<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F204: 'phags pa mar me dbul ba zhes bya ba theg pa chen po'i mdo<br><table><tr><td>
<input type="button" onclick="location.href='tcompletep.php?id=F204&coll=F&volcur=0';" value="show page break" />
<td width=150><td>
<input type="button" onclick="location.href='tcompletel.php?id=F204&coll=F&volcur=0';" value="show line break" />

<td width=150><td>
<a href="tcompleteu.php?coll=F&id=F204&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">bu mos smras pa btsun pa sha ra dwa ti'i bu bdag kyang sug pa na mkha' las 'deg cing na mkha' nyid la 'jog par bgyid de na mkha'i khams la niH
 dad pa cung zad kyang ma mchis pas/ btsun pa sha ra dadwa ti'i bu bdag gis 'di skad du khyod gang du bzhud pa de nyid de bdag kyang mchi lag so zhes smras so// btsun pa sha ra dwa ti'i
 bu khyod gang na gshegs/ sha ra dwa ti'i bus smras pa/ bu mo kho bo ni mya ngan las 'das par 'gro'o// bu mo smras pa/ btsun pa sha ra dwa ti'i bu chos mya ngan las 'das par
 mchi ba lags pas/ bdag kyang der mchi ba lags sam/ sha ra dwa ti'i bu smras pa/ bu mo gal te chos thams cad yongs su mya ngan las 'das par 'gro ba yin na/ 'on
 khyod ci'i phyir yongs su mya ngan las 'das par mi 'gro// bu mos smras pa/ btsun pa sha ra dwa ti'i bu yongs su mya ngan las 'das par phyin pa ni yongs su mya ngan 'das zhing /
 yongs su mya ngan las 'das par mchi ba la ni skye ba dang / 'jig pa ma mchis/ yongs su mya ngan las 'das par mtsho ba la ma gtogs par yang gang yongs su mya ngan las 'da' bar
 'gyur ba 'ga' yang ma mchis lags so// de ci'i slad du zhe na/ yongs su mya ngan las 'das par mchi ba nyid yongs su mya ngan las 'das pa lags pa'i slad du'o// de skad ces smras pa/
 dang / tshe dang ldan pa sha ra da ti'i bus bu mo zla mchog la 'di skad ces smras so// bu mo 'o na ci khyod nyan thos kyi theg pa la yang dag par zhugs pa yin/ 'on te rang sangs rgyas kyi theg
 pa gang la yang dag par zhugs pa yin nam/ 'on te theg pa chen po la yang dag par zhugs pa yin nam/ bu mos smras pa/ btsun pa sha ra dwa ti'i bu gang 'di skad du khyod theg pa gang la yang
 dag par zhugs yin/ zhes gsung ba ni/ btsun pa sha ra dwa ti'i bu de'i slad du khyod nyid la zhu yis khyod kyis ji ltar bzod pa de bzhin du lan gdab du gsol/ btsun pa sha ra da ti'i bu khyod kyis
 rtogs pa'i chos gang lags pa'i chos de ci nyan thos kyi theg pa la yang dag par zhugs pa zhig lags sam/ rang sangs rgyas kyi theg pa la yang dag par zhugs pa shig
 lags sam/ theg pa chen po la yang dag par zhugs pa zhig lags sam/ sha ra dwa ti'i bus smras pa/ bu mo de ni ma yin no// de ci'i phyir zhe na/ chos de la ni rnam par rtags pa
 'am spros pa 'ga' yang med la/ tha dad pa nyid kyang ma yin/ gcig pa nyid kyang ma yin/ sna tshogs nyid kyang ma yin pa'i phyir ro// bu mos smras pa/ btsun pa sha ra dwa ti'i bu
 de'i slad du rnam par rtog pa ma mchis pa dang / spros pa ma mchis pa'i chos thams cad dang / tha dad du dbye ba ma mchis pa'i chos thams cad la ni gang gnas par 'gyur ba 'am/
 yongs su mya ngan las 'das par 'gyur ba'i chos de dmigs su ma mchis lags so// sha ra dwa ti'i bus smras pa/ bu mo khyod kyis spobs ni ngo mtshar nA gzhan yang khyod
 kyis de bzhin gshegs pa ji snyed cig la gnyen bkur byas bu mos smras pa/ btsun pa sha ra da ti bu gang 'di skad ces khyod kyis de bzhin gshegs pa ji snyed cig la gnyen
 zhes bya ba theg pa chen po'i mdo// rgya gar gyi mkhan po 'dzin mi tra dang / zhu chen gyi lo ts+tsha ba ban de ye she sdes zhus ste gtan la phab pa'o// @/ rgya gar skad du/
 ar+ya pra dA nI yan na ma ma hA yA na su tra// bod skad du// 'phags pa mar me dbul ba zhes bya ba theg pa chen po'i mdo// sangs rgyas dang byang chub sems dpa' thams cad la phyag
 'tshal lo// 'di skad bdag gis thos pa dus gcig na bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyi kun dga' ra ba na bzhugs so//
 de nas bcom ldan 'das kyis/ tshe dang ldan pa sha ri'i bu la bka' stsal pa sha ri'i bu dpag tu med pa bzhi po 'di dag ni legs par yongs su sbyangs pa'i chos rnams dang ldan pa/
 rnam par smin pa dpag tu med pa/ bsod nams la yang dag par gzhol ba dpag tu med pa/ gzugs dpag tu med pa/ bde ba la yang dag par gzhol ba dpag tu dngag tu med
 pa dag ste/ de dag ni tshul khrims la 'jug pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la 'jug pa dang / so so
 yang dag par rig pa la 'jug pa dang / len pa med par zag pa zad par 'gyur ba dag go/ bzhi gang zhe na sha ri'i bu 'di lta ste/ de bzhin gshegs pa gra bcom pa yang dag
 par rdzogs pa'i sangs rgyas/ tshul khrims kyis pha rol tu phyin pa brnyes pas bsam gtan par gyur pa/ shes rab kyi pha rol tu phyin pa brnyes pas shes rab dpag tu med
 dang ldan pa/ nges par 'byed pa'i shes rab dang ldan pa/ ji lta ba bzhin gyi shes rab dang ldan pa/ grangs med pa'i shes rab dang ldan pa/ rnam par nges pa'i shes rab dang ldan
 pa/ rnam par nges pa gzigs pa/ mchog tu rnam par grol shing shin tu rnam par grol ba'i thugs dang ldan pa/ g.yo ba med pa'i thugs dang ldan pa/ 'khrugs pa med pa'i thugs
 dang ldan pa/ phrin las legs par mdzad pa'i thugs dang ldan pa/ sha ri'i bu de bzhin gshegs pa dgra bcom pa yang dag par rdzogs pa'i sangs
 rgyas ni mi dge ba'i chos thams cad spangs pa/ dge ba'i chos thams cad dang ldan pa sbyong ba phun sum tshogs pa yid la mdzad pa dang ma bral ba/ bden pa ston pa/ bden pa
