བོད་ཡིག

e-texts produced with BDRC’s OCR application

/ rgya gar skad du/ d+hu nod ta ra pa ta la/ bod skad du// bsam gtan phyi ma rim par phye ba/ dpal rdo rje rnon po la phyag 'tshal lo// gsang sngags rgyud kyi phyogs dag la// gang gi blo ni ma zhen pa/ de de yang yang spro ba ni/ ma smras na ni mi mtsho 'am ci/ gsang sngags rgya mtsho chen po 'di// dpe dang tshad ma gtan tshigs sam// rjes lung dpag ba shes rab kyis// rtog ge 'dus pa ma yin pa'i// lung dang man ngag yang med par// gang zhig gzhag na 'jug pa de/ bskal ba dag ni rgya ru yang // sngags las dngos grub mi thob po// lung dang man ngag ma lus pa/ gang gis yongs su spangs pa dag/ grub pa med pa la la zhig/ yod dam de ni med pa mos// de bas bsang sngags bdag nyid che/ dngos grub brlabs ni mkhrig pa can// bsam yas gting ni dpag dka' ba// rtogs par nus pa smra ba'i mchog/ gal te de ltar mi shes na// tshangs pa ji ltar shes pa spros// nga yis bshad pa kyis nga la nyon// byang chub sems dang de nyid gsum// gal te shes na dngos grub snod// de dag legs par mi shes na/ khyod kyi bsaM gtan#dngos grub ci yis thob// rig sngags dang ni bsgrub pa'o// gzhan nam gzhan min ci zhig nyes// gal te gzhan na 'grub mi 'gyur// 'on te gzhan mi 'grub pa nyid// gal te gzhan med khyod grub pas// mkha' la sogs pa la song shing // de ste mya ngan brdzun tshig pas// ba glang rdzi ba ldan cing smros// mi 'ching tshong chen pha mchod kyis// yongs su bsams nas tshig smras pa/ mi brjod bdag spros gang smras pa/ gzhan yang bdag la dngos grub med rig bsgrub pa gzhan ma yin na/ dngos grub bdog pa yod dam ci// de ltar gyur na ci zhig nges// 'on kyang 'gal ba ci zhig yod// e ma'o tshangs pa chen po khyod// shin tu dri ma med pa dang / shes rab gang la nges bsams na// tshig ne la ni rnyog pa bzhin// gzhan pas khyod la dngos grub med/ gzhan min pa yi dngos grub rgyu/ gzhan yin pa las dngos grub 'gyur/ 'gro ba'i bdag po ci ltar bstan/ dngos grub thob par khas che ba/ ye shes sgron mar gyur pa khyod// ci ltar phan par bshad du gsol// bdag gis rnam par 'bad na ni// rig las gzhan pa 'am mi gzhan mini/ gzhan min mi gzhan ma yin pas/ bdag ni goms las dngos grub thob/ shes bya bla med gang yin pa'i/ ye shes de la goms thobs na/ las kyi cho ga 'di dag gis// dngos grub yod pa ci zhig smos// bzlas brjod lha yi de nyid dang // bad gi de nyid ci lta ba/ gnas rdeg gzhan la med pa ni/ mtshungs pa med par bdag gis rtogs// tshig las tshig tu 'phrogs pa las// tshangs chen mi 'chi zhes bya ba// dngos grub 'dod pa skal chen po// gtsug tor rgyud ni mnyam par byed/ de nas tshangs pa chen po ste// rdo rje gtsug gtor nyan pa la// sa yi me dag 'chab med pas/ bsam gtan gyi ni brgyan par bshad/ de nas ye shes kun rdzogs pa// rig sngags gsang sngags thams cad de// phra ba de bzhin gshegs bsungs// bsam g+hatan gyis kyang shin du brgyan// rnal 'byor tha ma kun bstan pa// sdug bsngal sdig pa sel ba ste/ phyag na rdo rje zhal nas gsungs// skye dang 'chi ba 'jig byed la/ kun tu tshug bstan pa'i tshe/ 