བོད་ཡིག

e-texts produced with BDRC’s OCR application

gsang nag po'i rgyud rdzogs so// // slob dpon ba su d+ha ra dang gnubs chen sangs rgyas ye shes kyis bsgyur ba'o// @#// rgya gar skad du/ shri tsan+d+ra gu h+ya ru dra man+ta ka la A g+ha tu ka k+ShA ra tan+ta/ bod skad du/ dpal drag sngags zla gsang nag po bshan pa spu gri'i rgyud/ dpal khro mchog ya mAn+ta ka la phyag 'tshal lo// 'di skad bdag gis thos pa'i dus gcig na/ lho phyogs gshin rje'i yul ro myags chen po'i tshal na dur khrod lcags kyi khang sgrom 'bar ba/ rmang gser gyi gdan la/ logs lcags su snang ba/ thod pa'i 'bur la/ rak+ta'i chu rgyun du 'bab pa/ rtse mo 'khor los bsdams pa la zhag 'dzag pa/ khrag gi rgya mtsho khol zhing 'khrugs pa gnam lcags thog gi tsha tsha 'phro ba/ rus sbal gyi ma them la/ chu srin 'bar ba'i khrigs gtang ba/ ro nye nag pos skyes bu byas pa/ bya khyung 'bar bas ya them byas pa/ zhing chen po'i bla re dang / ro chen po'i rgyal mtshan phyar te/ 'di lta bu'i chu srin gyi rgyal mtshan dang / stag gi rgyal mtshan dang / sbrang ki'i rgyal mtshan dang / bya rgod kyi rgyal mtshan dang / dom dang dred kyi rgyal mtshan dang / spre'u'i rgyal mtshan dang / sbal nag gi rgyal mtshan te/ de dag la sogs pa phyar ba/ tsit+ta sprin ltar gtibs pa b+han+da lcang lo mun nag par 'thibs par/ nyi ma dang / zla ba dang / skar ma dang / gza' dang / grangs sngabs dang / ser bu dang / rlung nag po'i dral grab tu btang ba/ bse dang mi ro'i ka gdung 'khrol ba/ dur khrod kyi mi re 'bar ba/ de'i gting du gti mug gi mun par gtibs pa/ shar na zhe sdang gi me 'bar ba/ lho na nga rgyal gyi brag ri gtams pa/ nub na 'dod chags khrag gi rgya mtsho 'khrugs pa/ byang na phrag dog dug gi rlung nag 'khrigs pa/ rgud 'di ma phyi gcig sor bzhag las dpe sngar sa ma rnyed/ dur khrod kyi ro rul ba dang / sngos pa dang / bam pa dang / tshigs pa dang rus pa 'brul ba dang / chad pa dang / lhu dum dang / 'phel ka dang / bsta dang / gan dang / phub dang / 'gyel ba dang / rengs pa dang / 'khums pa dang / ro ma 'dra ba nyag nyag dang khar tag tag ser ser po dang / de lta bu'i dbus bskal pa me dpung 'bar ba'i klong yangs na/ dpal khro mchog ya mAn+da ka zhi ba kun bzang mnyam pa nyid kyi skra las/ las kyi srin po khros pa'i cha byad/ rdo stang zil nag po bcag pa'am/ dbyar gyi sprin lta bu'i gdug pa can 'dul ba'i cha lugs su bzhugs so// de'i tshe mthu stobs kyi bdag po dpal phyag na rdo rje yang gnod sbyin dregs pa'i gtso bo mdzad de mdun du bzhugs so// ye shes rnam pa bzhi las/ rigs bzhi'i khro bo ni ya mA ra dza dang / myos byed 'bar ba dang / me ru tse phags pa dang / ral pa tshar dgu'o// gzhan yang phyogs bcu nas khro bo chen po bcu dang / pho nya nyi khri bcas pa dang / gzhan yang 'di lta ste/ 'jig rten brlag par byed pa gshin rje nag po dang / srid pa khram la 'debs pa'i bdud po pho mo dang / gzer nad khrag tu skyug pa'i btsan pho mo dang / sgro 'bog brgyal nad gtong ba'i ging pho mo dang / srog gcod spu gri thogs pa'i gnod sbyin pho mo dang / gnam lcags thog ser 'bebs pa'i gza' gdong pho mo dang / mdze shu lkog rgod 'bebs pa'i klu bdud pho mo dang / rims nad drag tu 'bebs pa'i ma mo'i 'khor tshogs dang / dri za kha dun rak+ka la sogs dang / gshin rje gshan pa nag po dang / klu'i rgyal po na ga rA dza dang / gnod sbyin gyi rgyal po yak+Sha nag po dang / bdud gyi rgyal po ha nu rak+Sha dang / btsan gyi rgyal po shu bo srog len dang / srog bdag rgyal po dkar po snying 'byin dang / 'jig rten dregs pa gza' rgod mig dmar dang / gnod sbyin nag po mig gcig dang / bshan pa pra ma rA dza dang / srin po nag mo khrag 'thung dang / srog bdag gnod sbyin glu rang dang / srin po d+ha sha grI ba dang / shel ging ru ka dkar po dang / bdud ni rtag dgu spyan gcig dang / klu mo ha ba sha bse gdong ma la sogs te/ sha za khrag 'thung dang / rus pa 'cha' ba dang / dbugs ni dug gi me lce 'bar ba dang / kha rlangs dug gi chu ru 'babs pa dang / la la du/ la la rgod/ la la khro/ la la rgol dang / 'bod dang cho de rdung ba dang // ku co 'don dang tsir sgra 'don// dur khrod bya dang kang ka dang // ling du la sogs 'khor dang bcas// ha la ha la zhes pa dang // kye hud kye hud ces pa dang // kang kang keng keng zer ba dang // ha hu ha hu zer ba'o// dpal zla gsang drag sngags bshan pa spu gri'i rgyud las/ gzhi dang 'khor bstan pa'i le'u ste dang po'o// // de nas lag na rdo rjes 'di skad ces gsol to// he he khro bdag dpal 'bar rje// gdug pa can rnams tshar gcod pa// las dang bya ba bka' stsol mdzod// ces zhus pas// dpal 'bar khro bdag rje nyid de/ hUM hUM hUM hUM/ phaT phaT phaT/ hriHmany+dzu ya ma rA dza/ ha la ha la/ dzaHhUM baM hoHe A ra li hrI hrI/ zhes sgra bsgrags pas/ rak+ta'i rgya mtsho 'khyom 'khrugs so// rlung gi dkyil 'khor phyogs bcur ldeg 'thor ro// keng rus ri rab zhig nyil lo// sa'i man+dal ldeg 'khrugs so// 'jig rten 'khor ba stongs la khang du gyur te/ dregs pa can de dag ni rab tu chum chum bred do// yid yid rab tu sngangs so// rab tu 'dar ro// kyi hud kyi hud zhes ngudu'o// de nas bcom ldan 'das khro mchog ya mAn+ta ka des/ de ltar khams gsum dbang du bsdus pas/ kye kye dpa' bo chen po lags// bdag cag 'khor dang bcas pa ni// dpa' bo khyod kyi 'bangs su mchi// zhes pa la/ dpa' bo nyid kyis bka' stsal pa// nyon cig khyed cag nga yi bka' nyan na/ khyed kyi srog gi snying po gang // zhes pa dang / kye dpa' bo chen po lags/ bdag cag gi las ni sems can yongs la 'tshe bas dpa' bos mkhyen/ sems can ni bdag cag gi zas skal lags na/ srog snying ni 'bul na/ bdag cag gi zas skal ni gang / las skal ni gang zhes zhus pas// sangs rgyas kyi bstan pa 'jig pa yin pas/ las skal du de la gyis/ zas su bdud rtsi dang gtor ma la gyis/ zhes gsungs pa dang / lha srin dregs pa can gyis srog gi snying po phul bapaya ma me da k+She/ rA dza sa do/ ru na yo ni/ rA ya ts+tsha ni/ bdud pra ma ya ha ra ti rbad du/ sa ma ya a ti du a ra ma ra na shu la dza dza/ pa shaM mi ki du ru shig ke ta ke ta rA hu la swA hA/ trag mo trag rag ma ma ma ru lu ma ma/ ra tsa ging shar ram shag rgyug rgyug rA hu rak+ka ha ra ha ra rbad/ sum tri rag rag tsa da ra tri nA ga rA tsa ha ra pa rbad/ sa nA ga rA tsa ni la rgyug dum rbad du rbad/ ces phul lo// dpal drag sngags zla gsang nag po bshan pa spu gri'i rgyud las/ dregs pa'i srog snying 'phrogs te las la mngags pa'i le'u ste gnyis pa'o// // de nas lag na rdo rje nyid stan las langs nas/ 'di skad ces gsungs so// kye kye dpal 'bar khro bdag rje// gdug byed dregs pa 'di dag ni// sems can yongs la sbyor ngan gtong ste 'tshe bas/ dpa' bo nyid kyi 'khor du de dag 'dus pa legs so// da bstan pa lnga brgya snyigs ma byung ba'i tshe/ bud+d+ha'i bstan pa mi gnas/ chos nyid bden pas mi thul/ gnas ngan 'dzin/ gos ngan gon/ zas ngan za// mtshams med pa'i las byed/ gdon drag po khong nas 'khrugs/ de lta'i dus 'ong bas/ dregs pa nus pa'i mthu dang ldan pa 'di dag ni/ rang rang gi sgrub pa'i thabs zhu zhes zhus pas/ ya mAn+ta ka nyid zhal 'dzum par mdzad nas/ nyon cig de lta bu 'byung ba la/ bstan pa srung ba'i drag sngags zhu ba/ lag na rdo rje khyod legs so// zhes gsungs so// dpal drag sngags zla gsang nag po gshan pa spu gri'i rgyud las/ gleng slong ba'i le'u ste gsum pa'o// // de nas de'i tshe de'i dus na yang lag na rdo rjes/ kye ma dpal 'bar khro bdag rje// 'jig rten dregs pa de dag ni// gnas ni gang du bya ba lags// 'jug pa'i dus tshig nyid gang lags// gnyen po'i lha ni gang gis bya// zhes zhus pas bka' stsal pa/ legs par nyon cig gnas ni dur khrod chen po ka ka li tshal lam/ dur khrod ma la ya'am/ drang srong gi dgon pa'am/ brag khung gting ring lta bu'am/ ri 'dus rtse dang skyed mos tshal// yid 'ong bkra shis nyams dga'i gnas// de dag spyi yi gnas chen yin/ khyad par gnas ni 'di ltar ro// shing gcig dri za'i gnas kyang yin// brag nag gshin rje dag gis gnas// chu mig klu yi gnas su bshad// lha khang dbu rtse rgyal po la// dur khrod dag ni ma mo'i gnas// brag chu 'thab pa klu srin gnas// sog po khros 'dra gnod sbyin gnas// ral pa g.yengs 'dra gza' bdud gnas// brag dang chu 'thab klu srin gnas// seng ge mchongs 'dra srin po'i gnas// gnas ni zhi bar byas la 'jug/ ces gsungs so// dpal drag sngags zla gsang nag po bshan pa spu gri'i rgyud las/ gnas btsal ba'i le'u ste bzhi pa'o// // de nas dus ni ra ba bzhi la lha'i bsnyen pa bya ba'i dus/ 'bring po la bsgrub pa bya ba'i dus/ za chung bzhi la drag po'i dus/ gdab pa'i dus ni nyin gung ngongo// mnan pa ni tshes gcig go/ hom gtong ba'i dus ni nya'o// zor 'phang ba'i dus ni nyi shu dgu'o// bzlog pa'i dus ni nyi shu gnyis dag go/ thog ser 'bebs pa'i dus ni nyi shu dgu'o// dngos grub blang ba'i dus ni ra ba'i tshes gsum mo// dpal drag sngags zla gsang nag po bshan pa spu gri'i rgyud las/ dus bstan pa'i le'u ste lnga pa'o// // de'i tshe de'i dus na/ dpal 'bar gshin rje khro bdag rjes// gnyen po'i lha 'di thon to// rnam par mi rtog dkyil 'khor ni// thig le gdal khyab mkha' klong ngo // stong gsal 'gag med sku gsung thugs// snang tshad lha yi phyag rgya la// sgra rnams lha yi gsung sngags te// dran rtog thugs kyi rje ru shar// de ni lta ba gyab kyi lha// gnyis snang med pa'i dkyil 'khor ro// lus ni snang stong sku ru gsal// ngag ni grag stong mtshon char 'phro// sems nyid gsal stong nam mkhar 'phang // bde ba chen po'i chos nyid yul// mkha' klong rnam par dag pa snod// rang rig rang la shar ba bcud// snod bcud lha yi dkyil 'khor ni// chos nyid mnyam las ma g.yos kyang // srid gsum skad cig dbang du 'dus// zhes gsungs so// dpal drag sngags zla gsang nag po bshan pa spu gri'i rgyud las/ rtogs pa ye shes kyi lha bstan pa'i le'u ste drug pa'o// // de nas 'jam dpal 'jigs byed des// zhi ba mnyam nyid sngon 'gro bshad// rnal 'byor sdig pa byang ba'i phyir// tsha tsha gdab cing 'bum yang 'don// nye'u 'don zhing lam 'phrang bstar// tshad med bzhi po bsgom par bya// bdun po rnam par dag par bya// yang na cho ga dgu pas bya// byang chub mchog tu sems bskyed la// thams cad stong pa nyid du bya// stong pa'i ngang las b+h+yAM las ni// gzhal yas khang du bsam par bya// de dbus paM las chu skyes dbus// mA las nyi ma'i dbus nyid du// muM las 'jam pa'i ngang tshul can// chos kyi pra sti ra la gri 'dzin// sku mdog dmar ser gur gum 'dra// oM a ra pa tsa na d+hiHgzhon nu'i sprul pa ut+pal te// snying gar nyi ma'i dal nyid las// yi ge d+hiHlas 'od 'phros pas// bud+d+ha mchod nas ma nu'i sgrib pa sbyang // de la bstod dang mchod byas la// 'jam dpal mtshan ni yang dag brjod// wA gI shwa ri 'bru drug 'don// zhes gsungs so// dpal drag sngags zla gsang nag po bshan pa spu gri'i rgyud las/ zhi bsnyen le'u ste bdun pa'o// // de nas dpal 'bar khro bdag rjes// 'jigs byed 'bar ba'i dkyil 'khor bshad// dur khrod rab tu 'jigs pa ru// dur khrod sa la man+dal bya/ khrag gis chag chag btab nas ni// dbus su gru gsum mthing nag la// zla gam dmar po gsum gyis bskor// 'khor lo brgyad dang mu khyud bcas// dbus su khro mchog rgyal po dgod// zla gam dag la yum sras so// 'khor lo brgyad la ya ma brgyad// de bzhin sku gzugs lho ru gzhag/ mchod dang bstod pa dag kyang bya// dpal drag sngags zla gsang nag po bshan pa spu gri'i rgyud las/ dkyil 'khor bri ba'i le'u ste brgyad pa'o// // de nas dpal 'bar khro bdag rjes// nang gi dkyil 'khor bshad par bya// dang po de bzhin sems nyid stong par bsam// ma hA shA n+ya tA dz+nyA na swa b+ha wa At+ma ko&haM/ stong pa'i ngang las snying rje byang chub sems// nyi ma'i 'od ltar kun tu khyab par bsam// oM d+harma d+ha tu tsit+ta pra ba sgra ra na phaT/ rang gi sems nyid bsdus pa hUM du bsam/ hUM hUM badz+ra tsit+ta hUM/ hUM las dbang chen 'byung ba rim gyis 'phros// 'byung lnga'i steng na yi ge b+h+rUM// b+h+rUM bi shra bi