 gzigs pa/ snang bar gyur pa dpag tu med pa/ tshogs dpag tu med pa/ zil gyis gnon pa/ zil gyis mi gnon pa'i tshul khrims dang / ting nge 'dzin dang / shes
 rab dang / rnam par grol ba'i ye shes gzigs pa'i stobs skyed pa rnyed pa stobs bcu'i stobs skyed pa brnyes pa/ mi 'jigs pa bzhi'i stobs bskyed pa bskyed pa brnyes pa
 sangs rgyas kyi chos kyi stobs bskyed pa brnyes pa/ byams pa chen po dang snying rjen po'i stobs bskyed pa brnyes pa/ so so yang dag par rig pa'i stobs bskyed pa brnyes pa/ sngon gyi bsam pa phun
 tshogs pa/ sngon yongs su sbyang ba mdzad pa/ shes rab rin po che dang ldan pa/ brtson pa mabor ba/ brtson 'grus dpag tu med pa mya ngan dang gnod pa dang bral ba/ yongs su 'dzin pa mi mnga'/
 ba/ thams cad gzigs pa/ glang po chen po dpag tu med pa/ phung po mi mnga' ba/ bsod nams kyi ning bla na med pa dang / shA ri'i bu de bzhin gshegs pa dgra bcom pa yang dag par
 rdzogs pa'i sangs rgyas/ skal pa bye ba khrag khrig 'bum phrag du mar/ dge ba'i rtsa ba yang dag par sgrubs pa/ rig pa gsum dang ldan pa/ bsod nas kyi zhing gi de bzhin gshegs
 pa'i mchod rten la/ dge slong ngam/ dge slong ma 'am/ dge snyen nam/ dge sten ma sems dang bas bsod nams don du gnyer ba/ bsod nams la dmigs pa/ bsod
 nams g.yo byed du byed pa/ bsod nams 'dod pa/ rnal 'byor dang mthun pa'i rjes su dran pa yid la byed pa sngon gyi sbyin pa phun sum tshogs pas/ tha na mar me'i snying pa chung
 'am ngan pa zhig/ 'bru mar gyis skas sam mar gyis skus te/ 'bul lam/ nges par 'bul lam/ yongs su 'bul lam 'jog par byed pa dang / dge ba don du gnyer bas/
 de bzhin gshegs pa dgra bcom pa yang dag par rdzogs pa'i sangs rgyas bcom ldan 'das/ phyi ma'i mtha'i skye ba'i khor ba spangs pa/ da ltar byung ba na tshul khrims dang / ting nge
 'dzin dang / shes rab dang rnam pa grol ba dang / rnam par grol bar ye shes gzigs par/ bzung ba nyid yid la byed dam/ de las yon tan gang yang rung ba zhig yid la byed dam/
 de bzhin gshegs pa'i phyir dang / gzhi las de bzhin gshegs pa dgra bcom pa yang dag par rdzogs pa'i sangs rgyas nyid kyi phyir/ de bzhin gshegs pa la mchod pa bya bar sems
 bskyed de/ mar med 'di 'bar bar bya/ rab tu 'bar bar byed dbul bar bya/ yongs su dbul bar bya/ rab tu bzhag par bya'o snyas pa dang / sems kyi rgyud dang par gyur pas/ tshul khrims
 yongs su dag pa/ mi mnyam pa dang mnyam pa'i tshul khrims dang ldan pa/ de bzhin gshegs pa dgra bcom pa yang dag par rdzogs pa'i sangs rgyas dpag tu med pa/ bsod nams mang po mangs
 ba'i de bzhin gshegs pa'i mchod rten la bsnyen bkur byed de/ de tsam 'am/ chung zad tsam 'gro/ chung ngu zhig gas/ ngan don tsam zhig gam/ gsogaca/
 zhig gam/ tha na klog gi rgyud tsam zhig kyang snang bar byed dam/ tha na them skas kyi gzhi gcig snang bar byed na yang / sha ri'i bu de'i rnam par smin pa ni/ nyan thos rnams kyis sam/
 rang sangs rgyas rnams kyis snyan par mi nus so// sha ri'i bu gzhan yang lan la mi re zhing / dad pa dang / dga' ba dang / dang bas yongs su btang ba'i rnam par smin pa/ bsod
 nams kyi rnam par smin pa ni/ de bzhin gshegs pas ston par spyod do// sha ri'i bu gzhan yang dad pa ldan la/ gus par gnas shing g.yo med la sgyu med pas/ sangs rgyas kyi
 yon tan la nges par sems pa'i rigs kyi bu 'am/ rigs kyi bu mo dge ba'i bsam pa skyes nas/ mar me chung zad tsam 'am chung ngu tsam zhig kyang snang bar bya ste/ mar me snang bar byas
 pa gang gis/ de bzhin gshegs pa'i mchod rten de'i tha na them skas tsam snang ngam/ bskor sa tsam snang ngam/ smad dam/ gdugs sam/ thams cad snang ngam/ tha na bar skabs/
 gang yang rung ba zhig snang ba'i mar me de mod la myur du shing ste/ rlung gis skyod pas si/ char pas sam/ mar zad pas sam/ snying po zad pas shi la/ sha ri'i bu 'di lta ste
 dper na/ klus dkrugs pa na sprin stug po'i dra ba 'khrigs pa las/ namakha' las klog byung nas nub na/ sha ri'i bu myur du 'byung ba'i rjes su 'brang ba de mthong bas/ sems
 can rnams kyi mig thibs shes byed bde tsam du/ sha ri'i bu de bzhin gshegs pa'i mchod rten la mar me 'bul ba'i dge slong ngam dge slong ma 'am/ dge bsnyen nam/
 dge bsnyen ma 'am/ de las gzhan pa sems can bslabs pa'i gzhi mi blang ba/ dge ba'i rtsa ba don du gnyer ba/ sangs rgyas dang chos dang dge 'dun la
 mngon par dad pa/ bdag nyid sgrub par bya ba la gnas la/ bsod nams 'dod pa rnams kyis ji tsam du chung ba'i mar me phul ba'i bsod nams kyi phung po ji tsam du
 dpag tu med pa yongs su bzung bar gyur pa'i rnam par smin pa ni de bzhin gshegs pas mkhyen to// sha ri'i bu mar me 'bul ba chung zad cig phul bas/ mar me phul
 las mngon par grub pa'i bsod nams kyi phung po de'i rnam par smin pa ni/ sha ri'i bu de bzhin gshegs pa dgra bcom pa yang dag par rdzogs pa'i sangs rgyas ma
 togs par/ lha dang bcas tshangs pa dang bcas pa'i 'jig rten dang / dge sbyong dang bram zer bcas pa'i skye dgu bstan par mi nus so// sha ri'i bu sangs rgyas
 bcom ldan 'das rnams kyi yul ni bsam gyis mi khyab te/ sha ri'i bu mar me 'bul ba yongs su phul ba des/ bsod nams kyi phung po ji tsam tu dpag tu med
 grangs med pa yongasu bzung bar gyur pa'i don de ni de bzhin gshegs pas mkhyen te/ sha ri'i bu mar me de tsam du chung ngu phul ba'i rnam par smin pa'i yang dpag tu med na/
 gang gis de bzhin gshegs pa yongs su mya ngan las 'das pa'i de bzhin gshegs pa'i mchod rten la/ mchod pa khyad par can byed dam byed du 'jug ste/
