བོད་ཡིག

e-texts produced with BDRC’s OCR application

@#/ rgya gar skad du/ A ra su pa hu ba ri pri ta tshin tan tra na ma/ bod skad du/ 'phags pa dpung bzangs kyis zhus pa'i rgyud ces bya ba/ thams cad mkhyen pa la phyag 'tshal lo// gnod sbyin bdag po nyi ma stong gi gzi// thugs rje brtser gzigs yid gyur zhugs pa la// dpung bzangs gus pas tshul bzhin phyag 'tshal nas// rigs dang gsang sngags tsho gas kun 'grub par zhus// bdag gis sa stengs mi rnams zlas brjod dang // bskang dang dka' thub nges par sprad rnaMs kyis rab tu sgrims kyang grub par ma mthong na// yab cig ci slad dka' thub don ma mchis// gtso bo gzi brjid gzi 'od me lta bu// khyod kyis sdig 'joms dag byed rnams kyi mchog/ bden pa gsung gi rab tu bka' stsal na// ji ltar sngags rnams 'bras bu ma mchis 'gyur// rab dang 'bring dang de bzhin tha ma rnams// bsgrubs kyang gsang sngags 'bras bu mi stsol na// bsnyen bas ci ste cung zad sgrub med na// bsgrub pa nyon mongs kho na ci rung lags// rgyal bas ye shes zhi ba gang yin pa// de yis 'di dag gos par sngon gsungs na// gang la sngags dang rig pa grub med pa// de dag rnams kyang gso bar bgyi// thugs rje ldan pas 'gro la sman slad du// khyod kyis gsang sngags sna tshogs bshad pa rnams// de dag zlas brjod sbyin bsreg rnams zhugs dang // bsnyen la sogs pam grub ci las gyur// cho ga nyams sam mthu ma mchis// dus kyi rang bzhin las sam sdig pas sgribs// gzhan sngags gzhan du gyur tam mchod las gyur// thams cad ma lus bcom ldan 'das kyis gsungs// sras kyi tshig de gsan par gsan gyur nas// yud tsam dgongs te dkyus ring spyan phye ste// phyag ni rdo rje mo ltar gsor 'phro ba// gsor nas rdo rje can gyis 'di skad gsungs// e ma ho zla ba'i 'od ltar lham me ba'i// snying rjes sems can kun la phan phyir khyod 'dra ba// shin tu dri ma med pa'i sems 'di yis bde gshegs dag pa pha rol phyin par 'gyur// byang chub sems dpa' rang gi bde ba chags// rang gi sdug bsngal rnams kyis mi brjed kyi// gzhan gyi sdug bsngal rnams kyis sdug bsngal te// de dag bde bas dga' ba ldan gyur pa// bu khyod rang bzhin bzang po 'di lta bus// gang phyir sems can don phyir 'di dris pa// de phyir myur du rtse gcig yid byos shig/ gsang sngags mdo sde'i tshul dras bshad nyon// gsang sngags zlas brjod ngas gsungs pa// de yi brtul zhags dang por ngas bshad do// de yis bde gshegs la dang bskyed nA/ de bzhin du ni byang chub sems kyang bskyed// ser sna rgyags dang dregs pa rnams spangs te// dkon mchog gsum la dad pas bsnyen bkur bya// rdo rje rigs zhes brjod pa rgya chen dang // nga la yang ni dad cing dga' bar bya// tshig rtsub phra ma 'khyal pa smra ba dang // gzhan gyi bud med bgro dang brdzun sgra dang // rku dang gzhan gyi srog gcod gnod byed dang // chang dang byed pa rtag tu spang bar bya// rmongs pa gang gis lus dang ngag gis ni// de bzhin yid kyis bsod nams gang byis kyang // tha~Md log par lta bas bcom pas na// de yi rnam smin mi 'dod 'bras bur 'gyur// dper na sa dang chu dang nus ldan yang // sa bon tshigs pas myu gu mi bskyed ltar// de bzhin mi shes log ltas bcom pa yi// de la dge dang chos rnams mi skye'o// de phyir log par lta ba rnam spangs la// yad dag lta ba la ni bsten par gyis// rtag tu sems ni dge ba bcu dag gis// chos kyi lam la gnas par byas na legs// lho dang lha min sha za khrag 'thung ba'i// mtshan mo rgyu ba mi bzad 'jig rten na// sems can rnams la gnod pa byed cing rgya// zlas brjod brtson pa'i sems ni g.yeng bar byed// de dag rnams kyi gnyen por gyur pa'i phyir// nga yis gsang sngags rig pa'i tshogs mthong na// skrag par byed do snyam du dgongs bskyed pa// de/ phyir zlos pa'i sems ni g.yeng bar byed// de phyir gnod byed de dag gzhom pa dang // bdag nyid 'byor par bya phyir sa gsungs pa'i// dkyil 'khor lha dang lha min gnas gyur pa/ dam tshig ji bzhin gsod nams don du lta// sna tshogs pa yi gdon rnams gnas pa la// gang zhig rnam pa sna tshogs las byed pa'i// dkyil 'khor der ni gnod sbyin gzhom pa'i phyir// mi yis rab tu sgrims te 'jug par bya// gang yang rig pa mchog tu gsungs pa dang // khro bo'i dkyil 'khor du yang 'jug par bya// der ni dam tshigos sna tshogs ngas bshad pa'i// sdig pa bsal phyir blta bar bya// rdo rje rig gtso bo nya ma'i tshogs// rig pa mang pos rten pa'i lha mo ste// zlos pa mthong na bgegs rnams phung ba dang // rngam pa 'thon cing shin tu skrag par 'gyur// ji lta ji ltar dkyil 'khor mthong ba dang // de lta de ltar rdo rje'i rigs bsten dang // rig pa'i tshogs la bsten pa'i bsod nams kyis// de'i lus la byin brlabs ma lus 'jug/ ma tshugs rdo rje'i bdag nyid des mthong dang // sa phyogs rdo'i me 'bar de shes nas// lha klu lha min gnod sbyin grub pa rnams// zlas brjod byed pas skrag nas 'byor par 'gyur// nga'i dam tshig mthong ba'i bu dag gis// 'jig rten 'di dang 'jig rten 'das pa yi// gsang sngags de ni ma sgribs bzhin du 'grub// bgegs rnams thams cad brlag par byed par 'gyur// rigs dam tshig ma mthong snying rje med// de bzhin byang chub sems ni ma bskyed cing / sangs rgyas ma dad lha gzhan la rten pas// nga'i gsang sngags zlas na phung bar 'gyur// bsam pa zhan cing nyams kyis mi lcogs par// dkyil 'khor de kun blta bar mi nus na'ang // de las gang yang rung ba'i dkyil 'khor ni// gcig tsam zhig kyang dad pas mthong gyur na// gnod sbyin tshogs dang mtshan mo rgyu ba dang // sa bla'i gdon rnams kun dang klu dag dang // lha la sogs dang bgegs dang log 'dren dang // brtul zhugs gnas pa de la glags mi lta// dper na me tog thams cad sa dag la// rten nas skyon med par ni skye ba ltar// de ltar tshul khrims brtan chos dkar mchog/ snying rje'i chus brlan pas ni rnam par skye// rgyal bas nges gsungs so sor thar pa yiHtshul khrims rnam dag 'dul ba ma lus las// sngags pa khyim pas rtags dang cho ga spang // lhag ma rnams ni nyams su blang bar bya// de ltar sdig pa'i rnam rnam grol nas/ bde bar gshegs pas legs par gsung gyur pa// zlos pas skyon mdo sde bklag par bya// gtsang zhing bde ba'i sa yi phyogasu ni// 'jim pa 'am ni bye ma las byas pa'i// bde gsheg mchod rten rten 'brel snying po can// sdig pa spang phyir rtag tu gdab par bya// ring bsrel can gyi gzugs sam mchod rten la// bstod cing dri dang mar me 'bul// gdugs dang rgyal mtshan ba dan rol mo dang // mchog tu dang pa'i sa ni mchod par bya// nam yang 'khor lo gcig pa'i shing rta ni// rta dang ldan yang lam du mi 'gro ltar// de bzhin sgrub pa pos ni grogs med naHlus can dngos grub thob par mi 'gyur ro// de ni blo ldan gzugs bzang gtsang sbra che// rigs ni btsun zhing chos la gzhol ba dang // spobs pa che zhing dpa'i la dbang po thul/ snyan par smra zhing sprin pong snying rje can// bkres dang skom dang nyon mongs bzod pa dang // bram ze dag dang lha gzhan mchod mi byed// sbyin cing bzol byas pa shes bzo dang // dkon mchog gsum lo dad pa'i grogs po yin// de lta'i yon tan ma lus ldan pa dag/ brtsod pa'i dus su shin tu dkon pas na// yon tan phyed dam bzhi'am brgyad cha can// de lta bu dag sngags pa'i grogs su bsten// 'phags pa dpung bzangs kyis zhes pa'i le'u ste dang po'o// // rang sangs rgyas dang bde gshegs nyid skyes dang // rgyal ba sngon chad gang na bzhugs pa'i// gnas pa'i bsod nams ldan zhing yid dga' ba// lha dang lha min sogs pas phyag 'tshal ba// gso sbyong sdom pa dang ni ldan pa yin// bdag nyid dga' bar bya phyir bsnyen bya ba// de lta bu dag ma rnyed gzhan yang ni// chu bo chu klung 'bab chu yod pa dang // pad ma ud pa las ni brgyan po'i mtsho// skye bo rnams kyang shin tu mi rgyab dang ning zhi ba'i chu ni mang ba dang // mi bzad gdon rnams kyang ni mi gnas pa// me tog 'bras bu tsa ba yod pa dang // sman ljongs shing sna tshogs pa khris ba dang // sa stengs gnas mal shin tu gtsang ba dang // gang na stag gzig seng ge med pa dang // yid 'ong mnyam shing tsher ma med pa dag/ mi yi dngos grub gnas su bsgrags pa yin// grog po grog 'thar thal ba ska shad dang // nyal nyil so bag tsa sgo bcog can spang // der ni tsha rko sbyangs nas gnas brtsigs pa// dro la bzang zhing 'jim pa zhal zhal bya// shar ram byang ngam nub tu sgo gtod cing // lho phyogs su ni sgo dag mi bstod cing // dri gtsang khang pa de yi phyogs gcig tu// rgyal ba lam mchog rnam par ston pa yi// ras kyi sku gzugs las phyir brtan par btags// yang na shing gzugs legs par mchod phyir bzhag/ tha ga pas tags 'jam pa snyoms dang // thag zang de bzhin skra shad med pa dang // khaM lag che zhing ma nyams kha tshar bcas// ras kyi sku gzugs mi la dngos grub ster// gtsang ma spros kyis btab pa de la ni// tshon rtsi sbyin med snodand gsar blugs pa yis// khrus byas gtsang la sbyor ldan ba'i mi// mkhas pas ba gleng spu yis bri bar bya// phreng ba bdug spos mar me lha bshes dang // byug pa dag gis sku gzugs cher mchod de// nub phyogs zhal bstan mi g.yo bstan par btags// de yi spyan sngar dngos grub brtsam par bya// gtsug bud bzhag nas sgra ni bregs nas su// 'byung khungs thams cad gos kyi kha dog bsgyur// gos dkar dag gam shing lo 'am gso ma 'am// zar mo'i shing shan dag gis gos bgo'o// sa 'am lcags sam 'jim pa las byas pa// dbyibs ni legs shing mi rtsub 'jam pa dang // ma chag bzlas shing ma gas rma med pa// hacang mi nye cad mi ring la// bza' btung mod cing rmangs rigs mang ba dang // 'gron la mchod byed legs par gnas pa'i grong // bram ze'i phyi rol skye bo med par bsten// nga rgyal gyis ni non pa'i bri ze rnams// rigs kyis rlom shing snying rje mi ldan pa// de dag bde bar gshegs pa'i mchod rten la// mchod pa mthong na bgegs kyang byed par 'gyur// bram ze sangs rgyas pa la ji ltar dman// rmad las bram ze dag las rmangs rigs rnams// bsnyen bkur dang ni mchod pa 'byung ba na// rmangs rigs kyis kyang gsang sngags ji ltar zlas// lha des 'gron mchod pas dang las drug dang // rgyal po dang ni me lha bsten pa dang // bu ni don dang 'gro bar bya ba dag/ bram ze rnams kyis nges par grub pa yin// rgyal rigs rje rigs rnams kyang rang gi las/ grub pas 'di las the tshom ma byed ces// brdzun du smra ba sna tshogs skyon dag gis// bdag dang gzhan gyis sems ni bsreg par byed// yan lag brgyad lam gnas pas rtag tu ni/ nyi ma phyed 'tshams tshun chad blangs par bya// bram ze'i dus ni phyi dro yin pas na// de phyir bram ze'i khyim du 'gro mi bya// dog dang mi dog shes la bzung na ni/ bram ze rmongs rig dag las khyad par med// 'on kyang 'gro ba'i blo ni bram ze dang // 'di ni rmangs rig yin zhes btags par zad// bden pa'i lam dmigs dge ba'i rjes 'brang na/ rma dus rigs dag kyang rga shi me bar 'gro/ log pa'i lam zhugs nyes par spyod ldan na// bram ze gang yin mi bzad dmyal bar ltung // lus can shin tu dri ma ldan pa dag/ 'di ni gzhan gyi dag lnga mi 'gyur te/ po rnam par bsal ba dang // bsod nams ma lus yongasu bzung bas 'dag/ dper na rma