'di dang pha rol byed par gnas/ dkyil 'khor chen po la sogs 'byung // 'dod pa'i don ni rjes su bsgrub// tshe gang dang gang dag gis// bsam gtan lnga gnas pa yi// de bzhin gshegs la phyag 'tshal nas// de dag ma lus bshad par bya// gsang sngags bsam gtan zhes bya ba/ mchog tu bsang ba yang dag gsung// drang srong dka' 'thub chen po yang // de dag med na mi 'grub bo// gsang sngags rnal 'byor can rnams kyis/ gsang masngags bzlas brjod me 'bar ba// skye dang 'chi ba 'jig byed pa// rdo rje can gyis sngon gsungs so// de bas de 'di gsang sngags kyi// bsam gtan tshim bya med dag la// dngos grub 'dod pa dag gis ni// rtag tu rgyun du sbyar bar bya// lha yi sku yi gnas de la// dang po kho nar mtshe nas ni// rnal 'byor gnas bcas shes rab can// bde bshegs mdun du bsams nas ni/ phyi nas yan lag rnams grol ba// mi 'jed 'byed par rnam par spang // phra ba mi g.yo gsal ba ste// blo yi spyod pa mdun na gnas/ bdag nyid 'drar bzhag nas ni// sngags kyi rnam par shes pas bsgom// rngams nas ting nge 'dzin la gnas/ srog dang rtsol ba rab tu sngags// bskrad dang sems gla zhi la gzhol// gsang sngags mi 'gyur gzhi la gnas// yan lag ma nyams gsang sngags bzlas/ ngal na bdag la ngal sos shig/ mi 'gyur ba dang yi ger ldan// gzhi las gzhir 'gyur de bzhin te// rang sngags phyir ni gang brtags pa/ yid kyi dag pa bsam par bya// spyad bsdad pa yis bkug nas ni// srog dang brtsol/ ba bsdams pa yi// gsang sngags rig sngags spang la sbyor/ yid kyi bzlas brjod brtsam par bya/ 'di nyid kyi ni cho ga yis/ yang na shu bur bya yang rung // sngags rigs dngos grub 'dod pa yis// bzlas brjod gzhan du mi bya'o// rigs sngags de nyid ma lus dang // bdag gi de nyid cho ga dang // bzlas brjod de nyid mchog shes na// mi'i ni dngos grub thob par 'gyur/ dben pa'i skyed mod tshal dang dogs// phugs dang ri bo nags tshal du// brtul shugs gnas sam sdoms pa yis// sngags pa bsam gtan byed cing gnas// gsang sngags me gnas dasos grub ster// sgra nas rnal 'byor shar bar dran// sgra mthar thar pa ster ba nyid/ 'di dag de nyid gsum pa yin// ma byed las byung dngos po rnams// blo can gyis ni bdag la bsngags/ sngags pa yan lag 'das pa gnas/ zhen pa med par bsam gtan bya// sgra zhes bya ba phreng bar sbyor/ yi ge brkus pa mi 'gyur rnams// dril bu'i sgra bzhin ma chad par/ yid la zhen par sems pa ni// me'i gang gnas zhi ba ste// tshigs rnams dag yang dag ldan// srog dang rtsol ba bkag pa'i bdag/ gnyid spangs nas ni rnam par bsam// snying khar gnas pa phra ba ni// dri med zla ba'i dkyil 'khor de// de nang rab tu zhi ba yi// me lce rab tu 'od bza' ba// mi 'gyur bzhi ni der bzhag nas// / bde bar 'dug nas sgra bas ma 'am/ mi 'gyur ba la yi ge bzhag/ sgra nyid 'ba' zhig bsam par bya/ sgra la dmigs pa'i bsam btan ni/ 'bar zhig byas pa nyid kyis kyang // dngos po kun tu gnas pa'i dpal/ bsgrub pa'i skyes bus 'thob par 'gyur/ lhar bcas yan lag gyur par snang // sgra zhes bya dang yid kyi dang // tshig rnams dag pa rig sngags dbang / yan lag spangs brgyal bas mkhyen/ sder