 spos sam/ me tog phreng ngam/ gdugs sam/ ba dan rnams sam/ gang yang rung ba'i mar me'i phreng ba rnam pa mang pos mchod pa khyar bar can byed du 'jug pa lta smos kyang ci dgos/
 sha ri'i bu gzhan yang chos 'di bzhi ni dad pas rtogs par bya ba yin te/ bzhi gang zhe na/ sangs rgyas kyi chos rnams ni dpag tu med do snyam du dang pas rtogs par bya ba dang / dge ba'i
 rtsa ba ji ltar chung ngu'i rnam par smin pa yang dpag tu med par 'gyur ba dad pas rtogs par bya ba dang / dkon mchog gsum la dad pa'i las mngon par 'du byed pa'i rnam par smin pa
 gang yin pa de ston pa mthong ba nyan thos khyed kyis kyang rnam pa thams cad du bsam pa 'am/ yongs su bsam par nus na/ 'phags pa'i rig la mi nag gnas pa gzhan gang
 rnams kyi las kyi rnam par smin pa mngon gsum du shes pa 'am/ khong du chud par nus pa lta ci smos te/ de ni gnas med do// gzhan du na de ni dad pas rtogs par bya ba yin pa dang //
 sha ri'i bu nyan thos rnams kyis sems can thams cad kyi las kyi rnam par smin pa bsam pa 'am shes par mi nus te/ sha ri'i bu khyed rnams gnas 'di la bsam pa dang bral
 bar gyis shig/ de ci'i phyir zhe na/ sha ri'i bu sems can rnams kyi las kyi rnam par smin pa bsam gyis mi khyab po zhes de bzhin gshegs pas gsungs pa'i phyir ro// sha
 kyang sems can rnams kyi
 ri'i bu sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi rnam par smin pa bsam kyis mi khyab po ces gsungaso// sha ri'i bu ma 'ongs pa'i
 de bzhin gshegs pa dgra bcom pa yang dag par rdzogs pa'i sangs rgyas rnams kyang / sems can rnams kyi rnam par smin pa bsam gyis mi khyab pa nyid do zhes ston par 'gyur ro//
 sha ri'i bu sems can gyi bsam pa dang / sems dang lha mthong bsam kyis mi khyab ste/ dad pas rtogs par bya ba yin no// sha ri'i bu 'phags pa'i rigs la gnas pa khyed
 cag nyid kyang / sems can thams cad kyi shes pa de la/ mig dang mkhas pa la shes mi 'jug na sems ma dul ba/ tshul khrims dang / ting nge 'dzin dang / shes rab dang / rnam par grol
 ba dang / rnam par grol ba'i ye shes mthong ba dang bral ba/ brjed ngas pa/ ma rig pa'i mun bgam gi sgribs pa gzhan gang dag/ bdag cag ci zhig/ bdag ci 'dra ba zhig/ bdag
 gang nas/ bdag ci tsam zhig/ bdag ji lta bu zhig/ bdag ldan pa'i ngang tshul can nam/ bdag mi ldan pa'i ngang tshul can nam/ bdag rjed ngas pa'am/ bdag dran pa nye bar gnas
 pa 'am/ bdag mkhas pa'i las byed pa 'am/ bdag byis pa'i las byed pa 'am/ bdag gang nas 'ongs/ bdag gang du 'gro zhes rang gi chos la shes pa 'jug pa yang med pa rnams lta ci/
 thob/ sha ri'i bu byis pa so so'i skye ba'i bdag la shes pa 'dug pa yang med na/ phyin ci log gi lta ba can de las kyi rnam par smin pa shes par ga la 'gyur te/ de ni gnas med do// sha ri
 ting nge 'dzin dang bral ba ma yin
 bu de bzhin gshegs pa ni tshul khrims dang bral ba ma yin/ shes rab dang bral ba ma yin/ rnam par grol ba bral ba ma yin/ rnam par grol ba'i ye shes
 mthong ba dang bral ba ma yin/ rig pa dang bral ba ma yin no// sha ri'i bu de bzhin gshegs pa dgra bcom pa yang dag par rdzogs pa'i sangs rgyas ni tshul khrims dpag tu med pa'o// /
 tshul khrims 'chal ba med pa'o// tshul khrims bsam gyis mi khyab bo// tshul khrims gzhal du med pa'o// tshul khrims rdzogs pa'o// tshul khrims rnam par dag pa'o// de
 las dang las kyi rnam par smin pa yang dag pa ji lta ba bzhin du rab tu mkhyen to// sha ri'i bu ji ltar na de bzhin gshegs pa las dang las kyi rnam par smin pa yang dag pa ji lta
 ba bzhin du rab tu khyen ce na/ sha ri'i bu 'di la de bzhin gshegs pa 'di ltar rab tu mkhyen to// sems can 'di ni dge ba'i chos rnams yongs su zad cing / mi dge ba'i chos
 rnams kyis yongs su gang ba'o// sems can 'di ni dge ba'i chos rnams 'byung bar 'gyur zhing mi dge ba'i chos rnam 'gag par 'gyur ba'o// sems can de ni mi dge ba'i
 chos rnams skyes par 'gyur zhing / dge ba'i chos rnams 'gag par 'gyur ba'i zhes/ sha ri'i bu 'jug pa 'dis de bzhin gshegs pa sems can de dang de dag gis las
 dang las kyi rnams par smin pa rnam pa sna tshogs rjes su 'jug pa rab tu mkhyen to// sha ri'i bu de la sems can rnams blun pa yod cing mkhas pa med/ mkhyen pa de lta bu deng
 ldan pa/ mkhas pa de lta bu dang ldan pa ngas/ sems can rnams kyi las kyi rnam par smin pa bsam gyis mi khyab par lung ston to// sha ri'i bu de la gang dag dad pa de dag ni yid
 ches par 'gyur ba gang dag ma dad cing bstan pa 'di las nyams pa de dag ni smad par 'gyur zhing brtsod par 'gyur te/ de ni dag la yun ring por mi phan pa dang / don med pa dang / sdug
 bsngal ba dang / log par ltung bar 'gyur ba'o// sha ri'i bu de la sems can gang de bzhin gshegs pa'i mchod rten la/ mar me 'bul ba des mar me 'bul ba yongs su phul ba
 dang / nges par phul ba dang / dge ba'i rtsa ba bstsags pa'i las mngon par 'byas pa dang / rnam par smin pa'i 'bras bu bde ba 'dod pa dang / dga' ba dang mchog tu dga'
 ba dang ldan pa dang / dad pas yongs su phul ba bstsags pas/ tshe 'di nyid la sems can gsum thob te/ gsum gang zhe na/ de 'di snyam du sems te/ bdag gis de bzhin
 gshegs pa dgra bcom pa yang dag par rdzogs pa'i sangs rgyas la mchod pa byas te/ lus thob pa snying po ma/ snying po ma yin pa'i lus shes par byas la/ snying po sbyin
 par bya'o// snyam nas/ long spyod rnams la nyes dmigs can du shes te/ snying po med pa'i long spyod rnams la sbyin par byed pa 'di ni/ sha ri'i bu de bzhin gshegs pa'i mchod
 rten la mchod pa byas pa'i sems kyis nges par sems dang po'o// sha ri'i bu gzhan yang de 'di snyam du sems te/ bdag gi bsod nams kyi zhing bla na med pa/ yon gnas/
