བོད་ཡིག

e-texts produced with BDRC’s OCR application

phya// // !/ / rgya gar skad du// ku la a wa lo ki te shwa ra pan tsa shi ka na ma tan tra ra dza na ma/ bod skad du/ rigs kyi spyan ras gzigs dbang phyug lnga bcu pa zhes bya ba'i rgyud kyi rgyal po// dpal rdo rje mkha' 'gro la phyag 'tshalo// de nas gsang ba dam pa 'di// 'jig rten rmongs par byed pa'i mchog/ rigs dang rigs 'byung zhes bya ba// gsang sngags mchog ni bshad par bya// dam tshig spyod pa las nges grol// bya ba dus dag rnam gsung pa// sku gsum yang dag ldan pa ste// 'jig rten mgon po 'gro ba'i bdag/ 'dod pa'i dbang phyug 'dod pa'i lha// mthong dang ma mthong 'bras bu te/ de yis sngags ni mtshungs med pa// bla ma'i zhal las shes par bya// drag shul che dang 'jigs gzugs can/ thig le lnga dang yang dag ldan// gcod byed dang po dang gnas pa// chen po lnga lnga dang ldan pa// lce gnyis yan lag med gnyis pa// sku gsum sngags kyi 'dren pa'o// 'di nyid dran par byed pa'o// gtsang ma rung dang mi rtsang ngam// lha'i dbang phyug rol byed mas// 'dod lha bzhin du yang dag lta// sngags kyi mgon po 'di la ni/ bya bar mi dgas bsgrub mi dgas/ mchod pa sbyin bsregs mi dgos shing // bsam gtan rnal 'byor yang dag rig rgyan/ ldanaHdus dang dus 'tshams nges grol zhing // rtse gcig yid ni brtan pa yis// cho ga bzhin du 'bum bzla zhing // yang na yi ger re re la'o// the tshom med par tshig tsam gyis// las rnams thams cad byed par 'gyur/ snying 'khor lo nas mthar thug/ gzhan dang gzhan mchog khyed byed dam// de ni bye brag gnyis ldan par// shes na thams cad song bar 'gyur// bsam gtan rnal 'byor yang dag ldan// blo ldan lus la bkod byas pa// 'gro la gang ci'ang rung ba yis// sta stengs la sogs 'grub par byed// pad+ma'i phyag rgya yang dag ldan// yang na nam mkha'i phyag rgya'o// lte ba nas ni kha yi bar// nus pa bsam dang yang dag ldan// g.yo zhing dga' ba'i yul can ni/ blo yis rnam par 'jug par bya// srog ni rgyu'i tshad tsam dang // go 'phangs gnyis kyis goms ba yin// de ltar rgod pa byas 'gyur na// 'jig rten mgon po'i sku 'drar 'gyur// gzhan du nas ni bzlas pas ni/ las rnams gang gis 'byed par 'gyur// de ni na mkha' khu tshur dang / 'bras 'dad so ba brdung ba bzhin/ cho ga bsam gtan sbyor ba yis/ gang che las rnams rtsom gyur na/ de tshe de yis yid ga ba'i/ las rnams thams cad 'grub par 'gyur/ rang gzugs bsam dang rang bcas pa/ 'tshal mchog gis ni 'od dang mtshungs// se'u yis me tog dang 'dra ba/ lha'i lha ni phyag bzhi pa// pad+ma'i gdan la yang dag gnas// zhags pa lcags kyu 'dzin pa'i mchog/ phyag gis mchog sbyin la brtson cing mu tig nor bu dag gis brgyan// phyag na pad+ma spyan yangs pa// sna tshogs gzugs can gzi brjid che// dpa' bo'i dbang phyug 'gro ba'i mgon/ rnal 'byor ma'i snying dgar byed/ sngags kun gyis ni bzhir 'gyur lha// dngos grub thams cad rab bsgrub byed/ dngos po gang dang gang gis ni// rnal 'byor bsam gtan la rtson pa// 'di ni bskrod par byed pas ste/ dgra rnams 'jom par byed pa'i mchog/ dkar dang dud pa dmar ba 'am// rnam par snang ba nges par sbyar// bsod pa la ni sku mchog gnag/ de bzhin gnon la ser por gsung // lug gis gdan la yang dag gnas// rkan gyi phugs ni 'bugs par byed// sa 'og la sogs gang gnas pa// de rnams thams cad 'gug par byed// don mang tshig rnams bkru ba ni// mang du smra ba ci zhig dgos// 'jig rten gsum na las rnams ni/ yon tan brgyad dang yang dag ldan// rgyur zhe na nye bar spyod pa las// gsung dang ma gsungs ci yang rung // rang gzugs bsam gtan spyod pa yis// byed par 'gyur te the tshom med/ zhal ldan byed pa'i lha 'di ni// sIng kha'i chu skyes dbus na gnas/ snying kha'i chu skyes sbyor ba yis// dbang dang skrod cing gsod par byed/ lho ni sku mchog gsum dang ldan// skrod pa rnam pa gsum dang ldan// rnal 'byor