bsdus dka' thub bsam gtan dang / blo rtso la cho ga'i bya ba dang / rnam par shes pa sna tshogs pa'i/ sngags bsam@#pa re shig lhos byas pa/ dka' thub blo dang ldan par// chos spyod brtul shugs mchog ldan pa/ ltos byas pa ni yul las grol/ yan lag snang ba nan tan bya// der yang brtul zhug byas nas ni/ dgos pa 'jig rten smad pa yi// bsam gcig pu rab pad ma gnas/ blo gros zhing bstan pas mi spyad// khu bi bshad cig dag dang ni/ 'bags dang ni rgyu ba'ang // dgos pa yi ni gzugs kyis kyang // bden drags cod spung brtsam par bya/ srang dang khron pa lu ma dang / grong dang gnas lhas thang la yang // lus ngag yid kyi sa spangs pa ni// sems can gnod pa kun mi spyad/ bsam gtan dang ni bzlas brjod dang // gsang sngags bsgrub par bya/ ba dang // sbyin bsreg dbang bskur thams cad dang // lus kyi bya ba rnams la yang // brtul shugs gsungs/ gang yin pa// de yi gnas dang mig rnams kyang // sngon/ gyi bdag nyid 'ba' zhig la/ mthu chen rdo rje 'dzin gyi lhas// rab tu gsang ba sngags pa yin/ nyid 'gyur mngon du phyogs pa dang // gsang sngags ster bar 'gyur ba dang // gzhan du phyogs pa gang yin pa/ de kun tshangs pa khyod la bshad/ gsang sngags la sogs dang ldan pa'i/ rig su/ / khro bo mang po kun/ rgyal ba'i sku la mngon phyogs par/ bsam gtan don phyir rtag tu gnas// dus gsum du ni phra mo 'di/ gsang sngags bsgrub la brtun pa yin/ tshal ba rtag tu rig bya ba/ yan lag bcu'i/ cho ga'i las// ma dad pa dang snyom pa dang / bkres skom zil non de bzhin te/ skom dang yid kyi gdung ba dang / las la the tshom bya ba dang // bzlas brjod bsam gtan mi zhen dang // bsdams pa dang ni gshig pa dang // cal col gtam la rab tu dad/ mi bya ba las 'jug pa dang // log 'dren gyis ni rlabs pa dang // rmi lam ngan pa rnams kyang mthong // sems can dag la gnod byed dang // lha rnams la ni smod byed dang // bsgrub pa po yi cho ga la// gang tshe 'di dag byed pa na/ rtag tu 'che ba 'byung bar 'gyur// gsang sngags de la gzhan du phyogs// gang zhig zhi bar 'dug pa dang // sgra yi do bar bsgrub par dang // de tshe sngags pa gsang sngags la/ nye bar gyur cing mngon du phyogs// lha dang lha min sems can ni/ dbang phyug shes pa 'jug pa rnams/ mthong na zhi ba skyed 'gyur ba// de ni mngon 'gyur ba ste/ rgyal po dang ni phyug po dang // skyes pa bud med dge ba rnams// dbang du 'gyur zhing mngon du phyogs// bus mo btsugs shing spyi bos 'dud// de la shes pa'ang skye bar 'gyur/ ma thos pa'ang shes pa'ang shes par 'gyur// skacig dag la lus la ni/ bar bar me bzhin 'bar bar 'gyur// glu dang sil snyan sgra rnams dang / lha rnams kyis ni bsgrags pa dang // lha mngon phyogs pa'i sngags pa yis// de dag rtag tu thos par 'gyur/ bsang sngags lha rnams mngon mchogs pa'i// bsgrub pa la ni mthun chen gyi// blo can bka' thub 'grub pa yis// kun tu zhen par rtag tu bya/ mngon du phyogs pa'i gnas thob na/ na mkhar rgyu ba'i 'gro bar gnas// dbang phyug mang po rtag 'gyur yang // gang zhig ma myos des sngags rigs// gsang sngags 'bras bu ma lus pa/ ye sheg dbang