 sbyin pa mchog len pa po mchod pa byas pas/ bdag la sems can dmyal ba'i 'jigs pa 'am/ dud 'gro'i skye gnas kyi 'jigs pa 'am/
 gshin rje'i 'jigs rten kyi 'jigs pa med do// bdag gi 'gro bar 'gro ba de ni lnga'o ste/ mtho rigs thob pa 'am/ ma thob pa'am/ gzugs thob pa 'am/ longs spyod
 thob pa 'am/ byang chub thob pa'o snyam pa de ni/ sha ri'i bu de bzhin gshegs pa'i mchod rten la mchod pa byas pa'i sems kyi nges pa'i sems pa thob pa gnyis pa'o// sha ri'i bu
 gzhan yang de bzhin gshegs pa'i mchod rten la mar me dbul ba yongs su phul ba la yang dag par gnas pa yin de dag gi sbyin pa byin no// sa bdag gis bsod nams dag kyang
 byas so// bdag gis ser sna spangs so// snyam du de ltar rab tu shes shing / de 'di snyam du sems te dag ni sbyin pa po yin la bdag gis kyang sbyin pa byin no// snyam du de ltar sem
 shing gtong ba la yongs su gdung ba med/ brnyas pa med de/ sha ri'i bu de ni de bzhin gshegs pa'i mchod rten la mchod pa byas pa'i sems kyi nges par sems pa thob pa gsum
 pa'o// sha ri'i bu rigs kyi bu 'am rigs kyi bu mo de bzhin gshegs pa'i mchod rten la mar me dbul bas/ 'chi ba'i dus kyi tshe snang ba gsum thob te gsum gang zhe na dge legs
 byas pa mngon du 'gyur te/ dran pa thob ci dge ba rnams rjed par mi 'gyur te/ sha ri'i bu 'di ltar 'chi ba'i dus kyi tshe/ de bzhin gshegs pa la dge ba'i rtsa ba bskyed pa rnams rjes su
 dran pa 'di ni snang ba dang ba'o// sha ri'i bu gzhan yang de bzhin gshegs pa'i mchod rten la mchod pa byas sems can de 'chi ba'i dus kyi tshe dran par 'gyur te/ bdag gis sangs
 rgyas la mchod pa byas so zhes mchog tu dga' ba thob ste/ sha ri'i bu 'di ltar sangs rgyas rjes su dran dang bcas pa'i sems bskyed pa 'di ni snang ba gnyis pa'o// sha ri'i bu
 gzhan yang sems can de 'chi ba'i dus kyi tshe/ sems can gzhan sbyin pa btong ba mthong na de 'di snyam du sems te/ bdag gis mar me dbul ba phul lo// phyis kyang sbyin pa
 byin no snyam du de btong ba'i sems skyes shing / sdug bsngal kyi tshor ba rnams kyis mi 'phrog la/ de la chos rjes su dran pa de lta bu 'byung ste/ sha ri'i bu 'di ltar dag pa'i rtsa
 ba ji lta ba bzhin du yid la byed pa 'di ni snang ba thob pa gsum pa yin no// sha ri'i bu gzhan yang rigs kyi bu mo de bzhin gshegs pa'i mchod rten la mar me dbul ba de 'chi ba'i
 dus kyi tshe/ snang ba bzhi thob pa ste/ bzhi gang zhe na/ mdun na nyi ma'i dkyil 'khor 'chang ba mthong ba dang / mdun na zla ba'i dkyil 'khor 'char ba mthong ba dang / lha'i 'khor gnas
 ba mthong ba dang / de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs zhing byang chub mngon par rdzogs par sangs rgyas pa mthong
 ste/ de la bdag nyi dgus par byed pa la gnas shing / thal mo sbyar bar byed mthor ba ste/ sha ri'i bu de bzhin gshegs pa'i mchod rten la/ sar med dbul phul bas ci
 ba'i tshe/ snang ba 'di bzhi thob par 'gyur ro// bcom ldan 'das kyis de skad bka' stsal te bde bar gshegs pas de skad gsung nas/ de bzhin du
 ston pas gzhan yang 'di skad ces bka' stsal to// mtha' yas chos bdag drang srong chen po yi/ mchod rten rnams mkhas pa gang gis/ mar me phul ba byas pa'i las de yis//
 bde dang don dang brnyed pa mtha' yas thob/ de ni 'chi kar dran pa nyam mi 'gyur mar me 'phul ba 'ang bdag nyid mthong bar 'gyur/ zang zing med pa'i dga' ba bzhi yang thob//
 'chi ba'i dus tshe rmongs pa med par 'gyur/ kun nas snang ba dag kyang des shes te/ nyi ma dang zla ba'ang mthong bar 'gyur/ bye ba khrag khrig lha rnams des mthong 'gyur/ rmongs pa
 med par sangs rgyas chos kyang sla/ de la pha ma bu dang rtsa lag dang / 'khor rnams kyis bskor nas du na yang / de rnams la ni mngon du de mi phyogs/ de tshe nam yang dran pa nyams
 ma 'gyur/ de yis mdun na gzhal med khang mchog mthong / 'jig med lha'i bu mo rnams kyang mthong / skyed mos tshal kyang bzhi shin tu rgyan sdug cing / 'dod pa'i yon tan lnga
 ldan mthong bar 'gyur/ thub pa'i skyes mchog rnams la mchod byas pas/ des ni byang chub snying po bde gshegs dang / des ni bdag thal mo sbyar byas shing lha klu lha min rnams
 kyis mdun bdar mthong / gus dang bcas par 'jig rten 'dren pa mthong / de der phyir te bde bar gshegs mthong nas/ dga' bas de tshe spyan yang 'dren par byed/ de yis/
 gdugs tshed sbyar la gnang bar mdzod/ so so rnyed pa'i bde bas tshim gyur nas/ 'chi dus byas tshe sdug bsngal des mi myong / byang chub dam pa mchog la sems kyang dga'//
 de la 'chi ba'i 'jigs chen 'byung mi 'gyur mar me phul ba'i rnams smin 'di yin/ 'chi dus byes tshe dran pa nyams mi 'gyur/ de la phyogs rnams snang bar byed par 'gyur/ sngon
 can ma mthong gzugs bzang rnams kyang mthong / de ni shi nas 'tho rigs nges 'gro zhing / lha'i stan la de lus 'dug par shed/ rgyal ba la ni mchod pa byed pa'i tshe/ des ni
 kun nas lha mo rnam kyang mthong / sha ri'i bu de bzhin yang de bzhin gshegs pa'i mchod rten la mar me 'bul phul bas sum bcu rtsa gsum skyes nas/ lha'i bu de rnam pa lnga
 yongs su dag pa dang ldan par 'gyuraro// sha ri'i bu de rnam pa lnga yongs su dag pa dang ldan pa ji lta bu zhe na/ lus yongs su dag par 'gyur ba dang de lha'i mthu rgya chen po dang ldan
 par 'gyur ba dang / de'i dran pa dang shes rab yongs su dag par 'gyur ba dang / de'i rna bar sgra snyan pa thos par 'gyur dang / de'i 'khor yin bde ba mang ba dang ldan par 'gyuraro//
 bcom ldan 'das kyis de skad ces bka' stsal to// bde bar gshegs par de skad gsung nas/ de bzhin du ston pas gzhan yang 'di skad ces bka' bstsal to// drang srong
