བོད་ཡིག

e-texts produced with BDRC’s OCR application

Na 'ang la rnga rje 'jig byed kyi drung rtag 'dun ga gsas/ rtagag tsag/ dgra nag/ gdang drug/ bshad mar/ drag pa gsum 'dul ca ba shad phyag rdor/ me lce'i rgyud/ bang chen ral gtsag/ za gsad thig le/ spyan ras gzigs kyi dbang phyug lnga bcu pa/ ma~M gal ba gtum rgyud/ mi g.yo ba'i rgyud gsang ba chen po rnams bzhugs so// / brda m+b+hir nga nam tan kro bod skad du/ dpal rdo rje 'jigs byed khro ba'i rgyal por de kho na nyid kyi rgyud ces bya ba/ dpal rdo rje 'jigs byed khros pa'i rgyal po la phyag 'tshal lo// de nas rdo rje 'jigs byed kyi// bsgrub pa yang dag rab bshad te// de ni lha rnams thams cad la// drag shul che zhing 'jigs par byed// de la thog mar sngags pas/ yid du 'ong ba'i gnas gang yang rung bar gnas la/ dgos pa thams cad bsgrub par bya'o// de la gnas gsungs pa ni dur khrod dam/ chu klung gi 'gram 'am/ shing gcig gam/ mtshan ma gcig pa 'am/ gzhi mdo 'am/ ri'i rtse mo 'am/ khang stong ngam/ ma mo'i khyim 'am/ lha'i khang pa 'am/ 'thab mo'i gnas sam/ grong khyer ram/ grong bar la sogs pa'i gnas su sngags pa gnas te/ dpal rdo rje 'jigs byed chen por dbang bskur ba'i rnal 'byor pas/ dbang dang / dgug pa dang / bsad pa dang / bskrad pa dang / dbye ba dang / rengs pa dang / ral gri dang / mig sman dang / sa 'og dang / ri lu dang / ro dang / bcud kyi len dang / nor dang / 'byung po dang / ro langs dang / sha za dang / gnod sbyin dang / gnod sbyin mo dang / klu la sogs pa pa bsgrub par bya'o// de la cho ga ni dang por re shig sngags pas/ thal chen gyis byugs te/ mtshan byed na gcer bu skra bsil ba byas la/ slob dpon ma he'i gdong can gyis rnal 'byor gyi dur khrod la sogs par dkyil 'khor bris te/ gru bzhi pa la sgo bzhi pa// rta babs bzhi yis rnam par brgyan// dril bu dar gyi 'phan la sogs// me tog phreng bas rnam par brgyan// grwa rnams dag ni thams cad dang // sgo 'khyud kyi ni 'tshams rnams su// rdo rje chen gyis spras pa yi// zla ba phyed pa'ang de bzhin no// de dbus 'khor lo bri ba ni// re dmigs dgu pa zlum po'o// sgo gcig pa ni dbye bar bya// lhag ma yongs su bcad par bya// de dbus lo ni bri ba ni// shar du mgo bo// lho ru lag pa/ nub tu rgyu ma/ byang du rkang pa gnyis/ shar gyi grwar zad pa/ lhor thod tshal/ nub tu dur khrod kyi ras/ byang du skyes bu gsal shing la btsugs pa'o// 'di dag ni 'khor lo'i dbus su mtshan ma'i phyag rgya'o// de nas 'khor lo'i phyag rgya rnams ni/ shar phyogs kyi snam bu la gri gug dang / mtshon rtse gcig pa dang / gtun shing dang chu gri dang / rdo rje gcig pa dang / lcags kyu la sogs pa bri bar bya'o// lho phyogs kyi snam bu la/ sta ri dang / mda' dang / kha tra ka dang / dbyug tho dang / 'khor lo dang / rdo rje zhags pa la sogs pa bri'o// nub phyogs kyi snam bu la/ rdo rje dang / rde'u chung dang / phub dang / gzhu dang / dril bu dang / rlung gi ras la sogs pa bri'o// byang gis snam bu la/ sdigs 'dzub dang / 'ban rtse gsum pa dang / glang po che'i lpags pa dang / rdo rje tho ba dang / mdung dang / me thabs la sog pa bri'o// sgo bzhi dang grwa bzhi ru/ ro langs chen po bzhi bri'o// gal te mchog gis dngos grub 'dod na/ mar khu chen po'i mar me dbul/ mi dang / bong bu dang / rnga mo dang / khyi dang / wa dang / ma he dang / glang po dang / ba glang dang / lug dang / ri dwags dang / phag la sogs pa'i sha rnams dbul bar bya'o// gzhan yang bya rgo dang / 'ug pa dang / bya rog dang / khra dang / chu skyar dang / thing ril dang / bzhad dang / rma bya dang / ri skyegs dang / khyim bya dang / ltas ngan chen po la sogs pa'i sha rnams bir bya'o// shin tu mnyam par gzhag pas/ bza' ba dang / ston mo dang / sbyin sreg dang / gtor mi'i las bya'o// dkyil 'khor gyi steng thams cad du khrag gis chag chag bya'o// dpal rdo rje 'jigs byed ma he'i gdong gi sbyor ba la gnas pas/ lha gshos ma chad par dbul bar bya'o// phyi nas sngags pas sngon du bsnyen pa byed pas/ bdag dang shin tu 'thun pa gzhis sam/ grogs gcig pu rnam par snang mdzad kyis lus byugs/ gcer bur phud skra bsil/ mtshan phyed na gtsang te'u dkrol zhing / he ha zhes bya zhing shin tu mnyam par gzhag ste/ rje 'jigs byed chen po'i dkyil 'khor du dngos grub 'dod pas 'jug par bya'o// rab tu zhim pa'i chang la sogs pa btung ba 'am/ bza' ba'i ro rnams dbul lo// phyi nas de'i dbus su 'dod pa'i dngos grub rnams dmigs te/ de'i steng du dpal rdo rje 'jigs byed chen po ma he'i gdong can bsam par bya'o// de'i steng du g.yas bskum du gnas pa/ nga rgyal dang bcas pas sems rtse gcig tu mnyam par gzhag pas/ yi ge bcu pa'i sngags bzlas par bya'o// de nas 'jigs pa byung na/ de la sngags pas 'jigs par mi bya ste/ gal te 'jigs par gyur na/ de la bgegs kyi bar chod 'byung ngo // bar chod byung na dngos grub mi 'grub bo// de'i phyir sngag pas 'jigs par mi bya'o// de dpal rdo rje 'jigs byed chen po dges so// dges nas khyod la mchog ci sbyin zhes gsungs pa dang / de la rnal 'byor pas smras pa ni/ ril gri dang / sa 'og dang / ro dang / bcud kyis len pa dang / gzhan yang yid la 'dod pa'i dngos grub nges par bdag la stsol zhes brjod na/ de la the tsho med par stsol lo// gal te sngags pas mchog ma grub kyang / de'i phra mo'i las thams cad nges par 'grub po// // 'di ni 'jam dpal mchog dpal rdo rje 'jigs byed chen po'i 'khor lo'i rgyud las/ dkyil 'khor bstan pa ste rtog pa kun gyi dang po'o// / rdo 'arigs/ de nas