bo'i rgyal po'i brtul zhugs dang // dka' thub drag po'ang bya mi dgos// bsam gtan sbyor ba'ang mi dgos te// gang la 'khor lo 'ba' zhig yong // gang gsungs pa yi dngos grub nas// de ma thag tu dngos grub thob// de bas 'di ni gsang byas nas// thams cad bsgrub pa'i sgrub pa po// bdag gis don mchog gang 'dod pa// shin tu legs par bsgrub par bya/ khro bo rnam par rgyal ba 'jam dpal gyi rtsa ba'i rtog pa las gsang ba'i rtog par gtogs pa ste gnyis pa'o// // khro bo'i rgyal po'i dngos grub ni// sna tshogs thogs med tha dad pa// sngags pa 'dod na cho ga mchog/ dang por byed na dngos grub 'thob// rab tu gsang ba'i sngags 'di ni// re zhig 'di yis mtshan nyid ni// gzhan dag 'dir ni bshad par bya// de yi las ni gang gsungs pa// gang dag phyis kyang grub 'gyur ba// dpa' bo gcig bu 'ba' zhig gi/ thams cad nyid de gang gsungs pa// thams cad de ni bshad par bya'o// sngags de las rnams kun byas pa// rgyud la dngos grub gang gsungs pa// dpa' bo gcig pu'i mthus kyang 'grub// oM ni de yi thog ma ste// bde bar gshegs pa'i dam tshig yin// thog ma dang ni gnyis pa yang // drag po'i rtseg gis phul ba'i lugs// klad kyi 'khor gyis mnan pa'i rigs// sngags kyi yi ge phreng bkod la// sngags rnams thams cad gsal byed pa/ khro bo'i rgyal po'i snying po ni// gsum po da nas sbyar bar bya// de nas khro bo'i rgyal po yi// sgra ni de yi 'og tu bstan// sngags pas sngags rnams kun gyi mtshan// de dag rtag tu rig par bya// thogs pa med pa'i sngags rnams ni// bdag nyid chen po'i thams cad kyis// bsrung la sogs pa'i las rnams kun// go rim bshad pa bzhin du bya// thams cad bdag nyid chen po 'dis// srung ba dag gis byas nas su// sngon gyi tshul bzhin rab dben pa// sku gzugs don mchog gzhan nas ni// cho ga ji skad sngar gsungs pa// cho ga bzhin du mchod pa bya// nyin re me tog phreng ba la// lan bdun bzlas pa rnams kyis mchod// mchod nas ka ra bI ra yi// me tog dmar po kha 'bus pa'i// brgya ni rtsa brgyad grangs rnams kyis// bu don la ni phog par dbul// cho ga 'di ni dus gsum du// zla ba gcig tu byas na ni/ khro bo mngon sum nye gyur nas// rmi lam du ni dngos grub ster// cho ga 'di ltar sngar byas na// gang 'dod pa yi bgos pa dag/ de tshe gdon mi za bar 'grub// de yi cho ga mchog bshad pa// de ltar zla gcig bsnyen byas na// mi yi las rnams gang bya ba// de yi cho ga mdor bsdus nas// da ni legs par bshad par bya// de nas dang 'gro dang sbyar ba'i// dug ni rnam pa gsum dag dang // gdon dang 'byung po'i gdon rnams dang // lto 'phye srin por bcas pa 'jig/ bdag gis byas pa'i phyag rgya'i sngags// sbyor ba lan cig bdag gis bsrung // yid la bsams pa tsam gyis kyang // gzhan dag gis kyang mchod par byed// bzhi pa'i rims la sogs de yang // thos pas myur du med par byed// ma dang byis pa'i gdon rnams la// thal ba'ang yang na las kyang rung // bdag nyid dag par bsams nas ni// bdag dgar phab nas dgos pa'i don// gang dang gang dag 'dod par ni// bsgoms pas de dang de dag byed// yid la bsams pas de dag thar// rdo la lan gsum bzlas pa yi// chu srin kum bi ra la sogs// mche ba can dag phyogs med par// chu bsal ba yi mchog tu 'byung // 'gro tshe yid la bzlas na ni// lam na rkun po 'jigs pa med// seng ge stag dang