བོད་ཡིག

e-texts produced with BDRC’s OCR application

rgya gar skad du/ ar+ya su ra ta pa ri prid tsa na ma ma ha' ya na su tra/ bod skad du/ 'phags pa dkon mchog brtsegs pa chen po'i chos kyi rnam grangs/ le'u stong phrag brgya pa las/ nges pas zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan mnyan yod na/ rgyal bu rgyal byed kyi mtsho la mgon med zas sbyin gyi kun dag ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sum khri nyis stong dag dang thabs gcig tu bzhugs te/ 'khor bzhi dang / rgyal po dang / blon po dang / grong rdal gyi mi dang / ljongs kyi mi rnams kyi bkur sti byas/ bla mar byas pa rim gror byas/ mchod pa byas so// de'i tshe nyan thos kyi grong khyer na/ grong khyer gyi dbul po nges pa zhes bya ba/ sangs rgyas dad pa mi phye ba dang ldan pa/ chos la dad pa mi byed/ pa dang ldan pa/ dge 'dun pa dad pa mi byed pa dang ldan pa/ bslab pa'i gzhi lnga yongs su gzung ba/ dge ba bcu'i las kyi lam dang ldan pa byam pa gnas te/ sems can thams cad la sems snyoms pa/ snying rje la gnas te/ yid yod da su skyo ba med pa/ dga' ba la gnas te/ chos kyi kan dga' la dga' zhing mos pa/ btang snyoms la gnas te/ bde ba dang sdug bsngal gyis mi skyod pa/ bla na med pa yang dag par rdzogs pa'i byang chub la yang dag par zhugs pa/ sngon gyi tshul/ phun sum tshogs pa/ thabs la mkhas pas sems can rnams yongs su smin par byed cing / dbul por ming du chags pa zhig gnas te/ lha'i dbang po brgya byin gyis lha'i mig rnam par dag pa/ mi las 'das pas grongs khyer gyi dbul po des pa shin tu 'dod pa chung ba/ chog shes pa/ tshul khrims brtul zhugs dang ldan pa/ yid 'khrugs pa med pa/ rtag tu bzhin 'dzum pa/ gzhan gyi 'khrul pa dag la skyon du mi lta ba/ sems can thams cad kyi sems bsrung ba bsgom pa med pa/ shes bzhin du spyod pa/ tshig shes shing dgang sla la gse sla pa/ bsam pa phun sum tshogs pa/ g.yo med pa/ nga rgyal med pa/ bka' blo bde ba/ 'thun par 'dzin pa/ rtag tu gso sbyong gi yan lag brgyad dang ldan pa/ lag na lo'i snod thogs pa/ rtswa bting ba la nyal bgos ngan pa gyon pa/ rnyed kyang mi len pa/ bzangs yang rung ngan kyang rung bgo ba shal byas nas za ba// dus gsum du de bzhin gshegs pa la lta ba chos nyan par 'dod pa/ gtam sna tshogs byung ba la spobs pa dang ldan pa/ sems can thams cad kyis mngon na dga' ba de mthong ngo // mthong nas kyang 'di snyam du sems te/ de ci grong khyer gyi dbul po 'di yid dam la bstan nam mi bstan bdag gis brtag go// snyam mo// de nas lha'i dbang po brgya byin gyis mi mang po mngon par sprul nas/ grong khyer gyi dbul po nges pa la tshig ngan padag gis gshe zhing sbyor bar byed do// bong ba dang / dbyugs pa dang / mtshon ca dag kyang bstan/ na/ nges pa de bzod pa'i stobs kyis dang du len par byed/ de mi 'khrugs cing gnod sems mi skyed do// de nas lha'i dbang po ngargya byin gyi min gzhan dag cig tu sprul nas/ nges pa de'i mdun du bzhag ste/ nges pa de la dga' ba'i tshig gi kho bo cag ni khyod kyis don byed par 'dod pa yin gyis/ ci ste khyod 'dod pa lta ni khyod la sdig pa'i dgra gang yin pa de dag kho bo cag gis char gcad par bya'o// zhes smras so// des pas smras pa/ grogs po dag thong de skad ma zer cig/ gal te mi 'di dag gis kho bo'i lus dum bu brgyar dum bu dus du/ gtubs su zin kyang / kho bo ri mi dag la sdig pa'i sems mi skyed do// grogs po dag 'jig rten dag ni dge ba dang / mi dge bo'i phyogs gnyis la gan/ de'i 'gro ba ni gnyis kho na ste/ dge ba'i phyogs kyi ni bde 'gro'o// mi dge ba'i phyogs kyi ni ngan 'gro'o// de bas na kho bo ni sems can pha rol tshig bza bar byed par yang mi 'dod na/ gtse ba lta ci smos/ de nas de'i tshe tshigs su bcad pa 'di dag smras so// sa bon tsha ba rnams kyi ni/ 'bras bu tsha ba skye bar 'gyur// sa bon dang ra ba rnams kyi ni/ 'bras bu dang ra ba skye bar 'gyur/ dpe zlar bya ba 'di yis na// sdig pa'i rnams smin tsha ba dang // dkar po'i 'bras bu dang ra dwa yang // mkhas pa'i mis ni shes par 'gyur/ rtag tu lus dang ngag dang yid kyi/ sdig pa'i rnams gsum mi bya zhing // gzhan dag byed kyang mkhas pa yis/ rjes su dga' bar mi bya'o// lus dang ngag dang yid rnams kyi/ dkar po rnams gsum tu bya// gang dag dge ba spyod byed pa/ gzhan dag la yang yirang bya/ de nas lha'i dbang po brgya byin gyis dus gzhan zhig na/ nges pa la dbyig dang / gser mang po bstan nas 'di skad ces smras so// nges pa 'on 'di las khyer la sbyin pa dag byin cig/ bsod nams ngag gyis shig/ gos dang rgyan dag kyang thogs shig/ khyod ngan cing dbul bas ci zhig/ bya/ des pas smras pa/ grogs po sngon sems can rnams la lus kyis nyes par spyad pa dang / ngag dang yid kyis nyes par spyad pas 'dir dbul bo zhes bya bar gyur to// de bas na kho bo ni ma byin par len pa byed par mi 'dod/ brgya byin gyis smras pa/ nges pa khyod da ltar bde bar 'tsho bar gyis shig/ 'jig rten pa rol bsam pas khyod la ci zhig bya/ nges pas smras pa/ grogs po gang tshe 'di ched cher 'dzin pa 'di ni byis pa'i yin gyi/ mkhas pa rnams ni tshe phyi mched tsher 'dzin to// 'dod pas zil kyis non pa dang / zhe sdang gis zil kyi non pa dang // gti mug gis zil gyis non pa dang / 'dod chags kyis zil kyis non pa dag ni ma byin par len par byed kyi/ mkhas pa dag ni brkam pa ma yin no// sgyogs 'jogs ched cher 'dzin pa dag ni ma byin par len par byed kyi/ mkhas pa dag ni sngogs 'jogs mi byed do// bdag gir 'dzin pa dang / bcas shing yong su 'dzin pa dang / bcas pa dag ni ma byin par len par byed kyi/ mkhas pa dag ni bdag tu mi 'dzin cing yongasu 'dzin par mi byed do// lus dang srog la lta ba dag ni/ ma byin len par byed kyi mkhas pa dag ni lus dang srog la mi lta'o// ngoms mi shes shing tshogs mi shes pa dag ni ma byin par len par byed kyi/ mkhas pa dag ni ngoms shes shing chog shes pa yin no// mtsho ba yongasu ma dag pa dag ni ma byin par len par byed kyi/ mkhas pa dag ni mtsho ba yong su dag pa yin no// las ma mthong ba dag ni ma byin par len par byed kyi/ mkhas bdag ni 'tshal yongs su dag pa yin no// las ma mthong ba dag ni ma byin par len par byed kyi/ mkhas bdag ni las mthong ba yin no// rnam par 'tshe ba ched cher 'dzin pa dag ni ma byin par kyi/ mkhas pa dag ni rnam par mi 'tshe ba ched cher 'dzin to// byams pa'i sems med pa dag ni ma