las kun gyi rjes su 'brang ba'i cho ga rab tu bshad de/ de la rim pa ji lta ba bzhin du/ bsad pa dang / bskrad pa la sogs pa bsngags pa khros pas dpal rdo rje 'jigs byed chen po'i sbyor ba la gnas pa yis bya ste/ dang po re shig bsngag pas bsad par bya ste// de ci'i phyir zhe na/ rgyud 'di las sngags dang lha'i sbyor ba dang ldan pas/ thog mar ni de bya ste/ de'i sbyor ba gtso bo yin pa'i phyir ro// de la 'di las ni ji ltar bsad par 'dod pa'i bsngags pas/ dur khrod kyi ras la dag dang / khrag dang / lan tshwa dang / skye tshe dang / nim pa dang / d+ha du ring khu ba yis// rdo rje 'jigs byed chen po'i 'khor lo le rtse bcu drug pa bya rog chen po'i sgo rtse'i sdug gus sam/ mi'i rus pa'i stug gus bya gcer bu skra ba shig pa kha lhor bltas pa ste/ ma he'i gdong gi sbyor bas bri bar bya'o// me gnyis kyi dbus su sgrub bya'i ming dang bcas par bzhag la/ de la yi ge bcu pas bskor/ hUM brgyad kyang bri/ zur du phaT bri/ bdag nyid tsha ba'i mar gyis lus la byugs la/ thod pa gnyis kyi dbus su 'khor lo rab tu bcug la skyed bu gsum gyi steng du bzhag la/ nim pa'i 'gal bas me rab tu sbar te/ rkang pa g.yon pas mnan la yi ge bcu pa'i sngags bzlas so// de yis skad cig gis the tsom med par 'chi'o// gzhan yang rims kyis thebs par 'dod na/ 'khor lo de nyid mi'i nya phyis gnyis kyi dbus su legs par bzhag la/ de dur khrod kyi 'og tu bcug na rims kyis 'dzin no// de la le rtse bcu drug pa'i 'khor lo'i rab tu sbyor ba gzhan yang gsungs te/ 'on kyang 'di'i khyad par ni/ yi ge sum bcu rtsa gnyis pa'i sngags dang ldan pa/ yi ge bcu pa'i sngags sgrub bya'i ming dang lhan cig tu yi ge dang sngags dang spel mar dgod do// sngon du gsungs pa'i rdzas dang lhan cig tu bya rog gis zas btogs pa'i lhag ma mi gtsang ba dang / rnam par snang mdzad dang lhan cig tu dur khrod kyi ras la byugs te/ de la sngon du gsungs pa'i cho gas 'khor lo bri ste/ dur khrod du sbas na 'chi bar 'gyur ro// shing gcig gis drung du sbas na skyod par 'gyur ro// mtshan ma gcig par sbas na dbye bar 'gyur ro// chu'i nang du sbas na rengs par 'gyur ro// khyim du bzhag na zhi bar 'gyur ro// phyung nas legs par bkrus na grol bar 'gyur ro// gzhan yang rab tu sbyor ba gsungs pa/ gshin rje'i 'khor lo sngon gyi cho gas dur khrod kyi ras la bris te/ dung khrod dang / lam bzhi mdo dang / shing gcig dang / grog mkhar dang / chu 'gram dang / mtshan ma gcig pa dang / rgyal po'i sgo dang / rnam par snang mdzad dang / @rdo rje'i chu dang / dur khrod kyi sol bas bsgrub bya'i gzugs bstan chad sor brgyad pa byas la/ de'i snying khar sngags bcug ste/ mi'i rus pa'i phur bus gnas lngar btab par bya'o// tshigs thams cad la tsher ma rnon pos dgang bar bya'o// de thod pa gnyis kyi dbus su bcug ste/ der grog mkhar bdun gyi sa yis gshin rje'i gzugs khru gang tsam zhal rtsigs pa/ gsus pa che ba/ zhal gcig pa/ phyag gnyis pa/ phyag na ral gri dang / zhags pa 'dzin pa/ cer bu skra bsil ba byas pa/ de'i snying khar thod pa gnyis bcug ste/ nyi ma phyed dam/ nam phyed na dur khrod dam/ ro bsregs pa'i sar sbas te/ shin du ring bar mgo lhor bstan la kha thur du sbub la sba'o// khyim du 'ongs pa dang shin tu ma he'i gdong gi sbyor bas sgrub bya'i ming dang bcas pa'i yi ge bcu pa'i sngags bzlas par byas na nyi ma gsum gyis 'chi'o// phyung nas bkrus na thar par 'gyur ro// de nas rengs pa'i rab tu sbyor ba gsungs te/ chu bya'i lpags pa la dug la sogs pa'i rdzas kyis yi ge bcu pa'i sngags bris la lpags pa de bsgrub bya'i rkang rjes kyi rdul dang / gcing btang ba'i shul gyi sas bkang la/ de'i sbas cing bar bya'o// phyi nas bung bu'i gcin dang / rnam par snang mdzad dang lhan cig tu brdzis la skugs ma yang dag par byas te/ de ru 'khor lo bcug la/ ro bsregs pa'i me la bzhag ste/ rkang pa g.yon pas mnan la gshin rje'i sbyor bas yi ge bcu pa'i sngags bzlas pa byas na zhag gcig gis rengs par byed do// 'di ni mi 'grub pa'i rab tu sbyor ba'o// sngags pa shin du khros pas rab tu sbyor ba'o// gzhan yang dbye ba'i rab tu sbyor ba ni// gshin rje'i 'khor lo sngon gyi cho gas bris la/ grog mkhar bdun gyi sas ma he dang rta byas la/ de gnyis gcig gis steng du gcig bzhag la/ de gnyis kyi snying khar 'khor lo bcug ste/ nim pa'i shing dung du bzhag go// 'khor lo yang ma he dang rta'i khrag gis bris te 'dir 'di ni sngags kyi bye brag go/ shin du mnyam par gzhag pas zhag bdun gyis 'byed par byed do// de nas sngags pas bskrad par 'dod na/ grog mkhar bdun gyi sas rnga mo byas la/ de'i rgyab du yi ge yaM las yongs su gyur pa las rlung gi dkyil 'khor zla ba phyed pa'i rnam pa dmigs te/ de'i steng du sgrub bya dmigs la/ de'i rgyab du gshin rje'i gzugs lag pas dbyug pa 'dzin pa dmigs te/ de'i dbyug pas brdeg cing kha lhor bltas nas khrid par bsam par bya'o// 'khor lo de'i snying khar gong du gsungs pa'i cho gas sgrub bya'i ming dang spel ba yang dag par bris la bcug na/ zhag bdun gyis the tshom med par nges par bskod par 'gyur ro// de nas gzhan yang sbyor ba rab tu gsungs pa/ 'di@/ ma'i tshe sa la gtum pa'i lus la tshe ba'i mar khus byugs la/ nim pa'i shing la dor 'dzegs nas der bzhag la/ de'i lus kyi mar khu nya phyis kyis bzhar la der gnas par bzung ngo // mar khu de blangs nas lha chen po'i rgyal mtshan sngon po'i ras sam/ de ma rnyed na ras dkar po blangs la/ bsregs pa'i bar gyi du ba'i dreg pa dang / mar khu de cig byas la bskrad par 'dod