dgra rnams dang // nad kyi 'jigs pa med par 'gyur// rgyal po'i drung du 'gro na yang // sngags kyis spyi gtsug bcings nas ni// rgyal po khros pa myur rab tu// brkyang nas thal mo sbyor bar byed// shags 'gyed pa dang rgyan po dang // mtshon dang me yis 'jigs pa la// yid la dran zhing bzlas byas na// mi bde kun las thal bar 'gyur// 'tshe ba thams cad zhi ba'i phyir// mi bde nyam thag gyur pa la// sngags 'di myur dran brjod byas na// sprin dag mnan par bya ba dang // 'dod bzhin myur du slar yang bzlog/ gnam lcags ser ba 'bab pa yang // dbyug pa'i phyag rgyas zhi bar byed// phyag rgya bcings pa de nyid kyi// yid kyis sprin rnams dbab par bya// de ltar phyag rgyas bsdigs nas ni// smin mtshams dag kyang bsgyur bar bya// rnam pa de dag nyid kyis ni// gnam lcags ser ba gcad par bya// sbyor ba mkhas pas ci 'dod pa// char pa dag kyang gcad par bya// gos ni sngon po bgos na ni/ khor ra khor yug bsrung byas nas// mid pa nub par chur zhugs te// nyin gsum legs par bzlas byas na// brgya byin gyis ni sprin bsdus nas// 'dod pa bzhin du char pa 'bebs// de nas sprin chen las byung ba// char pas sa steng khyab par 'gyur// nyi ma la ni mngon phyogs nas// nyin re rtag tu bzlas byas na// bdag dang de bzhin gzhan rnams kyi// nad rnams de nas med par 'gyur// rgyal po dbang du bya yang rung // yungs kar dkar po bzang po las// gzugs brnyan legs par byas nas su// de yi gzugs kyi steng 'dug la// gang gi ming smos nyin bdun du// bzlas brjod legs par byas na ni// de ni myur du cho ga 'dis// bran bzhin du ni dbang du 'gyur// zhag gcig sbyang ba byas pa yis// dmangs rigs dag ni dbang du 'gyur// zhag gnyis sbyang ba de bzhin du// bzlas na rdze'u rigs 'dod pa bzhin// zhag gsum byas pas rgyal rigs te// zhag bzhi dag gis bram ze dag/ bzlas pa'i cho ga bzhin byas na// 'dod pa bzhin du dbang du 'gyur// 'bru dang phub ma thams cad las// bu dang bu mo gang yang rung // de bzhin gzugs brnyan byas na ni// dmangs rigs la ni mtshan gcig gis// rab tu sdang ba bya bar 'gyur// rje'u rigs la ni zhag gnyis kyi// de steng tsog pur 'dug nas ni// de bzhin mdza' dang bral bar byed// nyin zhag gsum dang bzhi dag gis// rgyal rigs dang ni bram ze'o// ji ltar ji skad gsungs pa yi// las kyis bya yi gzhan gyis min// gang yang rung ba'i gzugs brnyan ni// dur khrod sol bas legs pa ru// snga ma bzhin du legs par bri// de nas seng ldeng phur bu la// sngags kyis stong du bzlas byas na// de yi 'og tu lus la gdab// dgra bo de yi ming smos nas// de la khros par byas nas su// de nas de yi snying gar 'dug/ phur bu btab ste bzlas bya ba// de nyid lag pas bzung nas su// dus gsum nyi ma gsum byas na// dgra bo gang du btab pa der// gzer thabs drag pos btab nas su// 'gul mi phod par sa la ltung // zhag bdun lon nas 'chi bar 'gyur// ma mo'i gnas su song nas su// lag pas be con phyag rgya bcing // lag pa g.yon pa'i mdzub mo yis// bsdigs shing nyi ma nub nas su/ khros shing dgra yi ming smos bzlas// de nas dgra bo mo gdon gyis// zin nas spyod pa sna tshogs pas// 'chi bar gyur pa dag ni byed// de nas sgrub pos zhi ba yi// cho gas de las zhi bar bya// ma mo rnams kyi mdun 'dug nas// zhi ba'i cho ga mkhas pa yis// dbang po bsdams