byin par len par byed kyi/ mkhas pa dag ni byams pa'i sems dang ldan no// phyin ci log bzhis sems bslad pa dag ni ma byin par len par byed kyi/ mkhas pa dag ni sems phyin ci ma log pa yin no// gzhan yang sems can dbul po gang yin pa de dag kho bos tshigs su bcad pa dag gis bshad kyis nyon cig/ bye ba phrag stong gter yod kyang // gang dag la ni gtod med pa/ de dag 'jig rten 'dir bul zhes/ thos mang rnams kyis de skad bshad/ gang la zin cig med bzhin du/ de ni gtong la rab gnas na/ de ni 'jig rten nor che zhes/ yang dag gzigs pa rnams kyis bshad/ gang la sdig med 'phags pa ni/ rnam pa kun gyi mdzes pa yin/ byis pa sdig pa byed pa ni/ shin tu brgyan kyang mdzes ma yin/ mkhas pa dag gis spyod bla'i/ byis pas bsngab pa de lta min/ byis pa sdig pa bsngags par byed/ mkhas pa dag ni sdig la smod/ de nas lha'i dbang po brgya byin gyis/ dus gzhan zhig na mi gan zhig sprul to// de nas mi des gser mang po khyer te/ nges pa las 'di skad ces smras so// kye nges pa gser khyer la kho bo mi gzhan zhig dang rtsod pa de la khyod gcig pus che bzhi bya bar kho bos byas kyi der kho bo'i che bzhi gyis shis shig/ des pas smras pa/ grogs po thong khyod de skad ma zer cig/ kho bo na rdzun zer du mi 'dod do// kye grogs po rdzun du smra ba ni bdag la yang slu zhing / pha rol la yang slu la/ 'phags pa la yang slu ba yin te/ grogs po dmas par byed pa dang / yid ni so pa dang / yid du mi 'dres par byed pa dang / bskus par byed pa dang / sems yongs su gdung bar byed pa yin no// kye grogs po rdzan du sla ba ni kha mnam par byed pa dang / lha'i yid du mi 'ong bar byed pa yin no// kye grogs po rdzun du smra ba ni dge ba'i rtsa ba rnams la ku ba dang / dran pa rmugs par byed pa dang / mtho ris kyi lam la sgrib pa yin no// kye grogs po rdzun du smra ba ni 'phags pa rnams kyis brtsan par mi bya ba dang / yang dag par smra ba rnams kyi nang du tshig mi mdzes pa dang / mkhas pa rnams smad po dang / sdig pa thams cad kyi rtsa ba dang / brtul zhugs yongasu skong bya'i gcod pa dang / ngan 'gro thams cad kyi rtsa bar gyur pa yin no// de nas de'i tshe grong khyer gyi dbul po nges pas tshigs su bcad pa 'di dag smras// rdzun du smra ba'i kha nas ni// rdul pa'i dri yang mnam par 'gyur/ dgon par ci ltar bcom pa bzhin/ sngon gyi dkar rnams spongs par byed/ rmongs pas bdag dang lha rnams dang // 'phags rnams yid kyang 'byung bar byed// mi ni gang zhig rdzun zer ba// de ni rtag tu dogs par 'gyur// rdzun du slu bar byed pa de// sdig pa kun gyi rtsa ba dang // dka' thub can gyi rtsa gcod dang // ngan 'gro 'gro ba zhes kyang bya/ gal te 'dzam gling gang ba'i// gser dge khyod kyis byin na yang // kho bo chos ni bsrung ba'i phyir/ rtag tu rdzun na ni smra mi byed/ de nas brgya byin gyis sprul pa'i mis/ nges pa rdzun zer du gzhag ma nus sa song ngo // de nas lha'i dbang po brgya byin gyis lha'i bu mo bde sgrogs la 'di skad ces smras so// khyed gnyis song ba la brtul zhugs dang dka' thub byed pa 'di ci/ 'dod pa la longs spyod pa zhig gam/ 'on te 'dod pa don tu mi gnyer ba zhig yin pa rtogs shig/ de nas lha ma yin gyi bu mo// bde stsogs dang / lha'i bu mo gnyis 'ad nam nangs nas/ phyogs gang na nges pa'i 'dug pa'i phyogs der slong nas/ nges pa la tshig snyan par smras te/ des pa bzhengs bdag cag gnyis ni khyod kyi bsnyer bkur bgyid pa lag so// nges pa bdag cag gnyis kyi gzugs phun sum tshogs pa la gzigs/ nyid 'od dang / lha ma yin gyi bu mo sha tshugs dang / kha dog dang dbyibs dang / lus byug pa dang / rgyan dang chas dang / lhab lhub bdag la gzigs/ na tshod dang po'i lang tsho la bab pa la/ gzigs/ des pa khyod kyi bsnyen bkur bgyid pa 'di dra ba bdag nyid kyi bsod nams phun sum tshogs pa la gzigs/ nges pas bltas nas smras pa/ khyed gnyis ni sems can thams dmyal ba dang / bdud 'gro'i skye gnas dang / gshin rje'i 'jig rten du zhugs pa rnams kyi snyen bkur byed pa yin gyi/ lha dang mir zhugs pa dag gi ni ma yin no// khyed gnyis kyi lus ni sgyu ma dang / rmi lam gyi rang bzhin lta bur kho bos mthong ngo // khyed gnyis gzugs ni dbug pa dang // chu bur dang / smig rgyu lta bur kho bos mthong ngo // khyed tsan dan gyi 'de gus byugs pa ni pags pa rlon ba shas yog pa lta bur mthong ngo // khyed kyi rgyan dang lba ba lbu ba ni mig slu ba'i sgyu ma byas pa lta bur mthong ngo // khyed kyi lang mtsho ni mi rtag pa dang 'gyur ba'i chos can du mthong ngo // bsod nams ma yin par mthong de'i phyir khyed gnyis la kho bo ma chags so// khyed gnyis ni spre'u dang bud med kyi sems lta bur gyur pa rnams kyi bsnyen bkur byed pa yin gyi/ sem dran pas kun nas bsrungs pa dag gi ni ma yin// che ge dag 'dod pa la sten ni sdur pa'o// 'dod pa la ston pa ni dri nga ba'o// 'dod pa la sbyin pa ni rul ba'o// 'dod pa la sten pa ni shin tu sdug bsngal ba'o// 'dod pa la sten pa ni bde ba thams cad yong su 'gri bar byed pa'o// 'dod pa la sten pa ni sems can dmyal ba dang / dud 'gro'i skye gnas dang / gshin rje'i 'jig rten la rten pa'o// 'dod pa la sten pa ni ngan 'gro na gnas pa'o// 'dod pa la sten pa ni 'as pa dang / rtsod pa dang / 'gyed pa dag la ston pa'o// 'dod pa la sten pa ni 'thun pa dang / go ra gnas pa'o// 'dod pa la sten pa ni phyin ci log skyed pa'o// 'dod pa la sten pa ni sred pa'i bag la nyal gnas pa'o// 'dod pa la sten pa ni rnam par rmongs shing shin tu rmongs la kun tu mongs pa'o// 'dod pa la sten pa ni nye bar gzer cing rnam par 'jig la kun tu gzir ba'o// 'dod pa la sbyin pa ni kun tu gdug shing rnam par gdungs la yongs su gdungs pa'o// 'dod pa la sten pa ni mi dge ba'i rjes su 'jug cing dge ba yong su nyams par byed pa'i// 'dod pa la sbyin pa ni mi dge ba'i rtsa ba skyed pa'o// 'dod pa la sten pa ni mi dge ba'i sprin gyi dra bas kun nas khebs pa'o// 'dod pa la sten pa ni srin mo dang 'dris par byed pa dang / gzugs mi sdig pa dang 'dris par byed pa dang // sha za mo dang 'dris par byed pa'o// 'dod pa la sten pa ni ba lang dang / bong bu dang / khyi dang / 'phags dang / rnga mo dang / glang po che dang / rta dang / lug dang / wa la sten pag/ 'dod pa la sten pa ni skyes bu dam pa ma yin pa la sten pa'o// 'dod pa la sten pa ni tshul khrims dang thos pa dang / gtong ba yongs su 'dor ba la sten pa'o// / 'dod pa