shud+d+he b+han+da dz+nyA na tsakra b+h+rUM// ye shes 'bar ba'i dur khrod gzhal yas khang // b+han+da gsar rnying las grub dbus// yi dwags ma he brdzis steng du// ye shes hUM ni gsal zhing 'tsher// de las 'phro 'dus sbyor ba las// yi ge 'bru ni bcu bdun las// nag po dug chen 'khyil ba 'dra// zhal gsum phyag ni drug pa ste// yi dwags steng na yum dang bcas// 'khor gyi gshin rje rnams kyis bskor bar bsgom// dpal drag sngags zla gsang nag po bshan pa spu gri'i rgyud las/ sgom khog rtsa ba'i le'u ste dgu pa'o// // de nas dpal 'bar khro bdag rjes// rang bzhin dkyil 'khor spyan drangs pa// oM a kro te ka ya mAn+ta ka/ ya ma rA dza sa ma ya s+t+waM/ oM ru lu ru lu hUM b+h+yo hUM/ 'khor gyi gshin rje pho mo spyan drangs pa/ oM sa ma ya many+dzu shrI mu dra ya mAn+ta ka pany+tsa de ro ni hUM dza/ ya mAn k+Sha ya dza dza/ gu yaM u kr-i dza dza/ bzhugs su gsol ba/ AM sa ma ya many+dza shri mu dra ya mAn+ta ka pany+tsa de ro ni sa ma ya tiSh+Tha lhan/ phyag btsal ba/ a ti pU hoH/ pra tI ts+tsha ho/ mchod pa 'bul ba/ oM sa ma ya many+dzu shrI a kr-i te ka i dan/ d+hA pa/ puSh+pa/ dridwidIdi pa/ gan+d+he/ ba li ta pU dza me g+ha hUM/ ma ha mAM sa/ ma hA rak+ta/ ma hA kai ni ri ti/ ma hA ar+g+haM pra ti ts+tsha/ kha kha khA hi khA hi/ dpal drag sngags zla gsang nag po bshan pa spu gri'i rgyud las/ mchod pa'i le'u ste bcu pa'o// // de nas bstod dang phrin las bcol// hUM gtum chen rab 'bar gshin rje 'joms mdzad lha// nyi ma 'bum las lhag pa'i 'od stong 'gyed// gdug byed mtshon cha bskal pa'i me ltar 'bar// 'jigs byed ya ma rA dza'i sku la phyag 'tshal bstod// rdo rje'i sku la klu dbang rab brgyan cing // gcan gzan gdug pa'i pags rlon na bzar gsol// sha za 'ug pa'i tshogs dbus thod du bcings// sha za lta bu'i khro rgyal rab 'jigs pa/ khro rgyal zhal gsum phyag drug hUM sgra can// hUM sgra bsgrags pas khams gsum dbang du sdud// phaT kyi sgra bsgrags ma mo dbang du sdud// dung chen rak+tas bkang ba 'di gsol la// bdag gi bcol ba'i las rnams bsgrub par mdzod// dpal drag sngags zla gsang nag po bshan pa spu gri'i rgyud las// gtso bo la bstod de phrin las bcol ba'i le'u ste bcu gcig pa'o// // de nas dpal ldan rdo rje 'chang // gdul dka' 'dul ba'i drag po des// bde chen yang / yab la 'di skad zhus// he he dpa' bo chen po 'jigs byed lags// lha rnams rtsa ba mi 'gyur ba'i// srog gi snying po gang gang lags// bsnyen dang bsgrub par bya ba gang // drag po'i las ni ji ltar bya// zhes zhus pas/ legs par nyon la yid la zung // sngags kyi yi ge bcu bdun po// nga yi snying po yid la phyung // oM a kro te ka ya mAn+ta ka ha na ma tha b+hany+dza hUM phaT/ ye shes lnga ldan byang chub sems// skye ba med las khro tshul 'chang // ri rab bsnyil la rgya mtsho skem// 'khor ba dong nas sprug pa dang // ma rig mun pa gsal bar mdzad// sngon du bye ba tshig 'bum mam// rtag par rgyun du 'di grangs pas// sku yi dngos grub tshad dpag med// de nas 'jam dpal gzhon nur 'gyur// dpal drag sngags zla gsang nag po bshan pa spu gri'i rgyud las/ snying po sngags kyi le'u ste bcu gnyis pa'o// // de nas bde chen dpa' bos des// drag po bsnyen bsgrub sngags bstan pa'i// bsnyen pa'i bsnyen pa pa 'di nyid do// oM shrI ya mAn+ta ka hUM/ ya ma rA dza sa do me ya/ ya me do ru na yo da ya/ ya da yo ni ra yak+She ya/ yak+She yats+tsha/ ni rA ma ya/ bsgrub pa'i bsnyen pa de nyid yin// lha srin rang so dbang du 'dus/ khros na lha yang brlag par byed// 'di nyid rgyun du bzlas gyur na// mthu dang rdzu 'phrul phun sum tshogs// zhes gsungs so// dpal drag sngags zla gsang nag po bshan pa spu gri'i rgyud las/ sgrub sngags bstan pa'i le'u ste bcu gsum pa'o// // de nas las kyi sbyor ba bshad// dur khrod ro ras khru gang la// dug dang khrag tu rab sbags te/ mi sgra drag po'i sngags bzlas shing // las kyi ya ma de la bstim// no lu dag gis dag par bkru// de nas phur bzhi rab tu brkyang // sa dkar brag chus rab tu gdul// de nas 'khor lo bri ba dag/ 'khor lo rim pa gsum du bya// dbus su thig gsum bzhi pas dgu// phyi rim dag la thig bzhi mnan// des ni le'u tshe bcu gnyis so// de yi phyi rim thig bzhi mnan// de ni le'u tshe bcu drug go/ de yi phyi rim thig bzhi mnan// de yang dgod pa 'di lta ste// ya ma me ta k+She/ dbus dang phyogs bzhir bri bar bya// ra tsa sa do/ ru ni yo ni/ ra ya tsa na/ le'u bcu gnyis dag la bri// de yi phyi rim bcu drug la// thugs kyi snying po bcu pa dang // gzas pa'i ming rus spel la bri// gcig dang 'dra ba phyin ka log/ steng na pho yi 'khor lo bri// be con bzhi las brgyad la bzhag/ ces gsungs so// dpal drag sngags zla gsang nag po bshan pa spu gri'i rgyud las 'khor lo bri ba'i le'u ste bcu bzhi pa'o// // de nas yang dag nges gsungs pa// 'khor lo bri ba zin pa dang // bdag gi mdun du 'khor lo dgram// ya zhes pas ni gshin rjer bskyed// de la spyan dbye'i cho ga bya// sa bsgo dral la spyan drang ngo // de nas bstim ste dbang du bsdu// ya mAn+ta kr-i ta tsak+ShA pra be sha ya ma rA dza b+hi hang pra be sha ya ma rA dza ha ha pra be shag/ ma rA dza ti lo pra be shag ya ma rA dza bri yang srungs srungs ya ma rA dza badz+ra gu yaM lang lang / ya ma rA dza mu ya bsil bsil/ de nas 'di skad brjod par bya/ ya ma me da k+She/ rA tsa sa do/ ru na yo ni/ ra ya tsa ni/ dzaHhUM baM hoHA ga ts+tsha ya/ hUM dza/ de nas bstim la dbang du bsdu ba'i phyir/ ya mAn+ta ka gsal bsgoms la// a kro yi ge bcu bdun dang // sngags snying gcig tu dril la drangs// de nas mchod pa 'di ltar dbul// oM hUM hrIHSh+T+r-iHka la ban+d+ha ha na oM hUM hrIHSh+T+r-iHkhung kha hrI/ oM hUM ka ra lang ban+d+ha ha/ oM hUM dr-i bi sha ka ra/ oM hUM badz+ra dzi swA hA/ oM hUM kha ka kha ka/ dpal drag sngags zla gsang nag po bshan la spu gri'i rgyud las/ 'khor lo rab tu gnas pa'i le'u ste bco lnga pa'o// // de nas khro bdag 'jigs byed des// drag po'i 'khor lo bskor bar bshad// nyi shu bdun gyi nam langs nas// nyi ma ri la babs pa'i tshe/ ya ma rA dza sa do me ya/ che ge mo zhig a mu kaM/ pra ma ya hUM phaT/ rtse nas dmar zag bar du khri// nyung dkar brab cing drag sngags brdeg/ dmigs pas mgo yang 'khor ba bsam// nyi ma gnyis pa dag la ni/ ya me do ru na yo da ya/ che ge mo zhig a mu kaM rak+ta tsa ra ya hUM phaT/ dmigs pa khrag tu skrag par bsam// nyi ma gsum pa 'di nyid do// ya da yo ni ra ya k+She ya// che ge mo zhig a mu kaM mu ra tsa ya hUM phaT// dmigs pa lus kyang brgyal bar bsam// nyi ma bzhi pa 'di nyid do// yak+She yats+tsha ni rA ma ya/ che ge mo zhig a mu kaM mA ra ya hUM phaT// dmigs pa srog dang bral bar bshad// nyi ma nub nas sngags mjug bcad// dus ni 'brub tsha 'brug/ sgra 'tshubs mas gdab// bdag yid mnan pa'i 'khor lor gzhug/ dur khrod dag tu mnan cing gtad/ dpal drag sngags zla gsang nag po bshan pa spu gri'i rgyud las/ drag po'i 'khor lo bskor ba'i le'u ste bcu drug pa'o// // de nas 'chi bdag gshed po bskul// hUM 'di nas lho yi phyogs dag nas// ri rab dag gi rmang dag nas// dpag tshad brgyad khri mar 'das na// lcags kyi khang sgrom sgo med na// yid kyis rgyu ba'i sgo can na// phyogs phyogs mi ros gtams pa'i gnas/ khrag gi rgya mtsho 'khrugs pa'i gnas// gnam lcags khro chu khol ma'i gnas// ro myags chen po'i gnas shed nas// yi dwags bdag po gshin rje'i gshed// nag po rak+Sha glog phreng can// srid pa lto na 'phyo zhing 'gal byed zhags pas 'debs// yum ni bdud kyi rgyal mo dug hrul can// las kyi rlung dmar zhon nas stong khams nad kyis 'gengs// be con 'khor lo bskor zhing 'gal byed rtsad nas gcod// thugs dam rjes su drangs shing dmar chen khrag la gshegs// bdud pho nag po bye ba dgu ring dun ting kha la ya/ dgra bo'i srog la b+h+yo b+h+yo/ dpal drag sngags zla gsang nag po bshan pa spu gri'i rgyud las/ bdud bye ba dgu ring yab yum bskul ba'i le'u ste bcu bdun pa'o// // de nas gshed po bzhi dag bskul// hUM de yi phyi rim lcags ri bzhi la ni// gshed kyi blon po gshin rje yab yum bzhi// ya ma rA dza srin mo sha za ma// myos byed 'bar ba srin mo stobs chen ma// Ar+ya ma ru srin mo seng ge ma// ral pa tshar dgu srin mo 'bar ba rnams// bstan pa gnyen po bsrung ba'i rdzu 'phrul can// dam tshig rjes su dran zhing dmar chen khrag la gshegs// dpal drag sngags zla gsang nag po bshan pa spu gri'i rgyud las/ gshed po spyan drangs pa'i le'u ste bco brgyad pa'o// // de nas phyogs skyong bcu dag bskul// hUM de yi phyi rim lcags mkhar bcu gnyis na// las kyi gshin rje rdo rje bran gyi tshogs// bdud 'joms dmar po kong tse brag 'joms dang // mig dmar mgo dgu lha mchog dud kha ka/ a ba glang mgo tel pa ya ba ti// stag mgo nag po phya sangs chos kyi rgyal po rnams// gshin rje'i gzugs ston dbyug to zhags pa 'bebs// skye 'gro dbang sdud srid gsum khram la 'debs// las kyi srin mo gshin rje'i chung ma rnams// srin mo nag mo srin mo 'phyangs ma dang // srin mo lag brgya srin mo ser mo dang // srin mo zhags pa srin mo mig brgya ma// srin mo dmar mo srin mo 'brug sgrogs ma// srin mo dbugs 'phrog srin mo nad gtong ma// srin mo khrag 'thung srin mo sbyin sreg ma// 'jig rten 'gro la nad kyi tshogs gtong zhing // skye 'gro'i srog len sha khrag mdangs za ma// sna tshogs gzugs kyis gnod pa sna tshogs byed// dus kyi zhags pas dam nyams snying nas 'dren// dam tshig rjes su dran zhing dmar chen khrag la gshags/ dpal drag sngags zla gsang nag po bshan pa spu gri'i rgyud las/ phyogs skyong ba spyan drangs shing bskul ba'i le'u ste bcu dgu pa'o// // de nas phyag rgya bcas la yang // snying po 'di dag brjod par bya// ya ma me da k+She/ rA dza sa do/ ru nya yo ni/ rA ya ts+tsha ni/ dza ma ti hUM dzaHA ra li ho/ sa ma ya staM/ de nas bzhugs su gsol ba 'di'o// ya ma me da k+She/ rA dza sa do/ ru Na yo ni/ rA ya ts+tsha ni/ sa ma ya ma nu sma ra a d+hi tiSh+Tha sa ma ya/ de nas sngags 'dis dbang du bsdu/ oM hrIHSh+T+r-iHbi kr-i tA na na hUM hUM phaT/ ma hA bi nA ya ka dzI bi ta/ an+ta ka ra/ sarba duSh+TAn staM b+ha ya hUM phaT/ de nas dam tshig sngags 'dis bsre/ bai b+ha swa ra ya mA ya/ sa ma ya thA/ dpal drag sngags zla gsang nag po bshan pa spu gri'i rgyud las/ le'u nyi shu pa'o// // de nas mchod pa 'di ltar bya// hUM grub pa'i gshin rje 'dus pa'i tshogs// phyugs chen khrag la zhabs bsil te// dmar chen khrag la sa ma ya// mthun pa'i dam rdzas 'di la rol// ya ma me da k+She/ rA dza sa do/ ru na yo ni/ rA ya ts+tsha ni/ bai b+ha swa ta dza ma ti/ ma hA rak+ta pra tIts+tsha hoHphyugs chen khrag la zhabs bsil te// dmar chen khrag la sa ma ya// mthun pa'i dam rdzas 'di la rol// ya ma me de k+She/ rA dza sa do ru na yo ni/ rA ya ts+tsha ni/ bai b+ha swa ta dza ma ti/ sarba bud+d+ha sa pA ri wA ra/ ma hA rak+ta pra ti ts+tsha ho// phyugs chen sha dang rkang dang khrag/ lha ba rusas pa bdud rtsi 'bar// dbang po tshims byed 'dod yon lnga// mchod yon bdud rtsi ting 'dzin gyis// grub pa gshin rje'i tshogs rnams rol// ha ha hi hi khA hi khA hi/ ma hA mAM sa kha raM khA hi/ ma hA rak+ta kha raM khA hi/ mahA keng ni ri ti kha raM khA hi/ ma hA a mr-i ta kha raM khA hi/ dpal drag sngags zla gsang nag po bshan pa spu gri'i rgyud las/ mchod pa'i le'u ste nyer gcig pa'o// // de nas yang dag bshad bya ba// 'jig rten srog len gshin rje rbad// hUM 'di nas byang phyogs ri rab chen po'i rmang // dpag tshad brgyad khri mar 'das nas// thod pa lcags kyi mkhar nang na// mi ros gtams pa'i gnas chen na// ma mo kun gyi tshogs rje pobopo// yi dwags kun gyi sde dpon po// lcags mkhar bcu bdun mnga' bdag po// bdud pho mi zan skye 'gro'i bdud// bye ba dgu rings su mi bzlog/ me lce glog gi phreng bas brgyan// gcer bu sbrul dang thod pas brgyan// yid la brnags pa'i dgra bo 'di// zhags pas thob la khrid la shog/ khram la thob la stong la rgyus// be con rgyob la 'khor lo bskor/ khyod kyi zas skal 'di yin gyi// sha rus khrag la longs spyod