བོད་ཡིག

e-texts produced with BDRC’s OCR application

rtsod pa'i 'khor lo'i rgyud bzhugaso// rgya gar skad du/ pre hU te tsakra tan tra/ bod skad du/ rtsod pa'i 'khor lo'i rgyud/ bcom ldan 'das ro langs bde ba la phyag 'tshal lo// rin po che rtsod pa sgra 'khor lo// 'jam dpal bshes gnyen la bshad pa/ gnas ni byang chub shing drung du/ ston pa dga' rab rdo rje yis/ 'khor ni paN+Di ta nyis brgya la/ dus ni rtsod pa sgra'i dus// bstan pa d+ha he'i khang du/ rtsod pa'i 'khor lo 'di bstan to// rtsod pa'i bzhi la gnyis su 'dus// gzhi'i don la rtsod pa dang // lam gyi chos la rtsod pa'o// rdzogs pa chen po'i rtsod pa 'di gzhi chos nyid thig le nya gcig tu dam bca'// stan tshig ci'i phyir zhe na// gnyis snang med pa'i phyir zhes bya// gnyis su snang ba'i skyon gtong la// khyod rang la gnyis su snang ngam// nga'i grub mtha' la skyon gtong // nga la skyon gtong na// rig pas gtong ngam// tshad ma'i gzhal byas gtong // rig pas gtong na/ chos nyid kyi rig pas gtong ngam// 'thad bsgrub pa'i rig pas gtong ngam// bya ba byed pa'i rig pas gtong ngam// ltos pa'i rig pas gtong // chos nyid kyi rig pas gtong zer na// chos dang chos nyid rig pa gsum du 'dod dam// gcig tu 'dod dam// ces par 'dri'o// rig pa'i rgyab gnon phar la bya'o// gsum du 'dod na// rig pa las chos byung ngam// chos las rigs pa byung // nyid la sa rig pa dang chos byung // de gsum khyod rang yin nam logs pa yin// ces 'dri ste/ gang yang khas mi len na// gong du dam bcas/ swa hA chos las rig pa byung zer na rgya chad pa dang // yul las rig pa byung ba'i skyon// 'gal lo nyid las rig pa byung zer na// rgya chad pa'i skyon gtad // ci te zer na/ nyid kyi go ba 'dri'o// nyid la rgyu rkyen yod nas byung ngam med nas byung 'dri'o// rgyu rkyen yod na nyid ma yin pa'i skyon 'byung ngo // rgyu rkyen med na med nas 'byung na// na mkha' la me gtong bar 'byung bar thal lo// ci ste bzhi med pa las 'byung ba'i phyir ro// de bas kyang 'di ltar phar 'dri'o// rig pa khyod gnyis gcig nas gtan la 'bebs sam// mi cig kyang gtan la 'bebs// gcig zer na rigs pas rig pa gtan la 'bebs// 'bebs na thugs med du thal lo// rigs pas rang gtan la 'bebs na 'brel med du thal lo// gcig la 'bebs mkhan med par thal lo// thad dan 'brel pa med te dbab tu/ mi 'dod par 'thal lo// 'brel pa yod zer na/ bdag nyid gcig gam 'dri'o// bdag nyid cig na/ bdag rig pa cig gam// rig pa bdag tu gcig/ bdag rig pa cig na/ gong skyon 'ong / de las byung ba'i 'brel pa yod zer na/ rgya chad pa'i skyon 'ong ngo // de las byung na rig pa bdag las byung ngam// bdag las rig pa byung // byung ba'i skyon 'ong / sbrul shugs nas byung ba'i 'brel pa dang 'dra ste/ ldog tu mi 'dod pa'i skyon 'ong ste rgya chad par thal// mi shi ba'i lus la rig pa mi 'byung ba dang 'dra ste// phyis don byed mi nus pa'i skyon 'byung ngo // yang na bdag nyid las rigs pa byung na byung ba'i nad dkas 'brel med du thal lo// rigs pa las bdag byung na// shes rig rdzas su thal lo// rang gi shes par bya ba ni// thig le lhun grub chos can zhes dam bca'// ci'i phyir ma 'grags rlung shar ba'i phyir thig le rdzas yod du thal zer ran// lhun grub rdzas yod ma spangs pa'i phyir// 'jig par thal zer na lhan grub 'jig pa ma bkag ces bya// khyod lhan grub men nam ces 'dri// yin zer na 'dod thog men zer na mu stegs rtags chad tu thal ces 'gal lo// sgra'i 