| བོད་ཡིག | e-texts produced with BDRC’s OCR application |
rdzogs so// / rgya gar skad du/ pra t+yaM gi ra na ma d+ha ra ni/ bod skad du/ phyir ldog pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal/ mgon med zas sbyin gyi kun dga' ra ba na/ dge slong gi dge 'dun dang / byang chub sems dpa' bya ba phrag du mas bskor nas bzhugs so// de'i tshe yangs pa can gyi grong khyer du/ dge slong legs pa'i blo gros shes bya ba zhig mu stegs can dang rtsod pa byas pa las/ dge slong de rtsod pa rgyal bar gyur pa dang / mu stegs kyi ston pa rgyal byed ces bya ba cher 'khrug par gyur nas/ dge slong de la 'di skad ces smras so// kye dge slong khyod ni ko'u ta mas g.yo dang sgra la goms par byed du btsugs pas/ khyod ni bdag gis ston pas legs par gsung ba'i rig byed rnams sun byin par byed bas ni bdag gis rab tu bam par bya'o// da ste zhag gsum mam bdun nas kha nas khwa dron mo skyug cing tshe'i dus byed par bya'o// zhes smras pa dang / dge slong de spu zing byed pa tsam du skrag par gyur te/ mu stegs kyi ston pa rgyal byed la 'di skad ces smras so// de lta bu'i las brlang po dag ma byed cig/ de ltar khyod kyi ci dgos pa khas blang ngo // rgyal byed kyis smras pa/ 'o na rdzun ma byed par bdag gi lha dbang phyug chen po la skyabs su dong cig/ bdag gis khyod la phyag gnas su bya'o// de nas dge slong gi tshigasu bcad de smras pa/ tshe 'di mi rtag g.yo ba'i rang bzhin can// skad cig tsam yang rang gyur pa med// khyod kyi reg sngags brlang bas ma bskul kyang // 'jig rten 'di na rtag pa gang yang med// skye ba'i chu bo rab med sgron mdzad cing / las kyi rlung dmar drag po zhi mdzad pa/ skyabs su 'jig rten kun na las khyad 'phags pa/ gyi ni tsam la spong bar ce ste byed/ zhes smras nas/ rings par bcom ldan 'das ga la ba der song ste phyin nas/ bcom ldan 'das kyis zhabs la mgo bos phyag 'tshal te/ phyogs gcig tu 'dug nas bcom ldan 'das la 'di skad ces gsol to// bcom ldan 'das bdag yangs pa can gyi grong khyer du bsod snyoms kyi slad du mchis pa dang / mu stegs byed drag pa can 'ga' zhig dang 'jal te/ de dag bdag la brtsod par gyur nas/ bdag gi btsod pa pham par bgyis pas/ de rnams kyi nang nas rig sngags grub pa'i mu stegs rgyal byed ces bya ba cher 'khrugs bdag la 'di skad du/ khyod da ste zhag gsum na kha nas khrag dron mo skyugs cing tshe'i dus bya'o mchi na/ bcom ldan 'das ji ltar bdag 'jigs pa las thar ba'i thabs gnang bar mdzad du gsol/ ston pa thams cad mkhyen pa thugs rje chen pos bdag gis srog bstan par mdzad du gsol zhes zhus so// de nas bcom ldan 'das kyis dge slong de la 'di skad ces bka' stsal to// dge slong khyod yid rab tu g.yo bar ma byed cig/ de ci'i phyir zhe na/ nga la gzungs sngags gzi brjid tshad med pa'i/ 'od zer rnam par rgyal ba'i shugs zhes bya ba yod de/ de ni 'jig rten brgya byin dang / tshangs pa dang / rgyal po chen po bzhi dang / phyogs skyong ba cu dang / bdud dang / ro langs dang / brjed byed dang / 'kha' 'gro ma dang / srin po dang / sa bdag dang / byed sdem dang / dri za dang / gral bum dang / na mkha' lding la sogs pa gang gis kyang 'da' bar mi nus so// sngags ni 'di lta ste/ na ma sarba ta thA ga ta/ a ba lo ki te/ oM sa~M b+ha ra saM b+ha ra hUM/ ces so de la cho ga ni 'di yin te/ gnas yid du 'ong bar phyag dar byas la/ dar gyi bla re dang / 'phan dang lhab lhub la sogs par brgyan par byas la/ snod sna tshogs kyis chus sa phyogs thams cad legs par gtor la rdul med par byas nas/ sangs rgyas bcom