བོད་ཡིག

e-texts produced with BDRC’s OCR application

rgya gar skad du// she kod de sha/ bod skad du// dbang mdor bstan pa/ dpal dus kyi 'khor lo la phyag 'tshal lo// zla ba bzang pos yang gsol pa/ ston pa dbang ni rnam bdun dang // rnam gsum de bzhin bla na med// 'jig rten 'jig rten 'das bsgrub phyir// mdor bsdus par ni bdag la gsungs// bcom ldan 'das kyis bka' stsal pa// nyon cig zla bzang dbang gi don// rnam bdun rnam gsum mchog dang ni// rtsa ba'i kun spyod brtsol ba ni// mdor bsdus nga yis khyod la bshad// rgyud la mdor bsdus rnam gsum dang // rgyas par bshad pa'ang gsum du 'gyur// rab du mdor bstan mdor stan che// rab tu rgyas par bshad pa gzhan// mdor bstan 'di nyid rgyas bshad te// rgyud kyi bsdus pa brjod pa yin// rab tu mdor stan rgyas bshad ni// dka' 'grel tshig ni 'joms pa'o// mdor bstan chen po'i rgyas bshad ni// 'brel bshad thams cad bsdus don te// de yang mngon shes thob rnams kyis// bya ba yin gyis mkhas gzhan min// de ltar mtha' drug rnams kyis dag/ rdo rje'i rnal 'byor rnam bzhi dang / byang chub rnam bzhi phung po dang / khams dang skye mched rigs drug rnams// 'jig rten khams sogs brjod pa ste// le'u lnga yis dag pa yin// dus kyi 'khor lo mngon brjod de// bden gnyis dang po'i sangs rgyas yin// gang yang dang por dbang bdun ni// byis pa rnams ni bzhugs pa ste/ 'jig rten kun rdzob rnam pa gsum// bzhin pa dag ni don dam nyid// chos rnams bden pa nyid kyis ni// rdo rje 'dzin pa ngas bstan te// 'jig rten kun rdzob bden pa dang // don dam gnyis kyi bden pas so// chu dang cod pan dar sbyangs dang // rdo rje/ dril bu brtul shugs che// ming dang rjes gnang bcas pa dang // rnam bdun dbang po rgyal po kye// lus ngag yid ni dag byed pa/ mngon par dbang bskur gnyis gnyis ste// rjes gnang ye shes dag pa yin// chu'i khams sogs yang dag dag/ gcod pan gyi ni phung po dang // dar sbyangs pha rol phyin pa dag/ rdo rje dril bu mi 'gyur che// sangs rgyas gsung rgyun mi 'chad pa// nyi zla gcig du dag pa'o// rdo rje brtul shugs mi 'phog pa// yul dang dbang po dag pa de// ming ni byams pa las sogs dag/ gnang ba sangs rgyas nyid du dag/ dbang bdun po ni 'di yin te// dkyil 'khor bzhengs nas sbyin par bya// bum pa dang ni gsang ba'i dbang // shes rab ye shes mngon brjod pa// slar yang shes rab chen po ni// de yis ye shes mngon par brjod// 'gyur zhing 'gyur te de nas 'thun// de nas gzhan ni rgyu 'thun pa// mngon par dbang bskur rim gsum gyis// lus ngag yid ni yang dag dag bzhi pa ye shes de dag ni// lus ngag yid kyang dag par byed// byis pa dar ma de nas rgan// bzhin pa yang ni skye rgu'i bdag/ shes rab nyi ma'i yan lag ni// reg las byang chub sems 'pho bde// gang phyir byis pa bde thob pa// dkar 'dzin gyis ni de dbang bskur// gsang ba mnyes las yun ring skyes// byang chub sems 'pho bde ba ste// gang phyir gsang las bde thob pa// dar la bab pa de dbang bskur// yun rings gsang ba mnyes las skyes// rdo rje rtse mo bde ba bathun// gang phyir rgan las 'thun 'gyur bas// shes rab ye shes de dbang bskur// phyag rgya che la rjes chags pas// rgyu 