shing yid bde bas// nyin zhag gsum du bzlas byas nas// de nas de la las de yi// zhi bar 'gyur ba gdon mi za// nyi ma la ni mngon phyogs nas// lag pas dgra bo'i mgo byug cing // dgra yi ming smos mnan nas su// nyi ma nub tu bzlas byas na// de yi klad pa na 'gyur ba// tshabs chen shi la zug par 'gyur// de nas thal mo sbyar nas su// nyin par zlos shing zhi bar bya// sa steng rkang pa gcig gis 'dug/ nyin par lag pa gyen du brkyang // mi dga' khros shing bzlas byas pa// dgra yi ming smos ci 'dod par// nyi ma nub kar de nas dgra// mi dga' ba dang myos 'gyur te// gnyen dang mdza' bo rnams bor te/ de nas gzhan gyi gnas su 'gro// de la 'dir ni zhi ba'am// 'on te rgyas par bya 'dod na// gtsang sgra byas te gos dkar bgos// bde zhing brtan par ma g.yos par// mchod pa bzang po byas nas su// de bzhin gshegs la phyag 'tshal nas// 'o ma btung zhing bzlas byas pa// zhi bar 'gyur gyi bar du'o// de ltar 'di ni sna tshogs pa// sbyor bcas rgyas par bshad pa yin// rtog pa'i cho ga bzhin du ni// ma gsungs pa yang legs par bsgrub// khro bo rnam par rgyal ba 'jam dpal gyi rtsa ba'i rtog pa gsang ba'i rtog par gtogs pa ste gsum pa'o// // de nas gzhan yang bzang po 'di// he la'i dkyil 'khor rgyas pa ni// de las bzang po gzhan med pa// ji ltar rigs pa bshad par bya// dang por he zhes gang gsungs pa// bskul ba'i sa bon thams cad pa'o// de ni len dang 'dzin pa ste// las la myur du bskul ba'o// de bas thog mar bskul ba dang // don bzhin du ni bzung ba la// khro bo yi ni rgyal po yi// he la'i 'khor lo rim bzhin bstan// he he ha ha hi hi hi// hi ha ha he he gnyis sbyar ba/ khro chen tshig gis thog mar sbyar// zung shig pa yi tshig gnyis pa'o// zung drug 'khor lo'i tha mar dgod// mu ran rtsibs kyi mig rnams su// sngags las 'byung ba'i re re'o// don rnams thams cad bsgrub par 'gyur// bcu gnyis dag tu gsungs pa'i sngags// gnas su ji ltar bkod pa dang // ji ltar smos shing gang gnas pa// so so'i las la sbyar bar bya// de nas 'di dag bkod pa de// sngags rnams bsdu ba tshul bzhin bshad// de'i nang mu ran gsum po dang // dbus kyi mu ran bzang por ldan// mtha' yi mu ran drug po dang // rtsibs kyi zur drug rab bzang ba// rab dben 'du 'dzi med pa'i sar// cho ga bzhin du legs bris nas// de yi/ gnas su sbyar ba dang // de yi go rim bzhin du sbyar// de yi tsham ngam gsal ba yi// sngags rnams 'di ni bsdu bar bya// dbus su de bzhin gshegs pa yi// snying po mtshan ni brjod pa'i mchog/ bzhag nas de yi gnas dag la// sngags ni grub par byed pa gzhag/ mu ran gnyis la gnas nas su/ khro bo'i snying po gzhag par bya// de ni khro bo'i zhabs kyis mnan// dril bu dkrol ba'i sgra yang bsngags/ khro bo zhabs kyis bcags byas pa// rtsibs rnams khro bo mthu dang ldan// dbus su snying po dag par ldan// rab tu 'bar zhing nges byas pa// mu ran gsum gyi bar du ste// thams cad don rnams kun grub pa'o// he he ha ha hi hi hi hi ha ha he he/ gnyis su sbyar/ khro bo chen po'i tshig dbus nas// sa bon bzung ba'i phyi rol gzhag/ thog mar bskul ba'i tshig rnams dgod/ khro bo du mas bskul ba ste// thams cad kun du don rnams kun// grub pa'i phyir ni de la gnas// de ltar 'khor lo byas pa yi// phyi nas bdud rtsi 'khyil pa bzhag/ bskul ba'i tshig rnams dgod pa'i mthar/ khro bo gzhan rnams bkod par bya// de nas gzhan yang rim bzhin du/ khro bo chen po dgod pa'i phyir// skul bar byed pa bcu gnyis po// 'di dag tshul bzhin bshad par bya// dang por khro bo rgyal pos gsungs// 'bar ba'i phreng ba che zhes bya// rdo rje me yi rgyal por bzhag/ rab tu drag po'i shugs gzhag go/ rab tu drag shul stobs po che// rgya chen khro bo lnga pa yin// drug pa gzhan gyis mi thub pa// 'jigs par byed pa zhes bya ba/ khro bo bdun par byed pa yin// zur du khro bo brgyad po grags// phongs pa sgrol ba de bzhin dgu// rab tu 'joms pa bcu pa yi// de bzhin kI li kI li bzhag/ kI li kI li chen po dang // bcu gnyis su ni gsungs pa yin// khro bo rab tu snang byed pa// bcu gnyis bgrangs pa 'di dag ni/ khro bo'i rgyal pos kun tu mnan// thams cad rim pa bzhin du gsungs// 'khor lo'i phyi rol gnas pa 'khod// 'bar zhing drag po'i mthu dang ldan// thams cad bstan nas 'khod pa ni/ khro bo chen po snang byed pa// mthu rtsal chen po stobs su ldan// kun kyang bdud rtsi 'khyil pa'o// sa bon snga ma mtha' yas rnams// gug skyed drug dang ldan par bya// steng du klad kyi 'khor gyis mtshan// sa bon bdud rtsi 'khyil pa'o// dang po dkyil 'khor na gnas gcig/ tshig dang bcas pas don kun 'grub// rab tu 'bar ba'i sngags kyi mthar// 'bar ba'i phreng ba can gyis bsgrags// sa bon gnyis pa gang yin pa// tshig dang bcas par de bzhin gnas// rdo rje me rgyal zhes byas pa/ khro bo don kun 'grub byed pa'o// dang po'i sa bon gsungs pa yang // snga ma bzhin du tshig dang bcas// rab tu shugs drag cher grags pa/ khro bo'i rgyal po khro bor snang // snang byed khro ba'i rim pa las// tsheg drag de bzhin khro bo che// de ni stobs po che zhes gsungs// gnyis par 'khor lo tshig mtha' can// gang gsungs khro bo rgya chen ni// de ni snying por grags pa yang // mi thub gtso bo'i tshig dang bcas// de yi gsum po tshig bcas pa// de yang de bzhin bsgrags pa yin// 'jigs pa zhes bya rab tu che/ khro 'di khro bo snang byed pa// rgya chen gyi ni rim bzhin du// bzhi pa yongs su bsgrags pa yin// tshig bcas rab tu drag po nyid// su ru khro bo de bzhin gzhag/ de yi sa bon lnga pa yin// 'bar ba'i phreng chen zhes bya ba// tshig dang bcas pa de bzhin du/ khro bo phongs pa grol zhes bya'o// lnga po rgya chen nyid yin te// tshig dang bcas par bsgrags pa'o// rab tu 'joms pa zhes bsgrags pa/ khro bo'i khro bo snang byed pa'o// sa bon snga ma mtha' med las// snga ma tshig bcas de bzhin gzhag/ kI li kI li bya ba yi// dngos grub thams cad rab tu ster// de bzhin de yi sa bon nyid// tshig bcas de bzhin 'dir bshad do// kI li kI li chen po de/ khro bo'i khro bo snang byed pa'o// khro bo'i rgyal po de dag ni// sa bon 'di dag rnams kyis bsgrags/ khro bo'i rgyal po sbyor ba yi// rab tu snang bar byed ces bsgrags/ khro bo'i rgyal ba'i 'khor los gnas// gshin rje'i gshed po yin par gsungs// dang por de ni 'khor lo bstan// khro bo bdud rtsi 'khyil pa dang // khro bo'i rgyal po de las gzhan// khro bo'i bdag po snang byed pa'o// de ltar khro bo gsum po de// gang dang gang du rab sbyar ba// de dang de ru sngags rnams ni// skul bar byed pas de bzhin bskul// cho ga shes pas nan tan du// gang