བོད་ཡིག

e-texts produced with BDRC’s OCR application

gyi mkhan po sarbad nya de ba dang / zhu chen gyi lo tsha ba ban de dpal brtsegs rag shi tas bsgyur cing zhus te gtan la phab pa// @#/ rgya gar skad du/ pra sa da pra ti b+hod b+ha ga ba ta bud+d+ha s+ya sto tre nA ma/ bod skad du/ sangs rgyas bcom ldan 'das la bstod pa/ dad pa las spobs skyes pa zhes bya ba/ de bzhin gshegs pa thams cad la phyag 'tshal lo// gang zhig la ni nyes pa kun// btan nas yong ye mi mnga' zhing // gang la rnam pa thams cad du// yon tan thams cad gnas gyur pa/ gal te sems shig yod na ni// de nyid la ni skyabs 'gro zhing // de bstod de ni bkur ba dang // de'i gtan la gnas pa'i rigs// thams cad mkhyen la yon tan kun// mnga' ba de yang rnams mi mnga'// nyes pa bag chags bcas de yang // skyob pacig pu la mi mnga'// bcom ldan 'das kyi su dang ni// gsung dang thugs kyi 'phrin las la// zhe 'gras gyur pa gang gis kyang // chos dang ldan par glags mi rnyed// rgya mtshor gnya' shing bu gung du/ rus sbal mgrin pa chud pa ltar// dam chos dga' ston cher bcas pa'i// mi nyid bdag gis thob nas ni// mi rtag nyid dang rjes 'brel cing // las kyi klags la dogs bcas pa// bdag gi lce nyi nyid kyis ko// snying pa ci yang blang mi bya// de ltas thub pa yon tan gyi// yul lha grags med shes mod kyi// rang gi don la gus pa yis// de'i phyogs cig sgrims te brjod// gang gi yon tan grags dag dang // mthu la thug pa ma mchis dang // rmad byung 'phrin las dpag med can// / rang byung khyod la phyag 'tshal lo// 'di rnyed bgyi ba'i mtha' med na// 'di lta lags shes ci zhig smos// khyod kyi yon tan slad du bdag/ bsod nams snyam nas spyi rdol skyes// // sangs rgyas bcom ldan 'das la bstod pa/ dad pa las spobs pa bskyed pa zhes bya ba las/ bstod pa gleng bslang ba ste le'u dang po'o// / spyod dam mi spyod snyam pa yi// rnam par rtog pa rnams spangs nas// 'gro ba 'di ni nyam thag ces// khyod bdag nyid kyis zhal gyis bzhes// khyod ni ma bcol las leg mdzad pa// khyod ni rgyu med bzhin du byams// khyod ni ma 'dris mdza' bshes te// 'brel pa med pa'i gnyen gdun lags// nyid kyi sha yang stsol mdzad na// dngos po gzhan lta smos ci 'tshal// legs mdzad khyod kyi srog kyang ni// slong ba'i skye bo rnams la btang // khyod kyi sku dang srog dag gis// lus can gshed mas/ zin rnams kyi// lus dang srog kyang khyod kyis ni// lan brgya phrag tu sru mi mdzad// ngan 'gro brnyengs slad ma lags la// bzhed pa'i 'gri ba'ang bsgrub ma lags// dgongs pa dag pa 'ba' zhig gis// khyod kyi tshul khrims goms par mdzad// rtag tu gya gyu rnams spangs shing // drang brtan rnams ni yongs su dag/ yongs su dag pa'i las rnams kyi// khyod ni tshigad+ha brten cig pur gyur// sdug bsngal mang pos gzir ba na// khyod kyi dge ba thugs kyis ni// nyon mongs rnams la sran btsugs nas// skye ba nyon mongs can la rtse// khyod kyis gzhan gyi don slad du// sku srog btang nas dgyes gyur gang // de 'dra srog chags 'gum pa las// sos pa rnams la'ang byung ma gyur// khyod ni lan 'ga' ma lags par// gtubs kyang sdug bsngal mi dgongs