<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F193: 'phags pa dga' ba can gyi mdo<br><table><tr><td>
<input type="button" onclick="location.href='tcompletep.php?id=F193&coll=F&volcur=0';" value="show page break" />
<td width=150><td>
<input type="button" onclick="location.href='tcompletel.php?id=F193&coll=F&volcur=0';" value="show line break" />

<td width=150><td>
<a href="tcompleteu.php?coll=F&id=F193&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ Ar+ya nan+ti ka su tra/ bod skad du/ 'phags pa dga' ba can gyi mdo// dkon mchog gsum la phyag 'tshal lo// 'di skad
 bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la/ dge slong stong nyis brgya lnga bcu'i dge slong gi dge 'dun chen pos yongs su bskor cing /
 mdun gyis bltas te/ thabs cig tu bzhugs nas chos ston te/ thog mar dge ba/ bar du dge ba/ ha tha mar dge ba/ don bzang po// tshig 'bru bzang po// ma 'dres pa/
 yongs su rdzogs pa/ yongs su dag pa/ yongs su byang ba/ tshangs par spyod pa yang dag par rab tu ston to// de nas yang de'i tshe dge bsnyen dga' ba can/ 'khor dge bsnyen lnga brgya
 dang rgyal po'i khab kyi grong khyer chen po nas byung ste/ bcom ldan 'das ga la ba der song ste/ phyin nas bcom ldan 'das kyi zhabs la mgo bos phyag 'tshal nas/ bcom ldan
 'das la lan gsum bskor ba byas te/ phyogs gcig tu 'dug go// de nas dge slong lnga brgya po de dag gis kyang / bcom ldan 'das kyis zhabs la mgo bos phyag 'tshal
 nas phyogs gcig tu 'khod do// phyogs gcig tu 'khod nas/ dge bsnyen dga' ba can gyis bcom ldan 'das la 'di skad ces gsol to// bcom ldan 'das de bzhin gshegs
 pa dgra bcom pa yang dag par rdzogs pa'i sangs rgyas mkhyen cing gzigs pas/ dge bsnyen gyi bslab pa'i bzhi lnga po gang dag bcas pa de dag las 'das par bgyid pa'i rnam
 par smin pa ji lta bur 'gyur/ de skad ces gsol ba dang / bcom ldan 'das kyis dge bsnyen dga' ba can la 'di skad ces bka' stsal to// dga' ba can khyod de bzhin gshegs
 ba la don 'di yongs su zhi bar sems pa gang yin pa de ni legs so legs so// khyod kyi blo rgya che ste/ sprod pa bzang po// spobs pa dge'o// dga' can de'i phyir nyes dmigs
 bcu zhes bya ba'i chos kyi rnam grangs bshad par bya yis/ legs par rab tu yid la zung shig dang ngas khyod la bshad par bya'o// bcom ldan 'das legs so zhes gsol nas/
 dge bsnyen dga' ba can bcom ldan 'das la nyan pa dang / bcom ldan 'das kyis dge bsnyen dga' ba can la 'di skad ces bka' stsal to// dga' ba can srog bcod pa'i nyes
 dmigs bcu ni 'di dag yin par rig par bya ste/ bcu gang zhe na/ 'di lta ste/ tshe 'di la kho na skyed pa dang / skye ba gzhan rnams su yang kho na dang rjes su 'brel bar 'gyur ba
 dang / skye ba mang po dag gis yid mi brten par 'gyur ba dang / sdig pa'i rmi lam mthong ba dang / bdag kyang 'jigs pa skye zhing sems can rnams kyang de la 'jigs pa skye ba dang /
 bde bar nyal yang sdug bsngal bar sad pa dang / sdig pa rnam par sems pa dang / rmongs pa dang bcas par 'chi ba'i dus byed pa dang / tshe thung bar 'gyur ba'i las byas shing
 bstsags pas lus zhig ste/ shi nas kyang ngan song ngan 'gro blar ltung ba sems can dmyal ba dag tu skye zhing / gal te 'di nas shi 'phos te 'dir mi rnams dang bskal
 pa mnyam par skyes na yang / de gang dang gang du skyes pa de dang der tshe thung bar 'gyur zhing / nad mang bar yang 'gyur te/ dga' ba can
