བོད་ཡིག

e-texts produced with BDRC’s OCR application

bstod pa/ dge slong mas mdzad pa rdzogs s+ho// @#// rgya gar skad du/ ba ra trar ha pa ra Ne b+ha ga ba te bud+d+ha stad te/ mur d+ha a bi she ko na ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las phyag 'tshal ba zhes bya ba// bcom ldan khyod ni zhal bzhugs tshe// bdag ni dad dbang gzhol gyur pa// gang slad thugs rjes brlan pa yi// sangs rgyas spyan gyis gzigs mdzad pa// khyod kyis thugs rje de nyid ni// yid la mchis mngon bgyis nas// phyag bgyi 'os pa khyod la bdag/ mngon sum bzhin du phyag 'tshal lo// kun mkhyen ma lags gang gis kyang // kun mkhyen khyod sku ji ltar rtogs// bdag nyid tshe rgyas bdag nyid kyis// mkhyen pa khyod la phyag 'tshal lo// 'di lags 'di 'dra'o zhes bgyir khyod// bdag 'dra ba yi yum ma lags// gang lags gang 'dra'ang mi sngo ste// khyod 'dra ba la phyag 'tshal lo// mgon po khyod ni nyid dang 'dra// rgyal rnams ci 'dra khyod dang 'dra// gang 'dra gzhan 'ga' 'ang ma mchis pa// de 'dra'ang khyod la phyag 'tshal lo// ji ltar khyod ni nyid kyis mkhyen// ji ltar khyod ni khyod 'dras mkhyen// ji ltar khyod gzhan ma 'tshal ba// de 'dra/ khyod la phyag 'tshal lo// ji ltar khyod ni bdag nyid kyis// thugs rje stobs bcu la sogs kyi// yon tan rnams kyis bsgrags mdzad pa// de 'dra khyod la phyag 'tsha'o// 'di las bzung ste khyod kyi ni// yon tan 'byung gnas snying po dag/ de nyid las ni mngon btul nas// ci nus khyod la phyag 'tshal bgyi'o// dgra bcom khyod la phyag 'tshal 'dud// mchod 'os khyod la phyag 'tshal 'dud// rigs pa khyod la phyag 'tshal 'dud// khyod la 'dud cing phyag 'tshal lo// rdzogs pa'i sangs rgyas rin chen te// rin chen chos kyi rang bzhin lags// dge 'dun rin chen 'byung gnas te// rin chen gsum tshogs khyod la 'dud// sku'i gzugs ni rin chen te// thugs kyi dgongs pa'ang rin chen lags// dam chos rin chen 'byung gnas te// kun nas rin chen khyod la 'dud// rin chen kun gyi mchog gyur pas// rin chen thams cad zil gyis gnon// rin chen kun gyi 'byung gnas pa// yang dag rin chen khyod la 'dud// phyag 'tshal rin chen sku khyod la// phyag 'tshal rin chen thugs khyod la/ phyag 'tshal rin chen chos khyod lo// phyag 'tshal thams cad rin chen la// sred med sgom pa goms mdzad pa// thub pa kun gyi mchog gyur pa/ phyag 'gyir 'os pa dgra bcom pa// khyod la gus par phyag 'tshal lo// 'gal bar bgyis pa ma lags pa// yang dag mtha' la gnas pa'o// dge/ sbyong gi ni mthar phyin pa// bla med khyod la phyag 'tshal lo// rnam pa thams cad phun tshogs pas// mdzes pa gzhan kun zil gnon cing // dus rnams kun tu dga' mdzad bas// sangs rgyas pad+ma khyod la 'dud// kha dog bzang la dri zhim zhing // blta na sdug la mi nI ba// rdzogs pa'i sangs rgyas pad+ma dkar// kha bye khyod la phyag 'tshal lo// bde ba'i snying ku rab sbyangs pa// bzhed dgur reg pa brnyes pa po// skyid par bskrun pa'i dge sbyong ni// rab gzhon khyod la phyag 'tshal lo// 'o brgyal 'bras bu mchis gyur pa// mthar phyin mtha' dag brnyes nas ni// dam pa bzung bar dam bcas pa'i// dge sbyong khyod la phyag 'tshal lo// tshangs spyod rten cing rig byed dang // rig byed kun gyi yan lag mkhyen// rig dang zhabs kyis bsangs pa yi// tshangs pa khyod la phyag 'tshal lo// 'phags pa'i chos ni mi 'phrogs shing // 'phags pa'i 'phrin las phul du byung // 'jig rten slob dpon bya ba mdzad// 'phags pa khyod la phyag 'tshal lo// thugs ni dka' thub brtul zhugs dang // yang dag blangs khas gtsang mar mdzad// sdig pa thams cad bkrus gyur pa// khrus mdzad khyod la phyag 'tshal lo// mnga' bdag mchog ni brnyes gyur cing // sems can thams cad zil gyis gnon// seng ge'i nga ro sgrogs mdzad pa// seng ge khyod la phyag 'tshal lo// rtogs pa brjod pa'i rjen shul che// dam chos spong la brten pa mdzad// chos gzhan thams cad 'jig pa po// glang chen khyod la phyag 'tshal lo// chos nyid shin tu dkar ba'i lam// khyod min gzhan gyi min bzod pa// gsal mdzad gshegs pa 'jig rten gyi// las gyur khyod la phyag 'tshal lo// des na shin du dul gyur bzod// shugs dang mdog bzang stobs dang ldan// yan lag rdzogs pa'i sku mnga' ba// cang mkhyen khyod la phyag 'tshal lo// phyogs dang 'bab stegs spyod yul mkhyen// brtan la gya gyur gzhud mi mngar// khyu mchog gnas ni brnyes pa yi// khyu mchog khyod la phyag 'tshal lo// gdul ba'i thabs ni mtha' dag la// mkhas shing le lo mi mnga' ba// skyes bu 'dul ba'i kha lo sgyur// mchog rab khyod la phyag 'tshal lo// gang slad khyod brten ma mchis na// skal ba can yang don ma mchis// de slad kun gyi tshangs spyod du// gyur pa khyod la phyag 'tshal lo// yon tan phun sum ldan pa kun// yang dag shin tu yongs rdzogs pas// dge ba'i chos la 'dun pa kun// rgyan bcad khyod la phyag 'tshal lo// nyid kyi don ni ring rdzogs shing // gzhan gyi don mngon brtson pa// dam chos bdud rtsi gsol ba po// tshim par mdzad pa khyod la 'dud// 'jigs pa du mas 'jigs gyur pa// pha rol min pa'i mun spangs nas// chu bo chen po las rgal cing // pha rol gshegs pa khyod la 'dud// nyon mongs nad ni kun sel cing // zug rngu thams cad 'byin mdzad pa// rig sngags 'chang / ba grub pa po// sman pa'i gtso bo khyod la 'dud// mchog dang mchog min lam mkhyen cing // zhi ba'i phyogs ni ston par mdzad// grub dang bde bskyed pa yi// ded dpon khyod la phyag 'tshal lo// rtag tu mun pa sel mdzad cing // rtag tu spyan ni 'byed par mdzad// rtag tu mi brnyel chos mnga' ba// shin tu bzhengs pa khyod la 'dud// dri ma'i 'dam ni nges bkrus nas// dam chos dri ma med pa'i chu// mchog tu rnam par byang ba po// shin tu rnam dag khyod la 'dud// sdig dang bsod nams spangs gyur cing // stong pa nyid kyis bgos pa'i bdag/ phan dang gnod pa bgyid sgom pa// shin tu chags bral khyod la 'dud// kun nas nyon mongs bag chags kun// des pas stsal bas dri med thugs// rnam thar sgrib pa mi mnga' ba// shin tu rnam grol khyod la 'dud// blta bas mi ngoms gzugs mnga' zhing // sku ni 'od kyi lhag ger mdzes/ blta bya kun gyi nang na ni// blta na sdug mchog khyod la 'dud// skyes bu chen po'i mtshan rnams ni// dpe byad bzang po'i tshogs bcas pa// sum cu rtsa gnyis dang ldan pa la/ blta bar 'os pa khyod la 'dud// sangs rgyas chos ni bla med pa// mi 'jigs dang stobs bstsogs kyis// 'gro ba'i nang du sgra sgrogs pa// dga' bar 'os pa khyod la 'dud// 'phags chos dkar po la med pa// goms par bya ba rnams kyis ni// sku gnyis po dag bsgom gyur pa// bsgom par bya ba khyod la 'dud// sku gsung thugs kyi/ 'phrin las rnams// shin tu rnam par byang gyur pas// tshul khrims bsrung ba las 'das pa// gtsang sbra dag pa khyod la 'dud// nyon mongs pa yi brjod pa spangs// zhi ba'i las kyi mtha' la dgongs// mi gsung dang du bzhes mdzad pa// thub pa zhi ba khyod la 'dud// bde ba dang ni sdug bsngal gyis// thugs mi phyogs pa brtan pa'i thug/ thams cad zil gnon sems can gyi// snying po mchog gyur khyod la 'dud// kun la rnam pa thams cad dang // rten gyis blo dang dgongs pa