pa de'i lham la skas de'i lag pa dang rkang pa gnyis la yang byugs na skad cig gis bskyod do// de nas gzhan yang rab tu sbyor ba gsungs pa ni/ gro ga'i lo ma la dur khrod kyi sol ba dang / bya rog gi khrag dang / bya rog gi rkang gi sdug gus bri bar bya ste/ rlung gi dkyil 'khor gyi dbus su bsgrub bya'i ming spel la/ gtor ma za ba'i mgrin par bcings la/ bya rog bzungs nas ma he'i gdong pa'i sbyor bas gnas pas/ kha lhor bltas la btang ste/ de skad cig gis bya rog bzhin du kun bskor ro// gzhan yang bskrad pa ni/ tsha ba'i mar khus bskus la/ nim pa'i shing la gtor ma za ba'i tshang blangs la chang de pha'i nags kyi shing mes bsregs pa'i thal ba des/ gang gis mgor blugs pa bskrod par 'gyur ro// gzhan yang dbye ba'i rab tu sbyor ba ni/ bya rog dang / 'ug pa'i gshog pa dang / bram ze dang / gtum po'i sgras cig tu byas la/ d+ha du ring shing la me rab tu sbar te du ba med pa'i me la bsregs la/ de'i thal ba blangs la/ yi ge bcu pa'i sngags bzlas nas/ bud med dang skyes pa gnyis kyis bar du thal ba bzhag na/ de skad cig gis dbye bar 'gyur ro// dur khrod kyi ras blangs la/ dug la sogs pa'i rdzas kyis blan pa'i bar du bcug la/ sgrub bya'i ming bris la sgre mong gi spu dang / sbrul gyis lpags pa blangs te/ de la bcug nas sdong bu byas te/ gang dang gang gis khyim du rab tu sbar la/ der phan tshun 'thab par 'gyur ro// de nas bsad par 'dod pa ni/ bshang gci la gzugs brnyan byas la/ de'i steng du dug gis phye mas rab tu byugs la/ dur khrod kyi me la gcer bu skra bshig pa byas la/ kha lhor bltas te ma he'i gdong / gi sbyor bas nam byed na brtabs la bsreg go/ gang gis ming dang bcas par byas pa de ska cig gis 'chi'o// rdo rje 'jigs byed chen po nyid kyis rab tu sbyor ba 'di gsungs so// de nas bskrad par 'dod pas/ rgyal mtshan gyis ras la le'u bcu drug pa'i 'khor lo sngon du gsungs pa'i rdzas dang / dur khrod kyi sol bas gang gis ming dang bcas par bris te/ nim pa'i shing la rgyal mtshan bzhag na des skrod par 'gyur ro// de nas rengs par 'dod pas/ gshin rje'i 'khor lo g.yam pa 'am ras la ba bla dang / yung bas gang gi ming dang bcas pas legs par bris la bzhag na de rengs par 'gyur ro// gal te sngags pas dbang du bya bar 'dod na/ grog mkhar gyi sa dang / gur gum dang / gi wa dang lhan cig tu byas te sgrub bya pho 'am/ gal te me'i gzugs brnyan/ sor bcu drug par byas la/ gi wa dang srin lag gi khrag gis gro ga la gshin rje'i 'khor lo bris te/ de'i snying khar bcug nas rang gi khyim du bzhag la me tog dang spos dus gsum du dbul ba dang / kha nub du bltas la yi ge bcu pa'i sngags bzlas pa byas na zhag bdun gyis/ brgya byin yang dbang du 'gyur na/ phra mo gzhan lta ci smos/ de nas yang dgug par 'dod na/ de la thod pa la 'khor lo gi haM dang srin lag gis khrag gis bris te/ seng ldang gi me la bsro zhing gang la bya ba'i ming dang bcas par bzlas na/ de ska cig gis rlung gi shugs bzhin du 'gugs par 'gyur ro// de nas sngags pas bsko bar bya bar 'dod pas/ d+ha da ra'i 'bras bu blangs la sha chen dang lhan cig tu shing srin gyis zos pa'i phye ma dang bsres nas bza' ba dang btung ba la sbyin no// sngags dang bzlas par byas na de ska cig gis bskyo bar 'gyur zhing zhag bdun gyis 'chi'o// de nas gzhan yang rab tu sbyor ba gsungs pa/ gshin rje'i sngags dur khrod kyi ras la dug la sogs pa'i rdzas kyis bris te/ mar me chen po dang / rnam par snang mdzad kyi gzugs byas la/ de'i snying khar 'khor lo bcug nas/ pha'i nag su song la ro bsregs la mtshon rnon pos brtabs nas rnam par brtsigs pa'i sbyor bas rnal 'byor pa gnas la/ rnam par snang mdzad kyis lus byugs te/ kha lhor bltas nas bsregs na de'i mo la 'chi'o// de nas bral ba'i rab tu sbyor ba 'byung ba ni bya rog dang 'ug pa'i rus pa blangs la/ de gnyis la lcags kyi tsher mas sgrub bya'i ming dang lhan cig tu yi ge bcu pa'i sngags bris la/ gcig pu gnas te gang gi ming dang bcas pa bzlas zhing de gcig la gcig brud na 'bral bar 'gyur ro// gshin rje'i 'khor lo gro ga'i 'dab ma la bud med dang skyes pa'i ming bris nas sbal pa'i gsus par bcug la/ gang gi ming dang bcas pas them pa'i 'og tu sbas na de'i yan lag mtshon gyis 'bugs par 'gyur ro// de nas bu mo rengs pa'i rab tu sbyor ba 'di/ gshin rje'i sngags dur khrod kyi ras la dag la sogs pas bris la/ ro bsregs pa'i sol bas gzugs brnyan mtho gang tsam gyi khang pa brtsigs pa byas la/ de'i snying khar 'khor lo tsug nas rkang pa g.yon pas mnan la ma he'i gdong gis sbyor bas/ che ge mo'i bu mo myur bar rengs par gyur cig ces yi ge bcu pa'i bsngags bzlas na rengs par 'gyur ro// 'di'i las rnams ni gzhan su la yang smra bar mi bya'o// gal te sngags pa rmongs pa'i bdag nyid byed na dmyal bar nges par ltung // rdo 'jig@#dkon mchog gsum la gnod pa byed pa dang / bla ma la rnyas pa dang / dam tshig dang bral ba dang / sngags dang rgyud la 'phya bar byed pa dang // sems can la 'che ba 'di rnams la phan pa'i phyir sngags pas snying rjes gdungs pa'i sems kyis bsod pa'i rab tu sbyor bar bya'o// / gal te gzhan la byas na dam tshig nyams na tsha ba chen por 'gro'o// rgyud gzhan las kyang gsungs te// slob dpon la ni slong byed dang // thog pa chen po skur pa dang / sngags rgyud rab sbyor ye shes la// 'phya bar byed pa'i mi gang ni/ 'di ni 'bad la bsad par bya// yang na gnas nas g.yo bar bya'o// rnal 'byor snying rje med pa yis// gzhan la rung rung byas na ni// de la de bzhin