gyis// de yi thugs dam rgyud skul ma// gtum mo dug hrul gos gyon la// bdud mo nag mo skye 'gro'i bdud// sna tshogs nad kyi mnga' bdag mo// sha khrag srog dbugs bdag mo khyod// grub pa'i gnas nas 'dir gshegs la// bdud rtsi byang chub sems dang dmar chen sa ma ya// dam rdzas mchod pa bzhes nas kyang // gshin rje gdug pa pho mo khyed// bstan pa 'jig pa'i 'gal byed dgra bo 'di/ khug nas sgro 'bog rnam shes brgyal ba dang // dus kyi zhags pas drangs shing bsgral du gsol// nag po rak+sha dgra bo'i snying la b+h+yo b+h+yo// de nas yang gshed chen po rnams bskul ba// hUM grub pa'i gnas nas dgra bo'i gshed ma bzhi// ya ma rA dza myos byed 'bar ba dang // Ar+ya ma ru ral pa tshar dgu bzhi// srin mo sha za srin mo stobs can dang // srin mo seng ge srin mo 'bar ma bzhi// phyogs bzhi'i thod mkhar bzhi nas 'dir gshegs te// bdud rtsi byang chub sems dang dmar chen sa ma ya// dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// mgo 'khor yid 'khrug khrag tu skyug pa dang // rnam shes gzir te myur du bsgral ba dang // yan lag 'brum bu drag pos gzir ba dang // lkog rgal pho lkog glang thabs myur du thong // dus kyi zhags pas srog dbugs phrol// gshed chen yab yum srog las grub pa'i tshogs// 'jig rten phung byed gshin rje pho mo rnams// dus kyi zhags pa nad rnams sna tshogs bdag/ gshin rje bdud 'joms gshin rje dmar po dang / kong tse brag 'joms ya ma rA dza'i sras// grub pa'i klong nas 'dir gshegs sa ma ya// bdud rtsi byang chub sems dang dmar chen mAng sa dang // dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// gzer nad tsha ba'i nad dang khrag skyug gis// myur du gzir te dus kyi zhags pas drangs// gshin rje mig dmar lhog pa mgo dgu dang // lha mchog dud ka myos byed 'bar ba'i sras// grub pa'i klong nas 'dir gshegs sa ma ya// bdud rtsi byang chub sems dang dmar chen mangs dang // dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// cho 'phrul 'brum nag mkhris pa gsha' ya yis// myur du gzir te dus kyi zhags pas drongs// gshin rje a ba glang mgo ya ba ti// gshin rje ral pa ma ru tse yi sras// grub pa'i klong nas 'dir gshegs sa ma ya// bdud rtsi byang chub sems dang dmar chen mAM sa dang // dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// mdze nad glo gzer skya zab dang // shu ba 'gyel nad dag gis ni// myur du gzir te dus kyi zhags pas drangs// gshin rje stag mgo nag po phya sangs dang // las kyi rgyal po ral pa tshar dgu'i sras// grub pa'i klong nas 'dir gshegs sa ma ya// bdud rtsi byang chub sems dang dmar chen mAM sa dang // dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// skrangs 'bur rims nad gzhogs skam gyis// myur du gzir te dus kyi zhags pas drongs// 'jig rten las kyi gshin rje khyed rnams kyis// bcom ldan gshin rje gshed po'i zhabs drung du// dam tshig tshul bzhin mnas bor la/ khas blangs 'grub par ma bsgrubs nas// dpal gyi dam las 'gal ba na// mgo dang lus snying rul bar 'gyur// dam las ma 'da' phrin las mdzod// nad gtong srin mo'i tshogs rnams sa ma ya// srin mo nag mo srin mo lag brgya ma// srin mo mgo 'phyang srin mo ser mo dang // srin mo zhags pa ma dang srin mo mig brgya ma// srin mo dmar mo srin mo 'brug sgrogs ma// srin mo dbugs 'phrog srin mo nad gtong ma// srin mo khrag 'thung srin mo sred byed ma// grub pa'i klong nas 'di gshegs sa ma ya// bdud rtsi byang chub sems dang dmar chen mAM sa dang // dam tshig rdzas kyi mchod pa bzhes nas kyang // bstan pa 'jig pa'i 'gal byed dgra bo 'di// dus kyi zhags pas drangs la myur du sgrol// dpal drag sngags zla gsang nag po bshan pa spu gri'i rgyud las/ gdug byed gshin rje la phrin las bcol ba'i le'u ste nyer gnyis pa'o// // de nas dpal ldan rdo rje 'chang // gdul dkar 'dul ba'i bdag po des// bde chen yab la 'di skad zhus// he he dpal 'bar khro bo rje// phyi nang srog gshed 'di dag la// nyi ma bzhi pas las gang 'grub// phyi nang gshin rje'i gtso bo gang // zhes zhus pas// legs par nyon la yid la zung // nyi ma bzhi pa'i las byas pas// phrin las sarba rdzogs pa yin// phyi nang srog gshed bzhi po las// las kyi gshin rje bcu gnyis yin// sprul pa'i gshin rje las byed ni// pho gshed sum brgya drug cu dang // mo gshed sum brgya drug cu la// gshin rje bdun brgya nyi shu yod// nyi ma bzhi yi las byas la// phrin las brgya dang rtsa gcig 'grub// nad ni bzhi brgya rtsa bzhi gtang // zhes gsungs so// dpal drag sngags zla gsang nag po bshan pa spu gri'i rgyud las/ gshin rje'i rnam grangs bstan pa'i le'u ste nyer gsum pa'o// // de nas yang dag bshad bya ba// phyi yi srog gshed 'di bzhi yin// gshin rje ya ma rA dza ni// srid pa gsum gyi rtse na gnas// gson gshin gnyis kyi zam kha na// gshed po myos byed 'bar ba gnas// brag nag sbyangs pa'i ri bor ni// gshed po AR+Ya ma ru gnas// rgya mtsho 'khyil ba'i dbus gnas na// gshed po ral pa tshar dgu gnas// dpal drag sngags zla gsang nag po bshan pa spu gri'i rgyud las/ phyi'i gshed bzhi bstan pa'i le'u ste nyer bzhi pa'o// // de nas yang dag bshad bya ba// spyi bo tshangs pa'i bu ga na// me yi dbang po'i drod 'phrog gnas// mid pa gre ba'i rgya lam na/ khrag gi sdig pa khrag 'thung gnas// lus kyi gzhi rten lte ba na// rlung gi sdom nag dbugs 'phrog gnas// tsit+ta srog gi ga'u na// dug gi mi bo srog gcod gnas// de dag rang rgyud gshed chen te// nang gi gshed chen bzhi yin te/ khams gsum sems can srog len yin// dpal drag sngags zla gsang nag po bshan pa spu gri'i rgyud las/ nang gi gshed bzhi bstan pa'i le'u ste nyer lnga pa'o// // de nas dpal ldan rdo rje 'chang // gdul dka' 'dul ba'i bdag po des// bde mchog yab la 'di skad zhus// he he khro bdag gshin rje'i gshed// de ltar byas pa'i rnal 'byor pas// las rnams myur du bsgrub pa'i phyir// 'jig rten dregs pa ji ltar bsgrub// ces zhus pas// ston pas bka' stsal pa/ kye kye gsang ba'i bdag po yid la zung // rno la ngar du 'dogs pa yi// dregs pa'i sgrub thabs zhus pa legs// 'jig rten dregs pa sde mang la// bde gshegs bka' la btags pa yi// bstan srung chos skyong sde brgyad yin// de dag myur du bsgrub pa'i phyir// bsgrub pa brtsam dang srog rten bca'// dmod pa gdab pa'i las bshad kyi// gsang ba'i bdag pos yid la zung // zhes gsungs so// dpal drag sngags zla gsang nag po bshan pa spu gri'i rgyud las/ dregs pa lha ru bsgrub par mgo smos pa'i le'u ste nyer drug pa'o// // de nas 'jam dpal khro bo yis/ khram bdag bdud kyi bsgrub pa 'di gsungs so// yid 'ong gnas su bsgrub pa brtsam// man+da la 'dom gang gru bzhi la// dug dang khrag gis chag chag gdab// dbus su gru gsum zla gam gsum// 'khor lo rtsibs brgyad gru chad sgo// thod pa'i phreng ba rdo rje'i gur// me rlung mun nag 'dra bas brgyan// lcags dang seng ldeng phur pa la// dbus dang zla gam gsum po la// yab yum sras gsum dgod par bya// 'khor lo rtsibs brgyad dag la ni// lcags kyi phur pa bcu dag la// dar nag cod pan re btags la// yang rje dag dang rol po dang / khram bdag gza' bdud srog bdud dang // theg pa rje dang ri bo rje// se 'dzin ro langs nag po dang // 'bar ba nag po la sogs dgod// mthun pa'i rdzas su 'di dag dgod// mi rta sha yi gtor ma la// sna tshogs sha rus brgyan pa dag/ gtso bo yab yum gsum la dbul// bya nag rta nag lug nag dang / khyi nag phag pa rog po dang // g.yag dang glang dang ra rog gi/ snying dang sha khrag rus pa dang // mi shas brgyan nas zangs gzhong dgang // bdud po bcu la gtang zhing bca'// sha sna khrag sna dkor cha dang / spyan gzigs gtor ma ging chen bzhi la dgod// sman khrag sbrengs shing mi gsur gtang // rgyal mtshan 'phyar zhing dar nag gur chen phub/ khyi'am dom gyi g.yang gzhi dgab// lug nag gtar gzhug ra la dmig rten bcas// gdug pa'i shing la khram shing bca'// drag sngags bri dang bzlas pa bya// yi dwags gos la ling+ga bris pa la/ khram la gdab cing bsad pa'i las la 'jug khram dang 'khor lo thod pa dag tu brub// chu mig dag tu gtad de smon lam btab// thun ni dgra yi khang pa dag la brdeg/ tsher ma can gyi shing la sbyin bsreg bya// dpal drag sngags zla gsang nag po bshan pa spu gri'i rgyud las// bdud pho rnams bsgrub pa'i le'u ste nyer bdun pa'o// // de nas yang ni bshad bya ba// ting 'dzin rnam gsum 'phro 'du las// dbang chen 'byung ba rim brtsegs te// b+h+rUM las 'bar ba'i thod pa gzhal yas khang // mun nag gtibs pa'i dbus dag tu/ khro rgyal yab yum gsal bar bsgom// shar du rus pa'i gzhal yas su// shar bdud rnga zhon ral gri thogs pa bskyed// lho ru me yi gzhal yas su/ khram bdag zhags thogs sha nag zhon pa bskyed// nub tu khrag gi gzhal yas su// gza' bdud 'brong la zhon te lcags kyu thogs pa bskyed// byang phyogs dbugs kyi gzhal yas su// srog bdud khyung la zhon pa sta re thogs pa bskyed// shar lhor khram bdag rta nag zhon nas thog chen 'bebs pa bskyed// lho nub ri bo rlung sha zhon nas g.yab mo 'dor ba bskyed// nub byang se 'dzin phag zhon khram shing thogs pa bskyed// byang gar ro langs chu glang zhon nas sta re thogs pa bskyed// steng du yang rje 'brug la zhon te glog zhags thogs pa bskyed// 'og tu khrag 'thung stag dmar zhon te sbrul zhag 'debs pa bskyed// re re'i 'khor la bdud tshogs bsam 'das te// skad cig grub pa'i gnas nas byon te bzhugs par bsam// dgra bo nyid yang mdun du gsal bar bsam ste/ hUM ru tra pa tra mu khrag tsa ra khrag tsa/ pa te bor bdud ha pa ta swA hA/ zhes rgyun du bgrang ngo // khri'am 'bum thon tsam na/ mon pa btsun pa skad mi mthun pa// ldab ldib smra zhing las la 'ong // dpal drag sngags zla gsang nag po bshan pa spu gri'i rgyud las/ ting nge 'dzin dang rgyud sngags kyi le'u ste nyer brgyad pa'o// // de nas drag po'i thun nyid ni// nyung dkar nyung nag dug khrag la// drag po'i sngags 'di bstim la brdeg/ hUM ru tra tsa pa thun khrag/ shri krin ma ra ro la thun khrag kha la la ya chu thun khrag/ mi sha ro la thun khrag khram ro ra tsa thun khrag stong ka ku pa thun khrag ma ku ba ra thun khrag che ge mo mA ra ya thun khrag ces bstims la/ dgra bo'i gzugs dang khang pa la brdeg bar bar du khram sngags 'di dag bzlas/ oM snying khrag tsit+ta rbad/ dun rmugs khrag gtor rbad/ che ge mo mA ra ya gug ling rbad swA hA/ khram la gdab pa'i rim pa bya// gshin rje bdud po bcu yang bskul// dpal drag sngags zla gsang nag po bshan pa spu gri'i rgyud las/ drag sngags kyi le'u ste nyer dgu pa'o// // de nas bdud rnams bskul ba 'di'o// hUM mun nag gtibs pa'i dkyil 'khor nas// sol nag 'tshubs pa'i gzhal yas nas// khro rgyal yab yum gsal bar bsgom// zla gsang dregs pa tshar gcod nang yod 'dug/ stong gsum mun par gtong ba ni// mun pa'i bdun po chen po bcu// mun pa'i mun nag bar ma bir// mun pa'i glog zhags khengs se kheng // mun pa'i mon dug tshubs se tshub// mun pa'i rlung nag phyogs bcur 'thor// mun pa'i bdud nag chen po bcu/ mi ro dmar po'i rgyal mtshan phyar// mi lpags dmar po'i ba dan phyar// mi mgo dmar po dung du 'bud// mi mgo'i phreng ba khra la la// mi dang rta min sha mi za// mi dang rta min khrag mi 'thung // sdang ba'i dgra la mun pa'i 'khor lo bskor// de nas bskal pa snyigs ma'i lnga brgya la zhes pa gtong / dpal drag sngags zla gsang nag po bshan pa spu gri'i rgyud las/ pho nya'i le'u ste sum cu pa'o// // de nas bcom ldan 'das nyid kyis/ bdud lcam dral nyi shu'i bsgrub pa 'di gsungs so// yid 'ong gnas su sa bzung la// dkyil 'khor 'dom gang gru bzhir bya// mthing nag gru gsum zla gam gsum// 'khor lo rtsibs brgyad dag tu bya// gru gsum nyid la gshed po dgod// zla gam yum sras gsum po dgod// 'khor lo rtsibs brgyad bdud po brgyad// bar khyams dmar po bdud kyi lcam// sgo bzhir bdud kyi yang khol bzhi// lho nub mtshams su gri bo'i g.yang gzhi gzug/ nub byang sbrang ki'i rgyal mtshan gzug/ bya rgod dag dang lug nag dang // g.yang gzhi byang shar shar lhor gzug/ dar nag dag gis gur chen dbub// bod rgya nag pos mtha' ma skor// dbus su