བོད་ཡིག

e-texts produced with BDRC’s OCR application

/ rgya gar skad du/ kri sh+tsa ya ma a ra tsakra na ma/ bod skad du/ gshin rje gshed nag po'i 'khrul 'khor zhes bya ba/ bcom ldan 'das gshin rje gshed po la phyag 'tshal lo// don dam chos sku zhi ba nyid// gang 'dir khams gsum rnam rgyal te/ gshin rje'i dgra zhes grags pa yi/ 'khor lo bskor ba'i cho ga bshad// yon tan ldan pa'i sngags pas ni// cho ga bzhin du bsnyen pa yis// dur khrod dben pa la sogs par// maN+Dal khru do'i tshad du bya/ dri dang ba'i rnam lnga dang / nyi zla sogs pa byi dor bya// sha la sogs pa dam rdzas lnga// gzhan yang tshogs kyi 'khor lo dang // phyi nas mchod pa'i bye brag gis// legs par mchod par byas nas ni// 'khor lo bri dang btu ba dang // drang dang bsre dang spo ba brtsam// sngags pa rnal 'byor ldan pa yis// lho'i phyogs su kha ltas te// dam tshig rjes su dran pa yis// oM badz+ra sa ya ya sto// gsang sngags 'di ni dran byed cing // 'khor lo bri bar brtsams par bya// dbus nas sor tshad bcu drug pa// kun tu zlum por bskor ba ni// 'di ni nang gi 'khor lo ste// rim pa gsum du bskor ba la// sgo med lcags mkhar bcu drug bya// 'di ni gshin rje'i grong khyer te// srid pa gsum gyi 'jug sa yin// de'i phyi rim mu khyud gsum// kun tu lcags ris skor ba ste// mu khyud de dag re re la/ khang pa sum bcu rtsa gnyis mdzes// 'gro ba'i chos bzhin gcod pa yi// 'khor lo 'di ltar bris nas ni// phyi rol mu khyud tha ma la// yi ge ka sogs da yig mtha'// nga nya gsal nas dgod par bya// yi ge rnga sogs k+Sha yig mtha'// de'i rjes su bri bar bya// mu khyud dbus ma dag la ni/ dbyang yig bcu drug gnyis 'gyur ro// btu dang dgod sogs rtsom pa na/ mtshan ma 'di dag shes par bya/ zla ba mig dang yon tan dang / rig byed mda' dang dbang po dang / tog tsa@#rgya mtsho bkra shis bza' dang phyogs// dregs pa nyi ma yan lags// chos zhes bya bar rab tu grags// phyi rol mu khyud tha ma la// shar gyi tshangs thig nas brtsams nas// rim min bza' can khang pa nas// yi ge bkra shis tsam blangs te// nang gi ngos kyi mu khyud kyi// tshangs thig ni ngos dag la// phyogs bzhir mig gi tshad du sbyin// rims min phyogs can khang pa nas/ yi ge mig gi tshad blangs te// shar du do'i g.yas g.yon bzhag/ rim min bkra shis khang pa nas// dbyangs yig gnyis pa can blangs te/ mig gi tshad du byas nas ni// de'i ngos la re re bzhag/ nub kyi tshangs thig nas bgrang te ta/ rgya mtsho can gyi khang pa nas// dbyangs yig bcu gcig dang ldan pa/ mig gis tshad du blangs nas ni// lho phyogs de'i g.yas g.yon bzhag/ nub nas rim pa min pa yi// zla ba can gyi khang pa nas// dbyangs yig bcu gsum dang ldan pa// mig gi chad du blangs nas ni// lho ru de rjes sbyin par bya// de nyid dbyangs yig gsal ba ni// mig gi tshad du blangs nas ni// sngon bzhin nub kyi phyogs su sbyin// nub nas bkra shis khang pa nas// dbyangs yig bcu gsum dang ldan pa// mig gi tshad du blangs nas ni// nub kyi ngos su de rjes sbyin// byang nas bkra shis khang pa nas/ dbyangs yig bcu gci/ pa ldan pa// mig gi tshad du blangs nas ni// byang gi ngos la de rjes sbyin// rlung gi sa bon zhes bya ba// mnga' can khang pa nang gnas pa// 'od kyi gong bu byas pa dang // de nyid nas ni bgrangs pa yis// sa chen khang pa nang gnos pa// dbyangs yig gsum pa ldan pa dag/ zla ba'i tshad du blangs nas ni// byang shar 'tshams su re re sbyin/ rgya mtsho'i khang pa nang gnas pa// dbyangs yig gnyis pa dang ldan pa// rim min yon tan khang pa