བོད་ཡིག

e-texts produced with BDRC’s OCR application

rgya gar skad du/ Ar+ya rAs+t+ra pa la na nA ma ma hA ya na sU tra/ bod skad du/ 'phags pa yul 'khor skyong gis zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab na/ bya rgod phung po'i ri la/ dge slong nyis brgya lnga bcu'i dge slong gi dge 'dun chen po dang thabs gcig tu bzhugs te/ de nas tshe dang ldan pa yul 'khor skyong stan las langs te/ bla gos phrag pa gcig tu gzar nas/ pus mo g.yas pa'i lha nga saM la btsugs te/ bcom ldan 'das kyi zhabs la mgo bos phyag 'tshal nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das de bzhin gshegs pa'i bstan pa 'di nab par bgyid pa'i sems can gang lags pa de dag ji lta bu dag lags/ de skad ces gsol pa dang / bcom ldan 'das kyis tshe dang ldan pa yul 'khor skyong la 'di skad ces bka' stsal to// yul 'khor skyong gnas 'di gnyis ni/ bcom ldan 'das kyis gsung pa ste/ gnyis gang zhe na/ dge slong gi gnas dang / lhod pa'i gnas so// de la dge slong gi gnas ni tshul khrims dang ldan pa'i phyogs gang yin pa'o// yul 'an@lhod pa'i gnas ni tshul khrims 'chal pa'i phyogs gang yin pa'o// yul 'khor skyong de la yongs su mya ngan las 'da' bar 'dod pa'i dge slong gis ni gnas gnyis la bslab par bya'o// gnyis gang zhe na/ tshul khrims kyi phung pos kyang shin tu bsrung bar bya ba dang / bdag nyid la nges par bsam bar bya'i/ pha rol la nges par bsam par mi bya'o// de la ji ltar bdag nyid la nges par bsam par bya'i/ pha rol la nges par bsam par mi bya zhe na/ des 'di ltar brtag par bya ste/ ci bdag rang gi sdug bsngal gyi phung po zad par byed 'dod pa yin nam/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa yin snyam du brtag par bya'o// gal te nyan thos kyi theg pas yongs su mya ngan las 'da' bar 'dod pa zhig yin na ni/ des nyan thos kyi bslab pa kho na la bslab par bya ste/ so sor thar pa'i sdom pas bsdams par bya'o// cho ga dang spyod yul phun sum tshogs par bya'o// kha na ma tho ba phra rab tsam dag la yang 'jigs par lta bas yang dag par blangs te/ bslab par bya'o// bslab pa'i gzhi rnams la yang lus kyi las dang / ngag gi las dang / yid kyi las yongs su dag par bya'o// 'tshe ba yongs su dag pa dang / smad du med par yang bya'o// brkam pa med cing ro rnams la chums pa med pa dang / chos gos la chod zin par yang bya'o// lhung bzed la tshod zin par yang bya'o// des kha zas yog tsam gyi bza' bar yang mi bya ste/ lto ma bkres tsam du kha zas bsrung / bar des bslab par bya'o// des kha zas la rtag tu rgyu mi 'chad par mi gtsang ba'i 'du shes bskyed par bya ste/ 'di lta ste phyi sa dang gcin gyi 'du shes dang / rnag gi 'du shes dang / skyugs pa'i 'du shes dang / mi gtsang ba'i 'du shes dang / ma brku ba lta bu'i 'du shes dang / smad par 'du shes pa dang / mi mthun pa'i 'du shes dang / bu'i sha lta bu'i 'du shes dang / dor ba'i 'du shes dang / spang ba'i 'du shes dang / dri mi zhim pa'i 'du shes bskyed par bya ste/ des de lta bu'i tshul du bza' zhing tshod rig par bya'o// des chags pa med pa dang / sdang ba med pa dang / rmongs pa med pa dang / rtag tu dben pa la mngon par dga' bar bya ste/ bre mo'o gtam la dga' bar mi bya'o// ri dgas 'chi ba lta bur dang du blang bar bya'o// dben par bya'o dben pa la mngon par dga' bar bya'o// dben pa la mngon par dga' zhing mos pa dang / bzod pa dang