gshin rje'i gtor ma bzhag/ bse gab mon thod 'khar phor du// mi sha rta sha'i gtor ma bya// shar du spre'u'i snying khrag bsres la bzhag/ lho nub mtshams su rje rigs mgor// mi snying khrag gi gtor ma bzhag/ nub tu rta khrag rta snying sbyar// dam sri'i ling+ga zod nang bzhag/ drag tu de la brdeg par bya// dpal drag sngags zla gsang nag po bshan pa spu gri'i rgyud las/ phung po'i bdud lcam dral bsgrub pa'i le'u ste so gcig pa'o// // de nas yang dag bshad bya ba// srog gi snying po 'di dag bzlas// oM sha ra na sha ra ti/ kha ra na kha ru ru/ ma she re na dur bu shar tri na/ mi ra tra na/ tra na ra na/ A ba tsag tsa ru ru sha/ mu ru ti/ sha mu ra ti sha/ a ya ba mug pu ru na/ ha he ye/ na dza ya du ma ra na hAM/ a ba ya te/ ba la da ra/ zhes drangs so// de nas bdud dang 'khor dang bcas pa bsgrub pa 'dis bya'o// hratra no mo ho b+hi li ma/ khu ri bruM/ ruM bu nu/ tra tra du ru du ru/ ru tra ru tra dza dza hUM/ stong ngam 'bum du bzlas par bya// rabs chad thod par khrag sbyar la// bdud rnams rbad cing ling+ga dag la brdeg/ dpal drag sngags zla gsang nag po bshan pa spu gri'i rgyud las/ srog snying drang ba'i le'u ste so gnyis pa'o// // de nas bdud rnams drag tu bskul// hUM bskal pa mun nag 'khyil pa'i mkha' klong na// yang rje bshan pa dbu gsum phyag drug pa// gnas 'dir mun par gtibs la shog/ mun pa gtibs pa'i klong dkyil nas// ya gsher nag po 'brug tog mun par gtibs la shog/ shar phyogs mun nag sa yi dkyil 'khor nas// shar bdud zhe sdang mun nag gtibs la shog/ lho phyogs mun nag me yi dkyil 'khor nas// srog bdag srog la mun nag gtibs la shog/ nub phyogs mun nag khrag gi dkyil 'khor nas// gza' bdud bla la mun gtibs dam la shog/ byang phyogs mun nag rlung gi gzhal yas nas// srog bdud srog la mun gtibs dam la shog/ tshe bdud sbyin dkar ral pa can// tshe la bar gcod byed cing dam la shog/ srog bdag mkhris pas yid la mun gtibs dam la shog/ dkar mo 'bar ma spyan gcig ma// sngon mo ti ras srin mo 'khol// dmar mo g.yu gtsug klu gnyen 'khol// nag mo dred mgo ma yam 'khol// sor/ ser mo rlung gshog klu gnyen 'khol// dkar ljang 'ug mgo dri za 'khol// sngo nag sreg byed ya bdud 'khol// dmar mo sgeg mo srin mo 'khol// sngo skya zhags thogs rlung lha 'khol// dgra bopo'i rnam shes brgyad la mun nag gtibs// zhes bskul lo// dpal drag sngags zla gsang nag po bshan pa spu gri'i rgyud las/ bdud lcam dral bskul ba'i le'u ste so gsum pa'o// // de nas phrin las rje bdag la/ drag sngags 'dis myos pa dang / gzir ba dang / gsad pa gnan pa'o// bdud pra ma ya/ ha na ha na/ tiSh+Tha tiSh+Tha/ ru tra ma ma sa ma ya hUM/ kha tri dza/ mi tri dza/ shon tri dza/ yak+ka dza/ mi tri dza/ da tri dza/ sha tri dza/ da tri pra ti dza/ ha na du dza/ mi sha dza/ yak+kha dza/ pu mi dza/ kho dar dza/ dza hAM rbud rbud/ kha ra ni rbud/ so la kun na rbud/ du du rbud/ kha la khu rbud/ shin tsi ra gong chod/ kha la mu ti mug swA ha/ za za nad kun thun/ ri li li/ kha le kha shag thun/ ma thun kha nan ha ra rbad chum sa khug ril gu gu baM khrag ri rtsa rbad ril/ zhes ling+ga la brdeg cing thod khrag dang nyung dkar brabs te/ ri mon nag 'dra bar man/ dpal drag sngags zla gsang nag po bshan pa spu gri'i rgyud las/ bdud kyi drag sngags kyi le'u ste so bzhi pa'o// // de nas bcom ldan de nyid kyis// bdud ha nu bak+ka ru tra sus mi bzlog gi bsgrub pa 'di gsungs so// brag nag po bdud shing skyes sa ru phyin la/ 'bab chu'i 'gram nas sa blang la/ stegs bu 'dom gang gru bzhi byas la/ mi rta khyi'i khrag dang rgya sol gyis chag chag gdab pa'o// dbus su khyud khang bru'o// zla gam dmar po'i khrul bu gtang ngo // gru chad ljang gur bya'o// bdud ha nu bak+ka'i 'dra 'bag nag po lag na khram shing nag po thogs par dgram mo// shog bu la bdud bzhi'i gzugs bris te/ dar nag gi sham thabs la phyogs bzhir dgram mo// shar du he le khyab pa/ lhor nag po bkrag med/ nub tu so 'dar 'khrig pa/ byang du ral pa spyi ching / shar lho dri za khyung btsun/ lho nub phag skar nya rings/ nub byang rang gza' 'phan skad/ byang shar du na bun smug mo'o// dpal drag sngags zla gsang nag po bshan pa spu gri'i rgyud las/ bdud ha nu bak+ka'i rtsa ba'i lha dgu bstan pa'i le'u ste so lnga pa'o// // de nas sbrul pa'i bdud ni/ bka' 'khor skyong ba gnod sbyin bdud// phyag brnyan bcu gsum khrag gi dang ral can// sprul pa bcu gsum stag chas gzig chas dang // mon bu bcu gsum bdud kyi rta nag can// pho nya bcu gsum stag seng mthong ka can// phyag brnyan nag mo re ba'i go lcog can// sprul pa ma bdud sol ba'i lan tshar can dang / mon mo bcu gsum zha nye'i rgya long can dang / pho nya mo rnams mgron bu'i thong skabs can dang / nang gi'o// phyi ma sog po nag po khrag mig can dang / gnod sbyin nag po bse'i ral pa can dang / klu bdud nag po sbrul gyi rgyu can dang / gshin rje nag po lcags kyi ral pa can dang / me reg nag po dung gi rna cha can dang / bshan pa dmar ser spre'u'i mgo can dang / ljang nag rngam pa me'i kha rlangs can dang / de dag ni sprul pa'o// dpal drag sngags zla gsang nag po bshan pa spu gri'i rgyud las/ sprul pa'i bdud bstan pa'i le'u ste so drug pa'o// // de nas yang bdud de rnams la rabs chad dam mon thod du/ bra sran gyi gtor mar/ lug nag spyi dkar bya rog rta nag po rting dkar dang gsum gyi snying srog pa rtsa dang ma bral ba ru/ dgra bo du yod pa'i ming rus gro ga la bris la gzhug shar dang nub tu bya rog dang / sbrang ka'i rgyal mtshan re phyar la gzhag phud dang gser brdar ba'i gser skyems dngul skyogs su stegs la bzhag go/ gzhan yang dar nag po'i gur phub/ g.yab mos g.yab bo/ dpal drag sngags zla gsang nag po bshan pa spu gri'i rgyud las/ bdud ha nu la dam rdzas bstan pa'i le'u ste so bdun pa'o// // de nas dmigs rten bca' ste// lug nag po ra gnag pa mig ser ba gcig la// re ba'i sgye'u khal du dag la/ g.yas su pho rnams kyi byang bu gdags/ g.yon du mo rnams kyi byang bu gdags/ skud pa sngo dmar gyis gong rmed bya/ rA la dar mthing nag gdags/ mig la rin chen brdar/ ras yug gcig gis mig dgab/ dkyil 'khor byang shar du gdags/ dur khrod ras la 'khor lo bca'/ bdag nyid gos nag po gyon la/ dar mthing nag gis g.yab cing sngags 'di drang ngo // hUM phaT ba hUM e ma pa sha sta phe ba be rang sa mar sha za ra ya hUM/ ma he ma sa rag la ya hUM phaT/ ces sum 'bum bzlas pas bdud grub ste lug gum mo// gum pa dang / rU tra nag po mA ra ya byas la/ lug gi mgor ming byang brub la gnan par bya'o// dpal drag sngags zla gsang nag po bshad pa spu gri'i rgyud las/ dgra bo bsad pa bdud ha nu bak+ka sus mi bzlog pa'i le'u so brgyad pa'o// // de nas bcom ldan 'das nyid kyis 'jig rten pa'i dregs pa can btsan gdug pa bsgrub pa'i drag sngags 'di gsungs so// dur khrod brag dmar po seng ge 'dra ba'am/ brag dmar ram me bar/ 'jig rten dregs pa btsan bsgrub par bya ste/ dkyil 'khor 'dom gang ba gcig la/ ra dmar po'i khrag gis chag chag gdab bo// dbus lte ba dmar po la zla gam brgyad kyis bskor ro// lcags ri dmar po la me dmar po bri'o// dbus su shog gu gru gsum pa gcig ra khrag gis byug la bzhag go/ dbus su za 'og mda' dar dang / ra lpags dmar po mda' gang gdags/ ze mo'i phod kyis brgyan la dbus su gzug go/ zla gam la yang ra lpags dmar po dang / dar dang ze mo'i phod gzug go/ chang phud la gser brdar la bya bo dgu gzhag go/ 'bru sna nas 'bras gro til phul re ba dgu gzhag go/ ra dmar po gse 'gram ltar gzhag go/ dpal drag sngags zla gsang nag po bshan pa spu gri'i rgyud las/ srog bdag btsan phyug 'phan dar bsgrub pa'i le'u ste so dgu pa'o// // de nas yang bcom ldan 'das kyis btsan drag po'i sngags 'di dag gsungs so// bsnyen pa rgyun du 'di dag go/ au la li pra ma ni/ ri tse tha la ba ni/ ti ge tri shaM ki shaM tri mu ti re'u tri re tri haM/ shan rnam sarba karma ba be ba swA hA// de dag rdzogs par gyur pa dang // dgug dang zad sngags 'di dag go/ srog la li pra mo ni ba dgra bo r+tha dzaHsrog re tse thal ba n+de/ bra ra l-i l-i dgra bo nr-i dzaH/ ti ke la ya baM ri li li dgra bo nr-i dzaHkro d+hi kI la ya sha la baM ri li li dgra bo nr-i dzaHau tri kaM shaM mA ra ya baM ri li li dgra bo nr-i dzaHmu tri mA ra ya baM ri li li dgra bo nr-i dzaHre tri mA ra ya baM ri li li dgra bo mA ra ya nr-i dzaH/ haM shi staM du mA ra ya baM ri li li dgra bo mA ra ya nr-i dzaHbsad pa srog las drangs pa 'di'o// srog la la pra ma ni dam nyams dgra bo'i snying la dzaHdzaHsrog ri tse thal ba ni dam nyams dgra bo'i snying la dzaHdzaH/ srog kro ting ka la mA ya dgra bo'i snying la dzaHdzaHsrog kro ting kA la sha mA ra ya dgra bo'i snying la dzaHdzaHsrog kr-i shi kaM mA ra ya dam nyams dgra bo'i snying la dzaHdzaHsrog gi shaM tri mA ra ya dam nyams dgra bo'i snying la dzaHdzaH/ srog mu tri ri kri raM tri dam nyams dgra bo'i snying la dzaHdzaHsrog ti re ni mA ra ya dam nyams dgra bo'i snying la dzaHdzaHsrog dam shaM sta mA ra ya dam nyams dgra bo'i snying la dzaHdzaHdgra bo'i gzugs byas la de la brdeg go/ dpal drag sngags zla gsang nag po bshan pa spu gri'i rgyud las/ btsan khrag skyugs pa'i drag sngags kyi le'u ste bzhi bcu pa'o// // de nas gshin rje drag tu bskul ba'i rjes la/ btsan 'di dag rbad do// hUM 'dzam gling 'dus pa'i dkyil 'khor nas// me 'od 'bar ba'i zhing khams nas// stong gsum me yi gzhal yas nas// mi ring dmar po mdung tsam gcig/ dbu skra me dpal me dpung 'bar// 'jig rten khams kun me yis bsreg/ smin ma lcags kyu 'khyil pa 'dra// spyan rtsa dmar po dam nyams dgra la bzlog/ sku la le brgan dmar po'i 'jol ber gsol// g.yas na btsan gyi rgyu zhags dgra la 'debs// g.yon pa brag bya 'ug pa'i ltas ngan 'bebs// zhabs la lcags lham yu zung gsol// sbrul nag stong gi chu 'khor can// sbrul nag stong gshibs sku rigs bcings// skar chen mang po'i tshar char can// bzhugs ni gling bzhi khyab par bzhugs// nam gyi gung la rgyug tsam na// brag gi wa mo kha nag bcibs// nyi ma'i zer la rgyug tsam na// chibs su ltas ngan gla ba bcibs// nyi ma'i gung la rgyug tsam na// chibs su bra bo rting dkar bcibs// dam rdzas gtor ma 'di longs la// yab gcig 'jam dpal bka' 'byung gis// btsan gyi 'khor rnams las la bskul// 'jig rten khams su me yi bskal pa thong // dgra bo'i rnam shes thal bar sregs// skyes bu chen po dgra la ya// rang gsang mched dgu dgra la ya// btsan zhags dmar po dgra la thob// tha ram dgra la da thob cig khrag skyugs gzer thabs dgra la ya// byas la phud gtor rbod gtong bya'o// dpal drags sngags zla gsang nag po bshan pa spu gri'i rgyud las/ btsan bskul ba'i le'u ste zhe gcig pa'o// // de nas bcom ldan 'das nyid kyis 'byung ba'i btsan srog lan khrag skyug bsgrub pa 'di gsungs so// gong gsum kha'am brag dmar rtsar// dkyil 'khor 'dom gang gru bzhi la// dug dang khrag gis chag chag gdab// dbus su gru gsum thur du brko// zla gam dmar po gsum gyis bskor// phyi rim 'dzam bu gling bzhi bri// lcags ri dag la me 'od bri// dbus su gshed po nyid dgod do// zla gam gsum la yum sras dgod// shar du sa btsan rdo rje reg bya gser mig dgod// lho ru me btsan rdo rje grags mchog dgod// nub tu chu btsan rdo rje mgyogs byed rtsa la dgod// byang du rlung btsan rdo rje shu bo dgod// mi sha rta sha'i gtor ma yab yum la dgod de/ btsan bzhi la gtor ma bzhi dgod do// ra dmar po'i snying dang / bya se bo dang / rta mtshal lu'i snying rnams dgod do// mda' bya rgod ma la dar dmar po btags la/ rtag tu g.yab bo// mu su ra'i thod par rdo sol smra ba mu zi dang / til mar dag ni gzhag par bya'o// gri bo'i thod par btsan gyi tha ram bcas// rtag tu ra gsur rgyun mi gcad// gser skyems la sogs gzhag par bya'o// rtag tu btsan la mchod pa na// btsan phyug 'phan dar nad las thar// sprug pa'i glu blang gling bu 'bud// dpal drag sngags zla gsang nag po bshan pa spu gri'i rgyud las/ 'byung ba'i btsan drag po bsgrub pa'i le'u ste zhe gnyis pa'o// // de nas drag