 mchod rten mar me bul bas ni/ de yid lus ni rab tu 'od gsal zhing / gzhan gyis mi tshugs dpal dang ldan pa dang / lha stong gi ni gtso bor de 'gyuraro// lha'i sgra dbyang
 snyan cing yid 'ong thos/ ji ltar lha gzhan de bzhin 'di yang mchog/ dran dang blo mchog dang ni ldan pa dang / 'khor mchog phun sum tshogs pa dang
 thob par 'gyur/ gang du lha'i bu der 'gro ba der/ de 'gro ba na lha kun 'dod par byed/ gang gis de lus 'di ltar 'od 'bar ba/ sngon gyi las kyi 'bras bu de 'dra'o//
 skyed mos tshal gyi bzhi ni shing gi ming / zla mchog ces bya gzhal med khang gi rgyan/ zla ba ji ltar kun nas gsal ba ltar/ de'i rnams de bzhin gsal ba yin/ mar
 me rab 'bar ji bzhin rnams gsal la/ yid 'ong dri dang phyogs rnams btong byed pa/ me tog gsal ba 'di ni ming ci zhes/ lha rnams ngo mtshar stong snyed 'dzin par
 'gyur/ de yi ba tshogs me tog de dag gis/ rgyan pa byas pas de dag mdzes par 'gyur/ bye ba khrag khrig lha'i nang na de/ nyi ma shar ba bzhin du rnam par mdzes/ sha ri'i bu
 de bzhin gshegs pa'i mchod rten la mar me dbul ba phul bas sum bcu gsum gyi lha'i nang du skyes nas/ lha'i bu de bdag yun ring ji srid gcig na 'chi 'pho'i chos
 su 'gyur ba bdag nyid kyi shes te/ lha'i bu de 'chi ba na rang gi 'khor dang / lha'i bu gzhan dag kyang chos kyi gtam gyis yang dag par dga' bar byas/ yang dag par 'dzin
 du bcug nas gnas de nas 'chi 'phos shi 'phos nas kyang log par ltung bar 'gro bar mi 'gyur te/ mi'i 'jig rten du skyes na yang rigs mchog tu btsun pa dad pa dang lta
 ba/ sangs rgyas 'byung ba dang ldan par skye bar 'gyuraro// gal te sangs rgyas mi 'byung ba zhig la bab na yang de sdig pa'i lta ba can ma yin zhing la mtshan du 'dzin pa dang bral
 ba'i rigs su skye bar 'gyur ro// bcom ldan 'das kyi de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad
 ces bka' stsal to// lha'i srid par bdag ni yung ring du/ gnas par 'gyur zhes de yi shes 'jug/ lha gtso de yis de yang rab tu shes/ gang tshe 'chi ba'i dus ni bab gyur pa/
 de tshe mtshan ma lnga ni 'byung 'gyur te/ bye ba phrag mang lnga dag der 'du zhing / de dag mngon sum de ni chos kyang ston/ bdag ni 'di nas ring por ma thogs 'chi/ srid pa thams
 cad mi rtag bde ba med/ gzhan dag 'chi zhing gzhan dag skye bar 'gyur/ kye ma bdag ni 'chi bar 'gyu ro zhes/ de ni dbus 'dug shin tu mi zad smra/ de'i mngag zhugs
 rnam dang de bzhin du/ lha gzhan du sdug bsngal nyams thag go/ des na bdag gi ltas ni lnga mthong nas/ de ring rang gi stan la dga' mi thob/ gnas de nang ni langs te 'gro
 bar byed/ gzhal med khang gi gnas su 'ang dga' mi skye/ bdag cag 'di mthong tha ma deng yin zhes/ den dbus 'dug shin tu ma zad de bzhin lha mang du ma mya ngan byed/
 de yang stan mchog ngan pa gang yin pa/ de ni lha'i bu mos blang te 'dul/ stan de mthong nas de ni rang stan la/ dga' ba thob par ma gyur de nas shis/ lha'i dbang po lnga
 gnas shi 'phos nas/ mi'i 'jig rten du ni mngon par 'gro/ de yi rang la yod pa'i dran mi nyams/ der yang bde bar 'gyur gyi sdug bsngal man/
 skyes nas tshe rabs rab tu dran gyur te/ skyes ma thag tu sngon gyi srid pashes/ nyon mongs rnams kyis bdag la gnod 'gyur zhes/ shin tu sdug bsngal der ni dga' med/ lha'i
 'jig rten thob pa'i dpal dran 'gyur/ mi'i 'jig rten la ni bde mi rnyed/ mtho rigs sdug bsngal mi yul smos ci dgos/ srid pa thams cad snying po med cing g.yo// gang /
 dang gang tshe lus thob gyur pa na/ de tshe de ni rab tu 'byung bar nges/ 'di yang de'i rnam smin 'gyur ba ste/ rnam rten spyod par nam yang mi 'gyur ro// de ni de'i mar me phul ba'i 'bras
 bu/ de dang der ni tshe rabs des dran 'gyur/ bya ba'i 'os men las ni de mi spyod/ gnod mi za bar de ni khyim nas byung / long bar mi 'gyur zhe 'ong mi 'gyur zhing / de'i mig ni med par
 'gyur ba yin/ nang can ma yin 'jigs rung dgra ldan min/ bla na por mi 'gyur mi shes mi 'gyur ro// mig gyur par ni nam yang mi 'gyur zhing / de yi mig ni na bar 'gyur ma yin//
 mi gcig ma yin khrog long mig ma yin/ de yi mig la mi gsal med par 'gyur/ mig ni rang bzhi gnag la rnam par gsal/ srid par de'i mig ni dag par 'gyur/ nor bu 'ong bzang /
 ltar ni don zhib rtogs/ bskal pa grangs med dag tu nam yang de'i/ sha'i mig ni yongs su nyams mi 'gyur/ de la mig nang dag ni mi 'byung ste/ mar me phul ba'i rnam smin de yin/
 de bzhin lag rtsis gzugs dang rtog ge rnam/ rtogs par khong chud bzod ldan 'jigs pa med/ de ni 'dzangs la blo dang ldan par 'gyur/ blo ni shin tu cha phrad don dam mthong /
 srid pa dag la byed pa med par lta/ rgyal ba'i bstan la snang ba thob par 'gyur/ de bzhin 'jig rten 'dren pa sangs rgyas mthong / mthong nas dad pas mchod pa rab tu byed/ gzugs
 kyi dngos po bzang dang mdzes par 'gyur/ mdza' gshegs dang ni rtsa lag skye bo dga'/ phyug cing stobs ldan nor ni mang bar 'gyur/ mi 'phyed 'khor ni phun sum tshogs pa thog
 ji ltar mer mes mun pa gsal nas su/ kun la 'od kyis snang ba khyab par lta/ de bzhin kun snang byas nas lhang nga'o// mun pa'i dbang du nges par de mi 'gro// sangs rgyas
 mchod rten la ni mi gang gis/ sems ni dad pas mar me phreng ba phul/ mar me phul bas sems ni rnam dag cing / de ni 'jig rten rig pa'i chog tu gsung / blta na sdug cing rab
 tu mdzes par 'gyur/ 'jig rten kun gyi dga' ba skye bar 'gyur/ ltad mo mi 'dod bkra shis 'dod ma yin// g.yon phyogs lam la de ni rten mi 'gyur/ de ni 'jig rten
