<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F92: gnas btran spyan drang ba<br><table><tr><td>
<input type="button" onclick="location.href='tcompletep.php?id=F92&coll=F&volcur=0';" value="show page break" />
<td width=150><td>
<input type="button" onclick="location.href='tcompletel.php?id=F92&coll=F&volcur=0';" value="show line break" />

<td width=150><td>
<a href="tcompleteu.php?coll=F&id=F92&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rdzogs s+ho// // rgya gar skad du/ s+thA bi ra ba ni man tra na/ bod skad du/ gnas gtan spyan drang ba/
 thams cad mkhyen pa la phyag 'tshal lo// tha btsun pa rnams dgongs su gsol/ dgongs nas kyang / shel dang / nor bu dang / dngul dang / ku mu ta dang /
 kha ba'i phung po dang / zla ba'i 'od zer dang / ston gyis chu dang / nam mkha' dang / pad ma'i rtsa lag ltar dri ba med par mdzod la/
 rlung gi stobs kyis shing lcug phran bskyod pa dang / smig rgyu dang / sgyu ma dang / rmi lam dang / glog dang / rti'i shing rta rdul dang / ba lang gi phru gu'i sna mchog dang /
 sbrul gyi lce dang / zil ba dang / rgya mtsho bskyod pa'i rlabs ltar g.yo ba'i yid/ skad cig re re la'ang mi sdod par 'gro ba/ rtse gcig pa'i ting nge 'dzin gyi stobs
 kyis yud tsam zhig rgyu ba nang du dgag du gsol/ smras pa ri gzar 'bab pa'i dab+ha'i rlabs gyur pas kyang / gang gis dba' rlabs 'gyur la sgran med par/
 'jigs pa thogs med g.yo ba'i yid de ni/ yud tsam ce cig btsun pa rnams/ lha'i bu mo'i chad shugs phyung skad cig zi mir byas pa'i mig/ ring zhing gzir
 ldan bkra la 'od 'tsher mi chags lta ba g.yo ba yis/ gang gi thugs ni skye ba'i rgyun gcod rgyu las 'khrugs par ma gyur ba/ bdud kyang 'joms mkhas cig pu
 thams cad mkhyen pa de la phyag mdzod cig/ skye ldan gang du rten nas dud 'gro'i skye gnas sems can dmyal zhi dang / yi dgas 'jig rten gnas su 'gro bar mi 'gyur
 sdug bsngal 'jig byed pa/ 'khor ba kun na 'gro ba chen po rnams kyi grogs gyur 'phags cig po// zhi bde grong khyer sgor gzhol de la shin tu gus par rten par
 tha/ nga /
 mdzod// zhi ba'i bdag nyid gang zhig bde gshegs gsung rab mthar phyin 'byung smra zhing // gang la bar chung zad tsam zhig sbyin yang sbyin pa 'phel 'gyur la/
 ye shes snang bas mun pa zad byas dge slong dge 'dun de la ni/ nyon mongs bcad pa'i ched du thams cad kyis kyang gus pas phyag mdzad cing // lcang lo'i tshun po'i
 sgra mang mgo la thogs shing // dpung mgo gnyis g.yogs la// rang gi 'od zer phyogs mthar 'gro ba rnams kyis 'jig rten kun 'gengs pa/ lha dbang brgya
 byin gcod pan btud de tshangs la phyag byas gang yin te/ phyin nas dga' byas sems kyi ting 'dzin shin tu chen po'i 'bras bu yin// rdo rje 'od 'phro phreng bas dpung
 brgyan 'dres nas mdzes gyur cing // lha la bka' stsol dbang po mtho ris skyong ba gang yin pa// de dag dge ba dag 'byung rnam smin 'gyur dus nyams dga' zhing /
 mngon par 'dod pa'i 'bras bu phun sum tshogs pa'i rgyu rnams yin/ kha nas rgyags 'gyur dri zhim 'byung zhing mig mtha' dmar la/ dbugs dbyung do shal g.yos pas
 nu ma 'bur la 'drud byed pa// snga gu lhan cig nor bdag 'ga' 'tshal 'dug pa gang yin pa/ de yang 'gro ba nyams dga' bdag nyid chen po yin/ 'brug sgra sgrogs
 ci sprin rnams chu ni kun tu len byed pa/ rlabs byung dus na nor bu dung dang byi ru nyi phyis 'byung // rin chen gnas ni chu lha nyid kyi 'byor pas gang bsrung ba/ der yang
 rgyu ni sbyin pas mchog cing thub pas bka' stsal to// gang yang 'od zer rnams kyis mkha' la skar ma'i 'khor lo zil mnan cing / ku mu
 ta'i dzid yangs rnams su dpal ni rab tu rnam par phye nas/ glang po che'i dpal dang ldan zhing / mtshan mo shin tu rab mdzes pa/ de yang nges par sbyin pa nyid kyi 'bras
 bu ro bro mang po yin// ri rab rtse la shing rtas lam kha 'dug pa'i rin chen rdo cog cing / ta'i rkang lag rnams kyis dgu tshigs chu bo'i rlabs ni gcod byed pa/ mun pa
 gsal phyir nyi mas skar ma zil mnan lam me gang yin pa/ de rgyu yid kyi ting 'dzin gyis skyed pa'i sbyin par thub pas gsungs// rgyal mtshan rtser brtags rin chen 'od
 zer snang bas na mkha' dper gyur cing / rta mig mdor bas mkha' la sprin gyi phreng ba dag kyang 'brel byed la/ rnga yab dkar pos g.yabs shing 'khor los bsgyur ba