'thun las skyes bde ba gang // gang phyir rgyu 'thun nyid du 'gyur// phyag rgya chen pos de dbang bskur// skyob pa skyes rgu'i bdag po de// thams cad bskyed mdzad mar shes bya// rdo rje sems dpa' sems dpa' che// mi 'gyur gnyis med byang chub sems// dam tshig sems dpa' 'di yin zhing // rdo rje rnal 'byor rnam pa bzhi// dus kyi 'khor lo 'di ru brjod// rnal 'byor rnams thar ster ba// 'di nyid bsgrub par bya ba ni// ma bsam pa'i snang ba dang // du ba la sogs mtshan ma de// shes rab gzugs ni mkha' mnyam dang // yod dang med las rnam par 'das// sems kyi rkyen gyi don rnams dang // rdul phran las skyes tshogs pa rnams// kun tu yongs su spangs pas so// du ma mig rgyu me khyer dang // mar me 'bar dang nyi zla dang / mun can cha shes thig le che// / sna tshogs gzugs ni rab tu gsal// mig gnyis ma phye ma 'dzum pa/ gang zhig stong par ma brtag pa// rmi lam bzhin du gzugs mthong ba// gzugs de rtag tu bsgom par bya// med pa'i gzugs la bsgom pa ni // rnal 'byor rnams kyis de bsgom min// stong par ma brtags mthong phyir// sems la dngos dang dngos po medad/ ji ltar me long pra la ni// dngos med las skyes bu mos mthong // mkha' la de nyid rnal 'byor pas// 'das dang ma 'ong chos de bzhin// 'di min pas na dngos po min// dngos po stong pa'i don mthong phyir// dngos po med pa'i don yod pa// rmi lam sgyu ma mig 'phrul mtshungs// chos can med pa las ni chos// skye ba 'di ni mthong bas na// yid bzhin nor bu ltar mtha' yas pa'i/ re ba thams cad rdzogs par mdzad// gzhon nu ma'i bral ni// ma mthong ba'i rkun po mthong // nyi tse ba'i mig gnyis kyis// bskyod de bsgrub pa po yis gzigs// gal te yod pa'i gzugs mthong na/ bdag gis gdong bcis mi 'thong // gal te med pa'i gzugs mthong na// ri bong ri ni ji ltar min/ mig gzhan gyis ni ma mthong zhing // bdag gis mig gis kyang mi mthong // skye ba med pa mthong ba ni// gzhon nu ma si bu gzhin no// gnub mthong de'i 'og du ni// steng dang 'og tu rtsa gsum la// lus ngag sems ni dgag pa'i phyir// rgyun mi 'chad par srog brtsol bya// zla nyi sgra gcan dri chen dang // dri chu sa ngon 'bab pa'i lam// chu med stong pa sa dang rlung // ye shes khams rnams dag gis rigs// gang rnams rna mun can ni// lus ngag sems kyi rtsa de rnams// srog dang thur sel rim pa yin// dri chen dri chus don 'bab// thabs kyi rku ni zla ba la/ shes rab gsung ni nyin mor byed// shes rab sku ni dri chen rtsa// dri chu 'bab pa tso bo'i gsung // steng 'og sems kyi rtsa gnyis ni// sa bon @'bab dang mchu canas// thabs kyi thugs ni mun pa can// sa bon 'dab pa ma shes kyi// sku gsung thugs kyi rnam 'byor gyis// steng 'og rigs drug 'di nyid do// thabs dang shes rab sku dngos kyis// lus can rnams la yang dag gnas// skyeng po/ lhag pa'i rlung gi ni// lus ngag rtsal mchi ltas yin no// mun can sa bon 'bab ma las// skye dang 'chi ba gnas pa yin// skye dang mchi ba'i dus dang ni// 'khrig la sa bon 'bab pa'o// nyi ma pho dang mnyam pa la// mun can ma ni steng 'og 'bab// du sbyor 'byung ba'i mngon 'tshams su// dbus ma yis ni mnyam par 'bab// rkang pa dang