de las ni// phyir ldog par ni 'byung bar 'gyur// de phyir sems can 'phya ba'i phyir// rnal 'byor pas ni 'di la'o// // 'di ni 'jam dpal mchog dpal rdo rje 'jigs byed chen po'i rnal 'byor gyi rgyud las/ las thams cad pa'i sgrub pa'i rtog pa ste gnyis pa'o// // de nas ji lta ba'i cho gas sngags btu ba rab tu gsungs te/ rab tu gtsang ba'i yul khams su// sngags pas gnas la sngags btu bar bya'o// ji ltar drug pa'i dang po dang // lnga pa yi yang lnga pa dang / drug pa yi ni gnyis pa dang // g.yang yig gnyis pa dang ldan pa// gnyis pa yi ni gsum pa dang // dbyangs yig gnyis pa dang ldan pa// bdun pa yi ni gsum pa dang // bzhi pa yi ni gsum pa la// dbyangs yig bcu gsum dang ldan pa'o// lnga pa yi yang lnga pa la// dbyangs yig bcu gcig dang ldan pa// drug pa yi yang dang po dang // yang ni drug pa'i dang po sbyin// lnga pa yi yang lnga pa la// bcu gcig gis mnan ldan pa yis// gzhi pa yi ni gsum pa la// bcu gsum pa yis mnyam mnan pa// drug pa yi ni gnyis pa la// dbyangs yig lnga pa dang ldan pa// gsum pa yi ni lnga pa dang // rlung gi sa bon de la sbyin// dbyangs yig bcu gsum yang dag ldan// bzhi pa yi ni gsum pa dang // de nas rlung gi sa bon sbyin// drug pa yi ni dang po dang // bzhi pa yi ni gsum pa dang // de nas rlung gi sa bon te// dbyangs yig bcu gsum pa dang ldan// bzhi pa yi ni lnga pa la// dbyangs yig gsum pa dang ldan pa// de nas me yi sa bon sbyin// rlung gi sa bon de bzhin no// de nas yi ge tha ma sbyin// dbyangs yig bcu gcig pa dang ldan// rlung gi sa bon de bzhin mchog/ drug pa yi ni dang po dang / de nas yi ge tha ma sbyin/ dbyangs yig bcu gcig pa dang ldan// yang ni rlung gis bon sbyin// gnyis pa yi ni dang po la/ gnyis pa'i gnyis pa dang ldan pa/ bzhi pa yi / ni lnga pa la// dbyangs yig gsum pa dang ldan pa// de nas me yi sa bon la// dbyangs yig gnyis pa dang ldan pa// lnga pa yi ni lnga pa dang // de nas rlung gi sa bon sbyin// thog mar rnam par snang mdzad sbyin// mchog gi dbang phyug sbyar ba dang // de yi steng du lha yi ni// sa bon stong pas brgyan pa dang // lnga pa yi ni gnyis pa dang // gsum pa yi ni dang ba ni// mkhas pas lan gnyis brjod par bya// 'di ni dpal ldan 'jam pa'i mchog/ 'jigs byed chen po'i rgyud 'khor lo// ma he'i gdong can rtsa bsngags ste// 'bum bzlas pa yis las kun byed// 'di ni sngags kyi rgyal po ste// ma byang 'byung bar mi 'gyur ro// bdun pa ni bzhi pa la// dbyangs yig bzhi pa dang ldan pas// 'og tu me'i sa bon sbyin// de nas mnga' bdag bcu drug mtha'// bdun pa yi ni gnyis pa la// dbyangs yig bzhi pa dang ldan pa// gsum pa yi ni dang po la// me'i sa bon 'og tu sbyin// mnga' bdag bcu drug tha ma ste// drag pa yi ni bzhi pa la// dbyangs yig gsum pa ldan pa'o// dang po yi yang dang po la// dbyangs yig bdun pa dang ldan te// 'og tu me'i sa bon sbyin// bzhi pa yi ni dang po la/ dbyangs yig gnyis pa dang ldan pa'o// bzhi pa yi ni lnga pa ni/ mkhas pa yis ni lan gnyis brjod// thog mar rnam par snang mdzad sbyin// sde mtshan brgyad kyi sa bon la// dbyangs yig drug pa dang ldan pa// spyi bo ru ni thig les brgyan// lnga pa yi ni gnyis pa dang // gsum pa yi ni dang pa'o// / 'di ni sngags kyi rgyal po ste/ ma he'i gdong can sbyor ba yis// thams cad las ni byed pa'o// las kyi sngags su grags pa ste// gsum 'bum bzlas na las kun byed// drug pa yi ni dang po dang // lnga pa yi yang lnga pa la// dbyangs yig gnyis pa dang sbyar la// bzhi pa yi ni dang po ste/ de'i steng du lnga pa gdags// dang po yi ni dang po dang // thog mar rnam par snang mdzad sbyin// ya tshogs rgyad kyi sa bon dbyangs kyi yig ge drug pa dang ldan pa la// stong pa'i lha yis mnyam mnan pa'o// lnga pa yi ni gnyis pa dang / gsum pa yi ni dang po'o// 'di ni ma he'i gdong can gyi// snying po'i sngags su rab tu grags// yi ge re re 'bum bzlas pas// 'jig rten gsum gyi las ni gang // ci yang rung ba thams cad byed// sngags bsdu ba'i dus 'dir mchod par bya'o// / 'di ni 'jam dpal mchog dpal rdo rje 'jigs byed chen po'i rnal 'byor gyi rgyud las// bsngag btu ba'i rtog pa ste gsum pa'o// / de nas rdo rje 'jigs byed kyi bsgrub pa yang dag par bshad par bya ste/ chos tham cad la bdag med par sngon du song bas lha'i dmigs pa bya ste/ dang por rang bzhin dag pa'i sngags brjod par bya'o// chos thams cad bdag med pa'i ngo bor byas nas/ nam mkha'i dkyil du yaM gi rnam pa las grub pa'i klung gis dkyil 'khor mdog du ba'i rnam par bsam mo// de'i steng du dang po'i dbyangs yig las gyur pa'i zla ba'i dkyil 'khor dmigs te/ de'i steng du d+hiH'i rnam pa las 'jam dpal gzhon nu'i gzugs su gyur par bya'o// de'i snying khar a'i rnam pa las grub pa'i nyi ma'i dkyil 'khor bsams ste/ nyi ma'i dkyil 'khor de las 'od 'phros pas// phyogs bcu mtha' yas mu med pa na bzhugs pa'i de bzhin gshegs pa rnams dang / byang chub sems dpa' dang / rig pa'i lha mo dang / khro bo la sogs pa shin du bskul te/ yang 'ongs nas nyi ma'i dkyil 'khor la zhugs par bsam mo// de yi 'jam dpal dang de bzhin gshegs pa la sogs pa de rnams gcig tu gyur nas nyi ma'i dkyil 'khor du bsam par bya'o// 'od zer 'bar ba'i rnam pas dpag tshad stong phrag brgya khyab par bsam par bya'o// de'i steng du hUM nag po'i 'od zer lnga dang yang dag par ldan par bsam// hUM de las 'od zer gyi rnam par 'phros pas de la yang zhugs te/ yi ge de las rdo rje chen po rnam par gdengs pa kha dog nag po 'od zer lnga dang