phyug rgyan pa yang // des myos gnas ni chog tu 'gro// rang gi mthu ye shes las gsal// rdo rje can gyi gsang ba'i mchog/ tshangs pa skyon med gang yin te/ gang zhig thos nas dper 'gyur ba/ yongasu rdzogs pa'i sangs rgyas bzhin/ spro zhing stobs dang ldan pa na// bzlas brjod bka' thub gsam gtan med// gsang sngags rang bzhin me yis ni// sdig pa thams cad bsreg par bya/ gnas dang zas dang grangs pa dang / char char dang rlung dang tsha ba la// ci mi snyan par nam gyur na/ de tshe las dang 'bras bu des// sgra 'am yang na gzugs la yang // gang brtson pa ni mi rmongs pa// nye bar gyur par de shes bya// bka' thub can gyi gnod pa spangs// gang zhig mthong ba tsam gyis ni// sems can thams cad byams gyur pa// de ni dngos grub nye bar 'gyur// bgegs rnams thams cad rnam par spangs// bde ba dang ni sdug bsngal mtha'/ 'dod dang khro dang 'jigs pa dang // nad dang 'chi dang gnod dag gi/ rgyu ni sngags pa rnams la yod// nam zhig nye bar gyur pa na/ dus dang lus dang bya dang las// chos dang chos min 'bras bu la// de tshe sngags la mi ltos so// rig sngags nye 'gyur 'dod pa dang // grub pa/ dang ni de bzhin mchog/ nyes pa stong dag byas pa yang // bzod par 'gyur ba dog bsal med// rigs byung rdzas byung dngos grub dang // sman gyi yang ni lus can la// nye bar gyur dang sngag grub pa// dbang du gyur par rtag par ro// bsam gtan phyi mo'i rim pa phye ba rdzogs s+ho// / dge'o// bsam gtan phyi ma 'di ni de lta bu'i bsgrub pa byed pa la bzlas brjod dang bsam gtan gyi rnal 'byor dgos pas bzlas brjod dang bsam gtan spyir bstan pa yin// 'di bya ba'i rgyud rdo rje gtsug tor gyi phyogro gcig ma rgyud phyi ma lta bur mngon// kha cig bas gtan phyi ma dang // gsang ba spyi rgyud gnyis rnam 'byor rgyud du 'chad do// po ti 'di la gshin rje bshed phra khog slang dang dam tshig gsum bkod pa'i rgyal po dang / de bzhin gshegs pa thams cad kyi khro bo'i rgyal po mi g.yo ba de'i stobs dpag tu med pa brtul phod par 'dul ba zhes bya ba'i rtog pa dang / gos sngon can gyi rgyud rdo rje sa 'og dang // dpung bzang dang // gsang ba spyi rgyud dang / legs par grub pa'i rgyud dang / bsam gtan phyi ma'i rgyud rnams bzhugs pa yin no// leg grub kyis dbang gis rgyud smin nas bsgrub thabs/ 'jug par byed pa bsgrub thabs spri'i cho ga bstan/ gsang ba spri rgyud kyis khyad par spyod pa dang / bya rgyud kyi dkyil 'khor sum stong lnga brgya'i spyi'i dbang chog bstano// dpung bzang gis bya rgyud spyi'i spyod pa tshang zhing gsal la ma nor bar bsten no// 'dir bris pa'i rdo rje sa 'og gi rgyud la sngags btu la sogs pa'i thad nas the tshom gyi gzhi bag re snang bas dpyad dgos pa yod do// kha cig 'dir bris pa'i mi g.yo ba'i rgyud dang / dam tshig gsum bkod dang // phra khog slang rnams bya rgyud yin gyi/ spyod rgyud ma yin par 'dod pa ni rig pa ma yin te/ de lta na spyod pa'i rgyud mi skyed par 'gyur ba'i phyir dang // rgyud rnams las kyang spyod rgyud du 'chad ba'i rgyu mtshan gsal bar mthong ba'i phyir ro// maM b+ha la b+ha wan+ta b+hI d+ho/ zhus dag go//