bcas lnga bcu drug/ 'byung 'jug dbug so ma'i dbang kye/ bdun bcu rtsa lnga lhag pa yi// drug brgyad nyin dang mtshan mo'o// gang yang drug rgyas lhag yis// stong phrag nyi shu rtsa gcig ste// g.yas pa dang ni g.yon pa'i rtsa// de yis rlan pa de rnams 'bab// phyogs gsum dang bcas lo gsum ni// lo rgya yis ni dbus mar 'gyur// steng du g.yas dang g.yon pa ni// nyi zla lug dang ser skya gzhan// chu dang me yi rang bzhin te// pad ma rin chen 'dzin par gsungs// 'og du dri chen dri chu 'bab// sa dang rlung gi rang bzhin te// g.yas pa dang ni g.yon pa'i rtsa// 'khor lo ral gri 'dzin par gsungs// steng gi dbu ma 'og du yang // sgra gcan sa bon 'bab pa la// stong pa ye shes rang bzhin te// rdor 'dzin rdo rje 'dzin par mdzod// zla ba'i lam gyi dri chen rtsa// nyi mas dri chu 'bab ma// mnyam dang skye bachi 'dod chags la// sgra gcan sa bon 'bab ma'o// gang zhig lte steng kun dar ma// mun 'bab bzhin du yid bzang ste// gang 'og nam mkha' dong de ni// sa bon 'bab pa'i dung can ma/ lte ba'i pad ma snying mgrin dang // dpral ba'i gtsug gtor 'dam skyes la// sa chu me rlung stong pa ni// sdud pa yis ni 'bab pa'o// gshegs pa dang ni byon pa de// bskyed pa yis ni sa la 'jug/ lte ba nas ni lte ba'i dbus/ kun dar ma ni gshegs shing byon// lte gsang nor bu'i pad ma la// lus ngag sems ni 'bab ma ste// gshegs pa dang ni byon de// bsdad dang skyed pa'i gzugs can ma// skyes bu kun la dung can ma// zur sel rlung ni 'bab par byed// 'di ni bud med bde ba yis// sa ngon dus su khra/ 'bab ma// thabs dang shes rab sku dngos kyis// steng du g.yas dang g.yon pa'o// 'og du dri chen dri chu 'bab/ rdul dang sa bon 'bab pa'o// rdul 'bab phyir na gtum mo ste// sa ngon 'bab phyir na mkha'i gdong // steng du rigs ngan bud med la// skyes bu la ni kun dar brjod// sna khung g.yon pa'i rtsa la ni// rnam shes la sogs dkyil 'khor lnga// g.yas pa'i rtsa la sa sogs te// dbus su drug pa 'bab pa'o// lte ba'i pad ma'i mdab ma la// dkyil 'khor drug bcu'i rims pa bzhin// dus sbyor g.yas dang g.yon pa la// lug sog khyu mchog la sogs pa'o// rtsa ba yon dang de nas g.yas// steng dang dbus su rim pas rlung // dkyil 'khor re re'i dbyu gu las// sa sogs sna drug dag la'o// drug bcur bcas pa'i sum brgya'i dbus// rtsa ni rim pas 'bab pa'o// stong dang brgyad brgya'i dbugs rnams ni// rtsa lnga po yis de rnam 'bab// drug bcu'i rtsa ni nyin mtshan du// lus can la ni dkyil 'khor zhes// 'dab ma'i dbus su dang de nas shar// g.yas g.yon nub tu rim pas rlung // g.yon par brtags par mkhas sogs te// g.yas las sogs pa gzhan ma'o// g.yon du srid par rnam shes sogs// ga su sogs bsdud pa'o// nub dang shar tu sa dang rlung // phan tshun thabs dang shes rab ste// mthe bong dang ni ming med kyis// gang gis kha la dbang bskur ro// g.yas dang g.yon du me dang chu// phan tshun thabs dang shes rab ste// 'dzug mo dang ni gung mo yis// gang phyir ral gri 'gyur ba'o// phyag rgya zla ba phyed pa'i tshul// mche ba za chung gri gug ste// stong pa mi 'gyur steng 'og tu// phan tshun thabs dang shes rab po// sor mo rnams ni