la sten pa ni rtul zhugs dang dka' thub 'dor ba'o// 'dod pa la sten pa ni shin tu bag med pa'o// 'dod pa la sten pa ni shin tu bag med pa'o// 'dod pa la sten pa ni shin tu baM ga med pa'o// 'dod pa la sten pa ni nyon mongs pa shin tu 'phel bar byed pa'o// 'dod pa la sten pa ni shin tu rab tu gcod par byed pa'o/ de nas de'i tshe grong khyer dbul po nges pas tshig su bcad pa 'di dag smos so// 'dod pa mi rtag rtag tu smod pa ste/ shin tu sdug bsngal bde ba 'jig par byed/ rtag tu ngan song sa rnams khyim du gyur/ sems rmongs gyur pa dag gis rtag tu bsten// 'thab rtsod can mi bden tshangs du gyuraka/ rtag tu 'gyed cing mi 'thun go rar gnas// 'di dag nI log bzhi bskyed zhi yin/ 'dod sten sred pa 'phel byed bde ba med/ rnam rmongs rab rmo nges de bzhin kun tu rmongs// 'dod rten rtag tu gzir cing gnod pa ste// 'di ni kun gdungs rnam gdungs yongs su gdungs// sdig par sbyor zhing dge ba nung zon/ paM/ 'di ni mi dge kun gyi rtsa ba ste/ 'dod sten dper na sprin gyi dra bai 'dra/ 'dod sten sha za so dang srin mo dang // bud med gzugs mi sdug bai dang / 'dris byed bzhin/ 'di ni ba lang bung bu rta dag dang / phag dang khyi dang wa dang rnga mo dang // glang chen lug rnams kyis kyang sten pa ste/ 'dod pa skyes bu dam pa rnams kyis spangs/ 'dod sten tshul khrims thos dang gtong ba dang / dka' thub rtul zhugs rnams ni 'joms pa ste// 'di la rtag tu bag med nyes pa 'phel// de phyir thar 'dod rtag tu bu med spongs/ gal te 'jig rten 'di dag khyed 'dra' ba'i/ mdangs ldan gzugs can dag gis gang gyur kyang / yon tan gnas kho bo'i sems gcig kyang // 'dod chags la ni nams kyang rtog mi 'gyur// de nas lha ma yin gyi bu mo bde stsogs pa dang // lha'i bu mo gnyis 'od song nas lha'i dbang po brgya byin la tshigs su bcad de smras pa/ des ni 'di na bud med rnams kyi skyon yang dag/ gang lags pa dag shin tu mthong bar dogs ma mchis// ji ltar de'i sems ni yul las log gyur pa// de ltar 'dod pa rnams la sems ni chags ma mchis/ de nas lha'i dbang po brgya byin grong khyer gyi dbul po nges pa'i thad du song nas tshigasu bcad de smras pa/ ci zhig don gnyer nges pa chos spyod pa// brtul zhugs de/ ni spyod pa rnam dag smos/ 'di yid gnyi zla 'am yang na dbang po lam/ tshangs pa 'am lnga rgyal ci zhig khyod slong byed/ nges pas smras pa/ nyi ma zla ba de bzhin du brgya byin dang / tshangs pa 'am rgyal po 'am 'di na gzhan kyang / 'gro ba rgya chen gang yod de dag kun gar byed lta bzhin mi rtag mi rtag mi brtan na/ mkhas pa su zhig de la dga' bar byed/ gang la skye med rga med 'chi ba med/ sdug dang mi sdug rnams dang phrad pa 'ang med/ 'gro ba grol mdzad sangs rgyas 'gyur bya zhes// de thos bya phyir sems kyi spyod pa des// brgya byin gyis smras pa/ phan byed khyod kyi tshig la rjes su yid rangs ste/ khyod kyis smon lam btab pa legs par grub gyur cig/ bdud rnams sder bcas myur du nges par bcom nas ni// shag kya seng ge rgyal ltar byang chub 'thob gyur cig/ de nas grong khyer gyi dbul pos nges pas des gzhan zhig na/ nor bu rin po che rin thang med pa zhig rnyes nas/ de 'di snyam du sems te// nor bu rin po che 'dzam bu gling na mchog tu gyur pa 'di bdag gis mnyan yod 'di na thams cad kyi nang na/ dbul po gang yin pa de sbyin go ma chags go// snyam nas/ de grong bar du song ste/ thams cad kyi nang na dbul po su yin pa de la rin po che 'di sbyin no// zhes sgra bsgrags pa dang / dbul po mgon med pa phal po che der 'dus te/ bdag cag dbul po yin gyis bdag la/ byin cig ces 'dze to// nges pas smras pa/ khyed ni dbul po ma yin gyi mnyan yod 'di na ches dbul po gzhan zhig yod gyis de la sbyin no// de dag gi smras pa gang yin/ des bas smras pa/ rgyal po gsal rgyal 'di yin no// de dag gis smras pa/ khyod de skad sa zer cig/ rgyal po gsal rgyal ni phyug cing nor mang la longs spyod che ba yin gyi/ bdag cag ni dbul zhing mgon med pa yin no// nges pas smras pa/ nor mang gis ni ci zhig bya/ rgya mtsho la ni klu rnams bzhin/ gang dag la ni mchog med pa/ ma bsdams de dag dbul po yin/ gang dag 'dod pa rab 'phel zhing / yang yid ni skye bar 'gyur ba/ mongs pa de dag tshe 'di dang // pha rol tu yang dbul por 'gyur ba// de nas grong khyer gyi dbul po nges pa skye bo phal po che dag gis yongs su bskor cing nor bu rin po chen de khyer nas rgyal po de khyer nas/ rgyal po gsal rgyal gyi don bya ba'i sa ga la ba der song ngo // de'i tshe rgyal po gsal rgyal gyis kyang chod dpon dang / khyim bdag rigs dang ldan pa'i mchog lnga brgya tsam zhig g.yon chung ngu'i phyir bdog pa thams cad phrogs so// grong khyer gyi dbul po nges pas nor bu rin po che de rgyal po la phul te/ rgyal po chen po nor bu rin po tshe ring thad ma mchis pa 'dzam bu gling thams cad ri ba bdag gis rnyed pa 'di la/ bdag gis 'di snyam du bsams te/ mnyan yod 'di na thams cad kyi nang na dbul po gang lags pa de la sprul to snyam mo// de la bdag gis 'di snyam da bsams te/ khyod ni 'ang na thams cad kyi nang na dbul po lags so// snyam bsam te/ khyod ni 'di na thams cad kyi nang na dbul po lags so// snyam bgyid kyis/ kye nor bu rin po che 'di bzhes su gsol// de nas rgyal po gsal rgyal yul yul por gyur cing / ngo tsha bar gyur nas/ grong khyer gyi dbul po de mas pa la 'di skad ces smras so// des pa cing khyod pas kyang ches dbul 'am/ des pas smras pa/ lha de lta lags te/ bdag pas khyod ches dbul ba lags so// rgyal pos smras pa/ rnam grangs gang gis dbul// nges pas tshigs su bcad de/ smras pa// gang gis 'dod pa rab mang rnam par 'phel zhing long spyod dag gis chog ma 'tshal/ gnod pa bgyid pa'i slad du rgyal srid 'khrug cing bdag nyid kyang ni 'dor bgyid pa// de ni 'di na 'jig rten mi srun yon tan chung ngu dag la mchog tu 'dzin// de phyir 'di na de la rtag tu chos 'dod rnams ni dbul po lags par rnams ni dbul po lags par sems gang zhig byams pa rab tu sgoms te sems can rnams la thab ma mchis shing / rtag par rgyun tu ngan don tsam gyis chog par 'dzin cing 'dod pa mchis la/ nyam thag mthong ni rtag tu snying rje bgyid cing shar gnyer bgyid pa ma mchis/ de ni phyug cing nor bzangs shin tu nor che dad pa la sgrogs longs spyod gnas/ gang zhig 'gro ba 'di ni dbade phyug rgya chen ldan la chos srung mi bgyid dang / gang zhig 'di na skye bo dman zhing