ni gso dang bu'i phyir// nad pa dag la sman ni sbyin pa ltar// de bzhin 'dir yang bkres pa'i sdug bsngal dag/ bsal phyir rgyal bas kha zas bza' bar gsungs// la la lam gyis dub cing 'gro ba'i tshe// bkres skom gdungs pas rang gi bu'i sha/ za bzhin du ni rnal 'byor sems dman zhing tshe dang rgyags phyir bza' bar mi bya'o// mang du blugs na rtsol med mthong ba dang // de bzhin nyung du dma' na dma' 'gyur la// ran pas skra cig mnyam par 'gro ba ltar// lus can kha zas de ltar bza' bar bya// dper na khang rnying mi zhig bya ba'i phyir// mi yis ka ba brtan po 'dzugs pa ltar// de bzhin lus kyi 'khrul 'khor gnas pa dang // shing rta'i mig bsku bzhin du kha zas bza'o// 'dod pa'i khams ni kha zas kyis gnas zhes// rgyal bas chos gcig tu ni bka' stsal bas// lus ni chu shing bzhin du rig bya ste// sems ni bza' btung sogs la chags mi bya// dbang po drag po yul la 'phro ba dag/ bde gshegs gsungs pa'i shes pas bsrang bar bya// lhung zed de dag lag na thogs nas su// gnya' shing gang tsam blta zhing bsod snyoms spod// 'dzum zhing 'gro la smra zhing zur mig can// yan lag thams cad yid 'phrog byed pa'i gzugs// bud med gzugs mtshon cha 'debs 'dra bas// skyes pa'i sems dge mngon sumi 'phrog par byed// lcags kyi mthong lcags rab tu 'bar ba yis// mig na rnam par bkab pa ches yi mthong na dran pa nyams byed bud med kyi// dkyus ring mig can bzhin ni ma mthong sla// gang du dga' bar 'gro zhing 'dzin med la// sems kyi sems ni 'dul bzhin du// rab dang 'bring la sogs pa spangs nas su// mi smra bar ni gzhan gyi khyim du 'gro// gang na ba gzhon be'u phru gu chung ba dang // nang na skyes bu chang ni 'thung ba dang // gang na skye bu mo gzhon nu bsten rtse ba dang // gang na skye bo mang po 'du ba dang / de bzhin gang na rol mo byed pa rnams// der ni skyes bu nam yang 'gro mi bya// bsod snyoms ci snyed khyer te 'ongs nas kyang // dang be ji ltar bde bar bgo bar bya// rkang bkrus blo bur ba la byin nas su// lus bsrung phyir ni kha zas bza' bar bya/ dus gsu zos nas gsum khrus byas te// phreng ba mar me bdag pa spos dang dri// sha chang med pa'i lha bshos phul nas su// ku shi'i khris la 'dug nas bzlas brjod bya// bdag baM byug spos la sogs ma rnyed na// dri zhim me tog la sogs dbul bar bya// smra ba a dga' bil ba 'bri ha tha// ku sha ting yid du mi 'ong // 'greng dang 'dug dang ma log nyal ba dang // 'gro 'phres zas log zlas rjod byed pa na// rjes su dran drag so so'i yon tan dang // rig par bcas te rjes su dran par bya// 'phags pa dpung bzang gis zhus pa'i le'u ste gnyis pa'o// / 'dod chags la sogs nyon mongs tshogs ldan pa'i// sems ni 'khor ba yin par kun tu brjod/ nyon mongs rnam grol shel dang zla 'dra ba// srid pa'i rgya mtsho'i mthar ni yongs su bsgrags// dper na dri med chu ni snga la sogs kyis// skra cig tu yang rnyog pa byed pa ltar// de bzhin rnam dag dri ma med pa'i sems// 'dod chags la sogs sems kyis rnyog par 'gyur// be de tse dang dang shel ru rag sha/ lung dang pad ma'i snying po zha de zangs// 'khar ba'i bgrang phreng brgya ni rtsa brgyad pa// de dag las ni bgrang phreng gcig blangs te/ de ni lag pa g.yas pas bzung bar bya// lag pa g.yon pas bsgrims te mi 'khrul bzung / tshar rer phyin cing re re nas// sngags pa yis ni rim bzhin bgrang bar bya// dug nas dbang po yang dag bsdam pa dang // lus ni drang zhing brtan par bzhag nasu// phyis ni ma mchu shin tu mdzes par yang // bskul zhing gsang sngags ci dgar zlas brjod bya// sems ni glog dang spre'u rlung dang mtshungs// rgya mtsho chen po la ni rlabs dang 'dra// sgyu can 'dod dgur yul la mngon dga' ba// g.yo zhing 'phyan pas nges par 'dul bar bya// gang tshe zlos 'ga'i sems ni zhi ba la// bsten pas nyid kyis dran pa rmongs gyur na langs nas bcag cing phyogasu blta ba dang // chu yis gdod yang yongasu bkru bar bya// las kyi dbang gyur bdag po med pa dang // mgon rten med tshe rabs gcig na gcig/ lus kyi kha rgyad gcig nas gcig 'gro ba// de yi rjes su dge dang mi dge 'brang // tshong dang 'dza' bshes dang ni rnam par 'bral// mi sdug pa dang phrad cing 'dod pas gdung ngan pa skye rga 'chi ba'i sdug bsngal can// yul rnams kun tu song na'ang med pa yin// sha sbrang tsha dang bkres dang ngal la sogs// gang du song yang sdug bsngal nyid yin pa yul la mngon dga'i sems ni byung ba na// rnam rtog 'di dag rnams kyis ldog par bya// 'dod chags shas che mi gtsang sha tshil dang // lpag ba keng rung lta bas rnam par ldeg/ byams dang snying rje'i chus gdab zhe sdang la// gti mug la ni rten 'brel lam gyis so// re shig zhig na dgra yang 'dza' bor 'gyur// 'dza' bo nyid kyang dgrar ni 'gyur ba nyid// de bzhin kha cig kyang ni bar mar 'gyur// bar ma de nyid kyang ni dgra bor 'gyur// da ltar 'dza' ba shes 'gyur bar rig par bya// blo gros ldan pas nam yang tshugs mi bya// gnyen la dga' ba'i rnam rtog dag/ ldog nas dge ba ci bde bzhag par bya'o// dang por zlos nas zlas brjod zin bar du// bram ze rgyal rig rje'u rigs zhing pa dang // bud med ma ning khye'u bu mo dang // sngags 'chang nam yang smra bar mi bya'o// ci ste dgos pa yod na sngags g.yog dang // zlas brjod zin nas cung zad smra bar bya// smras nas pa gshang lci bor nas su// chu yi nang du zhugs nas khrus kyang bya// tshul khrims brtson 'grus dka' thub byas pa yi// dge ba de dag bla na med pa yi// sangs rgyas byang chub bla med mchod tu bsngo// dper na klung rgya mtsho re phyin pa na// lan tshwa'i ror ni gcig tu 'gyur ba yin// de ltar bla med byang chub bsngos pa yi// bsod nams rgyal ba'i tog dri bstod mar me phul ba dang / ror ni gcig tu 'gyur// dper na skyes bu la las 'bras bu'i phyir// sa lu bskyed kyi sog ma'i phyir min yang // sa lu rnyed nas bsgrims pa med par ni// sog ma'i phung po zhar la 'byung ba bzhin// de bzhin byang chub 'bras bu 'dod pa'i phyir// bsod nams bsgrub kyi longs spong phyir min yang // sogs ma'i phung po dag dang mtshungs par ni// ma sgrims bzhin du mi'i long spyod 'grub// tshe ring bar ni legs par thob pa dang // chos bzhin bsgribs pa'i yu dag rnyed pa 'am// skye bo med da par 'gyur zhing 'gro ba yi// bsam pa rnams ni rtag tu rdzogs par bya// grags dang ma grags rnyed dang ma rnyed dang // bde dang sdug bsngal de bzhin bstod smad dang // sems kyis 'jig rten chos rnams rab bcom ste// sdig pa'i gnas su 'gyur pa spang bar bya// dper na rgya mtsho ska cig tsam yang ni// mi'i ro dang lhan cig mi gnas ltar// de bzhin rnam rtog sems kyis sdig byas pa// sngags pas ska cig tsam yang gnas mi bya// dper na rlung med khang pa'i nang du ni// mar mi btsugs pa mi g.yo 'bar ba ltar// rtse gcig sems kyis zlos pa mngon dga' ba'i// yul la chos kyang de bzhin 'bar bar 'gyur// stangs dang 'chongs pa dang ni gar byed// glu len rnga brdung skye bos 'phyas 'gyur dang // lhag pa'i nga rgyal 'drid dang chen dang // rgyan po dang ni 'dus pa blta 'dod dang / dus min sgra dang mi 'gro ba smra ba dang // bstan bcos ngan dang snyan ngags klog 'dod dang // chags dang tshig dang dregs dang rgyags pa dang // zhe la 'dzin dang le lo g.yo sgyu spang // sha chang ke'u tsong dang sgog rtog dang // 'bru mar til dang la phug su ra na// 'byung po'i zas dang lha bshos gtor ma dang // gu lang mchod byas gtor ma mi bza'o// ngas ni sngags pa kha zas dkar gsum dang // rtsa ba sdong bu 'bras bu tshod ma dang // zho dang nas dang 'o ma mar dag dang // 'bru mar tshigs ma dar ba 'ol kon dang // thug pa rnams ni bza' btung yin par gsungs// sha za srin po dag dang gnon po dang // ro langs dang ni 'jigs pa bsgrub pa dang // lha min bu mo 'khrul 'khor 'joms pa'i che// 'bru mar tshigs ma'i bza' ba mchog tu bsngags// de ltar bzlas brjod byed pa'i sgrub pa pos// nyin gcig bzhin du byas nas zlos pa ni// phul nas cho ga bzhin du gshegasu gsol// nub mo ku sha bting nas nyal bar bya// byams dang snying rje btang snyoms ldan pa dang // bde gshegs chos dang dge 'dun dran byas te// sha ri'i bu dang ngal thal sbar 'dud nas nyal// de ltar sngags pas sdig pa mtha' dag zad par bya// 'phags pa dpung bzangs kyis zhus pa'i lu'u ste// gsum pa'o// // sgrub pa pos ni nges par bcad pa yi// rdo rje gang yin de dag bshad par bya// sor bcu bcu gnyis bcu drug brgyad pa ste// mchog gi tshad ni sor yung nyi shu'o// gser gyi rdo rje rig 'dzin nyid dang ni// sa rnams thob par bya phyir rab tu shis// rgyal po'i dngul gyi mchog yin te/ zangs kyi rin chen 'byung ba klu sgrub la// lha min dbang po'i 'khrul 'khor gzhig pa dang // phug tu 'gro la rdo'i rdo rje'o// don kun bsgrub pa la ni lcags gsum gyi// gnod sbyin sde gzhom ba la lcags kyi'o// gdon go zhim la ni seng ldeng dpal dang che// nad med nor rdzas la ni bil ba'o// gnod sbyin sgrub pa la ni ma hA'i shing // gsal shing rtse me'i dgra rnams bo zhig pa la// mi rnams bsad pa la ni mi rus kyi// shel las byas pa'i mig 'phral chen po la// dbye phyir nim pa las byas rab tu shis// bsad cing skams pa ru ra'i shing // sha za sgrub pa la yang rtag tu shis// lha dang gnod sbyin dri za sgrub pa la// sgron shing las ni byas pa'i rdo rje'o// ci ste klu ni dbang du byed pa na// de tshe klu shing rtsa ba las byas pa'o// gzugs bsgyur ba la sa las byas pa ste// ro langs sgrub pa la ni ka dam pa'i// pu na ka dang rA dza arga dang // a shad shing gi rdo rje nor gyi phyir// bla ba a mra sho la rna pa// a rdza la sogs pa las byas pa dag/ mi rnams g.yul las rgyal bar byi phyir ro// yid du 'ong ba'i 'dod pa thob par bya ba'i phyir// tsan dan dkar dkar po dang ni dmar po ste// dbyibs legs 'jal zhing ma nyams rma med pa'i// rdo rje/ rtse lnga sra ba bcad par bya// dang po zlos che de ni thogs nas su// zlas bzod zin nas myur ba kho na ru// dang pa'i sems kyis phyag byas dri sogs kyis// mchod nas rdo rje rgyal ba'i zhabs drang bzhag/ nga'i rigs kyi gsang sngags sgrub pa pos// rdo rje med na 'grub par mi 'gyur ro// de las ci kyang rnyed par ma gyur na// khu tshur bcas la rtse gcig sems kyis zlas// ldong ros gI wa nga la ral gri an dza na// spangs ma bla gsang li khri yugs snags tsag/ mar dang sha dag 'khor lo mdung thung dang // lpags/ ba go cha mdang ni rtse gsum pa// rdzas ni bcu bdun bsgrags pa de rnams kyis// grub pa rnam pa gsum rnams thob par byed// rang sngags cho gar bshad pa gang // der yang grub pa rnam pa gsum du mthong // bgegs dang log 'dren grub par mi dga' gi/ rig pa'i tshogs rnams kyi mdun nas rgya// rig 'dzin brtson pa'i bdag nyid can dag la rnam pa sna tshogs skabs tshol zhing rgyu// bgegs kyi rigs ni rnam pa bzhi yod de// sa'i steng na 'khod pa'i bgegs rnams ni// rnam par 'jig dang kha dang ni'u le dang / de bzhin so gcig pa dang rigs rnams bzhi// dbyen te las 'phros mtha' yas so// sa stengs 'jig rten skong bzhi gang yin pa// de dag g.yog 'khor med pa yin// de'i g.yog 'khor bye