phan tshun du/ dkyil 'khor bcu ni yang dag sbyong // spyi bor thal mo sbyar ba yis// gri gug dpa'icas rtse gcig po// bskyed pa dang ni bsdud byed po'o// mnyam pa de yang dbus mi'i rtsar// phung po khams dang rdo rje gsum// dbus mar song nas cig tu 'gyur// zla ba nyi ma'i rtsa 'gags na/ dri chen dri chu'i rtsa 'gag go/ sgra can rtsa ni 'gags 'gyur na// 'og gi sa bon 'gag ma'o// 'di grol na ni kun gror 'gyur/ bskyed pa dang ni bsdud byed ma// srog dang thur sel lam gsum gyis// rtsa rnams kun spyod 'di yin no// g.yas pa dang ni g.yon pa la// nyin mtshan lnga dang de bzhin gcig/ rlung ni rab du 'bab pa na// de nas lo gsum gyis 'chi 'gyur// lnga phyogs chos dang nyi shu dang // deng nyid rim pas re res lhag/ nyi ma sum bcu gsum gnas pas// g.yas pa'i nyi ma'i 'chi ltas so// lo gsum gnyis gcig mnyam zla ba// drug gsum zung zla nyi ma ni// tshes phyogs lnga dang yon tan gnyis// gcig gis lus can tshe 'gro 'gyur// rtsa ba nas ni re re lhag/ g.yon du zla ba 'byung bar 'gyur// zhag dang zhag gi ga zla ba ste// bla gnyis can gyis zhag gsum mo// 'chi ltas zhag dang dge zla ba// de dag 'phel dang 'grib pa yin// lo rgya yongasu rdzogs pa yis// dbus ma la ni 'chi bar 'gyur// mnyam dang mi mnyam zhin zhag gis// de skyes nas ni dkyil 'khor 'byung // phyogs gnyis rnam par nyams pa'i phyir// g.yas dang g.yon pa dag las 'byung // gzhan du na ni 'chi ba med// phyogs gnyis yang dag gnas pa na/ g.yas dang g.yon du kun du spyod// dkyil 'khor lnga ni 'bab pa yin// 'di ltas mtshan nyid shes byas la// srog ni thig ler gzhugs par bya// kun sgo go 'phang brten byas la// mchog du mi 'gyur bsgom par bya// nyi zlar 'gro ba gzhom pa'i phyir// rtag par rdo rje bslang bar bya// gzhan du na ni kun spong 'char// srog gi rlung ni 'jug pa med// 'og du dung can thur sel ni// de ma zhugs na 'chi ba yin// 'chi ba blu ba 'di nyid ni// rnal 'byor rnams la dga' bas blus// gtsug tor steng gi pad ma las// shu bkra byung na dga' bas yin// mgrin pa snying kha mchog dga' ba// de nas rnam par dga' bar 'gyur// sna tshogs dga' ba lte ba la// gal te gsang ba'i pad mar song // gsong gnas rdo rje nor bu'i bar// lhan cig skyes dga' mi 'pho ba// rab tu mi gnas mya ngan 'das// chags chen mi 'gyur mnga' bdag go/ dga' bral las nas ni bde 'pho gang // mya ngan 'das la de rab gnas// sa ngon zla ba gtsug gtor shar// gsang ba'i chu skyes dgal rdzogs// tsa ni bcu drug pa gang de// rdo rje nor bu pad rtser song // de 'og ba'i dus yin te// nag po ches gcig 'ongan so// stong la dga' ba bral ba yis// nyi ma mdzod srur 'gro bar 'gyur// de yis chan bcu drug ma/ gtsug gtor pad mar song bas na// 'dir ni zla ba zad pa brjod// 'dod chags bde ba bral phyir ro// lus can thams cad 'chi ba na// zla ba bdud rtsi zur du 'gro// steng du nyi rdul dgra can dang // rnams shes srid pa'i mtshan nyid do// de bas zla ba bdud rtsi'i steng // 'gro bar bya'o rgyal po kye// 'og tu nyi rdul dgra can dang // rnam shes mi 'gyur bde ba'o// mdzod spu chu skyes sangs rgyas kun// zla ba'i bdud rtsi nya bzhin no// nyi rdul gnas