sdug bsngal gzir ba bzung nas chad pas gcod/ gang zhig chung ma dag gis mdun bltas dga' zhing 'jig rten pha rol mi lta de ni chos srung ma'i bgyid shin tu dbul zhing dman pa'i mi zhes rigs par bgyi// dad pas bsam pa dri ma med cing rab brtan tshul khrims dag la yang dag gnas/ rtag tu ngo tsha shes shing khrel yod thos pa 'dzin te/ gtong la dga' ba dang / shes rab mthar phyin blo gros ldan zhing 'jig rten kun la lta bgyid pa/ de dag rtag tu mi dbul thob cing chos 'dod rnams kyis mchod par 'os pa lags// gang dag longs spyod rnams la rab chags bde la dga' zhing gtong ba ma mchis la/ lus dang srog la snying por 'dzin cing rtag par snying por don du mi gnyer dang / gang dag glang chen myos pa lta bur rtag tu yid myos rnam par rgyu ba dang / lhan cig gang dag dran pa ma mchis de dag dbul ba nyid ni thob pa lags/ gang dag dkon mchog gsum po dri ma med la gus pa shin tu che ba dang // lus dang srog dang nor rnams las ni rtag tu snying po sgrub pa'i mkhas pa dag/ rtag tu mi brkam sdang bar mi bgyid glen pa ma lags rab tu rgyags ma mchis/ lha cig gang dag chos kyis brgyan pa de dag nor che skyes bu dam pa lags// lha cig mo nI rtag tu nags kyi sman sngun skam pa bsregs pas chog ma tsal/ lhan cig 'di na rgya mtsho chu rlung rnams kyi chu 'dzin pas kyang chog ma tshal// 'di ni nyi ma zla ba 'di dag mkhas la mthar kyis rgyu bas mchog ma tshal/ rgyal po brkam phyir rtag tu longs spyod dag gis chog mi mkhyen pas brlag par 'gyur// zhugs ni gum par gyur pas rtswa mang dag gis slar yang 'bar bar yongs su mi bgyi/ de bzhin mkhas pa shes rab chog par mi 'dzin nyon mongs rnams kyi bur mi bgyid / chu'i thigs pa bzhin du rgyal srid dag kyang mi brtan 'jig par rab phyogs na/ gnod pa'i rtsa bar gyur cing dge ba 'joms pa'i rgyal srid de ni su zhig 'tshal de nas rgyal po gsal rgyal sems 'khrugs nas grong khyer gyis dbul po nges pa la 'di skad ces smras/ nges pas de ltar nga ni dbul la khyod ni phyag par khyod la dbang du yod// nges pas smras pa/ lha de bzhin gshegs pa bgra bcom pa yang dag par rdzogs pa'i sangs rgyas mnyan yod 'di nyid na/ bzhugs pa khyod kyis ma gsan tam/ rgyal pos smras pa ngas mthong yang mthong ngo // nges pas smras pa/ lha de ni lha dang bcas pa'i 'jig rten gyi mig tu gyur cing tshad mar gyur pa ste/ de ni bdag gi dbang lags so// rgyal pos smras pa/ song la de bzhin gshegs pa de spyan drongs shig dang / de skad du lung bstan pa de bzhin du ngas gzung bar bya'o// nges pas smras pa/ ston pa de la ngan bu 'am/ pho nya gzhan gtang 'os ma lags 'dir ni bdag gis bsam bgyis na/ de mkhyen nas ni gshegs par 'gyur// 'jig rten 'di 'am pha rol la/ de ni mi mkhyen 'di 'am pha rol la/ de ni mi mkhyen cang mi mnga'/ thugs kyis bsam ba mkhyen nas kyang // 'dren pa de ni gshegs par 'gyur// sems can rnams la thugs rtse bas/ de la nga rgyal skyon mi mnga'/ sems can rnams la legs dgongs pas// shin tu rab tu 'ang gshegs 'gyur gyis/ rgyal chen bdag gis gsol ba la/ de ni legs par thugs ches mdzod/ gang gis ston pa 'dir gshegs pa'i/ bden pa'i byin brlabs bgyi bar 'tshal/ me tog spos dang me tog 'phreng / rgyal mtshan gdugs dang byugs pa dang / sil snyan sta gon mdzod cig dang / 'dren pa de ni gshegs par 'gyur/ nges pas thal mo sbyar nas kyang / phrag pa gcig tu gos gzar nas pa// pus cho sa la btsugs byas nas// 'di skad du ni tshig kyang smras/ kun mkhyen bden pa gang gis// bdag gis pa mkhyen ce na// bden pa'i tshig ni 'di nyid kyis// thub pa bdag gis mdun du bzhugs// / de nas tshig 'di smras nas kyang / sa ni rab tu g.yos par gyur// sa gzhi rnam par brtol nas ni// de bzhin gshegs pa byung bar gyur// rdzu 'phrul dag dang ldan pa'i// nyan thos lnga brgyas yongs su bskor// brgya phrag bcu gnyis snyed dag gi// byang chub sems dpa' rnams dang ni/ skyed pa dang ni lha dang klu// brgya byin tshangs pas mdun gyis bltas/ de 'dra'i rdzu 'phrul mthong nas ni// de tshe 'jig rten ngo mtshar 'dzin/ rgyal po dpung bcas blon por bcas// ston pa'i zhabs la 'dud par byed der ni srog chags stong dag gis// ston pa la ni mchod pa byas// rdzogs pa'i sangs rgyas mchod byas nas// byang chub don du yid btad do// de nas grong khyer gyi dbus po des pas/ bcom ldan 'das kyi zhabs la mgo bos phyag 'tshal na/ bcom ldan 'das la lan gsum bskor ba byas te/ 'di skad ces gsol to// bcom ldan 'das bdag nyan yod na 'khyam zhing mchis/ mchis pa las/ nor bu rin po che rin thang ma mchis pa zhig rnyed nas/ de bdag 'di snyam du gyid do// mnyan yod 'di na thams cad kyi nang na dbul po gang lags pa de la stsal to// snyam nas de dag la 'di snyam bgyid de/ rgyal po gsal rgyal 'di ni thams cad kyi nang na ches dbul ba ste/ 'di ni pha rol gyi nor 'phrog par bgyid pas na/ ngoms ma 'tshal pa lags so// slar zhing dor du gnyer bar bgyid pas na cho ga ma tshal ba/ lags so// gzhan gyi longs spyod dag gis ngoms mtshal pa lags so// sdug bsngal ba rnams la rnam par 'tho 'tshams pa lags so// skyid pa rnams bal mar 'byin pa lagaso// dbul po rnams rab tu phung bar bgyid pa lags so// phyug po rnams tshar gcod pa lag so// shin tu rab tu myos pa lags/ rgyal po'i longs spyod rnams dang / sred pas rnam par bcings pa lags so// snyam nas/ de la bdag gis stsal na len par mi 'gyid par 'di skad du de ts+ya d+ya// ltar nga ni dbul la khyod ni 'byor khyod la dpang du su yod ces kyang mchi'o// de'i slad du bcom ldan 'das sems can thams cad la thugs snyoms pa/ ngo zlog mi sprod pa mi mnga' ba phab dang / dri ma dang khong khro ba mi mnga' ba/ bcom ldan 'das kyis don 'di legs par lung bstan par gsol// bcom ldan 'das kyis bka' stsal pa/ rgyal po chen po khyod ni tshe 'di'i rgyal srid kyi dbang phyug gi longs spyod gser dang nor bu dang / mu tig dang / bai DUr+ya dang / dung dang man shel dang / byi ru dang / sa le smam dang / dngul dang / rta dang glang po che dang / shing rta dang dpung bu chung dang / gzhon pa dang / mdzod dang bang mdzod thob pa gang yin ba 'di dag gis bdag phyag go snyam du sems so// rgyal po chen po des pa ni smin pa dang / dal ba dang / legs par sdoms pa dang / bzod pa dang / nges pa dang / tshul khrims dang / brtul zhugs dang / dka' thub dang / bag yod pa dang / sbyangs pa'i yon tan dang / yo byad bsnyungs pa