 song ba gang yin pa/ 'dod pa'i 'bras bu de yang sbyin pas bsgrubs shes thub pas bka' stsal to// gser gyi pad ma'i rtul gyi bye mas dmar bris mtshon ni khrus byas
 te/ de'i nags 'dab bung ba sgra 'byin rnams su nyal ba'i bde snyed nas/ rigs 'dzin chung ma lhan cig cig 'jigs med mkha' las 'gro ba gang yin pa/
 de yang ser sna 'jil zhing skyon med dga' ba sbyin pa'i gzi brjid yin// ma la ya'i ri rtse tsan dan grib mas bsil bas yangs pa dang / 'bigs byed ri dang
 gangs dang man da ra'i ri bo la// grub pa'i tshogs chen chung ba lhan cig 'jigs la dga' ba gang yin pa/ 'dod pa'i 'bras bu tshe 'di'i snying po 'byor ba de yang
 gtong ba yin/ bud med rkang gdub 'khrul pas 'grogs nas 'phur ba'i phug ron gnas pa'i/ khang pa 'thon po rnams dang 'bigs byed ri rtse 'gro ba'i nga
 lang dang / gdugs dang rnga yab bud med g.yob 'khor dang rin chen rta rnams dang / bzang mdzes de dag kun kyang sngon gyi sbyin pa'i dge ba'i rnam smin yin/ bad du
 ka ltar rtsa dmar dgun 'chang gser snod bzang pos legs bsgugs pa/ yongs dag a s+thi smin ltar dri zhim ud dpal 'bying zhing ldem/ na chung zhim pa sna sgeg
 dus kyis stobs shing yams grangs mang 'grim pa/ mchog tu dge ba de rgyu sbyin pa yin zhes blo gros dag pas gsungs// gser gyi phag rkas byed cing snyan sma 'jim
 zhing smin ma ya gcig bskyod// mig yangs rnar dkar rnag dbyes la sgra dbab me tog phreng bas bkris pa yis// na chung bzang po rla rgyas bdag nyid legs byas pa
 rnams kyis bran ltar byed// tshogs bsags 'bras de sbyin pa'i che ba nyid ces zas tsang sras pos gsungs// de ltar lags pas bde bar gshegs pa'i gsung
 rab mtha' dag thugs chud pa/ shin tu rgyas pa'i chu ltar gyur pa/ snying dri ma med pa dang / lha'i skye bo dang klu'i gnas su gyur pa/ tshul khrims 'dren ma ma yin zhing
 rgya che'i chu dang ldan pa dge ba la rnam par rtog pa'i zla ba shar ba'i dbang gis ting nge 'dzin sna tshogs rgyas pa'i dus kyi brlabs kyis byang chub
 kyi yan lag skyon med pa'i nor bu mang po kun tu g.yengs pa/ sems kyi 'og gzhi la 'phags pa'i lam yan lag brgyad pa/ rin po chen po rten pa/ 'bras bu'i bye brag
 thob pa/ gang zag chen po chu srin rgyu ba/ 'phags pa'i bden pa dang / yang dag pa'i spong ba dang / rdzu 'phrul gyi rkang pa'i shing ljon pas mdzes par byas pa/ dran
 pa nye bar gzhag pa'i ngogs dang ldan pa/ sgrib pa'i ri mo gnas pa/ sbyangs pa'i yon tan goms pa dag pa'i mu tig nya phyis kyi khog lus dang ldan pa/ mngon par rtogs
 pa'i chos nyid gting mi spobs shing zab pa/ rgyun mi 'chad par klog pa dang / kha ton byed pa'i sgra rgya cher 'byung ba/ 'phags pa'i dge slong gi dge 'dun gyi rgya mtsho chen po
 la bdag gsol ba 'tshal lo// 'di lta ste/ srid pa'i 'gro ba cig nas gcig tu brgyud pa du ma nas dge ba'i sa bon btab pa/ bde bar gshegs pa'i bstan pa/
 gzhal med khang gi sa gzhi gcig/ bzod pa dang nges pa dang byams pa dang / tshul khrims dang thos pa dang zhi ba'i gnas/ bdag dang gzhan gyi gzhung gi don gyi de kho
 na ma lus par rtogs pa/ yongs su shes pas bsgoms pas dran pa nye bar gzhag pa yang dag pa'i ye shes mthong bas log par lta ba'i rab rib bsal ba legs par
 brjod cing shis la rgya che ba'i mi dang ldan pa/ skye bo bla ma la gnyen gakur byed pa dang / mngon du smra ba dang / phyag 'tshal ba la sogs pa'i tshul bzang po dang ldan zhing /
 gdong gsol che bas snyan pa rnams bskyed pa/ ston gyi zla ba'i 'od zer dag pa lta bu yid 'byung ba/ sbyin bdag chen po che ba'i bdag nyid can mi 'di zhes bya ba 'di ni khyim
 bdag legs sbyin dang / bzang ldan dang / btsun mo 'khor gyi lha dang / mu shil dang / tra bu sa dang / go shi la dang / sta ba kar na kar dang / mgon med zas
 sbyin dang / drag po dang / nag pa dang / nam gru la sogs pa dang / gzhan yang bcom ldan 'das la yid mngon par dad pa/ gsal rgyal dang / tshangs pas
 byin dang / rgyal po shar ba'i bu dang / gtum po rab snang la sogs pa sa'i steng la dbang ba'i sbyin pa las byung ba'i legs pa spyod pa'i rjes su slob ste/ lus dang
 longs spyod dang srog la/ sgyu ma dang / smig rgyu dang / dri za'i grong khyer dang / 'gal me skor ba dang / rmi lam dang / dri za'i 'ba' chu'i chu ltar g.yo bar rigs nas
 stobs bcu lnga pas gsungs pas/ tshigs su bcad pa dang / chos mngon pa dang / 'dul ba dang / mdo sde 'dzin cing / dge ba'i las kyi 'bras bu rnam par smin pa
 yod do zhes bsod nams kyi sa bon bskyed pa'i rgyu 'khor ba'i dge ba phun sum tshogs pa'i gzhi// skye bo ngan pas rnyed par dka' ba/ ser sna can gyi yid 'jom pa'i
 mdza'
 bsgrub pa na/ ston gyi zla ba dri ma med pa ltar/ dang pa'i mthu mnga' ba/ srid pa'i nyon mongs pa'i sa bon gcod pa/ sems can/
 thams cad kyi bsam pa mkhyen pa/ grags pa'i 'jig rten gsum du khyab pa/ bdud kyi bu mo steg pa rgyun gcod pa'i rgyu/ skyabs su 'os pa chos ston pa/ 'gro
 ba la dge ba'i bya rga ba'i 'phrin las rnams kyis/ chos thams cad thugs su chud pa rnam par sangs rgyas pa'i/ sangs rgyas nyi ma'i 'od zer gyi snang ba gsal bas//
 reg nas pad ma'i 'dab ma rgyas pa ltar ring zhing rdzi ma legs pa'i spyan dang ldan pa/ gnod sbyin gyi bdag po'i gtsug gi nor bu chen pos zhabs kyi sor mo kun tu bskor ba/
 gser gyi mchod sdong ltar gsal ba/ sku la rdo rje dang / lcags kyu dang / pad ma dang / nya dang / rgyal mtshan dang / gdugs dang 'khor lo la sogs pa'i mtshan rnams
 mtshan mnga' ba/ pad ma'i 'byung gnas rnams la/ snang mdzad kyi 'od kyi phreng ba bye ba phrag med par rgyas par 'gengs pa/ bung bu'i tshogs ltar sngo ba'i gtsug tor
 gyi nang nas/ kun tu byung ba'i 'od kyi dra bas phyogs kyi dkyil 'khor ma lus par bkra bar byas pa/ kha na ma tho med par zhugs pa/ 'phags pa'i bden pa ston pa/
 zhi bar gzhol ba'i lam du 'dren pa'i/ 'jig rten sgrol ba mnyes gshin pa/ gnyen gcig pu mu stegs can ngan pa'i sgrol ba rnams kyis gsung dang thugs dang
 dpa' ba dang / mthu la mi snod btsang ba'i sras/ yul rnams kun la sred pa 'byung ba'i rgyun skabs byed pa'i rgyu// skye bo mkhas pa rnams ni sad par bya phyir shar
 gyur pa/ bag la nyal gyi rab rib sel ba ye shes snang ba'i mchog/ sa rnams mtha' dag snang ba phyogs thams cad snang mdzad pa/ phyag dang zhabs dang dbu ni rab
 tu byin zhing tshul khrims dang / smon lam dag gis byang chub lam bzang yang dag bsgrubs gyur pa/ srid pa'i 'gro ba'i ngag gi snye ma'i steng du lhung ba yin/ skye dgu
 rnams la kha na ma tho ba med par ston mdzad pa/ srid pa rnam pa gsum 'jig pa/ bcom ldan 'das stobs bcu'i stobs dang ldan pa/ mi 'jigs pa bzhi mnga'
 ba// dpa' ba mthu' kha na ma tho ba med pa/ mtshan dang dpe byad bzang pos brgyan pas sku brjid pa/ pha rol tu phyin pa drug dang / dka' ba brgya phrag du mas/ dam
 pa'i chos dkon mchog bsgrubs pa/ btsal ba tsam gyis sems can mtha' dag bsam pa thugs su chud pa/ thams cad mkhyen pa'i 'phags pa nyan thos kyi dge 'dun
 rab tu zhi ba dang / tshul khrims dang / thos pa dang / ting nge 'dzin dang / bzod pa dang / byams pa dang / spangs pa'i yon tan dang ldan pa'i// nyon mongs pa'i rab
 rib dang / ling rtog ma lus par stsal pa/ 'khor ba'i rang bzhin rig pa dang / phyogs phyogs kyi gtsug lag khang dang / kun dga' ra ba dang / ri dang / nags 'dab
 dang / khrad khrod dang / chu dang / ri sul dang / gsher sa dang / ne'u sing dang / shing gi grib ma rnam pa sna tshogs la dgos pa/
 yul dang / ljongs du ma la phan gdags par stsol ba mdzad pa/ yang dag pa'i dran pa dang / ting nge 'dzin dang / dga' ba thob pa las ma nyams pa dang / phung po
 lnga spyir skad cig par yang dag par so sor rtogs pa'i yid la byed pa bskyed pa/ mdo sde dang / 'dul ba dang / chos mngon pa dang / skyes pa'i rabs dang / gleng gzhi
 dang / tshigs su bcad pa dang / rtogs pa brjod pa dang / de lta bu byung ba dang / gtan la phab pa'i gtam gyis sems spangs pa/ rang gi lus dang / ngag dang /
 yid kyi 'jug pa dran pa nye bar gnas par gyu ba/ dbang po dang / stobs dang / byang chub kyi yan lag dang / bden pa dang / 'phags pa'i lam dang / dran pa
 nye bar bzhag pa sgom pa goms pas dad pa thob pa/ bu mo phrugs kyis nyams dga' la/ ri sul mthon po dpag bsams nags mang dang / ri dgas rnams na
 gang dag bzhugs pa dang / shing gi me tog 'brul bas dri zhim byas pa'i gser bu dang lda shing / nags na glang po grags pas zag pas bsgoms pa'i rin chen
