བོད་ཡིག

e-texts produced with BDRC’s OCR application

byang chub sems bsgom pa bzhugs// rgya gar skad du/ bod+hi tsit+ta/ bod skad du/ byang chub sems bsgom pa/ bcom ldan 'das dpal bde ba'i mchog la phyag 'tshal lo// bcom ldan 'das de thams cad chos nyid zab mo la bzung bar dgongs nas// chos kyi dbyings gting dpag dka' ba zhes bya ba'i ting nge 'dzin la snyoms par zhugs te// rang bzhin gyi dkyil 'khor nyid dang tha mi dad pa rnams la/ rang bzhin gsung du med pa 'di bka' stsal pa/ de'i tshe na thams cad chos nyid stong pa nyid du gyur to// byang chub sems kyi ngo bo ni/ bsam med dran med mi g.yo ba/ bsam pa bstan du med pa'o// tha snyad gdags su ga la yod 'di ni brjod med spros las 'das// dge ba'i rmi lam lta bu'o// rnal 'byor dam pa'i lam zhes bya// grub mtha' ma nyams yongs su dag/ sangs rgyas sa la rang bzhin gnas// rdzogs pa chen po'i don zhes bya// de bzhin gshegs pa thams cad kyi rang bzhin gsung du med pa'i gsung gsungs pa'i skabs te dang po'o// / yang bde ba'i mchog gis ye shes gsung du med pa 'di bka' stsal pa chos nyid ji bzhin pa de la blo yang de 'dra ba zhag gyur na// sems kyang skad cig dang po la// pus chos gnas pa don la reg/ de dus byung tshor shes 'jug med bag chags rgyud chad rang byung shar// ye shes me ste skad cig la// de bzhin dbyings kyang skad cig ma// de dang de zhes dbyer med pa// de ni rgyun chags thams cad spangs// shes pa ye shes nyid du gyur de bzhin sbyor ba'i lam pa yi// ye shes la reg mi gnas la// rang rgyud du ni bdud bzhi 'byung // 'jigs pa gzugs dang grag pa sgra/ 'od kyi bdud dang sru ba rnams// byung tshe de la rig byas la// mi zhen mi chags lan 'ga' bsam// kun 'od 'gro ba de nyid lam// shes pa khyad par can zhes bya// ye shes gsung du med pa'i skabs te gnyis pa'o// // de nas yang bde ba'i dam tshig mchog des 'khor rnams la dbyings zang ma bka' stsal pa// zhi ba'i dbyings te 'dus ma 'dus// rang bzhin bzang dang rab 'dres pa// rtsal med tshul du byung ba de// gang gis ma bslang rang bzhin dbyings// thog ma med pa'i rgyal po'i/ skad cig rgyu 'bras med par dbyings// rgyun chad med pa dbyings la yan// rtsal na rtsol nad sangs mi srid// rtsal ba med pa dbyings kyi mchog/ de lta bu yi dbyings de la// de lta bu yi ye shes dba'// yang na dbab dang mi dbab med// shes rig bag chags rgyun de yang // gnyen po'i sgo nas mi gcod de// rang bzhin rang gis rtog 'gyur ba// de yis bag chags rang bzhin dag/ rang gi bsam pa gya gyur pa// de red pa yang bde bar gshegs// gcig tu gzud par ngas ma bsha/ ye shes de yang bsam pa'i dbang // bsam pa rang kha ma yin te// dbyings dang ye shes rab 'byor na// rim pa can gyi char bzung ste// rim pa med pa'i don de ni// yang dag pa yi dam pa'o// byang chub sems bsgom pa las// dbyings za ma bstan pa'i skabs te gsum pa'o// / de nas yang rang bzhin mtshon du med pa bka' stsal to// rang bzhin rang gi rtogs pa ni// dngas snyigs med pa'i zab mo ste// rang kha'i tshe na yod med na// bsam pa mtshan ma can gyis ni de la mi spogs gya gyu can// gsal ba med par rang bzhin gsal// gsal ba nyid ni grub mtha'i skyon// rang bzhin mkha' la rang bzhin sems// gsal ba rang bzhin rang bzhin gnas// shes rgyun de yang de bzhin tsam// de ni nyams med nyams zhes bya// blta ba rim pa ma yin la// bsgom pas rim pa ma yin la// lta spyod gnyis ka rang bzhin tsam// khyad par 'phags pa'i rang bzhin no// byang chub sems bsgom pa las// mtshon du med pa'i skabs te bzhi pa'o// // de nas yang dbyings dang spyod yin pa 'di bka' stsal pa// thams cad dbyings dang spyod yin pas// dbyings dang ye shes dbyer med pas// ye nas ma bcos chos dbyings la// ma bcos rig pa klong du/ yan/ rang bzhin don dang ldan byas te// rtog ge'i spyod yul ma yin pas// dbyings dang ye shes gnyis med de// gnyis med bde ba'i rgyal po'o// de ltar ma yin rtog ge bas// bsam pa de la gnas pa na// gal te sems la gtad yod bas btang bas mi thongs 'ching ba'i rgyu// gtod mi dgos pa'i skyes bu yis// na mkha'i rten dang nang du bsdus// dang po'i tshen 'di gnyis sgrib// dbang po yul la 'phros pa yang // de la dbyings zangs shes rab mdo// la na cig rdzogs che mdon 'dod pa// rang