dang gang 'dod bsgrub par bya/ khro bo sgom dang ldan pa yis// he la'i 'khor lo yongs bsgoms nas// dka' zhing bsgrub tu'ang mi rung ba// brtul zhugs hom dang bcas la sogs// de yis dgod pa ma byas kyang // sngags dgod shes na bsgrub pa'o// he la'i 'khor lo tshul shes pa// de yis dka' ba ma byas kyang // gdon mi za bar myur du 'grub// brtul zhugs hom dang bsam gtan dang // ji ltar gsungs pa'i dka' thub dang // mngon par brtson zhing dad pa'i bdag/ lan grangs bcu gnyis gang bsnyen pa// rtog las gsungs pa'i las rnams byed// rab tu ya mtshan ston pa'o// he la'i 'khor lo tshul shes pas// ring por mi thogs bde ba ni/ khro bor bsgom pa dang ldan zhing // he la'i 'khor lo gnas 'dug na/ khams gsum dag kyang lan cig gis// thogs med myur du g.yos par byed// de bas rab tu bsgrims nas su/ khro bo bsgom pa goms byas te// he la'i 'khor lo las 'byung sngags// sbyor ba dag gis goms par bya/ khro bo rnam par rgyal ba yi// rtog pa dang por gang bsgrags pa// de yi rtog pa gsang bshad pa// cho ga 'di ni gsang ba'i mchog khro bo'i 'khor lo bsgrags pa 'di// cho ga de bas shin tu gsang / khro bo'i 'khor lo gsang bshad pa// rab tu snang byed de bas kyang // he la'i 'khor lo bsgrags pa 'di// rab tu gsang ba'i mchog yin te// rtog pa 'di dag thams cad kyis// rab tu gsang ba bshad pa yin// rtog pa rab tu gsang ba ni// 'di dag rnam pa kun la yang // he la'i 'khor lo 'dra ba yi// 'khor lo ma byung phyis mi 'byung // gang zhig 'di yi don thos nas/ khro bo'i grub pa sgom byed na// de yis 'bad pa ma byas kyang // 'jig rten na ni bsgrub dka' med// he la'i 'khor lo'i gnas la ni// ji ltar 'dod par gnas nas su/ khro bo bsgom dang rab ldan pas/ khro bo'i gzugs su gnas nas ni// rtse gcig tu yang tshig gi mchog/ bsgrub pa mchog ni sbyin par byed// thogs pa med par 'jam dpal mthong // ji ltar rig pa'i don bzhin du'o// khro bo rnam par rgyal ba 'jam dpal gyi rtsa ba'i rtog pa las gsang ba'i rtog par gtogs pa ste bzhi pa'o// // khro bo chen po'i tshig gi mthar// bskul cig ces pa'i tshig gnyis gzhag/ bskul cig ces pa'i tshig gnyis mthar/ khro bo bdud rtsi 'khyil ba'o// khro bo chen po phreng ba dang // bdud rtsi 'khyil ba 'di yi mthar// kun tu dang po g.yo ba dang // sngags shes tsham ngam mdzes pa yis// he la'i 'khor lo la gnas te// dang po gnas su 'dug nas su// be con phyag rgya lan cig bcing // de nas khro bo'i sngags bzlas pa// sngags pa 'greng ste 'dug pa ni// rkang pa gnyis ni bsgyur ba dang / khro bo bsgom pa 'di la ni// sems ni rab tu zhen byas nas// sa 'dir rab tu g.yos pa'am// ri dag g.yo ba'i bar du'o// de nas 'khor lo bsgrub pa yis// gnyis pa'i gnas la song nas su/ khro bo chen po'i tshig mthar gnas// skoms shig ces par dbang bskur ro// de'i tshig thog mar bkod nas ni// de yi tha mar bdud rtsi 'khyil// de bzhin bdud rtsi 'khyil ba'i mthar// rdo rje me yi rgyal po'i sngags// rab tu g.yo ba mdzes pa dang // tsham ngam gsal ba dag la gnas// be con phyag rgya bcings nas ni/ khro bo bsgoms pas sngags bzlas so// rab tu sbyor ba'i thabs 'di ni// mtsho dang rdzing chen klung chen rnams/ khros pas myur du skems par byed// 'bab chu dag kyang gyen du 'bebs/ khro bo mthu chen gnod ldan gyi// sngags