'khor lo las brgal ba dang po'o// // 'thad pa sgrub pas gtong zer nas// snang ba 'di rang mi shar du 'thad de// 'thad pas 'on 'thad pas snang ba shar mang du 'byung bar thal// bya ba byed pa'i rig pa'i gtong zer na// 'khrul pa'i shes pa la thag pas sbrul gyi bya ba byas nas 'khrul te// rten du sbrul gyi bya ba byed par thal// ltos pa'i rig pas gtong zer na// 'phang las ltos na mdung ring // mdung las ltos na mda' rgyang ring ste// nges pa med par thal lo// rgyud kyi gtan la 'bebs zer na// rgyud rang yin nam log pa gcig dri'o// rang yin zer na bstan la dbab pa dang 'bebs pa mi dung ste// ral gri ral gri rang gis sos chod par thal lo// gnyis yin gong du 'brel rtag go/ de yang lung yang de 'dre'o// mtshon pa gnyis pa'o// // tshad mas gtan las 'bebs zer na// tshad ma de rang yin nam men ces 'dri'o// rang yin zer na gtan la dbab tu mi btub pa'i skyon gtang ste// gser gyi ser po gtan la 'bebs pa dang // ser pos gser gtan la 'bebs pa dang ces 'byung ngo // tshad ma lo gra cig yin no zer na// chos tshad ma dang / don tshad ma dang 'jal bya'i shes pa cig/ gzhal bya'i yul mang du sman 'di skad bya'o// 'ud kyi bsdus nas yul la 'jal lam// shes pa la mjal/ gnyis ka la 'jal ces 'dri// yul la mjal na yul nyam su myong nas mjal laM// ma myong nas 'jal na myong nas 'jal na mau sham bu che chung // ri bong rno rtul kyang shes par thal// shes so zer na dbang po'i mngon sum gyis gsal// ces skyon btang ngo // nyam su myong nas 'jal na// chu bo'i ro myong yang // chu bo rol tshol ba dang 'dra te thug med du thal lo// shes pa la 'jal na shes pa dngos po yod nas 'jal la ma med kyang mjal/ dngos po yod zer na mngon sum gyis gas la// med nas mjal na ri bo nga rA la mtho tshad gzhal du btub par thal la// yod rung med rung 'jal na/ lung du ma bstan par thal lo// mtshon pa gsum pa'o// de ltar sgros btags cham la phebs nas// rang gi mtshan nyid bstan par bya// rang snang du rang shAr bas// yul las gzhal du med// rang byung ye shes shar bas/ nang la gzhal du med/ 'du 'bral med pas yul dang yul can du gzhal du med// thams cad ye nas rang sar grol bas 'brel pa rtsir med// shes rig gi yul las grol bas// rgyud lung rig pas gtan la babs med// ces gsung so// mtshon pa bzhi pa'o// shes pas 'phrul te/ rgyal ba rig lnga 'od dkar dmar/ rten pas 'phrul// sgrubs pas gol te// rang snang chos sku la bde ba 'dod cing // sgrub pas 'khrul/ sgom pas rlag/ ye nas rang gsal sgoms pas rang gsal stong pas rlag/ yul can gyi gol te spang blang gi lan no// snang ba sgribs g.yogs kyi chod// rang snang rang gsal la 'byung ba ltar mthong bas chod// rang byung min te ye shes med chos nyid yin te sku min// ska po yin te ye shes min// de ltar shes pa ni rang byung ye shes yin la ye shes yin// chos sku yin/ snying po yinaHthig le yin/ nya gcig yin ces gsung so// d+ha he ma'i 'du khang du mkhas pa 'jam dpal bshes gnyen la thig le nya gcig grub mtha' bstan// rtsod pa'i sgra'i 'khor lo 'di// chu srin bar gyi gre pa ru// rul sbal nag po'i chud pa bzhin// bskal pa 'khrug kyang khar mang byung // ces gdam so// rmongs pas mi go dris lan khon du chud // sbyangs pa'i sgra dang song 'gyur 'byung ba dang // byung ba can dang sgra skyon rnams brgyud// man ngag khong du bcas te 'ag tu ma bris pa'o// mtshon cha'i 'khor lo dum bu bzhi pa rdzogs s+ho// / mang+ga laM