 srog gcod pa'i nyes dmigs bcu po de dag yin par rig par bya'o// dga' ba can ma byin par len pa'i nyes dmigs bcu ni 'di dag yin pa rig par bya ste// bcu gang zhe na/
 khong chen por gyur pa dang / bag tsha ba chen por 'gyur ba dang / dus ma yin par 'gro bar 'gyur ba dang / phye ma 'bred kyi dus su 'gro bar 'gyur ba dang / sdig pa'i grogs
 pos yongs su zin par 'gyur ba dang / dge ba'i bshes gnyen gyis yongs su spangs par 'gyur ba dang / tshul khrims 'chal par 'gyur ba dang / chos kun
 gyis gnod par 'gyur ba dang / chad pas bcad pas gcod par 'gyur te/ longs spyod kyi 'phongs par 'gyur ba'i las byas shing bstsags pas lus zhig ste/ shi ba'i 'og
 ta ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te/ 'dir ni rnams dang skal ba mnyam par skyes na yang / de gang dang gang
 du skyes pa de dang der dbul por 'gyur ro// de'i longs spyod du 'gyur ba gang yin pa 'bad pa chen pos dngul zhing dri ma chags su rka lag gi mthus sgrubs pa de dag gnod pa lngas
 gnod par 'gyur te/ lnga po gang zhe na/ rgyal po dang / me dang / chu dang / bsgo skal spyod pa mi 'dza' ba dang / sbas pa de dag gis de'i chud za bar 'gyur te/ dga' can
 ma byin par len pa'i nyes dmigs bcu ni de dag yin par rig par bya'o// dga' ba can 'dod pas log par g.yem pa'i nyes dmigs bcu ni 'di dag yin par rig par bya'o// /
 bcu gang zhe na/ gang dag gi chung ma kha drangs pas de dag dang / de kho na dang bcas par 'gyur ba dang / chung ma dang brtsod par 'gyur ba dang / de mi dge ba'i chos mngon par 'phel
 ba dang / de'i dge ba'i chos yongs su 'grib pa dang / de bdag nyid ma zhi bar 'gyur ba dang / de'i bu dang chung ma ma srungs par 'gyur ba dang / de'i nor ma sbas ma bsrungs
 par 'gyur ba dang / de'i khyim ma sbas ma bsrungs par 'gyur ba dang / de'i srog ma sbas ma bsrungs par 'gyur ba dang / de'i 'dza' bshes dang / nye da dang / snag gi
 gnyen mtshams dang / blon po dag yid phebs par mi 'gyur ba dang / 'gran zla dang bcas par mi 'gyur ba'i las byas shing bstsags pa'i lus zhig ste/ shi nas ngan song
 ngan 'gro log par ltung ba/ sems can dmyal ba dag tu skye zhing gal te de nas shi 'phos te/ 'dir mi rnams dang bskal par mnyam par skyes nas/ gal te de bud med du
 gyur na/ 'bran zla dang bcas pa'i khyo rnyed par mi 'gyur ro// ci ste skyes par gyur na/ de'i bu dang / chung ma ma bsrungs par 'gyur te/ dga' ba can 'dod pas log
 bar g.yem pa'i nyes dmigs bcu ni de dag yin par rig par bya'o// dga' ba can rdzun smra ba'i nyes dmigs bcu ni 'di dag yin par rig par bya'o// bcu po gang zhe na/
 de'i kha nas rnag mnyam 'gyur ba dang / de'i bsrungs pa'i lha 'bang ba dang / mi ma yin pas glags rnyed par 'gyur ba dang / bden
 par smras kyang de'i tshig la ma dad par 'gyur ba dang / dgos pa byung yang 'di la mkhas pa rnams yongs su 'dri bar mi sems pa dang / yang dag pa ma yin pa'i mi snyan
 pas rgya cher grags par 'gyur ba dang / phyir ldang bar 'os pa ma yin par 'gyur ba dang / sdug bsngal zhing yid mi bde bar 'gyur ba dang / mi snyan par brjod pa mang bar
 'gyur ba'i las byas shing bstsags pas lus zhig ste/ shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te/
 'dir mi rnams dang bskal pa mnyam par skyes na yang / de gang dang gang du skyes pa de dang der mi snyan pa brjod pa mang por 'gyur te/ dga' ba can brdzun smra ba'i nyes dmigs
