| Wylie | e-texts produced with BDRC’s OCR application |
གསང་ནག་པོའི་རྒྱུད་རྫོགས་སོ།། །། སློབ་དཔོན་བ་སུ་དྷ་ར་དང་གནུབས་ཆེན་སངས་རྒྱས་ཡེ་ཤེས་ཀྱིས་བསྒྱུར་བའོ།། @#།། རྒྱ་གར་སྐད་དུ། ཤྲི་ཙནྡྲ་གུ་ཧྱ་རུ་དྲ་མནྟ་ཀ ་ལ་ཨཱ་གྷ་ཏུ་ཀ་ཀྵཱ་ར་ཏནྟ། བོད་སྐད་དུ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད། དཔལ་ཁྲོ་མཆོག་ཡ་མཱནྟ་ཀ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ་ལྷོ་ཕྱོགས་གཤིན་རྗེའི་ཡུལ་རོ་མྱགས་ཆེན་པོའི་ཚལ་ན་དུར་ཁྲོད་ལྕགས་ཀྱི་ཁང་སྒྲོམ་འབར་བ། རྨང་གསེར་གྱི་གདན་ལ། ལོགས་ལྕགས་སུ་སྣང་བ། ཐོད་པའི་འབུར་ལ། རཀྟའི་ཆུ་རྒྱུན་དུ་འབབ་པ། ་རྩེ་མོ་འཁོར་ལོས་བསྡམས་པ་ལ་ཞག་འཛག་པ། ཁྲག་གི་རྒྱ་མཚོ་ཁོལ་ཞིང་འཁྲུགས་པ་གནམ་ལྕགས་ཐོག་གི་ཚ་ཚ་འཕྲོ་བ། རུས་སྦལ་གྱི་མ་ཐེམ་ལ། ཆུ་སྲིན་འབར་བའི་ཁྲིགས་གཏང་བ། རོ་ཉེ་ནག ་པོས་སྐྱེས་བུ་བྱས་པ། བྱ་ཁྱུང་འབར་བས་ཡ་ཐེམ་བྱས་པ། ཞིང་ཆེན་པོའི་བླ་རེ་དང་། རོ་ཆེན་པོའི་རྒྱལ་མཚན་ཕྱར་ཏེ། འདི་ལྟ་བུའི་ཆུ་སྲིན་གྱི་རྒྱལ་མཚན་དང་། སྟག་གི་རྒྱལ་མཚན་དང་། སྦྲང་ཀིའི ་རྒྱལ་མཚན་དང་། བྱ་རྒོད་ཀྱི་རྒྱལ་མཚན་དང་། དོམ་དང་དྲེད་ཀྱི་རྒྱལ་མཚན་དང་། སྤྲེའུའི་རྒྱལ་མཚན་དང་། སྦལ་ནག་གི་རྒྱལ་མཚན་ཏེ། དེ་དག་ལ་སོགས་པ་ཕྱར་བ། ཙིཏྟ་སྤྲིན་ལྟར་གཏིབས་པ ་བྷནྡ་ལྕང་ལོ་མུན་ནག་པར་འཐིབས་པར། ཉི་མ་དང་། ཟླ་བ་དང་། སྐར་མ་དང་། གཟའ་དང་། གྲངས་སྔབས་དང་། སེར་བུ་དང་། རླུང་ནག་པོའི་དྲལ་གྲབ་ཏུ་བཏང་བ། བསེ་དང་མི ་རོའི་ཀ་གདུང་འཁྲོལ་བ། དུར་ཁྲོད་ཀྱི་མི་རེ་འབར་བ། དེའི་གཏིང་དུ་གཏི་མུག་གི་མུན་པར་གཏིབས་པ། ཤར་ན་ཞེ་སྡང་གི་མེ་འབར་བ། ལྷོ་ན་ང་རྒྱལ་གྱི་བྲག་རི་གཏམས་པ། ནུབ་ན་འདོད་ཆགས ་ཁྲག་གི་རྒྱ་མཚོ་འཁྲུགས་པ། བྱང་ན་ཕྲག་དོག་དུག་གི་རླུང་ནག་འཁྲིགས་པ། རྒུད་འདི་མ་ཕྱི་གཅིག་སོར་བཞག་ལས་དཔེ་སྔར་ས་མ་རྙེད། དུར་ཁྲོད་ཀྱི་རོ་རུལ་བ་དང་། སྔོས་པ་དང་། བམ་པ་དང་། ཚིགས་པ་དང་རུས ་པ་འབྲུལ་བ་དང་། ཆད་པ་དང་། ལྷུ་དུམ་དང་། འཕེལ་ཀ་དང་། བསྟ་དང་། གན་དང་། ཕུབ་དང་། འགྱེལ་བ་དང་། རེངས་པ་དང་། འཁུམས་པ་དང་། རོ་མ་འདྲ་བ་ཉག་ཉག་དང་ཁར་ཏག་ཏག ་སེར་སེར་པོ་དང་། དེ་ལྟ་བུའི་དབུས་བསྐལ་པ་མེ་དཔུང་འབར་བའི་ཀློང་ཡངས་ན། དཔལ་ཁྲོ་མཆོག་ཡ་མཱནྡ་ཀ་ཞི་བ་ཀུན་བཟང་མཉམ་པ་ཉིད་ཀྱི་སྐྲ་ལས། ལས་ཀྱི་སྲིན་པོ་ཁྲོས་པའི་ཆ་བྱད། ་རྡོ་སྟང་ཟིལ་ནག་པོ་བཅག་པའམ། དབྱར་གྱི་སྤྲིན་ལྟ་བུའི་གདུག་པ་ཅན་འདུལ་བའི་ཆ་ལུགས་སུ་བཞུགས་སོ།། དེའི་ཚེ་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་ཡང་གནོད་སྦྱིན་དྲེགས་པའི་གཙོ ་བོ་མཛད་དེ་མདུན་དུ་བཞུགས་སོ།། ཡེ་ཤེས་རྣམ་པ་བཞི་ལས། རིགས་བཞིའི་ཁྲོ་བོ་ནི་ཡ་མཱ་ར་ཛ་དང་། མྱོས་བྱེད་འབར་བ་དང་། མེ་རུ་ཙེ་ཕགས་པ་དང་། རལ་པ་ཚར་དགུའོ།། གཞན་ཡང་ཕྱོགས ་བཅུ་ནས་ཁྲོ་བོ་ཆེན་པོ་བཅུ་དང་། ཕོ་ཉ་ཉི་ཁྲི་བཅས་པ་དང་། གཞན་ཡང་འདི་ལྟ་སྟེ། འཇིག་རྟེན་བརླག་པར་བྱེད་པ་གཤིན་རྗེ་ནག་པོ་དང་། སྲིད་པ་ཁྲམ་ལ་འདེབས་པའི་བདུད་པོ་ཕོ་མོ་དང་། ་གཟེར་ནད་ཁྲག་ཏུ་སྐྱུག་པའི་བཙན་ཕོ་མོ་དང་། སྒྲོ་འབོག་བརྒྱལ་ནད་གཏོང་བའི་གིང་ཕོ་མོ་དང་། སྲོག་གཅོད་སྤུ་གྲི་ཐོགས་པའི་གནོད་སྦྱིན་ཕོ་མོ་དང་། གནམ་ལྕགས་ཐོག་སེར་འབེབས་པའི ་གཟའ་གདོང་ཕོ་མོ་དང་། མཛེ་ཤུ་ལྐོག་རྒོད་འབེབས་པའི་ཀླུ་བདུད་ཕོ་མོ་དང་། རིམས་ནད་དྲག་ཏུ་འབེབས་པའི་མ་མོའི་འཁོར་ཚོགས་དང་། དྲི་ཟ་ཁ་དུན་རཀྐ་ལ་སོགས་དང་། གཤིན་རྗེ་གཤན་པ ་ནག་པོ་དང་། ཀླུའི་རྒྱལ་པོ་ན་ག་རཱ་ཛ་དང་། གནོད་སྦྱིན་གྱི་རྒྱལ་པོ་ཡཀྵ་ནག་པོ་དང་། བདུད་གྱི་རྒྱལ་པོ་ཧ་ནུ་རཀྵ་དང་། བཙན་གྱི་རྒྱལ་པོ་ཤུ་བོ་སྲོག་ལེན་དང་། སྲོག་བདག་རྒྱལ་པོ་དཀར་པོ་སྙིང ་འབྱིན་དང་། འཇིག་རྟེན་དྲེགས་པ་གཟའ་རྒོད་མིག་དམར་དང་། གནོད་སྦྱིན་ནག་པོ་མིག་གཅིག་དང་། བཤན་པ་པྲ་མ་རཱ་ཛ་དང་། སྲིན་པོ་ནག་མོ་ཁྲག་འཐུང་དང་། སྲོག་བདག་གནོད་སྦྱིན ་གླུ་རང་དང་། སྲིན་པོ་དྷ་ཤ་གྲཱི་བ་དང་། ཤེལ་གིང་རུ་ཀ་དཀར་པོ་དང་། བདུད་ནི་རྟག་དགུ་སྤྱན་གཅིག་དང་། ཀླུ་མོ་ཧ་བ་ཤ་བསེ་གདོང་མ་ལ་སོགས་ཏེ། ཤ་ཟ་ཁྲག་འཐུང་དང་། རུས་པ ་འཆའ་བ་དང་། དབུགས་ནི་དུག་གི་མེ་ལྕེ་འབར་བ་དང་། ཁ་རླངས་དུག་གི་ཆུ་རུ་འབབས་པ་དང་། ལ་ལ་དུ། ལ་ལ་རྒོད། ལ་ལ་ཁྲོ། ལ་ལ་རྒོལ་དང་། འབོད་དང་ཆོ་དེ་རྡུང་བ་དང་།། ཀུ་ཅོ་འདོན ་དང་ཙིར་སྒྲ་འདོན།། དུར་ཁྲོད་བྱ་དང་ཀང་ཀ་དང་།། ལིང་དུ་ལ་སོགས་འཁོར་དང་བཅས།། ཧ་ལ་ཧ་ལ་ཞེས་པ་དང་།། ཀྱེ་ཧུད་ཀྱེ་ཧུད་ཅེས་པ་དང་།། ཀང་ཀང་ཀེང་ཀེང་ཟེར་བ་དང་།། ཧ་ཧུ་ཧ་ཧུ་ཟེར ་བའོ།། དཔལ་ཟླ་གསང་དྲག་སྔགས་བཤན་པ་སྤུ་གྲིའི་རྒྱུད་ལས། གཞི་དང་འཁོར་བསྟན་པའི་ལེའུ་སྟེ་དང་པོའོ།། །། དེ་ནས་ལག་ན་རྡོ་རྗེས་འདི་སྐད་ཅེས་གསོལ་ཏོ།། ཧེ་ཧེ་ཁྲོ་བདག་དཔལ ་འབར་རྗེ།། གདུག་པ་ཅན་རྣམས་ཚར་གཅོད་པ།། ལས་དང་བྱ་བ་བཀའ་སྩོལ་མཛོད།། ཅེས་ཞུས་པས།། དཔལ་འབར་ཁྲོ་བདག་རྗེ་ཉིད་དེ། ཧཱུཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧྲིཿམཉྫུ་ཡ་མ་རཱ་ཛ། ཧ་ལ ་ཧ་ལ། ཛཿཧཱུཾ་བཾ་ཧོཿེ་ཨཱ་ར་ལི་ཧྲཱི་ཧྲཱི། ཞེས་སྒྲ་བསྒྲགས་པས། རཀྟའི་རྒྱ་མཚོ་འཁྱོམ་འཁྲུགས་སོ།། རླུང་གི་དཀྱིལ་འཁོར་ཕྱོགས་བཅུར་ལྡེག་འཐོར་རོ།། ཀེང་རུས་རི་རབ་ཞིག་ཉིལ་ལོ།། སའི ་མནྡལ་ལྡེག་འཁྲུགས་སོ།། འཇིག་རྟེན་འཁོར་བ་སྟོངས་ལ་ཁང་དུ་གྱུར་ཏེ། དྲེགས་པ་ཅན་དེ་དག་ནི་རབ་ཏུ་ཆུམ་ཆུམ་བྲེད་དོ།། ཡིད་ཡིད་རབ་ཏུ་སྔངས་སོ།། རབ་ཏུ་འདར་རོ།། ཀྱི་ཧུད་ཀྱི་ཧུད་ཞེས ་ངུདུའོ།། དེ་ནས་བཅོམ་ལྡན་འདས་ཁྲོ་མཆོག་ཡ་མཱནྟ་ཀ་དེས། དེ་ལྟར་ཁམས་གསུམ་དབང་དུ་བསྡུས་པས། ཀྱེ་ཀྱེ་དཔའ་བོ་ཆེན་པོ་ལགས།། བདག་ཅག་འཁོར་དང་བཅས་པ་ནི།། དཔའ་བོ་ཁྱོད་ཀྱི ་འབངས་སུ་མཆི།། ཞེས་པ་ལ། དཔའ་བོ་ཉིད་ཀྱིས་བཀའ་སྩལ་པ།། ཉོན་ཅིག་ཁྱེད་ཅག་ང་ཡི་བཀའ་ཉན་ན། ཁྱེད་ཀྱི་སྲོག་གི་སྙིང་པོ་གང་།། ཞེས་པ་དང་། ཀྱེ་དཔའ་བོ་ཆེན་པོ་ལགས། བདག་ཅག ་གི་ལས་ནི་སེམས་ཅན་ཡོངས་ལ་འཚེ་བས་དཔའ་བོས་མཁྱེན། སེམས་ཅན་ནི་བདག་ཅག་གི་ཟས་སྐལ་ལགས་ན། སྲོག་སྙིང་ནི་འབུལ་ན། བདག་ཅག་གི་ཟས་སྐལ་ནི་གང་། ལས་སྐལ་ནི་གང་ཞེས ་ཞུས་པས།། སངས་རྒྱས་ཀྱི་བསྟན་པ་འཇིག་པ་ཡིན་པས། ལས་སྐལ་དུ་དེ་ལ་གྱིས། ཟས་སུ་བདུད་རྩི་དང་གཏོར་མ་ལ་གྱིས། ཞེས་གསུངས་པ་དང་། ལྷ་སྲིན་དྲེགས་པ་ཅན་གྱིས་སྲོག་གི་སྙིང་པོ་ཕུལ ་བཔཡ་མ་མེ་ད་ཀྵེ། རཱ་ཛ་ས་དོ། རུ་ན་ཡོ་ནི། རཱ་ཡ་ཙྪ་ནི། བདུད་པྲ་མ་ཡ་ཧ་ར་ཏི་རྦད་དུ། ས་མ་ཡ་ཨ་ཏི་དུ་ཨ་ར་མ་ར་ན་ཤུ་ལ་ཛ་ཛ། པ་ཤཾ་མི་ཀི་དུ་རུ་ཤིག་ཀེ་ཏ་ཀེ་ཏ་རཱ་ཧུ་ལ་སྭཱ་ཧཱ། ཏྲག་མོ་ཏྲག ་རག་མ་མ་མ་རུ་ལུ་མ་མ། ར་ཙ་གིང་ཤར་རམ་ཤག་རྒྱུག་རྒྱུག་རཱ་ཧུ་རཀྐ་ཧ་ར་ཧ་ར་རྦད། སུམ་ཏྲི་རག་རག་ཙ་ད་ར་ཏྲི་ནཱ་ག་རཱ་ཙ་ཧ་ར་པ་རྦད། ས་ནཱ་ག་རཱ་ཙ་ནི་ལ་རྒྱུག་དུམ་རྦད་དུ་རྦད། ་ཅེས་ཕུལ་ལོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲེགས་པའི་སྲོག་སྙིང་འཕྲོགས་ཏེ་ལས་ལ་མངགས་པའི་ལེའུ་སྟེ་གཉིས་པའོ།། །། དེ་ནས་ལག་ན་རྡོ་རྗེ་ཉིད ་སྟན་ལས་ལངས་ནས། འདི་སྐད་ཅེས་གསུངས་སོ།། ཀྱེ་ཀྱེ་དཔལ་འབར་ཁྲོ་བདག་རྗེ།། གདུག་བྱེད་དྲེགས་པ་འདི་དག་ནི།། སེམས་ཅན་ཡོངས་ལ་སྦྱོར་ངན་གཏོང་སྟེ་འཚེ་བས། དཔའ་བོ་ཉིད་ཀྱི ་འཁོར་དུ་དེ་དག་འདུས་པ་ལེགས་སོ།། ད་བསྟན་པ་ལྔ་བརྒྱ་སྙིགས་མ་བྱུང་བའི་ཚེ། བུདྡྷའི་བསྟན་པ་མི་གནས། ཆོས་ཉིད་བདེན་པས་མི་ཐུལ། གནས་ངན་འཛིན། གོས་ངན་གོན། ཟས་ངན་ཟ།། ་མཚམས་མེད་པའི་ལས་བྱེད། གདོན་དྲག་པོ་ཁོང་ནས་འཁྲུགས། དེ་ལྟའི་དུས་འོང་བས། དྲེགས་པ་ནུས་པའི་མཐུ་དང་ལྡན་པ་འདི་དག་ནི། རང་རང་གི་སྒྲུབ་པའི་ཐབས་ཞུ་ཞེས་ཞུས་པས། ཡ་མཱནྟ་ཀ ་ཉིད་ཞལ་འཛུམ་པར་མཛད་ནས། ཉོན་ཅིག་དེ་ལྟ་བུ་འབྱུང་བ་ལ། བསྟན་པ་སྲུང་བའི་དྲག་སྔགས་ཞུ་བ། ལག་ན་རྡོ་རྗེ་ཁྱོད་ལེགས་སོ།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ ་གཤན་པ་སྤུ་གྲིའི་རྒྱུད་ལས། གླེང་སློང་བའི་ལེའུ་སྟེ་གསུམ་པའོ།། །། དེ་ནས་དེའི་ཚེ་དེའི་དུས་ན་ཡང་ལག་ན་རྡོ་རྗེས། ཀྱེ་མ་དཔལ་འབར་ཁྲོ་བདག་རྗེ།། འཇིག་རྟེན་དྲེགས་པ་དེ ་དག་ནི།། གནས་ནི་གང་དུ་བྱ་བ་ལགས།། འཇུག་པའི་དུས་ཚིག་ཉིད་གང་ལགས།། གཉེན་པོའི་ལྷ་ནི་གང་གིས་བྱ།། ཞེས་ཞུས་པས་བཀའ་སྩལ་པ། ལེགས་པར་ཉོན་ཅིག་གནས་ནི་དུར་ཁྲོད་ཆེན་པོ ་ཀ་ཀ་ལི་ཚལ་ལམ། དུར་ཁྲོད་མ་ལ་ཡའམ། དྲང་སྲོང་གི་དགོན་པའམ། བྲག་ཁུང་གཏིང་རིང་ལྟ་བུའམ། རི་འདུས་རྩེ་དང་སྐྱེད་མོས་ཚལ།། ཡིད་འོང་བཀྲ་ཤིས་ཉམས་དགའི་གནས།། དེ་དག་སྤྱི་ཡི ་གནས་ཆེན་ཡིན། ཁྱད་པར་གནས་ནི་འདི་ལྟར་རོ།། ཤིང་གཅིག་དྲི་ཟའི་གནས་ཀྱང་ཡིན།། བྲག་ནག་གཤིན་རྗེ་དག་གིས་གནས།། ཆུ་མིག་ཀླུ་ཡི་གནས་སུ་བཤད།། ལྷ་ཁང་དབུ་རྩེ་རྒྱལ་པོ ་ལ།། དུར་ཁྲོད་དག་ནི་མ་མོའི་གནས།། བྲག་ཆུ་འཐབ་པ་ཀླུ་སྲིན་གནས།། སོག་པོ་ཁྲོས་འདྲ་གནོད་སྦྱིན་གནས།། རལ་པ་གཡེངས་འདྲ་གཟའ་བདུད་གནས།། བྲག་དང་ཆུ་འཐབ་ཀླུ་སྲིན ་གནས།། སེང་གེ་མཆོངས་འདྲ་སྲིན་པོའི་གནས།། གནས་ནི་ཞི་བར་བྱས་ལ་འཇུག། ཅེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གནས་བཙལ་བའི་ལེའུ་སྟེ ་བཞི་པའོ།། །། དེ་ནས་དུས་ནི་ར་བ་བཞི་ལ་ལྷའི་བསྙེན་པ་བྱ་བའི་དུས། འབྲིང་པོ་ལ་བསྒྲུབ་པ་བྱ་བའི་དུས། ཟ་ཆུང་བཞི་ལ་དྲག་པོའི་དུས། གདབ་པའི་དུས་ནི་ཉིན་གུང ་ངོངོ།། མནན་པ་ནི་ཚེས་གཅིག་གོ། ཧོམ་གཏོང་བའི་དུས་ནི་ཉའོ།། ཟོར་འཕང་བའི་དུས་ནི་ཉི་ཤུ་དགུའོ།། བཟློག་པའི་དུས་ནི་ཉི་ཤུ་གཉིས་དག་གོ། ཐོག་སེར་འབེབས་པའི་དུས་ནི་ཉི་ཤུ ་དགུའོ།། དངོས་གྲུབ་བླང་བའི་དུས་ནི་ར་བའི་ཚེས་གསུམ་མོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དུས་བསྟན་པའི་ལེའུ་སྟེ་ལྔ་པའོ།། །། དེའི་ཚེ་དེའི་དུས་ན། ་དཔལ་འབར་གཤིན་རྗེ་ཁྲོ་བདག་རྗེས།། གཉེན་པོའི་ལྷ་འདི་ཐོན་ཏོ།། རྣམ་པར་མི་རྟོག་དཀྱིལ་འཁོར་ནི།། ཐིག་ལེ་གདལ་ཁྱབ་མཁའ་ཀློང་ངོ་།། སྟོང་གསལ་འགག་མེད་སྐུ་གསུང་ཐུགས།། སྣང ་ཚད་ལྷ་ཡི་ཕྱག་རྒྱ་ལ།། སྒྲ་རྣམས་ལྷ་ཡི་གསུང་སྔགས་ཏེ།། དྲན་རྟོག་ཐུགས་ཀྱི་རྗེ་རུ་ཤར།། དེ་ནི་ལྟ་བ་གྱབ་ཀྱི་ལྷ།། གཉིས་སྣང་མེད་པའི་དཀྱིལ་འཁོར་རོ།། ལུས་ནི་སྣང་སྟོང་སྐུ་རུ་གསལ།། ངག་ནི ་གྲག་སྟོང་མཚོན་ཆར་འཕྲོ།། སེམས་ཉིད་གསལ་སྟོང་ནམ་མཁར་འཕང་།། བདེ་བ་ཆེན་པོའི་ཆོས་ཉིད་ཡུལ།། མཁའ་ཀློང་རྣམ་པར་དག་པ་སྣོད།། རང་རིག་རང་ལ་ཤར་བ་བཅུད།། སྣོད་བཅུད་ལྷ་ཡི ་དཀྱིལ་འཁོར་ནི།། ཆོས་ཉིད་མཉམ་ལས་མ་གཡོས་ཀྱང་།། སྲིད་གསུམ་སྐད་ཅིག་དབང་དུ་འདུས།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། རྟོགས ་པ་ཡེ་ཤེས་ཀྱི་ལྷ་བསྟན་པའི་ལེའུ་སྟེ་དྲུག་པའོ།། །། དེ་ནས་འཇམ་དཔལ་འཇིགས་བྱེད་དེས།། ཞི་བ་མཉམ་ཉིད་སྔོན་འགྲོ་བཤད།། རྣལ་འབྱོར་སྡིག་པ་བྱང་བའི་ཕྱིར།། ཚ་ཚ་གདབ་ཅིང་འབུམ ་ཡང་འདོན།། ཉེའུ་འདོན་ཞིང་ལམ་འཕྲང་བསྟར།། ཚད་མེད་བཞི་པོ་བསྒོམ་པར་བྱ།། བདུན་པོ་རྣམ་པར་དག་པར་བྱ།། ཡང་ན་ཆོ་ག་དགུ་པས་བྱ།། བྱང་ཆུབ་མཆོག་ཏུ་སེམས་བསྐྱེད་ལ།། ཐམས ་ཅད་སྟོང་པ་ཉིད་དུ་བྱ།། སྟོང་པའི་ངང་ལས་བྷྱཱཾ་ལས་ནི།། གཞལ་ཡས་ཁང་དུ་བསམ་པར་བྱ།། དེ་དབུས་པཾ་ལས་ཆུ་སྐྱེས་དབུས།། མཱ་ལས་ཉི་མའི་དབུས་ཉིད་དུ།། མུཾ་ལས་འཇམ་པའི་ངང་ཚུལ ་ཅན།། ཆོས་ཀྱི་པྲ་སྟི་ར་ལ་གྲི་འཛིན།། སྐུ་མདོག་དམར་སེར་གུར་གུམ་འདྲ།། ཨོཾ་ཨ་ར་པ་ཙ་ན་དྷིཿགཞོན་ནུའི་སྤྲུལ་པ་ཨུཏྤལ་ཏེ།། སྙིང་གར་ཉི་མའི་དལ་ཉིད་ལས།། ཡི་གེ་དྷིཿལས་འོད་འཕྲོས ་པས།། བུདྡྷ་མཆོད་ནས་མ་ནུའི་སྒྲིབ་པ་སྦྱང་།། དེ་ལ་བསྟོད་དང་མཆོད་བྱས་ལ།། འཇམ་དཔལ་མཚན་ནི་ཡང་དག་བརྗོད།། ཝཱ་གཱི་ཤྭ་རི་འབྲུ་དྲུག་འདོན།། ཞེས་གསུངས་སོ།། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། ཞི་བསྙེན་ལེའུ་སྟེ་བདུན་པའོ།། །། དེ་ནས་དཔལ་འབར་ཁྲོ་བདག་རྗེས།། འཇིགས་བྱེད་འབར་བའི་དཀྱིལ་འཁོར་བཤད།། དུར་ཁྲོད ་རབ་ཏུ་འཇིགས་པ་རུ།། དུར་ཁྲོད་ས་ལ་མནྡལ་བྱ། ཁྲག་གིས་ཆག་ཆག་བཏབ་ནས་ནི།། དབུས་སུ་གྲུ་གསུམ་མཐིང་ནག་ལ།། ཟླ་གམ་དམར་པོ་གསུམ་གྱིས་བསྐོར།། འཁོར་ལོ་བརྒྱད་དང་མུ་ཁྱུད ་བཅས།། དབུས་སུ་ཁྲོ་མཆོག་རྒྱལ་པོ་དགོད།། ཟླ་གམ་དག་ལ་ཡུམ་སྲས་སོ།། འཁོར་ལོ་བརྒྱད་ལ་ཡ་མ་བརྒྱད།། དེ་བཞིན་སྐུ་གཟུགས་ལྷོ་རུ་གཞག། མཆོད་དང་བསྟོད་པ་དག་ཀྱང་བྱ།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དཀྱིལ་འཁོར་བྲི་བའི་ལེའུ་སྟེ་བརྒྱད་པའོ།། །། དེ་ནས་དཔལ་འབར་ཁྲོ་བདག་རྗེས།། ནང་གི་དཀྱིལ་འཁོར་བཤད་པར་བྱ།། དང་པོ་དེ ་བཞིན་སེམས་ཉིད་སྟོང་པར་བསམ།། མ་ཧཱ་ཤཱ་ནྱ་ཏཱ་ཛྙཱ་ན་སྭ་བྷ་ཝ་ཨཱཏྨ་ཀོ&ཧཾ། སྟོང་པའི་ངང་ལས་སྙིང་རྗེ་བྱང་ཆུབ་སེམས།། ཉི་མའི་འོད་ལྟར་ཀུན་ཏུ་ཁྱབ་པར་བསམ།། ཨོཾ་དྷརྨ་དྷ་ཏུ་ཙིཏྟ་པྲ་བ་སྒྲ་ར ་ན་ཕཊ། རང་གི་སེམས་ཉིད་བསྡུས་པ་ཧཱུཾ་དུ་བསམ། ཧཱུཾ་ཧཱུཾ་བཛྲ་ཙིཏྟ་ཧཱུཾ། ཧཱུཾ་ལས་དབང་ཆེན་འབྱུང་བ་རིམ་གྱིས་འཕྲོས།། འབྱུང་ལྔའི་སྟེང་ན་ཡི་གེ་བྷྲཱུཾ།། བྷྲཱུཾ་བི་ཤྲ་བི་ཤུདྡྷེ་བྷནྡ་ཛྙཱ་ན་ཙཀྲ་བྷྲཱུཾ།། ཡེ་ཤེས ་འབར་བའི་དུར་ཁྲོད་གཞལ་ཡས་ཁང་།། བྷནྡ་གསར་རྙིང་ལས་གྲུབ་དབུས།། ཡི་དྭགས་མ་ཧེ་བརྫིས་སྟེང་དུ།། ཡེ་ཤེས་ཧཱུཾ་ནི་གསལ་ཞིང་འཚེར།། དེ་ལས་འཕྲོ་འདུས་སྦྱོར་བ་ལས།། ཡི་གེ་འབྲུ་ནི ་བཅུ་བདུན་ལས།། ནག་པོ་དུག་ཆེན་འཁྱིལ་བ་འདྲ།། ཞལ་གསུམ་ཕྱག་ནི་དྲུག་པ་སྟེ།། ཡི་དྭགས་སྟེང་ན་ཡུམ་དང་བཅས།། འཁོར་གྱི་གཤིན་རྗེ་རྣམས་ཀྱིས་བསྐོར་བར་བསྒོམ།། དཔལ་དྲག་སྔགས ་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྒོམ་ཁོག་རྩ་བའི་ལེའུ་སྟེ་དགུ་པའོ།། །། དེ་ནས་དཔལ་འབར་ཁྲོ་བདག་རྗེས།། རང་བཞིན་དཀྱིལ་འཁོར་སྤྱན་དྲངས་པ།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ། ་ཡ་མ་རཱ་ཛ་ས་མ་ཡ་སྟྭཾ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། འཁོར་གྱི་གཤིན་རྗེ་ཕོ་མོ་སྤྱན་དྲངས་པ། ཨོཾ་ས་མ་ཡ་མཉྫུ་ཤྲཱི་མུ་དྲ་ཡ་མཱནྟ་ཀ་པཉྩ་དེ་རོ་ནི་ཧཱུཾ་ཛ། ཡ་མཱན་ཀྵ་ཡ་ཛ་ཛ། གུ་ཡཾ་ཨུ་ཀྲྀ་ཛ་ཛ། བཞུགས་སུ ་གསོལ་བ། ཨཱཾ་ས་མ་ཡ་མཉྫ་ཤྲི་མུ་དྲ་ཡ་མཱནྟ་ཀ་པཉྩ་དེ་རོ་ནི་ས་མ་ཡ་ཏིཥྛ་ལྷན། ཕྱག་བཙལ་བ། ཨ་ཏི་པཱུ་ཧོཿ། པྲ་ཏཱི་ཙྪ་ཧོ། མཆོད་པ་འབུལ་བ། ཨོཾ་ས་མ་ཡ་མཉྫུ་ཤྲཱི་ཨ་ཀྲྀ་ཏེ་ཀ་ཨི་དན། དྷཱ་པ། པུཥྤ། ་དྲིདྭིདཱིདི་པ། གནྡྷེ། བ་ལི་ཏ་པཱུ་ཛ་མེ་གྷ་ཧཱུཾ། མ་ཧ་མཱཾ་ས། མ་ཧཱ་རཀྟ། མ་ཧཱ་ཀཻ་ནི་རི་ཏི། མ་ཧཱ་ཨརྒྷཾ་པྲ་ཏི་ཙྪ། ཁ་ཁ་ཁཱ་ཧི་ཁཱ་ཧི། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། མཆོད་པའི ་ལེའུ་སྟེ་བཅུ་པའོ།། །། དེ་ནས་བསྟོད་དང་ཕྲིན་ལས་བཅོལ།། ཧཱུཾ་གཏུམ་ཆེན་རབ་འབར་གཤིན་རྗེ་འཇོམས་མཛད་ལྷ།། ཉི་མ་འབུམ་ལས་ལྷག་པའི་འོད་སྟོང་འགྱེད།། གདུག་བྱེད ་མཚོན་ཆ་བསྐལ་པའི་མེ་ལྟར་འབར།། འཇིགས་བྱེད་ཡ་མ་རཱ་ཛའི་སྐུ་ལ་ཕྱག་འཚལ་བསྟོད།། རྡོ་རྗེའི་སྐུ་ལ་ཀླུ་དབང་རབ་བརྒྱན་ཅིང་།། གཅན་གཟན་གདུག་པའི་པགས་རློན་ན་བཟར་གསོལ།། ཤ ་ཟ་འུག་པའི་ཚོགས་དབུས་ཐོད་དུ་བཅིངས།། ཤ་ཟ་ལྟ་བུའི་ཁྲོ་རྒྱལ་རབ་འཇིགས་པ། ཁྲོ་རྒྱལ་ཞལ་གསུམ་ཕྱག་དྲུག་ཧཱུཾ་སྒྲ་ཅན།། ཧཱུཾ་སྒྲ་བསྒྲགས་པས་ཁམས་གསུམ་དབང་དུ་སྡུད།། ཕཊ་ཀྱི་སྒྲ ་བསྒྲགས་མ་མོ་དབང་དུ་སྡུད།། དུང་ཆེན་རཀྟས་བཀང་བ་འདི་གསོལ་ལ།། བདག་གི་བཅོལ་བའི་ལས་རྣམས་བསྒྲུབ་པར་མཛོད།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས།། ་གཙོ་བོ་ལ་བསྟོད་དེ་ཕྲིན་ལས་བཅོལ་བའི་ལེའུ་སྟེ་བཅུ་གཅིག་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀའ་འདུལ་བའི་དྲག་པོ་དེས།། བདེ་ཆེན་ཡང་། ཡབ་ལ་འདི་སྐད ་ཞུས།། ཧེ་ཧེ་དཔའ་བོ་ཆེན་པོ་འཇིགས་བྱེད་ལགས།། ལྷ་རྣམས་རྩ་བ་མི་འགྱུར་བའི།། སྲོག་གི་སྙིང་པོ་གང་གང་ལགས།། བསྙེན་དང་བསྒྲུབ་པར་བྱ་བ་གང་།། དྲག་པོའི་ལས་ནི་ཇི་ལྟར་བྱ།། ཞེས ་ཞུས་པས། ལེགས་པར་ཉོན་ལ་ཡིད་ལ་ཟུང་།། སྔགས་ཀྱི་ཡི་གེ་བཅུ་བདུན་པོ།། ང་ཡི་སྙིང་པོ་ཡིད་ལ་ཕྱུང་།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཡེ་ཤེས་ལྔ་ལྡན་བྱང་ཆུབ་སེམས།། སྐྱེ ་བ་མེད་ལས་ཁྲོ་ཚུལ་འཆང་།། རི་རབ་བསྙིལ་ལ་རྒྱ་མཚོ་སྐེམ།། འཁོར་བ་དོང་ནས་སྤྲུག་པ་དང་།། མ་རིག་མུན་པ་གསལ་བར་མཛད།། སྔོན་དུ་བྱེ་བ་ཚིག་འབུམ་མམ།། རྟག་པར་རྒྱུན་དུ་འདི་གྲངས ་པས།། སྐུ་ཡི་དངོས་གྲུབ་ཚད་དཔག་མེད།། དེ་ནས་འཇམ་དཔལ་གཞོན་ནུར་འགྱུར།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྙིང་པོ་སྔགས་ཀྱི་ལེའུ་སྟེ་བཅུ་གཉིས་པའོ།། །། དེ ་ནས་བདེ་ཆེན་དཔའ་བོས་དེས།། དྲག་པོ་བསྙེན་བསྒྲུབ་སྔགས་བསྟན་པའི།། བསྙེན་པའི་བསྙེན་པ་པ་འདི་ཉིད་དོ།། ཨོཾ་ཤྲཱི་ཡ་མཱནྟ་ཀ་ཧཱུཾ། ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ན་ཡོ་ད་ཡ། ཡ་ད་ཡོ་ནི་ར་ཡཀྵེ་ཡ། ཡཀྵེ ་ཡཙྪ། ནི་རཱ་མ་ཡ། བསྒྲུབ་པའི་བསྙེན་པ་དེ་ཉིད་ཡིན།། ལྷ་སྲིན་རང་སོ་དབང་དུ་འདུས། ཁྲོས་ན་ལྷ་ཡང་བརླག་པར་བྱེད།། འདི་ཉིད་རྒྱུན་དུ་བཟླས་གྱུར་ན།། མཐུ་དང་རྫུ་འཕྲུལ་ཕུན་སུམ་ཚོགས།། ཞེས་གསུངས ་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྒྲུབ་སྔགས་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ལས་ཀྱི་སྦྱོར་བ་བཤད།། དུར་ཁྲོད་རོ་རས་ཁྲུ་གང་ལ།། དུག་དང་ཁྲག་ཏུ ་རབ་སྦགས་ཏེ། མི་སྒྲ་དྲག་པོའི་སྔགས་བཟླས་ཤིང་།། ལས་ཀྱི་ཡ་མ་དེ་ལ་བསྟིམ།། ནོ་ལུ་དག་གིས་དག་པར་བཀྲུ།། དེ་ནས་ཕུར་བཞི་རབ་ཏུ་བརྐྱང་།། ས་དཀར་བྲག་ཆུས་རབ་ཏུ་གདུལ།། དེ་ནས ་འཁོར་ལོ་བྲི་བ་དག། འཁོར་ལོ་རིམ་པ་གསུམ་དུ་བྱ།། དབུས་སུ་ཐིག་གསུམ་བཞི་པས་དགུ།། ཕྱི་རིམ་དག་ལ་ཐིག་བཞི་མནན།། དེས་ནི་ལེའུ་ཚེ་བཅུ་གཉིས་སོ།། དེ་ཡི་ཕྱི་རིམ་ཐིག་བཞི་མནན།། དེ་ནི་ལེའུ་ཚེ་བཅུ ་དྲུག་གོ། དེ་ཡི་ཕྱི་རིམ་ཐིག་བཞི་མནན།། དེ་ཡང་དགོད་པ་འདི་ལྟ་སྟེ།། ཡ་མ་མེ་ཏ་ཀྵེ། དབུས་དང་ཕྱོགས་བཞིར་བྲི་བར་བྱ།། ར་ཙ་ས་དོ། རུ་ནི་ཡོ་ནི། ར་ཡ་ཙ་ན། ལེའུ་བཅུ་གཉིས་དག་ལ་བྲི།། དེ་ཡི་ཕྱི་རིམ་བཅུ ་དྲུག་ལ།། ཐུགས་ཀྱི་སྙིང་པོ་བཅུ་པ་དང་།། གཟས་པའི་མིང་རུས་སྤེལ་ལ་བྲི།། གཅིག་དང་འདྲ་བ་ཕྱིན་ཀ་ལོག། སྟེང་ན་ཕོ་ཡི་འཁོར་ལོ་བྲི།། བེ་ཅོན་བཞི་ལས་བརྒྱད་ལ་བཞག། ཅེས་གསུངས་སོ།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས་འཁོར་ལོ་བྲི་བའི་ལེའུ་སྟེ་བཅུ་བཞི་པའོ།། །། དེ་ནས་ཡང་དག་ངེས་གསུངས་པ།། འཁོར་ལོ་བྲི་བ་ཟིན་པ་དང་།། བདག་གི་མདུན་དུ་འཁོར་ལོ་དགྲམ།། ཡ ་ཞེས་པས་ནི་གཤིན་རྗེར་བསྐྱེད།། དེ་ལ་སྤྱན་དབྱེའི་ཆོ་ག་བྱ།། ས་བསྒོ་དྲལ་ལ་སྤྱན་དྲང་ངོ་།། དེ་ནས་བསྟིམ་སྟེ་དབང་དུ་བསྡུ།། ཡ་མཱནྟ་ཀྲྀ་ཏ་ཙཀྵཱ་པྲ་བེ་ཤ་ཡ་མ་རཱ་ཛ་བྷི་ཧང་པྲ་བེ་ཤ་ཡ་མ་རཱ་ཛ་ཧ་ཧ་པྲ་བེ་ཤག། ་མ་རཱ་ཛ་ཏི་ལོ་པྲ་བེ་ཤག་ཡ་མ་རཱ་ཛ་བྲི་ཡང་སྲུངས་སྲུངས་ཡ་མ་རཱ་ཛ་བཛྲ་གུ་ཡཾ་ལང་ལང་། ཡ་མ་རཱ་ཛ་མུ་ཡ་བསིལ་བསིལ། དེ་ནས་འདི་སྐད་བརྗོད་པར་བྱ། ཡ་མ་མེ་ད་ཀྵེ། རཱ་ཙ་ས་དོ། རུ་ན་ཡོ་ནི། ར་ཡ་ཙ་ནི། ་ཛཿཧཱུཾ་བཾ་ཧོཿཱ་ག་ཙྪ་ཡ། ཧཱུཾ་ཛ། དེ་ནས་བསྟིམ་ལ་དབང་དུ་བསྡུ་བའི་ཕྱིར། ཡ་མཱནྟ་ཀ་གསལ་བསྒོམས་ལ།། ཨ་ཀྲོ་ཡི་གེ་བཅུ་བདུན་དང་།། སྔགས་སྙིང་གཅིག་ཏུ་དྲིལ་ལ་དྲངས།། དེ་ནས་མཆོད་པ་འདི་ལྟར་དབུལ།། ་ཨོཾ་ཧཱུཾ་ཧྲཱིཿཥྚྲྀཿཀ་ལ་བནྡྷ་ཧ་ན་ཨོཾ་ཧཱུཾ་ཧྲཱིཿཥྚྲྀཿཁུང་ཁ་ཧྲཱི། ཨོཾ་ཧཱུཾ་ཀ་ར་ལང་བནྡྷ་ཧ། ཨོཾ་ཧཱུཾ་དྲྀ་བི་ཤ་ཀ་ར། ཨོཾ་ཧཱུཾ་བཛྲ་ཛི་སྭཱ་ཧཱ། ཨོཾ་ཧཱུཾ་ཁ་ཀ་ཁ་ཀ། དཔལ་དྲག་སྔགས་ཟླ་གསང་ནག་པོ་བཤན་ལ་སྤུ་གྲིའི་རྒྱུད་ལས། འཁོར་ལོ ་རབ་ཏུ་གནས་པའི་ལེའུ་སྟེ་བཅོ་ལྔ་པའོ།། །། དེ་ནས་ཁྲོ་བདག་འཇིགས་བྱེད་དེས།། དྲག་པོའི་འཁོར་ལོ་བསྐོར་བར་བཤད།། ཉི་ཤུ་བདུན་གྱི་ནམ་ལངས་ནས།། ཉི་མ་རི་ལ་བབས་པའི་ཚེ། ཡ་མ་རཱ་ཛ་ས་དོ་མེ ་ཡ། ཆེ་གེ་མོ་ཞིག་ཨ་མུ་ཀཾ། པྲ་མ་ཡ་ཧཱུཾ་ཕཊ། རྩེ་ནས་དམར་ཟག་བར་དུ་ཁྲི།། ཉུང་དཀར་བྲབ་ཅིང་དྲག་སྔགས་བརྡེག། དམིགས་པས་མགོ་ཡང་འཁོར་བ་བསམ།། ཉི་མ་གཉིས་པ་དག་ལ་ནི། ཡ་མེ་དོ་རུ་ན་ཡོ་ད་ཡ། ་ཆེ་གེ་མོ་ཞིག་ཨ་མུ་ཀཾ་རཀྟ་ཙ་ར་ཡ་ཧཱུཾ་ཕཊ། དམིགས་པ་ཁྲག་ཏུ་སྐྲག་པར་བསམ།། ཉི་མ་གསུམ་པ་འདི་ཉིད་དོ།། ཡ་ད་ཡོ་ནི་ར་ཡ་ཀྵེ་ཡ།། ཆེ་གེ་མོ་ཞིག་ཨ་མུ་ཀཾ་མུ་ར་ཙ་ཡ་ཧཱུཾ་ཕཊ།། དམིགས་པ་ལུས་ཀྱང་བརྒྱལ ་བར་བསམ།། ཉི་མ་བཞི་པ་འདི་ཉིད་དོ།། ཡཀྵེ་ཡཙྪ་ནི་རཱ་མ་ཡ། ཆེ་གེ་མོ་ཞིག་ཨ་མུ་ཀཾ་མཱ་ར་ཡ་ཧཱུཾ་ཕཊ།། དམིགས་པ་སྲོག་དང་བྲལ་བར་བཤད།། ཉི་མ་ནུབ་ནས་སྔགས་མཇུག་བཅད།། དུས་ནི ་འབྲུབ་ཚ་འབྲུག། སྒྲ་འཚུབས་མས་གདབ།། བདག་ཡིད་མནན་པའི་འཁོར་ལོར་གཞུག། དུར་ཁྲོད་དག་ཏུ་མནན་ཅིང་གཏད། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲག་པོའི་འཁོར་ལོ ་བསྐོར་བའི་ལེའུ་སྟེ་བཅུ་དྲུག་པའོ།། །། དེ་ནས་འཆི་བདག་གཤེད་པོ་བསྐུལ།། ཧཱུཾ་འདི་ནས་ལྷོ་ཡི་ཕྱོགས་དག་ནས།། རི་རབ་དག་གི་རྨང་དག་ནས།། དཔག་ཚད་བརྒྱད་ཁྲི་མར་འདས་ན།། ལྕགས་ཀྱི་ཁང ་སྒྲོམ་སྒོ་མེད་ན།། ཡིད་ཀྱིས་རྒྱུ་བའི་སྒོ་ཅན་ན།། ཕྱོགས་ཕྱོགས་མི་རོས་གཏམས་པའི་གནས། ཁྲག་གི་རྒྱ་མཚོ་འཁྲུགས་པའི་གནས།། གནམ་ལྕགས་ཁྲོ་ཆུ་ཁོལ་མའི་གནས།། རོ་མྱགས་ཆེན་པོའི་གནས་ཤེད ་ནས།། ཡི་དྭགས་བདག་པོ་གཤིན་རྗེའི་གཤེད།། ནག་པོ་རཀྵ་གློག་ཕྲེང་ཅན།། སྲིད་པ་ལྟོ་ན་འཕྱོ་ཞིང་འགལ་བྱེད་ཞགས་པས་འདེབས།། ཡུམ་ནི་བདུད་ཀྱི་རྒྱལ་མོ་དུག་ཧྲུལ་ཅན།། ལས་ཀྱི་རླུང་དམར་ཞོན་ནས་སྟོང ་ཁམས་ནད་ཀྱིས་འགེངས།། བེ་ཅོན་འཁོར་ལོ་བསྐོར་ཞིང་འགལ་བྱེད་རྩད་ནས་གཅོད།། ཐུགས་དམ་རྗེས་སུ་དྲངས་ཤིང་དམར་ཆེན་ཁྲག་ལ་གཤེགས།། བདུད་ཕོ་ནག་པོ་བྱེ་བ་དགུ་རིང་དུན་ཏིང་ཁ་ལ་ཡ། དགྲ་བོའི ་སྲོག་ལ་བྷྱོ་བྷྱོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་བྱེ་བ་དགུ་རིང་ཡབ་ཡུམ་བསྐུལ་བའི་ལེའུ་སྟེ་བཅུ་བདུན་པའོ།། །། དེ་ནས་གཤེད་པོ་བཞི་དག་བསྐུལ།། ཧཱུཾ་དེ་ཡི་ཕྱི་རིམ ་ལྕགས་རི་བཞི་ལ་ནི།། གཤེད་ཀྱི་བློན་པོ་གཤིན་རྗེ་ཡབ་ཡུམ་བཞི།། ཡ་མ་རཱ་ཛ་སྲིན་མོ་ཤ་ཟ་མ།། མྱོས་བྱེད་འབར་བ་སྲིན་མོ་སྟོབས་ཆེན་མ།། ཨཱརྱ་མ་རུ་སྲིན་མོ་སེང་གེ་མ།། རལ་པ་ཚར་དགུ་སྲིན་མོ་འབར་བ ་རྣམས།། བསྟན་པ་གཉེན་པོ་བསྲུང་བའི་རྫུ་འཕྲུལ་ཅན།། དམ་ཚིག་རྗེས་སུ་དྲན་ཞིང་དམར་ཆེན་ཁྲག་ལ་གཤེགས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གཤེད་པོ་སྤྱན་དྲངས་པའི་ལེའུ ་སྟེ་བཅོ་བརྒྱད་པའོ།། །། དེ་ནས་ཕྱོགས་སྐྱོང་བཅུ་དག་བསྐུལ།། ཧཱུཾ་དེ་ཡི་ཕྱི་རིམ་ལྕགས་མཁར་བཅུ་གཉིས་ན།། ལས་ཀྱི་གཤིན་རྗེ་རྡོ་རྗེ་བྲན་གྱི་ཚོགས།། བདུད་འཇོམས་དམར་པོ་ཀོང་ཙེ་བྲག་འཇོམས ་དང་།། མིག་དམར་མགོ་དགུ་ལྷ་མཆོག་དུད་ཁ་ཀ། ཨ་བ་གླང་མགོ་ཏེལ་པ་ཡ་བ་ཏི།། སྟག་མགོ་ནག་པོ་ཕྱ་སངས་ཆོས་ཀྱི་རྒྱལ་པོ་རྣམས།། གཤིན་རྗེའི་གཟུགས་སྟོན་དབྱུག་ཏོ་ཞགས་པ་འབེབས།། སྐྱེ་འགྲོ་དབང ་སྡུད་སྲིད་གསུམ་ཁྲམ་ལ་འདེབས།། ལས་ཀྱི་སྲིན་མོ་གཤིན་རྗེའི་ཆུང་མ་རྣམས།། སྲིན་མོ་ནག་མོ་སྲིན་མོ་འཕྱངས་མ་དང་།། སྲིན་མོ་ལག་བརྒྱ་སྲིན་མོ་སེར་མོ་དང་།། སྲིན་མོ་ཞགས་པ་སྲིན་མོ་མིག་བརྒྱ་མ།། སྲིན་མོ ་དམར་མོ་སྲིན་མོ་འབྲུག་སྒྲོགས་མ།། སྲིན་མོ་དབུགས་འཕྲོག་སྲིན་མོ་ནད་གཏོང་མ།། སྲིན་མོ་ཁྲག་འཐུང་སྲིན་མོ་སྦྱིན་སྲེག་མ།། འཇིག་རྟེན་འགྲོ་ལ་ནད་ཀྱི་ཚོགས་གཏོང་ཞིང་།། སྐྱེ་འགྲོའི་སྲོག་ལེན ་ཤ་ཁྲག་མདངས་ཟ་མ།། སྣ་ཚོགས་གཟུགས་ཀྱིས་གནོད་པ་སྣ་ཚོགས་བྱེད།། དུས་ཀྱི་ཞགས་པས་དམ་ཉམས་སྙིང་ནས་འདྲེན།། དམ་ཚིག་རྗེས་སུ་དྲན་ཞིང་དམར་ཆེན་ཁྲག་ལ་གཤགས། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕྱོགས་སྐྱོང་བ་སྤྱན་དྲངས་ཤིང་བསྐུལ་བའི་ལེའུ་སྟེ་བཅུ་དགུ་པའོ།། །། དེ་ནས་ཕྱག་རྒྱ་བཅས་ལ་ཡང་།། སྙིང་པོ་འདི་དག་བརྗོད་པར་བྱ།། ཡ་མ་མེ་ད་ཀྵེ། རཱ་ཛ་ས ་དོ། རུ་ཉ་ཡོ་ནི། རཱ་ཡ་ཙྪ་ནི། ཛ་མ་ཏི་ཧཱུཾ་ཛཿཱ་ར་ལི་ཧོ། ས་མ་ཡ་སྟཾ། དེ་ནས་བཞུགས་སུ་གསོལ་བ་འདིའོ།། ཡ་མ་མེ་ད་ཀྵེ། རཱ་ཛ་ས་དོ། རུ་ཎ་ཡོ་ནི། རཱ་ཡ་ཙྪ་ནི། ས་མ་ཡ་མ་ནུ་སྨ་ར་ཨ་དྷི་ཏིཥྛ་ས་མ་ཡ། དེ་ནས ་སྔགས་འདིས་དབང་དུ་བསྡུ། ཨོཾ་ཧྲཱིཿཥྚྲྀཿབི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ། མ་ཧཱ་བི་ནཱ་ཡ་ཀ་ཛཱི་བི་ཏ། ཨནྟ་ཀ་ར། སརྦ་དུཥྚཱན་སྟཾ་བྷ་ཡ་ཧཱུཾ་ཕཊ། དེ་ནས་དམ་ཚིག་སྔགས་འདིས་བསྲེ། བཻ་བྷ་སྭ་ར་ཡ་མཱ་ཡ། ས་མ་ཡ་ཐཱ། དཔལ ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་ཉི་ཤུ་པའོ།། །། དེ་ནས་མཆོད་པ་འདི་ལྟར་བྱ།། ཧཱུཾ་གྲུབ་པའི་གཤིན་རྗེ་འདུས་པའི་ཚོགས།། ཕྱུགས་ཆེན་ཁྲག་ལ་ཞབས་བསིལ་ཏེ།། དམར ་ཆེན་ཁྲག་ལ་ས་མ་ཡ།། མཐུན་པའི་དམ་རྫས་འདི་ལ་རོལ།། ཡ་མ་མེ་ད་ཀྵེ། རཱ་ཛ་ས་དོ། རུ་ན་ཡོ་ནི། རཱ་ཡ་ཙྪ་ནི། བཻ་བྷ་སྭ་ཏ་ཛ་མ་ཏི། མ་ཧཱ་རཀྟ་པྲ་ཏཱིཙྪ་ཧོཿཕྱུགས་ཆེན་ཁྲག་ལ་ཞབས་བསིལ་ཏེ།། དམར་ཆེན་ཁྲག ་ལ་ས་མ་ཡ།། མཐུན་པའི་དམ་རྫས་འདི་ལ་རོལ།། ཡ་མ་མེ་དེ་ཀྵེ། རཱ་ཛ་ས་དོ་རུ་ན་ཡོ་ནི། རཱ་ཡ་ཙྪ་ནི། བཻ་བྷ་སྭ་ཏ་ཛ་མ་ཏི། སརྦ་བུདྡྷ་ས་པཱ་རི་ཝཱ་ར། མ་ཧཱ་རཀྟ་པྲ་ཏི་ཙྪ་ཧོ།། ཕྱུགས་ཆེན་ཤ་དང་རྐང་དང་ཁྲག། ལྷ་བ ་རུསས་པ་བདུད་རྩི་འབར།། དབང་པོ་ཚིམས་བྱེད་འདོད་ཡོན་ལྔ།། མཆོད་ཡོན་བདུད་རྩི་ཏིང་འཛིན་གྱིས།། གྲུབ་པ་གཤིན་རྗེའི་ཚོགས་རྣམས་རོལ།། ཧ་ཧ་ཧི་ཧི་ཁཱ་ཧི་ཁཱ་ཧི། མ་ཧཱ་མཱཾ་ས་ཁ་རཾ་ཁཱ་ཧི། མ་ཧཱ་རཀྟ་ཁ་རཾ་ཁཱ་ཧི། ་མཧཱ་ཀེང་ནི་རི་ཏི་ཁ་རཾ་ཁཱ་ཧི། མ་ཧཱ་ཨ་མྲྀ་ཏ་ཁ་རཾ་ཁཱ་ཧི། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། མཆོད་པའི་ལེའུ་སྟེ་ཉེར་གཅིག་པའོ།། །། དེ་ནས་ཡང་དག་བཤད་བྱ་བ།། འཇིག་རྟེན ་སྲོག་ལེན་གཤིན་རྗེ་རྦད།། ཧཱུཾ་འདི་ནས་བྱང་ཕྱོགས་རི་རབ་ཆེན་པོའི་རྨང་།། དཔག་ཚད་བརྒྱད་ཁྲི་མར་འདས་ནས།། ཐོད་པ་ལྕགས་ཀྱི་མཁར་ནང་ན།། མི་རོས་གཏམས་པའི་གནས་ཆེན་ན།། མ་མོ་ཀུན་གྱི་ཚོགས་རྗེ ་པོབོཔོ།། ཡི་དྭགས་ཀུན་གྱི་སྡེ་དཔོན་པོ།། ལྕགས་མཁར་བཅུ་བདུན་མངའ་བདག་པོ།། བདུད་ཕོ་མི་ཟན་སྐྱེ་འགྲོའི་བདུད།། བྱེ་བ་དགུ་རིངས་སུ་མི་བཟློག། མེ་ལྕེ་གློག་གི་ཕྲེང་བས་བརྒྱན།། གཅེར་བུ་སྦྲུལ་དང་ཐོད་པས ་བརྒྱན།། ཡིད་ལ་བརྣགས་པའི་དགྲ་བོ་འདི།། ཞགས་པས་ཐོབ་ལ་ཁྲིད་ལ་ཤོག། ཁྲམ་ལ་ཐོབ་ལ་སྟོང་ལ་རྒྱུས།། བེ་ཅོན་རྒྱོབ་ལ་འཁོར་ལོ་བསྐོར། ཁྱོད་ཀྱི་ཟས་སྐལ་འདི་ཡིན་གྱི།། ཤ་རུས་ཁྲག་ལ ་ལོངས་སྤྱོད་གྱིས།། དེ་ཡི་ཐུགས་དམ་རྒྱུད་སྐུལ་མ།། གཏུམ་མོ་དུག་ཧྲུལ་གོས་གྱོན་ལ།། བདུད་མོ་ནག་མོ་སྐྱེ་འགྲོའི་བདུད།། སྣ་ཚོགས་ནད་ཀྱི་མངའ་བདག་མོ།། ཤ་ཁྲག་སྲོག་དབུགས་བདག་མོ་ཁྱོད།། གྲུབ་པའི ་གནས་ནས་འདིར་གཤེགས་ལ།། བདུད་རྩི་བྱང་ཆུབ་སེམས་དང་དམར་ཆེན་ས་མ་ཡ།། དམ་རྫས་མཆོད་པ་བཞེས་ནས་ཀྱང་།། གཤིན་རྗེ་གདུག་པ་ཕོ་མོ་ཁྱེད།། བསྟན་པ་འཇིག་པའི་འགལ་བྱེད་དགྲ་བོ་འདི། ཁུག ་ནས་སྒྲོ་འབོག་རྣམ་ཤེས་བརྒྱལ་བ་དང་།། དུས་ཀྱི་ཞགས་པས་དྲངས་ཤིང་བསྒྲལ་དུ་གསོལ།། ནག་པོ་རཀྴ་དགྲ་བོའི་སྙིང་ལ་བྷྱོ་བྷྱོ།། དེ་ནས་ཡང་གཤེད་ཆེན་པོ་རྣམས་བསྐུལ་བ།། ཧཱུཾ་གྲུབ་པའི་གནས་ནས་དགྲ་བོའི ་གཤེད་མ་བཞི།། ཡ་མ་རཱ་ཛ་མྱོས་བྱེད་འབར་བ་དང་།། ཨཱརྱ་མ་རུ་རལ་པ་ཚར་དགུ་བཞི།། སྲིན་མོ་ཤ་ཟ་སྲིན་མོ་སྟོབས་ཅན་དང་།། སྲིན་མོ་སེང་གེ་སྲིན་མོ་འབར་མ་བཞི།། ཕྱོགས་བཞིའི་ཐོད་མཁར་བཞི་ནས ་འདིར་གཤེགས་ཏེ།། བདུད་རྩི་བྱང་ཆུབ་སེམས་དང་དམར་ཆེན་ས་མ་ཡ།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། མགོ་འཁོར་ཡིད་འཁྲུག་ཁྲག་ཏུ་སྐྱུག་པ ་དང་།། རྣམ་ཤེས་གཟིར་ཏེ་མྱུར་དུ་བསྒྲལ་བ་དང་།། ཡན་ལག་འབྲུམ་བུ་དྲག་པོས་གཟིར་བ་དང་།། ལྐོག་རྒལ་ཕོ་ལྐོག་གླང་ཐབས་མྱུར་དུ་ཐོང་།། དུས་ཀྱི་ཞགས་པས་སྲོག་དབུགས་ཕྲོལ།། གཤེད་ཆེན་ཡབ་ཡུམ་སྲོག ་ལས་གྲུབ་པའི་ཚོགས།། འཇིག་རྟེན་ཕུང་བྱེད་གཤིན་རྗེ་ཕོ་མོ་རྣམས།། དུས་ཀྱི་ཞགས་པ་ནད་རྣམས་སྣ་ཚོགས་བདག། གཤིན་རྗེ་བདུད་འཇོམས་གཤིན་རྗེ་དམར་པོ་དང་། ཀོང་ཙེ་བྲག་འཇོམས་ཡ་མ་རཱ་ཛའི ་སྲས།། གྲུབ་པའི་ཀློང་ནས་འདིར་གཤེགས་ས་མ་ཡ།། བདུད་རྩི་བྱང་ཆུབ་སེམས་དང་དམར་ཆེན་མཱང་ས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ ་འདི།། གཟེར་ནད་ཚ་བའི་ནད་དང་ཁྲག་སྐྱུག་གིས།། མྱུར་དུ་གཟིར་ཏེ་དུས་ཀྱི་ཞགས་པས་དྲངས།། གཤིན་རྗེ་མིག་དམར་ལྷོག་པ་མགོ་དགུ་དང་།། ལྷ་མཆོག་དུད་ཀ་མྱོས་བྱེད་འབར་བའི་སྲས།། གྲུབ་པའི་ཀློང་ནས ་འདིར་གཤེགས་ས་མ་ཡ།། བདུད་རྩི་བྱང་ཆུབ་སེམས་དང་དམར་ཆེན་མངས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། ཆོ་འཕྲུལ་འབྲུམ་ནག་མཁྲིས་པ ་གཤའ་ཡ་ཡིས།། མྱུར་དུ་གཟིར་ཏེ་དུས་ཀྱི་ཞགས་པས་དྲོངས།། གཤིན་རྗེ་ཨ་བ་གླང་མགོ་ཡ་བ་ཏི།། གཤིན་རྗེ་རལ་པ་མ་རུ་ཙེ་ཡི་སྲས།། གྲུབ་པའི་ཀློང་ནས་འདིར་གཤེགས་ས་མ་ཡ།། བདུད་རྩི་བྱང་ཆུབ་སེམས ་དང་དམར་ཆེན་མཱཾ་ས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། མཛེ་ནད་གློ་གཟེར་སྐྱ་ཟབ་དང་།། ཤུ་བ་འགྱེལ་ནད་དག་གིས་ནི།། མྱུར ་དུ་གཟིར་ཏེ་དུས་ཀྱི་ཞགས་པས་དྲངས།། གཤིན་རྗེ་སྟག་མགོ་ནག་པོ་ཕྱ་སངས་དང་།། ལས་ཀྱི་རྒྱལ་པོ་རལ་པ་ཚར་དགུའི་སྲས།། གྲུབ་པའི་ཀློང་ནས་འདིར་གཤེགས་ས་མ་ཡ།། བདུད་རྩི་བྱང་ཆུབ་སེམས་དང ་དམར་ཆེན་མཱཾ་ས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། སྐྲངས་འབུར་རིམས་ནད་གཞོགས་སྐམ་གྱིས།། མྱུར་དུ་གཟིར་ཏེ་དུས་ཀྱི་ཞགས་པས ་དྲོངས།། འཇིག་རྟེན་ལས་ཀྱི་གཤིན་རྗེ་ཁྱེད་རྣམས་ཀྱིས།། བཅོམ་ལྡན་གཤིན་རྗེ་གཤེད་པོའི་ཞབས་དྲུང་དུ།། དམ་ཚིག་ཚུལ་བཞིན་མནས་བོར་ལ། ཁས་བླངས་འགྲུབ་པར་མ་བསྒྲུབས་ནས།། དཔལ་གྱི་དམ་ལས ་འགལ་བ་ན།། མགོ་དང་ལུས་སྙིང་རུལ་བར་འགྱུར།། དམ་ལས་མ་འདའ་ཕྲིན་ལས་མཛོད།། ནད་གཏོང་སྲིན་མོའི་ཚོགས་རྣམས་ས་མ་ཡ།། སྲིན་མོ་ནག་མོ་སྲིན་མོ་ལག་བརྒྱ་མ།། སྲིན་མོ་མགོ་འཕྱང་སྲིན་མོ་སེར་མོ ་དང་།། སྲིན་མོ་ཞགས་པ་མ་དང་སྲིན་མོ་མིག་བརྒྱ་མ།། སྲིན་མོ་དམར་མོ་སྲིན་མོ་འབྲུག་སྒྲོགས་མ།། སྲིན་མོ་དབུགས་འཕྲོག་སྲིན་མོ་ནད་གཏོང་མ།། སྲིན་མོ་ཁྲག་འཐུང་སྲིན་མོ་སྲེད་བྱེད་མ།། གྲུབ་པའི་ཀློང་ནས ་འདི་གཤེགས་ས་མ་ཡ།། བདུད་རྩི་བྱང་ཆུབ་སེམས་དང་དམར་ཆེན་མཱཾ་ས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། དུས་ཀྱི་ཞགས་པས་དྲངས་ལ་མྱུར་དུ ་སྒྲོལ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གདུག་བྱེད་གཤིན་རྗེ་ལ་ཕྲིན་ལས་བཅོལ་བའི་ལེའུ་སྟེ་ཉེར་གཉིས་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀར་འདུལ ་བའི་བདག་པོ་དེས།། བདེ་ཆེན་ཡབ་ལ་འདི་སྐད་ཞུས།། ཧེ་ཧེ་དཔལ་འབར་ཁྲོ་བོ་རྗེ།། ཕྱི་ནང་སྲོག་གཤེད་འདི་དག་ལ།། ཉི་མ་བཞི་པས་ལས་གང་འགྲུབ།། ཕྱི་ནང་གཤིན་རྗེའི་གཙོ་བོ་གང་།། ཞེས་ཞུས་པས།། ་ལེགས་པར་ཉོན་ལ་ཡིད་ལ་ཟུང་།། ཉི་མ་བཞི་པའི་ལས་བྱས་པས།། ཕྲིན་ལས་སརྦ་རྫོགས་པ་ཡིན།། ཕྱི་ནང་སྲོག་གཤེད་བཞི་པོ་ལས།། ལས་ཀྱི་གཤིན་རྗེ་བཅུ་གཉིས་ཡིན།། སྤྲུལ་པའི་གཤིན་རྗེ་ལས་བྱེད ་ནི།། ཕོ་གཤེད་སུམ་བརྒྱ་དྲུག་ཅུ་དང་།། མོ་གཤེད་སུམ་བརྒྱ་དྲུག་ཅུ་ལ།། གཤིན་རྗེ་བདུན་བརྒྱ་ཉི་ཤུ་ཡོད།། ཉི་མ་བཞི་ཡི་ལས་བྱས་ལ།། ཕྲིན་ལས་བརྒྱ་དང་རྩ་གཅིག་འགྲུབ།། ནད་ནི་བཞི་བརྒྱ་རྩ་བཞི ་གཏང་།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གཤིན་རྗེའི་རྣམ་གྲངས་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་ཡང་དག་བཤད་བྱ་བ།། ཕྱི་ཡི་སྲོག ་གཤེད་འདི་བཞི་ཡིན།། གཤིན་རྗེ་ཡ་མ་རཱ་ཛ་ནི།། སྲིད་པ་གསུམ་གྱི་རྩེ་ན་གནས།། གསོན་གཤིན་གཉིས་ཀྱི་ཟམ་ཁ་ན།། གཤེད་པོ་མྱོས་བྱེད་འབར་བ་གནས།། བྲག་ནག་སྦྱངས་པའི་རི་བོར ་ནི།། གཤེད་པོ་ཨཱཪྻ་མ་རུ་གནས།། རྒྱ་མཚོ་འཁྱིལ་བའི་དབུས་གནས་ན།། གཤེད་པོ་རལ་པ་ཚར་དགུ་གནས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕྱིའི་གཤེད་བཞི་བསྟན་པའི་ལེའུ ་སྟེ་ཉེར་བཞི་པའོ།། །། དེ་ནས་ཡང་དག་བཤད་བྱ་བ།། སྤྱི་བོ་ཚངས་པའི་བུ་ག་ན།། མེ་ཡི་དབང་པོའི་དྲོད་འཕྲོག་གནས།། མིད་པ་གྲེ་བའི་རྒྱ་ལམ་ན། ཁྲག་གི་སྡིག་པ་ཁྲག་འཐུང་གནས།། ལུས་ཀྱི་གཞི་རྟེན་ལྟེ ་བ་ན།། རླུང་གི་སྡོམ་ནག་དབུགས་འཕྲོག་གནས།། ཙིཏྟ་སྲོག་གི་གའུ་ན།། དུག་གི་མི་བོ་སྲོག་གཅོད་གནས།། དེ་དག་རང་རྒྱུད་གཤེད་ཆེན་ཏེ།། ནང་གི་གཤེད་ཆེན་བཞི་ཡིན་ཏེ། ཁམས་གསུམ་སེམས་ཅན་སྲོག་ལེན ་ཡིན།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ནང་གི་གཤེད་བཞི་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀའ་འདུལ་བའི་བདག་པོ ་དེས།། བདེ་མཆོག་ཡབ་ལ་འདི་སྐད་ཞུས།། ཧེ་ཧེ་ཁྲོ་བདག་གཤིན་རྗེའི་གཤེད།། དེ་ལྟར་བྱས་པའི་རྣལ་འབྱོར་པས།། ལས་རྣམས་མྱུར་དུ་བསྒྲུབ་པའི་ཕྱིར།། འཇིག་རྟེན་དྲེགས་པ་ཇི་ལྟར་བསྒྲུབ།། ཅེས་ཞུས་པས།། ་སྟོན་པས་བཀའ་སྩལ་པ། ཀྱེ་ཀྱེ་གསང་བའི་བདག་པོ་ཡིད་ལ་ཟུང་།། རྣོ་ལ་ངར་དུ་འདོགས་པ་ཡི།། དྲེགས་པའི་སྒྲུབ་ཐབས་ཞུས་པ་ལེགས།། འཇིག་རྟེན་དྲེགས་པ་སྡེ་མང་ལ།། བདེ་གཤེགས་བཀའ་ལ་བཏགས་པ ་ཡི།། བསྟན་སྲུང་ཆོས་སྐྱོང་སྡེ་བརྒྱད་ཡིན།། དེ་དག་མྱུར་དུ་བསྒྲུབ་པའི་ཕྱིར།། བསྒྲུབ་པ་བརྩམ་དང་སྲོག་རྟེན་བཅའ།། དམོད་པ་གདབ་པའི་ལས་བཤད་ཀྱི།། གསང་བའི་བདག་པོས་ཡིད་ལ་ཟུང་།། ཞེས་གསུངས ་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲེགས་པ་ལྷ་རུ་བསྒྲུབ་པར་མགོ་སྨོས་པའི་ལེའུ་སྟེ་ཉེར་དྲུག་པའོ།། །། དེ་ནས་འཇམ་དཔལ་ཁྲོ་བོ་ཡིས། ཁྲམ་བདག་བདུད་ཀྱི་བསྒྲུབ ་པ་འདི་གསུངས་སོ།། ཡིད་འོང་གནས་སུ་བསྒྲུབ་པ་བརྩམ།། མནྡ་ལ་འདོམ་གང་གྲུ་བཞི་ལ།། དུག་དང་ཁྲག་གིས་ཆག་ཆག་གདབ།། དབུས་སུ་གྲུ་གསུམ་ཟླ་གམ་གསུམ།། འཁོར་ལོ་རྩིབས་བརྒྱད་གྲུ་ཆད་སྒོ།། ཐོད ་པའི་ཕྲེང་བ་རྡོ་རྗེའི་གུར།། མེ་རླུང་མུན་ནག་འདྲ་བས་བརྒྱན།། ལྕགས་དང་སེང་ལྡེང་ཕུར་པ་ལ།། དབུས་དང་ཟླ་གམ་གསུམ་པོ་ལ།། ཡབ་ཡུམ་སྲས་གསུམ་དགོད་པར་བྱ།། འཁོར་ལོ་རྩིབས་བརྒྱད་དག་ལ ་ནི།། ལྕགས་ཀྱི་ཕུར་པ་བཅུ་དག་ལ།། དར་ནག་ཅོད་པན་རེ་བཏགས་ལ།། ཡང་རྗེ་དག་དང་རོལ་པོ་དང་། ཁྲམ་བདག་གཟའ་བདུད་སྲོག་བདུད་དང་།། ཐེག་པ་རྗེ་དང་རི་བོ་རྗེ།། སེ་འཛིན་རོ་ལངས་ནག་པོ ་དང་།། འབར་བ་ནག་པོ་ལ་སོགས་དགོད།། མཐུན་པའི་རྫས་སུ་འདི་དག་དགོད།། མི་རྟ་ཤ་ཡི་གཏོར་མ་ལ།། སྣ་ཚོགས་ཤ་རུས་བརྒྱན་པ་དག། གཙོ་བོ་ཡབ་ཡུམ་གསུམ་ལ་དབུལ།། བྱ་ནག་རྟ་ནག ་ལུག་ནག་དང་། ཁྱི་ནག་ཕག་པ་རོག་པོ་དང་།། གཡག་དང་གླང་དང་ར་རོག་གི། སྙིང་དང་ཤ་ཁྲག་རུས་པ་དང་།། མི་ཤས་བརྒྱན་ནས་ཟངས་གཞོང་དགང་།། བདུད་པོ་བཅུ་ལ་གཏང་ཞིང་བཅའ།། ཤ་སྣ་ཁྲག་སྣ ་དཀོར་ཆ་དང་། སྤྱན་གཟིགས་གཏོར་མ་གིང་ཆེན་བཞི་ལ་དགོད།། སྨན་ཁྲག་སྦྲེངས་ཤིང་མི་གསུར་གཏང་།། རྒྱལ་མཚན་འཕྱར་ཞིང་དར་ནག་གུར་ཆེན་ཕུབ། ཁྱིའམ་དོམ་གྱི་གཡང་གཞི་དགབ།། ལུག་ནག་གཏར ་གཞུག་ར་ལ་དམིག་རྟེན་བཅས།། གདུག་པའི་ཤིང་ལ་ཁྲམ་ཤིང་བཅའ།། དྲག་སྔགས་བྲི་དང་བཟླས་པ་བྱ།། ཡི་དྭགས་གོས་ལ་ལིངྒ་བྲིས་པ་ལ། ཁྲམ་ལ་གདབ་ཅིང་བསད་པའི་ལས་ལ་འཇུག་ཁྲམ་དང་འཁོར ་ལོ་ཐོད་པ་དག་ཏུ་བྲུབ།། ཆུ་མིག་དག་ཏུ་གཏད་དེ་སྨོན་ལམ་བཏབ།། ཐུན་ནི་དགྲ་ཡི་ཁང་པ་དག་ལ་བརྡེག། ཚེར་མ་ཅན་གྱི་ཤིང་ལ་སྦྱིན་བསྲེག་བྱ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས།། ་བདུད་ཕོ་རྣམས་བསྒྲུབ་པའི་ལེའུ་སྟེ་ཉེར་བདུན་པའོ།། །། དེ་ནས་ཡང་ནི་བཤད་བྱ་བ།། ཏིང་འཛིན་རྣམ་གསུམ་འཕྲོ་འདུ་ལས།། དབང་ཆེན་འབྱུང་བ་རིམ་བརྩེགས་ཏེ།། བྷྲཱུཾ་ལས་འབར་བའི་ཐོད་པ་གཞལ ་ཡས་ཁང་།། མུན་ནག་གཏིབས་པའི་དབུས་དག་ཏུ། ཁྲོ་རྒྱལ་ཡབ་ཡུམ་གསལ་བར་བསྒོམ།། ཤར་དུ་རུས་པའི་གཞལ་ཡས་སུ།། ཤར་བདུད་རྔ་ཞོན་རལ་གྲི་ཐོགས་པ་བསྐྱེད།། ལྷོ་རུ་མེ་ཡི་གཞལ་ཡས་སུ། ཁྲམ ་བདག་ཞགས་ཐོགས་ཤ་ནག་ཞོན་པ་བསྐྱེད།། ནུབ་ཏུ་ཁྲག་གི་གཞལ་ཡས་སུ།། གཟའ་བདུད་འབྲོང་ལ་ཞོན་ཏེ་ལྕགས་ཀྱུ་ཐོགས་པ་བསྐྱེད།། བྱང་ཕྱོགས་དབུགས་ཀྱི་གཞལ་ཡས་སུ།། སྲོག་བདུད་ཁྱུང་ལ་ཞོན་པ་སྟ ་རེ་ཐོགས་པ་བསྐྱེད།། ཤར་ལྷོར་ཁྲམ་བདག་རྟ་ནག་ཞོན་ནས་ཐོག་ཆེན་འབེབས་པ་བསྐྱེད།། ལྷོ་ནུབ་རི་བོ་རླུང་ཤ་ཞོན་ནས་གཡབ་མོ་འདོར་བ་བསྐྱེད།། ནུབ་བྱང་སེ་འཛིན་ཕག་ཞོན་ཁྲམ་ཤིང་ཐོགས་པ ་བསྐྱེད།། བྱང་གར་རོ་ལངས་ཆུ་གླང་ཞོན་ནས་སྟ་རེ་ཐོགས་པ་བསྐྱེད།། སྟེང་དུ་ཡང་རྗེ་འབྲུག་ལ་ཞོན་ཏེ་གློག་ཞགས་ཐོགས་པ་བསྐྱེད།། འོག་ཏུ་ཁྲག་འཐུང་སྟག་དམར་ཞོན་ཏེ་སྦྲུལ་ཞག་འདེབས་པ་བསྐྱེད།། རེ་རེའི ་འཁོར་ལ་བདུད་ཚོགས་བསམ་འདས་ཏེ།། སྐད་ཅིག་གྲུབ་པའི་གནས་ནས་བྱོན་ཏེ་བཞུགས་པར་བསམ།། དགྲ་བོ་ཉིད་ཡང་མདུན་དུ་གསལ་བར་བསམ་སྟེ། ཧཱུཾ་རུ་ཏྲ་པ་ཏྲ་མུ་ཁྲག་ཙ་ར་ཁྲག་ཙ། པ་ཏེ་བོར་བདུད་ཧ་པ ་ཏ་སྭཱ་ཧཱ། ཞེས་རྒྱུན་དུ་བགྲང་ངོ་།། ཁྲིའམ་འབུམ་ཐོན་ཙམ་ན། མོན་པ་བཙུན་པ་སྐད་མི་མཐུན་པ།། ལྡབ་ལྡིབ་སྨྲ་ཞིང་ལས་ལ་འོང་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཏིང་ངེ་འཛིན ་དང་རྒྱུད་སྔགས་ཀྱི་ལེའུ་སྟེ་ཉེར་བརྒྱད་པའོ།། །། དེ་ནས་དྲག་པོའི་ཐུན་ཉིད་ནི།། ཉུང་དཀར་ཉུང་ནག་དུག་ཁྲག་ལ།། དྲག་པོའི་སྔགས་འདི་བསྟིམ་ལ་བརྡེག། ཧཱུཾ་རུ་ཏྲ་ཙ་པ་ཐུན་ཁྲག། ཤྲི་ཀྲིན ་མ་ར་རོ་ལ་ཐུན་ཁྲག་ཁ་ལ་ལ་ཡ་ཆུ་ཐུན་ཁྲག། མི་ཤ་རོ་ལ་ཐུན་ཁྲག་ཁྲམ་རོ་ར་ཙ་ཐུན་ཁྲག་སྟོང་ཀ་ཀུ་པ་ཐུན་ཁྲག་མ་ཀུ་བ་ར་ཐུན་ཁྲག་ཆེ་གེ་མོ་མཱ་ར་ཡ་ཐུན་ཁྲག་ཅེས་བསྟིམས་ལ། དགྲ་བོའི་གཟུགས་དང་ཁང་པ ་ལ་བརྡེག་བར་བར་དུ་ཁྲམ་སྔགས་འདི་དག་བཟླས། ཨོཾ་སྙིང་ཁྲག་ཙིཏྟ་རྦད། དུན་རྨུགས་ཁྲག་གཏོར་རྦད། ཆེ་གེ་མོ་མཱ་ར་ཡ་གུག་ལིང་རྦད་སྭཱ་ཧཱ། ཁྲམ་ལ་གདབ་པའི་རིམ་པ་བྱ།། གཤིན་རྗེ་བདུད་པོ་བཅུ་ཡང ་བསྐུལ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲག་སྔགས་ཀྱི་ལེའུ་སྟེ་ཉེར་དགུ་པའོ།། །། དེ་ནས་བདུད་རྣམས་བསྐུལ་བ་འདིའོ།། ཧཱུཾ་མུན་ནག་གཏིབས་པའི་དཀྱིལ་འཁོར ་ནས།། སོལ་ནག་འཚུབས་པའི་གཞལ་ཡས་ནས།། ཁྲོ་རྒྱལ་ཡབ་ཡུམ་གསལ་བར་བསྒོམ།། ཟླ་གསང་དྲེགས་པ་ཚར་གཅོད་ནང་ཡོད་འདུག། སྟོང་གསུམ་མུན་པར་གཏོང་བ་ནི།། མུན་པའི་བདུན་པོ་ཆེན་པོ་བཅུ།། མུན་པའི་མུན་ནག ་བར་མ་བིར།། མུན་པའི་གློག་ཞགས་ཁེངས་སེ་ཁེང་།། མུན་པའི་མོན་དུག་ཚུབས་སེ་ཚུབ།། མུན་པའི་རླུང་ནག་ཕྱོགས་བཅུར་འཐོར།། མུན་པའི་བདུད་ནག་ཆེན་པོ་བཅུ། མི་རོ་དམར་པོའི་རྒྱལ་མཚན་ཕྱར།། མི ་ལྤགས་དམར་པོའི་བ་དན་ཕྱར།། མི་མགོ་དམར་པོ་དུང་དུ་འབུད།། མི་མགོའི་ཕྲེང་བ་ཁྲ་ལ་ལ།། མི་དང་རྟ་མིན་ཤ་མི་ཟ།། མི་དང་རྟ་མིན་ཁྲག་མི་འཐུང་།། སྡང་བའི་དགྲ་ལ་མུན་པའི་འཁོར་ལོ་བསྐོར།། དེ་ནས ་བསྐལ་པ་སྙིགས་མའི་ལྔ་བརྒྱ་ལ་ཞེས་པ་གཏོང་། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕོ་ཉའི་ལེའུ་སྟེ་སུམ་ཅུ་པའོ།། །། དེ་ནས་བཅོམ་ལྡན་འདས་ཉིད་ཀྱིས། བདུད་ལྕམ་དྲལ ་ཉི་ཤུའི་བསྒྲུབ་པ་འདི་གསུངས་སོ།། ཡིད་འོང་གནས་སུ་ས་བཟུང་ལ།། དཀྱིལ་འཁོར་འདོམ་གང་གྲུ་བཞིར་བྱ།། མཐིང་ནག་གྲུ་གསུམ་ཟླ་གམ་གསུམ།། འཁོར་ལོ་རྩིབས་བརྒྱད་དག་ཏུ་བྱ།། གྲུ་གསུམ་ཉིད་ལ ་གཤེད་པོ་དགོད།། ཟླ་གམ་ཡུམ་སྲས་གསུམ་པོ་དགོད།། འཁོར་ལོ་རྩིབས་བརྒྱད་བདུད་པོ་བརྒྱད།། བར་ཁྱམས་དམར་པོ་བདུད་ཀྱི་ལྕམ།། སྒོ་བཞིར་བདུད་ཀྱི་ཡང་ཁོལ་བཞི།། ལྷོ་ནུབ་མཚམས་སུ་གྲི་བོའི་གཡང ་གཞི་གཟུག། ནུབ་བྱང་སྦྲང་ཀིའི་རྒྱལ་མཚན་གཟུག། བྱ་རྒོད་དག་དང་ལུག་ནག་དང་།། གཡང་གཞི་བྱང་ཤར་ཤར་ལྷོར་གཟུག། དར་ནག་དག་གིས་གུར་ཆེན་དབུབ།། བོད་རྒྱ་ནག་པོས་མཐའ་མ་སྐོར།། དབུས་སུ ་གཤིན་རྗེའི་གཏོར་མ་བཞག། བསེ་གབ་མོན་ཐོད་འཁར་ཕོར་དུ།། མི་ཤ་རྟ་ཤའི་གཏོར་མ་བྱ།། ཤར་དུ་སྤྲེའུའི་སྙིང་ཁྲག་བསྲེས་ལ་བཞག། ལྷོ་ནུབ་མཚམས་སུ་རྗེ་རིགས་མགོར།། མི་སྙིང་ཁྲག་གི་གཏོར ་མ་བཞག། ནུབ་ཏུ་རྟ་ཁྲག་རྟ་སྙིང་སྦྱར།། དམ་སྲིའི་ལིངྒ་ཟོད་ནང་བཞག། དྲག་ཏུ་དེ་ལ་བརྡེག་པར་བྱ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕུང་པོའི་བདུད་ལྕམ ་དྲལ་བསྒྲུབ་པའི་ལེའུ་སྟེ་སོ་གཅིག་པའོ།། །། དེ་ནས་ཡང་དག་བཤད་བྱ་བ།། སྲོག་གི་སྙིང་པོ་འདི་དག་བཟླས།། ཨོཾ་ཤ་ར་ན་ཤ་ར་ཏི། ཁ་ར་ན་ཁ་རུ་རུ། མ་ཤེ་རེ་ན་དུར་བུ་ཤར་ཏྲི་ན། མི་ར་ཏྲ་ན། ཏྲ་ན་ར་ན། ཨཱ ་བ་ཙག་ཙ་རུ་རུ་ཤ། མུ་རུ་ཏི། ཤ་མུ་ར་ཏི་ཤ། ཨ་ཡ་བ་མུག་པུ་རུ་ན། ཧ་ཧེ་ཡེ། ན་ཛ་ཡ་དུ་མ་ར་ན་ཧཱཾ། ཨ་བ་ཡ་ཏེ། བ་ལ་ད་ར། ཞེས་དྲངས་སོ།། དེ་ནས་བདུད་དང་འཁོར་དང་བཅས་པ་བསྒྲུབ་པ་འདིས་བྱའོ།། ་ཧྲཏྲ་ནོ་མོ་ཧོ་བྷི་ལི་མ། ཁུ་རི་བྲུཾ། རུཾ་བུ་ནུ། ཏྲ་ཏྲ་དུ་རུ་དུ་རུ། རུ་ཏྲ་རུ་ཏྲ་ཛ་ཛ་ཧཱུཾ། སྟོང་ངམ་འབུམ་དུ་བཟླས་པར་བྱ།། རབས་ཆད་ཐོད་པར་ཁྲག་སྦྱར་ལ།། བདུད་རྣམས་རྦད་ཅིང་ལིངྒ་དག་ལ་བརྡེག། དཔལ་དྲག་སྔགས ་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་སྙིང་དྲང་བའི་ལེའུ་སྟེ་སོ་གཉིས་པའོ།། །། དེ་ནས་བདུད་རྣམས་དྲག་ཏུ་བསྐུལ།། ཧཱུཾ་བསྐལ་པ་མུན་ནག་འཁྱིལ་པའི་མཁའ་ཀློང་ན།། ཡང་རྗེ་བཤན་པ་དབུ ་གསུམ་ཕྱག་དྲུག་པ།། གནས་འདིར་མུན་པར་གཏིབས་ལ་ཤོག། མུན་པ་གཏིབས་པའི་ཀློང་དཀྱིལ་ནས།། ཡ་གཤེར་ནག་པོ་འབྲུག་ཏོག་མུན་པར་གཏིབས་ལ་ཤོག། ཤར་ཕྱོགས་མུན་ནག་ས་ཡི་དཀྱིལ་འཁོར ་ནས།། ཤར་བདུད་ཞེ་སྡང་མུན་ནག་གཏིབས་ལ་ཤོག། ལྷོ་ཕྱོགས་མུན་ནག་མེ་ཡི་དཀྱིལ་འཁོར་ནས།། སྲོག་བདག་སྲོག་ལ་མུན་ནག་གཏིབས་ལ་ཤོག། ནུབ་ཕྱོགས་མུན་ནག་ཁྲག་གི་དཀྱིལ་འཁོར་ནས།། གཟའ ་བདུད་བླ་ལ་མུན་གཏིབས་དམ་ལ་ཤོག། བྱང་ཕྱོགས་མུན་ནག་རླུང་གི་གཞལ་ཡས་ནས།། སྲོག་བདུད་སྲོག་ལ་མུན་གཏིབས་དམ་ལ་ཤོག། ཚེ་བདུད་སྦྱིན་དཀར་རལ་པ་ཅན།། ཚེ་ལ་བར་གཅོད་བྱེད་ཅིང་དམ་ལ ་ཤོག། སྲོག་བདག་མཁྲིས་པས་ཡིད་ལ་མུན་གཏིབས་དམ་ལ་ཤོག། དཀར་མོ་འབར་མ་སྤྱན་གཅིག་མ།། སྔོན་མོ་ཏི་རས་སྲིན་མོ་འཁོལ།། དམར་མོ་གཡུ་གཙུག་ཀླུ་གཉེན་འཁོལ།། ནག་མོ་དྲེད་མགོ་མ་ཡམ ་འཁོལ།། སོར། སེར་མོ་རླུང་གཤོག་ཀླུ་གཉེན་འཁོལ།། དཀར་ལྗང་འུག་མགོ་དྲི་ཟ་འཁོལ།། སྔོ་ནག་སྲེག་བྱེད་ཡ་བདུད་འཁོལ།། དམར་མོ་སྒེག་མོ་སྲིན་མོ་འཁོལ།། སྔོ་སྐྱ་ཞགས་ཐོགས་རླུང་ལྷ་འཁོལ།། དགྲ ་བོཔོའི་རྣམ་ཤེས་བརྒྱད་ལ་མུན་ནག་གཏིབས།། ཞེས་བསྐུལ་ལོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་ལྕམ་དྲལ་བསྐུལ་བའི་ལེའུ་སྟེ་སོ་གསུམ་པའོ།། །། དེ་ནས་ཕྲིན་ལས་རྗེ ་བདག་ལ། དྲག་སྔགས་འདིས་མྱོས་པ་དང་། གཟིར་བ་དང་། གསད་པ་གནན་པའོ།། བདུད་པྲ་མ་ཡ། ཧ་ན་ཧ་ན། ཏིཥྛ་ཏིཥྛ། རུ་ཏྲ་མ་མ་ས་མ་ཡ་ཧཱུཾ། ཁ་ཏྲི་ཛ། མི་ཏྲི་ཛ། ཤོན་ཏྲི་ཛ། ཡཀྐ་ཛ། མི་ཏྲི་ཛ། ད་ཏྲི་ཛ། ཤ་ཏྲི ་ཛ། ད་ཏྲི་པྲ་ཏི་ཛ། ཧ་ན་དུ་ཛ། མི་ཤ་ཛ། ཡཀྑ་ཛ། པུ་མི་ཛ། ཁོ་དར་ཛ། ཛ་ཧཱཾ་རྦུད་རྦུད། ཁ་ར་ནི་རྦུད། སོ་ལ་ཀུན་ན་རྦུད། དུ་དུ་རྦུད། ཁ་ལ་ཁུ་རྦུད། ཤིན་ཙི་ར་གོང་ཆོད། ཁ་ལ་མུ་ཏི་མུག་སྭཱ་ཧ། ཟ་ཟ ་ནད་ཀུན་ཐུན། རི་ལི་ལི། ཁ་ལེ་ཁ་ཤག་ཐུན། མ་ཐུན་ཁ་ནན་ཧ་ར་རྦད་ཆུམ་ས་ཁུག་རིལ་གུ་གུ་བཾ་ཁྲག་རི་རྩ་རྦད་རིལ། ཞེས་ལིངྒ་ལ་བརྡེག་ཅིང་ཐོད་ཁྲག་དང་ཉུང་དཀར་བྲབས་ཏེ། རི་མོན་ནག་འདྲ་བར་མན། ་དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་ཀྱི་དྲག་སྔགས་ཀྱི་ལེའུ་སྟེ་སོ་བཞི་པའོ།། །། དེ་ནས་བཅོམ་ལྡན་དེ་ཉིད་ཀྱིས།། བདུད་ཧ་ནུ་བཀྐ་རུ་ཏྲ་སུས་མི་བཟློག་གི་བསྒྲུབ་པ་འདི ་གསུངས་སོ།། བྲག་ནག་པོ་བདུད་ཤིང་སྐྱེས་ས་རུ་ཕྱིན་ལ། འབབ་ཆུའི་འགྲམ་ནས་ས་བླང་ལ། སྟེགས་བུ་འདོམ་གང་གྲུ་བཞི་བྱས་ལ། མི་རྟ་ཁྱིའི་ཁྲག་དང་རྒྱ་སོལ་གྱིས་ཆག་ཆག་གདབ་པའོ།། དབུས་སུ་ཁྱུད་ཁང ་བྲུའོ།། ཟླ་གམ་དམར་པོའི་ཁྲུལ་བུ་གཏང་ངོ་།། གྲུ་ཆད་ལྗང་གུར་བྱའོ།། བདུད་ཧ་ནུ་བཀྐའི་འདྲ་འབག་ནག་པོ་ལག་ན་ཁྲམ་ཤིང་ནག་པོ་ཐོགས་པར་དགྲམ་མོ།། ཤོག་བུ་ལ་བདུད་བཞིའི་གཟུགས་བྲིས་ཏེ། དར་ནག ་གི་ཤམ་ཐབས་ལ་ཕྱོགས་བཞིར་དགྲམ་མོ།། ཤར་དུ་ཧེ་ལེ་ཁྱབ་པ། ལྷོར་ནག་པོ་བཀྲག་མེད། ནུབ་ཏུ་སོ་འདར་འཁྲིག་པ། བྱང་དུ་རལ་པ་སྤྱི་ཆིང་། ཤར་ལྷོ་དྲི་ཟ་ཁྱུང་བཙུན། ལྷོ་ནུབ་ཕག་སྐར་ཉ་རིངས། ནུབ་བྱང ་རང་གཟའ་འཕན་སྐད། བྱང་ཤར་དུ་ན་བུན་སྨུག་མོའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་ཧ་ནུ་བཀྐའི་རྩ་བའི་ལྷ་དགུ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་སྦྲུལ ་པའི་བདུད་ནི། བཀའ་འཁོར་སྐྱོང་བ་གནོད་སྦྱིན་བདུད།། ཕྱག་བརྙན་བཅུ་གསུམ་ཁྲག་གི་དང་རལ་ཅན།། སྤྲུལ་པ་བཅུ་གསུམ་སྟག་ཆས་གཟིག་ཆས་དང་།། མོན་བུ་བཅུ་གསུམ་བདུད་ཀྱི་རྟ་ནག་ཅན།། ཕོ་ཉ་བཅུ ་གསུམ་སྟག་སེང་མཐོང་ཀ་ཅན།། ཕྱག་བརྙན་ནག་མོ་རེ་བའི་གོ་ལྕོག་ཅན།། སྤྲུལ་པ་མ་བདུད་སོལ་བའི་ལན་ཚར་ཅན་དང་། མོན་མོ་བཅུ་གསུམ་ཞ་ཉེའི་རྒྱ་ལོང་ཅན་དང་། ཕོ་ཉ་མོ་རྣམས་མགྲོན་བུའི་ཐོང་སྐབས ་ཅན་དང་། ནང་གིའོ།། ཕྱི་མ་སོག་པོ་ནག་པོ་ཁྲག་མིག་ཅན་དང་། གནོད་སྦྱིན་ནག་པོ་བསེའི་རལ་པ་ཅན་དང་། ཀླུ་བདུད་ནག་པོ་སྦྲུལ་གྱི་རྒྱུ་ཅན་དང་། གཤིན་རྗེ་ནག་པོ་ལྕགས་ཀྱི་རལ་པ་ཅན་དང་། མེ་རེག་ནག་པོ ་དུང་གི་རྣ་ཆ་ཅན་དང་། བཤན་པ་དམར་སེར་སྤྲེའུའི་མགོ་ཅན་དང་། ལྗང་ནག་རྔམ་པ་མེའི་ཁ་རླངས་ཅན་དང་། དེ་དག་ནི་སྤྲུལ་པའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྤྲུལ་པའི ་བདུད་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་ཡང་བདུད་དེ་རྣམས་ལ་རབས་ཆད་དམ་མོན་ཐོད་དུ། བྲ་སྲན་གྱི་གཏོར་མར། ལུག་ནག་སྤྱི་དཀར་བྱ་རོག་རྟ་ནག་པོ་རྟིང་དཀར་དང་གསུམ་གྱི་སྙིང་སྲོག་པ ་རྩ་དང་མ་བྲལ་བ་རུ། དགྲ་བོ་དུ་ཡོད་པའི་མིང་རུས་གྲོ་ག་ལ་བྲིས་ལ་གཞུག་ཤར་དང་ནུབ་ཏུ་བྱ་རོག་དང་། སྦྲང་ཀའི་རྒྱལ་མཚན་རེ་ཕྱར་ལ་གཞག་ཕུད་དང་གསེར་བརྡར་བའི་གསེར་སྐྱེམས་དངུལ ་སྐྱོགས་སུ་སྟེགས་ལ་བཞག་གོ། གཞན་ཡང་དར་ནག་པོའི་གུར་ཕུབ། གཡབ་མོས་གཡབ་བོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་ཧ་ནུ་ལ་དམ་རྫས་བསྟན་པའི་ལེའུ་སྟེ་སོ་བདུན ་པའོ།། །། དེ་ནས་དམིགས་རྟེན་བཅའ་སྟེ།། ལུག་ནག་པོ་ར་གནག་པ་མིག་སེར་བ་གཅིག་ལ།། རེ་བའི་སྒྱེའུ་ཁལ་དུ་དག་ལ། གཡས་སུ་ཕོ་རྣམས་ཀྱི་བྱང་བུ་གདགས། གཡོན་དུ་མོ་རྣམས་ཀྱི་བྱང་བུ་གདགས། ་སྐུད་པ་སྔོ་དམར་གྱིས་གོང་རྨེད་བྱ། རཱ་ལ་དར་མཐིང་ནག་གདགས། མིག་ལ་རིན་ཆེན་བརྡར། རས་ཡུག་གཅིག་གིས་མིག་དགབ། དཀྱིལ་འཁོར་བྱང་ཤར་དུ་གདགས། དུར་ཁྲོད་རས་ལ་འཁོར་ལོ་བཅའ། བདག ་ཉིད་གོས་ནག་པོ་གྱོན་ལ། དར་མཐིང་ནག་གིས་གཡབ་ཅིང་སྔགས་འདི་དྲང་ངོ་།། ཧཱུཾ་ཕཊ་བ་ཧཱུཾ་ཨེ་མ་པ་ཤ་སྟ་ཕེ་བ་བེ་རང་ས་མར་ཤ་ཟ་ར་ཡ་ཧཱུཾ། མ་ཧེ་མ་ས་རག་ལ་ཡ་ཧཱུཾ་ཕཊ། ཅེས་སུམ་འབུམ་བཟླས་པས་བདུད ་གྲུབ་སྟེ་ལུག་གུམ་མོ།། གུམ་པ་དང་། རཱུ་ཏྲ་ནག་པོ་མཱ་ར་ཡ་བྱས་ལ། ལུག་གི་མགོར་མིང་བྱང་བྲུབ་ལ་གནན་པར་བྱའོ།། དཔལ་དྲག་སྔགས་ཟླ་གསང་ནག་པོ་བཤད་པ་སྤུ་གྲིའི་རྒྱུད་ལས། དགྲ་བོ་བསད་པ་བདུད་ཧ ་ནུ་བཀྐ་སུས་མི་བཟློག་པའི་ལེའུ་སོ་བརྒྱད་པའོ།། །། དེ་ནས་བཅོམ་ལྡན་འདས་ཉིད་ཀྱིས་འཇིག་རྟེན་པའི་དྲེགས་པ་ཅན་བཙན་གདུག་པ་བསྒྲུབ་པའི་དྲག་སྔགས་འདི་གསུངས་སོ།། དུར་ཁྲོད་བྲག་དམར་པོ ་སེང་གེ་འདྲ་བའམ། བྲག་དམར་རམ་མེ་བར། འཇིག་རྟེན་དྲེགས་པ་བཙན་བསྒྲུབ་པར་བྱ་སྟེ། དཀྱིལ་འཁོར་འདོམ་གང་བ་གཅིག་ལ། ར་དམར་པོའི་ཁྲག་གིས་ཆག་ཆག་གདབ་བོ།། དབུས་ལྟེ་བ་དམར་པོ་ལ་ཟླ ་གམ་བརྒྱད་ཀྱིས་བསྐོར་རོ།། ལྕགས་རི་དམར་པོ་ལ་མེ་དམར་པོ་བྲིའོ།། དབུས་སུ་ཤོག་གུ་གྲུ་གསུམ་པ་གཅིག་ར་ཁྲག་གིས་བྱུག་ལ་བཞག་གོ། དབུས་སུ་ཟ་འོག་མདའ་དར་དང་། ར་ལྤགས་དམར་པོ་མདའ་གང ་གདགས། ཟེ་མོའི་ཕོད་ཀྱིས་བརྒྱན་ལ་དབུས་སུ་གཟུག་གོ། ཟླ་གམ་ལ་ཡང་ར་ལྤགས་དམར་པོ་དང་། དར་དང་ཟེ་མོའི་ཕོད་གཟུག་གོ། ཆང་ཕུད་ལ་གསེར་བརྡར་ལ་བྱ་བོ་དགུ་གཞག་གོ། འབྲུ་སྣ་ནས་འབྲས་གྲོ ་ཏིལ་ཕུལ་རེ་བ་དགུ་གཞག་གོ། ར་དམར་པོ་གསེ་འགྲམ་ལྟར་གཞག་གོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་བདག་བཙན་ཕྱུག་འཕན་དར་བསྒྲུབ་པའི་ལེའུ་སྟེ་སོ་དགུ ་པའོ།། །། དེ་ནས་ཡང་བཅོམ་ལྡན་འདས་ཀྱིས་བཙན་དྲག་པོའི་སྔགས་འདི་དག་གསུངས་སོ།། བསྙེན་པ་རྒྱུན་དུ་འདི་དག་གོ། ཨཽ་ལ་ལི་པྲ་མ་ནི། རི་ཙེ་ཐ་ལ་བ་ནི། ཏི་གེ་ཏྲི་ཤཾ་ཀི་ཤཾ་ཏྲི་མུ་ཏི་རེའུ་ཏྲི་རེ་ཏྲི་ཧཾ། ་ཤན་རྣམ་སརྦ་ཀརྨ་བ་བེ་བ་སྭཱ་ཧཱ།། དེ་དག་རྫོགས་པར་གྱུར་པ་དང་།། དགུག་དང་ཟད་སྔགས་འདི་དག་གོ། སྲོག་ལ་ལི་པྲ་མོ་ནི་བ་དགྲ་བོ་རྠ་ཛཿསྲོག་རེ་ཙེ་ཐལ་བ་ནྡེ། བྲ་ར་ལྀ་ལྀ་དགྲ་བོ་ནརྀ་ཛཿ། ་ཏི་ཀེ་ལ་ཡ་བཾ་རི་ལི་ལི་དགྲ་བོ་ནརྀ་ཛཿཀྲོ་དྷི་ཀཱི་ལ་ཡ་ཤ་ལ་བཾ་རི་ལི་ལི་དགྲ་བོ་ནརྀ་ཛཿཽ་ཏྲི་ཀཾ་ཤཾ་མཱ་ར་ཡ་བཾ་རི་ལི་ལི་དགྲ་བོ་ནརྀ་ཛཿམུ་ཏྲི་མཱ་ར་ཡ་བཾ་རི་ལི་ལི་དགྲ་བོ་ནརྀ་ཛཿརེ་ཏྲི་མཱ་ར་ཡ་བཾ་རི་ལི་ལི་དགྲ་བོ་མཱ་ར་ཡ་ནརྀ ་ཛཿ། ཧཾ་ཤི་སྟཾ་དུ་མཱ་ར་ཡ་བཾ་རི་ལི་ལི་དགྲ་བོ་མཱ་ར་ཡ་ནརྀ་ཛཿབསད་པ་སྲོག་ལས་དྲངས་པ་འདིའོ།། སྲོག་ལ་ལ་པྲ་མ་ནི་དམ་ཉམས་དགྲ་བོའི་སྙིང་ལ་ཛཿཛཿསྲོག་རི་ཙེ་ཐལ་བ་ནི་དམ་ཉམས་དགྲ་བོའི་སྙིང་ལ་ཛཿཛཿ། ་སྲོག་ཀྲོ་ཏིང་ཀ་ལ་མཱ་ཡ་དགྲ་བོའི་སྙིང་ལ་ཛཿཛཿསྲོག་ཀྲོ་ཏིང་ཀཱ་ལ་ཤ་མཱ་ར་ཡ་དགྲ་བོའི་སྙིང་ལ་ཛཿཛཿསྲོག་ཀྲྀ་ཤི་ཀཾ་མཱ་ར་ཡ་དམ་ཉམས་དགྲ་བོའི་སྙིང་ལ་ཛཿཛཿསྲོག་གི་ཤཾ་ཏྲི་མཱ་ར་ཡ་དམ་ཉམས་དགྲ་བོའི་སྙིང་ལ ་ཛཿཛཿ། སྲོག་མུ་ཏྲི་རི་ཀྲི་རཾ་ཏྲི་དམ་ཉམས་དགྲ་བོའི་སྙིང་ལ་ཛཿཛཿསྲོག་ཏི་རེ་ནི་མཱ་ར་ཡ་དམ་ཉམས་དགྲ་བོའི་སྙིང་ལ་ཛཿཛཿསྲོག་དམ་ཤཾ་སྟ་མཱ་ར་ཡ་དམ་ཉམས་དགྲ་བོའི་སྙིང་ལ་ཛཿཛཿདགྲ་བོའི་གཟུགས་བྱས་ལ ་དེ་ལ་བརྡེག་གོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་ཁྲག་སྐྱུགས་པའི་དྲག་སྔགས་ཀྱི་ལེའུ་སྟེ་བཞི་བཅུ་པའོ།། །། དེ་ནས་གཤིན་རྗེ་དྲག་ཏུ་བསྐུལ་བའི་རྗེས་ལ། བཙན ་འདི་དག་རྦད་དོ།། ཧཱུཾ་འཛམ་གླིང་འདུས་པའི་དཀྱིལ་འཁོར་ནས།། མེ་འོད་འབར་བའི་ཞིང་ཁམས་ནས།། སྟོང་གསུམ་མེ་ཡི་གཞལ་ཡས་ནས།། མི་རིང་དམར་པོ་མདུང་ཙམ་གཅིག། དབུ་སྐྲ་མེ་དཔལ་མེ་དཔུང ་འབར།། འཇིག་རྟེན་ཁམས་ཀུན་མེ་ཡིས་བསྲེག། སྨིན་མ་ལྕགས་ཀྱུ་འཁྱིལ་པ་འདྲ།། སྤྱན་རྩ་དམར་པོ་དམ་ཉམས་དགྲ་ལ་བཟློག། སྐུ་ལ་ལེ་བརྒན་དམར་པོའི་འཇོལ་བེར་གསོལ།། གཡས་ན་བཙན་གྱི་རྒྱུ་ཞགས ་དགྲ་ལ་འདེབས།། གཡོན་པ་བྲག་བྱ་འུག་པའི་ལྟས་ངན་འབེབས།། ཞབས་ལ་ལྕགས་ལྷམ་ཡུ་ཟུང་གསོལ།། སྦྲུལ་ནག་སྟོང་གི་ཆུ་འཁོར་ཅན།། སྦྲུལ་ནག་སྟོང་གཤིབས་སྐུ་རིགས་བཅིངས།། སྐར་ཆེན་མང་པོའི་ཚར ་ཆར་ཅན།། བཞུགས་ནི་གླིང་བཞི་ཁྱབ་པར་བཞུགས།། ནམ་གྱི་གུང་ལ་རྒྱུག་ཙམ་ན།། བྲག་གི་ཝ་མོ་ཁ་ནག་བཅིབས།། ཉི་མའི་ཟེར་ལ་རྒྱུག་ཙམ་ན།། ཆིབས་སུ་ལྟས་ངན་གླ་བ་བཅིབས།། ཉི་མའི་གུང་ལ་རྒྱུག་ཙམ ་ན།། ཆིབས་སུ་བྲ་བོ་རྟིང་དཀར་བཅིབས།། དམ་རྫས་གཏོར་མ་འདི་ལོངས་ལ།། ཡབ་གཅིག་འཇམ་དཔལ་བཀའ་འབྱུང་གིས།། བཙན་གྱི་འཁོར་རྣམས་ལས་ལ་བསྐུལ།། འཇིག་རྟེན་ཁམས་སུ་མེ་ཡི་བསྐལ ་པ་ཐོང་།། དགྲ་བོའི་རྣམ་ཤེས་ཐལ་བར་སྲེགས།། སྐྱེས་བུ་ཆེན་པོ་དགྲ་ལ་ཡ།། རང་གསང་མཆེད་དགུ་དགྲ་ལ་ཡ།། བཙན་ཞགས་དམར་པོ་དགྲ་ལ་ཐོབ།། ཐ་རམ་དགྲ་ལ་ད་ཐོབ་ཅིག་ཁྲག་སྐྱུགས་གཟེར་ཐབས ་དགྲ་ལ་ཡ།། བྱས་ལ་ཕུད་གཏོར་རྦོད་གཏོང་བྱའོ།། དཔལ་དྲགས་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་བསྐུལ་བའི་ལེའུ་སྟེ་ཞེ་གཅིག་པའོ།། །། དེ་ནས་བཅོམ་ལྡན་འདས ་ཉིད་ཀྱིས་འབྱུང་བའི་བཙན་སྲོག་ལན་ཁྲག་སྐྱུག་བསྒྲུབ་པ་འདི་གསུངས་སོ།། གོང་གསུམ་ཁའམ་བྲག་དམར་རྩར།། དཀྱིལ་འཁོར་འདོམ་གང་གྲུ་བཞི་ལ།། དུག་དང་ཁྲག་གིས་ཆག་ཆག་གདབ།། དབུས་སུ་གྲུ ་གསུམ་ཐུར་དུ་བརྐོ།། ཟླ་གམ་དམར་པོ་གསུམ་གྱིས་བསྐོར།། ཕྱི་རིམ་འཛམ་བུ་གླིང་བཞི་བྲི།། ལྕགས་རི་དག་ལ་མེ་འོད་བྲི།། དབུས་སུ་གཤེད་པོ་ཉིད་དགོད་དོ།། ཟླ་གམ་གསུམ་ལ་ཡུམ་སྲས་དགོད།། ཤར་དུ་ས ་བཙན་རྡོ་རྗེ་རེག་བྱ་གསེར་མིག་དགོད།། ལྷོ་རུ་མེ་བཙན་རྡོ་རྗེ་གྲགས་མཆོག་དགོད།། ནུབ་ཏུ་ཆུ་བཙན་རྡོ་རྗེ་མགྱོགས་བྱེད་རྩ་ལ་དགོད།། བྱང་དུ་རླུང་བཙན་རྡོ་རྗེ་ཤུ་བོ་དགོད།། མི་ཤ་རྟ་ཤའི་གཏོར་མ་ཡབ་ཡུམ་ལ ་དགོད་དེ། བཙན་བཞི་ལ་གཏོར་མ་བཞི་དགོད་དོ།། ར་དམར་པོའི་སྙིང་དང་། བྱ་སེ་བོ་དང་། རྟ་མཚལ་ལུའི་སྙིང་རྣམས་དགོད་དོ།། མདའ་བྱ་རྒོད་མ་ལ་དར་དམར་པོ་བཏགས་ལ། རྟག་ཏུ་གཡབ་བོ།། མུ་སུ ་རའི་ཐོད་པར་རྡོ་སོལ་སྨྲ་བ་མུ་ཟི་དང་། ཏིལ་མར་དག་ནི་གཞག་པར་བྱའོ།། གྲི་བོའི་ཐོད་པར་བཙན་གྱི་ཐ་རམ་བཅས།། རྟག་ཏུ་ར་གསུར་རྒྱུན་མི་གཅད།། གསེར་སྐྱེམས་ལ་སོགས་གཞག་པར་བྱའོ།། རྟག་ཏུ་བཙན ་ལ་མཆོད་པ་ན།། བཙན་ཕྱུག་འཕན་དར་ནད་ལས་ཐར།། སྤྲུག་པའི་གླུ་བླང་གླིང་བུ་འབུད།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། འབྱུང་བའི་བཙན་དྲག་པོ་བསྒྲུབ་པའི་ལེའུ་སྟེ་ཞེ་གཉིས ་པའོ།། །། དེ་ནས་དྲག་སྔགས་འདི་དག་བཟླས།། ཉུང་དཀར་ལ་སོགས་རྫས་རྣམས་ལ།། ཐོད་པར་སིབ་ཅིང་འདི་དག་དྲངས། ཨ་བེ་ཤུ་ས་མ་ཡ། ར་ཙ་ཙེ་ནི། ཨ་ན་ན་ཏ་ཏྲི་ཤཾ་རྦད། ཛ་ར་ཤ་ཏི་བ་ན། དྷ་ར་ཀྲོ་ཙི ་ཏ་མརྨ་ཀུ་རུ་ཛ་ཛ། ཁྲིའམ་འབུམ་དུ་བཟླས་གྱུར་ན།། སྐུ་ཡང་མངོན་དུ་སྟོན་པར་འགྱུར།། རྟ་མེད་པའི་སྲབ་སྒྲ་དང་། མི་མེད་པའི་སྦུགས་སྒྲ་དི་རེ་འོང་། འཇིག་རྟེན་མེ་ཡིས་བསྲེག་འདོད་ན། རྡོ་སོལ་མུ་ཟི་ཏིལ་སྦྱར ་ལ། ཐོད་པའི་ནང་དུ་རླུང་ཆེན་པོ་བྱུང་ཙམ་ན། རླུང་ལ་གཏོར་ན། འཇིག་རྟེན་མེས་བསྲེག་པར་འགྱུར་རོ།། རཾ་རཾ་རཾ་རཾ་ཞེས་པའི་ལྕམ་དྲལ་སྔགས་ལ་གདགས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ ་གྲིའི་རྒྱུད་ལས། སྲོག་སྙིང་དྲངས་པའི་ལེའུ་སྟེ་ཞེ་གསུམ་པའོ།། །། དེ་ནས་བཙན་རྣམས་བསྐུལ་བ་ནི། ཧཱུཾ་བསྐལ་པའི་མེ་འབར་ཀློང་དཀྱིལ་ནས།། བསེ་ཡི་མི་རིང་དམར་པོ་ལ།། དབུ་ལ་མེ་འབར་ཡ་ལ་ལ།། མེ ་ཡི་ཞགས་པ་དམར་པོ་ཐོགས།། མེ་རྟ་དམར་པོ་ཞོན་ཅིང་རྒྱུག། དགྲ་བོའི་ལུས་ལ་མེ་ཐོངས་ཤིག། ཁྲག་གི་རྦ་ཀློང་འཁྱིལ་པ་ནས། ཁྲག་བཙན་དམར་པོ་འཇིགས་པའི་གཟུགས།། ལག་ན་ཁྲག་གི་ཞགས ་པ་ཐོགས།། ལུས་ལ་ཁྲག་གི་ཆར་པ་ཕོབ།། བསྐལ་པའི་རླུང་ནག་འཁྱིལ་བ་ནས།། བྲག་བཙན་དམར་པོ་འཇིགས་པའི་གཟུགས།། ལག་ན་ཁྲག་གི་ཞགས་པ་ཐོགས།། ལུས་ལ་ཁྲག་གི་ཆར་པ ་ཕོབ།། བསྐལ་པའི་རླུང་ནག་འཁྱིལ་བ་ནས།། རླུང་བཙན་ཤུ་བོ་སྲོག་ལེན་པོ།། ཉམས་པའི་བླ་དང་སྲོག་ལ་བྷྱོ།། གནམ་བཙན་དཀར་པོ་ཐོག་འབེབས་དགྲ་ལ་བྷྱོ།། མེ་བཙན་དྲོད་འཕྲོག་དགྲ་ལ་བྷྱོ།། ཆུ་བཙན་ཁྲག ་འཐུང་དགྲ་ལ་བྷྱོ།། ས་བཙན་སྲོག་ལེན་དགྲ་ལ་བྷྱོ།། རླུང་བཙན་དབུགས་ལེན་དགྲ་ལ་བྷྱོ།། རྦོད་གཏོང་དྲག་པོ་བྱའོ།། གོང་གི་ཐ་རམ་བཅས་པ་དེ། གོང་གསུམ་བཙན་རྒྱུ་སར་གནན་ནོ།། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་ལས་ལ་རྦད་པའི་ལེའུ་སྟེ་ཞེ་བཞི་པའོ།། །། དེ་ནས་བཅོམ་ལྡན་དེ་ཉིད་ཀྱིས། བཙན་གསང་ཐུན་ཤུ་བོ་རཀྵ་སྲོག་ལ་ཆད་པ་འབེབས་པའི་སྒྲུབ་ཐབས་འདི ་གསུངས་སོ།། དགོན་པ་དག་གམ་དུར་ཁྲོད་དབེན་པ་རུ།། དཀྱིལ་འཁོར་མཐིང་ནག་གྲུ་གསུམ་བརྩིགས།། དབུས་སུ་རབས་ཆད་ཐོད་པ་རུ། ཁྲག་དང་དུག་དང་རྡོ་སོལ་དང་།། དུར་ཁྲོད་ས་དང་ཏིལ་གྱི་མར།། ར ་དམར་སྙིང་ཁྲག་ར་ཁྲག་བླུག། མིང་རུས་བྲིས་ལ་ཐོད་པར་བླུག། བསེ་ཕོར་ཟངས་གཞོང་གཏོར་མས་དགང་།། སྲོག་གི་སྙིང་པོ་འདི་དག་ནི།། ཨོཾ་དེ་བ་ཏྲི་མན་གན་ཛ། མུ་ས་མུ་ས་མཱ་ར་ཡ་ན། དགྲ་བོ་ཆེ་གེའི་སྲོག ་བྲེང་བྲེང་བྲུཾ་བྷྱོ་ཛ་ཛཿའདི་དག་རབ་ཏུ་ཟབ་པའོ།། ཤིན་ཏུ་གསང་ཞིང་ལིངྒ་ཕུར་པས་བརྡུང་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲག་པོ་ཤུ་བོ་སྲོག་གཅོད་ཀྱི་ལེའུ་སྟེ་ཞེ་ལྔ ་པའོ།། །། དེ་ནས་བཅོམ་ལྡན་འདས་ཉིད་ཀྱིས་དྲག་པོའི་ལས་ཁ་འདི་གསུངས་སོ།། བཙན་གྱི་དྲག་སྔགས་བཟླས་པ་དེ།། རི་ལ་སྦས་ན་རི་མེས་ཚིག་པར་འགྱུར། རྒྱ་མཚོའམ་ཆུ་མིག་ཏུ་སྦས་ན་ཆུ་སྐམ། དགྲ ་བོཔོའི་ཁང་པ་ལ་སྦས་ན་ཁྱིམ་འཚིག་གོ། སྔགས་དེ་ཉིད་འུ་ཟུ་ལ་བཟླས་པ་སྟོང་བྱས་ཏེ་བྱིན་ན་སྒྲོ་འབོག་གོ། ཛའི་འབྲས་ལ་བཟླས་ཏེ་གཏོར་ན་སྦྲུལ་མི་ཟན་ཁྱིམ་དུ་འོང་ངོ་།། དཔལ་དྲག་སྔགས་ཟླ་གསང་ནག་པོ ་བཤན་པ་སྤུ་གྲིའི་རྒྱུད་ལས། བཙན་གྱི་ལས་ཁ་བསྟན་པའི་ལེའུ་སྟེ་ཞེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་ཆུ་འཁྱགས་དྲག་ཏུ་དབབ་པ་དང་། སྲོག་ལ་ཆད་པ་དབབ་པའི་ཕྱིར། ཁྱབ་འཇུག་གཟའི ་སྒྲུབ་ཐབས་དག་གསུངས་སོ།། ཡིད་དང་མཐུན་པའི་གནས་བཟུང་ལ།། ས་ཆོ་ག་ལ་སོགས་གཏོར་མ་གཏང་།། ཚེས་གྲངས་དུས་ཚོད་འདི་ལྟ་སྟེ།། རྒྱུ་དང་འཇུག་དང་གནས་པ་དང་།། སླར་ལ་བཟློག་པའི་དུས་ཤེས ་བྱ།། མ་མོ་དགྲ་ལྷའི་རྒྱལ་མོ་དང་།། བདུད་དང་སྲིན་མོ་རྨུ་དག་དང་།། གཤིན་རྗེ་དག་དང་ཀླུ་བཙན་དང་།། བགེགས་ཀྱི་བསྡོང་ཟླ་ཤེས་པར་བྱ།། དུས་ཆེན་བརྒྱད་ལ་རྟགས་ཆེན་བརྒྱད་དག་བཟུང་།། དེ་ནས་དྲག ་པོའི་ལས་ལ་འཇུག། མནྡལ་འདོམ་གང་གྲུ་བཞི་ལ།། འཁོར་ལོ་རྩིབས་བརྒྱད་དབུས་སུ་ཨེ།། ཕྱོགས་མཚམས་བརྒྱད་ལ་ཨེ་བརྒྱད་དོ།། དབུས་སུ་གཤེད་པོ་ཡབ་ཡུམ་མོ།། ཤ་ཁྲག་གཏོར་མ་བཅས ་ཤིང་གཏོང་།། འཁོར་ལོ་དག་ལ་སྤྲུལ་པ་སྟེ།། སོ་སོའི་སྒྲུབ་རྫས་བསག་པར་བྱ།། གཟའ་བདུད་རྒྱུ་བའི་དུས་བཟུང་ལ།། བསད་པ་དག་གི་ལས་བྱས་ཏེ།། དབུས་སུ་ཨེ་ལ་བསྲེག་པའོ།། སྤྲུལ་པའི་མགོ་བོ་རྒྱུ་བའི ་ཚེ།། བརྣག་པའི་དཔྲལ་བར་གདབ་པར་བྱ།། རྐང་པ་རྒྱུན་པོ་ལ་ལ་གདབ།། ལག་པ་རྒྱུན་ལག་པ་སྟེ།། དེ་བཞིན་བཏབ་ལ་ཧམ་ལ་བསྲེགས།། ཚེར་མ་ཅན་ཀྱི་ཤིང་བུ་ལ།། རྒྱུ་བའི་དུས་སུ་བསྲེག་པར་བྱ།། གཟའ ་བདུད་རྒྱུ་བའི་དུས་ངེས་ན།། རྗེས་དང་དྲི་མ་འདག་པ་དང་།། གོས་དུམ་ལོ་མ་རྙིང་པ་ལ།། གདུག་པའི་གཟུགས་བརྙན་བཞི་བྱས་ཏེ།། ཧོམ་ལ་བསྲེག་ན་བརླག་པར་འགྱུར།། དཔལ་དྲག་སྔགས་ཟླ་གསང་ནག་པོ ་བཤན་པ་སྤུ་གྲིའི་རྒྱུད་ལས། གཟའི་སྲོག་བསྒྲུབ་པའི་ལེའུ་སྟེ་ཞེ་བདུན་པའོ།། །། དེ་ནས་ཡང་ནི་བཤད་བྱ་བ།། དགྲ་བོ་མྱུར་དུ་བསད་པ་ལ།། བདུད་རྩི་ལྔ་ཡིས་ལིངྒ་བཅའ།། དེ་ལ་ཚ་བ་གསུམ་དུ་སྦྱར།། དུག ་གི་ཧོམ་ལ་བསྲེག་པ་ནི།། ལྕགས་ཕྱེ་ཁྲག་དང་ཏིལ་ནག་དང་། ཁྲག་སྣ་གུ་གུལ་ཟི་ར་དང་།། དུར་ཁྲོད་རུས་པ་བསྲེག་པས་ཕུང་།། དཔལ་དྲག་སྔགས་ཟླ་གསང་བཤན་པ་སྤུ་གྲིའི་རྒྱུད་ལས། ཧོམ་གྱི་བསད་པའི་ལེའུ ་སྟེ་ཞེ་བརྒྱད་པའོ།། །། དེ་ནས་མྱུར་དུ་སེར་བ་འབབ་ན།། ཡུགས་ས་མོའམ་རབས་ཆད་དམ།། མཛོ་ཕོའི་ཐོད་པ་དག་ཏུ་ཡང་།། དམ་གྲི་ཡུལ་གྱི་ཆུ་རྡོ་དང་།། ར་ཁྲག་ཁྱི་ཁྲག་མི་ཁྲག་དང་།། བ་དཀར་འོ་མ་མཛོ ་དང་རའི།། འོ་མ་ལ་སོགས་སྦྱར་བྱས་ལ།། སྔོ་དང་རམ་བུ་གུ་གུལ་སྦྱར།། གར་འབེབས་གཉན་སར་ཐབ་བླུག་སྟེ།། དུས་ཆོད་གཟའ་ཡི་གདོང་གཟུགས་ནས།། ཆུ་འཁྱགས་དྲག་ཏུ་དབབ་པར་བྱེད།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཆུ་འཁྱགས་མྱུར་དུ་དབབ་པའི་ལེའུ་སྟེ་ཞེ་དགུ་པའོ།། །། དེ་ནས་དྲག་སྔགས་བཤད་བྱ་བ།། ཨོཾ་བཛྲ་ཀཱི་ལི་ཀཱི་ལ་ཡ། ཤི་ཏྲི་ཤི་ཏྲི་ཀཱི་ལི་ཀཱི་ལ་ཡ། ཆེ་གེ་མོ་མཱ ་ར་ཡ་ཧཱུཾ་ཕཊ། མུ་ལུ་མུ་ལུ། ཀུ་ལུ་ཀུ་ལུ། ཐུམ་བུ་ཐུམ། བ་ར་ད་མ། ཐུམ་བུ་རུ་ཐུམ་བུ་རུ། བ་ར་ཏ་ཤུ་ཏ་ན། ད་ར་ལ་ར་ཡ། རོ་ཏྲི་རོ་ཏྲི། ཤོ་ས་ར་ཡ། ཤན་ཀུ་ཏ་ཏྲི་ཛ། ཞེས་པ་ནི་བསད་པའི་སྔགས་སོ།། ཨོཾ་མེ་ཐུན ་ཁ་ཐུན་ཁ། རཾ་ཡཾ་རཾ་ཡཾ། ན་པུ་ཏ་ན། ན་གེ་ཡེ། ར་ཐུན་ར་ཐུན། དེས་ནི་སེར་བ་འབེབས་པ་ཡིན། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲག་སྔགས་ཀྱི་ལེའུ་སྟེ་ལྔ་བཅུ་པའོ།། །། དེ ་ནས་བཅོམ་ལྡན་འདས་ཉིད་ཀྱིས་ཆུ་འཁྱགས་དྲག་སེར་གྱི་ལས་འདི་གསུངས་སོ།། དུར་ཁྲོད་ཆེན་པོའི་གནས་སུ་དཀྱིལ་འཁོར་གྲུ་གསུམ་བསྒྲག་མར་བྱའོ།། དེའི་ནང་དུ་སྣརེལ་གྲི་མོའི་ཐོད་པ་གཞག་གོ། མངལ་ཁྲག ་ལ་སོགས་པའི་ཁྲག་དང་། དུག་དང་། སྔོ་ཁུ་དང་། དཀར་གསུམ་ལ་སོགས་པ་བླུགས་ལ། རབས་ཆད་ནག་པོའི་ཐོད་པས་དགབ་བོ།། སྲོག་གི་སྙིང་པོ་འདི་བསྒྲུབ་བོ།། མོ་བེ་ཤ་མེ་ཀ་དུ་རུ་མ་ཤི་གེ ་ལ་ཏེ་ཨ་ཏ་སྭཱ་ཧཱ། སྟོང་རྫོགས་ཐུན་ཁྲག་ལ་བསྟིམ། ཨོཾ་པ་ས་ཏི་རཱ་ཧུ་ལ་མ་ཧཱ་ཀྲོ་ཏ་ཕོབ་ཏ། ཤར་ཤལ་ཏ་ཤ་ར་ཧཱུཾ་ཕཊ། དེ་ནི་བསྒྲུབ་པའི་དྲག་སྔགས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད ་ལས། ཆུ་འཁྱགས་སྒྲུབ་པའི་ལེའུ་སྟེ་ང་གཅིག་པའོ།། །། དེ་ནས་ཉི་ཤུ་དགུ་དག་ལ།། བསྙེན་རྫོགས་གཟིར་རྦད་བྱས་ལ། དྲག་པོའི་སྔགས་འདི་དག་གོ། ཨོཾ་ཀི་ཏྲི་ཏྲ་ལོ། གློ་བུར་སྦྱིན་ཐང་ཕོབ། ཏྲག་རཀྟ་སྙིང ་ཁ་རག་མ་བྷྱོ། ཁྲག་ལ་མུ་ཤཾ་བྷྱོ། ཀུ་པི་ནན་བྷྱོ། ཙནྟ་རཀྟཾ་བྷྱོ། བཙན་བདུད་ཁྲོལ་ཁྲོལ་བྷྱོ། གནམ་མཐོངས་ཕྱེ། ལྕགས་སྒྲོག་ཁྲོལ། མི་རིང་སོད། རྐྱང་རྗེ་རྐྱང་མོ་ཙུ་རུ་ཙུ་རུ་ཧཱུཾ་ཕཊ། དེ་ཡིས་ལོ་ཐོག་འཇོམས་པར ་བྱེད། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཆུ་འཁྱགས་དབབ་པའི་ལེའུ་སྟེ་ང་གཉིས་པའོ།། །། དེ་ནས་བཅོམ་ལྡན་འདས་ཀྱིས་གནམ་ལྕགས་དང་ཆུ་འཁྱགས་དབབ་པའི་ཕྱིར།། ་ཁྱབ་འཇུག་གི་དྲག་སྔགས་འདི་གསུངས་སོ།། དུར་ཁྲོད་རབ་ཏུ་འཇིགས་པ་རུ།། མནྡལ་ཆག་ཆག་བཏབ་ལ། དབུས་སུ་གྲུ་གསུམ་བརྩིགས་ལ། མུ་ཁྱུད་ཟླུམ་པོ་ལ་ཐོད་ཕྲེང་གིས་བསྐོར་རོ།། སྦྲུལ་སྔོན་པོའི་ཤུན་པར ་རྫས་བླུགས་ལ། ག་འུར་གཞུག་གོ། དེ་གྲུ་གསུམ་གྱི་དབུས་སུ་གཞག་ལ། ཟླ་གམ་གཅིག་ལ་དཀར་ཟབ་དང་། སྔོ་ཟབ་དང་དམར་ཟབ་གསུམ་གཞག་གོ། ཟླ་གམ་གཅིག་ལ་ཤ་རུལ་ཁྲག་རུལ་རྗེན་པ། བཙོས་པ། 8 ་གཅིན། ཨ་མྲྀ་ཏ། གུ་གུལ་ནག་པོ། ལ་ཕུག་ཏིལ། སྒོག་སྐྱ་གཞག་གོ། ཟླ་གམ་གཅིག་ལ། འབྲས་ཆན་དཀར་གསུམ་མངར་གསུམ་གུ་གུལ་དཀར་པོ་གཞག་གོ། ར་རོག་པོ་རྟེན་དུ་གཟུག་གོ། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། རོག་ཏི་གསང་བསྒྲུབ་ཀྱི་ལེའུ་སྟེ་ང་གསུམ་པའོ།། །། དེ་ནས་ཡང་སྔགས་དྲང་བར་བསྟན་ཏེ། ཨོཾ་བི་ཤ་ལ་དུ་རུ། མ་ཤི་ཁ་ཛ་ལ། ཨ་ཏ་སྭཱ་ཧ། ཞེས་རྒྱུན་དུ་དྲང ་ངོངོ།། དེ་ནས་བསྒྲུབ་པའི་དྲག་སྔགས་ནི། ཨོཾ་མུ་ཀ་ཡེ། ཀ་པ་ཡེ། ཨ་པ་ཡེ། ཧྲཱིཿཥྚྲྀཿབི་ཀྲིན་ཏེ། ཡུལ་འདིའི་ལོ་ཐོག་ལ་ཙ་པ་ཏི་རཱ་ཧུ་ལ། མ་ཧཱ་ཀྲོ་དྷ་ཤ་ར་རལ་སྟ་ཧཱུཾ་ཕཊ། ཐིག་ནིག་གཅིག་མེད། གཉིས་དྲག་བརྒྱད ་བཅད། དུད་ཕྲེཾ། གནམ་མཐོངས་ཕྱེ། ལྕགས་སྒྲོག་ཁྲོལ། མི་རིང་སོད། རྐྱང་རྗེ་རྐྱང་མོ་ཙུ་རུ་ཙུ་རུ་ཧཱུཾ་ཕཊ། སྟོང་བཟླས་ལ་ཐུན་ལ་བྲབ། སེང་ལྡེང་ཕུར་པ་ལ་བཟླས་ལ་གཏར་གཞུག་དེ་ནས་གོང་གི་རྫས་དེ་དག་ལ། ་དབབ་སྔགས་འདིས་དབབ་བོ།། ཨོཾ་མུ་ཀ་ཡེ། ཀ་པ་ཡེ། ཨ་པ་ཡེ། ཧྲི་སྟི་ཡེ་ཏྲི། ཡུལ་ཆེ་གེ་མོའི་ལོ་ཐོག་ལ་དུག་ཕྲེཾ། ཀར་ཕྲོམ། ཤུ་ཏི་ཕྲོམ། མུག་ཏི་སྨིན། ཤར་ཤར་དྲག་ཏུ་ཕོབ། ཙ་པ་ཏི་རཱ་ཧུ་ལ། ཨ་ཀྲོ་ཏེ་ཀ་ཕོབ ་ཏ། ཤར་ཤ་ཏ་ཧཱུཾ་ཕཊ། ཙ་རུ་ཙ་རུ། ཨག་ནེ། རག་མོ་ཀྲོ་ར་ཏེ་སྭཱ་ཧཱ། ཆུང་རྗེ་ཆུང་མོ་ཙུ་རུ་ཙུ་རུ་ཕཊ། ཧ~ཾ་ཧ~ཾ་པྲྀ། མུ་ར་མུ་ར། ཤ་རུ་པྲོ། ཐིག་ནིག་གཉིས་མེད་ཅིག་བྲག་བརྒྱད་བཅད། དུར་ཕྲོམ། གནམ ་མཐོངས་ཕྱེ། ལྕགས་སྒྲོག་ཁྲོལ། མི་རིང་སོད། རྐྱང་རྗེ་རྐྱང་མོ་ཙུ་རུ་ཙུ་རུ་ཕཊ། མ་མོ་བྱ་རྩ་ཡེ། མ་མོའི་སྲོག་རྩ་ཡེ། དགྲ་བོའི་ལོ་ཐོག་སྣར་མོ་ལ་མཱ་ར་ཡ་ཧཱུཾ་ཕཊ། ཞེས་འཕང་ཐབས་བླུད་དོ།། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། གཟའ་རྒོད་གསང་བའི་ལེའུ་སྟེ་ང་བཞི་པའོ།། །། དེ་ནས་ཁྱབ་འཇུག་འདིས་བསྐུལ་ལོ།། ཧཱུཾ་ཁྱབ་འཇུག་ཆེན་པོ་ཀུན་ཏུ་རྒྱུག། འཇིགས་བྱེད་ཆེན་པོ་རཱ་ཧུ་ལ།། སྲིན ་གྱི་བུ་ལ་ཀླུ་ཡི་ཚ།། དྲེགས་པ་ཚོགས་པའི་ཕུང་བྱེད་བུ།། སྐུ་མདོག་དུད་ཀ་མིག་གིས་ཁེངས།། རོ་སྟོད་མི་ལ་རོ་སྨད་སྦྲུལ།། དུས་ཚོད་ཚེས་གྲངས་ཀུན་གྱི་བདག། ནམ་མཁའ་རླུང་ནག་དཀྱིལ་ན་བཞུགས།། འཇིག ་རྟེན་ལྷ་སྲིན་དབང་དུ་སྡུད།། འཇིག་རྟེན་འཁྲུགས་ཅིང་ཐོག་སེར་འབེབས།། ཉི་མ་ཟླ་བ་ཁྱུར་མིད་བྱེད།། ལོ་ཉེས་རིམས་ནད་འཁྲུག་པ་གཏོང་།། ས་འོག་རྒྱ་མཚོའི་གཏིང་ན་བཞུགས།། ཀླུ་རྣམས་མ་ལུས་ཡུལ་ཡང ་འབྱིན།། འཇིག་རྟེན་ས་ཡང་དྲུག་ཏུ་གཡོ།། སད་དང་མུ་གེ་བཙའ་ཡང་འབེབས།། གཤིན་རྗེ་གཤེད་པོའི་ཞབས་དྲུང་དུ། ཁས་བླངས་དམ་བཅས་མ་འདའ་བར།། བདག་གི་ཕྲིན་ལས་བསྒྲུབ་པར་མཛོད།། ཅེས ་བསྐུལ་ལོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། རཱ་ཧུ་ལ་སྒྲུབ་པའི་ལེའུ་སྟེ་ང་ལྔ་པའོ།། །། དེ་ནས་བཅོམ་ལྡན་འདས་ཀྱིས། ལྷ་དབང་ཕྱུག་ཆེན་པོ་བསྒྲུབ་ལ་ཐོག་དབབ་པ་འདི ་གསུངས་སོ།། བྲག་ནག་སེང་གེ་མཆོངས་པ་འདྲ་བའི་རྩར་ཕྱིན་ལ། གྲ་ཕྱིང་གཙང་མ་གཅིག་ལ་ལྡོང་རོས་ཀྱི་ཐིག་བཞི་བཏབ་ལ་ལིང་ཙེ་དགུར་བྱའོ།། དབུས་སུ་དབང་ཕྱུག་ཆེན་པོའི་ཙ་ཀ་ལི་གཟུག་དར་དམར་པོས ་དགབ་བོ།། ཕྱོགས་བཞིའི་ཤར་དུ་དྲི་ཟ་ཐོག་འབེབས། ལྷོ་རུ་གཤིན་རྗེ་ཐོག་འབེབས། ནུབ་ཏུ་ཀླུ་ཐོག་འབེབས། བྱང་དུ་གནོད་སྦྱིན་ཐོག་འབེབས་དགོད་དོ།། ལིངྒ་བཅས་ལ་སྐུད་པ་བཏགས་ལ་གདགས། ཐོག ་དབབ་པའི་ཙཀྲ་དུར་ཁྲོད་རས་ལ་བྲི། ལྷ་ཆེན་པོ་ལ་མཆོད་པ་རྣམ་པ་ལྔ་ཕུལ།། འཁོར་ལོ་ཐོད་པར་བཅུག་ལ། གསེར་ཕྱེ་ཟངས་ཕྱེ་ལྕགས་ཁྲག་དང་བསྲེས་ལ་ཐོད་པར་བླུགས་ལ་གཞག་གོ། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས།། ལྷ་ཐོག་འབེབས་བསྒྲུབ་པའི་ལེའུ་སྟེ་ང་དྲུག་པའོ།། །། དེ་ནས་ཡང་ཏིང་ངེ་འཛིན་རྣམ་པ་གསུམ་ལས། མ་ཧཱ་དེ་ཝ་ཧཱུཾ། ཞེས་པས། མ་ཧཱ་དེ་བ་མདོག་ནག་པ། སྤྱན ་གསུམ་པ། གཡས་ཁ་ཊྭཱཾ་རྩེ་གསུམ་པ་དང་། ཁྱུང་གི་རྒྱལ་མཚན་ཕྱར་བ། གཡོན་ཞགས་པ་དང་བེ་ཅོན་བསྣམས་པ་བསྐྱེད་ལ། ཕྱོགས་བཞིར་ལྷ་ཆེན་པོ་བཞི་རྟ་ལ་ཞོན་ཏེ། ཐོག་གི་བུ་ཡུག་འབེབས་པར་བསམ ་མོ།། ཨོཾ་པྲཧྨ་ཎ་རཀྵ་ཨ་ཧྱེ་ཧི་ཛཿཧཱུཾ་བ་ཙ་ཞེས་སྤྱན་དྲངས་སོ།། མ་ཧཱ་དེ་ལ་པྲ་མོ་ཧ་ར་ཙ་བཞིར་ས་མ་ཡ་ཏིཥྛ་ལྡན། ཞེས་བཞུགས་སུ་གསོལ། མཆོད་པ་འབུལ་ལོ།། དེ་ནས་སྔགས་འདི་དག་དྲང ་ངོངོ།། ཨོཾ་མ་ཧཱ་དེ་ཝ་ཏི་ཛ་ཏི་ཛ་ལླ་པྲཧྨ་ཎ་རཀྵ་ཀ་ར་ཀ་ར་མ་ཡང་ཧཱུཾ། དེ་བ་ར་ཙ་ཙ་ལ་མ་ཧ་ནི་ཛ། དགྲ་བོ་ཆེ་གེ་མོ་འདི་ཟུམ་ཟུམ། རྦད་རྦད་སེན་སེན་ཛ་ཧཱུཾ། ཁྲི་སྟོང་དུ་དྲང་ངོ་།། དེ་ནས་འཁོར་ལོ་དེ་དགྲའི་ཁང་འགྲམ ་དུ་སྦས་ཏེ། ཨོཾ་ཙ་དུར་མུ་ཁ་ཤག་ཤ་བར་མ་ན། མ་ཧཱ་དེ་ཝ་དགྲ་བོའི་ཡུལ་ཁམས་སུ་རོ་ཁ་འདུས་ཁ་བ་ཧཱུཾ་པྲ་བ་ཧཱུཾ་ཕཊ། ཞེས་བཟླས་ན་འབབ་པར་ངེས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི ་རྒྱུད་ལས། ཐོག་དབབ་པའི་ལེའུ་སྟེ་ང་བདུན་པའོ།། །། དེ་ནས་ཡང་ལྷ་རྒོད་ཀྱི་ཐོག་དབབ་པ་འདི་གསུངས་སོ། དུར་ཁྲོད་རབ་ཏུ་འཇིགས་པར་མནྡལ་འཁོར་ལོ་རྩིབས་བཞི་བྱས་ཏེ། རོ་སྤུངས་པ་དང་ཁྲག་མཚོ ་བྲིའོ།། དེའི་ལྷ་དགོད་པ་གོང་མ་དང་འདྲ་བར་བྱས་ལ། ཐོད་པ་ཁ་སྦྱོར་དུག་ཁྲག་བྱུག་ལ། སྟེང་མ་ཡབ་འོག་མ་ཡུམ་དུ་མངའ་གསོལ་ལ། གྲོ་ག་ལ་མིང་རུས་བྲིས་ལ། སྐུད་པས་བཏག་ལ་བར་དུ་གཞུག་གོ། དེ་ནས ་བསྐྱེད། སྤྱན་དྲང་། བསྟིམ། པཱུ་ཛ་འདུལ་ལོ།། དེ་ནས་འདིས་ལྷ་ཆེན་པོ་ཉིད་གནད་ལ་བོར་ཞིང་བསྒྲུབ་བོ།། ཨོཾ་མ་ཧཱ་དེ་ཝ་ཀ་ལ་ཀ་ཏེ། ཛ་ཏེ་བ་ནི། ཨི་ནི་བྲི་སོ་བ་ན། ཙན་ག་རུ་རུ་ཧེ་སེ་ཀན། སུ་བེ་ན་ཧྲི། བེ་ཧུ་ར ་ཀེ་ན། སརྦ་དེ་དེ། བུ་ཡེ་ད་ནེ་བ་དེ་ན་མཱ་ར་ཡ། ཞེས་བསྒྲུབ་བོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལྷ་རྒོད་ཀྱི་ཐོག་དབབ་པའི་ལེའུ་སྟེ་ང་བརྒྱད་པའོ།། །། དེ་ནས་ཐོག་དབབ ་སྟེ། ཧཱུཾ། གནམ་ལྕགས་སྤུ་གྲི་གཏམ་པའི་ཀློང་དཀྱིལ་ནས།། གནམ་ལྕགས་ཁྲོ་ཆུ་ཁོལ་བའི་གཞལ་ཡས་ནས།། གནམ་ལྕགས་ཐོག་ཆེན་འབེབས་པའི་ལྷ།། ཆིབས་སུ་འབྲུག་ནག་འབར་བ་ཆིབས།། རོལ་དུ་ཁྱུང་དང ་སེང་གེ་ཁྲིད། ཁ་རླངས་ན་བུན་སྤྲིན་དུ་གཏིབས།། ཤངས་ནས་བུ་ཡུག་ཁུ་འཕང་འདྲིལ།། གནམ་ལྕགས་སེར་ཆེན་ཆེམས་སེ་ཆེམ།། ཤེལ་གྱི་སྐྱི་འདང་སི་ལི་ལི།། གསེར་ཐོག་ལྕགས་ཐོག་ཆེམས་སེ་ཆེམ།། གནམ ་ལྕགས་རལ་གྲི་གླད་ལ་བསྐོར།། ཟངས་ཀྱི་གློག་དམར་ལྡིབས་སེ་ལྗིབ། ཁྲག་གྱི་བུ་ཡུག་ལངས་སེ་ལངས།། ཧཱུཾ་ཧུར་ཆོམས་རྦད་ན་ལ་རཾ་ཤད་ཤད་བྷྱོ་ཛ། རཀྑ་ཙི་ཏ་མཱ་ར་ཡ། སྙིང་ལིང་རྒུད། ཙིཏྟ་བམ་རི་ལ། ཁ་རག་ཙ ་པ་ལ་བམ། རཀྵ་ཡཀྐ་ཙི་ཏ་ཁ་རྦད། པུ་ཙ་འུར་ཆོམ་རྦད་ཡ། ཛ་ཤད་ཤད་ནག་པོ་སྲོག་ལ་ཆུམས་ཆུམས། བོབས་བོབས། ཞེས་འཕང་ངོ་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཐོག ་དབབ་པའི་ལེའུ་སྟེ་ང་དགུ་པའོ།། །། དེ་ནས་བཅོམ་ལྡན་འདས་ཉིད་ཀྱི་ངན་སྔགས་ཐོག་དབབ་པ་འདི་གསུངས་སོ།། མ་ཧཱ་ཙན་དྷ་རཀྑ་བེ་ཤ་ས་ན་ཡ་ཕོབ། ཧ་ར་ཙནྡྲ་མ་ཧཱ་ཙན་དྷ་ཡཀྐ་བཀྐ་ཕོབ། རཀྟ་མ་ཧཱ ་ཡཀྐ་བྷྱོ། ཤར་ཤེ་ལ་ཧ་ལ་ཧ་ལ། དན་ཏ་པྲ་ཙེ་ཕོ་བ། པྲ་ཙེ་པྲ་ཙེ། ཧ་རི་ཧ་རི། ཛ་དུ་སྟི་བྷྱོ། རཀྟ་རཀྟ། ཙན་དྷ་མ་ཧཱ་ཤག་ཏི་ནན། ད་ར་ཙན་དྷ་པ་ཙ་པ་ཙ། ཧ་ལ་ཧ་ལ། ད་ར་ད་ར་ཕཊ། རཀྟ་ཙན་ཏི། མ ་ཧཱཧ་ཤནྟི་བྷྱོ་བྷྱོ། བཛྲ་ཙི་ཏ་བྷུ་བྷུ་རུ་པ། བཛྲ་དེ་ཝ་ཧ་ན་ཧ་ན་བྷྱོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཐོག་དབབ་པའི་ལེའུ་སྟེ་དྲུག་ཅུ་པའོ།། །། དེ་ནས་མཛེ་ཐོད་དུ་བཙན་དུག ་དང་། ཕ་ལ་ཏ་ཀ་དང་། ཉུང་དཀར་དང་། ཉུང་ནག་དུག། གསེར་ཕྱེ་ལ་སོགས་པས་བཀང་ལ། ཡུགས་ས་མོའི་པགས་པ་ལ། ཡུལ་དེའི་མིང་ཡང་བྲིས་ལ། སྔགས་འདི་བཟླས་ནས་སྦས་ན་ཐོག་འབབ་པར་འགྱུར ་རོ།། བག་ཟན་ལ། སེམས་ཅན་གྱི་གཟུགས་བྱས་ལ། སྔགས་འདི་བཏབ་ནས། ཁང་པ་ལ་སྦས་ན་སྐད་ངན་འདོན་ནོ།། སྔགས་འདི་སྨྱུག་ཤད་ལ་བཏབ་ནས་ཕྱུགས་མའི་འོག་ཏུ་བཏིང་ན་སྐབ་འཕེལ་ལོ།། ཚོན་རྩི་ལྔ ་ལ་བཏབ་ནས་བཞག་ན་བྱི་བ་དང་། རི་བོང་ཁ་འཆིང་བར་འགྱུར་རོ།། མུ་ཏིག་ལ་བཏབ་ནས་བུད་མེད་ཀྱིས་མིད་ན་བུ་མང་པོ་འོང་ངོ་།། རྨ་བྱའི་སྒོ་ལ་བཏབ་ནས་བཅངས་ན་མཛེ་ལས་ཐར་རོ།། དཔལ་དྲག་སྔགས ་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་རེ་གཅིག་པའོ།། །། དེ་ནས་བཅོམ་ལྡན་འདས་འཇིགས་བྱེད་ཆེན་པོ་དེས། མ་མོ་རཀྑ་འདི་བསྒྲུབ་ལ་ཡམས་ནད་གཏོང་བའི་ཐབས་འདི་གསུངས ་སོ།། དུར་ཁྲོད་འཇིགས་པར་ཕྱིན་ལ། མི་ཕུང་ཤུལ་ནས་ས་བླངས་ལ་མནྡལ་བྱས་ལ། མངར་ཁྲག་དང་རིམས་ཁྲག་གིས་ཆག་ཆག་བཏབ་ལ། དུག་དང་སྨན་མོ་བྱུག་གོ། དབུས་གྲུ་གསུམ་བརྩེག་མ་ཟླ་གམ་གསུམ། ་འཁོར་ལོ་རྩིབས་བཞི་མུ་ཁྱུད་ཟླུམ་པོ་ཐོད་ཕྲེང་བྱ། གྲུ་ཆད་དང་སྒོ་ཁྱུད་ལྡན་པའོ།། དབུས་སུ་འཇམ་དཔལ་ཡབ་ཡུམ། འཁོར་ལོ་ལ་ཕུང་བྱེད་མ་བཞི། གྲུ་ཆད་ལ་སྲིང་བཞི། རྩིབས་མཚན་ལ་བཤན་པ་མ་བཞི། བར ་ཁྱམས་ལ་ས་བདག་མོ་བཞི་དགོད་དོ།། ཕུར་པ་རེ་དགོད་དོ།། དབུས་སུ་ཐོད་ངན་ལ་དགྲ་བོ་བྲིས་ལ་གཞག་དམ་རྫས་ནི། གཤེད་པོ་ལ་དཔལ་གཏོར། ཨེ་ཀ་ཛ་ཏི་ལ་ཤེས་རབ་མའི་མཚལ་དང་། སྣརེལ་གྲི་མོའི་སྙིང་། ་རེ་མ་ཏི་ལ་མི་དབང་དང་ཤ་སྨན། ཕུང་གསུམ་མ་ལ་གླང་ནག་སྙིང་དང་། པདྨ་རཀྟ། སྦྲུལ་ནག་སྙིང་། འུག་པའི་མིག་ཕོ་རོག་གི་སྙིང་། བུད་མེད་ཀྱི་ཀླད་ཁྲག་གོ། ཕུང་བྱེད་ཀླད་ཁྲག་གོ། ཕུང་བྱེད་བཞི་ལ་ཁྲག་སྣ ་གསུམ་དང་། སྟག་སེང་ས་བདག་གི་སྙིང་གཞག་བཤན་པ་བཞི་ལ་གཏོར་མ་གཞག་སྲིན་མོ་བཞི་ལ། མར་ཁུ། སྦྲང་རྩི་འོ་མ་ཁྲག་གཞག་གདོང་མོ་ལ་སྟག་དོམ། གླང་། གནའ་ཤ་གཞག་ལ། མཎྜལ་གྱི་བྱང་ཤར་དུ། ་མནྡལ་མཆོད་རྟེན་ནག་པོ་ལ་རོ་སོལ་བསྐུས་པའི་བུམ་པར་མིང་རུས་གཞུག་མཇུག་ཏུ་མཆོད་རྟེན་གཉེན་སར་སྦའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲིད་པ་དམག་ཏུ་དབབ་པའི ་ལེའུ་སྟེ་རེ་གཉིས་པའོ།། །། དེ་ནས་བདག་ཉིད་གཤིན་རྗེ་གཤེད་པོར་བསྒོམ། མ་མོ་རྣམས་བསྐྱེད་ཀྱང་མི་འགལ། མ་བསྐྱེད་ཀྱང་རུང་བ་ཡིན། སྲིད་པ་དམག་ཏུ་འདིས་ནན་དབབ་བོ།། ཏྲག་རཀྑ ་ཁ་མུན་ཏྲ་མུ་ཏྲ་མ་མ་རུ་ལུ་རུ་ལུ་ཧཱུཾ་བྷྱོ་ཧཱཾ། རག་མོ་ཏེ་ཀུ་མ་ཛ་ཛ། ཁ་ལ་མ་ཧི་བྷྱོ། རཀྟ་ཐུན་བྷྱོ་ཛ་ཛ། ཤིང་ཐུན་མ་མ་ཐུན། བི་མ་རུ་ཙེ་དགྲ་ལ་བྷྱོ་བྷྱོ་བྷྱོ་ཕཊ་ཕཊ། རུ་རུ་བྱི་མ་རུ་ཙེ། ཁ་ཐ་མ་མ་མོ་ནག་མོ་ཙ་མ་ཡཾ་པ། ་སྲོག་ལ་ཐུན། སྙིང་ལ་ཐིབས། མྱོགས་མྱོགས། ཤིག་ཤིག་ཙིཏྟ་བམ་ཤིག། ཙིཏྟ་བམ་མྱོག། མུག་ཏིག་རི་རྒྱོབ། ཙིཏྟ་བམ་ཕྱུང་། ཆོད་ཤིག་ཟུམ་ཤིག་ལོང་ལོང་ཟུམ་ལོང་། ཡེར་ཡེར་མེར་མེར་སོད། རུ་རུ་ཤིག་ཏྲི། ཀྲ ་མ་དུ་སོད་སོད། སྲོག་ཐུམ་མུག་སད། མ་ཡག་རུ་རྦད་ཡ་སོད། ཁ་རུག་ཤ་ཤ་ས་མ་ཡ་སོད། སྲོག་ཐུམ་ནརི་རྦད་སོད། ནི་ནི་རྩ་ཁུན་ལ་སོད། ཅེས་བཟླས་ཏེ། འཁོར་ལོ་མཆོད་རྟེན་དུ་བྲུབ་ལ་གནན་པར་བྱའོ།། དཔལ ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲིན་མོའི་ཚོགས་ཀྱི་ནད་ཡམས་དབབ་པའི་ལེའུ་སྟེ་རེ་གསུམ་པའོ།། །། དེ་ནས་མ་མོ་ལས་ལ་གཏང་བ་ནི། ཧཱུཾ། སྣང་སྲིད་རཀྟའི་གཞལ་ཡས་ནས།། ་ཁྲག་གི་བུད་མེད་ནག་མོ་འབུམ། ཁ་ནས་ནད་ངན་སྣ་ཚོགས་འགྱེད།། སྣ་ནས་དུག་གི་རླངས་པ་འཐུལ།། མགོ་ལ་དུག་གི་མེ་འབར་མ།། ལ་ལ་གནོད་སྦྱིན་སྒེག་མོའི་གཟུགས།། ལ་ལ་མ་མོ་སྒེག་མོའི་གཟུགས།། ལ ་ལ་དྲང་སྲོང་ཁྲོས་པ་འདྲ།། ལ་ལ་དུར་ཁྲོད་མི་རོའི་གཟུགས།། ལ་ལ་མཁའ་འགྲོ་བྱ་ཡི་གཟུགས།། དགྲ་ལ་ནད་དང་རིམས་ཡམས་ཕོབ།། ཅེས་བསྐུལ་ལོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི ་རྒྱུད་ལས། མ་མོ་བསྐུལ་བའི་ལེའུ་སྟེ་རེ་བཞི་པའོ།། །། དེ་ནས་ཡང་མ་མོ་ཡོངས་ཀྱི་ནང་ནས་ནད་ཀྱི་བདག་མོ་རེ་མ་ཏིའི་ནད་དབབ་པ་འདི་གསུངས་སོ།། འདི་དག་དྲག་སྔགས་ཉི་ཚེའོ།། རུ་རུ་ཤྲི་ཏྲི་ཀྲི་མ་དུ ་སོད། མ་ཡག་དུ་ཡ་སོད། ཁ་རུག་ཤ་མ་སོད། སྲོག་ཐུན་ནརྀ་རྦད་སོད། ནི་ལ་ནི་ཡ་ཙ་དུན་སོད། ཤ་རྒྱུད་སྙིང་ཕྱུང་། སྙིང་རྒྱུད་སྲོག་ཆོད། ཐུན་དབུགས་ལོང་། མ་མ་ཐུན་ཐུན་སོད་སོད། དཔལ་དྲག་སྔགས་ཟླ་གསང ་ནག་པོ་བཤན་པ་སྤུ་གྲིའི་རྒྱུད་ལས། རེ་མ་ཏིས་ནད་ངན་འབེབས་པའི་དྲག་སྔགས་ཀྱི་ལེའུ་སྟེ་རེ་ལྔ་པའོ།། །། དེ་ནས་ངན་སྔགས་འདི་དག་གསུངས་སོ།། རྒྱུ་གཟེར་གྱིས་ཤི་བའི་ཁྲག་གི་གཞི་ལ། བཙན་དུག ་བཞི་ནམ། འམ། གཅིག། ཐར་ནུ་དེ་དང་མཉམ། བསེ་ཞོ། མར་རྙིང་པ་ལ་སྔགས་བཟླས་ནས་བཏང་ན་རྒྱུ་གཟེར་དུ་འགྱུར་རོ།། བསེ་ཞོ་སྦྲང་རྒོད། ཟོ་ཤ་བཙན་དུག་མཉམ་པར་བྱས་ནས་ལུས་ལ་བསྐུས་ན་ལྷོག ་པར་འགྱུར་རོ།། བསེ་ཞོ། བཙན་དུག་བྱང་བ། མཛེ་ཁྲག་ཏུ་སྦྱར་ནས། ཟར་མའི་མར་ཁུ་དང་ལོ་མ་གོས་ལ་བསྐུས་ན་མཛེས་ཟིན་པར་འགྱུར་རོ།། བྱང་བ་དང་མཛེ་ཁྲག་སྐམ་པོ་སྦྱར་ཏེ་ཆང་ལ་བཏབ་ན་སྙིང་ལ་བབ ་བོ།། དུག་སྣ་ཚོགས་དང་ཁྲག་ཏུ་སྦྱར་ཏེ། རིམས་ཁྲག་དང་། ཁྱི་ལུད་དཀར་པོས་སྦྱར་བ་ཀླུ་ཡོད་པའི་ཆུ་མིག་ཏུ་བླུགས་ན་རིམས་འབེབས་སོ།། ཁྱི་ལུད་ལོ་ལོན་པ་བརྩེགས་པའི་ཁར། རྡོ་ཏི་ཚ་དང་། དྷ ་དུ་ར་བཞག་སྟེ་མེ་བུས་ནས། རླུང་ཕྱོགས་སུ་འགུལ་ཚད་རིམ་གྱིས་བཏབ་ནས། འགུམ་མོ། མཛེ་ཁྲག་སྐམ་པོ་དང་། རྟ་ཞོ་བཏང་ན་མཛེས་འཛིན་ནོ།། ཕག་ཤ་དང་ཉ་ཤ་ཐང་ཕྲོམ་ནག་པོས་བཙོས་པ་བཏབ་ན་ལུས ་སྒྲསྐྲང་ཏེ་འགུམ་མོ།། སྔགས་སྟོང་སྟོང་ངོ་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ནད་བདག་མོའི་ལེའུ་སྟེ་རེ་དགུ་པའོ།། །། དེ་ནས་ཡང་བཅོམ་ལྡན་འདས་ཉིད་ཀྱིས།། སྒྲོ་འབོག་གི ་ལས་བྱ་བའི་ཕྱིར། སྲོག་བདག་གི་ལས་འདི་གསུངས་སོ།། གནས་ནི་རི་བདུན་རྩེའམ་ལྷ་ཁང་ངམ་བྲག་དཀར་པོར་བསྒྲུབ་ཏེ། དར་རས་གཙང་མའམ། གྲ་ཕྱིང་གཙང་མ་བཏིང་ལ་འབྲུ་སྣའི་བཅལ་གཅལ་ཡང ་དགྲམ། ག་པུར་དང་། སྤོས་རྣམས་བཀྲམ་ལ། དར་དཀར་གུར་དབུབ་བོ།། ལྷ་བཤོས་རི་བོ་འདྲ་བ་ལ་མར་བྱུག། སྨྱུག་མ་ཚིགས་གསུམ་པོ་ལ་བྱ་རྒོད་ཟེར་མོའི་ཕོད་དང་། དར། ཟ་འོག་གསེར། བ་སེ། མུ་ཏིག ་ལྤགས་བུ་དཀར་པོ་གཟུག་གོ། དེ་ནས་གཏོར་མ་ནི། ཆན་ཐུག་ཁུར་བ། ཐུད་ཕྲོམ། དཀར་གསུམ། མངར་གསུམ། སྤྱན་གཟིགས་རྣམས་ལ། སྲོག་བདག་ཉིད་ཙ་ཀ་ལིར་བཙུགས་ལ། བདག་ཉིད་གཤིན་རྗེ་གཤེད་དུ ་བསྒོམས་ལ། སྐུ་གསུང་ཐུགས་ཀྱི་སྙིང་པོ་བཟླས། དེ་ནས་སྲོག་བདག་གི་དྲག་སྔགས་འདི་དག་གོ།། གཤིན་རྗེས་མགོ་མནན་ཏེ། ཨོཾ་ཤྲཱི་མཉྫུ་ཡ་མ་རཱ་ཙ་མ་མ་ཨེ་ཀ་ཙ་ཏི་ནི་ཛ་ཛ། ཏྲི་ཙ་པ་ལ་ཨ་ཤུག་མེ་སྭཱ་ཧཱ། ཕོད ་པའོ།། ཧ་ལི་ཧུ་ལུ་མ་ར་རི་ལ་ནི་ཛ། ལ་ལི་པྲ་མ་ནི། རི་ཙེ་ཐལ་བ་ནི། ཀྲོ་ཏིང་ཀྲོ་ལ་ཡ། ཏྲི་ཀཾ།། ཤི་ཏྲི་མུ་ཏྲི། རེ་ཏྲི་ཏྲི་རང་ཏྲང་། ཧ་བ་ཤ་ཧམ་ཤང་། ཆེ་གེའི་ཙིཏྟ་ལ་ཛ། ཞེས་རྦད་དོ།། དཔལ་དྲག་སྔགས་ཟླ་གསང་ནག ་པོ་བཤན་པ་སྤུ་གྲིའི་རྒྱུད་ལས། གསང་བ་ཤར་གིང་གི་ལེའུ་སྟེ་རེ་བདུན་པའོ།། །། དེ་ནས་ལིངྒ་བཅས་ལ། མི་སྨྱོ་གྲིར་ཤི་བའི་ཐོད་པའམ་རྟ་ཐོད་དུ། དུག་སྣ་དགུ། ར་ཁྱིའི་ཁྲག་དང་བཅས་ཏེ་གཞུག་ཉིན་བཞིན ་ལྷའི་གིང་བཞི་དང་། སྐབས་སུ་གིང་ཆེན་བཅོ་བརྒྱད་བསྐུལ། ཨོཾ་མ་ཧཱ་རཱ་ཛ་ཐུན་བྷྱོ་བྷྱོ། དགྲ་བོའི་སྲོག་ལ་ཐིབས། མུག་མ་ར་ཎ་ཐུན། པར་ཏང་དགྲ་བོའི་སྙིང་ཤག་ཚལ་པ་དུམ། དགྲ་བོའི་བཀྲག་ལ་རྦད། རླག་ཛ ་ཏུ་ཐིབས་ཆུམ། དགྲ་བོའི་ཁྲག་ལ་འཇིབས། སི་པ་སི་པ་དུན་ཛ། མ་མ་ཤ་ལ་ཛ། རཀྟ་ཁྲག་ལ་ཐུན་བྷྱོ། རྨུག་རྨུག་རྦད་ཟད། ཅེས་བསད་དོ།། དཔལ་དྲག་སྔགས་ཟླ་གསང་ནག་པོ་བཤན་པ་སྒྲ་གྲིའི་རྒྱུད་ལས། ཤར ་གིགང་གི་བསད་ལས་ཏེ་ལེའུ་རེ་བརྒྱད་པའོ།། །། དེ་ནས་ཡང་རྒྱལ་པོ་ཉིད་དངོས་སུ་བྱུང་ན་བཟང་། དམག་དཔོན་ནམ་ཞང་བློན་འབྲིང་། འབག་ཏུ་རྨི་བ་ནི་ངན་ནོ།། རྒྱལ་པོ་ཉིད་ཁྲོས་ན་ཤིས་བསྟན་པའི་སྔགས ་འདིའོ།། མ་ར་ན་པྲ་མ་ར། རཱ་ཛ་ཙིཏྟ་བི་ཨ་ལི་ས་མ་ཡ། ས་མ་ཡ། ས་མ་ཡ། ཨཾ་ཀུ་ཤ་ཛ་ཛ། ཞེས་བཟླས་པས། རྒྱལ་པོ་ཉིད་མཆི་མ་ཁྲག་ཏུ་ངུའོ།། ཤར་གིང་ཉིད་དུ་བསྒྲུབ་པ་ལས། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཤར་གིང་དཀར་པོ་ལྷར་བསྒྲུབ་པའི་ལེའུ་སྟེ་རེ་དགུ་པའོ།། །། དེ་ནས་བཅོམ་ལྡན་འདས་ཀྱིས་སྲོག་བདག་ཆེན་པོ་དགུའི་སྒྲུབ་ཐབས་འདི་གསུངས ་སོ།། དཀྱིལ་འཁོར་ནི་དབུས་ཐིག་བཞི་བཏབ་པས་ལིང་ཚེ་དགུར་བྱའོ།། གྲུ་གསུམ་རེ་རེ་བྲིའོ།། ཤར་དུ་སེར། དབུས་སུ་དཀར། ལྷོ་སྔོ། ནུབ་དམར། བྱང་ལྡང་། མཚམས་སྨུག་པོར་བྱའོ།། ཤུག་པའི་ཕུར་པ་དགུ་ལ ་གིང་ཀ་ར་ས་མ་ཡ་དགྲ་བོའི་སྲོག་ཆོད་ཅིག་ཏིཥྛ་ལྷན། བྱས་ལ་དགོད་དོ།། ཕུར་པ་ལ་དར་དཀར་གྱི་ཅོད་པན་གདགས་སོ།། གསང་ཕྱེ་ལ་བཤོས་བུ་བྱས་ལ་མར་བྱུག་ལ། དབུས་སུ་སྨྱུག་མ་ཚིགས་དགུ་པ་ལ་མཚལ ་གྱི་ཉ་མིག་བྲི། རྩེ་ལ་བྱ་རྒོད་རྒྱལ་མཚན་དང་། དར་དཀར་གྱི་གདུགས་དབུབ། རྔ་མོ་དཀར་པོ་གཟུག་གོ།། ལེ་ཙེ་བརྒྱད་ལ་སྨུག་མ་ཚིགས་གསུམ་པ་བརྒྱད་ལ། མཚལ་དང་ལྡོང་རོས་ཀྱིས་གཡུང་དྲུང་རིས་སུ་བྲིས་ལ། ་དར་ལྕེ་དཀར་པོ་དང་། ཤེལ་དཀར་ཕྲེང་བ་དང་། རིན་པོ་ཆེ་ལྔ་དང་། བྱི་རུ། མགྲོན་བུ། དགྲ་བོའི་མིང་རུས་རེ་རེ་གདགས་སོ།། ལྕང་མ་མཐོ་རེ་བ་རེ་ལ། ཕོད་དང་དར་གདགས། མཚལ་གྱི་གཡུང་དྲུང་རིས་བྲིས་ལ ་སྒོ་བཞིར་དགོད་དོ།། གཞན་ཡང་ཐུད་དང་དཀར་གསུམ། མངར་གསུམ་ཉ་ཕྱིས་སམ་དུང་དུ་གཞུག། གསེར་ཕུད་བྱ་ཕོ་ལྔ། མཚེ་ཉུང་དཀར། གངས་ཆུ་ལུ་ཆུ་བཞག་ལ། མེ་ཏོག་མང་པོ་དང་། མཆོད་པ་ལྔ་གཞགར ་ལུག་དཀར་པོ་གཅིག། རྭ་དམར་པོར་བྱུགས་ལ་གཏར་གཞུག་དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་བདག་དགུ་བསྒྲུབ་པའི་ལེའུ་སྟེ་བདུན་ཅུ་པའོ།། །། དེ་ནས་བདག་ཉིད ་བེར་གོན་ཏེ།། གཤིན་རྗེའི་གཤེད་པོའི་སྔགས་དྲངས་སྟེ། ཨོཾ་མ་ཏྲི་དུ་སྟ་འབྱུང་ཀ་ར་མཱ་ར་ཡ་སྭཱ་ཧ། ཨོཾ་ཁུ་ལེ་མ་ཧི་པེ་ར་སྭཱ་ཧཱ། ཨ་གེ་རུ་ཏྲ་སྭཱ་ཧཱ། ཨུག་གེ་མ་ལེ་སྭཱ་ཧཱ། དྲང་ཟེ་བ་པ་སྭཱ་ཧཱ། ཤར་ཟེ་ཤང་ཀ་རི་སྭཱ་ཧཱ། ད ་ཁོད་བི་བི་པ་ར་སྭཱ་ཧཱ། ནི་ཁོད་བ་ར་ཧི་དེ་སྭཱ་ཧཱ། སཱུརྱ་ཙནྡ་མ་ཧཱ་ཁུ་ལེ་སྭཱ་ཧཱ། སྲོག་གི་སྙིང་པོ་དེས་འགྲུབ་བོ།། བོད་པ་སྲོག་གི་སྙིང་པོའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག ་བདག་འབོད་པའི་ལེའུ་སྟེ་དོན་གཅིག་པའོ།། །། དེ་ནས་གྲུབ་རྟགས་ནི་རབ་སྐུ། འབྲིང་འོད་དང་སྒྲ། ཐ་མ་རྨི་ལམ་དུ་འོང་ངོ་།། དེ་ལྟར་རྟགས་མཐོང་ནས། རྦད་པ་སྲོག་གི་སྙིང་པོ་འདིས་བྱའོ།། ཨོཾ་མ་ཧཱ་པྲ་མ ་ན་རཀྵ་རཀྟ་ཙ་མུན་ཏ། མ་ཧཱ་ཀྲི་ཏྲི་ཙི་ལ་བིང་བིང་། དགྲ་བོ་མཱ་ར་ཡ་ཧ་བ་ཧབ་ཅེས་རྦད་དེ། སྐྱ་རེངས་ལ་བསྐུལ་ཏེ་གཏང་ངོ་།། དེས་བསད་པ་སྲོག་གི་ལས་འགྲུབ་བོ།། དཔལ་དྲག་སྔགས་ཟླ་གསང་ནག་པོ་བཤན་པ ་སྒྲ་གྲིའི་རྒྱུད་ལས། ཟད་པ་སྲོག་དཔྲལ་གྱི་ལེའུ་སྟེ་དོན་གཉིས་པའོ།། །། དེ་ནས་བསད་ཅིང་སྨྱོ་འབོག་ཏུ་བྱ་སྟེ། རྟ་ཟོད་དཀར་པོ་ལ། དབུས་སུ་རི་རབ་གླིང་བཞི་བྲི། གཡས་སུ་ཟླ་བ་བྲི། ་གཡོན་དུ་ཉི་མ་བྲི། རྟ་ཐོད་ཟ་འོག་གིས་གྲིལ། མིང་བྱང་རྟ་ཐོད་དུ་གྲུབ། ཁྲག་སྐམ་དང་གུ་གུལ་སྦྱར་བ་དང་། མཚོ་དང་ཀླད་པ་ལ་སྔགས་འདིས་གདབ་བོ།། ཧཱུཾ་མ་ཧཱ་ཀ་ར་ཐུན་བྷྱོ། མ་ཧཱ་ཧ་ར་ཙ་ར་ཐུན་བྷྱོ། མ་ཧཱ་བ ་བ། མ་ཧཱ་དེ་བ་མ་ཧཱ་རུ་ཏྲ་བྷྱོ་བྷྱོ། ཧཱུཾ་ཏྲོ་ཐ་ཡ་ཏྲོ་ཐ་ཡ། ཏྲ་ཏ་ཡ་ཏྲ་ཏ་ཡ། ཀྵུ་ལ་ཀྵཱ་ལ། གིང་ཀ་ར་གིང་ཀ་ར། གིང་ཛ་ལ་གིང་ཛ་ལ། ཡཀྑ་གྲི་བ་ཡཀྐ་གྲི་བ། དྷ་ཤ་གྲི་བ་དྷ་ཤ་གྲི་བ། པུ་ཏྲ་དཀར་པོ་བྷྱོ་བྷྱོ།། དེ་ནས་རང ་རང་རྩ་བའི་སྔགས་བརྗོད་ཅིང་གདབ། གཙོ་བོའི་ཕུར་པ་སྙིང་ལ་གདབ། ཁུ་ལེས་གསང་བར་གདབ། ཨག་གེས་ལག་པ་གཡས། ཨུག་གེས་དཔྲལ་བར་གདབ། དྲང་ཟེས་ལག་པ་གཡོན། ཤང་ཟེས་རྐང་པ་གཡས། ་ད་ཁོད་དཔུང་མགོ་གཡས་ནེ་ཁོད་དཔུང་མགོ་གཡོན། ཉི་ཟླས་རྐང་པ་གཡས་གཡོན་གདབ་ན་སྨྱོ་འབོག་ཏུ་འགུམ་མོ།། རྟ་ཐོད་ལྷ་ཁང་ངམ་རི་རྩེར་གནན་ནོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི ་རྒྱུད་ལས། སྲོག་བདག་དགུའི་བསད་པའི་དྲག་སྔགས་སྒྲོ་འབོག་གི་ལེའུ་སྟེ་དོན་གསུམ་པའོ།། །། དེ་ནས་ཡང་སྲོག་ཟན་ཆེན་པོ་དགུའི་དྲག་སྔགས་འདི་གསུངས་སོ།། དུར་ཁྲོད་བྲག་གམ་ལྷ་ཁང་ལྟ་བུར ་གནས་བཙལ་ཏེ། དཀྱིལ་འཁོར་མཐིང་ནག་གྲུ་གསུམ་བྱས་ལ། འཁོར་ལོ་རྩིབས་བཞི་དང་ཐོད་ཕྲེང་གིས་འཁོར་བར་བྲིས་ལ། མཆོག་གི་ཕུར་པ་དགུ་ལ་སྲོག་བདག་ཆེན་པོའི་སྔགས་བྲིས་ལ། དབུས་སུ་དཀར་པོ ་སྙིང་འབྱིན་དགོད། ཤར་དུ་ཁུ་ལེ་དགོད། ལྷོ་རུ་ཨག་གེ་དགོད། ནུབ་ཏུ་ཨུག་གེ་དགོད། བྱང་དུ་དྲང་ཟེ་དགོད། ཤར་ལྷོར་ཤང་ཟེ། ལྷོ་ནུབ་ཏུ་ད་ཁོད། ནུབ་བྱང་དུ་ནི་ཁོད། བྱང་ཤར་དུ་ཉི་ཟླ་དགོད། ལུག་གི་སྙིང ་སྲོག་པ་རྩ་དང་མ་བྲལ་བར་དགྲ་བོའི་མིང་བྱང་གཞུག་དར་དཀར་གུར་ཕུབ། ཤར་དུ་ཁྲག་སྣའི་གཏོར་མ། ལྷོར་ཤ་སྣའི་གཏོར་མ། ནུབ་ཏུ་རུས་པ། བྱང་དུ་ཁྲག་སྣ། སྒོ་བཞིར་ཡང་ཤར་དུ་མཆིན་པ། ལྷོར་ཤ་ཆེན། ་ནུབ་ཏུ་མཆེར་པ། བྱང་སྒོར་ཚིལ་བུ། བཤོས་བུ་མ། ཁྱིད་རེ་བ་དགུ། མྱུག་རྒོད་རེ་རེ། ཕོད་དཀར་རེ་རེ། མིང་བྱང་རེ་རེའོ།། བག་ཟན་ལ་གཟུགས་བྱས་ཏེ། ཤར་དུ་ལུག་ལྷོར་བྱ། ནུབ་ཏུ་ར། བྱང་དུ་ཁྱི་བྱས་ལ་མི ་རུས་རེ་རེ་སྐེར་གདགས་སོ།། དཀྱིལ་འཁོར་གྱི་ལྷོ་ནུབ་ཏུ་འབྲུབ་ཁུང་དུ་དམ་སྲིའི་གཟུགས་མིང་རུས་གཞུག་བྱང་ཤར་དུ་ཤ་ཁྲག་གི་གཏོར་མ་ལ་ཚིལ་ཆེན་གྱི་ཞལ་ཁེབས་བྱའོ།། དཔལ་དྲག་སྔགས་ཟླ་གསང་ནག་པོ ་བཤན་པ་སྤུ་གྲིའི་རྒྱུད་ལས། སྲོག་ཟན་ཆེན་པོ་བསྒྲུབ་པའི་ལེའུ་སྟེ་དོན་བཞི་པའོ།། །། དེ་ནས་བདག་ཉིད་ཡ་མཱནྟ་ཀར་བསྒོམས་ལ། དྲག་སྔགས་འདི་དག་གོ། ཨོཾ་འབྲ་ཤ་མ་ཧཱ་རཱ་ཛ་སྭཱ་ཧ། ཨོཾ་ཁུ་ལེ་མ་ཧཱ་བེ་ར ་སྭཱ་ཧཱ། ཨོཾ་ཨ་གེ་རུ་ཏྲ་སྭཱ་ཧཱ། ཨོཾ་ཨུག་གེ་མ་ལེ་སྭཱ་ཧཱ། ཨོཾ་དྲང་ཟེ་བ་བ་སྭཱ་ཧཱ། ཨོཾ་ཤང་ཟེ་ཤང་ཀ་རི་སྭཱ་ཧཱ། ཨོཾ་ད་ཁོད་བི་བི་པ་ར་སྭཱ་ཧཱ། ཨོཾ་ནི་ཁོད་བ་ར་ཧི་དེ་སྭཱ་ཧཱ། ཨོཾ་སཱུརྱ་ཙན་དྲེ་མ་ཧཱ་ཁུ་ལེ་སྭ་ཧ། དེ ་དག་ནི་རྩ་སྔགས་ནས་བོད་པའོ།། ། རྟགས་ནི་གོང་དང་འདྲའོ།། དེ་ནས་རྦད་སྔགས་ནི། ཨོཾ་མ་ཧཱ་པྲ་མ་རཀྟ་རཀྟ་མུན་ཏྲ། མ་ཧཱ་ཤི་ཁེ་ཙོ་ཀ་ཙ་ལ་བིང་བིང་དགྲ་བོ་མ་ར་ལ་ཧབ་ཧབ། ཅེས་ཟད་དོ།། མ་ཧཱ་ས ་མ་ཡཱ་རཀྵ་མ་ཧཱ་ར་ཙ་ཐུན་ཐུན་ཕྲོལ་ཕྲོལ། ཞེས་ལྷ་དང་དབྱེ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་ཟན་ཆེན་པོའི་དྲག་སྔགས་ཏེ་ལེའུ་དོན་ལྔ་པའོ།། །། དེ་ནས་ཡང་དེ་ལྟར ་བསྒྲུབ་ནས་ཕུར་ཐུན་བྱས་ཏེ། དབུས་ནས་ཕུར་པ་ཕྱུང་ལ། ཧཱུཾ་ཤར་གིང་རཾ་སྲོག་བདག་སྙིང་འབྱིན་ཀཱི་ལི་ཀཱི་ལ་ཡ། ཙིཏྟ་མུགས་དཀར་པོ་སྙིང་འབྱིན་ལྷན། ཞེས་ཉི་ཤུ་རྩ་གཅིག་བཟླས་ལ་སྙིང་ལ་གདབ་བོ།། ཧཱུཾ། ཤར ་གིང་རཾ་སྲོག་བདག་ཁུ་ལེ་ཤོད་ཁྲག་སྐམས་བཛྲ་མུགས་ཏི་ཙ་ཤ་རཀྟ་རྔུབས་ལྡན། ཕྲག་ཁྱིམ་ལ་གདབ། ཧཱུཾ་ཤར་གིང་རེ་སྲོག་བདག་ཨག་གེ་ཙི་ལི་ཙི་ལི་ས་མ་ཐིབས་ཐིབས། ནུ་མ་ལ། ཧཱུཾ་ཤར་གི་ར་སྒྲོལ་གིང་། ་གེ་ན་ཤ་མུན་ཏ་ཚལ་པ་ཚལ་པ། ཧཱུཾ་ཧཱུཾ་ཧཱུཾ་ཀ་རུ་ཧུ་ར་ཧུ་ར། སྤྱི་གཙུག་ཏུ། ཧཱུཾ་ཤར་གིང་རཾ་ཤན་པ་དྲང་ཟེ་བི་ལ་བི་གུ་ཡ་མ་ཐིབས་ནན། ཤ་ར་ཕཊ། མཁལ་ཁུང་དུ། ཧཱུཾ་ཤར་གིང་རཾ་ཤང་ཟེ་མ་ས་ལ་ཁུ་མ་ཏ་ར་ཙ་དགྲ་བོ ་མཱ་ར་ཡ་ཕཊ་ཛཿམཆིན་པ། ཧཱུཾ་ཤར་གིང་རཾ་ད་ཁོད་ཡ། རུ་རྩེ་ཁ་ལ་མ་ཤོ་ན་ཕུར་ཤག་ཕུ་ཕཊ་ཛ། ཤ་མཚན་རྨེན་བུ་ལ། ཧཱུཾ་ཤར་གིང་རཾ་ནི་ཁོད་མེ་ཁ་ཁ་རུ་རྩེ་བག་ཤ་བག་ཤ་རུ་རག་མེ་མུ་རུ་མུ་རུ་ཕཊ་ཛ། མཆེར་པ ་ལའོ།། ཧཱུཾ་ཤར་གིང་རཾ་སྲོག་བདག་སཱུརྱ་ཙནྡ་བ་ལ་ལུ་བ་ག་ལེ་རཀྟ་མཱཾ་ས་ཤ་ཁྲག་རྔུབས་རྔུབས། རྐང་པ་ལའོ།། དེ་ནས་ཐུན་དུ་བྱ་སྟེ། ཨོཾ་མ་མ་མ་རུ་ཐུན་བྷྱོ། མ་ར་རཱ་ཙ་ཐུན་བྷྱོ་བྷྱོ། མ་ཧཱ་པ་ཙ་མ་ཧཱ་དེ་ཝ་རུ་དྲ་བྷྱོ ་བྷྱོ།། ཞེས་བསད་དོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་བདག་གི་ཕུར་ཐུན་གསང་བའི་ལེའུ་སྟེ་དོན་དྲུག་པའོ།། །། དེ་ནས་སྲོག་གི་བདག་པོ་ཉིད་ཀྱི་གཏོར་ཐུན་དྲག་པོ་བྱ ་སྟེ། གཏོར་མ་བཅའ། གཏོར་མར་དགྲ་བོའི་ལིངྒ་བྲུབ། སྲོད་ལ་གཤིན་རྗེར་བསྒོམ། ཐོ་རངས་ལ་གསང་ཕྱེ་དང་ཐུན་བརྡེག་དྲག་སྔགས་འདིའོ།། ཨོཾ་བཛྲ་སུཾ་ཏྲི་རཀྵ་རྩ་དར། མཱ་ར་ཡ་རྦད། རུ་ལུ་རུ་ལུ་ཧཱུཾ་བྷྱོ་ཧཱཾ། ཏྲི་ཙ ་པ་ལ། ཨ་ཤུག་མེ་སྭཱ་ཧཱ། མཱ་ར་ཡ་ནི་ཧཱུཾ་ཛ་རྦད། ཏྲི་ཙ་པ་ལ་ཡ་ན་མ་མ་ཤོ་ཛ། མ་མ་ར་ཏྲི། སུ་ཏྲི་རག་ཤ་བྷྱོ་ཛ། ཐིབ་ཐིབ་ཙ་ཏྲ་བྷྱོ་ཧཱུཾ་ཛ། སྙིང་ཁ་རག་བྷྱོ། དུན་ཏྲི་བྷྱོ་ཛ་ཛ། རྦད་ཏི་ནན་ཏྲི་ཤིག། བཛྲ་སུ་ཏྲི་རཀ་ཤ་ཆེ་གེ ་མོ་མཱ་ར་ཡ། རྦད་ཐུ་རྦད་ཐུ་ནརྀ་ལ་ནརྀ་རྒྱུག་བྲེང་བྲུཾ་རི་ལ་ས་མ་ཡ་དུང་། ལིང་རྦུད་དུ་བྷྱོ། ཨོཾ་བཛྲ་སུཾ་ཏྲི་རཀྐ་ཙ་མཱ་ར་ཡ་རྦད་ཏྲིག་ནན་ཤིག་ཤིག་སེ་ན་དུམ་བུར་རྔུབས། ཁ་རག་རྨ་ཤ་རྦད། སུཾ་ཏྲི་རཀྟ་ཙ་དུར་ཡུ་ཐུན ་བྷྱོ།། བཛྲ་སུཾ་ཏྲི་རཀྑ་དགྲ་ལ་རྒྱུག་བྲེང་ཐུམ། ས་མ་ཡ་དུ་ལིང་རྦད་བྷྱོ་བྷྱོ།། ཞེས་དྲངས་ཏེ་གསོལ་ཀ་ཡང་བྱ། རྩ་བ་ལས་ཀྱི་སྔགས་ཁུངས་སྤྲུགས་པའོ།། དཔལ་དྲག་སྔགས་ཟླ་གསང་ནག་པོ་བཤན་པ ་སྤུ་གྲིའི་རྒྱུད་ལས། གཏོར་ཐུན་གྱི་ལེའུ་སྟེ་དོན་བདུན་པའོ།། །། དེ་ནས་སྲོག་བདག་སྤུན་གསུམ་གྱི་ལྟས་ངན་ལ། གླང་ཁྲ་བོ་དང་། བྱ་དཀར་པོ་དང་། ཁྱི་དཀར་པོའི་ཙིཏྟ་གསུམ། རྡོ་ཕ་བོང་ལོང་བུ་གསུམ ་གཏར་བཅུག་ལ། ཧཱུཾ་ཤར་གིང་རཾ་ཤག་རྒྱུག་རྒྱུག། རཾ་རྒྱུག་སྲོག་ལ་རྒྱུག། ཤ་ཤ་དགྲ་བོའི་སྙིང་ལ་ཤ་འབྲུལ་ཏིལ་རཾ་ཁྱེར་སོད་སྲོག། བསེ་དུང་དུང་ཕོབ།། བྱ་དུང་ཕོབ། བ་ཏི་བ་ཏི། ཞེས་བརྗོད་དོ།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལྷས་ངན་གྱི་ལེའུ་སྟེ་དོན་བརྒྱད་པའོ།། །། དེ་ནས་ཞག་སུམ་བརྒྱ་དྲུག་ཅུ་ལ། ཡེ་འདྲོག་གཏོང་བའི་ལས་ནི། བཤོས་བུ་དང་གསེར་ཕུད་ལ། བ་བླ་བཏབ ་ལ་བྱའོ།། ཚོང་དང་ཤོ་ལ་ཐོབ་ཤོར་བཏང་ན། བཤོས་བུ་བྱང་ཕྱོགས་སུ་འཕང་ངོ་།། ཨོཾ་ཡ་མ་རི་མཾ། བེམ་སྲོག་རྩ་ལ་ཁངས་ཁངས་མེ་རུ་བྱེ་རུ་སྭཱ་ཧཱ།། དེ་ནས་སེར་བ་འབེབས་ན་ཁྱི་ནག་ཟོད་པར་དུག་ཁྲག་ལས་སླེ ་ཏྲེས་བསྲེས་ལ་བྱའོ།། ཨོཾ་སེ་ར་པྲེ་ཤ་ཐོད་བྷྱོ། ན་པ་ཆེམ་བྷྱོ། ཧུར་ཚལ་བྷྱོ། ཁ་ཤར་ཕྲ་བེ་ཤར་ཤར་ཆེམ་ཆེམ་བྷྱོ། ཞེས་འཕང་ན་ཕེབ་ངེས་སོ།། བཤན་པ་སྤུ་གྲིའི་རྒྱུད་ལས། ཡེ་འདྲོག་གཏོང་བའི་ལེའུ་སྟེ་དོན་དགུ ་པའོ།། །། དེ་ནས་ཡང་རྒྱལ་པོ་བསྲུང་བའི་སྔགས་ལ། ཨོཾ་ཁ་རུ་ཤེ་ཤག་ཤེ་པྲ་མ་ལ་མ་ཏྲ་ཁ་ཏྲག་སྭཱ་ཧཱ། དེ་ནས་ནོར་ལྷ་བསྒྲུབ་ན་བུམ་པ་བཅའ་ལ། བུམ་པ་འབྲུ་སྣ་དང་རིན་པོ་ཆེས་བཀང་ལ། མིས་མི་མཐོང ་སར་སྦས་ཏེ། ཨོཾ་ཛི་བི་ལེ་ཛམ་བེ་ལེ་ཤེ་བ་ལ་མ་གོ་མེ་སུཾ་སུཾ་ཏྲུཾ་ཏྲུཾ་སྭཱ་ཧ། ཞེས་ཕྲིན་ལས་འགྲུབ་བོ།། ཡུལ་བྱེས་ཡོར་དགྲ་མི་ཡོང་བར་བྱེད་ན། བྱེ་མ་ལ་བཟླས་ལ་ཕྱོགས་བཅུར་གཏོར་རོ།། ཨོཾ་ན་སེ་ན་སེ་ཧཾ་ཤིང་གར ་གར་མ་རུ་ལུ་རུ་ལུ་ཕཊ་ཕཊ་བྷྱོ་བྷྱོ། བདག་གམ་གཞན་ལ་རྒྱལ་པོ་གནོད་ན་འདི་དག་གོ། སྣེའུ་དང་། སྐྱེར་པ། གུ་གུལ་ལ་བཟླས་ལ་གཏོར། སུམ་པ་ཧ་ར་ཙ་པ་ཤ་ཞིལ་ཞིལ་ཤན་ཏི་སྭཱ་ཧ། མ་ཧ་རཱ་ཙ་ཤན་ཏི་སྭཱ་ཧ། ་རིགས་རྒྱུད་བཅད་ན། ལིངྒ་ཧོར་ཁྲིའི་སྒོ་ངར་བཅུག་ནས་སྔགས་འདི་དག་གོ། ཨོཾ་མ་ཧཱ་ཀཱ་ལ་གྲ་པ་དེ་མོ་བདུད་རྣམས་རྔམ་རྔམ་སྭཱ་ཧཱ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་བདག ་ཆེན་པོ་གསང་བའི་ལེའུ་སྟེ་བརྒྱད་ཅུ་པའོ།། །། དེ་ནས་ཡང་བཅོམ་ལྡན་འདས་ཉིད་ཀྱིས་གནོད་སྦྱིན་ཀ་ལ་ཡཀྴའི་སྒྲུབ་ཐབས་འདི་གསུངས་སོ།། དུར་ཁྲོད་ཆེན་པོའི་གནས་དག་ཏུ།། དཀྱིལ་འཁོར་མཐིང ་ནག་གྲུ་གསུམ་ལ།། ཟླ་གམ་གསུམ་དང་ལྡན་པར་བྱས་ལ། མེ་རི་བྲིའོ།། དེ་ནས་དབུས་སུ་གཤེད་པོ་དགོད། མདུན་དུ་གནོད་སྦྱིན་དགོད། མཚན་ལྡན་བྷནྡ་དུམ་བུ་གསུམ་པ་རུ། ཕུད་དང་སྙིང་ཁྲག་བསྲེ། དམ་རྫས ་སོ།། རབས་ཆད་ཐོད་པ་གཅིག་ཏུ་ཉུང་ནག། མཚེ། ལན་ཚྭ། དུགས་དམེ་ཁྲག། དེ་ལྟར་བཀང་ལ་ལིངྒ་བྲུབ་བོ།། འཁོར་ལོ་བྲིས་ལ་ལིངྒ་བཅད་དོ།། དེ་ནས་སྐད་ཅིག་ལ་གནོད་སྦྱིན་བསྐྱེད་ལ། སྤྱན ་དྲངས་ཏེ། ཨེ་ཧྱེ་ཧི་ཡག་ཤ་པ་ར་ཤ་བི་བི་ས་མ་ཡ་སཱ་ཧཱ། ཞེས་སྤྱན་དྲངས་ལ་མཆོད་པ་སྣ་ཚོགས་བཤམས་ལ་མཆོད་དོ། ཨོཾ་ར་ར་བེ་ས་པ་འུ་པུ་ཙཀྲ་མ་ཧཱ་པཱུ་ཛ་ཧོཿ། ཞེས་དབུལ་ལོ།། དེ་ནས་སྲོག་སྙིང་དྲངས་ཏེ། ཨཽ ་བྷ་ཧུ་རི་ཏི་ཛ་མ་ཀ་ལ། མ་གྷ་ལ་བག་ཤ་ཛ། རུ་ཏ་མ་རུ་རུ་ཛ། སྙིང་ལ་ཤར་ཤར་རུ་ཛ་སྲོག་བྲེང་བྲེང་བྲུཾ་ཛ། རྟགས་ནི་སྐུ་སྟོན། ས་གཡོ། དེ་ནས་དྲག་སྔགས་འདིས་བརྡེག་གོ། ཨོཾ་ཛ་ལཾ་མ་ཧ། ཛ་ལཾ་དག་ཤ། བག ་ཤ། སྟི་བུ་སད། དེ་ལ་ལཾ་བག་ཤ་སྭཱ་ཧཱ། ཞེས་བཟླས་ནས་འཁོར་ལོ་དང་། ཐོད་པ་ཆུ་མིག་ཏུ་སྦས་ན་ཁྲག་ཏུ་སྐྱུག་གོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་གཅོད་སྤུ་གྲིའི་ལེའུ་སྟེ ་གྱ་གཅིག་པའོ།། །། དེ་ནས་ཡང་དྲག་སྔགས་འདི་དག་གོ།། ཨོཾ་བྷ་ཧུ་རི་ཏ་ཛ་ལ་ག་ལ་བག་ཤ་ཛ་སྲོག་ལ་བྲེང་བྲེང་རྦད། ཅེས་པ་འདི་ནི་དྲག་སྔགས་ཡང་དག་པའོ།། དེ་ནས་བསེ་ཞོ་དང་བཙན་དུག་ལ་སྔགས་ཏེ ་བཟླས་ནས་ཤ་ལ་རེག་པའི་གོས་ལ་བསྐུས་ན། ལྷོག་པ་དཀར་པོར་འགྱུར་རོ།། ཡང་ན་སྐྲངས་སོ།། ཕག་པ་དང་སྦྱང་ཀིའི་མཆེ་བ་དང་། ཝ་རྟུག་དང་སྤྱང་རྟུག་ལ། ཉི་མའི་གུང་ངམ་ནམ་ཕྱེད་ན་སྔགས་དེ་བཟླས་ནས ་མཁར་ལ་བརྒྱབ་ན་འཇིག་པར་འགྱུར་རོ།། ཐོག་འབེབས་པར་འདོད་ན། སྲིན་རྡོ། གདུང་ཆེན། ན་རི་རཾ་རྣམས་ཐོད་པ་དུམ་གསུམ་དུ་བླུགས་པར་ཡུགས་སའི་ཁྲག་དང་སྦྱར་ཏེ་སྔགས་དང་བཅས་པས་ལྷ་རྟེན་འོག་ཏུ ་སྦས་ན་ཐོག་འབེབས་པར་འགྱུར་རོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཐོག་འབེབས་པའི་ལེའུ་སྟེ་གྱ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས་གདུག་པ་ཀླུའི་ཟླ ་གསང་འདི་གསུངས་སོ།། བདག་ཉིད་ཁྱུང་གི་ང་རྒྱལ་གྱིས་སྔགས་འདི་བཟླ་བར་བྱ་སྟེ། ན་དུ་ཏྲོ་ས་ན་དྷི་ས་ལ་དུ་ས་ནི་པ་ར་སི་ཏི་སྭཱ་ཧཱ། ཁྲོས་པའི་ང་རྒྱལ་གྱིས། ཏ་ཀི་ཛ་དེ་བྱི་ཛཿདེ་ཧཱ་ཡ་ཧཱུ་ཡ། ཧུ་ལུ་ཧུ་ལུ་སུ་རུ་ཏེ ་སུ་རུ་སྭཱ་ཧཱ། དེ་ནས་རང་ཉིད་རྡོ་རྗེའི་བྱ་ཁྱུང་དུ་བསྐྱེད་ལ། སྤྱན་དྲངས་ཤིང་། བཞུགས་སུ་གསོལ་བ། ཕྱག་བྱ་བ། མཆོད་ཅིང་བསྟོད་པ་དང་བཟླས་པ་དང་བ་ལི་དང་དཀར་གསུམ་འབྲུ་སྨན་གྱིས་མཆོད་ཅིང་། ཨོཾ་རཱ ་ཛ་མ་ཧཱ་ག་རུ་ཊ། ཧཱུཾ་བ་ལི་པཱ་ཛ་བ་ལིནྟ་ཁཱ་ཧི། ཞེས་དབུལ་ལོ།། དེ་ནས་སྔགས་འདི་རྒྱུན་དུ་བཟླ། ཨོད་ཀཾ་ཨོད་ཀཾ་ཁྱུང་ཀ་ར་ཁྱུང་ཀ་ར། ཤ་མ་ར་དབྱིག་དུ། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཕཊ། མཁའ་ལྡིང་གསོ་བའི་ལས་ཀྱི ་མཆོད་པ་དང་བསྟོད་པ་ལའང་འབད་པར་བྱའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཀླུ་སྒྲུབ་ཀྱི་ལེའུ་སྟེ་གྱ་གསུམ་པའོ།། །། དེ་ནས་ཡང་ཀླུའི་དཀྱིལ་འཁོར་དུ་དབང་བསྐུར་བའི ་ཆོ་ག་སྒྲུབ་པར་བྱེད་པ་འདི་གསུངས་སོ།། གང་དུ་བྱ་བའི་གནས་ནི་མཚོ་འགྲམ་དང་། ཆུ་མིག་དུར་ཁྲོད་སོགས་སུ་ཆ་མཉམ་པའི་མཎྜལ་བ་བྱུང་རྣམ་ལྔས་བྱུག་ཅིང་། ཧཱུཾ་ས་མ་ཡ་ཨོཾ་གྱིས་བྱིན་གྱིས ་བརླབས་ལ་པདྨ་འདབ་བརྒྱད་མུ་ཁྱུད་ཅན། གྲུ་ཆད་སྒོ་དང་བཅས་པ་བྲིས་ལ། དབུས་སུ་གཉེན་པོ། འདབ་མ་ལ་ཀླུ་བརྒྱད་གྲུ་ཆད་བཞི་ལ་ཀླུ་མོ་བཞི་པོ་རྣམས་རང་སྔགས་དང་མིང་བྲི་ཞིང་རྒྱུན་དུ་བཟླས་པའི་ཡི་གེ ་དགུ་པོ་འདི་གསུངས་སོ།། ཧཱུཾ་ནཱ་ག་རཱ་ཛ་ས་མ་ཡ་ཆེ་གེ་མོ་ཞིག་ཙིཏྟ་ཛ་ལ། ཞེས་བསྒྲུབ་པར་བྱའོ།། དེ་ནས་གྲུབ་པའི་རྟགས་མཐོང་བ་ན་དབང་བསྐུར་རོ།། དེའི་སྔགས་ནི། ཨོཾ་ཨཱཿཧཱུཾ་ནཱ་ག་ཡུ་ནཱ་ག་ཡུ། ནཱ་ག་ཡུ་རུ་ཛྭ་ལ ་ནི། ནཱ་ག་ས་མ་ཡ་སྭཱ་ཧཱ། དམ་ཚིག་རྟེན་འབྲེལ་གྱི་སྙིང་པོ་འདི་ཡང་སྦྱིན་པར་བྱའོ།། ནཱ་ག་ལི་ལི་ཏྲི་ཡ་ས་ཏྲི་ནི་ཏྲ། ཟ་རོ་ཏྲི། ཏྲི་ཡ་ཀུ་རུ། ས་ཏྲི་ཡཾ་ཛཿ། ཧེ་ཧེ་ཧཱུཾ་ཧཱུཾ་བྷྱོ་ཛ། ཞེས་རྟེན་འབྲེལ་གྱི་སྙིང་པོ་ཡོངས་སུ་རྫོགས ་ར་བྱའོ།། དེ་ནས་ཀླུའི་སྦྱོར་བ་ནི།། ན་ག་གང་ན་གནས་པའི་ས་བླངས་ལ་ཀླུའི་རྒལ་པོའི་གཟུགས་བྱས་ལུས་བཅུ་མགོ་གཅིག་སྦྲུལ་མགོ་བདུན་གྱིས་བརྐུན་པ་གཡས་པས་རིན་པོ་ཆེའི་བུམ་པ། ཁ་དོག་མཐིང་ག ་ལུས་ཀྱི་ཆུ་སྲིན་མནན་པ་བྱས་ལ། ཨོཾ་ཕུཿའདི་ནི་འདིའི་རྒྱུ་ཡིན། ནཱ་ག་ར་ཛ་བ་སུ་ཀི་ནི་སྟཾ། ཞེས་པ་དེ་བཞིན་བསྐྱེད་ལ། ནཱ་ག་རཱ་ཛ་བ་སུ་ཀི་ནི་ཛ་ཛ། ཞེས་གཞུག་གོ། དེ་ནས་བདག་ཉིད་ལྷར་བསམ་སྟེ་དྲག་པོའི ་སྔགས་འདིས་གཏད་ལས་བྱ། ནཱ་ག་རཱ་ཛ་ཛཿཧཱུཾ་བཾ་ཧོཿཆེ་གེ་མོ་ཨཱ་ཀཪྴ་ཡ། ཨཱ་ཀཪྴ་ཡ། ཧཱུཾ་ཙིན་ཡཾ་ཙིན་ཡཾ། ལེན་ཡང་ལེན་ཡང་། ནཱ་ག་ཆིངས། ནཱ་ག་སྡོམས། དེ་སྐད་ཅེས་ནི་རབ་ཏུ་བརྗོད། ཨོ་ལཾ་སུཾ་ལཾ་པྲ་ཏི་སྟ་ན ་ན། སྟི་ཏ་སྟི་སྟ་ཆེ་གེ་མོ་ལཾ་ནན། སྟཾ་བྷ་ནན། ས་ནན། ཨོཾ་ནམ་ནམ་ཉི་ཁས་བྱེའུ་ཆར་ཁས། པྲ་ནན་པྲ་ཁས། ནཱ་ག་པུ་ནཱ་ག་པུ། ནཱ་ག་ལཾ་ནཱ་ག་ལཾ། དེ་ནས་དྲག་སྔགས་བཤད་བྱ་བ། ཨོཾ་བི་ཙ་ཏྲི་པ་ལ་ཀི་ལ་ཧཱུཾ་ཕཊ། ་བདུན་འབུམ་གྲངས། ཨོཾ་བི་ཙ་པ་ལི་ཀ་ཆུམས་ཆུམས་མྱོག་མྱོག་ཧཱུཾ་ཕཊ། བསྒྲུབ་པའོ།། གསད་པ་ནི། ཨོཾ་པི་ཙི་ཏྲི་ལི་ལི་ལི་ཀ་དྷ་ར་དྷ་ར་མཱ་ར་ཡ་ཧཱུཾ་ཧཱུཾ་ཕཊ། བརྒྱ་རྩ་བརྒྱད་བཟླས་ཤིང་ཆུ་མིག་གི་མདར། སྐྱེར་པ། པྲ ་མ། ཀྱུ་རུ་དེ་ལ་མེ་བཏང་ཏེ། སྦྲུལ་ནག་པོའི་རོ་དང་། སྦལ་པ་ནག་པོའི་རོ་དང་། སྡིག་པ་ནག་པོའི་རོ། སྡོམ་ནག་པོའི་རོ། དགྲ་བོའི་མིང་རུས་དང་བཅས་ཏེ། བསྲེགས་ནས་ཆུ་མིག་ཏུ་བླུགས་སོ།། ཡུལ་དུ་གཏོར་ན ་མཛེ་ཡམས་སུ་འབབ་བོ།། དྷ་དུ་རའི་རྩ་བ་ཆ་སྙོམས་པོར་བྱས་ཏེ། སྔགས་དེ་བཏབ་ནས་བཏང་ན་གླང་ཐབས་སུ་འགུམ་མོ།། དྷ་དུ་ར་དང་། ཟང་ཕྲོམ། སུག་པ་བྱང་བ་རྣམས་ཆ་མཉམ་པར་དྲག་སྔགས་བཏབ་སྟེ ་བཏང་ན་ཁྲག་བཤལ་བར་འགྱུར་རོ།། མེ་ཏོག་ལུག་མིག་དང་། ཁྱི་ཞོ་དང་། སྦྲང་རྒོད་གསུམ་སྦྱར་ཏེ་བཏང་ན། ཡན་ལག་སྐམ་ནས་འགུམ་མོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས།། ་ལེའུ་སྟེ་གྱ་བཞི་པའོ།། །། དེ་ནས་ཡང་རི་བོང་གི་ཤ་དང་། འུག་པའི་ཤ་སྐྱེར་པ་རློན་པའི་དུ་བས་བདུགས་ཏེ་བཏབ་ན། ཟ་འཕྲུག་གིས་འགུམ་མོ།། དུག་མུ་ཟི་དང་དྲོད་སྨན་སྦྱར་ཏེ་བཏབ་ན་མིག ་ལོང་ངོ་། ཁ་ཤོག་པ་དང་། མགོ་འཁོར་བའི་རྫས། ལྷང་ཙེར་མདུག་ལ་སྦྱར་ན་སྤྱོ་བར་འགྱུར་རོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གྱ་ལྔ་པའོ།། །། དེ་ནས་ལག་ན ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ་དཔལ་འབར་ཁྲོ་བདག་རྗེ།། གདུག་བྱེད་ལྷ་སྲིན་འདི་དག་ལ།། གནད་དང་གཙུན་ཐབས་ཇི་ལྟ་བུ།། སྲོག་དང་བླ་རྡོ་ཇི་ལྟར་ལགས།། གཏད་ཐབས་དྲག་པོར་བསྡུས་པ ་གང་།། ཞེས་ཞུས་པས་བཀའ་སྩལ་པ། ལེགས་སོ་ཕྱི་རབས་དོན་དུ་ལག་ན་རྡོ་རྗེས་ཞུས་པ་ལེགས་པས། ལྔ་བརྒྱ་དུས་ཀྱིས་ཉེན་པ་ལ། དྲེགས་པ་ཁུགས་སུ་མ་བྱུང་ན། སྲོག་བཙོན་དུ་བཟུང་བ་དང་ཤིས་བཤད་དེ། ་གཤིན་རྗེ་ནག་པོའི་སྲོག་ནི་གཤིན་ཡུལ་དམེ་ནག་ན་ཡོད་དེ། ལྕགས་ཀྱི་སྡིག་པར་གནས་སོ།། གའུ་བཅའ་བར་མ་བཤད་དོ།། གསང་སྔགས་གོ་བཟློག་གནད་ཀྱི་མཆོག་ཡིན་ནོ།། དཔལ་དྲག་སྔགས་ཟླ་གསང་ནག ་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གྱ་དྲུག་པའོ།། །། དེ་ནས་བདུད་ཐམས་ཅད་ནི་སྲོག་གཅིག་ཏུ་གནས་སོ།། གནས་ནི་བྲག་ནག་སྤུངས་པའི་རི་རབ་ན་གནས། བླ་རྡོ་ནི་རྡོ་ནག་པོ་སྣག་ཚ་འདྲ་བ་རྡོ་སོལ ་ཡིན། བཅའ་བ་ནི་ལུག་གི་སྙིང་དུ་བཅུག་ལ། ར་རུ་དུ་ཞེས་པའི་སྔགས་དང་བཅས་པ་དར་ནག་ཁུག་མར་གཞུག་གོ། འཁུ་ན་བླ་རྡོ་འོག་ཏུ་གཞུག་གོ། དེ་ནི་སྲོག་ཟིན་པ་ཡིན་ནོ།། དཔལ་དྲག་སྔགས་ཟླ་གསང་ནག་པོ ་བཤན་པ་སྤུ་གྲིའི་རྒྱུད་ལས། བདུད་ཀྱི་སྲོག་དང་བླ་རྡོའི་ལེའུ་སྟེ་གྱ་བདུན་པའོ།། །། བཙན་ནི་ནགས་ཚལ་མེའི་དགོན་པར་གནས། བླ་རྡོ་མེ་རྡོ་མཆིན་ཁ་ཡིན། སྲོག་ནི་ཛ་ཤུ་ཡ་ཞེས་བྲིས་ཏེ། ར་དམར་སྙིང་དུ ་བཅུག་ལ། དར་ལེབ་རྒན་གྱིས་གྲིལ་ལོ།། འཁུ་ན་གོང་ལྟར་བྱ། མ་མོ་ནི་དུག་མཚོ་མེར་བའི་ནང་ན་གནས། བླ་རྡོ་ནི་གཡུ་རྡོ་ཡིན། སྲོག་ནི་མ་མ་རུ་ལུ་ཞེས་བྲིས་ཏེ། བྱ་ནག་གསེར་མིག་གི་སྙིང་དུ་བྲུབ་ལ། དར་སྔོན ་ནང་དུ་གྲིལ་བྱའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་དང་མ་མོ་སྲོག་བཟུང་བའི་ལེའུ་སྟེ་གྱ་བརྒྱད་པའོ།། །། དེ་ནས་གཟའི་གནས་ནི་རི་རབ་ཀྱི་ཟོམ་ན་གནས། བླ་རྡོ ་ནི་དཀར་ཕྲ་མེན་ཡིན། སྲོག་ནི་ར་ཀེ་ཏེ་སྭཱ་ཧཱ། ཞེས་པ་ར་རོག་གི་སྙིང་ཁུག་ཏུ་བཅུག་ལ། དར་ནག་ཏུ་གྲིལ་ཏེ་འཁུ་ན་གོང་ལྟར་བྱའོ།། ལྷ་དབང་ཕྱུག་ཆེན་པོ་ནི་འདོད་ཁམས་ཀྱི་ཡ་ཐ་ན་གནས། བླ་རྡོ་ཕ་བོང་ལོང་བུ ་ཡིན། སྲོག་ནི་ཨ་དེ་ཝ་ཞེས་བྲིས་ནས། དར་སྤུག་པོས་གཏུམ་མོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལྷ་རྒོད་གཟའ་རྒོད་སྲོག་བཟུང་བའི་ལེའུ་སྟེ་གྱ་དགུ་པའོ།། །། དེ་ནས ་གནོད་སྦྱིན་ནི་ནགས་ཚལ་དྲ་བ་ཅན་ན་གནས། བླ་རྡོ་ནི་ཕ་བོང་ལོང་བུ། སྲོག་ནི་ཀྵེ་ཡ་ཀྵ་བྲིས་ཏེ། དར་སྲུས་དཀར་བྱས་པའི་ནང་དུ་གཏུམ་ལ་བཅང་ངོ་།། རྒྱལ་པོ་ཉི་ཟླ་བརྩེགས་པ་ན་གནས། སྲོག་ནི ་རཱ་ཙ་ཏྲི་ཡིན་ཏེ། ཁྱི་དཀར་ཙིཏྟར་དར་དཀར་གྲིལ་ལ་བཅང་། ཀླུ་ནི་རྒྱ་མཚོའི་གཏིང་ན་གནས། བླ་རྡོ་ནི་གཟི་ཟླུམ་ཡིན། ས་ནཱ་ག་ཞེས་བྲིས་ལ། སྦྲུལ་གྱི་པགས་པར་གཏུམ་མོ།། དཔལ་དྲག་སྔགས་ཟླ་གསང་ནག་པོ ་བཤན་པ་སྤུ་གྲིའི་རྒྱུད་ལས། གནོད་སྦྱིན་རྒྱལ་པོ་ཀླུའི་སྲོག་བཟུང་བའི་ལེའུ་སྟེ་དགུ་བཅུ་པའོ།། །། དེ་ནས་བཅོམ་ལྡན་འདས་ཉིད་ཀྱིས། དྲེགས་པ་ཕོ་བདུན་མོ་དང་བརྒྱད་ཀྱི་དྲག་སྔགས་འདི་དག་གསུངས ་སོ།། བསད་པ་དག་གི་བསྒྲུབ་པ་ལ།། དྲིལ་ཏེ་བསྒྲུབ་ལ་གཏོར་ཏེ་གཏད།། མནྡལ་འཁོར་ལོ་རྩིབས་བརྒྱད་བྲི།། སྲོག་གི་སྙིང་པོ་འདི་དག་གོ། དྲག་ཁ་འདར་ཤ་དུན། ཏྲི་ལིང་ཤང་ཀ་ཁ་དུན་རཀྵ་ཡ། ནཱ་ག་ར་ནི་རཀྟ ་ཆུམས། ཙནྟ་རཀྵ་ཁ་དུན་ཡ། མ་མོ་རཀྵོ་ཙི་ཏ་ཁ། རཀྵ་ཡཀྐ་ཁ་དུ་ན་ཡ། ཨེ་ས་ཨ་ཀ་ཤུ་ལ་ཛ་ལ་རཾ། ཁ་དུན་རཀྵ་ཧྲི་དུ་ན་ས་མ་ཡ། ཞེས་ཞག་ནི་བདུན་དུ་ངལ་དུབ་སྤང་།། དེ་ནས་གཏད་པའི་ལས་བྱའོ།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྡེ་བརྒྱད་འགུགས་པའི་ལེའུ་སྟེ་གོ་གཅིག་པའོ།། །། དེ་ནས་ཡང་དྲེགས་པ་ཅན་དེ་དག་འགྲུབ་ནས། རི་རབ་ཆེན་པོའི་མཆོད་རྟེན་རབ་གནས་བྱས་པའི ་ལྷ་འདྲེ་ཆགས་པ་གཅིག་ལ་གཏད་རྫོགས་པར་བྱས་ཏེ། རྟགས་བལྟ་བའི་ཕྱིར་རང་རང་ངོ་།། གཏའ་རཀྟ་ལ་གཏོར་དུ་གཞུག་པའི་ཕྱིར་རྟགས་ཐོན་ལ་གཏང་། དྲེགས་པ་འཁུ་བ་མི་འོང་བར་བྱ་བ་སྲོག་རྟེན་གའུ་བཅའ།། ་རང་གིས་མ་ཉེས་པར་བྱས་ལ། དབང་གཟུག་གྲུབ་མ་གྲུབ་རྗེས་དང་རྨི་ལམ་བརྟག་དམིགས་པའི་རྟེན་བཅའ་བའི་ཕྱིར་བཀའ་སྩལ་པ། གཏད་ཁྲམ་དྲག་པོས་དགྲ་ཕུང་བར་བྱ་བ་ཐོད་པ་དང་འཁོར་ལོ་བཅའ།། ་དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གོ་གཉིས་པའོ།། །། དེ་ནས་ཡང་གཏད་སྔགས་ནི། ཏྲཀ་རཀྵ་ཁ་དར་རཀྵ་དུན། ཧ་ལ་ཡཀྐ་ཡ་ནི་ཛ། ཏྲི་དུན་ཁ་ལ་ཏེ་ཡཀྐ་རྦད། ཛ ་དུན་ཁ་ལ་རཀྵ་ཡ། ཏྲི་ལིང་ཤ་ཀ་ཁ་དུན་རཀྐ་ཡ། ཤཾ་ཀ་དུ་ནི་ཡཀྟ་ཛ། མ་ནི་ཛ་དུར་ཡཀྐ་སྙིང་ལ་བྷྱོ། ནཱ་ག་ར་ནི་རཀྟ་ཆུམས། ནཱ་ག་རཀྑ་ཁ་དུན་ཛ། ཛ་ནི་རཀྵ་སྙིང་ལ་རྦད། ཁ་ལ་ཙེ་ནཱ་ག་སྙིང་ལ་ཡ། ཙནྡ་རཀྑ་ཁ ་དུ་ན་ཡ། ཡཀྐ་ཧཾ་ཏིག་ཁ་ལ་ཡ། བི་རཱ་ཛ་ནི་སྙིང་ལ་རྦད། ཁ་རག་ཡཀྐ་ཡ་ནི་རྦད། མ་མོ་རཀྵོ་ཙིཏྟ་ཁ། མ་མོ་རཀྵོ་སྙིང་ལ་ཛ། སྙིང་ཁྲག་ཁ་ལ་རཀྵོ་རྦད། མ་མོ་རཀྵ་སྙིང་ལ་ཡ། རཀྟ་ཡཀྐ་ཁ་ལ་དུ་ན་ཡ། ཁ་རག་ནག ་པོ་སྙིང་ལ་ཛ། ཡ་ག་ཡཀྐ་ཡ་ནི་རྦད། ཧ་རི་ཁ་ལ་རཀྑ་ཡ། ཨེ་པ་ཨ་ཤུག་ཛ་ལ་རཾ། རཀྐ་ཚལ་པ་ཨེ་ཛ་ཛ། མ་ར་གུ་ཏེ་ཤ་ཡ་སྙིང་ལ་རྒུད། ཤུ་བོ་རཀྵ་སྙིང་ལ་རྦད། ཁ་དུན་རཀྑ་ཧྲིང་ཧྲིང་ས་མ་ཡ་དུན། ཧྲིང་ཧྲིང་ཤག་པ ་ཏྲི་ཡ། མི་ནི་རག་ཏྲ་སྲོག་ལ་རྦད། ཁྲོ་བྷྱོ་ཏ་བྷྱོ་ལས་ལ་ཡ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྔགས་ཀྱི་ལེའུ་སྟེ་གོ་གསུམ་པའོ།། །། དེ་ནས་རྨི་ལམ་རྗེས་དང ་ནི།། མངོན་སུམ་པ་ཡི་རྟགས་བསྟན་པ།། དམ་ཚིག་རབ་ལ་སྐུ་དག་སྟོན།། འབྲིང་ལ་མི་རྗེས་དང་ཐ་མ་རྨི་ལམ་མོ།། འཕྲོ་ལ་འཕྲོད་པ་དང་། ཟུར་བཞི་པ་ཕྲ་ལ་འཁྲུག་པ་ཟུར་གསུམ་པ། བཤལ་འདྲ་བ། བརྐོས་པ ་འདྲ་བ། འཕྲས་ཚུལ་ཁ་དྲག་གོ། རྨི་ལམ་ནི་འདབ་ཆགས་དང་། ཤ་རྐྱང་དང་། ཉ་སྦྲུལ་སྲམ་སྦལ་པ་དང་། འབྲི་གནག་དང་། ཁྱི་བུ་ཆུང་འབག་མེ་དང་། རྟ་པ་དང་། ཆུ་དང་། མཚོན་ཆ་དང་། མ་དང་ཆུང་མ་དང་། མ ་བུ་འབྱུང་། དེ་ལྟར་བྱུང་ན་གཏད་པར་བྱ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲེགས་པའི་རྟགས་བསྟན་པའི་ལེའུ་སྟེ་གོ་བཞི་པའོ།། །། དེ་ནས་ཡང་རྫས་བསྟན་པ་ནི། བླ་རྡོ་ལྔ ་དང་བྱ་རྒོད་ཤ་སྙིང་དང་། བྱའི་ཤ་སྣ་གཉིས་དང་། བྱ་རྒོད་སྤོས་དང་། དྲི་སྣ་ཚོགས་དང་། སྔོན་པོ་རྟ་ཟོད་དང་། རྟ་སྔོན་སྙིང་དང་། སྟག་གཟིག་གི་གཟུགས་དང་སྙིང་དང་། གླང་ཆེན་ཐོད་པ་དང་། བ་དམར་གླང ་དམར་སྙིང་དང་། བའི་འོ་མ་དང་། རྩི་སྨན་དང་། འབྲུག་དང་མངར་དང་། འབྲི་རོག་གི་ཐོད་པ་དང་། སྙིང་དང་ཤ་སྣ་དང་། ཤེལ་ནག་ཐོད་པ་དང་། བྱ་ལུག་སྤུག་ནག་གི་གཟུགས་དང་ཤ་དང་། རྟ་ནག་པོའི་ཐོད་པ ་དང་། རྟ་ནག་ལུག་ནག་ཀྲུང་ཀའི་སྙིང་དང་། བྱ་སེ་བོའི་ཐོད་པ་དང་། བྱ་སེ་ལུག་སེ་གྲོ་བོའི་སྙིང་དང་། ཁྱི་དཀར་པོའི་ཐོད་པ་དང་། བྱ་དཀར་ཁྱི་དཀར་སྤྲེའུ་དང་། བྱི་ལ་དང་ར་དཀར་རོ།། དཔལ་དྲག་སྔགས་ཟླ ་གསང་ནག་པོ་བཤན་པ་སྤུ་གྲིའི་རྒྱུད་ལས། གཏའ་རྫས་དང་སྒྲུབ་རྫས་ཀྱི་ལེའུ་སྟེ་གོ་ལྔ་པའོ།། །། དེ་ནས་སྲོག་རྟེན་བཅའ་བར་རས་སམ་རྒྱ་ཤོག་ལ་འཁོར་ལོ་རྩིབས་བརྒྱད་དུ་བྱའོ།། དབུས་ཟླུམ་པོར ་བཞག། འཁོར་ལོ་ལ་བོད་སྔགས་བྲི། ཁྱུད་བསྐོར་དུ་རྦད་སྔགས་བྲི། མེ་རིས་བསྐོར་ཏེ་དབུས་སུ་བླ་རྡོ་བཀླུབས་ལ། བུ་མོ་མཚན་ལྡན་མའི་སྙིང་ལྤགས་སུ་ཕུར་ལ། ག་བུར། འུར། བཅུག་ལ་དབུས་སུ་གཞག ་གོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་རྟེན་བཅའ་བའི་ལེའུ་སྟེ་གོ་དྲུག་པའོ།། །། དེ་ནས་ལག་ན་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ། བཅོམ་ལྡན་འདས་དྲག ་སྔགས་མགུར་དུ་དྲིལ་བ་བཤན་པ་སྤུ་གྲིའི་རྒྱུད་ལས་དང་པོ་ཇི་ལྟར་བྱུང་ཞིང་གང་ལས་བརྒྱུད། ཐ་མ་དར་དུས་ཇི་ལྟར་ཡིན། ཡོངས་སུ་རྫོགས་པའི་གཏད་ས་གང་།། ཞེས་ཞུས་པས། ཉོན་ཅིག། ཐུགས་རྗེ་ཆེན་པོ་དང ་ལྡན་ཆོས་ཀྱི་སྐུ།། མཉམ་པ་ཆེན་པོ་ཀུན་བཟང་སྐུ་དེ་ཡིས།། བསྟན་པ་རིན་པོ་ཆེ་ལ་རབ་ཏུ་དགོངས།། དུས་ངན་ལས་ཀྱིས་མནར་བས་ཞིང་བཅུ་གདུལ་སླད་དུ།། གུར་གུམ་འདྲ་ལས་ཆུ་ནག་ལྟ་བུར་སྤྲུལ།། དྲེགས་པ ་བཏུལ་ཏེ་དུར་ཁྲོད་ཆེན་པོར་གསུངས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གོ་བདུན་པའོ།། །། དུས་ནི་ལྔ་བརྒྱ་ཕྲག་བཅུ་ཟད་ཙམ་ན།། རིག་འཛིན་ཀུན་གྱི ་དངོས་གྲུབ་ཡལ་ཙམ་ན།། དུས་གསུམ་སངས་རྒྱས་སྤྲུལ་པ་འཇིག་རྟེན་པ།། དྲེགས་པའི་དྲག་སྔགས་འདི་ཉིད་དར།། དེ་ཡི་དུས་སུ་དྲེགས་པ་ཅན་ཁྱེད་རྣམས་ཀྱིས།། རྣལ་འབྱོར་པ་དམ་ལ་གནས་པ་རྣམས་བསྲུང་བ ་དང་། བསྐྱབས་པ་དང་། ལས་བྱ་བ་ཅི་བཅོལ་བ་དང་། འཁོར་དང་ནོར་སྤེལ་བ་དང་། ཅི་ལ་ཅི་བསྐོས་པ་དེ་ལྟར་གྱིས་ཤིག། མཐུ་སྟོབས་ཀྱི་བདག་པོས་དབང་མཛོད་ལ། གང་ཞིག་སློབ་དཔོན་སྤང་བ། དམ་ལ་མི ་གནས་པ། དྲེགས་པ་ཅན། རང་དོན་ལ་དམིགས་པ། དེ་དག་ལ་ལྷ་སྲིན་གྱིས་ཆད་པས་ཆོད་ཅིག། དམ་ཚིག་དང་ལྡན་པ་རྣམས་ཀྱི་ལས་མི་བྱེད་ན།། ཕྱག་ན་རྡོ་རྗེས་མགོ་ཁོས་ཤིག། ཅེས་གསུངས་སོ།། དཔལ་དྲག ་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དུས་གར་དར་དང་། ལྷ་སྲིན་ལ་བཀའ་བསྒོ་བའི་ལེའུ་སྟེ་གོ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཉིད་ཀྱིས་འདི་སྐད་ཅེས་གསུངས ་སོ།། ཆོས་ཉིད་རང་བཞིན་ཡེ་ནས་ལྷུན་གྲུབ་པ།། ཡེ་ཤེས་དཀྱིལ་འཁོར་རང་བྱུང་ཆེན་པོར་ཤར།། གདུག་པ་འདུལ་ཕྱིར་དྲེགས་པའི་སྲོག་སྙིང་ཕྲོགས།། བསྟན་བསྲུང་ཐ་མར་གསང་བདག་ཁྱོད་ཉིད་དང་།། ལྷ་དང ་མཁའ་འགྲོ་རྣམས་ལ་གཏད་དོ་ཐུབ་པར་ཆོངས།། ཞེས་རྒྱུད་ལྷ་སྲིན་ལ་གཏད་དོ།། དེ་ནས་ཡང་དྲེགས་པའི་བདག་པོ་ལག་ན་རྡོ་རྗེ་དང་། ལྷ་སྲིན་འཁོར་དང་བཅས་པས། མེ་ཏོག་ལ་སོགས་པ་བྱེ་བ་ཆར་དུ་ཕབ་ནས།། ་མངོན་པར་བསྟོད་དོ།། གཙོ་བོ་ཉིད་ཀྱིས་བཀའ་སྩལ་ཉན་པ་རང་དམ་རང་གིས་བཅས་སོ།། དཔལ་དྲག་སྔགས་ཟླ་གསང་བཤན་པ་སྤུ་གྲིའི་རྒྱུད་ལས། རྒྱུད་གཏད་ཅིང་རྗེས་སུ་ཡི་རང་བའི་ལེའུ་སྟེ་གོ་དགུ ་པའོ།། །། བཤན་པ་སྤུ་གྲིའི་སྔགས་རྒྱུད་རྫོགས་སོ།། །། བལ་པོའི་རྒྱལ་པོ་བ་སུ་དྷ་ར་དང་། བོད་ཀྱི་ལོ་ཙཱ་བ་བདག་འདྲ་གནུབས་ཀྱི་བན་ཆུང་ཡང་དབང་གཏེར་གྱིས་ཡུལ་བལ་ཡུལ་གྱི་གནས་བྷ་ར་སའི ་བྲག་ཕུག་ཏུ་བསྒྱུར་ཏེ་གཏན་ལ་ཕབ་པའོ།། རྣ་བརྒྱུད་བདུན་ལས། བཤན་པ་སྤུ་གྲིའི་དྲེགས་པ་སྣ་ཚོགས་ཟླ་གསང་དམོད་པ་དམ་པ་ཡིན་ནོ།། ། ་