nas// zla ba'i tshad bzung nas ni shar lho 'tshams su sbyin par bya// rim min bkra shis khang pa nas// dbyangs yig lnga pa ldan pa dang // yan lag can gyi khang pa nas// zla ba'i tshad du blangs nas ni// lho nu pa byang mtshams su de bzhin sbyin// de ltar dgod par byas nas ni// de nas drang ba tsam par bya// dam tshig rjes su dran byed cing // rdo rje shugs dang ldan pa yis// shar gyis tshangs thig ngos gnyis nas// yi ge zung ldan drangs nas ni// dbus kyi khang par bzhag par bya// phyogs gzhan tshangs thig ngos dag nas// de bzhin bzung ldan drangs nas ni/ de bzhin dbus kyi khang par bzhag/ de nas shar gyi yi ge yang // zung ldan gnyis pa drangs nas ni// rim ba gnyis pa'i khang par bzhag/ phyogs gzhan du yang de bzhin no// shar gyi zung ldan gsum pa yang // rim pa gsum pa'i khang par bzhag/ phyogs gzhan du yang de bzhin no// 'tshams kyi yi ge ya bral ni/ rang rang nang gi 'tshams su drang // de dag phyung ba'i khang stong du/ dbyangs kyi yi ge drang bar bya// dbyangs kyis yi ge'i bzhi la ni/ ming gi yi ge drang bar bya// ming gi yi ge'i bzhi la ni/ so so las dang mthun pa yi// bskul ba'i yi ge bgod par bya// gsad dang skad dang dbye ba dang / yi ge phaT ni bzhag par bya// mnan pa la ni yi ge lam/ zhi ba la ni yi ge oM// rgyas pa la ni de bzhin sadabang la baM gyis brgyan gyis brgyan pa ste// dgug pa la ni yi ge dzA/ de la las kyi 'od zer ni// zhi ba chu ste rgyas pas// dbang la rlung ste drag po me/ dbye dgug bskrad pa dbang dang mthun// mnan pa dag ni rgyas pa bzhin// drang ba'i sbyor ba byas nas ni// sre ba'i sbyor ba brtsam par bya// gnyis med sngags dang ldan pa yis// dbus kyi bkra shis yi ge ya// zla ltar 'od kyi gong bu bya// 'od kyi gong bu de nang du// 'dod pa'i bsgrub bya bzhag par bya// de dkyil rang ming dang po bzhag/ phyogs kyi khyim na gnas pa yis// yi ge bzung ma thams cad kyang // de tshe 'od kyi gong bur bya// bsngags kyi rgyal po bcu pa yang bcu gnyis khyim du spel te bri// byin brlabs hUM zhes bya ba yang // khang pa bzhi bzung res mdzes// yongs su dag par dkod byas nas// mchod dang gtor ma byas nas ni// spo ba dag ni brtsam par bya// las kyi dbye ba ci lta bar// 'khor lo'i ras ni blangs bya ste// zhi ba dang ni rgyas pa la// shin tu dges pa'i ras la byas// dbang dang dgug pa smad 'tshong sogs// gsad dang dbye dang bskrad pa dang // mnan pa la ni dur khrod ras// gi haM gur gum zhi rgyas la// dbang dang dgug la tsan dan dmar// mnan pa la ni ldong ros sogs// bskrad la bya rog khrag gis te// dbye ba rta dang ma he sogs// gsad pa dug la sogs pas bri// dge ba'i las la bzang po'i shing // dge min la ni rus pa dang // lcags la sogs pas bri bar bya// zhi ba shar la dbang la nub// rgyas pa byang ste drag po lho// gzhan yang ci rigs sbyor bar bya// zhi rgyas dbang dang dgug pa la// sa skor rim bzhin bgod bya ste// gnam bskor dag ni rim las bzlog/ gsad skad dbye dang mnan pa la// sa skor rim las bzlog pa ste// gnam bskor dag ni rim bzhin bri// 'di ltar legs par ma bris na// 'khor lo rang la ldog par 'gyur// de bas nan tan bskyed de bya// ras kyi 'khor lo legs zin nas// maN+Dal la gnas 'khor lo de// ras kyi 'khor lor spyan drangs te// rdo rje bsdu ba'i sbyor ba yis// maN+Dal 'khor lo bsdu bar bya// ras kyi 'khor lo mchod nas ni/ bden pa'i byin brlabs dmigs par bya/ ci ltar gsungs @pa'i cho ga bzhin// 'khor lo sba bar byas nas ni// gsang sngags bzlas pa rtsam par bya// oM badz+ra