ldan 'das bzhi sku gzugs ri mor byas pa 'am/ yang na rin po che 'am/ 'jim pa las byas pa cig gzhugs su gsol/ gzhan yang sangs rgyas dang / byang chub sems dpa'i sku gzugs dang pe ti la sogs pa mchod pa'i gnas su de bgram par bya'o// de nas pa'i lji bas la ma lhung ba dang / dza to dang gur gum la sogs pas maN+Dal legs par byugs nas/ oM sarba ta thA ga ta man+ta la na ma na sa kaM zhes brjod pas/ des lag pa ma bsregs pa 'god kyis bu ga banag par byag// de bzhin du/ oM sa rba ba d+hA sa ga/ mnan na/ maN+Dal nas gams brjod pas/ g.yan grags nas brtsams te me tog gi chom bu drug dgod par bya'o// de dag kyang rim pa bzhin du/ sangs rgyas bcom ldan 'das dang / phyag na rdo rje dang / spyan ras gzigs kyi dbang po dang / 'jam dpal dang / na mkha'i snying po dang / sa'i snying po dang / sgrib pa rnam par sel ba zhes bya bar mos par bya'o// oM sarba ma hA shra ba ka ma man+ta la na ma kaM/ zhes brjod nas me tog gi tshem bu brgyad dgod par bya'o// de dag kyang rim pa bzhin du/ 'phags pa rab 'byor dang / kun shes ko'u di r+ya dang / 'od srungs dang / sha ra da ti'i bu dang / me'u 'gal gyi bu dang / ma 'gags pa dang / kun dga' bo dang / nye ba 'khor rnams su mos par bya'o// 'di dag thams cad kyang gus pa'i tshul gyi thal mo sbyar nas/ bcom ldan 'das la mngon par phyogs pas 'dug pa'o// de'i phyi rol du nyan thos chen po gzhan dag dang / byang chub sems dpa' grangs med pas bskor zhing mdun gyis ltas pas kun nas bskor bar dmigs par bya'o// de nas de dag la mchod pa'i phyir/ me tog tshem bu gzhan yang tshul bzhin du bkod la/ mchod pa'i bye brag thams cad kyis mchod par bya'o// de nas bden pa'i tshig 'di dag brjod par bya'o// phyogs bcu'i 'jig rten gyi khams na bzhugs pa'i/ sangs rgyas byang chub sems dpa' dang / 'phags pa nyan thos rang rgyal rnams/ sems can rnams ni sgrub pa dang / bdag gi bsam pa rdzogs slad du/ gnas 'dir myur du gshegs su gsol/ tshangs pa dang ni brgya byin dang / shar phyogs nas ni yul 'khor bsrungs/ lho phyogs nas ni 'phags skyes po// nub phyogs nas ni spyad mi bzang / byang phyogs nas ni rnam thos bu/ de bzhin 'jig rten skyong ba bcu/ mthu chen stobs dang ldan pa po// 'jig rten khams la dbang byed pa/ mchod sbyin gnas 'dir myur du shog/ lha klu gnod sbyin dri za dang / lha mi na mkha' lding 'dabs bzangs dang / rlung gi lha dang lus bsrul po// gshin rje dang ni srul po dang / mkha' gro dang ro langs lho 'phye che dang grul bum dang / gza' dang skar mkha' rlung dang / gdon rigs stong phrag brgya bcu rnams/ bde bar gshegs pa'i bka' nyon la/ mchod sbyin gnas 'dir myur du shog/ bdag gis dga' ston che bgyid kyi/ zhi ba'i yid kyi 'khod par byos// ces so// de nas spos sna tshogs bsreg/ na lang la sogs rol mo'i bye brag thams cad kyi/ baspu ldang ba 'am/ mchi ma 'byung ba tsam du sems rab tu dang ba bskyed nas/ bdag nyid kyi lus kyang rdul gcig gis steng gi rdul rnyed du dmigs la/ sang rgyas dang / byang chub sems dpa' thams cad kyi zhabs la spyi bos btugs pa phyag 'tshal te/ ci 'byor pa'i mchod pas yang dag par mchod la/ de dag mdun du sdig pa bshugs pa dang / skyabs su 'gro ba dang / sems bskyed pa dang / rjes su yid rang ba dang / chos kyi 'khor lo rab tu bskul ba dang / mya ngan las mi 'da' bar gsol ba gdab pa dang / de dag gi dge ba'i rtsa ba thams cad kyang bla na med pa yang dag par rdzogs pa'i byang chub tu yongs su bsngo bar bya'o// de nas gtor pas 'jug par bya te/ sha chang sgog rtsod la sogs pa spangs