sngags 'di dag bzlas// nyung dkar la sogs rdzas rnams la// thod par sib cing 'di dag drangs/ a be shu sa ma ya/ ra tsa tse ni/ a na na ta tri shaM rbad/ dza ra sha ti ba na/ d+ha ra kro tsi ta marma ku ru dza dza/ khri'am 'bum du bzlas gyur na// sku yang mngon du ston par 'gyur// rta med pa'i srab sgra dang / mi med pa'i sbugs sgra di re 'ong / 'jig rten me yis bsreg 'dod na/ rdo sol mu zi til sbyar la/ thod pa'i nang du rlung chen po byung tsam na/ rlung la gtor na/ 'jig rten mes bsreg par 'gyur ro// raM raM raM raM zhes pa'i lcam dral sngags la gdags so// dpal drag sngags zla gsang nag po bshan pa spu gri'i rgyud las/ srog snying drangs pa'i le'u ste zhe gsum pa'o// // de nas btsan rnams bskul ba ni/ hUM bskal pa'i me 'bar klong dkyil nas// bse yi mi ring dmar po la// dbu la me 'bar ya la la// me yi zhags pa dmar po thogs// me rta dmar po zhon cing rgyug/ dgra bo'i lus la me thongs shig/ khrag gi rba klong 'khyil pa nas/ khrag btsan dmar po 'jigs pa'i gzugs// lag na khrag gi zhags pa thogs// lus la khrag gi char pa phob// bskal pa'i rlung nag 'khyil ba nas// brag btsan dmar po 'jigs pa'i gzugs// lag na khrag gi zhags pa thogs// lus la khrag gi char pa phob// bskal pa'i rlung nag 'khyil ba nas// rlung btsan shu bo srog len po// nyams pa'i bla dang srog la b+h+yo// gnam btsan dkar po thog 'bebs dgra la b+h+yo// me btsan drod 'phrog dgra la b+h+yo// chu btsan khrag 'thung dgra la b+h+yo// sa btsan srog len dgra la b+h+yo// rlung btsan dbugs len dgra la b+h+yo// rbod gtong drag po bya'o// gong gi tha ram bcas pa de/ gong gsum btsan rgyu sar gnan no// dpal drag sngags zla gsang nag po bshan pa spu gri'i rgyud las/ btsan las la rbad pa'i le'u ste zhe bzhi pa'o// // de nas bcom ldan de nyid kyis/ btsan gsang thun shu bo rak+Sha srog la chad pa 'bebs pa'i sgrub thabs 'di gsungs so// dgon pa dag gam dur khrod dben pa ru// dkyil 'khor mthing nag gru gsum brtsigs// dbus su rabs chad thod pa ru/ khrag dang dug dang rdo sol dang // dur khrod sa dang til gyi mar// ra dmar snying khrag ra khrag blug/ ming rus bris la thod par blug/ bse phor zangs gzhong gtor mas dgang // srog gi snying po 'di dag ni// oM de ba tri man gan dza/ mu sa mu sa mA ra ya na/ dgra bo che ge'i srog breng breng bruM b+h+yo dza dzaH'di dag rab tu zab pa'o// shin tu gsang zhing ling+ga phur pas brdung // dpal drag sngags zla gsang nag po bshan pa spu gri'i rgyud las/ drag po shu bo srog gcod kyi le'u ste zhe lnga pa'o// // de nas bcom ldan 'das nyid kyis drag po'i las kha 'di gsungs so// btsan gyi drag sngags bzlas pa de// ri la sbas na ri mes tshig par 'gyur/ rgya mtsho'am chu mig tu sbas na chu skam/ dgra bopo'i khang pa la sbas na khyim 'tshig go/ sngags de nyid 'u zu la bzlas pa stong byas te byin na sgro 'bog go/ dza'i 'bras la bzlas te gtor na sbrul mi zan khyim du 'ong ngo // dpal drag sngags zla gsang nag po bshan pa spu gri'i rgyud las/ btsan gyi las kha bstan pa'i le'u ste zhe drug pa'o// // de nas bcom ldan 'das kyis chu 'khyags drag tu dbab pa dang / srog la chad pa dbab pa'i phyir/ khyab 'jug gza'i sgrub thabs dag gsungs so// yid dang mthun pa'i gnas bzung la// sa cho ga la sogs gtor ma gtang // tshes grangs dus tshod 'di lta ste// rgyu dang 'jug dang gnas pa dang // slar la bzlog pa'i dus shes bya// ma mo dgra lha'i rgyal mo dang // bdud dang srin mo rmu dag dang // gshin rje dag dang klu btsan dang // bgegs kyi bsdong zla shes par bya// dus chen brgyad la rtags chen brgyad dag bzung // de nas drag po'i las la 'jug/ man+dal 'dom gang gru bzhi la// 'khor lo rtsibs brgyad dbus su e// phyogs mtshams brgyad la e brgyad do// dbus su gshed po yab yum mo// sha khrag gtor ma bcas shing gtong // 'khor lo dag la sprul pa ste// so so'i sgrub rdzas bsag par bya// gza' bdud rgyu ba'i dus bzung la// bsad pa dag gi las byas te// dbus su e la bsreg pa'o// sprul pa'i mgo bo rgyu ba'i tshe// brnag pa'i dpral bar gdab par bya// rkang pa rgyun po la la gdab// lag pa rgyun lag pa ste// de bzhin btab la ham la bsregs// tsher ma can kyi shing bu la// rgyu ba'i dus su bsreg par bya// gza' bdud rgyu ba'i dus nges na// rjes dang dri ma 'dag pa dang // gos dum lo ma rnying pa la// gdug pa'i gzugs brnyan bzhi byas te// hom la bsreg na brlag par 'gyur// dpal drag sngags zla gsang nag po bshan pa spu gri'i rgyud las/ gza'i srog bsgrub pa'i le'u ste zhe bdun pa'o// // de nas yang ni bshad bya ba// dgra bo myur du bsad pa la// bdud rtsi lnga yis ling+ga bca'// de la tsha ba gsum du sbyar// dug gi hom la bsreg pa ni// lcags phye khrag dang til nag dang / khrag sna gu gul zi ra dang // dur khrod rus pa bsreg pas phung // dpal drag sngags zla gsang bshan pa spu gri'i rgyud las/ hom gyi bsad pa'i le'u ste zhe brgyad pa'o// // de nas myur du ser ba 'bab na// yugs sa mo'am rabs chad dam// mdzo pho'i thod pa dag tu yang // dam gri yul gyi chu rdo dang // ra khrag khyi khrag mi khrag dang // ba dkar 'o ma mdzo dang ra'i// 'o ma la sogs sbyar byas la// sngo dang ram bu gu gul sbyar// gar 'bebs gnyan sar thab blug ste// dus chod gza' yi gdong gzugs nas// chu 'khyags drag tu dbab par byed// dpal drag sngags zla gsang nag po bshan pa spu gri'i rgyud las/ chu 'khyags myur du dbab pa'i le'u ste zhe dgu pa'o// // de nas drag sngags bshad bya ba// oM badz+ra kI li kI la ya/ shi tri shi tri kI li kI la ya/ che ge mo mA ra ya hUM phaT/ mu lu mu lu/ ku lu ku lu/ thum bu thum/ ba ra da ma/ thum bu ru thum bu ru/ ba ra ta shu ta na/ da ra la ra ya/ ro tri ro tri/ sho sa ra ya/ shan ku ta tri dza/ zhes pa ni bsad pa'i sngags so// oM me thun kha thun kha/ raM yaM raM yaM/ na pu ta na/ na ge ye/ ra thun ra thun/ des ni ser ba 'bebs pa yin/ dpal drag sngags zla gsang nag po bshan pa spu gri'i rgyud las/ drag sngags kyi le'u ste lnga bcu pa'o// // de nas bcom ldan 'das nyid kyis chu 'khyags drag ser gyi las 'di gsungs so// dur khrod chen po'i gnas su dkyil 'khor gru gsum bsgrag mar bya'o// de'i nang du snrel gri mo'i thod pa gzhag go/ mngal khrag la sogs pa'i khrag dang / dug dang / sngo khu dang / dkar gsum la sogs pa blugs la/ rabs chad nag po'i thod pas dgab bo// srog gi snying po 'di bsgrub bo// mo be sha me ka du ru ma shi ge la te a ta swA hA/ stong rdzogs thun khrag la bstim/ oM pa sa ti rA hu la ma hA kro ta phob ta/ shar shal ta sha ra hUM phaT/ de ni bsgrub pa'i drag sngags so// dpal drag sngags zla gsang nag po bshan pa spu gri'i rgyud las/ chu 'khyags sgrub pa'i le'u ste nga gcig pa'o// // de nas nyi shu dgu dag la// bsnyen rdzogs gzir rbad byas la/ drag po'i sngags 'di dag go/ oM ki tri tra lo/ glo bur sbyin thang phob/ trag rak+ta snying kha rag ma b+h+yo/ khrag la mu shaM b+h+yo/ ku pi nan b+h+yo/ tsan+ta rak+taM b+h+yo/ btsan bdud khrol khrol b+h+yo/ gnam mthongs phye/ lcags sgrog khrol/ mi ring sod/ rkyang rje rkyang mo tsu ru tsu ru hUM phaT/ de yis lo thog 'joms par byed/ dpal drag sngags zla gsang nag po bshan pa spu gri'i rgyud las/ chu 'khyags dbab pa'i le'u ste nga gnyis pa'o// // de nas bcom ldan 'das kyis gnam lcags dang chu 'khyags dbab pa'i phyir// khyab 'jug gi drag sngags 'di gsungs so// dur khrod rab tu 'jigs pa ru// man+dal chag chag btab la/ dbus su gru gsum brtsigs la/ mu khyud zlum po la thod phreng gis bskor ro// sbrul sngon po'i shun par rdzas blugs la/ ga 'ur gzhug go/ de gru gsum gyi dbus su gzhag la/ zla gam gcig la dkar zab dang / sngo zab dang dmar zab gsum gzhag go/ zla gam gcig la sha rul khrag rul rjen pa/ btsos pa/ 8 gcin/ a mr-i ta/ gu gul nag po/ la phug til/ sgog skya gzhag go/ zla gam gcig la/ 'bras chan dkar gsum mngar gsum gu gul dkar po gzhag go/ ra rog po rten du gzug go/ dpal drag sngags zla gsang nag po bshan pa spu gri'i rgyud las/ rog ti gsang bsgrub kyi le'u ste nga gsum pa'o// // de nas yang sngags drang bar bstan te/ oM bi sha la du ru/ ma shi kha dza la/ a ta swA ha/ zhes rgyun du drang ngongo// de nas bsgrub pa'i drag sngags ni/ oM mu ka ye/ ka pa ye/ a pa ye/ hrIHSh+T+r-iHbi krin te/ yul 'di'i lo thog la tsa pa ti rA hu la/ ma hA kro d+ha sha ra ral sta hUM phaT/ thig nig gcig med/ gnyis drag brgyad bcad/ dud phreM/ gnam mthongs phye/ lcags sgrog khrol/ mi ring sod/ rkyang rje rkyang mo tsu ru tsu ru hUM phaT/ stong bzlas la thun la brab/ seng ldeng phur pa la bzlas la gtar gzhug de nas gong gi rdzas de dag la/ dbab sngags 'dis dbab bo// oM mu ka ye/ ka pa ye/ a pa ye/ hri sti ye tri/ yul che ge mo'i lo thog la dug phreM/ kar phrom/ shu ti phrom/ mug ti smin/ shar shar drag tu phob/ tsa pa ti rA hu la/ a kro te ka phob ta/ shar sha ta hUM phaT/ tsa ru tsa ru/ ag ne/ rag mo kro ra te swA hA/ chung rje chung mo tsu ru tsu ru phaT/ ha~M ha~M pr-i/ mu ra mu ra/ sha ru pro/ thig nig gnyis med cig brag brgyad bcad/ dur phrom/ gnam mthongs phye/ lcags sgrog khrol/ mi ring sod/ rkyang rje rkyang mo tsu ru tsu ru phaT/ ma mo bya rtsa ye/ ma mo'i srog rtsa ye/ dgra bo'i lo thog snar mo la mA ra ya hUM phaT/ zhes 'phang thabs blud do// dpal drag sngags zla gsang nag po bshan pa spu gri'i rgyud las/ gza' rgod gsang ba'i le'u ste nga bzhi pa'o// // de nas khyab 'jug 'dis bskul lo// hUM khyab 'jug chen po kun tu rgyug/ 'jigs byed chen po rA hu la// srin gyi bu la klu yi tsha// dregs pa tshogs pa'i phung byed bu// sku mdog dud ka mig gis khengs// ro stod mi la ro smad sbrul// dus tshod tshes grangs kun gyi bdag/ nam mkha' rlung nag dkyil na bzhugs// 'jig rten lha srin dbang du sdud// 'jig rten 'khrugs cing thog ser 'bebs// nyi ma zla ba khyur mid byed// lo nyes rims nad 'khrug pa gtong // sa 'og rgya mtsho'i gting na bzhugs// klu rnams ma lus yul yang 'byin// 'jig rten sa yang drug tu g.yo// sad dang mu ge btsa' yang 'bebs// gshin rje gshed po'i zhabs drung du/ khas blangs dam bcas ma 'da' bar// bdag gi phrin las bsgrub par mdzod// ces bskul lo// dpal drag sngags zla gsang nag po bshan pa spu gri'i rgyud las/ rA hu la sgrub pa'i le'u ste nga lnga pa'o// // de nas bcom ldan 'das kyis/ lha dbang phyug chen po bsgrub la thog dbab pa 'di gsungs so// brag nag seng ge mchongs pa 'dra ba'i rtsar phyin la/ gra phying gtsang ma gcig la ldong ros kyi thig bzhi btab la ling tse dgur bya'o// dbus su dbang phyug chen po'i tsa ka li gzug dar dmar pos dgab bo// phyogs bzhi'i shar du dri za thog 'bebs/ lho ru gshin rje thog 'bebs/ nub tu klu thog 'bebs/ byang du gnod sbyin thog 'bebs dgod do// ling+ga bcas la skud pa btags la gdags/ thog dbab pa'i tsakra dur khrod ras la bri/ lha chen po la mchod pa rnam pa lnga phul// 'khor lo thod par bcug la/ gser phye zangs phye lcags khrag dang bsres la thod par blugs la gzhag go/ dpal drag sngags zla gsang nag po bshan pa spu gri'i rgyud las// lha thog 'bebs bsgrub pa'i le'u ste nga drug pa'o// // de nas yang ting nge 'dzin rnam pa gsum las/ ma hA de wa hUM/ zhes pas/ ma hA de ba mdog nag pa/ spyan gsum pa/ g.yas kha T+wAM rtse gsum pa dang / khyung gi rgyal mtshan phyar ba/ g.yon zhags pa dang be con bsnams pa bskyed la/ phyogs bzhir lha chen po bzhi rta la zhon te/ thog gi bu yug 'bebs par bsam mo// oM prah+ma Na rak+Sha a h+ye hi dzaHhUM ba tsa zhes spyan drangs so// ma hA de la pra mo ha ra tsa bzhir sa ma ya tiSh+Tha ldan/ zhes bzhugs su gsol/ mchod pa 'bul lo// de nas sngags 'di dag drang ngongo// oM ma hA de wa ti dza ti dza l+la prah+ma Na rak+Sha ka ra ka ra ma yang hUM/ de ba ra tsa tsa la ma ha ni dza/ dgra bo che ge mo 'di zum zum/ rbad rbad sen sen dza hUM/ khri stong du drang ngo // de nas 'khor lo de dgra'i khang 'gram du sbas te/ oM tsa dur mu kha shag sha bar ma na/ ma hA de wa dgra bo'i yul khams su ro kha 'dus kha ba hUM pra ba hUM phaT/ zhes bzlas na 'bab par