བོད་ཡིག

e-texts produced with BDRC’s OCR application

lots+tsha ba A tsar+ya dran pa'i ye shes kyis bsgyur cing zhus te gtan la phab pa'o// // rgya gar skad du/ san+ni ma ha ni yA mAr+tha sa ma dA yA ti gar+b+ha sa man+ta b+ha dra dz+nyA na A bar+d+ha tan+ta rat+na swar+N+Na ti shr-i ta nA ma/ bod skad du/ rdzogs pa chen po nges don 'dus pa'i yang snying / kun tu bzang po ye shes klong gi rgyud/ rin po che gser gyi yang zhun zhes bya ba/ bcom ldan 'das mnyam pa nyid kyi rgyal po/ dpal gyi dpal kun tu bzang po la phyag 'tshal lo// 'di skad gsungs pa'i dus gcig na// kun rig chos kyi rgyal po de// 'og min chos dbyings gnas kyi mchog/ nges pa'i don la rab bzhugs te// 'khor rnams 'dus nas rab tu 'khod// de nas rdo rje sems dpa' yis// 'dus pa'i 'khor la phan gdags phyir// kun rig chos kyi rje la ni// rig pa'i yid kyis 'di skad gsol// nges don gnas lugs snying po'i don// rig 'dzin sprul pas bskul pa yi// sangs rgyas bka' rnams bgros pa'i mdo// ma rig mun pa bsal ba'i phyir// sku gsum chos rnams ji ltar gsungs// snod kyi rim pa gang la bstan// de skad ces ni gsung ma thag/ khab len la ni lcags 'du bzhin// byin rlabs dbang ched dad pas ni// 'dus pa rnam bzhi 'dus shing bskor// nyid las mi gzhan sangs rgyas dang // rdo rje 'chang gi rig 'dzin dang // rgyal sras sprul pa'i mgon po dang // dam can mkha' 'gro sde lnga dang // dad nyan lha mi las can kun// las dang thugs rjer 'dzom nas 'khod// de skad zhus pa'i don gsan nas// kun rig chos kyi rgyal po des// mnyam pa'i don la rab zhugs nas// 'dus pa'i 'khor la bka' stsal pa// nges don gnas lugs snying po ni// 'khor 'das 'byung bas ma reg phyir// mdzad dang spyod pa'i rgyud ma bskyod// rang byung gzhi yi snying po yin// de yang 'dus pa'i snying po nyon// rig 'dzin sprul pas bskul pa yi// sems dag lha dbang rig 'dzin des// rmi lam rnam gsum brda shes nas// mngon dga'i phug nas tshig gis bskul// sangs rgyas bka' rnams bgros pa'i mdo// de gzhi nges don chos drug gis// sangs rgyas kun tu bzang po byung // nga yis nga nyid bgro ba las// sangs rgyas gzhan gyis bgro mi nus// kun bzang nga yi sgron ma yi// thog ma'i byung tshul sus shes pa// ma rig mun pa rtsad nas sel// chos rnams kun gyi sgron me'i mchog/ sku gsum chos rnams gsungs pa ni// kun bzang nga yi byin rlabs kyis// sku gsung thugs kyi yon tan las// sprul pa rnam gsum byung nas ni// nges don ldem dgongs drang don bshad// de yang rdo rje sems dpa' nyon// chos sku nges don gsungs pa ni// rang byung ngo bo nyid kyi sku// tshig dang yi ge brjod las 'das// nges don ye shes zugs la gsal// drang srong mngon shes dpe bzhin du// dus gsum sangs rgyas 'khor bcas la// mnyam par bzhag pa'i yid kyi go/ nges don rtogs phyir yang sangs rgyas// de nas ston pa kun bzang gis// rgyud dag rdo rje sems dpa' la// don gyi rang byung gnas chen du// tshig tu ma bstan yid kyi go// byin gyi rlabs kyis bshad ces bya// de yang rdo rje sems dpa' nyon// longs sku rdo rje sems dpa' yis// gtsang ris lha yi gnas chen du// rig 'dzin 'khor la brtser dgongs te// rig 'dzin kun dga' lha dbang la// dbang bskur bka' drang rgyud smin byas// ldem dgongs nges don ngo bo bshad// de tshe rig 'dzin sems dag des// mos gus dad pas rtse gcig tu// phyogs bcu'i 'dus pa'i sangs rgyas la// zhu ba zhus cing the tshom bcad// de yi nges pa'i 'bras bu ni// chos sku rig pa'i don mthong la// rtogs pa mngon gyur sangs rgyas phyir// da lta nyid du thams cad mkhyen// yang ni rig 'dzin sems dag nges// sngon gyi mngon dga'i phug su phyin// nang du mnyam bzhag 'bral med bcings// don de lha yi dbang po bskul// de lan bka' yis bgro dka' ste// lha dbang bka' gnyen drin che bas// nges don rig pa'i man ngag gis// 'dzam gling mun bsal byin gyis rlobs// de tshe lha dbang thugs dgyes te// khyod kyis dad ldan 'khor rnams la// ma bcos ma nor 'chad nus na// bde gshegs 'khor bcas byin gyis rlobs// de skad zhal bzhes ngo mtshar nas// sems dag gser ldan skur sprul te// dus tshod zer la mngon byung nas// byang chub mo yi lhums zhugs te// gsum la bka' rtags dang bcas te// tsar gyis skyes te nges don sgrogs// mi rnams kyis mthong ya mtshan skyes// mngon shes drug ldan ya mtshan can// lha mi kun gyis bkur bar mthong // de ni spyan drangs gnas bzhugs nas// nang du 'bral med dgongs pa la// gnod sbyin bdud kyis brid bsdigs pas// bar du mchod zil gyis non// bred mos gdung bton skyabs su zhus// dam btags rang srog snying po phul// chos 'di'i srung mar dam la btags// de nas shAka thub sprul pa des// bde ldan bkra shis gnas dag tu// de lta'i dus kyi deng sang na// gsang bdag sprul pa dang nyan la// sdeb sbyor legs pa'i tshig tu gsungs// de yang 'dus pa'i snying po can// sku gsum chos rnams gang gsungs kyang // gdul bu'i 'khor la tha dad kyang // shes rab blo yi wang par las// don la dbyer med ngo bo gcig/ rdzogs pa chen po nges don thams cad 'dus pa'i yang snying / kun tu bzang po ye shes klong gi rgyud/ rin po che gser gyi yang zhun las/ nges don 'byung ba'i rgyu gleng gzhi bstan pa'i le'u ste dang po'o// // de nas 'dus pa'i 'khor rnams la// kun rig sems kyi rgyal po yis// snod bcud rim pa ngas bstan gyis// 'dus pa'i 'khor rnams yid kyis nyon// de bstan snod 'dzom shin tu dka'// de phyir nges lung bcud ldan ni// u dum wa ra'i me tog bzhin// 'jig rten 'di na shin tu dkon// de yang rdo rje sems dpa' nyon// dbang gnyis rim par rdzogs pa yi// dam pa'i chos kun ma 'dres pa// kun mkhyen srid par zad med pa'i// lung ldan gdams ngag dag tu ldan// snod rtogs phyir na nor 'dod kyang // sangs rgyas dgongs pa gdeng ldan la// tshul chos med par snying rje che// 'jam zhing dul la nges don zhu// snod ldan dad pa brtson 'grus kyis// smin par byed pa'i dbang mnos nas// dam tshig ldan pa chos 'dod phyir// gsang thub sgro ring gtong phod can// gzhan la mi spel phyi zag ring // spro ba byas kyang mngan rnams theg/ khon du mi 'dzin gzhung rnams 'dzin// gdams ngag bstan pa'i snod du gsungs// gsang sngags don zab nges pa'i don// rta dang glang po rin chen bdun// kha gser kha g.yu ber chen sogs// ser sna med par 'bul nus na// tshegs med don go bstan par bya// de dag mi ldan kha gsag can// slob dpon mched kyi spyod rtsing la// ya mtshan che nas phyar kha gtong // thabs kyis smod pa sna tshogs byed// bka' rkun byas nas kun la spel// nga las lhag pa gzhan na med// bka' brku bcos shing zas nor 'tshol// de ni dmyal ba chen por ltung // 'di la ngo tsha khrel rnams shor// rang gis rang bslus snod ngan la// nam yang bstan par mi bya'o// kun tu bzang po ye shes klong gi rgyud las/ snod bcud bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la// nges pa'i dgongs don 'di skad gsol// chos kun 'byung ba'i gzhi gsum gyi// 'khor ba'i gzhi ni gang gis bgyi// de ltar 'gro/ drug ji ltar 'khrul// don gyi dbye ba bshad du gsol// de skad zhus pa'i don gsan nas// kun rig rgyal pos bka' stsal pa// nges don dbye ba ngas bshad kyis// dad ldan 'khor rnams da nyon cig/ 'khor gzhi shes pa lung ma bstan// rang bzhin lus kyi rtsal snang ba// gang la mi rtog don shes zin// shes pa rang snang dri mas 'chol// ma rig rgyu ni nges med