la/ zas dkar gsum cung zad bza' zhing gos gtsang ma bgo lag pa spos kyi byugs la/ 'bru sna tshogs dang / sman bzang po thams cad dang / me tog dri zhim po sna tshogs dang / bu ram la sogs pa mngar gsum g.yas/ kye char bzhag/ zho dang 'o ma dang / srogs chags med pa'i chu la sogs pa g.yon gyi char bzhag go// de nas kha shar du phyogs pas stan bde ba la 'dug la/ mdun du maN+Da la legs par byi dor byas la/ me tog sna tshogs pa bkram pa'i steng du/ rin po che'i khri'u cig bzhugs so// de'i steng du gtor ma'i sdod legs par bzhag ste/ yo byad thams cad nas cung zad re blag par bya'o// de nas bdag nyid kyi lag pa g.yas pas gtor snod la rag par bya ste/ sngags 'di lan nyi shu rtsa gcig brjod par bya'o// oM na maHsa nam ta bud d+ha naM/ na ma sarba ta thA ga ta/ a wa lo ki te/ oM sam+b+ha ra sam+b+ha ra hUM/ zhes brjod nas se gol gyi sgra lan bdun byas na/ de bzhin gsheg pa bzhi'i mtshan nas brjod cing phyag 'tshal ba'i byin brlabs kyis/ sangs rgyas dang byang chub sems dpa' thams cad kyi spyan lam/ mchod pa'i sprin chen po 'byung bar 'gyur ro// de ltar lan bdun nam nyi shu rtsa gcig la sogs pas de nyid du dbul bar bya de nas yi dag la sogs pa la ni sngags lan bdun sbyar bar bya'o// sngags dang de bzhin gshegs pa bzhi'i mtshan nas brjod pa de nyid kyis so// gtor ma yang dag par byin gyis brlobs par 'gyur ro// de ci'i phyir zhe/ gzungs sngags 'di ni phyogs bcu dus gsum gyi sangs rgyas thams cad kyis byin gyis brlabs yin pa'i phyir// legs pa'i blo gros khyod kyis/ mu stegs rgyal byed ma rungs pa de'i gnas khang du gtor ma bskyal bar bya'o// yang na lam gyi gzhi mdor gtor ma de'i steng du blug par bya'o// de ltar byas na gnod pa'i nus pa ji nad pa de snyed kho rang la yongasu smin cing ldog par 'gyur ro// de nas bden pa'i rtogs pa brjod par bya'o// 'di ltar sangs rgyas bcom ldan 'das rnams ni rang bzhin gnyis su med cing tha mi dad pa dang / rnam pa thams cad mkhyen cing gzigs pa dang / nyes pa dang / sgrib pa thams cad bral zhing / bdud dang / bas kyi rgol ba thams cad rab tu pham par byas te/ sems can 'khor ba'i gru gzings lta bur gyur pa'i bden pa dang / bcom ldan 'das kyis legs par gsungs pa'i gsung chos ni/ thog ma dang bar dang tha mar dge zhing nyon mongs pa thams cad rab tu 'joms pa la sogs pa'i bden pa dang / gzhan yang gsang sngags dang / rig sngags dang / gzungs sngags dang / phyag rgya dang / snying po dang / ting nge 'dzin gyi bden pa dang / mthu stobs dang / byin brlabs dang / pha rol gyi dpung rab tu 'joms pa phyag na rdo rje dang / sems can thams cad la brtse ba dang ldan pa/ spyan ras gzigs kyi dbang po dang / ma rig pa'i ling tog sel ba 'jam dpal dang / dngos por 'dzin pa thams cad gcod pa na mkha'i snying po dang / 'gro ba thams cad kyi rab rib sel bar byed pa'i bden pa dang / dri ba dang lan sngon pa'i mchog rab 'byor dang / tshangs par spod pa shin tu rnam par dag pa rnams kyi mchog kun shes ko'u dir+ya dang / sbyangs pa'i yon tan dang mchog shes pa rnams kyi mchog 'od srung chen po dang / shes rab che ba rnams kyi mchog shA ri'i bu dang / mthu dang rdzu 'phrul che ba rnams kyi mchog me'u 'gal gyi bu chen po dang / lha'i mig dang ldan pa rnams kyi mchog ma 'gags pa dang / mang du thos pa rnams kyi mchog kun dga' bo dang / 'dul ba 'dzin pa rnams kyis mchog nye ba 'khor gyi bden pa dang / bdag ming 'di zhes bya ba'i lhag pa'i bsam pa rnam par dag pas/ khyed rnams kyi gnod pa la sogs pa ci yang ma byed