ldan par bya'o// des pa dang 'grogs na bde bar bya'o// 'jig rten gyi gtam la mi brten par bya'o// cho gi spyod pa spang bar bya'o// sman spyad la dgal ba dang / 'phrin pa la dga' ba dang / khyim gyi bya ba dang 'brel bar mi bya'o// 'dug pa dang 'greng ba dang / @'chag pa dang nyal ba la mkhas par bya'o// rab tu dben pa dang dgon par dga' ba dang / zhi ba'i gnas mal sgra chung ba skad chung ba 'jigs pa yid la byed pa med pa/ sdig sbrul med pa/ mi mang po med pa/ mis dben pa nang du yang dag 'jog pa dang dgon pa bsten par bya'o// bdag bstod par mi bya gzhan smad par mi bya'o// tshul 'chos pa dang kha bsag mi bya'o// rtag tu rgyun mi ched par skye ba'i sems bskyed par bya'o// des khyim pa dang rab tu byung ba rnams dang 'dra zhing 'dris par mi bya'o// stong pa'i chos rnams kun tu bsten par bya/ bsgom par bya/ mang du bya'o// des rigs pa dang mi ldan pa'i dge slong dang / lhan cig phrad pa spang bar bya'o// dge slong ma dang 'dris par mi bya'o// 'dod pa chung bar yang bya'o// rtag tu bdag nyid kyi 'khrul pa rnams la so sor brtag par bya'i/ gzhan gyi 'khrul pa rnams la brtag par mi bya'o// pha ma la yang yid brtan par mi bya na/ rigs gzhan la lta ci smos/ shin du yang dag par bsdams pa can du bya'o// nye bar zhi ba'i chos kyi sbyin bdag bya'o// dmigs pa la mkhas par bya'o// dben pa'i gnas mal du gnas par bya'o// 'thun pa yang gzhan dag la smra bar mi mthun pa la ci spos/ des chos de dag la sems nye bar gnas par byas nas chos zab mo rnams la so sor rtog par bya'o// chos zab mo rnams la brtag par bya ba de dag kyang gang zhe na/ mig mi rtag go snyam du so sor brtag par bya'o// de'i skye ba dang 'jig pa la yang so sor brtag par bya'o// de la skye ba dang 'jig pa la so sor rtog pa gang yin pa de ni med pa la so sor rtog pa'o// de ci'i phyir zhe na/ mig ces bya ba ni med pa'i phyir ro// mig dang gzugs dang / mig gi rnam par shes pa ni dmigs pa ma yin gyi/ med pa dmigs pa yin no// de ci'i phyir zhe na/ chos thams cad ni mi gnas pa'i phyir ro// des rna ba'i rten bsam par mi bya'o// sna dang / lce dang / lus dang / yid kyi rten bsam par mi bya'o// ci yang rung ba'i rten bsam par mi bya'o// de ltar byas na ci zhig bsam pa yin/ de bzhin du chos rnams stong par yang brtson par bya'o// de ltar brtson pa de ni tshul khrims kyi phung po yongs su dag par byed do// ting nge 'dzin gyi phung po dang shes rab kyi phung po yongs su dag par byed do// rgyun tu zhugs pa'i 'bras bu 'thob par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur te/ de lta bu'i ting nge 'dzin med pa ni dang po'i nyan thos kyi yin te/ de dag gis rab pa zad pa thob par 'gyur ro// de la dge slong ltar bcos pa gang zhe na/ yul 'khor skyong 'di na dge rgyaslong bdag nyid la nga'o snyam du 'dzin te/ de ni tshul khrims kyi phung po yongs su ma rdzogs pa dang ldan pa yin/ chos gos gces par 'dzin pa yin/ lhung bzed gces par 'dzin pa yin/ zang zing gces par 'dzin pa yin te/ de ni mi smra ba spangs nas ngan song du 'gyur ba'i mal cha dang / stan dang 'gron du gnyer ba chen po rnams bdag gir byed/ bud med dang 'dris par byed/ dge slong ma dang 'dris par byed/ rgyal pos bkrabs pa dang 'dris par byed/ des 'dris par gyur na/ rgyun mi 'chad par mig gis gzugs rnams la nges par sems so// des de ltar sems bskyed nas kun nas nyon mongs