la gnas pa dang / byams pa dang snying rje dang / dga' ba dang / btang snyoms la gnas pa dang / sangs rgyas dang / chos dang / dge 'dun la dang ba dang / tshul khrims dang / thob dang / gtong ba dang / shes rab dang / ngo tsha shes pa dang / khyel yod pa dang / brtan pa dang / sdom pa gang yin pa 'di dag gis bdag phyug go snyam du sems so// rgyal po chen po khyod kyi 'og tu gtogs pa'i sems can ci snyed pa de dag 'di ltar khyod dang 'dra bar nor dang ldan par gyur kyang / de dag ni nges pas gom pa bdun bor ba'i bar gyi tshul khrims dang / thos pa dang / brtul zhugs dang / dka' thub dang / bag yod po'i bsod nams kyi phung po'i brgya'i char yang mi phod pa nas pe'i bar da/ yang mi bzod do// gsal gyis gsol pa/ bcom ldan 'das bdag gi yul na sems can yon tan gyi che ba nyid 'di lta bu dang ldan pa dag gnas pa ni/ bdag gi rnyed pa legs par rnyed lag so// bcom ldan 'das kyis bka' stsal pa// rgyal po chen po khyod kyi yul na sems can yon tan gyi che ba nyid lta bu ldan pa dag mang du gnas so// de nas rgyal po gsal rgyal gyis nges pa la tshigs su bcad de smras pa/ khyod kyis glengs pas kho bo'i nga rgyal nges bcom phyir// nges pa khyed ni kho bo'i ston pa gnyis pa ste/ rgyal srid 'di kun khyod sbyin kho bo dpung dang bcas/ khyod kyi slob ma yin gyis khyod kyis bdag slobs shig/ kho bo yun rang dag tu nga rgyal gyis kyang bslus/ sdig pa'i grogs po dag gis bskyor cing bzung ba las/ nges pa khyod nyid las ni chos 'di bas na/ rab tu bsdams te kho bos chos bzhin spyad par bya/ khyim na gnas pas brgya phrag lnga po 'di dag ni// nor gyi cheng du kho bos gorar bcug pa kho bos thams cad gtang gis bde bar 'khod par gyis/ phyin cad 'di 'dra ba dag kho bo yod mi byed/ lnga brgya btang bar gyur pa gang yin de dag kyang / nges pa la ni zhes legs par bskyed nas kyang // sems ni skyo bar gyur cing ci la 'ang mi lta bar/ bde ba thams cad mkhyen pa nyid du smon lam btab nga ni dbul po zhes/ des pa khyod kyi tshig 'di legs par smras pa ste/ nges pa la ni gang zhig dbul po zhes brjod pa// mi de rgyal po'i khrims dang 'gal bar byed pa yin// de nas bcom ldan 'das la rigs kyi bu nges pas 'di skad ces gsol to// bcom ldan 'das skye bo'o tshogs chen po 'das pa 'di ni bcom ldan 'das la lta bas chog ma 'tshar ba lags na/ bcom ldan 'das de'i slad da ci nas 'di dag gis de bzhin gshegs pa mthong ba don mchis par 'gyur pa/ de de lta de ltar 'di dag la legs par chos bstan du gsol/ bcom ldan 'das kyis bka' stsal pa/ nges pa rigs kyi bu chos bzhi dang ldan na/ de bzhin/ gshegs pa la legs par mthong ba yin no// bzhi gang zhe na/ yid ches pa dang / dad pa dang / phangs par 'dzin pa dang / gus pa ste chos bzhi po de dang ldan na/ de bzhin gshegs pa legs par mthong ba yin no// gzhan yang bzhi ste de bzhin gshin gshegs pa'i gzugs kyi sku mthong na bdag kyang 'di 'dra bar gyur cig ces bla na med pa yang dag par rdzogs pa'i byang chub du sems bskyed pa dang / de bzhin gshegs pa ni slu bar mi mdzad pa'i phyir lhag pa'i bsam pa yongs su dag par sems skyed pa dang / sems can thams cad rton cing cher ni rab tu dgrol ba'i phyir yang sems de skyed pa dang / dkon mchog gsum gyi gdung mi 'chad par bya ba'i phyir dam pa'i chos yongs su gzugs par yang sems de skyed pa ste// bzhi po de dag dang ldan na de bzhin gshegs pa legs par mthong ba yin no// gzhan yang bzhi ste// gzugs dben par mthong ba dang / tshor ba dang / 'du shes dang / 'du byed dang / rnam par shes pa dbes dben par mthong ba dang / khams bzhi na mkha' dang 'dra bar mthong ba dang / skye mched grong stong pa lta bur mthong pa ste/ bzhi po de dang ldan na de bzhin gash+ye ba legs par mthong ba yin no// gzhan yang bzhi ste/ bdag med pa'i phyir bdag rnam par dag pa dang / sems can med pa'i phyir sems can rnam par dag pa dang / srog med pa'i phyir srog rnam par dag pa dang / gang zag med pa'i phyir/ gang zag rnam par dag ste/ bzhi po de dag ldan na de bzhin ga legs par mthong ba yin no// gzhan yang bzhi ste/ lha'i rig mngon par 'du byed pa med pa dang / shes rab kyi mi ga kun sprob pa dang / chos kyi mig / gis so sor rtog pa dang / sangs rgyas kyi spyan rjesu rtogs par byed pa ste/ bzhi de dag dang ldan na/ de bzhin gshegs par legs par mtho ba yin no// gzhan yang bzhi ste mig migs pa'i phyir tshul khrims kyi phung po yongs su dgu pa dang / chos thams cad mnyam pa nyid kyi phyir ting nge 'dzin gyi phung po yongs su dag pa dang / 'jig rten las 'das pa'i ye shes khong du chud pa'i phyir shes rab kyi phung po yongs su dag pa dang / de'i rnam par grol ba mthong ba'i phyir rnam par grol ba'i ye shes mthong ba'i phung po yongs su dag pa ste/ nges pa rigs kyi chos bzhi po de dag dang ldan na/ de bzhin gshegs pa legs par mthong ba yin no// de nas bcom ldan 'das kyis skye bo'i tshogs chen po de dag chos kyi gtam gyis yang dag par dga' bar mdzad nas/ ngang pa'i rgyal po ltar 'khor dang bcas te/ bar snang la gshegs so// de nas ko sa la'i rgyal po gsal rgyal gyis/ rigs kyi bu nges pa la 'di skad ces smras so// nges pa khyod nam de bzhin gshegs pa la ltar 'gro ba de'i tshe kho bo la yang sbron cig dang / kho bo yang de bzhin gshegs pa la wAr 'gro'o// nges pas smras pa/ rgyal po chen po de ltar bgyi'o// bdag ni khyod/ bud med dang gzhon nu dang / blon po la sogs pa'i 'khor dang bcas te/ de bzhin gshegs pa la gzigasu gshegs par 'tshal lo// rgyal po byang chub sems byang chub sems dpa'i dpa' rnams ni bdag gcig phul bar bya ba'i phyir zhugs pa ma lags te/ byang chub sems dpa' rnams ni 'khor bal po chem sa mdzes so// rgyal pos smras pa/ des pas smras pa/ rgyal po chen po yongs su smin pade bgyi ba dang / 'dul ba'i slad du sems can thams cad de byang chub sems dpa'i 'khor lags so// rgyal po chen sems can g.yon can 'du bar 'gyur ba'i lhag pa'i bsam pa ni byang chub sems dpa'i 'khor lags so// rgyal po chen po phyir mi zlogs par 'gyur ba'i 'dun pa dram bo ni/ byang chub sems dpa'i 'khor lags so// rgyal po chen po sems can ser sna can yongs su smin par 'gyur ba'i sbyin pa ni byang chub sems dpe'i 'kho lag so// rgyal po chen po sems can tshul khrims 'chal pa yongasu smin par 'gyur ba'i tshul khrims ni byang chub sems dpa'i 'khor legs so// rgyal po chen po sems