ba phrag bdun rnams// gsang sngags bsgrub la bgegs byed do// wa'i rigs ni bcwo brgyad dag/ dbang phyug chen po'i 'khor te de rnams kyi// sde dpon glang chen gdong ste stobs po che// sa stengs mtha' dag kun tu bgegs kyang byed// so gcig rigs ni sde dpon gtsug 'phyang ste// bye ba drug bcu'i bgegs la dbang bskur zhing // tshangs dbyang khyab 'jug nyi ma zla ba rlung // de rnams kyis bshad sngags la gegs med do// ne'u le'i rigs gang yin pa rgya che ste// khra phrig bye ba ther 'bum phrag stong dang // de dag rnams kyi sde dpon btsug nas 'byung // nga yi rigs dang sngags la bgegs byed do// dga' byed pad+ma 'dra dang dkyus ring mig/ lngas rtsen sngags rgyud la ni bgegs kyang byed// ner spod bu ni gang yin gang ba pa// rang gi gsang sngags rgyad la bgegs kyang byed// sgrub pa po la 'grub par mi dga' ba// brtse med rang rang sngags la bgegs byed do// rang gi gsang sngags gzugs su rnam sprul na// phreng ba dang ni gtor ma mngon du len// lha yis log 'don gyis byas de mthong nas// khros shing 'khrugs nas phyir yang phyogs par byed// sngon chad sems ni 'jungs dang rmongs pa yi// lha yis log 'dren bgegs kyis lugs 'di bstod// lugs 'di lha dang klu dang grub pa dang sum cu rtsa gsum lhags kyang zlog mi nus// bgegs kyis 'jigs su rung bar byas pa dag/ sngar bshad pa ni de dag zlog par byed// zlas brjod zin nas legs/ par bsrung ba dang // dkyil 'khor mi byas sgrub la 'jug par bya// gzhan du mchod pa'i cho ga med pa dang // zlas brjod sbyin bsreg cho ga bral ba 'am// gang zhig rtag tu sems ni 'di ltar sems// rig pa gang zhig bdag gis zlos par bya// yul dang rgyal sogs gtam la chags de yi// lus la thogs pa med par rab tu 'jug/ 'di ltar phan tshun du ni 'gro ba na/ rig pa 'dzin pa'i sems dag g.yeng bar byed// dper na chu dang grib ma snang ba ltar// de bzhin mi'i lus la 'jug par 'gyur// khru tshe gzhan la zlos pa na yang gzhan// nyel nas gzhan min me tog bdug pa dang // mar me phul ba'i tshe yang gzhan yin la// sprin bsreg byed pa na yang bgegs gzhan 'jug/ dper na nyi zer me shel 'bab pa yi// rkyen gyis ma stsal me ni 'byung ba ltar// de bzhin bgegs kyang lus la zhags gyur na// 'dod chags me chen kun tu bskyed par byed// g.yo zhing 'gul ba zhes ni bya ba'i bgegs// chu dang skyes bu khru ba'i tshe na 'dzin// bkres shing skom la lus lci gnyid kyang tshe// de bzhin lus lci mchog tu khro bar 'gyur// de bzhin dri za zhes ni bya ba'i bgegs// de'i dri ni dbul ba na yang lus la 'jug/ yul dang rgyal po gnyen la sems pa dang // snyoms dang bud med la ni chags par 'gyur// nag po'i lus chen sa ni rdol nas su// gdug pa rab tu 'dul ba'i tshe na 'ang 'jug 'jungs dang g.yo sgyu byed cing mi srun la// 'dod chen 'tsho la rab gtum khu chu 'dzag/ ma me gtsug phud gcig pa bgegs byed de// snying kha che zhing gzor thabs sems nyams byed/ 'greng ba'i tshe nang gtsug 'phyang 'jug 'gyur te// rims dang 'khru skyug drag pos 'debs par byed// me tog 'bul tshe me tog cher bkod pa// rang gnas skabs rnyed lus la rab tu 'jug rims dang cham pa rgyu zhing na ba dang // grogs po dag dang bral bar byed// bgegs kyis rlams pa'i phyogs ni lam med lam du mthong // spyod pa sna tshogs byed cing 'dod pa rnams kyi gdung / blo bur smra log don med kun mtshan// don du bsgrub pa rnams la sems kyang yid gnyis byed// sems ni log par lta bas non pra na// gsang sngags med cing mtho ris lha yang med// bsod nams med cing sdig pa cung zad med// thar pa med cing 'ching ba'i rgyu yang med// ske bo don med nyon mongs dka' ces// sna tshogs khyab pa'i tshig ni rtag tu smra// sen mo sna gcod bor rdo 'jigs pa dang // mtshan mo so yang krig krig 'cha' ba dang // bu mo dga' 'dod khyod yang mi rnyed pa// skyes pa bdag 'dod chung ma gzhan mo rnyed// dgos pa'i don mi 'gyur cing mi dgos 'grub// gar yang 'gro don gnyid med mi yang rlams// de bzhin stag gzigs seng ge khyi dang phag/ bung bu rnga mo byi bla/ sha za waT bya rgod 'ug pa skyer mi thung sbrul// gcer bu thal ris can dang mi nag po// khron skam rus pa thod pa phung po dang // lcags dang gtor mkhung mi gtsang khang rul dang / kha bzhin bsgyur zhing ral gri mi dung thogs pa// rmi lam 'di rnams rmi ba'i mi rnams rlams// bgegs dang log 'dren rnam par bshig pa'i phyir// bdud rtsi thal sbyor drag shul las can sbyor// sngags pa de yis gsang sngags lam zhugs pa// bgegs dang log 'dren rnams kyis yongs mi tshugs// phyugs lhas shing gcig lho'i khang pa 'am// lam gyi gzhi mdo khang stong nags tshal du// dkyil 'khor grwa bzhi ltam pa khra bzhi'i tshad// tshon rtsi rnam pa sna tshogs rnams kyis bris// phyogs kyi lha rnams gnas ni yongasu bzung // sgo bzhi pa la ku sha'i tsa yang bkram// bza' dang sha chang la phug la sogs bcas// 'bras chen 'bras bu mang po'i gtor ma sbyin// bum pa/ pad ma dmar po'i mdog 'dra ba// nag po re ri med cing rin chen bcas// sman dang 'bru dang spos chus bkang ba bzhi// lngas bus kha bkang ras kyis mgal po bkris// lus dmar ba dang ki li kI la dang // 'gro lding ba la sogs pa rnam pa brgyar bzlas te// dkyil 'khor khor yug tu ni bzhag par bya// des phyag spos bdug spos dbul/ bgegs kyis rlams pa shar phyogs kha bstan te// dkyil 'khor dbus su bde ba'i stan la bzhag/ zlas brjod byed cing bum pa re res bkres// gdon dang log 'dren rnams las thar bar 'gyur// sgrub pa po yis bgegs rnams pham par ma zad kyi// rgyal po'i 'khor dang bu med dang // bu mo dag dang rol mo mkhan rnams dang // bud med phal dang tshong pa rnams kyang rung // zhing pa rnams dang dbul zhing 'phongs pa dang // gdon gyis zin dang rims kyis btab pa dang // byis pa'i gnon dang me tog 'bras bu 'phog/ rmi ngan sgo dang sems ni g.yeng ba dang // dag kyang sel te khrus 'dis dag par byed// 'phags pa dpung bzang gis zhus pa'i le'u bzhi pa'o// / / bgegs kyis bsod nams zad par byed// de bas mi la gsang sngags 'grub mi 'gyur// ji ltar zla ba sprin las rnam grol ltar// de bzhin bgegs las grol ba rnaM bar gsal// dper nas chu dus su bral ba yi// snod nas 'bras bu la ni myu gu li med// de dang ma bral myu gu lo ma dang // sdong bu dag dang me tog 'bras bu skye// cho ga nyams shing yi ge gug skyed med// mchod pa med cing mi gtsang bzlas brjod byas// gug skyed yi ge lhag par gyur pa yi// gsang sngags dngos grub rgya chen mi ster ro// dper na dbyar gyi dus kyi char sprin dag/ skye bo'i skal bzhin char pa legs par 'bebs// de bzhin mi'i skal pa gzigs nas ni// 'dod pa bzhin du gsang sngags dngos grub stsol// yul dang dus dang chos ga las rnams dang // sdig pa byang zhing bsod nams bsags pa dang // gus dang zlas brjod kun la gzigs nas ni// de nas gsang sngags 'bras bu rnam par stsol// ji tsam las mang pos rab gang zhing // ji tsam las dkar bsod nams ma bsags dang // ji srid cho ga med par zlas byas la// de srid sngags ba'i dngos grub mi thob bo// cho ga nyams sam par bcad sngags gzhan zlas// zlas pa btang ngam gzhan la byin gyur na// dus gsum mchod pa la ni brtson gyur nas// slar yang 'bum phrag sgrub pa la 'jug par bya// stong phrag bcu 'am brgyad dam bdun nam bzhi// zlas mthar de la mar gyis sbyin bsreg bya// yang na ma grub nas sam til nag gam// yungs kar dag dang bsres pa'i sbyin bsreg bya// 'dzam bu grag sha pa la sha/ u dum seng ldeng a shad a pa mar// arga a sho ka dang ra rdza ka/ n+ya gro ba lala.a sha mi'i// yam shing gzhon nu sor ni bcu gnyis pa// btsal nas zho mar sbrang rtsi la btsags nas// rtag tu me la sbyin bsreg byed par bya// de ltar byas na dngos grub myur du thob// gsang sngags gzhan gyi bcad dam bcings pa dang // gsang sngags gzhan gyis mnan kyang rung // de yi gzugs brnyen sa la byas nas su// de'i mdun du mngon sum phyogs bzhag ste// sngags pa ki li ki li snying po yis// mar dang 'o mas de'i gzugs brnyan bkru// de ltar zhag bdun byas pas gsang sngags dag/ bcings pa dang ni mnan las grol bar 'gyur// mchod pa la sogs cho gar ldan yang ni// ci ste gsang sngags 'bras bu mi ster na// de gzugs dag skye tses byugs nas su// ki li ki li 'gro lding la sogs pa'i// sdigs kyis de la yud tshwa sbyar ba'i// zhag bdun dus gsum sbyin bsreg las sbyar na// gsang sngags 'ongs ni rmi lom dag tu ni// cho ga nyams pa'i yi ge lhag chad ston// sngon gyi sngags lugs chad pas bston mod kyi// ji ltar rgya mtsho dos las mi 'da'o ltar// sngags kyis gzhan gyi gsang sngags mi mnan cing // bcing dang gcod pa nam yang mi bya'o// dper na byams pa'i mi yis mi gzhan la// che ge mo'i khyim 'dir phyin chad khyod// blta ba'i phyir yang 'gro bar mi bya'o zhe// rigs pa'i tshig gis rnam par bstan par bya// des kyang de'i tshig ni nyan su// khyim du smra dang blta dang sgra phyir mi 'gro ba// de bzhin sngags pas gang yang rung ba'i phyir// zlas nas gzhan gyi gsang sngags mnan mi bya// gsang sngags bcad dang bcing par mi bya'o// yi ge lhag chad gsang sngags mi byin no// las rnams spyad pas gzhan du bsgyur mi bya// gnas rnams gzir bas nam yang mi bya'o// dbab dang bcing dang brdeg dang rmongs mi bya// yan lag mi bshig rigs kyang mi brlab cing // sngags pas klu dang gdon la sogs pa rnams// gzhan du bskrad par yang ni mi bya'o// dgar dang bskrad pa dang ni bsad pa dang // byis pa gdon gyis zin pa mi gso shing // rgya mos mda' snying 'jol bu yis// sems can gnod pa thams cad mi bye'o// dngos grub phyir ni rnam pa bcur gsungs te// sngags pa dang ni rang sngags rdzas dang g.yog/ brtson 'grub phyogs dang sa gzhi phyogs dang dus dang ni// yan lag rdzogs pa'i lha dang sems stobs so// gzhan dag kha cig rig 'dzin grogs zhes zer// gzhan dag phyogs su brtson 'grus dus rnams gnyid// gzhan ni rdzas dang sa gzhi lha dang sngags// kha cig sems yin zhes ni rnam par smra// 'grub phyir de ltar bcu dang brgyad dang ldan// de bzhin bzhi dang gsum dang gcig nyid ces// sngags rigs rang rang blo yis rnam par 'chad// sad rgyas rgyud la cho ga gnyis kyis 'grub// sgrub pa gang zhig rang gi sems la yon tan rdzogs// brtson 'grus mchog dang yang dag ldan pa dang // gzhan gyi rnyed pa dag la phrag dog med// 'dod la me chags lus kyis nyon mongs be zod// gug skyed klad kor tsheg dang zur phyin pa// gsang sngags dag cing cho gar bcas// gsang sngags sangs rgyas byang chub sems dpa' bsten pa yi// gnas su bzlas na yid 'ong dngos grub thob// ji ltar rigs dang dbang po dregs pa dag/ mthu stobs chen pos glang chen gsod pa dang // de bzhin sbrang khu phag dang ri dgas dang // wa rnams kyang ni myur du gsod pa ltar// de bzhin sngags pas seng ge'i tshul gyis su// ra ba dang 'bring dang tha ma'i las rnams la// brtson 'gragrus chen po dag dang ldan pa dang // 'bad pas mchig rnams kyis kyang bsten par bya// gling bu'i sgra dang rnga'i sgra rnams dang // shin tu 'jigs byed skye bo dgra rnams dang // gang rgyang ku co dag dang gla gar dang // zi bde pi wang rdza de'i