stong gas pa la// gtsug tor nor bu de gnyis 'char// ston pa'i rdo rje tshig 'di ni// lus can rnamal phyin ci log/ mi gnas mya ngan 'das pa yis// khams rnams phyin ci log tu 'gyur// nor bur thugs dang gsang bar gsung // lte bar sku ni bde chen phyin// dag pa'i sku las spro ba ni// chos dang longs spyod sprul papa 'di/ 'og tu thabs 'gyur rgyal po kye// steng du shes rab ngag tu 'gyur// dpral bar spyi rdo rje yin// mgrin snying lte ba'i 'das skyes la// gsung thugs ye shes rdo rje ni// sbrul sogs 'di rnams sprul par mdzad// phung po khams rnams spro ba ni// sgrib pa med pa'i bde ba'o// las kyi phyag rgya'i snyoms 'jug dang / shes phyag rgya sogs dmigs dang // phyag rgya chen po gcig sbyor bas// mi 'gyur ba ni 'brel bar 'gyur// 'brel ba las ni 'phel ba med// zad pa las ni zad pa med// nub pa las ni nub pa med// gsal ba las ni gsal ba med// btsub pa las ni btsub pa med// skye ba las ni skye ba med// shi ba las ni shi ba med// grol ba ni grol ba med// mi gnas pa la mi gnas med// dngos po med la dngos med min// dngos po las ni dngos med min// dngos po las ni dngos med nyid// 'gyur ba las ni 'gyur ba med// mi 'gyur ba las mi 'gyur med// chos rnams rang bzhin med pa ni// sgyu ma 'byung dang zad bzhin no// / 'byung ba zad par mi 'gyur te// rang bzhin gyis ni skyes pa med// dngos dang dngos med mtshan nyid cig/ sna tshogs 'di ni mtshan nyid bral// rang gi shes rab la/ mkhyud sems// rdo rje nor bu'i pad mar song // de la zla ba 'thun 'gyur nas// mi 'gyur bsgom pa rgyu 'thun no// lus ngag sems kyi rtsa rnams la// lus ngag sems ni bsgom par par bya// rdo rje gsum ni bsdus pa yis// dud can ma la ye shes bsgom// mgon po las ni rim pa yis// shes rab chags pas thig le zhu// rdzogs pA'i zhugs rnams la// don dam par ni bcis par bya// rim pa ji ltar zla ba shar// cha rnams kyis ni rdzogs pa 'gyur// 'phel 'grib grib ma'i dbang gis te// zla ba chad dang rdzogs pa min// de bzhin rim pas ye shes 'tshar// sa rnams kyis ni rdzogs par 'gyur// nyon mongs la sogs bcom rdzogs pa// ye shes chad dang rdzogs pa min// dbu su ri bong gis mtshan ltar// nya la ri bong can mi gnas// 'khor ba'i bag chags kyis mtshan pas// mi 'gyur ba de la bzhin sems// de gnyis dbus su rdzogs pa gang // rdzogs pa de ni rab mi gnas// skad cig gcig gis rdzogs sangs rgyas// rdzogs pa la ni yongs mi 'gyur// gang zhig rdo rje nor bu sems// skad cig thams cad de rdzogs byed// dkar po'i phyogs gsal 'di mi gnas// dkar min pa la yi mi 'gro// gnyis med rdzogs pa la song na// phyogs gnyis po'i dbus su gnas// gtsug gtor las ni byung ba de// rdo rje nor bu rdzogs par 'gyur// dga' bral chags pas cha bcom pa// rdo rje nas ni rdzogs pa bcom// slar yang rdo rje nor bu rdzogs// dga' bral chags pas cha bcom pa// lus can ye shes bcom pa min// bde ba chen po'i rang bzhin 'di// rdzogs pa'i sgra yis brjod par bya// gzhan ma dngos po'i mtha' kun ni// bskyed pa dang ni bsdud byed rgyu// srid nas mya ngan 'das par shegs// de nas lar yang srid par byon// rang phyogs gnyis la zla bzhin dang // bgrod pa gnyis