ma'i mkhar gnas pa'i/ las de rtag tu byeng par 'gyur/ @ kha sbyar las dag la// 'byin pa rnam pa gsum yang byed/ rtag du brtson pa'i rnal 'byor pa// mar me'i rtse lngar mi g.yor gnas/ sngar bshad lha'i lha dbang phyug/ dmar dang dmar skya'i 'od dang mtshungs// mtshan phyed dus su gnas byas nas// rnal 'byor 'di nyid brtsam par bya// de gzugs 'chang ba'i lus de ni// sngar gyi bkod pa legs sbyangs pa/ zhags pa lcags kyi 'chang ba'i lhas// bsgrub bya'i lus su yang dag 'gugs// thams cad gsang ba'i mkha' la gnas// zhags pa lcags kyu gzi brjid che// de yis bsgrub bya dgug byas nas// lcags kyu spyi bor gdab par bya// 'dar zhing ru ti ras lpags lus// yang dang yang du skyug par byed// ru ti ra ni kun zag 'gyur/ sgo dgu las ni nges par 'byung // bsgrib pa dag las nges grol ba// lus 'di nyid ni blta bar bya// de yi dbus las sngags bzlas shing // dang po'i yi ge dbang phyug mchog/ 'bar ba'i me dang 'od mtshungs pa// rang gi shes rab nus pas mtshan// de ni pad+ma'i gzugs bskor zhing // kha'i gur las nges par 'byung // song zhing bsgrub bya'i kha la thim// bsgrub bya'i snying kha'i pad+ma'i bar// de mthar gang ci'ang rung ba ni/ snying khar gnas pa de dag kun mer mer po rnams kun blangs nas// sgron ma'i gzugs can yid 'phrog pa'o// de yang gsum par cho ga bzhin// rlung gi yi ges rtogs par bya// bdag gzhan thams cad thims 'gyur zhing // dngos po gcig tu 'gyur ba mchog/ bdag nyid dang ni nor bdag gis// bran gyi dngos por yang dag gnas/ 'jig 'di nas sa bdag rnams// the tsom med par cis mi 'grub/ gzhan dbang la sogs rnal 'byor pas/ sngags kyi dbang phyug sbyar mi bya'o// rgyal sri bsgrub pa la brtson pas// gsang sngags rgyal po'i dbang phyug sbyar// bud med 'dod pa'i sred pa yis// gang zhig gzhan du byed 'gyur na/ brang dbang til cho ga dag gam ni// de ma thag tu 'chi bar 'gyur// rigs 'byung snying po mchog sbas pa// rtag tu srog bzhin bsrung bar bya// dam tshig spyod pa dman gyur kyang // gsang sngags 'dren pa 'di bzlas te/ 'du 'dzi med par cig pu yis// mkhas pas 'bum 'am khri bzlas na/ de la 'phral du rtags 'byung zhing / rigs 'byung go 'phang 'khor gsum 'grub// 'jig rten thams cad bskyed byed cing // yang dang yang du bsdud par byed// na mkha'i go 'phang 'gro 'gyur zhing // dran pa tsam gyi the tshom med// sems dang sems min nges sbyor bas/ sems kyis sems ni nges par mthong // sems ni sems la thim 'gyur na// lus ras rgyanacan rnams la nges par 'jug/ nad med nad bcas byed pa ste// de bzhin nad bcas nad med byed// sngags kyi mgon po'i da phyug ni// zhags pa lcags kyi 'dzin pa'i mchog/ gsum pa gnas skabs gsum gnas pa// gang gis 'jig rten mgon rig pa// sred med na mkha' lta bu yis// 'jig rten mgon po'i go 'phang 'gro// gzhan du na ni rmongs pa yis// byis pa zla ba 'dzin pa bzhin// rang bzhin go 'phang sbyor ba yis// las grub pa la brtson 'gyur na// / las rnams thams cad 'grub 'gyur zhing // cig tsam gyis ni the tshom med// / rigs kyi spyan ras gzigs dbang phyug lnga bcu pa zhes bya ba'i rgyud kyi rgyal ba rdzogs s+ho// / shes rab dbang phyug dad pa yis// las kyi rdo rje la zhus nas// skal ldan rnams kyi don du ni// 'jig rten mgon po'i rgyud 'di bsgyur// de las bsod nam/ gang bsags pa// dri ma med des 'gro ba kun/ log par lta ba las grol zhing // 'jig rten dbang phyug 'dra bar shog/ rgya gar gyis mkhan po da tra ti dpal gyi zhab gyi zhal snga nas// lots+tsha ba shes rab dbang phyug gis bsgyur cing zhus te gtan la phab pa'o// 'di la paN+Di ta bi ma la shri b+ha tra dang // yar lung lots+tsha ba grags pa rgyal mtshan gyis bsgyur ba'i le'u gsum du byas pa'i 'gyur yang yod// 'ga' zhig 'di mar rgyud yin par 'dod do// dge 'dis mkha' khyab 'gro ba ma lus pa/ rgyud bzhi'i dgongs pa rtogs nas sangs rgyas shog/ mang+ga laM//