dang // legs par gnas phyir mi rnyel ba'i// chos can khyod la phyag 'tshal lo// 'jig rten 'das kyi yon tan phyug/ 'jig rten zang zing rnam par 'jig/ 'jig rten snang bar mdzad pa po// 'jig rten mgon po khyod la 'dud// bshes dang dgra dang pha mA snyoms// sems can kun la phan dgongs pas// rjes su brtse bar mdzad pa po// thugs rje chen po khyod la 'dud// chos kyi 'du shes kun rdzogs pa// skyob pa mngon shes chen po mnga'// byas mkhyen ma byas mkhyen pa po// thams cad mkhyen pa khyod la 'dud// glags kyi skabs ni kun spangs shing // kun nas 'ching ba bcad gyur pa// shes rab gsal bar mdzad pa bo// sred pa bsal ba khyod la 'dud// mnyes par bgyi 'os phyag bgyis 'os// rgal bar 'os min nongs mi mnga'// 'bad de mchod par bgyi 'os pa// rig pa gsum ldan khyod la 'dud// phan pa ma lags sel mkhas shing // phan pa bskyed par mngon rtson pa// cig pu rtse bar gzhol ba yi// bshes gnyen dam pa khyod la 'dud// skye dgu lam log zhugs pa rnams// rtag tu dam pa'i lam la ni// mngon phyogs mdzad par mngon rtson pa/ rtsa lag dam pa khyod la 'dud// go 'phang mkhyen pa rnams kyi phul// khyod kyis go 'phang gang brnyes nas// rkang gnyis rnams kyi mchog gyur pa// de las go 'phang 'phags ma mchis// go 'phang bla na med brnyes nas// sdug bsngal thams cad sel mdzad cing / ma chags nye bar len mi mnga'// rkang gnyis mchog gyur khyod la 'dud// khyod kyi brtan la ma brten par// 'gas kyang de nyid mi mthong bas// 'jig rten long ba lta bu yi/ mig tu gyur pa khyod la 'dud// sa steng gdugs ni ma mchis na// zhugs mchis mar me'ang mchis gyur la// rgyu skar nor bu zla ba dag/ mchis kyang gsal ba rdzogs mi 'gyur// snang ba de dang gzhan dang ni// de bas khyad par ches 'phags pa// mchis kyang khyod ni mi bzhugs na// 'gro ba snang ba mchis ma lags// de ltas 'jig rten ma rig pa'i// mun nag 'thibs pa'i ling tog gis// bsgribs pa'i sems ldan smag gyur pa'i// sgron mar gyur pa khyod la 'dud// chos blo gros ma byung ba/ phan pa'ang phan par ma 'tshal zhing // gnod pa'ang gnod par ma 'tshal ba// byang ba'ang khyod la rten nas 'gyur// byis pa phal cher gnod pa dag/ dor bar 'tshal ba phan// pa spong // phan pa gnyer yang ma 'tshal bas// gnod pa so so sten par bgyid// de dag thabs ni ston mdzad phyir// khyod la brten nas gnyi ga yang // yang dag ji bzhin rtogs 'gyur bas// sman par gyur pa khyod la 'dud// gtso khyod gang gi slar gyur pa// de yang 'jig rten bla ma lags// de slad bla ma rnams kyi yang // blar gyur bla ma khyod la 'dud// 'jig rten mkhas pas mchod pa yang // yid ches ngo bo khyod la mchod// mchod 'os rnams kyis mchod bya ba// mchod 'os dam pa khyod la 'dud// bsngags 'os bsngags pa gang lags pa'i// skye bo des kyang khyod bsngags te// bsngags par 'os pa rnams kyis kyang // bsngags par bgyi ba khyod la 'dud// lha rnams kyang ni khyod la 'dud// khyod la drang srong rnams kyang 'dud// phyag bgyir 'os pa rnams kyis kyang // gdud par bgyi ba khyod la 'dud// sems can dang bcas su zhig ni// bsod nams zhing ni dpag med pa// bdud 'os khyod la phyag bgyid pa// nam zhig na ni ngom par 'gyur// de ltas khyod la phyag 'tshal 'dud// gdung pa 'os pa khyod la 'dud// phyag gi rgyun ni mi chad par// rtag tu khyod la phyag 'tshal lo// rtag tu dam pa'i spyod pa mdzad pa lam dang ldan// byas dang ma byas thob pa yang dag rig pa mkhyen// mchod pa che mnga' phyag bgyir 'os pa mtshungs med pa// gdud par 'os pa'i dgra bcom khyod la phyag 'tshal lo// dpe byad yid 'ong sku mnga' khyod la phyag 'tshal lo// mchog tu gsung snyan mngon sgrogs khyod la phyag 'tshal lo// dri med rnam dag thugs mnga' khyod la phyag 'tshal lo// yon tan tshogs bsgoms bdag nyid khyod la phyag 'tshal lo// zhing shis bsam pas sangs rgyas la 'dud pa// dri ma med la bkra shis thams cad kyis// char yang mi phod mchod sbyin kun gyi min// dka' thub brtul zhugs min te khrus kun min// thub pa'i dbang po la rab 'dud pa// snyan pa grags shing dpal du byed// sdig pa thams cad drungs nas 'byin// gzi brjid dag kyang rnam par 'phel// dgra rnams thams cad sel bar byed// 'jig rten dag na mi rnams kyi// rgyud ni bde 'gror nges byed cing // nges mthar zhi ba'i 'bras bur sbyin// de ltar yon tan mang bsams shing // lus kyang 'jig pa'i ngang bsams na// mkhas gang sangs rgyas phyag 'tshal las// lus kyi lus gzhan spyod par byed// 'chi bdag sel bar byed pa yi// bstan pa 'di ni nub gyur cing // kun nas mun pas khebs gyur na// gang zhig la ni bkur bsti bya// de lta bas na mtshungs med pa'i// mchod pa bya ba myur te bgyi// ma 'ongs pa'i 'jigs pa dag/ da lta nyid nas byung zin to// sangs rgyas bcom ldan 'das la bstod pa bsngags pa/ bsngags par 'os pa bsngags pa las/ phyag 'tshal ba zhes bya ba rdzogs s+ho// rgya gar skad du// ba ra Na ra ha bar ne b+ha ga ba to bud+d+ha stad te/ sar rbad nya ta sid d+hi ra nA ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ thams cad mkhyen pa nyid grub pa zhes bya ba// nyi ma'i gnyen gyur nyi ma yi// 'od pas shin tu 'od gsal ba// phyag pa kun gyi rab dang mchog/ phyag 'os phyag bgyis khyod la 'dud// stobs chen dpa' bo chen po pa// mngon shes che la mthu yang che// g.yul cher mda' chen 'phen mdzad pa// dga' ston chen po khyod la 'dud// 'jig rten na khyod mchod 'os mchog/ mchod pa'i snod ni bla med pa// mchod par 'os pa khyod la mchod// mchod dang mkhyen pas rtogs pa brnyes// dgongs pa nga rgyal bag mi mnga'// brjed 'os khyod la nga rgyal gyi// sems bor nas ni brjed par bgyi// gus bgyid ma bgyid la btang snyoms// 'jig rten bkur bas mchod bgyis pa// khyod la bkur bstir gzhol ba yi// dbang pos gus par bkur bsti bgyid// khyod dang 'dra ba 'ga' ma mchis// lhag pa ma byung 'byung mi 'gyur// de slad sems can kun la khyod// dgra zun snyoms pa'i mnyam med lags// ma 'dres 'phags pa'i bdud las byung // sangs rgyas kun dang bskal ba mnyam// mdog dang shes rab snang ba yis// phyogs rnams snang bar mdzad de 'khrungs// sum cu rtsa gnyis mtshan dang ldan// 'dom gang 'od kyi 'od zer sla// mtshan dang 'thun pa'i dpe byad bzang // brgyad cus 'bar ba'i gzi brjid can// rgya chen dpal dang ldan pa'i sku/ kun gyis mdzes pa'i zil gnon pa// 'jig rten snang bar mdzad nas ni// nyi ma gzhan zhig lta bur bzhugs// bcom ldan dus kun rtogs pa'i chos/ rnam kun 'byung gnas thams can ni// phyag mthil skyu ru ra lta bur// khyod kyi thugs kyi spyod yul 'gyur// chos rnams g.yo dang mi g.yor bcas// gcig dang sna tshogs so so la// mkha' la rlung dag rgyu ba bzhin// khyod kyi thugs ni thogs mi mnga'// bya ba mdzad pa khyod kyis ni// ji ltar thugs bskyed tsam gyis su// khyod la bzhed dgur kun 'grub pa// de ltar chos dbyings legs thugs chud// dge mthar phyin pa khyod la ni// sbyor byung dge ba mga' mi mnga'// khyod ni gang zhig bzhed na yang // bzhed pa tsam la rag las so// chos rnams kyi ni chos yod dang // chos nyid dang ni chos kyi mthu// so sor rgyud dang bcas gnas shing // rkyen dang 'bras bu