sgra// bya phran skra dang nu sgra dang // bud med rgyan gyi sgra rnams dang // sha sbrang tsha drang rlung gi gnod pa yis// mi'i sems ni g.yo zhing g.yo bar byed// zlas brjod byed tshe mi myur mi del zhing // sgra chen mi 'byung ha cang chung ngu min// sgra bzhin ma yin gzhan du g.yeng zhing min// gug skyed klad kor tshig rnams nyam par min// ji ltar chu klung nyin mtshan rtag tu ni// rgyun mi 'chad par 'bab par 'gyur ba/ de bzhin phyag bcas dang zlas dang brtul zhugs kyis bsod nams ma lus can ni 'phel bar 'gyur// le lo 'dod chags gar ldan pa yi sems// gang dang gang du g.yeng zhing rgyu ba dag/ de dang de nas myur du ldog nas ni// gsang sngags yi ge mchod la legs par sbyar// sna rtser lta zhing rnam par rtog pa spong // nam zhig bskyod kyang rnam par mi g.yo ba// de tshe dmigs pa'i rnam pa thob pa ste// sems ni las su rung / bar 'gyur bar nges// rtse gcig sems dang ldan pa'i mi la ni// yid las byung ba'i dga' ba rab tu skye// dga' bas lus 'di shin tu sbyangs pa thob// lus sbyangs pas ni bde ba'i skal ldan 'gyur// lus bde sems ni rtse gcig ting 'dzin thob// de tshe zlas brjod dogs pa med par 'gyur// tshe rabs gang du gong dang gang byas pa'i// sdig pa ma lus zlas brjod byas pas 'byang// zlas pa'i sdig pa ma lus byang bar 'gyur// dang ba'i yid kyis dngos grub thob par 'gyur// de phyir bcom ldan rgyal ba'i dbang po yis chos 'di kun gyi rtsa ba sems yin gsungs// sems 'di bde ba'i lha mi'i bde ba dang // mtho ris dang ni byang grol thob par 'gyur// sems kyi skyon gyis dad 'gror skyes/ sems dmyal gnas shing mi sdug dbul por 'gyur// sems ni rab tu dang bar gyur pa'i mis// sa chu me rlung ske rga 'chi sogs dang // bar dang tha mar gnod pa/ kun bral ba// rnam grol ba de zhing zhi ba thob par 'gyur// gsang sngags bde ba kun thun mod pa// bde ba chung zhing sdug bsngal kun dang bral// nyon mongs dug bcas rnam par 'jig 'gyur ba// dang ba'i sems kyis thob par 'gyur ba yin// 'dod rgyal las kyang ma byang dus las min// rang bzhin dbang phyug las kyang byung ba min// rgyu med rkyen min skyes bus ma byas kyang // las dang nyon mongs pa las sems can 'byung // gzugs ni 'byung ba chen po bzhi dang ldan// de ni bdag min padag kyang gzugs ma yin/ gzugs la bdag med bdag la gzugs med de// gzugs ni stong pa'i phung zhi rigs par gyis// gzugs ni dbu ba dag dang 'dra ba ste/ tshor ba chu bur bzhin du rtag pa ste/ de ltar mthong ba lta ba bzang po yin// gang zhig gzhan 'gyur de ni lta ba bzung na gsungs// de ltar zlas pa'i gang zag nye 'gyur ba// mtshan mo nyal nas rmi lam 'di ltar mthong / 'ang ba rangs ldan gang bras re seng ges// ri ba shing da zla ldan n+da rnams dang // stag dngags dang klang chen khyu mchog da // zilas na ni dga' bas zhon pa dang // mtho/ phreng ba dri dang gos rnams dang // sha chang nya dang 'bras bu gleg baM dang // lha yi gzugs dang ud bal dmar po dang // shing rta gang ba 'am ba gzhon be'u phru gu can// gdugs dkar gsil yab lham dang ral gri dang // rnga g.yab gser yu can dang phreng ba dang // nor bu mu tig dang nya phyi dngul// bud med gzugs bzang ba dang bu mo dang // rin chen sna tshogs rnams kyis spras pa'i rgyan// lam star dkar po bting ba rnyed pa dang // tho dang khar ni chu bo chu klung dang // 'bab chu 'am rgya mtsho mtsho dang rdzing bu dang // lu ma la ni 'thung ngam rgal rmi dang // yang na khrag gis lus ni khrus byed pa 'am// lha khang mchod rten 'dug nas rgyal ba 'am// byang chub sems dpa' mchog dang rang rgyal dang // zag med dge 'dun dge slong dge slong ma// dge bsnyen rnams dang sa bdag lha rnams dang / lha min bram ze yid 'ong skyes bu dang // me dang nyi mchog phyaphyug cing 'byor dang mnyam// pha ma 'dza' bshes bu dang gnod sbyin dang // grub pa'i lha dang na chung tshogs bdag dang // ci ste nyi ma zla ba za ba dang // sa'i nang 'gro sa bon 'thung ba dang // me la rdzi zhing sha ni za ba dang // lus kyi nang du bud med zhogs pa mthong // rmi lam bzang po 'di dag mthong ba gang // de dag ring por mi thogs 'grub par 'gyur// zla ba gcig dang zla ba phyed dang nyin zhag dang // skad cig gis kyang phyi phyir nye bar 'gyur// 'phags pa dpung bzad kyis zhes pa'i le'u ste lnga pa'o// / dngos grub nyen zlos la dga' ba raraM dang // sems ni sdig la nam yang dag mi 'gyur// bkres skom cha drang rlung dang drang ba yi// sdug bsngal drag pos nyen kyang g.yo mi 'gyur// sbrang bu sha sbrang srin bu grog sgur dang // sha za drug po rnams kyang de dag gi/ lus dang grib ma la yang mi 'gem mo// tshig ni bzung bar 'os shing yid gzhungs pa// snyan ngag dang ni 'bri ba rnams la mkhas/ chos la mngon dga' gter rnams mthong ba dang // lus kyi nad dang dri ma med par 'gyur// skye bos mthong ngam thos par gyur kyang rung // myur du mngon dga' yid du 'ong bar 'gyur// bud med lha'i mdas 'phog pa rnams kyi// 'dod la longs spad phyir ni mchod par byed// gang mkha' la lha dang gnod sprin dang // dri za lci'i bu mi lus dang sgra// mis ni dga' ba'i yid kyis mthong thos nas// de tshe shin tu nye bar gyur pa yin// lus ni dri med dag par rig pa dang // gso sbyong sdom pa dang ni ldan pa yis// nyin zhag gcig gam gnyis gsum du ni// kha r+tha spang zhing bsrung bar gnas pa yis// nyin zhag de dag bzlas par byas nas su// rang gi 'byor phyir sgrub lo 'jug par bya// gsung de dpung bzangs kyis thos slar gsol pa// zas kyi mi bdag ces ni gang gsungs pa// mchod 'os khyod lus bdag gi bgyi phyir yang // ci slad bsnyung ba mi bzad bgyi bar gsungs// srid pa'i mthar phyin par ni gshegs pa yis// shing rta'i mig bsku bza' ba'ang ci phyir gsungs// rdo rje can gyis dpung bzangs tshig gnas nas// 'brug sgra za 'dri'i gsung gis bka' stsal pa// bu gcig lus bdag bya phyir bsnyung bar gnas// bde gshegs 'di na nam yang mi gsungs na// lus 'di mi gtsang lpag pa sha khrag dang // klad rgyas rgyu ma cher phyin 'khal ma zhag/ 'khris ba bad kan kha chu phyi sa dang // gcin snrums slu ba skra dang rus pa dang // mig dang rna ba sna dang kha dang ni// gshang sgo mtshan ma bu ga dgu po yi// rma nas mi gtsang dri ma sna tshogs pa// 'dzag pa'i rgyu ni sna tshogs 'byung ba yin// de ltar yan lag thams cad 'dus pa dang // sa chu me rlung nam mkha' rnams dang ldan// ji bzhin las kyi rjes 'brang mi yi lus// thad ldan pa'i mi'i gzugs la gnas pa yi// gshang lci snabs dang mchil ma bad kan dang // 'di dag zad par bya phyir bsnyung bar gsungs// dri ma dag nas mI yul dag na// rang gi 'byor phyir skab la bde bar 'jug/ 'dod chags kyis ni gdungs par gyur pa la// lus kyi yan lag 'di dag thams cad la// dran pa rtse gcig sngon du byas nas ni// ye shes mig gis/ so sor rnam par brtag/ de ltar gang gis nges par brtags pas na// lus dang srog la rjes su chags pa yi// 'dod chags gtan nas yong ye zhi gyur te// nyi mas mun nag rtsa nas bsal ba/ bzhin// phan yon de yis gsang sngags nges bsnyen nas// rang gi lus la nye bar rig pa dang // yar gyi tshes brgyad dang ni bcu bzhi dang // yang na bco lnga la ni zlas brjod bya// lha yi/ gnas kyis dag bstan pa'i phyir// sa dang lci bar bsres la sogs pas byugs// dad pas bde gshegs kun la phreng ba dang // lha bshos me tog dang ni mar mes mchod// de nas rdo rje 'dzin pa nga la 'ang mchod// de nas gsang sngags la'ang mchod par bya// bstod 'os sangs rgyas rnams la 'ang bstod nas su// phyir zhing byang chub sems kyang dran byas te// sems can skye rga nas pa gzir ba la// ji ltar rigs par snying rje'ang sgom par bya// 'dus chen mdo 'am shing tu bkra shis kyi// tshig su bcad pa 'am chos kyi 'khor lo mchog/ de bzhin gshegs pa'i snang ba 'am sgron ma che// gang yang rung ba gcig ni rims bzhin pa klag/ de nas bla 'og phyogs 'tshams bcings nas su// lus la go cha bgo bar byas nas ni// gong du smos pa'i dkyil 'kho de rnams las// gcig la gcig mon rnams kyis bri bar bya// rdo rje me chu rlung dang mdung thung dag/ rims bzhin dkyil 'khor 'dir ni bri bar bya// ra bar bris pas lha dang lha min dag/ bsdang ba'i bdag nyid sems ni myos par 'gyur// seng ge bdan gyis mngon par bsngags pa'i gdan// de ni dkyil 'khor dbus bzhag par bya// bdag nyid bsrung bar byas te der 'dug nas// rdzas blangs myur du bzlas brjod byas nas ni// bdug pa'i sbyin bsreg stong yang bsreg par bya// de nas de yang dri nus bkrus nasu// bgegs mang rnams kyang myur du bsal byas nas// byang chub shing lo gsum gyi steng du bzhag/ bzhi yis bkab nas ji srid grub par ni// rnam gsum mthong gi bar du gsang sngags zlas// dro dang dad 'thul bzhin 'bar ba 'am// rim bzhin zlog nas 'byung ba na yang 'grib par gsungs// dro bas 'gro ba thams cad dbang bsgyur te// dud pa 'thul bas lus ni mi snang 'gyur// 'bor bas mkha' la shin tu 'gyur te// mi yi lus ni lha ltar gsal bar 'gyur// ji ltar lus la drang ba 'jug pa dang // nyi zer me shel zhags nas med 'byung ltar// de bzhin dngos grub lus la 'jug par 'gyur// mar me mched cing shin tu 'bar ba dag/ snum zhing dkyus ring gser gyi mdog ltar dngas// 'bru mar zad kyang 'bar bar gyur nas ni// de tshe sngags pra dngos grub thob 'gyur te// de dag rdzas las byung ba'i dngos grub po// mis ni ri mo skra gzugs 'gul ba 'am// phreng ba smin ma mig dang rnga yab dang // gal te rgyan rnams g.yo bar 'gyur ba 'am// mkha' la me tog char ram rdzi char ram// sa ni myur du g.yo bar gyur pa 'am// lus mi snang bar mkha' las tshig tu ni// bu khyod dam pa ci 'dod slong ce 'am// lha'i/ rnga skra 'am lus kyi bsgra ldang // rgyan gyi char pa chen rab tu 'bab pa 'am// ci ste mkha' lha dang lha min dang // gsang sngags gzugs ni du mngon 'thong na 'grub// ma nyams me to go dbyig dang chu ba sres shing // bstod dang bcas pas mchod yon rgyun bsgrengs nas// rtse gcig sems kyis mgo btud phyag byas te// dad dang rjes 'bad pa yi rjes 'thun mchog slang ngo // mchog thob nas ni dga' bas phyag byas te// dad pas stod cing yon ni phul nas// gsang sngags brjod cing slar yang gshegasu gsol// gsang sngags kun la tshul ni 'di yin no// gang zhig sems stobs mchog dang ldan pa des// 'dir ni 'jigs dang bcas pa'i las kyang bya// sems stobs chung bas mi la sha za yi// glags mthong na ni phung bar byed par 'gyur// dpa' bo go bgos mtshon cha'i thabs mkhas pa// 'chas pa glang chen mchog zhon gzha thogs nas// mda' 'phen mthu dang ldan pa gcig pus kyang // dgra yi tshogs kun las ni rgyal bar nas// de bzhin sems stobs chen po'i tshul khrims kyi// go bgos legs bsrung glang chen zhin nasu// gsang sngags gzha thogs zlas pa'i mda' 'phen pas// 'byung po la sogs mtshan mo rgyu las rgyal// sgur po yan lag lhag chad thung ngu dang // de bzhin ring po 'am yang na sbom po 'am// smad pa'i mngal nas skyes pa 'am/ ma ning ngam// rnam pa de 'dri'i ro dag spang bar bya'o// ma zhu ba dang rims drag tshad pa dang // khru skyugs sa dang chu dang gsal shing