can gnod sems can yongs su smin par bgyid par 'gyur ba'i bzod pa ni byang chub sos dpa'i 'khor lags so// rgyal po chen po sems can le lo can yongs su smin par bgyid par 'gyur ba'i brtson 'grus ni byang chub sems dpa'i 'khor legs so// rgyal chen po sems can sems rnam par g.yeng ba yongs su smin par 'gyur ba'i bsam gtan ni byang chub sems dpa'i 'khor lags so// rgyal po chen po sems can 'chal shes rab can yongasu smin par 'gyur rgyam po chen po gzhan yang theg pa gzhan la 'dzang ba sa mchis pa'i srad du/ gzhan dag kyang byang chub sems dpa' yang dag par 'dzin tu 'jug pa'i byang chub sems dpa'i 'khor la pa'i shes rab ni byang chub sems dpa'i 'khor lags so// rgya po chen po sems can thams cad la sems snyoms pa'i byams pa chen po ni byang chub sems pa'i 'khor lags so// rgyal po chen po 'khor ba la yongasu mi skyo ba'i snying rje chen po ni byang chub sems dpa'i 'khor lags so// rgyal po chen po chos kyi kun dga' la dga' zhing mos pa'i dga' ni byang chub sems dpa'i 'khor lags so// rgyal po chen po rjes su chags pa dang / khong khro ba spong ba'i btang snyoms ni byang chub sems dpa'i 'khor lags so// rgyal po chen po sems can thams cad yongs su smin par bgyid par 'gyur ba'i bsdu ba'i dngos po bzhi po dag ni byang chub sems dpa'i 'khor lagasaso// rgyal po chen po sangs rgyas kyi zhing yongs su dag par bgyid par 'gyur ba'i dge ba'i rtsa ba rnam pa sna tshogs sgrogs pa ni byang chub sems dpa'i 'khor lags so// rgyal po chen po bdad kyi las thams cad las yang dag par 'da' bar 'gyur ba'i stong pa nyid dang / mtshan ma med pa dang / smon pa med pa rnams ni byang chub sems pa'i 'khor lags so// rgyal po chen po tshigs btsun par 'gyur ba'i bden pa dang / mi rtsub pa ni byang chub sems dpa'i 'khor lags so// rgyal po chen po spobs pa phun sun/ tshogs par 'gyur ba'i mi 'phya ba dang / zing slang mi bgyid pa ni byang chub sems dpa'i 'khor lags so// rgyal po chen po brjed ngas par mi 'gyur ba'i thos pa'i yo byad stsogs pa'i ni byang chub sems dpa'i 'khor lags so// rgyal po chen po thos pa 'dzin par 'gyur ba'i slad du slob dpon dang mkhan po la gus pa ni byang chub sems dpa'i 'khor lags so// rgyal po chen po dam pa'i chos yongs su 'dzin par 'gyur ba'i thos pa 'dzin pa ni byang chub sems dpa'i 'khor lags so// rgyu po chen po de bzhin gshegs pa thams cad kyi bstan pa yang dag par 'dzin par 'gyur ba'i dam pa'i chos yongasu 'dzin pa ni byang chub sems dpa'i 'khor lags so// / rgyal po chen po dge ba'i rtsa ba thams cad yongasu rdzogs par 'gyur ba'i dgon pa la gnas pa ni byang chub sems dpa'i 'khor lags so// rgyal po chen po sems can ma dad pa dad par 'gyur ba'i 'tsho ba yongasu dag pa ni byang chub sems dpa'i 'khor lags so// rgyal po chen po byang chub kyi phyogs kyi chos sgrub par 'gyur ba'i bka/ yod pa ni byang chub sems dpa'i 'khor lags so// de nas rgyal po chen po gsal rgyal dga' zhing mag la yid rangs te/ rab tu dga' zhing dga' ba dang / yid bde ba skyes nas/ rgyal po la 'os pa'i ras bcos bu zung stong chos la dga' ba'i phyir nges pa la byin no// nges pas smras pa/ rgyal po chen po bdag la/ bkur sti dang mchod pa mdzad pas 'tshal lo// gang gis bdag la 'tshal bar gyur pa gos ras rul pa'i dus bu rgya mtsho bcos pa bdag la mchis kyis/ bdag ni bdag gir 'dzin pa dang bcas shing yongs su 'dzin pa dang bcas pa'i gos rnams mi 'tshal lo// rgyal po chen po dpyid kyi dus na ras rus pa'i dus bu'i gos 'di shing gis yal ga la bskal te/ dgung cig gam/ dgung gnyis sam/ dgung bcu'am/ dgrang brgyar mchis kyang de la su yang len pa ma mchis shing / de la su yang chags pa'i sems skyed pa ma mchis te// bdag kyang de bor nas mi lta bar 'chi ba'i dus te mchis so// rgyal po chen po dag ni bdas gir 'dzin 'dzin pa dang / yongasu 'dzin pa dang bcas pa'i gos rnams mi 'tshal lo// rgyal po chen po byang chub sems dpa' ni gang lag bdag nyid 'dod pa spong bar 'gyur zhing / gzhan yang 'dod pa'i sems skyed par mi 'gyur ba de lta bu'i gos bcad par bgyi'o// rgyal pos smras pa/ nges pa gal te de ltar ras bcos bu zung 'di dag khyod mi len na/ kho bo la snyid btse ba'i phyir rkang pas rdzis shig/ nges pas lha de bzhin du bgyi'o zhes smras nas/ ras bcos bu zung de dag la rkang bas brdzis te song ngo // rgyas pos smras pa/ nges pa ras bcos du zung khyod kyi rkang pa'i sman mar gyur pa 'di rnams ci ltar bya/ nges pas smras pa/ rgyal po chen bo sems can dbul po gcer glos mchis pa gang lags pa de dag la stsol cig/ rgyal po chen po nges pa la de ltar bya'o zhes smras nas/ rgyal po'i mi rnams la bsgo ste/ de dag gis kyang ji skad bsgo ba bzhin du byas so// ras bcos bu bzung de dag dbul po de dag gis bgos ma thag tu 'di snyam du sems bskyed de dag cag gis nges pa la ci ltar lan glan par bya snyam pa las/ sangs rgyas kyi byin gyi rlabs dang / nges pa'i smon lam gyi stobs kyis/ de dag gis bar snang las tshigs bcad pa 'di dag thos so// 'dod pa bzhin ldan ni zla bya ba// me tog dang ni spos dang bya dang // zas skom nor rnams kyis kyang mi nus te/ byang chub sems kyis nges pa dga' bar 'gyur// nges pa zas dang gos 'dod ma yin te/ rnyed dang bskur sti grags pa 'dod ma yin// des pa byang chub sems las chos 'dod de// byang sems kyis nges pa dga' bskyed// de nas dus gzhan zhig na rigs rigs kyi bu nges pa dang / rgyal po gsal rgyal brtun mo'i 'kho dang bcas/ blon po dang bcas/ 'khor dang bcas pa dang / mnyan yod kyi skyes pa dang / bud med dang / khye'u dang / bu mo dang / srog chags rgya phrag mang po dag/ bcom ldan 'das blta ba'i phyir dong ngo // de nas mnyan yod na rgyal bu rgyal byed kyi tshal gyi bar du lha'i dbang po rgya byin gyis 'khor gyis khyams ches po bgrang ba/ blta na sdug pa/ yangs shing mtho la rgyan thams cad kyis brgyan pa 'di lta ste/ dper na gsum cu rtsa gsum pa'i lha rnams kyi khang rnam par rgyal ba lta bu zhig sprul te/ dbus su shing yongs pa 'dus brtol sprul to// yongs dus brtol gyi drung du yang bcom ldan 'das kyi gdan seng ge'i khri bkra ba blta na sdug cing zhengs gab pa la/ lha'i ras bcos bu brgya stong du ma bting ba mngon par sprul/ byang chub sems dpa' rnams kyi stan drug khri dag kyang mngon par sprul to// lA ma yin gyi bu mo bde sgrogs la stsogs pa lha'i bu mo khri nyis stong