phyir// shes gzhi lung ma bstan zhes bya// de yang 'dus pa'i snying po nyon// rang bzhin ngo bo'i lus dang ni// shes gzhi lung ma bstan pa gnyis// gnas skabs 'brel yod mthar zug med// yengs dang ma yengs cha med pa'i// had de bun ne tsam du gnas// rang byung rnam shes rkyen dbang 'gyur// de phyir lung ma bstan zhes bya// gzhi ni dran dang ma dran gyi// blo mi 'jug pas don mi shes// ma rig gzhi ni lung ma bstan// de phyir 'khor ba'i gzhi zhes bya// yid byung rim 'gribs log pa'i rgyu// gya gyu tsam du dran yod kyang // don du ma shes de kho na// ma rig skye ba'i gzhi byed phyir// dang po 'khor ba de las byung // kun tu bzang po ye shes klong gi rgyud las// 'khor ba'i shes gzhi lung ma bstan pa'i le'u ste gsum pa'o// // de nas 'dus pa'i tshogs rnams la// kun rig chos kyi rgyal po yis// 'gro drug 'khrul tshul bka' stsal pa// dang po 'khor 'das par do la// shes gzhi lung ma bstan pa la// ma rig lhan cig rnam gsum gyi// rgyu dang de ma zag 'dzom nas// sems kyi kun gzhi smin pa byung // de las kun brtag rnam gsum gyis// dmigs pa bdag po'i rkyen gnyis kyis// bag chags lus kyi kun gzhi byung // gnyis pa bag chags lnga ru smin// de yang 'dus pa'i snying po nyon// 'khrul gzhi la sogs rnam dgu yis// de 'khrul ma bzlog nyes pa ni// g.yeng ba'i las spyad 'chi dus 'byung // de tshe 'byung ba rim thim nas// dbugs zum byed cing gnad gcad de// zhen pa'i dbang gis kha chems 'bor// 'khor ba'i sdug bsngal bsam mi khyab// kun tu bzang po ye shes klong gi rgyud las/ 'chi ltas bstan pa'i le'u ste bzhi pa'o// // de yang rdo rje sems dpa' nyon// de'i tshe 'chi ba'i dus byung tshe// 'di nub phyi ma mun ltar 'byung // snang ba mched dang bskyed pa yi// ma bcos don de yod gyur kyang // ma rig bsgribs par ltung ba'i phyir// gson gshin sa mtshams de la bya// de yang srid pa bar do la// gzhi gnas 'phral byung bag chags kyis// ras dkar la ni snum bzhin ltar// gzhi gnas ma rig bag chags gos// ma rig rkyen sla kha brod dang // rtsom pa rjes 'jug nyon mongs pa// snga phyi'i gol sa yin pa'i phyir// dang por shan ma phyed pas gol// de yang 'dus pa'i snying po nyon// srid pa dag gi bar do la// zhag gsum lon nas bag chags lus// sngon gyi dran pa sna tshogs 'byung // kun rdzob rgyu 'bras mi bslu zhes// yang ni yid kyi lus snang 'gyur// kun tshang thogs med sna tshogs sems// rang gi shes pas sa ma zin// de phyir yid ni lung ma bstan// yang 'gyur gnas ngan lus len phyir// khyim sogs gang rung mngal du 'jug/ rjes dran yon tan med pa'i phyir// chags sdang skyes nas 'khor bar 'khyams// kun tu bzang zas shes klung gi rgyud las/ martags pa 'khor bar 'thams pa bstan pa'i maru ts+tsha lnga pa la// / de nas rdo rje sems dpa' yis// 'dus pa'i 'khor zla na ched du// kun rig ston pa chos rje la// nges pa'i dgos don 'di skad gsol// 'khor 'das gzhi ni gang la bgyi// de las mu stegs ji ltar 'khrul// theg dgu'i 'khrul gzhi ji ltar byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor gyi dad nyan la// zhus pa'i lan de bka' stsal pa// legs par nyon la yid la zung // 'khor 'das gnyis kyi gzhir gyur pa// gang yang med pa'i sngon rol du// sangs rgyas med phyir lung ldan med// theg dgu mya ngan 'das ma reg/ ma rig med phyir sems can med// sprin bcos bag chags skyon ma gos// dug lnga skye ba'i gzhi med phyir// 'khor ba'i skyon gyi mthas ma reg/ zhen pa'i bag chags med pa'i phyir// phra rags bskyed pa'i yul ma grub// 'byung ba lnga la rag ma lus// gnyen po mi tshugs rang bzhin lus// de yang rdo rje sems dpa' nyon// de gsum med pa'i shes pa de// nam langs nyi ma ma shar bzhin// ye nas gnas phyir kun gyi gzhi// rang bzhin ngo bo'i lus zhes bya// 'khor 'das gnyis kyi bar do la// skye ba ma blangs 'dus na yang // rgyu rkyen ma bskyed yang dag yod// sgro skur bral dang ma bral gyis// rtogs dang 'khrul pa gnyis ma myong // rig dang ma rig shan ma phyed// yengs dang ma yengs ngos ma zin// ji zhig ltar la yengs tshul gyis// rang yid had de tsam yod kyang // gang gi 'du shes ma zhugs pa// bya ba btang ba'i mi dang 'dra// de yang 'dus pa'i snying po nyon// de phyir 'khor 'das gnyis kyi gzhi// rang bzhin ngo bo'i lus dang ni// rtogs pa'i ngo bo nyid sku gnyis// gnas skabs 'brel med mthar zug yod// de phyir lhun grub sangs rgyas yin// rdzogs pa chen po nges don thams cad 'dus pa'i yang snying / kun tu bzang po ye shes klong gi rgyud rin po che gser gyi yang zhun las/ 'khor 'das gnyis kyi gzhi rang bzhin gyi lus bstan pa'i le'u ste drug pa'o// // de yang rdo rje sems dpa' nyon// mu stegs rtag pa'i 'khrul dpe ni// 'khrul sman chen po dang 'dra ste// gzhi dang 'khrul pa'i nyes pa de// sun 'don la zlo grangs bstan pa// 'khrul gzhi med pa'i 'khrul pa de// ri bong rwa bzhin yod mi srid// 'khrul gzhi las ni 'khrul pa byung // de phyir dbye ba shin tu gces// de yang 'dus pa'i snying po nyon// ngo bo mi 'gyur gzhi byas nas// kha dog dbyibs can dag tu 'khrul// log pa'i dka' thub dmyal bar ltung // rig pas brtags na bdag ma grub// de nyid don shes la zla'o// de yang 'khor gyi snying po nyon// mu stegs chad pa'i dbye ba ni// kha dog dbyibs med chad gzhi byas// snga phyi rgyu 'bras med par 'khrul// slar btab dmyal ba chen por ltung // chad du min ste rig par yod// de phyir gzhi la gol med pas// rang byung ye shes klong na gnas// kun tu bzang po ye shes klong gi rgyud las/ mu stegs 'khrul tshul bstan pa'i le'u ste bdun pa'o// // kun rig ston pas yang gsungs pa// gzhi ni me long lta bu la// gzugs brnyan theg pa rim dgu byung // phyogs tsam 'khrul tshul ngas bshad nyon// mtshan nyid theg pa rnam gsum gyi// nyan thos rang rgyal mdo sde yi// dbye ba'i rnam grangs mdor bstan pa// snang ba'i phra rags yul gyi gzhi// gang zag bdag med chos bdag yod// zhi ba phyogs gcig thar mi thob// lhag mthong med phyir skye bo rang // don rtogs yul 'di chos kyi dbyings// de yang rdo rje sems dpa' nyon// sems tsam kun gzhi rtogs pa yi// gong 'og shes pa skad cig 'dod// rig pa rang rkyang grangs can gol// rtag dang khyad med sgro 'dogs nor// chos sku rig pa 'gyur ba med// de yang rdo rje sems dpa' nyon// dbu ma pa yi 'dod gzhung de// ngo bo dngos med gzhi byas te// yul sems gzhig pas stong par 'khrul// ci yang med pa'i skye mched ltung // chad dang khyad med stong par gol// stong shes rang byung chos sku yin// de yang 'dus pa'i snying po nyon// de dag mtshan nyid theg pa gsum// phyogs tsam rtogs kyang gzhi mi shes// de phyir nges don mi mthong bas// tshig tu brten te don las gol/ kun tu bzang po ye shes klong gi rgyud las/ rgyu mtshan nyid kyi 'khrul tshul bstan pa'i le'u ste brgyad pa'o// // kun rig ston pas yang gsungs pa// phyi ba kri yog rnam gsum gyis// dbye ba'i rnam grangs ngas bshad kyis// dad ldan 'khor rnams legs par nyon// nam mkha' smig rgyu'i dpe bzhin du// dag pa chos nyid kri ya'i gzhi// bzang ngan gtsang sme dngos grub re// grub pa ma thob byol song rgyu// gtsang sgras mi grol rtog pa nyid// spyod pa ma yin gzhi dag sku// de yang rdo rje sems dpa' nyon// yo ga rnal 'byor sems dpa' yi// dbyer med chos dbyings gzhi byas te// byang chub rnam lnga mnyam par 'dod// bsgom kyang