dang // sbrul gyis bsad dang dag gis shi ba dang // ba dan rlung sogs mthong ma'i bsad pa la// yan lag tshang zhing kha bzhin ma snad pa// lus la rma med skyes pa'i ri mthong nas// ral gri be con lag na thogs pa yis// nyin par thog thag dag tu ni bsrung bar byed// dur khrod khang pa dang ni shing gcig dang // gzhi mdo'am 'bab chu dag gam chu klung ngos// mtsho 'am rgya mtsho 'am ni ri bo la// ska cig kyang ni ro langs 'grub par 'gyur// gang yang rung ba'i gan gcig brtags pa nas ni// sa dang lci ba bsres pas byug par bya'o// gtsang ma der ni dkar nag dmar ba 'am// tshon rtsi sna tshogs rnams kyis dam tshig ni/ gong du smos pa'i dkyil 'khor de rnams las// bsams nas 'dod pa gang yang rung ba gcig/ dad pa chen pos rigs kyi yum gyi mchog/ zlos shing rab tu sgrims te bri bar bya'o// 'jigs pa med pa'i g.yog gi de blang nas/ khyer te 'ongs te 'ongs nas kun sha'i ste bzhag ste// skra dang ba spu rnams kyang bregs nas su// de'i mod la 'bru ma re dag gis bku// de nas bum pa zhabs mi gnag pa bzhi// 'askon gtsang ma chus bkang khrus rtsis sbyar te bkra/ de nas gos gsar phrugs gcig nas su// de nas dkyil 'khor dbu su tsA stan dang // ma nyams me tog steng du ro bzhag cing // ro'i mgo'o// shar ram byang du bstan// dri yis phyogs shing bdug pas bdag par bya// phreng ba gdags shing me tog sil mas gtor// sha dang nya sha ba la khur til bsres pa'i// khur ba la sogs ji snyed bud bskyed de// 'byung po klu dang gnod sbyin sha za dang // 'drel bla 'og phyogs bcu'i sbyin par bya'o// grogs ldan bdag nyid bsrung bya ste// rtse gcig sems kyis gsang sngags zlas brjod bya/ ro ni lding ba'i chus bkang khru rtsi sbyaro te bkru/ 'jigs pa'i gzugs can bgegs ni sna tshogs 'byung // gtsug tod rgyal ba'i sngags kyis thal ba 'am// ma grags nyangs kar la sogs sngags nas su// gtor nas phyogs bzhi dag nas 'ongs pa'i bgegs// sngags kyi mthu yis de dag 'byer bar 'gyur// de dag zhi bar bya phyir khro bo ni// bdud rtsi thal bskor drag shul las can sbar// bgegs rnams bcom pas de nas ro de yang // gsang sngags mthu yis myur du ldang bar 'gyur// gang zhig gsang sngags zhib mo las// mthong ba de ni thog med nges par 'grub// gal te de langs par gyur pa las// de yis gsang sngags cho ga mi shes na'ang // gsang sngags che ga gzhan du bstan pa yis// langs pa de las rang gi dngos grub blang // gter gyi phyogs dang phugs su 'gro ba dang // ral gri a dza zhin pa mngag bzhag dang // 'byung khungs gser 'gyur rtsi dang bcud kyis len// mkha' la 'gro ba'i dngos grub rab tu ster// bsrung ba stobs med sngags med dang/ dka' thub stobs med sems kyi stobs med pa'i// blo ldan gang zhig ro langs dngos grub stsal// de ni mtshan mo rgyu ba rnam kyis gsod// 'phags pa dpung bzang gis zhes pa'i le'u ste drag pa'o// / mi gang mi yi sha ni 'tshong 'dod des// mer gyi ngo la dur khror song nas su/ shing rdo mtshon dang dag dang dbyug tho dang // bgegs la sogs pa shi bar gyur pa yis// byin pa brlab dang skye dang mgo bo dang // 'jigs pa med pas mtshan mo blangs nasu// gtub ste skon bu 'am gyo dum gsar pa 'am// gtsang ma der ni mi nyung bzhag byas la// lus la khrag gi lag rjes byugs nas su// rgyu mas mgo dang mgrin pa dkri bar bya// lus la mi lpags ras ma bgos nasu// lag g.yon shas bkang gyo mo thogs nas kyang // khrag gis bskus pa'i ral gri lag g.yas kyis// rab tu bsgrims nas de ni thogs nas kyang // sgra chen 'bod cing tshig tu sha 'di dag/ khyed cag su zhig nyo bar su 'dod ces// shar dang byad dang lce dang neb phyogasu// myur du bskor zhing shin tu brjod par bya// ci ste lus 'di snang ba 'am mi snang bar// tshig gis khyod ni nor ram rig ba 'am// bcud kyis len pa 'am grong ngam rgyal srid dam// phug tu 'gro 'am ci 'dod ces zer nas// sngar ni gang zhig sems kyis bsams pa'i don// de nyid sgra bya gzhan du sgra mi bya// rig mchog gtsug ter stobs chen la sogs pas// dur khrod du ni bsrung bar ngas gsungaso// gsang sngags drag po gang zhig sha za ba// de la dur khrod mi sha'i sbyin bsreg bya// ral gris sor ga sor gsum tsam dag tu// gtugs nas me la sprin bsreg stong bya'o// me tog ma nyams 'bras bu sha khrag nya// chang dang sbrang rtsi bu ram chan dang til// bdug pa phreng ba mar me phyag pa can// lha bshos gtor ma dur khrod gtor bar bya// dbab dang bskrad dang gnyis kyis myos bya dang // dmag gzhom grong khyer byar bya ba la// sha za ma me drag me srin mo'i tshogs// gnod sprin rnams la sha za'i sprin bsreg bya// mi yi sha ni rnyed par ma gyur na// ba leng sha yi sprin bsreg de bzhin shis// ma he'i sha 'am khyi sha mar bsregs pa// tshes grangs dag la bsnyung byas sprin bsreg bya// gnod sprin mo yi cho ga zhib mor ni// gsang sngags mnyes byas grab pa 'di rnams ster// ma dang sgyug mo sra mo grogs mo dang // bu mo chung ma mna' mar 'grub par 'gyur// ma dang skyug mo srang mo gang yin dang // yid bzhin nor bu bzhin du grub pa mchog/ yid 'ong grogs mo bu mo grub pa 'bring // chung ma mna' ma grub pa tha mar grags// dus gsum du ni me tog phreng bi dri// mar ram/ 'bru mar mar me tsan+da dri// a kar dri zhim bdug pas mchod pa dang // gtor ma sna tshogs mtshan mo rtag tu sbyin// gnod sbyin mo ni dga' nas mngon phyogs nas/ rnyed pa rnyed cing sa bon 'byung bar byed// 'dod chags zil gyis gnon pa'i bud med dag/ gnod pa byed pa'i nges par gnas par 'gyur// gnod pa byed che 'gro bar mi bya zhing // rnyed pa mang du nyung la 'dod mi bskyed// sngags pas mtshan mo khu ba dgag bya nas// brtson 'grus rab tu bskyed de sgrub par bya// sngags pa sems rmongs pa yis gzhan du ni// brtsams nas phung bar yang ni 'gyur ba nyid sha za'i gnod sbyin mo la de nyid de// de las cho ga lhag pa'i 'di rnams bya// she chang li bug tshod ma cad pang dang // nas chan ma sha'i chan dang 'bras chan nya// gtor ma de dang de kun bdug pas dbul// gnas ni khang stong dag gam dur khrod shing // me tog shr-i sha ku ru arga dang // bil ba bri ha shwa rA dza rka// a kas ud mas a da ru sha ka/ se'u ban nya ngan chad sog/ me tog rnams ni rtag tu dbul// klu la bu ram 'o ma sbyar ba yi// bdug pa dri zhim a kar tsan dan dri// phreng ba me tog dri ni sna tshogs dang // 'bras chen zho dang 'bras yos 'bras bu dbul/ ba dan sngon po lha bshos gtor ma dri// phreng ba me tog byag spos sngon po dag/ ji snyed brang gis 'gro ba rnams la dbul// mthe bo me long ral gri chu dang shel// 'das pa ni ma byon da ltar dang // mtho ris sa stengs gus dang mi ldan dang // lha dang lha min dge dang mi dge dang de// lha rnams tha~Md rnam par rtogs// cho ga nyams pa 'am yang na byed zlas pa'i// yi ge chad dam yi ge/ lhag pa dang // zlas pa ma byas da ma pa med pa dang // mchod pa med cing sa gzhi mi gtsang dang // sprin gyi tshogs kyis nyin zer sgrib pa dang // byis pa yan lag nyams shing lhag pa dang // de lta bu yi mi la gsal ston pa// 'bab par mi 'gyur dgos pa yong mi ston// gsal stong dbab phyir sngon du cho ga bzhin// zlas shing tshes grangs bzang la sngags pa yang // bsnyang byas dgod ka ra sa dang lci ba yis// ba ko tsam gyis sa gzhi legs par 'khru// byug spos dang ni bdag smos bdug pa dang // lha bshos me tog dag kyang phul na su// byis pa gzhon sta gon gnas pa la// de nas nad par cho ga 'di kan bya// khrus byas lus la gtsang gon byas te// shar phyogs kha bstan ku sha'i stan stengasu// 'dug nas gsang sngag rje su dran par bya// me long thal ba gtsang mas lan bdun nam// brgyad dam yang na bcur ni phyis nas su// rtse gcig sems kyis gsang sngags zlos bzhin du// byis pa gzhon nu nub tu kha bstan nas// lha'i mig gis bltas pa dang // da ltar dang ni ma 'ongs mthong bar 'gyur// me long zhes bya'i cho ga mtha' dag ni// ral gri gsal bar ston la bya bar bya// mthe bo n+ya skyegs khu bas bskus nas su// 'bru mar dri zhim dag gis gdab par bya// bum pa gtsang ma chus bkang mi yod bzhag/ sa bcags lhung zed nor bu'i chu yis bkang // ska gzugs la ni byag spos me tog dbul// de nas byis pa gzhon nus blta bar bya// gsal bar ston dang rmi lam la sogs pas// dngos grub brtags te de nas zlas brjod bya// gal te yid ches par ni ma gyur na/ de nas rig sngags mi bdug zlas brjod bya// nga yi gsang sngags dag pa gang yang rung // gso sbyong byas nas nan tan bzung nas su// rgyal ba'i ring bsrel mchod rten drang du bzlas// yang na sku gzugs ma nyams span raM sngar zlas// lus dang ngag yid lag pa mig dang ni// smin 'tshams yan lag rnam par g.yo ba dag/ rab tu bsdams nas de las yid gzhol cing // byams la gnas shing ku sha'i khris la 'dag/ ji srid du ni rtse gcig gnas gyur pa// de srid bar du 'bum 'am nyis 'bum zlas// nga yi gsang sngags huM zhes bya ba 'dis// shing la 'ang 'bab na mi la smos ci dges// de nas dam pa'i tshe snod rnams brtag par bya// bu mo gzhon nu bcu 'am bcu gnyis dang // bcu 'am brgyad dam bdun nam bzhi 'am gsum// yang khye'u 'am rung ste gnyi sam lnga// tshig rus rtsa mi mngon zhing gzugs bzang ba// yan lag rdzogs shing mig dkyus ring la kar// mkha' zhing zla 'dra mche ba mnyam la rno// sor mo thags zangs mdzes la long bu nub lte ba zab cing mdzes la nu 'jing legs// ba spu re re skra yang nag la stag/ lte ba mi ror gnyer ma gsum dang ldan// mdog kyang bzang la mangs byad dang yang ldan// gang la yid/ dga' lta ba brtan par 'gyur// blta bas kyang ni ngoms par mi 'gyur dang // lha gzhan dag la mi phogs 'bab pa'i snod// che grangs bzang la nyin zhag gcig tu ni// bsnyung ba byas pas bdag spos phreng ba dang // tsan dan mar me rnams kyis mchod// bza' chen 'bras chen la sogs gtor ma btang // lha dang lha min gnod sbyin rnams la sprin// dbab pa'i snod rnams khrus byas gos dkor bskon// shar phyogs kha bstan rgyan ni rnam par spangs// byag spos me tog la sogs de la byin// bdag pas bdug cing gsang sngogs zlas brjod bya// hUM gis gsang sngags thog mar zlas na su// g+h+ri hA a mri ta zhes thog mar brjod par bya// mig ni gdang zhing 'dzum par mi byed na// rdzogs par gyur pa shes par byas nas// 'jig pa med pas dri bar bya ba ni// mchod yon dang bdug pa phul nas su// rig pa mchog gi gsang sngags dran par bya// phyag 'tshal nas ni lce phyogs gang yin dri// dus gsum du ni bdag ni dgo pa gang // de ni legs par dgongs la bka' stsol cig/ bde dang sdug bsngal dngos grub thob mi 'thob// shes nas de yang de bzhin bzung nas su// de ma thag tu slar yang / btad par bya// mi gdug gsang sngags cho ga 'di rnams kyis// dbab pa'i snod la mis ni phebs 'gyur gyis// gang zhig blun pas gzhan du brtsams nas ni// de ni mi rnams kun gyis sbas par 'gyur// zhi zhing g.yung la rgya chen dkyus kyang ring // brtan zhing gzi chen mdangs ldan mdog kyang dmar// 'dzum zhing 'byed med lha'i mig kyang 'dra// dbab pa'i snod la lta babs de ltar 'gyur// mig ni rab tu dmar zhing zlum por 'dug/ bgrad cing mi sdug 'jigs 'jigs blta// 'dzum pa med