par 'gyur ro// kun nas nyon mongs pa'i sems dang ldan na gnas 'di lta bu yod de/ nyes pa lci ba de byed pa 'am/ yang na chung ngu byed cing 'das par 'gyur te/ yul 'khor skyong 'di ni dge slong ltar bcos pa yin zhe na/ dge slong ltar gtses pa de de bzhin gshegs pas mal cha dang / stan gnang ba tha mal pa gang la dge slong gnas pa'i mal cha dang / stan gang yin pa mi rkun po des spangs nas chos gos la zhen cing zang zing la zhen nas/ bud med dang 'dris par byed cing khyim pa dang 'dris par byed na/ 'dris par gyur pa'i mi blun po de dag la dge sbyong gi tshul lta ga la yod de/ de'i steng du chos zab mo rnams la yang sun 'byin cing / bshe bar byed la/ des thos su zin kyang bsngags pa ma yin pa brjod par byed do// dgon pa'i bsngags pa ma yin pa yang brjod par byed do// gang la de'i sems mngo// par dga' ba'i 'dod pa rnams 'ba' shig gi bsngags pa brjod par byed cing / gang la de'i sems mngon par dga' ba'i bre mo'i gtam 'ba' zhig gi bsngags pa brjod par byed la/ dge slong gi gnas gang yang rung ba de dag gi bsngags pa ma yin pa brjod par byed do// gang las de bzhin gshegs pa'i mdo'i tshig khyim na gnas pa dang / rab tu byung ba rnams 'ad 'dzir mi 'gyur bar bya'o zhes gsungs pa'i mdo tshig de bor nas/ dge slong gi tshul mi 'dod cing dge slong gi dngos po mi 'dod de/ gcig pu 'dug cing bud med la chos 'chad par byed la/ gzhan dag la yang de lta bu'i gzhi rnams su lung 'bog par byed de/ de ci'i phyir zhe na/ de dag ni/ de bzhin gshegs pas chos kyi tshem rkam por gsungs te/ so sor thar pa spangs nas gcig pur 'dug cing bud med la chos 'chad pa'i phyir ro// mi blun po de dag ni bcos ma ste/ mgo bregs pas bcos pa dang / gos ngur smrig gyon pas bcos pa'o// rgyu gang gis bcos pa yin par shes par bya zhe na/ sangs rgyas bcom ldan 'das rnams kyis spad pa gang yin pa mi blun po de dag gis gnang bar byed de/ lo nyi shu ma lon par bsnyen par rdzogs par byed/ rang gi lag gis len par byed/ @#ma brtags pa la longs spyod par byed/ rang nyid g.yos dang 'tshed pa'i las byed/ gser dang dngul bdag gir byed/ khre rgod dang / 'bru la sogs pa sog par byed/ khyim gyi gzhi dang zhing gi gzhi dang / kun dga' ra ba'i gzhi nyo tshong byed cing tshal za'i 'tsho ba spong bar byed/ khyim gyi gzhi dang zhing gi gzhi dang / kun dga' ra ba'i gzhi len par byed// las kyi rnam par smin pa la yid mi ches shing so sor thar pa la ma dad nas/ de la gzhol de las 'bab/ de la bab ste bden par 'dzin/ der spyod lam byed/ dge sbyong du 'dra bar 'dzin cing / gang na skye bo mang po yod pa der/ gcer bu pa dang mtshungs par ston par byed/ gang zag tu lta ba la bsngags par byed/ gang zag tu lta ba dang / gcer bu pa dang mtshungs par ston pas/ skye bo mang po 'dzud par byed cing dgod par byed/ sangs rgyas kyi spyod yul de bzhin gshegs pa'i gnas pa stong pa nyid la dmigs nas sun 'byin par byed/ bshe bar byed par shes par bya'o// yul 'khor skyong de lta bu'i sems can dag 'byung bar 'gyur te/ de dag ni khyim pa yang ma yin dge sbyong yang ma yin te/ de dag gis ni de bzhin gshegs pa'i bstan pa 'di nub par byed do// de nas bcom ldan 'das kyi de'i tshe tshigs su bcad pa 'di dag bka' stsal to// dge slong tshul khrims rnams la bsdams// zhi zhing zhi ba'i gnas la dga'// so sor thar la slob byed la// de dag dge slong bram ze yin// chos