kyi yi ge dgod par bya// rtsibs rnams rim pas kun mnan pa// gnyis po de las 'phos nas ni// de nas gsum pa'i gnas la 'dug/ mthu rtsal ldan pas rim par gnon/ khro bo chen po'i tshig gi mthar// bskrad par byos zhes tshig gnyis bskul// de ni snga ma bzhin bkod nas// de yi tha mar bdud rtsi 'khyil// khro bo bdud rtsi 'khyil ba'i mthar// rab tu drag pa'i shugs bzhag go/ rnam par skrag byed gsal ba yi/ khro bo tsham ngam bsnyen par gnas// glang po myos pa'i shugs can dag/ mngon du 'ong bar gyur na yang // de ma thag tu skrag par byed// myos pa'i shugs kyang rab tu dor// slad du log par phan tshun du// bskor zhing mi dga' bzhin du 'gro// glang po'i rgyal po de myos shing // bde ba ma thob babs par 'gyur// sgrub pa khro bo bsgom pa yi// cho ga'i tshul ni de bzhin no// he la'i 'khor lo zhes bya ba'i// bzhi pa'i gnas la 'dug nas kyang / khro bo chen po'i tshig gi mthar// non cig ces pa'i tshig gnyis bskul// de nas cho ga sngar bshad pas// bdud rtsi 'khyil ba gzhag par bya// bdud rtsi 'khyil ba de yi mthar/ khro bo chen po stobs chen bzhag/ kun tu sdom pa mdzes pa yi// tsham ngam gyis ni mi g.yor gnon// dpung ngam yang na glang po'am// gru'am yang na shi rta'am// rta dang rnga mo lug la sogs/ khro bo bsgoms pa'i tshul bzhin byas// sbyor ba de la gnas nas ni// rab tu mnan pa byas par 'gyur// de nas he la zhes bya ba'i// 'khor lo lnga pa la gnas nas/ khro bo chen po'i tshig gi mthar// dkrugs shig dkrugs shig tshig gnyis bzhag khro bo bdud rtsi 'khyil pa yang // mtha' yi tshig gi gnas su bzhag khro bo rgya chen zhes bya ba// rab tu 'bar bar gyur par bya/ khro bo bdud rtsi 'khyil pa yang // rab tu 'khrugs pa zhes bya ba'i// tsham ngam mchog gis myur du ni// dgra yi dpung rnams phan tshun du// rab tu rnam par dkrugs par bya// de nas he la'i 'khor lo yi// rim pa drug la gnas nas ni/ khro bo chen po'i tshig gi mthar// rmongs par gyur ces tshig gnyis bskul/ khro bo bdud rtsi 'khyil pa yang // tshig gi tha mar kun du gzhag khro bo gzhan gyis mi thub pa// cho ga snga ma bzhin du bskul// rmongs par byed pa'i tsham ngam gyis// cho ga bzhin du rab bskul nas// ri mo dag la gnas pa bzhin// 'gro ba myur du rmongs par 'gyur// de nas he la'i 'khor lo 'dir// rim bdun pa la gnas nas su/ khro bo chen po'i tshig gi mthar// sgrogs shig sgrogs shig tshig gnyis bzhag khro bo'i 'dzin par byed pa yis// bdud rtsi 'khyil pa skul bar byed// 'jigs par gyur pa'i sgra sgrogs pa/ khro bo'i tsham ngam myur bar ni// dus min par yang sprin gyis khebs// de nas 'dod bzhin char pa 'bebs// de nas he la'i 'khor lo yi// rtsibs kyi rim pa brgyad pa la// gnas nas 'dir ni snga ma bzhin/ khro bo chen po'i tshig gi mthar// he he sa bon gnyis bzhag nas// de yi 'og tu bdud rtsi 'khyil/ khro bo zur du de bzhin du// bdud rtsi 'khyil ba'i mtha' mar bzhag khro bo tsham ngam kha gdang pa// mchog ces bya ba myur bar ni// rkang pa ya gcig gdangs pa'i stabs// sad dang ser ba rlung la sogs// dus sam yang na dus min par// sgrub po khro bo bsgoms pa yis/ khro bo'i sngags kyis tshul bzhin du// sa yi steng du 'bebs par byed// he la'i 'khor lo gnas brgyad po// bsgrub pa yi ni sar bor nas/ khro bo'i sa bon tshig gsal