par// gshed ma bgyid pa'i sems la'ang // gtso bo thugs rjer gyur pa gang / khyod kyi thugs ni rin po che// rdzogs pa'i byang chub sa bon te// dpa' khyod kho nas snying por mkhyen// de bzhin skye bos 'ol mi bya// dka' spyad las ni ma bgyis par// go 'phangs rnyed dka' mi thob ces// de srad nyid la'ang ma gzigs par// khyod kyis brtson 'grus legs par spel// khyad par 'phags par bgyi ba la// khyod la tha lhod 'ga' ma byung // de slad khyod kyi khyad par rnams// thog drung rim pa dbyer ma mchis// thugs ni thugs rje chen po dang // rtag tu rjes su 'brel slad du// ting 'dzin 'bras bur bcas pa yi// shin tu bde la'ang khyod ma chags// gzhan dang thun mong ma lags pa'i// bde ba gang de gya nom yang // dam pa'i spyod ldan khyod 'dra la// gnod pa rabs kyi sman ma mchis// 'dres pa las na legs bshad pa'i// snying po skyon med nyi tshe zhig/ khyod kyis kun shes thugs la gzhan// nyes bshad dug bzhin yongs su spangs// rin chen snying po mkhyen khyod kyi// legs bshad srog gis 'jal ba na// skye ba de dang de dag tu// byang chub slad du dpa' rtsal bstan// de slad grangs med gsum dag tu// khyod ni da ltar brtson pa na// brtson 'grus 'ba' zhig grogs gyur pas// go 'phang bla na med pa rnyes// // sangs rgyas bcom ldan 'das la bstod pa/ dad pa las spobs pa skyes pa zhes bya ba las/ rgyu'i sgo nas bstod pa ste le'u gnyis pa'o// / mtho la phrag dog mi mdzad cing // dma' la dang na can ma mdzad la// mnyam la 'gran pa ma mchis pas// khyod ni 'jig rten gtso bor gyur// khyod ni yon tan rgyu rnams la// mngon dgyes 'bras bu rnams la min// yang dag sgrub pa de nyid kyis// khyod kyi yon tan pa mtha' phyin// ji ltar khyod kyi zhabs rdul yang // bsod nams skye ba mched 'gyur ba// de ltar khyod kyi legs spyad pas// bdag nyid rab tu skrun pa mdzad// nyes pa nyam smad rtsa nas bton// yon tan spel nas rnam par sbyangs/ gzhung lugs bzang ba des na khyod// grub mchog lhag par mnyes pa lags// ji ltar bdag gi rgyud de la// bag chags lhag ma'ang ma lus pa// de ltar rnam pa thams cad du// nyes pa khyod kyis rab tu bcom// ji ltar gzhan la de dag dang // 'dra ba tsam yang mi gda' na// de ltar khyod kyis bsags bsags nas// bdag nyid la ni yon tan bsgrubs// 'jig rten pa'i dpe dngos kun// gags bgyid pa dang sgrib pa can// re shig pa dang nyi tshe ba// shin tu rnyed par sla ba lags// khyod kyi yon tan bla med la// gags bgyid ma mchis rtogs ma mchis// brtan pa dang ni rgyun chags pas// dpe lta mchis par ga la 'gyur// gang tshe khyod kyi dgongs pa'i dkyil// gting dang pha rol med brtags na// rgya mtsho'i zab pa nyid kyang ni// gnag rjes lta bur sal le gda'// chos rnams kun gyis mi bskyod pa// khyod kyi brtan pa mngon bsams na// sa'i brtan pa nyid kyang ni// shir sha'i kye sar rtse ltar chung // 'jig rten legs pa gang ci'ang rung // thams cad sngos na'ang der rabs te// nyon mongs 'jig rten chos rnams kyis// sangs rgyas chos la khyad mi 'khor// rin chen chos gang brnyes nas khyod// mchog tu gyur pa de nyid dang // khyod du bsnun zhing de yang ni/ khyod dang spyan