ldan pa rnam par dmigs par bya ste/ rdo rje de las phra mo'i rnam pa'i sangs rgyas dang byang chub sems dpa' dang / khro bo dang rig pa'i lha mos nam mkha' til gyis gang bu ltar gang ba nyi ma la gnas pa rnam par bsam bya'o// de yis sangs rgyas la sogs pa rnams kyis sems can yongs su smin par btul nas byang chub la rab tu bkod de/ de yang de dang lhan cig tu bsdus nas/ rdo rje'i gzugs brnyan la rab tu zhugs par bsam par bya'o// rdo rje'i gzugs brnyan nyid zhal dgu pa// ma he'i gzugs 'jigs pa'i dus kyi me ltar 'bar ba/ rdo rje 'jigs byed chen po khams gsum pa za bar nus pa/ zhal brtsigs pa/ ha ha zhes ljags 'dril ba/ mche ba rnam par brtsigs pa// khro gnyer 'jig pa/ khro gnyer gyi 'gram na smin ma dang / spyan 'jigs pa chen po'i dus ltar khro ba sgra sgrogs pa/ mi'i khrag dang / tshil dang / zhag dang / rkang za ba/ 'jig rten dang / 'jig rten las 'das pa'i lha la sogs pa la bsdigs 'dzub byed pa/ brgya byin dang / tshangs pa dang / dbang phyug chen po dang / khyab 'jug gzhon nu kha sbub tu byas pa zhabs kyi 'og tu mnan pa/ 'jigs su rung ba'i thod pas thod byas pa/ thod pa rtsigs pa'i rtse mo 'jigs pa chen po can/ phe zhes zhing thod pa'i 'phyang 'phrul dang sbrul gyis brgyan pa/ zhabs bcu drug pa/ cer bu'i gzugs mtshan ma gyen du sgreng ba/ g.yon brkyang dang / gsus pa che ba/ gla gyen du brjes pa/ 'jigs pa chen por byed pa/ pho zhes sgra sgrogs pa/ phyag sum bcu rtsa bzhi dang ldan pa/ glang po che'i lpags pa rlon pa 'dzin pa/ dpal rdo rje 'jigs byed chen po ma he'i gdong can rnam par bsam par bya'o// de ltar shin tu bsam pa brtan por bya ste// de kho na nyid kyi sbyor ba la shin tu mnyam par bzhag pa'i sngags pas rtag tu bsgom par bya ste/ g.yas dang po na rdo rje/ gnyis pa na mtshon rtse gcig pa/ gsum pa na gtun shing bzhi pa na chu gri/ lnga pa na rdo rje rtse gcig pa/ drug pa na sta ri/ bdun pa na mdung / brgyad pa na mnga'/ dgu pa na lcags kyu/ bcu pa na g.yug to// bcu gcig pa na kha TaM ga/ bcu gnyis pa na 'khor lo// bcu gsum pa na gri gug/ bcu bzhi pa na rdo rje tho ba/ bcwo lnga pa na ral gri/ bcu drug pa na cang te'u'o// g.yon pa'i phyag dang po na thod pa/ gnyis pa na mgo bo// gsum pa na phub/ bzhi pa na rkang pa/ lnga pa na zhags pa/ drug pa na gzhu/ bdun pa na rgyu ma/ brgyad pa na dril bu/ dgu pa na lag pa/ bcu pa na dur khrod kyi ras/ bcu gcig pa na skyes bu gsal shing la btsugs pa/ bcu gnyis pa na ma thab/ bcu gsum pa na thod tshal/ bcu bzhi pa na bsdigs 'dzud/ bcwo lnga pa na phan rtse gsum pa/ bcu drug pa na rlung gis 'phyar ba'i ras// phyag gnyis kyis glang po che'i lpags pa rlon pa 'dzin pa/ zhabs g.yas pa'i dang pos mi/ gnyis pas ma he/ gsum pas glang / bzhi pas bung bu/ lnga pas rnga mo/ drug pas khyi/ bdun pas lug/ brgyad pas wa/ zhabs g.yas pas 'di dag la zhon pa'o// // zhabs g.yon pa'i dang pos bya rgod/ gnyis pas 'ug pa/ gsum pas bya rog/ bzhi pas ne tso/ lnga pas khra/ drug pas khyung chen po// bdun pas re skyeg brgyad pas bzhad/ zhabs g.yon pas 'di dag mnan pa'o// // dpal rdo rje 'jigs byed chen po'i zhal ni rab tu gnag pa'o// ma he'i rnam pa shin du khros pa can/ rwa'i g.yas su zhal gsum la dang po sngon po// gnyis pa dmar po// gsum pa ser po ste/ zhal gsum ka khros pa shin du khros pa'o// rwa'i g.yon par zhal gsum pa la dkar po dang / dud kha dang / nag po rab tu khros pa brtsigs pa'i zhal bsam par bya'o// rA gnyis kyi bar du/ dbus kyi zhal dmar po// rab tu 'jigs pa zhal nas khrag 'dzag pa bsam par bya'o// steng du 'jam dpal gyi zhal cung zad ser ba/ yid rtsam khro ba/ gzhon nu'i brgyan gyis brgyan pa/ spyi bor ral pa lnga dang ldan pa bsam ste/ zhal rnams thams cad spyan gsum par bsgom pa ste/ 'di ltar bdag nyid rtag tu rtse gcig tu dmigs so// de ltar dpal rdo rje 'jigs byed chen po ma he'i gdong can de/ bdag nyid yin par bsgoms nas/ shin tu mnyam par gzhag pa'i sngags pas/ dpa' bo'i gnas pa'i rnal 'byor pas/ phyi nas bsngags bzlas pa bya ste/ bzlas pa'i dus su rang gis snying khar nyi ma'i dkyil 'khor de'i steng du/ rang gi sngags kyi rnam par bsam ste 'bar ba dang / phyis nas ma yengs pa'i yid kyis bzlas par bya'o// / 'di'i sbyor ba la gnas pa'i bsngags pa yis// rtag tu 'jigs med las kun bya// dur sogs gnas la bsgom bya zhing // rtag tu bdud rtsi lnga rnams bza'// / de yi bsgrub las bsgrub gzhan med// gzhan yang mar me tshe bzang zhing // mtshan mo rgyu ba'i rnal 'byor pas// gsum 'bum rtsa ba'i sngags bzlas bya// 'di bzlas pa'i sngags pa yis// thamasas cad las ni byed par 'gyur// / 'di ni 'jam dpal mchog dpal rdo rje 'jigs byed chen po'i/ sbyor ba'i rgyud las sgom pa'i stog pa ste bzhi pa'o// / / de nas dpal rdo rje 'jigs byed chen pos gsang ba dang / brtan pa'i bris sku'i cho ga rab tu gsungs pa/ dpa' bo'i ras sam/ zhing la bkab pa'i ras sam/ me tog can gyi ras sam/ rab tu 'dzag pa'i ras bsam/ de ma rnyed na ras gzhan gang yang rung ba la/ 'dir dngos po kun gyi mos pa rnam par rtog pa med pa// mi khro ba/ gtsang ba/ mkhas pa/ bzhungs pa/ dang ba dang ldan pa/ brtse ba can/ sred pa dang bral ba/ 'di 'ug pa dang / rma bya dang / sbrul dang / sgra dang / 'bras phub dang / ma he dang / rta'i sha lhan cig tu gang gi ming dang bcas par dur khrod kyi me la bsregs nas de 'bral bar 'gyur ro// yang na dur khrod kyi shing la gtum po'i me rab tu sbar la// khyim du gnas te gong gi rdzas de bsregs