cig/ gal te 'das par gyur na bde bar gshegs pa'i bka' las 'das pas ngan song gsum du skye bar 'gyur ro// de nas tshigs su bcad pas byed dam la sogs pa thams cad bskrad par byas ste/ nyon cig ma lus bgegs kyi tshogs// de ring bdag gis khyed mchod kyi// song shig bgeg chen 'gro bar gyis/ phyin chad de ltar ma byed cig/ khyed kyi stobs dang rtsal mthong na// khyod ni bgegs kyang byed par nus// khyod ni lha'i sprul pa ste/ khyed ni bgegs byed mi nus min// sngon chad mched sbyin ma thob pas// de ring bdag gis khyod mchod kyi// me tog 'phreng ba spos dang dri// mar me zhal zas 'di khyed la// bgegs kyi rgyal po 'gro bar gyis// sngon gyi lan chags yod na yang // mchod sbyin 'di yi bral bar gyis// dkon mchog gsum gyi bka' dag dang // dam tshig nyams pa'i nyes pa yis// gnod par gyur na ma legs kyi// bgegs chen khyed ni da song cig/ legs par gsungs pa 'di thos nas// gal te 'gro bar mi byed na// thams cad 'bar bar 'gyur ba ni// mar dang nyungs kar mer blugs bzhin// gnod sbyin chad pas bsdigs nas su// de dag bde ba mi rnyed do// de'i rtsibs logs g.yas par ni// 'bras chen dag kyang 'byung bar 'gyur// gnod sbyin nad kyi btab nas kyang // sha bkra'i nad kyi btab par 'gyur/ lcang lo can gyi pho brang du// gzhar yang 'gro bar mi 'gyur ro// lus ngan drag dang ldan pa yi/ khyim yang mthong bar mi 'gyur ro// 'byung po'i mang po tshogs nA// snyan pa thob mi 'gyur ro// gnod sbyin dag gi dkyil 'khor du// zas skom dang yang bral bar 'gyur// bden pa'i stobs ni 'di mthong nas// 'byung po gang dag mi 'gro na// de rdo rje 'chang khros nas// spyi bo dag ni 'gems par 'gyur// spu dri'i so ni rtsub mo yis// de'i lce ni gcod par 'gyur// mtshon cha shin tu rnon po yis// de yi sna dang rna ba gcod// 'khor lo spu dri'i so 'dra bas// klad pa rab tu gzhog par byed// thob lcags kyi bkris pa yi// de'i snying la rab tu 'joms// rnag dang khrag ni dron mo dag/ de'i kha nas 'bab par 'gyur// oM pad+ma ta trid ha yang gri ba hu lu hu lu hUM phaT/ bdag la sdang ba thams cad da ha da ha/ pa tsa pa tsa ku ru swA hA// zhes bya ba'i sngags kyi bgegs bskrad par bya'o// legs pa'i blo gros chu bo ni gyen la ldog kyang srid/ nyi zla ni sa la lhung yang sred/ bde bar gshegs pa'i bka' ni nam yang chus za bar mi 'gyur ro// legs pa blo gros khyod kyis gzi brjid tshad med pa'i shugs dang ldan pa zhes bya ba'i gzungs 'di/ sems can thams cad la phan pa dang bde ba'i phyir zungs shig/ ceso// de nas dge slong legs pa'i blo gros kyis/ dus de nyid yangs pa can du zhugs nas/ khyim bdag dang bram ze de dag las mchod pa'i yo byad blangs nas/ mchod sbyin gyi bya ba tshul bzhin du byas te/ mchod sbyin thams cad mu steg rgyal byed kyi tshal du bskyal lo// de nas ring po ma lon par mu stegs rgyal byed kyi tshal rtsi bas logs g.yas par 'bras phol mog du byung nas/ che'i dus byed du nye ba dang / bcom ldan 'das kyis thugs kha nas 'od zer rab tu bkye bar mdzad nas/ mu stegs de'i lus la reg pa tsam gyis nad med par gyur to// de nas mu stegs rgyal byed bcom ldan 'das la rab tu dang par gyur nas/ de nyid du rab tu byung ste mang yang dge slong gtsug gi rgyal mtshan zhes bya bar btags so// de nas legs pa'i blo gros la sogs pa'i 'khor rnams yod rangs te/ bcom ldan 'das kyis gsungs pa la mngon par bstod do// phyir ldog pa'i gzungs/ gzi brjod tshad med pa'i shugs zhes bya ba rdzogs so// rgya gar gyi mkhan po don yod rdo rje dang / bod kyi lotsA ba ba ri bas bsgyur ba'o// / rgya gar skad du/