bcas pa dag/ khams dang dbye ba tha dad bcas// skye dang 'jig bcas rgyas pa de// thams cad so sor rnam kun tu// kun mkhyen khyod kyis mkhyen gang min// khyod la shin tu bsgrubs pa'ang mngon// shin tu ring ba'ang mngon// shin tu ring ba'ang nye ba ste// shin tu 'dzings pa'ang sal gyis dag/ shin tu 'thon po'ang dma' ba lags// shin tu mnan pa'ang snang bar bcas// shin tu the tsom gnas kyang nges// shes bya shin tu zab mo yang // khyod la sa ler gda' ba lags// dbang po che'i glang chen gyi// rkyed chings gser las bgyis pa ltar// chos nyid shin tu zab mos kyang // khyod 'o brgyal 'gyur ma lags// chos kyi nang na chags bral ltar// nges 'byin nang na drang po ltar// phun tshogs nang na sangs rgyas ltar// khyod ni sems can kun gyi mchog/ rnam grol nang na mi g.yo ltar// rigs pa'i nang na chos nyid ltar// shes rab nang na ka na mkhyen ltar// khyod ni lus can kun gyi mchog/ dag pa'i nang na rnam grol ltar// de nyid nang na stong pa ltar// dka' thub nang na bzod pa ltar// khyod ni srog chags kun gyi mchog/ gzugs kyi nang na khyod skra ltar// sems can nang na khyod thugs ltar chos kyi nang na khyod chos ltar// khyod ni srog chags kun gyi mchog// sangs rgyas bcom ldan 'das la bstod pa/ bsngags par 'os pa bsngags pa las/ thams cad mkhyen pa nyid grub pa zhes bya ba rdzogs s+ho// / @#// rgya gar skad du/ bar Na ra \u0f7f bar tshebla ga brko bud+d+ha s+yAd tre pa la bai sha rad d+ya ska pa na ma/ bod skad du/ sangs rgyas bcom ldan 'das la bstod pa/ bsngags par 'os/ pa bsngags pa las/ stobs dang mi 'jigs pa la bstod pa zhes bya ba// bde bar gshegs pa khyod cig pu// chos gcig chos kun snang mdzad pa/ rnam pa thams cad mkhyen pa yis// de dang ldan gyi gzhan ma lags// khyod 'ba' shig gi ye shes kyis// shes bya mtha' dag khyab lags kyis// khyod las gzhan pa thams cad ni// shes bya khyod ni lhag pa lags// rgyu rkyen 'di las 'bras bu 'di// 'di las 'di ni ma yin zhes// gnas dang gnas min nges pa kun// khyod kyis mkhyen gyi gzhan gyis min// las chos yang dag blangs pa yi// rnam smin dus ni thams cad pa// sa kun rtogs pa thams cad ni// rnam kun khyod mkhyen gzhan gyis min// rnam 'byor sa ni ma lus sa// kun nas nyon mongs rnam gzhag dang // rnam par byang bcas zab mor bcas// khyod cig kho nar thugs su chud// dbang po mchog dang mchog min pa// chung dang 'bring dang chen po dag/ rma shas dbye bas mtha' yas pa// khyod las gzhan gyis rtogs ma mchis// 'thun par gyur pa gang lags dang // mi 'thun gyur pa gang lags pa// mi'i mos pa sna tshogs kun// khyod cig kho nas thugs su chud// 'jig rten 'di khams sna tshogs te// sna tshogs khams nyid mtha' dag ni// sna tshogs khams dbye khyod cig pus// mkhyen gyi gzhan gyis ma lags so// rgyu dang rkyen ni sna tshogs las// sna tshogs mngon par 'grub pa ni// kun tu 'gro ba'i lam stobs kyi// thams cad khyod kyis thugs su chud// bzod med srid par byung ba dang // tha ma med pa 'byung 'gyur gang // de la khyod kyi ye shes ni// mngon sum bzhin du gzigs pa 'jug/ sngon gyi mtha' dang phyi ma'i mtha'// 'jig rten yang dag 'grub pa dang // de bzhin nying mtshams sbyor ba ni/ mtha' yi bar bzhin khyod kyis gzigs/ nye 'am yang na ring yang dag/ ji ltar khyod la mngon sum pa// de ltar sgrib pa bag chags dang // bcas te khyod kyis spangs pa lags// dngos 'di yod/ su ma mkhyen cing // nyon mongs pa'i bag chags ni// lhag ma lus shes mi snyan pa'i// go 'phang de ni khyod kyis brnyes// khyod kyis bar du gcod gsungs gang // nges par de dag bar du gcod// khyod kyis lam bstan gang lags pa// de cig kho nar nges par 'byin// de yis par gcod mi nus she 'am// de yis nges 'byin mi 'gyur zhes// gzhan gyi sran ka cha shas kyang // de la srid pa ma mchis so// khyod kyis rgyal 'gyi ma rgyal min// shes bya ma snang bgyis/ ma mchis/ dbang phyug khyod nyid kun mkhyen cing // kun rgyal lags kyi gzhan ma lags// stobs ldan 'jigs mi 'gyur bas khyod// mi bsnyengs gang lags rigs lags na// mthu mnga' bzhin du 'ga' la yang // khyad du mi gsod gang de rmad// log pa'i nga rgyal can 'ga' zhig/ dregs dang bral bar mdzad pa gang // gdul ba yi ni thabs tsam ste// de na stobs skems yod ma lags// 'jig rten dag na stobs ldan pas// kun las rgyal zhes gang brjod pa// de ni gzhan la bstod pa bas// go 'phang de ni khyod la rdzogs// 'dren pas khyod la chos 'thun par// 'gas kyang brgal bar nus ma legs// klan ka btsal 'os ma lags te// nongs mi mnga' ba'i bde ba brnyes// nongs ni mnga' bas gang las kyang // bzhi ni bsrung bar bgyi mi 'tshal// bzhi po yongs su rdzogs slad du// khyod la sus kyang grags mi thod// kun la mi thogs blo gros can// dgongs pa kun tu nye bar gnas// kun las thugs rjes snyoms pa po// / thugs ni kun la chags mi mnga'// shes bya'i rgya mtsho kun dgal ba// bag chags thams cad gtan nas blangs// bar chad kun gyi khyad par mkhyen// nges par 'byin pa kun la mkhas// kun gyi bsam pa mkhyen pa po// gdul thabs kun gyi pha rol gshegs// nyon mongs sna tshogs thams cad kyi// gnyen bo la yang snyengs mi mnga'// khyod la rten nas smrab po// byis pa shed bye ma gyur gang // de ni ma rig mun pa yi// tshang tshing mi zad mthu lags so// khyod kyi/ bka' la rten nas kyang // bral bar ma gyur gang lags pa// de dang de sgrib mi zad lags// // sangs rgyas bcom ldan 'das la bstod pa/ bsngags par 'os pa bsngags pa las/ stobs dang mi 'jigs pa la bstod pa zhes bya ba rdzogs s+ho// rgya gar skad du/ ba ra Na ra ha ba ra Ne b+ha ga ba to bud+d+ha stod tre pa ga bi shud+d+hi sto pa nA ma/ bod skad du// sangs rgyas bcom ldan 'das la bstod pa/ bsngags par 'os pa bsngags pa las/ gsung rnam par dag pa la bstod pa zhes bya ba// ji ltar thub pa khyod kyi bka'// nye migs brjod ldan thos pa ltar// 'khor ba'i sdug bsngal mi bzad pa'i// me yis kun tu sbar kyang ni// 'gro ba mi shes go bgos pa// de ltar skyo bar 'gyur ma lags// de ltas mgon po khyod kyi bka'/ mngon sum pas kyang don bsal bar// chos nyid zab mo gting yas pa// bshad pas sa ler gyur lags pas// khyod kyi bka' ni bsgyel zhi yi// cho 'phrul dag kyang mdzad pa lags// tshig gi mtha' ni mi mthong zhing // don gyi gting yang mi dpogs la// phan tshun rjes su zhugs pa ni// de las la mtshan che ci mchis// smra ba'i dam pa khyod kyi bka'// rnam grangs du nyid ma mchis shing // zlos bu yang ni ma mchis la// sbyar ba'i lugs kyang rig pa lags/ smra ba'i dam pa khyod kyi bka'// gnas pa bzhi'i yon tan ldan// lung bstan bzhi'i rten gyur kyang // don du gnyis su gyur ma mchis// gnang ba dang ni dgas pa la// khyod bka' la lar gcig tu nges// la lar nges pa ma lags la// phan tshun 'gal ba'ang ma mchis so// chos kyi de nyid ston slad du// rtsod pa med pa'i go 'phang bzhi// rigs 'thad yon tan bzang po yis// ngan smra thams cad sun 'byin pa// gcig tu don dam la gzhol la// kun rdzob la yang skyon ma mchis// bden pa gnyis kyang mi 'gal bas// khyod kyi bka' ni rigs par 'byung // nyon mongs med la cig pu 