 'khri shing khyim khyim la chags pa med pa'i lha yis bsten pa'i bsod nams chu gling gi/ gnya' shing 'khri bya rgyags khyu gnas pa na gang dag bzhags pa dang /
 bal thos brnyogs snod rtsung gyur 'tshal/ me tog ldan zhing ser bu dad ldan pa/ sa h+ya ra'i ri'o ngos yangs pa la/ yongs dag thugs mnga' thub pa bzhugs dgu dang
 pad ma ud pa la rgyal ba 'byung ba'i gnas/ nyin re nyi ma'i shing rtas rdo skad can/ srid pa'i 'jigs bral rab tu yid 'ong ba/ 'chang ba'i re stengs gang dag
 bzhugs pa dang / ri'i rtse mos sngon sangs sprin thal sman lcong can/ ngogs ldang chu bo man da ras ni sul bkrus pa/ glang po'i mche bas rnyogs pas sa phyogs
 klogs pa'i ri// 'bigs byed rma bya rgyags gnas pa na bzhugs dgu dang / sna tshogs 'byung kun tshon gyis kha sgyur phug dang ldan zhing sprin kyang chags gyur la/
 ko lpags ldan pa gtsang ma'i chu yis ngogs kyis rdo ba mang po bkrus gyur cig/ ngos la ba lang 'jug ma mang po 'byang zhing glog 'gyur snang byas pa/ yongs 'dus
 ri rtse phrag na cig pu sred dang bral ba gang dag bzhugs pa dang / gang dag shing dang khri shing rnam pa mang po 'dab chags par gnas pa/ ne'u sing 'jam la sngo ba'i
 steng na/ rma bya'i khyu gar byed cing / sgra snyan pa 'byin pa/ ri dgas kyi tshogs bag yongs su gnas pa'i sos bcad pa/ rtsa ba'i myur gu yod pa me tog gi dri zhim
 pos bgos pa'i se ru 'jam zhing gsil dad ldan pa'i nags 'dab nags su gnas bcas te/ bzhugs pa rnams dang / yang drag dus su rlabs 'byung ba chu'i
 dpa' rlabs kyis g.yengs pa'i na legs dang / mi she dang / nga la'i 'bras bu rjod po zang bas 'gribs pa'i mtshan dang / a ka
 shing khrod na gnas pa'i sbrul mgo'i gdengs ka gdengs shing 'jigs su rung ba yod pa/ glang po dregs pa dang bcas pa'i snas byu ru'i sdong po skyel ba dang
 ldan zhing / nyi ma'i 'od zer gyis reg pa'i dbang gis mu tig yod pa'i nya phyis kha phye ba'i thog mas rnam par spras pa nye bar 'dul ba dang ldan pa/ nor bu rdo la grub
 ba'i chung ma'i skye gnas shing bya'i khyu dga' ste/ sgra 'byin pa glu len pa lta bu yod pa rgya mtsho'i gling dag na/ klu'i bdag po'i lus chen pos sku skyes te/ gdengs ka
 gdugs kyis nyi ma'i 'od zer sgribs shing bsam gtan mdzad pa rnams dang / sman lcong dag na phyogs kyi glang chen brang gis rdo ba khebs pa'i khyu 'god cing / 'byor/
 bcas lhun gcig ma yin ra ro ba'i gnod sbyin mo dag gnas gyur la// klu'i rgyal po mgo bstod de kha nas 'od 'bar 'byung bas shing sreg cing / gangs ri ti sel
 ni blo gtsang gang dag la ni zhal ston mdzad cing bzhugs pa dang / rgya mtsho rlabs kyis bshal ba'i re bgab ldan pa smad pa/ ri mo man dar la nyi byed tshun chad bzhugs
 bzhugs shing / nyi ma phye bar gyur nas gang zag gzhan du bzhugs pa'i phyir// nor bus rtse mo bkram pa 'khor yug ril sten pa dang / gang dag khri shing gzho nus
 rdo ba khebs gyur pa'i// dbang chen rtse mo nyid du 'ong bar bder gnas te/ mkha' lding shugs kyis nang du klu rnams dkrugs pa yis/ rgya mtsho'i rin chen gnas la
 rnam par gzigs pa dang / dad pa'i tshogs can shin tu gtsang ba drag tu 'bar/ char gyi chu yis ri 'gab dkrus gyur cing / phyogs kyi glang pos dgyel ba'i sa
 la ka yis rdo bas chen po mang po khebs gyur la/ can zan dbang po ral pa 'khyil cing gsal bas dpung ba'i phyogs 'bar nyal bas dga' 'gyur cing / sbal dmig
 mthon pa'i lcug mas 'khor ba grub pa ngal sos ri bo kron dzar gang gshegs dang / gang dag mun gsal khyad par can gyi blo mnga' shing ljon sna tshogs me tog rgyas
 gyur cing / ri dgas rgyu bas ne'u bsing gzhon smad pa/ gzi rdo nags rnams mi spong bzhugs pa dang / yang dag par ngag nub gyi ba lang spyod dang / shar gyi lus
 'phags po dang / byang gi sgra mi snyan dang / gling gzhan dag na skyes pa'i lcug bran mdog snum zhing sngo la 'jam pa mang pos sa gzhi kun tu khebs pa dang / shing gi/
 drib ma'i dkyil 'khor bsil ba dang / 'khri shing 'khor cing / ri dgas bang po gnas pa'i nags tshal de dang de dag na bzhugs pa rnams dang / yang gang dag dang
 da dang / ga da ra dang gu zan da li dang / sha rid da dang / ba ga le dang / bri sha dang / kha che yul dang / rgya yul dang / grong khyer dra dang / rdo 'jog zas 'dra dang