 bcu ni de dag yin par rig par bya'o// dga' ba can 'bru'i chang dang / bcos pa'i tshang bag med pa'i gnas kyi nyes dmigs sum cu rtsa lnga ni 'di dag yin par rig
 par bya ste/ sum cu rtsa lnga po gang zhe na/ tshe 'di la nor zad pa dang / nad rnams rgyas par byed pa dang / 'thab pa dang / brtsod pa bskyed pa dang / don med pa la blta
 ba dang / grags pa ma yin pa kun tu 'byung bar byed pa dang / shes rab nyams chung bar byed pa dang / longs spyod thob pa mi thob par 'gyur ba dang / longs spyod thob
 pa yongs su zad cing yongs su gdugs par 'gyur ba dang / gsad mi thub par 'gyur ba dang / de'i las kyi mtha' yongs su 'grib pa dang / mthu stobs chung bar byed
 par 'gyur ba dang / mar mi 'dzin par 'gyur ba dang / phar mi 'dzin par 'gyur ba dang / dge slong du mi 'dzin par 'gyur ba dang / bram zer mi 'dzin par 'gyur ba dang /
 rigs kyi gtso bo la bsnyen bkur med par 'gyur ba dang / sangs rgyas la mgus par 'gyur ba dang / chos la ma gus par 'gyur ba dang / dge 'dun la ma gus par 'gyur
 ba dang / bslab pa yang dag par bslabs pa la ma gus par 'gyur ba dang / tshul khrims 'chal bar 'gyur ba dang / dbang po'i sgo ma bsdams par 'gyur ba dang /
 bag med par bud med shin tu don du gnyer ba dang / nye da dang / snag gi gnyen mtshams dang / 'dza' shes dang / blon po dag gis spong bar 'gyur ba dang / skye bo
 mang po dag gi yid du mi 'ong bar 'gyur ba dang / skye bo mang po dag dang mi mthun par 'gyur ba dang / chos ma yin pa spyod par 'gyur ba dang / chos ma yin pa yongs
 su 'dzin par 'gyur ba dang / dam pa'i chos yongs su spobs par 'gyur ba dang / ngo tsha shes pa dang / khrel yod pa yongs su spong bar 'gyur ba dang /
 de mi 'dza' ba dang / gnas kyang mkhas pa rnams yongs su 'dri bar mi sems pa dang / bag med pa nyam bag tu spyod bar 'gyur ba dang / de bzhin gshegs
 pa'i gsung rabs la kun nas mi gnas pa dang / mya ngan las 'das pa las thag ring du 'gyur ba dang / smyon par 'gyur ba'i
 las byas shing bstsags pas lus zhig ste/ shi nas ngan song ngan 'gro log par ltung ba/ sems can dmyal ba dag tu skye zhing / gal te de nas shi 'phos te 'dir mi
 rnams dang bskal pa mnyam par skye na yang / de gang dang gang du skyes pa de dang der smon par 'gyur zhing / dran pa mi gsal bar 'gyur te/ dga' ba can 'bru'i tshang dang /
 bcos pa'i chang bag med pa'i gnas kyi nyes dmigs ni/ sum cu rtsa lnga po de dag yin par rig par bya'o// bcom ldan 'das kyis de skad ces bka' stsal to//
 bde bar gshegs pas de skad gsung nas/ ston pas gzhan yang 'di skad ces bka' stsal to// srog gcod rdeg dang 'ching ba rnam spangs te// sems can dag la phan
 cing snying rtse ba// bdag gi tshe skyabs dga' ba ji lta bar// de bzhin gzhan rnams kyi ni srog kyang srungs// sdug bsngal mang pos bostsags pa gzhan gyi nor/
 ma byin de la ming kyang bsam mi khyab// 'jig rten gyis ni mthong dga' 'bral 'gyur zhing // gzhan yang de bzhin phan pa gnas par gyis/ gzhan gyi bud med
 rgyan gyis brgyan pa dag/ me lce 'bar ba bzhin du yongs spangs la// rang gi chung ma rnyed pas chog par byos// 'dod rgyu 'dug dang 'dra ba ma spyod cing // bdag gi
 don dang gzhan gyi ched du yang / su yang shes bzhin brdzun dag ma smra bar// gzhan la mi gnod gzhan la mi gdung bar// brtags te 'jam po'i tshig gis smra
 bar gyis// chang 'thung ba la mngon par dga' ba'i mi// bdag la phan dang gzhan la bde mi nus// rmongs dang mdog ngan byed pa chad yin te// ji ltar ha wa'i