yang me tog dang / bdug pa spos dang / me tog dang 'phreng ba dang / byug pa dang / lha'i tsan dan gyi phye ma dag khyer nas/ sil snyan dang pheg rdob pa dag byed cing / nges pa'i g.yog bya ba'i phyir bcom ldan 'das kyi seng ge'i khri brgyan par byed do// de bcom ldan 'das kyis skye bo'i tshegs chen de dag 'ong bar thugasu chud nas gtsug lag khang nas byung ste/ byang chub sems dpa' dang / nyan thos rnams kyis yongs su bskor cing gdan bshams pa la zhugs so// de nas dri za'i bu gtsug phung lnga pas lha'i bu gnyi 'od la smras pa bzang mo tshur shog/ nges pa'i g.yog bya ba'i phyir rgyud kyi sgra dang glu'i dbyangs kyis de bzhin gshegs pa la mchod pa bya'o// de nas lha'i bu mo gnyi 'od kyis lha'i bu mo lnga brgya cas dang / 5 gcig tu rgyud kyi sgrar sbyar ba'i tshigs su bcad pa dag gis bston pa// khyod kyis bskal pa brgyar ni sngan chad chad dka' thub spyad/ khyod ni bsdu ba dag dang sprin la dges khyod kyis sku gsungs thugs rnams yongs su dag pa ste// srid gsum 'jig rten bla ma la ni bdag phyag 'tshal/ khyod ni thab mi mnga' bzod dang byams la dgyes// khyod ni brtson 'grus brtan dang stobs kyi phol gshegs/ khyod ni bsam gtan blo dang tshul rnams snang la dgyes/ dri ma gsum gyi nyes pa sel la bdag phyag 'tshal/ khyod ni 'dod chags zhe sdang gtig mug sel la dgyes/ khyod kyi thugs ni zhi zhing snyoms la thugs rjer ldan/ khyod ni yang dag gsung zhing dam pa'i don yang mkhyen srid pa gsum po thar par mdzad la bdag phyag 'tshal la/ khyod ni mthong ba rnams kyi the tsom sel bar mdzad/ khyod ni mthong ba rnams kyi skyon rnams mtha' dag sel khyod ni mthong ba rnams la mchog tu dga' bar mdzad/ bdag ni rgyal la srog gis skabs su mchi bar bgyi/ lha'i bu mo mchog ni 'dod chags chags gyur pa/ gAng gis mthong ba de yang chos la dga' bar 'gyur/ dga' bas dran pa shin tu rgya chen thob 'gyur te// dga' bas sngag la 'dod pa'i dga' dang bral bar 'gyur/ mtshan mchog sum cu rtsa gnyis dag gi rgyan rnams kyis legs par brgyad pa gsal ba'i yon tan mchog mngara' po/ gsung mchog mi'i dam pa gsung ni rnam par dag/ mtshungs pa med pa'i 'od mnga' khyod la bdag phyag 'tshal/ 'phags pa 'dzam bu nu bo'i gser mdog phyag mthal sdug/ thub pa'i ska stong ser ge'i 'dra zhing glang chen stobs// smin tshugs legs shing shangs legs tshems snyoms mdzes// dpal gyi snying po shAg kya thub mchog khyod la 'dud/ rgyal ba yon tan brgya phrag dag gis rgyas gyur pa// bde gshegs shin tu dga' ba skyed mdzad ston pa'i// bsod nams yon tan mtha' yas bsgrubs pa gang lags pa/ de'i sa 'dir ni 'jig rten sngas rgyas mnyam gyur cig/ de nas rigs kyi bu des pa skye bo'i rnon po de dag gis yongasu bskor nas bcom ldan 'das gA la ba der song ste lhag nas/ bcom ldan 'das kyi zhabs la mgo bos phyag 'tshal te/ phyog gcig tu 'dug go// de nas rgyal po gsal rgyal gyi rigs kyi bu nges pa la khri'u bstan bzang po dag nyid kyis byin te/ 'di la 'dug shig ces byas nas/ rigs kyi bu nges pa khri'u stan bzang po de la 'dug go// rgyal gsal rgyal 'khor dang bcas pa yang bcom ldan 'das kyi zhabs la mgo bos phyag 'tshal nas/ rang rang gi bstan la 'khod/ de nas rigs kyi bu gang dag gis nges pa sngon ma mthong ba de dag 'di skad du dngul po gos ngan pa gyon pa 'di dag la 'di lta bur mchod pa byed do// zhes 'dzer to// de nas lha'i dbang po brgya byin gyis lha'i bu de dag pa 'di skad ces smra so// grogs po dag 'di la bsnyas pas ma byed cig/ rigs kyi bu 'di yon tan gyi che ba nyid ci steng dang ldan pa de ni kho bo mngon sum du gyur cig/ grogs po dag khyed re shig sdod cig/ rigs kyi bu 'di'i yon tan gyi bkod pa mthong bar 'gyur ro// de nas rigs kyi bu nges pas lha'i bu de dag gi bsam pa rtogs nas/ bcom ldan 'das la 'di skad ces gsol to// byang chub sems dpa' rnams kyi sems can yongasu smin par bgyi ba'i bkod pa'i thams dang / ye shes kyi bkod pa'i thabs bcom ldan 'das kyis bshad du gsol// de nas bcom ldan 'das sku las 'od phyung ste/ 'od des des pa'i lus la reg nas/ lha'i dbang po brgya byin gyi gzugs kyi lus yongs su 'grub pa ci 'dra de las 'bum gyur pas kyang ches lhag par gyur to// de nas lha'i bu de dag yan mtshan du 'dzin par gyur te/ des pa la me tog gis gtor te/ de nas bcom ldan 'das kyis rigs kyi bu nges pa la bka' stsal pa/ nges pa gang gi tshe byang chub sems dpa' rdo rje lta bu'i mthu la gnas pa'i tshe yang sems can yongasu smin par bya ba'i phyir/ dben pa ston cing dmam pa'i mthu la gnas kyang / sems can yong su smin par bya ba'i phyir mchog tu ston par byed pa 'di ni de'i bkod pa yin no// ye shes la gnas kyang mi shes par ston cing shes par snang ba'i da ni de'i bkod pa yin no// shes ma thob pa rnams la yang sas kyi spyod pa dang / snod las gyis dang pa bskyed par byed cing / segs ca pa rnams la yang spyod pa thams cadas / bar ston pas/ rdzu 'phrul snyan par byed pa 'di na de'i bkod pa yin no// rtag tu sems la dbang byed pas ngan cing dbul par ston kyang rkangs pas kyang ma dang / mchog gi bkod pa la gnas kyang kye bo phal gyis kyang mchod pa 'di ni de'i bkod pa yin no// sems can bsdu ba'i phyid ngan cing dbul bar yang nye bar ston pa/ sems can rnams la mngon par 'byung bya bskyed pa'i phyir longs spyod rgya chen po dang ldan yang mngon par 'byung ba ston pa 'di ni de'i bkod pa yin no// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das rigs kyi bu des pas ci srid cig nas byang chub kyi phyir spyad par bgyis pa lags// bcom ldan 'das kyis bka' stsal pa// kun dga' bo rigs kyi bu nges pa ni sangs rgyas bye ba mang po la bsnyen bkur byas pa sngon gyi tshul phun sum tshogs pa/ bzod pa gsum thob pa/ ba thob pa/ mngon par shes pas rnam par rtse byas pa// sems can yongasu smin par bya ba la mkhas pa ste/ nga dbul bas sems can rnams 'dul bar byed do// gsol pa bcom ldan 'das 'dis ngan cing dbul ba 'dis sems can ci snyed cig brtul lags// bcom ldan 'das kyi bka' stsal pa/ kun dga' bo lha'i bu 'bum phrag mang po dag tha na med pa yang dag par rdzogs pa'i byang chub tu yongs su smin par byas te/ mi rnams kyang de dang 'dra'o// kun dga' bos gsol pa/ bcom ldan 'das ci srid cig nas ni bla na med pa yang dag par rdzogs pa'i byang chub mngon par rdzo par 'tshang rgya bar 'gyur// 'di'i sangs rgyas kyi zhing gi bkod pa rnams