cing 'jigs med blta// srin po lto 'phye gnod sbyin babs pa'i mig/ gal te babs pa'i mi gi ni mi gtor na// shin tu bkra shing tshigs pa bcad brjod pa 'am// stobs po che 'am rgod pa 'am lcags kyis zlas// yang na rab tu 'dus pa'i mdo sde bklag/ seng ge'i bdan gyi a rga 'am pa la shing // yam shing mar gyis bskas pa brgya yang bsreg/ ma grags til ni sbrang rtsi 'am mar gyis bskus// drag pos sbyin bsreg nyi shu rtsa gcig bsreg/ snga ma bzhin du sngags pa'i cho ga dag/ dam tshig ji bzhin ma lus sbyar nas ni// bdag gi yid dang 'thun pa'i dngos grub thob// sngags pa yun rings nyon mongs mi 'gyur ro// 'phags pa dpung bzang gis zhes pa'i le'u ste bdun pa'o// / / sangs rgyas kyis gsungs yan lag brgyad pa laM ni// yang dag 'tsho dang las mtha' ting 'dzin dag/ rtsol dang rtog dang lta ba rnams// so so so sor yang dag bsten par bya// lam 'di rnams kyis gsang sngags dngos grub cing // de bzhin 'dis ni mtho ris thar pa thob// rgyal sras sngon gyi rgyal ba 'das pa dag/ 'di ni sa gshegs shing de bzhin gshegs par 'gyur// ngoms med sems kyi lus dang ngag yid kyis// gas pas bsod nams yang dag bsags pa yang // bde gshegs gsungs pa'i bden pa'i lam dmigs na// dge ba'i lam de yang dag bskyed pa yin// yongasu 'dzin pa rnams par spangs nas su// chos gos bsod snyoms ngan ngon dang // sman dang ma lo stan ngan ngon tsam gyis yang // chog pa'i sems dang ldan pas bsod nams thob// bdag la bstod pa nam yang mi bya zhing // sems can gzhan la smad par mi bya'o// stag dang sbrul dang mer 'jig rten dag/ bsams nas spangs te dben pa bsten par bya// bud med mtshan nyid skyes pa'i mtshan nyid dang // smen dang glang chen brtag pa 'am skar pa'i sbed// mtshon brtag pa'i rtag dpyad dang gzo slong // bstan bcos pa slob cing klog pa spang // glang chen rta dang ba lang bya gag dang // gong mo sreg pa ngur ba skyes dang // bud med bu mo byis bar lug sogs// 'thab mo 'gyed pa mi bya mi blta'o// yul gyi gtam dang mi dbang brtan pa dang // dmag dang gyad dang na chung gtam dag dang / sgra ldebs dang sngon gyi lo rgyas dang // 'dod chags dang ni smad tshong gtam mi bya// sngags pa gsang sngags rab tu nos pa ni// grong dang grong khyer gtsug lag khang dag dang / mechod rten sti gnas ris dang dka' thub gnas// kun dga' lu ma 'am rdzing bu 'gro mi bya// sngar bshad pa yi gnas rnams ma rnyed na// lha khang stong pa dag gam shing drung // ri 'am chu bo chu klang 'bab chu dang // nags tshal stug po dang ni yul stong dang // yul gang rung bar sngags pa gnas shing zlas// yang na gnas ni nges par ma byas na// zla ba brgyad po 'di yo dus dag tu// gnas 'di gang yang rung ba gcig tu bsten// mtsho dang shing dang ri bo 'am gnas pa'i gnas// mtshe'u khang pa nags tshal chu ngogasu// dgun sprid zla ba rnams su gnas byas te// ji ltar rgyal bas dge slong rnams la dbyar zla gsum// tshul bzhags gnas gzhan mi 'gror gsungs pa bzhin// de bzhin bcom ldan 'das kyis gsungs pa yang // zla ba gsum du gcig tu gnas par gsungs// sngags pas dbyar zla sgrub la mi 'jug par// zlas brjod kyis ni dus kyang 'da' bar bya// dbyar 'das nas ni gzi bskyed pas// bdag nyid bsrung byas sgrub la 'jug par bya// me thab zlum po grwa gsum gru bzhi dang // pad ma lta bu'i byas te dbyibs legs shing // 'jam zhing shin tu mnyam par byas nas su// de dag sa dang lci bas legs par byag/ zlum po dbang thang bskyed dang nor dgag dang // sman drang zhi ba'i cho ga bya bar shis// grwa gsum dag ni gar dang bsad pa dang // gshes byed la sogs drag po'i las rnams bya// grub bzhi par ni kla dang gsang ba yi// srog skam pa 'am yan lag gzhig par bya// par ma'i dbyibasu bud med bu mo grong // yul 'khor thob pa 'am don kun 'grub par shis// me thab lci ba gtsang mas byugs nas kyang // tha ma thog thog ku sha bkram par bya// dkon mchog gsum dang phyag na rdo rje dang // yum la'ang dad pas phreng ba bdug pa dang // dri dang mnyams me tog ji snyed pas// cho ga bzhin du legs par mchod par bya// yam shing mang po thab kyi drang bzhag ste/ rlung ga yab kyis ni mi yang spar byas nas// sangs rgyas rnams la phyag byas khro bo ni// bdud rtsi 'khyil pas ma nyams padra ma 'am// ma drugs til nag las ni bdun nam brgyad/ bcu 'am nyi shur bsreg blugs me le bsreg/ ku sha bting ba 'am khris sam tsA sten lo// 'dug nas shar phyogs kha bltas rdza rnams ni// mar dang sbrang rtsi 'o ma la btags nas// rang gi gsang sngags 'grub phyir sprin bsreg bya// nye ba'i mtshan nyid nye bar brtags nas ni// me stag du ba me lce'i sgra rnams las// 'grub pa dang ni mi 'grub thams cad dang // sngags kyi byin brlabs me ni ston par byed// du ba med cing gser gyi mdog ltar dngas// me lce che zhing du ba g.yas su 'khyil// kha dog 'ja' 'dra g.yas su 'khyil// kha dog 'ja' 'dra yang na dkar yang rung // yang na byi ru bcag pa'i kha dog 'dra// shin tu snam la me lce dga' nas 'phro// rab tu 'bar ba'i nyi ma'i 'od zer 'phro// dbyibs ni bum pa pa rgyal mtshan gdugs ni 'dra// dpal be'u dang pad ma blugs bzar 'dra// me lce tri shul rdo rje ral gri 'dra// yang na shing rta mchog dang rnga yab 'dra// mi dang rnga dang rdza rnga gling bu'i sgra/ du ba me lce dri zhim me stag bzang // yang na ma rtsar yang 'bab gyur na// de tshe dngos grub rgya chen thob par 'gyur// dud pa chen zhing me stag dgod pa dang // 'bar ba dka' zhing cung zad cung zad 'bar// me lce rnam par chad cing gzi mdangs med// tshub nag sprin dang pa la sha'i mdog/ gsal shing 'dra zhing zhum zhi mi'u gzugs kyang 'dra// phyogs kyi gzugs 'dra sgra yang rab tu rtsu ba// me lce 'phro bas sprin bsreg byed pa tshig/ mi ro 'dri yis dngos grub med par byed// me yi mtshan ma 'di rnams mthong nas ni// stobs po che yi mar gyi sprin bsreg bya byin pa dag dang chan khung sgra rnams ni// lag pas kyang ni tog par mi bya zhing // me yis mi bsreg skra gris breg mi bya// sgra med bya phyir sman gyis mi byug go/ ji ltar ral gri'i so la 'dzin pa'i/ mis// legs par ma bzung lag pa chod pa ltar// de bzhin sngags kyang legs par ma bslabs par// 'bras bu med pa 'am yang na phung bar 'gyur// mi ni tshul khrims kyis gtsang sbra mi ldan yang / gsang sngags lha ni nam yang gnod mi mdzad// lha'i 'khor du gyur pa gang yin rnams// mi yi glags mthong nas ni phung bar byed// sgrub pa kun la dang po kho nar ni// lha gshos gtor ma phal cher dbul bar bya// sngags grub las grub nas kyang dus kun tu// rang gi nyams kyis ji snyed dbul bar bya// lha dang lha min gnod sprin grul bum dang // na mkha' lding dang 'dab bzang lus srul po// dri za srin po gdon gyi tshogs rnams dang // gang dag sa la gnas pa'i rdzu 'phrul can// bud med g.yog 'khor tshogs dang bcas pa rnams la// bdag gi pus mo sa la btsugs nas su/ thal mo sbyar nas khyed la gsol 'debs kyi// // gnas nas phan gdags slad du 'dir byon cig/ 'byung po gang dag ri rab steng gnas dang // dga' ba'i tshul dang lha'i gnas rnams dang // shar nub ri dang nyi zla'i khyim rnams dang // ri bo kun la gang dag gnas pa dang // chu bo kun dang chu bo'i mdo rnams dang // rin chen gnas dang lhag par gang gnas dang // mtsho dang rdzing bu steng ka n+ya ngogs dang // 'bab chu sil ma can na gnas pa dang // grong dang phyugs lhas grong khyer stong pa dang // khang stong dang ni lha'i khang pa dang // gtsug lag khang dang mchod rten gnas dag dang // dka' thub gnas dang glang chen bres dang ni// rgyal po'i sgo khang dag na gnas pa dang // lam srang mdun khang dang ni bzhi mdo dang // gang dag lam po che dang shing gcig dang // dar khrod chen po dag dang nag tshal chen po dang // seng ge dred dang gcan zan 'jigs gnas dang // 'brog chen 'jigs su rung bar gang gnas dang // gang dag gling mchog rnams na gang gnas dang // lhun po dar khrod dag na gang gnas dang // rab tu dges te mgu bar gyur nas su// me tog phreng ba dri dang bdag pa dang // bstod dang gtor ma mar me gus bul ba// 'di dag bzhes shing legs par gnas nas su// las 'di rnams la 'bras bu michis par mdzod// de ltar rten la mchod pa byas nas su// de nas phyogs skyong rnams la mchod par bya// dbang bdag 'byung ba'i tshogs dang bcas pa yis// gtor ma phul ba 'di dag bzhes su gsol// me dang gshin rje srin po chu bdag dang // rlung bdag lus ngan 'byung po'i gdon dang bcas// steng gi nyi zla tshangs pa chen po dang // lha rnams kun dang sa yi klu rnams dang // ri'i lha dang gnod sbyin tshogs rnams la// so so so sor gtor ma phul ba rnams// rab tu dges pa yid kyis bzhes nas kyang // rang rang phyogs su legs par bzhags nas su// rang gi bu smad 'dza' bshes gnyen bdun dang // nang mi dmag dang dpung bcas thabs cig tu// phreng ba me tog dri dang gtor mar bcas// 'di dag bzhes shing legs par gsol nas kyang // bdag gi las kyi 'bras bu mchis par mdzod// de ltar gang zhig mtshan mo rgya ba la// gtor ma gtong ba'i las rnams byed pa ste// dngos grub myur zhing bgegs kyang shin tu med// yid du 'ong ba'i 'dod pa thob par 'gyur// 'phags pa/ dpung bzangs kyi zhes pa'i le'u ste brgyad pa'o// / / gang zhig dgra bcom pha ma gsod// thub pa'i dge 'dun dben ni byed pa dang // de bzhin gshegs la sdang ba'i sems kyis// nam zhig mi dag sgo mtshal 'byin byed pa// shin tu mi bzad pa yi las rnams// rgyal bas 'di dag mtshams med lnga po yin par bshad// gti mug gis ni gcig byas na yang // phung po 'di la grab pa thob mi 'gyur// mchod rten 'jig cing byang chub sems dpa' gsod// nyon mongs zad pa'i dgra bcom ma ni sun 'byin dang // slob pa gsod cing dge 'dun rdzas la ni// gang zhig 'dod pas mang nyung rku 'phrog pa// mtsham med nye bar de bzhin gshegs pas gsungs// tshul nyams mi ni gang zhig 'di byed pa// bskal pa'i bar du mnar sdug bsngal myong // gsang sngags dngos grub skabs kyang yong mi thob/ gang zhig bde gshegs gsung gi glegs bam dag/ chud gson pa dang mes ni bsreg pa dang // bsam pa ngan pas tshul ni dor ba dang // yang na chos kyi sku ni dor ba dang // bslab tshig ma lus pas ni brgyan pa yi// dge slong dag dang dge slong ma gsod pa// dge bsnyen dang ni dge bsnyen ma gsod dang // ngan pa'i sems kyis lha khang bsreg kyang rung // mi yi yul ni sdig pa 'di byas pa// dkar bar spyod pa ldan yang 'grub mi 'gyur// gang zhig dkon mchog gsum la gnod pa yi// bsam pas gnod pa cung zad byas kyang rung // bdag nyid mnar med dmyal bar yun ring chod// de las thar yang las kyi dbang gis ni// rigs ngan mi dang dud 'gror zla thob// 'di dag ngas ni khyod la mdor bshad pa'o// / gang zhig byang chub sems ni blangs pa las// rmongs pas 'jig rten lha tshogs phyag byed na// de dag de las mi dgar gyur nas su// de yi gsang sngags dngos grub nyams par 'gyur// gang gi tshe na sems ni dang pa yis// mi yul yang na byang chub sems blangs pas// de ni sa phyin chad lha dang lha min dang // 'jig rten ma lus kun gyis phyag byar 'gyur// mis ni mngon par mtho