 skyes pa'i grong khyer dang / phyogs 'tshams dang / kun ti ma la ba dang / srung byed dang / grong khyer dang / tsha du ka dang / tsha ta dang /
 b+ha ru skad che dang / ko'u sha pa byi dang / ser skya'i gnas dang / gnyen yod dang / mi thub pa dang / grong khyer me tog dang / ti ra dang / bcom rlag dang / grong khyer
 longs spyod dang / tsam pa ka dang / rgyal po'i khab dang / dbang po'i brag phug dang / 'brog dang / ko na'i grong dang / kun dga'i grong dang / mchod rten gyi grong dang /
 'khur bcug gi grong dang / rnam par rgyal ba'i grong dang / yangs pa dang li kha ra shing 'phel byed dang / zangs kyis g.yogs dang / rdo snyeg 'dzin dang / ko sa la dang
 an dra dang / a ling ka dang / bar bar dang / nas gling dang / sing nga la'i gling dang / ka la sha'i grong sha khyer dang / gser gyi sa dang / ha ri ka la dang / bo ro sha
 ka ta ha dang / na li ke sa dang / pha na sa'i gling dang / shur ba dang / nim pa'i grong khyer dang / dpal gyi zhig dang / dngul chu'i gnas la sogs pa yul dang /
 byad dang / skad dang gnas pa dang / cho ga dang / ri dgas dang / rus dang / tshul khrims dang / tshul khrims can du ma'i yul mi gnas pa'i yul gzhan na bzhag
 pa rnams dang / gang dag sngon chad nyi zla'i 'od kyis ma phog cing / she sha sbrul gyi lus kyi 'obs gnas ri'i drang / de'i gtsug gi rin chen 'od kyi mun gsal
 ba'i// sa 'og du ni ring po ma thogs gshegs gyur dang / gang dag chu ltar sa la thogs med byi'u zul mdzad pa dang // gang dag sar gnas phyag gi rtse mos
 zla ba reg mdzad dang // gang dag bya ltar na mkha' la ni shugs kyis rgyu mdzad cing / nam bza'i tha mas sprin ling 'jig mdzad dang / gang dag dang klu dang grub pa
 dang / 'khor gyi tshogs rnams kyis rtag tu mchod pa'i ri 'jigs med dang / bung ba'i ri dang / rgyal bu rgyal byed kyi tshal dang / shar gyi ri bo dang / nud kyi ri bo
 dang / sha ri kun ta ba da dang / kun da so ma dang / ta ma sa'i tshal dang / bsil tshal dang / lhas sbrul dang / 'jigs med ri dang / nags tshal chen po dang / tsher ma
 can gyi nags tshal dang / byams pa'i ri dang / chu srin byis pa gsod kyi ri dang / ri nag po dang / gangs kyi ri dang / ser skya'i ri dang / me tog gi ri dang / tsan dan gyi/
 ri dang / klu'i ri dang / tsan dan ri bo dang / tsher ma'i ri bo dang / lha yul babs dang / a ba sim b+ha dang / kun dga'o stong ldan dang / ri'i rgyal mtshan dang /
 gzhi bkrus dang / rang gi mchod rten dang / sa lu spungs pa la tshe rabs gzhan dang gzhan na bsags pa'i dge ba'i rnam par smin pas grub pa ji ltar 'byor par
 nus pa dang mthun pa'i rtsom pas tshogs bsags pa/ phan yon lnga'i rgyu sems can thams cad gnas par byed pa/ 'jig rten pha rol tu bde ba thob par byed pa/
 kha dog dang dri dang ro dang reg pa dang ldan pa yid du 'ong ba/ gya nob pa'i bza' ba dang bca' ba dang / ldag pa dang / btubo pa dang / zhig
 ba la sogs pa'i zhal zas bsham par bya ba rnam pa sna tshogs/ zhal zas khyad par can gyis spyan 'dren te/ de la thog mar bcom ldan 'das shag kya thub pas yongasu
 mya ngan las ma 'das pa'i tshe/ gang dag ye shes kyi mes nyon mongs pa'i shing thams cad pa lus pa bsregs pa/ gtong ba'i ngang tshul can gyi sbyin pa'i sa bon 'phel/
 ba'i rgyur gyur pa phra ba gzigs pa mkhas pa de kho na la sgom pa 'di lta ste/ gnas brtan pa ra dA tsa bsod snyoms len dang / 'phags pa sgra can zin dang sbyin byed dang /
 lam bstan dang / skyed byed dang / gser byi'u dang / rdo rje can gyi bu dang / 'phags pa srung ba'i klu dang / klu sde la sogs pa slob ma la sogs pa slob pa bstan pa
 gnas par bya ba'i phyir gnod par gyur kyang lus kyi khur khyer ba rnams dang / gzhan yang gang dag sum bcu rtsa gsum pa'i skye bo la phan pa'i phyir/ gser gyi rdo le ba chen
 pe'i steng na 'dug pa'i rigs sngags 'chang du ma glu len pas/ glang po che yur la bung ba'i mchu pad ma la 'jib cing 'khod pa'i man da ra ba'i rdzing gi chu dang ldan zhing
 yal ga gsal ba'i steng na rin po che'i me tog gi phreng ba bres pa'i shing yongs 'dus kyis kun tu mdzes par byas pa'i ri'i lhun po 'bab chu 'bab pa'i sa gzhi la 'khod