bzhin bde ba nyams su blangs// bde ba sgyum ste mtshor 'chor// de bas chad pa zhi bar bzhag/ der bzhag gser 'og thod pa bzhin// dbyings dang ye shes skad cig la// med pa shes rab thabs rdzogs pa/ de ni sangs rgyas sa la gnas// gnyis su med par mi blta bla// de ni sangs rgyas sa la gnas// de dag gting dpag dka' ba'i don// byang chub sems bsgom yi ge med pa las// dbyings dang ye shes gnyis su med pa'i skabs bstan pa ste/ lnga pa'o// / de nas yang mthob med bltar med pa'i don bka' stsal pa// mthong bas blta ru med pa ni// chu sri mgre ba'i rin chen bzhin// nam yang bstan du med pa'o// mtshan ma kun dang bral bas na// rtsal dang bral ba yi ge med/ gtso dang bral bas nyams kyi gtso// mi dmigs sku la bltar med de// mi dmigs gsung thugs de bzhin yin// ma mthong bas na mthong ba che// thabs kyi thabs te dngos grub rmad// shim tu ngo mtshar rdzogs chen po// sangs rgyas thugs la mi mnga' ba// 'di rtogs go ba brgya nang na// gcig mi 'ong bar shin tu grags// lung du bsgom bsgrub kun dang bral// khyab pas bde chen don zhes bya// mthong med bsam pas thams cad mthong // de ni nges bsgom mchog chen po// sa dang pha rol phyin las 'das// de'i snang ba rang bzhin med// rang bzhin med pa'ang mi bsam ste// sgyu bsam yul las 'das pa'o// sems kyi byung tshor byung ba na// de kho rang bzhin rang zhi ba// nges don snying po bla na med rnam rtog bsags pa'i 'phra rgyas kyis// log khrid don min bltas pa'i mthu// bzlog dka' gnyen pos bzlog pa min// rgyal las dmangs byung tha mar rgyal// rgyal po mthu bo mi'i mchog/ rgyal bzung rgyal khams cham la phab// nges par bsdad pas sdig mi yong // 'di ni slar 'tsho shin tu rgyal// mkhas pas rgyal po bsad gyur na// shin tu rgyal 'khor bsrang bar 'ong // lug bzlog bde chen sa las 'das// byang chub sems bsgom pa las// mthong bar byar med pa'i ste drug pa'o// // de nas chos nyid ji bzhin pa'i don bka' stsal pa// sems mi g.yo ba sangs rgyas so// gang yang ma skyed don de la// gang gnas chos nyid yin par bshad// gnas dang mi gnas gnyis med de/ de phyir rnam pa thams cad mkhyen// 'di ni sku'i dngos grub yin// chos nyid cir yang ma mthong ba// thugs la yang dag don ma log/ bzlas shing gsal bar ma gyur pa// gsung gi dngos grub shin/ tu yin/ sa la mi rten lhun gyis grub// 'di ni lam rgan kun bong 'gro// thams cad 'dus pa'i dngos grub yin// rang bzhin rang la rang bzhin shar// rang byung rig pa zhes bya'o// 'di mi snang ba gnan snang med// gal te blo la snang ba de/ don snang ma yin mtshan ma'o// de ni rang byung rig pa min// byang chub sems bsgom pa las// chos nyid ji bzhin pa'i skabs te bdun pa'o// // de nas yang rmad du byung ba 'di bka' stsal pa// sems mi g.yo ba bde ba ste// sems kyi sems 'ching mi tshor bas// sems la zhib pas brtag spyad bya// shes bzhin gyis ni thang bcad de// sems kyi sems la bltas pa na// cir yang ma mthong ma yengs pa// bsgoms na mA bsgoms bsgrub na nyams// dri bas byung tshor ci byung yang // rang byung rang zhi bsgom pa'i gtso// rang byung rang zhi tsam ming gdags// sems kyi spyod 'jug thams cad kyang // yi ge med pa'i ngad du bzhag/ de ni rgyal po'i rgyal po'o// man ngag snying po'i rgyud ces bya// bde gshegs nyag gcig dgongs pa la// phyi rabs rnal 'byor don la ni// ya rabs bsam pa'i ting nge 'dzin// shes rab kyis / don la dpyad// byang chub sems bsgom pa yi ge med pa'i rgyud las// smad du byung bar bstan pa'i skabs te brgyad pa'o// // de nas sku gsung thugs su 'khor rnams rang bzhin gyi ston nas bka' sprul pa// byang chub sems bsgom pa yi ge med pa'i rgyud 'di mthong ngam// thos sam/ nyams su blangs sam// don rtogs sam/ mngon du gyur tam zhes bka' stsal pa las// de nas 'khor rnams kyis mgrin gcig pas 'di skad ces gsol to// byang chub kyi sems yi ge med pa 'di bdag cag gis ji ltar yang ma 'tshal lo zhes gsol pa las/ bde bar gshegs pa rnams slar yi ge med pa'i rang bzhin du 'dus so// byang chub sems bsgom pa yi ge med pa bstan pa'i skabs dgu pa rdzogs s+ho// / bod skad du/ byang chub sems bsgom pa/ yi ge med pa'i rgyud/ bcom ldan 'das dpal rdo rje 'dzin la phyag 'tshal lo// chos kyi dbyings gting dpag dka' ba'i don zab mo