ba// dgu pa bzang po la gnas te/ khro bo chen po'i tshig gi mthar// slong shig pa yi tshig gnyis bskul/ khro bo bdud rtsi 'khyil ba yi// tha mar phongs pa sgrol ba bzhag khro bo bsgom pas mdzes pa yi// tsham ngam gsal ba byas nas ni/ khro bo gshin rje'i gshed po bzlas// khro bo nyid kyi tshig gi gsal// hUM zhes bya ba bzang po yis/ khro bo dngos por bsgoms nas ni// shing gi rtse dang yal ga dgug/ yang na shing chen rtsa nas 'byin// me tog 'bras bu grogs pa'am// yang na 'dod bzhin g.yo bar byed// ljon shing chen po rnams kyang ni// ji ltar 'dod par mi g.yor 'gyur// he la zhes bya'i 'khor lo yi// rtsibs ni bcu pa la gnas nas/ khro bo chen po tshig gi mthar// chom shig ces pa'i tshig gnyis bskul/ khro bo chen po rab 'joms pa// khro bo bdud rtsi 'khyil pa'i mthar// snga ma bzhin du gzhag par bya// 'jigs par byed pa'i tsham ngam byed// ri chen dag gi rtse mo dang // sgo dang lcags sgrog rnams kyi ni/ khro bo'i rgyal por sngon bzhin du// bsgoms na rab mchog grub byed pa// he la yi ni 'khor lo yi// rtsibs ni bcu gcig la gnas te/ khro bo chen po'i tshig gi mthar// brnyil cig ces pa'i tshig gis bskul/ khro bo kI li kI la yis// bdud rtsi 'khyil pa bskul bya ba// tshig gi mtha' mar gnas pa ste// cho ga bzhin du bshad pa bzhin// kI li kI la zhes bya ba// tsham ngam mchog la de bzhin gnas// be con gyi ni phyag rgya bcing // gshin rje'i gshed po bsgom pa ni// rin chen rtsa ba brtan pa yang // rtse mo nas kyang brnyil bar byed// yang na ri khar skye ba yi// brtan pa'i shing rnams 'gyel bar byed// de nas he la'i 'khor lo yi// bcu gnyis pa yi rtsibs la gnas/ khro bo chen po'i tshig gi mthar// zhugs shig ces pa'i tshig gis bskul// bskul nas de yi tha mar ni// bdud rtsi 'khyil pa gzhag par bya/ khro chen kI li kIki la ya// de yi tha mar gzhag par bya// kI li ka la chen po zhes// bya ba'i tsham ngam de bzhin bya// be con phyag rgya bcings nas su/ khro bo chen po gshin rje'i gshed// yid la rab tu goms byas na// rtsig pa shing skam rdo la sogs// 'babs na phyung ste nam mkhar gnas// nam mkha' la ni byung nas kyang // 'dod pa bzhin du ltung bar byed// 'di ni rang 'byung ngo mtshar la// 'di ni dus gsum sngon du byung // spyod pa gzhan yang snga ma bzhin/ khro bo sgom pas byed par gsungs// he la'i 'khor lo dgod pa ni// rab tu gsang ba yin par bshad// gsang dang bcas shing sbyor bcas pa// shes na dngos grub thob/ par 'gyur// de nas gzhan yang ci rigs pa// tsham ngam bcu gnyis sbyor ba dag/ mdo dang rgyas pa'i tshul dag gis// da ni rab tu bshad par bya// kun tu g.yo ba dang po yin// de bzhin rab tu g.yo bar bshad// skrag par byed pa gsum pa ste// bzhi pa kun tu sdom par byed// rab tu 'khrug ces bya ba lnga// rmongs par byed pas de bzhin drug/ myur ba tsham ngam de la gnas/ kha gdangs pa ni brgyad par bshad// mdzes zhes bya ba dgu pa ste// 'jigs par byed pa bcu pa yin// kI li kA la zhes bya dang // kI li kI la chen po yi// khro bo tsham ngam bcu gnyis so// 'di dag rim bzhin bshad pa yin// thog mar bsdigs pa'i rim pa yis// be con phyag rgya ldan par bya// phyi nas rang gzugs ji bzhin du// sngags pa dag gis shes par bya// rang gi gzugs kyang rang gnas pa// bsdigs shing tsham ngam