sdom kho nar bas// thub pa khyod kyi ye shes kyi// snang ba mi shes rab rib dag/ 'joms pa'i thad na nyi ma yang // me khyer tsam du mi spyod do// khyod kyi gsung thugs mdzad spyod rnams// dag pa'i gan na ston zla dang // chu dang nam mkha'i dag pa rnams// dri ma can nyid lta bur gda'// gang la spyi tsam gtan nas ni// cung zad brjod par bgyid pa de// smra ba po yi rang dga' dang // thabs dang gcam bu tsam du bas// // sangs rgyas bcom ldan 'das la bstod pa/ dad pa las spobs pa skyes pa zhes bya ba las/ dpe med par bstod pa'i le'u ste gsum pa'o// / khyod ni bdud las rnam rgyal te// 'gro kun dad par mdzad pa yang // bdag gis chos nyid rjes bsams na// chen po lags par ngas mthong ngo // sdang bar brgol bar rtsol byed pa// mang po'ang gzhom par bya ba ni// khyad par gnas la brten pa yi// bzod pa tshegs su 'tshar mi che// gang tshe bdud rnams mngon btul ba// de yi nub mo kho na la// nyon mongs shin tu che spangs pa// de nyid slad du byung ma lags// 'od zer phreng ba stong ldan pa'i// nyi mas mun gsal gang lags dang // dpa' bo khyod kyis mu stegs las// rgyal bar mdzad pa ci zhig mtshar// 'dod chags bral bas chags bcas dang // zhe sdang bral bas zhe sdang can// gti mug bral bas rmongs pa ste// gsum pos rtag tu gsum dag btul// dam chos rab tu bstod pa dang // dam chos ma lags smod mdzad kyang // dam pa dag dang tha ma la/ khyod ni chags dang khro mi mngara'// dgra bcom pa dang mu stegs la// rjes su chags dang khong khro bar// khyod kyi thugs ni mi 'gyur na// khyod la bstod du ci zhig mchis// yon tan rnams la'ang ma chags la// yon tan cana'ang bzhed mi mnga'// kye ma'o khyod kyi thugs stobs ni// rab dang yongs su dag pa lags// dbang po rnams ni rab dang ba// dus rnams rtag tu mi nyams pas// khyod thugs rtag tu dad pa dag/ mngon sum gyur pa bzhin du gda'// rang bzhin 'dam po legs gsungs dang // mdzad spyod bzang pos bsgrags pas na// khyod kyi blo gros dgongs pa dag/ rnam dag byis pa'i bar la grags// / sangs rgyas bcom ldan 'das la bstod pa/ dad pa la spobs pa skyes pa zhes bya ba las/ smad du byung bar bstod pa zhes bya ba'i le'u ste bzhi pa'o// // nye bar zhi la yid du 'ong // 'bar la gnod pa mdzad mi mnga'// dul la rngom brjid che ba yi// sku 'dis su zhig dang mi mdzad// khyod kyis sku de gang gis ni// lan brgya mthong dang gang zhig gis// dang por mthong ba de gnyi ga/ 'dra bar mig ni mgu bar mdzad/ khyod kyi sku ni mdzes pa dang // blta bas mi ngoms rang bzhin pas/ mthong ngo cog phyi phyir zhing // dga' ba bskyed par mdzad pa lags// rten gyi yon tan dag dang ni// rten pa'i yon tan phan tshun du// 'tsham pas khyod kyi sku dang ni// yon tan phun sum tshogs dang ldan// mtshan dang dpe byad bzang 'bar ba// khyod kyi sku la ma gtogs par// de bzhin gshegs pa'i yon tan 'di// gzhan gang zhig la legs gnas 'gyur// khyod sku brten pa'i yon tan la// da dpal tsho zhes gsung gsung lta// de yi yon tan rnams kyang slad// nged legs bkod ces gsung ba 'dra// // sangs rgyas bcom ldan 'das la bstod pa/ dad pa las spobs pa skyes pa zhes bya