mi grol 'dod khams lha// sems tsam pa dang khyad med gol// la bzla rig pa chos skur shes// de yang rdo rje sems dpa' nyon// de dag yo ga rnam gsum kyang // gzhi nyid ma shes blos bsgyur phyir// nam mkha' dag la 'dzin pa 'dra// don la 'khrul par the tshom med/ kun tu bzang po ye shes klong gi rgyud las/ phyi'i 'khrul tshul bstan pa'i le'u ste dgu pa'o// / kun rig rgyal pos yang gsungs pa// nang pa bskyed rdzogs rnam gnyis kyis// don gyi dbye ba bstan pa'i lung // nam mkha' sprin dang khu rlangs bzhin// rnal 'byor ma hA yo ga yi// bden pa dbyer med 'dod pa'i gzhi// rtog tshogs lhar bsgyur bsgom pas 'khrul// de phyir bgegs dang rA trar ltung // dbu ma dang 'dra 'bras bu gol// lam la mi brten rtogs pas chog/ de yang rdo rje sems dpa' nyon// a nu yo ga'i dbye ba ni// kun gzhi mkha' klong gzhi byas te// snang ba kun bzang rol par 'khrul// yod min med min skye mched ltung // mkha' klong dbu ma chad dang 'dra// la zlo chos kyi dbyings nyid yin// de yang 'dus pa'i snying po nyon// de dag rgyud lung rnam gnyis kyang // rang bzhin lus bzhin 'khrul pa'i phyir// nyi ma sprin gyis bsgribs dang 'dra// snang ba lhar bsgoms chos sku bsgribs// rdzogs pa chen po nges don 'dus pa'i yang snying / kun tu bzang po ye shes klong gi rgyud/ rin po che gser gyi yang zhun las/ rgyud lung 'khrul tshul bstan pa'i le'u ste bcu pa'o// // de nas rdo rje sems dpa' yis// kun rig ston pa chos rje la// bden pa'i dgongs don 'di skad gsol// rdzogs chen spyi dang kha 'byams dang // kun brtags lha dang tshig zin gyis// 'khrul pa'i dbye ba'i rim pa ni// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rdzogs chen spyi yi 'khrul pa ni// rin chen gser sbrul mthong stongs bzhin// spyi dang kha 'byams kun brtags kyis// lung tshig tsam la nges 'cha' ba// de dag gol bar ngas bshad nyon// ming ni tshig tsam shes pa'i gzhis// mkhas su re nas tha snyad 'dogs// don med nam mkha'i mtha' tshol 'dra// tshig tu shes pas don mi rtogs// tshig nyid don yin zer ba 'khrul// de yang 'dus pa'i sems dpa' nyon// kha 'byams dpa' bo'i 'khrul pa de// snang ba sems sdud gzhi ru byed// 'khrul pa'i dbye ba lhun grub bcu// 'bras bu mi 'byung log par gol// gzhi dang mi mthun lung rig 'gal// gzhi nyid ma shes skye bo rang // de yang rdo rje sems dpa' nyon// kun brtags lhar ni 'khrul pa yi// phyi nang gsang sngags snang paba'i gzhi// bskyed dang rdzogs 'dod rim pa 'khrul// don ma zin pas 'bras bu med// gzhi la lha med bskyed mi dgos// ma bskyed chos sku ye nas yin// de yang 'dus pa'i snying po nyon// tshig zin lung gi 'khrul tshul de// tshig tsam lung la khungs byed pas// dgongs pa rnam gsum ma shes 'khrul// tshig tsam lung gis don mi rtogs// don med tshig gis dgos pa med// lung med don go ye sangs rgyas// de yang 'dus pa'i snying po nyon// de dag 'khrul tshul rnam bzhi yang // spyi yi mtshan nyid yin pa'i phyir// gzhi dang 'gal phyir don las gol// de phyir lung ldan gdams ngag dgos// kun tu bzang po ye shes klong gi rgyud rin po che gser gyi yang zhun las/ rdzogs chen spyi'i 'khrul tshul bstan pa'i le'u ste bcu gcig pa'o// // de nas rdo rje sems dpa' yis// 'khor gyi dad ldan don du yang // kun rig ston pa chos rje la// bden pa'i dgongs don 'di skad gsol// 'khor rnams 'khrul pa ldog pa'i thabs// tshegs med rtogs thabs bshad du gsol// de skad zhus pa'i don gsan nas// 'dus pa'i 'khor la bka' stsal pa// 'og ma'i 'khrul pa ldog thabs dang // yang ti nges don ldog pa gnyis// nga yis bstan gyis legs par nyon// 'og ma'i chos kyi 'khrul ldog thabs// gnyen po dang ni ye shes kyis// kun rdzob nyon mongs sgrib sbyangs te// don dam shes bya'i sgrib sbyangs la// tshogs bsags pa yi sangs rgyas ni// las lnga sa bcu rim bgrod te// pha rol phyin bcu mthar phyin nas// sgrib dag 'khrul pa ldog pa'i dus// drang don yin phyir sangs mi rgya// de phyir nges don bka' 'di dgos// de yang 'dus pa'i snying po nyon// mtshan nyid rnam gsum chos kyis ni// 'khrul pa mi bzlog re dogs mtha'// rnam rtog rgyar chud 'khor bar 'khyams// de phyir spu brid chos 'dis phung // kun tu bzang po ye shes klong gi rgyud las/ theg pa 'og ma pa'i chos kyis 'khrul pa mi ldog par bstan pa'i le'u ste bcu gnyis pa'o// // kun rig ston pas yang gsungs pa// yang cig rdzogs chen nges don gyis// 'khrul pa zlog pa'i thabs chen ni// lung ldan gdams ngag ldan pa yi// bla ma rdo rje slob dpon de// gdams ngag mkhas la thugs rje che// dam tshig ldan pa'i slob dpon la// slob mas yon ni ma phul bar// de lta'i gdams ngag zhu mi bya// de yang rdo rje sems dpa' nyon// smin par byed pa'i dbang chen ni// thun mong ma yin khyad 'phags pa'i// ngo bo dbye ba dpe dang gnas// rdzas dang nges tshig las dang skal// rtags dang mthar zug kun rdzogs pa'i// rig pa thugs kyi dbang gsum ni// rim gyi ma yin cig car du// dad ldan gyis ni mnos gyur na// skye ba 'di yis sangs rgyas 'grub// de yi dam tshig mdor bsdus na// rtogs thabs dam tshig rnam lnga yang // rtsa ba rang sems 'di nyid las// gzhan na yod pa ma yin no// rang rig rtogs na dam tshig mchog/ de yang 'dus pa'i snying po nyon// ched du bya ba'i dam tshig drug/ rtsa ba sku gsung thugs su 'dus// de phyir brtse gdung dam tshig ste// chos rnams kun gyi rtsa ba yin// bsrung ba'i dam tshig rnam lnga yang // rtsa ba 'dod chung gdeng zin nyid// de phyir bsrung bya'i dam tshig ste// bar chad mi 'byung dngos grub thob// spang bar bya ba'i dam tshig bzhi// 'khor ba bskyed pa'i rten gzhi ste// de ma spangs par grol mi srid// de phyir ma rtogs rnams kyis spang // gnang bar bya ba'i dam tshig bzhi// lta ba gdeng ldan rnams kyis bya// tha mal kun gyis byar mi rung // de phyir rtogs ldan rnams kyis spyad// de yang rdo rje sems dpa' nyon// g.yo rgyu med pa'i skal ldan gyis// rtsed 'jo le lo rnam g.yeng spang // 'khor mkhas slob gus dad ldan la// snod ldan yin phyir 'khrul pa bzlog/ de yang 'dus pa'i snying po nyon// snod ldan las dang skal bar 'dzom// nges don rgyud chen bstan pa'i snod// phyi mar mi sdod dus 'di ru// man ngag snying po bstan par gsungs// rdzogs pa chen po nges don thams cad 'dus pa'i snying po kun tu bzang po ye shes klong gi rgyud/ rin po che gser gyi yang zhun las/ yang ti rdzogs chen gyis 'khrul pa ldog pa'i thabs bstan pa'i le'u ste bcu gsum pa'o// // de nas rdo rje sems dpa' yis// snod ldan dam bcas don ched du// kun rig thams cad mkhyen pa la// nges don gdams ngag 'di skad zhus// rig 'dzin grub thob bka' rtags gang // rig pa byin gyis ji ltar brlab// de don nyams su ji ltar myong // la zlo spyod pa ji ltar spyad// nges don rgyun kyi bka' rtags gang // kun mkhyen ston pas bshad du gsol// de skad zhus pa'i don gsan nas// 'bral med chos las rang bzhengs te// ye shes rig pa'i klong brtol nas// snod ldan 'khor la bka' stsal pa// rig 'dzin grub thob bka' rtags ni// don gyis brgyud dang byin gyis brlabs// brda' yis bstan dang tshig gi mtshon// sgur rgyal sras la srid gtod 'dra// de yang rdo rje sems dpa' nyon// don gyis khyab dang rtogs pa yi// dbye ba rnam pa gnyis bstan pa'i// til la mar gyis khyab pa bzhin// sangs rgyas sems can ma lus la// rang bzhin ngo bo'i lus kyis