'jam// nyon mongs can la nges brlang yang // khyod kyi bka' ni bsnyen pa dang // bsring ba'i skyon dang ldan ma lags// rnam par byang ba'i rjes 'thun la// de'i phyogs su lhung mi mnga'// kun nas nyon mongs dgrar gyur la// mi bzod mi mnga' khyod kyi bka'// smon pa'i tshig ni rgyas gang yang // phyar ka gtong ba'i skyon ldan min// rab tu bsngags pa'i tshig phyud kyang // mga' la'ang brten pa mnga' ma lags// bsnan dang dor ba mi mnga' la// bsdus dang rgyas pa dang yang ldan// rtag cing 'thad par 'gyur lags la// dang po nas kyang mi bzang min// shin tu snyan gsung chags mi 'gyur// mang la snying po ma mchis min// sna tshogs pa la don ma 'khrugs// bka' ni ngo mtshar mang po lags gsung gi bdag po khyod kyi bka'// yid 'phrog mdzad la zhen mi mnga'// gzi byin can la gnod mi 'gyur// khyad la ngan pas rdzogs ma lags// ba spu ngag kyang ldang bgyid cing // rdul yang kun tu 'thon par bgyid// lus rnams dag ni ston bgyid cing // 'dar ba dag kyang skyed par bgyid// lha'i 'jig rten skyo bgyid cing // sgra yang kun tu sgrogs par bgyid// sa ni rnal mar gnas pa yang // rnam pa drug tu g.yo bar bgyid// bzod med dus nas goms pa yi// lus can rang bzhin bzlog mdzad cing // rang bzhin 'dris pa ma lags pa// gzhan ni snying la 'jog par mdzad// rang gi nyes pas mi 'ga' la// yid ni gdung bar bgyid dang 'dra// rigs par zhugs pa mkhas rnams la// bdud rtsi'i char pa bab pa bzhin// khyod kyi bka' ni thog ma dang // bar dang tha mar dge ba dag/ thos dang bsam dang sgom pa ni// de sgrub pa la bdud rtsir gyur// mos pa du ma dang ldan pa// mang po 'khod par gyur pa la// gsung gcig bka' ni stsal pa las// du ma lta bur snang gyur te// kun gyis 'di ni bdag gi ched// kho na'i sum du go ba gang // de las ya mtshan che ci mchis// chos nyid 'dor bar mi mdzad la// 'jig rten kun rdzob dang yang 'thun// rjes su sgrogs par mdzad bzhin du// cig shos rnam pa sgom pa mdzad// kun nas nyon mongs rnam byang mchis// las dang las kyi 'bras bu'ang mchis// de ldan byed du 'jug pa dang // byed po ma mchis khyod kyi bka'// / de ni lha dang mir bcas pa'i// 'jig rten dag gis sngon thos nas// nu'i zla ba g.yo ba bzhin// so sor rab tu g.yos par gyur// bzang dang ngan pa nyid du ni// 'byung bar 'gyur ba tha dad pa// thams cad rkyen la rag las na// byed po cig mchis gyur ram// 'ga' la rang dbang nyid mchis na// byed por gyur na de mi rigs// de lta lags pas chos kun la// byed pa med par khyod kyis gsungs// lha dang bcas pa'i 'jig rten la// chos 'di stong pa nyid kyi ni// seng ge'i sgra yis brda brdungs na// mtshams gcad bgyis te gnas pa lags// de'i nyi ma'i 'od bzhin du// 'jig rten snang bar bgyis pas na// de las gzhan pa'i tshig kun ni// shin tu ci yang ma rung gyur// // sangs rgyas bcom ldan 'das la bstod pa// bsngags par 'os pa bsngags pa las/ gsung rnam par dag pa la bstod pa zhes bya ba rdzogs s+ho// / @#// rgya gar skad du/ bar NAr ba ra Ne b+ha ga ba to bud+d+ha stod tre a bI ba da sta bo nA ma/ bod skad du/ sangs rgyas bcom ldan 'das la bstod pa bsngags par 'os pa bsngags pa las/ rtsod pa mi mnga' bar bstod pa zhes bya ba// chos rnams thams cad bdag med par// 'dus byas thams cad skad cig ma// mya ngan mda' zhi zhes bgyi ba// mtshan nyid 'di gsum chos kyi rgya// smra ba kun gyi yul min pa// mi byed khyed kyis gzhag pa mdzad// ji skad brjod kyang 'jig rten na// rang bzhin las ni gang zhig 'da'// gal 'dzin pa'i shags la ni// goms par bgyis kyang su zhig gis// me nyid grang ba lta bur ni// de nyid gzhan du bgyi bar nus// nam mkha' thogs pa med pa la// 'ga' yi rma phyin 'gyur srid kyi// chos kyi phyag rgya 'di la ni// chos dang 'thun par 'gas ma lags// chos kyi de nyid mkhyen khyod kyi// bka' la nag po chen po dag/ bstan pas 'di ni mchis grags kyi// smra ba gzhan la mchis ma lags// tha dad lta la rten pa yis// 'jig rten rnams ni rtsod par lhung // khyod ni gcig pu rtsod med pa'i// gnas kyi go 'phang thugs su chud// long ba rnams ni rtsod gyur kyang // mig can gzugs rnams mthong ba ni// ji ltar rtsod par mi 'gyur ba// de nyid khyod dang byis pa'i dpe// chos bzhin gsung ba khyod la ni// 'ga' dang ldan cig rtsod mi mnga'// legs par smra phyir mkhas dang min// khyad du gsad phyir mi mkhas min// 'dod pa rnams ni mi snang gyur// lta ba'i dra ba rab tu bcom// gzhi ma mchis na ci slad khyod// gzhi ma mchis pa'i rtsod par gyur// rgyal thabs rnyes pa khyod lta bu'i// brtan pa ci zhig rtsod pa mdzad/ 'od zer stong ldan ro lta bu'i// mun dang lhan cig ci zhig 'gyed// mkha' la lcags gis 'ju ba bzhin// brtsad pas khyod la rdzi mi 'gyur// rlung gi bzlog phyogs gtor ba'i rdul// 'tho ba nyid la 'bab cing 'go/ 'jig rten rnams ni brtags par lhung // yang dag ji bzhin spyod yul khyod// de slad phyin ci log gyur pa// mang po rnams dang khyod mi mtshungs// dper na lcags dang gser bzhin du// log par mngon par zhen rnams dang // mngon zhen mi mnga' khyod du ni// lhan cig bskrun du ga la mchis// byis pa rnams ni ma 'tshal te// mgon po phan dang bde bzhed pa// don min khyod la bsngo bgyid pa// bdag gis bdag nyid rlag par bas// bdag gis bdag nyid me 'bar ba'i// phreng ba 'khrigs par bor mi bsngo'i// rgyal ba thub pa med pa yi// gzi byin can la rdo mi rung // khyod la 'dir brgal dus btab nas// khyod kyis slar gzhan dus btab pa// brtod pa dam pos btags pa bzhin// stan las ldang bar nus ma mchis// khyod kyis tshogs par bden smra ba'i// rgol ba'i mche ba bcag pas na// pha rol rgol ba thams cad kyi// rwa yang bcag pa nyid du gyur// pha rol rgol ba kha cig ni// khyod dang phrad nas 'dud par bgyid// kha cig thag ring slar ldog ste// gzhan dag spyan sngar zhum nas mchis// kha cig khyod kyis dam pa chos// bdud rtsi'i rgyun gyi char phab pas// yang dag bsgrub pa phun sum gyis// dam pa'i chos la brten par bgyid// kye ma mgon po thugs rje'i bdag/ kyi hud gti mug nyon mongs ngam// kyi hud sred pa rnam par 'phro// kye hud nga rgyal phung byed pa// dam chos ma yin 'di gsum gyis// skye bo 'di ni kun dkrugs te// mi bzang rgyun gyis bdas pa bzhin// / khyod kyi gzhung dang 'gal bar bgyi// 'di'i gzhi yis lta ba dang // the tsom la sogs nye nyon mongs// so sor lam gyi bar gcod pa// kun nas nyon mongs thams cad 'phel// ka la ping ka'i skad thos nas// khA ta'i sgra la chags med ltar// khyod kyi chos kyi ro myong nas// gzhan gyi tshig la chags mi 'gyur// gang dag chos la rgyu bshams nas// khyod kyi bka' la zhugs gyur pa// ngan ngon thos pa de la'ang de// rnga mos sbrang rtsi bzhin du 'gyur// bden zhing 'gro slang don dang ldan// bsam pa dang 'thun cho 'phrul bcas// zad mi shes la mdor bdus la// gcig tu mthu ni chen por ldan// snying po dang ldan ro mchog ldan/ rnam grangs ldan zhing thabs dang ldan// yongs su rdzogs la ma 'dres pa// gzi brjid dang ldan grags dang ldan// de 'dra'i yon tan dang ldan pa// khyod gsung thos nas su zhig ni// de las bzlog pa gzhan gyi tshig/ rul pa lta bu