pa nyid yin no// rdzogs pa mi g.yo ba 'di ni// mi 'gyur ska cig gis thos pa'i// dbugs ni nyi khri chig stong dang // drug brgya yis ni lhag pa yis// sa rnams kyis ni yongs su rdzogs// phyogs gnyis yang dag gnas pa ni// sa rnams kyis ni yongs su rdzogs// bden don rnam pa bcu gnyis ldan// rnam pa bcu gnyis rnamasas kyis// rdzogs nas gnyis su med pa'i mchog/ cha rnams kyis ni rdzogs pa'i sems// rnam pa bcu drug mi 'gyur ba/ don gci// gnyis su med pa'i sems// don dam pa ni mi mnyam pa// rdzogs pa'i gnas skabs sems 'gyur na// kun nas rab tu rdzogs pa yin// chags bral dang po chags pa che// rdo rje yan lag mi 'gyur che// phyogs gnyis pa yis bag chags kyis// yongs su gang ba ma 'dres pa// ji ltar rgya mtshor chu bo chu// zhugs nas chu de de mnyam 'gyur// de bzhin du ni dngos po'i tshogs// 'gyur ba de ni mi 'gyur mnyam// ji ltar khams kyi tshogs 'di ni// sa bon gyis zos ro nyid 'gyur// sa bon rang bzhin nyid du ni// 'bras bu'i dus su nga rgyal spang // de ltar dngos po'i tsho gas kyang ni// mchog tu mi 'gyur bas zos na// rnams pa thams cad rang bzhin 'dzin// mchog tu mi 'gyur nyid du 'gyur// mche rma'i tshor ba'i sdug bsngal ni// gzhan du nad pas rig med la// dug tshogs gnas skabs gyur na ni// dbang po'i sgo yi yul ma yin// de bzhin rnal 'byor rdor rje nor bu// gzhan du dam pa'i bde rig min// sems ni rdzogs pa'i char rgyur na// dbang po sgo yi yul myin/ ji ltar lcags kyi phyogs cig ni// ro brgyad chen po yang dag gnas// lcags la drag po'i mes gdugs na// kun nas kun du 'jig par byed/ de bzhin du ni phyogs gcig na// mi 'gyur bde ba yang dag gnas// sems ni 'dod chags sems gdugs na// kun rnams kun du 'bigs pa byed// de ltar phug pa'i lcags la ni// gang du yang ni dri ma med// de bzhin phug pa'i sems la ni// gang du'ang bag chags yod pa min// gser nyid du ni lcags la basbyar// me'i dri ma med par 'gyur// de bzhin sems ni yang nas yang // 'dod chags me yis dri med 'gyur// nor bu chen po rdo la reg/ rab tu gsal bar 'gyur ba ltar// de bzhin mi 'gyur bdes reg na// sems ni bde ba nyid du 'gyur// 'dir mang smras pas ci zhig rtogs// 'jig rten kun rdzob bden pa la// lcags la kun du 'bigs pa yi// ro yi nus mthu bsam mi khyab// don dam par ni ye shes dngos// rtogs par yang ni nus sam ci// blo bur dri mas g.yog pa yi// sems la kun tu 'bigs pa yin// sems yul blo bur dri ma med// sems la yun rings dus su'ang min// sems las ma rtog pa'ang min// sems la zad med gnas pa'ang min// gal te 'di ni blo bur na// de phyir sngon du dri med sems// gal te 'di ni yun rings na// de phyir de la srid mi gang // gal te sems las me togs 'ongs// de ltar na mkha'i me togs mtshungs// gal te sems la rtag gnas na// de la kun du thar pa min// ji ltar zangs ma'i dri ma ni// bcud kyi sbyor bas par 'gyur// dri med kyis ni yang dag gnas// de yis de nyid nyam pa med// de bzhin sems kyi dri ma ni// stong nyid sbyor bas nyams par 'gyur// dri med kyis ni yang dag gnas// de yis ye shes nyams pa med// ji ltar bcud kyis lcags phug pa// lcag nyid du ni 'gyur ba med// de bzhin bde bas phug