na/ rdo rje 'dzin pa lta bu yang nyi ma bdun gyis 'bral lo de nas bskrad pa 'dod na/ bya rog gi sha dang / rnga mo'i rtag pa dang lhan cig tu chang dang yang dag par ldan pa/ rlung gi dkyil 'khor gyi dbus su dur khrod kyi me la rab tu sbar la/ cer bu skra bshig pa bsgyur nas kha lho phyogs su bltas te/ che ge mo'i ming dang bcas par lag pa g.yon pas sprin bsreg byas na skrod pa las gzhan ma yin no// de nas rengs par 'dod na/ ba gla dang / ldong ros dang / yung ba dang / gi hang dang bcas pas dkyil 'khor gru bzhi pa byas la/ kha byang du bltas te/ las kyi rjes su 'brang ba'i sbyor ba la dmigs nas/ gang gi ming dang bcas par sbyin bsreg byas na de nyid nyi ma bdun gyis rengs par rdo 'jig/ 'gyur ro// de nas grong bskrad par 'dod na/ nim pa'i shing la me rab tu sbar la/ khyi'i sha dang / rnga me'i rtag pa dang byi bA'i khrag gis lhan cig tu smras la/ gshin rje'i sbyor ba la gnas pas/ grong gi ming dang bcas par yi ge bcu pa'i sngags kyis rlung gi dkyil 'khor gyi dbus su sbyin bsreg stong phrag bcu byas na grong bskyod par 'gyur ro// las de rnams ni shin du mnyam par bzhag pas bya ba 'am/ yang na sngags pa nyid kyis kyang lA de dag mi bya'o// gzhan gang la yang mi bstan no// de nas bu mo rengs par 'dod na/ cher ma dang / dug dang / skye che dang bcas par rang gi khrag gis sbrus nas yi ge bcu pa'i sngags dang bcas pa bu mo rengs par gyur cig ces dur khrod kyi me la sbyin bsreg stong byas na rengs pa las gzhan min no// de nas zhi bar 'dod na/ mar dang / sbrang rtsi dang / 'o ma dang / dur ba dang bcas par pa la sha'i shing la mau rab tu sbar la/ zhi bar 'dod pa dmigs nas yul gyi shar phyogs su kha bltas te gnas pas dus gsum du sbyin bsreg brgya rtsa brgyad byas na des yul zhi bar byas par 'gyur ro// de nas rgyas par 'dod na/ til dang / 'bras dang / nas dang / mar dang bcas pa u dum ba ra'i shing la me rab tu sbar nas/ las kyi rjes su 'brel ba'i lha'i sbyor ba la dmigs te/ kha byang du bltas nas mnyam par bzhag pas/ dus gsum du sbyin bsreg stong byas na rgyas par 'gyur ro// de nas dgug par 'dod na/ skye ches gzugs brnyen byas la/ seng ldeng gi me'i dbus su rgya rtsa brgyad tu bsregs te/ de nas 'grub bo// nyi ma bdun gyis gang 'dod pa the tshom med par 'gugs so// de nas bsgo bar bya bar 'dod na/ bya rgod chen po'i tshang dang / sha chen bsreg na bsko bar 'gyur ro// phub ma'i me la bsregs na bde legs su 'gyur ro// de nas ro langs dang ldan pa/ skyes bu mdung rtser btsugs pa'i gzugs der bstan pa bri bar bya'o// na gro ta'i shing gi steng 'og tu skyes bu 'phyang ba yang bstan par bya// skyes bu za ba yang bri/ mdung gi phug pa yang bri/ sna tshogs bya rgod dang / bya rog dang / khyi dang / lce sbyong ha ha 'byin pa bri/ bsgrub pa po rnams kyang bri// bcom ldan 'das la rtse cig tu blta ba gcer bu skra gshig pa/ phyag rgya lngas brgyan pa/ cang te'u dang / thod pa dang / kha T+wAM ga 'dzin pa/ thod pas spyi bor brgyan pa/ rgod cing dur khrod der 'jug pa bri'o// / 'di ni gsang ba'i bris sku te gnas gcig tu legs par bzhag la/ sha chen gyi spos phul/ de'i mdun du dung chen gyi phreng bas bzlas pa bya/ sngags ba mnyam par bzhag pas dus gsum du 'bad la bris sku bsrung ngo // gzhan gang du yang mi bzhag go// gzhan gang gis mdun du yang mi dgram mo// ldag pa de 'jig @#dang / btung ba dang / bza' ba dang / ston mo ni sha chen rtag tu mtshan mo za'o// gal te mchog gis dngos grub 'dod na/ dus gsum du rnam par snang mdzad dang / khrag gi spos bris sku'i mdun du dbul lo// / 'di ni dpal 'jam pa'i mchog rdo rje 'jig byed chen po// rnal 'byor gyi rgyud las bris sku'i cho ga'i rtog pa ste lnga pa'o// de nas sbyin bsreg gi sa las kyi cho ga gsungs pa/ ji ltar sngon gyi rim pa ste/ dang por re shig sngags pas pha'i nags su phyin la mtshan byed na sbyin sreg gis las kun bya ste// gong du gsungs pa'i lha'i sbyor ba la gnas pa yis// las thams cad bya'o// de la las ni 'di rnams yin te/ gal te gsad par 'dod na/ der mo'i rus pa dang / rnam par snang mdzad dang / bong bu'i spangs dang / tsher ma dang / skra dang / sen mo dang / de dag thams cad mar khus byugs la/ ma he'i sbyor bas shin du mnyam par bzhag la kha lhor bltas la// ro bsreg pa'i me la gang gi ming dang bcas par rgya rtsa brgyad bsregs na/ de zhag bdun gyis 'chi'o// yang phyogs gcig tu gnas la/ me thab gru gsum byas nas/ de ru sngon du gsungs pa'i rdzas kyi gtum pa'i me la sbyin bsreg bya ste/ sbyor ba des ni las de nyid 'grub bo// de nas 'bral bar 'dod na/ bya rog dang nor nor ma yin par bya bar 'dod na shing bal gyi me la d+ha du ra'i 'bras bu dang bcas par ma mo brgya rtsa brgyad sbyin bsreg byas na shin du chud zos par 'gyur ro// a ru ra bsregs na slar rdzas de nyid tu 'gyur ro// rje btsun gyi mdun du sha chen dang bcas bar zla ba drug tu mtshan mo sbyin bsreg brgya rtsa brgyad byas na yul thams cad kyi bdag por 'gyur ro// ba lang gi sha dang khrag tu bcas pa gang gi ming dang bcas par sprin bsreg stong byas na/ de srid 'tsho'i bar du gnas par the tshom med do// khyi sha rdo rje chu dang bcas pas skyes pa'i bdag nyid kyis mtshan mo gang gis ming dang bcas par sbyin bsreg brgya rtsa brgyad byas na/ bdag nyid nor dang bcas par dbang du 'gyur ro// rta'i sha rnam par snang mdzad dang bcas par sbyin bsreg brgya rtsa brgyad gnas cig tu gnas la/ tshan mo rgyal po la dmigs nas byas na zhag bdun