nges so// dpal drag sngags zla gsang nag po bshan pa spu gri'i rgyud las/ thog dbab pa'i le'u ste nga bdun pa'o// // de nas yang lha rgod kyi thog dbab pa 'di gsungs so/ dur khrod rab tu 'jigs par man+dal 'khor lo rtsibs bzhi byas te/ ro spungs pa dang khrag mtsho bri'o// de'i lha dgod pa gong ma dang 'dra bar byas la/ thod pa kha sbyor dug khrag byug la/ steng ma yab 'og ma yum du mnga' gsol la/ gro ga la ming rus bris la/ skud pas btag la bar du gzhug go/ de nas bskyed/ spyan drang / bstim/ pU dza 'dul lo// de nas 'dis lha chen po nyid gnad la bor zhing bsgrub bo// oM ma hA de wa ka la ka te/ dza te ba ni/ i ni bri so ba na/ tsan ga ru ru he se kan/ su be na hri/ be hu ra ke na/ sarba de de/ bu ye da ne ba de na mA ra ya/ zhes bsgrub bo// dpal drag sngags zla gsang nag po bshan pa spu gri'i rgyud las/ lha rgod kyi thog dbab pa'i le'u ste nga brgyad pa'o// // de nas thog dbab ste/ hUM/ gnam lcags spu gri gtam pa'i klong dkyil nas// gnam lcags khro chu khol ba'i gzhal yas nas// gnam lcags thog chen 'bebs pa'i lha// chibs su 'brug nag 'bar ba chibs// rol du khyung dang seng ge khrid/ kha rlangs na bun sprin du gtibs// shangs nas bu yug khu 'phang 'dril// gnam lcags ser chen chems se chem// shel gyi skyi 'dang si li li// gser thog lcags thog chems se chem// gnam lcags ral gri glad la bskor// zangs kyi glog dmar ldibs se ljib/ khrag gyi bu yug langs se langs// hUM hur choms rbad na la raM shad shad b+h+yo dza/ rak+kha tsi ta mA ra ya/ snying ling rgud/ tsit+ta bam ri la/ kha rag tsa pa la bam/ rak+Sha yak+ka tsi ta kha rbad/ pu tsa 'ur chom rbad ya/ dza shad shad nag po srog la chums chums/ bobs bobs/ zhes 'phang ngo // dpal drag sngags zla gsang nag po bshan pa spu gri'i rgyud las/ thog dbab pa'i le'u ste nga dgu pa'o// // de nas bcom ldan 'das nyid kyi ngan sngags thog dbab pa 'di gsungs so// ma hA tsan d+ha rak+kha be sha sa na ya phob/ ha ra tsan+d+ra ma hA tsan d+ha yak+ka bak+ka phob/ rak+ta ma hA yak+ka b+h+yo/ shar she la ha la ha la/ dan ta pra tse pho ba/ pra tse pra tse/ ha ri ha ri/ dza du sti b+h+yo/ rak+ta rak+ta/ tsan d+ha ma hA shag ti nan/ da ra tsan d+ha pa tsa pa tsa/ ha la ha la/ da ra da ra phaT/ rak+ta tsan ti/ ma hAha shan+ti b+h+yo b+h+yo/ badz+ra tsi ta b+hu b+hu ru pa/ badz+ra de wa ha na ha na b+h+yo/ dpal drag sngags zla gsang nag po bshan pa spu gri'i rgyud las/ thog dbab pa'i le'u ste drug cu pa'o// // de nas mdze thod du btsan dug dang / pha la ta ka dang / nyung dkar dang / nyung nag dug/ gser phye la sogs pas bkang la/ yugs sa mo'i pags pa la/ yul de'i ming yang bris la/ sngags 'di bzlas nas sbas na thog 'bab par 'gyur ro// bag zan la/ sems can gyi gzugs byas la/ sngags 'di btab nas/ khang pa la sbas na skad ngan 'don no// sngags 'di smyug shad la btab nas phyugs ma'i 'og tu bting na skab 'phel lo// tshon rtsi lnga la btab nas bzhag na byi ba dang / ri bong kha 'ching bar 'gyur ro// mu tig la btab nas bud med kyis mid na bu mang po 'ong ngo // rma bya'i sgo la btab nas bcangs na mdze las thar ro// dpal drag sngags zla gsang nag po bshan pa spu gri'i rgyud las/ le'u ste re gcig pa'o// // de nas bcom ldan 'das 'jigs byed chen po des/ ma mo rak+kha 'di bsgrub la yams nad gtong ba'i thabs 'di gsungs so// dur khrod 'jigs par phyin la/ mi phung shul nas sa blangs la man+dal byas la/ mngar khrag dang rims khrag gis chag chag btab la/ dug dang sman mo byug go/ dbus gru gsum brtseg ma zla gam gsum/ 'khor lo rtsibs bzhi mu khyud zlum po thod phreng bya/ gru chad dang sgo khyud ldan pa'o// dbus su 'jam dpal yab yum/ 'khor lo la phung byed ma bzhi/ gru chad la sring bzhi/ rtsibs mtshan la bshan pa ma bzhi/ bar khyams la sa bdag mo bzhi dgod do// phur pa re dgod do// dbus su thod ngan la dgra bo bris la gzhag dam rdzas ni/ gshed po la dpal gtor/ e ka dza ti la shes rab ma'i mtshal dang / snrel gri mo'i snying / re ma ti la mi dbang dang sha sman/ phung gsum ma la glang nag snying dang / pad+ma rak+ta/ sbrul nag snying / 'ug pa'i mig pho rog gi snying / bud med kyi klad khrag go/ phung byed klad khrag go/ phung byed bzhi la khrag sna gsum dang / stag seng sa bdag gi snying gzhag bshan pa bzhi la gtor ma gzhag srin mo bzhi la/ mar khu/ sbrang rtsi 'o ma khrag gzhag gdong mo la stag dom/ glang / gna' sha gzhag la/ maN+Dal gyi byang shar du/ man+dal mchod rten nag po la ro sol bskus pa'i bum par ming rus gzhug mjug tu mchod rten gnyen sar sba'o// dpal drag sngags zla gsang nag po bshan pa spu gri'i rgyud las/ srid pa dmag tu dbab pa'i le'u ste re gnyis pa'o// // de nas bdag nyid gshin rje gshed por bsgom/ ma mo rnams bskyed kyang mi 'gal/ ma bskyed kyang rung ba yin/ srid pa dmag tu 'dis nan dbab bo// trag rak+kha kha mun tra mu tra ma ma ru lu ru lu hUM b+h+yo hAM/ rag mo te ku ma dza dza/ kha la ma hi b+h+yo/ rak+ta thun b+h+yo dza dza/ shing thun ma ma thun/ bi ma ru tse dgra la b+h+yo b+h+yo b+h+yo phaT phaT/ ru ru byi ma ru tse/ kha tha ma ma mo nag mo tsa ma yaM pa/ srog la thun/ snying la thibs/ myogs myogs/ shig shig tsit+ta bam shig/ tsit+ta bam myog/ mug tig ri rgyob/ tsit+ta bam phyung / chod shig zum shig long long zum long / yer yer mer mer sod/ ru ru shig tri/ kra ma du sod sod/ srog thum mug sad/ ma yag ru rbad ya sod/ kha rug sha sha sa ma ya sod/ srog thum nri rbad sod/ ni ni rtsa khun la sod/ ces bzlas te/ 'khor lo mchod rten du brub la gnan par bya'o// dpal drag sngags zla gsang nag po bshan pa spu gri'i rgyud las/ srin mo'i tshogs kyi nad yams dbab pa'i le'u ste re gsum pa'o// // de nas ma mo las la gtang ba ni/ hUM/ snang srid rak+ta'i gzhal yas nas// khrag gi bud med nag mo 'bum/ kha nas nad ngan sna tshogs 'gyed// sna nas dug gi rlangs pa 'thul// mgo la dug gi me 'bar ma// la la gnod sbyin sgeg mo'i gzugs// la la ma mo sgeg mo'i gzugs// la la drang srong khros pa 'dra// la la dur khrod mi ro'i gzugs// la la mkha' 'gro bya yi gzugs// dgra la nad dang rims yams phob// ces bskul lo// dpal drag sngags zla gsang nag po bshan pa spu gri'i rgyud las/ ma mo bskul ba'i le'u ste re bzhi pa'o// // de nas yang ma mo yongs kyi nang nas nad kyi bdag mo re ma ti'i nad dbab pa 'di gsungs so// 'di dag drag sngags nyi tshe'o// ru ru shri tri kri ma du sod/ ma yag du ya sod/ kha rug sha ma sod/ srog thun nr-i rbad sod/ ni la ni ya tsa dun sod/ sha rgyud snying phyung / snying rgyud srog chod/ thun dbugs long / ma ma thun thun sod sod/ dpal drag sngags zla gsang nag po bshan pa spu gri'i rgyud las/ re ma tis nad ngan 'bebs pa'i drag sngags kyi le'u ste re lnga pa'o// // de nas ngan sngags 'di dag gsungs so// rgyu gzer gyis shi ba'i khrag gi gzhi la/ btsan dug bzhi nam/ 'am/ gcig/ thar nu de dang mnyam/ bse zho/ mar rnying pa la sngags bzlas nas btang na rgyu gzer du 'gyur ro// bse zho sbrang rgod/ zo sha btsan dug mnyam par byas nas lus la bskus na lhog par 'gyur ro// bse zho/ btsan dug byang ba/ mdze khrag tu sbyar nas/ zar ma'i mar khu dang lo ma gos la bskus na mdzes zin par 'gyur ro// byang ba dang mdze khrag skam po sbyar te chang la btab na snying la bab bo// dug sna tshogs dang khrag tu sbyar te/ rims khrag dang / khyi lud dkar pos sbyar ba klu yod pa'i chu mig tu blugs na rims 'bebs so// khyi lud lo lon pa brtsegs pa'i khar/ rdo ti tsha dang / d+ha du ra bzhag ste me bus nas/ rlung phyogs su 'gul tshad rim gyis btab nas/ 'gum mo/ mdze khrag skam po dang / rta zho btang na mdzes 'dzin no// phag sha dang nya sha thang phrom nag pos btsos pa btab na lus sgraskrang te 'gum mo// sngags stong stong ngo // dpal drag sngags zla gsang nag po bshan pa spu gri'i rgyud las/ nad bdag mo'i le'u ste re dgu pa'o// // de nas yang bcom ldan 'das nyid kyis// sgro 'bog gi las bya ba'i phyir/ srog bdag gi las 'di gsungs so// gnas ni ri bdun rtse'am lha khang ngam brag dkar por bsgrub te/ dar ras gtsang ma'am/ gra phying gtsang ma bting la 'bru sna'i bcal gcal yang dgram/ ga pur dang / spos rnams bkram la/ dar dkar gur dbub bo// lha bshos ri bo 'dra ba la mar byug/ smyug ma tshigs gsum po la bya rgod zer mo'i phod dang / dar/ za 'og gser/ ba se/ mu tig lpags bu dkar po gzug go/ de nas gtor ma ni/ chan thug khur ba/ thud phrom/ dkar gsum/ mngar gsum/ spyan gzigs rnams la/ srog bdag nyid tsa ka lir btsugs la/ bdag nyid gshin rje gshed du bsgoms la/ sku gsung thugs kyi snying po bzlas/ de nas srog bdag gi drag sngags 'di dag go// gshin rjes mgo mnan te/ oM shrI many+dzu ya ma rA tsa ma ma e ka tsa ti ni dza dza/ tri tsa pa la a shug me swA hA/ phod pa'o// ha li hu lu ma ra ri la ni dza/ la li pra ma ni/ ri tse thal ba ni/ kro ting kro la ya/ tri kaM// shi tri mu tri/ re tri tri rang trang / ha ba sha ham shang / che ge'i tsit+ta la dza/ zhes rbad do// dpal drag sngags zla gsang nag po bshan pa spu gri'i rgyud las/ gsang ba shar ging gi le'u ste re bdun pa'o// // de nas ling+ga bcas la/ mi smyo grir shi ba'i thod pa'am rta thod du/ dug sna dgu/ ra khyi'i khrag dang bcas te gzhug nyin bzhin lha'i ging bzhi dang / skabs su ging chen bco brgyad bskul/ oM ma hA rA dza thun b+h+yo b+h+yo/ dgra bo'i srog la thibs/ mug ma ra Na thun/ par tang dgra bo'i snying shag tshal pa dum/ dgra bo'i bkrag la rbad/ rlag dza tu thibs chum/ dgra bo'i khrag la 'jibs/ si pa si pa dun dza/ ma ma sha la dza/ rak+ta khrag la thun b+h+yo/ rmug rmug rbad zad/ ces bsad do// dpal drag sngags zla gsang nag po bshan pa sgra gri'i rgyud las/ shar gigang gi bsad las te le'u re brgyad pa'o// // de nas yang rgyal po nyid dngos su byung na bzang / dmag dpon nam zhang blon 'bring / 'bag tu rmi ba ni ngan no// rgyal po nyid khros na shis bstan pa'i sngags 'di'o// ma ra na pra ma ra/ rA dza tsit+ta bi a li sa ma ya/ sa ma ya/ sa ma ya/ aM ku sha dza dza/ zhes bzlas pas/ rgyal po nyid mchi ma khrag tu ngu'o// shar ging nyid du bsgrub pa las/ dpal drag sngags zla gsang nag po bshan pa spu gri'i rgyud las/ shar ging dkar po lhar bsgrub pa'i le'u ste re dgu pa'o// // de nas bcom ldan 'das kyis srog bdag chen po dgu'i sgrub thabs 'di gsungs so// dkyil 'khor ni dbus thig bzhi btab pas ling tshe dgur bya'o// gru gsum re re bri'o// shar du ser/ dbus su dkar/ lho sngo/ nub dmar/ byang ldang / mtshams smug por bya'o// shug pa'i phur pa dgu la ging ka ra sa ma ya dgra bo'i srog chod cig tiSh+Tha lhan/ byas la dgod do// phur pa la dar dkar gyi cod pan gdags so// gsang phye la bshos bu byas la mar byug la/ dbus su smyug ma tshigs dgu pa la mtshal gyi nya mig bri/ rtse la bya rgod rgyal mtshan dang / dar dkar gyi gdugs dbub/ rnga mo dkar po gzug go// le tse brgyad la smug ma tshigs gsum pa brgyad la/ mtshal dang ldong ros kyis g.yung drung ris su bris la/ dar lce dkar po dang / shel dkar phreng ba dang / rin po che lnga dang / byi ru/ mgron bu/ dgra bo'i ming rus re re gdags so// lcang ma mtho re ba re la/ phod dang dar gdags/ mtshal gyi g.yung drung ris bris la sgo bzhir dgod do// gzhan yang thud dang dkar gsum/ mngar gsum nya phyis sam dung du gzhug/ gser phud bya pho lnga/ mtshe nyung dkar/ gangs chu lu chu bzhag la/ me tog mang po dang / mchod pa lnga gzhagar lug dkar po gcig/ rwa dmar por byugs la gtar gzhug dpal drag sngags zla gsang nag po bshan pa spu gri'i rgyud las/ srog bdag dgu bsgrub pa'i le'u ste bdun cu pa'o// // de nas bdag nyid ber gon te// gshin rje'i gshed po'i sngags drangs ste/ oM ma tri du sta 'byung ka ra mA ra ya swA ha/ oM khu le ma hi pe ra swA hA/ a ge ru tra swA hA/ ug ge ma le swA hA/ drang ze ba pa swA hA/ shar ze shang ka ri swA hA/ da khod bi bi pa ra swA hA/ ni khod ba ra hi de swA hA/ sUr+ya tsan+da ma hA khu le swA hA/ srog gi snying po des 'grub bo// bod pa srog gi snying po'o// dpal drag