khyab// de phyir don gyis khyab par gsungs// de don rtogs pas brgyud pa yi// sngon gyi sangs rgyas kun bzang des// 'khrul ma myong la rtogs myong ba'i// gzhi dang ye shes dus mnyam shar// de phyir kun tu bzang po bya// de yang rdo rje sems dpa' nyon// sangs rgyas mya ngan 'das pa'i gzhi// rang byung ngo bo nyid sku de// ma mdzad ma bcos rgyas ma bskyed// nam mkha'i mthongs su nyi shar 'dra// gdod nas ma rig skyon ma gos// lung la ma brten rig cing rtogs// sangs ma rgyas pa'i rig pa la// rang byung ye shes de la bya// de yang 'dus pa'i snying po nyon// gang la yengs med yang dag yod// sgo skur med pa'i rig pa ni// dus gsum gcig pa'i chos sku la// rang la rang du chos skur shes// da lta'i rig pa 'di yin te// dus rnams kun tu 'bral ba med// sgro skur med pa'i rig pa gsal// ngo bo nyid kyi sku zhes bya// kun bzang rtogs pa nges pa'i don// ming dang dpe don mnyam kyi grangs// drug gsum chos sku gcig la rdzogs// de yang 'dus pa'i snying po nyon// de tshe 'khor 'das par do la// rgyu dang 'bras bu lung ma bstan// sems las ma byung sangs rgyas ni// rang byung kun tu bzang po bya// kun tu bzang po ye shes klong gi rgyud las/ rtogs pa'i brgyud pa bstan pa'i le'u ste bcu bzhi pa'o// // kun rig ston pas yang gsungs pa// nges don byin rlabs brgyud pa'i don// gang phyir byin rlabs dpe dang ni// sprul pa'i dgongs pa brda' yis ni// tshig brgyud yon tan bshad kyis nyon// sems dag rig 'dzin bskul pa'i phyir// sangs rgyas bka' bgros nges pa'i don// ye shes rig pa rang gnas phyir// byin rlabs sangs rgyas kun la shar// de yi mtshon dpe bstan pa ni// nam mkha'i gza' skar shar tsam na// rgya mtsho'i nang du gzugs brnyan 'byung // de tsam nyid na tha dad med// de bzhin kun bzang byin rlabs gyis// sku gsung thugs kyi yon tan las// sprul pa rnam gsum shugs las 'byung // de nyid chos sku nyid kyi rtsal// de don dgongs pa rnam gsum gyis// bstan pa'i 'khor 'di rnam gsum la// drang don ldem dgongs nges pa'i chos// 'dus pa'i 'khor la ci rigs bshad// de yang 'dus pa'i snying po nyon// dang po chos sku'i rtsa ba ni// rang byung ngo bo nyid sku dang // sa bcu'i 'khor la dgongs pas bshad// tshegs med nges don rig pas go/ de don nges par dbye ba ni// lnga bcu bdun gyi brda' bstan phyir// tshig tu ma brjod yid la rtogs// rig 'dzin sprul pa'i spyod yul yin// de yang 'dus pa'i snying po nyon// dgongs dang rig pa rna bar brgyud// tshig gi sgron mas don go phyir// phyi rabs dad ldan rnams kyis go// de phyir sangs rgyas da lta nyid// de yang 'dus pa'i snying po nyon// skye shi gnyis kyi bar do la// kun tu bzang po'i chos drug gis// dpe don rig pa nyams ldan pas// ma rig drug bcom bden pa mthong // rtog gzhi la sogs bcu gcig gis// 'khrul gzhi la sogs dgu po yang // brlag cing stongs te 'khor ba med// de phyir gol sgrib ming med do// de yang 'khor gyi snying po nyon// lung bstan gdams ngag mngon bstan pas// de ma thag tu chos skur shes// rnam smin lus dang ma bral kyang // sangs rgyas sa la nges par 'gro// rdzogs pa chen po nges don 'dus pa'i yang snying kun tu bzang po ye shes klong gi rgyud/ rin po che gser gyi yang zhun las/ rig 'dzin grub pa thob pa'i bka' rtags bstan pa'i le'u ste bco lnga pa'o// // kun rig ston pas yang gsungs pa// nges don rig pa'i byin rlabs kyis// nges don gdams ngag bstan pa dang // mi rtog tsam du byin rlabs dang // thabs kyi bde bas byin rlabs dang // nyams kyi bdud kyis byin rlabs phyir// de don dbye ba shin tu gces// de yang 'dus pa'i snying po nyon// nges don gdams ngag rnam bzhi ste// dang po gzhi nges lta ba la// snang ba ma bcos chos kyi dbyings// gol sa spong sdud zhen pa ste// spong ba dug dang tsher ma 'dra// rang lus 'byung ba'i dug lnga la// mi rung blo yis spong byed pa// gnyen po mi rtag bdag med du// ched du sdug bsngal spong bar 'dod// nyon mongs ris su spong byed pa// rang la nyon mongs gang che ba// kha bka' gnyen pos spang bar byed// gnyen la nye ring byed pa 'dra// nyon mongs rgyu 'bras spong byed pa// dge bsgrub sdig spong 'bras bu tshol// blang dor re dogs rtsol ba byed// 'jig rten so nam byed pa 'dra// de yang 'dus pa'i snying po nyon// sdud pa'i rtog pa bstan pa ni// yul sems gnyis med 'dod pa'i chos// thams cad rang gi sems su bsdu// yul sems gcig tu 'dre mi srid// bu ram rang gis ro mi myong // sems nyid rang snang 'dod pa de// phyi nang sems kyi cho 'phrul gyis// snang ba ma nges sna tshogs pa// chu nang zla ba ngos zin 'dra// chos kun stongs par 'dod pa de// rang gi sems kyi yul gzhig kyang // stong par song ba ci yang med// srin 'bus ri rab bsreg pa 'dra// chos nyid don ni gang rung la// smrar med brjod du med par 'dod// g.yo sgyu can ni khas mi len// tshul 'chos can gyi sems dang 'dra// de yang 'dus pa'i snying po nyon// yul la zhen pa'i rtog pa de// dang po grub mtha'i blos ma bsgyur// ma rig dbang gis 'khrul pa rgyas// 'khor 'das mi shes gti mug gis// ngo mi shes pa phrad pa 'dra// yul la yengs pa'i rtog pa ni// lha mi rnams ni shes pa bcings// kha dog dbyibs kyi 'dod yon la// rtog pa mang bas spyod pa yengs// rma byas mdangs la blta ba 'dra// chos brgyad dam par blta ba de// bstod smad la sogs chos rnams la// dam par zhen pa'i blo 'dzin pas// rang rgyud gol sa yin par nges// bu gcig pa yi/ pha ma 'dra// skye rga na 'chis mi 'jigs pa'i// ma rig blun po zhe sdang can// gzung 'dzin 'di yi rtog pas phung // phyi ma dmyal bas mi 'jigs pas// rgyal pos bsgo ba'i gshed ma 'dra// de yang 'dus pa'i snying po nyon// spong sdud zhen pa de dag kyang // gzhi la med par ma shes pas// 'khrul pa'i chos la bden 'dzin phyir// snang ba chos dbyings gol sar gsungs// kun tu bzang po ye shes klong gi rgyud las// chos kyi dbyings kyi galas bstan pa'i lan+daHbcu drug pa'o// / kun rig ston pas yang gsungs pa// snang ba ma bcas chas dbyings ni// theng 'ag bar gyi dbye ba'i phyir/ chos kyi dbyings ni bstan pa yin// de yang 'dus pa'i snying po nyon// steng gi chos dbyings chos skur gcig/ bar du ye shes sgyu ma'i dbyings// 'og tu snang ba 'byung ba'i dbyings// gcig la tha dad ngos zin na// 'gal ba med de kun ka'i dbyings// da lta snang ba'i chos rnams la// mi brtag mi gzung mi 'brang bar// sgo lnga mi dgag rang yin la// rig pa gang dran dbyings nas 'phyo// gang yang rung ba ci la yang // sgro skur med pa chos dbyings yin// de yang 'dus pa'i snying po nyon// rig pa dngos med chos sku yi// gnas ni nam mkha'i klong na 'phyo// yin dang min gyis ci zhig bya// chos kyi dbyings zhes de la gdags// 'khrul pa'i rtog pas gzhi mi 'gyur// btsal ba'i bsam pas dbyings mi bskyod// kun tu bzang po ye shes klong gi rgyud/ rin po che gser gyi yang zhun las// gol med snang ba ma bcos chos kyi dbyings bstan pa'i le'u ste bcu bdun pa'o// // de nas 'dus pa'i 'khor rnams la// kun rig ston pas bka' stsal pa// rig pa ma bslad chos sku yi// rang bzhin ngo bo nyid kyi sku// rgyu rkyen ma bskyed 'gyur ba med// 'dus ma byas pa'i nam mkha' 'dra// de yi rtogs tshul ye shes te// bsgom sbyin sgro skur ma btags pa// kun bzang rang rig chos skur rtogs// ri po ta la'i nyi shar 'dra// de yis de nyid mtshon pa'i dang // mtha' dbus