ba las/ sku la bstod pa zhes bya ba'i le'u ste lnga pa'o// // 'gro ba 'di dag thams cad ni// khyad med nyon mongs rnams kyis bcings// khyod ni 'gro ba'i nyon mongs dag/ dgrol slad yun ring thugs rjes bsdams// dang por khyod la phyag bgyi 'am// 'on te gang gis 'khor bar khyod// skyon mkhyen yun ring de lta bur// bzhugs mdzad thugs rje tshal bgyi// dben pa'i bde ba dang gyur khyod// mang po'i nang na bzhugs pa gang // de ni khyod kyi thugs rje yis ka / glags shig thod nas bgyis par bas// rig pa yis ni mtsho nang nas// klu bzhin khyod kyang thugs rje yis// dgon ba zhi nas grong gi mthar// gdul ba'i don gyi slad drangs nas// nyer bzhi mchog la gdul slad du// thugs rje gco dang ldan pas na// rol mo mkhan gyi rgyu rtsal yang // khyod kyis shal gyis bzhes pa mdzad// rdzu/ 'phrul seng ge'i sgra dang ni// nyid kyi yon tan brjod pa gang // de ni snyems pa mi mnga' ba// khyod kyi thugs rjes gtang ba lags// gzhan gyi don du rab bzang gi/ nyid kyi rten la rtse med pas// mgon po khyod nyid 'ba' zhig la// thugs rje thugs rje mdzad ma 'gyur// 'di ltar re 'ga' brtan pa yis// gzhan don grub par mdzad slad du// khyod ni lan brgyar phyogs dag tu// gtor ma bzhin du btang ba lags// de ltar khyod la gnod mdzad kyang // nongs can du yang mi rtsi bas// khyod kyi bzhed pa kho na dang / 'thun 'jug pa ni legs par gda'// / sangs rgyas bcom ldan 'das la bstod pa/ dad pa las spobs pa skyes pa zhes bya ba las/ thugs rje la bstod pa zhes bya ba ste le'u drug pa'o// // tshig bzang ba dang don che dang / 8/ bden pa dang ni snyen pa dang // zab gsal gnyi ga'i don ldan dang // bsdus dang spros pa dang ldan pa// khyod kyi gsung ni de lta bu// khyod dang 'gras pas thos na yang // thams cad mkhyen pa lags so zhes// su zhig nges pa skye mi 'gyur// mang po'i ril gyis sman ma lags// bcom pa 'ga' rtsam snyan par bas/ khyod kyi gsung ni don grub pas// thams cad legs gsungs kho na lags// khyod kyi gsung ni rnam padags gang zhig 'jam dang rtsub pa dang // gang yang de gnyis ldan pa dag/ thams cad ro cig nyid du 'gyur// e ma'o shin tu yongs dag pa'i// 'phrin las rnams ni rab tu bzo// de yis rin chen gsung rnams kyi// snod 'di 'dra ba 'di bgyis so// khyod zhal lta na rab sdug pa// de las snyan na snyan pa yi// gsung 'di dag ni zla ba las// bdud rtsi 'dzag pa bzhin du byung // khyod kyi gsung ni 'dod chags kyi// rdul rab zhi mdzad char sprin 'dra// zhe sdang sbrul ni dbyung ba la// nam mkha' lding dang 'dra ba lags// yang dang yang du mi shes pa'i// rab rib 'joms pas gdugs dang 'dra// nga rgyal ri bo mngon 'joms pas// rdo rje dang yang 'dra ba lags// don gzigs pas ni mi slu ba// nongs mi mnga' phyir rjes su 'thun// legs par sbyar bas go sla ste// khyod kyi gsung ni legs gsung ldan// re zhig dang por khyod kyis gsung // nyan pa rnams kyi yid 'phrog mdzad// de nas yid la bsam bgyis na// 'dod chags gti mug nams kyang sel// 'phongs pa rnams kyi dbugs 'byin cing // bag med rnams kyi skyabs kyang mdzad// bde ba can dag skyo bgyis pas// khyod gsung kun dang 'tsham