ba ma lus ba'i/ bslab pa mtha' dag blangs par gyur pa dang // sems can kun la mi 'jigs sbyin pa dang // dkon mchog gsum gyi gdung yang bsam pa yin// gang zhig mi bzad las byed thub pa gsod// rig sngags gcod dam gnod pa bye ba 'am// bsam pa ngan pas gsang sngags tshogs mi mchod// don med bzhin du sen mos tsa gcod dang // rkang pas rkang pas mnye ba la sogs/ pa'i/ sna 'bigs dge 'dun la ni mi gus dang // 'byung po 'byin pa 'am lha'i gtor ma dang // sa la ltung ba sngags pas bza' mi bya// 'dod chags zil gyis gnon pas dud 'gro dang / bud med 'grod bya min par 'grod mi bya// glang chen mi gdul sbrul yang bzung mi bya// rta rgyug pa dang lcags kyis bzhi mi bya// gang zhig sems can na dang sdug bsngal la// byams pa'i bsam pa brtan po med pa dang // las de rnams dang ldan par gyur pa yis// dngos grub nam yang 'byung bar mi 'gyur ro// dper na nam mkha' mthar thug med pa la// 'dom gyis 'jal bas mtha' rtogs mi nus ltar// de bzhin dkon mchog gsum la brten nas ni// phan gnod byas pa'i dge sdig mtha' mi rtogs// rgya dang snying rdor rtsa ba'i dag dag gis// khyi la sogs pa'i sems can gsod pa dang // bya rog la sogs gzebs kyis bcings byas nas// 'di dang pha rol du yang 'grab mi thob// bdud dga'i me tog rnyid pa bar pa rnams// rkang pas mi rdzi mgo la gdags mi bya// / bkres pas gdungs pas de dag rnams la ni// phul ba'i lha bshos nam yang bza' mi bya// 'jigs kyang tshangs pa brgya byin khyab 'jug dang // drag pa rlung lha la sogs phyag mi bya// de dag/ gis bshad chos la mi rten cing // de dag dka' thub mi bya rtag mi mchod// de dag chos la rngan sems mi bya zhing // de yi spyod la nam yang dga' mi bya// de dag bstod pa mi 'don sngags mi zlas// sbyin pa sprin tshe snying rje bskyed nas sprin// bde bar gshegs pa kan gyis bsten pa yi// gnas dang rgyal sras rnams lo phyag bya'o// rang sang+yas dang rgyal ba'i nyan thos rnams// de dag rtag tu phyag byi'o gnas yin no// ji ltar zla ba tshes la mi rnams ni// phyag 'tshal nyal sus kyang phyag mi 'tshal// de bzhin dad pas rgyal ba'i thugs sras la// phyag bya'i de ltar bde bar gshegs la min// 'jig rten kun la mngon mthe'i bslab pa can// snying rje'i bdag nyid 'gro ba'i don du ni// skye ba len pa de la ci'i phyir// bu gcig de nyid de la phyag mi bya/ skyes bu bsam yas rmad byang rdzu 'phrul can// de la mi ngan gang zhig mi 'dud pa// de la rgyal ba thams cad thugs nur nas// de yi gsang sngags dngos grub mi stsol lo// dper na shing gi me tog dang por ni// yid 'od phye nas 'bras bur gyur pa ltar// sems can mgon rnams me tog 'dra bar ltos// 'bras bu bzhin du rgyal bar rig par gyis// gang zhig rang gi bzhin chags dang rnam bral yang // gdul bya'i don phyir khro la khro ba dang // 'dod chags can dag chags can ltar ston pa// byang chub mchog gnas de la phyag 'tshal lo// gang zhig las dang / rnam smin mkhyen pa yis// 'gro ba kun dang ji ltar 'thun pa yi// gsang sngags gzungs kyis rjes su chags de la// sngags kyi rnam 'dren de la phyag 'tshal lo// 'phags pa dpung bzang kyis zhus pa'i le'u ste/ dgu pa'o// / lha dang lha min mi la phan gdags phyir// gsang sngags rig sngags rnam pa sna tshogs dag/ phye ba phrag gsum dang ni 'bum phrag lnga// rig 'dzin sde snod du ni rgyal bas gsungs// ngas ni gsang ba pa rnams gzhom pa dang // dbul ba sdug bsngal bsal ba'i phyir// dkyil 'khor bcas shing phyag rgyar ldan pa yi// gsang sngags bye ba phrag bdun rab tu bshad// pho nya bcu dang rig pa'i rgyal po bdun// de bzhin phyag brnyan drug bcu rtsa bzhi dang // nga yi snying po dam pa brgyad rnams dang // khro bo drag po bdud rtsi thal sbyor dang // rig pa mchog la sogs pa mthu be che// rig pa'i bdag po gsang sngags rjes 'brang bcas// de snyed rdo rje'i rigs ni gang yin pa// der ni 'di dag yis rgya chen bshad// sman ras gzigs kyis gsang sngags bye ba phrag/ gsum dang de bzhin 'bum phrag lnga rnams bshad// de yi rig sngags bdag po rta mgon dang // de'i ming can dkyil 'khor dam pa dang // bcu gnyis phyag dang phyag drag pa dang ni// thor cug cod pan 'dod pa 'byor byed pa// zhal bzhi don yod zhags par mdun bdun pa// sa stengs gsang sngags nyi ma bdun ltar 'bar// de las gsang sngags rta mgrin te// mi la mchog sprin 'jig rten gsum gyis 'dad// sgrol ma dkar mo gos dkar sbran ma dang // rnams gzigs ral pa gcig gam dkar sham dang // grags ldan khro gnyer can dang 'di dag rnams// pad ma'i rigs kyi rig sngags mchog/ de dag dkyil 'khor sna tshogs gsang can dang // phyag rgya rnam pa sna tshogs rnams dang ldan// rgyas pa'i gsang sngags rgyud du 'og bag can// rigs pa'i dbang phyug gsang sngags bdag mor gsungs// de yi gsang sngags mi la grub mchog ster// de lta lngas rtse na yang ni mngon par dga'// gnod sbyin bdag po de dag rtag tu 'thun pas// de'i bka' bzhin gsang sngags tshogs rnams bshad// lngas rtsen gyis ni stong phrag nyi shu ste// de yi chung mas de'i phyed bshad do// nor gyi bdag pos stong phrag bcu gsum ste// gang po pa yis kyang ni 'bum bshad do// lha dang lha min la sogs rgyal ba 'am// dad pa rnams kyis gsang sngags mtha' yas bshad// kha cig nga'i rigasu gtogs pa ste// kha cig dag ni pad ma'i rigasu gtogs// kha cig nor gyi rig su gtogs pa yin// gzhan yang kha cig gnas med rnam par 'chad// nor spyod zhes bya nor gyi rigasu gsungs// da ni rdo rje'i rigs zhes rab tu bstan// spyan ras gzigs dbang pad ma'i rigs yin te// rigs bzhi pa ni 'dir ni lngas rtsen yin// gsang sngags mdo sde ngas bshad gang yin te// bzhi po 'dir ni rnam par sbar bar bya// gzhan yang 'di na kha cig gnas med par// bde bar gshegs la brtan med yod 'khyam pa// mdo sde 'dir ni de dag thams cad kyang // 'byor pa 'dod pa'i mis ni rnam par sbar// lam 'di nyid du bzhags pa'i sngags pas ni// yid dang thun pa'i dngos grub thob par 'gyur// srid gsum nang na rgyal ba dkon mchog ste// de yi 'og tu de las byung ba'i chos// de yi dge 'dun skyes chen brgyad po ste// srid pa gsum na dkon mchog gsum po gtso// 'di gsum bsod nams rnams 'phel rgyu yin pas// dngos grub 'dod pas gsang sngags mgo la 'don// bsod nams che dang leg 'dren rmongs bya'i phyir// phyag na rdo rje gtum mchog phyag 'tshal zhes/ gsang sngags rnams kyi mgo la sbar bar bya// gnod sprin mgon po ngas ni bshad pa yin// nor gyi rigs dang pad ma'i rigs la yang // rang gi gsang sngags bdag por ldan par bya// bde bar gshegs pa nyan thos lam zhugs dang // rang rgyal rnams kyi lam la gnas pa dang // dad pa med cing tshul mchos 'byung ba yis// nga yi rdo rje rnams kyang 'chang mi bya// gang zhig theg pa mchog la sdang ba dang // bdud kyis bshad pa yin zhes zer ba dang // rmongs nas nga la gnod sbyin zhes smras dang // byang chub sems dpa' la ni mi 'dud pa'i// dge slong ma dang dge bsnyen dang // dge snyen ma dang 'jig rten pa rnams kyis// nga yi rigs kyi gsang sngags zlas brjod na// de dag rnams kyi lus ni myur du 'jig/ gang zhig nga'i rigs sngags rjes 'brang ba yi gdon// 'byung po gnod sbyin klu dang sha za yis// nga yis gsang sngags zlos tshe gsang sngags pa dang // mthong nas khros nas phung bar byed par 'gyur// gang zhig theg mchog rgya chen klog pa dang // de la dad cing de nyid 'chad par spro// brtson 'grub spre zhing byang chub sems brtan pa// de la nga yis gsang sngags mchog sbyin mdzad// ngas ni 'gro la ban phyir sangs rgyas pa'i// gsang sngags yongs shing rgya cher bshad pa yin// de nas gzhan yang 'jig rten pas bsdus nas// zhar la bshad pa 'di dag khyod kyis nyon// drag po yis ni bye ba phrag bcu bshad// nor lha'i bus ni stong phrag bcu gsum ste// tshangs pa yis ni stong phrag drag cu nyid// nyi mas kyang ni 'bum phrag gsum bshad do// na mkha' lding gis stong phrag bcwo brgyad ste// gtum byed mas ni stong phrag brgyad bshad do// de yis kyang ni brgyas phrag bdun nyid do// pur bu gsum pa yis ni stong bshad do// klu yi rgyal po rnams kyis lnga stong ste/ mtshan mo rgyu ba rnams kyi stong phrag bcu gnyis bshad// 'gro la phan phyir 'jig rten skyong ba bzhis// 'bum phrag bzhi ni rab tu bshad pa yin// lha min dbang pos 'bum phrag gnyis nyid do// lha'i dbang pos kyang ni 'bum phrag gsum// gsang sngags phyag rgyasna tshogs cho gar ldan// so so'i gzhung gi dkyil 'khor rnams dang bcas// rab sngags mdo sde'i rjes 'brang dang bskyed pa// ma sgribs bzhin du the tshom med par 'grub// de las zlog na dngos grub mi thob la// sdug bsngal mang po yang ni thob par 'gyur// 'phags pa dpung bzangs kyis zhus par le'u ste cha bcu pa'o// bcud kyi len dang gtor ma dang phug 'gro dang // nor bsgyur 'byung khungs gsang sngags gser 'gyur rtsi// rin thang med pa'i rin chen nor sbyiran te// brgyad po bstan pa yongs su bsgrags pa yin// sngags kyis phug tu 'gro dang bcud kyis len// sdig pa spong bar byed pas mchog tu bstan// rin chen dang ni gter dang 'byung khungs 'bris// gser 'gyur rtsi dang nor bsgyur za ba'o// me ni sems stobs ldan zhing chos la brtson// dka' thub kyis phug dang por bstan pa'i snod// rdul shas chen po la ni 'bring po bstan// tha ma la ni mun pa can gyi bstan// gang zhig mchog tu bstan pas bstan 'dod pas// des ni tha mar bstan pa rnam par spangs// gal te nor la sred cing sdug bsngal gyis// gdung nas 'bring po la ni bsten par bya// lha yi bde ba de dang ni 'byor pa dang // tshe dang stobs gzugs phun sum tshogs pa dang // thos mang mdangs bzang gcig pu yid gzhungs dang / dbang thang chen kan dka' thub stobs kyis thob// chags dang rnam bral dge la dga' ba dang // rtag tu dkon mchog gsum la sems gzhol dang // sdig pa spangs shing zlas brjod ldan pa yi// mi la lha rdzas dngos grab ring ba med// rdo rje mtshon me gnam lcags mthu 'dra ba'i// gsang sngags mi yi 'jig rten mchog sprin mdzad// 'jig rten 'di dang pha rol gnyis na yang // sdug bsngal sel cing sdig 'joms gzhan med do// gang zhig dpag bsams ljon pa'i shing lta bur// la lar dngos grub la la ro bsod nams dang // gzhan la gzugs stobs che zhing bde dag/ yid 'thun 'bras bu 'dod pa'i mi la stsol// gsang sngags sna tshogs gzugasu sprul nas// gang zhig sdug bsngal gang zhig skrag pa 'am// rgyal po tsho rkun thog gis skrag pa 'am// 'gro ba'i tshogs chen mtha' dag skyob par mdzad// gang zhig yul dang khyim la brten kyang rung // dka' thub ma nyams rtse gcig sems kyis ni// nyi ma gcig bzhin cung zad sngags zlas na// de'i gsang sngags dus gcig 'grub// cho ga bzhin du dang po 'bum zlas na// de nas sngags pas bsgrub la 'jug par bya// de nas dngos grub myur du thob par 'gyur/ gsang sngags tsho gas yun ring nyon mi mongs// lus las dril bya byed pa byas nasu// chu chen rnyog pa med par zhugs nas kyang // ji tsam 'dod pa'i bar du khrus byas te// byung nas shar ram byang du kha bltas nas// chu yis lag pa rkang pa khrus byas nas// pus me phyi rol du ni bstan byas te// bar du lag bzhag cog tsog por 