med pas nam mkha' 'dra// rnam rtog 'joms pas rdo rje 'dra// skye ba med pas a dang 'dra// de yi nges pa'i gtan tshigs ni// rang byung 'khor bar 'khyams ma myong // de rtogs da lta nyid du yang // mtha' bral mngon gyur bden pa mthong // de yi ldog thabs nges pa ni// mthun dang mi mthun gnyis log pas// gol sgrib skyon gyis ma gos phyir// sems las ma byung chos skur gsungs// de yi mtshan nyid nges pa ni// gang dang 'dra med yin pa med// yin ni da lta'i shes pa la// de yi don kun gnas pa'i don// de phyir 'bral ba med pa'i mchog/ la bzlas spang blang med shes pas// skyon yon thams cad med par dag/ de phyir dus 'dir 'bras bu 'grub// phyi mar sangs rgyas smos ci dgos// de yang 'dus pa'i snying po nyon// chos dbyings chos sku gcig gi ngang // rang byung rig pa'i ye shes de// nyi zla gzas zin dpe bzhin du// don kun dus gcig yon tan rdzogs// kun tu bzang po ye shes klong gi rgyud las/ rig pa ma bslad chos kyi skur bstan pa'i le'u ste bco brgyad pa'o// // kun rig ston pas yang gsungs pa// ma bsgoms 'bral med bstan pa'i don// dang po kun gzhi shan phye la// bar du chos sku ngos bzung ba// tha ma la zlos bden pa mthong // de yang 'dus pa'i snying po nyon// dang po rang rig kun gzhi ni// snga phyi rtogs dang chos sku ru// lung ldan bla mas shan phye la// tha mas brten bcas ma bsgribs pa'i// mtshan nyid bzhi ldan chos skur shes// gol sa bzhi chod gdeng dang ldan// de phyir lhag mthong nges pa rnyed// ye nas gnas pa'i rang byung de// ngo shes don dang 'bral med phyir// rgyun du gnas pas sangs rgyas so// de yang 'dus pa'i snying po nyon// de dag bsgom pa'i dbye ba ni// gsal ba mi rtog mi g.yo ba// dbye ba rnam pa dgu dgur ni// rgyun du 'bral med gtan la 'bebs// de dag rtsa ba mdor bsdu na// sgo lnga gsal ba mar me 'dra// rig pa mi g.yo mtsho gting 'dra// mi rtog bya ba btang ba 'dra// de gsum chos nyid gcig la rdzogs// gang mthong dran pa ma 'khrul pa// chos sku ngos zin don ldan pas// de phyir thig le nyag gcig la// ma 'dus pa ni gcig kyang med// rdzogs pa chen po nges don 'dus pa'i yang snying // kun tu bzang po ye shes klong gi rgyud rin po che gser gyi yang zhun las/ rgyun tu 'bral med kyi bsgom pa ngos gzung bstan pa'i le'u ste bcu dgu pa'o// // kun rig ston pas yang gsungs pa// rgyun du 'bral med rig spyod ni// dus ni bzhi gsum gsungs pa yang // spyi yi mtshan nyid yin pa'i phyir// tshig tu bden te don las gol// de yang rdo rje sems dpa' nyon// ye shes rang shar gdams ngag gis// yul ni ma yengs dran pa de// ma 'khrul rig pa chos skur shes// de phyir gdams ngag dus 'dir rtogs// mngon gyur sangs rgyas da lta nyid// de yang 'dus pa'i snying po nyon// dang po rig spyod dbye ba'i don// rgyu dang gol sa gdams ngag dang // nyams dang la bzla 'bras bu ste// re re la ni drug drug tu// phye la bstan gyis yid la zung // bde ba'i ye shes rnam gsum gyi// nang gi bde ba rkyen thub grangs// blta med bzhi gnas 'gog pa la// bdag med mi g.yo rnam gsum gyi// rang yan lhag mthong mi brjed gzung // mtha' bral ye gsal gdeng gis zin// bdag nyid gzhi la med par shes// de nyid bde gsal ye shes sku// 'du 'dzi longs spyod bde ba ni// yo byad rnam gsum ldan pa ste// 'dod yon lnga la rang rgyud zhe na// gang mthong ma 'khrul don shes pas// gang yang myong ba rig par shes// bdag gzhan gzhi la ma grub pas// bde ba longs spyod chos nyid rgyan// pho mo bde ba'i grangs bstan pa// 'gro ba bzang mor yid chags pa// thabs dang rang rgyud chags spyod gol// snga phyir ma nges don zin pa'i// de tshe bde ba'i mthar ma ltung // pho mo gzhi la grub pa med// lus bde longs spyod rig pa'i sgra// de yang 'dus pa'i snying po nyon// de dag bde ba rnam gsum yang // spyod bde don dngos spyad gyur kyang // gnas skabs 'brel yod mthar thug med// de phyir gdeng zin kun gyis spyod// kun tu bzang po ye shes klong gi rgyud las/ bde ba ye shes su rkyen thub par bstan pa'i le'u ste nyi shu pa'o// / kun rig ston pas yang gsungs pa// sdug bsngal sna tshogs 'byung ba gsum// de la phyi lus sdug bsngal grangs// nad ni bzhi brgya rtsa bzhi la// ye 'grog 'khang pa rnam gsum yin// gang na lhag mthong don gyis zin// de tshe mtha' 'bral chos skur mthong // lus dang na tsha gzhi la med// sdug bsngal de nyid sbrul skur shar// sems kyi sdug bsngal grangs gsungs pa// chags sdang rnam gnyis yin pa'i phyir// gol sar skyon bzhi dam par 'dzin// mi gzhig mi bcom dran pas zin// gang la zhen tsam rig pas zin// de tsam nyid na gzhi la med// de tshe sdug bsngal sprul par shes// spyi yi sdug bsngal rnam bzhi'o// ma rig rkyen bzhi bskyed pa yi// nyon mongs bag chags bsags pas gol// snga phyi med shes gdams ngag gis// mtshan nyid bzhi ldan nyams su myong // gzhi la snga phyi don la med// phyir 'bras bu chos kyi sku// de yang 'dus pa'i snying po nyon// sdug bsngal nyid kyang bde ba'i klong // don la ye shes 'du 'bral med// da lta'i rig pa 'di nyid yin// de phyir sdug bsngal bde ba'i klong // kun tu bzang po ye shes klong gi rgyud las/ sdug bsngal zhi byed chos skur rkyen thub par bstan pa'i le'u ste nyer gcig pa'o// // de yang rdo rje sems dpa' nyon// btang snyoms rang bzhin rkyen thub grangs// le lo snyoms las lung ma bstan// btang snyoms shes pa ma rig bsgribs// shan phyed ngos zin yid ches pas// rang rig 'bral med nyams dang ldan// ma rig med phyir btang snyoms med// lhag mthong 'bras bu bden pa mthong // de yang 'dus pa'i snying po nyon// gnyid ni chos sku klong thim gyis// bag nyal gzhi gnas ma rig pas// rmi lam rnam gsum yul la zhen// ldog ka sad dus de nyid shes// de tsam nyid na nyams myong gsal// don la rmi lam grub med rtogs// 'bras bu mi rtog chos skur shar/ kun tu bzang po ye shes klong gi rgyud las/ btang snyoms gnyid ye shes klong thim du bstan pa'i le'u ste nyer gnyis pa'o// // kun rig rgyal pos yang gsungs pa// gti mug rang grol bstan pa'i grangs// ma rig shes gzhi lung ma bstan// gang yang mi shes gti mug sems// lung ldan sgron mas don bstan pas// rang rig chos sku yid la bstar// gzhi dang phrad pas mun pa brlag/ 'bras bu chos nyid thams cad mkhyen// de yang rdo rje sems dpa' nyon// zhe sdang rang grol grangs bstan pa// yul ngan kha dog smra ba la// zhe sdang sems dkrugs bzod pa nyams// mi bsam yul gyi rjes mi gcod// de dus rtag chad mtha' bral nyams// bdag gzhan gzhi la grub pa med// 'bras bu rang rig sbrul skur shar// nga rgyal rengs byed grangs bstan pa// gzhan dag brdeg bsad smra ba las// nga bden rmongs pa ched du byed// gang yang bden med don dran pas// de nyid rig par shes pa'i nyams// tshig gis ches chung gzhi la med// don ldan nga rgyal chos skur shar// de yang 'dus pa'i snying po nyon// phrag dog rang grol grangs bstan pa// gzhan gyi phun sum tshogs pa la// g.yo sgyus gzhan la thabs kyis smod// bdag dang gzhan med chos kyi sku// phrag dog rang grol chos skur myong // de tsam nyid na bdag gzhan med// g.yo sgyu ma bral longs spyod rgyan// de yang 'dus pa'i snying po nyon// dngos po ma 'khrul gnas lugs la// tshor ba bde sdug ci byung yang // de dus chos skur nyams su myong // de tshe yul dang 'brel med shes// de phyir rkyen thub bsgom mi dgos// rdzogs