 pa rnams dang yang na gang dag gser ri rked nas bsil ba'i chu 'bab pa la/ chu la zla ba'i gzugs snyan byung gyur cing / zla ba'i 'od kyis ku mun kha phye ste/ ku mun tshal
 na skad snyan ngang ba gnas// dang mo 'tshe'u na sgra skad snyan pa 'byin/ mtsho ngogs rma bya dgar bcas rgyags pa gnas/ rma bya rgyags sgras ri sul snyan pa drag/ ri sul
 yal ga glags pas ri rtse 'khrigs/ ri rtse stong rnams na ni sprin chags la// lang ling sprin gyi khro bo sman ldong khra bo snang // sman ldong skyes pa'i nor bu ldum bu gsal/
 ldum bu las 'brul lhung ba'i me tog ldan/ me tog rgyas pa'i sbags gsams shing tshal mdzes/ mdzes pa'i lha mos gser gyi phag rkas drung // gser gyi phag
 rkes sgras ni bya 'grogs shing // byas 'chos shing rtog rtsal las chad cing sprul/ rtsa 'phyang khu ba zag pa spos kyi dri// spos glang dbang po 'dreg zag dri rab zhim/
 dri rab zhim pa'i li she ri'i 'khor mang / ba lang me rgyags drag 'gro lang long gyur// bung ba'i khyu yis me tog gzigs gyur cing // yal ka me tog rgyas par gang
 pa dkar// gad pa chad pas nor bu'i dub du snad// me tog bgo longs sprul pas rnam par bkra/ nor bu sil ma mang pos re zhim spras/ me tog zegs pa'i shing
 gis phal gar gnas pa'i bung ba dga' bas 'phur rnams dang / zla ba'i 'od zer dkar po ngang pa lta bus nye 'khor rdo ba chag chag btab// lhun po mtho ba'i ri la
 thug pa gang dag rab tu zhi ba'i thugs kyis bzhugs/ de dag dri med zla 'dra'i grags ldan 'di'i sbyin pa gnas la rten du gsol/ rgya mtsho
 che ba'i chu 'gram ri bo ma la ya'o// ri ngos tha mal sbal dmig 'thon pa'i 'phreng ba can/ sbrul mang 'khrigs pa'i tsan dan shing gi nags tshal na/ brtan pa gang dag
 bzhugs par gyur pa de dag dang / nyi ma'i rta'i dmig pas rdo bcag cing mi 'am ci'i ldan dang / pho brang 'khor dpal yon can dang / bya rgod kyi phung po dang /
 ri dgas kyi gnas dang / ka sho da dang / gtsug lag khang gsar khi nas ka shi hi la sogs pas cho 'phrul slad du byung ba sna tshogs dang ldan pa rnams dang /
 da ra ma ra dza ki mchod rten du ma dang / sangs rgyas gzhi'i gdan khri yod pa bsod nams su gyur pa'i sa'i phyogs rgyun mi 'chad par glog pa dang / kha ton dang / bsam
 gtan dang / ting nge 'dzin dang / snyoms par zhugs dang / tshul bzhin du yid la byed pas 'jug pa dag pa'i bcom pa rnams bzhugs bzhugs pa/ chos gos
 dang bsod snyoms dang / mal cha dang / na ba'i gsos sman dang / yo byad dang / mtshon cha rnams kyis legs par byas pa/ mtha' mtha' na ni chu'i gnas
 yod pa la nye bar spyod pas nyams dga' bde bar gshegs pa'i zhabs kyis bcags tsang bar gyur pa'i sa gzhi can/ zhi ba thub pa'i skye bo zhig gnas pa rnams
 na/ de kho na sgobs pas nyid kyi ting nge 'dzin bskyed pa/ tshe'i lhag ma gnas par mdzad pa rnams dang / gang dag klog 'gyu bya ba gang dag gis skra lus skra byas sprin
 snum 'dra gyur nas/ bkres pa sdug bsngal sdod gyur mda' rtse rnon po lta bu'i sku yis rab gang zhing / sgom pas mig zhu me rtag bcas pa'i me rnams kyis ni kun lus
 bskor ba'i// yi dgas gnam du lta ba rnams la thugs rjes steng nas char gyi rgyun 'bebs dang / rin chen phreng bya'i gyur bgrigs mtho la/ ngag rgyu bag yengs
 gnas shing lang long nyal 'gyur cing / chu dang nye bas chu'i zer mas bsil gyur pa/ mA na sa'i mtshe gling bsam gtan mdzad dgu dang / gang dag ri mo mang po'i sha dang /
 khrag gi ro bro ba dga' bar gyur pa'i/ khwa'i tshogs kyis gang bar gyur pa'i sa phyogs mgo'i thod pags nas tshil thigs zag pa'i snum gyis mchod pa'i mes tshig cing /
 rang gi me lces shing mtsher ma tsher bskams shing snyis pa'i lag pa dang / rkang pa dang / so dang / skra'i dum grugs kyis gang zhing / zla ba dri ma med pa'i 'od lta bu'i
 keng rus kyi phung po yod pa la/ skad cig du ro langs byung nas/ a la la a la la zhes sgra 'byin cing / me stag dang bcas pa'i gad mo drag pos/ 'byung ba 'khrug
 shing skrag par gyur pa/ che spyad mi bzad pa'i kha nas/ du ba dang bcas pa'i me lce 'byung ba'i du khrod chen po dag na bud med kyi ro// spos shing lto sgang der gyur pa'i steng
 na 'dug cing / dga' ba'i bya rgod mchu dang / sder mos lto ba'i nang nas srin bu'i rigs rnams gnas pa/ che sbyang gi stobs kyi