sngags zla gsang nag po bshan pa spu gri'i rgyud las/ srog bdag 'bod pa'i le'u ste don gcig pa'o// // de nas grub rtags ni rab sku/ 'bring 'od dang sgra/ tha ma rmi lam du 'ong ngo // de ltar rtags mthong nas/ rbad pa srog gi snying po 'dis bya'o// oM ma hA pra ma na rak+Sha rak+ta tsa mun ta/ ma hA kri tri tsi la bing bing / dgra bo mA ra ya ha ba hab ces rbad de/ skya rengs la bskul te gtang ngo // des bsad pa srog gi las 'grub bo// dpal drag sngags zla gsang nag po bshan pa sgra gri'i rgyud las/ zad pa srog dpral gyi le'u ste don gnyis pa'o// // de nas bsad cing smyo 'bog tu bya ste/ rta zod dkar po la/ dbus su ri rab gling bzhi bri/ g.yas su zla ba bri/ g.yon du nyi ma bri/ rta thod za 'og gis gril/ ming byang rta thod du grub/ khrag skam dang gu gul sbyar ba dang / mtsho dang klad pa la sngags 'dis gdab bo// hUM ma hA ka ra thun b+h+yo/ ma hA ha ra tsa ra thun b+h+yo/ ma hA ba ba/ ma hA de ba ma hA ru tra b+h+yo b+h+yo/ hUM tro tha ya tro tha ya/ tra ta ya tra ta ya/ k+Shu la k+ShA la/ ging ka ra ging ka ra/ ging dza la ging dza la/ yak+kha gri ba yak+ka gri ba/ d+ha sha gri ba d+ha sha gri ba/ pu tra dkar po b+h+yo b+h+yo// de nas rang rang rtsa ba'i sngags brjod cing gdab/ gtso bo'i phur pa snying la gdab/ khu les gsang bar gdab/ ag ges lag pa g.yas/ ug ges dpral bar gdab/ drang zes lag pa g.yon/ shang zes rkang pa g.yas/ da khod dpung mgo g.yas ne khod dpung mgo g.yon/ nyi zlas rkang pa g.yas g.yon gdab na smyo 'bog tu 'gum mo// rta thod lha khang ngam ri rtser gnan no// dpal drag sngags zla gsang nag po bshan pa spu gri'i rgyud las/ srog bdag dgu'i bsad pa'i drag sngags sgro 'bog gi le'u ste don gsum pa'o// // de nas yang srog zan chen po dgu'i drag sngags 'di gsungs so// dur khrod brag gam lha khang lta bur gnas btsal te/ dkyil 'khor mthing nag gru gsum byas la/ 'khor lo rtsibs bzhi dang thod phreng gis 'khor bar bris la/ mchog gi phur pa dgu la srog bdag chen po'i sngags bris la/ dbus su dkar po snying 'byin dgod/ shar du khu le dgod/ lho ru ag ge dgod/ nub tu ug ge dgod/ byang du drang ze dgod/ shar lhor shang ze/ lho nub tu da khod/ nub byang du ni khod/ byang shar du nyi zla dgod/ lug gi snying srog pa rtsa dang ma bral bar dgra bo'i ming byang gzhug dar dkar gur phub/ shar du khrag sna'i gtor ma/ lhor sha sna'i gtor ma/ nub tu rus pa/ byang du khrag sna/ sgo bzhir yang shar du mchin pa/ lhor sha chen/ nub tu mcher pa/ byang sgor tshil bu/ bshos bu ma/ khyid re ba dgu/ myug rgod re re/ phod dkar re re/ ming byang re re'o// bag zan la gzugs byas te/ shar du lug lhor bya/ nub tu ra/ byang du khyi byas la mi rus re re sker gdags so// dkyil 'khor gyi lho nub tu 'brub khung du dam sri'i gzugs ming rus gzhug byang shar du sha khrag gi gtor ma la tshil chen gyi zhal khebs bya'o// dpal drag sngags zla gsang nag po bshan pa spu gri'i rgyud las/ srog zan chen po bsgrub pa'i le'u ste don bzhi pa'o// // de nas bdag nyid ya mAn+ta kar bsgoms la/ drag sngags 'di dag go/ oM 'bra sha ma hA rA dza swA ha/ oM khu le ma hA be ra swA hA/ oM a ge ru tra swA hA/ oM ug ge ma le swA hA/ oM drang ze ba ba swA hA/ oM shang ze shang ka ri swA hA/ oM da khod bi bi pa ra swA hA/ oM ni khod ba ra hi de swA hA/ oM sUr+ya tsan dre ma hA khu le swa ha/ de dag ni rtsa sngags nas bod pa'o// / rtags ni gong dang 'dra'o// de nas rbad sngags ni/ oM ma hA pra ma rak+ta rak+ta mun tra/ ma hA shi khe tso ka tsa la bing bing dgra bo ma ra la hab hab/ ces zad do// ma hA sa ma yA rak+Sha ma hA ra tsa thun thun phrol phrol/ zhes lha dang dbye/ dpal drag sngags zla gsang nag po bshan pa spu gri'i rgyud las/ srog zan chen po'i drag sngags te le'u don lnga pa'o// // de nas yang de ltar bsgrub nas phur thun byas te/ dbus nas phur pa phyung la/ hUM shar ging raM srog bdag snying 'byin kI li kI la ya/ tsit+ta mugs dkar po snying 'byin lhan/ zhes nyi shu rtsa gcig bzlas la snying la gdab bo// hUM/ shar ging raM srog bdag khu le shod khrag skams badz+ra mugs ti tsa sha rak+ta rngubs ldan/ phrag khyim la gdab/ hUM shar ging re srog bdag ag ge tsi li tsi li sa ma thibs thibs/ nu ma la/ hUM shar gi ra sgrol ging / ge na sha mun ta tshal pa tshal pa/ hUM hUM hUM ka ru hu ra hu ra/ spyi gtsug tu/ hUM shar ging raM shan pa drang ze bi la bi gu ya ma thibs nan/ sha ra phaT/ mkhal khung du/ hUM shar ging raM shang ze ma sa la khu ma ta ra tsa dgra bo mA ra ya phaT dzaHmchin pa/ hUM shar ging raM da khod ya/ ru rtse kha la ma sho na phur shag phu phaT dza/ sha mtshan rmen bu la/ hUM shar ging raM ni khod me kha kha ru rtse bag sha bag sha ru rag me mu ru mu ru phaT dza/ mcher pa la'o// hUM shar ging raM srog bdag sUr+ya tsan+da ba la lu ba ga le rak+ta mAM sa sha khrag rngubs rngubs/ rkang pa la'o// de nas thun du bya ste/ oM ma ma ma ru thun b+h+yo/ ma ra rA tsa thun b+h+yo b+h+yo/ ma hA pa tsa ma hA de wa ru dra b+h+yo b+h+yo// zhes bsad do// dpal drag sngags zla gsang nag po bshan pa spu gri'i rgyud las/ srog bdag gi phur thun gsang ba'i le'u ste don drug pa'o// // de nas srog gi bdag po nyid kyi gtor thun drag po bya ste/ gtor ma bca'/ gtor mar dgra bo'i ling+ga brub/ srod la gshin rjer bsgom/ tho rangs la gsang phye dang thun brdeg drag sngags 'di'o// oM badz+ra suM tri rak+Sha rtsa dar/ mA ra ya rbad/ ru lu ru lu hUM b+h+yo hAM/ tri tsa pa la/ a shug me swA hA/ mA ra ya ni hUM dza rbad/ tri tsa pa la ya na ma ma sho dza/ ma ma ra tri/ su tri rag sha b+h+yo dza/ thib thib tsa tra b+h+yo hUM dza/ snying kha rag b+h+yo/ dun tri b+h+yo dza dza/ rbad ti nan tri shig/ badz+ra su tri raka sha che ge mo mA ra ya/ rbad thu rbad thu nr-i la nr-i rgyug breng bruM ri la sa ma ya dung / ling rbud du b+h+yo/ oM badz+ra suM tri rak+ka tsa mA ra ya rbad trig nan shig shig se na dum bur rngubs/ kha rag rma sha rbad/ suM tri rak+ta tsa dur yu thun b+h+yo// badz+ra suM tri rak+kha dgra la rgyug breng thum/ sa ma ya du ling rbad b+h+yo b+h+yo// zhes drangs te gsol ka yang bya/ rtsa ba las kyi sngags khungs sprugs pa'o// dpal drag sngags zla gsang nag po bshan pa spu gri'i rgyud las/ gtor thun gyi le'u ste don bdun pa'o// // de nas srog bdag spun gsum gyi ltas ngan la/ glang khra bo dang / bya dkar po dang / khyi dkar po'i tsit+ta gsum/ rdo pha bong long bu gsum gtar bcug la/ hUM shar ging raM shag rgyug rgyug/ raM rgyug srog la rgyug/ sha sha dgra bo'i snying la sha 'brul til raM khyer sod srog/ bse dung dung phob// bya dung phob/ ba ti ba ti/ zhes brjod do// dpal drag sngags zla gsang nag po bshan pa spu gri'i rgyud las/ lhas ngan gyi le'u ste don brgyad pa'o// // de nas zhag sum brgya drug cu la/ ye 'drog gtong ba'i las ni/ bshos bu dang gser phud la/ ba bla btab la bya'o// tshong dang sho la thob shor btang na/ bshos bu byang phyogs su 'phang ngo // oM ya ma ri maM/ bem srog rtsa la khangs khangs me ru bye ru swA hA// de nas ser ba 'bebs na khyi nag zod par dug khrag las sle tres bsres la bya'o// oM se ra pre sha thod b+h+yo/ na pa chem b+h+yo/ hur tshal b+h+yo/ kha shar phra be shar shar chem chem b+h+yo/ zhes 'phang na pheb nges so// bshan pa spu gri'i rgyud las/ ye 'drog gtong ba'i le'u ste don dgu pa'o// // de nas yang rgyal po bsrung ba'i sngags la/ oM kha ru she shag she pra ma la ma tra kha trag swA hA/ de nas nor lha bsgrub na bum pa bca' la/ bum pa 'bru sna dang rin po ches bkang la/ mis mi mthong sar sbas te/ oM dzi bi le dzam be le she ba la ma go me suM suM truM truM swA ha/ zhes phrin las 'grub bo// yul byes yor dgra mi yong bar byed na/ bye ma la bzlas la phyogs bcur gtor ro// oM na se na se haM shing gar gar ma ru lu ru lu phaT phaT b+h+yo b+h+yo/ bdag gam gzhan la rgyal po gnod na 'di dag go/ sne'u dang / skyer pa/ gu gul la bzlas la gtor/ sum pa ha ra tsa pa sha zhil zhil shan ti swA ha/ ma ha rA tsa shan ti swA ha/ rigs rgyud bcad na/ ling+ga hor khri'i sgo ngar bcug nas sngags 'di dag go/ oM ma hA kA la gra pa de mo bdud rnams rngam rngam swA hA/ dpal drag sngags zla gsang nag po bshan pa spu gri'i rgyud las/ srog bdag chen po gsang ba'i le'u ste brgyad cu pa'o// // de nas yang bcom ldan 'das nyid kyis gnod sbyin ka la yak+sha'i sgrub thabs 'di gsungs so// dur khrod chen po'i gnas dag tu// dkyil 'khor mthing nag gru gsum la// zla gam gsum dang ldan par byas la/ me ri bri'o// de nas dbus su gshed po dgod/ mdun du gnod sbyin dgod/ mtshan ldan b+han+da dum bu gsum pa ru/ phud dang snying khrag bsre/ dam rdzas so// rabs chad thod pa gcig tu nyung nag/ mtshe/ lan tshwa/ dugs dme khrag/ de ltar bkang la ling+ga brub bo// 'khor lo bris la ling+ga bcad do// de nas skad cig la gnod sbyin bskyed la/ spyan drangs te/ e h+ye hi yag sha pa ra sha bi bi sa ma ya sA hA/ zhes spyan drangs la mchod pa sna tshogs bshams la mchod do/ oM ra ra be sa pa 'u pu tsakra ma hA pU dza hoH/ zhes dbul lo// de nas srog snying drangs te/ au b+ha hu ri ti dza ma ka la/ ma g+ha la bag sha dza/ ru ta ma ru ru dza/ snying la shar shar ru dza srog breng breng bruM dza/ rtags ni sku ston/ sa g.yo/ de nas drag sngags 'dis brdeg go/ oM dza laM ma ha/ dza laM dag sha/ bag sha/ sti bu sad/ de la laM bag sha swA hA/ zhes bzlas nas 'khor lo dang / thod pa chu mig tu sbas na khrag tu skyug go// dpal drag sngags zla gsang nag po bshan pa spu gri'i rgyud las/ srog gcod spu gri'i le'u ste gya gcig pa'o// // de nas yang drag sngags 'di dag go// oM b+ha hu ri ta dza la ga la bag sha dza srog la breng breng rbad/ ces pa 'di ni drag sngags yang dag pa'o// de nas bse zho dang btsan dug la sngags te bzlas nas sha la reg pa'i gos la bskus na/ lhog pa dkar por 'gyur ro// yang na skrangs so// phag pa dang sbyang ki'i mche ba dang / wa rtug dang spyang rtug la/ nyi ma'i gung ngam nam phyed na sngags de bzlas nas mkhar la brgyab na 'jig par 'gyur ro// thog 'bebs par 'dod na/ srin rdo/ gdung chen/ na ri raM rnams thod pa dum gsum du blugs par yugs sa'i khrag dang sbyar te sngags dang bcas pas lha rten 'og tu sbas na thog 'bebs par 'gyur ro// dpal drag sngags zla gsang nag po bshan pa spu gri'i rgyud las/ thog 'bebs pa'i le'u ste gya gnyis pa'o// // de nas yang bcom ldan 'das kyis gdug pa klu'i zla gsang 'di gsungs so// bdag nyid khyung gi nga rgyal gyis sngags 'di bzla bar bya ste/ na du tro sa na d+hi sa la du sa ni pa ra si ti swA hA/ khros pa'i nga rgyal gyis/ ta ki dza de byi dzaHde hA ya hU ya/ hu lu hu lu su ru te su ru swA hA/ de nas rang nyid rdo rje'i bya khyung du bskyed la/ spyan drangs shing / bzhugs su gsol ba/ phyag bya ba/ mchod cing bstod pa dang bzlas pa dang ba li dang dkar gsum 'bru sman gyis mchod cing / oM rA dza ma hA ga ru Ta/ hUM ba li pA dza ba lin+ta khA hi/ zhes dbul lo// de nas sngags 'di rgyun du bzla/ od kaM od kaM khyung ka ra khyung ka ra/ sha ma ra dbyig du/ oM badz+ra ma hA kro d+ha hUM phaT/ mkha' lding gso ba'i las kyi mchod pa dang bstod pa la'ang 'bad par bya'o// dpal drag sngags zla gsang nag po bshan pa spu gri'i rgyud las/ klu sgrub kyi le'u ste gya gsum pa'o// // de nas yang klu'i dkyil 'khor du dbang bskur ba'i cho ga sgrub par byed pa 'di gsungs so// gang du bya ba'i gnas ni mtsho 'gram dang / chu mig dur khrod sogs su cha mnyam pa'i maN+Dal ba byung rnam lngas byug cing / hUM sa ma ya oM gyis byin gyis brlabs la pad+ma 'dab brgyad mu khyud can/ gru chad sgo dang bcas pa bris la/ dbus su gnyen po/ 'dab ma la klu brgyad gru chad bzhi la klu mo bzhi po rnams rang sngags dang ming bri zhing rgyun du bzlas pa'i yi ge dgu po 'di gsungs so// hUM nA ga rA dza sa ma ya che ge mo zhig tsit+ta dza la/ zhes bsgrub par bya'o// de nas grub pa'i rtags mthong ba na dbang bskur ro// de'i sngags ni/ oM AHhUM nA ga yu nA ga yu/ nA ga yu