 log lta gang dag dang / lam gol gang dag yin par der mi mos/ rgyal phan tsam gyis chog par de 'dzin cing / su dang yang ni 'thab tu 'gro mi byed/ tshe rab 'byung med mya ngan med
 par 'gyur/ de yi sems la yongs su yi chad med/ de yid ma ches par yang mi 'gyur la/ bsam pa ngan dang gnod pa byed pa med/ rgyal ba'i pho brang gang du de sba ba/
 rgyal po dang ni rgyal 'khor grags par 'gyur/ skya nad kyis ni nam kyang de mi thebs/ pha mar mi 'gyur mi ni 'gyur ma yin/ legs par gnas shing
 bde dang ldan 'gyur la/ de yi lus la nad rnams 'byung mi 'gyur/ rmi lam du ni sdig pa mi rmi la/ de ni ji ltar ston pa de tshe shes/ des ni yang dang yang du gter rnyed de/ bde
 gshegs mchod rten mchod pas de ltar 'gyur/ de bzhin gshegs pa'i mchod rten la mar me dbul ba phul ba'i sems can de ni 'dun pa bzhi thob ste/ bzhi gang zhe na/
 lus kyi 'dun pa dang / longs spyod kyis mdun pa dang / rigs btsun par skye ba'i 'dun pa dang / shes rab thob pa ste/ sha ri'i bu de bzhin gshegs pa'i mchod rten
 la mar me dbul ba phul bas bdun pa bzhi po de dag thob par 'gyuraro// bcom ldan 'das kyis de skad ces bka' stsal pa te/ bde bar gshegs pas de skad
 gsungs nas/ de bzhin du ston pas gzhan yang 'di skad ces bka' stsal to// drang srong chen po'i mchod rten mar me phul/ de yis lus rdzogs pa dang che stobs 'gyur/ de ni nam kyang rtsod
 ba ston mi byed/ dbang phyug tshugs pa med pa phyogs bcur spyod/ drang srong chen po'i mchod rten mar me phul/ rnam par grags par longs spyod ldan pa dang / yon tan mchod ldan rab mchog
 khyim du kye/ skyes nas cha rabs dran pa nyid du 'gyur/ g.yog 'khor phun sum tshogs pa mchog ldan 'gyur/ srog chags rnams la rtag tu snying rtse byed/ rtag tu mi 'tshe shin tu nges par
 'gyur/ rnam ltung 'gro ba'i khyim du de mi skye/ sha ri'i bu de bzhin gshegs pa'i mchod rten la mar me dbul ba phul bas/ yongs su dag par bzhi thob te/ bzhi gang zhe na/ lus
 yongs su dag pa dang / ngag yongs su dag pa dang / yid yongs su dag pa dang / 'dza' bshes yongs su dag pa'o// sha ri'i bu rigs kyi bu 'am rigs kyi bu mo de/ skye ba'i gnas de
 dang de dag du skyes pa na srog gcod pa spong bar 'gyur/ de srog gcod pa mi byed do// ma byin par mi len to// 'dod pa log par dben pa spong bar 'gyur te/ rang gi chung ma la yang log
 par mi sten no// 'bru 'chang dang / bcos pa'i chang btung ba spong bar byed do// sems can gang la yang / 'byug pa 'am mtshon nam/ bong ba 'am/ khu tshur ram/ mtshon char gyur pa gang yang
 rung bas rnam par 'tshe bar mi byed do// de sdig pa mi dge ba'i chos rnams las ldog par 'gyur ro// sha ri'i bu de dag na lus kyi yongs su dag pa zhes bya'o// de dag gi yongs su dag
 par smra bar spong ba yin te/ de mthong ba 'am/ ma thos pa rjod par ma byed la/ mthong ba dang ma thos pa dris pa yang dus ma yin par smra bar mi byed de/ de mthong ba 'am/ thos pa dris na yang dag par
 smra bar bya ste/ bdag gi don nam gzhan gyi don tu yang rung ste/ log par mi smra'o// gzhan dag gis brdzun du smra ba bcol ba'i tshe yang dag par shes na bden pa bsrung bar byed de/ ngag
 gis yongs su ma dag pa de dag spong bar byed do// de dag dbye ba'i phyir 'di nas thos pa ba gir mi stod/ de dag dbye ba'i phyir ba gi nas thos pa 'dir mi stod de/ mthun pa rnams ni
 bcug par byed cing / bye ba rnams la ni sdums byed do// de dag rtsub po spang ba yin te/ ngag gang zher 'debs pa/ brlang ba gzhan la brtsub pa/ gzhan la
 mi bden pa/ mi sdug pa/ mi 'dod pa mi dga' ba/ yid du mi 'ong ba/ gzhan la gnod pa/ khon du 'dzin pa'i ngag de lta spangs nas/ ngan snyan pa 'jam pa/ yid du 'ong ba/ bden pa/ rnar
 snyan pa/ snying du sdug pa/ 'dzam par 'gyur/ skye bo mang po 'gu ba/ skye bo mang po 'dod pa/ dga' ba/ yid du 'ong ba/ dgra thams cad rab tu zhi bar byed pa de lta bu'i ngag smra'o// de
 tshig kya la pa spang ba yin te/ de spang bar byed pa gzhan dang mi smar ba yin/ de bzhin gyi lag rtsis dang brda dang sbeng bar byed do// de mang du smra bar mi byed/ dus ma yin par smra bar mi byed la//
 mya ngan las 'das pa dang mi ldan pa'i tshig mi smra ste/ de ltar de dag gi las yongs su ma dag pa spong 'di ni/ sha ri'i bu ngag gi las yongs su dag pa zhes bya'o// de yid kyis yongs ma
 dag pa/ spong ba yin te/ de brnab sems su mi byed cing / de gzhan gyi nor dang / gzhan gyi rdzas dang / gzhan gyi yo byad dag la brnab sems mi bskyed do// de gnod sems mi byed do// gnod
 sems spong ba yin no// log par lta ba yang spong ste sdig pa'i lta ba can ma yin no// de ltar yid kyi las yongs su ma dag pa/ spong ba 'di ni yid kyi las yongs su dag pa zhes bya'o// mdza'
 ba shes yongs su dag pa yang thob ste/ gang dag brdzun du smra ba dang / 'bru'i chang dang / bcos pa'i chang btung ba spang ba dang / mi rngub pa dang / mi brlang ba dang / legs par sdom pa/
 dang / yang dag pa'i lta ba can de dag la rten cing gong du yang / sangs rgyas bcom ldan 'das rnams dang / byang chub sems dpa' rnams dang / rang sangs rgyas dang / nyan thos rnams la
 yang sten cing snyen bkur byed de/ sha ri'i 'di ni yongs su dag pa bzhi pa ste/ mdza' bshes yongs su dag pa zhes bya'o// sha ri'i bu de bzhin gshegs pa'i mchod rten la dbul ba
 phul bas/ yongs su dag pa bzhi po de dag thob par 'gyuraro// bcom ldan 'das kyis de skad ces bka' stsal te// bde bar gshegs pas/ de skad gsungs nas/ de bzhin du ston