 shugs kyis/ drangs pa'i nang grol dri ma zhim pa'i dum bus 'khor la/ bya khA bkres pas/ mig gi sha brus pa dag la gzigs shing / rtag tu mi sdug sgom ste/
 gang dag kha gcig ro'i gnas mal dong nas ni/ khrag dang sa chags dmar zhing rtsub pa'i skra 'khyil dang / bya'i mchu dang sder mos mig sko brus pa yang / mi re bor ba
 lus la gzigs par gyur pa dang / sgo dang srang bar la lar me 'bar me lce'i rtse mo mang pos mgo rmongs shing / ral dri'i gtun dang rdo bas bsnun cing brdungs nas ske
 bo ku cho 'don gyur la/ gshin rje'i pho nya snying rtse med pa sdod cig zer ba'i bzad brlag sgras gang ba'i/ sems can dmyal ba rnams su'ang srog chags don phyir
 gang dag skad cig 'jug pa dang / gzhan yang sha ri'i bu ma'i dug mdangs glang po che 'khrugs pa'i mdun logs na yal gabregs pa'i sdong bu yod pa/ phyogs kyi
 bar nas rlung chen po langs pas 'od ma'i tshal bskyod nas khri shing gi dra ba mdud pa las me byung ba me lce shing mchog sna tshogs nas ri dgas dang / phag rgod mchog
 'gyogs pa brgyad dag skrag cing mgo rmongs pa yod pa shing lo mang po lhags shing snyis pa can/ bsil ba'i dri ba ma sang seng med cing nyams dga' ba'i longs spyod
 yod pa/ nags kyi ma he dang phag rgod kyis me tog ud pa la dang / pad ma dang / ka la spyod pas 'am chu dri zhim por gyur pa'i mtshe'u 'gram na/ shing la spre'u khyu gnas pa//
 nye 'khor gyi ri las chu rlabs mi grags par 'bab par 'khor nas/ ne'u sing mod pa'i sa gzhi yod pa'i 'brog dag na/ zhi ba'i bdag nyid can 'chag pa dang / klog pa
 dang / kha ton dang / bsam gtan la mngon par brtson pa/ gang dag bag med pa'i gnas/ dar la bab pa yal bar mdzad pa rnams dang / ri bo rdo leb che zhing yangs
 pa rab tu snum par 'dra gyur cing / grog gi phreng bar mi ltogs yod pa 'ja' yis bkra ba'i bdag nyid can/ chus bsil sprin chags rnams la chu 'bab zer phran chags
 pa'i gzi ldan spyan/ ser bus na bza' g.yo ba gang dag nyi ma'i gung la bzhugs pa dang / de bzhin rtag du goms pa'i lam nas 'dong ba'i glang po khyu'i mig rjes
 yod la/ nags kyi ma he gang 'khrugs pa'i ras glog mkhar chen po bshig pa'i shol gyi khur bu nas sbrul gyi lus phyed byung ste/ nags kyi rlung 'gram yod pa/
 spad tshal stug po dang / 'dam bu dang / shing ka sha stug po'i khrod na stag gzig tu gnas pa can/ phag rgod kyi snas grogs pa'i gla sgang gi rtsa ba 'dzings pa ltar 'dug
 pa yod pa/ shing ni chu la'i me tog 'brul bas rdo ba rtsa dmar bar gyur pa yod pa/ gshol gyi phyogs su ri dgas kyi khyu 'dab rdzab thogs pa yod pa/ shing lo sngon pa
 thug pa skyes pa mang bar bad pa'i gshe ba'i shu ga tum ngon par dashes shing dge pa byags gan pa rnams dang / rin pa che'i 'od bar /
 gyis chu rtsa dmar bar gyur pa/ thugs bsam gtan la zhen pas dpag bsams kyi shing gi lcug ma rtse mor reg pa'i ri spos kyi ngad kyi sul na rtsol ba med pa gang dag bzhugs
 pa dang / gang dag seng ge bsgyings pa yod pas/ ri dgas rgyu ba dang ldan pa/ chu 'dus te bab pa yod pa/ g.yos pas steng gi rtse mo ldem pa'i sngags kyis skar ma'i
 tshogs 'phags pa/ sa'i steng na lci ba lhun po yang lcug phran la bya ba bzhin du sgrim mi dgos par/ zhabs kyi sor mos sa'i 'og gi rmang dang bcas par bskul bar 'phen pa
 dag dang ting nge 'dzin thob pa gang dag char pa'i chus rdol pa'i 'od zer byang ba/ zla ba lta bu yod cing rmad rdo dang / rtsig ngos shag shig du gyur pa'i 'tshams su rgya chags la/
 sbrul sogs rlung gis gang ste/ sgang der 'dug cing 'greng ba rtag tu yod cing / nags kyi ri dgas kyi lces tsha sgo rdul can rtsub mo lpags pas/ shing rtse seng por
 gyur pa yod la/ cig rmad du srin bu god pa'i tsho gas ring nas gnas par gyur cing sre mo mgo bstod de phyogs su lta bas byi ba skrag pa yod la/ nang du rtsa sngon po
 stug po skyes pa yi 'dzag ma'i drung gi rtseg na phye ma leb rgyu ba yod cing / 'ug pa mang po sgra 'byin cing glu len pa lta bu yod pa'i grong stong gsum kyang / ting nge 'dzin
 / ma byas pa rnams na/ ston pa'i bka' nan tan gyis bsgrubs pa rnams dang / gzhan yang gang dag g.yag gi dmigs pas rdo bcag yod cing sprin ldings ldan gyur la/