byed la gas// skrag par byed pa'i khan rab// za za'i lta ba gdang 'gyur ba// nang pa 'gyod par gzhag pa dag/ a 'am mtshan cid bshad pa yin// rkang pa sa gcig sngar du gan/ gdang dang nu mdzangasan rgya// tha gcer 'jigs par zad pa bskur// gsan pa mdzub mi gcig gis brtags// cham 'am byed cing po can gdangs// gdang dang badz+ra dang rkang pa gson// kun du gas gas rtsa ba pa/ rdzam khrims dang bcas// kun du gso ba'i rim gsungs la// rab tu gam shes bya ba ni// cung zad du ni dbus dman pa'o// rab tu gso pa brtag par bya// de bzhin dbang ba bzung ba dang // nang pa gsan gdangs pa dang // lag gnyis drag tu rdob pa ni// de bzhin skrag par byed par bshad// be tsan la ni bas bar gtad// rkang pa gams pa gsal bar byad// da ni kun tu rnam par bshad// gson pa'i sa chags par bya// dbang pa gdangs pa gtan brnyan su// ga ni mchub ma gzugal // rkang pa gsas bcang bas// kun du 'jugs pa zhes cag// dang ban pagad te// g.yon phyogs su ni phyar zhing bskor// dpung pa btung ba'i be con gdengs// bsdigs pa gcig tu rmongs par byed// myur du tsham ngam zhes bya ba// de nyid dpung brdabs bsdigs pa'o// de nyid las ni gdangs pa// kha gdangs pa zhes bsgrags pa yin// sran dang bcas la bzhi ni bskor// mthu rtsal che ba'i stabs su stsol// mchu yi mtha' ma so yis mnan// lag pa phyar te sdigs par byed// bsnyems dang bcas shing sgra yang 'byin// 'jigs par byed pa'i hUM bsgrags pa'i// tsham ngam legs par bshad pa ni// mdzes pa'i khro bos gnon pa'o// btsan thabs su ni bskor bar bya// rkang po g.yas pa btsugs te mnan// lag pa gnyis ka drag rdob pa// byas nas 'jigs par bya ba ni// de bzhin snyems dang bcas bshad pa// tsham ngam bdag nyid chen po 'di// 'jigs par byed pa zhes bya ste// rtag tu khro bo bsgom pa'o// rkang pa mnyam par bzhag te 'dug/ g.yas pa cung zad mtho bar bya// dpal dang ldan pas g.yon pa smad// g.yon pa sor mo gcig gis bsdigs// dpung pa bteg ste be con 'phyar// rkang pa dang ni gdong bsgyur ba// rtag tu khro bo bsgom pa ni// kI li kI la zhes bya'o// kI li ki la chen po ni// de nyid las ni rgyab tu blta/ khro bo mig ni ya gcig btsums// myur du mchod stabs byed pa'o// 'di ni tsham ngam sbyor ba ste// he la'i 'khor lo rtsibs rim las// mdor na ji ltar dgod pa dag/ legs par bshad pa 'di yin no// he la'i 'khor lo'i mthu sngags dang // tsham ngam g.yas kyi mthu dga' yis// las rnams rab tu ngo mtshar ba// ji skad gsungs pa'i las rnams bya'o// bsgrub pa de dag gsang rgyud dang // he la'i 'khor lo 'di shes na/ khro bo dngos dang gcig 'gyur bas/ khro bo'i skad du spyod par 'gyur// rtog pa 'di ni gsang bar bcas// gsang ba'i snying po'i mchog tu bshad// khro bo'i rgyal po'i rtog 'di las// mchog tu gyur pa gzhan med do// khro bo rnam par rgyal ba las// rtog pa phyi ma'i phyi ma 'di// rab tu gsang ba zhes bya ba// thos nas gsang ba'i don bsgoms pas// lha de thams cad yi rangs nas/ khro bo mchog la phyag 'tshal te// rab tu dga' ba'i mchog tu 'gyur// gsang ba'i rtog par gtogs pa lnga pa ste bcom ldan 'das 'jam dpal gshin rje gshed po la rjes su yi rang ba'i rim par phye ba ste nyi shu rtsa gnyis pa'o// // khro bo khams gsum rnam par rgyal ba'i rtog pa'i rgyal po gsang ba'i rgyud rdzogs so// //