pa'i sems// sdug bsngal nyid du 'gyur ma yin// tshigs bral las ni sdig gzhan med// bde las bsod nams gzhan pa med// de bas mid 'gyur ba de sems kyis// rtag tu dbug bya mi dbang kyi// chags las ma rtogs bde ba ni// gzhon nu ma yis smras nus min// lang chos bde ba thob nas su// bde chen rang gis rig pa ste// de bzhin ting 'dzin bral ba yis// bde ba smra bar mi nus so// ting nge 'dzin gyis mi 'gyur thob// rnal 'byor pa rnams rang gis rig/ mi 'gyur las skyes the tshom ste// thams cad mkhyen pa ma rig kyang // yid la bde min chags bral ba// de ltar nam yang mi bya'o// 'pho ba las ni chags bral 'gyur// chags bral las ni sdug bsngal 'byung // sdug bsngal las ni skyes bu khams// zad las 'chi ba zhes su brjod// shi las de rnams slar yang srid// srid pa las ni slar 'chi 'pho// 'di ltar chags bral byung ba las// sems can gzhan du srid pa med// de bas 'bad pa thams cad kyis// 'pho ba'i bde ba spang bar bya// gang gi sa srid pa'i 'ching ba las// mi 'gyur ba der 'gyur rnal 'byor pas// 'dod pa'i stan bcos chags can pas// chags bral bar ni mi 'dod do// bdag gis bstan pa'i rgyud las ni// rnal 'byor pa ni sdug bsngal 'dod// sa bon mi 'gyur rang bzhin gyis// mchod du mi 'gyur bsgrub par bya// rten ni 'pho ba thob pa la// rten byed chags dang bral ba nyid// rten dang rten pa'i 'brel pa ni// ji srid mi 'gyur nyid du 'gyur// sems kyi mi 'gyur nyid thob nas// rten dang rten pa'i 'brel pa med// / mi 'gyur ba las skyes pa'i sku// mdzod spu'i 'khor lor son pa las// a li ka li'i sbyor ba yis// hUM yig mi 'dod rgyal po kye// stong pa las byung gzugs ni rgyu/ 'bras bu mi 'gyur las skyes bde// 'bras bu yis ni rgyu rgyas gdab// rgyu yis 'bras bu rgyas gangapo/ stong nyid gzugs 'dzin rgyu yin te// 'bras bu snying rje'i mi 'gyur 'dzin/ stong nyid snying rje dbyer med pa/ byang chub sems su de brjod do// mya ngan 'das dang bral ba'i sems// 'khor ba las mi 'gyur ba// rtag dang chad las nges par grol// de nyid sbyor ba gnyis med gzhan// dngos med las byung mtshan nyid phyir// ga gzugs la dngos po med pa min// dngos po las mtshan nyid phyir// mi 'gyur ba la dngos po med// dngos dang dngos med yang dag sbyor// rdo rje rnal 'byor gnyis med mchog/ gzugs dang gzugs min rnam par grol// me long la ni phra bzhin no// gzugs ni srid par mi 'gro ste// 'gyur med mya ngan 'das mi 'gro// phan tshun mkhyud pa zhi ba na// ma ning gi ni go 'phang mchog/ rgyu las shes rab ma skyes te// shes rab rgyu las 'bras bu 'byung rgyu las shes rab ma skyes phyir// shes rab las skyes rgyu skyes min// de phyir rgyu skyes ye shes min// shes rab ye shes mi 'gyur te// 'bras/ du dang ni rgyu yis ni// phan tshun du ni rgyas gdab med// gang zhig rgyu dang 'bras bu kun// de ni rten cing 'brel pa byung // phan tshun du mkhyud pa'i gzugs/ skye ba med cing 'das pa med// shes rab kun nas mya ngan 'das// mchog tu 'gyur ba med pa skyes// rgyu dang 'bras bu rnam par grol// phan tshun rgyas yis btab pa med// ma skyes pa dang ma 'gags pa'i// shes bya gang zhig 'dir mthong ba// phyi yi shes byas 'byed pa'i