'dug nas// sgra med dbu ba med par nye reg bya// lan gsum par duru ni 'thungs nas kyang // mchu la lan gnyis yongasu phyi bar bya// so la chags pa lce yis reg pa dang // sbrid pa byang nas kha lag bkru bar bya// rang byung skyes pa bud med gzhon nu dang // gzhon nu bar ma rgan mo bram ze rnams// de la nam yang reg par mi bya zhing // sngags pas de dag rnams la mi reg go/ rgyal de dag rnams la reg gyur na// slar yang thor 'thungs byas nasu// de yi phyir yang zlas la 'jug par bya// gtsang sbra dang zlos dga' la snying brtse cin// rtag tu nyes pa las ni ldog pa dang // slongs me'i zas za lha'i las la brtson// de la lus la gsang sngags 'jug par 'gyur// 'ga' yis bud med gos dang rgyan rnams dang // bzhon pa brgyan pa phyag pa bza' btung dang // mal stan rnams ni mang nyung byin gyur na// de la sgrub la gnas pas mi sla // / sa pung gshang sgor lnga ste mtshan la gsum// g.yon la gsum ste lag pa gnyis la bdun// yang sa dang chu yi de srid// dri ma dang bral de srid bar du bya// so se ka nags me mched pa'i me lce yis// ma sgrims bzhin du tshang tshing kun bsreg ltar// zlas brjod me la tshul khrims rlung gis sbar// brtson 'grus chen po'i me lces sdig pa bsreg/ ji ltar gangs la nyi ma'i 'od zer gyisaHbdugs nas gzi brjid mi bzod 'ju ba ltar// tshul khrims nyi ma 'od zer zlas brjod kyis// gdungs na sdig pa'i gang ri zad par 'gyur// mun nag dmag la mar me byung ba yis// mun nag ma lus sel bar byed pa ltar// tshe rabs stong du bsags pa'i sdig pa'i mun// zlas brjod mar mes myur du sel bar byed// ci ste sbyin pa dang ni zlas brjod kyis// gsang sngags bsgrub kyang dngos grub mi thob na// 'jim pa lnga ni mchod rten 'bum gdab pa 'am// yang na chu 'gram bye ba mi dag las gdab// des ni de yi sdig pa srid gzhan la// byas pa gang yin de ni zad par 'gyur// des ni gsang sngags mthu yis 'di nyid du// mthong ba'i chos la bsod nams 'bras bu thob// sngags kyi rtsa bas dang po tshul khrim te/ de ni brtson 'grus dang ni bzod pa dang // rgyal ba la ni dad dang byang chub sems// gsang sngags dang ni le lo med pa'o// ji lta mi dbang yan lag bdun ldan pa// skyo ba med par skye rku 'dul bar byed// de bzhin yan lag lam ni 'di bdun dang // ldan par gyur nas sdig pa 'dul bar byed// dang por zlas brjod pal cher byas nas// de'i 'og tu 'dir ni sprin bsreg bya// sbyin bsreg dag gis gsang sngags mchog myur stsol// yid du 'ong ba'i 'dod pa sbyin par mdzad// gang gis dpag tshad brgya'i pha rol na// gsang sngags mthu yis bud med bkug nas ni// bud med pa yin gnod sbyin mo ma yin// de'i gzugs kyi cha byad kyis ni sngags pa bsten// 'dod pa'i don phyir sgrub pa gang yin te// 'grub na'ang gnod sbyin bu mo sbyin par byed// de ni bud med de'i lusu yang // sprul nas mtshan mo 'dod pa brten par byed// ji ltar mi dag bud med 'dod phyir la// bsten par mi nus nor ni gyur pa ltar// de bzhin gnod bu mo 'am bran mo dag/ gsang sngags mthus bkug bsten par byed pa'o// gzhan gyi chung ma yid la bzhag nas su// gang zhig de la 'dod gdungs de la bstan byed pa// mi shes yid kyis gzhan gyi chung ma la/ 'dod pa sprod pa'i sdig pa mang du thob// rgyal ba la dang gzhan la phan brtson pa'i// kal+yA kla lha min gnod sbyin dri za dang // grub par bcas pa'i sngags bshad gang yin pa// de dag rgyal ba'i nyon thos rang sangs rgyas// de bzhin gshegs dang byang chub sems dpa' yi sa// ma 'ongs sems can mgon skyabs med rnams la// rab tu gzigs nas byin gyis brlab pa mdzad// de dag 'bras bu rab 'bring dang ni// tha mar dbye ba gsum du bstan// dpal dang phug tu 'gro dang mkha' 'gro ma// bsam pa bzhin du 'grub na mkha'i rnam pa dang // gnod sbyin mo yi khyo dang bcud kyis len// mi yi sgyu ma mtshan mo rgyu ba ste// de dag mchog yin 'bring ni sa bdag go/ grong dang nor dang dbye dang dgug pa dang // dgar dang bskrad pa dang ni bsad pa dang // klu yi gdon gyis zin pa gso ba dang // gang yang 'di lta bu dang 'thun pa'i las// de ni mkhas pas phrin tshegs yin par bshad// bye brag du ni klu dang gnod sbyin dang // byis pa gdon gyis zin pa gang dag tu// lus can rnams la ngo mtshar sna tshogs dag/ ston par byed pa phra mo phran tshegs yin// bya ba dang khu tshur thal lcagasgra dag dang // rnam par zlas dang dbab dang bskrad pa dang // gsangadra dang bcing la sogs pas tshar bcad dang // bod dang rigs pa'i gos dang sngags gos dang // rdog pas bsnun dang rnam par bskyod pa dang // mig tu dug song ltar ni gzhag pa dang // khab kyi gzugs dang khab cing skrag tu gzhag/ pu zhes bud dang yan lag gzhig pa dang // brang gis 'gro ba dag kyang dgug pa dang // phyir yang bcings dang mnan par bya ba dang // rmongs par bya dang dug zar gzhug pa deng // dug ni gzhan la spo bar bya ba dang // lcags kyur ldan pas drang bar bya ba dang // lus la zhen pa'i dug ni spang ba dang // zos par zlos dang zos pa bcad pa dang // sa bcing ba dang pho nya btang ba dang // bskrad dang klu rnams gzhig pa dag/ dang gi sgras ni bslang bar bya ba ste// rnam pa 'di dag dug gi la su bshad pa// sa'i steng na sbrul ni brgyad bcu dag/ gzhan la gnod pa byed cing rnam par 'khyam// de dag rnams la nyi shu gdengs ka can// khyim pa drug dang dug med bcus dang // de bzhin sbrul ni khro bo sum cu ste// suM tsu'i gang yin rigs de'i nang du gtogs// sbal ba go d+ha sdig pa kha brgyad du// rab tu dbyen rnam pa rnamang du yod// gcin rtug kha chu reg dang mthong ba dang // mche ba gtsugs da pa las kha cig dag kyang gtong // de las dag gi rgyal mkhas pa yis// rab tu 'bring tha ma gsum du dbye// dug bod khro ba'i dbang gyur skrag pa dang // de bzhin sngags pa 'am/ bkres pa'i zas phyir ram// sha khon yod pa 'am gshin rjes bstan pa 'am// lus rdzis na ni de dag za bar byed// zos pa de yang rnam pa bzhir 'gyur te// mche bas zos dang sos bcad bsad pa'o// gang du mche ba gcig gis khrag byung rjes// de ni dug chung bas ni zin par bshad// gang du mche ba gnyis kyis btab nas su// khrag ni phyung bar gyur pa zos pa'o/ gal te mche ba gsum gyis sha bcad na// de ni bcad par gyur pa yin zhes bstan// gang du che ba bzhi yis btab nas su// sbrul gyis ni zlog par gyur te// bstan nas bsad pa yin zhes bshad pa ste// de ni sman rnams kyis kyang zlog par dka'// mi yi rang bzhin gnang du 'phen pa'i dag/ mtshon dang me dang gze brjid mtshungs par ldan// ji ltar sngags kyis rab tu zhi 'gyur ba// de bzhin sman gyis zhi bar mi nus so// ji ltar me phung chen po'i bud shing la// nges par bsreg pa la char 'bab ska cig gis// zhi bar 'gyur ba de bzhin dug kyang ni// me'i phung po lta bu yang ni sngags kyi zhi bar byed// dug gi mthu stobs shes nas rab sgrims te// gsang sngags cho ga bzhin du zlas sgrub byas nas ni// ba lang nang na seng ge ji ltar bar// dug chen sbal dang dogs chen lhan cig rtsi// lha klu gnod sprin lha min grab pa dang // dri za 'byung po chun dang gsang ba pa// yid btags sha ze dag dang lus srul po// snyo byed mdangs 'phrog pa dang grib gnon dang // sa yi steng na gdon ni sna tshogs pa// mi yi sha tshil zo zhing khrag kyang 'thung // mya ngan 'dod gdungs khro bas nyams thag pa'i// glag skabs rnyed nas lus la 'jug par byed// de dag rnams kyis zin pa'i mi 'phyan zhing // glu dang gar byed rgod dang khro ba dang // dga' zhing rngam pa che la sgra 'dod dang // spyod pa sna tshogs byed cing lha nas dang / lha min ltar bcos skye bo gzhad dgad 'gyur// gtor ma 'dod pa 'am rtsed mo byed pa 'am// bsad pa'i don du lus la babs shing 'jug/ gsang ba po rnams gzhig phyir rigs kyi mchog mthu chen mchog sbyin rdo rje lcags kyu'am// gzhan yang de rigs las byung rigs pa 'am// khro bo bdud rtsi thal sbyor sogs pas gso// nga'i rigs kyi gsang sngags 'dzin cing 'chang ba dang / ji ltar nga'i rig sngags 'dzin pa'i mi dag la// gdon gyis 'jigs par 'gyur ba de ltar ni// mi min rlong min grong khyer sum rtseg dag/ 'joms byed gzi chen nyi ma mes po dang / chu bdag ma yin lha min rnams kyis min// nor bdag ma yin gnod sprin rgyal pos min// lhag ma mkha' lding bya'i rgyal po dang // sa srung bu dang grong khyer 'jig gis min// 'byung po'i rig/ sngags 'dir ni kun mthong dang // gdon gyi spyod pa ma lus shes nas su// phyi nas gdon rnams dog med brtul nas ni// gdon gyis ci 'jigs slar yang tshugs mi 'gyur// rigs gsum 'phel dang srid gsum mthar phyin dang // nyes pa gsum spangs lam gsum thugs su chud// de yi sras dang de'i rjes 'gro ba'i// lha dang lha min sogs pas bshad pa'i sngags// bdag nyid chen po mun pa sel ba yi// gsang sngags kyis ni byin gyis brlabs de la// 'jig rten lha chos rnams kyis bsngags pa yis// gsang sngags mthu yis de la skyob mi nus// rdo rje 'chang gi gsung thos lha rnams dang rnga tshangs sogs lha min gnod sbyin grub pa dang // rig 'dzin klu dang gnod sbyin grab pa dang // rin chen rig 'dzin klu dang gnod po dri za dang // gsang ba po dang tshun dang 'byung po dang // dad bas zhabs la mgo bos phyag byas te// gus par thal mo sbyar bas tshig gsol pa// kye ma ho srog chags rnams la thugs rje ldan// kye ma'o khyod kyi spyod pa mtha' yas pa// kha cig gis ni rdo rje 'bar bar mthong // gzhan gyis dbyug tho gzhan gyis 'khor lo can// de bzhin gzhan gyis gsum zhags par bcas// gzhan gyis ral gri gzhu dang be con dang // 'jigs pa'i gzugs can mtshon cha kun thogs nas// gzhan dag gis ni zhi ba nyid du mthong // du mi'i sku mnga' dmigs med sku mnga' bar// lha dang lha min gyis mthong de la 'dud// lha min lha yis zhabs la phyag bgyis pa// byang chub sems dpa' mchog rab khyod la 'dad// rigs sngags gzha 'gyengs khyod la phyag 'tshal 'dad// khyod la bdag cag deng ni skabasu mchi// khyod kyis ji skad gsungs de bzhin du// mis ni legs par sprad pas bgyis nas su// de dag myur du dbul ba'i mun bsal nas// nyi mas bzhin du shin du 'bar bar 'gyur// yan lag mi nyams sems kyang mi nyams shing // nad dang sdug bsngal lus nyams mi 'gyur ba// khyod la dad pa yis ni thob par 'gyur// de skad ces ni tshig tu smras nas kyang // rdo rje 'dzin la yang yang phyag 'tshal te// gzhal med theg par mngon par zhags nas kyang // ji ltar 'ongs pa'i nam mkha'i lam du nas dong // lha rnams dong nas phyag na rdo rje yis// dpung bzangs la ni tshig tu yang gsungs pa// lha rnams kun gyis mdo 'di shes zin gyis// khyod kyis 'jig rten 'dir ni grags par gyis// de skad gsungs nas dpung bzangs de yis ni// langs te gus par rab tu phyag 'tshal nas// gtsang byed sdig 'joms dpal dang ldan pa 'di// mi yi 'jig rten dag tu grags par bgyi// 'phags pa dpung bzangs kyi zhes pa'i le'u ste bcug pa'o// / 'phags pa dpung bzangs kyis zhus pa'i rgyud rdzogs s+ho// / rgya gar mkhan po chen po grub pa brnyes pa sangs rgyas gsang ba dang // lots+tsha ba mkhas pa chen pa dngas many+dzu shrI warmas zhus shing bsgyur ba'o// @/ dge'o// / maM gA la b+hi to// @ / sarba mang+ga laM//