Wylie

e-texts produced with BDRC’s OCR application

སོ།། །། @#།། རྒྱ་གར་སྐད་དུ། ཨཱཪྻ་མཉྫུ་ཤྲཱི་གུ་ཧྱ་ཏནྟ་རཱ་ཛ་ཤ་བ་ཀ་ཏནཱ་བྷ་ས་ཀལྤ་བཤྩི་མ་རཱ་ཛ་སཱ་དྷ་ཀཱཉྫ་ག་མ་ཀྲོ་དྷ་བི་ཛ་ཡ་ཏནྟ་བཤྩི་མཱ་བི་བཤྩི་མ་ནཱ་མ། བོད་སྐད་དུ། འཕགས་པ ་འཇམ་དཔལ་གསང་བའི་རྒྱུད་ཀྱི་རྒྱལ་པོ། པྲ་ཁོག་སྣང་གི་བརྟག་པ་ཕྱི་མའི་རྒྱལ་པོ་སྒྲུབ་པའི་ལུང་། ཁྲོ་བོ་རྣམ་པར་རྒྱལ་བའི་རྒྱུད་ཕྱི་མའི་ཡང་ཕྱི་མ་ཞེས་བྱ་བ། བཅོམ་ལྡན་འདས་གཤིན་རྗེའི་གཤེད་ལ་ཕྱག་འཚལ ་ལོ།། འཇམ་པའི་དབྱངས་ལ་ཕྱག་འཚལ་ལོ།། དེ་ནས་འཇམ་དཔལ་དབྱངས་ཀྱིས་ནི། ཁྲོ་བོ་མིང་ནི་གཤིན་རྗེའི་གཤེད།། མཚོན་ཆ་མེ་ལྟར་འབར་བས་འཁྲིགས།། དྲག་ལ་མཐུ་རྩལ་དྲག་ལྡན་པ།། དེ་མཐོང་ནས་ནི ་ཁྲོ་བོ་གཞན།། ཐམས་ཅད་ཀུན་གྱིས་ལག་ཆ་ཤོར།། དེ་བཞིན་དུ་ནི་འཇིག་རྟེན་པ།། ལྷ་རྣམས་ལུས་ཀྱིས་འདུད་པར་བྱེད།། གཞན་ཡང་ཐལ་མོ་སྦྱར་བྱས་ཏེ།། སྐྲག་ནས་བསྟོད་པ་མང་པོ་བྱེད།། ལྷ་རྣམས་མང་པོ་ཇི ་སྙེད་ཀུན།། འཇམ་དཔལ་ཁྲོ་བོའི་གཟི་བརྗིད་ཀྱིས།། གཟིར་བཞིན་དུ་ནི་རབ་སྨྲས་པ།། བཅོམ་ལྡན་མགོན་པོ་བདག་ཅག་གིས།། སངས་རྒྱས་ཆོས་དང་དགེ་འདུན་ལ།། སྐྱབས་སུ་མཆི་ཡིས་བཀའ་སྩོལ་ཅིག། རབ ་ཏུ་མི་བཟད་འཇིགས་པའི་སྐུ།། གཟི་བརྗིད་འབར་བས་ཕྱོགས་ཁྱབ་བོ། ཁམས་གསུམ་འཁྲུག་པར་མཛད་པ་མཐོང་།། གང་ཚེ་ལྷ་དང་ལྷ་མིན་རྣམས།། སྐྲ་གནས་སྐྱབས་སུ་དོང་བ་ན།། དེ་ཚེ་འཇམ་དཔལ ་དབྱངས་ཀྱིས་ནི། ཁྲོ་བོ་སླར་ཡང་ཞི་བར་གྱུར།། གཤིན་རྗེའི་གཤེད་ཅེས་བྱ་བ་ཡང་། ཁྲོ་བོ་ཆེན་པོ་ཞི་བ་ལ།། དེ་ནས་སྐྱབས་སུ་དོང་བ་ཡི།། ལྷ་རྣམས་ཀུན་གྱིས་རབ་སྨྲས་པ། ཁྱོད་ཀྱི་བརྩོན་འགྲུས་མཆོག་འཚལ ་བ།། ཇི་ལྟ་བུར་ནི་ངེས་པར་བགྱི།། ཇི་ལྟ་བུར་ནི་དང་བར་འགྱུར།། བདག་ཅག་ཐེ་ཚོམ་ཆེན་པོ་སྐྱེས། ཁྲོ་བོས་ལྷ་རྣམས་ཚིག་གསན་ནས།། གཤིན་རྗེ་གཤེད་ཀྱིས་བཀའ་སྩལ་པ།། ང་ནི་དུས་གསུམ་སྔོན་དུ ་བྱུང་།། སངས་རྒྱས་ཀུན་གྱི་སྔོན་དུ་བྱུང་།། ང་ནི་དུས་གསུམ་ཕྱིས་ཀྱང་འབྱུང་།། ང་ནི་དུས་གསུམ་ད་ལྟར་བྱུང་།། ང་ནི་ལྔ་བརྒྱ་ཐ་མའི་ཚེ།། ང་ཡི་བསྟན་པ་འབྱུང་བར་བྱེད།། བསྟན་པ་ཐམས་ཅད་ནུབ་པའི་ཚེ།། ང་ཡི། ་བསྟན་པ་འབྱུང་བར་བྱེད།། ལས་ངན་མཚམས་མེད་བྱེད་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཟས་ངན་ལྕི་བ་ཟ་བའི་ཚེ།། དེ་ཚེ་ང་ཡི་བསྟན་པ་འབྱུང་།། གོས་ངན་དུག་ཧྲུལ་གོན་པའི་ཚེ།། དེ་ཚེ་ང་ཡི་བསྟན་པ ་འབྱུང་།། ང་ནི་དུས་གསུམ་འབྱུང་བའི་སྐུ།། བསྟན་པ་ཐམས་ཅད་ནུབ་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཇི་ལྟ་བུར་ནི་ཞི་འགྱུར་ཡང་།། ང་ནི་ཐམས་ཅད་ཞི་བའི་སྐུ།། ཇི་ལྟ་བུར་ནི་ཁྲོས་གྱུར་ཀྱང་།། ཐམས་ཅད ་ཁྲོས་པ་ང་ཡི་སྐུ།། ལྷ་རྣམས་ཐམས་ཅད་ཁྱོད་ཉོན་ཅིག། གཟི་བརྗིད་ཆེན་པོ་ཁྱོད་རྣམས་ཀུན།། གང་ཚེ་གསུམ་ལ་སྐྱབས་སོང་བ། དེའི་ཚེ་ང་ཡི་མི་བཟད་པ། ཁྲོ་བོ་ཡིད་ལ་གནས་པར་གྱིས།། དཀོན ་མཆོག་གསུམ་ལ་གནས་པ་དང་།། དེ་ཡི་བཀའ་ཡང་བསྐྱང་བ་དང་།། སེམས་ཅན་ཀུན་ལ་སྙིང་བརྩེའི་ཕྱིར།། ང་ཡི་ཡིད་ནི་ཞི་འགྱུར་གྱིས། ཁྱོད་རྣམས་སྐྱབས་སུ་དོང་བ་དང་།། བྱང་ཆུབ་སེམས་དང་ལྡན་པ ་ཡིས།། ཐམས་ཅད་དོན་ནི་བསྒྲུབ་པའི་མཆོག། ཡི་གེ་འབྲུ་ནི་བཅུ་བདུན་པའོ།། དེ་ཡི་སྙིང་པོ་ཡིད་ལས་ཕྱུང་།། ལྷ་རྣམས་ཀུན་གྱིས་གཟུང་བར་གྱིས།། གཤིན་རྗེའི་གཤེད་པོ་བདག་ཉིད་ཀྱི།། སྙིང་པོ་རབ་ཏུ་གསུངས ་པ་ནི།། དེ་ནས་ས་ཡང་གཡོས་པར་འགྱུར།། རྒྱ་མཚོ་ཡང་ནི་རབ་ཏུ་འཁྲུགས།། གནོད་སྦྱིན་དང་ནི་སྲིན་པོ་དང་།། ཤ་ཟ་ལ་སོགས་ཕུང་བར་གྱུར།། ལྷ་རྣམས་ཀུན་གྱིས་ཕྱག་འཚལ་ཞིང་།། ཡན་ལག་ཀུན་ནས་པ་སྤུ ་ལངས།། གཤིན་རྗེའི་གཤེད་པོ་ཁྲོ་བོ་ཡིས།། གཙོ་བོའི་སྙིང་པོ་དེ་གཟུང་ངོ་།། དེ་ནས་དམ་ཆོས་བསྲུང་བའི་ཕྱིར།། ཁྲོ་བོ་རྣམ་པར་རྒྱལ་བ་ཡིས།། རྟོག་པ་འདི་ནི་དེ་དག་ལ།། གཤིན་རྗེའི་གཤེད་ཀྱིས་རྒྱས་པར ་གསུངས།། དེ་ནས་ཁྲོ་བོ་རྣམ་རྒྱལ་གྱི།། རྟོག་པ་ཁྲོ་བོ་ཉིད་ཀྱིས་གསུངས།། སྙིང་རྗེ་བྱང་ཆུབ་སེམས་ལྡན་པའི།། ལྷ་རྣམས་ཀྱིས་ཐོས་དགར་གྱུར་ནས།། དཀོན་མཆོག་གསུམ་ནི་བསྲུང་བའི་ཕྱིར།། སོ་སོ་ཡི་ནི་རྟོག་པ ་བཤད།། དེ་དག་གི་ནི་རྩ་བའི་རྒྱུད། ཁྲོ་བོ་ཉིད་ཀྱིས་རབ་གསུངས་པ། ཁྲོ་བོ་རྣམ་རྒྱལ་ཞེས་བྱ་འདི།། འཇིག་རྟེན་འདས་དང་འཇིག་རྟེན་པས།། སྔོན་དུ་ཕྱག་བྱས་ཁྲོ་བོ་ཡི།། ཞལ་ནས་ཇི་བཞིན་ཐོས་ནས་ཀྱང་། ཁྲོ་བོ ་ཉིད་ཀྱིས་གསུངས་པ་ཡི།། རྒྱུད་འདི་བྱང་ཆུབ་སེམས་རྣམས་ཀྱིས།། སྙིང་རྗེ་དེ་བཞིན་རྒྱས་པ་དང་།། རྣམ་པ་མང་པོར་བྱིན་གྱིས་བརླབས།། འཇམ་དཔལ་གྱི་རྩ་བའི་རྟོག་པ་ཁྲོ་བོ་རྣམ་པར་རྒྱལ་བའི་རྒྱུད་འབྱུང་བ ་ཞེས་བྱ་བའི་སྐབས་ཏེ་ལེའུ་དང་པོའོ།། །། དེ་ནས་ཁྲོ་བོ་རྣམ་པར་རྒྱལ།། འཇམ་དཔལ་ཁྲོ་བོས་བཤད་པ་ཡི།། རྟོག་པ་རྨད་དུ་བྱུང་བའི་མཆོག། མདོར་ནི་རབ་ཏུ་བཤད་པར་བྱ།། དེ་ལ་འདི་ཡི་དཀྱིལ་འཁོར ་ནི།། དངོས་གྲུབ་ཐམས་ཅད་སྦྱིན་མཛད་པའི།། འཇིག་རྟེན་གསུམ་པོ་འཁྲུགས་པར་མཛད།། ཡི་དྭགས་མང་པོ་ཞེས་བྱའོ།། ཐམས་ཅད་དུ་ནི་དཀྱིལ་འཁོར་འདི།། གནས་འདི་གང་དུ་འགྲུབ་འགྱུར་བ།། སྔགས ་པས་ཐོག་མ་ཉིད་དུ་ནི།། དེ་ཡི་གནས་ནི་བརྟག་པར་བྱ།། ཤིང་གཅིག་པའམ་དུར་ཁྲོད་དམ། ཁྱིམ་སྟོང་དང་ནི་བཞི་མདོ་དང་།། མཆོད་རྟེན་དང་ནི་མུ་གཉིས་དང་།། ཐིབས་པོ་སྟོང་པ་ལམ་སྲང་རྙིང་།། སྐྱེད་མོས་ཚལ ་དང་རི་ཡི་རྩེ།། ཆུ་བོའི་འགྲམ་དང་རི་ནགས་ཚལ།། ཡང་ན་རྒྱ་མཚོའི་འགྲམ་དང་ནི།། ལྷ་ཆེན་གྱི་ནི་གནས་ཀྱང་རུང་།། བ་ལང་ལྷས་སམ་གཡུལ་གྱི་ས།། ཁྱད་པར་དུ་ནི་ཡུལ་གཙང་བར།། གང་དུ་ཡིད་ནི་དགའ་བར ་ཡང་།། དེར་ནི་དཀྱིལ་འཁོར་རབ་ཏུ་བྱ།། དེ་ནས་རིག་འཛིན་ནན་ཏན་གྱིས།། ས་ནི་ཡང་དག་སྦྱངས་བྱས་ཏེ།། བ་ཚྭ་མེད་ཅིང་མ་གས་པ།། མཉམ་ཞིང་ཟུག་རྔུ་མེད་པ་ལ།། ནུབ་དང་ཤར་ཡང་བྱང་གི ་མཐོ་བ་དང་། ཁ་དོག་སྣུམ་པ་ལྷག་པར་བཟང་།། བ་ལས་བྱུང་བ་རྣམ་ལྔ་དང་།། ལྡན་པ་ཡི་ནི་ལྕི་བས་བྱུག། ཅི་རིགས་པར་ནི་བྱུགས་ནས་ཀྱང་།། སློབ་དཔོན་གྱིས་ནི་ཁྲུས་བྱས་ལ།། སྦྱང་བར་འདུག་སྟེ་མཉམ་བཞག ་ནས། ཁྲོ་བོའི་བསྲུང་བས་བྱིན་གྱིས་བརླབ།། ཡི་དྭགས་ཕལ་ཆེན་ཞེས་བྱ་བའི།། དཀྱིལ་འཁོར་གསང་མཆོག་ནུབ་མོ་བྲི།། ཟར་མའི་རས་སམ་རས་བལ་ལ།། ཐིག་སྐུད་སུམ་སྒྲིལ་མཛེས་པ་ཡི།། གྲཝ་བཞིའི་ས་དང་སྒོ ་བཞི་བར།། མཁས་པས་དཀྱིལ་འཁོར་ཐིག་གདབ་སྟེ།། ཐོག་མར་ཤར་དང་བྱང་ནས་ནི།། ལྷོ་དང་ནུབ་ཀྱི་བར་དུའོ།། ཐིག་སྐུད་དེ་ནི་ཕྱོགས་མཚམས་ནས།། དེ་ནས་ཀྱང་ནི་དྲང་བར་བྱ།། ཤར་དང་ལྷོ་ཡི་མཚམས ་དང་ནི།། ནུབ་དང་བྱང་གི་མཚམས་དག་ཏུ།། ཐིག་གིས་རབ་ཏུ་ཚད་བྱས་ཏེ།། གྲུ་བཞིའི་བར་ནི་ཐིག་གདབ་བོ།། རིམ་པ་གཅིག་པ་མཛེས་པ་ལ།། སྒོ་བཞི་དག་གིས་མཛེས་པར་བྱ།། ལྷོ་ཕྱོགས་ཀྱི་ནི་སྒོ་ཕྱེ་ལ།། ལྷག ་མ་རྣམས་ནི་གཅད་པར་བྱ།། དཀྱིལ་འཁོར་དང་ནི་འཚམ་པ་ཡི།། དབུས་སུ་པདྨ་བྲི་བར་བྱ།། པདྨ་དང་ནི་ཕྱོགས་བཞིའི་སྒོ།། ཐེ་ཚོམ་མེད་པར་མཉམ་པར་བྱ།། མཛེས་བྱེད་སྒོ་ཡི་ཕྱེད་དུ་བྱ།། འགྲམ་པ་འདབ་མའི ་ཚད་དུ་མཉམ།། ཉེ་བ་འདི་ནི་མཛེས་བྱེད་ཀྱང་།། མཛེས་བྱེད་དང་ནི་འདྲ་བར་བྱ།། ཆོ་ག་བཞིན་དུ་དཀྱིལ་འཁོར་དེ།། ཀུན་ཏུ་ཐིག་ནི་བཏབ་ནས་ཀྱང་།། ཕྱི་ནས་ཚུལ་བཞིན་རིག་འཛིན་གྱིས།། དུར་ཁྲོད་ཐལ་བས་བྲི ་བ་ནི།། རྟག་ཏུ་ཤར་བྱང་ལ་སོགས་པའི།། གྲཝ་ཡི་ནང་ནི་དེ་དག་ཏུ།། མཁས་པས་བེ་ཅོན་ཕྱག་རྒྱ་བྲི།། ཕྱོགས་ཀྱི་སྒོར་ནི་ཡི་དྭགས་བཞག། གཞན་ཡང་ཡི་དྭགས་ལྔ་པ་ནི།། པདྨའི་སྟེང་དུ་བསམ་པར་བྱ།། དེ་བཞིན་ཕྱི། ་སྒོའི་ནང་དག་དང་།། ཕྱོགས་རྣམས་དེ་དག་ཐམས་ཅད་དུ།། མི་རོ་མགོ་མེད་ཡི་དྭགས་རྣམས།། དུར་ཁྲོད་ཐལ་བས་དངར་ཏེ་བྲི།། དེ་ཕྱིར་ཡི་དྭགས་ཕལ་ཆེན་ཡིན། ཁྲུ་གང་ལ་སོགས་རིམ་པ་ནས། ཁྲུ་བརྒྱད་པ་ཡི ་བར་དུ་སྟེ།། དེ་ལས་ལྷག་པར་ཡང་མི་བྲི།། རྟག་ཏུ་བདག་ཉིད་མཆོད་པ་ནི། ཁྲུ་གང་བར་ནི་བྲི་བར་བྱ།། ཞི་བ་དང་ནི་རྒྱས་པ་དང་།། མི་རྒྱལ་སྒྲུབ་པ་ཁྲུ་དོར་བསྟན།། སེམས་ཅན་ཀུན་ནི་བསྐྲད་པ་དང་།། དེ་བཞིན ་གཞིག་ལ་ཁྲུ་གསུམ་པ། ཁྲུ་བཞི་དབང་དང་དགུག་པ་ཡི།། ལས་རྣམས་ཀྱི་ནི་མཆོག་ཏུ་གསུངས། ཁྲུ་ལྔ་ནད་དང་མི་ནད་དང་།། དགྲ་རྣམས་མེད་པར་བསད་པའི་མཆོག་ཁྲུ་དྲུག་བགེགས་རྣམས་ཐམས་ཅད ་དང་།། གདོན་རྣམས་ངེས་པ་ཟློག་པར་བྱེད། ཁྲུ་བདུན་པས་ནི་ལྷ་ཡི་རྣམས།། དབང་དང་དགུག་པའི་ལས་རྣམས་བྱེད། ཁྲུ་བརྒྱད་པས་ནི་དངོས་གྲུབ་ཀུན།། སྨིན་བྱེད་མཆོག་ཏུ་ཤིས་པར་བྱ།། དེ་ལྟར་ཅི་རིགས་བྲིས ་ནས་ནི།། དེ་ནས་གཙང་མས་ཉེ་རེག་བྱ།། ཆུ་ཡི་ཕྱིར་ནི་ཆུ་ཡི་སྣོད།། ཆུས་ནི་རབ་ཏུ་དགང་བར་བྱ།། དེ་བཞིན་མེ་ཏོག་དོན་དུ་ཡང་།། མེ་ཏོག་སྡུག་གུ་དྲི་ཞིམ་དང་།། མེ་ཏོག་ཕྲེང་བ་སྣོད་མཆོག ་གཞན།། ལེགས་པར་དགང་ཞིང་མཛེས་པར་བྱ།། དྲི་ཡི་དོན་དུ་ཙནྡན་མཆོག། ཙནྡན་དཀར་པོ་དམར་པོ་བླང་།། ཨ་ག་རུ་དང་སྦྱར་བ་ཡི།། གུ་གུལ་བདུག་པའང་དེ་བཞིན་ནོ།། མར་གྱི་མེ་ཡི་མར་མེ་དང་།། མཁས ་པས་སྙིང་པོ་འཇམ་པའོ།། དྲག་པོ་ཡི་ནི་ལས་དག་ལ།། ཚིལ་ཆེན་གྱིས་ནི་བྱ་བར་བཤད།། གཏོར་མ་ཉ་དང་ཤ་ལ་སོགས།། སྦྱར་དུག་ལ་སོགས་ལྷག་པར་དབུལ།། དེ་ལྟར་ཚོགས་རྣམས་བསགས་ནས་ནི།། དེ་ནས ་རིག་སྔགས་འཆང་བ་ཡིས།། སངས་རྒྱས་ཀུན་ལ་ཕྱག་བྱས་ཏེ།། བྱང་ཆུབ་སེམས་ལ་དམིགས་ནས་ནི།། རི་མོ་ཡི་ནི་ལས་རྣམ་དག། གལ་ཏེ་འདྲི་བར་མ་ནུས་ན།། ཡི་དྭགས་ཕལ་ཆེན་དབུས་དག་ཏུ།། པདྨ་སྔར་བྲིས ་གང་ཡིན་པ།། དེ་ཡི་སྟེང་དུ་ཡི་དྭགས་ནི།། མཁས་པས་ཡིད་ཀྱིས་བསམ་པར་བྱ།། ཡི་དྭགས་ཀྱི་ནི་སྔགས་མཆོག་གིས།། བསམ་པ་དག་ནི་བྱས་ནས་ནི།། གྲཝ་ཡི་དབྱུག་པ་བཞི་པོ་ཡང་།། སྔགས་པ་ཉིད་ཀྱིས་བསམ ་པར་བྱ།། གལ་ཏེ་འདྲི་བར་ནུས་ན་ནི།། སྔགས་ཉིད་སྟེང་དུ་གཞག་པར་བྱ།། སྒོ་ཡི་ཡི་དྭགས་བཞི་པོ་ཡང་།། གལ་ཏེ་བྲི་བར་མ་ནུས་ན།། དེ་བཞིན་ཡི་དྭགས་འཛིན་སྔགས་ཀྱིས།། བྱིན་གྱིས་བརླབ་པར་གསུངས་པ ་སྟེ།། དེ་ཡི་ནང་དུ་རང་སྔགས་ཀྱིས།། བྱིན་གྱིས་བརླབ་པར་བྱ་བའི་ཕྱིར།། རྐང་ལག་མགོ་བོ་ཕྲག་པ་དང་།། གཞན་ཡང་དེ་བཞིན་ལག་པའི་ཕྲེང་།། ཐོད་པ་ཀེང་རུས་མི་ལྤགས་རློན།། རོ་ཡི་ཕྲེང་བ་བསམ་པར ་བྱ།། དེ་ཡི་ནང་དུ་རང་སྔགས་ཀྱིས།། བྱིན་གྱིས་བརླབ་ཏུ་གཞུག་པར་བྱ།། དེ་ལྟར་ཆོ་ག་བཞིན་བསམས་ནས།། མཇུག་ཏུ་ཁྲོ་བོ་གཤིན་རྗེའི་གཤེད།། སྔགས་བརྗོད་པས་ནི་སྤྱན་དྲངས་ནས།། རང་གི་སྙིང་པོས ་བཞུགས་སུ་གསོལ།། ཁྲོ་བོ་འཁྲུགས་པ་འཇིགས་མཛད་པ།། སྐུ་ནི་མེ་ལྕེ་འབར་བ་འདྲ།། གཟི་བརྗིད་འཕགས་པ་བསམ་པ་ནི།། སྐུ་མདོག་སྟང་ཟིལ་བཅག་འཕྲོ་འདྲ།། ཞལ་དྲུག་སྐུ་ཡང་ཁམ་པར་འདུག། སྨིན་མ ་ཁམ་ནག་མིག་ཀྱང་སེར།། སྤྱན་གསུམ་མིག་ནི་ཟླུམ་པ་ལ།། ཕྱག་ནི་བཅུ་གཉིས་པ་ཡི་གཟུགས།། དེ་བཞིན་ཡི་དྭགས་སྟེང་ན་བཞུགས།། ཞབས་དྲུག་གིས་ནི་མཛེས་པར་བྱས།། ཏྲི་ཤུལ་རལ་གྲི་དབྱུག་དགྲ་སྟ།། སྦྱིན ་པའི་ཕྱིར་ནི་ཕྱག་བརྐྱང་བ།། ལྕགས་ཀྱུ་ཡི་ནི་མཚོན་ཆ་དག། གཡས་ཀྱི་ཕྱག་ན་དེ་བཞིན་གནས།། དེ་བཞིན་གཡོན་པ་དྲུག་པོ་ཡང་།། ཐོད་པ་ཤག་ཏི་ཏོ་མ་ར།། མཛུབ་མོས་བསྡིགས་དང་ཞགས་པ་དང་།། ཕྱག་ན ་དབྱུག་ཏོ་བསམ་པར་བྱ།། མི་མགོ་རློན་དང་སྐམ་པོ་དང་།། ཡི་དྭགས་ཕྲེང་བས་རྣམ་པར་བརྒྱན།། སྟག་གི་པགས་པ་ན་བཟར་གསོལ།། སྐུ་ཡང་ཆེ་ལ་གསུས་ཁྱིམ་ཆེ།། ཞལ་གྱི་དབྱིབས་ནི་དུ་མ་སྟེ།། སྒྲ་ནི་རྒྱ་མཚོ ་འཁྲུགས་པ་འདྲ།། ཞལ་གཅིག་བཞད་ཀྱང་ཞལ་གཅིག་ཞི།། ཞལ་གཅིག་འཇིགས་པར་བགྲད་པའི་ཞལ།། ཞལ་གཅིག་ཞལ་ནི་གདངས་པ་སྟེ།། ལྗགས་ཀྱང་བསྐྱོད་པར་མཛད་པ་དང་།། ཞལ་གཅིག ་མཆེ་བ་གཙིགས་པ་སྟེ།། དེ་ལྟར་བསམས་ནས་ལེགས་པར་ནི།། སྙིང་པོས་སྤྱན་དྲང་ཡོན་ཆབ་དབུལ།། དེ་ནས་དྲི་དང་སྦྱར་བའི་ཆུས།། མཆོད་ཡོན་ཆོ་ག་བཞིན་ཕུལ་ནས།། ཡི་དྭགས་ཀྱི་ནི་སྤྱི་བོར་ཡང་།། མེ་ཏོག། ་དམར་པོ་སྦྱིན་པར་བྱ།། དེ་ནས་ཙན་དན་དམར་ཕུལ་བ།། བློ་ལྡན་གྱིས་ནི་ཁྲོ་བོ་ལའོ།། དྲི་ཡི་འོག་ཏུ་ལྷ་བཤོས་དག། ཙན་དན་གྱིས་ནི་གཏོར་བའོ།། མེ་ཏོག་དང་ནི་ཕྲེང་བ་རྣམས།། མེ་ཏོག་སྔགས་ཀྱིས་དབུལ་བར ་བྱ།། མེ་ཏོག་སྔགས་ཀྱིས་རིམ་བཞིན་དུ།། མེ་ཏོག་ཆོ་ག་བཞིན་ཕུལ་ནས།། ཇི་ལྟར་སྙིང་པོའི་སྔགས་ཀྱིས་ཀྱང་། ཁྲོ་བོ་གཙོ་བོའི་སྙིང་ག་དང་། ཁྲོ་བོ་ཡི་ནི་སྤྱི་བོར་ཡང་།། སྙིང་པོ་རྣམ་པར་དགོད་པར་བྱ།། མཚོགས ་མར་དེ་ཡི་མཚོགས་མ་དང་།། དེ་ཡི་གཙུག་དང་སྤྱི་གཙུག་གཞག། དེ་ཡི་ལུས་ལ་གོ་ཆ་དང་།། མཚོན་ཆའི་གནས་སུ་མཚོན་ཆའོ།། མེ་ཏོག་ཡིད་ཀྱིས་བཞག་པ་ནི།། ཇི་ལྟར་གསུངས་པ་བཞིན་དུ་བྱ།། དེ་ལྟར་མཆོད ་ནས་བདུག་པ་ནི།། སྔགས་ཀྱིས་བཏབ་སྟེ་དེ་ལ་འབུལ།། དེ་ནས་མེ་མར་རབ་འབར་བ།། ཕྱོགས་བརྒྱད་དུ་ཡང་དགོད་པར་བྱ།། འབྱུང་པོའི་གཏོར་མ་ཁྲོ་བོ་ལ།། ཕུལ་ནས་ཡི་དྭགས་ཕལ་ཆེན་གྱི།། ཕྱི་རོལ་དུ་ནི ་མཁས་པ་ཡིས།། སྨེ་གཏོར་རྣམས་ནི་སྦྱིན་པར་བྱ། ཁྲོ་བོའི་གཙོ་ལ་དེ་ཕྱོགས་ཏེ།། དེ་ནས་ཡང་ནི་བདུག་པར་དབུལ།། དེ་ཡི་ཕྱི་རོལ་ཆུ་བཅས་སྣོད།། མེ་ཏོག་གིས་ནི་བཀང་སྟེ་གཞག། ཆོ་ག་ཁྲུས་བྱས་སྦྱང་བ ་ཡི།། སློབ་མ་དག་ནི་བོས་ནས་ཀྱང་།། ཐམས་ཅད་སྔགས་ཀྱིས་གཟི་བསྐྱེད་ལ། ཁྲོ་བོ་ཡི་ནི་སྙིང་པོ་ཡིས།། ལག་གཉིས་མེ་ཏོག་བྱིན་ནས་ནི།། གོས་ཀྱིས་གདོང་ནི་གཡོགས་པར་བྱ།། དཀོན་མཆོག་གསུམ་ནི་དྲན ་བྱས་ཏེ།། སློབ་དཔོན་གྱིས་ནི་གཞུག་པར་བྱ།། རང་གི་སྙིང་པོས་མེ་ཏོག་ཉིད།། དཀྱིལ་འཁོར་ལ་ནི་གཏོར་དུ་གཞུག། དེ་ནས་བེ་ཅོན་ཞེས་བྱ་བའི།། ཕྱག་རྒྱ་སྔགས་པས་དེ་ལ་བསྟན།། དཀོན་མཆོག་གསུམ་ནི ་གསང་བ་ཡི།། དམ་ཚིག་དེ་ལ་སྦྱིན་པར་བྱ།། ཁྲོ་བོ་གཙོ་བོའི་སྔགས་ཀྱིས་ནི།། སྔགས་ཞེས་པའི་ནི་དབང་བསྐུར་བ།། ཆུ་དང་མེ་ཏོག་དག་གིས་ཀྱང་།། བསྒྲུབ་ཕྱིར་དེ་ལ་སྦྱིན་པར་བྱ། ཁྲོ་བོའི་སྙིང་པོས་དེ་ནས ་ཀྱང་།། ཆོ་ག་བཞིན་དུ་དབང་བསྐུར་ནས།། མེ་ཏོག་བདུག་པ་ཕྲེང་ལྡན་པའི།། སྙིང་པོ་དེ་ལ་སྦྱིན་པར་བྱ། ཁྲོ་བོ་ཡི་ནི་སྙིང་པོ་མཆོག། དེས་ཀྱང་དེ་ལྟར་མནོས་ནས་ནི།། དེ་ནས་བླ་མ་ལ་བཏུད་ནས།། ཅི་ནུས་སྦྱིན ་པས་མཆོད་པར་བྱ།། སྔགས་པས་བླ་མ་ལ་མཆོད་ན།། དངོས་གྲུབ་ཐོབ་འགྱུར་གཞན་དུ་མིན།། སློབ་མར་སྙིང་པོ་བྱིན་ནས་ཀྱང་།། མེ་ཏོག་ཙན་དན་ལ་སོགས་པས།། མཆོད་པ་བྱས་ཏེ་དེ་ནས་སྣོད།། དྲི་ཆུ་ལ་སོགས ་པས་བཀང་སྟེ།། ཕྱི་རོལ་དུ་ནི་སྔར་བཞག་པ།། དེ་བླངས་ཡོན་ཆབ་ཕུལ་ནས་ནི།། འཇམ་དབྱངས་ཁྲོ་བོ་མི་བཟད་པ།། མཐུ་རྩལ་དྲག་པོས་གཤེགས་སུ་གསོལ།། བཞུད་ནས་ཀྱང་ནི་ཡོན་ཆུ ་དེ།། དཀྱིལ་འཁོར་ལ་ཡང་དབུལ་བར་བྱ།། རྒྱ་ཆེ་ས་ཡི་དཀྱིལ་འཁོར་ན།། དངོས་གྲུབ་མཚུངས་མེད་འདོད་པ་ཡི།། དེ་ཚེ་ཡང་དག་རིག་འཛིན་གྱིས།། དེ་ལྟར་མཆོད་པ་རྟག་ཏུ་བྱ།། དེ་ནས་དངོས་གྲུབ་ཐོབ་འགྱུར ་བའོ།། འཇམ་དཔལ་གྱི་རྩ་བའི་རྟོག་པ་ལས། ཡི་དྭགས་ཕལ་པའི་དཀྱིལ་འཁོར་གྱི་རྟོག་པའི་ལེའུ་སྟེ་གཉིས་པའོ།། །། དེ་ནས་གཞན་ཡང་གསང་སྔགས་རྣམས་འབྱུང་སྟེ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཔྲེ་ཏ་མུ་ཁ ་ཁ་ད་ཀླ་སྭཱ་ཧཱ།། དབུས་ཀྱི་ཡི་དྭགས་ཀྱི་སྙིང་པོའོ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཱ་ཀྲོ་དྷ་བི་ཛ་ཡ་ཨག་ནི་ར་ཛ་ལི་ཏ། ཛི་ཧྭེ་པྲེ་ཏེ་ཤྭ་རི་ཧཱུཾ་ཕཊ།། དེ་ནི་གྲའི་བེ་ཅོན་བཞིའི་སྔགས་སོ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཔྲེ ་ཏ་ཐོད་ལ་ཀཱ་ཡ་ཧཱུཾ་ཕཊ། ཤར་གྱི་སྒོའི་ཡི་དྭགས་ཀྱིའོ།། ཨཱིཾ་པྲེ་ཏ་བིགྷྣཱནྟ་ཀ་ཧཱུཾ་ཕཊ། ལྷོ་སྒོའི་ཡི་དྭགས་ཀྱིའོ།། ཨོཾ་པྲེ་ཏ་ཛཱ་ལ་ཧཱུཾ། ནུབ་ཀྱི་སྒོའི་ཡི་དྭགས་ཀྱིའོ།། ཨོཾ་ཀྵི་པྲ་པྲེ་ཏོད་ག་ཏ་ཧཱུཾ་ཕཊ། བྱང་གི་སྒོའི་ཡི ་དྭགས་ཀྱིའོ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿ། པྲེ་ཏ་མཱ་ལེ་བི་ཀྲྀ་ཏེ། པྲེ་ཏ་མཱ་ལེ་བི་ཀྲྀ་ཏེ། པྲེ་ཏ་མཱ་ཀེ་བི་ཀྲྀ་ཏེ། གུ་ཧྱ་བེ་ཙི་ཀ་མུ་ཁི་སརྦ་རཀྵོ་པ་ཛ་ཥྱོ་ཧཱུཾ་ཕཊ། ཡི་དྭགས་ཕྲེང་བའི་འོ།། དེ་དག་ནི་ཡི་དྭགས་ཀྱི་དཀྱིལ ་འཁོར་གྱི་ཚོགས་སོ།། ད་ནི་ཁྲོ་བོ་གཤིན་རྗེའི་གཤེད་སྤྱན་དྲང་བ་ལ་སོགས་པའི་སྔགས་རྣམས་འབྱུང་ངོ་།། ཨོཾ་ན་མོ་བུདྡྷ་དྷརྨ་སཾ་གྷེ་བྷྱཿཀྲོ་དྷ་པ་ར་བཱི་རི་སརྦ་མ་ཡེ་ན། ཨཱ་གཙྪ་ཨཱ་གཙྪ། ཨོཾ་ཨཿཧཱུཾ་ཨི་དཾ་པྲེ་ཏ་ཨཱ་ས་ན། ་པྲེ་ཏོད་ག་ཏ་ན་རཀྵ་རཀྵ་ཧཱུཾ་ཕཊ་སྭཱ་ཧཱ། ཁྲོ་བོའི་རྒྱལ་པོ་གཤིན་རྗེ་གཤེད་སྤྱན་དྲང་བའི་སྔགས་སོ།། ཨོཾ་ཛྭ་ལ་ཛཱ་ལ་ཏི་བི་གྲ་ཧ་ཧཱུཾ་ཕཊ། གོ་ཆའི་འོ།། ཨོཾ་ཨཱ་ཀྲོ་དྷེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། འདི་ནི་ཁྲོ་བོའི ་རྒྱལ་པོ་རང་གི་རྟོག་པ་ཡིན་པས།། དེའི་སྔགས་ཡི་གེ་བཅུ་བདུན་པའོ།། ཨོཾ་ཨཱཿཧཱུཾ། དེ་ཉིད་ཀྱི་སྙིང་པོའོ།། ཨོཾ་ཀཱ་ལ་ཧཱུཾ་ཕཊ།། མཚོགས་མའིའོ།། ཨོཾ་ཡ་མཱནྟ་ཀ་ཨེ་ཀ་བཱི་ར་ཧཱུཾ། སྤྱི་གཙུག་གིའོ།། ཨོཾ་བེ་བྷ་སྭ་ཏཱནྟ་ཀ་ཧཱུཾ ་ཕཊ། མཚོན་ཆའི་སྔགས་སོ།། འདི་ནི་ཁྲོ་བོའི་རྒྱལ་པོ་གཤིན་རྗེའི་གཤེད་ཀྱི་ཡན་ལག་ལྔ་པའོ།། ཨོཾ་ཨེ་ཀ་བཱི་ར་ཡ་མཱནྟ་ཀ་བི་ས་ར་སྭཱ་ཧཱ། ཨརྒྷའི་སྔགས་སོ།། ཨོཾ་བཱ་ཀ་ཙི་ཏ་ཤོ་ནེ་ཏྲ་ར་ཏྲ། སཾ་གནྡྷ་བི་གྲ་ཧི་སྭཱ་ཧཱ། དྲིའི ་རྫྫ་#བདག་པ# ་བཤོས་ཀྱི་སྔགས་སོ།། ཨོཾ་སརྦ་ཨ་མཱི་ཥེ་བྷུ་བ་ཧ་རི་ཎེ་སྭཱ་ཧ། སྨེ་གཏོར་ཐམས་ཅད་ཀྱི་སྔགས་སོ།། ཨོཾ་དི་བྱ་ན་ན་བྷྱོ་ཛི་ནི་ཧ་ར་ཧ་ར་དྲྀ་དྲྀ་ཁཱ་ཧི་སྭཱ་ཧཱ། གཏོར་མ་ཐམས་ཅད་འབུལ་བའི་སྔགས་སོ།། ཨོཾ་ཁུ་ཁུ་ནི་པྲེ་ཏོགྣ། ་ཏེ། པྲ་ཉམ་ལ་མ་མན། སྠཱརྨཱ་ཀྵ་རྡྷརྠདྷཱ་རྟན་རྠ་ཛཱ་ཛཱ་རྡོ་དྲྀ་ཁ་ཋ་ན་གྲོ་ཏ་བ་མ་ག་། མ་དགས་དང་མ་མའི་དཀྱིལ་འཁོར་གྱི་གཏོར་མའི་སྔགས་པ། ཁྲོ་བ་རྣམ་པར་རྒྱལ་བའི་རྟག་པ་ལས ་དྭགས་ཕལ་པའི་གཏོར་མའི་སྔགས་སྟེ་ལེའུ་གསུམ་པའོ།། །། དེ་ནས་གཞན་ཡང་འཇམ་དབྱངས་ཀྱི། ཁྲོ་བོ་དཔའ་བོ་གཅིག་པུ་ནི།། ཚད་མེད་གཟི་བརྗིད་བདག་ཉིད་ཆེ།། དེ་ཡི་ཕྱག་རྒྱ་བཤད་པར་བྱ།། ལག་པ་གཡས་པ ་འདུན་བྱས་པ།། དཀོན་མཆོག་གསུམ་གྱི་དམ་ཚིག་གོ། མངོན་པར་བསྟོད་པར་བྱེད་པ་ནི།། ཕྱག་རྒྱ་ཆོ་ག་བཞིན་དུ་བཅིངས།། རིག་འཛིན་དག་གིས་རྟག་པར་ནི།། ལག་པའི་སོར་མོ་ཐམས་ཅད་ཀྱིས།། མཐེ་བོ་ལེགས་པར་སྦས་པ ་ནི།། རབ་ཏུ་བསྡམས་ནས་བཟང་པོ་བཅིངས།། ཆོ་ག་ཤེས་པས་བེ་ཅོན་རྒྱ།། སྙིང་པོ་སྔགས་སམ་ལོགས་ཤིག་ཏུ།། སྔགས་པ་ཕྱག་རྒྱ་སྔགས་ཀྱིས་བཅིངས།། གཞན་དུ་ནམ་ཡང་མི་བཅིང་ངོ་།། ཨོཾ་ན་མོ་བུདྡྷ་དྷརྨ་སང་གྷ་བྷྱཿོཾ་སརྦ་ཏ་ཐ ་ག་ཏེ། ཀྲོ་དྷ་བི་ཛཱ་ཡ། ཨག་ནི་ར་ཛྭ་ལི་ཏ་ཛི་ཧཱ་པྲེ་ཏ་ཤི་ར་ཧཱུཾ་ཕཊ། བེ་ཅོན་གྱི་ཕྱག་རྒྱའི་སྔགས་སོ།། ཕྱག་རྒྱ་གཅིག་ཏུ་གྱུར་པ་འདི། ཁྲོ་བོའི་སྙིང་པོ་སྔགས་འབར་བྱེད།། མཚོན་ཆ་མ་ལུས་པ་ཡི་གཙོ།། བདུད་རྣམས་ཐམས་ཅད་ཞི་བར ་བྱེད།། ཇི་ལྟར་དཀྱིལ་འཁོར་དུ་བྲི་བ།། དེ་ཡི་ཆོ་ག་བཤད་པར་བྱ།། བེ་ཅོན་དབྱིག་པ་ལྟ་བུའི་ཚུལ།། འདི་ནི་བེ་ཅོན་ཞེས་པར་བཤད། ཁྱད་པར་དུ་ནི་དེ་ཡི་རྩེར།། ཡི་དྭགས་མགོ་བོ་མཁས་པས་བྲི།། ཡི་དྭགས་མང་པོ་རྟག་ཏུ་བྲི།། དེ ་ལས་གཞན་དུ་ནམ་ཡང་མིན།། རིག་འཛིན་གྱིས་ནི་ཆོ་ག་བཞིན།། རྒྱ་འདི་དུར་ཁྲོད་ཐལ་བས་སོ།། ཡང་ན་འདི་ཉིད་ལོགས་ཤིག་ཏུ།། གང་གི་ཚེ་ན་བསྒྲུབ་འདོད་པ།། སྒྲུབ་པོ་དངོས་གྲུབ་འདོད་པ་ཡི།། རང་གི་དཀྱིལ་འཁོར་དུ ་བྲིའོ།། དེ་ནས་ཕྱག་རྒྱ་བསྒྲུབ་པ་ཡི།། དཀྱིལ་འཁོར་འདིར་ནི་བཤད་པར་བྱ།། གྲུ་བཞི་སྔ་མ་བཞིན་དུ་སྟེ།། ཡི་དྭགས་ཕལ་ཆེན་འདིར་ཡང་བྲི།། དེ་ཡི་དབུས་སུ་བེ་ཅོན་བཞག། ཕྱོགས་བརྒྱད་རྣམས་སུའང་དེ་བཞིན་ནོ།། ཕྱག་རྒྱ་དགུ ་ཡང་བརྒྱད་དང་ལྡན་པ་ཡི།། ཕྱག་རྒྱའི་དཀྱིལ་འཁོར་ཞེས་ཀྱང་བྱའོ།། དེ་བཞིན་དུ་ནི་ལྷོ་ཕྱོགས་སྒོ།། ཕྱེ་སྟེ་དེ་ནས་མཆོད་པར་བྱ།། ཕྱག་རྒྱ་སྔགས་ནི་མ་ལུས་པའོ།། ཁྲོ་བོའི་རྒྱལ་པོ་རབ་ཏུ་གདུག། དེ་ཡི་འདིར་ནི་མཆོད ་འགྱུར་བས།། གསང་བའི་མཆོད་པའི་རིམ་གྱིས་སོ།། ཨོཾ་ན་མོ་བུདྡྷ་དྷརྨ་སང་གྷེ་བྷྱཿོཾ་སརྦ་ཏ་ཐཱ་ག་ཏ་ཀྲོ་དྷ་བི་ཛ་ཡ། ཨག་ནི་ར་ཛཱ་ལི་ཏ་ཛ་ཧཱ་པྲེ་ཏ་ཤི་ར་ཧཱུཾ་ཕཊ་ཧཱུཾ། འདི་ནི་ཁྲོ་བོའི་རྒྱལ་པོ་རབ་ཏུ་གཞུག་པའི་བེ་ཅོན ་གྱི་ཕྱག་རྒྱའི་སྔགས་སོ།། འདིས་ལས་ཐམས་ཅད་བསྒྲུབ་པར་བྱའོ།། དེ་ནས་དངོས་གྲུབ་ཀུན་གྱི་མཆོག་ཁྲོ་བོའི་གཙོ་བོ་དེ་ཁོ་ན།། གསང་བའི་མཆོག་དང་ལྡན་པ་ཡི།། བེ་ཅོན་སྒྲུབ་པ་བཤད་པར་བྱ།། སྙིང་པོ་ཟེ་བ ་མཛེས་པ་ཡི།། པདྨ་འདབ་མ་བརྒྱད་བྱས་ལ།། འདབ་མ་རྩེ་མོའི་ཕྱོགས་བརྒྱད་དུ།། བེ་ཅོན་ཁྲོ་བོའི་བར་བཅུག་བྲི།། དབུས་སུ་དགུ་པ་བཞག་ནས་ནི།། གཞན་རྣམས་ཤར་ཕྱོགས་ནས་བརྩམས་ཏེ།། བསྐོར་བའི་ཚུལ ་དུ་གོ་རིམ་བཞིན།། མེ་ཏོག་དག་གིས་གཞག་པར་བྱ།། བེ་ཅོན་གྱི་ནི་རྩེ་མོར་ཧཱུཾ།། ཡི་དྭགས་སྤྱི་བོར་གཞག་པར་བྱ།། ཐོག་མར་ཨོཾ་དང་ལྡན་བྱས་ཏེ།། ཨོཾ་དང་ན་མ་མཆོད་པར་འགྱུར།། ཨཱ་ཞི་ཁྲོ་བོ ་རྣམ་རྒྱལ་གྱི།། ས་བོན་དམ་ཚིག་ཡིན་པར་བཤད།། ཨོཾ་ཨཱཿཧཱུཾ། ཨོཾ་ན་མོ་བུདྡྷ་དྷརྨ་སཾ་གྷེ་བྷྱཿསངས་རྒྱས་ཀུན་གྱིས་མངོན་པར་བསྟོད།། བེ་ཅོན་རྣམས་ནི་ཐམས་ཅད་ཀྱང་།། རང་གི་ཕྱག་གི་བསྐུལ་བར་བྱ།། ཐམས ་ཅད་རང་གི་དམ་ཚིག་ལྡན།། དེ་བཞིན་གཤེགས་པའི་རིགས་སུ་འབྱུང་།། བསྐུལ་བའི་ཕྱག་དང་རབ་ལྡན་ཞིང་། ཁྲོ་བོའི་ལྟ་བས་བརྟག་པ་དང་།། རང་རང་སྐུ་འཛིན་བསྐུལ་ནས་ནི།། དེ་མ་ཐག་ཏུ་ལས་བྱེད ་འགྱུར།། ཨཱཿནི་ཁྲོ་བོ་རྣམ་རྒྱལ་གྱི། ཁྲོ་བོའི་ལྟ་བས་བརྟག་པའོ།། རང་གི་དམ་ཚིག་དང་ལྡན་པས།། ཧཱུཾ་དང་ལྡན་པས་བསྐུལ་བ་བཞིན།། ཞི་བ་རྒྱས་པ་དབང་དང་དགུག། དབྱེ་བ་དང་ནི་བསྐྲད་པ་རྣམས།། གསང ་བའི་མཆོད་པས་སྦྱོར་བ་ཡི།། བདག་གིས་མདོར་ནི་བཤད་པར་བྱ།། དེ་ཡི་ཐོག་མར་ཡི་གེ་ཨོཾ།། དེ་ལས་གཞན་པ་སྔགས་འཕེལ་བྱེད།། དེ་བཞིན་གཤེགས་པའི་དམ་ཚིག་ཉིད།། གསུམ་པ་ཡིན་པར་ཡོངས་སུ ་བསྒྲག། སྔགས་ཀྱི་བསྐུལ་བའི་ཚིག་འདི་དག། དངོས་གྲུབ་སྟེར་བ་བཞི་པ་སྟེ།། འདི་ནི་སྔགས་པའི་ཚིག་གིས་ཚིག། སརྦ་ཏ་ཐཱ་ག་ཏ་ཞེས།། བརྗོད་པ་སྔགས་ཀྱི་བདག་ཉིད་དོ།། མཇུག་གི་ཧཱུཾ་ནི་ཁྲོ་བོ་ཡི།། སྔགས་ནི ་འཕེལ་བར་བྱེད་པར་བཤད།། དེ་ལས་དེ་བཞིན་ཁྱད་པར་དུ།། རང་གི་བསྐུལ་བའི་ཚིག་གིས་བྱེད།། དབང་དུ་བྱ་བར་འདོད་པར་ནི།། རང་གི་ངོ་བོ་སྨོས་པར་བྱ།། ལྷ་དབང་དབང་དུ་བྱོས་ཤིག་ཅེས།། བརྗོད་ནས ་མཐའ་མར་སྭཱ་ཧཱ་སྦྱར།། ཞི་བའི་ཕྱིར་ནི་སྐུལ་བ་ཉིད།། མཇུག་ཏུ་ཤནྟི་བརྟག་པར་བྱ།། དེ་བཞིན་གཤེགས་པའི་རིགས་ལས་བྱུང་།། མཚུངས་པ་མེད་པའི་དཔལ་འདོད་བས།། སྐུལ་བའི་ཚིག་གི་མཇུག་ཏུ་ནི།། ན ་མཿསྭཱ་ཧཱ་རྟག་ཏུ་སྦྱར།། རྒྱས་པའི་ཕྱིར་ནི་སྔོན་བཞིན་དུ།། བསྐུལ་ནས་བོ་ཥ་ཊ་བྱ་བར་བཤད།། རྒྱས་ཕྱིར་བསྐུལ་བའི་ཐོག་མ་དང་། ཁྲོ་བོའི་ཧཱུཾ་ནི་ཐ་མར་སྦྱར།། གསད་པ་ལ་ནི་ཕཊ་ཅེས་པ།། འབར་བ་འདི་ལས ་ལྷག་པ་ཡིན།། རིགས་རྣམས་འཇིག་པར་བྱ་བ་ལ།། ཧཱུཾ་དབུས་ཁྲོ་དང་ལྡན་པའི་ཕཊ།། དེ་བཞིན་བསྐྲད་ལ་བསྐུལ་བ་ཡིས།། མགོ་དང་བཞུག་ཏུ་ཧཱུཾ་གཞག་གོ།། ཡང་དག་འབར་བའི་ཕཊ་ཀྱང་གཞག། གསང་བའི ་མཆོད་པའི་ཆོ་གར་གྲགས།། དེ་ལྟར་མཆོད་པའི་རིམ་པ་དར།། བེ་ཅོན་དགུ་ནི་བྱས་པར་འགྱུར།། གསང་བའི་མཆོད་པ་སྦྱར་བ་ནི།། བདུག་པ་མེ་ཏོག་དེ་བཞིན་དྲི།། མར་མེ་གཏོར་མ་དེ་བཞིན་ཏེ།། བཟླས་པ་མེད ་ཀྱང་འགྲུབ་པར་འགྱུར།། དབང་དུ་བྱ་དང་དབྱེ་བ་དང་།། བསྐྲད་དང་གསད་པ་ལ་སོགས་ནི།། ཇི་སྐད་གསུངས་པའི་ཚུལ་དག་དང་།། དེ་དང་སྦྱོར་བ་དེ་འདྲ་བས།། ཚེས་གྲངས་དག་དང་སྐར་མ་དང་།། སྨྱུང་བ་དག ་ཀྱང་བྱ་མི་དགོས།། གསང་བའི་མཆོད་པའི་ཆོ་ག་ཤེས།། ཕྱག་རྒྱའི་དཀྱིལ་འཁོར་ལེགས་བྱས་ལ།། ཇི་ལྟར་འདོད་པ་རང་དགར་སྤྱོད།། ཅི་ཡང་རུང་བའི་གཏོར་མ་དང་།། ལོ་མ་མེ་ཏོག་འབྲས་བུས ་ཀྱང་།། གང་གིས་གཤིན་རྗེ་གཤེད་པོ་ཡི།། སྙིང་པོ་ཕྱག་རྒྱ་མཆོད་བྱེད་པ།། བྱང་ཆུབ་སེམས་དང་ལྡན་གྱུར་ཅིང་།། རབ་ཏུ་གུས་ན་ཟླ་དྲུག་གིས།། དེ་ནི་ཅི་འདོད་དགོས་པ་རྙེད།། ཇི་ལྟར་འདོད་པའི་ལས་ཀྱང ་བྱེད།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས། བེ་ཅོན་ཕྱག་རྒྱའི་དཀྱིལ་འཁོར་དུ་བསྒྲུབ་པའི་མཆོད་པའི་རྟོག་པ་སྟེ་ལེའུ་བཞི་པའོ།། །། དེ་ནས་བེ་ཅོན་ཕྱག་རྒྱ་ཡི།། ཇི་སྐད ་གསུངས་པ་དེ་དག་བསྒྲུབ།། དེ་ཡི་དཀྱིལ་འཁོར་གཉིས་པའང་གཞན།། དཀྱིལ་ན་ཡི་དྭགས་ཞེས་བྱ་བ།། བསྒྲུབ་པས་མཚན་མོ་དུར་ཁྲོད་དུ།། དུར་ཁྲོད་བདག་གི་ཐལ་བ་ཡིས།། གྲུ་བཞི་པ་ལ་སྒོ་བཞི་བྲི།། མེ་རོའི ་རོ་སྨད་དག་དང་ལྡན།། བླ་རེ་རྔ་ཡབ་མེ་ལོང་དྲིལ།། མེ་ཏོག་བདུག་པས་མཛེས་པར་བྱ།། ལྷ་རྫས་ཡི་དྭགས་མང་པོ་དངར།། ཐོད་པ་བརྒྱད་ཀྱིས་རྣམ་པར་སྤྲས།། ཕྱིས་ནི་བེ་ཅོན་ཕྱག་རྒྱ་ཡང་།། མགོ་མེད་རོ་ཡི་སྟེང ་དུ་བྲི།། དཀྱིལ་ན་ཡི་དྭགས་ཞེས་བྱ་བའི།། ཐམས་ཅད་འཁྲུགས་བྱེད་དཀྱིལ་འཁོར་འདི།། ཁྲོ་བོ་གཙོ་བོའི་ཕྱག་རྒྱ་ཡིས།། མཆོད་པ་ཇི་སྐད་གསུངས་པ་བྱ།། སྨེ་གཏོར་ཐམས་ཅད་བྱིན་ནས་ནི།། གཙང་མ་གོ་ཆ ་བགོས་ནས་ཀྱང་།། འབུམ་ཕྲག་གཅིག་ནི་སྔར་བསྙེན་པ།། བྱས་ནས་འདི་ནི་བརྩམ་པར་བྱ།། ཕྱུགས་ཆེན་དག་གི་ཁྲག་གིས་ཀྱང་།། ཤིས་པའི་ཐོད་པ་བཀང་ནས་ཀྱང་།། དེ་བཞིན་མི་ལས་བྱུང་བའི་ཤ། ཕྱག་རྒྱ་ཡིས ་ནི་དབུལ་བར་བྱ།། ཕྱུགས་ཆེན་གྱི་ནི་ཚིལ་བུ་ལས།། མར་མེ་འབར་བ་བྱས་པ་དག། དེ་ཡི་ཕྱི་རོལ་ཕྱོགས་བརྒྱད་དུ།། སྔགས་ཀྱིས་བསྲུངས་ཏེ་དབུལ་བར་བྱ།། ཆོ་ག་ཤེས་པས་དེ་ལྟ་བུར།། བྱས་ནས་བསྒྲུབ་ལ ་འཇུག་པར་བྱ།། དཔལ་ལྡན་གོས་ནི་དམར་པོ་གྱོན།། ཙནྡན་དམར་པོས་བསྐུས་ནས་ནི།། ཅུང་ཟད་དག་ཀྱང་མི་འབྱེད་པར།། མར་གྱིས་བརྒྱད་ལ་གཅིག་པུས་སོ།། དཔའ་ལ་སེམས་དྲག་མཐུ་ལྡན་པའི།། གྲོགས་ནི ་གསུམ་དང་ལྷན་ཅིག་ཏུ།། བློ་དང་ལྡན་པས་སེམས་དྲག་ཅིང་།། དབང་པོ་བསྡམས་པའི་སྒྲུབ་པ་པོ།། ཡི་དྭགས་ཀྱི་ནི་དཀྱིལ་འཁོར་དུ།། སྒྲུབ་པའི་ལས་ལ་འཇུག་པར་བྱ།། དེ་ནས་མཚན་མོ་ཕྱག་རྒྱ་བཅིང་།། བརྟན ་པར་འདུག་ལ་ལེགས་པར་བཟླས།། བགེགས་རྣམས་སྣ་ཚོགས་མཚན་གཅིག་ཏུ།། འབྱུང་སྟེ་དེ་ལས་རྒྱལ་བར་བྱའོ།། དེ་ལྟར་སྲིན་པོའི་ཚོགས་ཆེན་ལས།། རྒྱལ་ནས་ཕྱག་རྒྱ་འགྲུབ་པར་འགྱུར།། མི་འགྲུབ་པ་ཡི ་ལས་རྣམས་ཀྱང་།། དེ་ནས་ཐོགས་པ་མེད་པར་བྱེད།། འཇམ་དཔལ་དབྱངས་ཀྱི་ཁྲོ་བོ་ཡང་།། བསྐུལ་ནས་འདིར་ནི་ཐོག་པ་མེད།། ཧ་ན་བི་སྒྲོ་ཊ་བཉྫ་པཉྫ་ཞེས།། བསྐུལ་བའི་མཐའ་མར་ཧཱུཾ་བརྗོད་ཅིང་།། གཡོན ་བརྐྱང་བ་ཡི་ཚུལ་གནས་ནས། ཁྲོས་པས་རི་རྩེ་བགྲོད་དཀའ་དང་།། ར་བ་ཡང་ཐོག་སྒོ་ཁང་དང་།། པུ་ཤུ་ཁ་བད་ར་བ་དག། སྐད་ཅིག་གིས་ནི་བསྙིལ་བར་བྱེད།། དྷ་ར་བྷི་སྥོ་ཊ་བཉྫ་བཉྫ་ཞེས།། བསྐུལ ་པའི་མཇུག་ཏུ་ཧཱུཾ་བརྗོད་ན།། རི་བོ་དག་ནི་མང་པོ་དང་།། དེ་བཞིན་ལྷ་མིན་སྒོ་དག་དང་།། དེ་བཞིན་གཞན་དང་ས་དག་ཀྱང་།། ཇི་ལྟར་འདོད་པ་འགས་པར་བྱེད།། པཱ་ཙ་བི་དྷ་ན་སཾ་ཤེ་ཞེས།། བསྐུལ་ནས་ཐ་མར་ཧཱུཾ ་བརྗོད་ན།། ཕྱག་རྒྱ་འདི་ཡིས་ཆུ་རྣམས་ནི།། ཐོགས་པ་མེད་པར་སྐེམ་པར་བྱེད།། མཚོ་ཆེན་དང་ནི་ཆུ་བོ་དང་།། རྒྱ་མཚོ་དག་ཀྱང་སྐེམ་པར་བྱེད།། སྟམྦྷ་ཡ་ཞེས་ལན་གཉིས་བརྗོད།། ཐ་མར་ཧཱུཾ་དང་དེ་ནས་མུ།། དེ ་ནས་དེ་ཡི་མཇུག་ཏུ་ཧཱུཾ།། སཻ་ན་སྟམ་བྷ་ཞེས་སྦྱར་ན།། པ་ཙ་བི་དྷནྨ་ཡ་ཤོ་ཥ་ཡ་ཤོ་ཥ་ཡ་ད་ཧཱུཾ་ཕཊ། རི་བོ་ལ་ནི་གནས་པ་བཞིན།། ངེས་པར་མྱུར་དུ་གནོན་པར་འགྱུར།། ཐ་མར་ཧཱུཾ་བཞག་དེ་ནས་དྲི།། ཀྵོ་བྷ་ཡ་ཞེས ་ལན་གཉིས་བརྗོད།། དེ་ཡི་ཐ་མར་ཡི་གེ་མ།། མཁས་པ་དག་གིས་སྦྱར་ན་ནི།། དཔུང་རྣམས་འཁྲུགས་པར་འགྱུར་བ་ལ། ཁྲོས་ན་ངོ་མཚར་ཅི་ཞིག་ཆེ།། ཐ་མར་ཧཱུཾ་དང་ག་བཞག་ལ།། དེ་ནས་ཏིཥྛ་ཏིཥྛ་གཞག། སྔགས ་པས་གལ་ཏེ་སྦྱར་ནས་ནི།། ཆོ་ག་འདི་ཡིས་གླང་པོ་གནོན།། ཧ་ན་བི་དྷནྨ་མཱ་ར་ཡ།། བསྐུལ་ནས་ཐ་མར་ཧཱུཾ་བརྗོད་ཅིང་།། དེ་བཞིན་ཐ་མར་ཕཊ་བརྗོད་ན།། དཔུང་དག་རབ་ཏུ་འཆི་བར་འགྱུར། ཁ་ཁ་ཁཱ་ཧི་ཁཱ་ཧི ་ཞེས།། བསྐུལ་ནས་ཐ་མར་ཧཱུཾ་བརྗོད་ན།། དཔུང་རྣམས་ཕན་ཚུན་འཁྲུག་པར་ནི།། ཐོགས་པ་མེད་པར་རབ་ཏུ་འགྱུར།། ཐ་མར་ཧཱུཾ་དང་དེ་བཞིན་ཕཊ།། དྲི་དྲི་ཛཾ་ཛ་དྲི་དྲི་དག། ངེས་པ་དག་ཏུ་སྦྱར་ན་ནི།། སྔགས་པ་ཁྲོ ་དང་ལྡན་པ་ཡིས། ཁྲག་གི་ཆར་འབབ་བྱེད་པར་གསུངས།། ཐ་མར་ཧཱུཾ་བརྗོད་ཧ་ཧ་ཧཱ་ཧཱ་བཻ་ཏཱ་ལི་ཧཱུཾ་ཕཊ་ཅེས་བདག་གིར་བྱས།། སྔགས་པ་དཔའ་དང་ལྡན་པ་ཡིས།། བསྐུལ་ན་མྱུར་དུ་རྨོངས་པར་འགྱུར།། ཐ་མར་ཧཱུཾ ་བརྗོད་ཧ་ཧ་ཧ་ཧ།། དེ་བཞིན་ཨནྟ་ཡ་དང་ཕཊ།། བསྐུལ་བ་འདི་དང་ལྡན་བྱས་ན།། འགྲོ་བ་དག་ནི་རྨོངས་པར་འགྱུར།། ཐ་མར་ཧཱུཾ་བརྗོད་དེ་ནས་ཧཱུཾ།། གོང་བཞིན་དྲྀ་དྲྀ་ཛ་ཛ་བཞག། ཐ་མར་དྲི་དང་ཕཊ་ལྡན ་ན།། འགྲོ་བ་དེ་མ་ཐག་ཏུ་འབེབས། ཁྲོ་བོ་ཆེན་པོ་འདི་ཡིས་ནི།། ཕྱག་རྒྱ་དེ་ལྟར་འགྲུབ་འགྱུར་ན།། དེ་ཚེ་ལས་རྣམས་ཐམས་ཅད་ནི།། ཡིད་ཀྱིས་བསྐུལ་བ་ཙམ་གྱིས་ནི།། བྱང་ཆུབ་སེམས་དཔའ་ཐམས་ཅད ་ཀྱིས།། དམ་ཚིག་རབ་ཏུ་སྐོང་བ་ཡིན།། གྲུབ་པ་དག་ནི་གང་འདོད་པ།། དེ་ནི་ཐོགས་པ་མེད་པར་བྱེད།། འདི་ཡི་སྔོན་དུ་བསྙེན་པ་ནི།། ཆོ་ག་བཞིན་དུ་འབུམ་བྱས་ནས།། བློ་དང་ལྡན་པས་བསྒྲུབ་ལ་འཇུག། གལ ་ཏེ་དེར་ནི་མ་གྲུབ་ན།། དེ་ཚེ་དེ་བཞིན་གཤེགས་པ་ཡི།། སྔ་མ་དམ་ཚིག་བསྐུལ་བ་བཞིན།། དེ་ནས་སླར་ཡང་སྔགས་རྣམས་ལ།། ཐོགས་པ་མེད་པར་དེ་བཞིན་སྦྱར།། ཕྱག་འཚལ་བ་དང་ཀུན་ཏུ་ལྡན།། དེ་ཡི་ཐོག། ་མར་ཨོཾ་བཞག་ལ།། ཨོཾ་ཞེས་བྱ་བ་གཞན་ཡང་གཞག། ཨཱཿཞེས་བྱ་བ་གཉིས་པའོ།། དེ་ཡི་ཚིག་གི་མཇུག་ཏུ་ཧཱུཾ།། བཞག་སྟེ་དེ་ནས་ཚིག་རྣམས་ཀུན།། དེ་ལྟར་ཀྲོ་ཏ་བི་ཛ་ཡ།། ཨགྣི་ཛཱ་ལི་ཛི་ཧཱ་ཏ ་ཤིར།། ཚིག་རྣམས་གཞན་ནི་བརྗོད་པར་བྱ།། དེ་ནས་དེ་ཡི་ཐ་མར་ཧཱུཾ།། དེ་བཞིན་ཚིག་གི་ཐ་མར་ཨོཾ།། ཐ་མར་ཨཱཿགཞག་དེ་ཡི་མཐར།། ཧཱུཾ་དང་སི་ཏི་ལན་གཉིས་བསྒོམ།། པྲ་ཕུ་ཏ་ཞེས་ལན་གཉིས་བསྒོམ།། དེ་ནས ་དེ་བཞིན་གཤེགས་པ་ཡི།། བཀའ་རྣམས་ཐམས་ཅད་བསྒྲུབ་པར་བྱ།། ཁྲོ་བོའི་གཙོ་བོ་དེ་ཡི་ནི།། བཀའ་བཞིན་བྱེད་དེ་དེ་བཞིན་འགྱུར།། གང་གི་མངོན་དུ་བསྙེན་བྱ་བ།། དེ་ཡི་བསྐུལ་བའི་ཆོ་ག་ནི།། ཇི་སྐད ་གསུངས་པའི་ལས་རྣམས་ལ།། མ་གྲུབ་ན་ནི་ངེས་པར་བྱ།། གཞན་དུ་སྔགས་ནི་གཟིར་བྱས་ན།། བདག་ཉིད་ངེས་པར་འཆི་བར་འགྱུར། ཁྱད་པར་དུ་ནི་དཔའ་བོ་ཡི། ཁྲོ་བོའི་གཙོ་བོའི་སྙིང་པོ་འདི།། ཕྱག་རྒྱ་འདིས ་ནི་གཟིར་བྱས་ན།། འགྲོ་བ་མ་ལུས་འཁྲུག་པར་འགྱུར།། འདི་ནི་གང་ལ་བཟླས་པ་ཡི།། སྔགས་རྣམས་དེ་ལ་དགོས་མེད་པར།། འཇིག་རྟེན་འཇིག་རྟེན་འདས་པ་དང་།། དེ་དག་ཀུན་གྱི་ལུས་ཀྱང་ཆད།། ཕྱག་རྒྱ ་འདིས་ནི་གཟིར་ན་ནི།། དཔག་ཚད་བདུན་གྱི་དཀྱིལ་འཁོར་ན།། གཞན་གྱི་སྔགས་རྣམས་གང་ཡོད་དང་།། དགྲ་རྣམས་དྲེགས་པ་མེད་པར་བྱེད།། འབྱུང་པོ་སྐྲག་པར་བྱེད་པ་དང་།། དེ་བཞིན་ལྷ་རྣམས་འཁྲུགས་པར ་བྱེད།། ཁྲོ་བོ་རབ་ཏུ་འགའ་བར་བྱེད།། གཤིན་རྗེའི་གཤེད་པོའི་མཐུ་ཡང་བསྐྱེད།། ཡི་དྭགས་རོ་ལངས་རིགས་དག་ནི།། དེ་བཞིན་རབ་ཏུ་འཇིགས་པར་གསུངས།། བྱད་དང་གནོད་པ་སྐྲག་པ་ཡང་།། རབ་ཏུ་བསྐུལ ་ནས་འཇིགས་པར་བྱེད།། བགེགས་རྣམས་ཐམས་ཅད་འཇིགས་པར་བྱེད།། འཆི་བ་ཐམས་ཅད་མེད་པར་བྱེད།། ཕོངས་པ་ཐམས་ཅད་མེད་བྱེད་ལ།། བེ་ཅོན་ཕྱག་རྒྱ་དྲག་པོའི་སྔགས།། དགྲ་དང་དེ་བཞིན་གཞན་དག ་དང་།། སྐྱེ་བོ་དག་ལ་འདི་བཅིངས་བསྟན།། གཤིན་རྗེའི་གཤེད་པོ་སྦྱར་ན་ནི།། དེ་ཡི་མོད་ལ་སྲོག་ཀྱང་འཕྲོག། མདོར་ན་སྙིང་པོ་ཕྱག་རྒྱ་འདི།། རྟོག་པ་རང་གི་དམ་ཚིག་བརྟན། ཁྲོ་བོའི་ཞལ་ནས་གསུངས་པ ་འདི།། གསང་བ་རབ་ཏུ་བསྟན་པ་ཡིན།། གཤིན་རྗེའི་གཤེད་པོ་གཅིག་ཏུ་བའི།། སྔགས་པས་ཁྲོ་བོའི་གཙོ་བོ་ཡི།། སྙིང་པོ་ཕྱག་རྒྱ་བེ་ཅོན་དང་།། སྙིང་པོ་དག་གིས་སྦྱར་བར་བྱ། ཁྲོ་བོ་རྣམ་པར་རྒྱལ་བ་འཇམ ་དཔལ་གྱི་རྩ་བའི་རྟོག་པ་ལས། བེ་ཅོན་གྱི་ཕྱག་རྒྱའི་རྟོག་པ་སྟེ་ལེའུ་ལྔ་པའོ།། །། དེ་ནས་ཡི་གེ་བཅུ་བདུན་པའི།། རྩ་བའི་སྔགས་ནི་གང་ཡིན་པ།། དེ་ཡི་ཕྱག་རྒྱ་གཞན་དག་ཀྱང་།། རོ་ལངས་ཞེས་ནི་བྱ ་བ་ཡོད།། གཤིན་རྗེའི་གཤེད་པོ་དྲག་བརྩོན་པའི།། སྙིང་ནི་དགའ་བྱེད་གསང་བའོ།། སྔགས་པ་དག་གིས་གང་དག་ཏུ།། བཅིངས་པ་དེ་ནི་བྱིན་རློབ་པ།། རོ་ལངས་ཞེས་བྱའི་ཕྱག་རྒྱ་འདི། ཁྲོ་བོས་གསུངས་པ་བཤད ་པར་བྱ།། དུར་ཁྲོད་དག་ནི་ཐམས་ཅད་ནི།། གོང་ལ་རྟག་ཏུ་རག་ལུས་པའོ།། དེ་ནས་ལག་པ་གཉིས་ཀ་ཡི།། སོར་མོ་ཕན་ཚུན་བསྣོལ་བ་ཡིས།། མཛུབ་མོ་གཉིས་ཀས་སྲིན་ལག་གཉིས།། ལེགས་པར ་བཟུང་ནས་དགུག་པར་བྱ།། གུང་མོ་སོར་མོ་སྒྲེང་སྟེ་སྦྱར།། མཐེའུ་ཆུང་གཉིས་ཀྱང་ནང་དུ་གཞུག། དེ་བཞིན་དུ་ནི་མཐེ་བོང་གཉིས།། ཕན་ཚུན་བསྣོལ་མར་བརྐྱང་སྟེ་སྦྱར།། ཤེས་རབ་ཅན་གྱི་རོ་ལངས་འདི།། རྟག་ཏུ ་ཚུལ་བཞིན་ཁྲོ་བས་བསྟན། ཁྲོ་བོ་གཙོ་བོའི་སྔགས་གང་ནི།། ཡི་གེ་བཅུ་བདུན་ལེགས་གསུངས་པ།། དེ་ཉིད་འདི་དང་སྦྱར་བར་བྱ།། རོ་ལངས་ཕྱག་རྒྱ་ལྡན་པ་སྟེ།། བདག་ཉིད་འདོད་པ་ཐམས་ཅད་སྟེར།། ཧ་ཧར ་གྱུར་པའི་དཀྱིལ་འཁོར་དུ།། ཆོ་ག་བཞིན་དུ་སྦྱར་བར་བྱ།། ཧ་ཧར་གྱུར་པའི་དཀྱིལ་འཁོར་ནི།། ཁྲོ་བོ་འབར་བྱེད་བཤད་པར་བྱ།། ཡི་དྭགས་ཕལ་ཆེན་བཤད་པ་བཞིན།། འདི་ཡང་གྲུ་བཞི་ལྷམ་པར་བྱ། ཁྱད་པར་དུ ་ནི་ཕྱོགས་ཀུན་དུ།། མཁས་པས་མེ་རི་འབར་བར་བྱ། ཁྲུ་བརྒྱད་ལྷག་ཆད་མེད་པར་ནི། ཆོ་ག་བཞིན་དུ་བྲི་བར་བྱ།། སྒོ་སྒོ་དག་ཏུ་གསལ་ཤིང་གིས།། ཕུག་པའི་ཡི་དྭགས་ཁྲག་ཅན་གཞག། དབུས་སུ་མགོ་དང་བྲལ ་བ་ཡི།། མི་རོ་རོ་སྨད་གསལ་བར་གཞག། ཡི་དྭགས་ཕལ་ཆེན་དཀྱིལ་འཁོར་བཞིན།། ཐ་མར་ཡི་དྭགས་ཕྲེང་བ་དགོད། ཁྲོ་བོའི་དག་གི་རྩ་བའི་སྔགས།། མཚོགས་མ་སྤྱི་གཙུག་ལ་སོགས་བསྲུང་། ཡི་གེ་བཅུ་བདུན ་བློ་ལྡན་གྱིས།། མགོ་མེད་རོ་ཡི་སྟེང་དུ་གཞག། ཞལ་དྲུག་པ་ལ་ཞབས་ཀྱང་དྲུག། དེ་བཞིན་ཕྱག་ནི་བཅུ་གཉིས་པ།། རབ་ཏུ་འབར་བ་དྲག་པོའི་གཟུགས།། སྔ་མ་བཞིན་དུ་གཞག་པར་བྱ།། ཡི་དྭགས་མང་པོ་སྦྱར་བ ་ནི།། སྔ་མ་བཞིན་དུ་བཞག་ནས་ནི།། མེ་ཏོག་བདུག་པ་ཕྲེང་ལ་སོགས།། སྔགས་པས་དེ་ལ་མཆོད་པར་བྱ།། འདིར་ནི་གཏོར་མ་གསུངས་པ་ཡང་།། ཤ་ཆེན་གྱིས་བྱ་གཞན་དུ་མིན། ཁྲག་གི་གཏོར་མའི་ཆོ་ག ་དང་།། དེ་བཞིན་བདུག་པའང་ཀུན་སྨེ་བའོ།། དེ་ནས་དཔལ་ལྡན་རིག་འཛིན་པས།། རོ་ལངས་ཕྱག་རྒྱ་བཅིངས་ནས་ནི།། གཏོར་མ་མེ་ཏོག་ལ་སོགས་དབུལ།། རྣམ་པ་ཀུན་ཏུ་ཁྲོ་བོས་བྱ།། དཀྱིལ་འཁོར་དུ་ནི་འཁོར ་ཡུག་གི།། ཕྱོགས་བརྒྱད་དག་ཏུ་མར་མེ་དགོད།། དུར་ཁྲོད་དག་གི་མགལ་དུམ་མམ།། ཡང་ན་གསལ་ཤིང་དག་གིས་བུད།། སེང་ལྡེང་དག་གི་གཟར་བུ་ཡིས།། ཚིལ་ཆེན་དག་ལ་ལན་བདུན་དུ།། ལྷོ་ཕྱོགས་མེ་ལས ་བསྲེགས་ནས་ནི།། དེ་ནས་ཁྲོ་བོ་བསྒྲུབ་པར་བྱ།། དེ་ལ་སྔོན་དུ་བསྙེན་པ་དང་།། བཟླས་པ་དག་ནི་བསྟན་པ་མིན།། རིག་འཛིན་ཉིད་ཀྱི་སེམས་སྟོབས་ཉིད།། འདི་ཡི་རྒྱུར་འདི་ཤེས་པར་བྱ།། ལྷོ་ཕྱོགས་སྒོར་ནི་ནན ་ཏན་ཏུ།། རྨ་མེད་པ་ཡི་རོ་བཞག་སྟེ།། སྙིང་གར་རོ་ལངས་རྒྱ་བཞག་ལ།། དེ་ལ་རབ་ཏུ་བསྐོར་བར་བྱ།། དེ་ནས་ཁྲོས་པ་ཆེན་པོ་ཡིས།། ཤིན་ཏུ་བཀྲུས་ཤིང་ལེགས་པར་བརྒྱན།། དྲི་དང་མེ་ཏོག་དམར་སྔོན ་གྱིས།། ལེགས་པ་དག་ཏུ་མཆོད་ནས་ནི།། མཁས་པས་རོ་ལངས་ཕྱག་རྒྱ་ཡིས།། ཐོག་དམར་བདག་ཉིད་བསྲུང་བར་བྱ།། གཤིན་རྗེའི་གཤེད་བྱེད་ཡན་ལག་ལྔ།། དེ་བཞིན་ལས་ལ་སྦྱར་བར ་བྱ།། དཔའ་བོ་མཐུ་ཆེན་བདག་ཉིད་ཀྱིས།། རལ་གྲི་ལག་པར་བླངས་ནས་ནི།། དཔའ་བོའི་རྐང་པ་གཡོན་པ་ཡི།། དེ་ཡི་སྙིང་གར་མནན་ནས་ནི། ཁྲོ་བོ་ཡི་ནི་གཙོ་བོ་ཡི།། ཡི་གེ་བཅུ་བདུན་སྔགས་བཟླས་སོ།། ཨོཾ་ཨཱ ་ཀྲོ་དྷི་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། འདི་ནི་རྩ་བའི་སྔགས་ཡི་གེ་བཅུ་བདུན་པའོ།། དེ་ཡིས་དྲག་པོར་བསྐུལ་བ་དང་།། ཡི་དྭགས་དེ་ནི་གཡོ་བར་འགྱུར།། ཧ་ཧར་གྱུར་པར་འཁྲུགས་པ་དང་།། དེ་བཞིན་ཧ་ཧའི ་སྒྲ་ཡང་འབྱིན།། དེ་ནས་བདག་གིས་ལངས་པ་ལ།། མཚོན་ཆ་རྣོན་པོ་འབར་བ་ཡིས།། བཅད་པའི་ཤ་དང་ཁྲག་བཅས་པ།། ཨཙྪ་དེ་ལ་དབུལ་བར་བྱ།། རིག་པ་འཛིན་པ་དེ་ཡི་ནི།། སེམས་ཀྱི་དྲོད་ནི་དེ་ཤེས ་ནས།། ཨརྒྷཾ་བླངས་ཏེ་དཀྱིལ་འཁོར་ནི།། ཧ་ཧར་གྱུར་པས་འཇིགས་པར་བྱེད།། དེ་ནས་བདག་ཉིད་ཆེན་པོ་དེས།། འཇིགས་སུ་རུང་བའི་གཟུགས་མཐོང་ནས།། གཤིན་རྗེའི་གཤེད་པོ་དཔའ་བོ་ཡི།། རོ་ལངས་ཕྱག ་བསྟན་པར་བྱ།། དེ་ནས་གཤིན་རྗེའི་གཤེད་པོ་ནི།། ཡི་དྭགས་ལུས་ལ་གནས་པ་དེས།། རོ་ལངས་ཉིད་ཀྱི་རྒྱ་མཐོང་ནས།། རིག་པ་འཛིན་པ་དེ་ཡི་ནི།། སེམས་དྲོད་རིག་ནས་འདོད་པའི་མཆོག། སྦྱིན་པར་བྱེད་པར ་གདོན་མི་ཟ།། ཁྲོ་བོའི་རྒྱལ་པོ་སླར་གཤེགས་ནས།། མི་རོ་ས་ལ་འགྱེལ་བར་འགྱུར།། དེ་ཡི་ལུས་ནི་དེ་ཉིད་ཀྱང་།། གསེར་དུ་འགྱུར་བར་གདོན་མི་ཟ།། དེ་ཚེ་གྲོགས་པོ་རྣམས་དང་ཡང་།། སེམས་ཅན་རྣམས་ལ་ཅི ་བདེར་སྦྱིན།། བདག་ཉིད་ཆེན་པོ་དཔའ་བོ་ཡི།། བསྒྲུབ་པར་བཤད་པ་འདི་ཡིན་ཏེ།། སེམས་ནི་རབ་ཏུ་དཔའ་བས་བྱའི།། ངན་དོན་གཞན་གྱིས་ཡང་མི་བྱ།། སེམས་དཔའ་ཞན་པའི་སྒྲུབ་པ་པོས། ཁྲོ་བོའི་རྒྱལ་པོ་དེ ་བསྒྲུབས་ན།། དེ་ནི་ལངས་ནས་མྱུར་བར་ནི།། གྲོགས་དང་བཅས་པས་གསོད་པར་འགྱུར།། རོ་ལངས་ཕྱག་རྒྱ་མི་ཤེས་ན།། སེམས་ནི་ཇི་ལྟར་དྲག་གྱུར་ཀྱང་། ཁྲོ་བོའི་རྒྱལ་པོ་དེ་ཡིས་ནི།། སྒྲུབ་པ་པོ་དེ་བསད་པར ་འགྱུར།། རིག་འཛིན་མཆོག་གིས་གང་དག་ཏུ།། དེ་བཞིན་གཤེགས་པའི་དམ་ཚིག་གིས།། བརྒྱན་ཅིང་ཁྲོ་བོ་སྐུལ་བྱེད་པའི།། རོ་ལངས་ཕྱག་རྒྱ་བཅིངས་པ་དེར།། གདོན་མི་ཟ་བར་ཁྲོ་བོས་ནི།། ལེགས་པར་བྱིན་གྱིས ་རློབ་པར་འགྱུར།། མྱུར་དུ་མཆོག་ཀྱང་སྩོལ་བར་མཛད།། འགྲུབ་པར་འགྱུར་བ་གདོན་མི་ཟ།། ཨོཾ་ན་མོ་བུདྡྷ་དྷརྨ་སང་གྷེ་བྷྱཿཱ་ཀྲོ་དྷི་ཀ་ཡ་མཱནྟ་ཀ་ཧ་ན་མ་ཐ་བྷཉྫ། ཧཱུཾ་པྲེ་ཏ་བི་རཀྵ་རཀྵ་མཱ་ན་པ་ཙ་ཏ་ཐཱ་ག་ཏ་ཨཱཛྙཱ་པ་ཡ ་ཏི་སྭཱ་ཧཱ། དེ་བཞིན་གཤེགས་པའི་བཀའ་བརྒྱན་པ།། རོ་ལངས་ཁྲོ་བོའི་ཕྱག་རྒྱའི་སྔགས་སོ།། ཧ་ཧར་གྱུར་པའི་དཀྱིལ་འཁོར་དུ།། རོ་ལངས་ཕྱག་རྒྱ་རང་སྔགས་དང་།། ལྡན་ན་མྱུར་དུ་ཁྲོ་བོ་ཡིས།། ངེས་པར་བྱིན ་གྱིས་རློབ་པར་འགྱུར།། དབང་པོ་དག་གི་སྦྱོར་བས་ནི།། སྔར་བསྙེན་ལ་སོགས་མེད་པར་ཡང་།། སྒྲུབ་པ་པོ་ནི་འདོད་པ་བཞིན། ཁྲོ་བོ་ངེས་པར་མྱུར་དུ་འགྲུབ།། ཡང་ན་རོ་ལངས་ཕྱག་རྒྱ་འདི།། སྐྱེས ་བུ་སེམས་ནི་མི་དཔའ་བས།། ཧ་ཧར་གྱུར་པའི་དཀྱིལ་འཁོར་དུ།། བདག་ཉིད་ཀྱིས་ནི་དམ་ཚིག་གིས།། མཁས་པས་བཟུང་ནས་བཟླས་པར་བྱ།། དེ་ཉིད་ཀྱིས་ནི་དབང་བསྐུར་ནས།། ཇི་ལྟར་མྱུར་བར་གང་དུའང ་རུང་།། ཁྲོ་བོ་མཆོག་གི་རི་མོའམ།། དཀྱིལ་འཁོར་ཆོ་ག་བཞིན་བྱས་པའམ།། དེ་བཞིན་སྐུ་གཟུགས་གཞག་པའང་རུང་།། ཡིད་དང་དབང་པོ་བསྡམས་བྱས་ཏེ།། ཐོག་མར་ཚིག་འབུམ་བཟླས་པར་བྱ།། དེ་ལྟར་སྔོན་དུ ་བསྙེན་པ་ནི།། ཇི་ལྟར་འདོད་པར་བྱས་ནས་གདོད།། ཕྱི་ནས་སྦྱང་བར་བྱས་ནས་དེ།། རོ་ལངས་ཕྱག་རྒྱ་སྒྲུབ་ལ་འཇུག། ཧ་ཧར་གྱུར་པའི་དཀྱིལ་འཁོར་ནི།། ཆོ་ག་བཞིན་དུ་དུར་ཁྲོད་བྲི།། ཡང་ནི་སེམས་ནི་མི་དཔའ ་བས།། དུར་ཁྲོད་ཐལ་བས་ཁྱིམ་དུ་བྲི། ཁྱིམ་དེ་སྟོང་བ་ཡིན་ན་རུང་།། གལ་ཏེ་ཁྱིམ་དེ་མི་སྟོང་ན།། ཧ་ཧར་གྱུར་པ་མཐོང་བ་དང་།། ཞག་བདུན་ལོན་མ་ཐག་ཏུ་འཇིག། དེ་ནས་ཡི་དྭགས་མང་པོ་ལས།། གསང་བའི ་མཆོད་པ་ཅི་རིགས་བྱ།། དེ་ནས་ལྷོ་ཕྱོགས་སྒོར་འདུག་སྟེ།། བྱང་གི་སྒོ་རུ་ཁ་བལྟས་ལ།། རང་གི་དམ་ཚིག་ལས་གསུངས་པའི།། རོ་ལངས་ཕྱག་རྒྱ་བཅིངས་ཏེ་བཟླས།། ཟླ་བ་མར་གྱི་ཚེས་བརྒྱད་ལ།། བློ་ལྡན་ཆོ་ག ་ཤེས་པ་ཡིས།། མཚན་མོ་སྟན་ཅིག་འདུག་ནས་ནི།། ཉི་མ་ཤར་གྱི་བར་དུ་བཟླས།། དེ་ནས་ཁྲོ་བོ་དྲག་པོ་ཡི།། རོ་ལངས་ལྷ་མོ་འགྲུབ་པར་འགྱུར། ཁྲོ་བོ་ཧ་ཧའི་སྔགས་དག་དང་།། སྐུལ་བའི་ཚིག་གིས་མཆོག་རྣམས ་ཀྱིས།། ཇི་སྐད་གསུངས་པའི་ལས་རྣམས་ནི།། ཐམས་ཅད་དེ་ནས་བྱེད་པར་འགྱུར།། བེ་ཅོན་ཞེས་བྱའི་ཕྱག་རྒྱ་ལའང་།། དེ་དག་ཉིད་ལ་མྱུར་དུ་སྦྱར།། སྦྱར་ན་དོགས་པ་མེད་པར་ཡང་།། འདི་ནི་དེ་དག་བྱེད་པར ་འགྱུར།། རོ་ལངས་ཕྱག་རྒྱ་བསྒྲུབ་པ་བྲི།། སྔགས་པ་དགོངས་པ་གསུངས་པའོ།། ད་ནི་ཞན་པའི་སེམས་རྣམས་ཀྱིས།། སྒྲུབ་པ་དག་ནི་གསུམ་པོ་འབྱུང་།། ཆོ་ག་བཞིན་དུ་སྔར་བཤད་པའི།། ཡི་དྭགས་མང་པོ་དེ་ཚེ ་བྲི།། གང་ཡང་རུང་བར་ཇི་རིགས་པར།། ཕྱག་རྒྱ་རྣམས་ཀྱིས་སྦྱར་བར་བྱ།། དེ་ནས་ཡི་དྭགས་མང་པོ་ཡི།། དཀྱིལ་འཁོར་བལྟ་ན་སྡུག་པ་འདི། ཁྱིམ་མམ་ཡང་ན་གཞན་དུའང་རུང་།། དེ་ཚེ་དཀྱིལ་འཁོར་བྲིས་ནས ་ནི།། དེ་དབུས་ཡི་དྭགས་སྤྱི་བོ་ལ།། རོ་ལངས་ཕྱག་རྒྱ་འདི་བཞག་གོ། ཁྲོ་བོ་ཡི་གེ་གཟི་བསྐྱེད་པ།། ཞི་ཞིང་ཀུན་ཏུ་དགའ་བྱེད་པ།། རོ་ལངས་སྙིང་པོའི་ཕྱག་རྒྱ་ནི།། བཅིངས་ནས་དེ་ལ་སྦྱར་བར་བྱ།། དེ་ནས་རོ ་ལངས་ཕྱག་རྒྱ་ཡིས།། གསང་བའི་ཡི་གེ་བཅུ་གསུམ་པའོ།། ཞི་བ་གཞན་ཡང་ཤེས་བྱས་ནས།། ཇི་ལྟར་འདོད་པར་བཟླས་པར་བྱ།། ཨོཾ་ཨཱཿཧཱུཾ་བེ་ཏཱ་ལི་རཀྵ་རཀྵ་མཱཾ་སྭཱ་ཧཱ།། རོ་ལངས་ཕྱག་རྒྱའི་སྙིང་པོ་འདི།། གང་ཡང ་རུང་བ་ཅི་འདོད་པར།། གཅུར་བསྐུར་བ་ཡི་འབུམ་གྲངས་སུ།། ཆོ་ག་བཞིན་དུ་བཟླས་ན་ནི།། རྨད་དུ་བྱུང་བའི་ལས་རྣམས་ཀྱང་།། ཡིད་ཀྱིས་བསམ་པས་བྱེད་པར་འགྱུར།། གསང་བའི་རིག་པ་གསང ་བ་འདི།། ལས་རྣམས་ཐམས་ཅད་བྱེད་པའོ།། དེ་ནས་ད་ནི་འདི་ཡི་ལས། ཁྲོ་བོའི་རྒྱལ་པོ་ཉིད་ཀྱིས་ནི།། རྟོག་པ་འདི་ལས་གང་གསུངས་པ།། དེ་དག་མདོ་རུ་བཤད་པར་བྱ།། གནོན་དང་གཟིར་དང་རྨོངས་པ ་དང་།། དེ་བཞིན་དབབ་པའི་ཆོ་ག་དང་།། དབང་དུ་བྱེད་དང་ལྡན་པ་དང་།། གསད་པ་དང་ནི་བསྐྲད་པ་དང་།། ཕན་ཚུན་འཐབ་ཅིང་བརྡེག་པ་དང་།། དེ་བཞིན་གཞན་ཡང་མིག་འཁྲུལ་དང་།། ཞི་དང་རྒྱས་པར་སྦྱོར་བ ་དང་།། དེ་བཞིན་དགའ་བར་བྱེད་པ་དང་།། འགུགས་པར་བྱེད་པའི་ཆོ་ག་ཡང་།། མདོར་བསྡུས་ནས་ནི་བཤད་པར་བྱ།། རོ་ལངས་ཕྱག་རྒྱ་ལས་བསྒྲུབ་ཕྱིར།། ཆོ་ག་བཞིན་དུ་སྔར་བསྙེན་བྱ།། སོ་སོའི་དོན་རྣམས ་བསྒྲུབ་པའི་ཕྱིར།། ཆོ་ག་འདི་དག་བརྩམ་པར་བྱ།། རྨ་བྱའི་འཇུག་མའི་སྒོ་དག་ལ།། མཁས་པས་མདོངས་ནི་བརྒྱ་ཡོད་པ།། བམ་པོ་གཅིག་ཏུ་སྦས་ནས་ནི།། བུ་མོས་བཀལ་བའི་སྐུད་པ་ཡིས།། སེང་ལྡེང་ཤིང་གི་ཡུ ་བ་ནི།། འཕན་མེད་ཁྲུ་གང་བརྩམ་པ་ལ།། ཆོ་ག་བཞིན་དུ་བཅིང་བར་བྱ།། ཡུ་བ་དེ་ཡི་རྩེ་མོ་ལའང་།། མཆོད་རྟེན་བཟང་པོ་ལེགས་པར་བྱ།། གྲོ་ག་ལ་ནི་གི་ཧཾ་གིས། ཁྲོ་བོས་མཐར་བྱས་རོ་ལངས་དྲི།། ཤེས་པས ་མཆོད་རྟེན་འོག་ཏུ་བཞག། དེ་ནས་ཟླ་བ་གཟས་ཟིན་པའི།། ནུབ་མོ་ཡི་དྭགས་ཕལ་ཆེན་གྱི།། དཀྱིལ་འཁོར་མཚོ་འགྲམ་བྲིས་ནས་བཟླས།། དེ་ལྟར་བསྒྲུབ་ཕྱིར་སྔགས་པ་ཡིས།། མཇུག་མ་དེ་ལ་ཡིད་གཏད ་ནས།། ལག་པ་གཡོན་པས་བཟུང་ནས་ནི།། ཟླ་བ་དེ་ལ་བལྟ་ཞིང་བཟླས།། སེམས་ནི་བདུད་ཀྱིས་མ་དཀྲུགས་པར།། སེམས་དཔའི་སྟོབས་ཀྱིས་ཁ་ཅིག་ལ།། དྲོད་དང་དུ་བ་འབར་བ་དག། མཇུག་མ་དེ་ལས་འབྱུང ་བར་འགྱུར།། དྲོ་བར་གྱུར་པ་མཐོང་ན་ནི།། བྱང་ཆུབ་སེམས་དཔའ་འདྲ་བ་ཡིས།། སེམས་ཅན་རྣམས་ནི་ཐམས་ཅད་ལ།། དེས་ནི་ཕན་ཐོགས་གནོད་པར་ནུས།། མཇུག་མ་བཟང་པོ་དེ་ལས་ནི།། དུ་བ་འབྱུང་བ་མཐོང ་ན་ཡང་།། མྱུར་དུ་མི་སྣང་བར་ཡང་འགྱུར།། འདོད་པའི་གཟུགས་ཅན་ཡིད་མགྱོགས་བཞིན།། རྒས་པ་དང་ནི་འཆི་བའང་མེད།། གནོད་སྦྱིན་རྣམས་ནི་ཡོངས་སུ་བསྐོར།། སེམས་ཅན་ཆེན་པོ་དེ་ཡིས་གཟིས།། གལ་ཏེ ་དེ་ནི་འབར་གྱུར་ན།། རིག་འཛིན་དཔལ་དང་ལྡན་པར་འགྱུར།། ནམ་མཁའ་ལ་ནི་མྱུར་དུ་འགྲོ། བདེ་བ་ཀུན་དང་ལྡན་པ་ཡི།། རིག་འཛིན་རྣམས་ཀྱི་མཆོག་ཏུ་གྱུར།། གལ་ཏེ་ཟླ་བ་གཟས་བཏང་ལ།། དེ་ཚེ་གྲུབ་པར ་མ་གྱུར་ནའང་།། མཇུག་མ་གང་ཡང་རུང་བ་གཅིག། ལན་ཅིག་ཙམ་ནི་བསྐོར་བས་ཀྱང་།། དཔུང་རྣམས་གནོན་པའི་དངོས་གྲུབ་འབྱུང་།། མྱོས་པས་འགྲངས་པའི་གླང་པོ་དང་།། སྟག་དང་སེང་གེ་ཝ་རྣམས་དང་།། རྟ ་དང་ཤིང་རྟ་བྱ་རྣམས་དང་།། གྲུ་དང་གྲུ་ཆེན་བཞོན་པ་རྣམས།། བསྐོར་ན་ཐམས་ཅད་གནོད་པར་བྱེད།། མནན་པ་དག་ལས་ཐར་བར་ཡང་།། མཇུག་མ་འདིས་ནི་གདོན་མི་ཟ།། དེ་ནས་གཞན་ཡང་རོ ་ལངས་ཀྱིས།། གཟིར་བར་བྱ་བ་གསང་བར་བཤད།། དེ་ནས་ཚིལ་ཆེན་བླངས་ནས་ནི།། དེ་ཡང་ཐོད་པའི་ནང་དུ་བཞག། ཨེ་ཤྭ་མ་ར་དམར་པོ་ཡི།། ཤིང་བལ་འཇམ་པོས་སྙིང་པོ་བྱས།། གདོལ་པའི་མེ་ཡིས་འབར ་བྱས་ནས།། ཉི་མ་ཟླ་བ་གཟས་ཟིན་ཚེ།། ཐོད་པའི་དུད་པ་བླངས་ནས་ནི།། ཟླ་བའམ་ཡང་ན་ཉི་མ་དག། བཏང་གི་བར་དུ་བཟླས་པར་བྱ།། ཡང་ན་ཨརྐའི་ཤིང་བལ་གྱིས།། དེ་ཡི་འོག་ཏུ་ལྕགས་ཐུར་གྱིས།། མིག། ་གཉིས་དག་ནི་བསྐུ་བར་བྱ།། དེ་ལྟར་མིག་གཉིས་བསྐུས་པ་ཡིས།། གང་དག་བལྟས་པ་དེ་དག་ནི།། གཟིར་པར་གྱུར་པ་གདོན་མི་ཟ།། དེ་ནས་གདོང་བཀྲུས་བལྟས་ན་ནི།། སླར་ཡང་དེ་ལས་ཐར་བར་འགྱུར།། དེ ་ནས་གཞན་ཡང་རྨོངས་པ་ནི།། རྨོངས་པར་བྱེད་པའི་མཆོག་བཤད་དོ།། ཨརྐ་ཤིང་གི་རྩ་བ་དང་།། ཀ་ན་ཀ་ཡི་རྩ་བ་དང་།། ཨ་ཤྲ་མ་ར་རུ་རྟ་དང་།། མོ་ཧ་ནི་ཡི་རྩ་བ་དང་།། མ་ཧཱ་ནཱི་ལའི་རྩ་བ་དང་།། ཤར་བུ་ཀར ་ལྡན་བྱས་ཤིང་།། ཡི་དྭགས་མེ་ཏོག་སྙིང་པོར་རྙིད་པའང་ལྡན།། མདུན་སོ་དག་དང་ལྡན་བྱས་ཏེ།། སྐྱེས་པ་དག་གམ་བུད་མེད་ཀྱི།། གསང་དབང་པགས་པ་དང་ལྡན་པ།། བུ་མོ་འདོད་པ་མ་སྤྱད་པས།། མར་གྱི་བརྒྱད་ལ ་ལེགས་པར་བཏག། ཕྱིས་ནི་བུད་མེད་ཁྲག་དག་དང་།། བོང་བུའི་ཁུ་བས་སྦུ་བར་བྱ།། དུར་ཁྲོད་ཐལ་བ་དང་སྦྱར་ཏེ།། དེ་ནས་མར་གྱི་ཚེས་བརྒྱད་ལ།། ཐོག་མར་ཡི་དྭགས་མང་བྲིས་ནས།། རིག་པ་འཛིན་པས་ནུབ ་མོ་བཟླས།། སྟོང་རྩ་བརྒྱད་ནི་ལེགས་བཟླས་ན།། དེ་ནས་རྫས་ནི་འགྲུབ་པར་འགྱུར།། རྨོངས་པར་བྱེད་པའི་ཕྱེ་མ་འདི།། སེམས་ཅན་ཀུན་ལ་སྦྱར་ན་ནི།། དེ་ནས་རྨོངས་པར་བྱེད་པར་འགྱུར།། དེ་ལ་ཐེ་ཚོམ་མི ་བྱའོ།། འཐབ་མོ་དང་ནི་རྩོད་པ་དང་།། རྒྱལ་པོའི་གཡུལ་ངོ་ཆེན་པོ་དང་།། བདག་གི་ཕྱོགས་ནི་བསྲུང་བའི་ཕྱིར།། སྦྱོར་བ་ཤེས་པས་བསྐུལ་བ་ཡི།། རྒྱལ་མཚན་དག་ནི་བསྒྲེང་བ་ནི།། དགྲ་རྣམས་ཀུན་ཏུ་རྨོངས་པར ་འགྱུར།། ཕྱེ་མ་དེ་ཡིས་རེག་ན་ནི།། དེ་མ་ཐག་ཏུ་མི་རྣམས་རྨོངས།། ཚུར་ཞུགས་ན་ནི་ཐར་པར་འགྱུར།། ངེས་པར་གཞན་དུ་མ་ཡིན་ནོ།། དེ་ནས་གཞན་ཡང་དབབ་པ་ཡི།། ཆོ་གའི་མཆོག་ནི་བཤད་པར་བྱ།། ཇི་ལྟར ་འབྱུང་པོ་ཐམས་ཅད་ནི།། མོད་ལ་འབབ་པར་འགྱུར་བའོ།། སྟག་གི་པགས་པ་དང་ལྡན་པར།། སྦྲུལ་གྱི་ཤུན་པར་བཏགས་ནས་ནི།། དུག་དང་ཡུང་བའི་རྩ་བ་དང་།། མོ་ཧ་ན་དང་མ་ལ་ཏི།། ར་ཡི་གཅིན་ལས ་བཏགས་པར་ནི།། དེ་ནས་དེ་དག་རི་ལུ་བྱ།། ཙ་ན་ཀ་ཡི་འབྲས་བུའི་ཚད།། བདུན་ནམ་བརྒྱད་དམ་དགུའམ་ཡང་།། གཞན་ཡང་རི་བོང་ཁྲག་དག་དང་།། གུར་གུམ་ལས་ནི་བཏགས་ནས་སུ།། བདུན་ནམ་བརྒྱད་དམ ་དགུ་དག་ཏུ།། རི་ལུ་སྔ་མ་བཞིན་དུ་བྱ།། དེ་ནས་སྔ་མའི་རི་ལུ་དག། སྔགས་པས་ཐོད་པའི་ནང་དུ་གཞག། མར་གྱི་ཚེས་བརྒྱད་མཚན་མོ་ནི།། བརྒྱ་རྩ་བརྒྱད་དུ་བཟླས་པར་བྱ།། གུར་གུམ་ཅན་ནི་ཨ་རི ་སྟའི།། སྣོད་ནི་གཙང་མར་གཞག་པར་བྱ།། དེ་ནས་སྟོང་རྩ་བརྒྱད་བཟླས་ཏེ།། རྩེ་མོ་རབ་ཏུ་སྦྱར་བར་བྱ།། སྔར་ནི་ལེགས་པར་སྦྱར་བ་ཡི།། རི་ལུ་ཐ་མལ་འདུག་པ་ལ།། བཏབ་ན་མྱུར་དུ་འབབ་པར་ནི།། རིང་པོར ་མི་ཐོགས་གཞན་དུ་མིན།། བབས་ནས་མྱུར་ཏུ་གཏང་བ་ནི།། དེ་ནས་གུར་གུམ་རི་ལུས་བྱའོ།། དེ་ནས་གཞན་ཡང་སྒྲུབ་པ་ཡིས།། དབང་དུ་བྱེད་པ་དག་གི་མཆོག། རིག་པ་འཛིན་པའི་ཡིད་ལས་འབྱུང་།། ལས་ཀྱིས ་ངེས་འགྱུར་བཤད་པར་བྱ།། རཀྟ་ཞེས་ནི་འདིར་གྲགས་པ།། རྩ་བ་རཀྟ་མཱུ་ལི་ཀ། དེ་བླངས་ཤ་ར་པུ་ཀ་དང་།། མི་ལས་བྱུང་བའི་མདུན་སོ་དང་།། ཚུབ་ཆུབ་མས་གཙུབས་པའི་ཤིང་ལོ་ནི།། ལྡིང་ཞིང་ལྷག་དང་བཅས་པ་དག། གཞན་ནུ ་ཞེས་ཀྱང་བྱུང་། མས་བསྐོར་བའི་ལོ་མར་བཅས།། བུང་བ་ཡི་ནི་ལོ་མ་དག། གཞོན་ནུ་མས་ནི་མཚན་མོ་བཏག། དེ་ནས་བདག་གི་སྦྱར་བ་དེ།། ཕྱེ་མ་མཆོག་ནི་ལན་བདུན་དུ།། བདག་གི་ཁུ་བས་སྦུ་བར་བྱ།། དེ་ནས ་བདག་གི་དཀྱིལ་འཁོར་ལ།། པདྨའི་སྙིང་པོ་ལ་གཞུག་ནས།། གཙང་མས་ཀྱང་བཅིངས་ནས་མར་གྱི་ཚེས་བརྒྱད་ལ།། བློ་ལྡན་ལག་པར་བཟུང་ནས་ནི།། སྔགས་ཀྱིས་སྟོང་དུ་གདབ་པར་བྱ།། ཕྱེ་མའི་རྒྱལ་པོ་དབང་བྱེད ་པ།། དེ་ནས་དངོས་གྲུབ་ཐོབ་པར་འགྱུར།། བཟའ་བའམ་ཡང་ན་བཏུང་སྦྱིན་ལ།། ཡང་ན་ཕྱེ་མ་འགམ་པར་བྱ།། ཡང་ན་རླུང་གི་ཕྱོགས་སུ་གཏང་།། ཡང་ན་གོས་ལ་ལན་ཅིག་གདབ།། ཡང་ན་བྱུག་པའམ་སོ་ཡི ་རྩི།། གང་ལའང་དེ་དག་སྦྱར་བྱས་ན།། དེ་ལ་འདིས་ནི་ལན་ཅིག་གིས།། མྱོས་ཤིང་དྲེགས་པའི་དགྲ་དག་ནི།། རྒྱང་རིང་ནས་ཀྱང་དབང་དུ་འགྱུར།། བྲན་བཞིན་དུ་ནི་ལེགས་པར་བྱེད།། ཕྱེ་མ་འདི་ཡིས་རེག་པ ་ནི།། ཤིན་ཏུ་རྗེས་སུ་འབྲེང་བར་འགྱུར།། གལ་ཏེ་རྒྱང་ནི་རིང་པོ་ནས།། ཕྱེ་མས་རེག་པར་མི་འགྱུར་ན།། དེ་ཡི་གཟུགས་བརྙན་བྱས་ནས་ནི།། ཕྱེ་མ་འདི་ཡིས་གདབ་པར་བྱ།། ཞག་བདུན་གྱིས་ནི་རིག་འཛིན ་གྱི།། མིང་ནི་འདི་ཡིས་ཐོས་ནས་ཀྱང་།། བདག་ཉིད་དང་ནི་ནོར་བདག་གི། གདོན་མི་ཟ་བར་དབང་དུ་འགྱུར།། དེ་ནས་སྦྱོར་བ་འབའ་ཞིག་གིས།། འཁོན་པའི་ལས་དག་བཤད་པར་བྱ།། རྨ་བྱའི་མདོངས་ནི་བཟང་པོ ་དང་།། དེ་བཞིན་སྦྲུལ་གྱི་ཤུན་པ་དང་།། རྟ་དང་མ་ཧེའི་སྤུ་དག་དང་།། ཀ་ན་ཀ་ཡི་ས་བོན་དང་།། ཨ་ཤྭ་མ་རའི་མེ་ཏོག་དང་།། དེ་ནས་གླང་པོ་པི་བི་ལིང་།། འདི་རྣམས་ཐམས་ཅད་བསྙམས་བྱས་ཏེ།། བྱི་བ་བྱི་ལའི ་ཁྲག་ལ་བཏབ།། བདག་གི་རུ་ལུ་བསྐམ་པར་བྱ།། བྱས་ནས་ཆོ་ག་ཤེས་པ་ཡིས།། མཚན་མོ་སྟོང་རྩ་བརྒྱད་དུ་བཟླས།། བྱི་བ་དང་ནི་བྱི་ལ་ཡི།། སྤུ་ཡི་བདུག་པས་བདུག་པར་བྱ།། དེ་ནས་སྦྱོར་བ་ཤེས་པ་ཡིས།། ་ནས་རི་ལུ་གཅིག་བླངས་ལ།། གང་དང་འཁོན་པར་བྱ་བ་ནི།། དེ་དག་གཅིག་གི་སྤྱི་བོ་ལ།། རིལ་བུའམ་ཡང་ན་ཕྱེ་མ་དག། འཁོན་པར་གྱུར་པའི་ཕྱིར་གདབ་བོ།། འཁོན་པར་བྱེད་པའི་མཆོག་འདི་ནི།། ་ཁྲོ་བོ་ཉིད་ཀྱིས་གསུངས་པའོ།། དེ་ནས་འདིར་ནི་གསང་བྱ་བ།། ཇི་ལྟར་ཡང་དག་སྦྱོར་ལྡན་པས།། དོགས་པ་མེད་པར་འགྲུབ་འགྱུར་བ།། གསོད་པའི་མཆོག་ནི་བཤད་པར་བྱ།། མི་དབང་རྣམ་པ་དུ་མ་ཡིས།། དཀོན ་མཆོག་གསུམ་ལ་གནོད་བྱེད་པ།། དེ་ལ་སྦྱོར་བ་འདི་སྦྱར་ཏེ།། ངན་སོང་གཞན་ལ་མ་ཡིན་ནོ།། བྱང་ཆུབ་སེམས་དང་ལྡན་པ་ལ།། འགྲུབ་འགྱུར་འདི་ནི་གཞན་དུ་མིན།། འདི་ནི་དེ་བཞིན་གཤེགས་པ་ཡི།། དམ ་ཚིག་ཐམས་ཅད་གྲུབ་སྦྱིན་པ།། ཆོ་ག་འདི་བཞིན་ལེགས་པར་བསྲུང་།། གཞན་དུ་ན་ནི་འགྲུབ་མི་འགྱུར།། དེ་བཞིན་གཤེགས་པའི་དངོས་གྲུབ་ཀུན།། འདོད་ན་སྲོག་ཆགས་ཕན་འདོད་པས།། འོད་དང་འོག་དང་འབྲར ་ཡང་འབྱུང་བའི་དངོས་གྲུབ་ཀྱང་།། མི་བཤོལ་བར་ནི་བསྒྲུབ་པར་བྱ།། ཁྲོ་དང་གཏུམ་པའི་སྤྱོད་པ་དང་།། འདོད་ཕྱིར་གསད་པར་འདོད་པ་དེ།། དེ་བཞིན་གཤེགས་པའི་དངོས་གྲུབ་དག། རྨི་ལམ་དུ་ཡང་ག་ལ ་འབྱུང་།། སྙིང་རྗེ་བཟོད་དང་དེ་བཞིན་བྱམས།། རང་བཞིན་གྱིས་ནི་སྙིང་རྗེ་ཅན།། འདི་སྐད་གསུངས་པའི་སྔགས་པ་ནི།། བྱང་ཆུབ་སེམས་ནི་འབའ་ཞིག་སེམས།། དེ་བཞིན་གཤེགས་པའི་དངོས་གྲུབ་ཀུན།། གདོན ་མི་ཟ་བར་དེ་ལ་འགྲུབ།། གདུག་པ་རྣམས་ནི་འདུལ་བ་ཡི།། སྦྱོར་བ་འདི་ནི་ཀུན་ཏུ་གསུངས།། དཀོན་མཆོག་གསུམ་ལ་ཆེར་གནོད་ལ།། བྱ་བར་བཤད་ཀྱིས་གཞན་དུ་མིན།། སེམས་གདུག་བསྒྲུབ་པར་བྱ་བ ་ཡི།། རྐང་པའི་རྗེས་ཀྱིས་བླངས་ལ།། དེ་ནས་གཙང་མར་མ་ཧེ་ཡི།། གཅིན་གྱིས་དེ་ནི་སྤྲས་ནས་ཀྱང་།། དེ་ཡི་གཟུགས་བརྙན་བྱས་ནས་ནི།། དུར་ཁྲོད་ཐལ་བས་བསྐུ་བར་བྱ།། སོལ་བ་ཚེར་མ་རྣོན་པོ་དང་།། དེ ་བཞིན་རུས་པ་ཕུབ་མ་དག། དེ་ཡི་སྙིང་གར་དགང་བར་བྱ།། དེ་བཞིན་གཞན་ཡང་ལྟོ་བ་དང་།། རྣ་བ་སྣ་དང་མིག་དང་ཁ།། རབ་ཏུ་བཀང་ནས་གསང་སར་ཡང་གསང་བར་གཞག། བཞག་པ་རྐང་པ་གཡོན་པས ་མནན།། དེ་ནས་བུ་དོན་སྐུ་གཟུགས་ལ།། གཞན་ཡང་རོ་ལངས་ཞི་བའི་སྔགས།། ཕྱིན་ཅི་ལོག་ཏུ་བཟློག་ནས་ནི།། བསྒྲུབ་པར་བྱ་བའི་མིང་སྨོས་ནས།། སྒྲུབ་པ་སྟོང་རྩ་བརྒྱད་དུ་བཟླས།། བཟློག་པའི་རིམ་པ་ཉིད་ཀྱི ་ནི།། ཕཊ་གཉིས་དག་གི་བར་དུ་གཞུག། ལས་འདི་བྱས་པས་ངེས་པར་ནི།། བསྒྲུབ་པར་བྱ་བ་སྤོས་གྱུར་ནས།། ངེས་པར་འཆི་བདག་དབང་དུ་འགྱུར།། བློ་དང་ལྡན་པས་བསྒྲུབ་བྱ་ཡི།། དྲེགས་པ་དེ་ལྟར་བསལ་བྱས ་ནས།། ནད་ཀུན་གྱིས་ནི་བཏབ་པ་དེ།། དེ་ནས་སླར་ཡང་ཐར་བར་བྱ།། གཞན་དུ་བྱས་ན་མོད་ལ་ནི།། ངེས་པར་འཆི་བདག་དྲུང་དུ་འགྲོ།། དཀོན་མཆོག་གསུམ་ནི་བསྲུང་བའི་ཕྱིར།། གནོད་པར་བྱེད་པ་ཐམས་ཅད ་ལ།། ནད་ལ་སོགས་པ་སྦྱར་ན་ཡང་།། འཆི་བ་གྱུར་པ་འདི་བཤད་དོ།། དམ་ཚིག་བཤེས་ལ་མི་བྱ་སྟེ།། གལ་ཏེ་བྱས་ན་བདག་ཉིད་འཆི།། བསྐྲད་པར་བྱ་བའི་ཆོ་ག་ཡང་།། འཇམ་དབྱངས་རབ་ཏུ་དཔའ ་བོ་ཡི། ཁྲོ་བོ་ཉིད་ཀྱི་ཇི་སྐད་དུ།། གསུངས་པ་དེ་ནི་བཤད་པར་བྱ།། སེང་ལྡེང་ལས་བྱས་ཕུར་པ་ནི།། སོར་བརྒྱད་ཚད་དུ་བྱས་པ་ལ།། ཉུང་མར་ཚ་བས་བྱུགས་ནས་ནི།། དུར་ཁྲོད་ཐལ་བས་གདབ་པར་བྱ།། དེ་ནས ་ཁྭ་ནི་རང་ཤི་བའི།། པགས་པ་དག་གིས་དཀྲི་བར་བྱ།། སྒྲུབ་པོས་ནུབ་མོ་ཕུར་བུ་དེ།། སྐུད་པ་དམར་པོས་བཅིངས་ནས་ནི།། དེ་ནས་རོ་ལངས་ཕྱག་རྒྱ་ནི།། སྐྲོད་ཅིག་པ་ཡི་ཚིག་ལྡན་པས།། བསྒྲུབ་པར་བྱ་བའི་མིང ་སྨོས་ཏེ།། མཁས་པས་སྟོང་རྩ་བརྒྱད་དུ་བཟླས།། དེ་ནས་བསྐྲད་པར་འདོད་པ་ཡི།། བསྒྲུབ་པར་བྱ་བའི་སྒོ་གར་ནི།། ཕུར་བུ་དེ་ནི་གདབ་པར་བྱ།། དེ་ནི་སྐྲོད་པའི་མཆོག་ཏུ་གསུངས།། འོན་ཏེ་བརྒྱ་བྱིན་སྟོབས་ལྡན ་པའི།། བསྒྲུབ་པར་བྱ་བའང་བསྐྲད་པར་འགྱུར།། དེ་ནས་གཞན་ཡང་གཅིག་ལ་གཅིག། འཐབ་དང་རྩོད་པར་བྱ་བ་ནི།། དཀོན་མཆོག་གསུམ་ལ་གནོད་བྱེད་པར།། རིག་ནས་ཇི་ལྟར་འདོད་པར་ནི།། དེ་དག་རང་གི ་ཕྱོགས་འཁྲུག་པར།། སྔགས་པས་ཇི་སྐད་གསུངས་བཞིན་བྱ།། བ་ར་ཧི་དང་རི་ཙེ་ར།། པ་ཏྲ་དང་ནི་ཀེ་ཤི་ནི།། དེ་བཞིན་ཐ་མ་པུ་ཀ་རི།། ཡང་དག་བྱང་ཆུབ་རབ་ཞུགས་པ།། མཐུ་ཆེན་སྨན་ནི་འདི་རྣམས་ལས།། གང ་ཡང་རུང་བ་གཅིག་བླངས་ཏེ།། ལོ་མ་རླུང་གིས་བཏབ་པར་སྦྱར།། དེ་བཞིན་པ་ལ་ཏ་ཀ་དང་།། གོ་སྙོད་ནག་པོ་ལྡོང་རོས་དག། འདི་དག་བཏགས་ཏེ་ཕྱེ་མར་བྱས།། མི་ཡི་ཚིལ་གྱིས་སྦྲུས་ནས་སུ།། རོ་ལངས་སྟོང་རྩ ་བརྒྱད་དུ་བཟླས།། ནམ་ལངས་པར་ནི་གྱུར་པ་དང་།། གདུག་པ་འཁྲུག་པར་བྱེད་ཅེས་བྱ།། གང་གི་མནམས་པ་དེ་དག་ནི།། རང་གི་ཕྱོགས་རྣམས་ཕན་ཚུན་འཁྲུག། གཅིག་ལ་གཅིག་ཀྱང་འཐབ་པར་འགྱུར།། དགྲ་བོ ་གསར་འགྱུར་ལ་རྐང་པ་འདི་མི་འདུག་རྒྱུད་འདི་གར་བྱུང་བར།། ཡུལ་འཁོར་དང་ནི་གྲོང་ཁྱེར་དང་།། དཔུང་ལ་གནོན་པར་བྱ་བའི་ཕྱིར།། ཕན་ཚུན་རྩོད་པར་བྱེད་པ་ཡི།། གདུག་པ་འདི་ནི་སྦྱར་བར་བྱ།། ཕན་ཚུན་གསོད་ཅིང ་འཐབ་པ་དག། ཅི་རིགས་བསྟན་པ་འདི་ཡིན་ནོ།། དེ་ནས་གཞན་ཡང་མིག་འཕྲུལ་གྱིས།། ཆོ་ག་ཚུལ་བཞིན་བཤད་པར་བྱ།། མི་འཕྲུལ་དངོས་པོ་འགྲུབ་པར་འགྱུར།། མི་ཟོད་བཟང་པོ་ཐལ་བ་དང་།། རི་བོང་གི་ནི། ་ཁྲག་བླངས་ཏེ།། ཡི་དྭགས་ཕལ་ཆེན་དཀྱིལ་འཁོར་ནི།། དུར་ཁྲོད་དག་གིས་ཐལ་བ་ཡིས།། ཇི་སྐད་གསུངས་པར་བྲི་བ་བྱ།། དེ་ཡི་ནང་དུ་རོ་ལངས་ལ།། མཆོད་པ་ཆེན་པོ་བྱས་ནས་ནི།། དེར་ཡང་ལྷོ་ཕྱོགས་སྒོ་དག ་ཏུ།། ཞུགས་ཐབས། ཐབ།། ཏུ་ནི་མེ་བུས་ཏེ།། དེ་ནས་ཐལ་བ་དེ་ལ་ནི།། མར་གྱིས་བྱུག་ཅིང་བདུག་ཏེ་ཡང་སྦྱིན་སྲེག་བྱ།། དེ་ནས་ཐལ་བ་དེ་ལ་ཡང་།། སྟོང་རྩ་བརྒྱད་དུ་བཟླས་བྱས་ཏེ།། སྟོང་རྩ་བརྒྱད་པོ་དེ་ཉིད ་ཀྱིས།། ནམ་ལངས་ནས་ནི་ངེས་པར་ཡང་།། མཁས་པས་མིག་འཕྲུལ་རྩེད་མོ་རྣམས།། ཐུལ་བ་དེས་ནི་བྱེད་པར་འགྱུར།། མེ་ཏོག་དཀར་པོར་ཐལ་བ་དེས།། ལན་རེ་དག་ཏུ་བསྐུས་ནས་ནི།། ནམ ་མཁར་གཏོར་ན་ངེས་པར་ཡང་།། རྫོགས་པའི་སངས་རྒྱས་སྟོན་པར་འགྱུར།། ཐལ་བ་དེ་ཡིས་སྔ་མ་བཞིན།། མེ་ཏོག་སེར་པོ་ལ་བསྐུས་ཏེ།། དེ་བཞིན་ནམ་མཁའ་ལ་གཏོར་ན།། འདོད་ཆགས་བྲལ་བ་སྟོང་དག ་དང་།། ཉིད་ཀྱི་གནས་བཅས་སངས་རྒྱས་ཀུན།། སྟོན་པར་བྱེད་དེ་གཞན་དུ་མིན།། མེ་ཏོག་དམར་པོས་འཇིག་རྟེན་པའི།། ལྷ་རྣམས་ཀུན་གྱིས་སྔ་མ་བཞིན།། གང་དང་གང་གིས་འདོད་པ་དག། ཡིད་ཀྱིས་བསམ་པ ་སྟོན་པར་བྱེད།། མེ་ཏོག་སྔོན་པོས་དེ་བཞིན་དུ།། གནོད་སྦྱིན་སྲིན་པོ་སྔ་མ་བཞིན།། ཡི་དྭགས་མཁའ་འགྲོ་གྲུལ་བུམ་དང་།། ཡང་ན་གང་དང་གང་འདོད་པའོ།། ཆུ་ལ་ལན་བདུན་བཟླས་ནས་ནི།། གྱེན་དུ་གཏོར་ན ་ངེས་པར་ཡང་།། མིག་འཕྲུལ་སླར་ནི་བསྡུ་བར་བྱ།། ཡང་ན་ཁུ་ཚུར་བཅངས་ནས་སུ། ཁྭ་ཡི་འདབ་མ་བདུན་དག་ལ།། མི་ཡི་རུས་པའི་ཡུ་བར་བཅིངས།། དེ་ལ་ཐལ་བ་དེ་བསྐུས་ཏེ།། མིག་འཕྲུལ་བསམ་པ་ཅི་འདོད ་པར།། ཚོགས་ཀྱི་ནང་དུ་བསྐོར་ནས་ནི།། མཚོ་དང་རྒྱ་མཚོ་བརྒལ་པ་དང་།། དེ་བཞིན་ཁང་པ་རྙིང་པ་དང་།། གཡུལ་དག་འཁྲུག་ཅིང་འཆི་བ་དང་།། ལྟད་མོ་ཆེན་པོའི་མཆོག་རྣམས་ནི།། རབ་ཏུ་སྦྱར་བས་སྟོན་པར ་འགྱུར།། ཁུ་ཚུར་གྱིས་ནི་དེ་བཞིན་དུ།། ས་ཡི་འོག་ཀྱང་སྟོན་པ་དང་།། འགྲོ་བ་མང་པོ་འདུ་བ་དང་།། གྱེན་དུ་འགྲོ་བ་དེ་བཞིན་འགྲུབ།། རང་གི་དཔུང་དང་རྒྱ་མཚོ་འཁྲུགས།། མཇུག་མ་དེ་དང་ཐལ་བ་ཡིས།། གཞན ་ཡང་གང་དང་གང་འདོད་པ།། དེ་དག་ངེས་པར་བྱེད་པར་འགྱུར། ཁུ་ཚུར་བཅངས་པས་དེ་བཞིན་སྡུད།། དེ་ལྟར་མིག་འཕྲུལ་མདོར་བསྡུས་པ།། ཇི་སྐད་གསུངས་པ་བཤད་པ་ཡིན།། རོ་ལངས་དེ་ཡི་ངོ་བོ་ཉིད།། ཞི ་བའི་ཕྱིར་ནི་ཚུལ་བཞིན་བཟླས།། བདག་གམ་འོན་ཏེ་གཞན་ཡང་རུང་།། བསྒྲུབ་བྱ་ཞི་བའི་ཚིག་སྨོས་ཏེ།། སྟོང་རྩ་བརྒྱད་དུ་བཟླས་བྱས་ཏེ།། མེ་ཏོག་དཀར་པོ་བཟང་པོ་ནི།། གསུང་ཞིམ་ཡིད་དུ་འོང་བ་དག། ཙནྡན ་དཀར་པོའི་ཆུས་བཏབ་སྟེ།། རྒྱ་མཚོར་འགྲོ་བའི་ཆུ་ནང་དུ།། ཞུགས་ནས་རེ་རེ་ལ་བཟླས་ཤིང་།། བརྒྱ་རྩ་བརྒྱད་ནི་དོར་བར་བྱ།། འོན་ཏམ་བདག་གམ་གཞན་ཡང་རུང་།། ཚུགས་པ་མེད་པར་ཞི་བར་འགྱུར།། རྒྱལ ་པོའི་ཡུལ་ལམ་ལྡོངས་དག་གམ།། གྲོང་ངམ་ཡང་ན་གྲོང་བདག་དག། ཞི་བའི་ལས་དེ་བྱས་པ་ཡི།། ཞི་བར་འགྱུར་བར་གདོན་མི་ཟ།། དེ་ནས་རྒྱས་པའི་ལས་རྣམས་བྱའི།། ཚུལ་བཞིན་དུ་ནི་བཤད་པར་བྱ།། མཆོད ་རྟེན་མཆོད་པ་སྣ་ཚོགས་པ།། བྱས་ནས་དེ་ཡི་མདུན་འདུག་སྟེ།། རོ་ལངས་ཕྱག་རྒྱ་ཆེན་པོས་ནི།། རྫོགས་སངས་རྒྱས་ཀྱི་མཆོད་པ་བཟླས།། གལ་ཏེ་མཆོད་རྟེན་རིང་བསྲེལ་ཅན།། ཡིན་ན་དེ་མ་ཐག ་ཏུ་འགྱུར།། བསྒྲུབ་བྱའི་མིང་སྤོས་བཟླས་ནས་ནི།། སྐྱེས་པའམ་བུད་མེད་རྒྱས་པར་འགྱུར།། དམ་ཆོས་མཆོད་རྟེན་མདུན་དུ་ནི།། ཆོ་ག་བཞིན་དུ་ཁྲི་བཟླས་ན།། ཇི་སྲིད་རྒྱས་པར་གྱུར་གྱི་བར།། ཇི་སྲིད ་རྒྱས་ཕྱིར་རིམ་གྱིས་བཟླས།། དེ་བཞིན་གཤེགས་པ་མཆོད་པ་དག། མཁས་པས་མཆོད་རྟེན་ཀུན་ལ་བྱ།། རིང་བསྲེལ་ཅན་ལ་ཆོ་ག་བཞིན། ཁྱད་པར་དུ་ནི་བཤད་པར་བྱ།། ཐོག་མར་མཆོད་རྟེན་དྲུང་དུ་ནི།། མཁས ་པ་དག་གིས་དཀྱིལ་འཁོར་བྱ།། དེ་ནས་དེར་ནི་མེ་ཏོག་དག། ཤིན་ཏུ་ཡིད་འོང་དགྲམ་པར་བྱ།། མེ་མར་རབ་ཏུ་འབར་བ་བརྒྱད།། མཁས་པས་དེ་ལ་དབུལ་བར་བྱ།། ཤིན་ཏུ་ཡིད་འོང་ཆུ་དང་བཅས།། སྣ་ཚོགས་པ ་ཡི་བཤོས་ཕུལ་ནས།། གུ་གུལ་བདུག་པ་ཕུལ་ནས་ནི།། བྱང་ཆུབ་སེམས་དང་ལྡན་པ་ཡིས།། དེ་བཞིན་གཤེགས་པ་ཐམས་ཅད་ལ།། ཞེ་སར་བཅས་པའི་ཕྱག་བྱས་ནས།། མཆོད་རྟེན་ལ་ནི་མངོན་ཕྱོགས་ཏེ།། ཞི་དང ་རྒྱས་ཕྱིར་བཟླས་པ་བྱ།། དམ་པའི་ཆོས་ནི་བཀླག་པ་དང་།། དུས་གསུམ་དུ་ཡང་མཆོད་རྟེན་བྱ།། དེ་ལྟར་ཉིན་མཚན་བྱེད་བྱས་ན།། ཞི་བ་དང་ནི་རྒྱས་པར་འགྱུར།། རྒྱས་པའི་ལས་ནི་བཤད་ཟིན་ཏོ།། གཞན་ཡང་སྒྲུབ ་པ་པོ་ལ་ནི།། འཇིག་རྟེན་ཐམས་ཅད་ངེས་པར་ཡང་།། དགའ་བར་འགྱུར་བ་བཤད་པར་བྱ།། ཇི་སྲིད་མ་ལ་བུ་སྡུག་པ།། དེ་འདིར་དེ་བཞིན་གཞན་དུ་མིན།། མཁས་པ་ཡིས་ནི་གི་ཧང་དང་།། ངེས་པ་བདག་གི་ཁྲག ་དང་སྦྱར།། ལན་གྲངས་མང་དུ་སྦྱར་ནས་ཀྱང་།། མཁས་པ་ཡིས་ནི་ཐོད་པར་གཞག། དེ་ནས་ཟླ་བ་གཟས་ཟིན་ཚེ།། ཟླ་བ་ལ་ནི་མིག་བལྟ་ཞིང་།། བཏང་གི་བར་དུ་ལེག་པར་བཟླས། ནང་། ནངས་པར་བདག་གི ་དཔྲལ་བ་ལ།། ཐིག་ལེ་གཅིག་ནི་བྱས་ནས་སུ།། དེ་ནས་རྒྱལ་པོའི་འཁོར་དུ་འགྲོ།། འགྲོ་བ་དབང་མེད་སྦྱོར་བ་འདི།། མདོ་རུ་བསྡུས་ནས་བཤད་པ་སྟེ།། རྒྱུ་དང་མི་རྒྱུའི་འཇིག་རྟེན་དག། མཐོང་བ་ཡིས་ནི་དགའ ་བར་འགྱུར།། འདིས་ནི་འཇིག་རྟེན་པ་རྣམས་ཀུན།། དགའ་བར་བྱེད་པ་བསྟན་པ་ཡིན།། དེ་ནས་དགུག་པའི་ཆོ་ག་ཡང་།། འཇམ་དབྱངས་མགོན་པོས་གཅིག་པུ་ཡིས། ཁྲོ་བོའི་ཞལ་ནས་གསུངས་པ་དག། མདོ་རུ ་བསྡུས་ནས་བཤད་པར་བྱ།། བུད་མེད་བུ་མོ་ཤི་བའི་སྐུ།། མར་གྱི་བརྒྱད་ལ་ནན་ཏན་དུ།། ཞགས་པ་ལེགས་པར་བཀལ་བྱ་སྟེ།། དེ་ནས་ཐོད་པའི་ནང་དུ་གཞུག། དེ་ནས་ཟླ་བ་གཟས་ཟིན་པར།། འགྱུར་བའི་བར་དུ ་ཉིན་རེ་བཟླ།། ཟླ་བ་གཟས་ཟིན་གྱུར་པ་དང་།། ཆུ་འགྲིམ། འགྲམ། གཙང་མ་དག་ཏུ་ནི།། དེ་ཚེ་ཡི་དྭགས་ཕལ་ཆེན་གྱི།། དཀྱིལ་འཁོར་དེར་བྲིས་མཆོད་པར་བྱ། ཁྲོ་བོ་གཙོ་བོ་དཔུང་ལྡན་པའི།། རོ་ལངས་ཁྲོ་བོར ་ལྡན་པ་ལ།། གཏོར་མ་རྒྱ་ཆེན་བྱས་ནས་ནི།། དེ་ནས་ཕྱི་རོལ་འབྱུང་པོ་ལའོ།། དེ་ནས་དེ་ལ་ལག་གིས་མནན།། མི་ཐོད་ནང་དུ་འདུག་པ་ཡི།། ཞགས་པ་ཇི་སྲིད་གཡོ་ཡི་བར།། ཟླ་བ་ལ་བལྟས་བཟླས་བརྗོད་བྱ།། དེ ་ནས་གྱེན་དུ་འཕར་ན་ནི།། བསྒྲུབ་པ་དེ་ནི་འགྲུབ་པར་འགྱུར།། དེ་ཚེ་ཞགས་པ་དེ་བླངས་ནས།། འཇིག་རྟེན་ལྷ་རྣམས་སྐད་ཅིག་གིས།། བསམ་པ་དེ་ཡིས་དྲངས་ནས་ནི།། དེ་ནས་རིག་པ་འཛིན ་པ་ཡི།། ཡིད་ཀྱི་བསམ་པའམ་ཚིག་གིས་ཀྱང་།། གང་དང་གང་འདོད་ལེགས་པར་བྱེད།། བརྒྱ་བྱིན་ལ་སོགས་ལྷ་རྣམས་ཀྱང་།། དེ་བཞིན་བཀའ་བཞིན་ངེས་པར་བྱེད།། སྐད་ཅིག་གིས་ནི་ནམ་མཁའ་ལས།། རྫུ ་འཕྲུལ་ཆེ་དང་ལྡན་པ་དག། ཞགས་པ་དེས་ནི་དྲངས་ནས་སུ།། འདོད་པའི་མཆོག་ནི་རབ་ཏུ་འབུལ།། གནོད་སྦྱིན་མོའམ་དྲི་ཟ་མོ།། ཡང་ན་ལྷ་ཡི་བུ་མོ་དག། བདག་གི་དྲུང་དུ་སྐད་ཅིག་གིས།། ཞགས་པ་དེས་ནི ་དྲངས་ནས་སུ།། དེ་ནས་རིག་འཛིན་མཆོག་གི་ནི།། ཡིད་དུ་འོང་བའི་ལས་རྣམས་བྱེད།། གལ་ཏེ་བསྒྲུབ་པ་དམན་པ་དག། འདོད་པས་གདུངས་པར་གྱུར་ན་ནི།། དེ་ཚེ་ཞགས་པ་དེ་ཉིད་ཀྱིས།། ལྷ་ཡི་བུ་མོ་བཀུག་ནས ་སུ།། དོགས་པ་མེད་པར་བསྟེན་པར་བྱ།། འདོད་པས་གདུངས་ཀྱང་བུད་མེད་མིན།། དགའ་དང་མྱ་ངན་གྱིས་གདུངས་དམན།། ནད་དང་འཚེ་བས་སྨ་དབབ་པ།། གཅིན་དང་རྡུལ་དང་དྲི་མ་ཅན།། མི་ཡི་བུད་མེད་རྟག ་ཏུ་སྤང་།། གལ་ཏེ་འདོད་པས་གདུངས་གྱུར་ན།། ལྷ་ཡི་བུ་མོ་བསྟེན་པར་བྱ།། འོན་ཏེ་སེམས་དཔའ་ཆེན་པོ་དེ།། དེ་ཚེ་བརྩེ་དང་ལྡན་པ་ཡིས།། ལྷ་ཡི་དབང་ཕྱུག་དགེ་བ་དང་།། གནོད་སྦྱིན་གདུག་པ་དག་གིས ་བསྐོར།། རང་གི་གཞལ་ཡས་ཁང་བཟངས་ན།། འདུག་ཅིང་གང་དུ་འདོད་པར་འགྲོ།། གཞན་མེད་ཁང་ནི་བཟང་པོ་དག། ལྷ་རྣམས་དེ་ལ་རབ་ཏུ་འབུལ།། ར་སྭ་ཡ་ན་མང་པོ་དང་།། དཔག་བསམ་ཤིང་གི་འབྲས་བུ ་དང་།། ལྷ་ཡི་དབང་ཕྱུག་མཉམ་ལྡན་པ།། དོགས་པ་མེད་པར་འཐོབ་པར་འགྱུར།། བཀྲེས་སྐོམ་ནད་ལས་ངེས་པར་ཐར།། རིག་པ་འཛིན་པ་ཀུན་གྱིས་མཆོད།། ཞགས་པ་འགུལ་ལམ་གཡོས་པས་ནི།། དངོས་གྲུབ ་འདི་འདྲ་ཐོབ་པར་འགྱུར།། འགུལ་ལམ་གཡོས་སམ་བཤད་པ་དག། གལ་ཏེ་གྲུབ་པར་མ་གྱུར་ན།། མ་གྲུབ་པ་ཡི་ཞགས་པས་ཀྱང་།། འཇིག་རྟེན་པ་ཡི་ལས་རྣམས་བྱ།། སྐྱེས་པའམ་ཡང་ན་བུད་མེད་དག། ཡིད་ལ ་འདོད་པ་བསམས་ནས་ཀྱང་།། མཚན་མོ་ཞགས་པ་དེ་བརྐྱངས་ཏེ།། དེ་ནི་དེ་ལའང་ཕྱོགས་ནས་བཟླས།། བསྒྲུབ་བྱའི་མིང་གི་ཚོགས་དང་བཅས།། དེ་ནི་ཚིག་གི་འཇུག་ཏུ་སྦྱར།། ཞགས་པ་གང་དུ་འདུག་པ ་དེར།། ནམ་མཁའ་ལས་ནི་བྱ་བཞིན་དུ།། བདག་གི་དྲུང་དུ་སྐད་ཅིག་གིས།། ཐེ་ཚོམ་མེད་པར་འོང་བར་འགྱུར།། མི་དབང་སླས་དང་བཅས་པའམ།། ཡང་ན་སྐྱེ་བོ་ཕལ་པའམ།། བ་ལང་དང་ནི་ཤིང་རྟ་དང་།། འབྲས ་བུ་མེ་ཏོག་གང་ཡང་རུང་།། དེ་བཞིན་འདོད་པའི་རྫས་དག་ཀྱང་།། མཐོང་ངམ་ཡང་ན་ཐོས་པའང་རུང་།། དེ་ཡི་མིང་ཚིག་བསྐུལ་བ་དང་།། དེ་ཚེ་དེས་ནི་འགུགས་པར་འགྱུར།། ཡུལ་གཞན་དག་ན་གནས་པ ་ནི།། དཔག་ཚད་བརྒྱ་ན་འདུག་པ་ཡང་།། དམ་ཚིག་དེ་དག་བསྐུལ་ན་ནི།། ཞགས་པ་དེས་ནི་ངེས་པར་ཁུགས།། འདི་ནི་ཞགས་པའི་ལས་རྣམས་གང་།། གྲུབ་པ་དང་ནི་མ་གྲུབ་པ། ཁྲོ་བོ་རྣམ་རྒྱལ་རྟོག ་འཛིན་ལས། ཁྲོ་བོས་གསུངས་པའི་རོ་ལངས་ལས།། ལྷ་དང་ལྷ་མི་གཉིས་ཀ་ཡང་།། དགུག་པའི་ཆོ་ག་གསུངས་པ་སྟེ།། རོ་ལངས་སྟོན་པ་འདི་དག་ནི།། ཚུལ་གྱིས་རིམ་གྱིས་བཤད་པའོ།། ཁྲོ་བོ་རྣམ་པར་རྒྱལ་བའི ་འཇམ་དཔལ་གྱི་རྩ་བའི་རྟོག་པ་ལས། རོ་ལངས་ཀྱི་རྟོག་པར་གཏོགས་པའི་ལེའུ་སྟེ་དྲུག་པའོ།། །། དེ་ནས་རོ་ལངས་རྟོག་པའི་མཆོག། རིག་པ་འཛིན་པ་རྣམས་ལ་ནི།། དངོས་གྲུབ་ཞི་བ་མཆོག་སྟེར་བ།། ཚུལ ་བཞིན་མདོར་བསྡུས་བཤད་པ་ཡིན།། དེ་ནས་ཁྲོ་བོ་གཙོ་བོ་ཡི།། རྟོག་པ་རྨད་དུ་བྱུང་བའི་མཆོག་ཁྲོ་བོའི་པདྨའི་ཞལ་ནས་བྱུང་།། ཡང་དག་རྒྱས་པར་བཤད་པར་བྱ།། སྔགས་ཀྱི་གྲངས་ནི་བཅུ་བདུན་པའོ།། ཁྲོ་བོ་ཉིད ་ཀྱིས་གསུངས་པ་གང་།། ཐོས་པ་ཙམ་གྱི་མོད་ལ་ཡང་།། ལྷ་དག་ཀུན་ཏུ་རྨོངས་འགྱུར་བ།། འཇམ་དཔལ་དབྱངས་ཀྱིས་རབ་བསྐུལ་བ། ཁྲོ་བོ་དེ་ཉིད་འབར་བ་ཡི།། སྟོང་པ་གསར་འགྱུར་ལ་མེད་འདི་ལ་ཡང་དག ་པར།། བཟླས་པའི་གྲངས་ནི་ངེས་པ་དག། ཆོ་ག་བཞིན་དུ་བཤད་པར་བྱ།། ཐོག་མར་དྲུག་འབུམ་བཟླས་པ་ནི།། སྔོན་དུ་བསྙེན་པ་བྱས་པར་འགྱུར།། དེ་ནས་རི་མོའི་ཆོ་ག་ཡིས།། ཕྱིས་ཀྱང་དྲུག་འབུམ་བཟླས་པར ་བྱ།། དེ་བཞིན་རི་རྩེར་འབུམ་བཟླས་ན།། འགྲུབ་པར་འགྱུར་ཏེ་གཞན་དུ་མིན།། ཕྱིས་ནི་མཁས་པས་ཅི་འདོད་པར།། སྒྲུབ་པ་ལ་ནི་འཇུག་པར་བྱ།། དེ་ནས་ཁྲོ་བོ་རྣམ་རྒྱལ་གྱི།། མངོན་དུ་བསྙེན་པ་ལ་སོགས ་རྣམས།། སྒྲུབ་པ་པོ་ལ་ཕན་པའི་ཕྱིར།། ཆོ་ག་མདོར་ནི་བཤད་པར་བྱ།། གཅིག་ཏུ་དཔའ་བའི་ཁྲོ་བོ་ཉིད།། བདུད་རྣམས་ཐམས་ཅད་ཚར་གཅོད་པ།། དངོས་གྲུབ་ཐམས་ཅད་རབ་སྩོལ་ཅིང་།། འཚེ་བ་ཐམས་ཅད་རབ ་གསལ་བ།། ཐོག་མར་ཁྲོ་བོའི་རྒྱལ་པོ་ཡི། ཁྲུས་ཀྱི་ཆོ་ག་ཉིན་རེ་བྱ།། དེས་ན་ཁྲོ་བོ་བསྐུལ་བ་ཡིས།། བསྲུང་བ་རང་གི་ལུས་ལ་བྱ།། བྷཾ་གྱི་ས་བོན་ལས་བྱུང་བའི།། ཡིད་ཀྱིས་པདྨའི་སྟན་ལ་འདུག། བདག་ཉིད་དེ་ཡི ་སྟེང་དུ་ཡང་།། ས་བོན་ཧཱུཾ་ལས་གྱུར་པའི་སྐུ།། བསྒོམ་པར་བྱས་ཏེ་བརྟགས་ནས་ཀྱང་།། བདག་གི་སྤྱི་བོར་ཡི་གེ་ཨོཾ།། མིག་གཉིས་སུ་ནི་ཡི་གེ་ཨཱཿ།། བསྲུང་བར་བྱས་ཏེ་དེ་ནས་ཡང་།། སྔགས་ནི་ཡི་གེ་བཅུ་བདུན ་པ།། བཟླས་ཏེ་དེ་བཞིན་གཤེགས་དྲན་ནས།། རང་གི་ལུས་ལ་སྔར་བཞག་པའི།། སྙིང་གར་ཡི་གེ་ཧཱུཾ་གཞག་བྱ།། དེ་ནས་ཁྲོ་བོའི་མཚོགས་མ་ཡིས།། བདག་གི་མཚོགས་མར་རེག་པར་བྱ།། ཁྲོ་བོའི་སྤྱི་གཙུག་དཔྲལ ་བ་སྟེ།། ཕྱིས་ནི་གཙུག་ཏུ་གཞག་པར་བྱ།། དེ་ནས་ལུས་ལ་གོ་ཆ་ཡང་།། ལག་པས་གོ་ཆ་བཞིན་དུ་བྱ།། དེ་ནས་བདག་གི་ལག་གཉིས་ལ།། བློ་དང་ལྡན་པས་མཚོན་ཆ་དགོད།། རང་གི་དམ་ཚིག་ལྡན་པའི ་རྒྱ།། མཁས་པས་ཆོ་ག་བཞིན་བཅིངས་ནས། ཁྲོ་བོའི་གཙོ་ཟེ་རོ་ལངས་ནི།། བདག་གི་སྙིང་གར་གཞག་པར་བྱ།། དེ་བཞིན་བེ་ཅོན་ཕྱག་རྒྱ་ཡང་།། ཤིན་ཏུ་དྲག་པའི་མཚོན་ཆའི་གནས།། ལག་པ ་གཡས་པས་བཅིངས་ནས་ནི། ཁྲོ་བོའི་ཆོ་ག་ལ་འཇུག་བྱ། ཁྲོ་བོའི་མཆོད་པ་བཤད་པ་ནི།། འདོད་པ་ཐམས་ཅད་སྟེར་བར་བྱེད།། ཡི་དྭགས་ཕལ་ཆེན་དཀྱིལ་འཁོར་ནི།། གཞན་ཡང་རྟག་པར་སྐུ་གཟུགས་དང་།། ཇི ་སྲིད་བསྟན་པའི་རི་མོ་ལ།། ཡིད་ཀྱིས་མཆོད་པ་བྱ་བར་བསྒྲགས།། ལྷ་ཡི་མེ་ཏོག་དྲི་ཞིམ་པས།། བིལ་བའི་ལོ་མ་བཟང་པོ་དང་།། སྤོས་ཆུ་དག་གིས་ས་ལའམ།། ཡང་ན་སྐུ་གཟུགས་དག་ལ་མཆོད།། དགོས་པ་ཀུན་གྱི ་དོན་སྒྲུབ་པ།། སྐུ་གཟུགས་མཚན་ཉིད་བཤད་པར་བྱ།། སྔར་བསྙེན་ཆོ་ག་བཞིན་དུ་བྱས།། དེ་ནས་སྐུ་གཟུགས་བྱེད་དུ་གཞུག། གསེར་རམ་ཡང་ན་དངུལ་ཡང་རུང་།། དེ་བཞིན་འཁར་བའམ་ཟངས་ལ་བྱ།། ར་གན ་ཨིནྡྲ་ནཱི་ལ་དང་།། མཆིང་བུ་ཤེལ་དང་རིན་ཆེན་ཏེ།། རྒྱལ་སྲིད་འདོད་པས་གསེར་ལ་བྱ།། ལོངས་སྤྱོད་འདོད་པས་དངུལ་ལ་བྱ།། ནད་རྣམས་བཤིག་ཕྱིར་འཁར་བར་བྱ།། ཟངས་ནི་འདོད་པ་རབ་ཏུ་སྟེར།། དགྲ ་རྣམས་བཤིག་ཕྱིར་ར་གན་ནོ།། རང་གི་ལོངས་སྤྱོད་འཕེལ་བའི་ཕྱིར།། ཨིནྡྲ་ནཱི་ལ་དག་ལས་བྱ།། མཆོག་དང་འདོད་པ་ཐམས་ཅད་སྟེར།། མཆིང་བུ་རྣམ་པ་སྣ་ཚོགས་པས།། ནོར་སྟེར་བར་ནི་ཤིན་ཏུ་གྲགས།། དྲི་མེད ་ཤེལ་ལས་བྱས་པ་ཡིས།། ཞི་དང་རྒྱས་པའི་མཆོག་རྣམས་ཏེ།། རིན་ཆེན་ལས་བྱས་རལ་གྲི་དང་།། ས་འོག་ལྷ་ཡི་དངོས་གྲུབ་འགྱུར།། ཐམས་ཅད་འགྲུབ་པར་བྱ་བའི་ཕྱིར།། ད་ནི་ཚད་རྣམས་བཤད་པར་བྱ།། གསེར ་ལས་སོར་བརྒྱད་ཚད་དུ་བྱ།། མཆོད་ན་རྒྱལ་སྲིད་དཔལ་ཡང་ཐོབ།། ལོངས་སྤྱོད་མི་གཡོ་འདོད་པ་ཡིས།། དངུལ་ལས་སོར་བཅུའི་ཚད་དུ་བྱ།། འཁོར། འཁར། བས་དེ་བཞིན་ནད་སེལ་བར།། སོར་གྲངས་བཅུ ་དྲུག་ཚད་དུ་བྱ།། སོར་ནི་ཉི་ཤུའི་ཚད་དག་ཏུ།། ཟངས་ལས་བྱས་ཏེ་མཆོད་པ་བྱ།། ར་གན་གྱིའང་ཟངས་བཞིན་དུ།། སོར་ནི་ཉི་ཤུ་གཉིས་ཀྱི་ཚད།། ཨིནྡ་ནཱི་ལས་བྱས་པའང་།། སོར་གྲངས་བཅུ་དྲུག་ཚད་དུ ་བྱ།། མཆིང་བུ་ལས་ནི་སོར་བརྒྱད་ཤིས།། ཤེལ་ལས་སོར་གྲངས་བཅུ་གཉིས་སོ།། རིན་ཆེན་སོར་ནི་བརྒྱད་པར་བྱ།། དེ་ལྟར་ཇི་སྐད་གསུངས་པ་ཡི།། སྐུ་གཟུགས་འདོད་པ་ཀུན་སྟེར་བ།། དངོས་གྲུབ་འདོད་པས ་ལེགས་པར་མཆོད།། ཡན་ལག་མ་ཉམས་གསལ་ལ་བཟང་།། རྟག་པར་བཟོ་བ་མཁས་པས་ཕྱེ། བྱ།། ། མཚན་ཉིད་སྔ་མ་རྣམས་དང་ལྡན།། མཚོན་ཆ་བཟང་པོས་རྒྱས་པར་བྱ།། ཡི་དྭགས་ལ་བཅིབས་ཞལ་ཡང ་དྲུག། སྤྱན་གསུམ་འཇིགས་པར་བྱེད་པའི་ཚུལ།། གཟི་ཆེན་ཕྱག་བཟང་བཅུ་གཉིས་པ།། ཞབས་ནི་གསལ་བ་དྲུག་དང་ལྡན།། མི་མགོ་ཡི་དྭགས་ཕྲེང་བ་རྣམས།། སེ་རལ་ཁ་ཡི་སྟབས་སུ་ཐོགས།། གཡོན་བརྐྱང་པ ་ཡི་ཚུལ་དུ་བཞུགས།། ན་བཟའ་སྟག་ལྤགས་གསོལ་བར་དགྱེས།། དེ་ལྟ་བུ་ཡི་སྐུ་གཟུགས་དག། སྔ་མའི་ཚུལ་དུ་ཡོངས་རྫོགས་པར།། ཇི་སྐད་གསུངས་པའི་ཁྲོ་བོ་འདི།། སྔགས་པས་གཟོ་བོར་བྱེད་དུ ་གཞུག། ཡང་ན་ཤིང་གི་སྙིང་པོ་ལས། ཁྲོ་བོ་གཙོ་བོའི་སྐུ་གཟུགས་དག། ཇི་སྐད་གསུངས་པའི་མཚན་ཉིད་བཞིན།། བྱས་ནས་རྟག་ཏུ་མཆོད་པར་བྱ།། དེ་ནས་ཤིང་ལས་བྱས་པ་ཡི།། སྐུ་གཟུགས་ཚུལ་བཞིན་བཤད ་པར་བྱ།། གཙང་མ་འདོད་པ་ཀུན་སྟེར་བས།། དེ་ཡང་འདི་བཞིན་བཤད་པར་བྱ།། རིག་འཛིན་ཀུན་གྱི་མཆོག་འདོད་ན།། ཙནྡན་ཤིང་ལས་བྱས་པ་ཡི།། སྐུ་གཟུགས་སོར་གྲངས་ཉི་ཤུའི་ཚད།། སྔགས་པ་དག་གིས ་བྱེད་དུ་གཞུག། ཙནྡན་དམར་པོའི་ཤིང་རྣམས་ལས།། སོར་ནི་བཅུ་གཉིས་བཅུ་དྲུག་ཅང་ཚད་དུ་བྱ།། འདོད་པ་ཐམས་ཅད་ཀུན་སྟེར་བའི།། སྐུ་གཟུགས་ལེགས་པར་བྱེད་དུ་གཞུག། ར་ཛ་ཨརྒའི་རྩ་བ་ལས།། བྱས་པས ་འདོད་པའི་དོན་རྣམས་སྟེར།། སོར་གྲངས་བཅུ་བཞིའི་ཚད་དུ་ཤིས།། བདེ་བ་ཕུན་སུམ་ཚོགས་ཀུན་འབྱུང་།། ཨ་ཤོ་ཀ་ཡི་སྙིང་པོ་ལ།། བཟོ་བོ་མཁས་པས་ལེགས་པར་བྱ།། སཱ་ལ་སར་པ་ཡང་སོར་ལྔའི་ཚད་དུ ་གསུངས།། འདི་ནི་དབང་དུ་བྱེད་པར་བཤད།། དེ་བཞིན་ཏཱ་ལའི་ཤིང་དག་ལས།། སོར་དྲུག་པར་ནི་བྱས་ནས་ཀྱང་།། དབང་དང་ལྷ་མིན་དབང་པོ་དང་།། དེ་བཞིན་ཀླུ་རྣམས་འགུགས་པར་བྱེད།། ན་ག་གེ་སར་ཤིང ་དག་ལས།། དེ་བཞིན་སོར་བདུན་ཚད་བྱས་པས།། ནད་རྣམས་འཇིག་པར་བྱ་བ་དང་།། དགྲ་རྣམས་རྨོངས་པའི་ཕྱིར་བཤད་དོ།། མི་ཐོད་དག་ལས་བྱས་པ་ནི།། རྟག་ཏུ་སོར་གྲངས་བཅུ་གཉིས་ཤིས།། རིང་པོར ་མི་ཐོགས་མཆོག་སྟེར་ཅིང་།། ཅི་ལྟར་འདོད་པའི་དངོས་གྲུབ་སྟེར།། མི་ཐོད་དག་ལས་བྱས་པ་དག། སྔར་བསྙེན་ལ་སོགས་མ་བྱས་པར།། མཆོད་པ་འབའ་ཞིག་བྱས་པས་ཀྱང་།། དགོས་པའི་དོན་རྣམས་འགྲུབ་པར ་གསུངས།། འདི་ནི་སྐུ་གཟུགས་མཚན་ཉིད་དག། བཟང་པོ་རྒྱས་པར་གསུངས་པ་ཡིན། ཁྲོ་བོས་ཇི་སྐད་གསུངས་པ་ཡི།། རི་མོའི་མཚན་ཉིད་བཤད་པར་བྱ།། མི་རོ་གོས་བཟང་བཀྲུས་པ་ནི།། མཁས་པས་ཁྲུ་ཚད་གང ་དག་ལ།། མི་རོ་ཉིད་ཀྱི་སྒྲ་དག་གི། པིར་གྱིས་ལེགས་པར་བྲི་བར་བྱ།། ཚོན་གྱི་ཁ་དོག་ཀུན་མེད་པར།། རི་བོང་ཁྲག་གིས་བྲི་བར་བྱ།། ཡང་ན་དེ་ཡི་སྐུ་གཟུགས་ནི།། སྔ་མ་བཞིན་དུ་བཙག་གིས་བྲི།། ཁྲོས་ཤིང ་འབར་བས་འཇིགས་འཇིགས་ལྟར།། གཡོན་བརྐྱང་པ་ཡི་ཚུལ་དུ་གནས།། ཞལ་དྲུག་དབུ་སྐྲ་གྱེན་དུ་བརྫེས།། སྨིན་མ་སེར་ཞིང་སྤྱན་ཡང་སེར།། སྤྱན་ནི་ཟླུམ་པོ་གསུམ་དང་ལྡན།། བཅུ་གཉིས་ཕྱག་དང་ལྡན་པའི ་སྐུ།། དེ་བཞིན་ཡི་དྭགས་སྟེང་ན་བཞུགས།། ཞབས་ནི་དྲུག་གིས་མཛེས་པར་བྱས།། གཡས་ཀྱི་ཕྱག་ནི་མཆོག་སྦྱིན་ཅིང་།། ཏྲི་ཤུལ་རལ་གྲི་དགྲ་སྟ་དང་།། བེ་ཅོན་དང་ནི་ལྕགས་ཀྱུ་བསྣམས། ཁྲོས་པའི་ཕྱག་གཡོན ་བསྡིག་པར་མཛད།། ཕྱག་ན་ཤག་ཏི་ཏོ་མ་ར།། གཡོན་པའི་ཕྱག་ན་དབྱུག་ཏོ་དང་།། ཕྱག་ན་ཟོད་པ་ཞགས་པ་ཅན།། གཤིན་རྗེའི་གཤེད་པོ་བྲི་བར་བྱ།། ན་བཟར་སྟག་གི་པགས་པ་གསོལ།། འཇིགས ་པས་ཕ་རོལ་གནོན་པའི་ཞལ།། དེ་ཡི་མཆེ་བ་གཙིགས་པར་ནི།། མཁས་པས་རི་མོར་བྲི་བར་བྱ།། དེ་ནས་བློ་གཉིས་དག་ཏུ་ཡང་།། ཕྱག་རྒྱ་གཟུགས་དག་བྲི་བ་ནི།། གཡས་སུ་སྐྱེས་པ་ཁྲོ་བོའི་གཟུགས།། ཞལ ་གདངས་པ་ནི་འཇིགས་འཇིགས་ལྷ།། གྱེན་དུ་སྒྲ་བརྫེས་རབ་ཏུ་སེར།། བེ་ཅོན་ཕྱག་རྒྱ་མཚོན་ཆར་ཐོགས།། གཡས་བརྐྱང་བསྐུམ་པའི་ཚུལ་དུ་གནས།། བསྡིགས་ཤིང་ཞལ་ནི་ཁྲོ་གཉེར་ཅན།། ཞལ་དང་སྤྱན་ཡང ་ཁྲོས་པའི་ཚུལ།། གཡོན་དུ་རོ་ལངས་མོ་བྲི་བ།། འབར་བའི་ཁ་ལ་གཟི་ཡང་ཆེ།། མིག་གསུམ་གདོང་ནི་ཁྲོ་གཉེར་ཅན།། རབ་ཏུ་འཇིགས་པའི་ཁ་ཡང་གདངས།། གྱེན་དུ་སྒྲ་བརྫེས་གསུས་པོ་ཆེ།། གཏུམ་མོ་དུག་ཧྲུལ ་གོས་གྱོན་མ།། དེ་བཞིན་ཕྱག་ནི་ཏྲི་ཤུལ་ཐོགས།། གཟི་ཆེན་རབ་ཏུ་བསྡིགས་པར་བྱེད།། ལུས་ནི་མེ་ལྕེ་འབར་བ་ཅན།། གདོང་དང་སྤྱན་ནི་ཁྲོས་པའི་ཚུལ།། བདེ་གཤེགས་སྲས་ཀྱི་བཀའ་ནོད་པ།། གསང་བའི་ཕྱག ་རྒྱ་རི་མོ་འདི།། དབེན་པའི་གནས་སུ་གཞག་པར་བྱ།། ཆོ་ག་ཤེས་པས་བེ་ཅོན་རྒྱ།། སྐུ་གཟུགས་འདི་ལ་བཟླས་པར་བྱ།། ཡང་ན་རོ་ལངས་ཕྱག་རྒྱ་ལ།། བཟླས་ནས་ཕྱག་རྒྱའི་དངོས་གྲུབ་ཐོབ།། དབེན་ཞིང་འདུ་འཛི ་མེད་པར་ནི།། བཞག་ནས་ཉིན་རེ་མཆོད་པར་བྱ།། ཡང་ན་ཕྱག་རྒྱའི་དཀྱིལ་འཁོར་དུ།། རྟག་ཏུ་རི་མོ་འདི་བཀྲམ་སྟེ།། མཉམ་པར་དངོས་གྲུབ་འདོད་པ་ཡི།། མཆོད་པ་དང་ནི་བཟླས་པ་བྱ།། བདག་གི་ཕྱག་རྒྱ་བསྒྲུབ ་པ་ལ།། རི་མོ་ཚུལ་བཞིན་བཤད་པ་འདིའོ།། དེ་ནས་གཤིན་རྗེའི་གཤེད་པོ་ཡི།། རི་མོ་གཞན་ཡང་བཤད་པར་བྱ།། སྔར་བསྙེན་བྱས་པའི་འོག་ཏུ་ན།། མི་རོའི་གོས་བཟང་བསླུས་པ་ནི།། ཁྲུ་གང་ཚད་དུ་བྱས་པ ་ལ།། ཚོན་རྩི་སྦྱིན་མེད་བཟང་པོ་ཡིས།། སྤྲིན་ནི་ནག་པོ་འདྲ་བ་ཡིས། ཁྲོ་བོ་དཔའ་བོ་གཅིག་པུ་ནི།། སྔ་མ་བཞིན་དུ་བྲི་བར་བྱ།། སྔར་བསྙེན་བྱས་པའི་འོག་ཏུ་ནི།། ཇི་ལྟར་རིགས་པར་བྲིས་ནས་ཀྱང་།། རབ་ཏུ ་དབེན་པར་བཞག་ནས་སུ།། དེ་ནས་མཆོད་པའི་ཆོ་ག་བཞིན།། ཉིན་རེ་རྟག་ཏུ་མཆོད་ནས་ནི།། རབ་ཏུ་དབེན་པར་འདུག་ནས་ཀྱང་།། དེ་ཡི་འོག་ཏུ་བཟླས་པ་བརྩམ།། དེ་ནས་གཞན་ཡང་བཟླས་པ་ཡི།། ཆོ་ག་ཇི ་སྐད་གསུངས་པ་བཤད།། རི་མོ་བཀྲམ་ནས་མཆོད་བྱས་ཏེ།། དེ་བཞིན་གཤེགས་པ་ཀུན་མཆོད་ནས།། ཀུ་ཤའི་སྟན་ལ་འདུག་ནས་ནི།། མཉམ་པར་བཞག་སྟེ་མི་སྨྲ་བར།། རི་མོ་གཅིག་པུ་ལ་བལྟ་ཞིང་།། མགོ་ནི་རྨ ་བྱ་བཞིན་བཀུག་སྟེ།། རུ་དྲཱ་ཀྵ་ཡི་ཕྲེང་བ་ཡིས།། ཇི་སྲིད་ཡིད་ནི་མི་སྐྱོའི་བར།། རྩེ་གཅིག་སེམས་ཀྱིས་བཟླས་བྱ་སྟེ།། སྐྱོ་ན་བཟླས་པ་གཏང་བར་བྱ།། དེ་ལྟར་འབུམ་ཕྲག་གསུམ་བཟླས་ནས།། བསྙེན་པ་བྱས ་པའི་འོག་ཏུ་ནི།། དེ་ལྟར་རི་ཁར་གནས་བཅའ་སྟེ།། རླུང་ཟ་ཞིང་ནི་བཟླས་པ་བྱ།། དངོས་གྲུབ་མཆོག་དག་འདོད་པ་ཡིས།། དེ་ནས་འདི་ཡི་བརྟུལ་ཞུགས་བྱེད།། རྟོག་པ་ལས་གསུངས་མི་འདོད ་ན།། སྔར་གསུངས་པ་ཡི་བཟླས་པ་ཡིས།། འབྲིང་ངམ་ཐ་མའི་དངོས་གྲུབ་དག། བརྟུལ་ཞུགས་མེད་ཀྱང་ངེས་པར་ནི།། བསྒྲུབ་ན་དངོས་གྲུབ་ཐོབ་པར་འགྱུར།། བརྟུལ་ཞུགས་དེ་ཡིས་མཆོག་ཀྱང་འགྲུབ།། དེ་ནས ་གཞན་ཡང་འདི་རུ་ནི།། དཔའ་བོ་བརྟུལ་ཞུགས་འབྱུང་བར་བྱ།། ལམ་མི་བཟུར་དང་མི་སྨྲ་བ།། སློང་མོ་ཟ་ཞིང་དབང་པོ་བསྡམ།། སེང་ལྡེང་དབྱུག་པ་འདོམ་གང་བ།། སྲ་བ་བཟང་པོ་ཐོགས་ནས་སུ།། གཤིན་རྗེ ་མཐར་བྱེད་ཟློས་བྱེད་ཅིང་།། བགྲོད་པར་དཀའ་བའི་ལམ་ནས་འགྲོ། ཁྲོས་པས་དཔའ་བོའི་བརྟུལ་ཞུགས་དག། དཔའ་བོའི་གཟུགས་ཀྱིས་ཟླ་དྲུག་ཏུ།། བསྒྲུབ་པ་གང་ཞིག་ཡང་དག་སྤྱོད།། དེས་ནི་དངོས་གྲུབ ་མཆོག་ཀྱང་ཐོབ།། དཔལ་ལྡན་བརྟུལ་ཞུགས་སྤྱད་ནས་ནི།། དེ་ནས་བསྒྲུབ་པ་ལ་ཞུགས་ན།། གདོན་མི་ཟ་བར་དམ་པ་ཉིད།། དེ་ལྟར་དེ་ཡིས་མྱུར་དུ་འགྲུབ།། མི་བཟད་བརྟུལ་ཞུགས་བཟུང་བ་ཡིས།། གྲུབ་པ་ལ་ནི ་བདུད་ཀྱི་རིགས།། ལྷ་མོ་འདོད་པའི་གཟུགས་དག་དང་།། དེ་བཞིན་གཞན་གྱི་ལུས་སུ་ནི།། རྣམ་པ་སྣ་ཚོགས་གཟུགས་དག་གིས།། དབང་པོ་བསྡམས་ལ་འཚེ་བར་བྱེད།། དེ་དང་ལྷན་ཅིག་སྨྲ་མི་བྱ།། ཅུང་ཟད་ཀྱང་ནི ་ཆགས་མི་བྱ།། བྱང་ཆུབ་སེམས་དཔའ་མཉམ་ལྡན་པ།། ཁྲོ་བོ་ལ་གཞོལ་ཟློས་བྱེད་པར།། གལ་ཏེ་ད་ལྟར་འགྲོ་བ་ནི།། མི་བཟད་འཇིགས་པའི་གཟུགས་དག་གམ།། གཞན་ཡང་ཤིན་ཏུ་ངོ་མཚར་བ།། བདེ་གཤེགས ་བསམ་པས་མཐོང་ན་ནི།། དེ་དག་གིས་ནི་འཇིགས་མི་བྱ།། གནོད་ཅིང་སྐྲག་པར་བྱེད་ན་ནི།། བདེ་གཤེགས་ཀྱི་ནི་བཀའ་གཅོག་ལ།། ཁྲོ་བདག་ཉིད་ནི་རྣམ་པར་འཇིག། བདེ་བཤེགས་བསམ་པ་བསྒོམ་པ ་ཡིས།། བརྟུལ་ཕོད་པ་ཡི་དཔའ་བོ་ཡིས།། བརྟུལ་ཞུགས་འདི་ནི་བསྟན་བྱ་བ།། དཔའ་བོས་བྱ་ཡིས་གཞན་གྱིས་མིན།། སྒྲུབ་པ་མཆོག་རྣམས་འདོད་པ་ཡིས།། ལྷ་ཡི་ཁྲོ་བོ་བརྟུལ་ཞུགས་འདི།། ཇི་སྐད་གསུངས་པའི ་ཚུལ་བཞིན་དུ།། ནན་ཏན་གྱིས་ནི་བསྟེན་པར་བྱ།། ཁྲོ་བོ་རྣམ་པར་རྒྱལ་བའི་རྟོག་པ་ལས། ཁྲོ་བོའི་བརྟུལ་ཞུགས་ཀྱི་རྟོག་པ་སྟེ་ལེའུ་བདུན་པའོ།། །། ཇི་སྐད་གསུངས་པའི་གཟུགས་རྣམས་ལ།། མེ་ཏོག་འདི ་སྐད་གསུངས་དེ་བཞིན།། རྟག་ཏུ་གང་ཞིག་མཆོད་བྱེད་ན།། དགེ་བའི་བརྟུལ་ཞུགས་འདི་དག་དང་།། དེ་བཞིན་སྔོན་དུ་བསྙེན་བཏང་ཡང་།། དྲན་པ་ཙམ་ནི་འབའ་ཞིག་གིས།། ངེས་པར་འདོད་པ་དེ་དག ་གིས།། མཆོད་པས་མྱུར་དུ་འགྲུབ་པར་འགྱུར།། རྒྱལ་སྲིད་འདོད་པའི་གཟུགས་ལ་ནི།། ཙནྡན་གུར་གུམ་ཨ་ཀ་རུ།། ཅི་རིགས་པར་ནི་བདུག་ནས་ཀྱང་།། ཨུཏྤལ་པུཎྜ་རཱི་ཀ་མཛེས།། ཙམ་པ་ཀ་དང་མཱ་ལི་ཀས།། ནཱ་ག ་གེ་སར་དྲི་ཞིམ་པས།། མཆོད་ནས་བདུག་པ་མར་བཅས་པའི།། གུ་གུལ་མཁས་པས་བདུག་པར་བྱ།། དེ་ལྟར་བྱས་ན་ཁྱིམ་པས་ཀྱང་།། དེ་ལ་སེམས་ཤིང་བརྒྱ་བརྗོད་དེ།། ཅི་འབྱོར་པ་ཡི་མཆོད་པའི ་བཤོས།། དེ་ཡི་སྤྱན་སྔར་དབུལ་བར་བྱ།། སྔར་བསྙེན་ལ་སོགས་མེད་པས་ཀྱང་།། དེ་ལྟར་སྦྱོར་བས་ཟླ་དྲུག་གིས།། རྐུན་པོ་དང་ནི་དགྲ་མེད་ཅིང་།། ཐེ་ཚོམ་མེད་པར་རྒྱལ་སྲིད་འཐོབ།། མ་གྲུབ་པས་ཀྱང་ཡུལ་རྙེད ་པ།། ལས་འདི་གདོན་མི་ཟ་བར་ནི།། ཏེ་ན་འབུམ་ནི་རྙེད་པར་འགྱུར།། ལོངས་སྤྱོད་སྦྱིན་པའི་གཟུགས་ལ་ནི།། ཙནྡན་གུར་གུམ་ཨ་ཀ་རུ།། བདག་གིས་ལེགས་པར་བསྐུས་ནས་ནི།། མེ་ཏོག་ཕྲེང་བས་རབ་ཏུ ་མཆོད།། མེ་ཏོག་དཀར་པོའི་ཕྲེང་བ་ཡིས།། ཉིན་གཅིག་བཞིན་དུ་མཆོད་བྱས་ནས།། མར་དང་ལྡན་པའི་གུ་གུལ་ལམ།། ཀུན་ཏུ་རུ་ཡི་བྱུག་པ་འབུལ།། མེ་ཏོག་ཨ་ཏི་མུག་ཏ་ག། རེ་རེ་ཆོ་ག་བཞིན་བཟླས ་ས། མཇུག་ཏུ་འབུམ་ནི་དབུལ་བར་བྱ།། དེ་ནས་ལོངས་སྤྱོད་ཆེན་པོ་རྣམས།། དེ་ཡི་མཇུག་ཏུ་འབྱུང་འགྱུར་ཏེ།། དེ་ལ་སྐྲོད་པ་དོགས་པ་མེད།། ནད་མེད་བྱེད་པའི་གཟུགས་ལ་ནི།། ཙནྡན་དམར་པོས་བསྐུས་ནས ་ཀྱང་།། ཐང་ཤིང་གི་ནི་བདུག་པ་དག། ཕུལ་ནས་མེ་ཏོག་གཙང་མ་ཡིས།། མཆོད་པ་བྱས་ནས་ཅི་འབྱོར་བ།། མཆོད་པའི་བཤོས་ནི་དབུལ་བར་བྱ།། མཇུག་ཏུ་ནད་སེལ་དང་ལྡན་པའི། ཁྲོ་བོའི་སྔགས་ནི་དེ་བཟླས ་ནས།། བདག་གམ་ཕ་རོལ་པོ་ཡང་རུང་།། སུ་དག་གི་ནི་ནད་ཆེན་པོ།། དེ་ནི་ཟླ་བ་གཅིག་གིས་འཇོམས།། སྔར་བསྙེན་ལ་སོགས་མེད་ཀྱང་བླ།། འདོད་དགུར་སྦྱིན་པའི་གཟུགས་ལ་ནི།། དེ་ལྟར་ཡང་ནི་མཆོད་བྱས ་ན།། ཞི་བ་རྒྱས་པ་དབང་དང་དགུག། འཁོན་དང་བསྐྲད་པ་གསད་པ་དང་།། ཟློས་པས་མཇུག་ཏུ་ཁྱད་པར་དུ།། སྐུལ་བའི་ཚིག་བཅུག་བསྒྲུབ་པར་བྱ།། གཞན་ཡང་གང་དང་གང་འདོད་པའི།། ཡིད་དང་མཐུན་པའི ་འདོད་པའི་དོན།། དེ་ཡང་དེ་ལྟར་ཡང་དག་བསྒྲུབ།། སྐུ་གཟུགས་རབ་ཏུ་མཆོད་བྱས་ནས།། གང་དུ་ཅི་འདྲ་དེ་ལྟ་བུར།། གུས་པས་ཟླ་བ་དྲུག་བཟླས་ཏེ།། སྐུ་གཟུགས་ཉིན་གཅིག་བཞིན་དུ་བྱ།། དེ་ལྟར་ཀུན་ཏུ་རབ ་མཆོད་ནས།། རྟག་ཏུ་དེ་ཡི་བཟླས་པ་ནི།། བློ་དང་ལྡན་པས་ཀུན་བྱས་ན།། གྲུབ་པ་ཉིད་ནི་མ་ཐོབ་ཀྱང་།། དངོས་གྲུབ་ཕྲ་མོ་ཐོབ་པར་འགྱུར།། ཡང་ན་ཁྲོ་བོའི་ཕྱག་རྒྱ་ཡང་།། དེ་ཚེ་བསྒྲུབ་པར་ནུས་ན་ནི།། དེ་ཡི་རི ་མོ་གསུངས་པ་དང་།། ལྷ་ཡི་བརྟུལ་ཞུགས་དེས་ཀྱང་འགྲུབ།། དེ་ནས་གཞན་ཡང་བརྟུལ་ཞུགས་ཀྱིས།། མཆོག་གི་དངོས་གྲུབ་གང་ཡིན་པ།། ཆོ་ག་བཞིན་དུ་མདོར་བསྡུས་ཏེ།། རྒྱས་པ་བདག་གིས་བཤད་པར ་བྱ།། དེ་ནས་ཁྲོ་བོའི་གཙོ་བོ་ཡི།། ཏྲི་ཤུལ་ཤིན་ཏུ་གསལ་བསྒྲུབས་ན།། ཨུར་མོའི་ལྕགས་ལས་བྱས་པ་ཡི།། ཏྲི་ཤུལ་སོར་ནི་སུམ་ཅུ་པ།། རྣོ་ལ་བཟང་ཞིང་རབ་མཛེས་པ།། ཐོག་མར་ཆོ་ག་བཞིན་བྱས་ནས།། རི་ཡི་རྩེ ་མོར་འདུག་ནས་སུ།། རི་མོ་བཟང་པོ་དེ་བྲིས་ནས།། ཡི་དྭགས་མང་པོ་ཞེས་བྱ་བའི།། དཀྱིལ་འཁོར་ཐལ་བས་ཚུལ་བཞིན་བྲི།། དེ་ནས་མཆོད་པ་རྒྱ་ཆེན་དང་།། ཉ་དང་ཤ་རྣམས་སྣ་ཚོགས ་ཀྱིས།། ཕྱོགས་ཀྱི་གཏོར་མ་ཀུན་ཏུ་བྱ།། ཚེས་གྲངས་ཉི་ཤུ་གསུམ་གྱི་དགོངས།། ཏྲི་ཤུལ་མེ་ཏོག་དཀྱིལ་འཁོར་ལ།། བཞག་ནས་མེ་ཏོག་དག་གིས་མཆོད།། ཙནྡན་དམར་པོས་ཀུན་བསྐུས་ཤིང་།། མེ་ཏོག་དག ་གིས་ཐམས་ཅད་བརྒྱན།། ཆོ་ག་བཞིན་དུ་ལག་གིས་བཟུང་།། རི་མོ་ལ་ནི་མངོན་ཕྱོགས་འདུག་ཁྲོ་བོ་མཆོག་གི་སྔགས་དག་གིས།། ཏྲི་ཤུལ་ལ་ནི་མཁས་པས་བཟླ།། དེ་ཡི་ཉེས་པ་སྦྱང་བའི་ཕྱིར།། བརྒྱ་རྩ་བརྒྱད་དུ ་བཟླས་ནས་སུ། ཁྲོ་བོ་མཆོག་གི་སྔགས་དག་གིས།། དེར་ནི་མེ་ཡང་རབ་སྦར་ནས།། ཆོ་ག་བཞིན་དུ་ཏྲི་ཤུལ་ལ།། གདུག་བདུག་ཀྱང་པའི་སྦྱིན་བསྲེག་སྟོང་བྱས་ནས།། ལག་པས་བསྒྲེངས་ཏེ་བཟུང་ནས་སུ།། དཔའ་ཞིང ་བརྟན་པའི་ཚུལ་དུ་གནས།། ཇི་སྲིད་མེ་ལྟར་འབར་གྱུར་པ།། དེ་སྲིད་བློ་དང་ལྡན་པས་བཟླས།། ཏྲི་ཤུལ་འབར་བ་ཉིད་ཀྱིས་ནི།། དེ་ནས་གྱེན་ཏུ་འཕར་བར་འགྱུར།། སྔགས་ཀྱི་མཐུ་ཡིས་མིག་གསུམ་ལས།། འོན ་ཀྱང་ཉི་མ་བཞིན་དུ་འབྱུང་།། རིག་འཛིན་གཞན་རྣམས་ཐམས་ཅད་ཀྱང་།། དེ་ལ་མཆོད་ཅིང་དགའ་བར་བྱེད།། དབང་ཕྱུག་ཀུན་དང་རབ་ཏུ་ལྡན།། འདོད་པའི་གཟུགས་ཅན་ཡིད་བཞིན་འགྱུར།། དེ་སྟེང་ཏྲི་ཤུལ་དུ་བ ་འབྱུང་།། དེ་ནས་ལུས་ནི་མི་སྣང་འགྱུར།། འོན་ཏེ་དེ་ནི་ཚ་གྱུར་ན།། དཔུང་དང་ལྷ་མ་ཡིན་གྱིས་གནས།། གཡུལ་ངོ་ཆེན་པོ་ལ་སོགས་པར།། འཇིགས་ཤིང་སྐྲག་པར་རབ་ཏུ་བྱེད།། དེ་ལྟར་དང་པོ་སྒྲུབ་པའི ་མཆོག། འདི་ནི་རབ་ཏུ་བཤད་པ་ཡིན།། ད་ནི་རལ་གྲི་བཟང་པོ་ཡང་།། འདིར་ནི་བསྒྲུབ་པར་རབ་ཏུ་བཤད།། ཨུར་མོ་ལྕགས་ལས་བྱས་པ་ཡི།། རལ་གྲི་སོར་མོ་སུམ་ཅུ་གཉིས།། ལེགས་པར་བྱས་ཤིང་འཕན་མེད ་པར།། གླང་པོའི་སོ་ལ་དོད་བྱས་པ།། རི་བོའི་རྩེ་མོར་འདུག་ནས་སུ།། མཆོད་པ་ལ་སོགས་སྔོན་བཞིན་བྱ།། གདུག་པའི་བདུག་ཀྱང་སྦྱིན་བསྲེག་བྱས་ནས་སུ།། རལ་གྲི་ལག་པས་བཟུང་ནས་བཟླས།། སྔགས་པའི་ཆད ་པར་བཟུང་ནས་སུ།། རབ་ཏུ་སྣང་བ་འབར་བ་འབྱིན།། འབར་བ་དེ་ནི་མཐོང་ནས་སུ།། རིག་འཛིན་མཆོག་ཏུ་དེ་འགྱུར་རོ།། དེ་སྟེ་དེ་ལས་དུ་བ་འབྱུང་།། དེ་ནས་དེ་ནི་སྣང་བར་འགྱུར།། འབར་བ་གྱུར་ན་དེ་བཞིན ་དུ།། སྟོབས་ཆེན་རྐང་པ་མགྱོགས་པར་འགྱུར།། ལོ་བརྒྱ་རབ་ཏུ་ཚང་བར་འཚོ།། དེ་ལ་རྣམ་པར་དཔྱད་མི་དགོས།། གལ་ཏེ་འདི་ལ་མ་བརྟེན་ནས།། གྲུབ་པ་ཐོབ་པར་མ་གྱུར་ན།། རལ་གྲི་བརྩོན་འགྲུས་མཆོག་ལྡན ་པས།། གཡུལ་ངོར་ཕྱིན་ནས་ཐམས་ཅད་དུ།། མྱུར་ཞིང་མི་ངལ་ཉོན་མི་མོངས།། ཕམ་པ་མེད་པར་སྟེང་ཡང་ཐུབ།། རལ་གྲི་བསྒྲུབ་པར་བཤད་ཟིན་ཏོ།། ད་ནི་བེ་ཅོན་སྒྲུབ་པ་བཤད།། གོ་བི་དཱ་རའི་བེ་ཅོན ་ནམ།། ཡང་ན་སེང་ལྡེང་དག་ལས་ནི།། གཤིན་རྗེའི་བེ་ཅོན་ལྟ་བུ་བཟང་།། སོར་ནི་བཞི་བཅུ་གཉིས་པ་བྱ།། དེ་ནས་བློ་ཅན་དུར་ཁྲོད་དུ།། གཏོར་མའི་ཆོ་ག་རྒྱ་ཆེར་བྱ།། བེ་ཅོན་ཆོ་ག་སྔོན་བཞིན ་དུ།། གདུག་པའི་འདུག་ཅང་སྦྱིན་བསྲེག་བྱས་ནས་སུ།། གོས་ནི་དམར་པོ་དག་ཀྱང་གོན།། མེ་ཏོག་དམར་དང་ཐལ་བས་བརྒྱན།། བེ་ཅོན་དེ་ནི་སྲེག་གཞིར་བཞག། ཇི་སྲིད་ཧ་ཧ་ཞེས་པ་དང་།། བེ་ཅོན་ལག་ནས་འགུལ ་གྱི་བར།། དེ་སྲིད་ཆོ་ག་བཞིན་དུ་བཟླས།། དེ་ནས་དྲག་པོ་ཁྲོ་བོའི་བདག། དབང་ཕྱུག་ཀུན་དང་རབ་ལྡན་པ།། དེ་ཡི་ཆིབས་པ་མ་ཧེ་ལ།། བཅིབས་ནས་མཁའ་ལ་འགྲོ་བར་འགྱུར།། སྒྲ་ནི་འཁྱིལ་ཞིང་སྟུག་པ ་དང་།། སྣུམ་ཞིང་མཐིང་ག་ལྟ་བུར་འགྱུར།། དུས་མཐའི་སྤྲིན་གྱི་ཁ་དོག་འདྲ།། དེ་ལུས་ལྷ་མཆོད་སྟོབས་ཀྱང་འགྲུབ།། གལ་ཏེ་ཁྲོ་བོ་དེ་འདོད་ན།། བེ་ཅོན་གྱིས་ནི་ལྷ་རྣམས་གསོད།། བེ་ཅོན་སྒྲུབ་པ་བཤད་པ ་ཡིན།། དེ་བཞིན་ལེགས་པར་མདོར་བསྡུས་ནས།། དགྲ་སྟ་བཟང་པོ་བསྒྲུབ་པ་དག། དེ་བཞིན་བདག་གིས་བཤད་པར་བྱ།། སྔ་མ་བཞན་དུ་ཨུར་མོ་ལས།། དགྲ་སྟ་བཟང་པོ་བྱ་བ་ཡང་།། ཡུ་བ་སོར་ནི་བཅུ་དྲུག ་པ།། དགྲ་སྟ་དེར་ནི་སོར་དྲུག་པ།། ཆོ་ག་སྔ་མ་བཞིན་བསྒྲུབས་ན།། དངོས་གྲུབ་དེ་དག་འདི་ཡིས་ཐོབ།། དེ་ནས་གཞན་ཡང་ལྕགས་ཀྱུའི་མཆོག། བསྒྲུབ་པ་བདག་གིས་བཤད་པར་བྱ།། ཨུར་མོའི ་ལྕགས་ལས་བྱས་པ་ཡི།། ལྕགས་ཀྱུ་སོར་བཞིའི་ཚད་དུ་སྟེ།། དེ་ཡི་ཡུ་བ་བྱ་བ་ཡང་།། བསྙམས་ལ་སོར་ནི་བཅོ་བརྒྱད་པ།། ཉི་ཤུ་དགུ་ཡི་ཚེས་གྲངས་ལ།། ནུབ་མོ་མཆོད་པ་གཏོར་མ་བྱ།། རི་བོའི་རྩེ་ལ་འདུག་ནས ་སུ།། ལྕགས་ཀྱུ་ཆེན་པོ་བསྒྲུབ་པར་བྱ།། སེར་སྐྱ་ལས་བྱུང་མར་དག་གིས།། གདུག་བདུག་པའི་སྦྱིན་བསྲེག་བྱས་ནས་སུ།། ཇི་སྲིད་སྒྲོན་མ་བཞིན་འབར་བ།། དེ་སྲིད་ལག་པས་བཟུང་སྟེ་བཟླས།། དེ་ནས་དེ་ནི་ཐོགས་པ ་ཡིས།། ཐོ་ཚོམ་མེད་པར་ནམ་ལངས་ན།། འོད་ནི་མེ་བཞིན་ཀུན་ཏུ་འབར།། གྱེན་དུ་འབར་ཞིང་འཕྲོ་བར་འགྱུར།། འཇིག་རྟེན་པ་ཡི་ལྷ་རྣམས་ནི།། བྲན་གཡོག་བཞིན་དུ་དབང་དུ་འགྱུར།། དེ་བཞིན་གཤེགས་པའི ་བཀའ་མཆོག་བཞིན།། བཀའ་ཡང་རབ་ཏུ་ཉན་པར་འགྱུར།། འོན་ཏེ་དེ་ཡི་ལྕགས་ཀྱུ་མཆོག། དུ་བ་འབྱུང་བར་འགྱུར་བ་ནི།། དེ་ཚེ་དུ་བ་བྱུང་བ་ཡིས།། སྟོབས་ཆེན་གྲིབ་མའང་མི་སྣང་འགྱུར།། སྔགས་པས་བྱེ་བ ་གསུམ་དུ་གསོན།། གནོད་སྦྱིན་རིག་འཛིན་རྣམས་ཀྱིས་མཆོད།། བདེ་བ་ཀུན་དང་རབ་ཏུ་ལྡན།། འདོད་པར་འཕྲོ་ཞིང་སྟོབས་ཀྱང་ཆེ། ཁྲོ་བོའི་སྔགས་ཀྱིས་མཐུས་བཏང་ནས།། གལ་ཏེ་དེ་ནི་ཚར་གྱུར ་ན།། ནང་། ནངས་པར་བཀྲ་ཤིས་བྱས་ནས་སུ།། ལྕགས་ཀྱུ་བཟང་པོ་དེ་ཐོགས་ནས།། བཟླས་ན་བརྒྱ་བྱིན་ལ་སོགས་པའི།། ལྷ་རྣམས་འགུགས་པ་གདོན་མི་ཟ།། གནོད་སྦྱིན་རིག་འཛིན་རྣམ་དག་དང་།། དེ་བཞིན ་ལྟོ་འཕྱེ་མིའམ་ཅི།། ལྷ་མ་ཡིན་གྱི་བུ་མོ་དང་།། དེ་བཞིན་དྲི་ཟའི་བུ་མོ་དང་།། ཡི་དྭགས་རོ་ལངས་རིགས་རྣམས་དང་།། དེ་བཞིན་གཞན་ཡང་མྱོས་དྲེགས་རྣམས།། བཀུག་ནས་བདག་གིས་ལས་རྣམས ་ནི།། ཇི་ལྟར་འདོད་པ་བྱེད་དུ་གཞུག། གསེར་འགྱུར་རྩི་དང་བཅུད་ཀྱིས་ལེན།། དེ་བཞིན་གྲུབ་པའི་རྫས་རྣམས་དང་།། གཞན་ཡང་ཡིད་ལ་གང་འདོད་པ།། དེ་དག་ཐམས་ཅད་དེ་ལ་ནི།། ལྷ་དང་གནོད་སྦྱིན་ཚངས་ལ ་སོགས།། ཇི་སྙེད་པ་དག་འབུལ་བར་བྱེད།། དེ་ཡིས་བསྒོ་བ་ཐམས་ཅད་ཀྱང་།། འཇིགས་པས་ངེས་པར་ཉན་པར་འགྱུར།། ངོ་མཚར་ཀུན་གྱིས་བརྒྱན་པ་ཡི།། བདག་གིས་བཞོན་པས་ཡོངས་བསྐོར་ཅིང་།། གནས ་དང་སྐྱེད་མོས་ཚལ་མང་པོ།། ངོ་མཚར་ཀུན་དང་རབ་ལྡན་པ།། གནས་དང་སླས་ཀྱི་གནས་རྣམས་དང་།། འཇིག་རྟེན་མ་ལུས་སྟོན་པར་བྱེད།། རྫུ་འཕྲུལ་ཡོན་ཏན་ལོངས་སྤྱོད་ཀྱིས།། སྒྲུབ་པོ་ལ་ནི་དགའ་བར ་བྱེད།། ཇི་སྲིད་ལྕགས་ཀྱུ་འཆང་བའི་མི།། དེ་ཡི་བཀའ་ཡིས་ངེས་པ་རུ།། གནོད་སྦྱིན་མོ་དག་རང་རང་གིས།། འདོད་པའི་ལོངས་སྤྱོད་ཉེ་བར་སྦྱོར།། དེ་སྟེ་ལས་ཀྱི་སྐྱོན་དག་གིས།། ཚ་བ་ཙམ་དུ་མ་གྱུར ་ནའང་།། ལྕགས་ཀྱུ་དེ་ཉིད་འདིར་བཟུང་སྟེ།། ནང་། ནངས་པར་དབེན་པར་འདུག་ནས་ནི།། བུ་མོ་དག་གི་མིང་བཅུག་སྟེ།། ཇི་སྲིད་འདོད་པར་བཟླས་ན་ནི།། དཔག་ཚད་བརྒྱ་བརྒྱར་གནས་པའང་།། དེ་ནས་མྱུར ་དུ་འོང་བར་འགྱུར།། བུ་མོའང་ཡང་ན་ཁྱེའུ་ཡང་རུང་།། ཇི་ལྟར་འདོད་པ་མྱུར་དུ་འགུགས།། མེ་ཏོག་འབྲས་བུ་དེ་བཞིན་འགྲུབ།། ཤིང་རྟ་དང་ནི་ལྗོན་ཤིང་དག། མ་གྲུབ་ན་ཡང་རྟག་པ་རུ།། དེ་ཡིས་ངེས་པར་ཁུགས ་པར་འགྱུར།། དེ་ལྟར་ལྕགས་ཀྱུ་དམ་པ་འདིའི།། སྒྲུབ་པ་རབ་ཏུ་བཤད་པ་ཡིན།། ཐོད་པའི་དངོས་གྲུབ་གང་ཡིན་པ།། དེ་ཡང་འདིར་ནི་བཤད་པར་བྱ།། ཏྲི་ཤུལ་རལ་གྲི་བེ་ཅོན་དང་།། དེ་བཞིན་དགྲ་སྟ་ལྕགས་ཀྱུ ་ཡི།། སྒྲུབ་པ་གང་དག་བཤད་པ་ཡི།། ལག་པ་གཡས་པས་གཟུང་བར་བྱ།། ཐོད་པ་ལ་སོགས་གཞན་རྣམས་ནི།། ལག་པ་གཡོན་པས་བཟུང་བསྒྲུབས་ན།། དེ་ནས་དེ་དག་བཤད་པ་བཞིན།། དངོས་གྲུབ་ངེས་པར ་འཐོབ་པར་འགྱུར།། ཤིང་ལས་ལེགས་པར་བྱས་པ་ཡི།། ཐོད་པ་སོར་ནི་ཉི་ཤུ་པ།། མཉམ་པར་རབ་ཏུ་ལེགས་པར་བྱས།། ཉེས་པ་ཐམས་ཅད་རྣམ་སྤུངས་པ།། རི་ཡི་རྩེ་མོར་འདུག་ནས་སུ།། མཆོད་དང་གཏོར་མ ་རྣམ་པར་བྱས།། བདུག་པའི་སྦྱིན་སྲེག་བྱས་ནས་ནི།། སྔགས་ཀྱི་སྲུང་བས་མཐུ་བསྐྱེད་དེ།། སྒྲུབ་པོ་པོས་ནི་མཐུ་སྐྱེད་དེ།། ཐོད་པ་བཟང་པོ་བསྒྲུབ་པར་བྱ།། སོར་གསུམ་བཟངས། ཟབས། སུ་ཉི་ཤུ་གཉིས་ཀྱི ་ཆད། སྐྱོན་མེད་ཡོན་ཏན་ལྡན་པ་ཡི། རྟག་པར་འདི་གསར་འགྱུར་ལ་མེད།། ཐོད་པ་ལག་པ་གཡོན་པས་བཟུང་།། ལག་པ་གཡས་པས་བསྟེན་ནས་ནི།། དེ་ཡི་ཁ་ཡང་དགབ་པར་བྱ།། ཇི་སྲིད་དེ་ལས་འབར་བ་དང་།། དུ་བ ་བྱུང་བར་གྱུར་པའི་བར།། དེ་སྲིད་སྔགས་ནི་བཟླས་པར་བྱ།། འབར་བས་ནམ་མཁའ་འགྲོ་བར་འགྱུར།། འཇིག་རྟེན་གསུམ་གྱི་བདག་པོར་བཤད།། དུ་བ་འབྱུང་བར་འགྱུར་ན་ཡང་།། དེ་བཞིན་ངེས ་པར་མི་སྣང་འགྱུར།། ཚ་བར་དེ་བཞིན་འགྱུར་ན་ཡང་།། དེ་ཡི་ཚེ་ནི་གང་བསམས་པ།། ཐོད་པ་དེ་ལས་འབྱུང་བར་འགྱུར།། དེ་ལས་རྣམ་པར་དཔྱད་མི་དགོས།། འོན་ཏེ་དེ་ནི་མ་གྲུབ་ན།། དེ་ནས་ས་ལ་མི་བཞག ་པར།། དེ་ཡི་ཐོད་པ་དེ་བླངས་ནས།། ཤིང་གི་ཁྲི་ལ་གཞག་པར་བྱ།། རས་ཀྱིས་གཡོགས་ཏེ་བཞག་ནས་ནི།། ཡིད་ལ་ཅི་འདོད་བསམས་པ་ཡི།། ཟན་དང་བཟའ་དང་བྱ་ན་རྣམས།། གང་ཡང་རུང་བ་དེ་དག་ནི།། རས ་ཀྱིས་གཡོགས་པའི་ལག་གིས་བཟུང་།། སྟོང་རྩ་བརྒྱད་དུ་བཟླས་བྱས་ནས།། གྲུབ་པ་ལ་ནི་ཉིན་རེ་ཞིང་།། དེ་ནས་གང་ཡང་རུང་བའི་ཟས།། བྱ་ནར་བཅས་པས་ངེས་པ་རུ།། ཐོད་པ་དེ་ནི་གང་བར་འགྱུར།། སེམས ་ཅན་རྣམས་ནི་བཀུག་ལ་ཡང་།། བདུད་རྩིའི་ཟས་ནི་སྦྱིན་པར་བྱ།། ཚུལ་བཞིན་ཕྱིན་པའི་འོག་ཏུ་ནི།། གཙང་སྦྲ་བྱས་ཏེ་ཚུལ་བཞིན་བཟའ།། ཐོད་པ་བསྒྲུབ་པར་བཤད་པ་འདི།། ལག་པ་གཡོན་པས་བཟུང་བར ་བྱ།། ཤཀྟི་རྣོན་པོ་ལེགས་བྱས་པ།། བཤོལ་བ་མེད་པར་བསྒྲུབ་པར་བྱ།། ཨུར་མོ་དག་ལས་བྱས་པའི་མཆོག། བཀྲ་ཤིས་སོར་ནི་སུམ་ཅུ་གཉིས།། དེ་ནས་ཆོ་ག་སྔ་མ་བཞིན།། ཆུ་འགྲམ་གཙང་མ་དག་ཏུ་ནི།། སྔོན ་བཞིན་མཚན་མོ་བསྒྲུབ་པར་བྱ།། དངོས་གྲུབ་འབྲས་བུ་གསུམ་དུ་བཤད།། དེ་ལྟར་ཇི་སྐད་བཤད་པ་བཞིན།། ཏོ་མ་ར་ཡང་མཁས་པས་བསྒྲུབ།། ཨུར་མོའི་ལྕགས་ལས་བྱས་པ་མཆོག། རབ་ཏུ་རྣོ་བ་སྔ་མ ་བཞིན།། བདུག་པའི་སྦྱིན་སྲེག་བྱས་ནས་སུ།། ཙནྡན་དམར་པོ་འདབ་གདབ་ཀྱང་མར་བྱ།། སྒྲུབ་པ་པོས་ནི་ཆོ་ག་བཞིན།། རི་ཡི་རྩེ་མོར་གནས་ནས་ནི།། སྔ་མ་བཞིན་དུ་མཚན་མོ་བསྒྲུབ།། གྲུབ་པའི་འབྲས་བུ་སྔ་མ ་བཞིན།། ལག་པ་གཡོན་པའི་མཛུབ་མོ་ནི།། ལག་པ་གཡས་པས་གཡོགས་ནས་སུ།། ཆོ་ག་སྔ་མ་བཞིན་བྱས་ནས།། ཟླ་བ་གཟའ་ཡིས་ཟིན་པའི་ཚེ།། སྟན་གཅིག་ལ་ནི་ལེགས་འདུག་ནས།། བློ་དང་ལྡན་པས་བཟླས ་བྱས་ན།། དེ་ནས་མཛུབ་མོ་དེ་ལས་ནི།། གདོན་མི་ཟ་བར་འབར་བར་འགྱུར།། ཡང་ན་དུ་བ་རང་བྱུང་ངམ།། དེ་ནི་ཚ་བར་འགྱུར་ཡང་སྲིད།། དེ་ནི་ངེས་པར་འབར་འགྱུར་ན།། རིག་འཛིན་གོ་འཕང་འཐོབ་པར ་འགྱུར།། དུ་བ་འབྱུང་བར་གྱུར་པ་ལས།། དེ་བཞིན་མི་སྣང་འགྱུར་བར་བཤད།། དེ་ནི་རབ་ཏུ་ཚར་གྱུར་ན།། རྐང་པ་མགྱོགས་པ་རབ་ཏུ་འགྱུར།། དེ་སྟེང་ལག་པ་གཡོན་པ་ཡི།། མཛུབ་མོ་གྲུབ་པ་མ་གྱུར་ན།། དངོས ་གྲུབ་ཉམས་ཀྱང་ངེས་པར་ནི།། ལས་རྣམས་སྣ་ཚོགས་བྱེད་པར་འགྱུར། ཁྲོས་ནས་དེ་ཡིས་བསྡིགས་ན་ནི།། མི་དེ་ཇི་ལྟར་འདོད་པ་རུ།། དེ་མ་ཐག་ཏུ་འགྱེལ་བར་འགྱུར།། སྔགས་པ་བདག་གིས་བསད་པར་ཡང་། དེ ་ནས་ཤི་བར་གྱུར་པ་དེ།། དེ་ནས་ལག་པ་གཡས་པ་ཡིས།། ཇི་སྲིད་འདོད་པར་སློང་བར་བྱེད།། རབ་ཏུ་འཁྲུགས་པའི་དཔུང་ཆེན་ཡང་།། དེ་ནས་དེ་ཡིས་བསྡིག་པར་ནུས།། གླང་པོ་དང་ནི་རྟ་རྣམས ་དང་།། ལྗོན་ཤིང་དང་ནི་ནགས་ཚལ་རྣམས།། རིང་པོར་མི་ཐོགས་འཇིག་པར་བྱེད།། རི་རྣམས་ཀྱི་ནི་རྩེ་མོ་དང་།། རབ་ཏུ་བཟང་ཞིང་མཐོ་བ་ཡང་།། དེ་ནས་དེ་ཡི་མཛུབ་མོ་དེས།། རིང་པོ་མི་ཐོགས་སྙིལ་བར ་བྱེད།། མཛུབ་མོའི་དངོས་གྲུབ་ཀུན་གྱི་གནས།། སྒྲུབ་པའི་མཆོག་ནི་བཤད་པ་ཡིན།། དེ་ནས་གཞན་ཡང་ཞགས་པ་ཡི།། སྒྲུབ་པ་འདིར་ནི་བཤད་པར་བྱ།། ཤི་བའི་སྒྲ་ལ་ཞགས་པ་ནི།། སྦོམ་ཞིང་ཡིད་དུ་འོང་བར ་བྱ།། ཆོ་ག་སྔ་མ་བཞིན་བསྒྲུབས་ན།། དེ་ཡི་དངོས་གྲུབ་དེ་ཉིད་ཐོབ།། ཤིང་ནི་རབ་ཏུ་བཟང་བ་ལས།། དབུག་ཏོ་གནྡི་སོར་ནི་བཅུ་དྲུག་བྱ།། ལེགས་པར་བཞོགས་ཤིང་ལེགས་བྲིས་པ།། བཟང་པོ་ཡིད་དུ་འོང་བྱས ་ནས།། དེ་ཡི་མགོ་བོ་དག་ལ་ཡང་།། རབ་ཏུ་བཟང་པའི་གསེར་གྱིས་དཀྲི།། དེ་ཡི་རྩེ་ལ་ནོར་བུ་ནི།། པདྨ་རཱ་གས་བསྐོར་བར་བྱ།། དེ་ནས་ཚུལ་བཞིན་རི་རྩེ་ལ།། ཆོ་ག་སྔོན་དུ་བཤད་པ་བཞིན།། མངོན་པར་གདུག ་པའི་སྦྱིན་སྲེག་བྱ།། སྒྲུབ་པ་པོས་ནི་ནུབ་མོ་བསྒྲུབ།། འབར་བ་འདི་ནི་བླངས་ནས་སུ།། ནམ་མཁའ་འཕུར་བར་གདོན་མི་ཟ།། སྔ་མ་བཞིན་དུ་གྲུབ་རྣམས་ཀྱི།། གཙོ་བོར་འགྱུར་ཞིང་འདོད་གཟུགས་ལྡན།། དུ་བ་ཚ ་ལ་སོགས་པས་ཀྱང་།། དེ་ཡི་འབྲས་བུ་སྔོན་བཞིན་ཐོབ།། མཚོན་ཆའི་མཆོག་རྣམས་བསྒྲུབ་པ་ནི།། དེ་ལྟར་མདོ་རུ་བཤད་པ་ཡིན།། དེ་ནས་རྟོག་པ་ལས་བྱུང་བའི།། དངོས་གྲུབ་གཞན་ཡང་བཤད་པར་བྱ།། ཇི་ལྟར ་ཁྲོ་བོ་མཆོག་གིས་ནི།། ཉིད་ཀྱིས་མདོ་རུ་བཤད་པའོ།། ཡི་དྭགས་མང་པོ་ཞེས་བྱ་བའི།། དཀྱིལ་འཁོར་བཟང་པོ་བྲིས་ནས་སུ།། རྨ་མེད་པ་ཡི་རོ་བླངས་ནས།། མཁས་པས་ཁྲུས་བྱས་ལེགས་པར་བརྒྱན།། མེ་ཏོག ་སྤོས་ཀྱིས་མཆོད་ནས་སུ།། ཤ་དང་བཅས་པའི་གཏོར་མ་སྦྱིན།། ལས་ནི་དུར་ཁྲོད་དག་ཏུ་བྱ།། འདི་ནི་གཞན་དུ་ཡོང་མི་བྱ།། མེ་ཏོག་བཀྲམ་པའི་གནས་མལ་དུ།། དེ་ནི་ལྷོ་ཕྱོགས་མགོ་བསྟན་བཞག། ཐོད་པ་བཟང ་པོ་ཟས་མཆོག་གིས།། རབ་ཏུ་བཀང་བ་བྱས་ནས་ནི།། ཟས་མཆོག་འདི་ཡི་ནང་དུ་ཡང་།། ཚིལ་ཆེན་དག་གིས་བླུག་པར་བྱ།། མཁས་པས་དེ་དག་དེ་ཡི་ཚེ།། ཁྲོ་བོའི་སྔགས་ཀྱིས་བཏབ་པ་ཡིས།། བླུག་པ་བརྒྱ་ནི་ཚང ་བྱས་པར།། གཟར་བུས་རོ་ཡི་ཁར་བླུགས་ན།། དེ་ཡི་ལྕེ་ཡང་འབྱུང་བར་འགྱུར།། དེ་ནས་མཚོན་གྱིས་གཅད་པར་བྱ།། ལྕེ་ནི་རྩ་བར་གཅད་པ་ལས། ཁྲོ་བོའི་མཐུ་ཡིས་མྱུར་བ་རུ།། དེ་ནས་ལྕེ་ནི་རལ་གྲིའི ་གཟུགས།། བཟང་པོ་སུམ་ཅུ་རྩ་གཉིས་འགྱུར།། དེ་ནས་རལ་གྲི་བླངས་ནས་སུ།། གྲོགས་རྣམས་ལ་ཡང་རེ་རེ་སྤྲིན།། སྒྲུབ་པ་པོས་ནི་བླངས་ནས་སུ།། དེ་མ་ཐག་ཏུ་འགྲུབ་པར་འགྱུར།། རིག་འཛིན་དག་ནི་ཐམས ་ཅད་ཀྱིས།། ཀུན་གྱིས་བཀུར་བའི་རྒྱལ་པོར་འགྱུར།། གྲོགས་པོ་དེ་རྣམས་དང་བཅས་པར།། བསྐལ་པ་བདུན་དུ་གནས་པར་འགྱུར།། ཡང་ན་མཁས་པས་དུར་ཁྲོད་དུ།། ཡི་དྭགས་མང་པོ་ཞེས་བྱ ་བའི།། དཀྱིལ་འཁོར་དེར་ནི་བྲི་བར་བྱ།། མཆོད་པ་ཇི་སྐད་གསུངས་པའང་བྱ།། སྐྱེས་བུ་ནད་གྱིས་ཤི་བ་ཡི།། རྨ་མེད་པ་ཡི་རོ་བླངས་ནས།། ལེགས་པར་ཁྲུས་བྱས་རྒྱན་གྱིས་བརྒྱན།། དཀྱིལ་འཁོར་དེ་ཡི་སྒོར་བཞག ་སྟེ།། དེ་ཡི་སྙིང་གར་དེ་འདུག་ནས།། སྟོང་རྩ་བརྒྱད་དུ་བཟླས་པར་བྱ། ཁྲོ་བོའི་མཆོག་ཏུ་གྱུར་པའི་སྔགས།། ཡི་གེ་བཅུ་བདུན་དེ་བཟླས་ན།། མི་རོ་དེ་ནི་ལངས་པར་འགྱུར།། ཨརྒྷ་ལེགས་པར་དབུལ་བར་བྱ།། དེ་ཡི ་མགོ་ལ་ལག་གཡོན་གྱིས།། དེ་མ་ཐག་ཏུ་རེག་བྱས་ནས།། ལྡོང་རོས་མེ་ཡི་མདོག་འདྲ་བ།། དེ་ནས་བདག་ཉིད་ཆེན་པོ་དེའི།། ཁ་ནས་མྱུར་དུ་འབྱུང་བར་འགྱུར།། སྒྲུབ་པ་པོས་ནི་དེ་བླངས་ཏེ།། ཡན་ལག་ཐམས་ཅད ་བསྐུས་ན་ནི།། བཙོ་མའི་གསེར་གྱི་མདོག་ཏུ་འགྱུར།། གྲོགས་རྣམས་ལ་ཡང་དེ་བཞིན་སྦྱིན།། དེ་མ་ཐག་ཏུ་དེ་ཀུན་ཀྱང་།། བཙོ་མའི་གསེར་གྱི་མདོག་ཏུ་འགྱུར།། ཇི་ལྟར་འདོད་པའི་གཟུགས་ཅན་ཀུན།། རིག་འཛིན ་རྣམས་ནི་ཐམས་ཅད་ཀྱི།། ཐོག་མར་འགྲོ་བ་དེ་དག་འགྱུར།། རྫས་རྣམས་ཐམས་ཅད་གྲུབ་པར་ནི།། གྱུར་ན་འདི་ལ་དེ་ལས་ཀྱང་།། དཀོན་མཆོག་གསུམ་ལ་ཆ་གཅིག་དབུལ།། དེ་ནས་མཁས་པས་བདག་ཉིད ་བཀུར།། གྲོགས་པོ་རྣམས་ནི་ཐམས་ཅད་ལའང་།། བྱིན་ན་འདི་ལས་ནམ་མཁར་འཕུར།། རྫས་གཅིག་གྲུབ་པར་གྱུར་པ་ལ།། ཆོ་ག་གཞན་ཡང་སྤྱད་པར་བྱ།། རྫས་གཅིག་གྲུབ་པར་གྱུར་ན་ནི།། ཐོག་མར་ཕྱག་ཀྱང ་བྱས་ནས་ནི།། དཀོན་མཆོག་གསུམ་ལ་ཆོ་ག་བཞིན།། བདག་ཉིད་རབ་ཏུ་དབུལ་བར་བྱ།། དེ་ཡི་འོག་ཏུ་རྫས་དེ་ནི།། གྲོགས་པོ་རྣམས་ལ་རིམ་པ་བཞིན།། རྫས་དེ་བྱིན་ན་འཕུར་བར་འགྱུར།། ཕྱི་ནས་ཆོ་ག་འདི ་རྣམས་སྤྱད།། དེ་ལྟར་མ་བྱས་གྲུབ་ན་ཡང་།། དེ་ཡི་རྫས་ནི་འཕྲོག་པར་འགྱུར།། དེ་བས་དངོས་གྲུབ་མཆོག་རྣམས་ལ།། ཀུན་ཏུ་ཇི་སྐད་བཤད་བཞིན་བྱ།། དེ་ནས་གཞན་ཡང་ཨཉྫན།། བཟང་པོ་སྒྲུབ་པར་བཤད་པ ་བཞིན།། དགོས་པ་ཐམས་ཅད་འགྲུབ་པའི་ཕྱིར།། དམ་པ་འདི་ནི་བཤད་པར་བྱ།། ཞག་གསུམ་སྦྱང་བར་འདུག་ནས་ནི།། དུར་ཁྲོད་དག་ཏུ་དཀྱིལ་འཁོར་བྲི།། དེ་ནས་ཆོ་ག་སྔ་མ་བཞིན།། དེར་ནི་གཏོར་མའི་ལས ་བྱའོ།། དེ་ནས་མི་རོ་བསྲེགས་པ་ཡི།། ཐལ་བས་བདག་ཉིད་བསྲུང་བར་བྱ།། དེ་ཡིས་བདག་ཉིད་བྱུགས་ནས་སུ།། གྲོགས་མཆོག་དམ་ལྡན་དཔའ་བ་དེས།། ཨཉྫ་ན་ཡི་སྙིང་པོ་དེ།། གསལ་ཤིང་གིས་བསད་མགོ་ལ ་གཞག། ཤི་བའི་གོས་ཀྱིས་གཡོགས་ནས་སུ།། ལག་པས་བཟུང་ནས་བཟླས་པ་བྱས།། དངོས་གྲུབ་རྣམ་གསུམ་བྱུང་གི་བར།། བློ་ཅན་གྱིས་ནི་དེ་སྲིད་བཟླས།། ཚང་བའམ་ཡང་ན་དུ་བ་འབྱུང་།། ཡང་ན་མེ་བཞིན ་འབར་བར་འགྱུར།། དེ་ཡིས་མིག་དག་བསྐུས་ན་ནི།། འབར་བས་ནམ་མཁར་འགྲོ་བར་འགྱུར།། དུ་བས་ལུས་ནི་མི་སྣང་བར།། གདོན་མི་ཟ་བར་འགྱུར་བར་བཤད།། ཚ་བར་གྱུར་ན་བལྟས་པ ་ཡིས།། འགྲོ་བ་བདག་ནི་གསོད་པར་འགྱུར།། སླར་ཡང་དེ་ལས་གསོ་བ་ནི།། རིང་པོར་མི་ཐོགས་གདོན་མི་ཟ།། འདི་དག་འགྲུབ་པར་མ་གྱུར་ཀྱང་།། མིག་དག་ལེགས་པ་བསྐུས་ནས་ནི།། བལྟས་པས་འགྲོ་བ ་དབང་དུ་འགྱུར།། པུས་མོ་བཙུགས་ཤིང་མགོ་བོ་འདུད།། ཨཉྫ་ན་ཡི་ཆོ་ག་བཞིན།། མཁས་པས་གི་ཝང་བསྒྲུབ་པར་བྱ།། དངོས་གྲུབ་དག་ཀྱང་དེ་བཞིན་བསྟན།། མ་གྲུབ་འགྲོ་བ་དབང་དུ་འགྱུར།། ལི་ཁྲི་དང་ནི་བ་བླ ་དང་།། ལྡོང་རོས་དག་ཀྱང་དེ་བཞིན་ཏེ།། ཨཉྫ་ན་ཡི་དོགས་པ་བཞིན།། ཤི་བའི་གོས་ཀྱང་ཆོ་ག་བཞིན།། བསྒྲུབ་པ་གཞན་དག་དེ་བཞིན་དུ། ཁྲོ་བོ་ཉིད་ཀྱིས་གསུངས་པའི་སྔགས།། མདོར་ནི་རབ་ཏུ་བཤད་པར ་བྱ། དུར་ཁྲོད་དག་ཏུ་དཀྱིལ་འཁོར་བྲི།། མཆོད་པ་དང་ནི་གཏོར་མ་བྱ།། ཤི་བའི་གོས་དེ་བགོས་ནས་སུ།། ཆོ་ག་ཤེས་པས་མཚན་མོ་བཟླས།། དེ་ནས་གོས་དེ་དང་བཅས་པ།། མཚན་མོ་རབ་ཏུ་འབར་འགྱུར ་ན།། འབར་ཞིང་འབར་བས་ཡོངས་བསྐོར་ནས།། ནམ་མཁའ་དག་ལ་ངེས་པ་འཕུར།། གད་མོ་རབ་ཏུ་དགོད་པའི་སྒྲ།། འཇིག་རྟེན་སྐྲག་པར་བྱེད་པ་འབྱིན།། རྟག་ཏུ་འདོད་པའི་གཟུགས་དང་ལྡན། ཁྲོ་བོ་བཞིན་དུ ་དེ་སྤྱོད་འགྱུར།། དེ་བཞིན་དུ་བ་བྱུང་ན་ཡང་།། གདོན་མི་ཟ་བར་མི་སྣང་བའི།། མཆོག་ཏུ་འགྱུར་བར་རབ་ཏུ་བཤད།། སྒྲུབ་པ་པོ་ཡི་གོས་དེ་ནི།། དེ་བཞིན་ཚ་བར་གྱུར་ན་ཡང་།། རྐང་པ་མགྱོགས་ཤིང་སྟོབས་ཆེར ་འགྱུར།། ས་ཡི་སྟེང་ན་ཁྱབ་པར་འགྲོ།། ནད་མེད་ལོ་བརྒྱ་འཚོ་བར་འགྱུར།། དེ་སྟེ་གྲུབ་པར་མ་གྱུར་ཀྱང་།། འགྲོ་བ་མ་ལུས་དབང་དུ་འགྱུར།། གང་རྣམས་མཐོང་ཞིང་དེ་བཞིན་ཏེ།། མཐོང་བ་དེ་དག་དྲན་བཞིན ་འགྱུར།། གལ་ཏེ་འདི་དག་གནོད་སྦྱིན་མོ།། མི་ཡིས་སྒྲུབ་པར་འདོད་ན་ནི།། བ་ཏི་ཤིང་དྲུང་ཉམས་དགའ་བ།། དེ་ཚེ་དཀྱིལ་འཁོར་བྲིས་ནས་སུ།། སྐྲ་བཤིག་གོས་ཀྱང་མེད་བྱས་ལ།། ཟས་མཆོག་ལེགས་པར་བཙོས ་པ་ཡིས།། ལྷུང་བཟེད་བཟང་པོ་ཡོངས་བཀང་ནས།། མར་གྱི་ངོ་ཡི་མཚན་མོ་བསྒྲུབ།། དེ་ནས་ཆང་བུ་བདུན་ཕྱུང་སྟེ།། སྔགས་ཀྱི་ལན་བདུན་བཏབ་ནས་སུ།། ལྷ་ཡི་བཟང་པོ་འདི་བཞེས་ཤིག། བྱས་ནས་དེ་ཡི་རྒྱབ་ཏུ ་དོར།། དེ་ནས་གཞན་ཡང་ཆང་བུ་བདུན།། སྔགས་ཀྱིས་བཏབ་སྟེ་བཟའ་བར་བྱ།། ལྷ་ཡི་བཟང་མོ་ཞེས་བྱ་བ།། གྲུབ་པ་གནོད་སྦྱིན་ཀུན་གྱི་རྗེ།། འཁོར་རྣམས་མང་པོས་ཀུན་བསྐོར་ནས།། དེ་ནས་དེ་ཡི་འོད་འབར ་འགྱུར།། དེ་ནས་ཁ་བཀྲུས་དེ་ལ་ནི།། སྤོས་དང་མེ་ཏོག་མཆོག་ལྡན་པའི།། མཆོད་ཡོན་ཆུ་ནི་དབུལ་བར་བྱ།། ལེགས་འོང་མེ་ཏོག་དག་ཀྱང་དབུལ།། དེ་ནས་སྟན་བཟང་ཉམས་དགའ་བར།། མེ་ཏོག་ལྡན་པ་ཕུལ་ན ་ནི།། ད་ནི་ཁྱོད་ཀྱི་བདག་གྲུབ་སྟེ།། བཀའ་བཞིན་བྱེད་ཅིང་དེ་བཞིན་དུ།། གཞན་དུ་མི་འགྱུར་བཀའ་ཉན་གྱིས།། བཀའ་སྩོལ་ཅིག་ཅེས་དེ་ལ་སྨྲ།། མའམ་ཡང་ན་སྲིང་མོ་མའམ།། མཛའ་མོའམ་ཡང་ན ་ཆུང་མར་འགྱུར།། མར་བརྗོད་པས་ནི་ངེས་པར་ཡང་།། དེ་ཡི་ལྡོང་རོས་ལ་སོགས་པ།། གྲུབ་པའི་རྫས་ནི་མང་པོ་དག། གདོན་མི་ཟ་བར་དེ་ལ་སྟེར།། སྲིང་མོས་མེ་ཏོག་འབྲས་བུ་དང་།། བདུད་རྩི་མཆོག་དང་གསེར ་གྱུར་རྩི།། རྟག་ཏུ་སྒྲུབ་པ་པོ་དེ་ལ།། གདོན་མི་ཟ་བར་སྟེར་བར་འགྱུར།། མཛའ་མོར་གྱུར་ཅིག་ཅེས་སྨྲས་ནས།། མཚན་མོ་ལྡིང་ཁང་མཆོག་རྣམས་དང་།། ཡིད་དུ་འོང་བ་གཞན་རྣམས་ཀྱང་།། བདག་ཉིད་དགའ་བ ་སྟོན་པར་བྱེད།། མྱུར་དུ་ཆུང་མ་སྡུག་པ་དང་།། དཔག་ཚད་བརྒྱ་ནས་ཁྲིད་དེ་འོང་།། གཞན་ཡང་སྒྲུབ་པ་པོ་དེ་ལ།། དེས་ཤིང་འདོད་དང་དགའ་བ་སྟེར།། དེ་སྟེ་དེ་ལ་ཆུང་མར་སྨྲས།། འདོད་པའི་གཟུགས་ཅན་རྣམ ་པར་མཛེས།། དབང་ཕྱུག་ལོངས་སྤྱོད་ཐམས་ཅད་ཀྱིས།། གྲུབ་པ་དེ་ནི་དགའ་བར་བྱེད།། དེས་ཤིང་འདོད་པ་དགའ་བ་སྟེར།། འཛུམ་ཞིང་སྲི་ཞུ་འཇོམ་མ་དང་།། དབང་ཕྱུག་ལོངས་སྤྱོད་ཐམས་ཅད་ནི།། སྒྲུབ་པ་ཅི ་སྲིད་འདོད་པ་སྤྱོད།། གལ་ཏེ་མངལ་ནས་སྐྱེས་པ་ཡི།། ཤ་ཟ་མོ་དག་བསྒྲུབ་འདོད་ན།། སྒྲུབ་པ་པོ་ལ་དེ་ཡི་ལས།། དེ་དག་འདི་ནི་བཤད་པར་བྱ།། ཤླེ་ཤྨ་ཀ་ཏའི་ཤིང་དྲུང་ནི།། གཙང་མར་དཀྱིལ་འཁོར་བྲི་བར ་བྱ།། མཆོད་པ་ཆེན་པོ་བྱས་ནས་སུ།། གཏོར་མའི་ལས་ཀྱང་སྔོན་བཞིན་བྱ།། དེར་ནི་དུར་ཁྲོད་ཤིང་དག་གིས།། སྔགས་པས་མེ་ནི་རབ་སྦར་ནས།། གོས་མེད་སྒྲ་ཡང་ཧག་བྱས་ཏེ།། དེ་ནས་མེ་ཡང་འབར་བ་ལ།། དེར ་ནི་གཟེགས་མའི་སྦྱིན་སྲེག་རྣམས།། སྔགས་ཀྱིས་སྟོང་རྩ་བརྒྱད་བསྲེག་ན།། དེ་ཚེ་གདོན་མི་ཟ་བ་ཡང་།། ཤ་ཟ་མོ་ནི་འབར་བའི་གདོང་།། འོང་བར་འགྱུར་ཏེ་དེ་ཡི་ཚེ།། སེམས་ནི་དཔའ་བར་བྱས་ནས་སུ།། མི ་འཇིགས་མདུན་དུ་མཆོད་ཡོན་དབུལ།། དེ་ཡི་འོག་ཏུ་དེ་ལ་ནི།། བདག་ཉིད་གཟུགས་ནི་བཟང་པོར་སྟོན།། དེ་ཡི་མིང་ནི་ཀང་རང་གི།། རང་མིང་སྔགས་ཀྱིས་སྦྱིན་སྲེག་བྱ།། གང་བསམ་པ་ཡི་ནོར་དེ་རྣམས།། འོངས ་ནས་རིང་པོར་མི་ཐོགས་པར།། གདོན་མི་ཟ་བར་རབ་ཏུ་དབུལ།། ཀང་རང་གི་ནི་ཞེས་བྱ་བ།། ཤ་ཟ་མོ་ནི་ཀུན་གྱི་མཆོག། སྒྲུབ་པ་པོ་ནི་སེམས་དཔའ་ཞིང་།། གཟི་ཡང་རབ་ཏུ་ཆེ་བ་ལ།། གདོན་རྣམས་ཐམས་ཅད ་རབ་ཏུ་བསྒྲུབ།། དེ་ལྟར་མིན་ན་མྱུར་བར་ནི།། སྒྲུབ་པོ་ཡང་ནི་གསོད་པར་བྱེད།། དེ་སྟེ་ཀླུ་ཡི་བུ་མོ་དག། དེ་ལ་རིག་འཛིན་དཔལ་ལྡན་པས།། བསྒྲུབ་པ་དག་ཏུ་འདོད་པ་ལ།། དེ་ཡི་ཆོ་གར་འདི་བཤད་དོ།། པདྨོ ་དཀར་པོའི་མཚོ་འགྲམ་དུ།། སོང་ནས་ཆོ་ག་སྔ་མ་བཞིན།། ཡི་དྭགས་མང་པོ་ཞེས་བྱ་བའི།། དཀྱིལ་འཁོར་དེར་ནི་བྲི་བར་བྱ།། དེ་ནས་དེར་ནི་མཁས་པ་ཡིས།། གཏོར་མའི་ཆོ་ག་སྔ་མ་བཞིན།། ཨུ་དུམ་བཱ་རའི་ཡམ ་ཤིང་གིས།། ཐོག་མར་མེ་ནི་རབ་སྦར་ནས།། ནཱ་ག་གེ་སར་ཕྱེ་མ་དག། མཁས་པས་སྟོང་རྩ་བརྒྱད་དུ་བསྲེག། སྦྱིན་སྲེག་བྱེད་ཚེ་མུར་བར་ནི།། དེ་ནས་ཀླུ་ཡི་བུ་མོ་དག། འཇིགས་ཤིང་སྐྲག་ནས་འོང ་བར་འགྱུར།། གལ་ཏེ་མཚན་མོ་དེ་བསྲེག་ན།། བསྒྲུབ་པ་པོ་ནི་གང་འདོད་པ།། གདོན་མི་ཟ་བར་རབ་ཏུ་སྟེར།། དེ་སྟེ་སྔགས་པ་ལྷ་མིན་གྱི།། ཕུག་སྒོར་སོང་ནས་ཅི་དགའ་བར།། ལྷ་མ་ཡིན་མོ་ཐམས་ཅད་ནི།། ལས ་འདི་དག་ནི་ཐམས་ཅད་སྒྲུབ།། དཀྱིལ་འཁོར་སྔ་མ་བཞིན་བྲི་ནས།། གཏོར་མའི་ཆོ་ག་རྒྱ་ཆེར་བྱ།། པྲི་ཡང་ཀུ་ཡི་ཤིང་དག་གི། ཞུགས་ཐབ་ཏུ་ནི་མེ་སྦར་ནས།། ཆོ་ག་བཞིན་དུ་སྔགས་ཟློས་ཤིག། ཡུངས་ཀར་དཀར ་པོ་གུར་གུམ་ལ།། སྐྱུགས་ནས་སྟོང་རྩ་བརྒྱད་བཟླས་ལ།། དེ་ནས་ངེས་པར་བསྲེག་པར་བྱ།། དེ་ནས་སྦྱིན་སྲེག་བྱེད་པའི་ཚེ།། ལྷ་མིན་ན་རྒུད་འབྱུང་བར་བྱེད།། སྒྲུབ་པ་པོ་ནི་གང་འདོད་པ།། གདོན་མི་ཟ་བར་རབ་ཏུ ་ར། ལྷ་མ་ཡིན་གྱི་གནས་དག་ཏུ།། བདེ་བའི་ལམ་ནས་འཇུག་པར་བྱེད།། དབང་ཕྱུག་ཀུན་དང་ལྡན་པར་ནི།། དེ་ན་དེ་ནི་འགྲུབ་པར་བྱེད།། གལ་ཏེ་འདིར་ནི་སྔགས་པ་དག། ཤ་ཆེན་དག་ནི་འཚོང་འདོད ་ན།། དང་པོར་དུར་ཁྲོད་འདུག་ནས་སུ།། དཔའ་བའི་སེམས་ཀྱིས་ཤ་ཆེན་བླང་།། བླངས་ནས་བསྲུང་བ་བྱས་ནས་སུ།། ལག་པ་གཡོན་པས་ཆུ་གྲི་ཐོགས།། གཡས་པས་ཤ་ཆེན་སྐྱོན་མེད་གཟུང་།། མཚན་མོ་དུར་ཁྲོད ་དུ་ཞུགས་ནས།། སེམས་པ་དཔའ་བས་གཤིན་རྗེའི་གཤེད།། ཁྲོ་བོ་ཡིད་ལ་ཟློག་བྱེད་ཅིང་།། ཤ་འཚོང་བ་ཡི་སྒྲ་བསྒྲོགས་སོ།། བདག་ཉིད་ཆེན་པོ་དེ་ཡིས་ཚིག། སྲིན་པོ་དམ་ཚིག་མེད་པ་དང་།། སེམས་ཅན་ཕྲ་མོ་ཁ ་ཅིག་གིས།། ཐོས་ནས་རབ་ཏུ་འཇིགས་པར་འགྱུར།། གང་གཞན་ལྷག་པའི་སེམས་ཡོད་ཅིང་།། དྲག་པོའི་དུར་ཁྲོད་གནས་སྐྱོང་བ།། སྣ་ཚོགས་གཟུགས་ཅན་སྟོབས་པོ་ཆེ།། དེ་དག་ལུས་ནི་སྟོན་པར་བྱེད།། གྲུབ་པ ་འཇིགས་པར་མི་བྱ་བར།། དེ་ནས་སེམས་ནི་དྲག་པོ་དེས།། ལེགས་པར་འོངས་ཞེས་སྨྲ་བར་བྱ།། དེ་ནས་གནས་སྐྱོང་བསྒྲུབ་པའི་ཕྱིར།། དེ་ནས་ཨཉྫ་ན་དག་དང་།། རྫས་ནི་གང་རྣམས་འདོད་པ་དེ།། ཤ་ཡིས་རབ་ཏུ ་སྦྱིན་བྱོས་ཞེས།། སྒྲུབ་པ་པོས་ཀྱང་སྨྲ་བར་བྱ།། སྒྲུབ་པ་པོས་ཀྱང་གཞན་མི་སྨྲ།། སེམས་ནི་དཔའ་བར་ཤེས་ནས་སུ།། སྦྱིན་པར་བྱེད་ཀྱིས་གཞན་ལ་མིན།། དེ་ནས་གཞན་ཡང་འདི་ཡི་ལས།། དཔུང་རྣམས་མནན། ་པར་བྱ་བ་གང་།། ཁྲོ་བོ་མཆོག་གིས་གསུངས་པ་ནི།། དེ་དག་འདིར་ནི་བཤད་པར་བྱ།། མི་རོའི་གོས་ལས་བྱས་པ་ཡི།། བ་དན་ཤིན་ཏུ་བཟང་པོ་བྱ།། དེ་ནས་མཐོན་ཀ་ལས་བྱའོ།། སོར་བཅུ་དྲུག་གི་ཚད་དུ་བྱ།། སྐྲག ་མའི་ཡུ་བ་སྡུ་གུ་དག་ཁྲུ་གང་ཚད་དུ་བྱས་པ་ལ།། བཏགས་ཏེ་དེ་ནས་བསྒྲེང་ནས་སུ།། དུར་ཁྲོད་དུ་ནི་མཚན་མོ་བསྒྲུབ།། དཀྱིལ་འཁོར་རྒྱ་ཆེན་བྲིས་ནས་ཀྱང་།། དེར་ནི་ཙོག་པུར་གནས་ནས་སུ།། བ་དན་ལག ་ན་ཐོགས་ནས་ནི།། མཚན་མོ་ཐོག་ཟག་བཟླས་པར་བྱ།། དེ་ནས་ནམ་ནི་ལངས་པ་ན།། དེ་ཡི་ལག་ན་ཐོགས་པ་ཡི།། དེ་ཚེ་དགྲ་ཡི་དཔུང་འཁྲུག་པ།། ཐེ་ཚོམ་མེད་པར་གནས་པར་འགྱུར།། ལག ་ན་ཐོགས་པ་གཞན་དག་ཀྱང་།། སྒྲུབ་པ་པོས་ནི་མཐོང་བ་ཡི།། དེ་དག་ཐམས་ཅད་མཐོང་མ་ཟག། མནན་ཏེ་རི་བཞིན་མི་གཡོར་འགྱུར།། གླང་པོ་རྒྱལ་པོ་མྱོས་པ་དང་།། ཤིང་རྟ་རྟ་དང་གླང་པོར་བཅས།། རྐང་ཟང ་འཁྲུགས་པ་མང་བཅས་པའི།། དགྲ་ཡི་དཔུང་རྣམས་ངེས་པར་ནི།། མཐོང་བ་ཙམ་ནི་ཉིད་ཀྱིས་སུ།། མནན་པ་བཞིན་དུ་སྣང་བར་འགྱུར།། དེ་ནས་གཞན་ཡང་དུར་ཁྲོད་ཀྱི།། སྦྱོར་བ་བཀྲ་ཤིས་དགེ་བ་དང་། ཁྲོ་བོ ་མཆོག་གིས་གསུངས་པ་དེ།། དེ་ནི་ངེས་པར་བཤད་པར་བྱ།། དེས་ནི་མི་རོ་བསྲེགས་པ་ཡི།། མཚན་མོ་མེ་འབར་བལྟས་ནས་སུ།། སྒྲ་བཤིག་གོས་ཀྱང་མེད་བྱས་ལ།། བཟླས་པ་དག་ཀྱང་བསྐོར་ཞིང་བྱ།། དེ་ནས ་དེར་ནི་སྔགས་པ་ཡིས།། ལན་ཅིག་ཐལ་བ་སྦར་བ་གང་།། ལག་པ་གཡོན་པས་བླངས་ནས་སུ།། མཁས་པས་ཁྱིམ་དུ་འགྲོ་བར་འགྱུར།། ཡང་ན་ལྷ་ཁང་སྟོང་པར་འགྲོ།། ཕྱིར་ཡང་ལྟ་བར་ཡང་མི་བྱ།། དེ་ནས་དེར ་ཡང་ཐལ་བ་དེ།། ནམ་ལངས་བར་དུ་བཟླས་པར་བྱ།། ནམ་ནི་ལངས་པར་གྱུར་པ་ནི།། ཐལ་བ་དེ་ནི་བསྲུངས་ནས་སུ།། སར་པའི་སྣོད་དུ་གཞག་བྱ་ཞིང་།། ས་ལ་གཞག་པར་ཡོང་མི་བྱ།། དགྲ་ཡི་དཔུང་དག་མནན ་པའི་ཕྱིར།། ཐལ་བ་དེ་ནི་གཏོར་བྱས་ན།། ཤིང་རྟ་དང་ནི་གླང་པོ་དང་།། མཚོན་ཆ་ཐམས་ཅད་འཁྲུག་པ་དང་།། སྐྱེ་བོ་མང་པོར་ལྡན་པའི་ཡུལ།། ཐལ་བ་དེ་ཡིས་ཐམས་ཅད་དུ།། ལན་གཅིག་གཏོར་བ་ཙམ་གྱིས ་ཀྱང་།། ལུས་རྣམས་མི་འགུལ་གདོན་མི་ཟ།། འདི་ནི་མཚོན་རྣམས་གནོད་པ་དང་།། དཔུང་ཡང་གནོད་བྱེད་དགེ་བའོ།། དེ་བཞིན་གཉིས་ཀྱིས་ལོག་བྱ་དང་།། སྨྱོས་པར་བྱེད་པར་སྦྱོར་བ་ཡང་།། རླུང་ཕྱོགས་དག་ཏུ ་སོང་བའམ།། ཡང་ན་བསྙེན་ཏེ་བྱས་ནའང་རུང་།། བགྲོད་དཀའི་དགྲ་ནི་མཚོན་འཁྲུགས་ལ། བྱས་ནས་འགྲོ་བ་མི་འགུལ་འགྱུར།། དུར་ཁྲོད་དག་གིས་སྦྱོར་བ་ཡིས།། དཔུང་མནན་དེ་ལྟར་བཤད་ཟིན་ཏོ།། འགྲོ་བ ་དབང་བྱེད་སྦྱོར་བ་ནི།། རྣམ་པ་གཞན་དག་བཤད་པར་བྱ།། དུར་ཁྲོད་དག་ཏུ་དཀྱིལ་འཁོར་བྲི།། མཆོད་པ་སྔ་མ་བཞིན་དུ་བྱ།། གཏོར་མ་རྒྱ་ཆེན་བྱས་ནས་ནི།། མི་ཡི་ཚིལ་གྱི་སྣུམ་དག་ལས།། མར་མེ་འབར་བ་བྱས ་ནས་སུ།། དེ་ནས་ཐོད་པ་བཟང་པོ་ལ།། མཁས་པ་དག་གིས་སྣག་ཙ་སྦྱར།། དུ་བའི་སྣག་ཙ་སྦྱར་ནས་ཀྱང་། ནམ་ལངས་བར་དུ་བསླབ་པར་བྱ།། དེ་ནས་ནང་། ནངས་པར་ནམ་ལངས་ཏེ།། དུ་བའི་སྣག་ཙས་མིག ་བསྐུས་ན།། གང་མཐོང་དེ་ཡི་དབང་དུ་འགྱུར།། དེ་ལྟར་འགྲོ་བ་དབང་བྱེད་པའི།། སྦྱོར་བ་དེ་ནི་བསྒྲགས་པ་ཡིན།། བཙག་གི་སྦྱོར་བའི་དངོས་གྲུབ་ཀྱང་།། དགེ་བ་དག་ནི་ད་བཤད་དོ།། ཡུག་སྣམ་བཙག་ནི་དགེ་བ ་དག། མེ་རོའི་ཁར་ནི་བཅུག་ནས་སུ།། དེ་ནས་དེ་ཕྱེད་ཚིག་ནས་ནི།། གྲོགས་མེད་པར་ནི་མཚན་མོ་བླང་།། བླངས་ནས་ལྷ་ཡི་ཁང་སྟོང་དུ།། མཁས་པ་དག་གིས་བཟླས་པ་བྱ།། བགེགས་ཀྱང་རྣམ་པ་སྣ ་ཚོགས་འབྱུང་།། ཅི་སྲིད་ནམ་ལངས་བར་དུ་ནི།། དེ་ན་འདུག་ཅིང་དེ་ལ་བཟླས།། དེ་ནས་ནམ་ལངས་གྱུར་པ་དང་།། རས་ནི་དམར་པོས་དཀྲིས་ནས་ནི།། མཆོད་ཅིང་བསྲུངས་ནས་གཞག་པར་བྱ།། དེ་ནས་གང་ཡང ་རུང་བའི་མིང་།། བཙག་གི་ཡུག་སྣམ་དེ་ཡིས་སུ།། ཅི་འདོད་པར་ནི་འདྲི་བར་བྱ།། སྒྲུབ་པ་པོ་ཡི་མིང་ནས་ཀྱང་།། བསྐུལ་ནས་དོགས་པ་མེད་པར་ཡང་།། བསྒྲུབ་པར་བྱ་བ་མྱུར་དུ་འོང་།། བཙག་བསྒྲུབ་ཁ་རུ་གསུངས ་པ་དང་།། མདོར་བསྡུས་བཤད་པ་དེ་ཡིན་ནོ།། ད་ནི་ཅི་ལྟར་རིགས་པ་རུ།། སོར་གདུབ་བསྒྲུབ་པ་སྦྱོར་བར་བཅས།། ཆོ་ག་བཞིན་དུ་གསུངས་པ་དག། མདོར་ནི་རབ་ཏུ་བཤད་པར་བྱ།། མི་ཡི་རོ་ཁྱེར་འགྲོ་བ ་ན།། དེར་སོང་ནས་ནི་དེ་ཡི་ཁར།། གསེར་གྱི་སོར་གདུབ་གཞག་པར་བྱ།། མཁས་པས་ཁྲོ་བོ་གཅིག་པུའི་སྔགས།། ཟློས་པས་བྱེད་དེ་འདུག་པ་ན།། མེ་ཡིས་ཚིག་པར་གྱུར་པ་ནི།། རོ་ཡི་ཁ་ན་འདུག་པ་ཡི།། སོར ་གདུབ་ལག་པ་གཡོན་པས་བླངས།། ནམ་ལངས་པར་དུ་བཟླས་པར་བྱ།། དེ་ནས་སོར་གདུབ་བཟང་པོ་དེ།། ལག་པ་གཡོན་པའི་མཛུབ་མོ་ལ།། མཁས་པ་དག་གིས་གཞག་པར་བྱ།། དེ་ཡི་ལག་པ་གཡོན་པ ་ཡི།། གང་དང་གང་དག་རེག་འགྱུར་བ།། དེ་ཀུན་དེ་ཡི་ལས་བྱེད་གྱུར།། ཕྱི་བཞིན་དུ་ཡང་འབྲང་བར་འགྱུར།། འདི་ལ་དཔྱོད་པར་ཡོང་མི་བྱ།། དེ་ནས་གཞན་ཡང་ཡུངས་ཀར་དག། ཤིན་ཏུ་ངོ་མཚར་དང་ལྡན ་པ།། ཁྲོ་བོ་ཉིད་ཀྱི་ཇི་ལྟ་བར།། བསྒྲུབ་པའི་སྦྱོར་བ་གསུངས་པ་བཤད།། སི་ཏིའི་ཤིང་ལས་གབ་ཚེ་ཡང་།། བཟང་པོ་སོར་ནི་བརྒྱད་པར་བྱ།། དེ་ཡི་ནང་དུ་ཡུངས་ཀར་དགང་།། དངོས་གྲུབ་མཆོག་ནི་དེར་བླུགས ་ལ།། ཟླ་བ་གཟས་ནི་ཟིན་བར་དུ།། ཉི་མ་རེ་རེ་བཟླས་བརྗོད་བྱ།། དཀྱིལ་འཁོར་ཆོ་ག་བཞིན་བྲིས་ནས།། གཏོར་མ་རྒྱ་ཆེན་དག་ཀྱང་བྱ།། གབ་ཙེ་ནང་གི་ཡུངས་ཀར་ཀུན།། སྒྲ་འབྱུང་བའམ་གས་ཀྱི་བར།། དེ་སྲིད ་ཡུངས་ཀར་བཟླས་པར་བྱ།། དེ་ནས་ཡུངས་ཀར་གྲུབ་གྱུར་པ།། བླངས་ནས་གང་ཡང་རུང་བར་ནི།། ཆོ་ག་བཞིན་དུ་སྦྱར་བྱས་ནས།། དེ་ཡིས་མི་ནུས་ཅི་ཡང་མེད།། དེས་ནི་ས་ཡང་འགས་པར་བྱེད།། ཆུ་ཀླུང་དག ་ཀྱང་སྐམས་པར་བྱེད།། རི་མཐོ་རྣམ་པ་མང་པོ་དག། ཕྱེ་མ་དག་ཏུ་རློག་པར་བྱེད།། དེ་བཞིན་རི་ཡི་རྩེ་མོ་ཡང་།། སྦྱར་ན་རབ་ཏུ་སྙིལ་བར་བྱེད། ཁྲག་དང་སོལ་བའི་ཆར་དག་ཀྱང་།། འབེབས་པར་བྱེད་དེ་ཐེ་ཚོམ ་མེད།། གནམ་ལྕགས་དང་ནི་སེར་བ་དག། གློ་བུར་དག་ཏུ་འབབ་པར་བྱེད།། ས་གཡོ་བ་དག་སྤྲིན་བསྡུ་ལ།། རིག་པ་འཛིན་པས་སྦྱར་བྱས་ནས།། གློ་བུར་དུ་ཡང་ཐོགས་མེད་འགྱུར།། མཚོ་དང་རྒྱ་མཚོ་གཡོ་བ ་དང་།། ཤིང་རྣམས་རབ་ཏུ་ལྡེག་པ་དང་།། ས་ཡི་འོག་ཀྱང་གཡོ་བྱེད་ཀྱང་།། དེ་བཞིན་ཀླུ་རྣམས་བསྡིགས་པ་དང་།། མཚོ་ཆེན་དང་ནི་ལྡེང་ཀ་དང་།། ཀླུ་རྣམས་ཚར་གཅད་བྱ་བ་དང་།། གཞན་ཡང་གང ་འདོད་བྱ་བ་ཡི།། ལས་ནི་རྣམ་པར་སྣ་ཚོགས་པ།། གསུངས་པ་དང་ནི་མ་གསུངས་པ།། མཁས་པས་རང་བཞིན་བློས་བརྟགས་ལ།། ཡུངས་ཀར་གྲུབ་པས་གཏོར་ཙམ་གྱིས།། ཐོགས་པ་མེད་པར་བྱེད་པར ་འགྱུར།། ཡུངས་ཀར་དངོས་གྲུབ་ཀུན་སྦྱིན་པའི།། སྒྲུབ་པ་དག་ནི་བསྒྲུབས་ཟིན་ཏོ།། དཔའ་བོའི་བརྟུལ་ཞུགས་སྤྱོད་པ་ཡིས།། དེ་དག་ལ་སོགས་སྣ་ཚོགས་དང་།། སྔ་མ་བཞིན་དུ་སྣ་ཚོགས་དང་།། འབྲིང་རྣམས་ལ ་སོགས་བསྒྲུབ་པར་བྱ།། ཁྲོ་བོ་མཆོག་གི་ཆོ་ག་འདི།། ལས་ནི་གང་དག་བཤད་པ་རྣམས།། དེ་དག་ཀུན་ལ་བརྟུལ་ཞུགས་ནི།། མེད་པར་བྱས་ན་འབྲས་བུ་མེད།། ཕྱག་རྒྱ་གཉིས་ཀྱི་ལས་རྣམས་ནི།། གང་དག་འདིར་ནི ་བཤད་པ་རྣམས།། བརྟུལ་ཞུགས་བྱེད་ནི་མ་ནུས་ན།། དེ་ལྟར་ཁྲོ་བོ་མཆོག་འདི་ལ།། སྔོན་བཞིན་མཆོད་པ་བྱེད་པ་དང་།། ཇི་སྐད་བཤད་ཟིན་བཟླས་བྱས་པས།། ལས་རྣམས་ཇི་སྐད་བསྟན་པ་དང་།། དངོས་གྲུབ་ཇི ་སྐད་བསྟན་པ་ཐོབ།། རྟག་ཏུ་བདེ་གཤེགས་སེམས་པ་དེས།། བརྟུལ་ཞུགས་རྟག་ཏུ་མི་རུང་ནའང་།། ཉིན་གཅིག་བཞིན་དུ་བཟླས་བརྗོད་ལ།། སྦྱོར་བས་འདོད་པས་དོན་རྣམས་འཐོབ།། དེ་ལྟར་བརྟུལ་ཞུགས་ཀྱིས ་བསྒྲུབས་དང་།། སྒྲུབ་པ་སྣ་ཚོགས་ཆོ་ག་འདིར། ཁྲོ་བོ་མཆོག་གིས་ཅི་གསུངས་པ།། མ་ལུས་པར་ནི་བཤད་པ་ཡིན། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་ཁྲོ་བོ་གཤིན་རྗེའི་གཤེད་ཀྱི་རྩ ་བའི་ཆོ་ག་ཞིབ་མོ་རིམ་པར་ཕྱེ་བ་སྟེ་བརྒྱད་པའོ།། །། དེ་ནས་ཆོ་ག་ཕྱི་མར་ནི།། ཇི་ལྟར་བརྟུལ་ཞུགས་མེད་ཀྱང་རུང་།། དེ་ཕྱིར་ཁྲོ་བོ་བདག་ཉིད་ཀྱིས།། གསུངས་པ་དེ་ཡི་ཆོ་ག་བརྗོད།། སྔགས་ནི་ཡི་གེ་བཅུ ་བདུན་པོ། ཁྲོ་བོ་ཞེས་ནི་གང་བརྗོད་པ།། དེ་ལ་ཐོག་མར་སྟོན་བཞིན་དུ།། རི་མོ་བྲིས་ལ་དེ་མདུན་དུ།། ཚུལ་བཞིན་དུ་ནི་མཆོད་པ་བྱ།། མཁས་པས་ཡང་ན་སྐུ་གཟུགས་ཀྱང་།། བྱེད་དུ་བཅུག་སྟེ་དེ་འོག་ཏུ།། མཁས ་པས་བརྒྱད་འབུམ་བཟླས་པར་བྱ།། དེ་ཡི་མཐའ་མར་དཀོན་མཆོག་ནི།། གསུམ་པོ་དག་ལ་མཆོད་ཆེན་བྱ།། དེ་ཡི་འོག་ཏུ་ཁྲོ་མཆོག་ནི།། ཇི་སྐད་གསུངས་བཞིན་མཆོད་པ་བྱ།། འོན་ཀྱང་གྲུབ་སྟེ་དེ་ཡི ་ཚེ།། འབྱུང་པོའི་གདོན་དང་དུག་རྣམས་དང་།། ཡིད་ལ་གང་དང་གང་འདོད་པ།། དེ་ཡིས་བསམ་པའི་ལས་ཀྱང་ནུས།། ནམ་ཡང་དངོས་གྲུབ་ཕྲན་ཚེགས་ལ།། དེ་ནི་སྦྱར་བར་མི་བྱའོ།། དུག་ལ་སོགས་ཏེ་གང་བརྗོད ་པ། ལས་ཀྱི་རྣམས་ནི་ཚིག་གིས་བྱ།། གཞན་དུ་ཡེངས་པའི་ཚིག་གིས་ཀྱང་།། བདག་ཉིད་ཇི་ལྟར་འདོད་བཞིན་ནོ།། དེ་བཞིན་སེམས་ཅན་སྡང་རྣམས་ལ།། ཚར་གཅད་པ་དང་ཕན་འདོགས་ནུས།། གང་ཞིག་ནག ་པོས་ཟིན་པ་ཡི།། ལས་རྣམས་ཀྱང་ནི་བྱེད་འགྱུར་ཏེ།། ཆུ་ཡི་ངེས་པར་གཏོར་བ་དང་།། ལྕག་གམ་ཡང་ན་རྐང་པ་ཡི། ཁྲོ་བོས་ཇི་སྐད་གསུངས་པ་བཞིན།། ཐེ་ཚོམ་མེད་པར་སོས་པར་འགྱུར།། དེ་ལྟར ་ཀུན་ཏུ་ཡིད་ཀྱིས་སམ།། ཡང་ན་ཚིག་གིས་བསྐུལ་བར་བྱ།། ཇི་ལྟར་ཁྲོས་པ་མེད་པར་ཡང་།། ཕྲན་ཚེགས་ལས་ནི་གྲུབ་འགྱུར་ཏེ།། དྲན་པ་ཙམ་ནི་འབའ་ཞིག་གིས།། བྱེད་པ་པོ་ཡི་ལས་དེ་འགྲུབ།། དེ་ནས་སྣོད་ལ ་དབབ་པ་ཡི།། ལས་གཞན་འདི་ནི་རབ་ཏུ་བྱ།། གཞོན་ནུ་མཚན་དང་ལྡན་འགྱུར་ཞིང་།། ཉེས་པའི་སྐྱོན་མེད་ཡན་ལག་ཚང་།། ཤིན་ཏུ་བཀྲུས་ཏེ་རྒྱན་གྱིས་བརྒྱན།། བ་ལས་བྱུང་བའི་ལྔ་ཡང་བླུད།། དེ་ཡི་འོག་ཏུ་སྦྱང ་བྱས་ཏེ།། ནམ་ལངས་པ་དང་བཀྲུས་བྱས་ལ།། དྲི་ཞིམ་པ་ཡི་དྲིས་བྱུག་ཤིང་།། གོས་རྣམས་དང་ནི་རྒྱན་གྱིས་བརྒྱན།། དེ་ལྟར་མཆོད་པ་བྱས་ནས་ནི།། ཤར་གྱི་ཕྱོགས་སུ་ཁ་བསྟན་ཏེ།། ཆོ་ག་བཞིན་དུ་ཀུ་ཤ་ཡི།། སྟན ་བཞག་སྟེ་དེ་ནས་ནི།། དེ་ཡི་ལག་པ་གཉིས་ཀར་ཡང་།། ཙནྡན་གཏོར་མའི་མེ་ཏོག་སྤྲིན།། ཨ་ཀར་ནག་པོའི་བདུག་པ་སྦྱིན།། དེས་ནི་མྱུར་དུ་སྔགས་བརྗོད་དེ།། སྒྲུབ་པ་ཆོ་ག་འདི་ཡིས་ནི།། སྨོད་ལ་དབབ་པའི ་ལས་བྱའོ།། སྣོད་ལ་དབབ་འགྱུར་དེ་ཡིས་ནི།། དགེ་དང་མི་དགེ་དྲི་བར་བྱ།། དེ་ནས་བྱུང་དང་འབྱུང་བ་དང་།། བྱུང་བ་གང་ཡིན་བདེན་པར་སྨྲ།། སེམས་ཅན་ཆེན་པོ་འདི་གྱིས་ལ།། འདི་ནི་མིན་ཞེས་ཟློག་པར ་བྱེད།། རིག་སྔགས་ཆད་དམ་ལྷག་པ་དག། སྔགས་ཀྱང་འདིར་ནི་ཚང་བར་བྱེད།། དེ་ནས་ཁྲོ་བོ་མཆོག་དེ་ལ།། མེ་ཏོག་ལྡན་པའི་མཆོད་ཡོན་དབུལ།། དེ་ནས་བདེ་གཤེགས་བསྟན་པ་ཡིས།། དམ་ཚིག་དག་ཀྱང ་བསྟན་པར་བྱ།། སྣོད་ཀྱིས་ཐོས་ནས་དེ་ནས་སུ།། བཏང་ནས་དེ་ནི་ས་ལ་འགྱེལ།། རིག་པ་ཁྲོ་བོ་གཤིན་རྗེའི་གཤེད།། གྲུབ་པར་དེ་ནས་བཞུད་པར་འགྱུར།། དེ་ནས་སྣོད་ནི་བླངས་ནས་སུ།། ཕྱིས་ཀྱང་རབ་ཏུ་ཁྲུས ་བྱས་ཏེ།། ཟན་ཟར་བཅུག་ལ་ཟོས་ནས་ཀྱང་།། མཆོད་པ་བྱས་ཏེ་སླར་གཏང་ངོ་།། ཇི་སྐད་གསུངས་པའི་ལས་རྣམས་ཀྱིས།། སྣོད་ལ་དབབ་པར་བྱས་ནས་ནི།། དེ་ནས་ཆོ་ག་ཕྱི་མ་ཡི།། ཆོ་ག་ལས་གསུངས་ལས ་རྣམས་བྱ།། དེ་ནས་གལ་ཏེ་སྔགས་པ་ནི།། རྒྱལ་པོ་དབང་དུ་བྱེད་འདོད་ན།། དེ་ཚེ་རི་མོ་སྤྱན་སྔ་རུ།། དུར་ཁྲོད་ཐལ་བས་གཟུགས་བྲིས་ཏེ།། དེ་ཡི་སྙིང་གར་འདུག་ནས་སུ།། རྩེ་གཅིག་ཡིད་ཀྱིས་ཁྲི་བཟླས་ཏེ།། ཆེ་གེ ་མོ་ཞིག་དབང་འགྱུར་ནས།། དེ་ཡི་མིང་ནི་སྔ་མ་བཞིན། ཁྲོ་སྔགས་ཇི་སྐད་གསུངས་པའི་མཐར།། སྦྱར་ཏེ་མཇུག་ཏུ་སྭཱ་ཧཱ་བརྗོད། ཁྲོ་བོས་དབང་དུ་བྱ་བའི་ཕྱིར།། སྦྱོར་བ་རྟག་ཏུ་བཤད་པ་ཡིན།། དེ་ནས་རྒྱལ་པོ ་དབང་གྱུར་ནས།། མཛའ་སྡུག་སྐྱེ་བོ་བཏང་ནས་སུ།། བདག་ཉིད་དང་ནི་ནོར་དག་གིས།། ངེས་པར་བྲན་བཞིན་ལེགས་པར་བྱེད།། དེ་བཞིན་བཟླས་པ་ཁྲི་བྱས་ན།། བྲམ་ཟེ་དག་ཀྱང་དབང་དུ་འགྱུར།། རྗེའུ་རིགས ་དམངས་རིགས་མ་ལུས་པར།། དྲུག་སྟོང་དག་གིས་ངེས་པར་འགྱུར།། བུད་མེད་རྣམས་དང་བུ་མོ་ལ། ཁྲི་དག་ཏུ་ནི་བཟླས་པ་བྱ།། དེ་ནས་ཕན་ཚུན་མཛའ་བོ་གཉིས།། དབྱེ་བར་བྱ་བར་འདོད་ན ་ནི།། དེ་ནས་གཅིག་གིས་གཟུགས་བརྙན་ནི།། དེ་བཞིན་བྲིས་ནས་སྙིང་ག་རུ།། རྐང་པ་གཅིག་བཞག་ཙོག་པུར་འདུག། དེ་ཡི་མིང་ནི་མཐར་སྦྱར་ནས། ཁྲོ་བོ་གཤིན་རྗེའི་གཤེད་བཟླས་པ།། ཆེ་གེ་མོ་ཞིག་མྱུར་བར ་རུ།། འདི་དང་དབྱེ་འགྱུར་ཕཊ་ཅེས་བྱ།། དེ་ལྟར་དབྱེ་བ་བྱ་འདི་ལ།། སྟོང་ཕྲག་བཅུར་ནི་བཟླས་པ་བྱ།། དེ་ནས་སེམས་ཅན་རབ་འདུག་པར།། ཤེས་ནས་ལེགས་པར་འདུལ་བྱ་ན།། དཀོན་མཆོག་གསུམ་ལ་གནོད ་བྱེད་ལ།། ཁྲོ་བོས་བྱ་ཡི་གཞན་དུ་མིན།། དགྲ་བོའི་གཟུགས་བརྙན་མིང་སྨོས་ནས།། དུར་ཁྲོད་ཐལ་བས་བྲིས་ནས་སུ།། དེ་ནས་སེང་ལྡེང་ཕུར་བུ་ལ།། བརྒྱ་རྩ་བརྒྱད་དུ་བཟླས་བྱས་ཏེ།། དེ་ཡི་སྙིང་གར་བཏགས་ནས ་སུ།། དེ་ཡི་འོག་ཏུ་ཁྲི་བཟླས་སོ།། དེ་ནས་ཁྲོ་བོ་གཤིན་རྗེའི་གཤེད།། སྔགས་ཀྱི་ཐ་མར་མིང་བཅུག་སྟེ།། ཆེ་གེ་མོ་ཞིག་སོད་ཅིག་ཅེས།། ཧཱུཾ་དང་ཕཊ་ཀྱིས་མཐར་བརྟེན་ཏེ། ཁྲི་དག་ཡོངས་སུ་ཚང་བར་ནི། གལ་ཏེ་དེ ་ལྟར་བཟླས་བྱས་ན།། ལས་དེ་ཡིས་ནི་འཆི་འགྱུར་ཏེ།། འདི་ལ་རྣམ་པར་དཔྱད་མི་དགོས།། རྟག་ཏུ་བདེ་གཤེགས་བསམ་བྱ་ཡི།། ངན་པའི་སེམས་ཀྱིས་ཡོང་མི་བྱ།། དེ་ཡི་སྙིང་ལས་སྡུག་བསྔལ་དག། བསྐྱེད་ནས ་འདག་པ་མ་གཏོགས་སོ།། ཞི་བ་དག་གི་ཆོ་ག་ཡི།། དེ་ནས་ཞི་བ་དགེ་བར་བྱ།། ཅི་ལྟར་ཇི་སྐད་གསུངས་པ་ཡི།། མངོན་པར་སྤྱོད་པ་ཡོང་མི་བྱ།། སེམས་ཅན་རྣམས་ལ་བརྩེ་བའི་ཕྱིར།། བདེ་གཤེགས་བསམ་པས་བྱ ་བཔར་བསྟན།། དེ་བཞིན་གཤེགས་པ་ཅི་གསུངས་པའི།། དེ་བཞིན་དངོས་གྲུབ་ཐོགས་མེད་པའི།། དངོས་གྲུབ་འདོད་པས་ཐོབ་འདོད་ན།། དེ་ལྟར་ཁྲོ་བོ་སེམས་མི་བྱ།། བདེ་གཤེགས་བསམ་པ་གང་མེད་པ།། དེ་ནས ་དངོས་གྲུབ་ཉམས་པར་འགྱུར།། མདོར་ན་བྱང་ཆུབ་སེམས་མེད་པ།། འཇམ་དཔལ་ཁྲོ་བོ་གཙོ་བོ་ལས།། བརྟུལ་ཞུགས་བཟླས་པ་དང་བཅས་པ།། རྟོག་ལས་ཆོ་ག་བཞིན་གསུངས་པའི།། དངོས་གྲུབ་མཆོག་ནི་ཉམས ་པར་འགྱུར།། གང་ཞིག་བདེ་གཤེགས་བསམ་ལྡན་ནས།། བརྟུལ་ཞུགས་བཟང་པོ་མེད་པ་དང་།། དེ་བཞིན་གཟུགས་ལ་སོགས་མེད་ཀྱང་།། དངོས་གྲུབ་མཆོག་རྣམས་དེས་ཐོབ་ཅིང་།། ཉོན་མོངས་མེད་པར་ཅི་འདོད ་པར།། འདོད་པར་ཐམས་ཅད་རྙེད་པར་འགྱུར།། གང་ཞིག་བདེ་གཤེགས་བསམ་ལྡན་ཞིང་།། བློ་ནི་མ་རྨོངས་བརྟན་པ་ཡིས།། སྲིད་པ་ཉོན་མོངས་བགྲོད་དཀའ་རྒོལ།། དེ་བཞིན་གཤེགས་པ་ཐམས་ཅད་ལ།། ཕྱག ་བྱས་ནས་ནི་དངོས་གྲུབ་མཆོག། བདེ་གཤེགས་བསམ་པ་ལྡན་པས་འཐོབ།། དེ་ལྟར་ཤེས་ནས་དེ་ཡི་ཚེ།། བདེ་གཤེགས་ལམ་མཆོག་བསྟན་པར་བྱ།། ཉོན་མོངས་སྡུག་བསྔལ་འཇིག་འགྱུར་བ།། འཇིག་རྟེན་ལྷ་ནི ་ཡོང་མི་བསྙེན།། དེ་ལྟར་སེམས་ཅན་གདུག་འདུལ་བའི།། ལས་རྣམས་ཇི་སྐད་གསུངས་པ་ཡང་།། དཀོན་མཆོག་གསུམ་ནི་བསྲུང་ཕྱིར་གྱི།། གཞན་དུ་གར་ཡང་ཡོང་མི་སྦྱར།། དེ་ནས་གཞན་ཡང ་བསྐྲད་པའི་ལས།། འདི་དག་གར་ཡང་རུང་བར་ནི།། དེ་བཞིན་བྱེད་པར་འདོད་པ་ལ།། དེ་བཞིན་པར་ནི་བཤད་པར་བྱ།། དེ་བཞིན་དུར་ཁྲོད་ཐལ་བ་ཡིས།། མཁས་པས་དགྲ་ཡི་གཟུགས་བརྙན་བྲི།། དེ་སྟེ་རྐང ་གཉིས་འདུག་ནས་སུ།། འཇམ་དཔལ་ཁྲོ་བོའི་སྤྱན་སྔར་ནི།། ཆེ་གེ་མོ་ཞིག་སྐྲོད་ཅིག་ཅེས།། དེ་ཡི་མིང་ནི་མཐར་སྦྱར་ནས།། དེ་བཞིན་ཧཱུཾ་དང་ཕཊ་དག་དང་། ཧཱུཾ་ཡང་བརྗོད་དེ་ཁྲི་བཟླས་ན།། གདོན་མི་ཟ་བར་བསྐྲད ་པར་འགྱུར།། ཡང་ན་ཐལ་བ་དེ་ཉིད་ཀྱིས།། དགྲ་ཡི་གཟུགས་བརྙན་བྲིས་ནས་ནི།། དེ་ཡི་སྙིང་གར་རྐང་གཡོན་གྱིས།། གདོན་མི་ཟ་བར་བརྫིས་ནས་སུ།། ཉི་མ་ལ་ནི་ཁ་བལྟས་ནས།། གཤིན་རྗེའི་གཤེད་པོ་བཟླས ་ན་ནི།། སྐད་ཅིག་གིས་ནི་དགྲ་བོ་དེ།། རབ་ཏུ་ཚ་བའི་ནད་ཀྱིས་འདེབས།། དེ་ནས་ཞི་བའི་ཆོ་ག་ཡིས།། བདག་གཉིས་ཀྱིས་ནི་ཞི་བར་བྱ།། དེ་ལྟར་མ་བྱས་ཞག་བདུན་གྱིས།། གདོན་མི་ཟ་བར་འཆི་བར་འགྱུར།། དེ ་ལ་སོགས་པའི་ལས་རྣམས་ནི།། བདེ་གཤེགས་སེམས་པས་ཡང་མི་བྱ།། སེམས་ཅན་རྣམས་ནི་ཐམས་ཅད་ལ།། ཞི་བ་དང་ནི་རྒྱས་པ་བྱ།། བྱང་ཆུབ་སེམས་ཀྱི་བདག་ཉིད་ཅན།། རིང་པོར་མི་ཐོགས་འགྲུབ་པར ་འགྱུར།། དེ་ནས་སེམས་ཅན་ཐམས་ཅད་ནི།། བདེ་ཕྱིར་ཞི་བའི་ལས་རྣམས་དང་།། དེ་བཞིན་དུ་ནི་རྒྱས་པའི་ལས།། ཇི་སྐད་གསུངས་པ་བཤད་པར་བྱ།། མཆོད་རྟེན་དག་གམ་དཀྱིལ་འཁོར་དུ།། དེ་བཞིན་གཤེགས ་པའི་མཆོད་པ་བྱ།། དཀོན་མཆོག་གསུམ་པོ་དག་ལ་ནི།། ཡང་དང་ཡང་དུ་ཕྱག་ཀྱང་བྱ།། ཉིན་པར་དང་ནི་མཚན་མོ་ཡང་།། དགེ་བ་གང་དག་ཅི་བསགས་པ།། དཀོན་མཆོག་གསུམ་ལ་དེ་བརྟེན་ནས།། བདེ་བར ་གཤེགས་པའི་བསམ་པས་བྱ།། འདི་ཡིས་སེམས་ཅན་ཐམས་ཅད་ནི།། ཤིན་ཏུ་སྡུག་བསྔལ་བདེར་གྱུར་ཅིག། དེ་ཡིས་དངོས་གྲུབ་ཅུང་ཟད་གང་།། ཕྲ་མོ་དག་ཀྱང་འཐོབ་གྱུར་པ།། རྟག་ཏུ་སེམས་ཅན་རྣམས་ལ ་ནི།། མཁས་པ་དག་གིས་ཕན་པར་བྱ།། མཁས་པས་མཆོད་རྟེན་ལས་བྱ་ཞིང་།། དེ་བཞིན་དམ་པའི་ཆོས་ཀྱང་བཀླགས།། དགེ་བ་ཅུང་ཟད་གཞན་དག་ཀྱང་།། ཆུང་ངུ་ཟིན་ཀྱང་འདི་ཉིད་ལ།། དངོས་གྲུབ་མཆོག ་ནི་ཐོབ་འདོད་པས།། རྟག་ཏུ་སེམས་ཅན་རྣམས་ལ་བསྔོ།། དེ་ལྟར་འདི་ནི་བྱང་ཆུབ་སེམས།། ཆོས་ཀྱི་དོན་དུ་ཡུལ་དུ་འགྱུར།། བྱང་ཆུབ་སེམས་དཔའ་ཉེར་བསྙེན་པའི།། མཚན་ཉིད་རྣམས་ཀྱང་རབ་ཏུ་བསྟན།། དེ ་ལྟར་བློ་གྲོས་བརྟན་བྱས་ནས།། དགེ་བ་དག་ནི་སྤེལ་བར་བྱ།། དགེ་བ་དག་ཀྱང་སྤེལ་ནས་སུ།། སེམས་ཅན་རྣམས་ལ་ཡོངས་སུ་བསྔོ།། སྔགས་པ་བདེ་གཤེགས་སེམས་ལྡན་གང་།། དེ་ལྟ་བུར་ནི་རྟག་པ་རུ།། སེམས ་ཅན་ཐམས་ལ་ཕན་བྱས་ནས།། ཞི་བ་དག་དང་རྒྱས་པ་འཕེལ།། ཐོག་མར་དཀོན་མཆོག་གསུམ་པོ་ལ།། མཆོད་པ་སྣ་ཚོགས་བྱས་ནས་སུ།། དེ་ཡི་འོག་ཏུ་ཁྲོ་བོ་མཆོག། གཤིན་རྗེ་གཤེད་ལ་མེ་ཏོག ་ནི།། དཀར་པོ་མཆོག་གིས་མཆོད་པར་བྱ།། མཆོད་པ་བྱས་ནས་འདི་དག་ཏུ།། ཆོ་ག་བཞིན་དུ་བཟླས་པ་བྱ།། བདེ་ཞིང་སྟན་ལ་བདེར་འདུག་ལ།། རབ་ཏུ་དང་ཞིང་བདེ་གཤེགས་སེམས།། དེ་ཡི་མིང་སྨོས་ཞི་འགྱུར ་ཞེས། ཁྲོ་བོའི་ཚིག་གིས་མཐར་སྦྱར་ཏེ།། བོ་ཥཊ་དག་ཀྱང་ཐ་མར་སྦྱར།། གང་ཡང་རུང་བ་ཞིག་ལ་ནི།། དེ་ལྟར་སྟོང་དུ་བཟླས་པ་བྱ།། ཡུལ་དང་ཡུལ་གྱི་ཕྱོགས་རྣམས་དང་།། རྒྱལ་པོ་དག་ལ་ཉིས་འགྱུར་བྱ།། རྟ ་རྣམས་དང་ནི་གླང་པོ་དང་།། བ་ལང་དག་ལ་སྟོང་དུ་བཟླས།། ར་ལུག་དང་ནི་མ་ཧེ་ལ།། རྟག་པར་སྟོང་དུ་བཟླས་པར་གསུངས།། ཡང་ན་ལུས་ཅན་ཐམས་ཅད་ལ།། བཟླས་པ་དག་ནི་བྱས་ནས་ཀྱང་།། བྱང་ཆུབ ་སེམས་དང་ལྡན་པ་ཡི།། ཞི་བའི་མཆོག་ཏུ་ངེས་པར་འགྱུར།། དེ་བཞིན་དུ་ཡང་རྒྱས་གྱུར་པ། ཁྱད་པར་དུ་ནི་མེ་ཏོག་མཆོག། དཀར་པོ་ཙནྡན་གྱིས་བསྐུས་པ།། བཟླས་ཤིང་བཟླས་པའི་ཆོ་ག་བཞིན།། འཇམ་དཔལ་ཁྲོ ་བོའི་སྤྱན་སྔར་ནི།། འོ་མས་གང་བའི་སྣོད་དུ་དབུལ།། སྟོང་གིས་རབ་ཏུ་རྒྱས་པར་འགྱུར།། སྙིང་ལ་རབ་ཏུ་དགའ་འགྱུར་བའི།། རྒྱས་པ་དེ་དག་བྱ་འདོད་ན།། གང་ཡང་རུང་བ་དེ་ཡི་མིང་།། ཆོ་ག་བཞིན་དུ་ཐ་མར ་སྦྱར།། མཁས་པས་རྒྱས་པར་གྱུར་ཅིག་ཅེས།། དེ་མཐར་བཤད་པ་སྦྱར་ནས་སུ།། མེ་ཏོག་ཡིད་དུ་འོང་བ་རྣམས།། འོ་མར་བླུགས་པས་རྒྱས་པར་བྱ།། དེ་ནས་གཞན་ཡང་དཔལ་འདོད་པ།། དེར་ཡང་སྔ་མ་བཞིན་དུ ་ནི།། ཙནྡན་དཀར་པོས་བསྐུས་པ་ཡི།། མེ་ཏོག་ཡིད་དུ་འོང་བས་མཆོད།། ཨ་ཀར་ནག་པོ་བཟང་པོ་ཡི།། བདུག་པ་དག་ཀྱང་སྔགས་ཀྱིས་དབུལ།། ཉིན་རེ་རེ་དེ་ལྟར་བྱས་ནས་སུ།། ཆོ་ག་བཞིན་དུ་བཟླས་པ ་བྱ།། དཔལ་ནི་བདག་ལ་སྩོལ་ཅིག་ཅེས།། མཐའ་མ་དག་ཏུ་སྦྱར་ནས་སུ།། དེ་ནས་ན་མཿསྭཱ་ཧཱར་ལྡན།། ཆོ་ག་སྔོན་བཞིན་ཁྲི་བཟླས་ཏེ།། དེ་ནས་རྒྱ་མཚོ་རབ་འགྲོ་བའི།། ཀླུང་གི་འགྲམ་དུ་སོང་ནས་ནི།། ལྟེ་བ་ནུབ ་པར་ཆུར་འདུག་ནས།། མེ་ཏོག་པུནྡ་རཱི་ཀ་ནི།། ཙནྡན་དཀར་པོས་བསྐུས་ནས་ནི།། བཟླས་ཤིང་བཟླས་ཤིང་ཆུར་འབུལ་བ།། བློ་དང་ལྡན་པས་འབུལ་བྱས་ན།། དེ་ཡི་མཇུག་ཏུ་དཔལ་ཆེན་འཐོབ།། ཡང་ན་པདྨ ་དམར་པོ་ནི།། ཙནྡན་དམར་པོས་བསྐུས་ནས་ནི།། གལ་ཏེ་དེ་རུ་ཕུལ་ན་ནི།། དེ་ནས་དེ་ཡི་མཐའ་མ་རུ།། ལས་འདི་དག་གིས་ངེས་པར་ནི།། མི་ཟད་པ་ཡི་གཏེར་ཐོབ་འགྱུར།། ཨ་ཏི་མུགྷའི་མེ་ཏོག་རྣམས།། བཟླས ་ཤིང་བཟླས་ཤིང་སྔ་མ་བཞིན།། གལ་ཏེ་ཚིག་འབུམ་ཕུལ་ན་ནི།། ཆོ་གས་གསུངས་པ་བཞིན་གནས་པའི།། སྔགས་པས་ངེས་པར་དེ་མཐར་ནི།། འདི་ནོར་འབུམ་ནི་ཐོབ་པར་འགྱུར།། འདི་ལ་རྣམ་པར་དཔྱད་མི ་བྱ།། དེ་སྟེ་དེ་ཡི་སྔ་མ་བཞིན།། སུམ་འབུམ་དབུལ་བར་བྱས་ན་ནི།། གདོན་མི་ཟ་བ་གནོད་སྦྱིན་མ།། དེ་ཡི་དབང་དུ་འདི་འགྱུར་རོ།། ཆོ་ག་འདི་ཡིས་སྒྲུབ་པ་པོ།། རིན་ཆེན་དག་ཀྱང་ཐོབ་པར ་འགྱུར།། དེ་སྟེ་སྔགས་པས་སྔ་མ་བཞིན།། མེ་ཏོག་སྣ་ཚོགས་མང་པོ་ནི།། ཙནྡན་དག་གིས་བསྐུས་པ་རྣམས།། དེ་ནས་སྔགས་པས་ཚིག་འབུམ་དུ།། ཆུ་ཡི་ནང་དུ་ཕུལ་ན་ནི།། ས་ཡི་སྟེང་ན་འདོད་པ་འཐོབ།། ཡང་ན ་པདྨོ་དཀར་པོ་ནི།། མངར་གསུམ་དག་གིས་བསྐུས་པ་རྣམས།། མེ་འབར་ནང་དུ་ལེགས་བསྲེགས་ན།། དེ་ཡིས་དཔའ་བོ་མངོན་སུམ་མཐོང་།། དེ་ཡི་དེ་ལ་འདོད་མཆོག་དང་།། ནོར་དག་ཀྱང་ནི་རྙེད་པར་འགྱུར།། བློ ་དང་ལྡན་པ་ཟས་ཀྱི་མཆོག། མར་དང་སྦྲང་རྩི་སྦྱར་བ་དག། ཞག་བདུན་དུ་ནི་གཟར་བུ་ཡིས།། དེ་ཡི་དེ་ལ་འདོད་མཆོག་དང་།། ནོར་དག་ཀྱང་ནི་རྙེད་པར་འགྱུར།། འབར་བའི་མེ་ལ་བསྲེགས་ནས་སུ།། ཡུལ་གྲུ ་བདུན་རྣམས་རབ་ཏུ་འཐོབ།། འདི་ལ་རྣམ་པར་དཔྱད་མི་དགོས།། ཡང་ན་འབྲུ་རྣམས་ཐམས་ཅད་ཀྱིས།། སྦྱིན་སྲེག་དོན་རྣམས་ཐམས་ཅད་སྒྲུབ།། སྦྱིན་སྲེག་ཚིག་འཐམ་བྱས་པ་ཡིས།། དེ་དག་ཉིད་ནི་མི་ཟད ་འགྱུར།། བིལ་བ་མར་གྱིས་བསྐུས་པ་འབུམ།། མེ་ནི་རབ་ཏུ་འབར་བ་ལ།། བསྲེགས་ནས་ས་ཡི་བདག་པོ་ལ།། ནོར་བཅས་དག་ནི་ཐོབ་པར་འགྱུར།། དུར་བའི་འཛག་མ་མ་གྲུབ་པ།། ན་མཿསྭཱ་ཧཱ་མཐར་ལྡན ་པས།། འོ་མ་ལས་བསྙུགས་བསྲེག་ན་ནི།། མི་ཡི་ཚེ་ནི་རིང་བར་འགྱུར།། དེ་བཞིན་མར་དང་སྦྲང་རྩི་དག། འབར་བའི་མེ་ལ་རྟག་ཏུ་བསྲེག། གདོན་མི་ཟ་བར་མྱུར་བ་རུ།། ཡིད་གཞུངས་པར་ཡང་ཐོབ་པར ་འགྱུར།། རྒྱ་སྐྱེགས་ཤིང་གི་མེ་དག་ལ།། དེ་བཞིན་ཉིན་རེ་མར་གྱི་ཧོམ།། བྱས་ན་ཚེ་དང་ཡིད་གཞུངས་གྲགས།། རྒྱས་དང་སྟོབས་དང་གཟི་བརྗིད་དང་།། དྲན་དང་དགའ་དང་མདངས་བཟང་དང་།། དཔལ་དང ་སེམས་དཔའི་དངོས་གྲུབ་དག། འཐོབ་པར་འགྱུར་བ་གདོན་མི་ཟ།། དེ་བཞིན་ཟས་རྣམས་ཀུན་བསྲེགས་པས།། གཟི་དང་རྒྱས་དང་སྟོབས་དང་གྲགས།། འདོད་པ་ཐམས་ཅད་ཕུན་སུམ་ཚོགས།། ཐོབ་པར་འགྱུར ་བར་གདོན་མི་ཟ།། ཅི་ལྟར་ཆོ་ག་ཕྱི་མ་ལས།། ཕལ་ཆེར་འཇམ་དབྱངས་ཁྲོ་བོ་ཡི།། པདྨའི་ཞལ་ནས་ངེས་འབྱུང་བ།། དེ་དག་མདོར་བསྡུས་བཤད་པ་ཡིན།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་གཤིན་རྗེའི ་གཤེད་རྣམ་པར་རྒྱལ་བའི་ཆོ་ག་ཞིབ་མོ་ཀུན་གྱི་ཕྱི་མ་ལས་འཕགས་པ་འཇམ་དཔལ་གྱི་ཁྲོ་བོའི་ཆོ་ག་ཞིབ་མོ་ཕྱི་མ་རིམ་པར་ཕྱེ་བ་སྟེ་དགུ་པ་རྟོག་པ་ཕྱི་མ་རྫོགས་སོ།། །། དེ་ནས་ཆོ་ག་ཐམས་ཅད་ཀྱི།། ཕྱི ་མའི་ཕྱི་མ་ཞེས་བྱ་བ།། སྦྱོར་བར་བཅས་ཤིང་རྒྱས་པ་ཡི།། ཆོ་ག་དེ་ནི་བཤད་པར་བྱ།། ཡི་གེ་བཅུ་བདུན་སྔགས་ཀྱིས་ནི།། དཔའ་བོ་བརྟུལ་ཞུགས་བཟང་པོ་དང་།། དེ་བཞིན་སྔོན་དུ་བསྙེན་ལ་སོགས།། ཆོ་ག་དག་ནི ་འདིར་བཤད་ཟིན།། ད་ནི་ཡི་གེ་འབྲུ་གཅིག་པ།། སྔགས་མཆོག་དག་ནི་གང་གསུངས་པ།། དེ་ཡི་ལས་ཀྱི་ཆོ་ག་བཤད།། དཔའ་བོ་བརྟུལ་ཞུགས་མེད་པར་ཡང་།། འཇམ་པའི་དབྱངས་ཀྱི་ཁྲོ་བོ ་གང་།། མིང་ནི་གཤིན་རྗེའི་གཤེད་ཅེས་བྱ།། དེ་ཡི་སྙིང་པོ་མཆོག་དེ་ནི།། ཧཱུཾ་ཞེས་བྱ་བའི་ཡི་གེ་གཅིག། ཐོག་མར་ཨོཾ་བཞག་ཆོ་ག་བཞིན།། རི་མོའི་སྤྱན་སྔར་འདུག་ནས་སུ།། འདི་ནི་འབུམ་ཕྲག་བཅུར་བཟླས ་ན།། དེ་ཡི་འོག་ཏུ་སྒྲུབ་ལ་འཇུག། དེ་ནས་དེ་ཡི་རི་མོ་མཆོག། དོན་རྣམས་ཐམས་ཅད་སྒྲུབ་པ་གཞན།། གང་གིས་དངོས་གྲུབ་རབ་ཐོབ་པ།། ཚུལ་བཞིན་དུ་ནི་རབ་ཏུ་བཤད།། རས་ནི་སར་པ་ཁྲུ་གང་ཙམ།། ལེགས ་པར་བཀྲུས་ཤིང་དྲིས་བསྐུས་ལ།། ཚོན་རྩི་བཟང་པོ་སྦྱིན་མེད་པས། ཁྲོ་བོ་གཤིན་རྗེའི་གཤེད་བྲི་བྱ།། ཞལ་ནི་བགྲད་ཅིང་འཇིགས་པའི་གཟུགས།། སྨིན་མ་སེར་ཞིང་སྤུ་ཡང་སེར།། ཆར་སྤྲིན་ནག་པོའི་ཁ་དོག ་འདྲ།། ཐོད་པ་དག་གིས་བརྒྱན་དུ་བྱས།། སྤྱན་གསུམ་དབུ་ཡང་གྱེན་དུ་བརྫེས།། ཞལ་གཅིག་པ་ལ་མདངས་ཀྱང་གསལ།། ཕྱག་གཉིས་པ་ལ་བེ་ཅོན་བསྣམས།། ཕྱག་གཡོན་པས་ནི་བསྡིགས་པར་མཛད།། ཞབས ་ཀྱང་རབ་ཏུ་བཟང་པོ་གཉིས།། མ་ཧེ་ལ་ནི་ཆིབས་པར་བྱ།། སྟག་ལྤགས་ན་བཟའ་མནབས་པར་དགྱེས།། འཁྲུགས་ཅིང་འཇིགས་པའི་གསུང་ཡང་འབྱིན།། ཡན་ལག་ཐམས་ཅད་ཡོངས་རྫོགས་པ།། འོད་ཟེར་འབར ་བ་བཅས་པའི་སྐུ།། དེ་ནས་དེ་ལ་མཁས་པ་ཡིས།། མཆོད་པ་ཡན་ལག་མཆོག་གིས་མཆོད།། སྔགས་པ་བརྟུལ་ཞུགས་བརྟན་པ་ནི།། དེ་ཡི་འོག་ཏུ་བྲག་ཕུག་ཞུགས།། རི་མོའི་སྤྱན་སྔར་འདུག་ནས་སུ། ཁ་ཟས་ཟ་བ ་དག་སྤངས་ནས།། རི་དབང་དེ་ནི་ཇི་ཙམ་དུ།། གཡོ་བར་འགྱུར་གྱི་བར་དུ་བཟླས།། ཡང་ན་ཁྲོ་བོ་གཤིན་རྗེའི་གཤེད།། བཞད་དམ་གཡོས་ཀྱི་བར་དུ་བཟླས།། ཡང་ན་རབ་ཏུ་འབར་གྱི་བར།། བཟླས་ན་དེ་ཚེ་དངོས ་གྲུབ་ཐོབ།། དེ་ལྟར་ལྷ་ནི་བཟླས་པ་ཡིས།། དངོས་གྲུབ་ཡ་མཚན་དེ་བཞིན་ནོ།། དེ་ནས་རིག་འཛིན་དཔལ་དང་ལྡན།། གྲུབ་པར་འདོད་རྣམས་ཀུན་བསྒྲུབས་པ།། ཅི་བསམས་པ་ནི་དེ་དག་ཀུན།། རིང་པོར་མི་ཐོགས ་འབྱོར་པར་འགྱུར། ཁྲོས་ན་ས་ཡང་འགས་པར་འགྱུར།། ཆུ་དག་ཀྱང་ནི་སྐམ་པར་འགྱུར།། རི་རྣམས་ཐམས་ཅད་བརྙིལ་པར་ནུས།། རྒྱ་མཚོ་དག་ཀྱང་སྐེམས་པར་བྱེད།། དེ་ལ་སོགས་པའི་ལས་རྣམས་ནི།། ཡ་མཚན ་ཆེན་པོ་ཐམས་ཅད་དང་།། སེམས་ཅན་རྣམས་ནི་ཐམས་ཅད་ལ།། ཕན་པ་རྣམ་པ་སྣ་ཚོགས་བྱེད།། ཆོ་ག་སྔ་མ་གསུངས་པ་ཀུན།། ཆོ་ག་སྔ་མ་བཞིན་དུ་བསྒྲུབ།། བསྒྲུབས་ནས་སེམས་ཅན་ཐམས་ཅད་ལ།། འབྲས་བུ ་མཆོག་རྣམས་སྦྱིན་པར་བྱ།། གྲུབ་པའི་མཐུ་ནི་གང་ཡོད་པ།། བདེ་གཤེགས་བསམ་ན་དེ་དག་ཀུན།། འཇུངས་པ་མེད་པའི་བསམ་པ་ཡིས།། སྐྱེ་བོ་ཕོངས་པ་རྣམས་ལ་སྦྱིན།། སྙིང་རྗེ་ཅན་གྱིས་བདག་གི ་ལུས།། ཕོངས་པ་དག་ལ་རྟག་ཏུ་སྦྱིན།། དེ་ལྟར་སྦྱིན་པའི་ཕ་རོལ་ཕྱིན།། དྲི་མ་མེད་པར་བསྒྲུབས་ནས་སུ།། དགེ་བ་འདི་ཡིས་སེམས་ཅན་ཀུན།། བདེ་བར་གཤེགས་ལྡན་དགེ་བར་འགྱུར།། བདེ ་བ་ཐམས་ཅད་ཡོངས་རྫོགས་ཤིང་།། དགེ་བ་ཀུན་གྱི་སྣོད་གྱུར་ཅེས།། ཡིད་ཀྱིས་ཡོངས་སུ་སྔོ་བར་བྱ།། གང་ཞིག་དེ་ལྟར་སྔགས་བསྒྲུབ་ཀྱང་།། དྲི་མ་མེད་པའི་བྱང་ཆུབ་སེམས།། བདེ་བ་རྟག་ཏུ་སྤྱོད་པ་དེ།། དངོས ་གྲུབ་རྟོག་ལས་གང་གསུངས་པ།། དེ་བཞིན་གཤེགས་པའི་ཞལ་ནས་བྱུང་།། ཐམས་ཅད་དེ་ལ་ཉེ་བར་གནས།། སྒྲུབ་པ་པོ་དེ་རྫུ་འཕྲུལ་གྱིས།། ཡོན་ཏན་ཀུན་དང་ལྡན་པར་འགྱུར།། དེ་ལྟར་འཇམ་དཔལ་ཁྲོ་བོ ་ཡི།། ཞལ་ནས་གསུངས་པའི་ཆོ་ག་ནི། ཁྲོ་བོ་རྣམ་རྒྱལ་རྒྱ་ཆེར་བསྟན།། ཆོ་ག་ཐམས་ཅད་བསྡུས་པའོ།། འཇམ་དཔལ་གྱི་ཆོ་ག་ཞིབ་མོ་ཁྲོ་བོ་ཐམས་ཅད་རྣམ་པར་རྒྱལ་བའི་ཆོ་ག་ཞིབ་མོ་བསྡུས་པ་ལས་འཕགས་པ ་འཇམ་དཔལ་གཤིན་རྗེའི་གཤེད་ཀྱི་ཆོ་ག་ཞིབ་མོ་ཕྱི་མའི་ཡང་ཕྱི་མ་རིམ་པར་ཕྱེ་བ་སྟེ་བཅུ་པའོ།། །། འཇམ་པའི་དབྱངས་ཀྱི་ཁྲོ་བོ་ཡི།། ཡི་གེ་གཅིག་པ་བཤད་ཟིན་ཏེ།། དེ་ནས་གཞན་ཡང་དེ་ཡི་ནི།། ཆོ་ག ་ཞིབ་ཏུ་རྒྱ་ཆེར་བཤད།། གཤིན་རྗེ་རབ་ཏུ་འཇོམས་པ་ཡི།། ཞལ་ནི་ཧཱུཾ་ཞེས་བྱ་བར་བཤད།། དེ་ནས་འཇམ་དཔལ་ཁྲོ་བོ་ནི།། ཧཱུཾ་ཞེས་བྱ་བ་མཆོག་རིག་བྱ།། དེ་ཡི་དཀྱིལ་འཁོར་གཞན་ཡིན་ཏེ།། འདོད་པ་ཀུན་སྦྱིན ་ཤེས་པར་བྱ།། དུར་ཁྲོད་གནས་སུ་བྱ་བ་སྟེ།། དུར་ཁྲོད་གནས་པ་གང་ཡིན་པའོ།། ཁྲུ་བརྒྱད་ལས་ནི་སྒོ་བཞི་པ།། ཡང་ན་ཁྲུ་བཞི་པ་ཡང་རུང་།། དུར་ཁྲོད་གནས་པ་བཟང་པོ་སྟེ།། དུར་ཁྲོད་ཐལ་བས་བྲི་བར་བྱ།། དེ ་ཡི་དབུས་སུ་ཡི་དྭགས་ནི།། ཕྲེང་བ་དག་གིས་བརྒྱན་པ་བྲི།། སྒོར་ནི་ཡི་དྭགས་རོ་སྨད་གཞག། མཐའ་མ་དག་ཏུ་མགོ་བོ་གཞག། གྲ་བཞིར་ཤཱུ་ལ་བཞི་རྣམས་དང་།། ཐོད་པ་དག་ཀྱང་བྲི་བར་བྱ།། གལ་ཏེ་བྲི་བར་ནུས ་ན་ནི།། མཁས་པས་དེ་དག་ཐལ་བས་བྲི།། དེ་སྟེང་དེ་དག་རི་མོ་ནི།། བྲི་བ་དག་ཏུ་མི་ནུས་ན།། དེ་ཚེ་ས་གཞི་བཟང་པོ་ལ།། ཙནྡན་དམར་པོས་བསྐུས་ནས་སུ།། དུར་ཁྲོད་གནས་སུ་དང་པོར་ནི།། སྔགས་པས་ཡི་གེ ་དགོད་པར་བྱ།། དེ་ནས་གཤིན་རྗེའི་རབ་འཇོམས་པ།། དེ་རུ་སྤྱན་དྲངས་མཆོད་པར་བྱ།། འཇིགས་པའི་ཞལ་ནི་འབར་བ་དྲུག། དེ་བཞིན་ཞབས་ཀྱང་དྲུག་དང་ལྡན།། སྤྱན་གསུམ་ཆར་སྤྲིན་སྔོན་པོའི་མདོག། ཕྱག ་ཀྱང་བཅཝ་བརྒྱད་དག་གིས་བརྒྱན། ཁྲོ་བོ་གཤིན་རྗེ་རབ་འཇོམས་པ།། གཟིགས་ལྤགས་ན་བཟར་གསོལ་བར་བགྱིས།། མཚོན་ཆ་བཟང་པོ་དུ་མ་བསྣམས།། ཡི་དྭགས་སྟེང་དུ་མཆོད་པ་བྱ།། འཇམ་དཔལ་ཁྲོ་བོ ་གཤིན་རྗེའི་གཤེད།། ཆོ་ག་བཞིན་དུ་མཆོད་ནས་ཀྱང་།། མར་དང་སྦྲང་རྩི་སྦར་བ་ཡི།། འོ་མ་འབྲས་ཐུག་གཏོར་མར་དབུལ།། ཨ་ག་རུ་ཡི་བདུག་པ་དབུལ།། མར་མེ་དག་ནི་མར་ལས་བྱ།། དེ་ནས་གཤིན་རྗེ་རབ ་འཇོམས་པའི།། ས་བོན་ཡི་གེ་གཅིག་པ་འདི། ཁྲོ་བོའི་སྤྱན་སྔར་འདུག་ནས་སུ།། སྟོང་རྩ་བརྒྱད་དུ་བཟླས་པར་བྱ།། དེ་ཡི་འོག་ཏུ་མཁས་པ་ཡིས།། དུར་ཁྲོད་གནས་སུ་སློབ་མ་བཟུང་། ཁྲོ་བོ་གཤིན ་རྗེའི་གཤེད་བྱེད་པ།། ཧཱུཾ་གི་ཞལ་ནི་ཟློས་ཤིང་གཟུང་།། བཙུད་ནས་དེ་ཡི་སྙིང་གར་ནི།། ཧཱུཾ་ཞེས་བྱ་བ་གཞག་པར་བྱ།། དེ་ནས་ཤུ་ལའི་ཕྱག་རྒྱ་ནི།། རས་ཀྱིས་གཡོགས་ཏེ་བཅིང་པར་བྱ།། སློབ་མ་དག་ལ་ལེགས ་བསྟན་ནས།། དེ་ཡང་མཆོད་པ་བྱེད་དུ་གཞུག། དེ་ནས་གཤིན་རྗེ་རབ་འཇོམས་པའི། ཁྲོ་བོ་མངོན་པར་དབང་བསྐུར་ནས།། འཇམ་དཔལ་ཁྲོ་བོ་གཤིན་རྗེའི་གཤེད།། དེ་ཡི་ཡི་གེ་འབྲུ་གཅིག་སྦྱིན།། དེ་ནས་མཆོད་པ ་ཡང་བྱས་ནས། ཁྲོ་བོ་དེ་ནི་གཤེགས་སུ་གསོལ།། ཤཱུ་ལ་ཕྱ་རྒྱ་བཅིངས་ནས་སུ།། དེ་བཞིན་རྟག་པར་གཤེགས་སུ་གསོལ། ཁྲོ་བོ་སྤྱན་ནི་དྲང་བ་དག། ཤཱུ་ལའི་ཕྱག་རྒྱ་ལྡན་པར་བྱ།། དཀོན་མཆོག་གསུམ་ལ་ཕྱག ་འཚལ་ནས།། ཤཱ་ལ་རབ་ཏུ་བསྟན་པར་བྱ།། མཁས་པས་ལག་པ་གཉིས་དག་གིས།། སོར་མོ་ཕན་ཚུན་སྣོལ་ནས་སུ།། གུང་མོའི་སོར་མོ་མཆོག་གཉིས་ནི།། དབུས་ནས་གྱེན་དུ་སྒྲེང་ནས་བཞག། སྲིན་ལག་གཉིས་ནི ་ནང་དུ་བཅུག། མཛུབ་མོ་གཉིས་ཀྱི་ནང་དུ་བཞག། དེ་ལྟར་དེ་གཉིས་བསྒྲེང་ནས་ནི།། ལྷག་མ་རྣམས་ནི་ལེགས་པར་བྱ།། གཤིན་རྗེའི་གཤེད་ཀྱི་ཕྱག་རྒྱ་འདི།། ཤཱུ་ལའི་ཕྱག་རྒྱ་ཞེས་གྲགས་པའོ།། འདི་ཡི་ལས ་རྣམས་ཐམས་ཅད་ནི།། རྣམ་པར་དཔྱད་པ་མེད་པར་བྱ།། དེ་ནས་གཞན་ཡང་རིམ་པ་བཞིན།། གཤིན་རྗེ་རབ་ཏུ་འཇོམས་པ་འདི།། སྔགས་རྣམས་ཐམས་ཅད་མ་ལུས་པ།། དཀྱིལ་འཁོར་འདིར་ནི་སྨྲ་བར་བྱ།། ཨོཾ་ཧཱུཾ ་ཧྲཱིཿདབུས་ཀྱི་ཡི་དྭགས་ཀྱིའོ།། ཨོཾ་ཧཱུཾ་ལཾ་ལཱ་ཧ། ཡི་དྭགས་ཕྲེང་བའོ།། ཨོཾ་ཧཱུཾ་ཛྲི་ཏྲཿ། ཡི་དྭགས་རོ་སྨད་དེ་སྒོ་བཞི་ཅར་དུའོ།། ཨོཾ་ཧཱུཾ་ཧཱཿའོག་སྟེ་ཐ་མར་རོ།། ཨོཾ་ཧཱུཾ་ཧྲཱིཿཥྚྲཱིཿཁ། ཤཱུ་ལ་བཞི་ཅར་གྱིའོ།། ཨོཾ་ཧཱུཾ་ཧྲཱི་ཧཿཐོད་པ ་རྣམས་ཀྱིའོ།། ལྷོ་ཕྱོགས་ཀྱི་ནི་སྒོ་ཕྱེ་ནས།། ལྷག་མ་གཞན་ནི་གཅད་པར་བྱ།། དུར་ཁྲོད་གནས་སུ་རྟག་པ་རུ།། གཤིན་རྗེ་རབ་ཏུ་འཇོམས་པར་ནི།། སྔགས་རྣམས་ཀྱིས་ནི་རབ་བརྒྱན་ན།། དུར་ཁྲོད་ཀྱི་ནི་གནས་སུ ་འགྱུར།། ཙནྡན་དམར་པོས་བསྐུས་པ་ཡི།། ས་གཞི་ཁྲུ་གང་ཙམ་ལ་ནི།། ཇི་ལྟ་བུར་ཡང་གང་ཡང་རུང་།། དཀྱིལ་འཁོར་དག་ནི་བྲིས་ནས་སུ།། དཀྱིལ་ནས་ཆོ་ག་ཤེས་པ་ཡིས།། སྔགས་ཀྱིས་མཆོད་པ་རིམ་བཞིན ་བྱ།། ཨོཾ་ཧཱུཾ་ཧྲཱིཿཥྚྲྀཿཱ་ག་ཙྪ་ཡ་ཡཾ་ཕྲེཾ་ཐན་སྭཱ་ཧཱ། སྤྱན་དྲང་བའོ།། ཨོཾ་ཧཱུཾ་ཧྲི་ཀཱ་ལ་ཐཱ་ན་ཧཱ། མཆོད་ཡོན་གྱི་སྔགས་སོ།། ཨོཾ་ཧཱུཾ་ཧྲཱིཿཥྚྲཱིཿཁུ་ཁ། དྲིའི་སྔགས་སོ།། ཨོཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཀ་ར་ལ་ར་ན་ཧ་ཧཿམེ་ཏོག་གི་སྔགས ་སོ།། ཨོཾ་ཧཱུཾ་ཏྲི། ཧཱུཾ་པ་ཤི་ཁ་ཧཱ། བདུག་པའི་སྔགས་སོ།། ཨོཾ་ཛྲིཾ་ཛྲིཾ་ཧཱཿམར་མེའི་སྔགས་སོ།། ཨོཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཁང་ཀ་ཁ། གཏོར་མའི་སྔགས་སོ།། ཨོཾ་ཧཱུཾ་སྭཱ་ཧཱ། ཁྲོ་བོའི་སྙིང་པོའོ།། ཨོཾ་ཧཱུཾ་ཧྲཱིཿཥྚྲཱིཿགཛྫ་ཧཱུཾ་པུ་ན་རཱ་ག ་མ་ནཱ་ཡ་སྭཱ་ཧཱ། སླར་གཤེགས་སུ་གསོལ་བའི་སྔགས་སོ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡིག་འབྲུ་གཅིག་པའི ་རྒྱལ་པོའི་དཀྱིལ་འཁོར་བཀོད་པའི་རིམ་པར་ཕྱེ་བ་སྟེ་བཅུ་གཅིག་པའོ།། །། དེ་ནས་དེ་ཡི་རི་མོའི་མཆོག། སྒྲུབ་པ་པོ་ཡིས་བྲི་བར་བྱ།། ཇི་སྐད་གསུངས་པོའི་ལས་རྣམས་བྱའི།། བཟླས་པའི་ལས་ནི་རབ་ཏུ ་བྱ།། རས་ཕྲན་ཁྲུ་གང་ཙམ་པོ་ནི།། བཟང་པོ་སར་པ་བཀྲུས་པ་ལ།། ཚོན་རྩི་དཀར་པོ་སྦྱིན་མེད་པས།། གཤིན་རྗེ་རབ་ཏུ་འཇོམས་པ་བྲི།། ཞལ་དྲུག་དབུ་ཡང་གྱེན་དུ་བརྫེས།། དེ་ཡང་སྤྱན་གསུམ་འཇིགས་འཇིགས ་ལྟར། ཁྲོས་པའི་ཕྱག་ཀྱང་བཅཝ་བརྒྱད་པ།། ཞབས་རྣམས་རབ་ཏུ་གསལ་བར་དྲུག། གཟིག་གི་པགས་པ་ན་བཟར་གསོལ།། ཚུལ་བཞིན་ཡི་དྭགས་སྟེང་ན་བཞུགས།། ཤཱུ་ལ་རལ་གྲི་འཁོར་ལོ་དང་།། དགྲ་སྟ་མཆོག ་ཀྱང་སྦྱིན་པའི་ཕྱག། ལྕགས་མདའ་བེ་ཅོན་རྡོ་རྗེ་དང་།། མདའ་བོ་ཆེ་ཡང་བསྣམས་པ་ནི།། གཡས་པའི་ཕྱག་སྟེ་གཡོན་པ་ན།། དབྱུག་ཏོ་ཞགས་པ་གཤོལ་དང་གཞུ།། ཐོད་པ་ལྕགས་ཀྱུ་མདུང་ཐུང་དང་།། རྩེ་གསུམ ་གདེངས་དང་དེ་བཞིན་བསྡིགས།། དེ་ལྟར་ཇི་སྐད་གསུངས་པའི་གཟུགས།། བུང་བ་དང་ནི་སྤྲིན་འདྲ་བ།། བྲིས་ནས་དེ་ཡང་ལེགས་པར་སྦ།། ཡིད་དུ་འོང་བའི་གནས་དག་ཏུ།། གཞག་ནས་བཟླས་པ་དག་ཀྱང ་བྱ།། བཟླས་པའི་ཆོ་ག་འདིར་བཤད་དོ།། རིག་པ་འཛིན་པས་རྟག་པ་རུ།། འབར་བའི་སྔགས་ཀྱིས་ཁྲུས་བྱའོ།། བདུད་རྩི་འབྱུང་བའི་སྔགས་ཀྱིས་ནི།། ཐོག་མར་ཚུལ་བཞིན་ཁ་བཀྲུས་ནས།། བདག་གི་ལུས་ལ ་སྔགས་ཤེས་པས།། དེ་ནས་བསྲུང་བ་ལེགས་པར་བྱ།། དེ་ཡི་འོག་ཏུ་ཆོ་ག་བཞིན།། མཁས་པས་ཁྲོ་བོའི་ཁང་པར་འཇུག། ཞུགས་ནས་ཀུ་ཤ་ལས་བྱས་པའི།། སྟན་བཟང་དེ་ལ་འདི་གནས་སུ།། དེ་ནས་ཆོ་ག་སྔོན ་གསུངས་པས། ཁྲོ་བོ་ལ་ནི་མཆོད་པར་བྱ།། ལག་པ་གཉིས་ནི་དྲིས་བསྐུས་པས།། སྔགས་ཀྱི་ནོར་བུ་བླངས་ནས་སུ།། ཉེས་པའི་སྐྱོན་དག་སྦྱང་བའི་ཕྱིར། ཁྲོ་བོ་བདུད་རྩི་ལན་བདུན་བཟླས།། དེ་ནས་སྔགས་པ་ཁྲོ་བོ ་ལ།། མངོན་པར་ཕྱོར་འདུག་བཟླས་པར་བྱ།། རབ་ཏུ་དང་ཞིང་རྩེ་གཅིག་ཡིད།། ཡིད་ནི་མི་སྐྱོ་བར་དུ་བྱ།། དེ་ནས་མཁས་པས་བཟླས་པའི་མཐར། ཁྲོ་བོ་གཤིན་རྗེ་རབ་འཇོམས་པ།། ཤཱུ་ལའི་ཕྱག་རྒྱ་བཅིངས ་གཤེགས་གསོལ།། དེ་ལྟར་ལེགས་པར་ཉིན་རེ་བཞིན།། ཡི་གེ་གཅིག་པའི་སྔགས་འདི་ནི།། རྣམ་པ་ཀུན་ཏུ་ཆོ་ག་བཞིན།། གང་ཞིག་བྱེ་བ་གཅིག་ཟློས་པ།། དེ་ཡིས་དངོས་གྲུབ་དམ་པ་ཐོབ།། དེ་ནས་གཞན་ཡང ་ཅི་བསྟན་པའི། ཁྲོ་བོ་ཉིད་ཀྱིས་གསུངས་པ་ཡི།། ཆོ་ག་དག་གི་སྔགས་རྣམས་ནི།། བསྒྲུབ་པ་རྣམས་ལ་ཕན་ཕྱིར་བཤད།། ཨོཾ་ཧཱུཾ་དཱིཔྟ་ཏེ་ཛཱ་སྭཱ་ཧཱ། ཁྲུས་ཀྱི་སྔགས་སོ།། ཨོཾ་ཧཱུཾ་ཨ་མྲྀ་ཏ་པྲ་བྷ་བ་བ། ཁ་བཀྲུ་བའི་སྔགས ་སོ།། ཨོཾ་ཧཱུཾ་སརྦ་ཧོ་རཀྵ་མན་ཏ་ཐཱ་ག་ཏཱ་ཛྙཱ་པ་ཡ་ཏི་སྭཱ་ཧཱ།། བསྲུང་བའི་སྔགས་སོ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཧཱུཾ་མཉྫུ་གྷོ་ཥ་ཛྙ་ཡཱ་སརྦ་དུཥྚཱཾ་བནྡྷ་བནྡྷ་སྭཱ་ཧཱ། གདུག་པ་རྣམས་བཅིང་བའོ།། ན་མཿསརྦ ་ཏ་ཐཱ་ག་ཏ་བྷེཿཧཱུཾ་དྷྲྀ་ཀ་པྲཱ་ཀ་ར་ཕཊ། ར་བའི་སྔགས་སོ།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཡ་མ་པྲ་མ་ཐ་ན་རཀྵ་རཀྵ། ན་མཿསརྦ་བྷཱུ་ཏ་བྷ་ཡེ་བྷྱཿཏ་ཐཱ་ག་ཏོ་ཛྙཱ་པ་ཡ་ཏི་སྭཱ་ཧཱ། འདི་ནི་ཡན་ལག་ཐམས ་ཅད་བསྲུང་བའོ།། ཨོཾ་ཧཱུཾ་ཀཱ་ལ་མ་ཐ་ན་ཕཊ། ཁྲོ་བོའི་ཁང་པར་འཇུག་པའི་སྔགས་སོ།། ཨོཾ་ཧཱུཾ་རཀྵ་རཀྵ་མཱཾ་སྭཱ་ཧཱ།། གདན་གྱི་སྔགས་སོ།། ཨོཾ་ཧཱུཾ་སིཏྱ་དེ་ཧཱུཾ་ཛྲིཾ་ཛྲིཾ།། སྔགས་ཀྱི་ནོར་བུ་བླང་བའི་སྔགས་སོ།། ཨོཾ་ཧཱུཾ་ཀྲོ་དྷ་ཨ ་མྲྀ་ཏ་ཛ་གད་པྲ་བྷ་སྭཱ་ཧཱ། སྔགས་ཀྱི་ནོར་བུ་ལ་གདབ་པའི་སྔགས་སོ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡི་གེ་གཅིག་པའི་རི་མོ ་དང་མཆོད་པ་དང་བཟླས་པའི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །། དེ་ཡི་སྔོན་དུ་བསྙེན་པ་ནི།། བྱེ་བ་གཅིག་ཏུ་ངེས་པར་བཤད། ཁྲོ་བོ་བརྟུལ་ཞུགས་ཕྱིས་སྤྱད་ན།། དངོས་གྲུབ་མཆོག་ནི་ཐོབ་པར ་འགྱུར།། ཤིང་ལས་བྱས་པའི་ཐོད་པ་ནི།། ཉི་ཤུ་རྩ་དྲུག་སོར་ཚད་བྱས།། མཁས་པས་རྩེ་གསུམ་རྣོན་པོ་ནི།། ལག་པ་གཡས་དང་གཡོན་དུ་བཟུང་།། གཟིག་ལྤགས་ཀྱི་ནི་གོས་བགོས་ནས།། ལུས་ནི་ཐལ་བ་དག ་གིས་སྐུ།། རུས་པ་དག་གི་ཕྲེང་བ་ཡིས།། རྒྱན་དུ་བྱས་ནས་བརྟུལ་ཞུགས་སྤྱད།། འཇིག་རྟེན་འཇིག་པར་བྱེད་པ་ཡི།། གད་མོ་སྒྲ་ཆེན་དག་ཀྱང་འབྱིན།། དུར་ཁྲོད་དམ་ནི་ཤིང་གཅིག་གམ།། རིའམ་ཡང་ན་ཚལ་ཡང ་རུང་།། མཁས་པས་ཟླ་བ་དྲུག་ཏུ་ནི།། ལྕི་བ་བཟའ་ཞིང་བརྟུལ་ཞུགས་སྤྱད།། བློ་ལྡན་གྲོང་དུ་ཡོང་མི་འཇུག། མཉམ་པར་བཞག་ཅིང་ཚིག་མི་སྨྲ།། གཙང་ཞིང་ཚངས་པར་སྤྱོད་པ་དུལ།། རྟག་ཏུ་བདེ་གཤེགས་སེམས ་དང་ལྡན།། བྱང་ཆུབ་སེམས་དང་ཀུན་ལྡན་ཞིང་། ཁྲོ་བོའི་བརྟུལ་ཞུགས་གང་སྤྱོད་ཅིང་།། རྟག་ཏུ་བཟླས་ལ་བརྩོན་བྱེད་པ།། དེ་ནི་དངོས་གྲུབ་མཆོག་འཐོབ་འགྱུར།། གཤིན་རྗེ་རབ་ཏུ་འཇོམས་པ་འདི།། དངོས་གྲུབ ་གཞན་དུ་ཡོང་མི་འགྱུར།། གོང་ཚེ་འདི་ཡི་བརྟུལ་ཞུགས་ནི།། བསྙེན་པར་བྱ་བར་མི་ནུས་ན།། དེ་ཚེ་ལྕི་བ་ཟ་ཞིང་ནི།། ཚུལ་བཞིན་བྱེ་བ་གསུམ་དུ་བཟླས།། བཟླས་པ་བྱས་པའི་ཐ་མར་ཡང་།། མཁས་པས་མཆོད་པ ་རྒྱ་ཆེར་བྱ།། དེ་ནས་སྣ་མའི་མེ་ཏོག་སྟོང་།། རི་མོ་དག་ལ་ཕོག་པར་དབུལ།། རིག་པ་འཛིན་པའི་ལེགས་པ་རུ།། དེ་ཡི་ཕོག་པར་ཕུལ་ནས་ནི།། གང་ཚེ་རབ་ཏུ་འབར་གྱུར་པ།། དེ་ཚེ་རི་མོ་དེ་ཡིས་ནི།། ནམ་མཁར ་འཕར་བར་གདོན་མི་ཟ།། དེ་ནས་རིག་འཛིན་ཐམས་ཅད་ཀྱི།། མཆོག་ཏུ་འགྱུར་ཏེ་ཐོག་མར་འགྲོ།། འོན་ཏེ་ཕོག་པར་ཕུལ་ན་ནི།། རབ་ཏུ་གཡོ་བར་གྱུར་ན་ནི།། ཆོ་ག་ཞིབ་ལས་བཤད་པ་བཞིན།། དེ་ལ་དངོས་གྲུབ ་འབྲིང་དུ་འགྱུར།། དེ་སྟེ་རབ་ཏུ་མི་གཡོ་བར།། རི་མོ་རང་བཞིན་དུ་འདུག་ལ།། དངོས་གྲུབ་ཐ་མ་ཐོབ་པར་འགྱུར།། ཅི་ལྟར་འབྲས་བུ་རྣམ་གསུམ་བཤད།། ལུས་ནི་ཉོན་མོངས་སྤྱད་པ་ལས།། དངོས ་གྲུབ་རྣམ་གསུམ་འཐོབ་པར་འགྱུར།། བརྟུལ་ཞུགས་སྨྱུང་ལ་རབ་ཏུ་འབད།། ཡང་ན་ཆུ་ཡི་ཀླུད་དག་བཟའ།། ཅི་ལ་མ་ཆགས་ཕྱུགས་ཅིན་བཏུང་།། བྱང་ཆུབ་སེམས་དང་ཀུན་ལྡན་ན།། དེ་ཚེ་དངོས་གྲུབ་དམ ་པ་ཐོབ།། རིག་པའི་མཆོག་ཀུན་བསྒྲུབས་པ་ལ།། དངོས་གྲུབ་མཆོག་དང་འབྲིང་རྣམས་དང་།། ཐ་མ་དག་གིས་བསྒྲུབ་པའི་ཕྱིར།། འདི་དག་སྤྱིར་ནི་བསྒྲུབ་བསྟན་ཡིན།། གང་ཚེ་དངོས་གྲུབ་མཆོག་རྣམས ་དང་།། འབྲིང་ཡང་གལ་ཏེ་མི་འདོད་ལ།། ལོངས་སྤྱོད་རྟག་ཏུ་འདོད་ན་ནི།། དེ་ཚེ་རྟག་པར་བཟླས་པར་བྱ།། འདི་ཡི་ཆོ་ག་གཞན་དག་ཀྱང་།། དེ་ནས་མདོར་ནི་བཤད་པར་བྱ།། ས་གཞི་རབ་ཏུ་མདངས་དགའ ་བ།། ལྕི་བ་བཟང་པོ་བསྐུས་པ་ལ།། དེར་ནི་ཙནྡན་དམར་པོ་ཡིས།། དཀྱིལ་འཁོར་དག་ནི་མཁས་པས་བྱ།། དེ་ཡང་བཟང་པོ་ཁྲུ་གང་ཙམ།། རབ་ཏུ་མཉམ་ཞིང་ཡིད་དུ་འོང་།། གཤིན་རྗེ་རབ་ཏུ་འཇོམས་པའི ་གང་།། དཀྱིལ་འཁོར་དུར་ཁྲོད་གནས་གསུངས་པ།། དེ་ནས་དེར་ནི་སྔགས་དག་ནི།། དཀྱིལ་འཁོར་མཆོག་དེ་བྱས་ནས་ནི།། དེ་ཡི་འོག་ཏུ་སྔགས་རིག་པས།། ཇི་སྐད་གསུངས་པའི་ལས་དག་གིས།། ཅི་འབྱོར་པ་དང ་ཅི་ནུས་ཀྱིས།། ཁྲོ་བོ་ལ་ནི་མཆོད་པར་བྱ།། ཉི་མ་རེ་རེ་ཆོ་ག་བཞིན།། བཟླས་པ་དག་ཀྱང་སྟོང་དུ་བྱ།། དེ་ལྟར་རྟག་ཏུ་བྱས་པ་ཡིས།། འདོད་པའི་འབྲས་བུ་ཐོབ་པར་འགྱུར།། འཇིག་རྟེན་ཐམས་ཅད་དགའ་བར ་ཡང་།། གདོན་མི་ཟ་བར་འགྲུབ་པར་འགྱུར།། དེ་ཡི་དགྲ་ཡང་མེད་པར་འགྱུར།། ནད་མེད་འགྱུར་བར་གདོན་མི་ཟ།། དེ་ཡི་ལོངས་སྤྱོད་འཕེལ་བར་འགྱུར།། རྒྱལ་པོའང་དེ་ཡི་དབང་དུ་འགྱུར།། གང་ཞིག་རྟག་པར ་ཆོ་ག་འདིས།། གཤིན་རྗེའི་གཤེད་ནི་ཟློས་བྱེད་ན།། དེ་ལས་དེ་ཡི་དབང་པོ་དང་།། གཡོ་དང་མི་གཡོ་འཇིག་རྟེན་རྣམས།། བྱང་ཆུབ་སེམས་ལྡན་དེ་ཡི་ནི།། དབང་དུ་འགྱུར་བར་གདོན་མི་ཟ།། འཇམ་དཔལ་གྱི་རྩ ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡི་གེ་འབྲུ་གཅིག་པའི་བརྟུལ་ཞུགས་རིམ་པར་ཕྱེ་བ་སྟེ་བཅུ་གསུམ་པའོ།། །། དེ་ནས་གཞན་ཡང་བརྟུལ ་ཞུགས་ཀྱིས།། བསྒྲུབ་པའི་ལས་རྣམས་བཤད་པར་བྱ།། དངོས་གྲུབ་མཆོག་རྣམས་ཐམས་ཅད་ནི།། གཤིན་རྗེ་རབ་ཏུ་འཇོམས་པ་འདི།། བརྟུལ་ཞུགས་དག་ནི་འདི་ཉིད་ཀྱིས།། རྣམ་པ་ཀུན་ཏུ་བསྒྲུབ་པར་བྱ།། ཕལ ་ཆེར་དངོས་གྲུབ་མཆོག་རྣམས་ནི།། བརྟུལ་ཞུགས་མེད་པས་མི་འགྲུབ་སྟེ།། དེ་བས་གཤིན་རྗེ་འཇོམས་པ་ཡི།། བརྟུལ་ཞུགས་སྤྱད་པ་བྱས་ནས་སུ།། དངོས་གྲུབ་མཆོག་རྣམས་ལེགས་པར་བསྒྲུབ།། མཁས་པས ་གཞན་ལ་མ་ཡིན་ནོ།། ཇི་སྐད་བསྟན་པའི་མཚོན་ཆ་རྣམས།། རྩ་བའི་རྟོག་པའི་ཆོ་ག་བཞིན།། སྔགས་རིག་སྦྱོར་བ་སྔ་མ་བཞིན།། དེ་དག་རྟག་ཏུ་ལེགས་པར་བསྒྲུབ།། དེ་ལ་འདིར་ནི་རྟོག་པ་རུ།། དུར ་ཁྲོད་གནས་པའི་དཀྱིལ་འཁོར་ནི།། དངོས་གྲུབ་ཐམས་ཅད་རབ་སྦྱིན་པ།། བྱེ་བྲག་ཏུ་ནི་ལོགས་ཤིག་གསུངས།། རལ་གྲི་ས་འོག་རོ་ལངས་དང་།། མིག་འཕྲུལ་ཨཱཉྫ་གིའུ་ཝང་དང་།། ཡུངས་ཀར་བ་བླ་བཙག་རྣམས ་དང་།། གཞན་ཡང་ལས་དག་ཅི་འདོད་དང་།། མི་སྣང་བ་དང་རྐང་མགྱོགས་དང་།། གསེར་འགྱུར་རྩི་དང་བཅུད་ཀྱིས་ལེན།། གནོད་སྦྱིན་མོ་རྣམས་བསྒྲུབ་པ་དང་།། ཀླུ་ཡི་བུ་མོ་ལ་སོགས་བསྒྲུབ།། དགུག་པའི་ཆོ་ག ་དམ་པ་ཡི།། བུད་མེད་དམ་པ་སྤྱད་བསྒྲུབ་པ།། རྩ་བའི་རྟོག་པའི་ཆོ་ག་ཡིས།། ཚུལ་བཞིན་གནས་ནས་བསྒྲུབ་པར་བྱ།། དེ་ལས་འདི་ནི་ཁྲོ་བོ་འདི།། ཡི་གེ་འབྲུ་གཅིག་ཁྱད་པར་བཤད།། དེ་ནས་ཇི་སྐད་གསུངས ་བསྟན་ཀུན།། མ་སྨོས་པ་ཡང་བསྒྲུབ་པར་བྱ།། འཇམ་དཔལ་ཁྲོ་བོའི་སྙིང་པོ་འདི།། ཧཱུཾ་ཞེས་བྱ་བ་རྒྱས་པ་སྟེ།། འདི་ནི་རྩ་བའི་ཆོ་ག་ཡིན།། བསྡུ་བ་ཡོངས་སུ་སྒྲགས་པའོ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཆོ་ག་ཞིབ་མོ་བསྡུས་པ་རིམ་པར་ཕྱེ་བ་སྟེ་བཅུ་བཞི་པའོ།། །། རྟོག་པ་མདོ་རུ་བསྡུས་པ་དང་།། རྒྱས་པ་དག་ཏུ་བཤད་པ ་དང་།། བརྟུལ་ཞུགས་དང་ནི་ངེས་པ་ཡི།། དེ་ནས་ཁྲོ་བོ་གཟི་ཅན་གྱི།། ཞལ་དྲུག་ཧཱུཾ་ཞེས་བྱ་བའི་སྔགས།། བཟླས་པ་ཙམ་གྱིས་གྲུབ་པ་ནི།། གསང་བ་མདོ་རུ་བཤད་པར་བྱ།། བརྟུལ་ཞུགས་སྤྱད་དང་བརྟུལ་ཞུགས ་དཀའ།། དེ་དག་འདི་ལ་ཡོད་མེད་དེ།། ལན་གཅིག་བཟླས་པ་ཙམ་གྱིས་ཀྱང་།། ལས་རྣམས་ཐམས་ཅད་བྱེད་པར་འགྱུར།། ཨོཾ་ན་མཿསརྦ་ཏ་ཐཱ་ག་ཏེ་བྷྱཿཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཡ་མ་པྲ་མ་ཐ་རཀྵ་རཀྵ། མཱཾ་སརྦ་བྷཱུ་ཏ་བྷ ་ཡེ་བྷྱཿཏ་ཐཱ་ག་ཏཱ་ཛྙཱ་བ་ཡ་ཏི་སྭཱ་ཧཱ། ཡི་གེ་བཞི་བཅུ་རྩ་གསུམ་འདི། ཁྲོ་བོ་བཀླགས་པ་ཙམ་གྱིས་འགྲུབ།། དངོས་གྲུབ་ཐམས་ཅད་རབ་ཏུ་སྟེར།། སངས་རྒྱས་ཀུན་གྱིས་མངོན་པར་བསྟོད།། དེ་ནི་རྟག་པར་བཟླས་ན ་ནི།། དངོས་གྲུབ་ཐམས་ཅད་སྟེར་བར་བཤད།། དུར་ཁྲོད་གནས་སུ་རྟག་པར་ནི།། རྟག་ཏུ་ཟློས་པ་ཆོ་ག་འདིས།། ལྷ་དང་ལྷ་མིན་དྲི་ཟ་དང་།། གནོད་སྦྱིན་སྲིན་པོ་ཀླུ་ཡི་རིགས།། དཔག་ཚད་བདུན་ནི་ཁོར་ཡུག ་ཏུ།། དེ་ཡི་གཟིས་ནི་འབྱེར་བར་འགྱུར། ཁྲོ་བོ་གཤིན་རྗེའི་གཤེད་མཛད་པ།། ཞལ་དྲུག་ཧཱུཾ་གི་སྔགས་འདི་ནི།། གང་ཞིག་ཟློས་པར་བྱེད་པ་ནི།། འགྲོ་དང་མི་འགྲོ་འཇིག་རྟེན་ན།། དེ་ལ་དཀའ་བ་ཅུང་ཟད ་མེད།། ཞལ་དྲུག་ཧཱུཾ་ཞེས་བྱ་བའི་སྔགས།། ཤཱུ་ལ་ཕྱག་རྒྱ་ལྡན་པ་ནི། ཁྲོ་བོ་རྣམ་རྒྱལ་རྒྱུད་འདི་ལ།། དེ་ནི་གྲུབ་པར་རབ་ཏུ་བསྒྲགས།། དུར་ཁྲོད་གནས་སུ་ཆོ་ག་བཞིན།། དེ་ཡི་སྔོན་དུ་བསྙེན་པ་ནི།། ཐོག་མ་ཉིད་དུ ་ཚིག་འབུམ་བྱ།། དེ་ནས་རྟག་པའི་ཆོ་གར་སྤྱད།། རྟག་པར་སྤྱོད་པའི་ཆོ་ག་ཡིས།། དེ་ནས་ཚིག་འབུམ་བཟླས་ནས་ཀྱང་།། དེ་འོག་ཇི་སྐད་གསུངས་པ་ཡིས།། ལས་རྣམས་ཀྱི་ནི་བསྒྲུབ་ལ་འཇུག། ་བའི་རྟོག་པའི་ཆོ་ག་ཡི།། དེ་ནས་ཐམས་ཅད་ལས་གྲུབ་པར།། ཞལ་དྲུག་ཧཱུཾ་ཞེས་བྱ་བ་ཡི།། ཆོ་ག་འདིར་ནི་མདོར་བཤད་པ།། འཇམ་དཔལ་ལས་བྱུང་ཁྲོ་བོ་ནི།། ཧཱུཾ་ཞེས་བྱ་བའི་ཞལ་ཉིད་ཡིན།། གཤིན་རྗེའི་གཤེད ་ཅེས་བྱ་བར་གྲགས།། འདི་ལ་དཀའ་བ་ཅི་ཡང་མེད། ཁྲོ་བོའི་ཞལ་ནས་མདོ་རུ་ནི།། ཆོ་ག་བཟང་པོ་གཅིག་གསུངས་པའི།། ཆོ་ག་དེ་བཞིན་བདག་གིས་བཤད།། ཞལ་དྲུག་ཧཱུཾ་ཞེས་བྱ་བ་འདིས།། ཧཱུཾ་ཞེས་བྱ་བ་དྲུག་ཏུ ་བསྒྲགས།། དེ་བཞིན་གཞན་ཡང་རྟོག་པ་རུ།། ཧཱུཾ་གི་མཐའ་ནི་བསྐུལ་བ་བྱ།། ཧཱུཾ་ཏྲཾ་ཤཱུ་ལའི་ཕྱག་རྒྱར་ལྡན།། རེ་རྣམས་ཀུན་ཀྱང་འགས་པར་བྱེད།། ཧཱུཾ་ཏྲི་རབ་ཏུ་སྦྱར་ན་ནི།། མྱུར་དུ་རས་ཀྱང་གས་པར་འགྱུར།། ཧཱུཾ ་ཚིག་རིག་སྔགས་ཐམས་ཅད་དང་།། མཚོན་ཆ་རྣམས་ནི་གཅོད་པར་བཤད།། ཤཱུ་ལའི་ཕྱག་རྒྱ་དང་ལྡན་པར།། ཧཱུཾ་ཁ་རྟག་པར་རབ་སྦྱར་ནས།། སྡང་བ་རྣམས་ནི་ཟ་བ་དང་།། དགྲ་ཡི་དཔུང་དག་རབ་ཏུ་འཇིག། ཧཱུཾ་ག ་རབ་ཏུ་སྦྱར་ན་ནི།། གླང་པོ་གནོན་པ་རབ་ཏུ་བསྒྲགས།། ཧཱུཾ་ཐ་མཚོན་ཆ་ཀུན་འཕེལ་ཚེ།། ལྷ་དང་ལྷ་མིན་འཇིགས་པར་བྱེད།། ཧཱུཾ་ཧ་དཔུང་རྣམས་འཇིག་པ་དང་།། རྨོངས་པར་བྱེད་པ་ཡོངས་སུ་བསྒྲགས།། ཧཱུཾ་གྲ་རབ ་ཏུ་སྦྱར་ན་ནི།། ཕན་ཚུན་མཚོན་ཆ་འཁྲུགས་པར་བྱེད།། ཧཱུཾ་ཨ་རབ་ཏུ་སྦྱར་ན་ནི།། སླར་ཡང་ཐར་བར་བྱེད་པ་ཡིན།། ཧཱུཾ་ག་གླང་པོ་སེང་གེ་དང་།། རྟ་དང་མི་དང་བྱ་རྣམས་དང་།། གྲུ་དང་ཤིང་རྟའི་བཞོན་པ ་དང་།། འབབ་ཆུ་དག་ཀྱང་མྱུང་བར་འདིར།། ཤཱུ་ལའི་ཕྱག་རྒྱར་ལྡན་བྱས་ན།། གནོད་པར་བྱེད་པའི་མཆོག་ཡིན་ནོ།། ཧཱུཾ་བ་རབ་ཏུ་སྦྱར་ན་ནི།། མནན་པ་རྟག་ཏུ་ཐར་བར་བྱེད།། ཧཱུཾ་དྷཾ་རབ་ཏུ་སྦྱར་ན་ནི།། ལྷ་དང་ལྷ ་མིན་གཞན་ཡང་འགྲུབ།། དངོས་གྲུབ་ཕྲ་མོ་ཐམས་ཅད་ལ།། བསྐུལ་ན་དེ་ཡི་འབྲས་བུར་འགྱུར།། ཧཱུཾ་བཾ་ཀུན་ཏུ་དབང་བྱེད་པ།། ཐ་མར་ར་བཞག་དབྱེ་བར་བྱེད།། ཏ་དང་སྦྱར་ན་སྡང་བར་བྱེད།། མ་དང་སྦྱར ་བ་གསོད་པར་བྱེད།། ཡ་དང་སྦྱར་ན་དེ་བཞིན་གསོད།། ལ་དང་སྦྱར་ན་མིག་འཕྲུལ་བྱེད།། ཞི་དང་རྒྱས་ལ་འབའ་ཞིག་གོ། དེ་ལ་སོགས་པ་གཞན་རྣམས་ཀྱང་།། རྩ་བའི་ཆོ་གས་སྦྱར་བར་བྱ།། དེ་ནས་ཇི་སྐད ་གསུངས་པ་ཡི།། ལས་རྣམས་ཀྱིས་ནི་བསྒྲུབ་པར་བྱ།། དེ་ལྟར་གཤིན་རྗེའི་གཤེད་འདི་ཡི།། དངོས་གྲུབ་ངེས་པར་ཐོབ་པར་འགྱུར།། འདི་ནི་ཁྲོ་བོ་རྣམ་རྒྱལ་གྱི།། རྟོག་པའི་ཡི་གེ་གཅིག་པ་གང་།། འཇམ་དཔལ་ཁྲོ་བོ ་གཙོ་བོ་ཡི།། གསང་བ་གཞན་དག་བཤད་པ་ཡིན།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་པའི་ཕྱི་མའི་ཡང་ཕྱི་མ་ལས་ཁྲོ་བོའི་རྒྱལ་པོ་གཤིན་རྗེའི་གཤེད་ཞལ་དྲུག་ཧཱུཾ་ཞེས་བྱ་བ་ལས་བྱུང་བའི་ཆོ ་གཞིབ་མོ་རིམ་པར་ཕྱེ་བ་སྟེ་བཅཝ་ལྔ་པའོ།། །། དེ་ནས་ཆོ་ག་ཞིབ་རྒྱས་པ།། གཤིན་རྗེའི་གཤེད་པོ་གཅིག་པོ་ཡི།། ཆོ་ག་ཀུན་གྱི་མཆོག་དང་རབ།། དོན་གྲུབ་ཅེས་པ་བཤད་པར་བྱ།། དེ་ལ་རིག ་འཛིན་དཔལ་ལྡན་པས།། ལས་རྣམས་ཐམས་ཅད་བསྒྲུབ་པའི་ཕྱིར།། མཉམ་གཞག་བྱང་ཆུབ་སེམས་ལྡན་པས།། ཐོག་མར་དཀྱིལ་འཁོར་བྲི་བར་བྱ།། མཚོའམ་རྒྱ་མཚོའི་འགྲམ་དག་གམ།། གཅོང་རོང་དུར་ཁྲོད་དུ ་ཡང་རུང་།། དེ་དང་དེར་ནི་ས་བརྟགས་ནས།། མེ་ཏོག་སིལ་མ་དག་གིས་བརྒྱན།། དཔའ་བོ་གཅིག་པའི་སྔགས་འབར་བས།། མེ་ལྕེ་འབར་བས་འཁྲུག་བྱས་ཏེ།། ས་དང་སྐྱུ་རུ་ར་ལ་སོགས།། བསངས་ནས་ཁྲུས་ལ ་བརྩམ་པར་བྱ།། རིག་འཛིན་ཁྲུས་བྱས་གཙང་མ་ཡི།། དེ་ནས་སྔགས་དེས་ཐམས་ཅད་ནི།། བདག་གི་ལུས་ལ་དགོད་པར་བྱ། ཁྲོ་མིག་དམར་པོར་གྱུར་པ་ཡི།། དེ་ནས་ས་ཕྱོགས་གཙང་མ་ནི།། ཕྱག་དར་ཟང་ཟིང ་ཡོངས་བླངས་པ།། བགེགས་རྣམས་ཞི་བར་བྱ་བའི་ཕྱིར།། གསང་སྔགས་ཟློས་ཤིང་བལྟ་བར་བྱ།། དེ་ནས་ཁྲོ་བོ་གཤིན་རྗེའི་གཤེད།། དཔའ་བོ་གཅིག་པུའི་སྔགས་ཟློས་ཤིང་།། དཀྱིལ་འཁོར་བཟང་པོ་གྲུ་བཞི ་པར།། དུར་ཁྲོད་ཐལ་བས་བྲི་བར་བྱ།། ནུབ་ཕྱོགས་སྒོ་གདོང་སྒོ་བཞི་པར།། དེ་ཡི་དབུས་སུ་པདྨ་བྲི།། བེ་ཅོན་ཕྱག་རྒྱ་རྩེ་འབར་བ།། གྲ་བཞི་དག་ཏུ་བྲི་བར་བྱ།། འདི་ནི་བེ་ཅོན་མང་པོ་ཡིན།། ཤཱུ་ལ་ཅན་གྱི་ཤཱུ་ལ ་མང་།། མདུང་ཟུང་རྣམས་ཀྱིས་ཡོངས་བསྐོར་བ།། དེ་བཞིན་མདུང་ཟུང་མང་ཞེས་བྱ།། དེ་བཞིན་ཐོད་པ་མང་པོ་ཡིན།། མི་རོ་དང་ལྡན་མི་རོ་མང་།། མི་རོ་མི་སྡུག་མགོ་མེད་པ།། ཡི་དྭགས་འབར་དང་སྲིན་པོར ་ལྡན།། ཕྱོགས་བཅུ་ཀུན་ནས་འཇིགས་པ་ཅན།། དེ་ནས་དུར་ཁྲོད་མ་ཞེས་བྱ།། གཤིན་རྗེའི་གཤེད་པོ་དཔའ་བོ་ཡི།། དཀྱིལ་འཁོར་རྣམ་པ་དྲུག་ཏུ་བཤད།། དེ་ལ་བེ་ཅོན་མང་པོ་ནི།། ལོངས་སྤྱོད་ཐམས་ཅད་འཕེལ ་བར་བཤད།། ཤྭཱ་ལ་མང་པོ་སྲིན་རྣམས་ནི།། འཇོམས་པ་རབ་ཏུ་བསྒྲགས་པ་ཡིན།། དེ་བཞིན་མདུང་ཐུང་མང་པོ་ནི།། བགེགས་རྣམས་ཐམས་ཅད་ཚར་གཅོད་པའོ།། ཐོད་པ་མང་ཞེས་བྱ་བ་རྣམས།། འཁྲུལ ་འཁོར་ཐམས་ཅད་རབ་ཏུ་འཇིག། རི་མོ་མང་པོ་ཞེས་བྱ་བ།། རོ་ལངས་ཐམས་ཅད་བསྒྲུབ་པའོ།། དུར་ཁྲོད་མང་པོ་རབ་གྲགས་པ།། དངོས་གྲུབ་ཐམས་ཅད་རབ་སྦྱིན་པའོ།། དེ་ལ་པདྨའི་དབུས་སུ་ནི།། འཇམ་པའི ་དཔལ་གྱི་ཁྲོ་བོའི་མཆོག། གཤིན་རྗེའི་གཤེད་ཅེས་བྱ་བ་དེ།། ཆོ་ག་བཞིན་དུ་བཞུགས་པར་བསམ།། ཨིནྡྲ་ནཱི་ལ་བཅག་འཕྲོའི་མདོག། ཞལ་དྲུག་སྤྱན་ཡང་འཇིགས་པར་གཟིགས། ཁྲོས་ཤིང་ཞལ་ཡང་བགྲད ་པ་སྟེ།། འཇིགས་འཇིགས་བལྟ་ལ་འཇིགས་པར་གནོན།། སྤྱན་གསུམ་སྒྲ་ཡང་གྱེན་དུ་བརྫེས།། ཚེམས་ཀྱིས་སྒྲོས་མནན་འཇིགས་འཇིགས་ལྟ།། བཅཝ་བརྒྱད་ཕྱག་ནི་དྲན་པར་བྱ།། ཞབས་ཀྱང་རབ་ཏུ་འབར་བ ་དྲུག། མི་རོ་མགོ་མེད་ཕྲེང་བ་ཡིས།། སེ་རལ་ཁ་ཡི་རྒྱན་དུ་བྱས།། མདུང་ཐུང་ཐོ་བ་ཞགས་པ་ཡི།། རལ་གྲི་ལྕགས་ཀྱུ་མཚོན་ཆ་ཐོགས།། ཤཱུ་ལ་རྡོ་རྗེ་དབྱུག་ཏོ་དང་།། བེ་ཅོན་མཚོན་ཆ་རྣམས་དང ་ནི།། དེ་ལྟར་གཡས་པའི་ཕྱག་ན་བསྣམས།། གཡོན་པས་བསྡིགས་ཤིང་དྲིལ་བུ་དང་།། ཐོད་པ་བཟང་པོ་ཁ་ཊྭཱཾ་ག། མི་མགོ་རློན་དང་ཀེང་རུས་དང་།། འཇིགས་པའི་མི་རོ་དབྱུག་ཏོ་འབར།། དེ་དག་ཕྱག་ན་རྟག ་ཏུ་ཐོགས། ཁྲོ་བོ་གཤིན་རྗེའི་གཤེད་པོ་ནི།། ཤི་བའི་རོ་ཡི་སྟེང་ན་བཞུགས།། འཇིགས་པ་མཚོན་གདེངས་འཇིགས་འཇིགས་ལྟ།། དུར་ཁྲོད་ན་ནི་རྟག་ཏུ་བཞུགས།། སྦྲུལ་དང་སྲིན་པོ་ཐམས་ཅད་འཇོམས།། ལྷ་རྣམས ་ཀུན་ཀྱིས་ཕྱག་བྱས་ཤིང་། ཁྲོ་བོ་ཐམས་ཅད་ལེགས་པར་འདུད།། སྐུ་ནི་རབ་ཏུ་འབར་བ་ཅན།། འཁྲུག་ཅིང་རབ་ཏུ་ཟ་བ་རྣམས།། སྟག་ལྤགས་ན་བཟའ་མནབས་པར་དགྱེས།། འཇིག་རྟེན་ལྷ་ནི་ཁྲོ་བོ ་རྣམས།། མཚོན་ཆ་དང་ནི་མཐུ་སྤངས་ནས།། རྗེས་སུ་འབྲང་ཞིང་ཕྱག་བྱས་པའི། ཁྲོ་བོ་གཤིན་རྗེའི་གཤེད་དྲན་བྱ།། དེ་ལྟར་འཇིགས་མེད་བྱས་ནས་སུ།། བདག་གི་སྔགས་ཀྱིས་དྲན་བྱས་ནས།། སྤྱན་དྲངས་ཙནྡན ་གྱིས་བསྐུས་ནས།། མེ་ཏོག་མང་པོས་མཆོད་པར་བྱ།། རྟག་ཏུ་རིག་པ་འཛིན་པ་ཡིས།། ཙནྡན་དམར་པོ་དབུལ་བར་བྱ།། བདུག་པ་དང་ནི་གཏོར་མ་ཡིས།། རིམ་པ་བཞིན་དུ་མཆོད་ནས་ནི།། བློ་བ། སློབ།། མ་ཁྲོ ་བོའི་སྔགས་དག་དང་།། སངས་རྒྱས་སྤྱན་གྱི་སྔགས་དག་གིས།། བཙུད་ནས་མེ་ཏོག་འདོར་དུ་གཞུག། དེ་ནས་རིག་འཛིན་དཔལ་དང་ལྡན།། བདུད་རྩི་ཟབ་སྦྱོར་བཟླས་ནས་སུ།། ཕྲེང་བ་ཙནྡན་དཀར་ལ ་སོགས།། མཆོད་པ་བྱས་ནས་སློབ་མ་ལ།། དེ་ནས་སངས་རྒྱས་སྤྱན་ཡང་བཟླས། ཁྲོ་བོ་གཤིན་རྗེའི་གཤེད་པོ་ནི།། འཇིགས་པ་ཕ་རོལ་གནོན་པ་སྦྱིན།། ལྷ་ཁྱོད་བདག་གིས་མནོས་སོ་ཞེས།། དེ་སྐད་སློབ་མས་ལན། ་གསུམ་སྨྲས།། དེ་ནས་སྔགས་རིག་ཆོ་ག་བཞིན།། བླ་མ་དག་ལ་ཕྱག་བྱས་ནས།། ཆོ་ག་བཞིན་དུ་དབང་བསྐུར་བས། ཁྲོ་བོ་གཤིན་རྗེའི་གཤེད་པོ་བཟླས།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ ་བ་ཕྱི་མའི་ཡང་ཕྱི་མ་ལས་ཁྲོ་བོའི་རྒྱལ་པོ་གཤིན་རྗེའི་གཤེད་རིམ་པར་ཕྱེ་བ་སྟེ་བཅུ་དྲུག་པའོ།། །། དེ་ནས་གཞན་ཡང་གཤིན་རྗེ་ཡི།། གཤེད་པོའི་སྔགས་འདི་མནོས་ནས་སུ།། མི་རོ་དག་གི་གོས་བླངས ་ནས།། དེ་ལ་དེ་ཡི་གཟུགས་ཀྱང་བྲི།། དེ་ནས་ཚོན་རྩི་སྦྱིན་མེད་པས།། བཟང་པོས་སྔ་མ་བཞིན་དུ་བྱ།། བཟང་པོ་ཁྲུ་གང་ཚད་དུ་བྱ།། ཡང་ན་ཁྲུ་བཞིའི་ཚད་དུ་བྱ།། གང་ཚེ་སྔགས་པ་བདག་ཉིད་ཀྱིས།། བྲི་བར་མི ་ནུས་དེ་ཡི་ཚེ།། བཟོ་བོ་སྦྱང་བ་བྱས་པ་ནི།། ཁྲིམས་མནོས་པ་དག་འདྲི་རུ་གཞུག། ཤི་བའི་རོ་ཡི་སྟེང་དུ་གཞུག། ཕྱག་ནི་བཅཝ་བརྒྱད་རྣམས་ཀྱིས་བརྒྱན།། ཞལ་དྲུག་ཞབས་ཀྱང་དྲུག་ཏུ་བསྟན།། འཇིགས་པ་གནོན་པ ་འཇིགས་འཇིགས་ལྟ། ཁ་ཅིག་བཞད་ཅིང་ཁ་ཅིག་ནི།། ལྗགས་འདྲིལ་ཁ་ཅིག་མཆེ་བ་གཙིགས། ཁ་ཅིག་ཞལ་གདངས་ཁ་ཅིག་ཁྲོས། ཁ་ཅིག་འཇིགས་པ་ཕ་རོལ་གནོན། ཁྲོ་བོ་དེ་འདྲའི་ཞལ་འདྲ ་བ།། སྨིན་མཚམས་སེར་ལ་སྤྱན་ཡང་སེར།། ཇི་སྐད་གསུངས་པའི་མཚོན་ཆ་རྣམས།། ཕྱག་ན་བསྣམས་པ་བྲི་བར་བྱ།། དབེན་ཞིང་འདུ་འཛི་མེད་པ་རུ།། སྔགས་པས་དེ་ལྟར་འདྲིར་གཞུག་གོ། དེ་ལྟར་བྲིས་ནས ་སྔགས་མཁན་དེ།། རི་མོ་ལ་ནི་བལྟས་ནས་འདུག། ཆོ་ག་ཤེས་པས་འབུམ་བཟླས་ཏེ།། རི་མོ་བྲིས་པས་དེ་ཉིད་ཀྱིས།། དེ་ནས་བསྒྲུབ་ལ་འཇུག་པར་བྱ།། གཤིན་རྗེའི་གཤེད་པོ་དེ་ཡི་སྔགས།། དྲག་པོ་གང་ཡིན་དེ ་བཤད་དོ།། ཨོཾ་ནི་དེ་ཡི་དབང་པོ་ཡིན།། ཨ་ཞེས་བྱ་བ་གཉིས་པ་ཡིན།། ཀྲོ་ཞེས་བྱ་བ་གསུམ་པ་སྟེ།། དྷེ་ཞེས་བྱ་བ་བཞི་པ་ཡིན།། ཀ་ཞེས་བྱ་བ་ལྔ་པ་ཡིན།། ཡ་ཞེས་བྱ་བ་གསང་བ་དྲུག། མཱན་ཞེས་བྱ་བ་བདུན་པ ་སྟེ།། ཏ་ནི་བརྒྱད་པར་ཤེས་པར་བྱ།། ཀ་ནི་དགུ་སྟེ་ཧཱུཾ་དང་བཅུ།། དེ་བཞིན་ཕཊ་བྱ་ལྷག་པ་སྟེ།། མི་མཉམ་སྔགས་ནི་བཅུ་གཅིག་པའོ།། འཇམ་དཔལ་གྱི་ནི་ཁྲོ་བོ་མཆོག། གཤིན་རྗེའི་གཤེད་ཅེས་བྱ་བ་ཏེ།། ཆོ་ག་ཕྱི ་མའི་ཕྱི་མ་སྟེ།། སངས་རྒྱས་ཀུན་གྱིས་མངོན་བསྟོད་པའི།། སྔགས་དེ་དེ་ལྟར་མནོས་ནས་སུ།། ཆོ་ག་མནོས་ནས་བཟླས་བྱས་ན།། རིག་འཛིན་གོ་འཕང་ཐོབ་པར་འགྱུར།། ཨོཾ་ཨ་ཀྲོ་དྷེ་ག་ཡ་མཱནྟ་ཀ་ཧཱུཾ་ཕཊ། གཤིན ་རྗེའི་གཤེད་པོ་ལྷའི་ལྷའོ།། ཨོཾ་ཨ་མྲྀ་ཏ་ཀུནྡ་ལི། སརྦ་བིགྷ་ནཱནྟ་ཏ་ཀྲིཏྟ་ན་ཧཱུཾ་ཧཱུཾ་ཧཱུཾ་ཕཊ། བདུད་རྩི་ཟབ་སྦྱོར་གྱིའོ།། ཨོཾ་བུདྡྷ་ལོ་ཙ་ནི་སྭཱ་ཧཱ། སངས་རྒྱས་སྤྱན་གྱིའོ།། དེ་ནས་གཞན་ཡང་བཟླས་པ་ཡི།། གནས་དག་ཇི ་ལྟར་ཡིན་པར་བཤད།། དུར་ཁྲོད་ཡང་ན་རི་ཡང་རུང་།། ཚང་ཚིང་པདྨའི་མཚོ་འགྲམ་དུ། ཁྲོ་ཞིང་གཤིན་རྗེའི་གཤེད་པོ་ནི།། བཟླས་ན་དངོས་གྲུབ་ཐོབ་པར་འགྱུར།། ཀུ་ཤའི་རྩཝ་ཡི་སྟན་ལ་འདུག། རི་མོ་ལ་ནི་ཕྱོགས ་འདུག་སྟེ།། ལག་པ་གཉིས་ཀ་བྲིས་བསྐུས་ནས།། རུ་དྲཱ་ཀྵ་ཡི་ཕྲེང་ཐོགས་ལ།། སྔགས་པས་རྟག་ཏུ་བཟླས་པར་བྱ།། དེ་བཞིན་བདུག་པ་ཨརྒྷ་དབུལ།། མྱུར་བ་དང་ནི་བུལ་བ་དང་།། དེ་བཞིན་ཡི་གེ་འདྲེས་པར ་ནི།། ནམ་ཡང་སྨྲ་བར་ཡོང་མི་བྱ།། རྟག་ཏུ་རབ་ཏུ་གསལ་བར་སྨྲས།། ཆོ་ག་བཞིན་དུ་ཡིད་བསམས་ནས།། བུ་དོན་ལ་ནི་སེམས་བཞག་སྟེ།། སྐྱེ་བ་མེད་པའི་སེམས་ཀྱིས་ནི།། ཡི་གེ་གོ་རིམས་བཞིན་དུ ་བཟླས།། འབུམ་གཅིག་བཟླས་པའི་ཐ་མ་ནི།། བསྒྲུབ་པར་བྱ་བ་བཤད་ཀྱིས་ཉོན།། མཚོ་ཡི་འགྲམ་དུ་དཀྱིལ་འཁོར་ནི།། དུར་ཁྲོད་མང་པོ་བྲི་བར་བྱ།། དེ་ཡི་ནང་དུ་རི་མོ་བཀྲམ།། སེམས་དཔའ་མཚན་མོ་ཞུགས ་ནས་ནི།། གྲོགས་བཟང་སེམས་ཀྱང་མ་རྨོངས་པ།། གུ་གུལ་བདུག་པ་དེ་བཞིན་བསྲེག། ཟློས་ཤིང་སྣ་མའི་མེ་ཏོག་སྟོང་།། སྙིང་གར་ཕོག་པར་བྱ་ཞིང་དབུལ།། དེ་ནས་ཁྲོ་བོ་གཤིན་རྗེའི་གཤེད་རི་མོ་ལ་ཞུགས་ཁྲོ ་པོའི་སྤྱན།། རི་མོ་དེ་ནི་ངེས་པ་རུ།། གཡོའམ་ཡང་ན་འགུལ་བར་འགྱུར།། དེ་ནས་ལྷ་དེ་གྲུབ་གྱུར་ནས།། གང་འདོད་པ་ཡི་ལས་རྣམས་བྱེད།། དེ་སྟེ་གྲུབ་པར་མ་གྱུར་ན།། གཞན་ཡང་ཚིག་འབུམ ་བཟླས་པར་བྱས།། དེ་ནས་དེ་ཡི་མཐའ་མར་བསྒྲུབ།། དེས་ཀྱང་མ་གྲུབ་གསུམ་པོ་ལ།། མཚམས་མེད་ལྔ་རྣམས་བྱེད་པ་ཡང་།། གདོན་མི་ཟ་བར་འགྲུབ་པར་བྱེད།། གྲུབ་པའི་ལས་རྣམས་གང་དག་འདིར།། བྱེད་པར ་འགྱུར་བར་བཤད་པར་བྱ།། བསྒྲུབ་པར་དཀའ་བའི་ལས་རྣམས་ཀྱང་།། ཡིད་ལ་གང་དང་གང་འདོད་པ།། དེ་དག་མཐར་ཕྱིན་མྱུར་བར་ནི།། རིག་སྔགས་འཆང་བས་བྱས་པར་འགྱུར།། རི་རྣམས་ཀྱི་ནི་རྩེ་མོ ་དང་།། གཅོང་རོང་རྣམས་ནི་བསྙིལ་བར་བྱེད།། ས་ཡང་རབ་ཏུ་འགས་པར་བྱེད།། ཆུ་དག་ཀྱང་ནི་སྐམས་པར་ནུས།། དཔུང་རྣམས་མི་གཡོ་གནོན་པར་བྱེད། ཁྲག་གི་ཆར་ཡང་འབེབས་པར་བྱེད།། སྟོང་ངམ་ཡང་ན ་འབུམ་ཡང་རུང་།། དེ་མ་ཐག་ཏུ་གསོད་པར་ནུས།། གནོན་པ་དང་ནི་རྨོངས་པ་དང་།། དེ་མ་ཐག་ཏུ་འབེབས་པར་བྱེད།། ཤིང་རྟའམ་ཡང་ན་གྲུ་དག་དང་།། གླང་པོ་མྱོས་པ་གནོན་པར་ནུས།། ཕ་རོལ་དཔུང་དག ་འཁྲུག་པར་བྱེད།། ཡུལ་ཕྱོགས་མྱུར་དུ་རྨོངས་པར་ནུས། ཁྲོས་ནས་ས་ཡང་གཡོ་བར་བྱེད།། གླིང་དང་ནགས་ཚལ་སྲེག་པར་ནུས།། དེ་ནི་གང་གཱའི་མཚོ་ཡང་སྐེམས།། སྐམས་པ་དག་ཀྱང་འགེངས་པར་ནུས།། སྤྲིན ་ཡང་ལེགས་པར་གནོན་པར་ནུས།། ཆར་པ་དག་ཀྱང་འབེབས་པར་བྱེད།། དུས་མིན་ཆར་ཡང་འབེབས་པར་ནུས།། ཀླུ་ཡི་བདག་པོ་དག་ཀྱང་འགུགས།། དེ་ནས་ནག་པོས་ཟིན་པ་ཡང་།། མཐོང་བའམ་ཡང་ན་སྤྲིན ་ཙམ་གྱིས།། འགུགས་པར་བྱེད་དེ་ཐེ་ཚོམ་མེད།། སེར་བ་དང་ནི་སོལ་བའི་ཆར།། དེ་མ་ཐག་ཏུ་འབེབས་པར་ནུས།། འབྲས་བུ་མེ་ཏོག་མཆོག་རྣམས་དང་།། ཡལ་ག་དག་གིས་བརྒྱན་པའི་ཤིང་།། བལྟས་པའམ་ཡང ་ན་རྡོ་འཕངས་པས།། གློ་བུར་དུ་ཡང་འགྱེལ་བར་བྱེད།། དེ་ནི་སྦྱར་བ་ཙམ་གྱིས་སུ།། ས་ཡི་འོག་ཀྱང་འཁྲུག་པར་བྱེད།། དེ་བཞིན་ལྷ་དང་མི་རྣམས་ལ།། གནོད་པ་ཆེན་པོ་འབྱུང་བར་བྱེད། ཁྲོ་བོའི་རྒྱལ་པོ་འདི་ཡིས ་ནི།། ངེས་པར་དབང་དུ་མི་འགྱུར་བའི།། དངོས་པོ་འདས་དང་ད་ལྟར་དང་།། ཕྱི་འབྱུང་བ་དག་གང་ཡང་མེད།། ལྷ་དེ་གྲུབ་པར་མ་གྱུར་ཀྱང་།། མཐོང་བ་ཙམ་མམ་ཚིག་གིས་ཀྱང་།། དུག་དང་རིམས་དང་གདོན ་རྣམས་སོགས།། ཞི་བར་བྱེད་པའི་མཆོག་ཏུ་འགྱུར།། དབང་དུ་བྱེད་དང་དབྱེ་བ་དང་།། གསད་དང་བསྐྲད་པར་བྱ་བ་དང་།། མིག་འཕྲུལ་ཨཉྫ་བསྐུ་བ་རྣམས།། བདུག་དང་དྲིས་བྱུག་སྦྱོར་བ་ཡི།། ལས་རྣམས་འདི ་དག་ཐམས་ཅད་ནི།། བཟླས་པ་བརྒྱ་བྱས་འགྲུབ་པར་བྱེད།། སྔགས་པ་གཏེར་ཆེན་ཡོད་པར་ནི།། སོང་སྟེ་བསྒྲུབ་པར་བྱས་ནས་སུ།། བགེགས་རྣམས་ཀྱི་ནི་མི་འཇིགས་པར།། ནོར་དེ་བཟླས་པ་སྟོང་བྱས ་པས།། བདག་གིས་ཁྱིམ་ནས་ལེན་པ་བཞིན།། ཕྲ་མོ་རྣམས་ནི་རྒྱ་ཡིས་འཐོབ།། བཟླས་དང་སྦྱིན་སྲེག་མ་བྱས་ཀྱང་།། གཤིན་རྗེའི་གཤེད་ཀྱི་མིང་ཙམ་གྱིས།། ལྷ་རྣམས་སྐྲག་པར་འགྱུར་བ་ནི།། རིང ་པོར་མི་ཐོགས་གདོན་མི་ཟ།། མ་རུངས་པར་ནི་བྱ་བ་དང་།། བྱད་དང་སྟེམས་དག་བྱ་བ་དང་།། རྨོངས་དང་མནན་པའི་དངོས་གྲུབ་རྣམས།། བལྟས་པས་རྣམ་པ་དུ་མ་ཡི།། ཆོ་ག་གཞན་གྱིས་ཆོ་ག་ཡང་།། རིང་པོར ་མི་ཐོགས་འགྲུབ་པར་ནུས།། ཡུལ་དང་ཡུལ་ཕྱོགས་དག་ཏུ་ཡང་།། གནོད་པ་དང་ནི་ནད་ཀྱང་འབྱིན།། རྨུགས་པ་དང་ནི་གནོད་པ་དང་།། རྨོངས་དང་མི་མཐོང་བྱེད་པ་དང་།། འཁྲུག་པ་དང་ནི་སྐྲག་པ་དང་།། སྐྱོ་ཞིང ་སླར་ཡང་གཡོ་བ་དང་།། ནོར་འགུགས་པ་དང་གནོན་པ་དང་།། སྐྱེ་བོ་དག་ཀྱང་འགུགས་པ་དང་།། ཡུན་དུ་འཚེ་ཞིང་འཇིགས་པ་དང་།། འཁྲུག་པ་འཐབ་མོ་སེར་བ་དང་།། བྲུ་བ་གཉིད་ཀྱིས་མྱོས་པ་དང་།། གང་ཡང ་གཞན་དག་དེ་འདོད་པ།། སྔགས་པས་གཤིན་རྗེའི་གཤེད་དྲན་པས།། དེ་དག་ཐམས་ཅད་བྱེད་པར་འགྱུར།། དེ་ནས་ཆོ་ག་ཕྱི་མ་འདི།། ཇི་ལྟར་ཡིན་པ་དེ་བཤད་དོ།། ལྷ་མ་ཡིན་གྱི་ཕུག་སྒོར་སོང་།། མཁས་པས་རི་མོ ་བཀྲམ་ནས་སུ། ཁ་ཟས་མི་ཟ་སྟན་གཅིག་འདུག་ཁྲི་ཡི་གྲངས་ཚང་བཟླས་བྱས་ནས།། དེ་ནས་བུད་མེད་གཟུགས་མཆོག་ལྡན།། བཟང་པོ་རྣམས་ནི་སྒོར་ཕྱུང་ནས།། སྒྲུབ་པ་དེ་ཡི་མདུན་དུ་ནི།། ནང་དུ་གཤེགས་ཞེས ་དགའ་བར་བྱེད།། དེ་ནས་གྲོགས་པོ་ཡིད་གཅུགས་དང་།། སྒྲུབ་པ་པོ་ནི་ལྷན་ཅིག་ཏུ།། ངེས་པར་དམ་ཚིག་དག་གིས་ནི།། དེ་ཡི་གནས་སུ་འཇུག་པར་བྱ།། དེ་བཞིན་ཇི་ལྟར་འདོད་པ་རུ།། གནོད་སྦྱིན་མ་ཡི་མིང ་རྣམས་དང་།། ཤ་ཟ་མོའང་དྲི་ཟ་མོ།། ཡང་ན་གང་འདོད་པ་ཡི་ལྷའི།། མིང་བྲིས་དེ་ཡི་མདུན་བཞག་ནས།། རི་མོ་ལ་ནི་ཉིན་རེ་ཞིང་།། དེ་ཡི་ཚིག་ནི་མཐར་སྦྱར་ནས།། མ་སྐྱོ་བར་ནི་འབུམ་བཟླས་ན།། སྒྲུབ་པ་པོ་དེས ་འཇིགས་གྱུར་ནས།། དེ་དག་ཐམས་ཅད་འོང་བར་འགྱུར།། སྒྲུབ་པོ་ཅི་སྲིད་འདོད་པར་ནི།། འདི་རུ་ལས་རྣམས་བྱེད་པར་འགྱུར།། ལྷ་རྣམས་དག་ནི་ཐམས་ཅད་ཀྱང་།། གནོད་སྦྱིན་ལ་སོགས་བསྒྲུབ་བཤད ་ཟིན།། འདི་ཡི་ཆོ་ག་ཕྱི་མ་ཡི།། ཕྱི་མ་དག་ཀྱང་བཤད་པར་བྱ།། རི་མཆོག་དག་གི་རྩེ་མོ་ལ།། ཡི་དྭགས་མང་པོའི་དཀྱིལ་འཁོར་བྲི།། ཡི་དྭགས་དཀྱིལ་འཁོར་བྲིས་ནས་ཀྱང་།། ཀུན་ལ་ཤ་ཡི་གཏོར་མ་བྱ།། གྲོགས་པོ ་སེམས་ནི་དཔའ་བ་དང་།། ཡོན་ཏན་ལྡན་ཞིང་གཟོ་བ་དང་།། མི་རོའི་གོས་ལ་བྲིས་པ་ཡི།། རི་མོ་བཞག་ལ་དེ་ནས་སུ།། བདག་གི་ཡན་ལག་ཐམས་ཅད་ལས།། རུས་པ་དག་གིས་ཁྲག་བྱུང་ཏེ།། མི་ཡི་ཐོད་པའི་ནང་དུ ་གཞག། ལུས་ལ་ཁྲག་ནི་ཅི་ཕྱིན་པ།། མི་རོའི་སྐྲ་ཡི་པིར་དག་གིས།། དེ་ནས་དེ་ཡི་ལུས་དག་དང་།། མིག་ཀྱང་རབ་ཏུ་གསལ་བར་བྱ།། དེ་ལ་བགེགས་ཀྱང་མང་དུ་འགྱུར།། དེ་ནས་དཔའ་བོས་བཤད་པར ་གསུངས།། དཔའ་བོ་དག་གིས་ལས་ཀྱང་བྱ།། དེ་ཡི་འོག་ཏུ་བཟོ་བོ་ལ།། དཔའ་བོ་དག་གིས་ཡོན་ཡང་འབུལ།། དེ་ཉིད་ཡོངས་སུ་རྫོགས་པར་ནི།། གྱུར་གྱི་བར་དུ་ཚུལ་བཞིན་གྱིས།། ཐ་མར་དཔའ་བོ ་གཅིག་པུ་དེ།། རི་མོ་མཚན་མོ་རབ་འབར་རམ།། ཡང་ན་དགོད་དམ་གཡོ་ཡང་རུང་།། དེ་ནས་དངོས་གྲུབ་ཐོབ་པར་བཤད།། རི་མོ་དེ་ནི་བླངས་པ་ཡིས།། ནམ་མཁར་འཕར་བ་གདོན་མི་ཟ།། དཔལ་ལྡན་ཐོགས་པ ་མེད་པར་འགྲོ།། མཚན་མོ་ཉི་མ་བཞིན་དུ་འབར།། དཔའ་བོ་དག་གིས་བསྒྲུབ་པ་འདི།། རིག་འཛིན་ཀུན་གྱི་ཐོག་མར་འགྲོ།། གྲུབ་པ་དེ་ལ་ལྷ་རྣམས་ཀྱང་།། གདོན་མི་ཟ་བར་ཕྱག་འཚལ་འགྱུར།། རིག་འཛིན་རྣམས ་ནི་ཐམས་ཅད་ཀུན།། ཀུན་ཏུ་བཀུར་བའི་རྒྱལ་པོར་འགྱུར།། ཡང་ན་ཆོ་ག་ཤེས་པའི་རྒྱལ།། རི་མོ་ཞི་བ་སྔོན་བཞིན་དུ།། བླངས་ཏེ་བསྲེགས་པའི་སྟེང་དུ་གཞག། དེ་ནས་བསྲེགས་པ་དེར་འདུག་ནས།། གཅིག་པོ་རལ ་གྲི་བླངས་ནས་སུ།། མཚན་མོ་གཤིན་རྗེའི་གཤེད་བཟླས་པ།། འབར་བར་འགྱུར་གྱི་བར་དུའམ།། དུ་བའམ་ཚ་བའི་བར་དུ་བཟླས།། འབར་བར་གྱུར་པ་དཔལ་དང་ལྡན།། རིག་འཛིན་དུ་ནི་དེ་འགྱུར་རོ།། དུ་བ་བྱུང ་བས་མི་སྣང་བ།། ནམ་མཁར་འགྲོ་བའི་མཆོག་ཏུ་འགྱུར།། དེ་ཚེ་ཚ་བར་གྱུར་ན་ནི།། ས་ཡི་རྒྱལ་པོར་ངེས་པར་འགྱུར།། རལ་གྲི་མཆོག་དེ་བྱ་བ་ཡང་།། སོར་ནི་སུམ་ཅུ་རྩ་གཉིས་ཤིས།། ཡན་ལག་ཐམས་ཅད་ཡོངས ་རྫོགས་པ།། བསྒྲུབ་པར་བྱ་བ་སོ་ཡི་རྡོ།། དེ་ལྟར་ཆོ་ག་ཕྱི་མ་ཡང་།། མདོར་ནི་ལེགས་པར་བཤད་པ་ཡིན།། ལག་པ་གཡས་པའི་སོར་མོ་ཡིས།། མཐེ་བོང་སྦས་ནས་གྱེན་དུ་ནི།། བསྒྲེང་བར་བྱས་པའི་ཕྱག་རྒྱ་ཡི།། བེ ་ཅོན་ཞེས་ནི་བསྒྲགས་པ་ཡིན།། ཧ་ཉིད་ཀྱི་ནི་སྔགས་ལྡན་པར།། ལས་རྣམས་ཀུན་ལ་བཅིང་བར་བྱ།། སྤྱན་དྲང་བ་དང་མཆོད་པ་དང་།། གཤེགས་སུ་གསོལ་དང་བཞུགས་པ་དང་།། ལས་རྣམས་བྱ་བའི་ཚེ་དག ་དང་།། གཞན་ཡང་དགོས་པ་འབྱུང་བའི་ཚེ།། ཚུལ་བཞིན་ཕྱག་རྒྱ་འདི་བཅིངས་ནས།། གཤིན་རྗེའི་གཤེད་ཀྱི་ལྷ་བཟླས་སོ།། སྔགས་པ་རྒྱལ་པོའི་དྲུང་སོང་ནས།། མགོ་བཏུད་པུས་མོ་བཙུགས་ནས་སུ།། བདག་ཉིད ་དང་ནི་ནོར་བཅས་པར།། གདོན་མི་ཟ་བར་མྱུར་དུ་འགྲུབ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་ཐམས་ཅད་ཀྱི་ཕྱི་མའི་ཡང་ཕྱི་མ་ལས་བཅོམ་ལྡན་འདས་འཇམ་དཔལ་གཤིན ་རྗེའི་གཤེད་ཀྱི་གསལ་ཤིང་ཁྲོ་བོ་རྣམ་པར་རྒྱལ་བའི་ཆོ་ག་ཞིབ་མོ་ཕྱི་མའི་ཡང་ཕྱི་མ་གསང་བ་གསལ་ཤིང་རྒྱུད་དེ་རིམ་པར་ཕྱེ་བ་བཅུ་བདུན་པའོ།། །། ཨོཾ་ཨཱ་ཀྲོ་དྷེ་ཀ་ཡ་མཱནྟ་ཀ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། འདི ་ཡང་བཅོམ་ལྡན་འདས་ཀྱིས་སྔགས་གཞན་ནོ།། ཨོཾ་ཨཱཿཧཱུཾ་འདི་ཡང་དེ་བཞིན་ནོ།། ཡི་གེ་བཅུ་གཅིག་རྒྱལ་པོ་ཡི།། དེ་ཉིད་བཟླས་པས་གྲུབ་པར་འགྱུར། ཁྲོ་བོ་རྣམ་པར་རྒྱལ་བ་ཡི།། རྩ་བ་དང་ནི་ཕྱི་མ་དང་།། དེ ་བཞིན་ཕྱི་མའི་ཕྱི་མ་འདི།། རྟོག་པ་མ་ལུས་རྒྱས་པ་དག། ལྷ་དེ་རྣམས་ཀྱིས་ལེགས་ཟོས་ནས།། འཇིག་རྟེན་འཇིག་རྟེན་འདས་པ་ཀུན།། ཐལ་མོ་རབ་ཏུ་སྦྱར་ནས་སུ། ཁྲོ་བོ་རྣམ་པར་རྒྱལ་བ ་ནི།། གཤིན་རྗེའི་གཤེད་ལ་འདི་སྐད་སྨྲས།། བཅོམ་ལྡན་ཁྱོད་ཀྱིས་རྟོག་པ་འདི།། བསྒྲུབ་པ་རྣམས་ལ་ཕན་པའི་ཕྱིར།། རབ་ཏུ་ངོ་མཚར་བཤད་ལགས་ཏེ།། བཟླས་དང་ཧོམ་དང་མཆོད་ལ་སོགས། ཁྲོ་བོ་ཆེན་པོའི ་བརྟུལ་ཞུགས་དང་།། དེ་བཞིན་དཀའ་ཐུབ་དྲག་པོ་དང་།། ཇི་སྐད་གསུངས་པའི་སྦྱང་བ་ཡིས། ཁྲོ་བོ་ཀཱི་ལི་ཀ་ལ་ལས།། སོགས་པའང་དུས་ལ་བབ་ན་ནི།། སྔགས་ཟློས་པ་ལ་དངོས་གྲུབ་སྟེར།། བཅོམ་ལྡན་འདས ་ཀྱིས་རྟོག་པ་དང་། ཁྱད་པར་གྱུར་པ་ཅི་ཞིག་མཆིས།། དེ་བས་བཟླས་དང་སྦྱིན་སྲེག་དང་།། སྨྱུང་དང་བརྟུལ་ཞུགས་དཀའ་ཐུབ་དང་།། མེད་པར་རང་དབང་ཉིད་དུ་ནི།། དངོས་གྲུབ་དམ་པ་ཁྱོད་ཀྱིས་གསུངས།། ལྷ ་མཆོག་དེ་དག་ཐམས་ཅད་ཀྱིས།། ཕྱག་འཚལ་དེ་སྐད་སྨྲས་པ་དང་། ཁྲོ་བོ་དྲག་ཏུ་བཞད་པ་ཡིས།། རབ་ཏུ་དྲག་པའི་ཚིག་ཏུ་གསུངས།། དྲག་ཏུ་བཞད་པའི་ཞལ་འཛུམ་པས།། ལྷ་ཡི་ཚོགས་རྣམས་འཇིགས་རྨོངས ་ལ།། མ་འཇིགས་མ་འཇིགས་ཞེས་གསུངས་པའི།། ཕན་པའི་ཚིག་གིས་དབུགས་ཕྱུངས་ནས། ཁྱེད་རྣམས་ཀྱིས་ནི་གང་སྨྲས་པ།། སྒྲུབ་པ་བདག་ནི་མེད་པར་ཡང་།། སྦྱོར་བ་ཤེས་པས་གྲུབ་འགྱུར་བ།། ལྷ་རྣམས་ཀུན ་གྱིས་མཉན་པར་གྱིས།། བདེ་གཤེགས་དངོས་གྲུབ་གཅིག་པུ་ལས།། དགྱེས་པ་རྣམ་པ་ཐ་དད་འགྱུར།། དེ་ནས་ཏིང་འཛིན་ཚུལ་ལས་ནི།། མཚན་མ་དང་ནི་དངོས་གྲུབ་དེ།། ཐོག་མར་བྱང་ཆུབ་རྩ་ལ་བརྟེན།། ཤེས ་རབ་དེ་ལྟ་བུ་ཡང་བསྒོམ།། སེམས་ཀྱང་རྣམ་པར་མི་རྟོག་པས།། བདེ་གཤེགས་དངོས་གྲུབ་དེ་དག་འཐོབ།། དེ་ངའི་གཟུགས་སུ་གྱུར་པར་བྱོས།། ས་བོན་མཚོན་ཆ་མང་པོར་ལྡན། ཁྲོ་བོ་དེ་ཡི་ཞལ་དྲུག་བསྒྱུར།། དྲིལ ་བུ་གསིལ་བའི་སྒྲ་ཡང་འབྱིན། ཁྲོ་བོའི་ཞལ་ནི་བཅས་པར་ལྡན།། དེ་ཡི་གཟི་དང་མཐུ་ལྡན་བྱས། ཀུན་ཏུ་དགའ་བའི་སྙིང་པོར་ལྡན། གང་གིས་ཡིད་ལ་གང་བསྒོམས་པ།། དེ་ལ་ང་ཡི་ཐུགས་གཡོས་པས།། ཇི་ལྟ ་བའམ་གར་ཡང་རུང་།། མདུན་ནམ་ཡང་ན་རྒྱབ་ནས་ཀྱང་།། ལས་ཀུན་བྱེད་ནུས་གྲུབ་པར་འགྱུར།། གང་དག་ང་ནི་ཕྱག་ལྔ་བཅུ།། བེ་ཅོན་གདེངས་པས་བསྡིགས་པར་མཛད།། ཏྲི་ཤཱུལ་རལ་གྲི་དགྲ་སྟ་ཀྱུ།། ཐོད་པ ་ཤག་ཏི་ཟོད་མར་དབྱུག། དེ་དག་ལས་ནི་ཕྱག་གསུམ་དྲུག། གཡས་པ་བེ་ཅོན་མདའ་རལ་གྲི།། གཡོན་ན་འཁོར་ལོ་རྡོ་རྗེ་འཛིན།། རྡོ་རྗེ་རྩེ་གཅིག་མིག་དྲུག་པ།། དཔྲལ་བའི་གཉེར་མ་བསྟེར་པ་དང་། ཁྲོ་གཉེར ་བསྙེར་བའི་ལྟ་བ་ཅན།། འཇིགས་པའི་སྦྲུལ་གྱིས་རོ་སྟོད་དཀྲིས།། ཐོད་པ་དག་གིས་རྒྱན་དུ་བྱས།། ཆར་སྤྲིན་སྔོན་པོའི་ཁ་དོག་འདྲ།། ཞལ་གཅིག་སྤྱན་ཡང་མི་མཉམ་པ།། འབྲུག་གི་སྒྲ་དབྱངས་སྒྲ་སྒྲོགས་པ།། སྟག ་ལྤགས་ན་བཟའ་གསོལ་བར་དགྱེས།། མཚོན་ཆ་མཚོན་རྣམས་འབར་ཞིང་འཁྲུག། སྤྱན་དང་གཙུག་ཕུད་རྩ་དམར་སེར།། ཞབས་གཉིས་གདེངས་པའི་ཚམ་ངམ་མཛད།། ས་ཡི་སྟེང་ན་ཟ་ཟ་ལ།། མཚ ་བ་དག་ཀྱང་གཙིགས་པའི་ཞལ།། བཅིབས་པ་མ་ཧེ་ཆིབས་པ་དེ།། སེམས་པའམ་རི་མོ་ལ་བྲིས་པ།། སྒྲུབ་པོ་མྱུར་དུ་མཆོད་བྱེད་ན།། དེ་ལ་ད་ནི་མྱུར་བ་རུ།། དགྱེས་ནས་མངོན་དུ་ཕྱོགས་པར་འགྱུར།། ཇི་ལྟར་འདོད ་པའི་དོན་རྣམས་ནི།། གདོན་མི་ཟ་བར་གྲུབ་པར་བྱེད།། རྣམ་པར་གནོན་པའི་གཟུགས་འདི་ནི།། བདུད་ལས་རྒྱལ་བ་ཡིན་པར་བསྒྲགས།། ཐོག་མ་བདག་གིས་དམ་ཚིག་སྦྱིན།། བསྲུང་མཆོག་ཚུལ་བཞིན་བྱས་ནས ་སུ།། རས་ནི་སུམ་ཅུ་སོར་ཚད་ལ།། སྔགས་པ་བཟོ་བོ་ཡོན་ཏན་ཅན།། ཡིད་ནི་བསྟེན་པར་བྱ་བའི་ཕྱིར།། དབེན་པའི་གནས་སུ་མི་མངོན་པར།། ཚོན་རྩི་དགེ་བ་བཟང་པོ་ཡིས།། རི་མོ་ཐོག་མར་བྲི་བར་བྱ།། ཟིན་ནས ་ཀྱང་ནི་དབེན་པར་གཞག། སུ་ལའང་བསྟན་པར་ཡོང་མི་བྱ།། ང་ཡི་གཟུགས་སུ་གྱུར་པར་བྱས།། ས་བོན་མཚོན་ཆ་བཟང་པོར་ལྡན།། ང་ཡི་ཞལ་ནི་ཁྲོ་བོར་འགྱུར།། དྲིལ་བུ་གསིལ་བའི་སྒྲ་དང་ལྡན། ཁྲོ་བོའི་ཞལ་ནི ་བསམ་པར་བྱ།། ང་ཡི་གཟི་དང་མཐུར་ལྡན་བྱས།། ཀུན་དགའ་ཡི་ནི་སྙིང་པོར་ལྡན།། གལ་ཏེ་དམ་ཚིག་མི་ལྡན་པའི།། སྐྱེ་བོས་རི་མོ་དེ་མཐོང་ན།། མྱུར་དུ་རྣམ་པར་མྱོས་པར་འགྱུར།། དེ་བས་རྣམ་པ་ཐམས་ཅད ་དུ།། སྲུང་བ་དྲག་པོ་ཀུན་ཏུ་བྱ།། གྲོང་ངམ་ཡང་ན་གྲོང་ཁྱེར་དུ།། རྣམ་པ་གཞན་དུ་གཞག་གྱུར་ཏམ།། གོང་དུ་མཆོད་པ་མ་བྱས་ན།། མྱུར་དུ་འཇིགས་པ་སྐྱེ་བར་འགྱུར།། རི་མོ་ལ་ནི་གནས་པའི་གཟུགས།། དེ་ལྟར ་རྟག་ཏུ་གོམས་བྱས་ཤིང་།། དེར་བསྒྱུར་དེ་ཡི་ཡིད་དུ་འགྱུར།། ཇི་སྲིད་གང་དག་གོམས་གྱུར་ཅིང་།། ཀུན་ཏུ་མདུན་ན་གནས་པ་རུ།། གང་ཚེ་མཐོང་བར་གྱུར་པ་ན།། དེ་ཚེ་རི་མོ་མེད་པར་ཡང་།། ཇི་ལྟ་བུ་ཡི་ཚུལ་ཉིད ་ཀྱིས།། རྟག་ཏུ་སྦྱོར་བ་བྱས་ནས་ནི།། སྦྱོར་བ་ཉིད་ཀྱི་རྟག་པ་རུ། ཁྲོ་བོ་ཀུན་དུ་སྦྱོར་བ་ནི།། དེ་ལས་ལས་རྣམས་ཐམས་ཅད་བྱེད།། འདི་ནི་གསང་བ་བསྟན་པ་ཡིན།། ཡང་ན་བདག་ཉིད་དེ་འདྲ་བར།། ཇི་སྲིད་ཅིག་ཏུ ་གྲུབ་པའི་བར།། ཡིད་ལ་ལེགས་པར་བསྒོམས་ན་ནི།། དེ་ནས་དེ་ཡི་དངོས་གནས་པར།། ཡིད་ལ་ཅུང་ཟད་གང་བསམས་པ།། དངོས་པོ་གོམས་པར་བྱས་ན་ནི།། དེ་ཉིད་འབྲས་བུ་ཡོད་པར་འགྱུར། གང་ཕྱིར་ཁྲོ་བོ ་བསྒོམས་པ་ཡིས། ཁྲོ་བོ་ཡོད་ཡེ་བསྒོམས་ན་ནི།། བཟླས་པ་ལ་སོགས་མེད་པར་ཡང་།། དངོས་གྲུབ་དམ་པ་ཐོབ་པར་འགྱུར།། སྒྲུབ་པ་རྣམས་ལ་དམ་ཚིག་གིས།། གལ་ཏེ་སྦྱིན་པར་བྱ་ན་ཡང་།། དེ་ཚེ་ས་ནི་རབ ་སྦྱངས་ནས།། ཐོག་མར་སྤོས་ཆུས་གདབ་པར་བྱ།། ཀུན་དུ་ཟླུམ་པོ་ཞེས་བྱ་བའི།། དཀྱིལ་འཁོར་འདི་ནི་ལོགས་ཤིག་ཏུ།། ཀུན་དུ་ཟླུམ་པོར་བྲི་བར་བྱ།། ཚོན་རྩི་ནག་པོར་ལེགས་བྲིས་ཏེ།། ནུབ་ཕྱོགས་སྒོ་བཏོད་ཁྲུ་དོ ་ཙམ།། དེ་ཡི་དབུས་སུ་མཆོག་བྲི་བ།། འགྱིང་ཞིང་ལྡེམ་བག་ཅན་གྱི་ལུས།། ཆར་སྤྲིན་དང་ནི་བྲང་བའི་མདོག། འཇམ་ཞིང་མཉེན་པ་དཔལ་དང་ལྡན།། གསེར་གྱི་དྲིལ་བུའི་སྒྲ་དང་ལྡན།། གཡག་རྫ ་བསིལ་ཡབ་གཡོབ་པ་ཅན།། ཨཉྫ་ན་ཡི་རི་ལྟ་བུའི།། མ་ཧེ་ཆེན་པོ་དམ་པ་ནི།། དཀྱིལ་འཁོར་དམ་པ་དེ་བྲིས་ཏེ།། བསྲུང་བ་ཆོ་ག་བཞིན་བྱས་ནས།། སྔགས་ཤེས་པས་ནི་མཆོད་བྱས་པ།། ཆོ་ག་བཞིན་དུ་འདིར་བཤད ་དོ།། སྤྱན་དྲངས་གདན་དུ་བསྟབ་པ་དང་།། ཨརྒྷ་གཏོར་མས་མཆོད་པ་དང་།། མར་མེ་བདུག་པ་བསྟན་པ་དང་།། ཐ་མར་སླར་གཤེགས་བསྟན་པའོ།། གཟུགས་དགོད་པ་དག་ཐོག་མ་རུ།། ལྷ་དགོད་པ་དག་ཡིག ་འབྲུས་བསྐྱེད།། ས་བོན་གྱིས་ནི་ཚུལ་བཞིན་བཤད།། དེ་ལས་དང་པོར་ཐམས་ཅད་ནི།། ས་བོན་ཁྲོ་བོའི་གཟུགས་ཡིན་ཏེ།། དེ་ཉིད་ཕལ་ཆེར་རབ་ཏུ་གྲགས།། གཅིག་པུ་མཚོན་ཆ་དུ་མའི་མཆོག། དེ་ཉིད་དེར་ནི ་བསྟེན་བྱ་བའི།། རྟག་ཏུ་མཚོན་ཆ་འབར་བྱེད་པ།། དེ་ཡི་གཟུགས་འདིར་གཅིག་པུ་ལ།། ས་བོན་གྱིས་ནི་བསྐུལ་བའི་ཞལ།། དྲིལ་བུའི་ས་བོན་དྲུག་རྣམས་ཀྱིས།། སྒྲ་དེ་རྣམས་བཞིན་སྒྲོགས་པར་བརྟག། འདི་ནི་ཁྲོ ་བོཔོའི་ཞལ་ཡིན་གསུངས།། འདི་ནི་ཐོག་མ་ཉིད་ཀྱི་གཟུགས།། དེ་ཡི་མཐུ་ཡང་ཅི་འདྲ་བ།། ཚུལ་བཞིན་དུ་ཡང་འདིར་བཤད་དོ།། གང་གིས་དྲན་པ་ཙམ་གྱིས་ནི།། བདུད་དཔུང་གདུག་པའི་གདོན་ལ་སོགས།། མཐུ ་རྩལ་གནོད་པས་ཉམས་ནས་སུ།། འཇིགས་ཤིང་སྤ་བཀོང་བྱེད་པས་འགྱུར།། ཟུང་ཤིག་པ་ཡི་ཚིག་གཉིས་ལྡན།། ཞལ་ཡང་གདངས་ཤིང་འབར་བ་ཅན།། སྙིང་པོ་དག་པར་རབ་ཏུ་གཞག། མཚོན་ཆ་འདེབས་པའི ་མཐུ་རྩལ་ཅན།། དེ་ལྟར་ཁྲོ་བོ་རྒྱལ་བའི་གཟུགས།། ས་བོན་ཞེས་སུ་བྱ་བ་ཡི།། སྔགས་ཀྱི་དངོས་པོ་ཤེས་ནས་ནི།། སྔགས་པས་དངོས་གྲུབ་ཐོབ་པར་འགྱུར།། མཚོན་ཆ་འཕངས་པ་ཙམ་གྱིས་ནི།། དེ་ཡི་ཀུན་ཏུ་བསྲུང ་བར་བྱ།། ས་བོན་བཀོད་པའི་ཚུལ་བཞིན་དུ།། བདག་གི་ལུས་ལ་སྦྱར་བར་བྱ།། གཟུགས་ནི་གཟུགས་ལ་བཞག་ནས་སུ།། མཚོན་ཆ་དེ་ཉིད་ལག་ན་ཐོགས།། ས་བོན་རྣམས་ཀྱང་ཁར་བཞག་སྟེ།། རྐང་པ་གཉིས་ཀྱང ་ཚམ་ངམ་བྱ།། དེ་ནས་ཀུན་དུ་ཁྲོས་ནས་སུ།། རང་གི་ས་བོན་དགོད་པར་བྱ།། ཐོག་མ་བདག་ལ་མ་གཡེངས་པར།། སྲུང་བ་དེ་ལྟར་བྱས་ནས་སུ།། དཀྱིལ་འཁོར་དུ་ནི་སྤྱན་དྲངས་ཏེ།། དེ་ནས་མདུན་དུ་མཆོད་པ ་བྱ།། སྔགས་ཀྱི་སྙིང་པོ་ཐ་མ་ལ།། ཚུར་གཤེགས་པ་ཡི་ཚིག་གཉིས་དང་།། རྟག་ཏུ་ལྡན་པར་བྱས་ནས་སུ།། སྤྱན་དྲངས་པ་དག་བྱ་བར་བཤད།། མེ་ཏོག་དག་གིས་གདན་འདི་ལ།། བཞུགས་སུ་གསོལ་ཞེས་རྟག་ཏུ ་བྱ།། དེ་ལྟ་བུར་ནི་སྤྱན་དྲངས་ནས།། མེ་ཏོག་དག་གིས་སྔ་མ་བཞིན།། བཞུགས་ཤིག་པ་ཡི་ཚིག་གཉིས་ཀྱིས།། ཆོ་ག་བཞིན་དུ་བཞུགས་སུ་གསོལ། ཁྲོ་བོའི་རྒྱལ་པོ་དེ་ལ་ནི།། བཞུགས་པར་བྱ་བ་བསྟན་པ་ཡིན།། མེ ་ཏོག་སྔགས་ཀྱིས་བཏབ་པ་ཡིས།། དེ་ལྟར་བཞུགས་པར་བྱས་ནས་སུ།། ཨརྒྷ་འདི་ནི་བཞེས་ཤིག་ཅེས།། ཚིག་གི་འཇུག་ཏུ་བརྗོད་ནས་སུ།། སྤོས་ཆུ་མེ་ཏོག་སྦྱར་བ་ཡིས།། ཨརྒྷ་དེ་ལ་དབུལ་བར ་བྱ།། མེ་ཏོག་བདག་གིས་ཕུལ་བ་འདི།། བཞེས་སུ་གསོལ་ཞེས་བརྗོད་ནས་སུ།། སྤོས་ཆུ་བཟང་པོ་བཏབ་པ་ཡི།། མེ་ཏོག་དག་ནི་སྔོན་བཞིན་དབུལ།། སྔགས་པས་རྟག་ཏུ་ཚིག་མཇུག་ལ།། གཏོར་མ་བདག་གིས་ཕུལ ་བ་འདི།། བཞེས་སུ་གསོལ་ཞེས་བརྗོད་ནས་སུ།། གཏོར་མ་སྣ་ཚོགས་དབུལ་བར་བྱ།། མར་མེ་བདག་གིས་ཕུལ་བ་འདི།། བཞེས་སུ་གསོལ་ཞེལ་མཇུག་ཏུ་བརྗོད།། མར་གྱིས་ལེགས་པར་གང་བ་ཡི།། མར་མེ་དག ་ནི་དབུལ་བར་བྱ།། གདུག་པ་བདག་གི་ཕུལ་བ་འདི།། བཞེས་སུ་གསོལ་ཞེས་མཇུག་ཏུ་བརྗོད།། བདུག་པ་ཐང་ཆུ་རྣམ་པ་ལྔ།། སྔགས་ཀྱིས་བཏབ་སྟེ་དབུལ་བར་བྱ།། དེར་ནི་མཆོད་པ་བྱས་ནས་ཀྱང་།། དཀྱིལ ་འཁོར་དག་གམ་རི་མོ་ལ།། རང་གི་ཡན་ལག་བཀོད་པ་དག། དམ་ཚིག་ཅན་ལ་བསྟན་ནས་ནི།། མཐོང་བ་ཙམ་ནི་ཉིད་ཀྱིས་སུ།། རིག་འཛིན་དམ་ཚིག་ཅན་དུ་འགྱུར།། དེ་ནས་རྟོག་པ་ལས་གསུངས་པའི།། ལས ་རྣམས་མྱུར་དུ་བྱེད་པར་འགྱུར།། དེ་ལྟར་ཁྲོ་བའི་རྒྱལ་པོ་ཡི།། མཆོད་པ་ལེགས་པར་བྱས་ནས་སུ།། སྒྲུབ་པ་པོ་ནི་མ་ཡེང་པར།། སྔགས་རྗོད་སླར་ཡང་གཤེགས་སུ་གསོལ།། སླར་ཡང་གཤེགས་པར་མཛད་ནས ་སུ།། སླར་ཡང་གཤེགས་པའི་ཚིག་གཉིས་བརྗོད།། མེ་ཏོག་སྙིམ་པ་བཀང་ནས་ནི།། ཕྱག་འཚལ་སླར་ཡང་གཤེགས་སུ་གསོལ།། དཀྱིལ་འཁོར་དག་གམ་གསང་སྔགས་བཟླས།། དེ་ནས་གཞན་ཡང་ཕྱག་རྒྱ ་ནི།། རབ་ཏུ་འབར་བ་གཅིག་པུ་བཤད།། གཤིན་རྗེའི་གཤེད་ཅེས་བྱ་བའི་ལྷ།། གང་གིས་གྲུབ་པར་གྱུར་པའོ།། ལག་པ་གཡས་པའི་སོར་མོ་ཡི།། མཐེ་བོང་སྦས་ཏེ་གྱེན་དུ་ནི།། བསྒྲེང་བར་བྱ་བའི་ཕྱག་རྒྱ་འདི།། བེ ་ཅོན་ཞེས་ནི་གྲགས་པ་ཡིན།། ལྷ་ཉིད་ཀྱིས་ནི་སྔགས་ལྡན་པས།། ལས་རྣམས་ཀུན་ལ་བཅིང་བར་བྱ།། སྤྱན་དྲང་བ་དང་མཆོད་པ་དང་།། གཤེགས་སུ་གསོལ་དང་བཞུགས་པ་དང་།། ལས་རྣམས་བྱ་བའི་ཚེ་དག ་དང་།། གཞན་ཡང་རྒོལ་བ་བྱུང་བའི་ཚེ།། ཚུལ་བཞིན་ཕྱག་རྒྱ་འདི་བཅིངས་ནས།། གཤིན་རྗེའི་གཤེད་ཀྱང་ལྷ་བཟླས་སོ།། སྔགས་པ་རྒྱལ་པོའི་དྲུང་འགྲོ་ན།། མགོ་བཏུད་པུས་མོ་བཙུགས་ནས་སུ།། གདོན་མི་ཟ་བར ་དབང་གྱུར་པ།། བདག་ཉིད་དང་ནི་ནོར་གྱིས་སོ།། ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་འཇམ་དཔལ་གྱི་རྩ་བའི་རྟོག་པ་ཐམས་ཅད་ཀྱི་ཕྱི་མའི་ཕྱི་མ་ལས་ཁྲོ་བོ་རྣམ་པར་རྒྱལ་བ་བཅོམ་ལྡན་འདས་གཤིན་རྗེའི་གཤེད ་ཀྱི་རྒྱལ་པོ་རྟོག་པ་ཕྱི་མའི་ཡང་ཕྱི་མ་གསང་བའི་རིམ་པར་ཕྱེ་བ་སྟེ་བཅཝ་བརྒྱད་པའོ།། རྫོགས་སོ།། །། མ་མཻ་མཱ་མི་མུ་མཱུ་མུ། མུ་མི་མཱ་མི་མ་ཡིག་ཟུང་།། ཐོག་མ་ཐ་མ་ཟུང་གཅིག་ཏུ།། ཟུང་དང་བསྣོལ་བའི་བྱེ་བྲག ་གིས།། སྦྱར་བར་བྱ་བ་འདིར་གཤད། བཤད། དོ།། ས་བོན་ཞེས་བྱ་དཀྱིལ་དུ་གཞག། ཁྲོ་བོ་དག་ནི་སོ་སོ་རུ།། ཟང་མའི་ཟུང་མིན་ཚིག་འདི་ལ།། ཐ་མའི་ཟུང་ནི་མ་ཡིན་ནོ།། ཟུང་མའི་ཟུང་མ་ཆོག ་འདི་ལ།། ཧེ་ཧེ་ཧ་ཧ་ཧི་ཧི་ཧི་ཧི་ཧ་ཧ་ཧེ་ཧེ་ཞེས་གཉིས་སྦྱར་བ།། ཁྲོ་ཆེན་ཚིག་གིས་ཐོག་མར་ཅེས།། ཨོཾ་ཨོཾ་སྭཱ་ཧཱ་ཕྱག་འཚལ་གཞག། རྒྱས་པར་འདོད་པས་དགའ་བཞིན་དུ།། མེལ་ཚེ་ཐུན་གཅིག་རྟག་ཏུ་བཟླས།། རི་མོ ་ཆོ་ག་བཞིན་དུ་བསྒྲུབ་པ་ཡིས།། རྟག་པར་མཆོད་པའི་ཆོ་ག་འདི།། མདོ་རུ་བསྡུས་ནས་བཤད་པ་ཡིན།། བཟླས་པ་དང་ནི་ཧོམ་དག་དང་།། བརྟུལ་ཞུགས་དཀའ་ཐུབ་མ་བྱས་ཀྱང་།། སྔགས་ཀྱི་དངོས་འདི་ཤེས་ནས ་ནི།། མཆོད་པ་འབའ་ཞིག་དབུལ་བར་བྱ།། འདི་ལ་མཆོད་པ་བྱ་བ་ཉིད།། ཁྲོ་བོའི་རྒྱལ་པོ་རྟག་པ་རུ།། མཉེས་བྱས་ཡིན་པར་གང་ཤེས་པ།། སྔགས་པས་དངོས་གྲུབ་ཐོབ་པར་འགྱུར།། རྟག་ཏུ་སྔགས་པས་སེམས་པ ་དང་། རྟག་ཏུ་སྔགས་ཀྱིས་བདག་ཉིད་འགྱུར།། རྟག་ཏུ་ཡིད་ལ་ཞེན་པ་དང་།། རྟག་ཏུ་མཆོད་ལ་བརྩོན་པ་དང་།། རྟག་ཏུ་ཁྲོ་བོར་འདུ་ཤེས་པ།། ལས་རྣམས་ཐམས་ཅད་གྲུབ་པའི་ཕྱིར།། ཆོ་ག་མདོར་བསྡུས་འདི ་བཤད་པའོ།། ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོག་པ་ལས་གསང་བའི་རྟོག་པར་གཏོགས་པ་སྟེ་དང་པོའོ།། །། མ་མེ་མཱ་མི་མུ་མཱུ་མུ།། མཱུ་མཱི་མ་མེ་མའི་ཡི་གེ། ཟུང་དང་ཡ་བྲལ་བྱེ་བྲག ་གིས།། ཐོག་མ་ཐ་མ་ཟུང་གཅིག་ཏུ།། འཁོར་ལོ་འདི་ནི་ཅི་རིགས་པར།། སྦྱར་བར་བྱ་བ་འདི་བཤད་དོ།། ས་བོན་ཞེས་བྱ་དཀྱིལ་འཁོར་བཞག་ཁྲོ་བོ་དག་ནི་སོ་སོ་རུ།། དབང་དང་འཁོན་དང་གསད་པ་དང་།། དེ ་བཞིན་བསྐྲད་དང་ཞི་བ་དང་།། ཡང་ན་རྒྱས་པར་བྱ་བའི་ཕྱིར།། ཟུང་དང་བསྣོལ་བས་མྱུར་དུ་འགྲུབ། ཁྲོ་བོ་ཞེས་བྱའི་དཀྱིལ་འཁོར་ནི།། དཀྱིལ་དུ་བཞག་སྟེ་སོ་སོ་རུ།། ཟུང་ཤིག་ཚིག་གཉིས་ཐ་མར་བཞག། ཆེ་གེ་མོ ་ཞིག་དབང་དུ་བྱོས།། མཚོན་ཆ་མེད་པའི་ས་བོན་བཞག། སྭཱ་ཧཱའི་ཚིག་ནི་བར་བར་གཞུག། བསྒྲུབ་པར་བྱ་ཡི་གཟུགས་བྱས་ནས།། དེ་ལ་རྐང་པས་བརྫི་བ་ན།། སྔགས་པས་བགྲེང་སྟེ་འདུག་པ་ནི།། རྐང་སྐྱོ་བ་ཡི ་བར་དུ་བྱ།། རྒྱལ་པོ་དབང་དུ་མ་གྱུར་པ།། དེ་ཡི་དབང་དུ་མྱུར་དུ་འགྱུར།། གཅིག་པོ་དེ་ལ་སྤོས་ནས་སུ།། མྱུར་དུ་གོ་རིམ་བཞན་བཞིན།། བཞག་པའོ།། ས་བོན་གཉིས་པའི་གནས་ལ་ནི།། གནས་ནས་གདོང་ཡང ་བསྒྱུར་ནས་སུ།། ཟུང་གཅིག་ཚིག་གཉིས་མཐའ་མར་བཞག། ཆེ་གེ་མོ་ཡི་མཛའ་བོ་དེ།། སྡང་བར་གྱུར་ཞེས་མཐའ་མར་བྱ།། བསྒྲག་པར་བྱ་བ་ཅུང་ཟད་མེད།། བསྒྲུབ་པར་བྱ་བ་གཉིས་ག་ཡི།། གཟུགས་ནི་འཇིགས ་པའི་ལས་བྱེད་དེ།། གཅིག་ཏུ་དཔའ་བར་མཉམ་ལྡན་པར།། གཉིས་པ་ལ་ཡང་རྐང་པས་མནན།། སྔགས་མཁན་དེ་ལ་གནས་པ་ཡི།། མེལ་ཚེ་ཐུན་ནི་ཕྱེད་ཙམ་གྱིས།། དེ་ནས་སྒྲུབ་པ་འདོད་པ་བཞིན།། དེ་གཉིས ་པན་ཅན་དགྲར་གྱུར་པ། བཞན་པ་རྣམས་པས་ན།། ལན་ཅིག་བྱས་པ་མ་ཐོས་འགྱུར།། ས་པན་གནས་པ་ན་ལས་ཀྱང་།། དྲག་པརྩལ་ཟས་ས་དམ། རྦན ་དམར།། གནས་ནི་གསུམ་པ་ལ་གནས་ཏེ།། གསོན་པའི་གནོན་པས་མནན་པས་ནི།། དྲག་པོ་ཐུགས་ཅན་མ་ལུས་མནན།། ཁ་དང་བཅཝ་དང་ཆུབ་ཀྱང་བསྒྱུར།། དྲིལ་ཐ་དཀྲོལ་བའི་སྒྲ་རླུར་འགྱུར།། གྱིས་ཀྱ ་གྱིས་འདི་ལ་གནས།། ལོགས་ཤིག་ཁྲོ་བའི་འཁོར་ལོའི་བཀས།། རྐང་པའི་ཚམ་ངམ་དེ་བཞིན་བྱས།། གདོང་ཡང་དལ་བྲས་བསྒྱུར་ནས་ས།། དང་པོའི་ས་བོན་གང་ཡིན་པའི།། དབང་དུ་བྱེད་ལ་རྒྱས་པར་འགྱུར།། ་མི་མཐའ་ཡང་ལྡན་ཅིག་ཏུ།། མེ་དང་འདྲ་བ་འབར་བ་སྟེ།། བྲན་གྱི་ལས་ནི་གྲུབ་འདོད་ན།། ཤིན་ཏུ་ལེགས་པར་སྦྱར་བར་བྱ།། དེ་ཡི་ཟུང་མས་བསྐལ་བ་ཡང་།། སོ་སོ་འམ་གཅིག་ཏུའང་རུང་བར་བཤད། རྦ་ཟས ་འཁོར་ལོའི་མཐ།། བརྒྱད་པ་དག་ལས་གྱུར་བར་གནས།། རིམ་པ་སྔ་མའི་ཚུལ་གྱིས་ནི།། འཛིན་པའི་ས་བོན་དག་གིས་བཀལ།། ས་བོན་ཐང་མས་བརྟུལ་པ་ཡང་།། བརྒྱད་པ་འབྱེད་པར་བསྒྲུབ་པ་ལ།། མངལ ་མྱུང་དུ་བཟློག་པའི་ཕྱིར།། ཆོ་ག་བཞིན་དུ་རིམ་པར་སྦྱར།། རིམ་པ་སྔ་མའི་ཚུལ་བཞིན་དུ།། ཐུར་དུ་གསད་པར་འདོད་པ་ཡིས། རྦ་ཟ་ཡི་ནི་འཁོར་ལོ་གནས།། དགུ་པ་ཀ་བ་ཅར་ལ།། ཚིག་འད་མས་དགྲ ་དག། མྱོས་པར་བྱས་ནས་འཇིགས་པར་འགྱུར།། ལྷ་རྣམས་ཀྱིས་ནི་སྦས་པ་ཡང་།། གཤེད་པོའི་དྲུང་དུ་ཁྲིད་པར་འགྱུར།། རིམ་པ་སྔ་མའི་ཚུལ་གྱིས་སུ། ཁྲོ་བོ་ཡི་ནི་འཁོར་ལོའི་གནས།། བཅུ་པ་དག་ལ་རིམ་གྱིས ་གནས།། དྲག་ཤུལ་ཅན་གྱིས་དྲག་ཏུ་གནོན།། དེ་ཡི་ས་བོན་གྱིས་ཀྱང་ཕྱེ།། སྔོན་གྱི་ས་བོན་རབ་འབར་བ།། སྔ་མ་བཞིན་དུ་རིམ་གྱིས་བཟླས།། སྔར་བཤད་པ་ཡི་ལས་བསྒྲུབ་བོ།། འཁོར་ལོ་རིམ་པ་བཅུ་གཅིག ་པོ།། གང་ཡིན་པ་ནི་དེ་བཟུང་ནས།། དེ་ནས་ཞི་བར་བྱེད་པ་ཡི།། ས་བོན་དེ་ཡིས་བསྐུལ་བར་བྱ།། སྔ་མའི་བཞིན་དུ་བསྐུལ་བ་དང་།། སྔ་མའི་ལས་ནི་བྱེད་པར་འགྱུར།། ཞི་བ་དག་ལ་གང་གསུངས་པ།། རྒྱས་པ་དག ་ལ་སྦྱར་བར་བྱ།། འཁོར་ལོའི་གནས་ཀྱི་མཆོག་རིམ་པར།། བཅུ་གཉིས་པ་ལ་གནས་ནས་སུ།། དེ་ཡི་ས་བོན་བསྐུལ་བར་བྱས།། བདག་གི་མཐུ་རྩལ་གནོད་བརྟགས་པས།། ས་བོན་ཟུང་མ་སྦྱོར་བ་ཡིས།། ས་བོན ་མཐུ་ནི་འབར་བ་ཅན།། འཁོར་ལོ་བཀོད་པས་ལས་རྣམས་ནི།། སྔོན་གསུངས་པ་དང་གྲུབ་པར་བྱ།། དེ་ལྟར་ཁྲོ་བོའི་འཁོར་ལོ་ནི།། ཆོ་གར་བཅས་པ་རྒྱས་པ་དག། གསང་བ་བསྐུལ་མར་བཅས་པ་ཡིས།། སྦྱོར་བ་མ ་ལུས་བཤད་པ་ཡིན།། ས་བོན་ཟུང་མས་བསྐུལ་བ་གང་།། གཉིས་པ་རབ་ཏུ་གྲགས་པ་ཡིན།། དེ་འདིར་ས་བོན་གཉིས་པ་ཡིན།། མྱུར་དུ་གྲུབ་པར་འགྱུར་བར་བཤད།། ཐ་མའི་ས་བོན་ཐམས་ཅད་ལ།། ཕུལ་བའི་ཚིག ་གཉིས་རྟག་ཏུ་སྦྱར།། ཟུང་མའི་ཟུང་མའི་ཆོག་འདི་ལ།། ཡང་མཐའ་དག་དང་མ་མཐའ་རུའོ།། འཁོར་ལོ་བཀོད་པ་བསྟན་པ་འདི།། ཇི་ལྟར་རིམ་པར་ཤེས་ན་ནི།། སྦྱིན་སྲེག་བཟླས་བརྗོད་མ་བྱས་ཀྱང་།། ་ཁྲོ་བོའི་རྒྱལ་པོའི་དངོས་གྲུབ་འཐོབ། ཁྲོ་བོའི་འཁོར་ལོ་གསང་བ་ནི།། འདི་མི་ཤེས་པར་གང་སྦྱོར་བ།། དེ་འདི་དངོས་གྲུབ་མི་འཐོབ་ཀྱིས།། མྱུར་དུ་སྤྲོ་བ་ཐོབ་པར་འགྱུར།། མི་མེ་མ་མཱི་མུ་མཱུ་ཡི།། ཡི་གེ་དྲུག་པོ ་རྣམས་ཀྱིས་ནི།། དབང་དང་འཁོན་དང་གསད་པ་དང་།། བསྐྲད་དང་ཞི་དང་རྒྱས་པའི་མཐར།། མཁས་པ་དག་གིས་བསྒྲུབ་པར་བྱ།། དེ་དག་ཉིད་ལ་བཟླས་པ་ཡིས།། དེ་བཞིན་དུ་ནི་བསྐུལ་བར་བྱ།། ཇི་སྐད ་གསུངས་པ་འདི་རྣམས་ནི།། མ་གྲུབ་ན་སྟེ་གཞན་དུ་མེད།། མུ་མཱ་མི་མ་མི་མཱི་ནི།། མ་ནི་རྒྱས་མཐར་དེ་བཞིན་དུ།། འཁོར་ལོའི་རྩིབས་ཀྱི་གནས་རྣམས་ནི།། དེ་དང་དེ་དག་གཉིས་སུ་སྦྱར།། དེ་བཞིན་འཁོར་ལོའི་ནང ་དུ་ཡང་། ཁྲོ་བོ་སྐུ་མཆོག་ས་བོན་ཡང་།། གཞག་ནས་ཚིག་གི་མཐའ་མར་ཡང་། ཁྲོ་བོའི་དྲིལ་བུ་དཀྲོལ་བ་དགོད།། འཁོར་ལོའི་མུ་རན་ནང་དག་ཏུ།། ཟུང་ཤིག་པ་ཡི་ཚིག་གཉིས་བརྗོད།། མཁས་པས་འཁོར་ལོའི ་མིག་གི་ནང་།། ས་བོན་བཀོད་པ་རྣམས་ལ་གནས། ཁྲོ་བོའི་འཁོར་ལོ་བསྒྲགས་པ་ནི།། ཤེས་ན་ཇི་སྐད་བཤད་པ་ཡི།། དངོས་གྲུབ་རྣམས་ནི་ཐོབ་པར་འགྱུར།། དངོས་གྲུབ་ཚུལ་བཞིན་ཐོབ་འགྱུར་བ།། དེ་ཡི་སྦྱོར་བ ་བཤད་པར་བྱ།། ཐོག་མར་ཕྱག་རྒྱ་བཅིངས་ནས་སུ།། སྐུ་ནས་སྐུ་ནི་སྐུར་བསྒྱུར་ནི།། ལས་རྣམས་ཚུལ་བཞིན་མཐོང་བ་ཡིས།། སྦྱོར་བ་དག་ནི་ལེགས་པར་བྱ།། གདོང་དང་ཁ་མིག་རྐང་པ་མཉམ།། རབ་ཏུ་དང་ཞིང ་ཞི་བའི་སེམས།། སྙིང་ཡང་དེ་བཞིན་རབ་ཏུ་དགའ།། དབང་དུ་བྱ་བའི་སྔགས་གསུངས་པ།། ཤིན་ཏུ་མཉམ་པར་བཞག་པས་བསྒྲུབ།། རྐང་པ་ཡ་གཅིག་ཐུང་ངུ་བཞག། གདོང་དང་ནུ་མཇིང་གཤུས་ཏེ་གནོན། ཁ་དང ་མིག་ནི་ཡ་གཅིག་འཛུམས།། ཚམ་ངམ་གནོན་པ་ཆེན་པོ་བྱས།། བེ་ཅོན་ལ་ནི་མིག་གིས་བལྟ།། བསྒྲུབ་པར་བྱ་བ་བསྒྲུབ་ལ་འབད།། གང་དག་དབྱེ་བར་འདོད་པ་ཡིས།། དེ་དག་དབྱེ་བ་བརྩམ་པར་བྱ།། རྐང་པ ་གཉིས་པ་བཏེགས་པ་ཡིས།། ཚམ་ངམ་བྱ་བ་སླར་ལ་གཞག། བཞིན་བསྟེར་ཕྱག་རྒྱ་བཅིངས་ནས་སུ།། ཁྲོ་བར་ལྟ་ཞིང་ཡིད་ཀྱང་ཁྲོས།། རབ་ཏུ་དཔའ་བ་སྲན་དང་བཅས།། རྩལ་གྱིས་གནོན་པར་རབ་ཏུ ་འདུད།། སྔགས་པ་སྔོན་བཞིན་སྔགས་ཚུལ་གནས།། གང་འདོད་པ་ནི་གཞོམ་པར་བྱ།། དེ་ལ་རྐང་པ་ཡ་གཅིག་ཀྱང་།། དྲག་ཤུལ་ཅན་དུ་བརྐྱང་སྟེ་གཞག། བཟུར་ཏེ་འདུག་པའི་ཚུལ་ཏུ་གནས།། གདོད་ཡང་ཡོན་པོར ་བསྙེར་བར་བྱ།། མཛུབ་མོ་བསྒྲེང་སྟེ་གདེངས་པ་དང་།། བེ་ཅོན་ཕྱག་རྒྱ་དག་གིས་བསྡིགས།། དགྲ་དག་བསྐྲད་པར་འདོད་ན་ནི།། མྱུར་དུ་བསྐྲད་པར་བྱ་བར་འགྱུར།། དེ་ནས་རྐང་པ་མཉམ་པར་གཞག། ལག་པ ་གཡས་པ་མཐོ་བར་བྱ།། དཔལ་དང་ལྡན་པས་གཡོན་པ་སྤྲད།། ཞི་བར་འདོད་ན་ཞི་བར་འགྱུར།། ཕྱེད་ནི་དམའ་བར་བཀུག་སྟེ་གནས།། རྐང་པ་གཡས་པས་ཚམ་ངམ་བྱེད།། སྔགས་ཚུལ་གནས་པས ་བསྒྲིམས་ན་ནི།། རྒྱས་པ་འདོད་ནས་ཐོབ་པར་འགྱུར།། སླར་ཡང་དེ་བཞིན་ཤེས་བྱ་བ།། བཟློག་སྟེ་བྱ་བ་གཞན་དུ་མེད།། གྲུབ་པ་བདག་ཉིད་ཆེན་པོ་ཡི།། ཚམ་ངམ་རིམ་པ་དྲུག་གསུངས་པ།། དང་པོའི་མིང་ནི ་ལོགས་པར་ཕྱོགས།། དེ་ཡི་འོག་མ་རྒྱབ་ཀྱི་ཕྱོགས།། དེ་བཞིན་ཚམ་ངམ་གསུམ་པོ་ནི། ཁྲོ་བོ་ཆེ་ཞེས་བསྒྲགས་པ་ཡིན།། བཞི་པ་མཛུབ་མོ་བསྒྲེང་བ་ཡིས།། ལྔ་པ་ལ་ནི་སྟོབས་ཞེས་བྱ།། དྲུག་པ་སྟོབ་པོ་ཆེ་ཞེས ་བྱ།། འདི་རྣམས་ཚམ་ངམ་དྲུག་ཏུ་བསྒྲགས།། ཚམ་ངམ་གདངས་པ་བྱས་པ་ཡིས།། དགྲ་ཡི་འཁོར་རྣམས་གཡེན་སྤྲོ་བ།། འཁོར་ལོའི་མཆོག་ལ་གོམས་བྱེད་པས།། གྲགས་པ་ཆེན་པོ་ཐོབ་པར་འགྱུར། ཁྲོ་བོ་ཆེན་པོས ་སུངས་པ་ཡི།། རབ་གསུངས་པ་ཡི་རྒྱུད་འདི་དཀོན། ཁྲོ་བོ་རྣམ་པར་རྒྱལ་བ་འདི།། དེ་བས་ཡང་ནི་ཤིན་ཏུ་དཀོན།། གསང་བའི་རྟོག་པ་བཟང་པོ་འདི།། ཀུན་ཏུ་དངོས་གྲུབ་ཀུན་སྦྱིན་པར།། གསང་བའི་རྟོག་པ་དེ ་བས་ཀྱང་།། འཁོར་ལོ་འདི་ནི་ཤིན་ཏུ་དཀོན།། ཧོམ་དང་བཟླས་པ་ཡོངས་མི་དགོས།། སྔོན་དུ་བསྙེན་པ་བྱ་མི་དགོས། ཁྲོ་བོའི་རྒྱལ་པོའི་བརྟུལ་ཞུགས་དང་།། དཀའ་ཐུབ་དྲག་པོའང་བྱ་མི་དགོས།། བསམ་གཏན ་སྦྱོར་བའང་མི་དགོས་ཏེ།། གང་ལ་འཁོར་ལོ་འབའ་ཞིག་ཡོང་།། གང་གསུངས་པ་ཡི་དངོས་གྲུབ་ནས།། དེ་མ་ཐག་ཏུ་དངོས་གྲུབ་ཐོབ།། དེ་བས་འདི་ནི་གསང་བྱས་ནས།། ཐམས་ཅད་བསྒྲུབ་པའི་སྒྲུབ་པ་པོ།། བདག ་གིས་དོན་མཆོག་གང་འདོད་པ།། ཤིན་ཏུ་ལེགས་པར་བསྒྲུབ་པར་བྱ། ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོག་པ་ལས་གསང་བའི་རྟོག་པར་གཏོགས་པ་སྟེ་གཉིས་པའོ།། །། ཁྲོ་བོའི་རྒྱལ་པོའི་དངོས ་གྲུབ་ནི།། སྣ་ཚོགས་ཐོགས་མེད་ཐ་དད་པ།། སྔགས་པ་འདོད་ན་ཆོ་ག་མཆོག། དང་པོར་བྱེད་ན་དངོས་གྲུབ་འཐོབ།། རབ་ཏུ་གསང་བའི་སྔགས་འདི་ནི།། རེ་ཞིག་འདི་ཡིས་མཚན་ཉིད་ནི།། གཞན་དག་འདིར་ནི ་བཤད་པར་བྱ།། དེ་ཡི་ལས་ནི་གང་གསུངས་པ།། གང་དག་ཕྱིས་ཀྱང་གྲུབ་འགྱུར་བ།། དཔའ་བོ་གཅིག་བུ་འབའ་ཞིག་གི། ཐམས་ཅད་ཉིད་དེ་གང་གསུངས་པ།། ཐམས་ཅད་དེ་ནི་བཤད་པར་བྱའོ།། སྔགས་དེ་ལས ་རྣམས་ཀུན་བྱས་པ།། རྒྱུད་ལ་དངོས་གྲུབ་གང་གསུངས་པ།། དཔའ་བོ་གཅིག་པུའི་མཐུས་ཀྱང་འགྲུབ།། ཨོཾ་ནི་དེ་ཡི་ཐོག་མ་སྟེ།། བདེ་བར་གཤེགས་པའི་དམ་ཚིག་ཡིན།། ཐོག་མ་དང་ནི་གཉིས་པ་ཡང་།། དྲག་པོའི ་རྩེག་གིས་ཕུལ་བའི་ལུགས།། ཀླད་ཀྱི་འཁོར་གྱིས་མནན་པའི་རིགས།། སྔགས་ཀྱི་ཡི་གེ་ཕྲེང་བཀོད་ལ།། སྔགས་རྣམས་ཐམས་ཅད་གསལ་བྱེད་པ། ཁྲོ་བོའི་རྒྱལ་པོའི་སྙིང་པོ་ནི།། གསུམ་པོ་ད་ནས་སྦྱར་བར་བྱ།། དེ ་ནས་ཁྲོ་བོའི་རྒྱལ་པོ་ཡི།། སྒྲ་ནི་དེ་ཡི་འོག་ཏུ་བསྟན།། སྔགས་པས་སྔགས་རྣམས་ཀུན་གྱི་མཚན།། དེ་དག་རྟག་ཏུ་རིག་པར་བྱ།། ཐོགས་པ་མེད་པའི་སྔགས་རྣམས་ནི།། བདག་ཉིད་ཆེན་པོའི་ཐམས ་ཅད་ཀྱིས།། བསྲུང་ལ་སོགས་པའི་ལས་རྣམས་ཀུན།། གོ་རིམ་བཤད་པ་བཞིན་དུ་བྱ།། ཐམས་ཅད་བདག་ཉིད་ཆེན་པོ་འདིས།། སྲུང་བ་དག་གིས་བྱས་ནས་སུ།། སྔོན་གྱི་ཚུལ་བཞིན་རབ་དབེན་པ།། སྐུ་གཟུགས་དོན ་མཆོག་གཞན་ནས་ནི།། ཆོ་ག་ཇི་སྐད་སྔར་གསུངས་པ།། ཆོ་ག་བཞིན་དུ་མཆོད་པ་བྱ།། ཉིན་རེ་མེ་ཏོག་ཕྲེང་བ་ལ།། ལན་བདུན་བཟླས་པ་རྣམས་ཀྱིས་མཆོད།། མཆོད་ནས་ཀ་ར་བཱི་ར་ཡི།། མེ་ཏོག་དམར་པོ་ཁ་འབུས ་པའི།། བརྒྱ་ནི་རྩ་བརྒྱད་གྲངས་རྣམས་ཀྱིས།། བུ་དོན་ལ་ནི་ཕོག་པར་དབུལ།། ཆོ་ག་འདི་ནི་དུས་གསུམ་དུ།། ཟླ་བ་གཅིག་ཏུ་བྱས་ན་ནི། ཁྲོ་བོ་མངོན་སུམ་ཉེ་གྱུར་ནས།། རྨི་ལམ་དུ་ནི་དངོས་གྲུབ་སྟེར།། ཆོ་ག་འདི ་ལྟར་སྔར་བྱས་ན།། གང་འདོད་པ་ཡི་བགོས་པ་དག། དེ་ཚེ་གདོན་མི་ཟ་བར་འགྲུབ།། དེ་ཡི་ཆོ་ག་མཆོག་བཤད་པ།། དེ་ལྟར་ཟླ་གཅིག་བསྙེན་བྱས་ན།། མི་ཡི་ལས་རྣམས་གང་བྱ་བ།། དེ་ཡི་ཆོ་ག་མདོར་བསྡུས ་ནས།། ད་ནི་ལེགས་པར་བཤད་པར་བྱ།། དེ་ནས་དང་འགྲོ་དང་སྦྱར་བའི།། དུག་ནི་རྣམ་པ་གསུམ་དག་དང་།། གདོན་དང་འབྱུང་པོའི་གདོན་རྣམས་དང་།། ལྟོ་འཕྱེ་སྲིན་པོར་བཅས་པ་འཇིག། བདག་གིས་བྱས་པའི ་ཕྱག་རྒྱའི་སྔགས།། སྦྱོར་བ་ལན་ཅིག་བདག་གིས་བསྲུང་།། ཡིད་ལ་བསམས་པ་ཙམ་གྱིས་ཀྱང་།། གཞན་དག་གིས་ཀྱང་མཆོད་པར་བྱེད།། བཞི་པའི་རིམས་ལ་སོགས་དེ་ཡང་།། ཐོས་པས་མྱུར་དུ་མེད་པར་བྱེད།། མ ་དང་བྱིས་པའི་གདོན་རྣམས་ལ།། ཐལ་བའང་ཡང་ན་ལས་ཀྱང་རུང་།། བདག་ཉིད་དག་པར་བསམས་ནས་ནི།། བདག་དགར་ཕབ་ནས་དགོས་པའི་དོན།། གང་དང་གང་དག་འདོད་པར་ནི།། བསྒོམས་པས་དེ་དང་དེ ་དག་བྱེད།། ཡིད་ལ་བསམས་པས་དེ་དག་ཐར།། རྡོ་ལ་ལན་གསུམ་བཟླས་པ་ཡི།། ཆུ་སྲིན་ཀུམ་བི་ར་ལ་སོགས།། མཆེ་བ་ཅན་དག་ཕྱོགས་མེད་པར།། ཆུ་བསལ་བ་ཡི་མཆོག་ཏུ་འབྱུང་།། འགྲོ་ཚེ་ཡིད་ལ་བཟླས་ན ་ནི།། ལམ་ན་རྐུན་པོ་འཇིགས་པ་མེད།། སེང་གེ་སྟག་དང་དགྲ་རྣམས་དང་།། ནད་ཀྱི་འཇིགས་པ་མེད་པར་འགྱུར།། རྒྱལ་པོའི་དྲུང་དུ་འགྲོ་ན་ཡང་།། སྔགས་ཀྱིས་སྤྱི་གཙུག་བཅིངས་ནས་ནི།། རྒྱལ་པོ་ཁྲོས་པ་མྱུར ་རབ་ཏུ།། བརྐྱང་ནས་ཐལ་མོ་སྦྱོར་བར་བྱེད།། ཤགས་འགྱེད་པ་དང་རྒྱན་པོ་དང་།། མཚོན་དང་མེ་ཡིས་འཇིགས་པ་ལ།། ཡིད་ལ་དྲན་ཞིང་བཟླས་བྱས་ན།། མི་བདེ་ཀུན་ལས་ཐལ་བར་འགྱུར།། འཚེ་བ་ཐམས་ཅད ་ཞི་བའི་ཕྱིར།། མི་བདེ་ཉམ་ཐག་གྱུར་པ་ལ།། སྔགས་འདི་མྱུར་དྲན་བརྗོད་བྱས་ན།། སྤྲིན་དག་མནན་པར་བྱ་བ་དང་།། འདོད་བཞིན་མྱུར་དུ་སླར་ཡང་བཟློག། གནམ་ལྕགས་སེར་བ་འབབ་པ་ཡང་།། དབྱུག་པའི ་ཕྱག་རྒྱས་ཞི་བར་བྱེད།། ཕྱག་རྒྱ་བཅིངས་པ་དེ་ཉིད་ཀྱི།། ཡིད་ཀྱིས་སྤྲིན་རྣམས་དབབ་པར་བྱ།། དེ་ལྟར་ཕྱག་རྒྱས་བསྡིགས་ནས་ནི།། སྨིན་མཚམས་དག་ཀྱང་བསྒྱུར་བར་བྱ།། རྣམ་པ་དེ་དག་ཉིད་ཀྱིས ་ནི།། གནམ་ལྕགས་སེར་བ་གཅད་པར་བྱ།། སྦྱོར་བ་མཁས་པས་ཅི་འདོད་པ།། ཆར་པ་དག་ཀྱང་གཅད་པར་བྱ།། གོས་ནི་སྔོན་པོ་བགོས་ན་ནི། ཁོར་ར་ཁོར་ཡུག་བསྲུང་བྱས་ནས།། མིད་པ་ནུབ་པར་ཆུར་ཞུགས ་ཏེ།། ཉིན་གསུམ་ལེགས་པར་བཟླས་བྱས་ན།། བརྒྱ་བྱིན་གྱིས་ནི་སྤྲིན་བསྡུས་ནས།། འདོད་པ་བཞིན་དུ་ཆར་པ་འབེབས།། དེ་ནས་སྤྲིན་ཆེན་ལས་བྱུང་བ།། ཆར་པས་ས་སྟེང་ཁྱབ་པར་འགྱུར།། ཉི་མ་ལ་ནི་མངོན ་ཕྱོགས་ནས།། ཉིན་རེ་རྟག་ཏུ་བཟླས་བྱས་ན།། བདག་དང་དེ་བཞིན་གཞན་རྣམས་ཀྱི།། ནད་རྣམས་དེ་ནས་མེད་པར་འགྱུར།། རྒྱལ་པོ་དབང་དུ་བྱ་ཡང་རུང་།། ཡུངས་ཀར་དཀར་པོ་བཟང་པོ་ལས།། གཟུགས ་བརྙན་ལེགས་པར་བྱས་ནས་སུ།། དེ་ཡི་གཟུགས་ཀྱི་སྟེང་འདུག་ལ།། གང་གི་མིང་སྨོས་ཉིན་བདུན་དུ།། བཟླས་བརྗོད་ལེགས་པར་བྱས་ན་ནི།། དེ་ནི་མྱུར་དུ་ཆོ་ག་འདིས།། བྲན་བཞིན་དུ་ནི་དབང་དུ་འགྱུར།། ཞག ་གཅིག་སྦྱང་བ་བྱས་པ་ཡིས།། དམངས་རིགས་དག་ནི་དབང་དུ་འགྱུར།། ཞག་གཉིས་སྦྱང་བ་དེ་བཞིན་དུ།། བཟླས་ན་རྫེའུ་རིགས་འདོད་པ་བཞིན།། ཞག་གསུམ་བྱས་པས་རྒྱལ་རིགས་ཏེ།། ཞག་བཞི་དག་གིས་བྲམ ་ཟེ་དག། བཟླས་པའི་ཆོ་ག་བཞིན་བྱས་ན།། འདོད་པ་བཞིན་དུ་དབང་དུ་འགྱུར།། འབྲུ་དང་ཕུབ་མ་ཐམས་ཅད་ལས།། བུ་དང་བུ་མོ་གང་ཡང་རུང་།། དེ་བཞིན་གཟུགས་བརྙན་བྱས་ན་ནི།། དམངས་རིགས་ལ་ནི ་མཚན་གཅིག་གིས།། རབ་ཏུ་སྡང་བ་བྱ་བར་འགྱུར།། རྗེའུ་རིགས་ལ་ནི་ཞག་གཉིས་ཀྱི།། དེ་སྟེང་ཙོག་པུར་འདུག་ནས་ནི།། དེ་བཞིན་མཛའ་དང་བྲལ་བར་བྱེད།། ཉིན་ཞག་གསུམ་དང་བཞི་དག་གིས།། རྒྱལ་རིགས ་དང་ནི་བྲམ་ཟེའོ།། ཇི་ལྟར་ཇི་སྐད་གསུངས་པ་ཡི།། ལས་ཀྱིས་བྱ་ཡི་གཞན་གྱིས་མིན།། གང་ཡང་རུང་བའི་གཟུགས་བརྙན་ནི།། དུར་ཁྲོད་སོལ་བས་ལེགས་པ་རུ།། སྔ་མ་བཞིན་དུ་ལེགས་པར་བྲི།། དེ་ནས་སེང་ལྡེང ་ཕུར་བུ་ལ།། སྔགས་ཀྱིས་སྟོང་དུ་བཟླས་བྱས་ན།། དེ་ཡི་འོག་ཏུ་ལུས་ལ་གདབ།། དགྲ་བོ་དེ་ཡི་མིང་སྨོས་ནས།། དེ་ལ་ཁྲོས་པར་བྱས་ནས་སུ།། དེ་ནས་དེ་ཡི་སྙིང་གར་འདུག། ཕུར་བུ་བཏབ་སྟེ་བཟླས་བྱ་བ།། དེ་ཉིད ་ལག་པས་བཟུང་ནས་སུ།། དུས་གསུམ་ཉི་མ་གསུམ་བྱས་ན།། དགྲ་བོ་གང་དུ་བཏབ་པ་དེར།། གཟེར་ཐབས་དྲག་པོས་བཏབ་ནས་སུ།། འགུལ་མི་ཕོད་པར་ས་ལ་ལྟུང་།། ཞག་བདུན་ལོན་ནས་འཆི་བར་འགྱུར།། མ ་མོའི་གནས་སུ་སོང་ནས་སུ།། ལག་པས་བེ་ཅོན་ཕྱག་རྒྱ་བཅིང་།། ལག་པ་གཡོན་པའི་མཛུབ་མོ་ཡིས།། བསྡིགས་ཤིང་ཉི་མ་ནུབ་ནས་སུ། ཁྲོས་ཤིང་དགྲ་ཡི་མིང་སྨོས་བཟླས།། དེ་ནས་དགྲ་བོ་མོ་གདོན་གྱིས།། ཟིན ་ནས་སྤྱོད་པ་སྣ་ཚོགས་པས།། འཆི་བར་གྱུར་པ་དག་ནི་བྱེད།། དེ་ནས་སྒྲུབ་པོས་ཞི་བ་ཡི།། ཆོ་གས་དེ་ལས་ཞི་བར་བྱ།། མ་མོ་རྣམས་ཀྱི་མདུན་འདུག་ནས།། ཞི་བའི་ཆོ་ག་མཁས་པ་ཡིས།། དབང་པོ ་བསྡམས་ཤིང་ཡིད་བདེ་བས།། ཉིན་ཞག་གསུམ་དུ་བཟླས་བྱས་ནས།། དེ་ནས་དེ་ལ་ལས་དེ་ཡི།། ཞི་བར་འགྱུར་བ་གདོན་མི་ཟ།། ཉི་མ་ལ་ནི་མངོན་ཕྱོགས་ནས།། ལག་པས་དགྲ་བོའི་མགོ་བྱུག་ཅིང་།། དགྲ་ཡི་མིང ་སྨོས་མནན་ནས་སུ།། ཉི་མ་ནུབ་ཏུ་བཟླས་བྱས་ན།། དེ་ཡི་ཀླད་པ་ན་འགྱུར་བ།། ཚབས་ཆེན་ཤི་ལ་ཟུག་པར་འགྱུར།། དེ་ནས་ཐལ་མོ་སྦྱར་ནས་སུ།། ཉིན་པར་ཟློས་ཤིང་ཞི་བར་བྱ།། ས་སྟེང་རྐང་པ་གཅིག་གིས ་འདུག། ཉིན་པར་ལག་པ་གྱེན་དུ་བརྐྱང་།། མི་དགའ་ཁྲོས་ཤིང་བཟླས་བྱས་པ།། དགྲ་ཡི་མིང་སྨོས་ཅི་འདོད་པར།། ཉི་མ་ནུབ་ཀར་དེ་ནས་དགྲ།། མི་དགའ་བ་དང་མྱོས་འགྱུར་ཏེ།། གཉེན་དང་མཛའ་བོ་རྣམས་བོར ་ཏེ། དེ་ནས་གཞན་གྱི་གནས་སུ་འགྲོ།། དེ་ལ་འདིར་ནི་ཞི་བའམ།། འོན་ཏེ་རྒྱས་པར་བྱ་འདོད་ན།། གཙང་སྒྲ་བྱས་ཏེ་གོས་དཀར་བགོས།། བདེ་ཞིང་བརྟན་པར་མ་གཡོས་པར།། མཆོད་པ་བཟང་པོ་བྱས་ནས ་སུ།། དེ་བཞིན་གཤེགས་ལ་ཕྱག་འཚལ་ནས།། འོ་མ་བཏུང་ཞིང་བཟླས་བྱས་པ།། ཞི་བར་འགྱུར་གྱི་བར་དུའོ།། དེ་ལྟར་འདི་ནི་སྣ་ཚོགས་པ།། སྦྱོར་བཅས་རྒྱས་པར་བཤད་པ་ཡིན།། རྟོག་པའི་ཆོ་ག་བཞིན་དུ་ནི།། མ ་གསུངས་པ་ཡང་ལེགས་པར་བསྒྲུབ།། ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོག་པ་གསང་བའི་རྟོག་པར་གཏོགས་པ་སྟེ་གསུམ་པའོ།། །། དེ་ནས་གཞན་ཡང་བཟང་པོ་འདི།། ཧེ་ལའི་དཀྱིལ་འཁོར ་རྒྱས་པ་ནི།། དེ་ལས་བཟང་པོ་གཞན་མེད་པ།། ཇི་ལྟར་རིགས་པ་བཤད་པར་བྱ།། དང་པོར་ཧེ་ཞེས་གང་གསུངས་པ།། བསྐུལ་བའི་ས་བོན་ཐམས་ཅད་པའོ།། དེ་ནི་ལེན་དང་འཛིན་པ་སྟེ།། ལས་ལ་མྱུར་དུ་བསྐུལ ་བའོ།། དེ་བས་ཐོག་མར་བསྐུལ་བ་དང་།། དོན་བཞིན་དུ་ནི་བཟུང་བ་ལ།། ཁྲོ་བོ་ཡི་ནི་རྒྱལ་པོ་ཡི།། ཧེ་ལའི་འཁོར་ལོ་རིམ་བཞིན་བསྟན།། ཧེ་ཧེ་ཧ་ཧ་ཧི་ཧི་ཧི།། ཧི་ཧ་ཧ་ཧེ་ཧེ་གཉིས་སྦྱར་བ། ཁྲོ་ཆེན་ཚིག་གིས་ཐོག ་མར་སྦྱར།། ཟུང་ཤིག་པ་ཡི་ཚིག་གཉིས་པའོ།། ཟུང་དྲུག་འཁོར་ལོའི་ཐ་མར་དགོད།། མུ་རན་རྩིབས་ཀྱི་མིག་རྣམས་སུ།། སྔགས་ལས་འབྱུང་བའི་རེ་རེའོ།། དོན་རྣམས་ཐམས་ཅད་བསྒྲུབ་པར་འགྱུར།། བཅུ་གཉིས ་དག་ཏུ་གསུངས་པའི་སྔགས།། གནས་སུ་ཇི་ལྟར་བཀོད་པ་དང་།། ཇི་ལྟར་སྨོས་ཤིང་གང་གནས་པ།། སོ་སོའི་ལས་ལ་སྦྱར་བར་བྱ།། དེ་ནས་འདི་དག་བཀོད་པ་དེ།། སྔགས་རྣམས་བསྡུ་བ་ཚུལ་བཞིན་བཤད།། དེའི ་ནང་མུ་རན་གསུམ་པོ་དང་།། དབུས་ཀྱི་མུ་རན་བཟང་པོར་ལྡན།། མཐའ་ཡི་མུ་རན་དྲུག་པོ་དང་།། རྩིབས་ཀྱི་ཟུར་དྲུག་རབ་བཟང་བ།། རབ་དབེན་འདུ་འཛི་མེད་པའི་སར།། ཆོ་ག་བཞིན་དུ་ལེགས་བྲིས་ནས།། དེ་ཡི། ་གནས་སུ་སྦྱར་བ་དང་།། དེ་ཡི་གོ་རིམ་བཞིན་དུ་སྦྱར།། དེ་ཡི་ཚམ་ངམ་གསལ་བ་ཡི།། སྔགས་རྣམས་འདི་ནི་བསྡུ་བར་བྱ།། དབུས་སུ་དེ་བཞིན་གཤེགས་པ་ཡི།། སྙིང་པོ་མཚན་ནི་བརྗོད་པའི ་མཆོག། བཞག་ནས་དེ་ཡི་གནས་དག་ལ།། སྔགས་ནི་གྲུབ་པར་བྱེད་པ་གཞག། མུ་རན་གཉིས་ལ་གནས་ནས་སུ། ཁྲོ་བོའི་སྙིང་པོ་གཞག་པར་བྱ།། དེ་ནི་ཁྲོ་བོའི་ཞབས་ཀྱིས་མནན།། དྲིལ་བུ་དཀྲོལ་བའི་སྒྲ ་ཡང་བསྔགས། ཁྲོ་བོ་ཞབས་ཀྱིས་བཅགས་བྱས་པ།། རྩིབས་རྣམས་ཁྲོ་བོ་མཐུ་དང་ལྡན།། དབུས་སུ་སྙིང་པོ་དག་པར་ལྡན།། རབ་ཏུ་འབར་ཞིང་ངེས་བྱས་པ།། མུ་རན་གསུམ་གྱི་བར་དུ་སྟེ།། ཐམས་ཅད་དོན་རྣམས ་ཀུན་གྲུབ་པའོ།། ཧེ་ཧེ་ཧ་ཧ་ཧི་ཧི་ཧི་ཧི་ཧ་ཧ་ཧེ་ཧེ། གཉིས་སུ་སྦྱར། ཁྲོ་བོ་ཆེན་པོའི་ཚིག་དབུས་ནས།། ས་བོན་བཟུང་བའི་ཕྱི་རོལ་གཞག། ཐོག་མར་བསྐུལ་བའི་ཚིག་རྣམས་དགོད། ཁྲོ་བོ་དུ་མས་བསྐུལ་བ ་སྟེ།། ཐམས་ཅད་ཀུན་དུ་དོན་རྣམས་ཀུན།། གྲུབ་པའི་ཕྱིར་ནི་དེ་ལ་གནས།། དེ་ལྟར་འཁོར་ལོ་བྱས་པ་ཡི།། ཕྱི་ནས་བདུད་རྩི་འཁྱིལ་པ་བཞག། བསྐུལ་བའི་ཚིག་རྣམས་དགོད་པའི་མཐར། ཁྲོ་བོ་གཞན་རྣམས་བཀོད ་པར་བྱ།། དེ་ནས་གཞན་ཡང་རིམ་བཞིན་དུ། ཁྲོ་བོ་ཆེན་པོ་དགོད་པའི་ཕྱིར།། སྐུལ་བར་བྱེད་པ་བཅུ་གཉིས་པོ།། འདི་དག་ཚུལ་བཞིན་བཤད་པར་བྱ།། དང་པོར་ཁྲོ་བོ་རྒྱལ་པོས་གསུངས།། འབར་བའི་ཕྲེང་བ་ཆེ ་ཞེས་བྱ།། རྡོ་རྗེ་མེ་ཡི་རྒྱལ་པོར་བཞག། རབ་ཏུ་དྲག་པོའི་ཤུགས་གཞག་གོ། རབ་ཏུ་དྲག་ཤུལ་སྟོབས་པོ་ཆེ།། རྒྱ་ཆེན་ཁྲོ་བོ་ལྔ་པ་ཡིན།། དྲུག་པ་གཞན་གྱིས་མི་ཐུབ་པ།། འཇིགས་པར་བྱེད་པ་ཞེས་བྱ་བ། ཁྲོ་བོ་བདུན ་པར་བྱེད་པ་ཡིན།། ཟུར་དུ་ཁྲོ་བོ་བརྒྱད་པོ་གྲགས།། ཕོངས་པ་སྒྲོལ་བ་དེ་བཞིན་དགུ།། རབ་ཏུ་འཇོམས་པ་བཅུ་པ་ཡི།། དེ་བཞིན་ཀཱི་ལི་ཀཱི་ལི་བཞག། ཀཱི་ལི་ཀཱི་ལི་ཆེན་པོ་དང་།། བཅུ་གཉིས་སུ་ནི་གསུངས་པ་ཡིན།། ་ཁྲོ་བོ་རབ་ཏུ་སྣང་བྱེད་པ།། བཅུ་གཉིས་བགྲངས་པ་འདི་དག་ནི། ཁྲོ་བོའི་རྒྱལ་པོས་ཀུན་ཏུ་མནན།། ཐམས་ཅད་རིམ་པ་བཞིན་དུ་གསུངས།། འཁོར་ལོའི་ཕྱི་རོལ་གནས་པ་འཁོད།། འབར་ཞིང་དྲག་པོའི་མཐུ་དང ་ལྡན།། ཐམས་ཅད་བསྟན་ནས་འཁོད་པ་ནི། ཁྲོ་བོ་ཆེན་པོ་སྣང་བྱེད་པ།། མཐུ་རྩལ་ཆེན་པོ་སྟོབས་སུ་ལྡན།། ཀུན་ཀྱང་བདུད་རྩི་འཁྱིལ་པའོ།། ས་བོན་སྔ་མ་མཐའ་ཡས་རྣམས།། གུག་སྐྱེད་དྲུག་དང་ལྡན་པར ་བྱ།། སྟེང་དུ་ཀླད་ཀྱི་འཁོར་གྱིས་མཚན།། ས་བོན་བདུད་རྩི་འཁྱིལ་པའོ།། དང་པོ་དཀྱིལ་འཁོར་ན་གནས་གཅིག། ཚིག་དང་བཅས་པས་དོན་ཀུན་འགྲུབ།། རབ་ཏུ་འབར་བའི་སྔགས་ཀྱི་མཐར།། འབར་བའི་ཕྲེང་བ ་ཅན་གྱིས་བསྒྲགས།། ས་བོན་གཉིས་པ་གང་ཡིན་པ།། ཚིག་དང་བཅས་པར་དེ་བཞིན་གནས།། རྡོ་རྗེ་མེ་རྒྱལ་ཞེས་བྱས་པ། ཁྲོ་བོ་དོན་ཀུན་འགྲུབ་བྱེད་པའོ།། དང་པོའི་ས་བོན་གསུངས་པ་ཡང་།། སྔ་མ་བཞིན་དུ ་ཚིག་དང་བཅས།། རབ་ཏུ་ཤུགས་དྲག་ཆེར་གྲགས་པ། ཁྲོ་བོའི་རྒྱལ་པོ་ཁྲོ་བོར་སྣང་།། སྣང་བྱེད་ཁྲོ་བའི་རིམ་པ་ལས།། ཚེག་དྲག་དེ་བཞིན་ཁྲོ་བོ་ཆེ།། དེ་ནི་སྟོབས་པོ་ཆེ་ཞེས་གསུངས།། གཉིས་པར ་འཁོར་ལོ་ཚིག་མཐའ་ཅན།། གང་གསུངས་ཁྲོ་བོ་རྒྱ་ཆེན་ནི།། དེ་ནི་སྙིང་པོར་གྲགས་པ་ཡང་།། མི་ཐུབ་གཙོ་བོའི་ཚིག་དང་བཅས།། དེ་ཡི་གསུམ་པོ་ཚིག་བཅས་པ།། དེ་ཡང་དེ་བཞིན་བསྒྲགས་པ་ཡིན།། འཇིགས་པ ་ཞེས་བྱ་རབ་ཏུ་ཆེ། ཁྲོ་འདི་ཁྲོ་བོ་སྣང་བྱེད་པ།། རྒྱ་ཆེན་གྱི་ནི་རིམ་བཞིན་དུ།། བཞི་པ་ཡོངས་སུ་བསྒྲགས་པ་ཡིན།། ཚིག་བཅས་རབ་ཏུ་དྲག་པོ་ཉིད།། སུ་རུ་ཁྲོ་བོ་དེ་བཞིན་གཞག། དེ་ཡི་ས་བོན་ལྔ་པ་ཡིན།། འབར ་བའི་ཕྲེང་ཆེན་ཞེས་བྱ་བ།། ཚིག་དང་བཅས་པ་དེ་བཞིན་དུ། ཁྲོ་བོ་ཕོངས་པ་གྲོལ་ཞེས་བྱའོ།། ལྔ་པོ་རྒྱ་ཆེན་ཉིད་ཡིན་ཏེ།། ཚིག་དང་བཅས་པར་བསྒྲགས་པའོ།། རབ་ཏུ་འཇོམས་པ་ཞེས་བསྒྲགས་པ། ཁྲོ་བོའི་ཁྲོ་བོ ་སྣང་བྱེད་པའོ།། ས་བོན་སྔ་མ་མཐའ་མེད་ལས།། སྔ་མ་ཚིག་བཅས་དེ་བཞིན་གཞག། ཀཱི་ལི་ཀཱི་ལི་བྱ་བ་ཡི།། དངོས་གྲུབ་ཐམས་ཅད་རབ་ཏུ་སྟེར།། དེ་བཞིན་དེ་ཡི་ས་བོན་ཉིད།། ཚིག་བཅས་དེ་བཞིན་འདིར་བཤད ་དོ།། ཀཱི་ལི་ཀཱི་ལི་ཆེན་པོ་དེ། ཁྲོ་བོའི་ཁྲོ་བོ་སྣང་བྱེད་པའོ།། ཁྲོ་བོའི་རྒྱལ་པོ་དེ་དག་ནི།། ས་བོན་འདི་དག་རྣམས་ཀྱིས་བསྒྲགས། ཁྲོ་བོའི་རྒྱལ་པོ་སྦྱོར་བ་ཡི།། རབ་ཏུ་སྣང་བར་བྱེད་ཅེས་བསྒྲགས། ཁྲོ་བོའི་རྒྱལ་བའི ་འཁོར་ལོས་གནས།། གཤིན་རྗེའི་གཤེད་པོ་ཡིན་པར་གསུངས།། དང་པོར་དེ་ནི་འཁོར་ལོ་བསྟན།། ཁྲོ་བོ་བདུད་རྩི་འཁྱིལ་པ་དང་།། ཁྲོ་བོའི་རྒྱལ་པོ་དེ་ལས་གཞན།། ཁྲོ་བོའི་བདག་པོ་སྣང་བྱེད་པའོ།། དེ་ལྟར་ཁྲོ་བོ ་གསུམ་པོ་དེ།། གང་དང་གང་དུ་རབ་སྦྱར་བ།། དེ་དང་དེ་རུ་སྔགས་རྣམས་ནི།། སྐུལ་བར་བྱེད་པས་དེ་བཞིན་བསྐུལ།། ཆོ་ག་ཤེས་པས་ནན་ཏན་དུ།། གང་དང་གང་འདོད་བསྒྲུབ་པར་བྱ། ཁྲོ་བོ་སྒོམ་དང་ལྡན་པ ་ཡིས།། ཧེ་ལའི་འཁོར་ལོ་ཡོངས་བསྒོམས་ནས།། དཀའ་ཞིང་བསྒྲུབ་ཏུའང་མི་རུང་བ།། བརྟུལ་ཞུགས་ཧོམ་དང་བཅས་ལ་སོགས།། དེ་ཡིས་དགོད་པ་མ་བྱས་ཀྱང་།། སྔགས་དགོད་ཤེས་ན་བསྒྲུབ་པའོ།། ཧེ་ལའི ་འཁོར་ལོ་ཚུལ་ཤེས་པ།། དེ་ཡིས་དཀའ་བ་མ་བྱས་ཀྱང་།། གདོན་མི་ཟ་བར་མྱུར་དུ་འགྲུབ།། བརྟུལ་ཞུགས་ཧོམ་དང་བསམ་གཏན་དང་།། ཇི་ལྟར་གསུངས་པའི་དཀའ་ཐུབ་དང་།། མངོན་པར་བརྩོན་ཞིང་དད་པའི ་བདག། ལན་གྲངས་བཅུ་གཉིས་གང་བསྙེན་པ།། རྟོག་ལས་གསུངས་པའི་ལས་རྣམས་བྱེད།། རབ་ཏུ་ཡ་མཚན་སྟོན་པའོ།། ཧེ་ལའི་འཁོར་ལོ་ཚུལ་ཤེས་པས།། རིང་པོར་མི་ཐོགས་བདེ་བ་ནི། ཁྲོ་བོར་བསྒོམ་པ་དང ་ལྡན་ཞིང་།། ཧེ་ལའི་འཁོར་ལོ་གནས་འདུག་ན། ཁམས་གསུམ་དག་ཀྱང་ལན་ཅིག་གིས།། ཐོགས་མེད་མྱུར་དུ་གཡོས་པར་བྱེད།། དེ་བས་རབ་ཏུ་བསྒྲིམས་ནས་སུ། ཁྲོ་བོ་བསྒོམ་པ་གོམས་བྱས་ཏེ།། ཧེ་ལའི་འཁོར ་ལོ་ལས་འབྱུང་སྔགས།། སྦྱོར་བ་དག་གིས་གོམས་པར་བྱ། ཁྲོ་བོ་རྣམ་པར་རྒྱལ་བ་ཡི།། རྟོག་པ་དང་པོར་གང་བསྒྲགས་པ།། དེ་ཡི་རྟོག་པ་གསང་བཤད་པ།། ཆོ་ག་འདི་ནི་གསང་བའི་མཆོག་ཁྲོ་བོའི ་འཁོར་ལོ་བསྒྲགས་པ་འདི།། ཆོ་ག་དེ་བས་ཤིན་ཏུ་གསང་། ཁྲོ་བོའི་འཁོར་ལོ་གསང་བཤད་པ།། རབ་ཏུ་སྣང་བྱེད་དེ་བས་ཀྱང་།། ཧེ་ལའི་འཁོར་ལོ་བསྒྲགས་པ་འདི།། རབ་ཏུ་གསང་བའི་མཆོག་ཡིན་ཏེ།། རྟོག་པ ་འདི་དག་ཐམས་ཅད་ཀྱིས།། རབ་ཏུ་གསང་བ་བཤད་པ་ཡིན།། རྟོག་པ་རབ་ཏུ་གསང་བ་ནི།། འདི་དག་རྣམ་པ་ཀུན་ལ་ཡང་།། ཧེ་ལའི་འཁོར་ལོ་འདྲ་བ་ཡི།། འཁོར་ལོ་མ་བྱུང་ཕྱིས་མི་འབྱུང་།། གང་ཞིག་འདི་ཡི ་དོན་ཐོས་ནས། ཁྲོ་བོའི་གྲུབ་པ་སྒོམ་བྱེད་ན།། དེ་ཡིས་འབད་པ་མ་བྱས་ཀྱང་།། འཇིག་རྟེན་ན་ནི་བསྒྲུབ་དཀའ་མེད།། ཧེ་ལའི་འཁོར་ལོའི་གནས་ལ་ནི།། ཇི་ལྟར་འདོད་པར་གནས་ནས་སུ། ཁྲོ་བོ་བསྒོམ་དང་རབ ་ལྡན་པས། ཁྲོ་བོའི་གཟུགས་སུ་གནས་ནས་ནི།། རྩེ་གཅིག་ཏུ་ཡང་ཚིག་གི་མཆོག། བསྒྲུབ་པ་མཆོག་ནི་སྦྱིན་པར་བྱེད།། ཐོགས་པ་མེད་པར་འཇམ་དཔལ་མཐོང་།། ཇི་ལྟར་རིག་པའི་དོན་བཞིན་དུའོ།། ཁྲོ་བོ་རྣམ་པར ་རྒྱལ་བ་འཇམ་དཔལ་གྱི་རྩ་བའི་རྟོག་པ་ལས་གསང་བའི་རྟོག་པར་གཏོགས་པ་སྟེ་བཞི་པའོ།། །། ཁྲོ་བོ་ཆེན་པོའི་ཚིག་གི་མཐར།། བསྐུལ་ཅིག་ཅེས་པའི་ཚིག་གཉིས་གཞག། བསྐུལ་ཅིག་ཅེས་པའི་ཚིག་གཉིས ་མཐར། ཁྲོ་བོ་བདུད་རྩི་འཁྱིལ་བའོ།། ཁྲོ་བོ་ཆེན་པོ་ཕྲེང་བ་དང་།། བདུད་རྩི་འཁྱིལ་བ་འདི་ཡི་མཐར།། ཀུན་ཏུ་དང་པོ་གཡོ་བ་དང་།། སྔགས་ཤེས་ཚམ་ངམ་མཛེས་པ་ཡིས།། ཧེ་ལའི་འཁོར་ལོ་ལ་གནས་ཏེ།། དང་པོ ་གནས་སུ་འདུག་ནས་སུ།། བེ་ཅོན་ཕྱག་རྒྱ་ལན་ཅིག་བཅིང་།། དེ་ནས་ཁྲོ་བོའི་སྔགས་བཟླས་པ།། སྔགས་པ་འགྲེང་སྟེ་འདུག་པ་ནི།། རྐང་པ་གཉིས་ནི་བསྒྱུར་བ་དང་། ཁྲོ་བོ་བསྒོམ་པ་འདི་ལ་ནི།། སེམས་ནི་རབ་ཏུ ་ཞེན་བྱས་ནས།། ས་འདིར་རབ་ཏུ་གཡོས་པའམ།། རི་དག་གཡོ་བའི་བར་དུའོ།། དེ་ནས་འཁོར་ལོ་བསྒྲུབ་པ་ཡིས།། གཉིས་པའི་གནས་ལ་སོང་ནས་སུ། ཁྲོ་བོ་ཆེན་པོའི་ཚིག་མཐར་གནས།། སྐོམས་ཤིག་ཅེས་པར ་དབང་བསྐུར་རོ།། དེའི་ཚིག་ཐོག་མར་བཀོད་ནས་ནི།། དེ་ཡི་ཐ་མར་བདུད་རྩི་འཁྱིལ།། དེ་བཞིན་བདུད་རྩི་འཁྱིལ་བའི་མཐར།། རྡོ་རྗེ་མེ་ཡི་རྒྱལ་པོའི་སྔགས།། རབ་ཏུ་གཡོ་བ་མཛེས་པ་དང་།། ཚམ་ངམ་གསལ་བ ་དག་ལ་གནས།། བེ་ཅོན་ཕྱག་རྒྱ་བཅིངས་ནས་ནི། ཁྲོ་བོ་བསྒོམས་པས་སྔགས་བཟླས་སོ།། རབ་ཏུ་སྦྱོར་བའི་ཐབས་འདི་ནི།། མཚོ་དང་རྫིང་ཆེན་ཀླུང་ཆེན་རྣམས། ཁྲོས་པས་མྱུར་དུ་སྐེམས་པར་བྱེད།། འབབ་ཆུ་དག ་ཀྱང་གྱེན་དུ་འབེབས། ཁྲོ་བོ་མཐུ་ཆེན་གནོད་ལྡན་གྱི།། སྔགས་ཀྱི་ཡི་གེ་དགོད་པར་བྱ།། རྩིབས་རྣམས་རིམ་པས་ཀུན་མནན་པ།། གཉིས་པོ་དེ་ལས་འཕོས་ནས་ནི།། དེ་ནས་གསུམ་པའི་གནས་ལ་འདུག། མཐུ་རྩལ ་ལྡན་པས་རིམ་པར་གནོན། ཁྲོ་བོ་ཆེན་པོའི་ཚིག་གི་མཐར།། བསྐྲད་པར་བྱོས་ཞེས་ཚིག་གཉིས་བསྐུལ།། དེ་ནི་སྔ་མ་བཞིན་བཀོད་ནས།། དེ་ཡི་ཐ་མར་བདུད་རྩི་འཁྱིལ།། ཁྲོ་བོ་བདུད་རྩི་འཁྱིལ་བའི ་མཐར།། རབ་ཏུ་དྲག་པའི་ཤུགས་བཞག་གོ། རྣམ་པར་སྐྲག་བྱེད་གསལ་བ་ཡི། ཁྲོ་བོ་ཚམ་ངམ་བསྙེན་པར་གནས།། གླང་པོ་མྱོས་པའི་ཤུགས་ཅན་དག། མངོན་དུ་འོང་བར་གྱུར་ན་ཡང་།། དེ་མ་ཐག་ཏུ་སྐྲག་པར ་བྱེད།། མྱོས་པའི་ཤུགས་ཀྱང་རབ་ཏུ་དོར།། སླད་དུ་ལོག་པར་ཕན་ཚུན་དུ།། བསྐོར་ཞིང་མི་དགའ་བཞིན་དུ་འགྲོ།། གླང་པོའི་རྒྱལ་པོ་དེ་མྱོས་ཤིང་།། བདེ་བ་མ་ཐོབ་བབས་པར་འགྱུར།། སྒྲུབ་པ་ཁྲོ་བོ་བསྒོམ་པ ་ཡི།། ཆོ་གའི་ཚུལ་ནི་དེ་བཞིན་ནོ།། ཧེ་ལའི་འཁོར་ལོ་ཞེས་བྱ་བའི།། བཞི་པའི་གནས་ལ་འདུག་ནས་ཀྱང་། ཁྲོ་བོ་ཆེན་པོའི་ཚིག་གི་མཐར།། ནོན་ཅིག་ཅེས་པའི་ཚིག་གཉིས་བསྐུལ།། དེ་ནས་ཆོ་ག་སྔར་བཤད ་པས།། བདུད་རྩི་འཁྱིལ་བ་གཞག་པར་བྱ།། བདུད་རྩི་འཁྱིལ་བ་དེ་ཡི་མཐར། ཁྲོ་བོ་ཆེན་པོ་སྟོབས་ཆེན་བཞག། ཀུན་ཏུ་སྡོམ་པ་མཛེས་པ་ཡི།། ཚམ་ངམ་གྱིས་ནི་མི་གཡོར་གནོན།། དཔུང་ངམ་ཡང་ན་གླང ་པོའམ།། གྲུའམ་ཡང་ན་ཤི་རྟའམ།། རྟ་དང་རྔ་མོ་ལུག་ལ་སོགས། ཁྲོ་བོ་བསྒོམས་པའི་ཚུལ་བཞིན་བྱས།། སྦྱོར་བ་དེ་ལ་གནས་ནས་ནི།། རབ་ཏུ་མནན་པ་བྱས་པར་འགྱུར།། དེ་ནས་ཧེ་ལ་ཞེས་བྱ་བའི།། འཁོར་ལོ་ལྔ ་པ་ལ་གནས་ནས། ཁྲོ་བོ་ཆེན་པོའི་ཚིག་གི་མཐར།། དཀྲུགས་ཤིག་དཀྲུགས་ཤིག་ཚིག་གཉིས་བཞག་ཁྲོ་བོ་བདུད་རྩི་འཁྱིལ་པ་ཡང་།། མཐའ་ཡི་ཚིག་གི་གནས་སུ་བཞག་ཁྲོ་བོ་རྒྱ་ཆེན་ཞེས་བྱ་བ།། རབ་ཏུ་འབར ་བར་གྱུར་པར་བྱ། ཁྲོ་བོ་བདུད་རྩི་འཁྱིལ་པ་ཡང་།། རབ་ཏུ་འཁྲུགས་པ་ཞེས་བྱ་བའི།། ཚམ་ངམ་མཆོག་གིས་མྱུར་དུ་ནི།། དགྲ་ཡི་དཔུང་རྣམས་ཕན་ཚུན་དུ།། རབ་ཏུ་རྣམ་པར་དཀྲུགས་པར་བྱ།། དེ་ནས་ཧེ་ལའི ་འཁོར་ལོ་ཡི།། རིམ་པ་དྲུག་ལ་གནས་ནས་ནི། ཁྲོ་བོ་ཆེན་པོའི་ཚིག་གི་མཐར།། རྨོངས་པར་གྱུར་ཅེས་ཚིག་གཉིས་བསྐུལ། ཁྲོ་བོ་བདུད་རྩི་འཁྱིལ་པ་ཡང་།། ཚིག་གི་ཐ་མར་ཀུན་དུ་གཞག་ཁྲོ་བོ་གཞན་གྱིས་མི་ཐུབ ་པ།། ཆོ་ག་སྔ་མ་བཞིན་དུ་བསྐུལ།། རྨོངས་པར་བྱེད་པའི་ཚམ་ངམ་གྱིས།། ཆོ་ག་བཞིན་དུ་རབ་བསྐུལ་ནས།། རི་མོ་དག་ལ་གནས་པ་བཞིན།། འགྲོ་བ་མྱུར་དུ་རྨོངས་པར་འགྱུར།། དེ་ནས་ཧེ་ལའི་འཁོར་ལོ ་འདིར།། རིམ་བདུན་པ་ལ་གནས་ནས་སུ། ཁྲོ་བོ་ཆེན་པོའི་ཚིག་གི་མཐར།། སྒྲོགས་ཤིག་སྒྲོགས་ཤིག་ཚིག་གཉིས་བཞག་ཁྲོ་བོའི་འཛིན་པར་བྱེད་པ་ཡིས།། བདུད་རྩི་འཁྱིལ་པ་སྐུལ་བར་བྱེད།། འཇིགས་པར་གྱུར ་པའི་སྒྲ་སྒྲོགས་པ། ཁྲོ་བོའི་ཚམ་ངམ་མྱུར་བར་ནི།། དུས་མིན་པར་ཡང་སྤྲིན་གྱིས་ཁེབས།། དེ་ནས་འདོད་བཞིན་ཆར་པ་འབེབས།། དེ་ནས་ཧེ་ལའི་འཁོར་ལོ་ཡི།། རྩིབས་ཀྱི་རིམ་པ་བརྒྱད་པ་ལ།། གནས་ནས་འདིར ་ནི་སྔ་མ་བཞིན། ཁྲོ་བོ་ཆེན་པོའི་ཚིག་གི་མཐར།། ཧེ་ཧེ་ས་བོན་གཉིས་བཞག་ནས།། དེ་ཡི་འོག་ཏུ་བདུད་རྩི་འཁྱིལ། ཁྲོ་བོ་ཟུར་དུ་དེ་བཞིན་དུ།། བདུད་རྩི་འཁྱིལ་བའི་མཐའ་མར་བཞག་ཁྲོ་བོ་ཚམ ་ངམ་ཁ་གདང་པ།། མཆོག་ཅེས་བྱ་བ་མྱུར་བར་ནི།། རྐང་པ་ཡ་གཅིག་གདངས་པའི་སྟབས།། སད་དང་སེར་བ་རླུང་ལ་སོགས།། དུས་སམ་ཡང་ན་དུས་མིན་པར།། སྒྲུབ་པོ་ཁྲོ་བོ་བསྒོམས་པ་ཡིས། ཁྲོ་བོའི་སྔགས ་ཀྱིས་ཚུལ་བཞིན་དུ།། ས་ཡི་སྟེང་དུ་འབེབས་པར་བྱེད།། ཧེ་ལའི་འཁོར་ལོ་གནས་བརྒྱད་པོ།། བསྒྲུབ་པ་ཡི་ནི་སར་བོར་ནས། ཁྲོ་བོའི་ས་བོན་ཚིག་གསལ་བ།། དགུ་པ་བཟང་པོ་ལ་གནས་ཏེ། ཁྲོ་བོ་ཆེན་པོའི་ཚིག་གི ་མཐར།། སློང་ཤིག་པ་ཡི་ཚིག་གཉིས་བསྐུལ། ཁྲོ་བོ་བདུད་རྩི་འཁྱིལ་བ་ཡི།། ཐ་མར་ཕོངས་པ་སྒྲོལ་བ་བཞག་ཁྲོ་བོ་བསྒོམ་པས་མཛེས་པ་ཡི།། ཚམ་ངམ་གསལ་བ་བྱས་ནས་ནི། ཁྲོ་བོ་གཤིན་རྗེའི་གཤེད་པོ་བཟླས།། ་ཁྲོ་བོ་ཉིད་ཀྱི་ཚིག་གི་གསལ།། ཧཱུཾ་ཞེས་བྱ་བ་བཟང་པོ་ཡིས། ཁྲོ་བོ་དངོས་པོར་བསྒོམས་ནས་ནི།། ཤིང་གི་རྩེ་དང་ཡལ་ག་དགུག། ཡང་ན་ཤིང་ཆེན་རྩ་ནས་འབྱིན།། མེ་ཏོག་འབྲས་བུ་གྲོགས་པའམ།། ཡང་ན་འདོད ་བཞིན་གཡོ་བར་བྱེད།། ལྗོན་ཤིང་ཆེན་པོ་རྣམས་ཀྱང་ནི།། ཇི་ལྟར་འདོད་པར་མི་གཡོར་འགྱུར།། ཧེ་ལ་ཞེས་བྱའི་འཁོར་ལོ་ཡི།། རྩིབས་ནི་བཅུ་པ་ལ་གནས་ནས། ཁྲོ་བོ་ཆེན་པོ་ཚིག་གི་མཐར།། ཆོམ་ཤིག་ཅེས་པའི ་ཚིག་གཉིས་བསྐུལ། ཁྲོ་བོ་ཆེན་པོ་རབ་འཇོམས་པ།། ཁྲོ་བོ་བདུད་རྩི་འཁྱིལ་པའི་མཐར།། སྔ་མ་བཞིན་དུ་གཞག་པར་བྱ།། འཇིགས་པར་བྱེད་པའི་ཚམ་ངམ་བྱེད།། རི་ཆེན་དག་གི་རྩེ་མོ་དང་།། སྒོ་དང་ལྕགས་སྒྲོག ་རྣམས་ཀྱི་ནི། ཁྲོ་བོའི་རྒྱལ་པོར་སྔོན་བཞིན་དུ།། བསྒོམས་ན་རབ་མཆོག་གྲུབ་བྱེད་པ།། ཧེ་ལ་ཡི་ནི་འཁོར་ལོ་ཡི།། རྩིབས་ནི་བཅུ་གཅིག་ལ་གནས་ཏེ། ཁྲོ་བོ་ཆེན་པོའི་ཚིག་གི་མཐར།། བརྙིལ་ཅིག་ཅེས་པའི་ཚིག ་གིས་བསྐུལ། ཁྲོ་བོ་ཀཱི་ལི་ཀཱི་ལ་ཡིས།། བདུད་རྩི་འཁྱིལ་པ་བསྐུལ་བྱ་བ།། ཚིག་གི་མཐའ་མར་གནས་པ་སྟེ།། ཆོ་ག་བཞིན་དུ་བཤད་པ་བཞིན།། ཀཱི་ལི་ཀཱི་ལ་ཞེས་བྱ་བ།། ཚམ་ངམ་མཆོག་ལ་དེ་བཞིན་གནས།། བེ ་ཅོན་གྱི་ནི་ཕྱག་རྒྱ་བཅིང་།། གཤིན་རྗེའི་གཤེད་པོ་བསྒོམ་པ་ནི།། རིན་ཆེན་རྩ་བ་བརྟན་པ་ཡང་།། རྩེ་མོ་ནས་ཀྱང་བརྙིལ་བར་བྱེད།། ཡང་ན་རི་ཁར་སྐྱེ་བ་ཡི།། བརྟན་པའི་ཤིང་རྣམས་འགྱེལ་བར་བྱེད།། དེ་ནས་ཧེ ་ལའི་འཁོར་ལོ་ཡི།། བཅུ་གཉིས་པ་ཡི་རྩིབས་ལ་གནས། ཁྲོ་བོ་ཆེན་པོའི་ཚིག་གི་མཐར།། ཞུགས་ཤིག་ཅེས་པའི་ཚིག་གིས་བསྐུལ།། བསྐུལ་ནས་དེ་ཡི་ཐ་མར་ནི།། བདུད་རྩི་འཁྱིལ་པ་གཞག་པར་བྱ། ཁྲོ་ཆེན་ཀཱི་ལི ་ཀཱིཀི་ལ་ཡ།། དེ་ཡི་ཐ་མར་གཞག་པར་བྱ།། ཀཱི་ལི་ཀ་ལ་ཆེན་པོ་ཞེས།། བྱ་བའི་ཚམ་ངམ་དེ་བཞིན་བྱ།། བེ་ཅོན་ཕྱག་རྒྱ་བཅིངས་ནས་སུ། ཁྲོ་བོ་ཆེན་པོ་གཤིན་རྗེའི་གཤེད།། ཡིད་ལ་རབ་ཏུ་གོམས་བྱས་ན།། རྩིག་པ ་ཤིང་སྐམ་རྡོ་ལ་སོགས།། འབབས་ན་ཕྱུང་སྟེ་ནམ་མཁར་གནས།། ནམ་མཁའ་ལ་ནི་བྱུང་ནས་ཀྱང་།། འདོད་པ་བཞིན་དུ་ལྟུང་བར་བྱེད།། འདི་ནི་རང་འབྱུང་ངོ་མཚར་ལ།། འདི་ནི་དུས་གསུམ་སྔོན་དུ ་བྱུང་།། སྤྱོད་པ་གཞན་ཡང་སྔ་མ་བཞིན། ཁྲོ་བོ་སྒོམ་པས་བྱེད་པར་གསུངས།། ཧེ་ལའི་འཁོར་ལོ་དགོད་པ་ནི།། རབ་ཏུ་གསང་བ་ཡིན་པར་བཤད།། གསང་དང་བཅས་ཤིང་སྦྱོར་བཅས་པ།། ཤེས་ན་དངོས་གྲུབ་ཐོབ། ་པར་འགྱུར།། དེ་ནས་གཞན་ཡང་ཅི་རིགས་པ།། ཚམ་ངམ་བཅུ་གཉིས་སྦྱོར་བ་དག། མདོ་དང་རྒྱས་པའི་ཚུལ་དག་གིས།། ད་ནི་རབ་ཏུ་བཤད་པར་བྱ།། ཀུན་ཏུ་གཡོ་བ་དང་པོ་ཡིན།། དེ་བཞིན་རབ་ཏུ་གཡོ་བར ་བཤད།། སྐྲག་པར་བྱེད་པ་གསུམ་པ་སྟེ།། བཞི་པ་ཀུན་ཏུ་སྡོམ་པར་བྱེད།། རབ་ཏུ་འཁྲུག་ཅེས་བྱ་བ་ལྔ།། རྨོངས་པར་བྱེད་པས་དེ་བཞིན་དྲུག། མྱུར་བ་ཚམ་ངམ་དེ་ལ་གནས། ཁ་གདངས་པ་ནི་བརྒྱད་པར ་བཤད།། མཛེས་ཞེས་བྱ་བ་དགུ་པ་སྟེ།། འཇིགས་པར་བྱེད་པ་བཅུ་པ་ཡིན།། ཀཱི་ལི་ཀཱ་ལ་ཞེས་བྱ་དང་།། ཀཱི་ལི་ཀཱི་ལ་ཆེན་པོ་ཡི།། ཁྲོ་བོ་ཚམ་ངམ་བཅུ་གཉིས་སོ།། འདི་དག་རིམ་བཞིན་བཤད་པ་ཡིན།། ཐོག་མར ་བསྡིགས་པའི་རིམ་པ་ཡིས།། བེ་ཅོན་ཕྱག་རྒྱ་ལྡན་པར་བྱ།། ཕྱི་ནས་རང་གཟུགས་ཇི་བཞིན་དུ།། སྔགས་པ་དག་གིས་ཤེས་པར་བྱ།། རང་གི་གཟུགས་ཀྱང་རང་གནས་པ།། བསྡིགས་ཤིང་ཚམ་ངམ་བྱེད་ལ ་གས།། སྐྲག་པར་བྱེད་པའི་ཁན་རབ།། ཟ་ཟའི་ལྟ་བ་གདང་འགྱུར་བ།། ནང་པ་འགྱོད་པར་གཞག་པ་དག། ཨ་འམ་མཚན་ཅིད་བཤད་པ་ཡིན།། རྐང་པ་ས་གཅིག་སྔར་དུ་གན། གདང་དང་ནུ་མཛངསན ་རྒྱ།། ཐ་གཅེར་འཇིགས་པར་ཟད་པ་བསྐུར།། གསན་པ་མཛུབ་མི་གཅིག་གིས་བརྟགས།། ཆམ་འམ་བྱེད་ཅིང་པོ་ཅན་གདངས།། གདང་དང་བཛྲ་དང་རྐང་པ་གསོན།། ཀུན་དུ་གས་གས་རྩ་བ་པ། རྫམ ་ཁྲིམས་དང་བཅས།། ཀུན་དུ་གསོ་བའི་རིམ་གསུངས་ལ།། རབ་ཏུ་གམ་ཤེས་བྱ་བ་ནི།། ཅུང་ཟད་དུ་ནི་དབུས་དམན་པའོ།། རབ་ཏུ་གསོ་པ་བརྟག་པར་བྱ།། དེ་བཞིན་དབང་བ་བཟུང་བ་དང་།། ནང་པ་གསན ་གདངས་པ་དང་།། ལག་གཉིས་དྲག་ཏུ་རྡོབ་པ་ནི།། དེ་བཞིན་སྐྲག་པར་བྱེད་པར་བཤད།། བེ་ཙན་ལ་ནི་བས་བར་གཏད།། རྐང་པ་གམས་པ་གསལ་བར་བྱད།། ད་ནི་ཀུན་ཏུ་རྣམ་པར་བཤད།། གསོན་པའི ་ས་ཆགས་པར་བྱ།། དབང་པ་གདངས་པ་གཏན་བརྙན་སུ།། ག་ནི་མཆུབ་མ་གཟུགལ་།། རྐང་པ་གསས་བཅང་བས།། ཀུན་དུ་འཇུགས་པ་ཞེས་ཅག།། དང་བན་པགད ་ཏེ།། གཡོན་ཕྱོགས་སུ་ནི་ཕྱར་ཞིང་བསྐོར།། དཔུང་པ་བཏུང་བའི་བེ་ཅོན་གདེངས།། བསྡིགས་པ་གཅིག་ཏུ་རྨོངས་པར་བྱེད།། མྱུར་དུ་ཚམ་ངམ་ཞེས་བྱ་བ།། དེ་ཉིད་དཔུང་བརྡབས་བསྡིགས་པའོ།། དེ་ཉིད་ལས་ནི ་གདངས་པ།། ཁ་གདངས་པ་ཞེས་བསྒྲགས་པ་ཡིན།། སྲན་དང་བཅས་ལ་བཞི་ནི་བསྐོར།། མཐུ་རྩལ་ཆེ་བའི་སྟབས་སུ་སྩོལ།། མཆུ་ཡི་མཐའ་མ་སོ་ཡིས་མནན།། ལག་པ་ཕྱར་ཏེ་སྡིགས་པར ་བྱེད།། བསྙེམས་དང་བཅས་ཤིང་སྒྲ་ཡང་འབྱིན།། འཇིགས་པར་བྱེད་པའི་ཧཱུཾ་བསྒྲགས་པའི།། ཚམ་ངམ་ལེགས་པར་བཤད་པ་ནི།། མཛེས་པའི་ཁྲོ་བོས་གནོན་པའོ།། བཙན་ཐབས་སུ་ནི་བསྐོར་བར་བྱ།། རྐང་པོ ་གཡས་པ་བཙུགས་ཏེ་མནན།། ལག་པ་གཉིས་ཀ་དྲག་རྡོབ་པ།། བྱས་ནས་འཇིགས་པར་བྱ་བ་ནི།། དེ་བཞིན་སྙེམས་དང་བཅས་བཤད་པ།། ཚམ་ངམ་བདག་ཉིད་ཆེན་པོ་འདི།། འཇིགས་པར་བྱེད་པ་ཞེས་བྱ ་སྟེ།། རྟག་ཏུ་ཁྲོ་བོ་བསྒོམ་པའོ།། རྐང་པ་མཉམ་པར་བཞག་ཏེ་འདུག། གཡས་པ་ཅུང་ཟད་མཐོ་བར་བྱ།། དཔལ་དང་ལྡན་པས་གཡོན་པ་སྨད།། གཡོན་པ་སོར་མོ་གཅིག་གིས་བསྡིགས།། དཔུང་པ་བཏེག་སྟེ་བེ་ཅོན ་འཕྱར།། རྐང་པ་དང་ནི་གདོང་བསྒྱུར་བ།། རྟག་ཏུ་ཁྲོ་བོ་བསྒོམ་པ་ནི།། ཀཱི་ལི་ཀཱི་ལ་ཞེས་བྱའོ།། ཀཱི་ལི་ཀི་ལ་ཆེན་པོ་ནི།། དེ་ཉིད་ལས་ནི་རྒྱབ་ཏུ་བལྟ། ཁྲོ་བོ་མིག་ནི་ཡ་གཅིག་བཙུམས།། མྱུར་དུ་མཆོད་སྟབས་བྱེད ་པའོ།། འདི་ནི་ཚམ་ངམ་སྦྱོར་བ་སྟེ།། ཧེ་ལའི་འཁོར་ལོ་རྩིབས་རིམ་ལས།། མདོར་ན་ཇི་ལྟར་དགོད་པ་དག། ལེགས་པར་བཤད་པ་འདི་ཡིན་ནོ།། ཧེ་ལའི་འཁོར་ལོའི་མཐུ་སྔགས་དང་།། ཚམ་ངམ་གཡས་ཀྱི་མཐུ ་དགའ་ཡིས།། ལས་རྣམས་རབ་ཏུ་ངོ་མཚར་བ།། ཇི་སྐད་གསུངས་པའི་ལས་རྣམས་བྱའོ།། བསྒྲུབ་པ་དེ་དག་གསང་རྒྱུད་དང་།། ཧེ་ལའི་འཁོར་ལོ་འདི་ཤེས་ན། ཁྲོ་བོ་དངོས་དང་གཅིག་འགྱུར་བས། ཁྲོ་བོའི་སྐད ་དུ་སྤྱོད་པར་འགྱུར།། རྟོག་པ་འདི་ནི་གསང་བར་བཅས།། གསང་བའི་སྙིང་པོའི་མཆོག་ཏུ་བཤད།། ཁྲོ་བོའི་རྒྱལ་པོའི་རྟོག་འདི་ལས།། མཆོག་ཏུ་གྱུར་པ་གཞན་མེད་དོ།། ཁྲོ་བོ་རྣམ་པར་རྒྱལ་བ་ལས།། རྟོག་པ་ཕྱི་མའི ་ཕྱི་མ་འདི།། རབ་ཏུ་གསང་བ་ཞེས་བྱ་བ།། ཐོས་ནས་གསང་བའི་དོན་བསྒོམས་པས།། ལྷ་དེ་ཐམས་ཅད་ཡི་རངས་ནས། ཁྲོ་བོ་མཆོག་ལ་ཕྱག་འཚལ་ཏེ།། རབ་ཏུ་དགའ་བའི་མཆོག་ཏུ་འགྱུར།། གསང་བའི་རྟོག་པར ་གཏོགས་པ་ལྔ་པ་སྟེ་བཅོམ་ལྡན་འདས་འཇམ་དཔལ་གཤིན་རྗེ་གཤེད་པོ་ལ་རྗེས་སུ་ཡི་རང་བའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །། ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པའི་རྒྱལ་པོ་གསང ་བའི་རྒྱུད་རྫོགས་སོ།། །།་