rnams gtso bos blangs nas ni// ci yang med pa'i dge slong ba// bas mtha' dgon pa rnams su dga'// de dag dge slong bram ze yin// de dag bre mo'i gtam mi dga'// so sor thar rnams legs par bslabs// gang zag mchog la nyin mtshan du// bkur sti chen po byed pa yin// zhing yang mi rmed tshong mi byed// lhung bzed chos gos rnyed mi tshol// len pa med par brtson pa gang // de dag sangs rgyas nyan thos yin// de dag bud med bsten mi byed// bud med rnams dang 'du ba med// shing drung rnams ni bsngags par byed// de dag sangs rgyas nyan thos yin// zas skom dang ni don gyi phyir// gtsam gsag dag kyang yong mi byed// de 'drar gyur pa de dag ni// dge slong ma la brten mi byed// mtshon rnon ji ltar bdar ba bzhin// bud med rnams ni de 'drar shes// so sor thar las byung ba bzhin// bud med 'du shes spong bar byed// nges pa de dag zas phyir dang // skom gyi phyir dang gos kyi phyir// khyim khyim dag tu 'gro byed cing // chos rnams ston par mi byed do// dge slong rnams kyis bud med rnams// lta bar mi bya rdzogs sangs gsungs// de la shes ldan su zhig ston// de ni bdud kyi spyod yul yin/ @#de dag gis ni med par smra// ro dang nyal ba bzhin du nyal// de phyir sangs rgyas thams cad mkhyen// 'di 'ji bsngags par mi mdzad do// chos rnams srog med gso ba med// gsog dang gsob dang snying po med// stong pa nyid la mos byed pa// de ni dge slong chos nyid do// rtag tu brtson 'grus phun sum tshogs// gcig pu dgon par gnas byed dang // 'jig rten na ni brtan med sems// de ni dge slong chos nyid do// seng ge bzhin du 'jigs pa med// tshangs par spyod la gzhol bar byed// sdug bsngal kun las thar pa'i phyir// shes rab ldan pas lam la sgom// mig dang gzugs ni tshol ba na// de dag gi ni rnam shes rnyed// dngos po de dag tshol ba na// btsal ba gang yin mi rnyed do// sngon yang mi 'byung phyis mi 'byung // dbus na'ang yod pa ma yin te// de lta bu yi don gyis na// chos kun mnyam pa nyid kyi phyir// nges pa de dag zas phyir dang // skom gyi phyir dang gos kyi phyir// khyim khyim dag tu 'gro byed cing // chos rnams ston par mi byed do// rgyu med des pa bzang po yin// de dag sangs rgyas bslab pa rnams// 'da' zhing 'jig pa mi byed de// brtul bzang stong nyid skrag pa med// 'jigs pa med par 'jug par byed// lta ba mi bzang 'jig mi byed// sems can gang zag dngos mi 'jig/ dkar po'i chos rnams thams cad la// shin tu brtan par gnas pa yin// brtan po de dag 'jig rten na// mya ngan 'das pa'ang reg gyur nas// mchod pa'i gnas su 'os par 'gyur/ gang dag shes rab 'chal pa dang // le lo can dang dman la brtson// zos pa nyung dang sdig pa 'dod// nga rgyal tha ba khro byung gnas// mgo la spu gri rten byed cing // shing gi kha bsgyur chos gos gyon// stong pa nyid ni don med pa// de ni mkhas pa bsgom mi byed// chos la sun 'byin theg chen gyi// bsngags pa ma yin brjod par byed// gang zhig chos 'di ston pa rnams// ji ltar bsten pa de bzhin du// nag po'i phyogs la kun du chags// de ni ngan 'gror 'gro bar 'gyur/ bcom ldan 'das kyis de skad ces bka' stsal nas/ tshe dang ldan pa yul 'khor skyong dang / dge slong de dag dang / lha dang / mi dang / lha ma yin dang / dri zar bcas pa'i 'jig yi rangs te/ bcom ldan 'das kyis gsungs pa la mngon par bstod do// 'phags pa yul 'khor skyong gis zhes pa zhes bya ba theg pa chen po'i mdo// rdzogs s+ho// bkris/