par 'jug/ mkhas pa rnams kyi dga' ba bskyed// bar ma rnams kyi blo yang spel// ma ma'i rab rib rnams 'joms pas// gsung 'di skye bo kun la sman// lte ba dag las dkar mdzad cing // mya ngan 'das pa nye bar 'dren// nyes pa sel mdzad khyod kyi gsung // yon tan rnams kyi char yang 'bebs// kun la ma thogs thugs mnga' zhing // dgongs pa'ang kun la nyer gnas pas// de slad khyod kyis lung bstan kun// thams cad la yang sgra mi mnga'// gang slad dus min yul min dang // snod min rnams su mi 'jug la// de slad khyod gsung don che te// brtson 'grus legs par brtsams pa bzhin// sangs rgyas bcom ldan 'das la bstod pa/ dang pa las spobs pa skyes pa zhes bya ba las gsung la bstod pa ste le'u bdun pa'o// // bgrod pa cig dang thabs bde dang // legs par 'brel dang nyes pa med// thog ma bar dang mthar dge bas// khyod kyi stan 'dra gzhan la med// khyod kyi gzhu'i lugs de lta bu// cig tu phangs la lha chags pa'i// byis pa gal te smod bgyid ni// lha dang 'dra ba'i dgra ma mchis// 'gro ba yi ni don slad du// sdug bsngal mang gtar gang lags po// de bas khyod bstan ngan na yang // gnas par bgyi ba la thug na// phan pa gsung zhing phan mdzad pa// khyod kyi bstan pa ci smos te// mgo la zhugs ni 'bar bas kyang // ci'i skad du bsgrub mi bya// khyod kyi bstan pas rang dbang dang // byang chub pa de dang zhi ba dang // khyod kyi yon tan bsngags pa dang // legs pa/ bzhi po 'di kun 'thob// dpa' bo khyod kyi bstan pa 'di// mu stegs thams cad skrag mdzad la// bdud ni sems khongs chud/ mdzad cing // lha dang mi rnams dbugs kyang 'byin// 'chi bdag bstan la khams gsum gyi// sa chen dag na spyod bgyid pa// mi thogs thogs pa ma mchis pa'ang // khyod kyi bstan pas zil gyis mnan// khyod kyi bstan pa'i lugs 'tshal ba// dka' na bskal par gnas la// gang du bdud kyis mi rdzi ba// der yang dga' mgur rab tu mchi// lung gi don ni bsam pa dang // bsgom dang gus par mnyan pa yi// dus gsum cha dbye khyod kyis ni// bstan las gzhan la mchis ma lags// drang srong skyes mchog khyod kyi bstan// de ltar legs pas khyab 'di la// mi gus gang lags de las ni// sdug bsngal chen po'ang ci zhig mchis// sangs rgyas bcom ldan 'das la bstod pa/ dad pa las spobs pa skyes pa zhes bya ba las/ bstan pa la bstod pa ste le'u brgyad pa'o// // khyod thos pas ni spro ba skye// mthong bas dad pa skye bar 'gyur// khyod gsung thos pas dga' 'gyur te// snyan pas rnam par grol bar bgyid// khyod kyi sras kyi mgu bar 'gyur// 'brel pas skye dgu rnams kyang dga'/ gshegs pa na ni phan 'dogs mdzad// ldog pa na ni rgud par gyur// bsgrags pas sdig pa 'phrog par mdzad// khyod dran pas ni rangs par 'gyur// btsal bas blo gros skye 'gyur te// yongs su shes pas rnam par dag khyod la ba bcus pas dpal tu che// brten pas blo gros mchog tu 'gyur// brten na 'jigs pa med par mdzad// bsnyen bskur bgyis pa bde bar 'gyur// tshul khrims phun sum tshogs pas dag/ bsam gtan phun sum tshogs pa dang // shes rab phun tshogs mi 'khrugs pas// khyod ni bsod nams mtshon chen lags// khyod sku bltar 'os rin chen ste// legs gsungs