gyis 'khor dang / bcas pa dbang du 'gyur ro// glang po'i sha khu dang bcas par mi'i 'jig rten kun la dmigs la/ mtshan mo sbyin sregs stong byas na zhag bdun gyis dbang du 'gyur ro// nya dang / sha dang / chang dang bcas pas 'jigs pa med par sbyin bsreg brgya rtsa brgyad byas na bud thams cad dbang du 'gyur ro// de nas bskrad ngo 'jig par 'dod na/ bya rog sha ma 'dres par gang gi ming dang bcas par sbyin bsreg stong byas na/ nyi ma bdun gyis rdo rje 'dzin pa lta bu yang rab tu 'bros na phra mo gzhan lta ci smos/ de nas bya rog gi chang dang / 'bras kyi phub ma dang lhan cig tu d+ha du ra'i shing la me rab tu sbar te/ yi ge bcu pa'i sngags gang gi ming dang bcas par nam phyed nas sbyin bsreg byas na nyi ma bdun gyis skrod par 'gyur ro// de nas dbang du bya bar 'dod na/ seng ldeng gi me la/ til dang / 'bras dang / bud med kyi me tog dang lhan cig tu rdo rje'i chu dang bsres te/ rnal 'byor gyi gzugs dmar por dmigs nas kha nub tu bltas te/ yi ge bcu pa'i sngags gang gi ming dang bcas pa sngags pas bsren nyi ma bdun gyis dbang du 'das te/ ji srid 'tsho'i bar du mi 'bral lo// de nas dgag par 'dod na/ bdud rtsi lnga dang bcas par seng ldeng gi me la gang gi ming dang bcas par sbyin bsreg brgya rtsa brgyad byas na/ de ska cig gis 'ong bar 'gyur ro// las 'di rnams ni sngon du bsnyen pa byas pa'i sngags pas bya'o// gzhan pas byas ni sngags pa la 'jig rten pas bcas par 'gyur ro// ji ltar bye brag mi bya ste/ gang la bye brag sbyin mi bya// bye brag phye na sngags pas dngos grub mi 'grub bo// rgyud gzhan las kyang gsungs te// ji ltar bye brag ma skyes pa// de bzhin bya ba'i bye brag smras// rdo rje sems dpas kyang mi 'grub// gang gi mdun du sngags pa yis// de phyir las rnams mthong mi bya// gzhan dang lhan cig tu mi bya/ gal te sngags pas las bya 'dod/ de dag gcig pu zhig gis bya// sngags pa de yis las kun byed// 'di ni 'jam dpal mchog dpal rdo rje 'jigs byed chen po'i rnal 'byor gyi rgyud las sbyin bsreg las kyi cho ga rgya che ba'i rtog pa ste drug pa'o// / de nas bsam gtan las kyi cho ga ji lta ba yang dag par gsungs te/ bsam gtan tsam gyi sbyor bas dgos pa thams cad rab tu bsgrub par bya ste/ de'i cho ga ni dang po re shig rnal 'byor pa ma he'i gdong pa'i sbyor ba la gnas la sngon du bsnyen pa byas pas thams cad bya'o// ram las yongs su gyur pa'i me'i dkyil 'khor kun tu gsal bar 'bar bar rnam par bsams la/ de'i steng du sgrub bya gcer bu skra bshig pa byed par gyur pa bdag gi mdun du rnam par bsam mo// de lta bas na rang gi lus la khro bo'i gzugs mang po rnam par spros te/ khro bo de rnams kyis ral gri brgyab cing khrag 'thung bar bsam par bya'o// sgrub bya de'i sha za ba dang / rgyus drangs par bsam par bya'o// 'di skad smras te/ dkon mchog gsum la gnod par byed pa dang / bla ma la skur 'dzipa 'debs pa la rgyo cig rgyob cig/ sod cig sod cig bsam pa tsam gyis rdo rje 'dzin pa yang zhag bdun gyis 'a na phra mo srog chags gzhan lta ci smos/ de nas gzhan yang bsam gtan gyi rab tu sbyor ba gsungs pa ni/ ma he'i gdong ba'i sbyor ba'i nga rgyal la gnas te las thams cad bsgrub par bya'o// me'i dkyil 'khor gyi dbus su sgrub bya 'dar ba rnam par bsams la/ de'i mdun du srin po mang po yang bsam par bya ste/ srin po de dag tha dad pa'i lus can ma rungs pa'i shin du gtum pas sha za ba dang khrag 'thung bar rnam par bsam par bya'o// gzhan yang rnam pa sna tshogs pa bya rnams te/ bya rgod dang / bya rog dang / 'ug pa dang / lce spang dang / wa rnams dang / khyi rnams kyis sha za ba dang / khrag 'thung bar rnam par bsam par bya'o// bsam gtan 'di'i sbyor bas the tshom med par 'chi'o// dpag tshad brgyan gnas pa'i skyes bu yang bzung ste bsam gtan brtsam par bya'o// sngags pas bsam brtan par bya'o// de nas dpral bar 'dod na ma he'i snying khar sgrub bya bsam par bya ste/ sgrub bya gzhan rta'i snying khar rnam par bsam par bya'o// rta dang ma he gnyis phan tshun 'thab par byed par rnam par bsam par bya'o// ji srid rta dang ma he gnyis phye mar ma gyur gyi bar du'o// phyi nas sgrub bya de gnyis rab tu mi 'dza' par bsam par byas na/ bsams pa tsam gyis nyi ma bdun gyis nges par 'thab par 'gyur te gzhan du ma yin no// de nas bskrad par 'dod na/ de ru yaM las yongs su gyur pa'i rnga mos bsam par bya ste/ yang de'i rgyab tu yaM gis rnam pa las gyur pa rlung gi dkyil 'khor zla ba phyed pa'i rnam par bsam mo tata de'i steng du sgrub bya gcer bu skra bshig pa/ bred par gyur par bsam par bya ste/ ma he'i gdong pa can gyi spor ba la gnas pas/ de'i rgyab tu gshin rje'i gzugs lag pas dbyug pa 'dzin pa skra bsil ba rnam par bsam par bya ste/ rnga mo de'i kha lhor bstan la btang ngo // de'i ming dang bcas par gshin rje'i sngags brjod par bsam par bya'o// rnal 'byor pas 'di bsam pa tsam gyis zhag bdun nas 'di ltar rdo rje 'dzin pa yang skrod par 'gyur ro// de nas gzhan yang bsam gtan gyi rab tu sbyor ba ni/ bya rog gi 'am/ bya rgod kyi rgyab tu sgrub bya skra grol ba gcer bu rnam par bsam mo// de'i rgyab du gshin rje'i rnam par bsam par bya'o// lag na tho ba thogs pa/ sgrub bya'i skra bzung ba/ de la ma he'i gdong can gyis bka' bsgo ste/ kha lhor bltas nas song bar bsam par bya ste/ rtse gcig pa'i sbyor bas zhag bdun gyis spong bar 'gyur ro// de nas dgug par byed na yi ge yam las rlung gi dkyil 'khor de'i steng / du a las byung ba'i zla ba'i dkyil 'khor/ de'i