ni ci 'dra ba zhig tu 'gyur/ ming ni ji skad ces bgyi ba zhig tu 'gyur/ ming ni ji skad ces bgyi ba zhig tu 'gyur lags/ de nas bcom ldan 'das kyis tshe dang ldan pa kun dga' bo la tshigasu bcad de bka' stsal pa// sems can don la brtson dang brtul zhugs brtan pa dang / grags pa rgya chen dag gis bsam pa khyab byas dang / byang chub yon tan gnas pa'i spyod pa ci 'dra ba// ngas ni khyod la bshad kyis kun dga' khyod nyon cig/ 'di na rgyal lachod mchog phyir ni gus byed cing // dam pa'i chos ni bsrung phyir rab tu brtson byed pa/ nges pa yid ni spyod pa'i rnam pa gang yin pa// de dag 'dir ni bgrangs par nus par mi 'gyur ro// pha rol byin 'di dag la ni legs par bslabs// mngon par shes pa dag gis sngan rtse ba byas/ tshangs pa'i gnas rnams kyis ni mtha' mar phyin par song ngo // thabs la mkhas pa'i spyod pa dag la legs par bslabs/ 'dir ni de'i sa 'dus \u0f7f/ byas skyon rnams legs par mthong / sangs rgyas byang chub kyang ni mngon gsum gyur par byas/ 'di ni sems can ci ltar thar gyur/ ba'i// rnam par smin pa'i mtshan nyid la/ yang legs par bslabs/ 'jigs pa med sing blo dang ldan/ spobs pa dang ni gzugs rnams dang yang ldan pa ste// bdud kyi lcags nyon mongs rdzas las nges byung zhing / sangs rgyas spyod yul don chen la ni rab tu gnas// 'jig rten chos rnams mang po dag gis mgos la/ chags/ ba la sogs rnams kyis brag ltar mi g.yos// sa'i drung du mi 'gro ring bar byed pa'ang min/ namakha' lta bur bcings grol ba med pa yin/ snying rjer gnas shing sems kyang yongs su skyo ba med// shin tu bsdams shing nem nur can la byugs sems ldan/ sems can kun la bdag dang 'dra bar sdug par lta/ skyon la mi lta 'phrul pa dag dang ldan ma yin/ ji ltar bstan pa bzhin du bsgrub pa rnams pa gnas/ 'di ji skad smras pa bzhin du spyod par byed/ chos nyid la ni chos kyi tshul gyis legs par bslabs/ stong pa nyid la mos shing gnyis las rnam par grol byed/ sangs rgyas kyi ni sres 'dir gang du gnas pa der/ de bzhin gshegs bas yul ni stong pa ma yin te// de la lha dang bcas pa'i 'jig rten ma lus pas/ ci ltar sangs rgyas bzhin du 'di la gus par gyis// nga ni mya ngan las 'das nas nyams byu tshe// nges pa 'di ni sangs rgyas spyod pa spyad nas kyang / sngon chad gnas pa mngon par dga' ba'i 'jig rten khams/ mi'i 'khrugs 'jig rten nyid du phyir yang 'gro bar 'gyur// brtan po srog chags rnams la phan par bya ba dang // zhing gi 'byor pa dag ni yongs su btsal ba dang / byang chub tu ni sems can yongs su smin bya phyir/ bskal pa grangs med gsum rnga spyad pa spyod par byed// de'i 'og tu de ni skyob pa rgyal bar 'gyur// ming ni 'jig rten rgyal dbang phyug ces kyang bya// de bzhin gshegs pa mi 'khrug pa zhes bya ba'i// zhing dang de'i 'jig rten du ni mtshungs ma yin/ 'jig rten khams de legs par sprul pa zhes bya ste/ yon tan thams cad dang ni ldan par 'gyur ba yin/ de'i tshe'i tshad ni lo khri thub par 'gyur// de'i dge 'dun shin tu mang ste bgrang las 'das nyan thos theg pa can gyi dge 'dun nyung bar 'gyur/ phal che byang chub don du brtson pa byas nas su/ de dag thams cad ye shes stob dang rdzu 'phrul ldan/ rnam par thar pa rnams dang ldan zhing 'jig rten pa med gcig tu nges par chos ni legs par bshad rnams kyis/ 'jig rten khams rje rtag tu bsgra chen bsgrags par 'gyur/ de na bdud rnams med cing srid par chags pa med/ de dag thams cad yang dag pa rig cing rnam par dag/ bde bar gshegs pa yongs su mya ngan 'das gyur nas/ lo ni bcu dag las bzhi lhag rnams su yang / de'i dam pa'i chos ni rab tu sbyad par 'gyur/ de'i tshe de'i chos kyi tshul ni 'khrug pa med/ des de'i sa gang dag yongs su smin byas pa/ de dag byang chub bla na med pa'i du spong / zhing der sems can gang dag 'byung bar 'gyur ba rnams/ de dag thams cad skyon rnams dang ni bral ba yin/ bcom ldan 'das kyis rigs kyi bu des pa'i lung bstan pa bshad ma thag tu/ de nas de'i tshe stong gsum gyi stong chen po'i 'jig rten gyi khams rnam pa drug tu g.yos te/ lha'i me tog dang / phye ma dang / gos dang / rgyan kyi char yang mngon par bab po// thams cad dang ldan pa'i 'khor gyis kyang / rang rang gi gos rnams rigs kyi bu nges pa la bkag go// tshod dpon dang khyim bdag dang / bram ze brgya phrag mang po dag kyang rab tu byung ngo// de nas bcom ldan 'das la nges pas 'di skad ces gsol to// bdag kyang legs par gsungs pa'i chos 'dul ba la rab tu 'byung bar gsol// de nas bcom ldan 'das kyis rigs kyi bu des pa'i mgo bo la phyag gis byugs so// bcom ldan 'das kyis rigs kyi bu nges pa'i mgo bo la'i ga ma thag tu gos dur smrig bgos shing dge slong du snang bar gyur to// de nas bcom ldan 'das kyis tshe dang ldan pa kun dga' bo la 'di skad ces bka' stsal to// kan dga' bo snyig ma lnga po dus kyi snyigs ma dang // sems can gyi snyigs ma dang / zhing gi snyigs ma dang / tshe'i snyigs ma dang / nyon mongs pa'i snyigs ma'i dus su de byang chub mngon pa rdzogs par sangs rgyas nas/ der nges pas ci ltar 'dul ba las rnam pa gzhan gyis 'dra bar mi bya'o// kun dga' bo nga ni 'jig rten gyi khams mi mched du sangs rgyas kyi 'dul bas sems can sems 'dul bar mi byed kyi/ kun dga' bo nga ni ngan cing dbul ba dang / ngan 'gro'i 'jigs pas sdigs pas sems can rnams 'dul bar byed do// kun dga' bo gal te 'jig rten gyi khams 'dir ngas sangs rgyas kyi yul gyis chos bstan cing sangs rgyas kyi yul nye bar bstan tu zin na/ sems can gcig kyang 'du bar mi 'gyur/ la/ chos kyang rtogs par mi 'gyur ro// kun dga' bo de ltar bas na/ nga dang nges pa ji ltar 'du bar byed pa de bzhin du khyod kyis kyang sems can gdul bar gyis shig/ kun dga' bo sems can dad pa can dang / rtog pa med pa dag 'byung bar 'gyur te/ de dag gi chos kyi rnam grangs 'di thos na dad pa rnyed de bzhin nyid du sgrub par 'gyur ro// bcom ldan 'das kyis de skad ces bka' stsal nas tshe dang ldan pa kun dga' bo dang / byang chub sems dpa' nges pa dang / byang chub sems dpa'i de dag dang / dge slong de dag dang / lha'i dbang po brgya byin dang / rgyal po gas la rgyal dang / lha dang mi dang lha ma yin dang / dri zas bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa chen po'i chos kyi rnam/ grangs le'u stong phrag brgya pa las/ nges pas zhus pa'i le'u zhes bya ste/ 'dus pa nyi shu rtsa bdun pa rdzogs s+ho//