bstan 'os rin chen lags// chos ni spyad 'os rin chen pas// khyod ni rin chen 'byung gnas lags// khyod ni chu bos 'das pa'i gling // smras pa'i bdag nyid skyob pa ste// / srid pa'i 'jigs pas nyan pa'i skyabs// thar 'tshal rnams kyi 'dran pa lags// tshul khrims dag phyir snod kyi mchog/ zhing gshin 'bras bu phun sum tshogs// srog chags kun la phan mdzad phyir// grogs kyi phul yang khyod lags so// phan 'dogs mdzad pas mdza' bshes te// 'grogs na bde phyir snying du sdug/ gzhi phyir cig tu yid du 'ong // yon tan kun mnga' mchod 'os khyod// sdig pa med pas yid dang 'thad// sku gsung bzang bas dga' bar mdzad// don kun grub phyir dpal yangs te// yon tan legs brten dgra shis lags// / sangs rgyas bcom ldan 'das la bstod pa/ dad pa las spobs pa skyes pa zhes bya ba las/ smon lam gyi bstod pa ste le'u dgu pa'o// khyod ni dang then bgyid la bskul// chom rkun bgyid pa tshar yA gcod/ gya gyu can rnams rnal du 'god// dal bus bgyid la bzhin skul 'debs// dul ba rnams ni lam sbyor// dmu rgod rnams la btang snyoms mdzad// de slad skyes bu 'dul ba yi// kha lo bsgyur ba bla med mchog/ khyod ni nyams thag rnams brtse// bde bar gnas la phan par dgyes// 'phongs pa gnas la thugs rjebs/ kun la phan par bzhed pa lags// khyod ni dgra bo rnams la'ang byams// nyams par gyur la phan 'dogs mdzad// gtum po rnams la thugs brtse bas// khyod ni ya rabs smad cig lags// phan 'dogs bgyid srad pa ma dag/ gal te bla mar 'tshal na go/ khyod ni lhag par phan 'dogs pas// bla ma nyid gyur smos ci 'tshal// rang gi don la mi lta bas// nyid kyi dgra ba ltar gyur cig/ g.yang sa'i mun na gnas rnams la// ra ba lta bur gyur pa'ang khyod// 'jig rten gnyi gar sman gdags dang // 'jig rten las ni bzla slad du// mun par gyur pa'i 'jig rten la// khyod kyi shes rab snang ba mdzad// yul la nye bar spyod pa mdzad// lha ma'i spyad pa tha dad kyi// chos kyi longs spyod thun mong pas// khyod la dbye ba mi mnga' 'o// bcom ldan khyod kyis skye ba dang // na tshod rigs dang yul dang ni// dus kyi skyon med chos rnams kyis// 'di dag kun la sman yon btags// khyod kyi nyan thos sred bral zhing // ya mtshan 'dzin med rnams la'ang // lha rnams thal sbyor smon bgyid cing // ya mtshan che// ba lta bur mchod// e ma'o sangs rgyas 'khor ba yi// snying rkun gyur pa byung ba brjid// de na mi yang lha rnams kyis// smon par bya ba nyid du gyur// / sangs rgyas bcom ldan 'das la bstod pa/ dad pa las spobs pa skyes pa zhes bya las/ lam la bstod pa ste le'u bcu pa'o// // bsnyel dang zhi bde nyams 'gyur dang // skye bo ngan dang 'grogs pa dang // mi 'thun pa dang mang ba yi// skyon yang yon tan bzhin dgongs shing // 'gro ba'i don slad ma chags pa'i// / thugs kyis brtson pa mdzad pa gang // sangs rgyas rnams kyi sangs rgyas kyi// chos nyid bcom ldan des smad do// mgon khyod gtso bor gyur lags kyang // gdul ba rnams la byams slad du// bshes kyang phal pa gsol mdzad cing // res 'ga' sbyar ba dag kyang mdzad// nyam nga'i shul du'ang gshegs mdzad cing // rang rod can du'ang stsal ba mdzad// sku ngas