snom par bgyid// sdug bsngal yang rung bde yang rung // don dang mi 'gal gang yin pa// de ni yongs su spang bya zhing // bzlog pa brten par bya bar gsungs// 'dod dang mi 'dod bsten pa la// de ltar phyed par gsungs khyod kyi// lam la thang chad smra ba rnams// ji lta bur na rjes 'brang gyur// spyad pa rnams la khyod kyis ni// 'di'i tshad du bstan pa gang / de nyid khyod kyi bka' dang ni// gzhan gyi tshig gis mtshams rdzogs pa// khyod kyi bka' dang gzhan gyi tshig/ ji ltar khyad par cher zhugs pa// dug dang bdud rtsi de lta min// mun dang snang ba'ang ma lags so// khyod kyi bka' dang gzhan gyi tshig/ ji ltar khyad par 'ban chad pa// mtho ris ngan song de lta min// zil dar bkus te bor ba'ang min// de ni tshig tsam snying po ste// 'di ni tshig dang tshig don ldan// de yis khyod kyi bka' dang ni// gzhan gyi tshig gi khyad par bshad// bde bar gshegs pa khyod dang ni// smra de rnams kyi khyad par gang // de nyid khyod kyi bka' dang ni// gzhan gyi tshig gi 'thon dman lags// ji ltar srid dang thar pa'i khyad// de ni spyad du med pa ltar// dpa' bo khyod kyi bka' dang ni// gzhan tshig khyad kyang de dang 'dra// 'jug dang ldog pa gang lags dang // kun nas nyon mongs rnam byang gang // de nyid dpa' bo khyod bka' dang // gzhan gyi tshig gi khyad par lags// 'di ni gcig tu de bzhin nyid// de ni sku chos 'ba' zhig na/ khyod kyi bka' dang gzhan gyi tshig/ de las khyad zhugs gzhan ci 'tshal// 'di ni gcig tu dge la de// gcig tu bar chad bgyid lags na// khyod kyi bka' dang gzhan gyi tshig/ de las mi 'dra'ang ci zhig mchis// de yis bsgos shing nyes bsgos pa// 'di yis dag par bgyid 'gyur ba// de nyid mgon po khyod bka' dang // gzhan gyi tshig gi khyad par lags// de kun dam pa ma yin brtol// 'di gcig legs gsungs de'i slad// khyod kyi bka' dang gzhan gyi tshig/ brtsan dang mi brtsan nges pa lags// // sangs rgyas bcom ldan 'das la bstod pa/ bsngags par 'os pa bsngags pa las/ rtsod pa mi mnga' bar bstod pa zhes bya ba rdzogs s+ho// / #/ rgya gar skad du/ bar Nar ha ba ra Ne b+ha ga ba te/ bud+d+ha stod tre pram+b+ha nub da sa bo na ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ tshangs pa dang 'thun par gsung bar bstod pa zhes bya ba/ 'jug pa dang ni ldog pa la// 'gro 'di'i rang bzhin gang lags dang // lha dang bcas pa'i 'jig rten kun// so sor/ gang las mi 'da' ba// lugs 'thun lugs dang mi 'thun pa// tshig bcu gnyis kyi yi ge gnyis// de ni dam chos nyi ma yin// nyi ma mchod pa'i chos su bstan// / de nyid rdzus te skye ba yi// srid cig yan lag ma tshang bas// ji bzhin yan lag so so la// bzhi ru bsgres pas gsum mchod lags// de nyid yan lag tshad ba las// yi ge bcu gnyis tshig dag gis// bden pa'i lugs su snga ma bzhin// bsgres na rab 'gro ba lags// tshangs pa 'di ni khyod bstan la// gang dag ji bzhin brten bgyid pa// bram ze de dag tshangs gyur pa'i// gsang gsum 'thung ba'i tshangs pa lags// tshangs pa tshul dang tshangs pa dang // tshangs tshul 'bras bu tshangs pa'i don// tshangs mchog khyod kyi bstan pa las// gzhan la mchis pa ma lags so// tshangs pa'i tshul ni ma mchis par// 'ga' yang bram zer gyur ma lags// drang po yi ni lam 'di yang // gzhan ni 'ga' la'ang ma mchis so// rig dang zhabs su ldan pa ni// tshangs pa lags par bram ze'i bshad// rig pa de dang gabs de yang // khyod kyi brtan las gzhan la min// slob dang mi slob rig pa de// zhabs ni de thob bgyid pa lags// gzhan la chos kyi las de ni// / ming yang mchis pa ma lags so// gang zhig gom par bgyis pa yis// rigs kun bram zer 'gyur bgyid pa// bdud rtsi sgo ni ring zhig nas// bcad pa khyod kyis dbye bar mdzad// lta ba ngan dang yid gnyis kyis// zin pa bram zer ci zhig 'gyur// khyod kyi gzhung lugs ma gtogs par// gzhan gyis mdud pa 'di mi chod// bram ze tshangs pa'i bu yin te// snying dang kha las skyes shes pa// 'jig rten gyi ni grags pa de// khyod la 'bras bu bcas par gyur// tshangs khyod tshangs lam khyod la mnga'// khyod ni bram ze'i khyu mchog ste// nye bar 'dren dang ston pa'ang khyod// khyod ni dus mchod mdun na 'don// khyod kyis legs par bstan pa yi// bram ze mi gtsang 'gyur ma lags// nye bar drangs pa'i bram ze yang // tshangs pa'i tshul las lhung mi 'gyur// khyod bstan las gzhan 'ga' la yang // bram zer 'gyur ba'i chos ma mchis// tshangs pa yi ni mchod pa dang // tshangs 'ang lam yang mchis ma lags// tshang pa'i bden pa gsum dang ni// tshangs pa'i mtshan nyid rnam gsum dang // tshangs pa'i mchog rab gsum dang ni// tshangs pa'i rigs kyang mchis ma lags/ 'jig rten legs bshad ji snyed pa// thams cad khyod kyis bstan las 'byung // skyon med mngon par brjod pa 'di// bde gshegs kho na'i ma 'dres pa/ khyod las gzhan pa gang dag gcig/ ngag las skyon med gda' ba de// thams cad chos kun mkhyen khyod kyiHlegs par gsungs pa'i bram ze lags// srin bus zas pa'i yi ge ltar// 'di las gzhan pa'i legs bshad gang // de na lcags la gser bzhin du// de la 'tshal ba ma lags so// e ra na da'i shing khrod du// tsan dan sa mchog gzhag pa ltar// lha 'og 'gal ba de la de/ mchis par su zhig yid ches 'gyur// gang zhig nim pa'i shing la ni// a mra'i 'bras bu smin btags pa// de las skyes shes yid ches te// gzhan la legs bshad yod sems grang // ma la ya las tsan dan bzhin// khyod las gzhan la lhar bcas pa'i// 'jig rten 'di na legs bshad pa'i/ rin che 'byung ba ma mchis so// // sangs rgyas bcom ldan 'das la bstod pa/ bsngags par 'os pa bsngags pa las/ tshangs pa dang 'thun par gsung bar bstod pa zhes bya ba rdzogs s+ho// / rgya gar skad du/ bar na ra ha pa ra Ne b+ha ga ba to bud+d+ha stod tre u pa klar sta bo nA ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ phan par mdzad par bstod pa zhes bya ba// brgya la res 'ga' gang zhig gis// mi gsung thugs las chung bgyis pa// rang 'byung bas ru lta bu rnams// rnam par bgying zhing bzhud 'gyur ba// nyams par 'gyur ba'i lam mangs pas// rtogs par yang ni rab dka' ba// mya ngan 'das pa'i laM de ni/ khyod kyis lam chen gasrol du gtod// de ni glang po che rnams ltar// dga' mgur gzhon nu dag dang ni// stobs dang blo ni sor gnyis pa// bud med kyis kyang goms par bgyis// de ni bzi min len pa'i mchog/ khyod kyi bstan pa'i cho 'phrul te// sangs rgyas kyi ni ma 'dres pa// mthu dpag med pa'i gzi byin lags// kun nas nyon mongs sprul dag gis// rnam pa du mar zin rnams la// khyod ni spyi'i gnyen po yi// skyon med 'byung gnas ma 'dres pa// 'dod chags la sogs 'phags rnams la// skyon ni skyon med mdzad khyod kyis// mi sdug bsgom pa la sogs pa'i// chos kyang rab tu bstan pa mdzad// khyod kyis lam gyi tshogs kyi chos// dge ba zag bcas bsan mdzad pas// dngos po rnams kyi nang gi ni// phan tshun khyad par dag kyang bstan// de yang nye ba'i nyon mongs dang // 'bags phyir spyi'i rnam pas bcom// dur khrod mgal ba'i yog pa ltar// de dag ye shes me la bsregs// byang chub pa yi mngon rol du// 'jug pa'i bde ba'i rgyu chos bstan// de nas