steng du gshin rje'i gzugs lcags kyu dang zhags pa lag na thogs pa rnam par bsam par bya'o// ma he'i gdong pa'i sbyor ba la gnas pa yis de la bka' bsgo ba/ gshin rje song la che ge mo myur bar khug cig/ de skad bskul bas dza'i rnam pas bskyod de song bar rnam par bsam par bya'o// bsam gtan 'di'i sbyor ba la gnas pa'i sngags pas khams gsum du gto/ pa'i bu di bku ka la rol bar bya'o// ji ltar bsam pa brtan par 'gyur na 'di'i rab tu sbyor bas de dag bya'i gzhan gyis mi bya'o// de nas dug gis zin pa rab tu baspang ba'i sbyor ba gsungs te/ rang gi snying khar pad ma dkar po 'dab ma brgyad pa rnam par bsam par bya/ de'i steng du dbyangs yig gsum pa 'dab mar phaT brgyad par rnam par bsam par bya/ de yis ni lhag ma'i ming dang 'di dag dga' ba'i gzugs rnam par bsam par bya ste/ de'i spyi bor yi ge i kha dog dkar po las bdud rtsi 'dzag par bsam par bya'o// klu de'i mig rnams nas bdud rtsi 'phros nas sgrub bya'i lus la thim par bsam par bya ste/ bsam gtan 'di'i rab tu sbyor bas khams gsum yongs su gang ba'i dug kyang med par 'gyur ro// dag khur stong yang za nus so// de nas zhu ba'i bsam/ gtan gyi rab tu sbyor ba gsungs pa ni/ sgrub bya mdun du bsam te/ de'i rkang pa gnyis la yaM las rlung gi dkyil 'khor bsam par bya/ de'i steng du gsang ba'i gnas su me'i dkyil 'khor gru gsum pa kha dog dmar po ram gyis byin gyis brlabs par bsam par bya'o// de'i steng du snying khar sa'i dkyil 'khor gru bzhi pa kha dog ser po lam gyi byin gyis brlabs par bsam par bya'o// de'i steng du dpral bar zla ba'i dkyil 'khor rnam par bsam par bya'o// de'i steng du yi ge baM mgo bo thur du bltas pa las bdud rtsi 'dzag par bsams te/ 'di ni legs par rnam par bsams na rlung gis me rab tu sbar te/ me des dbang chen gyi dkyil 'khor bsregs par rnam par bsam par bya'o// dbang chen gyi dkyil 'khor gyi rlangs pas bdud rtsi dkyil 'khor de zhu bar bsam par bya// 'di'i sbyor bas tsam gyis ni de'i bud med zhu bar 'gyur te/ 'o ma'i shing yang zhu bar byed par the tshom med do// de nas rgyal po 'am rgyal po'i blon po dbang du bya bar 'dod na/ sngags ba ma he'i gdang can gyis rnal 'byor la gnas la/ bdag nyid mdog dmar por bsams te sgrub bya gang du gnas pa de'i steng du gnas la/ phyi nas rang gi lus la 'jam dpal mdog dmar po// lag na ljags kyu/ zhags pa can byung ste/ 'jas dpal des sgrub bya'i snying kha dang / mgrin par bcings nas dang rdo rje 'jig/ par bsams te 'jam dpal gyi sku la rab tu gzhug go/ sgrub bya de mos par bsam par bya ste/ bsam gtan 'di'i rab tu sbyor ba yis de gnyi ka'i 'og tu a bsam pa yi ge bcu pa'i sngags rnam par bsam par bya'o// yang kha dog dmar pos sgrub pa pos ye shes kyi gzugs kyis yi ge de la bzhugs par bya'o// de nas sgrub bya gcig tu gyur par bsam par bya'o// bsam gtan 'di'i rab tu sbyor bas nyi ma bdun gyis 'khor los bsgyur ba yang dbang du 'gyur te ji srid 'tsho'i bar du the tshom med do// rab tu mnyam par gzhag pa'i sngags pas mi g.yo ba'i bsam gtan gyis bya'o// rgyud gang la yang mi sbyin no// gal te sngags kyang mi bstan/ dpal 'jigs byed chen po ma he'i gdong can gyi bsam gtan gang yang mi sbyin/ sba bar yang mi khya sngags kyi dbye ba yang mi bya/ bris sku yang gang gi mdun du mi dgram ste/ thang ka yang gsang bar bzhag go/ rgyud 'di'i rab tu sbyor ba sme ba gzhan su la yang 'ga' tsam yang mi smra/ gal te smras na dpal rdo rje 'jigs byed dang / mkha' 'gro ma rnams kyis za'o// dam tshig nyam par 'gyur bas de'i phyir sngags su la yang mi sbyin no// de nas sbyin na dam tshig mnyam pa dang / rnam par rtog pa med pa dang / dam pa'i brtul shugs can dpa' blo bla ma la gus pa/ 'dul can de bzhin gshegs pa'i bstan pa nges par 'dzin pa/ rgyud sbas pa/ mi khro ba/ snying rje dang ldan pa/ bzlas pa dang / bsam gtan la phyogs pa dang / rnam par smin pa la 'dzem pa dang / 'di lta bu'i yon tan khyad par can ni slob ma bzang po ste/ dkyil 'khor dam pa dpal rdo rje 'jigs byed chen po la mchog tu gus pa snying rje chen pos yid brlan pa/ rnam par rtog pa med pa/ rab tu brtags la shin du rnam par dag par bsams te/ bla mas de lta bu'i slob ma la dpal rdo rje 'jigs byed chen po'i rgyud byin no// sngags pas gzhan la byin na de dang slob mar bcas nas dmyal bar 'gro bar the tshom medado// / 'jig rten 'dir ni 'jigs pa chen por 'gyur ro// 'jig rten pha rol tu ni dmyal bar 'gro'o// dam tshig kyang nyam par 'gyur ro// / 'di ni 'jam dpal mchog dpal rdo rje 'jigs byed chen po'i rnal 'byor gyi rgyud las/ bsam gtan gyi las sgrub pa'i rtog pa ste bdun pa'o// / dpal rdo rje 'jigs byed chen po'i 'khor lo'i rgyud 'bum pa nas byung ba rtog pa'i phyogs bklags pas 'grub pa dpal rdo rje 'jigs byed chen po ma he'i gdong gis dngos grub 'grub pa'i rtog pa 'di/ ngogs s+ho// dpal u rgyan gyi gnas chen po nas 'jam da rdo 'jig @gyi rgyud las byung ba/ rgyud kyi rgyal po dpal rdo rje 'jigs byed zhes bya ba bla ma dam pa'i dkyil 'khor chen po// / slob dpon chen po la li ta badz+ra gyi phyung nas mdzad pa rdzogs skyo// dngos grub brnyes pa'i bla ma chen po bA ro dang / sgra bsgyur gyi la tsA ba chen po rwa dge slong rdo rje grags kyis bsgyur ba'o// / legs spyad pad mo'i tshal las snyan pa'i dri bsung ldan/ skal ldan bung ba'i tshogs rnams byin brlabs rtsi bcud kyis// tshim zhing nyams rtogs chos sgra zar zir can/ tshogs gnyis sbrang rtsi'i phung po dpag med gnas 'dir rgyal// rtog gsum