| བོད་ཡིག | e-texts produced with BDRC’s OCR application |
de nas bcom ldan 'das ma nor gyi rgyun ma'i rtogs pa bshad par byas te/ dang por shig dpyid zla tha chungs kyi dkar po'i phyogs kyi tshes gcig la rgya mtsho 'bab pa'i chu dor song ste/ de nas nu ma'i bar chu'i nang du nub par byas te 'dug la/ nyi ma la mngon du phyogs par yongs su brtags la/ ci snyed gnas kyi bar du bzlas pa bya'o// bza' ba thams cad spangs te/ nyon mongs pa spangs shing sgra bcad byas te/ nub bdun du bzlas pa bya'o// de nas bcom ldan 'das ma'i thang sku yang dbu skra ma gtogs par gur gum dang / tsan dan gyis byugs par bya ba ni nub mo snga bar langs te chur khru bdun zheng du khru gsum ste/ khru bcu dang bcas pa la tshon snam lus par gso sbyong dang ldan pa'i lha bzos/ bcom ldan 'das ma mdog ljang ser sna tshogs pa'i rgyan gyis brgyan pa/ phyag g.yas pa na 'bras bu chen po bsnams pa/ phyag g.yon pa na sgrub pa po rnams la ster ba'i rin po che'i zla tog mu tig rdo rje pha lam dang / bai dur+ya'i 'bras bu can snams pa'i phyag dang ldan par bya'o// steng du lha'i nor bu rin po che'i char mngon du 'bebs bzhin par bya'o// g.yas lagasu dpal chen po pad+mo'i phyag can sgrub pa po la nye bar dgos pa la gnas bzhin par bya'o// g.yon logs pad ma'i/ dpal rin po che snyim pas gang bar bya'o// 'og tu sgrub pa po pad ma'i lag pa can bya'o// de nas thang sku sku mdung dang bcas pa'i mchod rten gyi drung du nub phyogasu kha bsta la bkram ste/ de nas nye bar spyod pa'i gtor ma ma rtogs par mdzod kyi bshes pa yang dbul zhing dri zhim pa'i me tog gis mchod pa chen po byas la tsan dan dang / a ka'i ru'i bdug pa bsreg par bya'o// zhun mar gyi mar me brgya dbul bar bya'o// de nas bstan gcig la gnas te/ bcom ldan 'das ma'i zhal la dmigs la nu mo mtshan bzlas pa byas na/ de nas skye reng shar ba'i dusu skyes bu chen po tsam gyi nor bu rin po che thams cad kyi rgyan 'bab cing khang pa gang bar 'gyuraro// yang na mtshan mo byed na chu'i nang du zhugs la brgyad brgya bzlas pa bya'o// zla ba cig du gcig gi sbyor bas nor gyi rgyun 'bab par 'gyur te/ mi shes par khang cig 'phel bar 'gyur ro// yang na rgyal po'i sgor mdod na/ nyin mo chu'i zla ba'i nang du bya zhing mtshan mo phyed na/ til gyi sbyin bsreg rgya ngargya byas na/ rgyal rigs la rnyed pa chen po 'thob po// yungs kar mar la bsregs na sbyin bsreg byas na rgyal po dbang du byed do// kun tu ru'i sbyin bsreg byas na/ rgyal po'i blon po dbang du byed do// kha cig gi sbyin pa gang gis mtshan mo bcom ldan 'das ma' gdan drang bar byas na/ sbyin bdag chen por 'gyuraro// 'dir ni sgrub thabs chen po bshad par bya ste/ chos 'phrul gyi dkar po'i phyogs kyi tshes gcig nas rtsams ste zas ci srid du bcang nas/ gdung dang bcas pa'i mchod rten gyi drung du thang ka nub phyogasu bstan zhing dkram la/ nyin mo shes rab kyi pha rol tu phyin pa glag cing / mtshan mo stan gcig la gnas par sa nub yul gyi bzlas pa byas nas/ nor gyi phung po chen po rnyed te/ mthor gnod byas kyang 'dzin par mi 'gyur te lha khang chen po bya'o// cho ga 'di'i cho 'phrul gyi dkar po'i phyogs la bzlas pa byas na 'khor lo bsgyur bzob cing bcom ldan 'das ma nor rgyun ma'i dang grub thob cing / phyir mi ldog pa'i byang chub sems dpar 'gyur to// ci lta ba de ltar tshangs spyod bya zhing / kha na ma tho ba med pa'i zas chang dang / nya sha la sogs pa spangs shing / 'tshan mo bzlas pa byas na dbul por mi 'gyur ro// de nas bcom ldan 'das la 'phags pa kun dga' bo dang / zla ba bzang po yongs su dges nas/ khyim bdag zla ba bzang po'i don du gsungs la mngon par bstod do// // bcom ldan 'das ma nor rgyun ma'i rtog pa// rdzogs s+ho//