sa ma ya s+t+waM/ dam tshig gis sngags so// oM badz+ra be ga hUM/ rdo rje shugs kyi sngags so// oM ma hA sa ye tri/ sa me ma hA sa ma ye swAhA/ yi ge bsre ba'i sngagaso// oM badz+ra sa ma ya dza// 'khor spo ba'i sngags so// oM ya ma rA dzA/ sa do me ya ya me do ru/ Na yo da ya ya da yo ni/ ra ya k+She ya// ya k+She yats+tsha/ ni rA ma ya hUM paT// 'di ni rtsa ba'i sngags te las thams cad pa'o// o hri Sh+Ti wi kri tA nan hUM phaT/ 'di ni las kyi sngags te las thams cad pa'o// shan ting ku ru yai swA hA// zhi bar bskul pa'o// puSh+TiM ku ru swa hA// rgyas par bskul ba'o// wa shaM ku ru swa hA/ dbang gi'o// ma ra ya phaT/ gsad pa'i 'o// bi de sha ya phaT/ dbye ba'i'o// u tsa ta ya phaT/ bskrad pa'o// staM pa ya hUM laM/ mnan pa'o// a kar sha ya hUM dzA/ dgug pa'i 'o// oM mu slar dgrol ba'o// a li ka li'i grong khyer ni// gsang sngags byung ba'i rtsa ba ste// las kyi btson ra dag kyang yin// yi ge btu ba med na ni// gas sngags sgra ni log par 'gyur// yi ge tshang bar ma bkod na// gsang sngags sgra ni nyams par 'gyur// gsang sngags brda yi ma brjod na// sngags ni dngos grub med par 'gyur// drang ba dag ni ma byas na/ shin tu 'khor bar mi 'gyur ro// yi ge bsre bar ma byas na/ bcu drug khang pa don med 'gyur// skor phyogs log na don mi 'grub// rig sngags nyams dang log pa ni// lha min g.yul du pham pa dang // dbang po'i dgra yis dgra bsad bzhin// 'khor lo spo ba ma byas na// cho ga dag ni nyams par 'gyur// rgyu yin pa dang sbyor ba dang // dad pa brtan pos 'grub par 'gyur// de bas nan tan bskyed de bya// dpal gshin rje gshed nag po'i 'khrul 'khor bri ba'i cho ga rgyas pa'i rtog pa rdzogs s+ho// rgya gar skad du/ sa ma ya a mri ta kha hi na ma/ bod skad du/ dam tshig bdud rtsi za ba zhes bya ba/ gshin rje gshed la phyag 'tshal lo// de nas gzhan yang bshad bya ba// bsngags pas rtag tu brtan pa ni// rus sbal 'o ma zhes bya dang // de bzhin 'od kyi lo ma dang // 'jim pa skam po nyid dang ni// de bzhin me'i khu ba dang // sgra snyan gyi ni rdzas dag dang // 'di rnams rtag tu bsten na ni// rang bzhin gyis ni nad med cing // tshe ring dbang po rgyas ba dang // rtag tu lang mtsho dang la bab// lha rnams kun gyis byin gyis brlobs/ 'di la spyad par mi bya ste/ mthu dag ngo bo nyid kyis 'grub// ting 'dzin @sngags kyi byin brlabs nas// las kyi rnam smin sbyong bar byed// rig pa 'dzin pa'i sa la gnas// de phyir cho ga gzhan du bstan// tshes gcig skya rengs shar ba dang // snod la ma reg ru sbal no// drod ma yol bar datud par bya// yang na nyi ma'i sbu gus btung / mar gyi de'i tshes gcig la// 'od kyi lo ma btsal nas ni// de nyid nas ni bzung nas kyang // zhag gsum skya rengs shar ba na// lo ma de bcad bza' bar bya// yang na nyi ma'i sbu gus bya// 'jim pa bzang po sbyar nas ni// zhag gsum chu'i nang du skem// de blangs nas ni rang skam nas// phye ma byi la'i spar chad de/ wa yi 'o ma dang sbyar nas/ sngags pas rtag tu btung bar bya// me'i sdong po bsar pa ni/ ba yi mar gyis dril nas ni// kha sbyar snod dang ldan byas nas// me chus yis btsir nas ni// gtung ba nyi ma'i sbu gus btung // lan tshwa bral ba'i sgra las ni// zhag gsum bsanges pa'i sgra stan rdzas// nam gyi gung la sngags pas blangs// cha gsum snod du zhag gsum bzhag/ rtse mo'i cha ni byug pa ste// dbus ma'i tshan bdud rtsi yin/ rtsa ba'i cha ni dor bar bya// 'di rnams so sor bsten pa na/ tha mal 'bras bu gsum gyi phye/ byi la'i slar tshad de dang