 pas gzhan yang 'di skad ces bka' stsal to// rnam par sbyang phyir bde gshegs gsungs pa la// lus dang ngag dang yid kyis shin du snga mas/ lta ba ma rnyed tshul khrims rnam par dag/ de yi
 mig ni yid las byung ba yin/ mig bzhin phyogs rnams su ni shin du gsal/ de yis zag zad pa myur du shes/ de yid blo ni rdzu 'phrul che bar 'gyur/ lha mig rdul dang bral zhing zag pa
 med/ blo ldan de yis 'jig rten sems rnams dang / lha'i mngon shes so so rig pa shes/ 'dod na nyan thos byang chub rnyed mi dka'/ mar me phul ba'i rnam smin de yin no// drang srong
 chen po'i chod rten mar me phul/ gal te sangs rgyas byang chub 'dod na'ang sA/ blo ldan pa gsum chang nyams pa med/ shes rab mig ldan longs spyod chen por 'gyur/ sha ri'i bu/
 theg pa chen po la yang dag par zhugs pa'i rigs kyi bu 'am/ rigs kyi bu mos/ de bzhin gshegs pa'i mchod rten la mar me dbul ba phul na/ skye ba'i gnas de dang dag tu 'dun
 par 'gyur ba'i chos kyi mchog brgyad thob ste/ brgyad gang zhe na/ sha'i mig mchog thob pa dang / dran pa ltar mi mthong ba thob pa dang / bsgoms pa yongs
 su rdzogs pas nges par byed pa'i cha dang mthun pa'i lha mig mchog thob pa dang / shes rab yongs su rdzogs pas tshul khrims nyams pa med pa thob pa dang / sngon bsod nams legs
 par byas pas dal ba phun sum tshogs pa thob pa dang / sems can thams cad kyi mig tu gyur pas sangs rgyas 'byung ba mnyes par byed pa dang / sha ri'i bu rigs kyi bu 'am
 rigs kyi bu mos mar me phul ba'i dge ba'i rtsa ba des/ 'khor los sgyur ba'i rgyal srid 'thob pa ste de la yang zhe 'gras pa med pa'i yid dang ldan zhing / mchog tu lta na
 sdug par 'gyur ba 'am/ lha'i dbang po rgya byin rdzu 'phrul chen po thob cing mig stong dang ldan pa thob par 'gyur ba 'am/ tshangs pa'i gnas la mkhas pa'i tshangs par yang
 'gyur te/ grags pa'i bsam gtan thob par 'gyur ba ste/ dge ba'i rtsa ba byang chub tu yongs su bsngos pas/ 'dun par 'gyur ba'i chos kyi mchog brgyad pa de dag thob
 po// gzhan yang chos brgyad thob ste/ brgyad gang zhe na/ sangs rgyas kyi spyan dpag tu med pa thob pa dang / sangs rgyas kyi spobs pa dpag tu med pa thob pa dang / sangs rgyas
 kyi rdzu 'phrul dpag tu med pa dang / sangs rgyas kyi tshul khrims dpag tu med pa dang / sangs rgyas kyi ting nge 'dzin dpag tu med pa dang / sangs rgyas kyi shes rab dpag tu
 med pa dang / sangs rgyas kyi rnam par grol ba dpag tu med pa dang / sems can gyi sems dang / bsam pa dpag tu med pa la 'jug pa thob ste/ sha ri'i bu mar me phul
 bas de ltar rnam par smin pa dpag tu med pa yongs su bzung ba yin no// sha ri'i bu gzhan yang sems can gang dag de bzhin gshegs pa chos 'chad pa pa na/ kye e ma ho
 chos 'chang ngo // kye e ma ho chos rab tu ston to zhes/ mar me dbul ba 'phul ba'i mar me de/ til gyi mar mer rjesu bzung bas chos kyi mar me rjes su 'dzin par byed do// de mar
 me phul ba'i dge ba'i rtsa ba des tshogs dpag tu med pa brgyad thob ste/ brgyad gang zhe na/ dran pa'i tshogs dpag tu med pa dang / de bzhin du sbyar te/ blo gros kyi tshogs dang / dad
 pa'i tshogs dang / brtson 'grus kyi tshogs dang / shes rab kyi tshogs dang / ting nge 'dzin kyi tshogs dang / spobs pa'i tshogs dang / bsod nams kyi tshogs dpag tu med pa thob pa ste/
 tshogs dpag tu med pa brgyad po de dag thob par 'gyur/ so so yang dag par rig pa bzhi yang thob ste/ rim gyis thams cad mkhyen pa'i ye shes kyi bar du thob par 'gyur ro//
 sha ri'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas la nga deng pa'i sems kyis thal mo sbyar ba byas pa'i dge ba'i rtsa ba des// chos
 mchog tu byung ba brgyad thob te/ brgyad gang zhe na/ gzugs mchog tu byung ba thob pa dang / g.yog 'khor mchog tu byung ba thob pa dang / tshul khrims mchog tu byung ba dang /
 lha dang mi rnams su skye ba mchog tu byung ba dang / dad pa mchog tu byung ba dang / spobs pa mchog tu byung ba dang / kun nas nyon mongs pa med pa'i 'phags pa'i
 lam thos pa dang / bla na med pa yang dag par rdzogs pa'i byang chub tu mngon par rdzogs par 'tshang rgya'o// sha ri'i bu de ci'i phyir zhe na dpag tu med pa zhes bya zhe na/ de bzhin gshegs
 pa la mchod pa'i 'bras bu dpag tu med pa'i phyir te/ phan yon dpag tu med pa yin no// de nas de'i tshe bcom ldan 'das kyis 'di skad du/ brtsam byos mngon par 'byung bar bgyis/
 sangs rgyas bstan pa brtson par bya'o// 'dam bu'i khyim la glang chen bzhin/ 'chi bdag sde rnams gzhom par bgyis/ zhes ched du brjod pa'i de ched du rjod par mdzad do// de nas
 bcom ldan 'das kyis tshe dang ldan pa sha ri'i bu la bka' stsal pa/ sha ri'i bu chos lnga po 'di dag ni mchog tu rnyed par dka' ba ste/ lnga gang zhe na/ mir skye ba thob pa dang / de bzhin
 gshegs pa'i ston pa la rab tu 'byung ba dang / de la mngon par dga' ba dang / tshul khrims yongs su rdzogs pa dang / zag pa zad pa ste/ sha ri'i bu chos lnga po de dag ni sems
 can thams cad kyis mchog tu rnyed par dka' ba ste/ de dag ni khyed thams cad kyis thob zin no// bcom ldan 'das kyis de skad ces bka' stsal te/ bde bar gshegs pa de skad
 gsung nas/ de bzhin du ston pas gzhan yang 'di skad ces bka' stsal to// byang chub don phyir sems can phan 'dod pas gshegs mchod rten dbul ba'i 'dod bral bas//
 mkhas pa de yis byas pa'i las des ni/ tshe rab kun tu khyad par can du 'gyur/ 'di nas shi 'phos lha mis mngags pa yis/ yang srid dam pa de ni thob par 'gyur/ ri rab bzhin du de ni
 mi g.yo ba/ 'od zer dag gis phyogs kun snang zhing mdzes/ lha tshogs kyis mthong nas gus dang bcas/ mchog tu gus pas de la dga' ba skyed/ bstod pa byed cing de la mchod pa