pa chen po nges don 'dus pa'i yang snying kun tu bzang po ye shes klong gi rgyud las// dug lnga rang grol du bstan pa'i le'u ste nyer gsum pa'o// // kun rig ston pas yang gsungs pa// srid pa'i bar do rnam lnga la// ma rig 'khrul pa'i bar do dang // kun brtags dge ba'i bar do dang // gnas 'gyur lha yi bar do dang // rnam shes rlung zhon par do dang // mngon gyur ye shes par do'o// ma rig 'khrul pa'i bar do ni// rgyu ni ma rig rnam gsum ste// rkyen ni chags sdang gnyis kyis gol// gol sa bar dor lus gsum 'dus// sdug bsngal sna tshogs nyams su myong // skye rgas sdug bsngal zad du med// de las thar cing ldog 'dod pas// kun brtags dge rtsa 'dir byas pas// dge bcu sbyin sogs dad pas spyad// phyi mar 'bras bu 'dod pa'i blos// rgyu mthun bag chags mthu brtas pas// lha dang mi yi go 'phang tsam// smon lam dbang gis mtha' btsan kyang // dge ba'i stegs zad 'khor bar 'khyams// de yang 'dus pa'i snying po nyon// gnas 'gyur lha yi bar do la// rtogs dang lha gsal dus mnyam nas// sku gsum gcig la gcig tshang nas// 'bras bu'i sangs rgyas dus de nyid// ma rtogs lha bsgom rU trar skye// de yang 'dus pa'i snying po nyon// rnam shes rlung zhon par do la// phyi nang rlung gi bde goms pas// phag mo la sogs 'pho ba bdun// 'od gsal ye shes skur 'dod pa// thabs lam yin phyir nges don min// de yang 'dus pa'i snying po nyon// mngon gyur ye shes par do la// rgyu ni lung ldan gdams ngag ste// byin rlabs rjes dran rnam drug gis// ma rig sangs la rig pa rgyas// thams cad mkhyen pa'i 'bras bur ldan// 'gro don gzugs sku shugs la 'char// btsal ba med par don rnams grub// rdzogs pa chen po kun tu bzang po ye shes klong gi rgyud/ rin po che gser gyi yang zhun las// srid pa bar do la skye ba phyis mi len par bstan pa'i le'u ste nyer bzhi pa'o// // de yang rdo rje sems dpa' nyon// de ltar ma rtogs byin brlabs pas// dbu ma man chad lta sgom ste// 'khor 'das chos kun sems su bsdus// rig pas rtag chad mtha' bsal te// mi dmigs tsam la bsgom pa'i thabs// bying rgod gnyis kyi skyon bsal la// ting nge mer re rang gsal tsam// yang nas yang du goms par byed// mthun 'jug thabs kyi spyod pa yang // 'og ma'i chos dang sgo bstun phyir// dge sdig shan mdangs phyed par spyod// de tshe don gyis zin par bya// lha sgom spyod pa 'dzom pa'i tshe// 'bras bu tshogs gnyis nam rdzogs na// sgrib gnyis sbyangs nas sangs rgyas 'dod// de las lhag pa'i chos med zer// ri dwags smig rgyu bsnyegs ltar 'khrul// de yang 'dus pa'i snying po nyon// thabs kyis rig pa byin brlabs pa// sman dang yig 'bru dbang gi dus// rtsa dang thig le bde bsgom pas// shes pa 'gyur nas bde la zhe na// de phyir mi grol shin tu 'ching // mi rtog thabs kyi bde 'dod gol// kun tu bzang po ye shes klong gi rgyud las/ 'og ma'i bsgom pa gol bar bstan pa'i le'u ste nyer lnga pa'o// // kun rig ston pas yang gsungs pa// lha med gzhi gnas zhen pa la// bdud byung bar chad zhen las byung // zil gnon gdams ngag ngas bshad nyon// rnal 'byor lta med nyams zhen pa// bdud kyi cho 'phrul mngon shes 'byung // de tshe lta sgom spyod nyams bdud// bar du bcad nas 'khor bar 'khyams// de bzlog don du gdams ngag gis// bco brgyad yon tan chen po ni// zil gnon rtogs dang 'bras bu yis// don ldan nges pa'i sangs rgyas 'byung // de yang 'dus pa'i snying po nyon// lta ba'i bdud ni rnam bzhi ste// snang ba 'od dang grag pa sgra// 'jigs pa gzugs dang bslu ba rdzun// re re la ni drug drug tu// rgyu dang zhugs pa nyes dmigs dang // zil gnon rtags dang 'bras bur gsungs// snang ba 'od kyi bdud byung na// lta ba mun las snang 'byung bas// dge sdig mthong bas snying rje zhugs// 'gro don bya mno ting 'dzin btang // dngos med lhag mthong mi g.yo dran// gzhi la med pas gzha' tshon 'dra// dmyal ba'i gnas kyang sangs rgyas zhing // de yang 'dus pa'i snying po nyon// grag pa sgra yi bdud byung na// mkha' la sgra dang chos ston 'byung // dga' bas ngoms zhing ting 'dzin btang // gdeng bral bsdu zhing bdud dbang song // bka' 'gal chos brgyad 'khor bar ltung // lta ba'i gdang zin sgra dang bral// sgra snyan rtags med rjes mi 'brang // tsher lhang gsung gi 'khor lo bde// 'jigs pa gzugs kyi bdud byung na// rmi lam dngos su 'jigs pa'i gzugs// mi dga' don bral mo chog byed// sems ngan tshe thung yi chad ltung // snang gzugs gzhi la med par shes// snying po med shes nyam mi nga // de nyid thub drug sbrul skur shes// de yang 'dus pa'i snying po nyon// bslu ba rdzun gyi bdud byung na// dus gsum nyes legs ston pa 'byung // bden dang mi bden tha ma rdzun// mngon shes rdugs pas zhe sdang skye// tshig las 'das phyir rdzun ma grub// rmi lam bzhin du 'khrul par shes// don rtogs ci smras rgyal ba'i bka'// kun tu bzang po ye shes klong gi rgyud las/ lta ba'i bdud zil gyis gnon pa'i rtags dang 'bral bu bstan pa'i le'u ste nyer drug pa'o// // kun rig ston pas yang gsungs pa// bsgom pa'i bdud ni rnam bzhi yi// bying ba gsal ba'i bdud byung na// don med nan tan 'bad nas bsgom// myos pa'i dbang gis gsal ba bying // gnyen po gsal ba'i don dang bral// gnyid gsum bsres pas gti mug brlag/ chos nyid klong du gnyid thim shes// sangs rgyas ye shes klong du bying // rmugs pa bde ba'i bdud byung na// lung ldan chos sku ngos ma zin// shes pa blun po lhag mthong med// bsgom pa byas kyang gti mug 'phel// rang rig dran pas ye shes gsal// lta bas zin phyir bde bar shar// 'bras bu ye shes 'gyur med klong // de yang 'dus pa'i snying po nyon// rgod pa mi rtog bdud byung na// gdams ngag med phyir 'dus par dga'// don btang nas ni mi chos byed// spong sdud zhen pa sna tshogs byed// snga phyi rig pa'i don zin phyin// ba mor nyi shar bzhin du stongs// gdeng zin chos dbyings gnas kyi mchog/ 'phro ba mi g.yo'i bdud byung na// don la goms par ma byas pas// rig tshor dran pa phra mo rgyu// don med rkun bu yang yang ldang // mi brjed dran pa'i gzungs kyis zin// rnam rtog rang zhi rig pa gsal// thams cad chos sku 'bras bu mchog/ kun tu bzang po ye shes klong gi rgyud las/ sgom pa'i bdud zil gyis non pa'i rtags dang 'bras bu bstan pa'i le'u ste nyer bdun pa'o// // de nas 'dus pa'i tshogs rnams la// kun rig ston pas bka' stsal pa// bya ba 'du 'dzi longs spyod bdud// nyams dgar zhen pa gnas kyi bdud// bslab pa'i yon tan g.yeng ba'i bdud// 'khor ngan sems dkrugs bdud dang ni// de dag spyod pa'i bdud bzhir gsungs// de yang 'dus pa'i snying po nyon// 'du 'dzi longs spyod bdud dbye na// man ngag med par tshul 'chos byed// mi rnams smon 'dod gzhan sems 'dzin// don por bdag 'dzin phrag dog ltung // de dag dgrar shes zhen pa chung // bu bzhin chags med don gyis zin// longs spyod rang grol rol par rtogs// de yang 'dus pa'i snying po nyon// zhen chags gnas bdud dbye ba ni// thos chung mkhas ches nyams dga' brtsig/ bkra shis 'dre med lha yod zer// 'dre brten mthu yod gzhan la bsdigs// gnas la ma chags nges med shes// bdag gzhan gzhi la med par rtogs// gang du 'dug pa 'og min gnas// de yang rdo rje sems dpa' nyon// yon tan g.yeng bdud dbye ba ni// rig pa lnga ldan bkur sti zhe na// don por rang don rang rgyud gol// zhen log dran zin zil gyis mnan// bdud med ye shes skul mar