rdo dang lcam tshul dang // skad dang cha lug bsgyur ba mdzad// kun gyis dga' mgur rang don phyir// bran bzhin bgo bar bgyid pa las// mgon khyod rtag tu bdag nyid la/ mnga' mchis pa yang ma lugs so// khyod la gang dang gang du yang / ji skad skul yang mi bsngo ste// nyid kyi bsgrub pa bzang po las// 'da' bar gyur pa ma mchis so// ji ltar khyod ni gnod bgyid la// phan pa lhur mdzad de lta bur// skye bo dag ni phan bgyid la'ang // na pa de ltar lhur mi bgyid// khyod ni gnod bgyid dgra bo la// phan pa mdzad pa'i bshes lags te// rtag tu skyon dag tshol ba la// yon tan 'ba' zhig tshol ba'ang lags// khyod ni gang nas dug bcas shing // zhugs dang bcas par spyan drangs pa// der ni rtser bcas gshegs pa dang // khyod la bdud rtsi chen du gyur// bzod pas mi snyan brjod pa dang // khu ba dag ni bde legs kyis// mi snyan smra la bden pa ste// khyod kyis sdang ba byams pas btul// thog ma med dus goms pa yi// mi'i rang bzhin mang po yang // khyod kyis ngan song rnams bzlog nas// skad cig nyid la yongs su bskur// // sangs rgyas bcom ldan 'das la bstod pa/ dad pa las spobs pa skyes pa zhes bya ba las/ bka' ba mdzad pa la bstod pa ste le'u bcu gcig pa'o// // rtsub po dang 'jam bgyis pa dang // 'jungs pa rnams ni gtong phod dang // gtum po nges par bgyis pa gang // de ni khyod kyi thabs mkhas lags// dga' ba'i dbang po nyer bzhi dang // nga rgyal khengs pa 'dud pa dang // sor mo'i phreng ba'ang zhi bgyis na// su zhig ngo mtshar skyed mi bgyid// khyod kyi chos kyi ros tshim pa// gser las bgyis pa'i mal spangs nas// ran mang gting ba'i gnas mal du// brtan rnams bsod nyams nyal bar bgyid// khyod kyis dus dang bsam mkhyen pas// res 'ga' zhus na'ang mi gsung lang+ga spro gyur gzhan la bstan pa dang // drung du gshegs nas bshad pa'ang mdzad// dri med go sa la tshon bzhin du// thog mar sbyin sogs gtam dag gis/ sems la spro ba bskyed nas ni// phyi nas chos ni bstan par mdzad// 'khor ba mi bzang gting nas ni// 'gro ba nyon mongs drang slad du// khyod kyis gang gis ma bstsal pa'i// thabs dang spyod pa de ma mchis// sku'i cha lugs rnam mang dang // gsung gis so so'i skad du ni// gdul ba'i bsam pa tha dad pa// de dang der ni khyod kyis mdzad// de dag kun kyang dag pa dang // mi 'gal ba dang mchod 'os dang // rjid dang lha mi rnams la ni// sman 'dogs bskur ba sha stag lags// smra dang bgyid pa phal cher ni// legs par rngo thog ma lags kyi// bden par gsung ba khyod la ni// de gnyis gzhan du gda' ba lags// bdag nyid dga' ba 'ba' zhig gis// khyod kyis 'gro ba'i dpal zhing mdzad// 'di ltar rnam pa 'di 'dra'i zhing // 'jig rten gzhan la mchis ma lags// thog med srid pa nyam nga bar// snga nas cig tu nyams pa yi// sems can rnams la sman slad du// khyod ni de ltar rtson pa lags// gang gis khyod drin lan lon pa'i// sgrub de mchis sum mi bgyid de// skye bo gang dag mya ngan 'das// de dag gis kyang lan ma lon// khyod kyi chos la gnas de dag/ rang don kho na bgyid pa bas// de'i slad du'o brgyal gang // de la lan go ci zhig yod// khyod ni sems can gnyid