phyir// rang gi sems las de gzhan min// de phyir rang gis rang la ni// gar yang rgyas gdab nus ma yin// ral gri'i so yi rang la ni// ral gri chen pos gcod dam ci// mo gshams bu mor sbyor ba yis/ rmi lam bde bar 'gyur ba ltar// namakha' las byung gzugs kyis ni// bdag la bsten pas de bzhin no// lhan cig skyes pa'i shes rab bcas// 'di ni thabs min shes rab min// kun nas kun tu yongs su rdzogs// sgrib pa thams cad dag ni spangs// na mkha' lta bur gos pa med// yul dang dbang po spangs pa nyid// kun du yang dag kun la gnas// mi chod mi phyed spangs pa nyid// 'di ni rang byung rdo rje sems// don chen mchog tu mi 'gyur ba// 'dod chags chen po sems dpa' che// sems can thams cad dga' bar mdzad// byang chub sems dpa' zhes sdang che// nyon mongs zad mdzad dgra chen po// dam tshig sems dpa' gti mug che// gti mug blo ste gti mug sel// rdo rje rnal 'byor khro bo che// lha min khro bo dgra chen po// dus kyi 'khor lo chags pa che// 'pho ba'i chags pa sel bar mdzad// don chen bcom ldan 'das kyis 'dir// rdo rje mi phyed zhes su gsungs// sems dpa' srid pa gsum gcig pa// mchog tu mi 'gyur dag du brjod// mchog tu mi 'gyur ba des gang ba// sa rnams kyis/ ni yongs rdzogs nyid// 'dod chags chen po sems dpa' che// sems can thams cad dga' bar mdzad// sems dpa' byang chub rnam par gnas// de phyir mi g.yo byang chub sems// nyon mongs la sogs zhe sdang tshogs// zhe sdang chen po dgra chen po// dam tshig zla ba'i bdud rtsi dkar// 'pho med de ni za ba'o// rig pa 'dis na dam tshig sems// gti mug blo ste gti mug sel// shes rab sku dang mi 'gyur bcas// rdo rje thams cad gcig pa nyid/ khro bo'i gzugs can bdud rnams la// khro bo chen po dgra chen po// mi 'gyur chen po bde thabs kyis// nam yang sems can don mi 'dor/ sems can grol rnams ser sna che// 'gyur ba'i ser sna sel bar mdzad// mi 'gyur ye shes tshor ba 'di// rnam pa drug po dag tu brjod// rnam shes gzugs dang 'du byed dang // 'du shes phung po'i rigs de rnams// ye shes me dang na mkha' sa// rim pa ji bzhin rlung dang chu/ yid dang mig dang rna ba lus// sna dang lce ni de bzhin no// sgra dang ro dang chos kyi dbyings// dri dang reg pa gzugs dag ste// rigs drug po ni yongs su dag/ khro bo'i rgyal po gdong drug 'jigs// lus dang gsang ba'i dbang po sems// dkyil 'khor rnams gsum rtag par ni// thabs shes rdo rje gsum rnams kyi/ rdo rje sems dpa' nyid 'dren to// mchog tu mi 'gyur bsgrub pa ste// rtsa dang rigs su yang dag ldan// mdor bsdus bshad pa'o// zla bzang kye// 'jig rten gyi khams kyi le'u la sogs pa las// le'u lnga pa mchog tu mi 'gyur ba'i dbang gis bsgrub pa mdor bsdus pa'i le'u zhes bya ba rdzogs s+ho// / rgya gar gyi paN+Di ta zla ba mgon po dang / bod kyi lots+tsha ba dge slong shes rab grags kyis sgyur nas gtan la phab pa'o// / srad nas panI ta mkhas pa chen po sa man+ta shri'i zhal mnga' nas/ lo tsA ba dge slong chos rab kyis zhu chen legs par bgyis pa'o// yang phyis puSh+pe shrI de shan+d+ras rgya dpe la btugs shing 'grel pa dang btun nas chad pa bsabs zur nyams pa rnams bsos te dag par byas pa'o// /