byang chub brnyes nas ni// phyir mi ldog pa'i chos kyang bstan// sangs rgyas nas kyang dge ba'i chos// zag bcas de dag ma bshad min// phal cher mya ngan 'das pa yi// rgyu 'thun nyid du yongs su bsngos// khyod kyis gang las 'gro ba dag/ ma grangs rgud pa de dag mchis// gang dang 'jig rten ma sprad pa'i// phun tshogs de yang gang zhig mchis// khyod kyis yid gnyis mdud pa bcad// lta ba ngan pa'i tsher ma bkrugs// sred pa'i dug gi lug ma bsregs// khro ba'i dug kyang thams cad bcom// ma rig pa yi ling tog bsal// nga rgyal gyi ni rgyal mtshan bsgyel// sems can tha ba rnams kyang bcom// rnam par 'ching ba rnam par btubs// mdud pa thams cad rnam par bkrol// chu bo la ni gzings kyang bcas// khyod kyang chu bo rnams kyi gzhi// mtsho chen gang lags de yang skams// skyon dang snyings ma yon po dag/ sems la mi mngon 'khras bgyid pa// kun nas nyon mongs dug shing gi/ rtsa ba khyod kyis drungs nas phyung // phyin ci log gis 'tshal ba yi// ngan pa'i lam ni thams cad bcad// 'chi med bgrod pa cig pa yi// dpal ldan lam ni drang po phye// gzhan dag gdul bgyi ba yi// skyon brgyad las ni nges drangs nas// 'dod pa'i yan lag brgyad ldan pa/ cang shes bzang po'i gnas su bkod// kun nas nyon mongs srin 'khrugs pa'i// mi gtsang rgyan nas drangs nas kyang / nyon mongs min pa'i yan lag can// dri med chul 'phyo ru stsal// 'chal pa'i tshul khrims skyon bsal nas// tshul khrims kyi ni byug pas byugs// ngo tsha shes dang khrel yod pa'i// dri med gos kyis dgab pa mdzad// dam pa chos rgyan dkar po ni// sba ba dag gis rgyan mdzad nas// de dag bsam gtan seng ge'i khri// chen po'i rkyen du 'bab la gzhag/ byang chub yan lag me tog ni// zag med dri zhim rnams kyis gtor// chos kyi dga' ba 'phags pa'i ros// zang zing med pa'i tshim par mdzad// sred pa'i zan ni 'tshe mang ba// thog ma med pa las bston nas// nyid kyi sras po gtan du ni// nyams pa med pa kho nar mdzad// gzhan dag ma 'ongs dus na ni// rang rgyal ba yi snod du mdzad// gzhan dag theg pa chen po yi// rgyal tshab mchog tu dbang yang bskur// chos kun gyi ni tshig mkhyen cing // don rnams kun gyi gzhi la mkhas// skad kyi dbye ba kun mkhyen cing // phyogs rnams kun tu spobs dang ldan// nga ni mgon med khyed rnams kyi// grogs su gyur pa zhes sgrogs shing // thugs rje chen pos 'gro ba ni// mtha' dag 'khrung pa bzhin du bzhugs// ston pa thugs rje rje mnga' ga/ rtse bar ldan zhing thugs rtser mdzad// dad brtson le lo mi mnga' ba// khyod dang 'dra ba gzhan su mchis// khyod ni sems can kun gyi mgon// spyi'i rtsa lag bzang po lags// mgon du khyod bzhugs ma 'tshal bas// de slad skye ba bying bar gyur// gang zhig yang dag blangs nas ni// tha shal bas kyang grogs nus pa// grogs byed pa'i chos dag ni// khyod las gzhan pa 'gas mi rtogs// phyi'i yan lag stobs kun ni// khyod kyis yang dag bsgrubs lags te// nang gi stobs dag ma tshangs pas// byis pa rnams ni sdug bsngal bsten// 'jig rten spyod pa med dang sbyar// chos nyid zab pa dang yang sbyar// dman la mos pa nyid dang sbyar// lam ni ngan pa mang dang sbyar// thog med dus nas goms pa yi// brel ba ngang gis byung dang sbyar// bsgom pa 'bad pa chen pos kyang // thob par dka' ba dang sbyar na// 'jig rten du ni khyod lta bu// chos dkar yang dag blang ba yi// dngos po gsal bar ston pa'i rtsa// bzang po gal te ma byung na// 'gro kun mun par gyur lags te// mi 'dod tshor ba 'byung ba yis// nyams thag 'o dod cher 'bod pa'i// ngan song rang bzhin kho nar 'gyur// khyod la gang gis 'gro rnam gsum// de ni gzhan gyis sgrub pa bas// khyod ni dgra ba shes par ma la// bshes mchog bzhin du brtse bar mdzad// / sangs rgyas bcom ldan 'das la be stod pa/ bsngags par 'os pa bsngags pa las/ phan par mdzad par bstod pa zhes bya ba rdzogs sgo// / rgya gar skad du/ ba rA Na ra ha ba ra Ne b+ha ga ba to bud+d+ha stod tre a pra ti kAr+ya sta bo nA ma/ bod skad du/ sangs rgyas bcom ldan 'das la bstod paHbsngags par 'os pa bsngags pa las/ lan mi lon par bstod pa zhes bya ba// bgo bshad mdzad pa'i chos nyid ni// khyod cig bu la rdzogs mnga' yi// gzhan la phan gdags bgyi ba la// skye bo gzhan ni 'tshegs shing mchis// khyod kyi slob ma bsdu ba yi// dngos la mkhas par gda' ba gang // de yang rdzogs par mi mkhas pas// khyod kyi cha shas rjes su 'brang // bcom ldan khyod kyi zang zing gi/ bgo bsha' srog gi bar lags te// dam pa'i chos kyi bgo bsha' ni// slob dpon dpe mkhyud bral ba lags// khyod ni bsha' bgyi ba'i las// bla na med pa'i mdzad pa po// phun sum thams cad rdzogs mnga' bas// khyod ni btang bas bgyi ma lags// 'gro ba phal cher mi bzad pa// gzhan la gnod par bgyi bar dga'/ khyod ni 'jig rten rang bzhin te// rgyu las bzlog pa'i phyogs su 'jug/ byas pa bzo gang de dag nyung // phan 'dogs bgyid pa 'ga' tsam ste// de yang phan cher re ba can// khyod cig dag pa'i chos can lags// phan btags pa yis khyod mi 'jug/ gnod pa bgyis pas log ma lags// skal ba mchis shes thams cad la// khyod ni mnyam pa nyid du 'jug/ mtshan mo me tog ku mu ta// kha 'bye 'gyur zhing pad+ma zums/ nyin par pad+ma kha 'bye zhing // cig shos zums par 'gyur mod kyi// 'on kyang nyi ma zla ba yi// 'od la phyogs su lhung ma mchis// de nyid khyod kyis byis pa dang // mkhas pa dag la bstan pa'i dpe// gang tshe mgon khyod mdzad pa ni// thams cad gzhan don kho na pas// dpag med phan pa mdzad pa po// khyod la lan cig lon par 'gyur// sems can dar bar mi 'gyur ba'i// sgrub pa khyod la 'ga' mi mnga'// khyod kyi dbugs phyung tsam yang ni// 'gro la phan dang bde ba bskyed// sangs rgyas dbugs ni phyung ba'i ngar// dri kun zil gyis gnon mdzad pa// tshor na zhe 'gras gyur pa yang // khyod la dang bskyed par bgyi// sangs rgyas dbugs kyi ngad bab ni// bag med pa yi lha rnams kyang // lha'i yul yang spangs nas ni// 'dul ba dag la mngon phyogs 'gyur// khyod las dam pa'i chos mnyan pas// thams cad tshim par 'gyur ma 'tshal// de slad dam pa'i don du na// khyod nyid ngoms gyur tshim mdzad lags skye dgu rnams la char bzhin du// khyod ni mkhas pa kun gyi gsol// 'di ltar khyod kyi gsos 'gyur gang // de dang de ni mchis ma lags// dgongs par 'tshal ba rnams la yang // khyod kyi phan dgongs ci 'dra ba// de blo ma sbyangs byis pa yis// yid ches bgyi bar nus ma lags// khyod ni ldang ba rnams la yang // legs pa ci 'dra bsgrub mdzad pa// sa de yid la smon pa'i yang // yul las 'das par gyur pa legs// la las phan 'dogs mdzad pa yi// ro mchog rtogs pa de dag kyang // khyod kyi chos kyi bgo skal la// spyod par 'gyur ba'i gnyen lags so// gal te sems can 'di dag gis// khyod mnga' thugs rje'i dgongs pa 'tshal// khyod kyi bstan pas 'tsho bzhin du// kun tu 'bar ba'i mer yang 'jug/ gang slad bdud kyi dgras thebs pas// rtogs par mi 'gyur de slad du// khyod kyi bstan las 'gal bgyid pa'i// byis pa rnams ni bdag nyid 'gums// khyod kyi bstan las gzhan phyogs pa/ g.yangs chen po'i mun pa dang // yongs su gdung ba myong ba rnams// kye