 mthu mar sa ra dang / thang shing skyes las chu bsil mi khebs 'bab yod cing / bsam gtan zhen pa'i blos na kha ba bab pas chos lci zhing zag gyur kyang / gangs ri
 dag gi ldong na 'gro ba shing gi drung du bzhugs par dgyes pa dang / nang na chu srin 'khrugs te g.yos pas nya rnams 'byer zhing / skom pas gshod du 'khyil bar sbrul
 dbugs phyung bas dpa' rlabs rgyun chad pa'i rgya 'tsho la yang mtshan mo bstan pa gang dag 'chag mdzad pa'i/ snod gyur bdag nyid thugs ldan tsang ma'i lhung gzed
 phyag snams shing / bsod nams ldan pa'i sku lus na bza' chos gos rab g.yo ba/ de dag sang gi gdugs ni nam gyi gung du phyin pa na/ 'gan d+he brdungs pa'i
 sgra snyan skad bsang drag pa'i tshe/ stan chos sna tshogs kyi de kho na goms pa'i chu blugs pas mi shes pa'i sems kyi dri ma bkrus pa yis mkhas 'tshogs 'dus pa/
 nyi ma shin tu mang po nas 'dris pa'i spros pa dang bcas pa/ bde bar gshegs pa'i gsung rab rin po che'i sgrom bur gyur pa dge ba'i tshogs bdud rtsi'i btung ba'i gzhi'o//
 ye shes kyi gser ma gtogs pa/ bdar ba'i bdang sngon por gyur pa/ legs par spyad pa'i stong gi tshogs bsags pas/ grags pa'i rgya che ba dang ldan pa/
 sbyin bdag chen po bdag nyid chen po can ston gyi namathang ba lta bu'i yid dang ldan pa/ ming 'di zhes bya ba'i gang du/ ma he'i
 rwa ltar sde zhing dri med mkha' las 'phur/ gzi brjid kyis ni nyi ma'i 'od zer stong mthong zhing / mngon du phyogs nas 'ongs pa'i sprin ni dral nas su/ skye bo phan phyir
 thub rnams sang 'dir gshegs su gsol/ rgyun mi 'chad par ting 'dzin dang / klog pa dang / 'chag pa dang / skye bo bla ma la sten par sngon du dga' ba'i blo gros
 dang ldan pa/ mya ngan las 'das pa'i lam gyi rjes su 'thun pa/ kha na ma tho ba med pa'i rig pa gsum rab tu bsgrub pa/ nyon mongs pa las grol bar 'dod pa'i
 dge slong gang dag 'di na gnas pa/ 'dul ba'i cho ga la goms pa/ lus dang / ngag dang / yid kyi 'jug pa bzhi dang ldan pa de dag kyang ma lus par ci ba der/
 de mod kyi mtshan mo zad par mdzod la/ 'di nyid du gnas mdzod cig/ thub pa'i sras mo shes rab zhi dang dul bas brgyan pa'i dge slong ma/ tha dad gling dang krung
 dang nags dang ri rnams spros pa'i bsam bral zhing / 'dod chags zhe sdang gti mug dri bral zhing 'os 'gro ba'i ma lta bu/ de dag dgyes par mdzod la sbyin bdag phan
 par bzhed pas sang 'dir spyon/ phyag na rdo rje la sogs sa la gnod sbyin tso bo dang / grub pa rnams dang gang dag lha ma yin dang / klu rnams dang /
 sangs rgyas la ni rab tu dad pa'i lha mchog gang yin pa/ de dag rnams dang sbyin bdag 'di la phan phyir sang spyon cig/ lha dang / klu dang / gnod sbyin dang /
 rigs sngags 'chang dang / grub pa dang / mi 'am ci dang nam mkha' lding la sogs pa 'byung po chen po rnams dang / stobs bcu mnga' ba'i yon tan sgrub pa
 dang ldan pa rnams kyis kyang dam pa'i chos gnas par bya ba dang / sbyin bdag chen po bdag nyid che ba 'di snod bzang po la sbyar ba dang / sbyin bdag chen
 po 'di la grogs bgyi bas/ nyid kyis dge ba'i yon tan bskyed pa la nan tan mdzod cig/ rgyun mi 'chad par bsrung ba dang / skyabs pa dang bskyad pa
 la brtson par mdzod cig/ yang dul ba dang / tshul khrims dang / thos pas shin tu che ba'i 'phags pa'i dge slong gi dge 'dun 'dus pa la gsol ba
 'tshal lo// lhun po las byung sbrul mgo lnga 'dra rdo rje ka na ke/ nya dang gdugs dang 'khor lo dag dang lcags kyu'i mtshan mnga' ba/ pad ma
 gser gyi dpal ldan phyag sor dra ba srang mos 'brel/ sen mo'i 'od kyis khyab pa rgyal ba'i phyag gis bsgrub par shog/ sred pa'i
 'dod chags nyon mongs zhags pa bsal cing sred med la/ chu'i chu steng lta bur yon tan rnams kyi gnas cig po// thub pa sras
 mchog dge 'dun bdag gyis gus par spyan drangs pa/ di ring
 dge ba gang bsags des ni byang chub thob gyur cig/ ji srid mkha' la 'od dro 'od kyis gsal ba
 pa rnam par snang byed cing / ri dgas rtags can 'od kyis ral ba'i dkyil 'khor ldan pa 'char ba dang /
 rgya mtsho rgyas par gnas pa/ de sred lha dang lha min phyag byas pa'i/ bde bar gshegs pa'i bstan
 ba thogs pa med par gnas par shog// gnas brtan spyan drang pa// rdzogs s+ho//
 sarba pad+ma laM// bkra shis/ dag go// zhu dag go//