sbyar// ma sbyar na yang nyes pa med// 'tshogs par bstan na bzang bar bshad// re re bstan kyang nyes pa med// 'jam dpal gyi rtog pa las/ dam rdzas sman du bsgrubs te brten pa'i rtog pa rdzogs s+ho// // / rgya gar skad du/ tsakra na ma/ bod skad du/ 'khor lo zhes bya ba/ 'jam dpal la phyag 'tshal lo// de nas gzhan yang bshad bya ni// las kyi grogs ni bye brag ste// zhi ba'i las ni zla ba yin// rgyas pa de bzhin mig tu grags// dbye ba yon tan zhes bya ste/ dbang du bya ba rig byed yin// dgug pa la ni de bzhin mda'// / bskrad dang mnan pa dbang po bzhin// mnan pa rjes su 'breng ba yis// bsad pa'i las ni rgya mtshor 'dod// las rnams de dag re re yang // 'phags sogs mchod sbyin dang po ste// nyi ma gnyis pa gtor ma sbyin// gsum pa bzlas pa rnam par 'bad// bzhi pa sbyin sreg tshar bar bya// lnga pa las kyi 'khor lo bskor// drug pa bsam gtan rtse gcig bya// bdun pa las kyi lhag chad bskang // grogs kyi las la khyad par du/ las kyi gtsor ni gang bsgrub de'i// 'khor la 'askor ba nyim bzhi/ las kyi bye brag 'di shes ma/ zhibs 'jigs pa brgyad las stsog/ rgyas pas yon tan gsum @drug dang 'byor// dbang gis mos pa rnam bzhi 'grub// dbye bas gsang ste brgya dang 'byed// mnan pas dbang po drug 'ching byed// gzhan ni ji ltar de bzhin no// sngags dang rdzas kyi sbyor ba la// dpyad na dngos grub mi 'byung ste// gal te yid gnyis za gyur tam// bsam par gyur ram dad pa nyams// de tshe dngos grub nye ba yang // phyir ldog 'gyur bar gdon mi za/ dad pa brtan pos bsgrub pa na// nam mkha' med par gyur na yang // sngags kyi dngos grub med mi srid// lha dang drang srong gis bshad pa'i// ri sngags slu ba mi srid na/ 'dod chags bral bas bshad pa yi// gsang sngags sbyor bas slu ba ni// ma byung 'byung bar mi 'gyur ro// chos nyid bsam gyis mi khyab pa'i// don la the tshom med pa yi// mkhas ba la ni dngos grub nye// yang na mthun mong dad pa brtan// de la sbyor ba'i dngos grub te// rtog cing dpyod pa'i rtog ge ba/ de la sbyor ba'i dngos grub ring / man ngag dam pa bstan byas kyang / slob ma yid gnyis yod pa na/ de la dngos grub ring bar bshad// bla mas man ngag sbas byas kyang // slob ma yid gnyis mi za zhing // bla ma'i man ngag dam pa zhes/ gces par byas na 'grub par nges// de'i phyir na sngags pa yis// rang gis yid gnyis spang ba'i phyir// bla ma gnyis par bya ba ces// bsnyen bkur byas pas nus mthu che// gsang ste spyad pas bar chad med// yon chen phul bar byas pas ni// rang sems rin chen rnam gnyis 'gyur// rin chen gnyis las grub pa 'byung // dkon par gyur na bsngags pa brjod// bsngags na yon tan 'byung 'gyur te// bsngags pa dag ni ma byas na/ ci ltar yid bzhin nor bu yang // gang gis bsngags pa ma byas pa/ de la 'dod don mi ster ro// / dad pa sangs rgyas dang pa chos// dang pa dge 'dun dad pa ma/ dad pa bla ma dad pa pa/ dad pa lam chen dad pa gru/ dad pa yid bzhin nor bu ste// dad pa gsang rtog sumasngags dngos grub nyid// dad pa bsod nams nor yin te/ de'i phyir na sngags pa yi// rang sems dad pa bskyed pa'i phyir// / gzhan la gus pas mchog tu bkur// dpal gshin rje gshed nag po'i 'khrul 'khor bskor ba'i cho lngas/ las kyi rgyud dang grogs bstan pa'i rtog pa rdzogs s+ho// / / slob dpon chen po la li ta badz+ra kyi rgyud 'bum pa nas phyung ba/ rgya gar gyi mkhan po d+hi paM ka ra dang / bod kyi lo tsA ba rdo rje grags kyi bsgyur ba'o// / bstan pa dang sems can la phan pa rgya chen po 'byung bar gyur cig/ dge legs 'phel//