ma yun ring 'khyam par 'gyur// khyod kyi chos la mi phyogs pa'i// skye bo gti mug gis ldongs pa// srid rtse'i bar du son nas kyang // sdug bsngal rab 'byung srid pa sgrub// khyod kyi bstan pa'i rjes 'gro ba/ bsam gtan dngos gzhi ma thob kyang // bdud kyi mig ras bco bzhin du// srid pa dag ni zlog par bgyid// khyod kyi dang por lha'i bu'i// bdud kyi me tog rgyal mtshan rnal// de nas nyon mongs bdud kyi ni// nga rgyal rgyal mtshan 'thon po brtag/ khyod kyis byang chub ma rnyes par// 'dod khams dbang phyug las rgyal te// byang chub bar chad med lam la// khams gsum dbang phyug las rgyal lo// dbang phyug khyod nyid 'jig rten 'dir// dpa' ba rnams kyi dpa' bar ste// nyon mongs dbang 'gyur skye bo la// dpa' ba'i rab tu gang zhig rtsi// khyod kyis rang gzhan gnyi ga yi// rgyud las nyon mongs bde bcom pa// khyod las dpa' mchog gzhan dang ni// mi bzad g.yul rgyal gzhan ma mchis// // sangs rgyas bcom ldan 'das la bstod pa/ bsngags par 'os pa bsngags pa las/ lan mi ldon par bstod pa zhes bya ba rdzogs s+ho// / @#/ rgya gar skad du/ ba ra Na ra ha ba ra Ne b+ha ga ba to bud+d+ha stod tre ru bai ka de sha sta bo nA ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ sku'i phyog cig bstod pa zhes bya ba// spyan gyi yon tan mthon mthing dang // dkar gnag gsum po gang lags pa// de la gtsor bcas 'jig rten gyi// yon tan rnams kyis khyad mi 'khor// sgros gong dpal gyis bla na med// 'og ma dpal mnga' gnyi ga yang // 'byung dang 'byung ba las gyur pa'i// phun sum tshogs pa bla na med// de dag 'ga' zhig ma mchis na// zla 'thun 'ga' yang ma mchis pas// gong ma gang gis lhag gnas 'gyur// 'og ma'ang gang ga gzhi por 'gyur// khyod kyi sgros ni dpal gyi gnas// phan tshun 'tshal bar gyur pa 'di// e ma'o legs par zung du 'brel// e ma'o 'phrog pa bla na med// ston pa'i dus na g.yo 'gyur zhing // gsal ba nyid la g.yo mi mnga'// tshems kyi zla ba shar ba'i dpal// nang nas bag tsam dga' 'gyur ba// nyid kyi gnas nas 'byung ba'i sgra// me tog bzhin du 'grems mdzad cing // gzhan gyis nye bar bskyed rnams kyi// 'gro ba'i lam la phan 'dogs pa// zangs bzhud 'od 'dra 'di dag gi/ dpal 'bar 'di'i thad na ni// bim pa'i 'bras bu mtshams sprin dang // ud dpal dmar mdzes ro dang 'dra// khyod kyi sgros ni mdzes bskyod pa// gang gis mthong ba de dag gis// legs par mig rnyed de dag gi/ mthong ba'ang 'bras bu mchis pa lags// mgon po mu tig 'phreng bas min/ kun da ku mu da 'phreng min// gangs can rtse mo sbrengs pa'i lus// zla ba'i dad kyis bab pa min// ston ka'i chu bo sun 'byin pa/ mkha' 'gro dkar pos phreng bas min// sprin med mkha' la lhag ge ba// ston ka'i zla ba tshes pas min// dul ba khyod kyi tshems rnams kyi// phreng ba 'od gsal dkar 'di la// mar me'i 'od kyis nyi 'od bzhin// cha shas su yang phod ma lags// rdo rje myu gu'i phreng ba la// 'phags par chos kyi bdud rtsi'i ros// brlan pas bsgos pa 'di dang ni// 'dra bar 'gyur ba'i dngos ci mchis// ku mu da zla kun du sogs// dkar po'i dper brjod bzhi po dag/ khyod kyi tshems phreng byung gyur nas// thabs ni shor pa lta bur gda'// 'jig rten du ni 'di byung bas// dkar po dang ni mdzes pa yi// rdzas rnams thams cad ma lus pAHdri ma can dang 'dra bar gyur// khyod kyi ljags dang spros par na// 'di dag thags bzang gnas pa ni// rtogs dang zhi ba'i bar dag na// rnam par grol ba bzhin du mdzes// khyod kyi dpal gyis 'gro ba 'di// tshems kyi phreng bas zil mnan par// gzigs nas rgyal bar gyur to zhes// ru mthon lta bur mtsha ba bsgreng // khyod kyi mche ba mnyam la zlum// mdzes shing rtse mo rno dkar ba// dpe kun thibs kyis mnan nas ni// 'bar ba bzhin du gnas pa lags// zla ba tshes pa 'jig rten na// yon por gsal gyur gang legs te// khyod kyi mche ba mi g.yo zhing // mdzes pa'i lus can rnams kyis bgyis// tshes pa'i gan skabs mche ba yis// nya pa zhal ras bzang po yis// kham pa 'phral bas khyims pa ni// gdog gang 'od kyis zil mnan te// thub pa zla ba khyod kyi ni// gzugs kyi yon tan phun tshogs pas// zla ba'i yon tan phun sum kun// gnas skabs kun tu nyams par bgyis// bde bar gshegs pa khyod kyi sku// gser gyi pad ma'i snying po ltar// ba spu g.yas 'khyil nyag re ba// 'jam la dri med gyen du 'khrung // snum la ma 'dzings ma 'grus pa// in+da ni la'i rngam lta bur// sngon por rin chen bskyil ba ni// phra mo lta bur spras par dga'// skyes bu glang chen khyod kyi ni// glang po che mtshan ma 'dres gang // nang dang phyi'i dri ma yisad+d+hashin tu nye bar ma gos gang // khyod kyi yan lag rgyan 'dra gang // yan lag mdzes pa de legs te// lhad med gser las blugs pa yi// khor yug lta bur gnas pa lags// rang gi dbyibs ni mdzes pa yis// cang shes gtso bo thams cad kyi// skyes kyi mtshan pa'i mdzes pa dag/ zil gyis mnan te gnas pa gang // mgon po tshangs spyod gnas slad dang // dbyibs kyang shin tu mdzes slad du// khyod kyis snga ba nyid lags shing // sla bar bgyi ba min pa'ang lags// thugs rjes the tsom can lnga// khyod kyis mtshan ma gzhan tshul gyis// sprin mthong zla ba'i gzugs/ lta bur// shin tu lan mang bstan pa yang // ngo tsha shes dang khrel yod ri// mi g.yo bskyod pa ltar mdzad nas// thugs rje chen pos mig gi ni// blo'i yul du mdzad pa gang // dal gyis 'bab pa'i pad+ma ni// chung zad kha bye'i ze ba tshogs// mgon po yan lag mdzes khyod kyi// mdzes pa de la des mi bskyang // dpal ldan zla ba nya ba la// 'khyil bar gnas pa mchis na yang // 'on kyang yan lags mchod khyod kyi// dpe'i gzhi par rdzongs mi 'gyur// bsod nams brgya phrag rgya chen gyi// las kyis sprul pa mdzes lam la// de lam gzhan pa'i sems pa yis// 'phags pas yong yang rjes slobs so// / nyid kyi sbubs dang na bza' dang // sdom pas shin tu bkab kyang ni// mdzad gzhan phun sum tshogs pa yis// gsal bar gyur pa lta bu lags// yan lag dam pa ldan khyod kyi// yan lag mchog gyur de la ni// mgos btud yid rab dang ba dang // ngag gis kyang ni mchod par bgyi// dad par bgyi ba rnams kyi mchod// blta bas mi ngoms khyod la ni// gal te khong khro bgyid mchis na// mun nag tha shal ngan pa lags// // sangs rgyas bcom ldan 'das la bstod pa/ bsngags par 'os pa bsngags pa las/ sku'i phyogs cig bstod pa zhes bya ba rdzogs s+ho// @// rgya gar skad du/ ba ra Na ra ha ba ra na b+ha ga ba to bud+d+ha stod tre bra b+hA ta sta bo nA ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ ljags la bstod pa zhes bya ba// sems can rnams kyi mos pa ni// khams rnams ji bzhin gnas lags pas// re zhig bdag gi bsam pa ni// yangs pa'i ljags la rgya cher dang // su zhig mgo dang yid dang ni// ngag gis ljags la mchod mi bgyid// de ni gsung rab 'di kun gyi// yum ste rin chen bkrun pa lags// bdag la gtso bo khyod kyi ni// mdzad pa bla med thams cad kyi// nang na yangs pa'i ljags 'di ni// bla na med pa'i phul du gda'// 'gro la bstan pa rab sgrogs pa// chos kyi 'phrin las mdzad slad du// rgyal po bzhin du mtshan kun gyi// nang na gtso bo legs par gnas// gzhan gyi