བོད་ཡིག

e-texts produced with BDRC’s OCR application

ngan pa de yang mi gnas so// rgyal po chen po 'di lta ste dper na/ lhung bzed 'di dag mi gnas kyang mi lhung ba de bzhin du/ rgyal po chos thams cad kyang mi chags mi gnas shing / chos gang la yang mi lhung ngo // de nas rgyal po ma skyes sgras byang chub sems dpa' de dag dang / nyan thos chen po de dag lag pa dang lhung bzed dkrus par shes/ te/ chos nyan pa'i phyir 'jam dpal gzhon nur gyur pa'i mdun du 'dug nas/ 'phags pa 'jam dpal bdag gi 'gyod pa de gsal du gsol zhes byas pa dang / 'jam dpal gyis smras pa/ rgyal po chen po khyod kyi 'gyod pa de ni yang dag par rdzogs pa'i sangs rgyas gang gi bye bye ma snyed kyis kyang gsal mi nus so// de nas rgyas po ma skyes sgras bdag mgon med par shes nas/ shing cad pa bzhin du sa chen po 'di la 'gyel bar gyur to// de nas gnas brten 'od srung chen pos rgyal po ma skyes sgra la 'di skad ces smras so// rgyal po ma 'jigs ma skrag shig/ 'jam dpal gzhon nur gyur pa ni dgongs pas 'chad de las mkhas pa yin gyis/ 'di nyid las khyod kyi ci las dgongs te 'gyod pa ngan pa de/ gang ga'i klung gi bye ma snyed kyi sangs rgyas bcom ldan 'das kyis kyang bsal mi nus so zhes de skad du ston ces zhus shig/ de nas rgyal po ma skyes sgras sa'i steng nas slar langs te/ 'jam dpal gzhon nur pa la 'di skad ces gsol to// 'jam dpal ci la dgongs te khyod kyi mgyod pa de gang ga'i klung gi bye/ ma snyed kyi/ de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bsal mi nus zhes de skad du ston/ 'jam dpal gyis smras pa/ rgyal po chen po de ji snyam du sems/ sangs rgyas bcom ldan 'das sems kyi dmigs pas skyed pa yin nam/ gsol pa 'jam dpal de lta ma lags so// smras pa sems kyis skyed pa yin nam/ gsol pa 'jam dpal de ma lags so// smras pa sems 'gag pas skyed pa yin nam/ gsol pa 'jam dpal de ma lags so// smras pa 'dus ma byas kyis skyed pa yin nam/ gsol ba 'jam dpal de ma lags so// smras pa 'dus byas kyis skyed pa yin nam/ gsol pa 'jam dpal de ma lags so// smras pa rgyal po chen po de ji snyam du sems/ chos gang gis kyang skyed par 'gyur ba'i chos des chos gang yang bsal bar nus sam/ gsol pa 'jam dpal de ma lags so// 'jam dpal gyis smras pa/ rgyal po chen po ngas de las de las dgongs te/ sangs rgyas bcom ldan 'das gang ga'i klung gi bye ma snyed kyis kyang khyod kyis 'gyod pa de bsal mi nus so// zhes de skad smras so// rgyal po chen po gzhan yang bar snang gi na mkha' 'di la gang la la zhig rdul tam/ du ba 'am/