log pa'i// rgyud la gzigs pa'i zhugs rtse ba// bag med gyur pa rnams kyi ni// grogs bzang bag dang bcas pa lags// // sangs rgyas bcom ldan 'das la bstod pa/ dad pa las spobs pa skyes pa zhes bya ba las/ mkhas par bstod pa ste le'u bcu gnyis pa'o// // khyod kyis nyon mongs gzhom pa bshad// bdud kyi g.yo dag bstan pa mdzad// 'khor ba'i rang bzhin mi bzod brjod// 'jigs pa med pa'i phyogs kyang bstan// phan dgongs thugs rje can gyis ni// sems can rnams la bgyi 'tshal ba// gang zhig khyod kyis ma mdzad pa// gzhan go ci zhig mchis lags kye// gal te chos ni 'di dag kyang // spo ba zhig tu rtsub na ni// gnod mi 'tshal bar khyod kyis ni// lha sbyin la sogs kun stsal pa// de slad 'gro la brda sprod pa// 'gro ba'i mgon po khyod kyis ni// 'di na phan tshun byed pa po// med pa skad du nges par gsungs// 'jig rten rnams la thugs brtse bas// yun rings steng dam chos bshad// 'jig rten gsum phan 'dogs nus pa'i// slob na dam pa'ang mang du bskrun// mngon du gdul ba'i tshogs kyang ni// mdzes bzang yan chad btul lags pas// dgo khyod la sems can gyi// bu lon lhag ma ci mchis na// 'jug du'ang khyod kyis shin du ni// dka' spyad yal bar ma bor te// 'a ltar rdo rje'i ting 'dzin gyis// sku gdung til 'bru bzhin du blags// gzugs kyi sku dang chos 'di dag/ gzhan don kho nar zad do zhes// 'jig rten yid ches dka' 'di la// khyod kyis mya ngan 'das pa bstan// de slad chos sku ma lus pa// sras kyi mchog la gtad mdzad de// gzugs sku gtil 'bru ltar bshig nas// khyod ni yongs su mya ngan 'das// e ma'o gnas pa e ma'o tshul// e ma'o yon tan e ma'o sku// sangs rgyas kyi ni chos rnams la// ya mtshan mi che 'ga' ma mchis// phan 'dogs mdzad cing blta na sdug/ sku gsung 'phrin las zhing gyur pa// khyod la'ang sdang bar bgyid pa yi// rmongs pa mi mdzad pa la gzigs// bsod nams rgya mtsho'i rin chen gter// yon tan 'byung gnas chos kyi tshogs// khyod la sems can gang 'dud pa// de dag la yang phyag 'tshal legs// mgon khyod yon tan mi bas kyang // bdag gi zho sha bas 'tshal bas// des na 'dzem pa bgyid slad du// blo ba la ni lcags bzhin mchis// khyod kyi rang gi ngo bo nyid// tshad ma mchis la bsam mi khyab// brtan min grangs kyang ma mchis pa// khyod bdag nyid kyis mkhyen lags gang // mtsho chen chab ni bas par ma gyur kyang // skye bo'i gdung ba rab tu zhi bgyid ltar// khyod kyi yon tan cha tsam ma sgrogs kyang // bdag ni mchog tu blo ba dga' zhing mchis// bdag gis// thub la dad pas spobs skyes pa'i// dge ba'i las 'di'i 'bras bu 'khrungs pa yis// ngan rtog rlung dmar 'tshub pas dkrugs pa yi// 'gro ba'i sems ni rnal du gnas par shog/ sangs rgyas bcom ldan 'das la bstod pa/ dad pa las spobs pa skyes pa zhes bya ba las/ bu lon med par bstod pa'i len sa gsum pa'o// // sangs rgyas bcom ldan 'das la bstod pa/ dad pa las spobs pa skyes pa zhes bya ba/ slob dpon ma gol gyis mdzad pa rdzogs s+ho// / rgya gar gyi mkhan po sa rbad nyide ba dang / lo tsha ba ban de rin chen mchog gis bsgyur cing / zhu chen gyi lo tsha ba ban de dpal brtsegs kyis zhus te gtan la phab pa//