 byed/ yang dang yang du lta bas ngoms pa med/ bsod nams mtshan byas de ni lhas mchod 'os/ tshangs pa'i gnas na tshangs pa mdzes pa 'dra/ ci yi las shig nges par 'di stan na/ gang
 gis de yis lus ni shin tu mdzes/ 'di na bsod nams mi 'dod su zhig yod// 'phags pa'i tshul khrims mkhas pa su mi ston/ thub pa mthong na lta bas mi ngom ste/ chos thos nas
 ni su zhig bag mi byed/ mi yi 'jig rten gnas tshe de yi ni/ bde gshegs rten la mar me phul byas shing / bde bar gshegs kyi stan la gnas bcas pas/ 'di na lha mchog rnyed
 ba legs par rnyed/ mi yi lus ni bdag gis thob gyur cig/ rgyal ba'i bstan la dad pa mchog thob shog/ gal te bag med gyur na lus 'dod gyi/ chos kyi dam pa 'dor bar
 yong ma 'gyur/ mi lus rnyed par dka' ba thob gyur nas/ blun rnams ci phyir rang gi don mi byed/ bde gshegs bstan la gnod byed sems ldan na/ shi nas g.yangs sa chen por
 ltung bar 'gyur/ de yi 'byor pa rgya chen lhas zos nas/ skyo ba skyes te smon lam 'debs byed pa/ mi yi lus ni bdag gis thob gyur cig/ legs ston gyur nas tshang spyod bdag ston
 shog/ 'chi ba'i dus byed tshe yang de bzhin du/ chos la phan zhing sems la bsal gyur cig/ lha stong byed pa lha mo rnams byas pas/ de ni bdag gis yin ces
 dga' bar byed/ lha'i bu mo yid 'od rgyar ba rnams/ skyed mos tshal bzhir de ni rtse byed 'jug/ yid du 'ong ba'i spos dang kun nas ldang / klung byangs snyan pa'i sgra yang thos par 'gyur/
 bsngags pa'i lha de gang dang gang 'gro ba/ de dang der na gzugs bzang rnams kyang mthong / mi sdug gzugs ngan nam kyang mi mthong ste/ rgyal ba'i mchod rten mar me 'phul bas 'gyur/
 de nas shi 'phos mi yi srid pa 'dir/ dran pa dang ldan zhing ma'i mngal na gnas/ btsas nas gang nas shi 'phos tshe rabs dran/ 'phags pa ye shes stobs las nyams mi 'gyur/ bde gshegs
 mchod rten mar me phul byas pas/ de yi las byas pa ni de nyid kyis/ 'khor los sgyur ba mi bdag stobs chen ldan/ yid 'ongs gzugs ldan blta na dga' bar 'gyur/ de'i las
 byas pa des tshe ring 'gyur/ gcig tu dag pa nyid kyi bde dang ldan/ de'i lus ni nad skye nyon mi mongs/ mar me phul ba'i rnam smin de yid no// bde bar gshegs la mar mes mchod
 mchod byas pas/ rkum pa'o gnod med rgyal po'i chad pa med/ bshed ma med cing chung ma byed po med/ de ni las kyi rnam kyang gtso mi 'gyur/ bde zhing lo legs gang du'ang
 'jig pa med/ rtag tu 'byor cing legs 'byor nor 'bru ldan/ de yid skyed mo tshal mchog 'phreng ba dang / tshal dang shin zan lo ma sna tshogs brgyad/ de yis 'jig rten gcu
 bo sangs rgyas mthong / mthong nas kyang ni mchog tu dga' 'gyur/ de dag rnams la gus par de mchod byed/ rgyal srid spang nas dge slong nyid la sten/ bsngags pa mtha' yas
 gzigs pa mtha' yas shing / mtha' yas blo ldan bde gshegs mchod rten la/ mar me phul bas mtha' yas blo ldan 'gyur/ mar me bzhin du phyogs rnams kun tu gsal/ mar
 me chen pos skyes mchog thub pa yi/ mchod rten gsal byas rnam dag mig gis ni/ byang chub rdul bral zag pa med pa thob nas/ de phyogs kun tu mar me bzhin du gsal/
 bde gshegs mchod rten mar me phul bas na/ rnam grol blo mnga' stobs bcu rnam ldan zhing / de bzhin ma 'dres chos kyi pha rol byon/ kun nas spyan ldan bde bar gshegs
 par 'gyur/ phyogs rnams dag ni bgrang byas 'jig rten khams/ gang dag ji snyed yod pa ma lus pa/ mar me lta bu mar me'i rgya yis ni/ ma lus pa dag rtag tu snang byas
 'gyur/ bdag nyid che la mar me 'bar phul bas/ mthu 'byung gang yin de ni de yin no// mar me 'dra ba dag la sems can kun/ lhag byas gal te mthu chen don dam mthong /
 rang rgyal rnams su gyur la de mchod phyir/ gcig 'gags mar me 'bar bar byas gyur la/ mar me snying po ri rab tsam byas shing / de yis 'jig rten ma lus snang byed la/ rnam pa
 de 'dras mtha' yas phyogs kun du/ gal te mar 'bar bar byed gyur la/ rang rgyal byang chub tu ni smon sems kyis/ skal pa brgya phrag mtha' yas 'bar byed pas/ gang zhig
 byang chub phyir ni smon sems kyis/ mchod rten mchog la rtswa med gsal byed na/ de bas de mchog 'bras bu ches che zhes/ don dam gzigs pa sangs rgyas
 rnams gzung ngo // phyogs bcu'i skye bo gang dag dpag med pa/ rang sangs rgyas nyid mngon par 'dod pa'i phyir/ re res de bzhin mar me rnams phul zhing / bskal pa grangs med de la
 dga' bar byed/ 'jig rten ched du bde gshegs nyid 'dod cing / gang zhig 'jig rten dam pa'i mchod rten la/ mar me dbul lam lan cig phyag 'tshal na/ de bas 'di bsod
 nams 'bras bu khyad par 'phags/ sangs rgyas spyod yul mthong dga' bsam mi khyab/ zos nas dad dang dga' ba skyed par byed/ dad med chos mchog ma thob byis pa
 rnams/ zhum zhum por ni shin tu byed par 'gyur/ de phyir 'jig rten kun mgon gang yin pa/ dag chos spyod yul na rnams rnyed dka' bas/ thub rnams spyan sngar shin tu dang sems
 kyis/ sangs rgyas nyid kyi ched du smon lam thob/ bcom ldan 'das kyis de skad ces bka' stsal nas/ tshe dang ldan pa sha ri'i bu dang / thams cad dang ldan pa'i 'khor de dang /
 lha dang mi dang lha ma yin dang / dri zer bcas pa'i 'jig rten yid rang ste/ bcom ldan 'das kyi gsungs pa la mngon par bstod do// 'phags mar med dbul ba zhes
 bya ba theg pa chen po'i mdo// rdzogs s+ho// / rgya gar gyi mkhan po brad nya bar ma dang / zhu chen gyi lo tsA ba ban de ye shes sde la sogs par sgyur cing zhus te/ gtan la bab
 pa'o// / shu lo ka sum brgyartsabacu drug// / rgya gar skad du/ ar+ya bud d+ha ma ku tan na ma ma hA yA na su tra na ma hA d+harma par+ya ya na// bod skad du/