shes// g.yeng bas bdag gzhan chos skur grub// de yang 'dus pa'i snying po nyon// 'khor ngan sems dkrugs bdud dbye na// lha dman 'khor la gdung drags pas// 'gran sems mchog shes med par 'dod// dad log sgro skur zhe sdang skye// gdung sems bskyungs la 'brel pa gcad// bdud nyid chos skur shes pa las// spong zhing dor du rdul tsam med// rdzogs pa chen po nges don 'dus pa'i yang snying / kun tu bzang po ye shes klong gi rgyud las/ spyod pa'i bdud zil gyis non pa'i rtags dang 'bras bu bstan pa'i le'u ste nyer brgyad pa'o// // de yang rdo rje sems dpa' nyon// nyams kyi bdud drug don bstan pa// mkha' 'gro'i lung ston bdud byung na// khyod ni ma 'dug phan gdags zer// 'dod pa snying zhugs zhen pa tshol// mi 'grub dka' ba sna tshogs byed// zhen pa nyid nas 'dod pa stongs// lung ston bslu ba rdzun du shes// gzhi la med shes re dogs med// de yang 'dus pa'i snying po nyon// nyams myong zhen pa'i bdud byung tshe// mi rtog zhen pa'i bde/ ba 'byung // 'phel 'grib yod pas ma nges pa// ngos ma zin pas lung ma bstan// lhag mthong dran pa'i gdeng dang ldan// don la 'gyur med nam mkha' bzhin// dam par lta med sgrib gnyis dag/ zhe 'dod tshul 'chos bdud byung tshe// gdams ngag med par bsgom tshul ston// dad can glen pa thabs kyis bslu// chags chung tshul 'chos chos par 'ches// gzhi nyid ma bcos dran pa gces// zhe 'dod med na tshul 'chos bral// 'dod med gdeng ldan 'bras bu'i mchog/ de yang rdo rje sems dpa' nyon// brkam chags bdo ba'i bdud byung na// 'dod chags dbang la byang chub ni// rang gi zhen pas 'dod chags srid// don du ma shes byang mi chub// rang rig don ldan dbang mi dgos// 'dod spyad rkyen thub chos skur shes// bogs med ye shes sangs rgyas yin// de yang 'dus pa'i snying po nyon// yon tan phrag dog zhe sdang byed// de la lan 'debs rmongs pa ni// mkhas la skur 'debs dmyal bar lhung // gzhi rtogs don la skur dang bral// zhe sdang rang grol chos nyid rtogs// de nyid dus na bdud med shes// nga rgyal sgo 'dogs bdud byung tshe// gang zag smad phyir chos la smod// ches chung byed cing bka' rkun byed// bsod nams ches chung dmyal bar ltung // man ngag gsang thub zil gyis mnan// yid ches rang rig don gyis zin// da lta nyid du bden pa mthong // de yang 'dus pa'i snying po nyon// de dag bdud kyi dbye ba yang // lha med rnams la 'byung ba las// lung ldan kun gyi yon tan te// sangs rgyas chos ni bco brgyad yin// rdzogs pa chen po nges don 'dus pa'i yang snying / kun tu bzang po ye shes klung gi rgyud rin po che gser gyi yang zhun las/ nyams kyi bdud kyi rtags dang 'bras bu bstan pa'i le'u ste nyer dgu pa'o// // rdo rje sems dpas yang zhus pa// kun rig ston pas bdag la gson// rnal 'byor nyams su myong ba'i bka'// don dang mthun par bshad du gsol// de skad zhus pa'i don dgongs nas// 'dus pa'i 'khor la bka' stsal pa// nyams myong rim pa rnam bzhi ste// snang ba chos dbyings nyams myong dang // rang rgyud zil gnon nyams myong dang // nges lung spyod pa'i nyams myong dang // lta ba gdeng zin nyams myong ngo // de yang rdo rje sems dpa' nyon// snang ba chos dbyings nyams myong ni// bya ba btang ba'i mi 'dra ste// mthong snang gzugs sgra la sogs pa// gang mthong ci dran cir snang yang // brtag dpyad ma byas gyi na tsam// yul ni bun ne long 'dug kyang // spong sdud zhen par ma song na// chos dbyings gdeng ldan nyams kyi mchog/ de yang 'dus pa'i snying po nyon// rang rgyud nyon mongs zil non rtags// bsgom thabs skrod dang bcos pa'i thabs// thun tshad nyams dang rnam pa ste// bsgom thabs lta ba'i rgyun la bsgom// skyon ni bying dang rgod pa ste// bcos thabs rab 'bring tha ma yis// thun tshad nyams kyi tshod dang sbyar// de don nges par la bzla na// gser 'gyur rtsi yis thebs pa bzhin// rtogs dang mi rtogs thams cad du// rang sems lta ba'i chos nyid gsal// rang rgyud zil gyis non pa'i nyams// de yang 'dus pa'i snying po nyon// de don mthar thug rim pa'i don// gos kyi 'jam rtsub sna tshogs dang // zas kyi ro mchog gang myong ba// gang dran mthong bral chos skur shes// de tsam nyid na ye shes shar// yul nyid ma yin gang dran pa// chos skur shes pas yul dang bral// de tsam yul dang rig pa gnyis// gnas skabs mthar thug 'brel pa med// de yang 'dus pa'i snying po nyon// rtogs pa mngon gyur gdeng gi nyams// g.yo dang goms pa brtan pa ni// cig car rim gyis 'byung ba ni// shes rab blo yi khyad par las// lus ngag yid kyi nyams rtags kun// rnal 'byor pa la nges par 'byung // de nyid rnal 'byor nyams kyi mchog/ kun tu bzang po ye shes klong gi rgyud las/ rnal 'byor nyams su myong ba'i bka' rtags bstan pa'i le'u ste sum cu pa'o// // de nas 'dus pa'i tshogs rnams la// kun rig ston pas yang gsungs pa// la zla spyod pa'i bka' rtags ni// 'khor la bshad kyi yid kyis nyon// kho na nyid dang sgro 'dogs gcod// rtogs pas gzhig dang ye shes spyod// gdeng ldan rnams kyis spyad par bya// de yang 'dus pa'i snying po nyon// lus kyi de kho na spyod pa// rgyal po gtan ma zin pa bzhin// lus nang chos sku rgyun du gnas// de phyir mi 'bral gzungs dang ldan// ngag gi de kho spyod chen ni// dpe ni dag pa'i brtul zhugs bzhin// nges pa'i don gyis skyon bral bas// ngag tu ma brjod chos skur gsal// sems kyi de kho spyod pa ni// nags kyi ri dwags bag phebs bzhin// shes rab rnam gsum zag chod pas// lhag mthong rig pa'i gdeng gis zin// chos kyi de kho dmigs pa ni// nor rnyed gsang ni thub pa bzhin// gdeng ldan nyams kyi gsang thub pas// nges don mchog gi dngos grub thob// kun tu bzang po ye shes klong gi rgyud las// de kho na nyid la dmigs pa'i spyod pa bstan pa'i le'u ste so gcig pa'o// // de yang 'dus pa'i snying po nyon// phyi yi sgro 'dogs gcod pa ni// dred mo gdos kyis btags pa bzhin// yul dang 'bral med chos skur shes// snang bas mi gnod phan mi nus// nang gi sgro 'dogs gcod pa ni// mi shes slar la mi ldog bzhin// mtha' bral nges pa'i gdeng gis zin// rang rig bde mthong phyir mi ldog/ gnyis ka'i sgro 'dogs chod spyod pa// gnyid sad 'jigs pa bral ba bzhin// ma rig sangs phyir yul dang bral// de phyir yid ches gdeng gis zin// lung gi sgro 'dogs chos spyod ni// nor stor slar la rnyed pa bzhin// drang don mdo rgyud sun bton nas// nges don rnyed pas chos skur rtogs/ kun tu bzang po ye shes klong gi rgyud las/ sgro 'dogs chod pa'i spyod pa bstan pa'i le'u ste so gnyis pa'o// // rdo rje sems dpas yang zhus pa// zas nor dgra gnyen rtog gzhom phyed// ye shes spyod pa bstan du gsol// kun rig ston pas thugs gsol te// 'dus pa'i 'khor la bka' stsal pa// zas kyi rtog pa gzhom pa'i phyir// khyi phag bzhin du gtsang dme med// don zin rtog pa bcos gyur na// yon tan drug ldan spyod pa'i mchog/ gos kyi rtog pa bcom pa'i phyir// smyon pa bzhin du ngan dgu gon// gnyen sdang yon tan lnga ldan phyir// chags med yon tan mchog tu ldan// gnyen gyi rtog pa gzhom pa'i phyir// ngo tsha med par chags spyod dang // gnyen la sdang ba byas gyur na// 'khor ngan bdud bcom bde ba 'phel// dgra yi rtog pa gzhom pa'i phyir// gri bo gshed la 'khor ba bzhin// chags sdang gzhi la med par shes// dgra nyid chos skur shes par bya// de yang 'dus pa'i snying po nyon// de dag spyod pa gang spyod dang // rigs spyod rgyun du bya ba ni// bram ze'i dam tshig 'gal ba'i phyir// lung ldan kun gyis byar mi rung // kun tu bzang po ye shes klong gi rgyud las/ rtog pa gzhom pa'i spyod pa bstan pa'i le'u ste so gsum pa'o// // kun rig ston pas yang gsungs pa// gzhi shes blo dngos gcig pa dang // brtul zhugs mchog dang bgegs med pa'i// ye shes rang shar ngas shad kyis// 'dus pa'i 'khor rnams yid kyi nyon// lung ldan gdams ngag gzhi shes pas// ngo bo nyid la blo ldan phyir// gang yang chos skur rang gsal bas// 'dus ma byas pa'i nam mkha' 'dra// blo dngos gcig par shes pa yis// gang mthong nyid 'khrul med shes phyir// snang mthong gang dran chos skur shes// smig rgyu nam mkhar shes pa 'dra// brtul zhugs mchog gi spyod pa ni// mtshams med lnga dang mi dge bcu// chags sdang lnga la longs spyad kyang // lta ba rtogs pa'i grangs su 'gyur// lung rigs mi 'gal rgyud gnas dang // 'bol zhing zhi la 'jam 'dod pas// nges pa'i gdams ngag ma go na// mkhas kyang rmongs pa snying re rje// de yang 'dus pa'i snying po nyon// bgegs med ye shes rang shar ba// rang gi rnam rtog yod kyi bar// bgegs kyi mtha' la zad pa med// dngos su med phyir 'khrul pa'i blo// mu stegs can la 'dre yod phyir// 'drer 'dzin skye bo ma rig pa// mo ma'i rdzun gyis glen pa bslus// dam pa kun gyis 'dre sun bton// yul dang gol sa chod gyur na// 'dre med rig pa chos skur shes// gzhi la lha 'dre med rtogs pas// phan gnod bya ba ming yang med// de yang 'dus pa'i snying po nyon// de dag ye shes rang shar ba// kun brtags zad na 'dre rnams stongs// 'dre ni nyid 'khrul yin pa'i phyir// ri bong rwa la yod rtog 'dra// rdzogs pa chen po nges don thams cad 'dus pa'i yang snying kun tu bzang po ye shes klong gi rgyud/ rin po che gser gyi yang zhun las/ ye shes rang shar gyi spyod pa bstan pa'i le'u ste so bzhi pa'o// // de nas 'dus pa'i tshogs rnams la// kun rig ston pas yang gsungs pa// dam tshig ltung med ngas bshad nyon// rtogs thabs lnga yis ma nyams na// rang sems mi rtog lung mi ldan// 'khor bar 'khyams kyang 'jigs pa med// da bu la ni las nor 'dra// ched du ma byas drug nyams na// byas pa thams cad mi 'grub cing // 'dir sdug phyi mar dmyal bar ltung // rgyal pos chab bsal mi ngan 'dra// bsrung ba'i dam tshig lnga nyams na// ma rungs las rnams spyad pa'i phyir// ma rig mun pa ma sol pas// rang gi mig ni rang bton 'dra// srang ba'i dam tshig bzhi nyams na// 'og ma'i sems bskyed sdom zhig pas// kha na ma tho rnam gsum ltung // btson rar chud pa'i mi ngan 'dra// de yang 'dus pa'i snying po nyon// de dag dmigs kyis dbye ba ni// ltung ba'i sgo dgur ltung nges kyis// de yi sdug bsngal smos zag chad// las kyis tshe tshad brjod mi langs// kun tu bzang po ye shes klong gi rgyud las// ma rtogs pa'i dam tshig nyams pa'i ltung ba'i sgo bstan pa'i le'u ste so lnga pa'o// // de nas kun rig rgyal po yis// mthar thug ye shes 'bras bu sogs// 'dus pa'i 'khor gyi don ched du// mngon gyur sangs rgyas bka' stsal pa// lus med ye shes sgo lnga yis// sngar ma mthong ba'i zhing khams su// ye shes mig gi dus gcig mthong // 'char nub med pa'i nyi zla shar// zos pa med pa'i ro mchog myong // ma bsams pa yi dran pa la// mi brjed pa yi gzungs dang ldan// bsgrubs pa med pa'i 'bras bu 'byung // rkyen dbang mi 'gyur yul gcig rnyed// sangs rgyas kun dang dgongs pa gcig/ btsal med 'gro don da lta byed// de yang rdo rje sems dpa' nyon// rnam smin las med ye shes sku// rig pa gsal la kha mig can// sngar ma mthong ba'i chos dbyings la// zhing khams sangs rgyas ye shes klong // chos sku rig pa 'char nub med// rang sems rtogs pas chos skur shar// ting 'dzin zas ni nyams su bsten// ro mchog nyams myong chos skur shes// de la bsgom bsgrub bya mi dgos// 'khor 'das gnyis su ma bsams pa'i// lhag mthong dran pa'i ye shes la// mi brjed gzungs ldan rig pa'i sku// gang dran rang rig kun khyab phyir// dus gsum skye 'gag med pa yi// 'bras bu bar dor ye shes ldan// ma rig bag chags shes pa'i phyir// rkyen bzhis bskyed pa'i dbang mi 'gyur// spyir chib sa la nges par 'gro// lhun grub mngon 'gyur dus der 'grub// sangs rgyas kun dang mnyam pa'i phyir// dgongs pa kun bzang nga dang mnyam// de yang rdo rje sems dpa' nyon// chos sku'i gzugs brnyan gzugs sku 'byung // gza' skar gzugs rnyan me long bzhin// ma btsal lhun gyis chos skur grub// de nyid don ldan da lta byas// ye shes lus la rig pa'i thugs// ye shes rang shar don rtogs pas// rang byung chos sku kha mig can/ ye shes sgo lnga gsal bar 'dus// theg gzhan sangs rgyas 'dod pa de// blos byas rnam gsum nges don med// de phyir yang ti sangs rgyas kyi// 'bras bu bar dor sangs rgyas smra// kun tu bzang po ye shes klong gi rgyud las/ nges don gyi sangs rgyas bstan pa'i le'u ste so drug pa'o// // de nas ston pa kun bzang gis// 'dus pa'i 'khor la don gtad pa// nges don 'dus pa'i yang snying 'di// sangs rgyas kun gyis gsungs pa'i chos// rig 'dzin rnams kyis thugs la sbas// chos skyong kun gyis gter ltar bsrung // mkha' 'gro rnams kyis mig ltar 'tsho// de phyir rgyud 'di shin tu gnyen// de don man ngag nges don 'di// log sred chags zhen ma nges la// nam yang bstan par ma gsungs so// de yang rdo rje sems dpa' nyon// yang dag nges don khyad par can// 'bras bu mngon 'byung nges pa 'di// snod ngan rnams la ma gsang na// tshe thung sdug bsngal nad 'byung zhing // phyi ma thar med dmyal bar ltung // de phyir mi bstan snod ngan ni// bla mar mi gus nga rgyal can// tshul 'chos byed cing slob dpon smod// dbul ba med par gdams ngag 'dod// bka' rkun byas nas yod tshul ston// don ma go bas chos la sdang // dpe rkun byas pas phyi thag zung // 'gran sems bcug pas mched dang mkhon// gnas lugs ma shes rang mthong che// nga rang mkhas zhes bla ma smod// sngon nas yod zer rdzun du smra// gzhan nas rnyed zer thabs kyis tshol// phyi nas dbul zhes slob dpon brid// chos rjes bya zhes thabs kyis bslu// g.yo sgra skyon gyis chos 'tshol la// nam yang bstan par mi bya'o// de yang 'khor gyi snying po nyon// gal te 'khor gyis chos bstan na// phyi nang chos skyong kun khros nas// ma nyes kha yogs sna tshogs 'ong // byas pa med par mi rnams sdang // ser snas bsags pa'i rdzas rnams brlag/ rang nyid spro 'bog sgur por 'gro// rgyal 'gong chags nas gnas mi rnyed// phyi mar dmyal ba chen por ltung // de phyir shin tu gsang bar bya// de tshe nges don yang snying 'di// gu lang gser bzhin mi nub tsam// snod ldan 'ga' la bstan pa las// snang dgu kun gyi spyod yul min// 'khor rnams nges pa de ltar zhog/ kun tu bzang po ye shes klong gi rgyud las/ rgyud gtad pa'i le'u ste so bdun pa'o// // rgya gar gyi mkhan po bi ma la mi tra dang / bod kyi lo ts+tsha ba A tsar+ya dran pa ye shes kyis bsgyur cing zhus te gtan la phab pa rdzogs so// rdzogs pa chen po nges don 'dus pa'i yang snying kun tu bzang po ye shes klong gi rgyud rin po che gser gyi yang zhun zhes bya ba/ shang pa che chung ba ye shes rgyal mtshan gyi thugs dam/ bla ma gnyen chung ba la gnang ba/ gnyan chung bas 'brom zhang 'bar la gnang ba/ rje btsun zhang 'bar gyis/ skye sgom la gnang ba/ skye skom gyis/ skyer ba na 'od de la gnang ba'o// //