ru dz+wa la ni/ nA ga sa ma ya swA hA/ dam tshig rten 'brel gyi snying po 'di yang sbyin par bya'o// nA ga li li tri ya sa tri ni tra/ za ro tri/ tri ya ku ru/ sa tri yaM dzaH/ he he hUM hUM b+h+yo dza/ zhes rten 'brel gyi snying po yongs su rdzogs ra bya'o// de nas klu'i sbyor ba ni// na ga gang na gnas pa'i sa blangs la klu'i rgal po'i gzugs byas lus bcu mgo gcig sbrul mgo bdun gyis brkun pa g.yas pas rin po che'i bum pa/ kha dog mthing ga lus kyi chu srin mnan pa byas la/ oM phuH'di ni 'di'i rgyu yin/ nA ga ra dza ba su ki ni staM/ zhes pa de bzhin bskyed la/ nA ga rA dza ba su ki ni dza dza/ zhes gzhug go/ de nas bdag nyid lhar bsam ste drag po'i sngags 'dis gtad las bya/ nA ga rA dza dzaHhUM baM hoHche ge mo A kaR+sha ya/ A kaR+sha ya/ hUM tsin yaM tsin yaM/ len yang len yang / nA ga chings/ nA ga sdoms/ de skad ces ni rab tu brjod/ o laM suM laM pra ti sta na na/ sti ta sti sta che ge mo laM nan/ staM b+ha nan/ sa nan/ oM nam nam nyi khas bye'u char khas/ pra nan pra khas/ nA ga pu nA ga pu/ nA ga laM nA ga laM/ de nas drag sngags bshad bya ba/ oM bi tsa tri pa la ki la hUM phaT/ bdun 'bum grangs/ oM bi tsa pa li ka chums chums myog myog hUM phaT/ bsgrub pa'o// gsad pa ni/ oM pi tsi tri li li li ka d+ha ra d+ha ra mA ra ya hUM hUM phaT/ brgya rtsa brgyad bzlas shing chu mig gi mdar/ skyer pa/ pra ma/ kyu ru de la me btang te/ sbrul nag po'i ro dang / sbal pa nag po'i ro dang / sdig pa nag po'i ro/ sdom nag po'i ro/ dgra bo'i ming rus dang bcas te/ bsregs nas chu mig tu blugs so// yul du gtor na mdze yams su 'bab bo// d+ha du ra'i rtsa ba cha snyoms por byas te/ sngags de btab nas btang na glang thabs su 'gum mo// d+ha du ra dang / zang phrom/ sug pa byang ba rnams cha mnyam par drag sngags btab ste btang na khrag bshal bar 'gyur ro// me tog lug mig dang / khyi zho dang / sbrang rgod gsum sbyar te btang na/ yan lag skam nas 'gum mo// dpal drag sngags zla gsang nag po bshan pa spu gri'i rgyud las// le'u ste gya bzhi pa'o// // de nas yang ri bong gi sha dang / 'ug pa'i sha skyer pa rlon pa'i du bas bdugs te btab na/ za 'phrug gis 'gum mo// dug mu zi dang drod sman sbyar te btab na mig long ngo / kha shog pa dang / mgo 'khor ba'i rdzas/ lhang tser mdug la sbyar na spyo bar 'gyur ro// dpal drag sngags zla gsang nag po bshan pa spu gri'i rgyud las/ le'u ste gya lnga pa'o// // de nas lag na rdo rjes 'di skad ces gsol to// kye kye dpal 'bar khro bdag rje// gdug byed lha srin 'di dag la// gnad dang gtsun thabs ji lta bu// srog dang bla rdo ji ltar lags// gtad thabs drag por bsdus pa gang // zhes zhus pas bka' stsal pa/ legs so phyi rabs don du lag na rdo rjes zhus pa legs pas/ lnga brgya dus kyis nyen pa la/ dregs pa khugs su ma byung na/ srog btson du bzung ba dang shis bshad de/ gshin rje nag po'i srog ni gshin yul dme nag na yod de/ lcags kyi sdig par gnas so// ga'u bca' bar ma bshad do// gsang sngags go bzlog gnad kyi mchog yin no// dpal drag sngags zla gsang nag po bshan pa spu gri'i rgyud las/ le'u ste gya drug pa'o// // de nas bdud thams cad ni srog gcig tu gnas so// gnas ni brag nag spungs pa'i ri rab na gnas/ bla rdo ni rdo nag po snag tsha 'dra ba rdo sol yin/ bca' ba ni lug gi snying du bcug la/ ra ru du zhes pa'i sngags dang bcas pa dar nag khug mar gzhug go/ 'khu na bla rdo 'og tu gzhug go/ de ni srog zin pa yin no// dpal drag sngags zla gsang nag po bshan pa spu gri'i rgyud las/ bdud kyi srog dang bla rdo'i le'u ste gya bdun pa'o// // btsan ni nags tshal me'i dgon par gnas/ bla rdo me rdo mchin kha yin/ srog ni dza shu ya zhes bris te/ ra dmar snying du bcug la/ dar leb rgan gyis gril lo// 'khu na gong ltar bya/ ma mo ni dug mtsho mer ba'i nang na gnas/ bla rdo ni g.yu rdo yin/ srog ni ma ma ru lu zhes bris te/ bya nag gser mig gi snying du brub la/ dar sngon nang du gril bya'o// dpal drag sngags zla gsang nag po bshan pa spu gri'i rgyud las/ btsan dang ma mo srog bzung ba'i le'u ste gya brgyad pa'o// // de nas gza'i gnas ni ri rab kyi zom na gnas/ bla rdo ni dkar phra men yin/ srog ni ra ke te swA hA/ zhes pa ra rog gi snying khug tu bcug la/ dar nag tu gril te 'khu na gong ltar bya'o// lha dbang phyug chen po ni 'dod khams kyi ya tha na gnas/ bla rdo pha bong long bu yin/ srog ni a de wa zhes bris nas/ dar spug pos gtum mo// dpal drag sngags zla gsang nag po bshan pa spu gri'i rgyud las/ lha rgod gza' rgod srog bzung ba'i le'u ste gya dgu pa'o// // de nas gnod sbyin ni nags tshal dra ba can na gnas/ bla rdo ni pha bong long bu/ srog ni k+She ya k+Sha bris te/ dar srus dkar byas pa'i nang du gtum la bcang ngo // rgyal po nyi zla brtsegs pa na gnas/ srog ni rA tsa tri yin te/ khyi dkar tsit+tar dar dkar gril la bcang / klu ni rgya mtsho'i gting na gnas/ bla rdo ni gzi zlum yin/ sa nA ga zhes bris la/ sbrul gyi pags par gtum mo// dpal drag sngags zla gsang nag po bshan pa spu gri'i rgyud las/ gnod sbyin rgyal po klu'i srog bzung ba'i le'u ste dgu bcu pa'o// // de nas bcom ldan 'das nyid kyis/ dregs pa pho bdun mo dang brgyad kyi drag sngags 'di dag gsungs so// bsad pa dag gi bsgrub pa la// dril te bsgrub la gtor te gtad// man+dal 'khor lo rtsibs brgyad bri// srog gi snying po 'di dag go/ drag kha 'dar sha dun/ tri ling shang ka kha dun rak+Sha ya/ nA ga ra ni rak+ta chums/ tsan+ta rak+Sha kha dun ya/ ma mo rak+Sho tsi ta kha/ rak+Sha yak+ka kha du na ya/ e sa a ka shu la dza la raM/ kha dun rak+Sha hri du na sa ma ya/ zhes zhag ni bdun du ngal dub spang // de nas gtad pa'i las bya'o// dpal drag sngags zla gsang nag po bshan pa spu gri'i rgyud las/ sde brgyad 'gugs pa'i le'u ste go gcig pa'o// // de nas yang dregs pa can de dag 'grub nas/ ri rab chen po'i mchod rten rab gnas byas pa'i lha 'dre chags pa gcig la gtad rdzogs par byas te/ rtags blta ba'i phyir rang rang ngo // gta' rak+ta la gtor du gzhug pa'i phyir rtags thon la gtang / dregs pa 'khu ba mi 'ong bar bya ba srog rten ga'u bca'// rang gis ma nyes par byas la/ dbang gzug grub ma grub rjes dang rmi lam brtag dmigs pa'i rten bca' ba'i phyir bka' stsal pa/ gtad khram drag pos dgra phung bar bya ba thod pa dang 'khor lo bca'// dpal drag sngags zla gsang nag po bshan pa spu gri'i rgyud las/ le'u ste go gnyis pa'o// // de nas yang gtad sngags ni/ traka rak+Sha kha dar rak+Sha dun/ ha la yak+ka ya ni dza/ tri dun kha la te yak+ka rbad/ dza dun kha la rak+Sha ya/ tri ling sha ka kha dun rak+ka ya/ shaM ka du ni yak+ta dza/ ma ni dza dur yak+ka snying la b+h+yo/ nA ga ra ni rak+ta chums/ nA ga rak+kha kha dun dza/ dza ni rak+Sha snying la rbad/ kha la tse nA ga snying la ya/ tsan+da rak+kha kha du na ya/ yak+ka haM tig kha la ya/ bi rA dza ni snying la rbad/ kha rag yak+ka ya ni rbad/ ma mo rak+Sho tsit+ta kha/ ma mo rak+Sho snying la dza/ snying khrag kha la rak+Sho rbad/ ma mo rak+Sha snying la ya/ rak+ta yak+ka kha la du na ya/ kha rag nag po snying la dza/ ya ga yak+ka ya ni rbad/ ha ri kha la rak+kha ya/ e pa a shug dza la raM/ rak+ka tshal pa e dza dza/ ma ra gu te sha ya snying la rgud/ shu bo rak+Sha snying la rbad/ kha dun rak+kha hring hring sa ma ya dun/ hring hring shag pa tri ya/ mi ni rag tra srog la rbad/ khro b+h+yo ta b+h+yo las la ya/ dpal drag sngags zla gsang nag po bshan pa spu gri'i rgyud las/ sngags kyi le'u ste go gsum pa'o// // de nas rmi lam rjes dang ni// mngon sum pa yi rtags bstan pa// dam tshig rab la sku dag ston// 'bring la mi rjes dang tha ma rmi lam mo// 'phro la 'phrod pa dang / zur bzhi pa phra la 'khrug pa zur gsum pa/ bshal 'dra ba/ brkos pa 'dra ba/ 'phras tshul kha drag go/ rmi lam ni 'dab chags dang / sha rkyang dang / nya sbrul sram sbal pa dang / 'bri gnag dang / khyi bu chung 'bag me dang / rta pa dang / chu dang / mtshon cha dang / ma dang chung ma dang / ma bu 'byung / de ltar byung na gtad par bya/ dpal drag sngags zla gsang nag po bshan pa spu gri'i rgyud las/ dregs pa'i rtags bstan pa'i le'u ste go bzhi pa'o// // de nas yang rdzas bstan pa ni/ bla rdo lnga dang bya rgod sha snying dang / bya'i sha sna gnyis dang / bya rgod spos dang / dri sna tshogs dang / sngon po rta zod dang / rta sngon snying dang / stag gzig gi gzugs dang snying dang / glang chen thod pa dang / ba dmar glang dmar snying dang / ba'i 'o ma dang / rtsi sman dang / 'brug dang mngar dang / 'bri rog gi thod pa dang / snying dang sha sna dang / shel nag thod pa dang / bya lug spug nag gi gzugs dang sha dang / rta nag po'i thod pa dang / rta nag lug nag krung ka'i snying dang / bya se bo'i thod pa dang / bya se lug se gro bo'i snying dang / khyi dkar po'i thod pa dang / bya dkar khyi dkar spre'u dang / byi la dang ra dkar ro// dpal drag sngags zla gsang nag po bshan pa spu gri'i rgyud las/ gta' rdzas dang sgrub rdzas kyi le'u ste go lnga pa'o// // de nas srog rten bca' bar ras sam rgya shog la 'khor lo rtsibs brgyad du bya'o// dbus zlum por bzhag/ 'khor lo la bod sngags bri/ khyud bskor du rbad sngags bri/ me ris bskor te dbus su bla rdo bklubs la/ bu mo mtshan ldan ma'i snying lpags su phur la/ ga bur/ 'ur/ bcug la dbus su gzhag go/ dpal drag sngags zla gsang nag po bshan pa spu gri'i rgyud las/ srog rten bca' ba'i le'u ste go drug pa'o// // de nas lag na rdo rjes 'di skad ces gsol to// kye kye/ bcom ldan 'das drag sngags mgur du dril ba bshan pa spu gri'i rgyud las dang po ji ltar byung zhing gang las brgyud/ tha ma dar dus ji ltar yin/ yongs su rdzogs pa'i gtad sa gang // zhes zhus pas/ nyon cig/ thugs rje chen po dang ldan chos kyi sku// mnyam pa chen po kun bzang sku de yis// bstan pa rin po che la rab tu dgongs// dus ngan las kyis mnar bas zhing bcu gdul slad du// gur gum 'dra las chu nag lta bur sprul// dregs pa btul te dur khrod chen por gsungs// dpal drag sngags zla gsang nag po bshan pa spu gri'i rgyud las/ le'u ste go bdun pa'o// // dus ni lnga brgya phrag bcu zad tsam na// rig 'dzin kun gyi dngos grub yal tsam na// dus gsum sangs rgyas sprul pa 'jig rten pa// dregs pa'i drag sngags 'di nyid dar// de yi dus su dregs pa can khyed rnams kyis// rnal 'byor pa dam la gnas pa rnams bsrung ba dang / bskyabs pa dang / las bya ba ci bcol ba dang / 'khor dang nor spel ba dang / ci la ci bskos pa de ltar gyis shig/ mthu stobs kyi bdag pos dbang mdzod la/ gang zhig slob dpon spang ba/ dam la mi gnas pa/ dregs pa can/ rang don la dmigs pa/ de dag la lha srin gyis chad pas chod cig/ dam tshig dang ldan pa rnams kyi las mi byed na// phyag na rdo rjes mgo khos shig/ ces gsungs so// dpal drag sngags zla gsang nag po bshan pa spu gri'i rgyud las/ dus gar dar dang / lha srin la bka' bsgo ba'i le'u ste go brgyad pa'o// // de nas yang bcom ldan 'das nyid kyis 'di skad ces gsungs so// chos nyid rang bzhin ye nas lhun grub pa// ye shes dkyil 'khor rang byung chen por shar// gdug pa 'dul phyir dregs pa'i srog snying phrogs// bstan bsrung tha mar gsang bdag khyod nyid dang // lha dang mkha' 'gro rnams la gtad do thub par chongs// zhes rgyud lha srin la gtad do// de nas yang dregs pa'i bdag po lag na rdo rje dang / lha srin 'khor dang bcas pas/ me tog la sogs pa bye ba char du phab nas// mngon par bstod do// gtso bo nyid kyis bka' stsal nyan pa rang dam rang gis bcas so// dpal drag sngags zla gsang bshan pa spu gri'i rgyud las/ rgyud gtad cing rjes su yi rang ba'i le'u ste go dgu pa'o// // bshan pa spu gri'i sngags rgyud rdzogs so// // bal po'i rgyal po ba su d+ha ra dang / bod kyi lo tsA ba bdag 'dra gnubs kyi ban chung yang dbang gter gyis yul bal yul gyi gnas b+ha ra sa'i brag phug tu bsgyur te gtan la phab pa'o// rna brgyud bdun las/ bshan pa spu gri'i dregs pa sna tshogs zla gsang dmod pa dam pa yin no// /