the tsom bcad slad du// gang zhig zhal nas mngon phyung na// sngon gyi mtshams sprin tshogs lta bur// zhal ras zla ba khyebs pa lags// de ltar yangs shing mdzes pa der// tshems kyi brdams pa'i zhal nang du// dog pa med par gnas pa yang // de las ya mtshan ci che mchis// de ni nges par dpag med pa'i// mthu can bzang po de yi ni// shin tu 'jam pa nyid dang ni// mnyam pa nyid kyi mthu lags so// khyod zhal 'brug sgra sgrogs pa nas// 'dzam bu'i chu gser bzhun ma ltar// zangs bzhu ba yi 'od lta bu// glog phreng 'gyu ba lta bur mdzad// bslab pa bzang po phun sum gyi// rgyal thabs lta bu brnyes nas ni// khyod kyi zhal nas bag yangs su// gnas gzhan dag tu ro cig spyod// gang gi dri zhim tshor nas 'di// me tog gsung ba zhes sgrogs pa// gsung gi me tog skyon med pa// de dag 'dis ni 'grems par mdzad// de nyid slad du rgyal khyod las// mchog tu snyan pa'i gsung snyan 'byung // de yi dri rab zhim pas khyod// snyan pa gsung zhes rnam par grags// gang gi mthu yis khyod 'dra ba// bdud rtsi stsol bar rab grags pa// gdam ngag rjes su ston pa de// 'di nyid la ni rag las so// gang gis lhar bcas 'jig rten du// chos kyi 'khor lo bskor ba de// nyid kyi 'o brgya la mi gzigs pa// dge ba 'di yis bgyis pa lags// gang gis rin chen bkram pa ltar// legs par bshad pa rgyas gang nas// 'jig rten 'di ni snang bgyis pa// 'di ni 'di'i mthu lag so/ rigs dang phyed par mngon brjod pa// chos kun gsung ba'i 'phags pa ste// dpag bsam ljon pa'i lcug ma ltar// rin chen sna tshogs 'bras bu stsol// ljags yangs med par 'jig rten na// kun mkhyen nyid ldan spobs pa ni// so so yang dag rig pa yi// spobs pa'i khur ni su yis bkur// khyod kyis dgongs te 'di la ni// chos ni gang dang gang gtad pa// 'di ni snyom las mi mnga' bar// me tog bzhin du phreng bar rgyud// gal te 'di yis ma bstan na// khyod la kun mkhyen mngar sus 'tshal// thugs rje chen po mnga' bar sus// yon tan gzhan yang sngar sus 'tshal// bstan pa dag ni ma mchis na// khyod 'dra'i mkhas pa mngon mi 'gyur// bstan pa yang ni ljags yangs la// bzhin la dngos grub bzhin du rten// rnam pa sna tshogs chos gsung zhing // rnam pa sna tshogs ro btar yang // 'dam rdzab kyis ni nam mkha' bzhin// ro la chags pas gos mi mnga'// mi gsung bzhugs pa'i rjes su 'thun// gsung ba la yang skyo mi mnga'// mi 'thun chos ni gnyi ga la// cig tu yang ni 'thun pa lags// mi gsung bzhugs na spro mi mdzad// ston pas mdzad la skyo mi mnga'/ cang mkhyen nyid kyi dge ba ste// thams cad la ni snyoms par 'jug/ 'di ltar thams cad gsung spyod la// chos rnams 'ba' zhig bka' stsol pa// spyod pa la ni 'jug par 'tshar// rigs pa la yang gzhol bar 'tshar// 'byung ba las gyur bsod nams dang // chos gsung ba yi rang bzhin gyis// sangs rgyas pa'i dri zhim pa// gnyis kyis rten tu bsgoms pa lags// mig gi spyod yul dag pa dang // bsod nams snyan pa'i rang bzhin gyis// shin tu rnam par grags pa yi// snyan pa gnyis kyis phyogs su grags// gang gis skyon kun med pa 'di// zhal nas phyung ba mthong gyur pa// skye ba de dag mig dang ldan// mig de dag kyang dpal dang ldan// gang gis de yi gsung snyan pa// mngon sum rna ba'i snyim pa yis// bdud rtsi'i rgyun dang 'drar 'thungs pa// mkhas pa de dag ches dpal ldan// sgra rnams brgyan par mdzad pa bzhin// sgra yis rnam pa brgyan pa bzhin// bshad pa mdzad na khyod kyi zhalaHshin tu sba bar mdzad pa bzhin// 'di ni nyid mdzes yon tan gyis// thub pa khyod kyi zla zhal ni// 'jig rten brgyan du gyur pa yang // lhag pa'i rgyan du gyur par gda'// mdog dang dbyibs dang sman gsung dang // shin tu 'jam pa nyid dang mthus// ljags yangs lta bu'i gzugs can gyi// rdzas ni 'ga' yang ma mthong ngo // gal te lha mo dbyangs ldan ma// de ni gzugs can 'ga' mchis na// skyon kun med pa'i yan lag can// ljags yangs de ni de lags grang // yangs pa'i ljags kyis chos kyi rnga// kun tu rdung bar zhugs pa'i tshe// lha dang mi'i sgra rnams ni// thams cad ro bro med par 'gyur// ston par khyod dang ljags 'di dang // bla na med pa'i bka' 'di ni// nyon mongs dug kun 'joms pa yi// yan lag gsum ldan sman gyi mchog/ sangs rgyas bcom ldan 'das la bstod pa/ bsngags par 'os pa bsngags pa las// ljags la bstod pa zhes bya ba rdzogs s+ho// @#// rgya gar skad du/ bar na ra ha ba ra Ne b+ha ga ba to bud+d+ha stod b+ha ba ud be dza no nA ma/ bod skad du/ sangs rgyas bcom ldan 'das la bstod pa/ bsngags par 'os pa bsngags pa las/ srid pa la skyo bar bstod pa zhes bya ba// khyod dang 'dra ba'i zhing dag ni// 'jig rten gsum na ma mchis te// khyod ni sbyin gnas rnams kyi mchog/ gral gtsang mdzad pa'i gtsang ma lags// nam mkha'i mtha' thug ma mchis pa'i// chu dang zheng dag ji lta bar// khyod la sman gnod bgyid pa yi// rnam par smin pa thug ma mchis// gang dag khyod la bar mar gnas// de yang re zhig tshad med pa'i// mun pas bsgos pas ma rung na// skye bo log bgyid smos ci 'tshal// ji ltar bla med yon gyi gnas// khyod la yang dag bsgrub bgyid pa// las gang lags pa de yi ni// dar ba'i mtha' thug mi mthong ba// yang dag bsgrub pa'i mthar byon pa// khyod la log par bzhugs pa gang // las de'i rgud pa'i mtha' yang ni// de bzhin thug pa ma mchis so// gang gis rnam pa thams cad du// stobs ldan khyod la'ang ma brtsams pa// rab tu mtshams ni mi zin pa'i// / ma rabs mi rtag nyid re ngan// kye ma'o 'khor ba'i bdag nyid ngan// e ma'o mya ngan 'das pa zhi// khyod 'dra thugs rje'i bdag nyid can// mnga' mchis pa yang de ru gshegs// ma 'ongs 'jigs pa rnams kyang gsung // chos kyi tshul yang bshad pa mdzad// 'khor ni rnam pa bzhi po yang // mi 'jigs pa dag thob pa mdzad// lam bzang 'di ni bsrung slad du// blo gros sbyang ba bgyis gyur pa// 'di srung che dang kun dga' dang // de la sogs pa'ang sgom mod kyid+harta'ajig rten gyi ni mig cig pa// dri ma med pa khyod zums ni// snang ba mchis kyang 'jig rten 'di// mun pas khyeb dang 'dra ba lags// bde bar gshegs pa bde gshegs kyi// bka' 'di'ang mchis la khyod kyis sras// sras kyi dam pa slob pa dang // mi slob 'di yang mchis mod kyi// 'gro ba'i mgon khyod mi bzhugs pas// gza' skar lags pas mtshan ma yi// nam mkha' zla bas stong pa bzhin// shin tu brlag gis ma mchis so// khyod mi bzhugs na gsung rabs 'di// klu 'phos pa yi mtsho'i dpal// ring po mi thogs 'jigs pa ltar// 'tsham pa'i snying po dang bral bas// yon tan gzi yang mi sba la// cho ga gzhan dang lugs gzhan gyis// 'phar dang rma dag phyung lags pas// lugs gi brjid kyang yang du cha// sangs rgyas mnga' dbang sgyur ba rnams// yongs su mya ngan 'da' bsams nas// srid pa ral gri 'bar 'dra la// su zhig 'jigs par mi bgyid lags// // sangs rgyas bcom ldan 'das la bstod pa/ bsngags par 'os pa bsngags pa las/ srid pa la skyo bar bstod pa zhes bya ba/ slob dpon ma ti rtse tas mdzad pa rdzogs te/ rgya gar gyi mkhan po sarbad nya de ba dang / zhu chen gyi lo tsha ba ban de dpal brtsegs rag shi tas bsgyur cing zhus te gtan la phab pa// @#/ rgya gar skad du/