བོད་ཡིག

e-texts produced with BDRC’s OCR application

rgya gar skad du/ su ka pra ka te/ bod skad du/ bde ba 'phra bkod/ bcom ldan 'das dpal kun tu bzang po la phyag 'tshal lo// sems la mtha' dang dbus med pas/ phyi dang nang med ye shes ma bral te// sems la spong len med pas bde ba 'phra bkod pa'o// ma btsal lhun gyis grub pa'i don de la// skye med ngang la gnas pas bde ba 'phra bkod pa'o// skye ba med pa'i byang chub sems chen la// rdzogs pa'i yang rdzogs bde ba'i klong na 'phyo// rten pa'i gnas med chags pa'i yul dang bral// 'khor ba med pa'i don de 'phra bkod pa'o// sgrub du med pas 'bras bu lhun gyis grub// bsgrub du med pas lha rnams mya ngan 'das// mtshon du med pas yi ge bkri ru med// gdags skyed kun dang bral bas bde ba rang la snang // mi skye gding du chud pas 'du 'bral yi nas med// mtha' dang dbus med brdal ba'i 'phra bkod pa'o// gnyis su med pa'i rang bzhin phra bkod pa'o// snang med rig pa shar bas dngos po kun dang bral// skye med dbyings su thug pas s+pho ru med pa yin// ma bcos lhun gyis grub pas rig pa rang la shar// rten pa'i dbyings su 'byung ba lnga nyid chos// grub pa'i sku mchog chos sku brdal ba che// yin pa'i rtags su chags sdang bral bas na// 'pho 'gyur med pas snying rje gdeng du chud// 'bras bu mngon sangs rgyas pa'i bde ba 'phra bkod pa'o// 'gog pa'i lam nyid mthar phyin lam bgrod pa// gnyis med mnyam pa'i klong du mthar phyin pas// bzhag pa'i gzhi med skye med byang chub sems la gnas// dug lngar spong ba sku lnga 'phra bkod pa'o// spyod pa spyad du med de chags sdang yul lnga 'das// bsgrubs pas bsgrub du med de lha la rten mi 'cha'// bsgoms pas bsgom du med de dmigs pa'i yul dang bral// bsrung ba'i tshul khrims bya ba ye med de// ye bsrung gdeng dang ldan na sangs rgyas 'grub pa yin// 'phrin las btsal du med de 'khor ba mya ngan 'das// sems la skye shi med pas bde ba phra bkod pa'o// ma g.yos dbyings na gnas pas gar yang 'gyur ba med// snang srid kun la khyab pra mtha' dang dbus med yin// gang yang bkag pa med pas gsang ba gra bkod pa'o// bde ba'i klod na gnas pas sdug bsngal bral ba yin// 'bras bu chos skur grub pas mtshon pa mya ngan 'das// ye brdal 'bras bu mo skur lhun gyis grub// lta bas bstan pas ye nas gol sa med// snang ba rang la shar bas sems la nub pa med// mi nub rgyal mtshan rtse ru phyin na ltung sa med// dmigs pa'i yul med rten med gnas dang bral// chags sdeng med na sdug bsngal bral ba yin// mi 'gyur lhun gyis grub nas bde ba'i klong na gnas// mnyam nyid don du rtogs pas phra bkod pa'o// bsgom bsgrub mtha' las 'das pas mnyam pa'i klong na gnas// rang bzhin lhun gyis grub pa rgyu dang 'bras bu med// snang ba dang la shar bas nyin dang mtshan mo med// ma bkag kun la khyad pas ye brdal 'phra bkod pa'o// skye med dbyings na rig pa rang la shar// don dam nges par rtog na mnyam pa'i klong na 'byo// mnyam pa'i ngang la bzhag na dus gsum gcig tu nges// byung tshor bying rmug thar lam mi thob pa// bsgom du med pa'i