 dug bzhin de mi btung // srog chags mi gsod gzhan gyi nor mi 'phrog/ brdzun du mi smra chang yang mi 'thung zhing // gzhan gyi chung ma yid la mi 'dod pa//
 mtho ris gang 'dod khyim du 'jug pa bzhin// gos dkar gyon pa'i khyim pa rnams kyis ni// khyim na gnas pa'i bslab pA yin te// rgyal bas dgong rab tu byung
 rnams kyi// bslab pa bzhi'i chos ni rab tu bstan pa yin// de nas dge bsnyen dga' ba can/ bcom ldan 'das las chos kyi rnam grangs 'di thos nas/ dga'
 zhing mgu la yi rangs te/ rab tu dga' ba dang / bde ba dang / yid bde ba skyes nas/ stan las langs te/ bcom ldan 'das kyi zhabs la mgo bos
 phyag 'tshal te/ bcom ldan 'das la lan gsum bskor ba byas nas/ bcom ldan 'das kyis bka' stsal pa/ mngon par dga' zhing / rjes su yi rangs te/
 bcom ldan 'das kyi spyan snga nas song ngo // bcom ldan 'das kyis de skad ces bka' stsal pa/ dge slong de dag yi rangs te/ bcom ldan 'das kyis gsung
 pa la mngon par bstod do// 'phags pa dga' ba can gyi mdo rdzogs s+ho// /
 rgya gar gyi mkhan po shakya sing hA dang / lo tsa ba ban d+he byin gyi snying pos bsgyur te/ zhu chen gyi lo tsa ba ban de/ de btsan tras zhus nas gtan la phab pa'o//
 / rgya gar skad du/ yAr+ya kle mang ka ra ba ri brid tsha ba ra na ma ma hA yA na sU tra/ bod skad du/ 'phags pa
 bde byed kyis zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos
 pa'i dus gcig na/ bcom ldan 'das shAkya'i yul/ gser kya'i gnas na/ shAkya rnams kyi shing n+ya gro de'i kun dga' ra ba na/ dge slong lnga rgya'i
 dge slong gi dge 'dun chen po dang / thabs gcig tu bzhugs so// de'i tshe shakya'i bu bde byed ces bya ba ser skya'i gnas grong khyer chen po nas byung ste/ shing rgya
 gro da'i kun dga' ra ba ga la ba dang / bcom ldan 'das ga la der song ste phyin nas/ bcom ldan 'das kyi zhabs la mgo bos phyag 'tshal nas/ phyogs gcig tu
 'dug go// phyogs gcig tu 'dug nas/ de nas shAkya'i bu bde byed bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces
 gsol to// bcom ldan 'das byang chub sems dpa' chos du dang ldanan/ bla na med pa yang dag par rdzogs pa'i byang chub las phyir mi ldog par 'gyur/ tshogs chung ngus
 kyang skyes bu chen po'i mtshan sum cu rtsa gnyis mngon par sgrub par bgyid sangs rgyas kyi zhing nas sangs rgyas kyi zhing du 'chi bar bgyid/ rmongs pa ma mchis par 'gum pa'i dus
 bgyid par 'gyur/ skyes nas kyang mngon par shes pa lnga dang ldan par 'gyur/ mi khom pa thams cad rnam par spong zhing / khom par 'byor pa thob par 'gyur/
 gzungs kyang thob par 'gyur/ spobs pa thog pa ma mchis pa dang ldan par yang 'gyur/ phyir mi ldog pa'i chos dang ldan zhing / stong pa nyid la lhag par mos par yang
 'gyur/ rtag tu rab tu 'byung ba la mngon par dga' bar 'gyur// khyim nas kyang rtag ta tshangs par spyod pa la mngon par dga' bar 'gyur lags/ de skad ces gsol
 pa dang / bcom ldan 'das kyis shAkya'i bu gzhon nu bde byed la 'di skad ces bka' stsal to// rigs kyi bu khyod de bzhin gshegs pa la don 'di yongs su zhu bar sems pa ni/
 rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che'i don dang / lha dang mi rnams la phan pa dang
 bde ba'i phyir zhus pa yin te legs so legs so// de'i phyir rigs kyi bu khyod legs par rab tu nyon la yid la zung shig dang / ngas khyod la bshad do// byang chub