don la gnyis med mnyam par bzhag pa'o// skye med dbyings nas rig pa'i bcud shar ba'o// dngos po kun dang bral bas snang ba rang shar ba'o// gzung 'dzin rnam rtog dral bas bde ba rang la shar// chags sdang bral bas rtogs pa'i mthar thug pa// sems la bsgom du med pas tshig gi mtha' wa 'das// bsgrub du med pas yi ge'i sgra dang bral// bsrung du med de ye bsrungs phra bkod pa'o// byang chub sems bde ba phra bkod pa rdzogs so// / @#/ bcom ldan 'das rdo rje bskal pa'i bdag po la phyag 'tshal lo// srid par bcas pa'i 'jig rten dang // thugs rjer bcas pa'i pho brang kun// sprul pa'i 'khor lo 'od 'bar ba'ang // mngon sum sangs rgyas mkha' la shar// phyogs bcu'i 'jig rten mang po nas// spyan drangs la sogs rtsol ba'i nad// bde ba gsal ba'i thig le las// sangs rgyas gzhan du mi rtsol lo// sems dang chos las sangs rgyas gzhan na med// mnyam nyid na mkha' lta bu'i rang bzhin las// sna tshogs mtshan ma rdul du brlag pa'i phyir// phyag rgya'i tshog kyang bskal pa'i me ltar 'bar// ya nas lhun gyis grub pa'i rang bzhin las// rtsol ba'i sdugo bsngal rgya mtsho'i rlabs dang 'dra// chos so cog gi ngo bo nyid// ma btsal bzhag pas rdul du brlag/ thams cad bdag nyid rang gi lga/ dkyil 'khor kun tu zhugs pa la// dus gsum mnyam sbyor 'byung 'jug med// ma btsal lhun gyis grub par 'gyur// phyi nang spyod yul ma lus pa// mnyam dag lhun gyis grub pa la// dus gsum mnyam par bzhag pa ni// bcing du med pa'i phyag rgya yin// mi phyed thig ler gcig pa la// dus gsum 'byung 'jug med pa ni// sangs rgyas kun dang mnyam pa'i phyir// ba srung du med pa'i dam tshig mchog/ khams gsum ngo bo rang rig dbyings/ kha phyogs bcu brgya dang bral ba yi// bcos pa med pa'i 'khor lo la// ma bkod shar ba'i dkyil 'khor mchog/ thams cad mngon sum shar ba yang // byin rlabs mthu la mi ltos par// yid bzhin/ lhun gyis grub pa ni/ bsngo dang bral bas mchod pa'i mchog/ rtogs pa'i rgyal mtshan shar ba'i phyir// bde ngo bo bdag nyid sku// don la rim pas mi 'grub pas// thogs pa med pa dbang gi mchog/ phyogs bcu'i 'jig rten rab 'jams na// g.yo zhing bskyod pa'i chos rnams kun// rang byung sprul pa bsam yas kyis// bya byed med pa'i phrin las phul// mi dmigs byams pa chen po ste// mtha' yas thugs rje chen po yin// rab 'jams pade la dga' ba ste// stong nyid gsal ba gtang snyoms so// gsang sngags chen po'i khyad par ni// rang rig rgyal ba'i thugs rje yis// bag chags rdul du brlog pa dang // mtshan ma zil gyis gnon pa ni// khyung chen mkha' la thogs med pas// steng 'og rims kyis mi bgrod ste// snang ba dus gcig gsal ba ni// skye 'gro 'dul ba'i gnyen po yin// se ge'i skad la 'jigs med pas// gcan zan rims kyis mi 'dul te// gzhan gyis rtsol bas mi chung bas// dud 'gro 'dul ba'i gnyen po yin// rang bzhin gsal ba'i byang chub sems// rgyu 'bras rims kyis mi bgrod ste// bde chen mkha' la thogs med pas// rnam rtog sgrol ba'i gnyen po yin/ byang chub sems mi 'gyur ba'i rdo rje/ thugs rje chen po'i 'od// ga nam slar 'debs rdzogs so// /